Be bum gyi dkar chag

Resource ID	Gönkar1
Title	be bum gyi dkar chag
Alt. title	dpal ldan shangs pa bka' brgyud pa'i bka' srung thun mong ma yin pa mgon dkar yid bzhin nor bu'i skor tshang bar
Topics	White protector
Author	Sangyé Püntsok

༄༅། །དཔལ་ལྡན་ཤངས་པ་བཀའ་བརྒྱུད་པའི་བཀའ་སྲུང་ཐུན་མོང་མ་ཡིན་པ་མགོན་དཀར་ཡིད་བཞིན་ནོར་བུའི་སྐོར་ཚང་བར་བཞུགས་སོ།

བླ་མ་མགོན་པོ་དབྱེར་མེད་ལ་ཕྱག་འཚལ་ལོ།
།དཔལ་ལྡན་ཤངས་པ་བཀའ་བརྒྱུད་ལ་བརྒྱུད་པ་རིན་ཆེན་སྣ་བདུན་དུ་གྲགས་པའི་བརྒྱུད་པ་གསུམ་པ་གྲུབ་ཐོབ་ཁྱུང་པོ་རྣལ་འབྱོར་ཚུལ་ཁྲིམས་མགོན་པོའམ་ཤངས་པ་གདུ་བུ་པ་ཞེས་མཚན་གྱི་རྣམ་གྲངས་དུ་མ་དང་ལྡན་པའི་སྐྱེས་བུ་ཆེན་པོ་དེ་ལ། གྲུབ་ཐོབ་རཱ་ཧུ་ལ་གུཔྟ་བཛྲ་གྱིས་བོད་ཡུལ་དབུས་ཀྱི་འཕན་ཡུལ་འཇོག་པོ་རིར་ཆོས་སྒོ་སྐྱེལ་དུ་བྱོན་པའི་ཤངས་པའི་གསེར་ཆོས་མགོན་དཀར་བཀའ་རྒྱ་མའི་སྐོར། རང་གིས་མོས་པ་དང་ཇི་ལྟར་རྙེད་པ་དཀར་ཆག་ཏུ་བཏབ་སྟེ་བསྒྲིགས་པ་འདི་ལྟ་སྟེ། ཐོག་མར་ལུགས་འདི་རྒྱུད་གང་ལ་བརྟེན་ནས་མགོན་པོ་ཁྲོས་པའི་རྒྱུད་ལེའུ་བརྒྱད་པ་ལ་བརྟེན་པར་གསུངས་ཤིང༌། ལུགས་འདིར་རྒྱ་གཞུང་ལྷ་བུའི་སྙན་བརྒྱུད་ཡི་གེ
།ཁྱུང་པོ་རྣལ་འབྱོར་པས་མཛད་པའི་སྒྲུབ་ཐབས། བསྟོད་པ་བྱིན་རླབས་ཅན། མགོན་པོའི་ལོ་རྒྱུས། གཏོར་ཆོག །མཆོད་འབུལ། སྐོང་བ། རྗེས་གནང་གི་ཡི་གེ་རྙིང་པ་མཎྜལ་གཏོར་མའི་ཞལ་གདངས་ཅུང་ཟད་དང་བཅས་པ། ལས་ཚོགས་ཐུན་མོང་མ་ཡིན་པ། གཏེར་བུམ་བཅའ་ཐབས། དབང་སྡུད་འཁོར་ལོ། སྦྱིན་སྲེག །ཡང་བུམ་པའི་ཞལ་གདམས་རྒྱས་པ། བསྟོད་པ། རབ་གནས་ཀྱི་ཞལ་གདམས་ཏེ། དེ་རྣམས་ཡི་གེ་རྙིང་པའི་སྐོར་རོ།
།ཡི་གེ་ཕྱི་མ་གྲུབ་མཆོག་ཚར་ཆེན་ཆོས་ཀྱི་རྒྱལ་པོས་མཛད་པའི་སྒྲུབ་ཐབས། འཇམ་དབྱངས་ཀུན་དགའ་གྲོལ་མཆོག་གིས་མཛད་པའི་སྒྲུབ་ཐབས་རྗེས་གནང༌། མཁན་ཆེན་ངག་དབང་ཆོས་གྲགས་ཀྱིས་མཛད་པའི་སྒྲུབ་ཐབས་རྗེས་གནང༌། བདག་གིས་བྲིས་པའི་སྒྲུབ་ཐབས། སྦྱིན་སྲེག །འདོད་དོན་གསོལ་གདབ། བརྒྱུད་འདེབས་རྣམས་དང༌། བརྒྱུད་པ་འདིའི་གསོལ་འདེབས་བྱིན་རླབས་ཆེ་ཤོས་ན་མོ་བུདྡྷའི་གསོལ་འདེབས་རྣམས་བཞུགས་སོ།།