Dpal nag po chen po byin brlabs can gyi sgrub pa'i thabs

Resource ID	Ten4
Title	dpal nag po chen po byin brlabs can gyi sgrub pa’i thabs
Topics	Chadrupa
Sub-Topics	Sadhana
Author	Shavaripa
Associated Person	Atayavajra Khyungpo Neljor

དཔལ་ནག་པོ་ཆེན་པོ་བྱིན་བརླབས་ཅན་གྱི་སྒྲུབ་པའི་ཐབས་ཞེས་བྱ་བ།།
རྒྱ་གར་སྐད་དུ། མ་ཧཱ་ཀཱ་ལ་ཤྲི་ཨ་དྷིཥྛ་ཝ་ཏི་ས་ཏ་ན་མ།
བོད་སྐད་དུ། དཔལ་ནག་པོ་ཆེན་པོ་བྱིན་བརླབས་ཅན་གྱི་སྒྲུབ་པའི་ཐབས་ཞེས་བྱ་བ།
མྱུར་མཛད་མགོན་པོ་སྤྱན་རས་གཟིགས་ལ་ཕྱག་འཚལ་ལོ།
།དམ་པའི་ཆོས་ཚུལ་བཞིན་སྒྲུབ་པའི་སྒྲུབ་པ་པོ་ཆེན་པོས་མི་དང་མི་མ་ཡིན་པ་གནོད་པ་རབ་ཀྱིས་དགེ་བའི་བར་དུ་གཅོད་པ་བྱུང་ན། དགེ་སྦྱོར་ཉིད་ཀྱི་བར་ཆད་གསལ་བའི་ཕྱིར། དཔལ་མགོན་པོ་ནག་པོའི་སྒྲུབ་ཐབས་འདི་ལྟར་བྱ་སྟེ། གནས་དབེན་པ་བཟང་པོར་མགོན་པོ་ནག་པོ་ཆེན་པོའི་རྟེན་རྫས་དང་། མཆོད་རྫས་ལ་སོགས་པ་ཕྱི་རྟེན་ནང་རྟེན་དགོས་པའི་ཡོ་བྱད་བསགས་ལ་མཎྜལ་ལེགས་པར་བྱས་ཏེ། མེ་ཏོག་ཚོམ་བུ་དང༌། མཆོད་རྫས་དང་རྟེན་རྣམ་དག་བཀོད་ནས། ཙན་དན་བེར་ལ་དར་ནག་གདགས། རང་སྟན་བདེ་བ་ལ་ཤར་དུ་ཕྱོགས་པར་འདུག་སྟེ། རང་ཡི་དམ་ལྷའི་གཞུང་བཞིན་དུ་འཚམས་གཅད་པ་དང༌། བྱིན་གྱིས་བརླབ་བྱའི་རྫས་་་
་་་སྦུབ་པའི་སྟེང་དུ་གཏོར་ཆེན་བཞག་ལ། མགོན་པོ་འཁོར་དང་བཅས་པ་ལ་གཏོར་ཆེན་དབུལ། འདོད་དོན་ཞུ་བའི་གསོལ་བ་གདབ། གཏོར་མ་རྔ་ལ་སོགས་པའི་སྒྲ་དང་བཅས་པས་གཏང་ངོ་། །མགོན་པོ་རང་བཞིན་གྱི་གནས་སུ་གཤེགས། འཁོར་གྱི་གཏོར་མ་བཏང་ངོ༌། །གཏོར་ཆེན་གྱི་གཏོར་མ་བཏང་ཟིན་པ་དང་། གླ་ང་ཁ་སྦྱར་བ་དབྱེ། སོལ་བ་དེ་ས་ཡིས་ཁ་མནན། ནང་པར་ཆགས་ལ་ཆུ་ལ་གདབ། ཡང་ན་རླུང་ལ་ཕྱར་བཏང་། སྦྱིན་བསྲེག་ལག་ལེན་ནོ། །ཨྀཐི།
།དཔལ་ནག་པོ་ཆེན་པོ་འདི། ནག་པོ་གཞན་གང་བས་ཀྱང་བྱིན་བརླབས་མྱུར་ལ་ཆེ་བས། སྒྲུབ་པ་པོ་བཀྲ་ཤིས་ལ་བསམས་པ་འགྲུབ། སྤྱིར་སྔགས་ཐམས་ཅད་ནས་རྡོ་རྗེ་སློབ་དཔོན་ལ་དུས་རྟག་ཏུ་བསྙེན་བསྐུར་བྱ་བ་ལ་སོགས་པའི་དམ་ཚིག་བསྲུང་དགོས་པ་རྣམས། འདི་སྒྲུབ་པ་པོས་ཀྱང་བསྲུང་ཞིང་། སྒྲུབ་པ་བྱས་ན། ཐུན་མོངས་དང་མཆོག་གི་དངོས་གྲུབ་ཐོབ་བོ། །དཔལ་ནག་པོ་ཆེན་པོའི་སྒྲུབ་ཐབས། དཔལ་བདེ་མཆོག་སྙིང་པོ་ཤ་བ་རི་པ་ཆེན་པོས་མཛད་པ་རྫོགས་སོ།།
།།རྒྱ་གར་གྱི་པཎྜི་ཏ་ཨ་ཏ་ཡ་བཛྲ་མི་མཉམ་རྡོ་རྗེ་དང་། བོད་ཀྱི་ལོཙྪ་བ་ཕུར་བུ་འོད་ཤངས་པ་དུ་གུ་ལུང་པ་ཀྱིས་བསྒྱུར་ཅིང་ཞུས་ཏེ། གཏན་ལ་ཕབ་པའོ།
།དཔེ་འདི་ལ་ཤིན་ཏུ་དམ་པའི་བཀའ་རྒྱས་བཏབ་བོ།
།དཔལ་འབྱོར་ལྷ་མཛེས་ལྷའི་དབང་པོ་དང༌། །འདྲ་ཞིང་རྣམ་སྤྱོད་བ་གམ་མཐོ་བ་ཡི། །ཕྱག་དཔེ་དགོས་འདོད་རིན་ཆེན་ཕྲེང་བ་འདི། །གུ་རུ་ར་བྷ་ཊ་ཁྱུང་པོ་བཟང་པོ་བདག་གིས་བཟབས་པ་ལགས།། །།