Difference between revisions of "Mgon po phrin las rat+na'i bang mdzod"

From Shangpa Resource Center
 
(9 intermediate revisions by the same user not shown)
Line 7: Line 7:
 
|SubTopics=Sadhana,Fulfilling offering
 
|SubTopics=Sadhana,Fulfilling offering
 
|Author=Jamgön Kongtrül Lodrö Thayé
 
|Author=Jamgön Kongtrül Lodrö Thayé
 +
|BDRC link=[https://www.tbrc.org/#library_work_ViewByOutline-O01DG1049095019%7CW23922 BDRC W23922]
 +
|TranslationFileFR=Gönkar_com_scv4p911.pdf
 +
|TranslationAccessLevel=lama
 
}}
 
}}
−
<span class="main_text">༄༅། །དཔལ་ཡེ་ཤེས་ཀྱི་མགོན་པོ་ཡིད་བཞིན་ནོར་བུའི་བསྙེན་སྒྲུབ་ལས་གསུམ་སྐོང་གསོལ་བཅས་པའི་ཕྲིན་ལས་རཏྣའི་བང་མཛོད་ཅེས་བྱ་བ་བཞུགས་སོ།། རིན་ཆེན་འབར་བའི་རྒྱ་ཅན།<br />ཤྲཱི་ཛྙཱ་ན་སྱ་ནཱ་ཐ་ཙི་ནྟ་མ་ཎི་ཤྲ་ཐི་སཱ་དྷྱ་ཏྲི་ཀ་རྨ་པཱུ་རཱ་ཧ་ས་ཧ་ཀ་རྨ་རཏྣ་ཀོ་ཥ་ནཱ་མ་བི་ཧ་ར་ཏི་སྨ།<br /><br /><span class="tibetan_small">།ན་མོ་གུ་རུ་ཙྪིནྡ་མ་ཎི་ནཱ་ཐ་ཡ། </span><br /><span class="tibetan_small">མཆོག་ཐུན་ནོར་བུའི་གྲུ་ཆར་འབེབས་པ་ཡི། །རྣམ་ཐར་ཕྲིན་ལས་རྫོགས་ལྡན་སྤྲིན་གྱི་གདུགས། །འགྲོ་ཁམས་ནམ་མཁའི་མཐའ་ཀླས་རབ་བཀོད་པ། །ཁྱབ་བདག་བླ་མ་མྱུར་མཛད་མགོན་པོས་སྐྱོངས། །གསོལ་བཏབ་ཙམ་གྱིས་འདོད་རྒུའི་དབྱིག་མཆོག་གིས། །རེ་བའི་ཤིང་རྟ་བཀང་ལ་ཟླ་མེད་པ། །ཡིད་བཞིན་ནོར་བུའི་ཕྲིན་ལས་ནོར་གྱི་མཆོག །མོས་ལྡན་སྙིང་གི་བཅུད་འདི་བྱི་དོར་བྱ། །མཁས་གྲུབ་ཡོངས་ཀྱི་སྤྱི་རྗེ་ཁྱུང་པོ་རྣལ་འབྱོར་ཞལ་སྔ་ནས་བྱོན་པའི་གསེར་ཆོས་སྐོར་ལྔའི་ཡ་གྱལ་བཀའ་སྲུང་མགོན་པོའི་སྐོར་ལ་ཞི་བ་ནོར་སྒྲུབ་དང་དྲག་པོ་མཐུ་སྒྲུབ་གཉིས་རྩ་བར་གྱུར་པ་ལས། </span><br /><span class="tibetan_small">དང་པོ་ལའང་ཞི་རྒྱས་དབང་དང་ཚེའི་སྒྲུབ་པ་སོགས་མང་དུ་བཞུགས་བའི་ནང་ནས་གཙོ་བོར་གྱུར་པ་མགོན་དཀར་ཡིད་བཞིན་ནོར་བུའི་གཞུང་དང་ཞལ་གྱི་གདམས་པའི་ཡིག་ཆ་དུ་མའི་ཉམས་ལེན་སྙིང་པོར་དྲིལ་བ་འདི་ལ་སྤྱི་དོན་ལྔ། སྒྲུབ་པ་པོས་གང་ཟག་བསྙེན་སྒྲུབ་ཀྱི་ཉམས་ལེན། གཏོར་ཆོག་སྐོང་གསོའི་ཕྲིན་ལས། གལ་པོ་ཆེའི་ལས་སྦྱོར། སྲེག་བླུགས་ཀྱི་ཆོ་ག་བྱ་བའི་ཚུལ་ལོ། </span><br /><span class="tibetan_small">།དང་པོ་ནི། སྤྱིར་འཁོར་བ་ལ་ངེས་འབྱུང་དང་ལྡན་པས་ཚེ་འདིའི་དཔལ་འབྱོར་དོན་གཉེར་གཙོ་བོར་གྱུར་པ་མ་ཡིན་པ། ཐུན་མོང་ལམ་གྱིས་རྒྱུད་སྦྱངས་ཤིང་རྡོ་རྗེ་ཐེག་པའི་ལམ་ལ་མོས་པ། ཁྱད་པར་མགོན་པོ་འདི་ཉིད་ལ་མི་འཕྲོག་པའི་དད་མོས་དང་ལྡན་པ། རབ་ཤངས་ལུགས་རྒྱུད་སྡེ་ལྔ་ལྟ་བུ། མ་བྱུང་ཡང་བླ་མེད་བདེ་དགྱེས་ལྟ་བུའི་དབང་བཞི་རྫོགས་པར་ཐོབ་ཅིང་། བྱེ་བྲག་མྱུར་མཛད་མགོན་པོའི་གཏོར་དབང་བར་ཆད་ཀུན་སེལ་ཐུན་མོང་དང་ཐུན་མོང་མ་ཡིན་པ་སོགས་སྤྱི་དང་བྱེ་བྲག་གི་བཀའ་རྣམས་དང་། འདི་ཉིད་ཀྱི་བྱིན་རླབས་ལེགས་པར་ཐོབ་ཅིང་དམ་ཚིག་ལ་གནས་པ་ཞིག་གལ་ཆེ། སྔོན་དུ་རྩ་བའི་མགོན་མཐིང་གི་བསྙེན་པ་རྫོགས་ནས་གསོལ་བ་ཡུན་རིང་གདབ། གདོད་འདི་ལ་འཇུག་པར་གསུངས་པ་བཞིན་མགོན་མཐིང་བསྙེན་པ་རྒྱས་བསྡུས་གང་རུང་ཞིག་སྔོན་དུ་སོང་ནའང་གལ་ཆེའོ། </span><br /><span class="tibetan_small">།གཉིས་པ་ལ་གསུམ། སྦྱོར་བ། དངོས་གཞི། རྗེས་སོ། </span><br /><span class="tibetan_small">།དང་པོ་ནི། འདི་ཉིད་ཆེད་དུ་སྒྲུབ་ན་དམ་ཚིག་གི་བྲིས་སྐུ་ཤིན་ཏུ་གལ་ཆེ་བས། ལྷ་བཟོ་དབང་པོ་ཚང་ཞིང་ཕྱུག་ལ་སྡོམ་ལྡན་ཞིག་གིས་ཚེས་བཟང་པོ་སྐར་མ་རྒྱལ་དང་ལྡན་པའི་སྔ་དྲོའི་ཆ་ལ་བྲི། རབ་གནས་བཅས་ཉིན་རྫོགས་ཐོན་ན་མཆོག་ཡིན་ཀྱང་མ་གྲུབ་ནའང་སྐྱོན་མེད། གྲི་ཁྲག །སིནྡྷུ་ར། བླ་མ་བྱིན་རླབས་ཅན་གྱི་གདུང་། རིན་པོ་ཆེའི་ཕྱེ་མ་རྣམས་ལ་རྩ་སྔགས་བཅུ་གསུམ་མ་སྟོང་ཕྲག་བཟླས་པ་སྐྱ་ཞལ་གྱི་གསེབ་ཏུ་བྱུགས། དེ་ནས་སྐུའི་ཚད་གཞལ་ལ་སྐུའི་ཁྱོན་ཇི་ཙམ་ཡོད་པའི་ས་ལ་རྩ་སྔགས་བཅུ་གསུམ་མ་ཤོང་ཚད་བྲི། དེའང་གསེར་གྱིས་བྲིས་ན་ཚོན་ལ་མི་གནོད་པས་ལེགས། དེ་སྟེང་མགོན་པོ་ཡིད་བཞིན་ནོར་བུའི་མངོན་རྟོགས་ལྟར་བྲི། རྟེན་འབྲེལ་གྱི་གནད་གཅིག་ཡིག་རྙིང་ལྟར་བྱ། རབ་གནས་སྤྱི་དང་མཐུན་པ་ལས་ཡེ་ཤེས་པ་འགུགས་བསྟིམ་བརྒྱ་རྩ་ཡན་བྱ་ཞིང་། ཡིད་ལ་འདོད་རྒུ་འབྱུང་བའི་གསོལ་བ་ཡུན་རིང་དུ་གདབ་པ་གནད་ཆེ། སྐུ་རྟེན་ཆེ་ཆུང་ལ་ཁྱད་པར་མེད་ཅིང་ཐ་ན་ཙཀླི་ཙམ་ཡིན་ཀྱང་ཆོ་ག་དེ་ལྟར་གྲུབ་ན་མཆོག་ཡིན་ཅིང་། རབ་གནས་གྲུབ་ནས་གཞན་གྱིས་མི་མཐོང་བའི་ཞལ་ཁེབས་བྱའོ། །དེ་ནས་ཡར་ངོ་འགྲུབ་སྦྱོར་དང་ལྡན་པ་ལྟ་བུའི་དུས་བཟང་པོ་ལ། གནས་དབེན་ཅིང་བྱིན་རླབས་དང་ལྡན་པ་བྱི་དོར་བྱས་བླ་བྲེ་འཕན་གདུགས་སོགས་ཀྱིས་བརྒྱན། དཀོན་མཆོག་གི་རྟེན་སྤྱི་དང་བྱེ་བྲག་དམ་ཚིག་གི་བྲིས་སྐུ་བཀྲམས་པའི་མདུན་དུ་སྟེགས་གཙང་མ་ལ། རྡུལ་ཚོན་ནམ་རས་བྲིས་ཀྱི་མཎྜལ་ཟླུམ་པོ་མུ་ཁྱུད་དཀར་པོས་བསྐོར་བའི་དབུས་སུ་ཆོས་འབྱུང་དཀར་པོ། རེ་ཁཱ་དམར་པོ། གྲུ་ཆད་ལྗང་གུ། ཆོས་འབྱུང་དབུས་སུ་ཉི་གདན་ལ་ཚོམ་བུ་དཀར་པོ་བཀོད་པ་བཞག །དེའི་སྟེང་དུ་རིན་པོ་ཆེའི་སྣོད་དུ་འབྲུ་གཙང་གི་ཕྱེ་ལ་མར་དང་མངར་གསུམ་སྨན་སྣ་རིན་ཆེན་ཕྱེ་མ་སོགས་བསྲེས་པ་ལ་རྟེན་གཏོར་རྩེ་གྲུ་གསུམ་ཧ་ཅང་མི་རྣོ་བ། སྨད་ཟླུམ་པོའི་དབྱིབས་ཅན་ཐེབས་ཀྱུས་བསྐོར་བ། མདོག་དཀར་པོ་ཅན་བྱེད་པ་གཞུང་གི་དགོངས་པ་ཡིན་ཅིང་མཆོག་སྒྲུབ་གཙོར་བཏོན་ལ་དེ་ལྟར་བྱ། དེང་སང་ནོར་སྒྲུབ་གཙོར་བྱེད་པ་ལ་དགོངས་ནས་གོང་མའི་ཕྱག་རྒྱུན་དུ་ཟན་ཟླུམ་པོའི་སྟེང་དུ་ཟན་རིལ་སུམ་ཚོམ། དེའི་སྟེང་དུ་ཟླུམ་པོ་རྩེ་མོ་ཅན་ཛཾ་བཤོས་འདྲ་བ་ཞིག་བཀོད་པས་ཕྱོགས་གང་ནས་བལྟས་ཀྱང་ནོར་བུ་མིག་གསུམ་དུ་འོང་བ་ཞིག་བྱེད། གང་ལྟར་ཡང་ནོར་བུའི་རྒྱན་སོགས་ཀྱིས་ལེགས་པར་བརྒྱན་ཅིང་འཛོམ་ན་མདའ་དར་སྐུ་རྟེན་བཅས་བཙུག་ལ་མཉྫི་ལ་བཀོད། དེའི་མདུན་དུ་འབུལ་གཏོར་ཟླུམ་པོ་དཀར་མངར་ཟས་སྣ་བཟང་དགུས་བརྒྱན་པ་དང་ཉེར་སྤྱོད་སྨན་ཕུད་རྣམས་ཀྱང་ལེགས་པར་བཤམ་མོ། </span><br /><span class="tibetan_small">།གཉིས་པ་དངོས་གཞི་ལ་གཉིས། འདོན་བྱ་དང་། དམིགས་གནད་ལག་ལེན་ནོ། </span><br /><span class="tibetan_small">།དང་པོ་ནི། སྟན་བདེ་བར་མདུན་རྟེན་དང་ཞལ་སྤྲོད་དུ་བསམ་གཏན་གྱི་སྤྱོད་ལམ་དང་ལྡན་པས་འཁོད་དེ། ཡི་དམ་གྱི་ང་རྒྱལ་དང་ལྡན་པས་ནང་མཆོད་བྱིན་གྱིས་བརླབ་པ་ནི།</span> <br />ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ་<span class="tibetan_small">ཀྱིས་བསངས།</span> ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷ་བ་ཤུདྡྷོ྅ཧཾ་<span class="tibetan_small">གིས་སྦྱངས།</span> <br />སྟོང་པའི་ངང་ལས་ཡཾ་ལས་རླུང་། རཾ་ལས་མེའི་སྟེང་དུ་ཨཱཿལས་ཀ་པཱ་ལ་ཤ་ལྔ་བདུད་རྩི་ལྔས་ཡོངས་སུ་གང་བ་ཧཱུྃ་བྷྲཱུཾ་ཨོཾ་ཛྲིཾ་ཁཾ་རྣམས་ཀྱིས་མཚན་པ། རླུང་གཡོས་མེ་སྦར་རྫས་བཅུ་ཡི་གེ་དང་བཅས་པ་ཞུ། སངས་རྒྱས་རྣམས་ཀྱི་ཐུགས་ཀ་ནས་བདུད་རྩི་སྤྱན་དྲངས་ཏེ་ཐིམ་པས་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། <br />ཨོཾ་ཨཱཿཧཱུྃ་ཧ་ཧོཿཧྲཱིཿ <span class="tibetan_small">ལན་གསུམ་གྱིས་བྱིན་བརླབས་པས། གནས་ཁང་མཆོད་རྫས་གཏོར་མ་རྣམས་ལ་གཏོར།</span> <br />ཨ་མྲྀ་ཏ<span class="tibetan_small">ས་བསང་།</span> སྭ་བྷཱ་བ<span class="tibetan_small">ས་སྦྱང་།</span> <br />སྟོང་པའི་ངང་ལས་བྷྲཱུཾ་ལས་བྱུང་བའི་གཞལ་ཡས་ཁང་གི་དབུས་སུ། ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཧཱུྃ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་ནམ་མཁའི་ཁམས་ཐམས་ཅད་གང་བར་གྱུར། <span class="tibetan_small">མཆོད་པ་བྱིན་རླབས་ཀྱི་སྔགས་དང་། རོལ་མོ་བྱིན་དབབ་སྤྱི་དང་མཐུན་པར་བྱའོ། </span><br /><span class="tibetan_small">།སྐྱབས་འགྲོ་ནི།</span> <br />བདག་གཞན་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ལ་སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །མྱུར་མཛད་ཡེ་ཤེས་ཀྱི་མགོན་པོ་མཁའ་འགྲོའི་ཚོགས་དང་བཅས་པ་རྣམས་ལ་སྐྱབས་སུ་མཆིའོ། <span class="tibetan_small">།ཞེས་གསུམ་བདུན་ཉེར་གཅིག་སྐབས་བསྟུན་བརྗོད།</span> <br />སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་བསྙེན་སྒྲུབ་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག <span class="tibetan_small">།ལན་གསུམ། སྐྱབས་སེམས་བསྡུ་ན་འདི་ཁོ་ནས་ཀྱང་འཐུས། </span><br /><span class="tibetan_small">སེམས་བསྐྱེད་ཁྱད་པར་བ་ནི།</span> <br />སེམས་ཅན་ཐམས་ཅད་དབུལ་འཕོངས་ཀྱི་སྡུག་བསྔལ་བསལ་ནས་སངས་རྒྱས་ཀྱི་ས་ལ་འགོད་པར་བྱ། དེའི་ཕྱིར་དུ་མགོན་དཀར་ཡིད་བཞིན་ནོར་བུའི་བསྒོམ་བཟླས་ཉམས་སུ་བླང་བར་བགྱིའོ། <span class="tibetan_small">།ཞེས་ཞེ་ཐག་པ་ནས་བསམ་ཞིང་ལན་གསུམ་བརྗོད་ལ།</span> <br />སེམས་ཅན་ཐམས་ཅད་བདེ་བ་དང་༴ <span class="tibetan_small">ཞེས་སོགས་ཀྱིས་ཚད་མེད་བཞི་བསྒོམ་མོ། </span><br /><span class="tibetan_small">།དངོས་གཞི་བསྐྱེད་བཟླས་ནི། བདག་བསྐྱེད་ཡི་དམ་ལ་བྱ་བའི་ལུགས་ཀྱང་ཡོད་མོད་ཀྱི་འདི་ལ་བདག་མདུན་དབྱེར་མེད་གཙོ་ཆེ་ཞིང་། ཕྱག་ལེན་ཀྱང་བདག་མདུན་དབྱེར་མེད་ལ་མཛད་དེ། དེ་ལྟར་ན།</span> <br />ཨོཾ་མ་ཧཱ་ཤཱུ་ནྱ་ཏཱ་<span class="tibetan_small">སོགས་ཀྱིས་སྟོང་པར་སྦྱངས།</span> <br />སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་དབུས་སུ་པཾ་ལས་པདྨ་དང་། རཾ་ལས་ཉི་མའི་སྟེང་དུ། གཾ་ལས་ཚོགས་བདག་དཀར་པོ་གླང་པོ་ཆེའི་གདོང་པ་ཅན། ལ་ཕུག་དང་ནེའུ་ལེ་འཛིན་པ་གཉིས་ཁ་སྦུབ་ཏུ་བསྒྱེལ་བའི་སྟེང་དུ། རང་སེམས་ཆོས་ཉིད་ཀྱི་ཐིག་ལེ་དཀར་དམར་རྒྱ་སྲན་ཙམ། དེའི་དབུས་སུ་ཧཱུྃ་དངུལ་ཆུའི་མདོག་ལྟ་བུ། དེ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་དབུལ་བའི་སྡུག་བསྔལ་བསལ། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། རང་དང་མདུན་བསྐྱེད་དབྱེར་མ་མཆིས་པ། མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་དབང་གི་རྒྱལ་པོའི་སྐུར་གྱུར་པ་ནི། སྐུ་མདོག་དཀར་ཞིང་བརྗིད་པ། ཞལ་ཁྲོ་འཛུམ་གྱི་རྣམ་པ་ཅན་རབ་ཏུ་བཞད་པ། སྤྱན་གསུམ་དང་ལྡན་ཞིང་། སྨ་ར་སྨིན་མ། དབུ་སྐྲ་ཁམ་སེར་བརྫེས་པ། དཔྲལ་བར་སིནྡྷུ་རའི་ཐིག་ལེ་བྱུགས་པ། སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ། ཕྱག་གཡས་ཀྱི་དང་པོས་གྲི་གུག་ནམ་མཁའ་ལ་ཕྱར་བ། བར་པས་ནོར་བུ་དབང་གི་རྒྱལ་པོ་ཐུགས་ཀར་གཏོད་པ། ཐ།མས་སེང་ལྡེང་གི་ཌཱ་མ་རུ་འཁྲོལ་བ། གཡོན་གྱི་དང་པོས་བུམ་པ་ནོར་བུས་གང་བ་ཀ་པཱ་ལ་བདུད་རྩིས་གང་བའི་ནང་དུ་བཅུག་སྟེ་བརླ་གཡོན་པ་ལ་བརྟེན་པ། གཉིས་པ་ན་རྩེ་གསུམ། ཐ་མ་ན་ཞགས་པ་འཛིན་པ། ཞབས་འགྲོ་འཆམས་ཀྱི་སྟབས་ཀྱིས་པད་ཉི་ཚོགས་བདག་གི་གདན་ལ་བཞུགས་པ། དར་སྣ་ཚོགས་ཀྱི་ལྷབ་ལྷུབ་དང་། སྟག་ལྤགས་ཀྱི་ཤམ་ཐབས་ཅན། གླང་པོ་ཆེའི་ལྤགས་པའི་སྟོད་གཡོག་གསོལ་བ། ཐོད་སྐམ་ལྔའི་དབུ་རྒྱན་དང་། རློན་པ་ལྔ་བཅུའི་དོ་ཤལ་ཅན། རིན་པོ་ཆེའི་རྒྱན་དང་སིལ་ཁྲོལ་དང་ཆུན་འཕྱང་སྣ་ཚོགས་པས་མཛེས་པ། འཁོར་དབང་སྡུད་ཀྱི་མཁའ་འགྲོ་མ་བྱེ་བ་འབུམ་སྡེའི་ཚོགས་ཀྱིས་བསྐོར་ཏེ་མེ་དཔུང་འབར་བའི་དབུས་ན་བཞུགས་པ། མགོན་པོའི་སྤྱི་བོར་བླ་མ་རྡོ་རྗེ་འཆང་དམར་པོ་ཞལ་འཛུམ་བག་ཅན་དགོས་འདོད་ཐམས་ཅད་འབྱུང་བ། གཡས་ཡིད་བཞིན་གྱི་ནོར་བུ་དང་གཡོན་དྲིལ་བུ་འཛིན་ཅིང་ཞབས་སྐྱིལ་ཀྲུང་གིས་བཞུགས་པ། མགོན་པོའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་དབང་སྡུད་ཀྱི་མཁའ་འགྲོ་མ་དམར་མོ་ལྕགས་ཀྱུ་དང་བདུད་རྩིའི་ཐོད་པ་བསྣམས་པ། ཞབས་གར་སྟབས། སྤྱན་གསུམ་ནམ་མཁའ་ལ་ཧྲིག་ཧྲིག་གཟིགས་པས་ཁམས་གསུམ་དབང་དུ་སྡུད་པའི་ཐུགས་ཀར་ཆོས་ཉིད་ཀྱི་ཐིག་ལེ་འོད་ཟེར་དམར་པོ་འཕྲོ་བ། དེའི་དབུས་སུ་ཧཱུྃ་དཀར་པོའོ། །རང་གི་སྙིང་ག་ནས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས་མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་མཁའ་འགྲོའི་ཚོགས་དང་བཅས་པ་ཐམས་ཅད་བཛྲ་ས་མཱ་ཛཿ <span class="tibetan_small">སྤོས་སྦྱོར་ཡོད་ན་བསྲེགས། </span><br /><span class="tibetan_small">རོལ་མོའི་སྒྲ་དང་བཅས་ཏེ་སྤྱན་འདྲེན་པ་ནི།</span> <br />ཧཱུྃ། བསིལ་བ་ཚལ་གྱི་དུར་ཁྲོད་ནས། །དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལ་ཡ། དཀྱིལ་འཁོར་གནས་འདིར་གཤེགས་སུ་གསོལ། །མཆོད་པའི་གནས་འདིར་གཤེགས་ནས་ཀྱང་། །དབུལ་བའི་སྡུག་བསྔལ་ཞི་བར་མཛོད། །གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཞེས་དང་།</span> ཛཿ <span class="tibetan_small">ཉེར་གཅིག་བརྗོད།</span> <br />ཧཱུྃ། རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །བྱིན་གྱིས་བརླབས་པའི་གནས་འདི་རུ། །དངོས་གྲུབ་སྩོལ་ཕྱིར་བཞུགས་སུ་གསོལ། པདྨ་ཀ་མ་ལཱ་ཡ་སྟྭཾ། ཛཿཧཱུྃ་བཾ་ཧོཿ དམ་ཚིག་ཡེ་ཤེས་གཉིས་སུ་མེད་པར་གྱུར། <span class="tibetan_small">ཐལ་མོ་སྦྱར་ཏེ།</span> <br />བདག་དང་སེམས་ཅན་ཐམས་ཅད་ཀྱི། །དབུལ་བའི་སྡུག་བསྔལ་ཞི་བར།མཛད། །དངོས་གྲུབ་ཐམས་ཅད་སྩོལ་བའི་ལྷ། །བསམ་འཕེལ་ཡིད་བཞིན་ནོར་བུ་ལ། །སྒོ་གསུམ་གུས་པས་ཕྱག་འཚལ་ལོ། །ཆོས་འབྱུང་དཀར་ལ་མེ་རི་དམར་པོའི་དབུས། །པད་དཀར་གདན་དང་འོད་སྟོང་དཀྱིལ་འཁོར་སྟེང་། །གངས་རི་ལྟར་དཀར་ཞལ་གཅིག་ཕྱག་དྲུག་པ། །ཁྱོད་ལ་རྣམ་དཀར་དད་པས་ཕྱག་འཚལ་ལོ། <span class="tibetan_small">།ཞེས་པས་ཕྱག་བྱ། </span><br /><span class="tibetan_small">མཆོད་པ་ནི།</span> <br />རྟེན་ཅིང་འབྲེལ་བར་འབྱུང་བ་ཡི། །ལྷ་རྫས་བཟང་པོའི་ཉེར་སྤྱོད་འདི། །མྱུར་མཛད་འཁོར་དང་བཅས་ལ་འབུལ། །དངོས་གྲུབ་སྩོལ་ཕྱིར་བཞེས་སུ་གསོལ། །གུ་རུ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་པཱདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱ་ཤབྡ་པྲ་ཏཱིཙྪ་སྭཱ་ཧཱ། རྟེན་ཅིང་འབྲེལ་བར་འབྱུང་བ་ཡི། །ལྷ་རྫས་བཟང་པོའི་འདོད་ཡོན་འདི། །མྱུར་མཛད་འཁོར་དང་བཅས་ལ་འབུལ། །དངོས་གྲུབ་སྩོལ་ཕྱིར་བཞེས་སུ་གསོལ། <span class="tibetan_small">།སྔགས་གོང་ལྟར་ལ།</span> <br />རཱུ་པ་ཤཔྡ་གནྡྷེ་ར་ས་སྤཪྴེ་པྲ་ཏཱིཙྪ་སྭཱ་ཧཱ། <span class="tibetan_small">རྒྱས་པར་སྤྲོ་ན།</span> <br />ལྷ་རྫས་དམ་པའི་མཆོད་ཡོན༴ <span class="tibetan_small">།ཅེས་སོགས་དང་།</span> <br />གཟུགས་མཆོག་སྒྲ་སྙན་<span class="tibetan_small">སོགས་ཚིགས་བཅད་སྔགས་སོ་སོར་ཕྲལ་ཏེ་འབུལ། ནང་མཆོད་གཡོན་པའི་མཐེབ་སྲིན་གྱིས་བླངས་སྟེ་སྤྱི་བོར་གཏོར་ནས། རྒྱས་པར་འདིའི་བླ་མ་བརྒྱུད་པ་རྣམས་ཀྱི་མཚན་ནས་བརྗོད་ལ་འབུལ། བསྡུ་ན།</span> <br />རྩ་བརྒྱུད་བླ་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། <span class="tibetan_small">སྙིང་ག་ནས་གཏོར་ལ།</span> <br />ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱི་ཞལ་དུ་ཨོཾ་ཨཱཿཧཱུྃ། <span class="tibetan_small">ལྟེ་བའི་ཐད་ནས་གཏོར་ཏེ། མགོན་པོའི་སྔགས་མཇུག་ཏུ།</span> <br />ཨོཾ་ཨཱཿཧཱུྃ། གཞན་ཡང་འཁོར་གྱི་མཁའ་འགྲོ་གནོད་སྦྱིན་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཆོས་སྐྱོང་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གཞི་བདག་རིགས་དྲུག་རྣམས་ལྷར་གསལ་བའི་ཞལ་དུ་ཨོཾ་ཨཱཿཧཱུྃ། <span class="tibetan_small">རང་གིས་ཀྱང་མྱང་ལ་འབྲུ་གསུམ་བརྗོད། </span><br /><span class="tibetan_small">བསྟོད་པ་ཁྱུང་པོས་མཛད་པ་ནི།</span> <br />ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི། །ཐུགས་རྗེ་གཅིག་བསྡུས་རྗེ་བཙུན་སྤྱན་རས་གཟིགས། །དེ་ཡི་སྤྲུལ་པ་ཕྱག་དྲུག་མགོན་པོ་ལ། །ལུས་ངག་ཡིད་གསུམ་གུས་པས་ཕྱག་འཚལ་ལོ། །མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །ཞལ་གཅིག་ཕྱག་དྲུག་ཞབས་གཉིས་ནོར་བདག་མནན། །འགྲོ་བའི་དབུལ་བ་སེལ་ལ་ཕྱག་འཚལ་ལོ། །ཕྱག་གཡས་དང་པོས་རྡོ་རྗེ་གྲི་གུག་བསྣམས། །བར་པས་ཡིད་བཞིན་ནོར་བུས་དགོས་འདོད་སྟེར། །ཐ་མ་ཌཱ་རུས་མཁའ་འགྲོ་དབང་དུ་སྡུད། །ཁམས་གསུམ་དབང་དུ་སྡུད་ལ་ཕྱག་འཚལ་ལོ། །གཡོན་པས་རིན་ཆེན་བུམ་པ་དཀུ་ལ་བརྟེན། །བར་པས་རྩེ་གསུམ་ཁམས་གསུམ་མ་ལུས་སྒྲོལ། །ཐ་མ་ཞགས་པས་སེམས་ཅན་བཅིངས་པ་འགྲོལ། །མགོན་པོ་ཐུགས་རྗེ་ཅན་ལ་ཕྱག་འཚལ་ལོ། །སྐུ་སྟོད་རིན་ཆེན་རྒྱན་གྱིས་རྣམ་པར་བརྒྱན། །སྐུ་སྨད་རིན་ཆེན་ཟར་བུས་རྣམ་པར་མཛེས། །ཕྱག་ཞབས་ཐམས་ཅད་རིན་ཆེན་ནོར་བུས་བརྒྱན། །འགྲོ་བའི་རེ་འདོད་སྐོང་ལ་ཕྱག་འཚལ་ལོ། ཁྱོད་ནི་ཡིད་ལ་དྲན་པ་ཙམ་གྱིས་ཀྱང་། །དེ་ཡི་མོད་ལ་དབུལ་ཕོངས་སྡུག་བསྔལ་སེལ། །འགྲོ་བའི་རེ་འདོད་ཚུལ་བཞིན་སྐོང་མཛད་པ། །ཡིད་བཞིན་ནོར་བུ་ཁྱེད་ལ་བདག་བསྟོད་དོ། །ཁྱེད་ལ་མཆོད་ཅིང་གུས་པས་བསྟོད་བྱས་ན། །ཇི་སྲིད་བྱང་ཆུབ་མ་ཐོབ་བར་དུ་ཡང་། །མགོན་པོ་ཁྱེད་ཀྱི་ཐུགས་རྗེས་བདག་བཟུང་ནས། །བྱང་ཆུབ་སྒྲུབ་པའི་མཐུན་རྐྱེན་སྒྲུབ་པར་མཛོད། །དེ་ཡི་དགེ་བས་བདག་ཀྱང་ཁྱོད་བཞིན་དུ། །འགྲོ་བའི་རེ་འདོད་ཚུལ་བཞིན་སྐོང་བ་དང་། །སེམས་ཅན་སངས་རྒྱས་ས་ལ་འགོད་པ་ཡི། །འགྲོ་བའི་དོན་ལ་མཐུ་དང་ལྡན་པར་མཛོད། <span class="tibetan_small">།ཅེས་སམ། བསྡུ་ན།</span> <br />མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །འགྲོ་བའི་དབུལ་ཕོངས་མ་ལུས་ཞི་མཛད་པ། འདོད་རྒུའི་དངོས་གྲུབ་སྩོལ་ལ་ཕྱག་འཚལ་བསྟོད། <span class="tibetan_small">།ཅེས་པ་ཙམ་གྱིས་བསྟོད་དོ། </span><br /><span class="tibetan_small">།དེ་ནས་བཟླས་པ་ནི།</span> <br />ཐུགས་ཀའི་ཆོས་ཉིད་ཀྱི་ཐིག་ལེ་ཧཱུྃ་དང་བཅས་པའི་མཐར་སྔགས་ཀྱི་ཕྲེང་བ་དཀར་པོ་འོད་ཟེར་དམར་པོ་འཕྲོ་བ་མདུན་ནས་བརྩམས་ཏེ་གཡས་བསྐོར་དུ་འཁོད་པར་བསམ་ལ། གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཞེས་རྩ་སྔགས་བཅུ་གསུམ་འདི་ཉིད་དུས་གྲངས་རྟགས་གསུམ་གང་རུང་མ་ཐེམ་བར་དུ་བཟླའོ། །བཟླས་པ་གྲུབ་པའི་ཐུན་མཐར་སྔགས་ཙམ་གྱིས་མཆོད།</span> <br />མགོན་པོ་ཡིད་བཞིན་ནོར་བུ་<span class="tibetan_small">སོགས་ཤོ་ལོ་ཀ་གཅིག་གིས་བསྟོད། དེ་ནས་གཏོར་འབུལ་ནི། ཐུན་ཐམས་ཅད་ལ་གྲུབ་ན་ལེགས། ཐུན་ཐ་མ་ལ་ཅིས་ཀྱང་དགོས་པས་འབུལ་གཏོར་ནང་མཆོད་དང་ཆབ་ཀྱིས་བྲན་ལ་གོང་བཞིན་བསང་སྦྱང་།</span> <br />སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་བུ་གསུམ་གྱི་སྟེང་དུ་ཨཱ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཤ་ལྔ་བདུད་རྩི་ལྔ་དང་། དགྲ་བགེགས་ཀྱི་ཤ་ཁྲག་དུ་མ་ལས་གྲུབ་པའི་གཏོར་མ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། <span class="tibetan_small">ཕྱག་རྒྱ་དང་བཅས།</span> <br />ཨོཾ་ཨཱཿཧཱུྃ་ཧ་ཧོཿཧྲཱིཿ <span class="tibetan_small">ལན་གསུམ་བརྗོད་པས་བྱིན་བརླབ། བདག་མདུན་དབྱེར་མེད་ཡེ་ཤེས་པ་ལ་འབུལ་བས་ཆོག་ཀྱང་ལས་དང་པོ་པ་ལ་རྟོགས་པས་མ་ཆུན་ན། མདུན་དུ་རྟེན་གཏོར།དང་དབྱེར་མེད་པར་ཡེ་ཤེས་མགོན་པོ་འཁོར་བཅས་སྐད་ཅིག་གིས་གསལ་བར་མོས་ལ།</span> <br />མགོན་པོ་ཡེ་ཤེས་སེམས་དཔའ་མཁའ་འགྲོའི་འཁོར་དང་བཅས་པ་རྣམས་ཀྱིས་ལྗགས་རྡོ་རྗེའི་སྦུ་གུས་གཏོར་མ་དྲངས་ནས་གསོལ་བར་གྱུར། <span class="tibetan_small">སྙིང་པོའི་མཐར།</span> <br />ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">ཞེས་བཏགས་པ་ལན་བདུན་གྱིས་འབུལ་ཞིང་།</span> <br />ཤཱ་ས་ན་<span class="tibetan_small">ལན་གསུམ་གྱིས་དམ་ཅན་སྤྱི་ལ་འབུལ་བ་ཕྱག་ལེན་མཛད། དེ་ནས་གོང་བཞིན་མཆོད་བསྟོད།</span> <br />མཆོད་སྦྱིན་གཏོར་མ་འདི་བཞེས་ལ། <span class="tibetan_small">ཞེས་སོགས་སམ། བསྡུ་ན།</span> <br />དཔལ་ལྡན་མགོན་པོ་འཁོར་བཅས་ཀྱི། །མཆོད་སྦྱིན་གཏོར་མ་འདི་བཞེས་ལ། སངས་རྒྱས་བསྟན་སྲུངས་རྣལ་འབྱོར་གྱི། །ཚེ་རིང་ལོངས་སྤྱོད་རྒྱས་པར་མཛོད། ཁམས་གསུམ་འགྲོ་བ་དབང་དུ་བསྡུས། <span class="tibetan_small">།ཞེས་བརྗོད། གཞན་ཡང་ཐལ་མོ་སྦྱར་ཏེ། མོས་པ་རྩེ་གཅིག་པས།</span> <br />བཅོམ་ལྡན་འདས་ཡིད་བཞིན་ནོར་བུ་གཟི་ལྡན་ཐུགས་རྗེ་ཅན་ཁྱོད་ལ་གསོལ་བ་འདེབས་སོ། །སངས་རྒྱས་ཀྱི་བསྟན་པ་སྲུངས་ཤིག །དཀོན་མཆོག་གི་དབུ་འཕང་བསྟོད་ཅིག དགེ་འདུན་གྱི་ཆོས་འཁོར་སྐྱོངས་ཤིག །བླ་མའི་སྐུ་ཚེ་སྲིངས་ཤིག །ཁྱད་པར་དུ་རྣལ་འབྱོར་པ་བདག་ལ་སྙན་པའི་གྲགས་པས་ས་སྟེང་མ་ལུས་པར་ཁྱབ་པ་དང་། དགོས་འདོད་ཐམས་ཅད་ཆར་བཞིན་དུ་བབས་ནས་ལོངས་སྤྱོད་ཟད་མི་ཤེས་པ་དང་། མི་ནོར་ཟས་གསུམ་འདུ་ཞིང་། ཐོས་བསམ་སྒོམ་གསུམ་གྱི་ཕྲིན་ལས་ཐམས་ཅད་འབད་མེད་དུ་འགྲུབ་པར་མཛད་དུ་གསོལ། <span class="tibetan_small">།ཞེས་ལན་བདུན་ལ་སོགས་པས་གསོལ་བ་བཏབ། བཟླས་པའི་མཇུག་ལ་སོགས་པའི་མཆོད་བསྟོད་ཀྱི་གཤམ་ཐམས་ཅད་དུ་ཡང་འདིའི་གསོལ་བ་འདེབས་པ་གནད་ཡིན་ཅེས་གསུངས་སོ། །ཡིག་བརྒྱ་བརྗོད།</span> <br />མ་འབྱོར་བ་དང་<span class="tibetan_small">སོགས་ཀྱིས་ནོངས་པ་བཤགས། རྟེན་མེད་ན་མདུན་བསྐྱེད་གཤེགས་གསོལ་བྱ་བར་བཤད་ཀྱང་། རྟེན་ལ་དམིགས་ནས་ཡེ་ཤེས་པ་བརྟན་བཞུགས་བྱ། </span><br /><span class="tibetan_small">དེ་ནས་ཉེར་བསྡུའི་རྣལ་འབྱོར་ནི།</span> <br />རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་ཁམས་གསུམ་སྣོད་བཅུད་ཐམས་ཅད་འོད་དུ་ཞུ་སྟེ་སྲུང་བའི་འཁོར་ལོ་ལ་ཐིམ། དེ་ཞུ་བ་རང་ལ་ཐིམ། བདག་བསྐྱེད་གདན་དང་བཅས་པ་སྙིང་གའི་མཁའ་འགྲོ་མ་ལ་ཐིམ། དེ་འོད་དུ་ཞུ་ནས་སྔགས་ཕྲེང་ལ་ཐིམ། དེ་འོད་དུ་ཞུ་ནས་ཐིག་ལེ་ལ་ཐིམ། དེ་ཧཱུྃ་ལ་ཐིམ། ཧཱུྃ་གིས་ཞབས་ཀྱུ། ཁོག་པ། མགོ་བོ། ཟླ་ཚེས། ཐིག་ལེ། ནཱ་དའི་བར་དུ་འདུས། ནཱ་ད་ཡང་མི་དམིགས་ཏེ་འོད་གསལ་སྟོང་པ་ཉིད་དུ་གྱུར། <span class="tibetan_small">ཞེས་བརྗོད་ཅིང་བསམ་ལ་སྤྲོས་པ་ཐམས་ཅད་དང་བྲལ་བའི་ངང་དུ་མཉམ་པར་འཇོག །སླར།</span> <br />སྐད་ཅིག་གིས་སྟོང་པའི།ངང་ལས་རང་ཉིད་དཔལ་ཡིད་བཞིན་ནོར་བུའི་སྐུར་གྱུར། <span class="tibetan_small">ཅེས་བརྗོད་ཅིང་ལྷ་སྐུ་སྣང་སྟོང་སྒྱུ་མ་ལྟ་བུའི་གསལ་བཏབ། རང་གི་དཔྲལ་བར་ཨོཾ་དཀར་པོ་སོགས་ཀྱིས་བསྲུང་བར་བྱ།</span> <br />དགེ་བ་འདི་ཡིས་མྱུར་དུ་བདག །ཡིད་བཞིན་ནོར་བུ་འགྲུབ་གྱུར་ནས། <span class="tibetan_small">།སོགས་ཀྱིས་བསྔོ་སྨོན་དང་། བཀྲ་ཤིས་བཀའ་རྒྱ་མའམ་གང་རུང་བརྗོད་དོ། </span><br /><span class="tibetan_small">།གཉིས་པ་དམིགས་རིམ་དང་ལག་ལེན་ནི། འདི་བསྙེན་སྒྲུབ་བྱེད་པར་ཐོག་མ་ནས་མི་གཞན་གྱིས་མ་ཚོར་བ་དང་རྟེན་རྣམས་གཞན་གྱིས་མ་མཐོང་ན་ལེགས། ནོར་སྒྲུབ་གཙོ་བོར་གྱུར་པ་ཡིན་པས་རྣམ་ཀུན་ལྷ་གཤེགས་གསོལ་གཏོར་མ་ཕྱི་ལ་གཏོང་བ་སོགས་མི་རུང་། ནོར་ལྷ་དང་ཆོས་སྐྱོང་གཞན་བསྒྲུབ་པ་ལ་ཐོག་མར་སྒབ་འདྲེ་གནོན་དགོས་ཀྱང་། སྤྱན་རས་གཟིགས་ཞི་དྲག་གང་ལའང་སྒབ་འདྲེ་གནོན་མི་དགོས་པས་ཕྱག་དྲུག་པའི་རིགས་གང་ལའང་སྒབ་འདྲེ་མེད་ཅིང་འགྲུབ་ཐག་ཉེ། རིན་ཆེན་བརྒྱུད་པའི་རྣམ་ཐར་དང་མགོན་པོ་དཀར་མཐིང་གི་ལོ་རྒྱུས་བརྒྱུད་པའི་རྣམ་ཐར་སོགས་མཇལ་ལ་རྒྱུ་མཚན་ཤེས་པའི་དད་པ་ངེས་ཤེས་ཡིད་ཆེས་རྩེ་གཅིག་པས་ཕུར་ཚུགས་སུ་སྒྲུབ་ནུས་ཤིང་གཞན་ལ་མི་ལྟོས་པ་ཞིག་ཐོག་མ་ནས་དགོས། དེའང་ཚེ་འདིའི་དཔལ་འབྱོར་ནོར་ལོངས་སྤྱོད་སྙན་གྲགས་སོགས་ཞར་བྱུང་འོང་ན་མ་བཀག་པ་ལས་ཚེ་འདིའི་སྣང་བ་ལ་ཞེན་འཁྲིས་བཅད་ནས་མཆོག་དངོས་ཁོ་ན་དོན་ཏུ་གཉེར་ནས་ལྷ་འདི་སྒྲུབ་པ་ཞིག་དགོས། གཙོ་བོར་ཤངས་པའི་བརྒྱུད་པ་འཛིན་ཅིང་གསེར་ཆོས་ཉམས་ལེན་མཁན་ཡིན་ན་ཚད་དུ་མ་བསྒྲུབས་ཀྱང་རང་བཞིན་གྱིས་འཁོར་ནས་དངོས་གྲུབ་སྟེར་བ་ཡིན། མཐུ་དང་ནོར་ཙམ་ལ་དམིགས་ནས་མགོན་པོ་མཐིང་དཀར་གང་བསྒྲུབས་ཀྱང་མཆོག་ལ་སྒྲིབ་ཅིང་འདོད་པའང་ཇི་བཞིན་མི་འབྱུང་། དེས་ན་གཙོ་བོར་བླ་མའི་མོས་གུས་དང་། ངེས་འབྱུང་སྙིང་རྗེ་ལ་ཕུར་ཚུགས་བྱེད་པ་ནི་མགོན་པོ་འདི་སྒྲུབ་པའི་གནད་ཀྱི་དམ་ཚིག་ཡིན། བསྙེན་སྒྲུབ་སྐབས་ཀྱི་སྤང་བླང་སྤྱི་དང་འདྲ་ཞིང་། ཐུན་གསུམ་མམ་བཞི་གང་བྱེད་ཀྱང་མི་ཚིག་གིས་བར་མ་ཆོད་པ་དང་། སྔགས་གཞན་དང་མ་འདྲེས་པ་གདན་ཐོག་གཅིག་ཏུ་བསྙེན་པ་ཡོངས་རྫོགས་འགྲོ་དགོས་ཐུན་མཚམས་སུ་འཐོར་བསྙེན་གྱི་ཚུལ་དུ་བཟླས་པ་གྲངས་ལ་མི་རྩི་ཡང་ཁ་སྐོང་དུ་འགྱུར། བཟླས་པའི་ཐོག་མར་ཕྲེང་བ་བྱིན་རླབས་དང་ཐུན་བསྡུ་སྐབས་བཟླས་པ་ལྷ་ལ་འབུལ་ཞིང་དབྱངས་གསལ་ཡིག་བརྒྱ་རྟེན་སྙིང་རྣམས་ཀྱིས་ཁ་སྐོང་བ་སོགས་ཀྱང་སྤྱི་འགྲོ་ལྟར་བྱ་ཆོག </span><br /><span class="tibetan_small">།བཟླ་བྱའི་སྔགས་དང་གྲངས་ཚད་ནི།</span> <br />གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <br /><span class="tibetan_small">ཞེས་པའི་ཡི་གེ་འབྲུ་བཅུ་གསུམ། གི་གུ་བཞི། ཞབས་ཀྱུ་གཉིས་ཏེ། ཁམས་གསུམ་དབང་སྡུད་ཀྱི་སྙིང་པོ་འདི་ཚིག་གཞན་གྱིས་བར་མ་ཆོད་པར་འབུམ་ཕྲག་བཅུ་གསུམ་ཆུ་བོའི་གཞུང་བཞིན་བཟླས་པར་བྱའོ། །ཞེས་ཁྱུང་པོས་གསུངས་ལ། །མཁས་གྲུབ་ཆོས་རྗེའི་གསུངས་རྒྱུན་ལས། ས་ཡ་རྭ་ཅན་བཟླ་གསུངས་ཏེ། གོང་ལྟར་འབུམ་ཕྲག་བཅུ་གསུམ། ཁ་སྐོང་ཁྲི་ཚོ་བཅུ་གསུམ་དང་བཅས་པ་བཟླས་ན་ལེགས་ཏེ་དེས་ནི་གྲངས་བསྙེན་ཐེམས་པ་ཡིན། མཚན་མའི་བསྙེན་པ་ནི། རྟགས་གཅིག།མ་བྱུང་གི་བར་དུ་བྱེད་དེ། རྟགས་ནི་རབ་དངོས་སམ། འབྲིང་ཉམས་སྣང་། ཐ་མ་རྨི་ལམ་དུ་མགོན་པོ་དང་མཁའ་འགྲོ་དངོས་སུ་མཐོང་བ་དང་། བླ་མ་དུར་ཁྲོད་ནས་བྱོན་པ་དང་། རིག་མ་མཚན་ལྡན་གྱིས་དངོས་གྲུབ་སྟེར་བ་དང་། ཁམས་གསུམ་སེམས་ཅན་ལ་དབང་བསྒྱུར་བ་དང་། ཉི་ཟླ་ཤར་བ་དང་། གོས་དཀར་པོ་གྱོན་པ་དང་། བུམ་པ་ཐོགས་པ་དང་། ནོར་བུ་རྙེད་པ་ལ་སོགས་པའི་རྟགས་འབྱུང་ངོ་། དེ་ལྟར་རྟགས་བྱུང་ནས་འགྲུབ་པ་ཡིན་པས། ཚེ་རིང་ནད་མེད་ཁམས་གསུམ་དབང་དུ་འདུས། །ལྷ་སྲིན་བྲན་དུ་ཁོལ་ནས་རྨི་ལམ་ཟིན། །བར་དོ་མེད་པར་སངས་རྒྱས་སོ། །ཞེས་གཟུངས་ལས་གསུངས་སོ། </span><br /><br /><span class="tibetan_small">༈ །དམིགས་རིམ་ནི། སྐྱབས་འགྲོའི་སྐབས་སུའང་བླ་མ་མགོན་པོ་དབྱེར་མེད་དཀོན་མཆོག་ཀུན་འདུས་སུ་མོས་པས་དེང་ནས་བྱང་ཆུབ་བར་དུ་བློ་ལིངས་ཀྱིས་བཀལ་ཏེ་ཅི་མཛད་ཁྱེད་ཤེས་བྱ་བ་དང་། སེམས་ཅན་ཐམས་ཅད་གནས་སྐབས་མཐར་ཐུག་མཆོག་དང་ཐུན་མོང་གི་དབུལ་བ་སེལ་བའི་ཆེད་དུ་བསྒྲུབ་བར་སེམས་བསྐྱེད་པས་མཚོན། མགོན་པོའི་སྐུའི་གསལ་སྣང་དང་ང་རྒྱལ་ལ་བློ་རྩེ་གཅིག་ཏུ་གཏོད་པ་སོགས་སྤྱི་དང་ཁྱད་པར་གྱི་དམིགས་པའི་རྣམ་པ་ལ་ཡིད་རྩེ་གཅིག་པ་གལ་ཆེ་ཞིང་། བྱེ་བྲག་བཟླས་པའི་དམིགས་པ་ལ་ཐོག་མར་བསྙེན་པའི་སྐབས། མཁའ་འགྲོའི་ཐུགས་ཀའི་ཐིག་ལེ་ཧཱུྃ་ཡིག་སྔགས་ཕྲེང་བཅས་པ་ལ་སེམས་རྩེ་གཅིག་ཏུ་གཏད། དེ་ལ་གསལ་སྣང་སྐྱེས་པ་ན། དེ་དག་ལས་འོད་ཟེར་ནམ་མཁའི་ཁམས་གང་བར་འཕྲོས། ཕྱོགས་དུས་དཀོན་མཆོག་རྩ་བ་གསུམ་གྱི་ཐུགས་རྒྱུད་བསྐུལ། སྐུ་གསུང་ཐུགས་ཀྱི་བྱིན་རླབས་དངོས་གྲུབ་ཐམས་ཅད་འོད་ཟེར་ཐིག་ལེ་ནོར་བུ་གྲི་གུག་བུམ་པ་ཀ་པཱ་ལ་བཅུད་ལྡན་ལ་སོགས་པའི་རྣམ་པ་ཅན་ཆར་བབས་པ་ལྟར་བྱོན་ནས་རང་ལ་ཐིམ་པས་དེ་དག་དང་དབྱེར་མེད་དུ་གྱུར་པར་མོས། ཡང་འོད་ཟེར་དམར་ཞིང་རྣོ་བ་དཔག་ཏུ་མེད་པ་འཕྲོས་པས། སྲིད་པ་འཁོར་བ་དང་ཞི་བ་མྱ་ངན་ལས་འདས་པས་བསྡུས་པའི་བརྟན་གཡོ་སྣོད་བཅུད་ཀྱི་བདེ་ལེགས་ཕུན་སུམ་ཚོགས་པ་ཐམས་ཅད་རང་དབང་མེད་པར་བསྡུས་ནས་ཐིག་ལེ་ལ་ཐིམ་པས་རྣལ་འབྱོར་པ་ལ་ཚེ་དང་བསོད་ནམས་དང་དཔལ་དང་དབང་ཕྱུག བདེ་ལེགས་ཆར་བཞིན་འབབ་པར་མོས་ལ་རིག་པ་གྲུང་བཏོན། ཤེས་པ་ཧུར་བཏོན་ལ་བཟླས། སྐབས་འགར་སེམས་གནས་ལུགས་ཀྱི་སྟེང་དུ་འཛིན་ཅིང་། ལྷའི་སྤྱན་དབུས་མ་ནས་བཟུང་སྟེ་རྟེན་དང་བརྟེན་པའི་གསལ་སྣང་ལ་སེམས་གཏད་ཅིང་། རེས་འགའ་སྙིང་གའི་སྔགས་ཀློག་པའི་ཚུལ་དང་། རེས་འགའ་ངག་ཏུ་མི་བརྗོད་པར་ཡིད་ཀྱིས་བཟླས། སྐབས་རེར་མོས་གུས་དང་སྙིང་རྗེ་དྲག་ཏུ་བསྐྱེད་ལ་བཟླ། མདོར་ན་སེམས་མ་ཡེངས་པར་བཟླ་སྟེ། གཞན་དུ་ཡེངས་པས་བཟླས་ན་ནི། །བསྐལ་པར་བསྒྲུབས་ཀྱང་མི་འགྲུབ་བོ། །ཞེས་གསུངས་པས་དྲན་པར་བྱའོ། །གྲངས་རྟགས་ཐེབས་ནས་ལས་སྦྱོར་གྱི་སྐབས་སུ། ཐུགས་ཀ་ནས་འོད་ཟེར་དམར་པོ་ཚ་ཞིང་རྣོ་བ་འཕྲོས། འཁོར་གྱི་མཁའ་འགྲོ་དང་ནོར་བདག་གནོད་སྦྱིན་རྣམས་ཀྱི་ཐུགས་ཀར་ཕོག་པས། དེ་དག་གི་ཐུགས་རྒྱུད་དབང་མེད་དུ་བསྐུལ་ནས། སྲིད་པ་གསུམ་གྱི་དངོས་གྲུབ་ཧྲིལ་གྱིས།བསྡུས་ནས། རང་གི་མདུན་དུ་ཟས་ནོར་ལོངས་སྤྱོད་རི་རབ་ཙམ་སྤུངས་ཤིང་སྟེར་བར་མོས་ལ་བཟླ་བ་དང་། ཡང་འོད་ཟེར་འཕྲོས་རྒྱལ་པོ་ཕྱུག་པོ་དྲག་དགུ་ཆེ་དགུ་སྐྱེས་པ་བུད་མེད་ལ་སོགས་ཏེ། མི་དང་མི་མ་ཡིན་པ་ཐམས་ཅད་ཀྱི་སྙིང་དུ་འོད་ཟེར་མཁའ་འགྲོ་གནོད་སྦྱིན་རྣམས་ཀྱི་རིག་པ་དང་བཅས་པ་ཞུགས། མི་ཐམས་ཅད་ཀྱི་ཤེས་པ་རང་དབང་མེད་པར་གྱུར་ནས་བདག་གི་དབང་དུ་འུབ་ཀྱིས་བསྡུས་པར་མོས་ལ་བཟླ་བ་དང་། ཁྱད་པར་རང་གིས་དབང་དུ་བསྡུ་བར་འདོད་པ་དེའི་སྙིང་གི་དཀྱིལ་དུ་མི་དེའི་རྣམ་ཤེས་ྀ་ལྗང་གུ་ཉ་མིག་ཙམ་ཞིག་ཡོད་པ་དེ། མཁའ་འགྲོ་དང་གནོད་སྦྱིན་རྣམས་ཀྱི་སྙིང་གའི་འོད་ཟེར་གྱི་ལྕགས་ཀྱུས་ཙིར་གྱིས་བཟུང་ནས་བདག་གི་དབང་དུ་བསྡུས་པར་མོས་པ་རྣམས་ནི་མཁའ་འགྲོ་དང་གནོད་སྦྱིན་རྣམས་ལ་བརྟེན་པའི་ཟབ་ཁྱད་དོ། །ཡང་འོད་ཟེར་འཕྲོས་པས་འཇིག་རྟེན་གྱི་ལྷ་ཀླུ་གནོད་སྦྱིན་སྟོབས་ལྡན་རྣམས་དང་། མིའི་དབང་པོ་ལ་སོགས་པའི་སྟོབས་ལྡན་ཐམས་ཅད་བཀུག་སྟེ་ཚོགས་བདག་ལ་བསྟིམས་པས། དེ་དག་ཐམས་ཅད་ཀྱིས་རྣལ་འབྱོར་པའི་བཀའ་བཞིན་དུ་ཉན་ཅིང་བྲན་བཞིན་དུ་ལས་སྒྲུབ་པར་མོས་ཏེ་བཟླ་བ་ནི་ཚོགས་བདག་ལ་བརྟེན་པའི་ཟབ་ཁྱད་དེ། དེ་དག་ནི་རྗེ་བཙུན་གྲོལ་མཆོག་ཞབས་སོགས་བརྒྱུད་པའི་བླ་མ་གོང་མ་རྣམས་ཀྱི་མན་ངག་ལས་བྱུང་བའོ། །ཡང་ཐུན་མོང་མ་ཡིན་པའི་དམིགས་རིམ་གནད་ནི། ཐུགས་ཀའི་ཧཱུྃ་ཡིག་ལས་བྱུང་བའི་ཌཱ་ཀི་དམར་མོ་ཅང་ཏེའུ་དང་གཡོན་ཀ་པཱ་ལ་ཐོགས་པ་དུ་མ་སྣ་བུག་གཡོན་ནས་ཐོན། འཇིག་རྟེན་གྱི་ཁམས་གང་། བརྟན་དང་གཡོ་བའི་ཆོས་བཅུ་བཞིའི་དྭངས་མ། འཇིག་རྟེན་ལས་འདས་པའི་དངོས་གྲུབ་མ་ལུས་པ་བསྡུས་ཏེ་འཕྲོས་པའི་ལམ་ནས་ཚུར་ཞུགས། སྲོག་རྩ་བརྒྱུད། ཆོས་ཉིད་ཀྱི་ཐིག་ལེ་ལ་ཐིམ་པར་མོས་པ་ནི་ཟབ་ཁྱད་དང་པོ་དང་ཞབས་ཀྱིས་གཟིར་བས་ཞབས་འོག་ཚོགས་བདག་བསྐུལ། དེ་ལས་རང་འདྲ་བ་དཔག་མེད་འཕྲོས། མི་དང་མི་མ་ཡིན་ཐམས་ཅད་དང་ཁྱད་པར་དམིགས་བྱ་རྣམས་རང་དབང་མེད་པར་བཀུག་སྟེ་རང་གི་བྲན་དུ་ཕུལ་བས་དེ་དག་དད་གུས་རྩེ་གཅིག་པས་བསྒོ་བའི་བཀའ་ཉན་པ་དང་། ཚོགས་བདག་གི་ཁ་གཤང་བ་བ་སྤུའི་བུ་ག་ལ་སོགས་པ་ནས་ཡིད་བཞིན་ནོར་བུའི་ཆར་རྒྱུན་ཟད་མེད་དུ་བབས་པས་གནས་ཁང་འདོད་རྒུས་ཕྱུར་བུར་གཏམས་པར་བསམ་པ་ནི་ཟབ་ཁྱད་ཕྱི་མ་སྟེ། དེ་དག་གི་སྐབས་སུ་རྩ་སྔགས་སིདྡྷི་མའི་གཤམ་དུ། རྒྱས་པ་ལ། </span>སརྦ་པུཥྚི་ཀུ་རུ་བྷྲཱུཾ།<span class="tibetan_small"> ཞེས་དང་། དབང་ལ། </span>སརྦ་ལོ་ཀ་ཝ་ཤཾ་ཀུ་རུ་ཧོཿ<span class="tibetan_small"> ཞེས་བཏགས་པའང་ཅུང་ཟད་བཟླས་སོ། །བསྡུ་རིམ་གྱི་སྐབས་སུ། ལུས་རྣམ་སྣང་གི་ཆོས་བདུན་དང་ལྡན་པས། ངག་གི་རླུང་རྒྱུ་བ་རང་སོར་བཞག །སེམས་ཀྱི་དུས་གསུམ་གྱི་སྤྲོས་པ་བཅད། ཐིག་ལེ་འོད་དུ་ཡལ་སོང་བའི་ངང་ནས་སྤྲོས་པའི་མཐའ་ཐམས་ཅད་དང་བྲལ་བ་ཡིན་སྙམ་དུ་བཞག་གོ། །དེ་ཡང་དང་པོ་ཐིག་ལེ་ལ་སེམས་ཡུན་རིང་དུ་འཛིན། དེ་ནས་རིམ་གྱིས་སྤྲོས་བྲལ་དུ་འཇོག །མཐར་དེ་ལྟར་བཞག་པའི་ངང་ནས། རིག་པ་དེ་རིག་སྟོང་། འགྱུར་བདེ་འགྱུ་སྟོང་། གསལ་བ་དེ་གསལ་སྟོང་། ཡིན་མིན་གྱི་མཐའ་དང་བྲལ་བས་རྨི་ལམ་གྱི་སྣང་བ།སྒྱུ་མའི་རང་བཞིན་ཞེས་བྱ་བ་ངོ་ཤེས་པར་བྱ་བ་མཁས་གྲུབ་ཁྱུང་པོའི་བཞེད་པ་སྟེ། བླ་མ་གོང་མ་དག་འདི་ཡིད་བཞིན་ནོར་བུ་ཞེས་བྱ་བའི་རྫོགས་རིམ་གྱི་ཐ་སྙད་མཛད། འགྲོ་འཆག་ཉལ་འདུག་གི་སྣང་བ་ཐམས་ཅད་ཀྱང་རྨི་ལམ་སྒྱུ་མ་ལྷ་སྐུར་ཤེས་པའི་ངང་ནས་བྱ། སྒྲུབ་པ་འདི་ལ་གསོལ་འདེབས་ཁོ་ན་གལ་ཆེ་བར་གསུངས་པས་བཀའ་ཐོབ་ན་བླ་མགོན་དབྱེར་མེད་ཀྱི་གསོལ་འདེབས་སྦྱར། བཀའ་མ་ཐོབ་ཀྱང་ཐུན་མཚམས་ཀུན་ཏུ། ན་མོ་བུདྡྷ་སོགས་ཀྱི་གསོལ་འདེབས་དང་། ཚོགས་གཏོར་ལ་བརྩོན་པ་གལ་ཆེ། དགོངས་མོ་ལྟ་བུར་མགོན་མཐིང་གི་གཏོར་ཆོག་རེའང་གྲུབ་ན་གལ་ཆེ་ཞིང་བསྙེན་སྒྲུབ་ཟིན་ནས་རྒྱུན་དུ་འདི་ཉིད་ཀྱི་གཏོར་འབུལ་རེའང་ཆག་ཏུ་མི་རུང་། བསྙེན་པ་གྲུབ་པའི་ཁ་སྐོང་དང་ལས་ལ་སྦྱོར་བའི་ཚེ་སྦྱིན་སྲེག་ཀྱང་གལ་ཆེ། གནད་ཀྱི་ཁྱད་པར་རགས་བསྡུས་སུ་བཀོད་པ་ཡིན་ལ་ཞིབ་པར་ཡིག་རྙིང་རྣམས་ལས་ཤེས་དགོས། གདམས་ངག་འདི་ནི་གཞན་གང་དང་ཡང་མི་འདྲ་བས་ཚེ་འདི་དང་འཆི་ཁ་བར་དོ་རུ་ངེས་པར་སླེབས་པ་ཡིན་གསུངས་སོ།</span><br /><br /><span class="tibetan_small">།གསུམ་པ་གཏོར་ཆོག་སྐོང་གསོའི་ཕྲིན་ལས་བྱ་བར་འདོད་པས། རྟེན་མཆོད་བསྙེན་སྒྲུབ་ཀྱི་སྐབས་ལྟར་འཛོམས་ན་ལེགས། མ་འཛོམས་ན་མཆོད་གཏོར་ཉེར་སྤྱོད་སྨན་ཕུད་སོགས་ཇི་ཙམ་འབྱོར་བ་འདུ་བྱས་ཏེ། ཡི་དམ་མམ་མགོན་པོའི་བསྐྱེད་བཟླས་སོགས་སྔོན་དུ་བཏང་། གོང་དུ་སྨོས་པ་ལྟར་བདུད་རྩི་དང་གནས་ཡོ་བྱིན་རླབས་བྱ། </span><br /><span class="tibetan_small">དེ་ནས་གཏོར་མ།</span> <br />ཨ་མྲྀ་ཏ<span class="tibetan_small">ས་བསང་།</span> སྭ་བྷཱ་ཝ<span class="tibetan_small">ས་སྦྱང་།</span> <br />སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་བུ་གསུམ། དེའི་སྟེང་དུ་ཨ་ལས་ཐོད་པ་མཚན་ལྡན་ཡངས་ཤིང་རྒྱ་ཆེ་བའི་ནང་དུ་བྷྲུྃ་ཨྃ་ཛྲིཾ་ཁྃ་ཧཱུྃ་རྣམས་ལས་ཤ་ལྔ། ལཱྃ་མཱྃ་པཱྃ་ཏཱྃ་བཱྃ་རྣམས་ལས་བདུད་རྩི་ལྔ། སྟེང་གི་ནམ་མཁའ་ལ་ཨོཾ་དཀར་པོ། ཨཱཿལས་ཟླ་བ། ཧཱུྃ་ལས་རྡོ་རྗེ་རྣམས་བརྩེགས་པ། རླུང་གཡོས་མེ་སྦར་ཤ་ལྔ་བདུད་རྩི་ལྔ་འོད་དུ་ཞུ། ཡི་གེ་འབྲུ་གསུམ་ལས་བདུད་རྩིའི་རྒྱུན་བབས། དེ་རྣམས་ཀྱི་འོད་ཀྱིས་སངས་རྒྱས་ཐམས་ཅད་ཀྱི་རྡོ་རྗེ་གསུམ་ཡེ་ཤེས་ཀྱི་བདུད་རྩི་སྤྱན་དྲངས་ཏེ་ཐིམ། ཨོཾ་དང་ཟླ་བ་རྡོ་རྗེ་རྣམས་ཀྱང་འོད་དུ་ཞུ་ཞིང་ཐིམ་པས། ཁ་དོག་དྲི་རོ་ནུས་མཐུ་ཕུན་སུམ་ཚོགས་པ་ཟད་མི་ཤེས་པ་བདུད་རྩིའི་རྒྱ་མཚོར་གྱུར། <br />ཨོཾ་ཨཱཿཧཱུྃ། <span class="tibetan_small">ལན་གསུམ་གྱིས་བྱིན་གྱིས་བརླབ།</span> <br />མདུན་གྱི་ནམ་མཁར་དུར་ཁྲོད་ཆེན་པོའི་དབུས་སུ་ཆོས་འབྱུང་དཀར་པོ་ཡངས་ཤིང་རྒྱ་ཆེ་བའི་ནང་དུ་པཾ་ལས་པདྨ། རཾ་ལས་ཉི་མ། གཾ་ལས་ཚོགས་བདག་དཀར་པོ་གླང་པོ་ཆེའི་གདོང་པ་ཅན་ལ་ཕུག་དང་ནེའུ་ལེ་འཛིན་པ་གཉིས་ཁ་སྦུབ་ཏུ་འགྱེལ་བའི་སྟེང་དུ་ཧཱུྃ་དཀར་པོ། དེ་ལས་འོད་འཕྲོས། འཕགས་པ་མཆོད། སེམས་ཅན་རྣམས་ཀྱི་དབུལ་ཕོངས་ཀྱི་སྒྲིབ་པ་སྦྱངས་ནས་དཔལ་འབྱོར་རྒྱས་པར།བྱས། འཇིག་རྟེན་དང་འཇིག་རྟེན་ལས་འདས་པའི་དགེ་ལེགས་ཐམས་ཅད་ཚུར་འདུས་ཡི་གེ་ཧཱུྃ་དང་བཅས་པ་ལ་ཐིམ་ཞིང་རོ་གཅིག་ཏུ་འདྲེས་པ་ལས། མགོན་པོ་ཡིད་བཞིན་ནོར་བུ་གངས་རི་ལྟར་བརྗིད་ཅིང་། ནོར་བུ་ཆུ་ཤེལ་དྲི་མ་མེད་པ་ལྟར་དྭངས་ཤིང་འོད་འཕྲོ་བ། དམར་ཞིང་འཁྱུགས་པའི་སྤྱན་གསུམ་དང་ལྡན་ཅིང་མཆེ་བའི་མྱུ་གུ་ཅུང་ཟད་གཙིགས་ནས་འཛུམ་ཞིང་བཞད་པ། སྨ་ར་དང་སྨིན་མ་དང་དབུ་སྐྲ་དམར་སེར་གྱེན་དུ་འཁྱུགས་པ། ཕྱག་དྲུག་གི་གཡས་དང་པོས་གྲི་གུག་འཕྱར་ཞིང་། གཉིས་པས་ཡིད་བཞིན་གྱི་ནོར་བུ་དབང་གི་རྒྱལ་པོ་ཐུགས་ཀར་འཛིན་པ། ཐ་མས་ཌཱ་མ་རུ་འཁྲོལ་བ། གཡོན་དང་པོས་ཐོད་པའི་ནང་དུ་བུམ་པ་རིན་པོ་ཆེ་དུ་མས་གང་བ་དང་བཅས་པ་བརླ་གཡོན་པ་ལ་བརྟེན་ནས་འཛིན་ཅིང་། བར་པས་རྩེ་གསུམ། ཐ་མས་ལྕགས་ཀྱུ་འཛིན་པ། སྦོམ་ཞིང་གསུས་ཁྱིམ་འཕྱང་བ། རུས་པ་དང་རིན་པོ་ཆེ་དང་སྦྲུལ་གྱི་རྒྱན་དུ་མས་སྤྲས་ཤིང་། དར་སྣ་ཚོགས་པའི་ཤམ་ཐབས་གསོལ་བ། ཞབས་གཉིས་དུར་ཁྲོད་ཆེན་པོ་བསིལ་བའི་ཚལ་ནས་ད་ལྟ་འབྱོན་འཕྲོ་ལས་འཆམས་པ་འདྲ་བའི་སྟབས་ཀྱིས་ནོར་བུའི་ཆར་འབེབས་པའི་བགེགས་ཀྱི་རྒྱལ་པོ་ཟུང་གི་སྤྱི་བོར་བརྫིས་ཏེ་པདྨ་ཉི་མའི་གདན་ལ་བརྗིད་ཆགས་པར་འགྱིང་བ། ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན་བཞུགས་པ། འཁོར་དུ་དཔའ་བོ་མཁའ་འགྲོ་གནོད་སྦྱིན་བྱེ་བ་འབུམ་སྡེ་དཔག་ཏུ་མེད་པས་བསྐོར་བ། མགོན་པོའི་སྤྱི་བོར་བླ་མ་ཡིད་བཞིན་གྱི་ནོར་བུ་དབང་གི་རྒྱལ་པོ་སྐུ་མདོག་པདྨ་རཱ་གའི་མདོག་ཅན། ཡིད་བཞིན་ནོར་བུ་དང་དྲིལ་བུ་འཛིན་པ། མཚན་དཔེའི་དཔལ་འབར་ཞིང་འོད་ཀྱི་དྲྭ་བ་འཁྲིགས་པ། ཐུགས་ཀར་འགུགས་བྱེད་ཀྱི་ཌཱ་ཀི་མ་སིནྡྷུ་ར་གསར་བའི་མདོག་ཅན་སྒེག་ཅིང་ཆགས་ལ་ལང་ཚོས་སྒེག་པ། ཕྱག་གཡས་ལྕགས་ཀྱུ་དང་། གཡོན་བདུད་རྩིས་གང་བའི་ཐོད་པ་འཛིན་ཅིང་རྒྱན་དུ་མས་སྤྲས་པ། སྤྱན་གསུམ་བར་སྣང་ལ་ཧྲིག་གེ་གཟིགས་བཞིན་དུ་གར་སྟབས་སུ་བཞུགས་པ། དཔྲལ་བར་ཨོཾ། མགྲིན་པར་ཨཱཿ མཁའ་འགྲོའི་ཐུགས་ཀར་ཆོས་ཉིད་ཀྱི་ཐིག་ལེ། དེའི་དབུས་སུ་ཧཱུྃ་དཀར་པོས་མཚན་པའོ། །རང་གི་སྙིང་གའི་ཧཱུྃ་ལས་འོད་ཟེར་འཕྲོས་པའི་སྣ་ལ་མཁའ་འགྲོ་ཆོས་སྐྱོང་ཐམས་ཅད་གནད་ནས་བསྐུལ་བར་བྱེད་པའི་དཔའ་བོ་སྔོ་སྐྱ་མཚན་མ་སྒྲེང་བ་རུས་པའི་རྒྱན་ཅན། དཔའ་མོ་དམར་མོ་བྷ་ག།རྒྱས་ཤིང་ནུ་མ་འཕྱང་བ། ནཱ་ག་གེ་སར་གྱི་མེ་ཏོག་གི་ཕྲེང་བས་བརྒྱན་པ་གཉིས་ཀའང་བདེ་བས་མྱོས་ཤིང་ཆགས་པའི་གར་མཛད་པ། ཌཱ་མ་རུ་དང་དྲིལ་བུ་འཁྲོལ་བཞིན་པ་རེ་རྒྱང་གིས་འཕྲོས། དུར་ཁྲོད་བསིལ་བའི་ཚལ་ན་བཞུགས་པའི་མགོན་པོའི་ཤངས་བུག་ནས་ཐོགས་མེད་དུ་ཞུགས། ཐུགས་ཀའི་ཧཱུྃ་ལ་གཡས་སྐོར་དུ་བསྐོར་བ་ཆི་ལི་ལི་བྱས་པ་ཙམ་གྱིས་ཐུགས་དམ་གྱི་རྒྱུད་རང་དབང་མེད་པར་བསྐུལ་ཏེ། མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་འཁོར་མཁའ་འགྲོ་གནོད་སྦྱིན་བྱེ་བ་དང་བཅས་པ་ཕྱག་གི་ཌཱ་མ་རུ་ཁྲོལ་ཁྲོལ་ཕྱག་ཞབས་ཀྱི་དྲིལ་བུ་སིལ་སིལ་འུར་འུར། ཆེམ་ཆེམ་ནམ་མཁའ་གང་བར་བྱོན་པར་གྱུར། <span class="tibetan_small">སྤོས་སྦྱོར་བསྲེགས། རོལ་མོ་དབྱངས་དང་བཅས་ཏེ།</span> <br />ཧཱུྃ། །དད་པ་དང་ནི་དམ་ཚིག་གིས། །ཚུར་བྱོན་ཡིད་བཞིན་མགོན་པོ་ཆེ། །འོད་དཔག་མེད་པའི་སྤྱན་སྔ་རུ། །འཕགས་པ་ལོ་ཀི་ཤྭ་ར་ཡིས། །འགྲོ་ལ་བྱམས་པས་ཉེར་དགོངས་ནས། །དབུལ་བའི་སྡུག་བསྔལ་སེལ་བ་དང་། །རྣལ་འབྱོར་བསོད་ནམས་སྐྱེད་བྱེད་དུ། །སྤྲུལ་པའི་དམ་ཚིག་བཞིན་དུ་བྱོན། །ཁྱེད་ནི་འཕགས་པའི་སྤྲུལ་པ་སྟེ། །བསིལ་བ་ཚལ་གྱི་དུར་ཁྲོད་དུ། །དཔག་བསམ་ཤིང་གཅིག་རྩ་བར་གནས། །མཁའ་འགྲོ་འབུམ་གྱི་འཁོར་དང་བཅས། །ཆོས་ཉིད་ངང་ལས་མ་གཡོས་ཀྱང་། །དེ་རིང་ཡིད་བཞིན་ནོར་བུ་བཞེངས། །འཁོར་བཅས་གནས་འདིར་གཤེགས་སུ་གསོལ། །མ་ཧཱ་ཀཱ་ལ་ཐུགས་རྗེའི་གཏེར། །མཐུ་ཆེན་རྒྱལ་པོ་ཡིད་བཞིན་མགོན། །དགོས་འདོད་ཀུན་འབྱུང་དཔའ་བོ་ཆེ། །དཀར་སེར་དམར་ལྗང་ཡིད་འོང་མ། ལས་བཞིའི་ཕྲིན་ལས་སྒྲུབ་མཛད་མ། །ཡེ་ཤེས་ལྔ་ཡི་བདག་ཉིད་ཅན། །ཌཱ་ཀི་འཁོར་ཚོགས་དཔག་མེད་དང་། །རྩ་བརྒྱུད་བླ་མ་ཡི་དམ་ལྷ། །བསྟན་སྲུང་ནོར་ལྷ་གནོད་སྦྱིན་རྣམས། །འཁོར་བཅས་གནས་འདིར་གཤེགས་སུ་གསོལ། །རིགས་ཀྱི་ཅོད་པན་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རིན་ཆེན་རྒྱན་ཆ་སི་ལི་ལི། །གསང་བའི་རྔ་ཆུང་དི་རི་རི། །དཔའ་བོའི་ངར་སྐད་ཙེ་རེ་རེ། །དཔའ་མོའི་བརྡ་གླུ་ལྷངས་སེ་ལྷང་། །བླ་མ་ཡི་དམ་ཐིབས་སེ་ཐིབ། །ནོར་ལྷ་གནོད་སྦྱིན་སྤུངས་སེ་སྤུང་། །སྙིང་རྗེའི་རང་ཉམས་ལྷངས་སེ་ལྷང་། །སྒྱུ་མའི་རང་སེམས་རྗེན་ནེ་ནེ། །སྤྲོས་མེད་རིག་པ་ས་ལ་ལ། །གཏད་མེད་ངང་དུ་ཡ་ལ་ལ། །བདེ་ཆེན་གོང་བུར་ཁྲི་ལི་ལི། །བྱིན་གྱིས་བརླབ་ཕྱིར་གཤེགས་སུ་གསོལ། །གནས་ཁང་འདི་རུ་བྱིན་ཕོབས་ལ། །རིན་ཆེན་ནོར་གྱི་ཆར་པ་ཕོབས། །སྒྲུབ་མཆོག་བདག་ལ་བྱིན་རློབས་ལ། ཁམས་གསུམ་མ་ལུས་དབང་དུ་སྡུས། །གུ་རུ་མ་ཧཱ་ཀཱ་ལ་ཌཱ་ཀི་ནཱི་སརྦ་ཨཱ་བེ་ཤ་ཡ་ཨ་ཨཱཿ <br />ཧཱུྃ། །ཙན་དན་ལྗོན་ཤིང་འཁྲིགས་པའི་དུར་ཁྲོད་ནས། །དྲི་བཞོན་གྱིས་བསྐྱོད་སྤྲིན་དཀར་ཕུང་པོ་བཞིན། །ཕྱག་ན་པདྨོའི་རྣམ་རོལ་བསྟན་སྲུང་མཆོག །མགོན་དཀར་འདོད་རྒུའི་ཆར་འབེབས་གནས་འདིར་གཤེགས། །ལྷ་ཆེན་བླ་མ་ཡིད་བཞིན་ནོར་བུ་ཡི། །བཀའ་སྒྲུབ་ཕྱོགས་བཅུའི་འཇིག་རྟེན་དབང་དུ་སྡུད། །རྣལ་འབྱོར་མཆོག་ལ་དངོས་གྲུབ་མྱུར་སྩོལ་བའི། །ནོར་བདག་ཌཱ་ཀིའི་ཚོགས་བཅས་གནས་འདིར་གཤེགས། །མགོན་པོ་འཁོར་བཅས་ཐུགས་རྗེའི་ཟློས་གར་གྱིས། །རྣམ་པར་གཡོ་བའི་སྲིད་ཞིའི་དཔལ་འབྱོར་ནི། །གེགས་མེད་མྱུར་སྩོལ་དབུལ་བའི་སྡུག་བསྔལ་ཀུན། །མ་ལུས་བསལ་ནས་དཔལ་འབྱོར་རྒྱས་པར་མཛོད། །གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཞེས་དང་།</span> ཛཿ <span class="tibetan_small">ཉེར་གཅིག་བརྗོད་ལ་སྤྱན་དྲངས།</span> <br />ཧཱུྃ། །རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །བྱིན་གྱིས་བརླབས་པའི་གནས་འདིར་ནི། །དངོས་གྲུབ་སྩོལ་ཕྱིར་བཞུགས་སུ་གསོལ། ཛཿཧཱུྃ་བཾ་ཧོཿ <span class="tibetan_small">དམ་ཡེ་གཉིས་མེད་དུ་གྱུར་པར་མོས་ལ།</span> <br />ཧཱུྃ། །དུར་ཁྲོད་མེ་རིས་ཡོངས་བསྐོར་བའི། །རིན་ཆེན་ལས་གྲུབ་གཞལ་ཡས་ཁང་། །ཕྱི་ནང་རྔམས་བརྗིད་རབ་མཛེས་པའི། །མཆོད་སྤྲིན་རྒྱ་མཚོས་ཡོངས་སུ་གང་། །གནམ་ལྕགས་ཆོས་འབྱུང་འབར་བ་དང་། །ཡིད་འོང་སྣ་ཚོགས་པད་ཉིའི་སྟེང་། །བགེགས་རྒྱལ་ནོར་བདག་འགྱིངས་བའི་གདན། །ཡེ་ཤེས་ལས་གྲུབ་ཕོ་བྲང་དབུས། །སྤྱན་རས་གཟིགས་མགོན་བཞུགས་སུ་གསོལ། །ཡེ་ཤེས་མགོན་པོ་བཞུགས་སུ་གསོལ། །ཡིད་བཞིན་ནོར་བུ་བཞུགས་སུ་གསོལ། འཁོར་ཚོགས་བཅས་པ་བཞུགས་སུ་གསོལ། པདྨ་ཀ་མ་ལཱ་ཡ་སྟྭཾ། <span class="tibetan_small">མཆོད་པ་ནི། དཀྱུས་སུ།</span> རྟེན་ཅིང་འབྲེལ་བར་འབྱུང་བ་ཡི། །ལྷ་རྫས་བཟང་པོའི་མཆོད་ཡོན་སོགས་ཀྱི་མཆོད་སྔགས་བཅས། ལྷ་རྫས་བཟང་པོའི་གཟུགས་མཆོག་<span class="tibetan_small">སོགས་འདོད་ཡོན་ལྔ་སྔགས་བཅས་རེ་རེ་བཞིན་འགྲེས་སྦྱར་ཏེ་མཆོད། </span><br /><span class="tibetan_small">སྤྲོ་ན་ཡིག་རྙིང་ལས་བྱུང་བ་ནི།</span> <br />ཧཱུྃ། རྒྱུ་དང་འབྲས་བུའི་ཁྱད་པར་བཞིན། །བསྐྱེད་ཅིང་བསྟིམས་པའི་རང་བཞིན་གྱིས། །ཡེ་ཤེས་མགོན་པོ་འདིར་བཞུགས་ལ། །བདག་གི་མཆོད་བསྟོད་བཞེས་སུ་གསོལ། །བྱེ་བ་ཕྲག་བརྒྱའི་ཞིང་ཁམས་ན། །ཆུ་བོ་ཆུ་ཕྲན་གང་གཱ་དང་། །པཀྵུ།སི་ཏཱ་བདུད་རྩིའི་ཆུ། །ཡན་ལག་བརྒྱད་ལྡན་འབབ་ཆུ་དང་། །ལྷ་ཡི་ཆུ་དང་མི་ཡི་ཆུ། །སྣ་ཚོགས་དྭངས་ཤིང་ཡིད་འོང་བའི། །ཡོན་ཆབ་སྣ་ཚོགས་མཛེས་པ་དང་། པདྨ་ཀུ་མུ་ཏ་ཨུཏྤ་ལ། །མནྡྷཱ་ར་བ་ལ་སོགས་པ། ཁ་དོག་དྲི་བསུང་ཕུན་ཚོགས་པའི། །མེ་ཏོག་ཇི་སྙེད་ཡོད་པ་དང་། །ཙནྡན་དཀར་དམར་ཨ་ག་རུ། །ཛཱ་ཏི་ལི་ཤི་ལ་སོགས་པའི། །དྲི་ཞིམ་སྤོས་ཀྱིས་ནམ་མཁའ་ཁེངས། །ཉི་ཟླ་ཡིད་བཞིན་ནོར་བུའི་འོད། །ལྷ་ཡི་འོད་དང་མར་མེའི་རིགས། །གླིང་བཞི་གསལ་བྱེད་ཐམས་ཅད་དང་། །ག་བུར་ཆུ་དང་གུར་གུམ་ཆུ། བསིལ་བྱེད་བདེ་བའི་དྲི་མཆོག་དང་། །སུཀྨེ་ཀ་སོགས་ཤིང་འབྲས་དང་། །ནས་འབྲས་གྲོ་ཏིལ་སོ་སྲན་དང་། །བཅུད་དང་ལྷ་ཡི་ཞལ་ཟས་སོགས། །རི་རབ་ལས་ལྷག་ཕུན་ཚོགས་དང་། །ལྷ་ཡི་རྔ་ཆེན་བརྗིད་པའི་སྒྲ། །གསང་བའི་རྔ་ཆུང་སྙན་པའི་སྒྲ། །དུང་ཆེན་གླིང་བུ་པི་ཝཾ་འཛིན། །དུང་དཀར་ཕེག་རྡོབ་སིལ་སྙན་དང་། །སྙན་པའི་རོལ་མོ་ཇི་སྙེད་ཀུན། འུར་འུར་ཆེམས་ཆེམ་སྒྲ་སྒྲོགས་པ། །སྲིད་གསུམ་གང་ཞིང་གཡོ་བ་འདི། །མ་ཧཱ་ཀཱ་ལ་འཁོར་བཅས་ལ། །འབུལ་གྱིས་ཡང་དག་བཞེས་སུ་གསོལ། །བསམ་དོན་མ་ལུས་འགྲུབ་པ་དང་། ཕྲིན་ལས་རྒྱ་ཆེར་འཕེལ་བར་མཛོད། །གཞན་ཡང་དྲག་པོའི་ཉེར་སྤྱོད་ལྔ། །དྲག་པོའི་རྒྱན་དང་མཚོན་ཆ་དང་། །དཔལ་གྱི་ཆས་བརྒྱད་ལ་སོགས་པ། །འབུལ་གྱིས་ཡང་༴ བར་ཆད་མ་ལུས་ཞི་བ་དང་། །དགྲ་དང་འབྱུང་པོ་མེད་པར་མཛོད། །མཛེས་པའི་བཀྲ་ཤིས་རྟགས་བརྒྱད་དང་། །རྒྱལ་སྲིད་རིན་ཆེན་རྣམ་པ་བདུན། །འདོད་ཡོན་ལྔ་དང་རྫས་མཆོག་བརྒྱད། །སྟོང་གསུམ་མ་ལུས་བཀང་བྱས་ནས། །འབུལ་གྱིས་ཡང་༴ །བྱེ་བ་ཕྲག་བརྒྱའི་འཇིག་རྟེན་གྱི། །རབ་མཛེས་རི་རྒྱལ་ལྷུན་པོ་དང་། །ལྷ་ཡི་ཁང་བཟང་སྐྱེད་མོས་ཚལ། །མེ་ཏོག་ཚལ་དང་ནོར་བུའི་མཚོ། །དཔག་བསམ་ཤིང་དང་འདོད་འཇོའི་བ། །རིན་ཆེན་རི་དང་བདུད་རྩིའི་མཚོ། །གླིང་བཞི་གླིང་ཕྲན་ཉི་ཟླ་དང་། །དེ་ལ་གནས་པའི་ལོངས་སྤྱོད་ཚོགས། །ཅི་མཆིས་མ་ཚང་མེད་པ་དང་། །ཟག་མེད་དགའ་བཞིའི་བདེ་བ་དང་། །རིན་ཆེན་གདུགས་མཆོག་རིན་ཆེན་ཏོག །སྟོང་གསུམ་ཁྱབ་པའི་རྒྱལ་མཚན་མཆོག །ལྷ་ཡི་ཡོ་བྱད་ཕུན་ཚོགས་རྣམས། །དངོས་བཤམས་ཡིད་སྤྲུལ་བློས་བླངས་ནས། །བླ་མ་མགོན་པོ་དབྱེར་མེད་པ། །ཡིད་བཞིན་ནོར་བུ་དབང་གི་རྒྱལ། །མཁའ་འགྲོ་འཁོར་དང་བཅས་ལ།འབུལ། །བདུད་བཞི་ཟིལ་གྱིས་གནོན་པ་དང་། །གླིང་བཞི་དབང་དུ་འདུ་བ་དང་། །སྲིད་ཞིའི་དགེ་ལེགས་ཐོབ་པ་དང་། །ཕྲིན་ལས་རྣམ་བཞི་མཐར་ཕྱིན་ནས། །སྐུ་བཞི་མངོན་དུ་འགྲུབ་པར་མཛོད། །གུ་རུ་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས། ཤཔྡ་པཉྩ་ཀཱ་མ་གུ་ཎ་སརྦ་པཱུ་ཛ་པྲ་ཏཱིཙྪ་སྭཱ་ཧཱ། <br />ཧཱུྃ། མཚན་ལྡན་ཡེ་ཤེས་ཀ་པཱ་ལ། །སྨན་ལྔ་བཅུད་ལྔ་སྙིང་པོ་ལྔ། །འབྲུ་ལྔའི་བདུད་རྩི་རྣམ་ལྔ་དང་། །ཕྱག་རྒྱའི་རྒྱན་ལྡན་གཏོར་མ་འདི། །ཡེ་ཤེས་ལྔ་རུ་བྱིན་བརླབས་ནས། །ལྷ་ཆེན་མགོན་པོ་དགྱེས་ཕྱིར་འབུལ། །བཞེས་ཤིག་རོལ་ཅིག་དགྱེས་པར་རོལ། <span class="tibetan_small">།སྔགས་སྔ་མའི་མཇུག་ཏུ།</span> <br />སརྦ་པཉྩ་ཨ་མྲྀ་ཏ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">ཞེས་འབུལ། ནང་མཆོད་སྤྲོ་ན་བསྙེན་པའི་སྐབས་ལྟར་བྱ།</span> <br />ཆོས་འབྱུང་དཀར་ལ་མེ་རི་དམར་པོའི་དབུས། །པད་དཀར་མདངས་ལྡན་འོད་སྟོང་ཕྱོགས་བཅུར་འཕྲོ། །གངས་རི་ལྟར་དཀར་ཞལ་གཅིག་ཕྱག་དྲུག་པ། །ཁྱེད་ལ་རྣམ་དཀར་དང་བས་ཕྱག་འཚལ་བསྟོད། <span class="tibetan_small">།ཅེས་བསྟོད། དེ་ནས་བཀའ་ཐོབ་པའམ་རྒྱས་པར་སྤྲོ་ན། བླ་མ་མགོན་པོ་དབྱེར་མེད། གྲིབ་སེལ། མཁའ་འགྲོ་དབང་སྡུད་བཅས་རྒྱས་པར་མགོན་མཐིང་གི་གཞུང་ལྟར་སྦྱར། ཅུང་ཟད་བསྡུ་ན།</span> <br />མགོན་པོའི་སྤྱི་བོར་རྩ་བའི་བླ་མ་སྐུ་མདོག་སེར་པོ་ནོར་བུ་དང་དྲིལ་བུ་འཛིན་པ། རྡོ་རྗེ་སྐྱིལ་ཀྲུང་དར་དང་རིན་པོ་ཆེས་བརྒྱན་པ། བླ་མའི་སྐུ་ལས་འོད་འཕྲོས། མགོན་པོ་ལ་ཕོག་འོད་དང་བདེ་བའི་རང་བཞིན་དུ་ལྟེམ་ལྟེམ་གྱུར། འུར་འུར་སིལ་སིལ་གར་མཛད། མགོན་པོ་ལས་འོད་འཕྲོས་བླ་མ་ལ་ཕོག །འོད་དང་བདེ་བའི་རང་བཞིན་དུ་ལྟེམ་ལྟེམ་གྱུར། འུར་འུར་སིལ་སིལ་གར་མཛད། མགོན་པོ་ཉིད་བླ་མ། བླ་མ་ཉིད་མགོན་པོ། བླ་མ་དང་མགོན་པོ་དབྱེར་མེད་དུ་གྱུར། བླ་མ་མགོན་པོ་དབྱེར་མེད་ལ་གསོལ་བ་འདེབས་སོ། <br /><span class="tibetan_small">།གསུམ་མམ་བདུན་ཙམ། སྤྲོ་ན་བར་འདིར་བརྒྱུད་པའི་བླ་མའི་གསོལ་འདེབས་བྱ། དེ་ནས།</span> <br />ན་མོ་བུདྡྷ་ཡ། ན་མོ་གུ་རུ་ཧེ། བཛྲ་བཱི་ར་བཱི་རི་ཎི། ཤྲཱི་ཌཱ་ཀ་ཌཱ་ཀི་ནཱི། ཛོ་ག་ཛོ་གི་ནི། སརྦ་བུདྡྷ་བོ་དྷི་ས་ཏྭཱ་ཡ་ཤཱ་རཱ་ཎཱཾ། གཙྪ་མཱི། བླ་མ་མགོན་པོ་དབྱེར་མེད་ལ། །བདག་ནི་དད་པས་གསོལ་འདེབས་ཀྱིས། །བདག་དང་སེམས་ཅན་ཐམས་ཅད་ཀྱི། །ཉོན་མོངས་མ་ལུས་བསལ་བ་དང་། །དངོས་གྲུབ་མ་ལུས་སྩལ་དུ་གསོལ། <span class="tibetan_small">།ཅེས་གསུམ་སོགས་བརྗོད། ཡང་།</span> སྤྱི་བོའི་བླ་མ་རྡོ་རྗེ་སེམས་དཔའ་དཀར་པོ་གཡས་ཤེལ་གྱི་རྡོ་རྗེ། གཡོན་ཀ་པཱ་ལ་བདུད་རྩིས་གང་བ་འཛིན་པ། སངས་རྒྱས་བྱང་སེམས་དཔའ་བོ་མཁའ་འགྲོ།ཐམས་ཅད་བླ་མའི་གནས་གསུམ་དུ་ཐིམ། བླ་མའི་གནས་གསུམ་ནས་ཡི་གེ་བརྒྱ་པ་དཀར་དམར་མཐིང་གསུམ་བྱུང་། མགོན་པོའི་གནས་གསུམ་དུ་ཐིམ། སྐུ་གསུང་ཐུགས་ཀྱི་ཉམས་ཆག་ཐམས་ཅད་དག་པར་གྱུར། <span class="tibetan_small">ཡིག་བརྒྱ་ཉེར་གཅིག་སོགས་བཟླས་ལ། ལོངས་སྐབས་ཡོད་ན།</span> <br />རྡོ་རྗེ་འཆང་ཆེན་དཔལ་ལྡན་ཤ་བ་རི། <span class="tibetan_small">སོགས་རྒྱས་པར་བྱ། བསྡུ་ན།</span> <br />སྐུ་ཡི་དམ་ཚིག་ཉམས་པ་མཐོལ་ལོ་བཤགས། །གསུང་གི་དམ་ཚིག་ཉམས་པ་མཐོལ་ལོ་བཤགས། །ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས། །རྩ་བའི་དམ་ཚིག༴ ཡན་ལག་དམ་ཚིག༴ །ཚོར་ཏེ་དམ་ཚིག༴ མ་ཆོར་དམ་ཚིག༴ ཉམས་ཆག་དག་ཕྱིར་བཤགས་པ་འདི་བྱས་པས། །བླ་མ་མགོན་པོ་འཁོར་དང་བཅས་རྣམས་ཀྱིས། །ཕ་མ་བུ་ཚ་བཞིན་དུ་བཟོད་བཞེས་ལ། །དངོས་གྲུབ་ཐམས་ཅད་དུས་འདིར་སྩལ་དུ་གསོལ། <span class="tibetan_small">།སྐོང་བ་སྤྲོ་ན་སྐབས་འདིར་བྱ་སྟེ། སྐོང་རྫས་བསང་སྦྱང་།</span> <br />སྟོང་པའི་ངང་ལས་གནས་ཁང་བྷྲཱུཾ་ལས་རིན་པོ་ཆེའི་གཞལ་ཡས་ཁང་རྒྱན་དང་བཀོད་པ་ཕུན་སུམ་ཚོགས་པའི་ནང་དུ་ཧཱུྃ་ལས་ཕྱི་ནང་གསང་བའི་རྟེན་རྫས་སྒྲུབ་རྫས་སྐོང་རྫས་མཆོད་པའི་ཡོ་བྱད་རྒྱ་ནམ་མཁའི་མཐའ་དང་མཉམ་ཞིང་རྒྱུན་འཁོར་བ་ཇི་སྲིད་ཀྱི་བར་དུ་འབྱུང་བར་གྱུར། <span class="tibetan_small">ནམ་མཁའ་མཛོད་ཀྱི་སྔགས་རྒྱ་དང་།</span> <br />ཨོཾ་བཛྲ་སྥ་ར་ཎ་ཁཾ། <span class="tibetan_small">ཞེས་པས་སྤེལ་བ།</span> <br />ཧཱུྃ། བསིལ་བ་ཚལ་གྱི་དུར་ཁྲོད་ནས། །དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལ་ཡ། །བསྐང་བའི་གནས་འདིར་གཤེགས་སུ་གསོལ། །ལྷ་ཆེན་མགོན་པོ་ཐུགས་རྗེའི་གཏེར། །དཔའ་བོ་ཆེན་པོ་ནོར་གྱི་བདག །ཡིད་བཞིན་མགོན་པོ་ཌཱ་ཀིའི་གཙོ། །དཔལ་ལྡན་མ་ཧཱ་ཀཱ་ལ་དང་། །ཌཱ་ཀིའི་འཁོར་ཚོགས་དཔག་མེད་དང་། །ནོར་ལྷ་གནོད་སྦྱིན་འཁོར་དང་བཅས། །དགྱེས་མཆོད་ཐུགས་དམ་བསྐང་བ་ནི། །ཆུ་ཤེལ་ཕོ་བྲང་འོད་དཀར་འཕྲོ། །མུ་ཏིག་དྲྭ་བ་ནོར་བུས་སྤྲས། །རབ་མཛེས་པདྨའི་ཆུན་འཕྱང་གཡོ། །རིན་ཆེན་ཕྲེང་བས་བར་སྣང་ཁེངས། །གདུགས་མཆོག་དར་གྱི་ཤམ་བུ་གཡོ། །རྒྱལ་མཚན་ནོར་བུའི་ཏོག་འོད་མཛེས། །བ་དན་ཤེལ་གྱི་ཡུ་བས་བཏེག །འཕན་བཟང་གསེར་གྱི་ཟར་ཚགས་སྦྲེང་། །བཻ་ཌཱུརྱ་དང་དབང་སྔོན་སོགས། །རིན་ཆེན་སྣ་བདུན་གྲམ་བུར་བརྡལ། དཔག་བསམ་ལྗོན་ཤིང་འདོད་འཇོའི་བ། །མ་རྨོས་ལོ་ཏོག་གཏེར་གྱི་བུམ། །བཀྲ་ཤིས་རྫས་རྟགས་རྒྱལ་སྲིད་སོགས། །ལྷ་མིའི་དཔལ་འབྱོར་ཐམས་ཅད་ཀྱིས། །མགོན་པོ་ཡིད།བཞིན་ནོར་བུ་ནི། །མཁའ་འགྲོའི་ཚོགས་བཅས་ཐུགས་དམ་བསྐང་། །མཆོད་ཡོན་ཞབས་བསིལ་མེ་ཏོག་སྤོས། །སྣང་གསལ་དྲི་ཆབ་བཟའ་བཏུང་བཅུད། །སྙན་འཇེབས་དབྱངས་དང་རོལ་མོའི་སྒྲ། །གཟུགས་སྒྲ་དྲི་རོ་རེག་བྱའི་མཆོག །བརྟན་གཡོའི་ཕུན་ཚོགས་ཐམས་ཅད་ཀྱིས། །མགོན་པོ་ཡིད་བཞིན་ནོར་བུ་ནི། །མཁའ་འགྲོའི་ཚོགས་བཅས་ཐུགས་དམ་བསྐང་། །གནམ་ལྕགས་འབར་བའི་གྲི་གུག་དང་། །འདོད་རྒུའི་ཆར་འབེབས་ཡིད་བཞིན་ནོར། །སྣང་སྲིད་དབང་སྡུད་ཅང་ཏེའུ། །སྨན་ཐོད་ནོར་གྱི་བུམ་པས་གཏམས། །རྩེ་གསུམ་བ་དན་ཕྱོགས་བཅུར་གཡོ། །དབང་གི་ལྕགས་ཀྱུས་ཁམས་གསུམ་འགུགས། །ནོར་བུའི་རྒྱན་དང་ཟ་འོག་གོས། །གསེར་གྱི་གཡེར་ཁ་དངུལ་གྱི་དྲིལ། །སྟག་ཤམ་ལི་ཁྲིའི་ཐིག་ལེ་དང་། །དུར་ཁྲོད་རྒྱན་བཀོད་ལ་སོགས་པས། །མགོན་པོ་ཡིད་བཞིན་ནོར་བུ་ནི། །མཁའ་འགྲོའི་ཚོགས་བཅས་ཐུགས་དམ་བསྐང་། །བདུད་རྩི་སྨན་གྱི་རྒྱ་མཚོ་བསྐྱིལ། །ཚོགས་གཏོར་སྤྱན་གཟིགས་རི་ལྟར་སྤུངས། །ཡིད་འཕྲོག་རིག་མས་དགའ་བཞི་བསྐྱེད། །ཕྱི་ནང་གསང་བའི་མཆོད་པའི་སྤྲིན། །ཆོས་ཀྱི་དབྱིངས་དང་མཉམ་པར་སྤེལ། སྒྱུ་མ་ལྟ་བུའི་ཏིང་འཛིན་གྱིས། །དམིགས་མེད་ངང་དུ་འབུལ་ལགས་ན། །བླ་མ་མགོན་པོ་དབྱེར་མེད་ཀྱི། །ཐུགས་དམ་གཉན་པོ་དབྱིངས་སུ་བསྐང་། །མྱུར་མཛད་མགོན་པོའི་ཐུགས་དམ་བསྐང་། །ཡིད་བཞིན་ནོར་བུའི་ཐུགས༴ །དབང་གི་རྒྱལ་པོའི་ཐུགས༴ ཐུགས་རྗེའི་གཏེར་གྱི༴ དཔའ་བོ་མཁའ་འགྲོའི༴ གནོད་སྦྱིན་ནོར་ལྷའི༴ དམ་ཅན་རྒྱ་མཚོའི་ཐུགས་དམ་བསྐང་། །རྣལ་འབྱོར་བདག་ཅག་འཁོར་དང་བཅས། །འདི་ཕྱི་བར་དོའི་འཇིགས་ལས་སྐྱོབས། །ལྷ་འདྲེ་མི་གསུམ་དབང་དུ་སྡུས། །ཚེ་བསོད་དཔལ་འབྱོར་སྙན་གྲགས་སྟོབས། །ཟས་ནོར་ལོངས་སྤྱོད་རྒྱས་པར་མཛོད། །སྒྲུབ་ལ་མྱུར་དུ་བྱིན་གྱིས་རློབས། །དགྱེས་པའི་ཞལ་རས་དངོས་སུ་སྟོན། །མཆོག་དང་ཐུན་མོང་དངོས་གྲུབ་སྩོལ། །ཅི་བསམ་ཡིད་བཞིན་འགྲུབ་བར་མཛོད། <span class="tibetan_small">།ཅེས་བསྐང་ཞིང་ཡིག་བརྒྱ་བརྗོད་ལ་ཉམས་ཆགས་བཤགས་པར་བྱའོ། །དེ་ནས།</span> <br />མགོན་པོའི་སྤྱི་བོར་བླ་མ་དམར་པོ་ཌཱ་མ་རུ་དང་ཐོད་པ་འཛིན་པ་ལྟ་བས་མི་ངོམས་ཤིང་། བཟོད་པར་དཀའ་བའི་གཟི་བརྗིད་ཅན། གཟིགས་པ་ཙམ་གྱིས་ཅི་འདོད་དབང་དུ་སྡུད་པ། དཔྲལ་བའི་སིནྡྷུ་རའི་ཐིག་ལེའི་ནང་དུ། ཧྲཱིཿདམར་པོ་བཅུ་གསུམ་ཡོངས་སུ་གྱུར།པ་ལས། གསང་བའི་མཁའ་འགྲོ་མ་དམར་མོ་ཌཱ་མ་རུ་དང་ཐོད་ཁྲག་འཛིན་པ་བཅུ་གསུམ་དུ་གྱུར། བླ་མའི་སྐུ་ལས་བྱུང་བའི་འོད་ཟེར་དམར་པོ་མཁའ་འགྲོ་མ་ལ་ཕོག་པས་དེ་རྣམས་ཌཱ་མ་རུ་དང་གཡེར་ཁའི་སྒྲ་ཁྲོལ་ཁྲོལ། ཞབས་གཉིས་གར་སྟབས་ལིང་ལིང་བ། སྤྱན་གསུམ་ནམ་མཁའ་ལ་ཧྲིག་ཧྲིག་གཟིགས་པ། མགོན་པོ་དང་མཁའ་འགྲོ་མའི་འོད་ཟེར་གྱིས་སེམས་ཅན་ཐམས་ཅད་བདག་གི་དབང་དུ་བསྡུས། དགོས་འདོད་ཆར་ལྟར་བབས་པར་གྱུར། ཨོཾ་བཛྲ་ན་ར་ཀྲིཾ་ཀྲིཾ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། <span class="tibetan_small">ཞེས་བརྒྱ་རྩ་བཟླས། བཟླས་པ་ནི། ཐུགས་ཀའི་ཆོས་ཉིད་ཀྱི་ཐིག་ལེའི་མཐའ་སྐོར་དུ་སྔགས་ཕྲེང་གཡས་སུ་བསྐོར་བ་ལ་དམིགས་པ་གཏད། སྤྲོ་བསྡུའི་དམིགས་པ་བྱེད་ནའང་སྐབས་བསྟུན་སྦྱར་ལ།</span> <br />གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཞེས་བཏགས་པ་ལན་བདུན་གྱིས་འབུལ་ཞིང་། ཤཱ་ས་ན་ལན་གསུམ་གྱིས་དམ་ཅན་སྤྱི་ལ་འབུལ། གོང་ལྟར་སྔགས་ཀྱིས་མཆོད། སྙིང་པོའི་མཐར་འབྲུ་གསུམ་བཏགས་པས་ནང་མཆོད་ཕུལ་ལ། སྒྲུབ་ཐབས་སུ་སྨོས་པའི་བསྟོད་པ་ཁྱུང་པོས་མཛད་པའམ། ཡང་ན།</span> <br />ཧཱུྃ། མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །འགྲོ་བའི་དབུལ་ཕོངས་མ་ལུས་ཞི་མཛད་པ། །འདོད་དགུའི་དངོས་གྲུབ་སྩོལ་ལ་ཕྱག་འཚལ་བསྟོད། །ལྷུན་སྟུག་ཀེ་ལཱ་ཤ་ཡི་རི་བོ་ལྟར། །འོད་ཟེར་བྱེ་བས་འཁྱུད་པའི་དཔལ་ཕྲེང་ཅན། །དབང་སྡུད་མཁའ་འགྲོ་སྟོང་གི་བདག་པོ་ནི། །མྱུར་མཛད་སྤྱན་རས་གཟིགས་ལ་ཕྱག་འཚལ་བསྟོད། །འཛུམ་བག་བརྗིད་པའི་ཞལ་རས་ཡིད་ཙམ་ཁྲོ། །འདོད་རྒུའི་ཆར་འབེབས་དབང་གི་རྒྱལ་པོ་ཁྱོད། །ཆོས་ཉིད་ཐིག་ལེའི་སྒོ་ངར་གདོད་མའི་སེམས། །མངོན་གྱུར་ཡེ་ཤེས་སྐུ་ཅན་ཁྱོད་ལ་བསྟོད། །དངུལ་ཆུའི་མདངས་གསལ་ཧཱུྃ་ཡིག་ལས་འཁྲུངས་པ། །སྐྱེ་འགྲོའི་རེ་སྐོང་དབུལ་བའི་སྡུག་བསྔལ་སེལ། །དབུ་སྐྲ་གྱེན་བརྗེས་སྤྱི་བོར་མི་འཁྲུགས་རྒྱལ། །རྒྱས་གདབ་དབང་བསྐུར་ཆེ་བརྙེས་ཁྱོད་ལ་བསྟོད། ཁ་བའི་རི་ལ་འཆར་ཀ་གསར་པ་ལྟར། །ཁྱོད་ཞལ་སྨིན་མཚམས་སིནྡྷུ་ཐིག་ལེ་མཛེས། །རིན་ཆེན་གདུ་བུ་འཁྲོལ་བའི་ཕྱག་དྲུག་པོ། །བླ་མེད་ཕ་རོལ་ཕྱིན་དྲུག་རྫོགས་ལ་བསྟོད། །གྲི་གུག་ཡིད་བཞིན་ནོར་བུ་ཌཱ་མ་རུ། །ནོར་བུས་གཏམས་པའི་ཐོད་པ་བུམ་པར་བཅས། །རྩེ་གསུམ་དངོས་གྲུབ་འགུགས་པའི་ལྕགས་ཀྱུ་བསྣམས། །ཕྱག་དྲུག་ཡེ་ཤེས་མགོན་པོ་ཁྱོད་ལ་བསྟོད། །ལྷབ་ལྷུབ་དར་དང་སྟག་ལྤགས་ན་བཟའ་ཅན། །འོད་འབར་རིན་ཆེན་རྒྱན་གྱི།སིལ་ཁྲོལ་དང་། །ནོར་བུའི་ཆུན་འཕྱངས་དུ་མས་རབ་ཏུ་མཛེས། །གཟི་བྱིན་ལྷང་ངེར་འབར་བ་ཁྱོད་ལ་བསྟོད། །འདོད་པའི་ལོངས་སྤྱོད་ཆར་ཆེན་འབེབས་བྱེད་པ། བི་ནཱ་ཡ་ཀའི་སྟེང་ན་རོལ་པས་བཞུགས། །རབ་སྔོ་ཙན་དན་ལྗོན་པའི་ཚལ་ན་དགྱེས། །གནས་གསུམ་མཁའ་འགྲོའི་བདག་པོ་ཁྱོད་ལ་བསྟོད། །ཐུགས་ཀར་དབང་གི་ལྷ་མོ་ལང་ཚོ་མ། །འཆར་ཀའི་འོད་རིས་གསར་པ་གློག་ཕྲེང་ལྟར། །མཛེས་ཤིང་གཡོ་བའི་དངོས་གྲུབ་ལྕགས་ཀྱུ་འཛིན། །སྲིད་གསུམ་དབང་དུ་སྡུད་མཛད་ཁྱོད་ལ་བསྟོད། །གུས་པས་བསྟོད་ཅིང་གསོལ་བ་འདེབས་པ་དང་། །སྙིང་ནས་ལྷ་མཆོག་ཁྱོད་ལ་གདུང་བ་ཡིས། །མཆོད་བསྟོད་འབུལ་གྱིས་བདག་ལ་མཆོག་སྩོལ་ནས། །དཔལ་དང་འདོད་པའི་དོན་ཀུན་འགྲུབ་པར་མཛོད། །ཐུགས་རྗེའི་སྤྲིན་ལས་དགེ་ལེགས་ཆར་ཕབ་སྟེ། །འདོད་རྒུའི་རྦ་རླབས་ཕྲེང་བ་ཆིལ་ཆིལ་གཡོ། །ཟས་ནོར་ལོངས་སྤྱོད་དགེ་ལེགས་ཡར་འཕེལ་གྱི། །དཔལ་འབྱོར་རྒྱ་མཚོ་གོང་ནས་གོང་འཕེལ་ཤོག <span class="tibetan_small">།ཅེས་བསྟོད།</span> <br />མཆོད་སྦྱིན་གྱི་གཏོར་མ་རྒྱ་ཆེན་པོ་དྲི་དམ་པ། རོ་དམ་པ། རེག་བྱ་དམ་པ་འདི་ཉིད་འབུལ་ཞིང་བསྔོ་བའི་གནས་སུ་གྱུར་པ་ནི་མགོན་པོ་ཡིད་བཞིན་གྱི་ནོར་བུ། རིགས་བཞིའི་མཁའ་འགྲོའི་ཚོགས་དང་བཅས་པ་རྣམས་ལ་འབུལ་ལོ། །ཕྲིན་ལས་ཞུ་ཞིང་གསོལ་བ་ནི། བླ་མ་དམ་པའི་བཀའ་དང་དམ་ལས་མ་འདའ་བར་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། ཁྱད་པར་དུ་ཡང་བདག་ཅག་འཁོར་དང་བཅས་པའི་འགལ་རྐྱེན་བར་ཆད་ཐམས་ཅད་ཞི་བ་དང་། མཐུན་རྐྱེན་དཔལ་འབྱོར་གཟི་བརྗིད་ཐམས་ཅད་གོང་ནས་གོང་དུ་འཕེལ་ཞིང་རྒྱས་པར་མཛད་དུ་གསོལ། ཁྱད་པར་དུ་སེམས་ཅན་ཐམས་ཅད་དབུལ་བའི་སྡུག་བསྔལ་ཞི་ཞིང་དགོས་འདོད་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། <span class="tibetan_small">ཞེས་དང་གཞན་ཡང་གསོལ་བ་དྲག་ཏུ་བཏབ། </span><br /><span class="tibetan_small">ཐུན་གཏོར་སྤྱི་བསྟབ་ནི།</span> <br />ལྷ་ཆེན་མགོན་པོ་མ་ཧཱ་ཀཱ་ལ་ཡ། །ཡིད་བཞིན་ནོར་བུ་ཌཱ་ཀིའི་འཁོར་གྱིས་བསྐོར། །བསྟན་སྲུང་རྒྱ་མཚོ་ནོར་ལྷ་གནོད་སྦྱིན་བཅས། །དཀར་ཕྱོགས་དགའ་བའི་གཞི་བདག་འཁོར་བཅས་རྣམས། །ཟག་མེད་བདུད་རྩིའི་གཏོར་མ་འདི་བཞེས་ཤིག །བཅུད་ལྡན་ཟས་ཀྱི་མཆོད་པ་འདི་བཞེས་ཤིག །རིན་ཆེན་རྣམ་ལྔའི་གསེར་སྐྱེམས་འདི་བཞེས་ཤིག །བཏུང་བ་སྣ་ཚོགས་ཕུད་གཏོར་འདི༴ འབྲུ་དང་སྨན་གྱི་མཆོད་པ།འདི་བཞེས་ཤིག །ནད་གདོན་བར་ཆད་མ་ལུས་ཞི་བ་དང་། །བསམ་དོན་མ་ལུས་མྱུར་དུ་འགྲུབ་གྱུར་ནས། །ལོངས་སྤྱོད་འདོད་རྒུའི་དཔལ་ལ་སྤྱོད་པར་ཤོག <span class="tibetan_small">།གཏོར་མ་ནང་དུ་རྟེན་གཏོར་དྲུང་སོགས་སུ་འབུལ་བ་ལས་ཕྱི་རོལ་དུ་མི་འབུལ་ལོ། །དེ་ནས་ཡིག་བརྒྱ་བཟླས་ལ།</span> <br />མ་འབྱོར་བ་དང་ཉམས་པ་དང་། <span class="tibetan_small">ཞེས་སོགས་དང་།</span> <br />མ་རྙེད་ཡོངས་སུ་མ་ཚང་དང་། །གང་ཡང་ནུས་པ་མ་མཆིས་པས། །འདིར་ནི་བྱ་བ་གང་བགྱིས་པ། །དེ་ཀུན་ཁྱོད་ཀྱིས་བཟོད་མཛད་རིགས། །བླ་མ་མགོན་པོ་དབྱེར་མེད་ལ། །བདག་ནི་གུས་པས་སྐྱབས་སུ་མཆི། །བདག་གིས་སེམས་ཅན་ཐམས་ཅད་ཀྱི། །ཉོན་མོངས་མ་ལུས་སེལ་བར་ཤོག <span class="tibetan_small">།ཅེས་གསོལ་འདེབས་གང་འགྲུབ་བྱ། མདུན་བསྐྱེད།</span> <br />འདིར་ནི་གཟུགས་དང་<span class="tibetan_small">སོགས་ཀྱིས་རྟེན་ལ་བཞུགས་གསོལ་བྱ་ཞིང་སྨོན་ལམ་གང་འོས་དང་། བཀྲ་ཤིས་བཀའ་རྒྱ་མ་བརྗོད་དོ། </span><br /><span class="tibetan_small">།བཞི་པ་གལ་པོ་ཆེའི་ལས་སྦྱོར་བཤད་པ་ལ་གཉིས། གཟི་ལྡན་གྱི་གཏོར་སྒྲུབ་དང་གཏེར་བུམ་གྱི་ཆོ་གའོ། </span><br /><span class="tibetan_small">།དང་པོ་ནི། རྩ་བའི་མགོན་མཐིང་དང་། གོང་དུ་བཤད་པའི་བསྙེན་སྒྲུབ་ཚུལ་བཞིན་སྒྲུབ་པའི་རྣལ་འབྱོར་པས་ལས་སྦྱོར་གྱི་གཙོ་བོར་འདི་ཡིན་ཏེ། གོང་དུ་སྨོས་པ་ལྟ་བུའི་དཀྱིལ་འཁོར་གྱི་དབུས་སུ་བུམ་པ་ཆེ་ཆོད་ཁ་ཡངས་ཤིང་མཆུ་དང་ལྡན་པ། ཆག་གས་ལྷན་པ་མེད་པ་གཙང་ཞིང་དག་པའི་ནང་དུ། ནས་སམ་འབྲས་དཀར་སད་སེར་གྱིས་མ་གོས་ཤིང་རྡུལ་མེད་པ། རིན་པོ་ཆེ་དང་དར་གོས་ཨ་རུ་གསེར་མདོག་སོགས་སྨན་བཟང་པོའི་རིགས། དཀར་གསུམ་མངར་གསུམ་ཇ་མར་ཤིང་ཏོག་སོགས་ཟས་སྣ། དེ་རྣམས་ཕྱུག་པོའི་བང་མཛོད་ནས་བྱུང་བ་ལྟ་བུ་བྱུང་ན་ཤིན་ཏུ་ལེགས་པས་ཇི་ལྟར་ཚོགས་པས་བཀང་། ལྟོ་བའི་མཚམས་མགྲིན་པའི་ནང་ཙམ་དུ་མགོན་པོ་གཟི་ལྡན་གྱི་སྐུ་མངོན་རྟོགས་ལྟར་བྲིས་འབུར་གང་རུང་རབ་གནས་དམིགས་གསལ་བྱས་པའི་ཞལ་མཆུ་ལ་བསྟན་ནས་བཞུགས་སུ་གསོལ་ཞིང་ཁ་བུམ་རྫས་རྣམས་ཀྱིས་ཕྱུར་བུར་བཀང་། དར་དཀར་གྱིས་བཀབ་ལ་བུམ་པའི་མདུན་རང་ལ་བསྟན་ཏེ་བཞག །དེའི་མདུན་དུ་གཏོར་སྣོད་ཟངས་ཀྱི་ཀ་ཊོར་ལྟ་བུ་གས་ཆག་བུག་རྡོལ་མེད་པ་ཆེ་ཞིང་ཡངས་པ་ལ། དྲི་བཟང་དང་གི་ཝཾ་བསྲེས་པས་པདྨ་འདབ་བརྒྱད་བྲིས་པ་ལ། གཏོར་ཆེན་ནས་དཀར་རྗེན་འཐག་གི་ཕྱེ་ལ་སྨན་དང་རིན་ཆེན་དཀར་མངར་བསྲེས་ནས་ཆང་ཕུད་མ་ཉམས་པ་དང་མར་ཁུས་སྤྲུས་པའི་དཔལ་བཤོས་ཟུར་གསུམ་ནོར་བུའི་དབྱིབས་ཅན་ལྡིར་བ་ཁྲུ་གང་ལས་མི་ཆུང་བ་ལ། མཐེབ་ཀྱུ་བཅད་ཁ་ནང་དུ་བསྟན་པ་བརྒྱ་རྩ་བརྒྱད་ཀྱིས་བསྐོར་བ་གཏོར་སྣོད་ལས་ཕྱིར་མ་ཐལ་པའི་རྩེར་མར་ཚོན་གྱིས་ནོར་བུ་འབར་བ་དང་། མདུན་ལོགས་སུ་ཧཱུྃ་དཀར་པོ་ཆེན་པོས་བརྒྱན་པ་ལ། མདའ་རྒོད་སྒྲོ་མ་མིས་མ་རེག་པ་ལ་དར་དཀར་དམར་མཐིང་གསུམ་དང་མེ་ལོང་སྐུ་རྟེན་གྱིས་བརྒྱན་པ་བཙུག་སྟེ། རྫས་སྣ་ཚོགས་ཀྱིས་སྣོད་ཁེངས་པར་བསྐོར། གཡས་སུ་མཁའ་འགྲོའི་གཏོར་མ། གཡོན་དུ་གཞི་བདག་གི་གཏོར་མ། རྒྱབ་ཏུ།གནོད་སྦྱིན་གྱི་གཏོར་མ། མདུན་དུ་ཉེར་སྤྱོད་ལྔ་དང་ནང་མཆོད་སོགས་བཤམས། དབང་སྡུད་ཀྱི་འཁོར་ལོ་སྒྲུབ་ན་གཞུང་བཞིན་བྲིས་ལ་རབ་གནས་བྱས། སྐུད་པ་དམར་པོས་དཀྲིས་ལ་བུམ་པའི་མགུལ་པའམ། འཛིན་གཏོར་གྱི་མདའ་དར་ལ་བཏགས། སྒྲུབ་རྫས་རྣམས་དང་པོ་ནས་དམ་ཉམས་དང་གྲིབ་ཅན་གྱིས་མ་འབགས་པ་དང་། གཞན་གྱི་གཏོར་ཕྱེ་དང་ཆང་ཕུད་མ་འདྲེས་ཤིང་མ་ཉམས་པ་སོགས་མགོན་མཐིང་གི་གཏོར་སྒྲུབ་དང་གནད་ཐམས་ཅད་མཚུངས་ལ། བུམ་རྫས་བུམ་པར་བཅུག་པའི་སྔ་རོལ་དུ་ཁྲུས་དང་གུ་གུལ་ཕྱིས་བདུག་པས་མཚོན་ཐམས་ཅད་དུ་གཙང་སྦྲ་དང་མི་གཙང་བའི་ངག་ཟོན་གལ་ཆེ། བྲིས་སྐུ་མཚན་ལྡན་ཡོད་ན་དཀྱིལ་འཁོར་གྱི་རྒྱབ་ཕྱོགས་སུ་བཤམས་ལ་དེ་དང་བུམ་པ་གཏོར་ཆེན་བཅས་གཟུངས་ཐག་གིས་སྦྲེལ་ལ་སྣེ་མོ་རང་གི་ལག་ཏུ་སླེབ་པར་བྱའོ། །སྒྲུབ་པའི་དུས་ནི་ཡར་ངོའི་ཚེས་བརྒྱད་ནས་གནམ་སྟོང་གི་བར་ལ་བྱ་བར་གསུངས་ཤིང་སྐར་མ་རྒྱལ་འཛོམ་པ་ཞིག་ལ་གཏད་དགོས་སོ། །དེ་ནས་བསྙེན་སྒྲུབ་ཀྱི་སྐབས་སུ་བཤད་པ་ལྟར་ནང་མཆོད་དང་། གནས་ཡོ་བྱིན་རླབས་ནས་བརྩམས། བདག་བསྐྱེད་བཟླས་པའི་བར་དུ་གྲུབ་པར་བྱས་ལ་ཚར་དང་པོའི་སྐབས་གཏོར་ཆེན་སྐོང་གསོའི་ཕྲིན་ལས་ལྟར་བྱིན་རླབས་བྱ། རྗེས་མ་རྣམས་ལ་མི་དགོས། མདུན་རྟེན་རྣམས་བསང་སྦྱང་།</span> <br />སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་ནང་དུ་བྷྲཱུཾ་ལས་བྱུང་བའི་བུམ་པ་ཕྱི་རིན་པོ་ཆེའི་བུམ་པ་མཚན་ཉིད་ཐམས་ཅད་ཡོངས་སུ་རྫོགས་ཤིང་ནང་གཞལ་མེད་ཁང་རྒྱན་དང་བཀོད་པ་ཚད་མེད་པ་དང་ལྡན་པའི་དབུས་དང་། གཏོར་ཆེན་མི་དམིགས་པའི་ངང་ལས་སྣ་ཚོགས་པདྨ་དང་ཉི་མའི་དཀྱིལ་འཁོར་གྱི་གདན་ལ་ཡི་གེ་ཧྲཱིཿདཀར་པོ་ལས་འོད་ཟེར་འཕྲོས། འཕགས་པ་མཆོད། སེམས་ཅན་ཐམས་ཅད་ཀྱི་དོན་བྱས། འོད་ཟེར་ཚུར་འདུས་ཧྲཱིཿཡིག་ལ་ཐིམ། དེ་ཡོངས་སུ་གྱུར་པ་ལས་མགོན་པོ་གཟི་ལྡན་སྟོན་ཀའི་ཟླ་བ་ལྟར་དཀར་ཞིང་བརྗིད་པ། ཞལ་གཅིག་ཁྲོ་འཛུམ་གྱི་རྣམ་པ་ཅན་རབ་ཏུ་བཞད་པ་སྤྱན་གསུམ་དང་ལྡན་ཞིང་། སྨ་ར་སྨིན་མ། དབུ་སྐྲ་ཁམ་སེར་བརྫེས་པ། དཔྲལ་བར་སིནྡྷུ་རའི་ཐིག་ལེས་བྱུགས་པ། ཕྱག་དྲུག་གི་དང་པོ་ན་ཡིད་བཞིན་གྱི་ནོར་བུ་ཐུགས་ཀར་བསྣམས་པ། བར་པས་ནེའུ་ལེ། ཐ་མས་བུམ་པ་བཅུད་ཀྱིས་བཀང་བ་བསྣམས་པ། གཡོན་དང་པོས་གཅོད་པའི་འཁོར་ལོ་བསྐོར་བ། གཉིས་པ་ན་ནེའུ་ལེ། གསུམ་པ་མཐེ་བོང་དང་སྲིན་ལག་སྤྲད་པར་འགུགས་པའི་ཕྱག་རྒྱ་མཛད་པ། ཞབས་འགྲོ་འཆམས་ཀྱི་སྟབས་ཀྱིས་བཞུགས་པ། དར་སྣ་ཚོགས་ཀྱི་ལྷབ་ལྷུབ་དང་། སྟག་ལྤགས་དང་སིལ་ཁྲོལ་དང་ཆུན་འཕྱང་སྣ་ཚོགས་པས་མཛེས་པ། འཁོར་དབང་སྡུད་ཀྱི་མཁའ་འགྲོ་མ།བྱེ་བ་འབུམ་སྡེའི་ཚོགས་ཀྱིས་བསྐོར་ཏེ་མེ་དཔུང་འབར་བའི་དབུས་ན་བཞུགས་པའོ། <span class="tibetan_small">།དེ་ནས།</span> <br />དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པ། རང་གི་སྙིང་ག་ནས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས་མྱུར་མཛད་ཡེ་ཤེས་ཀྱི་མགོན་པོ་གཟི་ལྡན་མཁའ་འགྲོའི་ཚོགས་དང་བཅས་པ་ཐམས་ཅད་བཛྲ་ས་མཱ་ཛཿ <span class="tibetan_small">ནས་སྤྱན་འདྲེན་སོགས་བསྙེན་པའི་སྐབས་ལྟར་ལ།</span> <br />དམ་ཚིག་ཡེ་ཤེས་གཉིས་སུ་མེད་པར་གྱུར། སླར་ཡང་ཐུགས་ཀའི་ས་བོན་ལས་འོད་འཕྲོས། དབང་ལྷ་འཁོར་བཅས་སྤྱན་དྲངས། དེ་བཞིན་གཤེགས་པ་ཐམས་ཅད་ཀྱིས་ལྷ་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས་དབང་ལྷ་རྣམས་ཀྱིས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། ཞེས་གསུངས་ཤིང་བདུད་རྩིའི་ཆུས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པར་གྱུར། བདག་དང་སེམས་ཅན་<span class="tibetan_small">སོགས་ཕྱག་དང་། ཕྱི་ནང་མཆོད་པ་རྣམས་ཀྱང་དེ་ལྟར་ལ།</span> <br />མགོན་པོ་ཡིད་བཞིན་ནོར་བུ་ཐུགས་རྗེ་ཅན། <span class="tibetan_small">སོགས་ཤློ་ཀ་གཅིག་གིས་བསྟོད། དེ་ནས།</span> <br />བྱང་ཆུབ་སྙིང་པོར་མཆིས་ཀྱི་བར། <span class="tibetan_small">།སོགས་ཤློ་ཀ་གསུམ་གྱིས་ཐུན་མོང་མིན་པའི་སྐྱབས་འགྲོ་དང་སེམས་བསྐྱེད་བླང་།</span> <br />མྱུར་མཛད་སྤྱན་རས་གཟིགས་དབང་དང་། །ཕྱོགས་བཅུ་དུས་གསུམ་བཞུགས་པ་ཡི། །རྒྱལ་བ་སྲས་བཅས་<span class="tibetan_small">སོགས་ཀྱིས་ཡན་ལག་བདུན་པ་ཕུལ། གཟུངས་ཐག་བླངས་ལ།</span> <br />མདུན་བསྐྱེད་ཀྱི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་གྷ་ཡིག་གདན་ཐབས་སུ་གནས་པའི་སྟེང་དུ་ཧྲཱིཿཡིག་དཀར་པོ་ལ་སྔགས་ཕྲེང་གཡས་སུ་བསྐོར་བ། རང་གི་ཐུགས་ཀའི་འོད་ཟེར་གཟུངས་ཐག་ལ་བརྒྱུད་དེ་ཐུགས་ཀའི་ས་བོན་ལ་ཕོག་པས་ཐུགས་རྒྱུད་བསྐུལ། དེ་ལས་འོད་ཟེར་ཕྱོགས་བཅུར་འཕྲོས་རྒྱལ་བ་སྲས་དང་བཅས་པ་རྣམས་དང་ཁྱད་པར་ཡེ་ཤེས་མགོན་པོའི་ཐུགས་རྒྱུད་བསྐུལ། ཐམས་ཅད་ཀྱང་མགོན་པོའི་སྐུ་གསུང་ཐུགས་ཀྱི་ཕྱག་རྒྱ་འོད་ཟེར་གྱི་རྣམ་པར་སྤྱན་དྲངས་ནས་ཐིམ་པས་བྱིན་རླབས་དང་གཟི་བརྗིད་རབ་ཏུ་འབར་བའི་འོད་ཟེར་བུམ་པའི་རྫས་ལ་ཕོག་པས། འདོད་རྒུ་འབྱུང་བའི་རིན་པོ་ཆེ་དང་འཆི་མེད་བདུད་རྩིའི་རྒྱ་མཚོར་གྱུར། ཡང་འོད་ཟེར་འཕྲོས་པས་ཕྱོགས་བཅུའི་འཇིག་རྟེན་ཁམས་རབ་འབྱམས་རྒྱ་མཚོ་ནས་དགོས་འདོད་དཔལ་འབྱོར་ཕུན་ཚོགས་མ་ལུས་པ་ཐམས་ཅད་བསྡུས་ཏེ་ནོར་བུའི་ཆར་ཆེན་པོ་བབས་པས།གནས་ཁང་བང་མཛོད་བུམ་པའི་ནང་ཐམས་ཅད་ཁེངས་པར་<span class="tibetan_small">བསམ་ལ།</span> <br />ཨོཾ་མ་ཧཱ་ཀཱ་ལ་གྷ་ཎ་པ་ཏ་ཡེ་སྭཱ་ཧཱ། <span class="tibetan_small">ཞེས་པའི་སྙིང་པོ་སྨྲ་བ་བཅད་ལ་བསྒྲང་། ཉིན་རེར་ཐུན་གསུམ་གསུམ་བཅད་ལ། ཐུན་རེ་རེའི་མཇུག་ཏུ་གཏོར་འབུལ་ལན་བདུན་རེ་བྱས་པས་ཉེར་གཅིག་ཏུ་འགྱུར་རོ། །དེའང་བཟླས་པའི་ཐུན་མཐར་གཏོར་མ་ཟླུམ་པོའམ་མཐེབ་ཀྱུ་གང་རུང་བདུན་རེ་སྣོད་སོ་སོར་བཤམས། འབྲུ་སྣ་སོགས་ཡོད་ནའང་བཏབ། ཆུ་དང་ནང་མཆོད་ཀྱིས་བྲན་ལ་བསྙེན་པའི་ཕྲིན་ལས་གཏོར་འབུལ་སྐབས་སུ་སྨོས་པ་ལྟར་བྱིན་རླབས་བྱ། གཏོར་ཆེན་མགོན་པོ་དངོས་སུ་གསལ། གཏོར་ཆུང་རེ་རེ་བཞིན་རང་ངམ་མཆོད་གཡོག་པའི་ལག་པ་གཡས་པས་བཏེག་ལ།</span> <br />མགོན་པོའི་ལྗགས་རྡོ་རྗེའི་སྦུ་གུས་གཏོར་མའི་བདུད་རྩི་དྲངས་ཏེ་གསོལ་བས་མཉེས་ཤིང་གཟི་བརྗིད་དང་ལྡན་པར་བསྒོམས་<span class="tibetan_small">ལ་མ་ཡེངས་བར། རྩ་སྔགས་སིདྡྷི་མ་དང་བཟླས་སྔགས་གཉིས་ཀའི་གཤམ་དུ།</span> <br />བ་ལིང་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">བཏགས་པ་ལན་བདུན་མ་རྫོགས་བར་རེ་རེ་བཞིན་འབུལ་བས་གཏོར་ཆུང་རྣམས་གཏོར་ཆེན་ནང་དུ་འབུལ།</span> <br />ཤཱ་ས་ན<span class="tibetan_small">འི་སྔགས་ཀྱིས་དམ་ཅན་སྦྱི་ལ་འབུལ་ཞིང་།</span> <br />མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་<span class="tibetan_small">སོགས་དང་། བཟླས་སྔགས་ལ་འབྲུ་གསུམ་བཏགས་པས་ནང་མཆོད་འབུལ། བསྟོད་པ་ཤློ་ཀ་གཅིག་པུ་རེའམ། སྤྲོ་ན།</span> <br />བཅོམ་ལྡན་འཕགས་པ་སྤྱན་རས་གཟིགས། །ཐུགས་རྗེ་ཁྲོས་པའི་སྐུར་བཞེངས་པ། །འགྲོ་བ་ཉམ་ཐག་རྣམས་ཀྱི་མགོན། །འདོད་རྒུའི་ཆར་འབེབས་ཁྱོད་ལ་བསྟོད། །གངས་རིའི་མདོག་ཅན་བརྗིད་ཅིང་སྒེག །ཁྲོ་འཛུམ་ཞལ་གྱིས་སྒྲུབ་ལ་གཟིགས། ཕྱིན་དྲུག་ཕྱག་གིས་གདུལ་བྱ་འདུལ། །ཇོ་བོ་གཟི་ལྡན་སྐུ་ལ་བསྟོད། །དར་དང་རིན་ཆེན་རྒྱན་གྱིས་སྤྲས། །གསོལ་བཏབ་ཙམ་གྱིས་རེ་བ་སྐོང་། །ཡིད་བཞིན་ནོར་བུ་དཔག་བསམ་ཤིང་། །བུམ་པ་བཟང་པོ་མཚུངས་ལ་བསྟོད། །སྔོན་གྱི་ཐུགས་དམ་དགྱེས་དགོངས་ཏེ། །མཆོད་བསྟོད་གསོལ་བ་འདེབས་པ་ལ། །དངོས་གྲུབ་ནམ་མཁའ་མཛོད་ཀྱི་སྒོ། །ཐོགས་མེད་མྱུར་དུ་བྱ་བར་མཛོད། <span class="tibetan_small">།ཅེས་བསྟོད། ཐལ་མོ་སྦྱར་ཏེ་མོས་པ་རྩེ་གཅིག་པས།</span> <br />བཅོམ་ལྡན་འདས་ཡིད་བཞིན་ནོར་བུ་གཟི་ལྡན་ཐུགས་རྗེ་ཅན་<span class="tibetan_small">སོགས་ཚིག་ལྷུག་པའི་གསོལ་གདབ་གོང་དུ་སྨོས་པ་དང་།</span> <br />ཇོ་བོ་གཟི་ལྡན་བདག་ལ་དགོངས་སུ་གསོལ། །བདག་མིང་འདི་ཞེས་བྱ་བ་ཡིས། །རྫོགས་པའི་བྱང་ཆུབ་བསྒྲུབ་པ་ལ། །སྦྱིན་པ་ཡོངས་སུ་རྫོགས་བྱའི་ཕྱིར། །འབྱོར་པ་ཆེན་པོའི་དངོས་གྲུབ་སྩོལ། <br /><span class="tibetan_small">།ཞེས་པས་གསོལ་བ་ལན་བདུན་བཏབ། །ཡིག་བརྒྱ་བརྗོད་པ་སོགས་ཀྱིས་ནོངས་པ་བཟོད་གསོལ་བྱ། ཐུན་ཕྱི་མ་རྣམས་ལ། གཏོར་ཆེན་སོགས་འབྲུ་བྲན་གྱིས་གསོ། གཏོར་ཆུང་ངམ་མཐེབ་ཀྱུ་གསར་དུ་བཤམས། །མཆོད་པ་ཁ་གསོ་དང་བྱིན་རླབས་བྱ། བདག་བསྐྱེད་བསྙེན་བཟླས་སོགས་གྲུབ་ན་ལེགས། མ་གྲུབ་ན་གསོལ་འདེབས་ཙམ་བྱ། མདུན་བསྐྱེད་མན་ཆད་བསྐྱར། དགོངས་མོར་ཚོགས་མཆོད་སྤྱི་འགྲོ་གྲུབ་ན་ལེགས་ཤིང་། ནོངས་བཤགས་ཡན་གྲུབ་པ་དང་། མདུན་བསྐྱེད་བརྟན་བཞུགས། བདག་བསྐྱེད་བསྡུ་ལྡང་། བསྔོ་སྨོན་ཤིས་བརྗོད་བྱ། དེ་ལྟར་རྟགས་ཐོན་ནས་ཞག་གྲངས་བདུན་ནམ་ཉེར་གཅིག་སོགས་གྲུབ་པའི་ནམ་ལངས་ལྟ་བུར་ཐུན་ཐ་མར་བྱས་ནས། བཟླས་པ་གྲུབ་པ་དང་། གཏོར་ཆེན་གྱི་ཡེ་ཤེས་པ་མདུན་གྱི་ནམ་མཁར་བཞུགས་པར་གྱུར་པར་མོས་ལ། ཁ་གསོ་བྱིན་རླབས་རྒྱས་པར་བྱ། ནམ་མཁར་བཞུགས་པ་དང་བུམ་པར་བསྐྱེད་པའི་མགོན་པོ་གཉིས་ཀར་དམིགས་ཏེ་འབུལ་ལ་མཆོད་བསྟོད་དང་སྤྲོ་ན་སྤྱི་བསྟབ་ཀྱང་བྱས་ལ་འཁོར་རྣམས་ཀྱི་གཏོར་མའི་རྩེ་ནས་ཅུང་ཟད་རེ་ནམ་མཁར་མཆོད། གསོལ་གདབ་ནོངས་བཤགས་མཐར་ནམ་མཁའི་མགོན་པོ་བུམ་སྐུ་འཁོར་ལོ་སྐུ་རྟེན་རྣམས་ལ་བསྟིམས་ནས་བརྟན་བཞུགས་དང་། བསྔོ་སྨོན་ཤིས་བརྗོད་བྱས། སྒྲུབ་པའི་ཚེ་མཚམས་དམ་དུ་བཅད་གཞན་ལ་གསང་། ངག་བཅད། སྒྲུབ་རྫས་ཕྱིར་མི་འདོན། སྟན་མི་སྤྲུགས། ཕྱག་དར་མི་བྱ། མི་གཙང་བ་དང་དམ་ཉམས་ཀྱི་རྫས་ནང་དུ་མི་ཁྱེར་བ་སོགས་སྤྱོད་ལམ་གཟབ། སྒྲུབ་པ་ཚར་ནས་འཁོར་ལོ་ལུས་ལ་བཅངས་པས་གང་འདོད་རྣམས་དབང་དུ་འགྱུར་བར་གསུངས། བུམ་པའི་རྫས་རྣམས་ཐོད་པ་མཚན་ལྡན་དུ་བླུགས། དེ་ནང་སྐུ་བརྙན་གྱི་ཞལ་དཔྲལ་བར་བསྟན་ལ་བཅུག །གཏེར་སྒྲོམ་སོགས་སུ་གཞན་གྱིས་མི་མཐོང་བར་བཞུགས་པའི་མདུན་དུ་འཛིན་གཏོར་བཅས་ནུབ་རེ་བཞིན་འབུལ། བུམ་རྫས་ལྷག་མ་འབྲུ་སོགས་དང་སྒྲུབ་པའི་གཏོར་མ་གཞན་ལ་མི་སྦྱིན་པར་རང་ཁོ་ནས་དངོས་གྲུབ་ཏུ་བླང་། སྒོ་ནོར་དང་ནང་མི་རྩིས་ཆེན་ལ་སྦྱིན་རུང་བར་བཤད། སྒྲུབ་པ་བྱེད་པའི་དུས་སུ་ནོར་ཟས་འབུལ་བ་བྱུང་ན་བཟང་། རྟགས་ནི་དངོས་ཉམས་རྨི་ལམ་དུ་ཞལ་མཐོང་བ་དང་། མེ་ཏོག་གི་ཚལ་མཐོང་བ་དང་ཐུ་བ། གཞན་གྱིས་ཟས་ནོར་གོས་གསར་སྦྱིན་པ། ཆུའི་ལོངས་སྤྱོད་བྱེད་པ། གོ་ཆ་དམག་མི་རྨི་བ་སོགས་བཟང་། གཞན་བཟང་ངན་གྱི་རྟགས་སྤྱི་དང་འདྲ། མ་འགྲུབ་ན་ལན་གསུམ་བསྐྱར་ན་ངེས་པར་འགྲུབ་པར་བཤད། གྲུབ་རྟགས་གཞན་ལ་མི་བཤད། ཟས་ནོར་ཅི་བྱུང་ཡང་དཀོན་མཆོག་མཆོད་པ་དང་དབུལ་ཕོངས་ལ་སྦྱིན། རང་ལ་ཆགས་ཞེན་གཏན་ནས་མེད་པར་བྱ། འདིའི་ཡིག་ཆ་ཡོད་པ་ཙམ་གྱིས་བང་མཛོད་འཕེལ། ལོ་ཕྱུགས་ལེགས། བསམ་པ་འགྲུབ་པར་གསུངས་སོ། །གཏོར་སྒྲུབ་འདི་ཉིད་མགོན་པོ་ཡིད་བཞིན་ནོར་བུ་ལ་སྦྱར་ཡང་ཆོག་ཅིང་། དེའི་ཚེ་ནི་བུམ་པའི་བཅས་མི་བྱ་བར་གཏོར་མ་ཁོ་ན་ལ་བརྟེན་ཅིང་། མདུན་བསྐྱེད་ཡིད་བཞིན་ནོར་བུའི་སྒྲུབ་ཕྲིན་གོང་གི་སྐོང་གསོའི་ཕྲིན་ལས་ལྟར་བཏང་ཞིང་རྩ་སྔགས་སིདྡྷི་མ་ལ་བྱ། གཉིས་ཀ་ལའང་ཐུན་དང་བསྙེན་རྒྱུན་བྱུང་ན་མཆོག་ཏུ་འགྱུར་རོ། </span><br /><span class="tibetan_small">༈ །ཞར་བྱུང་དབང་སྡུད་ཀྱི་འཁོར་ལོ་བྲི་ཐབས་ནི། ཡར་ངོའི་ཚེས་བརྒྱད་དམ་བཅུ་བཞི་སྐར་མ་རྒྱལ་འཛོམས་པའི་སྔ་དྲོར་ཁ་ནུབ་ཏུ་བལྟས་ཏེ་འདི་ཉིད་ཀྱི་བདག་བསྐྱེད་བཟླས་པ་བཅས་བྱས་ཏེ།དེའི་ང་རྒྱལ་ལ་གནས་པས། དར་རས་གྲོ་ཤོག་གང་འཛོམ་དམར་པོའི་ངོས་ལ། གུར་གུམ། གི་ཝཾ། སིནྡྷུ་ར། པདྨ་རཀྟ། རྒྱ་སྐྱེགས། ཙན་དན་དམར་པོ་རྣམས་མཚལ་ལ་བསྲེས་པའི་ཁུ་བས་འཁོར་ལོ་རྩིབས་བརྒྱད་མུ་ཁྱུད་དང་བཅས་པའི་ལྟེ་བར་ཧྲིཿདེའི་མདུན་ནས་བརྩམས་ཏེ་གཡས་སྐོར་དུ་སྙིང་པོ་བཅུ་གསུམ་མའི་གཤམ་དུ། དམིགས་གསལ་ཡོད་ན་དང་། སྤྱིར་</span>སརྦ་ལོ་ཀ་པཱ་ཤཾ་ཀུ་རུ་ཧོཿ<span class="tibetan_small"> ཞེས་བཏགས་པ་བྲི། རྩིབས་བརྒྱད་ལ་སྔགས་དེ་ཉིད་ཞལ་ནང་དུ་བསྟན་པ་ཚར་རེ་དང་། དེ་རྒྱབ་མུ་ཁྱུད་ལ་ཨཱ་ལི་ཀ་ལི་གཡས་བསྐོར་དུ་བྲིས་པ་སྟེགས་བུའི་ཁར་བཞག་མདུན་དུ་མཆོད་གཏོར་བཤམས། མགོན་པོ་བསྐྱེད་བསྟིམས་མཆོད་བསྟོད་གཏོར་འབུལ་བྱ། ཐུགས་ཀའི་མཁའ་འགྲོ་མ་ཤངས་བུག་གཡོན་ནས་ཐོན་ཏེ་འཁོར་ལོ་དང་འདྲེས་པར་མོས་ལ་རྩ་སྔགས་བཅུ་གསུམ་མ་སྟོང་ངམ་བརྒྱ་རྩ་བརྒྱད་བཟླས་པའི་མེ་ཏོག་འཐོར་ལ་བརྟན་བཞུགས་བྱ། དབང་གི་ལས་དམིགས་གསལ་ལ་བསྒྲུབ་བྱའི་རྣམ་ཤེས་བཀུག་ནས་ལན་མང་དུ་ཙཀྲ་ལ་བསྟིམ། འཁོར་ལོ་བལྟེབས་ལ་གཞོན་ནུ་མ་མ་ཉམས་པས་བཀལ་པའི་སྐུད་པ་དམར་པོས་འཁོར་ལོ་མི་མཐོང་བར་དཀྲི། ལུས་ལ་བཅངས་ན་ཞག་རེ་བཞིན་སྤེལ་ཚིག་དང་བཅས་པའི་བཟླས་པ་ཆག་མེད་དུ་བྱ་གསུངས་སོ།</span> <br /><span class="tibetan_small">༈ །གཉིས་པ་གཏེར་བུམ་སྒྲུབ་པའི་ཚུལ་ནི། འདིའི་བསྙེན་པ་སྔོན་དུ་སོང་ནས་བསྟན་དགོན་སོགས་ལ་ཕན་པའི་ཆེད་དུ་བུམ་གཏེར་འཛུགས་ན། བུམ་པ་གཅིག་གམ་མང་པོའང་རུང་། ཡུལ་གྱི་བྲེ་ཚད་དོ་ཤོང་བ་ལས་མི་ཆུང་བ་ཆག་གས་མེད་པ་ལ་རྩི་དཀར་པོས་བྱུགས། བཀྲ་ཤིས་རྟགས་རྫས་ཀྱི་རི་མོ་བྲི། མདུན་རྟགས་དང་བཅས་པའི་ནང་དུ་ནས་དཀར་མོ་སད་སེར་འབུ་སྲིན་གྱིས་ཟོས་པའི་སྐྱོན་མེད་པ་དང་། བྲ་སྲན་ས་རྡོ་མ་འདྲེས་པའི་འབྲས་གྲོ་རྣམས་ཕྱུག་པོའི་བང་མཛོད་ནས་བྱུང་བའམ། མ་འབྱོར་ན་གཞན་ཡང་རུང་ཞིང་། གཞན་ཡང་བུམ་རྫས་རིན་ཆེན་སྣ་ཚོགས། ཨ་རུ་གསེར་མདོག་དང་བཟང་དྲུག་དང་བུམ་རྫས་ཉེར་ལྔ་སོགས་སྨན་སྣ་ཚོགས། གོས་དར་དང་རས་སྣ་ཚོགས་ཀྱི་རས་མ། རྒྱ་ངའི་རིགས། ཤ་མར། མངར་གསུམ། ཤིང་ཐོག་གི་རིགས། བཀྲ་ཤིས་པའི་ས་སྣ་ཆུ་སྣ། རྟ་ཕྱུགས་ཀྱི་སྤུ་ལ་སོགས་པ་འབྱོར་ཚད་ཀྱིས་ཁེངས་པར་བཀང་། དེའི་ནང་ལྟོ་བའི་སྟོད་ཙམ་དུ་མགོན་དཀར་གྱི་སྐུ་གཟུགས་རབ་གནས་ཅན་ཞལ་མདུན་དུ་བསྟན་པ་དང་རྩ་སྔགས་བཅུ་གསུམ་པའི་མཇུག་ཏུ།</span> <br />མགོན་པོ་ཡིད་བཞིན་ནོར་བུ་འཁོར་དང་བཅས་པ་རྟེན་འདི་ལ་གནས་པར་མཛད་དུ་གསོལ། གནས་འདིར་སྲིད་པ་གསུམ་གྱི་སྐྱེ་བོ་ཐམས་ཅད་གུས་པས་འདུ་ཞིང་འབྱོར་པ་ཐམས་ཅད་ཆུ་བོའི་རྒྱུན་བཞིན་དུ་འདུ་བར་མཛད་དུ་གསོལ། <span class="tibetan_small">ཅེས་འདོད་གསོལ་ཤོག་བུ་ལ་གསེར་དངུལ་མཚལ་གང་འབྱོར་གྱིས་དབུ་ཅན་དུ་བྲིས་པར་ག་བུར། གུར་གུམ། ཙན་དན་དམར་པོ། རང་བྱུང་། གི་ཝཾ་སོགས་ཀྱིས་བྱུགས་པ་སྐུ་གཟུགས་ཀྱི་ཕྱོགས་བཞིར་ཞལ་ནང་བསྟན་དུ་གཞུག་པར་གསུངས་ཀྱང་མི་བདེན་དབུ་ནས་བསྒྲིལ་ལ། མགོ་མཇུག་མི་ལོག་པར་བྱས་ཏེ་སྐུ་གཟུགས་ཀྱི་ཕྱོགས་བཞི་འམ་གང་བདེར་བཞུགས་སུ་གསོལ། སྔར་གྱི་འབྲུ་སྣ་ལ་སོགས་པས་མི་འཁྲུལ་བར་འཐས་པར་བརྫངས་ལ། ལུག་དང་མའི་སོག་པ་གཡས་པའི་བལ་རྩི་མེད་པས་ཁ་ནས་བཀབ། དེའི་སྟེང་དུ་མཐིང་ཤོག་ལ་གསེར་གྱིས་རྡོ་རྗེ་རྒྱ་གྲམ་བྲིས་པ་དང་ཁ་འགེགས་ཀྱིས་ཁ་བཀབ། ཚོན་སྣ་ལྔའི་སྐུད་པས་མགྲིན་པ་བཅིངས་པའི་ལྷག་མས་ཁ་འགེབས་ཀྱི་སྟེང་ནས་རྒྱ་གྲམ་དུ་གཏམ། དེ་དང་མཉམ་དུ་དབང་གི་འཁོར་ལོ་སྒྲུབ་ནའང་རུང་བས། སྒྲུབ་པའི་ཚེ་བུམ་པའི་མགུལ་བར་བཏགས་ལ་བཞག་གོ །དེ་ལྟ་བུའི་བུམ་པ་མང་པོ་ཡོད་ན་ལྷན་ཅིག་ཏུ་བསྒྲུབ་སྟེ། བུམ་པ་རྣམས་མེ་ཏོག་གིས་བཀྲམ་པའི་སྟེགས་ཀྱི་ཁར་བཞག་ལ་གཟུངས་ཐག་གིས་སྦྲེལ། དེའི་མདུན་དུ་སྣོད་ཡངས་ཤིང་གས་ཆག་མེད་པར་མགོན་པོའི་འབུལ་གཏོར་ཅོག་ཟླུམ་ཆེ་བ། མཐེབ་ཀྱུས་བསྐོར་བ་ལ་མར་རྒྱན་ཉི་ཟླ་ནོར་བུས་མཚན་པ། དེའི་གཡས་སུ་མཁའ་འགྲོ་སྤྱི་གཏོར། རྒྱབ་ཏུ་གནོད་སྦྱིན། གཡོན་དུ་གཞི་བདག་གཏོར་མ་རྣམས་བུ་རམ་སོགས་ཟས་སྣས་བརྒྱན་པ། མཐར་ཆུ་གཉིས་ཉེར་སྤྱོད་བཤམས། སྒྲུབ་པ་པོའི་མདུན་དུ་ནང་མཆོད་ཌཱ་དྲིལ་མེ་ཏོག་སོགས་མཁོ་བའི་ཡོ་བྱད་རྣམས་ཚོགས་པར་བྱས་ལ། ཐོག་མར་བུམ་པ་ལ་སྦྱོང་ཁྲུས་རྒྱས་པར་བྱ། དེ་ནས་བསྡུ་ན་བསྙེན་སྒྲུབ་ཀྱི་ཕྲིན་ལས་དང་། རྒྱས་པར་སྤྲོ་ན་སྐོང་གསོའི་ཕྲིན་ལས་དང་སྦྲེལ་ཡང་ཆོག །གོང་ལྟར་ནང་མཆོད། གནས་ཡོ་བྱིན་རླབས་ནས་བརྩམས་བདག་བསྐྱེད་བཟླས་པ་དང་བཅས་པ་བྱ། མདུན་རྟེན་རྣམས་ནང་མཆོད་ཀྱིས་བྲན་ལ། བསང་སྦྱང་།</span> <br />སྟོང་པའི་ངང་ལས་བུམ་པའི་གྲངས་དང་མཉམ་པའི་པཾ་ལས་པདྨ་དང་ཨཱཿལས་ཟླ་བའི་དཀྱིལ་འཁོར་གྱི་སྟེང་དུ་བྷྲཱུཾ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བའི་ནང་དུ་རིན་པོ་ཆེ་དང་། འབྲུ་བཅུད་དང་། ཟས་ནོར་ལོངས་སྤྱོད་ལྷ་མིའི་དཔལ་འབྱོར་ཕུན་སུམ་ཚོགས་པས་ཡོངས་སུ་གང་བར་གྱུར་<span class="tibetan_small">པར་བསམ་ལ། སྔགས་དྲུག་ཕྱག་དྲུག་གིས་བྱིན་རླབས་བྱ། འདི་ཚར་དང་པོའི་སྐབས་ལས་རྗེས་མ་རྣམས་ལ་མི་དགོས།</span> <br />བུམ་པ་རིན་པོ་ཆེའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་ཤིང་རྒྱན་དང་བཀོད་པ་ཕུན་སུམ་ཚོགས་པའི་དབུས་སུ་པཾ་ལས་པདྨ་<span class="tibetan_small">སོགས་ཀྱིས་མདུན་རྟེན་ལྷར་བསྐྱེད། ཡེ་ཤེས་པ་སྤྱན་འདྲེན་ནས་མཆོད་བསྟོད་ཀྱི་བར་གྲུབ་ནས། བཟླས་པ་བྱ་བ་ནི། བུམ་པར་གཟུངས་ཐག་བཏགས་ལ་བཟུང་ནས།</span> <br />རང་དང་མདུན་བསྐྱེད་ཀྱི་མགོན་པོ་རྣམས་ཀྱི་ཐུགས་ཀའི་མཁའ་འགྲོ་མ་རྣམས་ལས་དེ་འདྲ་བའི་དབང་སྡུད་ཀྱི་མཁའ་འགྲོ་མ་དཔག་ཏུ་མེད་པ་འཕྲོས། འཇིག་རྟེན་གྱི་ཁམས་ཐམས་ཅད་ཁྱབ། ལྷ་མི་ཀླུ་དང་བཅས་པའི་ཚེ་དང་བསོད་ནམས། སྟོབས་དང་དཔལ་འབྱོར། ལོངས་སྤྱོད་དབང་ཕྱུག །སྙན་གྲགས་རིགས་བརྒྱུད། རིན་པོ་ཆེ་དང་འབྲུ་རིགས་དང་། རྟ་ཕྱུགས་འཕེལ་བ་ལ་སོགས་པ་འབྱོར་བའི་ཁྱད་པར་ཡིད་ལ་ཇི་ལྟར་འདོད་པ་ཐམས་ཅད་བཀུག་སྟེ། བུམ་པའི་ནང་གི་རྫས་རྣམས་ལ་གཉིས་སུ་མེད་པར་བསྟིམས་པས་འདོད་དགུའི་དཔལ་འབྱོར་ཟད་མི་ཤེས་པའི་གཏེར་གྱི་བུམ་པ་བཟང་པོར་གྱུར། བུམ་པའི་ནང་གི་དཔལ་འབྱོར་ཕུན་སུམ་ཚོགས་པ་རྣམས་རབ་ཏུ་རྒྱས་ཤིང་ཁ་ནས་ལུད། མགོན་པོའི་ཕྱག་གི་བུམ་པ་དང་ཐོད་པ་ནས་ཀྱང་ལུད། ཚོགས་བདག་གི་ཁ་དང་བཤང་ལམ་དང་ནེའུ་ལེ་རྣམས་ལས་ཀྱང་རིན་པོ་ཆེ་སྣ་ཚོགས་པ་ལྷུག་ལྷུག་བབ་པས་གནས་ཁང་དང་། གཙུག་ལག་ཁང་དང་། ཕོ་བྲང་བང་མཛོད་ལ་སོགས་པའི་ནང་ཐམས་ཅད་ཕྱུར་བུར་ཁེངས་པས། བདག་ཅག་དཔོན་སློབ་ཡོན་མཆོད་འཁོར་དང་བཅས་པས་མཚོན་པའི་སེམས་ཅན་ཐམས་ཅད་འདོད་དགུའི་དཔལ་འབྱོར་འཛད་པ་མེད་པའི་གཏེར་ལ་ལོངས་སྤྱོད་པར་གྱུར་<span class="tibetan_small">པར་བསམ་ལ་རྩ་སྔགས་བཅུ་གསུམ་པ་ཅི་ནུས་སུ་བཟླའོ། །ཐུན་བསྡུ་བའི་ཚེ། གཏོར་འབུལ། མཆོད་བསྟོད། ནོངས་པ་བཟོད་གསོལ་བྱས་ལ། ཐལ་མོ་མེ་ཏོག་དང་བཅས་ཏེ།</span> <br />མགོན་པོ་ཡིད་བཞིན་ནོར་བུ་འཁོར་བཅས་ཁྱེད་རྣམས་རྟེན་འདི་དག་ལ་བརྟན་པར་བཞུགས་སུ་གསོལ། བརྟན་པར་བཞུགས་ནས་གནས་འདིར་མཁྱེན་ལྡན་དང་སྟོབས་ལྡན་འབྱོར་ལྡན་གྱིས་མཚོན་པའི་སྐྱེ་འགྲོ་ཐམས་ཅད་འདུ་ཞིང་སྲིད་ཞིའི་དཔལ་འབྱོར་ལོངས་སྤྱོད་ཕུན་སུམ་ཚོགས་པ་ཐམས་ཅད་རྒྱ་མཚོ་ཆེན་པོ་ལ་ཆུ་བོའི་རྒྱུན་བཞིན་དུ་འདུ་བར་མཛད་དུ་གསོལ། <span class="tibetan_small">ཞེས་དང་།</span> <br />སུ་པྲ་ཏིཥྛ་<span class="tibetan_small">སོགས་ཀྱིས་མེ་ཏོག་འཐོར། དེ་ལྟ་བུའི་བརྟན་བཞུགས་འདི་ཉེར་གཅིག་གམ་ལྔ་བཅུའམ་བརྒྱ་རྩ་བརྒྱད་ཀྱི་བར་ཅི་ནུས་སུ་བྱ་བར་བཤད་དོ། །དེ་ནས་དགེ་བསྔོ་བཀྲ་ཤིས་བྱ། དེ་ལྟ་བུས་རབ་རྟགས་མཐོང་བ་དང་། ཐ་མ་ཞག་གྲངས་བདུན་ལ་སོགས་པ་ཅི་ནུས་སུ་བསྒྲུབ། སྒྲུབ་པ་ཟིན་ནས་འཁོར་ལོ་ཡོད་ན་དགེ་འདུན་གྱི་གཙུག་ལག་ཁང་ངམ་རྟེན་བཞེངས་ཀྱི་ནང་ངམ། བུམ་པ་དང་མཉམ་དུ་འཇོག་པའམ། རང་གི་ལུས་ལ་བཅངས་པ་གང་རུང་བྱ་བ་དང་། བུམ་པ་ནི་གང་དུ་འཇོག་པའི་ས་དེར་སྒྲུབ་པ་ཡིན་ན་དེར་གཞན་གྱིས་མི་མཐོང་བར་བྱས་ནས་སྦས་པས་ཆོག །གཞན་རྟེན་གྱི་ནང་ངམ་གཙུག་ལག་ཁང་དང་རང་གི་གནས་ཁང་གི་མཛོད་ཀྱི་ཕུག་སོགས་ལ་གདན་དྲང་དགོས་ན་གྱང་ལོགས་ལྟ་བུ་ལ་གྲུ་བཞིར་བརྐོས་པའམ་སྒམ་ནང་ལྟ་བུར་འཛོམ་ན་མཚལ་གྱིས་བྱུགས་པའི་ལོགས་བཞིར་སིནྡཱུ་རའི་གཡུང་དྲུང་རིས་བྲིས་པའི་བཞུགས་གནས་སུ། བུམ་པ་སྤོས་དུད་རོལ་མོ་དང་བཅས་པས་སྤྱན་དྲངས་ལ། འོག་ཏུ་རས་ལ་པདྨ་བྲིས་པའི་སྟེང་། བུམ་པའི་མདུན་མཛོད་སྒོ་དང་མི་འཕྲོད་པར་བཞག །སྟེང་དུ་དར་གྱི་གུར་དང་མདུན་དུ་མར་ཁུས་སྦྲུས་པའི་གཏོར་མ་ནོར་བུས་བརྒྱན་པ་སྔར་བཞིན་བཤམས། སླར་ཡང་ཕྲིན་ལས་བསྡུས་པའི་སྒོ་ནས་བསྐྱེད་བསྟིམས་མཆོད་བསྟོད་བཟླས་དམིགས་གཏོར་འབུལ་བརྟན་བཞུགས་ཤིས་བརྗོད་རྣམས་ཚང་བར་བྱས་ལ། རྡོའམ་འདགས་ལ་གཡུང་དྲུང་རིས་བྲིས་པས་བཀབ། གྱང་ལོགས་ཡིན་ན་ཕྱི་ནས་ཞལ་ཞལ་བྱས་ཏེ་མི་མངོན་པར་བྱས། གཏེར་བུམ་འདི་ནི་དགེ་འདུན་གྱི་གཙུག་ལག་ཁང་། རྟེན་ཁྱད་པར་ཅན། སྒྲུབ་པ་པོའི་བསྟི་གནས། རྒྱལ་པོའི་ཕོ་བྲང་སོགས་ལ་བསྔགས་ཀྱི། ཆོས་སྐྱོང་གི་རྟེན་ཐུན་མོང་མ་ཡིན་པའི་ཕྱིར། སྐྱེ་བོ་ཕལ་པའི་གནས་དང་ར་བ་སོགས་སུ་བཞག་པར་བྱ་བ་མ་ཡིན་ཅིང་། ཅིས་ཀྱང་བཞག་ན་ཤིས་བརྗོད་ཙམ་ལས་བསྐྱེད་བསྟིམས་དང་དམིགས་བཟླས་རྣམས་ནི་མི་བྱའོ། །འདི་ཉིད་གང་དུ་བཞུགས་པའི་ཕྱོགས་དེར་འབྱོར་པ་ཟད་མི་ཤེས་པར་འབྱུང་བར་གསུངས་སོ། </span><br /><span class="tibetan_small">༈ །ལྔ་པ་སྲེག་བླུགས་ཀྱི་ཆོ་ག་ནི། འདི་ཉིད་གཙོ་བོར་རྒྱས་པ་དང་། དབང་གི་ཕྲིན་ལས་ལ་བསྔགས་པས་དེའི་ལག་ལེན་བཤད་པ་ལ་གཉིས། རྒྱས་པ་དང་། དབང་གི་སྦྱིན་སྲེག་གོ </span><br /><span class="tibetan_small">།དང་པོ་ལ། སྦྱོར་བ། དངོས་གཞི། རྗེས་གསུམ་ལས། </span><br /><span class="tibetan_small">དང་པོ་ནི། བསྙེན་པ་དང་སྒྲུབ་པའི་རྗེས་སམ་གཞན་ཏུའང་རུང་། ཡར་ངོའི་སྔ་དྲོ་ལྟ་བུར་མེ་ཐབ་པདྨ་འདབ་བརྒྱད་ལྟེ་བར་ཉི་གདན། ཁ་ཁྱེར་མུ་རན་ལ་རིན་པོ་ཆེའི་ཕྲེང་བས་བསྐོར་བ། གཞི་སེར་པོ་ལ་བཅད་ཚོན་དམར་སེར་གྱིས་བྲི། ཉི་གདན་ལ་འབྲས་སམ་རྡུལ་ཚོན་གྱིས་ཚོམ་བུ་དཀར་པོ་གཅིག་བཀོད། བུད་ཤིང་ཚེར་མ་ཅན་མ་ཡིན་པའི་འབྲས་བུ་ཅན་གྱི་ཤིང་། སེར་ཞིང་དྲི་ཞིམ་པོའི་དབུས་ཀྱི་ཆ་ལས་བྱུང་བའམ། དེ་མེད་ན་སྲོག་ཆགས་མེད་པའི་ནགས་ཀྱི་ལྕིབ་ཐབ་ཀྱི་ཁ་ཁྱེར་གྱི་སྟེང་ནས་དཔང་ས་ཁྲུ་གང་ཙམ་གྲུ་བཞིར་བརྩེགས་པའི་ནང་གི་འཇིག་རྟེན་པའི་ཤར་ལྷོའི་མཚམས་སུ་ཏིང་ལོ་ཆེ་བ་ཞིག་བཞག་པ་ཁ་བྱང་ནས་ལྷོར་བསྟན། སྒྲུབ་པ་པོ་ཁ་ལྷོ་ནས་བྱང་དུ་བསྟན་ནས་གདན་སེར་པོའི་སྟེང་དུ་ཆས་གོས་སེར་པོ་བཅས་རྒྱས་པའི་སེམས་དང་བཟང་པོའི་སྟབས་ཀྱིས་འདུག་པའི་བར་དུ་གངས་རི་བྲིས་པའི་མེ་ཡོལ་བཞག །རང་གི་མདུན་དུ་བསང་ཆུའི་སྣོད་དུང་ཕོར་སོགས་དང་། ཀུ་ཤའི་འཐོར་གཡབ། རྡོར་དྲིལ་ནང་མཆོད་རྣམས་བཤམས། རྡོ་རྗེ་དྲིལ་བུའི་བར་དུ་དགའ་གཟར་བླུགས་གཟར་ཁ་སྦྱར་ལ་བཞག །ཀུ་ཤའི་ཆུན་པོ་བརྒྱད། དཔལ་འབར་ཞིག་ཀྱང་སྟ་གོན་བྱ། རང་གི་གཡོན་ཐབ་ཀྱི་གཡས་ནས་ཆུ་གཉིས་སྔོན་འགྲོའི་ཉེར་སྤྱོད་དང་། འཇིག་རྟེན་དང་འཇིག་རྟེན་ལས་འདས་པའི་གཏོར་མ་གཉིས་དང་བཅས་པ་བཤམ། རང་གི་གཡས་ཐབ་ཀྱི་གཡོན་ནས་བསྲེག་རྫས་ཡམ་ཤིང་འབྲས་བུ་ཅན་གྱི་ཤིང་སྦོམ་ཕྲ་གུང་མོ་ཙམ་སེར་ཞིང་དྲི་ཞིམ་བ། ཁྲུ་གང་བ། རྩ་རྩེ་མར་དང་སྦྲང་རྩི་བྱུགས་པ། མར་ཁུ། ཟས་མཆོག ཏིལ་དཀར། ཡུངས་ཀར། སོ་བ། འབྲས། ནས། གྲོ། སྲན་མ། ཀུ་ཤ་རྣམས་གོ་རིམ་བཞིན་བཤམ། རྫས་རྣམས་ལ་ཁ་དོག་སེར་པོ་བྱས། བདུད་རྩི་ལས་བྲན་ལ་བཞག་གོ། །དེ་ནས་བདག་བསྐྱེད་བཟླས་པ་ནས་བསྡུ་ལྡང་གི་བར་དུ་གྲུབ་པར་བྱ། དེ་ནས་བརྩམས་ཏེ་སྦྱིན་སྲེག་གི་ཆོ་ག་མ་གྲུབ་ཀྱི་བར་ལ་ལག་པ་གཉིས་པུས་མོ་ལས་མི་འདའ་བ་ལ་བསླབ་བོ། </span><br /><span class="tibetan_small">།གཉིས་པ་དངོས་གཞི་ལ་ཐབ་དང་ཡོ་བྱད་བསང་བ་ནི། བསང་ཆུ་ལ།</span> <br />བཛྲ་ཨ་མྲྀ་ཏ་<span class="tibetan_small">སོགས་དང་།</span> <br />ཧཱུྃ་<span class="tibetan_small">རིང་པོ་མང་དུ་བརྗོད་པས།</span> <br />རྫས་རྣམས་ཀྱི་མ་དག་པ་སེལ་བའི་ནུས་པ་དང་ལྡན་པར་<span class="tibetan_small">བསམ་ལ། སྔགས་དེ་གཉིས་གང་རུང་བརྗོད་ཅིང་ཀུ་ཤའི་འཐོར་གཡབ་ཀྱིས་ཐབ་དང་ཡོ་བྱད་ཐམས་ཅད་ལ་བསང་གཏོར་བྱས་ཏེ་བགེགས་བསལ་ལ། བསྲེག་རྫས་དང་མཆོད་རྫས་རྣམས།</span> <br />སྭ་བྷཱ་ཝ<span class="tibetan_small">ས་སྟོང་པར་སྦྱངས།</span> <br />སྟོང་པའི་ངང་ལས་ཨ་ལས་བྱུང་བའི་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུྃ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་བསྲེག་རྫས་དང་། མཆོད་རྫས་རྣམས་དྭངས་ཤིང་ཐོགས་པ་མེད་པ། ལྷ་མཉེས་པ་དང་། སོ་སོའི་ལས་སྒྲུབ་པའི་ནུས་པ་དང་ལྡན་པར་གྱུར་<span class="tibetan_small">པར་བསམ་ལ།</span> <br />ཨོཾ་ཨཱཿཧཱུྃ་སྭཱ་ཧཱ<span class="tibetan_small">ས་ཡམ་ཤིང་།</span> <br />ཨོཾ་ཤྲིཾ་སྭཱ་ཧཱ<span class="tibetan_small">ས་མར།</span> ཨོཾ་ཛྲིཾ་སྭཱ་ཧཱ<span class="tibetan_small">ས་འབྲུ།</span> ཨོཾ་སྭཱ་སྭཱ་ཧཱ<span class="tibetan_small">ས་རྫས་ཐམས་ཅད་བཀྲུས།</span> ཨོཾ་ཀུ་རུ་ཀུ་རུ་སྭཱ་ཧཱ<span class="tibetan_small">ས་རྫས་ཐམས་ཅད་སྦྱངས།</span> <br />ཨོཾ་བཛྲ་ཨརྒྷཾ་སྭཱ་ཧཱ། ཨོཾ་བཛྲ་པཱདྱཾ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུྃ། <span class="tibetan_small">སོགས་ནས།</span> ཤཔྡ་ཨཱཿཧཱུྃ། <span class="tibetan_small">སོ་སོའི་སྔགས་དང་ཕྱག་རྒྱས་བྱིན་གྱིས་བརླབས། དེ་ནས་དཔལ་འབར་ལ་འཛོམ་ན་དགེ་འདུན་གྱི་བསྲོ་ཁང་ངམ། རྒྱལ་པོའི་ཐབ་ལས་བྱུང་བའི་མེ་སྦར་ཏེ། ལག་པ་གཉིས་གུས་པའི་ཚུལ་གྱིས་ཐབ་ལ་གཡས་ནས་ཟླུམ་པོར་བསྐོར་ཞིང་། རྩ་སྔགས་བཅུ་གསུམ་མ་ལན་གསུམ་དང་།</span> <br />ཨོཾ་ཛྭ་ལ་ཛྭ་ལ་རཾ། <span class="tibetan_small">ཞེས་བརྗོད་ཅིང་ཐབ་ཀྱི་ནང་གི་ཏིང་ལོ་སྦར་ཞིང་རྩ་སྐམ་སོགས་ཀྱིས་མེ་གསོ། ཁུ་ཚུར་གཉིས་བརྐྱངས་པའི་མཐེབ་མཛུབ་གཉིས་བརྒྱངས་པའམ། རྩེ་སྦྱར་བའི་རིན་པོ་ཆེ་ཁུ་ཚུར་གྱི་ཕྱག་རྒྱས་དགང་གཟར་བླུགས་གཟར་བཟུང་ལ། བླུགས་གཟར་མར་དང་བཅས་པས་དགང་གཟར་གྱི་ཁ་ལ་རེག་ཅིང་། བླུགས་གཟར་གྱིས་བུད་ཤིང་ལ་ཁྱབ་པར་བླུགས་ཏེ།</span> <br />ཨོཾ་ཛྭ་ལ་ཛྭ་ལ་རཾ། <span class="tibetan_small">ཞེས་བརྗོད། དེ་ནས་ཀུ་ཤའི་ཆུན་པོ་བརྒྱད་བསང་སྦྱང་།</span> <br />སྟོང་པའི་ངང་ལས་ཧཱུྃ་ལས་བྱུང་བའི་ཀུ་ཤ་སྔོ་ལྗང་རྩ་བ་རྩེ་མོ་མ་ཉམས་པ། དྭངས་ཤིང་ཐོགས་པ་མེད་པ། ཐབ་དང་ཡོ་བྱད་རྣམས་ཀྱི་འབགས་པ་དང་མ་དག་པ་ཐམས་ཅད་སེལ་བའི་ནུས་པ་ལྡན་པར་གྱུར་<span class="tibetan_small">བར་བསམ་སྟེ།</span> <br />ཨོཾ། ཀུ་ཤ་འདི་ནི་བཟང་ཞིང་དགེ། །ས་ལས་སྐྱེས་པའི་སྙིང་པོ་མཆོག །ཚངས་པ་ཡི་ནི་དག་བྱེད་ཡིན། །དཀོན་མཆོག་གསུམ་གྱི་དག་བྱེད་དེ། །དེས་བདག་ལ་བགེགས་མེད་ཅིང་ཞི་བར་མཛོད་ཅིག <br />།ཨོཾ་བཛྲ་སཏྭ་ཨཱཿ <span class="tibetan_small">ཞེས་བརྗོད་དེ། ཐབ་ཀྱི་མདུན་ནས་གཡས་སྐོར་གྱི་རིམ་པས་ཕྱོགས་མཚམས་བརྒྱད་དུ་རྩེ་མོ་གཡས་སྐོར་དུ་བཀྲམ་མོ། །མེ་ཐབ་བསངས་སྦྱངས།</span> <br />སྟོང་པའི་ངང་ལས་པཾ་ལས་པདྨ་དང་། རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལས་བྱུང་བའི་རྒྱས་པའི་ཐབ་ཁུང་སེར་པོ་རྒྱར་ཁྲུ་གཉིས་པ། ཟབས་སུ་ཁྲུ་གང་པ། ཡངས་ཤིང་རྒྱ་ཆེ་བ་དྭངས་ཤིང་ཐོགས་པ་མེད་པ། ཁ་ཁྱེར་དང་མུ་རན་ལ་རིན་པོ་ཆེའི་ཕྲེང་བས་མཚན་པ། །བྲིས་པ་དང་གཉིས་སུ་མེད་པར་གྱུར། མེ་འབར་བའི་དབུས་སུ་པཾ་ལས་པདྨ་དང་། རཾ་ལས་ཉི་མའི་དཀྱིལ་འཁོར་གྱི་སྟེང་དུ་རཾ་ལས་བགྲང་ཕྲེང་རཾ་གྱིས་མཚན་པ་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས་མེ་ལྷ་ར་སྐྱེས་ལ་ཞོན་པ། ཞལ་གཅིག་ཕྱག་བཞི་པ། གཡས་མཆོག་སྦྱིན་དང་བགྲང་ཕྲེང་། གཡོན་དབྱུག་གུ་དང་སྤྱི་བླུགས་འཛིན་པ། ལུས་པོ་མེའི་རང་བཞིན་དམར་པོ། ཞལ་གྱི་དཀྱིལ་འཁོར་སེར་པོ་ལས་འོད་ཟེར་སེར་པོ་འཕྲོ་བ། གསུས་ཁྱིམ་ཆེ་བ། རལ་པའི་ཐོར་ཚུགས་ཅན། ཨག་ཚོམ་འཆང་བ། དྲང་སྲོང་གི་ཚོགས་ཀྱིས་བསྐོར་བ། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་ཤར་ལྷོ་ནས་མེ་ལྷ་དྲང་སྲོང་གི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿ <span class="tibetan_small">ཞེས་དང་ལག་པ་གཉིས་ཀྱི་མཐེ་བོང་གུང་མོའི་རྩ་བར་བཞག །མཛུབ་མོ་གུང་མའི་རྒྱབ་ནས་བཀབ་པ་དབྱུག་གུ་རྩེ་གསུམ་པའི་ཕྱག་རྒྱ་རྣ་བའི་དྲུང་དུ་གཡབ་ཅིང་།</span> <br />ཨོཾ། ཚུར་བྱོན་ཚུར་བྱོན་འབྱུང་པོ་ཆེ། །མེ་ལྷའི་རྒྱལ་པོ་དྲང་སྲོང་མཆོག །སྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །གཟི་བརྗིད་ཆེན་པོ་མེ་ཡི་ལྷ། འདོད་པ་ཐམས་ཅད་སྒྲུབ་པ་པོ། །ཐུགས་རྗེས་སེམས་ཅན་དོན་མཛད་པ། །འདི་ཉིད་དུ་ནི་བཞུགས་སུ་གསོལ། <br />།ཨོཾ་ཨགྣ་ཡེ་མ་ཧཱ་ཏེ་ཛཿ སརྦ་ཀརྨ་པྲ་སཱ་བྷ་ཀ་མ་ཧཱ་བྷུ་ཏ་དེ་ཝ་རི་ཥི་དྭི་ཛ་ས་ཏྭ་མ་གྲཾ་ཧི་ཏྭ་ཨཱ་ཧུ་ཏིཾ་ཨཱ་ཧ་ར་ཨ་སྨིན་སན་ནི་ཧི་ཏོ་བྷ་ཝ། <span class="tibetan_small">ཞེས་པས་སྤྱན་དྲངས།</span> <br />ཨོཾ་པདྨ་ཀ་མ་ལཱ་ཡ་སྟྭཾ། <span class="tibetan_small">ཞེས་བརྗོད་པས་ཐབ་ནང་དུ་མེ་ཏོག་གཅིག་ཕུལ་ཏེ།</span> <br />ཐབ་ཀྱི་ཤར་ལྷོར་པདྨའི་གདན་ལ་བཞུགས་པར་གྱུར། <span class="tibetan_small">ཞེས་བརྗོད་ཅིང་བསམ།</span> <br />ཨོཾ་བཛྲ་ཨརྒྷཾ་<span class="tibetan_small">སོགས་ཀྱིས་ཆུ་གཉིས་ཕུལ། རྡོ་རྗེ་རྩེ་ལྔ་པའི་ཕྱག་རྒྱ་བཅིངས་པའོ། སྤོས་དང་བཅས་པའི་དྲིལ་བུ་བཟུང་ལ།</span> <br />ཨོཾ་བཛྲ་ཨཱ་ན་ལ་མ་ཧཱ་བྷཱུ་ཏ་ཛྭ་ལ་ཡ། སརྦ་བྷ་སྨིཾ་ཀུ་རུ་སརྦ་དུཥྚཾ་ཧཱུྃ་ཕཊ་དྲྀ་ཤྱ་ཛཿཧཱུྃ་བཾ་ཧོཿ ས་མ་ཡ་སྟྭཾ། <span class="tibetan_small">ཞེས་བརྗོད་ལ།</span> <br />ཛཿཧཱུྃ་བཾ་ཧོཿ <span class="tibetan_small">ཞེས་པས་བསྟིམ།</span> <br />སླར་ཡང་རང་གི་སྙིང་གའི་ས་བོན་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ཨོཾ་བཛྲ་ས་མཱ་ཛཿ <span class="tibetan_small">ཞེས་དང་། རྡོ་རྗེ་བསྡུ་བའི་ཕྱག་རྒྱས་དབང་ལྷ་སྤྱན་དྲངས་ལ།</span> <br />དེ་བཞིན་གཤེགས་པ་ཐམས་ཅད་ཀྱིས་འདི་ལ་དབང་བསྐུར་བར་མཛད་དུ་གསོལ། ཞེས་གསོལ་བ་བཏབ་པས། དེ་བཞིན་གཤེགས་པ་རྣམས་ཀྱིས་བུམ་པའི་ཆུས་སྤྱི་བོ་ནས་དབང་བསྐུར་བས་སྐུ་གང་དྲི་མ་དག་ཆུའི་ལྷག་མ་ཡར་ལུད་པ་ལས་རིན་ཆེན།འབྱུང་ལྡན་གྱིས་དབུར་བརྒྱན། <span class="tibetan_small">དེ་ནས།</span> <br />ཨོཾ་ཨགྣ་ཡེ་ས་པ་རི་ཝཱ་ར་<span class="tibetan_small">ཞེས་པའི་མཚན་སྔགས་རེ་རེ་མགོར་སྦྱར་བའི་ཉེར་སྤྱོད་ལྔ།</span> <br />གཎྜེར་ཎི་<span class="tibetan_small">རོལ་མོ་དང་བཅས་པས་མཆོད། མཚན་སྔགས་ཀྱི་མཐར།</span> <br />ཨོཾ་ཨཱཿཧཱུྃ། <span class="tibetan_small">ཞེས་པས་ནང་མཆོད། རྡོ་རྗེ་དྲིལ་བུ་འཛིན་པས།</span> <br />འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོར་ཊཱ་ཀིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་བསྲེགས། །འཛིན་བྱེད་མེ་ལྷ་ཉིད་ལ་རྣམ་པར་འདུད། <span class="tibetan_small">།ཅེས་བསྟོད་ལ་བུད་ཤིང་ཁ་གསོ། </span><br /><span class="tibetan_small">དེ་ནས་འདས་པའི་མེ་ལྷ་མཆོད་པ་ནི།</span> <br />འཇིག་རྟེན་པའི་མེ་ལྷའི་ཐུགས་ཀར་མེ་གྲུ་གསུམ་གྱི་དབུས་སུ་པཾ་ལས་པདྨ། རཾ་ལས་ཉི་མ་<span class="tibetan_small">སོགས་མངོན་རྟོགས་རྒྱས་བསྡུས་གང་ཡང་རུང་བ་དང་སྦྱར་ཏེ་ལྷ་བསྐྱེད་པ་ནས། ཡེ་ཤེས་པ་གཞུག་བསྟིམ་གྱི་བར་བྱ།</span> <br />དེའི་མཐའ་སྐོར་དང་བར་སྣང་རྣམས་སུ་རྩ་བརྒྱུད་ཀྱི་བླ་མ། ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་བྱང་སེམས་ཆོས་སྲུང་ནོར་ལྷའི་ཚོགས་བསམ་གྱིས་མི་ཁྱབ་པ་སྤྲིན་ཕུང་འཐིབས་པ་ལྟར་མངོན་སུམ་དུ་བཞུགས་པ། ལྷ་ཐམས་ཅད་འཛུམ་ཞིང་ཚིམ་པ་འོད་ཟེར་སེར་པོ་འཕྲོ་བ་གཟི་བརྗིད་དང་ལྡན་པའི་སྒོ་ནས། བདག་དང་སེམས་ཅན་ཐམས་ཅད་ཀྱི་ཚེ་དང་བསོད་ནམས་ལོངས་སྤྱོད་ལ་སོགས་པ་རྒྱས་པའི་ལས་མཛད་པར་གྱུར། <span class="tibetan_small">ཅེས་བརྗོད་ཅིང་བསམ། སླར་ཡང་ཧཱུྃ་ཞེས་བརྗོད་ཅིང་ཐབ་དང་ཡོ་བྱད་ཐམས་ཅད་ལ་བསང་ཆུ་གཏོར་ཏེ་མི་གཙང་བ་དང་ཉམས་པ་ཐམས་ཅད་དག་པར་བསམ། དེ་ནས་རིན་ཆེན་ཁུ་ཚུར་གྱིས་གཟར་བུ་གཉིས་བཟུང་སྟེ།</span> <br />ལྷ་རྣམས་ཀྱི་ཞལ་ཅུང་ཟད་གདངས་པའི་ལྗགས་ཧཱུྃ་ལས་རྡོ་རྗེ་ཧཱུྃ་གིས་མཚན་པ། དགང་བླུགས་ཀྱི་ཁ་ལ་རཾ་ཡིག་གིས་མཚན་པར་གྱུར། <span class="tibetan_small">རྩ་སྔགས་བཅུ་གསུམ་མ་ལན་བདུན་དང་སྦྲགས་ཏེ་བླུགས་གཟར་གྱིས་མར་ཁུ་བླུགས་པས་དགང་གཟར་བཀང་ལ།</span> <br />ཨོཾ་ཨཱགྣ་ཡེ་ཨ་དི་བྱ་དི་བྱ་མ་ཧཱ་ཤྲཱི་ཡེ་ཧ་བྱ་ཀ་བྱ་བཱ་ཧ་ན་སྭཱ་ཧཱ། <span class="tibetan_small">ཞེས་བརྗོད་དེ་གཟར་བུ་གཉིས་ཁ་སྦྱར་ལ།</span> <br />ལྷ་ཐམས་ཅད་ཀྱི་ཞལ་དུ་དུས་གཅིག་ལ་ཕུལ་<span class="tibetan_small">བར་བསམ་ལ།</span> <br />བདག་སྒྲུབ་པ་པོའི་འཁོར་དང་ལོངས་སྤྱོད་དང་ནོར་དང་འབྲུ་དང་རིན་པོ་ཆེ་ལ་སོགས་པ་འབྱོར་པ་ཕུན་སུམ་ཚོགས་པ་ཐམས་ཅད་པུཥྚིཾ་ཀུ་རུ་ཨོཾ། <span class="tibetan_small">དེ་ལྟ་བུ་ལན་གསུམ་ལ་སོགས་པས་བྱོན་སྐྱེམས་ཕུལ།</span> <br />གུ་རུ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་<span class="tibetan_small">སོགས་ཆུ་གཉིས་ཉེར་སྤྱོད་རོལ་མོ་དང་བཅས་པ་དང་། མཚན་སྔགས་ཀྱི་མཐར།</span> <br />ཨོཾ་ཨཱཿཧཱུྃ་<span class="tibetan_small">བཏགས་པས་ནང་མཆོད་འབུལ།</span> <br />མགོན་པོ་ཡིད་བཞིན་ནོར་བུ་<span class="tibetan_small">སོགས་ཀྱིས་བསྟོད། དེ་ནས་ཡམ་ཤིང་ནས་བརྩམ་སྟེ་སྲེག་རྫས་རྣམས་སྡེ་ཚན་རེ་རེའི་ཐོག་མར་རང་རང་རྫས་སྔགས་ཚར་གསུམ་མམ་ལྔ་ལ་སོགས་པ་དང་། འབུལ་སྔགས།</span> <br />གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཞག་གིས་འབུལ། མཇུག་ཏུ་སྤེལ་ཚིག་གོང་ལྟར་བརྗོད་ཅིང་བརྒྱ་རྩ་བརྒྱད་ལ་སོགས་པ་ཇི་ཙམ་འབྱོར་པ་ཕུལ། ལོགས་ནས་སྒྲུབ་གཡོག་གཅིག་གིས་གྲངས་བཟུང་སྟེ། ཡམ་ཤིང་ལ་སོགས་པ་རྣམས་རིམ་པ་བཞིན་ལག་པ་གཡོན་དུ་བཟུང་ལ། གཡས་པའི་མཐེབ་སྲིན་གྱིས་སྟེང་ནས་བླང་ཞིང་ཅུང་ཟད་བསྐོར་ཏེ། མཆོད་སྦྱིན་ཕྱག་རྒྱས་འབུལ། དེ་ལ་ཡམ་ཤིང་བྱང་ཆུབ་ཀྱི་ཤིང་དུ་མོས་ཏེ།</span> <br />ཨོཾ་བོ་དྷི་བྲིཀྵ་ཡ་སྭཱ་ཧཱ། <span class="tibetan_small">གསུམ་མམ་ལྔ་སོགས་དང་།</span> གུ་རུ་མ་ཧཱ་<span class="tibetan_small">སོགས་ཀྱིས་བརྒྱ་རྩ་བརྒྱད་འབུལ། མཇུག་ཏུ།</span> བདག་སྒྲུབ་པ་པོ་<span class="tibetan_small">སོགས་ཀྱིས་སྤེལ་ཚིག་གོང་ལྟར་བརྗོད། འོག་མ་རྣམས་ལའང་འདི་རིགས་འགྲེ་སྦྱར་ཏེ།</span> ཨོཾ་ཨགྣ་ཡེ་སྭཱ་ཧཱ<span class="tibetan_small">ས་མར།</span> ཨོཾ་སརྦ་སཾ་པ་དེ་སྭཱ་ཧཱ<span class="tibetan_small">ས་ཞོ་དང་སྦྱར་བའི་ཟས་མཆོག</span> །ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ<span class="tibetan_small">ས་ཏིལ་ལམ་ཡུངས་ཀར།</span> ཨོཾ་བཛྲ་བི་ཛཱ་ཡ་སྭཱ་ཧཱ<span class="tibetan_small">ས་འབྲས་སོ་བ།</span> ཨོཾ་བཛྲ་པུཥྚ་ཡེ་སྭཱ་ཧཱ<span class="tibetan_small">ས་འབྲས།</span> ཨོཾ་མ་ཧཱ་བེ་ག་ཡ་སྭཱ་ཧཱ<span class="tibetan_small">ས་ནས།</span> ཨོཾ་བཛྲ་གྷསྨ་ར་ཡེ་སྭཱ་ཧཱ<span class="tibetan_small">ས་གྲོ།</span> ཨོཾ་མ་ཧཱ་བ་ལཱ་ཡ་སྭཱ་ཧཱ<span class="tibetan_small">ས་སྲན་མ།</span> ཨོཾ་བཛྲ་ཨཱ་ཡུ་ཥེ་སྭཱ་ཧཱ<span class="tibetan_small">ས་དུརྦ།</span> ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ<span class="tibetan_small">ས་ཀུ་ཤ་རྣམས་ཕུལ་ལ། སྡེ་ཚན་རེ་རེའི་མཐར་གོང་ལྟར་གྱི་སྤེལ་ཚིག་སྦྱར་རོ། །དེ་ནས་སྐབས་འདིར་ཁྱད་པར་གྱི་རྫས་ཟས་མཆོག་ལ་གྲངས་བཟུང་སྟེ་རྩ་སྔགས་ཀྱིས་སྟོང་ཕྲག་ལྔའམ། ཁྲི་ལ་སོགས་པས་ཇི་ཙམ་ནུས་པ་འབུལ་ཞིང་། སྐབས་སྐབས་སུ་ཡམ་ཤིང་དང་མར་ཅི་འབྱོར་པ་ཕུལ། སྒྲུབ་གཡོག་གཅིག་གིས་མེ་རྒྱུན་མ་ཆད་ཙམ་གྱི་བུད་ཤིང་ཡང་འཛུག་གོ། །དེ་ཡང་ཡམ་ཤིང་འབར་བའི་མེ་འོད་ལ། འདི་ནི་ཆོ་ག་ཚར་རེའི་སྔགས་བསྔོ་ཚུལ་ཡིན་ལ་དེ་ལྟར་ཞག་གྲངས་དུ་མར་བསྙེན་པ་ཇི་ཙམ་སོང་བའི་བཅུ་ཆའི་ཁ་སྐོང་ལ་འགྲིག་པར་བྱའོ། །མཆན། ཁུ་བའི་རྫས་རྣམས་ནི་ལྷ་ཐམས་ཅད་ཀྱི་ཞལ་དུ། གོང་བུའི་རྫས་རྣམས་ནི་ཕྱག་ཏུ། ཀུ་ཤ་ནི་དབུའི་གཙུག་ཏོར་ལ་ཕུལ་བར་བསམ་མོ། །སྲེག་རྫས་རྣམས་རྫོགས་པ་དང་། གོང་གི་བྱོན་སྐྱེམས་ཀྱི་སྐབས་སུ་བཤད་པ་ལྟར་མར་དགང་བླུགས་གསུམ་ཕུལ། མཆོད་པ་ཁ་གསོས་བྱིན་གྱིས་བརླབས་ཏེ།</span> <br />རྟེན་ཅིང་འབྲེལ་བར་འབྱུང་བ་ཡི། <span class="tibetan_small">སོགས་ཚིགས་བཅད་སྔགས་ཕྱག་རྒྱ་དང་བཅས་པས་མཆོད། ནང་མཆོད་ཀྱི་ཕུད་བླ་མ་ཡི་དམ། དེ་འོག་ཆོས་སྐྱོང་། ལྷག་མ་འབྱུང་པོ་རིགས་དྲུག་རྣམས་ལ་འབུལ་བའི་ཚིགས་བཅད་མགོན་མཐིང་སྐབས་ལྟར་རམ།</span> <br />བྱིན་རླབས་ཀྱི་རྩ་བ་<span class="tibetan_small">སོགས་ཀྱིས་ཕུལ།</span> <br />རང་གི་སྙིང་གའི་ཧཱུྃ་ལྷ་ཐམས་ཅད་ཀྱི་ངོ་བོ་ལ་མཆོད་པར་<span class="tibetan_small">བསམ་སྟེ་བདུད་རྩི་ཅུང་ཟད་ལྕེེ་ལ་མྱོང་། བསྟོད་པ་རྒྱས་བསྡུས་གང་རུང་གིས་བསྟོད། འདས་པའི་གཏོང་མ་ནང་མཆོད་ལྟར་བྱིན་གྱིས་བརླབས་ལ།</span> <br />གུ་རུ་མ་ཧཱ་<span class="tibetan_small">སོགས་རྩ་སྔགས་ཀྱི་མཇུག་ཏུ།</span> <br />ཨི་དཾ་བ་ལིཾ་ཁ་ཁ་ཁཱ་ཧི་ཁཱ་ཧི། <span class="tibetan_small">བཏགས་པ་གསུམ་མམ་ལྔ་ལ་སོགས་ཕྱག་རྒྱ་དང་བཅས་པས་འབུལ། མཆོད་པ་ཕྱི་ནང་དང་། བསྟོད་པ་བྱ།</span> <br />བདག་གི་ཚེ་དང་བསོད་ནམས་དང་ལོངས་སྤྱོད་ལ་སོགས་པ་འཕེལ་ཞིང་རྒྱས་པར་བྱིན་གྱིས།བརླབ་ཏུ་གསོལ། <span class="tibetan_small">ཞེས་སོགས་རང་གི་ཡིད་ལ་གང་འདོད་པའི་དོན་ལ་གསོལ་བ་བཏབ་ལ། སྐབས་འདིར་ཡི་གེ་བརྒྱ་པ་ཅི་ནུས་བཟླས་པའི་མཐར།</span> <br />མ་འབྱོར་བ་དང་ཉམས་པ་དང་། <span class="tibetan_small">།ཞེས་སོགས་དང་།</span> <br />བདག་ཅག་ལས་དང་པོ་པའི་རྟེན་གྱི་གང་ཟག་ཏུ་གྱུར་པས། སེམས་སྒྲིབ་པ་དང་ལྡན་པའི་དབང་གིས། ཏིང་འཛིན་མི་གསལ་བ་དང་། བྱིང་བ་དང་རྒོད་པའི་དབང་གིས་ཆོ་ག་ལྷག་ཆད་དུ་གྱུར་པ་ཐམས་ཅད་བཟོད་པར་མཛད་དུ་གསོལ། <br />ཨོཾ། ཁྱེད་ཀྱིས་སེམས་ཅན་དོན་ཀུན་མཛད། <span class="tibetan_small">།ཅེས་སོགས་ཀྱི་རྗེས་སུ།</span> <br />ཨོཾ་ཨཱཿཧཱུྃ་བཛྲ་མུཿ <span class="tibetan_small">ཞེས་དང་། མཐེབ་སྲིན་གྱིས་སེ་གོལ་གྱི་སྒྲས།</span> <br />ཡེ་ཤེས་པ་རང་བཞིན་གྱི་གནས་སུ་གཤེགས་པར་<span class="tibetan_small">བསམ། སྲིན་ལག་གིས་ཐབ་ཀྱི་རྡུལ་ཅུང་ཟད་བླངས་ལ་དཔྲལ་བར་བསྐུས་ཏེ།</span> <br />དམ་ཚིག་པ་རང་ལ་ཐིམ་པར་བསམ། <br /><span class="tibetan_small">།གསུམ་པ་རྗེས་ཀྱི་ཆོ་ག་ལ། འཇིག་རྟེན་པའི་མེ་ལྷ་ལ་སྲེག་རྫས་ལྷག་མ་རྣམས་ཡམ་ཤིང་ནས་ཀུ་ཤའི་བར། བདུན་ནམ་བཅུ་གཅིག་སོགས་ཅི་འབྱོར་ཕུལ། སྤེལ་ཚིག་ཀྱང་འདྲ། མར་དགང་བླུགས་གསུམ་གྱིས་སྦྱིན་སྲེག་དབུལ། ཡོན་བདག་ལ་སོགས་པའི་དོན་དུ་བྱེད་ན། དེའི་ལག་པ་གཡས་པའི་མཐེ་བོང་དགང་གཟར་དང་ལྷན་ཅིག་ཏུ་བཟུང་ལ། བདག་གམ་ཡོན་བདག་སོགས་སྤེལ་ཚིག་གོང་ལྟར་བརྗོད། མེ་ལྷའི་གཏོར་མ་བསངས་སྦྱངས།</span> <br />སྟོང་པའི་ངང་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པའི་མཐུ་ཕུན་སུམ་ཚོགས་པའི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། <span class="tibetan_small">ཞེས་པས་བྱིན་གྱིས་བརླབས། ལག་པ་གཡས་པས་མཆོག་སྦྱིན་གྱི་ཕྱག་རྒྱ་བྱས་ཏེ།</span> <br />ཨོཾ་ཨགྣ་ཡེ་ས་པཱ་རི་ཝཱ་ར་ཨ་ཀཱ་རོ་མུ་ཁཾ་<span class="tibetan_small">ཞེས་གསུམ་མམ་ལྔས་ཕུལ། མཚན་སྔགས་རེ་རེ་ནས་སྔོན་དུ་འགྲོ་བའི་ཆུ་གཉིས་ཉེར་སྤྱོད་རོལ་མོ་དང་བཅས་པ་དང་ནང་མཆོད།</span> <br />འཇིག་རྟེན་དབང་ཕྱུག་<span class="tibetan_small">སོགས་བསྟོད་པ་རྒྱས་བསྡུས་གང་རིགས་བྱས།</span> <br />དྲང་སྲོང་ཆེན་པོ་འཁོར་དང་བཅས་པ་ཁྱེད་རྣམས་ཀྱིས། བདག་<span class="tibetan_small">མིང་འདི་</span>ཞེས་བགྱི་བའི་འཁོར་དང་། ལོངས་སྤྱོད་དང་། ནོར་དང་། འབྲུ་དང་། རིན་པོ་ཆེ་ལ་སོགས་པ་འབྱོར་པ་ཕུན་སུམ་ཚོགས་པ་ཐམས་ཅད་རྒྱས་པར་མཛད་དུ་གསོལ། <span class="tibetan_small">ཞེས་དང་། ཡི་གེ་བརྒྱ་པ་ལན་གསུམ་གྱིས་ལྷག་ཆད་ཁ་བསྐང་།</span> <br />ཨོཾ་པྲོཀྵ་ཎཾ་པྲ་ཏཱིཙྪ་སྭཱ་ཧཱ<span class="tibetan_small">ས་བསང་གཏོར་དང་།</span> ཨོཾ་སརྦ་སཾ་ཤོདྷ་ནི་སྭཱ་ཧཱ<span class="tibetan_small">ས་འཐོར་འཐུང་ཕུལ་ལ།</span> <br />།བདག་གི་དོན་དང་གཞན་གྱི་དོན། །བྱིན་ཟ་ཁྱོད་ཀྱིས་བསྒྲུབས་ཀྱིས་གཤེགས། །ཇི་བཞིན་དུས་སུ་སླར་གཤེགས་ཏེ། །བདག་གི་དངོས་གྲུབ་ཐམས་ཅད་སྒྲུབས། །ཨོཾ་ཨཱགྣ་ཡེ་གཙྪཿ <span class="tibetan_small">ཞེས་དང་། དབྱུག་གུ་རྩེ་གསུམ་པའི་ཕྱག་རྒྱ་ཕྱིར་བསྐྱེད་དེ།</span> <br />མེ་ལྷ་རང་བཞིན་གྱི་གནས་སུ་གཤེགས། དམ་ཚིག་པ།རང་ལ་ཐིམ་པར་<span class="tibetan_small">བསམ་ལ།</span> <br />རང་གི་དཔྲལ་བར་ཨོཾ་དཀར་པོ། <span class="tibetan_small">ཞེས་སོགས་ཀྱིས་སྲུང་བ་བྱ།</span> <br />ཐམས་ཅད་ནམ་མཁའ་མཛོད་བཞིན་དུ། <span class="tibetan_small">སོགས་ཀྱིས་བསྔོ་བ་སྨོན་ལམ་ཅི་ཤེས།</span> <br />འབད་དང་རྩོལ་བས་<span class="tibetan_small">སོགས་བཀྲ་ཤིས་གང་ཤེས། མཆོག་གི་དངོས་གྲུབ་སྒྲུབ་པ་ཡིན་ན། མེ་མ་ཤིའི་བར་དུ་མི་བསྒུལ། ཤི་བ་དང་གཞན་རེག་ཏུ་མི་གཞུག་པར་རང་གིས་ཕྱགས་ལ་གནས་དབེན་པར་བསྐྱལ། ཐུན་མོང་གི་དངོས་གྲུབ་ཙམ་ལ་འཕྲལ་དུ་ཕྱགས་ལ་ཐབ་ཀྱི་ཤུལ་དང་ཉེ་འཁོར་ཐམས་ཅད་དྲི་ཞིམ་པོའི་ཆུས་བྱུགས་ཏེ་མེ་ཏོག་ལ་སོགས་པ་གཏོར་ལ་བཀྲ་ཤིས་བྱ་བར་བཤད་དོ། </span><br /><span class="tibetan_small">།གཉིས་པ་དབང་གི་སྦྱིན་སྲེག་ནི། མེ་ཐབ་དམར་པོ་དབུས་སུ་པདྨ་འདབ་བརྒྱད་ལ་ལྕགས་ཀྱུས་མཚན་ཅིང་ཁ་ཁྱེར་མུ་རན་ལ་ལྕགས་ཀྱུའི་ཕྲེང་བས་བསྐོར། བུད་ཤིང་རྒྱ་ཤུག་སོགས་ཤིང་དམར་ལ་རོ་མངར་ཞིང་སྐྱུར་བ་འབྲས་བུ་ཡོད་པ་དང་མ་འབྱོར་ན་ལྕི་བ་སོགས་ཀྱིས་ཀྱང་རུང་། སྒྲུབ་པ་པོ་སྟན་དང་ཆས་གོས་དམར་པོ་ཆགས་པའི་སེམས་ཀྱིས་ཁ་ནུབ་ཏུ་ཕྱོགས་པར་པདྨའི་སྐྱིལ་ཀྲུང་གིས་འདུག་ཐབ་དང་ཁ་སྤྲོད་དུ་བྱ། དུས་དགོང་མོ་ལ་བསྔགས། ཡམ་ཤིང་བུད་ཤིང་དང་རྒྱུ་འདྲ་བ་སོར་ལྔའམ་དྲུག་པ་བྱ། མཆོད་སྲེག་གི་རྫས་སོགས་གོང་བཤད་རྒྱས་པའི་སྦྱིན་སྲེག་ལྟར་ལ་ཐམས་ཅད་ཁ་དོག་དམར་པོ་བྱ། བསྲེག་རྫས་གཙོ་བོར་མེ་ཏོག་དང་འབྲུ་དམར་པོ། མྱོས་བྱེད་དང་མངར་གསུམ་བསྲེས་པའི་ཟས་མཆོག་ལན་ཚྭ་རྣམས་ལ་བྱ། འདོན་ཆ་རྒྱས་པའི་སྦྱིན་སྲེག་ཉིད་ཅུང་ཟད་ཁ་བསྒྱུར་བས་ཆོག་སྟེ། ཐབ་སྐྱེད་སྐབས།</span> <br />སྟོང་པའི་ངང་ལས་དབང་གི་ཐབ་ཁུང་དམར་པོ་ཟླ་གམ་གྱི་དབྱིབས་ཅན། རྒྱར་ཁྲུ་གང་ཟབས་སུ་ཁྲུ་ཕྱེད་པ། མུ་རན་ལ་ལྕགས་ཀྱུའི་ཕྲེང་བས་བསྐོར་བ། ཡངས་ཤིང་རྒྱ་ཆེ་ལ་དྭངས་ཤིང་ཐོགས་པ་མེད་པ་བྲིས་པ་དང་གཉིས་སུ་མེད་པར་གྱུར། <span class="tibetan_small">ཅེས་པ་དང་། མེ་ལྷའི་སྐབས།</span> <br />ཞལ་གྱི་དཀྱིལ་འཁོར་དམར་པོ་ལས་འོད་ཟེར་དམར་པོ་འཕྲོ་བ། <span class="tibetan_small">ཞེས་དང་། དབང་བསྐུར་རྒྱས་གདབ་སྐབས།</span> <br />འོད་དཔག་མེད་ཀྱིས་དབུ་བརྒྱན། <span class="tibetan_small">ཅེས་བསྒྱུར། འདས་པའི་མེ་ལྷ་མཆོད་སྐབས།</span> <br />ལྷ་ཐམས་ཅད་ཆགས་པའི་ཉམས་ཅན་ཞལ་གྱི་དཀྱིལ་འཁོར་ལས་འོད་ཟེར་དམར་པོ་འཕྲོ་བས་འཁོར་འདས་བརྟན་གཡོ་ཐམས་ཅད་དང་། སྣོད་བཅུད་ཀྱི་དཔལ་འབྱོར་ཐམས་ཅད་བདག་གིས་དབང་དུ་སྡུད་པའི་ཕྲིན་ལས་མཛད་པར་གྱུར། <span class="tibetan_small">ཞེས་དང་། དགང་བླུགས་པདྨའི་ཕྱག་རྒྱས་བཟུང་། སྤེལ་ཚིག་ནི།</span> <br />འཁོར་འདས་བརྟན་གཡོ་ལྷ་འདྲེ་མི་གསུམ་གྱི་སྐྱེ་འགྲོ་ཐམས་ཅད་དང་སྣོད་བཅུད་ཀྱི་དགེ་ལེགས་དཔལ་འབྱོར་ཐམས་ཅད་མ་མ་ཝ་ཤཾ་ཀུ་རུ་ཧོཿ <span class="tibetan_small">ཞེས་སྦྱར། བསྲེག་རྫས་གྲངས་གསོག་གོང་སྨོས་ཟས་མཆོག་མེ་ཏོག་དམར་པོ་སོགས་ལ་བྱ། </span><br /><span class="tibetan_small">ཁྱད་པར་གྱི་དམིགས་གནད་ནི།</span> <br />ཐུགས་ཀའི་མཁའ་འགྲོ་མ་ལས་རང་འདྲ་བ་དཔག་ཏུ་མེད་པ་འཕྲོས། བསྒྲུབ།བྱའི་སྙིང་ངམ་སྐྱེ་གནས་ནས་ལྕགས་ཀྱུས་བཏབ། ཌཱ་མ་རུའི་སྒྲས་སེམས་མྱོས་པར་བྱས་ཏེ་རང་དབང་མེད་པར་བཀུག །བདག་གི་རྐང་པའི་དྲུང་དུ་མྱོས་ཤིང་ཆགས་པ་དང་གུས་པའི་སེམས་ཀྱིས་འགྱེལ་བར་<span class="tibetan_small">མོས། གཏོར་འབུལ་མཇུག་གི་འདོད་གསོལ་ཡང་དབང་གི་ཕྲིན་ལས་ཡིད་ལ་ཇི་འདོད་རྒྱས་པའམ། གོང་སྨོས་ལྟར་གདགས། མེ་ཙན་དན་དམར་པོའི་ཆབ་བམ། དྲི་ཞིམ་པོའི་སྤོས་ཆུས་བདལ་བ་སོགས་བྱའོ། །ཐུགས་རྗེ་ཕྲིན་ལས་གཞན་ལས་སྟོབས་ཆེ་ཞིང་། །མཆོག་ལ་མི་སྒྲིབ་འཕྲལ་ཡུན་འདོད་རྒུ་འཇོ། །དྲི་མེད་བཻ་ཌཱུརྱས་ཀྱང་མི་བསྒྲུན་པ། །ཡིད་བཞིན་ནོར་བུའི་མཆོག་འདི་བྱི་དོར་འཚལ། །དཀོན་མཆོག་བསྟན་པའི་མངའ་ཐང་དགུང་དུ་རེག །དེར་འཛིན་སྦྱིན་བདག་འཁོར་བཅས་དཔལ་འབྱོར་རྒྱས། །བདག་གཞན་སྐྱེ་ཀུན་ཕོངས་པའི་འཇིགས་ལས་སྒྲོལ། །ཅི་བསམ་ལྷུན་གྱིས་འགྲུབ་པའི་བཀྲ་ཤིས་ཤོག །འཆི་མེད་གྲུབ་པ་རཱ་ཧུ་ལས་མཁས་གྲུབ་ཁྱུང་པོ་རྣལ་འབྱོར་ལ་སྒོ་སྐྱེལ་དུ་མཛད་པའི་ཟབ་ཆོས་མགོན་པོ་བཀའ་རྒྱ་མའི་སྐོར་དུ་གྲགས་པའི་གདམས་ངག་གི་སྙིང་པོའི་བཅུད་བྱུང་སྟེ་ཁྱེར་བདེ་བ་བལྟས་ཆོག་ཏུ་བཀོད་པ་འདི་ནི། ཤངས་པའི་བརྒྱུད་འཛིན་འདྲ་བྱུང་ན་ཕན་པའི་ལྷག་བསམ་གྱིས་འབྲི་བར་འདུན་པའི་ཐོག །སྒྲུབ་གྲྭ་འདིར་བཞུགས་པའི་བླ་མ་སྔ་རྗེས་འགའ་ཞིག་ནས་ཀྱང་དོན་དུ་གཉེར་བ་ལྟར། དཔལ་ལྡན་ཤངས་པ་བཀའ་བརྒྱུད་ཀྱི་གདམས་སྲོལ་འཛིན་པ་ཡོན་ཏན་རྒྱ་མཚོའམ་བློ་གྲོས་མཐའ་ཡས་པའི་སྡེས་ཤྲཱི་དེ་བཱི་ཀོ་ཊིའི་སྙིང་པོ་ཙཱ་འདྲ་རིན་ཆེན་བྲག་གི་སྒྲུབ་གནས་སུ་བགྱིས་པ། གསང་བ་ཕྱུང་བའི་ནོངས་པ་རྩ་བ་གསུམ་ལ་སྙིང་ནས་བཤགས་ཤིང་། དགེ་བས་སྙིང་པོའི་བསྟན་པ་དང་སེམས་ཅན་གྱི་བདེ་སྐྱིད་དབྱར་གྱི་ཆུ་བོ་ལྟར་རྒྱས་པར་གྱུར་ཅིག །ཆོས་བརྒྱུད་མི་འཛིན་པ་ལ་མི་སྤེལ་ཞིང་མི་སྟོན་པའི་བཀའ་རྒྱ་གསང་བའི་ལས་མགོན་ཕོ་མོ་ལ་གཉེར་དུ་གཏད་དོ། །བཛྲ་ས་མ་ཡ་ཧཱུྃ། </span><br /><span class="tibetan_small">༈ ཨོཾ་སྭ་སྟི། །ཕུན་ཚོགས་དངོས་པོ་ཀུན་གྱི་འདོད་འཇོ་ཞིང་། །སྲིད་དང་ཞི་བའི་དབུལ་བ་མ་ལུས་འཕྲོག །སྙིང་གི་མུན་སེལ་རྗེ་བཙུན་བླ་མ་དང་། །དབྱེར་མེད་མགོན་པོ་ཡིད་བཞིན་ནོར་བུར་འདུད། །བོད་ཡུལ་མཁས་དང་གྲུབ་པའི་རྒྱུ་སྐར་དབུས། །ངོ་མཚར་རྣམ་ཐར་སྣང་བ་ཆེར་འབར་བ། །ཁྱུང་པོ་རྣལ་འབྱོར་ཉི་མས་ཕྱེས་པ་ལས། །ཟབ་ཆོས་པདྨའི་དགའ་ཚལ་ཅི་ཡང་དར། །དེ་ལས་ཁྱད་འཕགས་བསྟན་སྲུང་ཞི་བ་ནི། །ནོར་སྒྲུབ་གཞུང་བཟང་རིན་ཆེན་ཇི་སྙེད་པའི། །སྙིང་པོས་གཏམས་པའི་བང་མཛོད་ཕྱེས་པ་འདི། །འཇམ་མགོན་འགྲོ་བའི་དེད་དཔོན་ཆེན་པོའི་དྲིན། །ནོར་བུ་བྱེ་བ་སྟོང་གིས་མི་བསྒྲུན་ཞིང་། །དཔག་བསམ་བུམ་པ་བཟང་པོས་འགྲན་མེད་པ། །མཆོག་ཐུན་ཡིད་ལ་འདོད་པའི་དོན་དེ་ཀུན། །མྱུར་དུ་གདམས་ངག་འདི་ཡིས་སྟེར་བར་བྱེད། །རྒྱུ་མཚན་ཤེས་པའི་དད་དང་ལྷག་བློ་ཅན། །ཡང་ཁྲོད་རྡོར་སློབ་བླ་མ་ཀར་ལུ་དང་། །ཉེར་གནས་དགེ་སློང་ཀར་བློ་དཔོན་སློབ་ཀྱིས། །ཡོན་གྱི་དངོས་པོས་ཆོས་སྦྱིན་སྤར་དུ་བསྒྲུབས། །ཆ་རྫོགས་དགེ་བའི་སྣང་བ་དཀར་པོ་འདིས། །འགྲོ་ཀུན་སྒྲིབ་གཉིས་མཚན་མོའི།མུན་པ་སངས། །མཁྱེན་གཉིས་ཡེ་ཤེས་ཀུ་མུཏ་རྒྱས་པ་ལས། ཀུན་དགའི་དགའ་སྟོན་གསར་པ་དར་གྱུར་ཅིག །དེ་ལྟར་མགོན་དཀར་ཡིད་བཞིན་ནོར་བུའི་གཞུང་རཏྣའི་བང་མཛོད་ཅེས་པ་ཡིག་ཆ་གསར་རྙིང་ཀུན་གྱི་བཅུད་འདུས་པའི་ཕྲིན་ལས་རྨད་དུ་བྱུང་བ་འདི་ཉིད་སྔར་ཕན་བཀའ་རྒྱས་བཏབ་པ་ལྟ་བུས་སྤར་དུ་འཁོད་པ་མི་འདུག་ཀྱང་གལ་ཆུང་ཆོས་ལ་བྱེད་པའི་སྙིགས་དུས་འདི་ལྟ་བུར་དཔེ་ལུང་གི་རྒྱུན་ཙམ་ཡང་ཆད་དུ་དོགས་ཤིང་། བསྟན་དང་འགྲོ་ལ་སྨན་པའི་ཐུགས་བཞེད་ཁོ་ནས་ཤར་དཔལ་སྤུངས་ཀྱི་ཡང་ཁྲོད་དུ་སྤར་དུ་བསྒྲུབས་སྐབས་རྗེས་སུ་ཡི་རང་གི་བསམ་པ་དང་འབྲེལ་སྤར་བྱང་སྨོན་ཚིག་ཏུ་མ་ཏིའི་མིང་གིས་གུས་པ་བྲིས་པ་དར་རྒྱས་འཕེལ།། །།</span></span>
+
<span class="main_text">༄༅། །དཔལ་ཡེ་ཤེས་ཀྱི་མགོན་པོ་ཡིད་བཞིན་ནོར་བུའི་བསྙེན་སྒྲུབ་ལས་གསུམ་སྐོང་གསོལ་བཅས་པའི་ཕྲིན་ལས་རཏྣའི་བང་མཛོད་ཅེས་བྱ་བ་བཞུགས་སོ། །རིན་ཆེན་འབར་བའི་རྒྱ་ཅན།<br />ཤྲཱི་ཛྙཱ་ན་སྱ་ནཱ་ཐ་ཙི་ནྟ་མ་ཎི་ཤྲ་ཐི་སཱ་དྷྱ་ཏྲི་ཀ་རྨ་པཱུ་རཱ་ཧ་ས་ཧ་ཀ་རྨ་རཏྣ་ཀོ་ཥ་ནཱ་མ་བི་ཧ་ར་ཏི་སྨ།<br /><br /><span class="tibetan_small">།ན་མོ་གུ་རུ་ཙྪིནྡ་མ་ཎི་ནཱ་ཐ་ཡ། </span><br /><span class="tibetan_small">མཆོག་ཐུན་ནོར་བུའི་གྲུ་ཆར་འབེབས་པ་ཡི། །རྣམ་ཐར་ཕྲིན་ལས་རྫོགས་ལྡན་སྤྲིན་གྱི་གདུགས། །འགྲོ་ཁམས་ནམ་མཁའི་མཐའ་ཀླས་རབ་བཀོད་པ། །ཁྱབ་བདག་བླ་མ་མྱུར་མཛད་མགོན་པོས་སྐྱོངས། །གསོལ་བཏབ་ཙམ་གྱིས་འདོད་རྒུའི་དབྱིག་མཆོག་གིས། །རེ་བའི་ཤིང་རྟ་བཀང་ལ་ཟླ་མེད་པ། །ཡིད་བཞིན་ནོར་བུའི་ཕྲིན་ལས་ནོར་གྱི་མཆོག །མོས་ལྡན་སྙིང་གི་བཅུད་འདི་བྱི་དོར་བྱ། །མཁས་གྲུབ་ཡོངས་ཀྱི་སྤྱི་རྗེ་ཁྱུང་པོ་རྣལ་འབྱོར་ཞལ་སྔ་ནས་བྱོན་པའི་གསེར་ཆོས་སྐོར་ལྔའི་ཡ་གྱལ་བཀའ་སྲུང་མགོན་པོའི་སྐོར་ལ་ཞི་བ་ནོར་སྒྲུབ་དང་དྲག་པོ་མཐུ་སྒྲུབ་གཉིས་རྩ་བར་གྱུར་པ་ལས། </span><br /><span class="tibetan_small">དང་པོ་ལའང་ཞི་རྒྱས་དབང་དང་ཚེའི་སྒྲུབ་པ་སོགས་མང་དུ་བཞུགས་བའི་ནང་ནས་གཙོ་བོར་གྱུར་པ་མགོན་དཀར་ཡིད་བཞིན་ནོར་བུའི་གཞུང་དང་ཞལ་གྱི་གདམས་པའི་ཡིག་ཆ་དུ་མའི་ཉམས་ལེན་སྙིང་པོར་དྲིལ་བ་འདི་ལ་སྤྱི་དོན་ལྔ། སྒྲུབ་པ་པོས་གང་ཟག་བསྙེན་སྒྲུབ་ཀྱི་ཉམས་ལེན། གཏོར་ཆོག་སྐོང་གསོའི་ཕྲིན་ལས། གལ་པོ་ཆེའི་ལས་སྦྱོར། སྲེག་བླུགས་ཀྱི་ཆོ་ག་བྱ་བའི་ཚུལ་ལོ། </span><br /><span class="tibetan_small">།དང་པོ་ནི། སྤྱིར་འཁོར་བ་ལ་ངེས་འབྱུང་དང་ལྡན་པས་ཚེ་འདིའི་དཔལ་འབྱོར་དོན་གཉེར་གཙོ་བོར་གྱུར་པ་མ་ཡིན་པ། ཐུན་མོང་ལམ་གྱིས་རྒྱུད་སྦྱངས་ཤིང་རྡོ་རྗེ་ཐེག་པའི་ལམ་ལ་མོས་པ། ཁྱད་པར་མགོན་པོ་འདི་ཉིད་ལ་མི་འཕྲོག་པའི་དད་མོས་དང་ལྡན་པ། རབ་ཤངས་ལུགས་རྒྱུད་སྡེ་ལྔ་ལྟ་བུ། མ་བྱུང་ཡང་བླ་མེད་བདེ་དགྱེས་ལྟ་བུའི་དབང་བཞི་རྫོགས་པར་ཐོབ་ཅིང་། བྱེ་བྲག་མྱུར་མཛད་མགོན་པོའི་གཏོར་དབང་བར་ཆད་ཀུན་སེལ་ཐུན་མོང་དང་ཐུན་མོང་མ་ཡིན་པ་སོགས་སྤྱི་དང་བྱེ་བྲག་གི་བཀའ་རྣམས་དང་། འདི་ཉིད་ཀྱི་བྱིན་རླབས་ལེགས་པར་ཐོབ་ཅིང་དམ་ཚིག་ལ་གནས་པ་ཞིག་གལ་ཆེ། སྔོན་དུ་རྩ་བའི་མགོན་མཐིང་གི་བསྙེན་པ་རྫོགས་ནས་གསོལ་བ་ཡུན་རིང་གདབ། གདོད་འདི་ལ་འཇུག་པར་གསུངས་པ་བཞིན་མགོན་མཐིང་བསྙེན་པ་རྒྱས་བསྡུས་གང་རུང་ཞིག་སྔོན་དུ་སོང་ནའང་གལ་ཆེའོ། </span><br /><span class="tibetan_small">།གཉིས་པ་ལ་གསུམ། སྦྱོར་བ། དངོས་གཞི། རྗེས་སོ། </span><br /><span class="tibetan_small">།དང་པོ་ནི། འདི་ཉིད་ཆེད་དུ་སྒྲུབ་ན་དམ་ཚིག་གི་བྲིས་སྐུ་ཤིན་ཏུ་གལ་ཆེ་བས། ལྷ་བཟོ་དབང་པོ་ཚང་ཞིང་ཕྱུག་ལ་སྡོམ་ལྡན་ཞིག་གིས་ཚེས་བཟང་པོ་སྐར་མ་རྒྱལ་དང་ལྡན་པའི་སྔ་དྲོའི་ཆ་ལ་བྲི། རབ་གནས་བཅས་ཉིན་རྫོགས་ཐོན་ན་མཆོག་ཡིན་ཀྱང་མ་གྲུབ་ནའང་སྐྱོན་མེད། གྲི་ཁྲག །སིནྡྷུ་ར། བླ་མ་བྱིན་རླབས་ཅན་གྱི་གདུང་། རིན་པོ་ཆེའི་ཕྱེ་མ་རྣམས་ལ་རྩ་སྔགས་བཅུ་གསུམ་མ་སྟོང་ཕྲག་བཟླས་པ་སྐྱ་ཞལ་གྱི་གསེབ་ཏུ་བྱུགས། དེ་ནས་སྐུའི་ཚད་གཞལ་ལ་སྐུའི་ཁྱོན་ཇི་ཙམ་ཡོད་པའི་ས་ལ་རྩ་སྔགས་བཅུ་གསུམ་མ་ཤོང་ཚད་བྲི། དེའང་གསེར་གྱིས་བྲིས་ན་ཚོན་ལ་མི་གནོད་པས་ལེགས། དེ་སྟེང་མགོན་པོ་ཡིད་བཞིན་ནོར་བུའི་མངོན་རྟོགས་ལྟར་བྲི། རྟེན་འབྲེལ་གྱི་གནད་གཅིག་ཡིག་རྙིང་ལྟར་བྱ། རབ་གནས་སྤྱི་དང་མཐུན་པ་ལས་ཡེ་ཤེས་པ་འགུགས་བསྟིམ་བརྒྱ་རྩ་ཡན་བྱ་ཞིང་། ཡིད་ལ་འདོད་རྒུ་འབྱུང་བའི་གསོལ་བ་ཡུན་རིང་དུ་གདབ་པ་གནད་ཆེ། སྐུ་རྟེན་ཆེ་ཆུང་ལ་ཁྱད་པར་མེད་ཅིང་ཐ་ན་ཙཀླི་ཙམ་ཡིན་ཀྱང་ཆོ་ག་དེ་ལྟར་གྲུབ་ན་མཆོག་ཡིན་ཅིང་། རབ་གནས་གྲུབ་ནས་གཞན་གྱིས་མི་མཐོང་བའི་ཞལ་ཁེབས་བྱའོ། །དེ་ནས་ཡར་ངོ་འགྲུབ་སྦྱོར་དང་ལྡན་པ་ལྟ་བུའི་དུས་བཟང་པོ་ལ། གནས་དབེན་ཅིང་བྱིན་རླབས་དང་ལྡན་པ་བྱི་དོར་བྱས་བླ་བྲེ་འཕན་གདུགས་སོགས་ཀྱིས་བརྒྱན། དཀོན་མཆོག་གི་རྟེན་སྤྱི་དང་བྱེ་བྲག་དམ་ཚིག་གི་བྲིས་སྐུ་བཀྲམས་པའི་མདུན་དུ་སྟེགས་གཙང་མ་ལ། རྡུལ་ཚོན་ནམ་རས་བྲིས་ཀྱི་མཎྜལ་ཟླུམ་པོ་མུ་ཁྱུད་དཀར་པོས་བསྐོར་བའི་དབུས་སུ་ཆོས་འབྱུང་དཀར་པོ། རེ་ཁཱ་དམར་པོ། གྲུ་ཆད་ལྗང་གུ། ཆོས་འབྱུང་དབུས་སུ་ཉི་གདན་ལ་ཚོམ་བུ་དཀར་པོ་བཀོད་པ་བཞག །དེའི་སྟེང་དུ་རིན་པོ་ཆེའི་སྣོད་དུ་འབྲུ་གཙང་གི་ཕྱེ་ལ་མར་དང་མངར་གསུམ་སྨན་སྣ་རིན་ཆེན་ཕྱེ་མ་སོགས་བསྲེས་པ་ལ་རྟེན་གཏོར་རྩེ་གྲུ་གསུམ་ཧ་ཅང་མི་རྣོ་བ། སྨད་ཟླུམ་པོའི་དབྱིབས་ཅན་ཐེབས་ཀྱུས་བསྐོར་བ། མདོག་དཀར་པོ་ཅན་བྱེད་པ་གཞུང་གི་དགོངས་པ་ཡིན་ཅིང་མཆོག་སྒྲུབ་གཙོར་བཏོན་ལ་དེ་ལྟར་བྱ། དེང་སང་ནོར་སྒྲུབ་གཙོར་བྱེད་པ་ལ་དགོངས་ནས་གོང་མའི་ཕྱག་རྒྱུན་དུ་ཟན་ཟླུམ་པོའི་སྟེང་དུ་ཟན་རིལ་སུམ་ཚོམ། དེའི་སྟེང་དུ་ཟླུམ་པོ་རྩེ་མོ་ཅན་ཛཾ་བཤོས་འདྲ་བ་ཞིག་བཀོད་པས་ཕྱོགས་གང་ནས་བལྟས་ཀྱང་ནོར་བུ་མིག་གསུམ་དུ་འོང་བ་ཞིག་བྱེད། གང་ལྟར་ཡང་ནོར་བུའི་རྒྱན་སོགས་ཀྱིས་ལེགས་པར་བརྒྱན་ཅིང་འཛོམ་ན་མདའ་དར་སྐུ་རྟེན་བཅས་བཙུག་ལ་མཉྫི་ལ་བཀོད། དེའི་མདུན་དུ་འབུལ་གཏོར་ཟླུམ་པོ་དཀར་མངར་ཟས་སྣ་བཟང་དགུས་བརྒྱན་པ་དང་ཉེར་སྤྱོད་སྨན་ཕུད་རྣམས་ཀྱང་ལེགས་པར་བཤམ་མོ། </span><br /><span class="tibetan_small">།གཉིས་པ་དངོས་གཞི་ལ་གཉིས། འདོན་བྱ་དང་། དམིགས་གནད་ལག་ལེན་ནོ། </span><br /><span class="tibetan_small">།དང་པོ་ནི། སྟན་བདེ་བར་མདུན་རྟེན་དང་ཞལ་སྤྲོད་དུ་བསམ་གཏན་གྱི་སྤྱོད་ལམ་དང་ལྡན་པས་འཁོད་དེ། ཡི་དམ་གྱི་ང་རྒྱལ་དང་ལྡན་པས་ནང་མཆོད་བྱིན་གྱིས་བརླབ་པ་ནི།</span> <br />ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ་<span class="tibetan_small">ཀྱིས་བསངས།</span> ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷ་བ་ཤུདྡྷོ྅ཧཾ་<span class="tibetan_small">གིས་སྦྱངས།</span> <br />སྟོང་པའི་ངང་ལས་ཡཾ་ལས་རླུང་། རཾ་ལས་མེའི་སྟེང་དུ་ཨཱཿལས་ཀ་པཱ་ལ་ཤ་ལྔ་བདུད་རྩི་ལྔས་ཡོངས་སུ་གང་བ་ཧཱུྃ་བྷྲཱུཾ་ཨོཾ་ཛྲིཾ་ཁཾ་རྣམས་ཀྱིས་མཚན་པ། རླུང་གཡོས་མེ་སྦར་རྫས་བཅུ་ཡི་གེ་དང་བཅས་པ་ཞུ། སངས་རྒྱས་རྣམས་ཀྱི་ཐུགས་ཀ་ནས་བདུད་རྩི་སྤྱན་དྲངས་ཏེ་ཐིམ་པས་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། <br />ཨོཾ་ཨཱཿཧཱུྃ་ཧ་ཧོཿཧྲཱིཿ <span class="tibetan_small">ལན་གསུམ་གྱིས་བྱིན་བརླབས་པས། གནས་ཁང་མཆོད་རྫས་གཏོར་མ་རྣམས་ལ་གཏོར།</span> <br />ཨ་མྲྀ་ཏ<span class="tibetan_small">ས་བསང་།</span> སྭ་བྷཱ་བ<span class="tibetan_small">ས་སྦྱང་།</span> <br />སྟོང་པའི་ངང་ལས་བྷྲཱུཾ་ལས་བྱུང་བའི་གཞལ་ཡས་ཁང་གི་དབུས་སུ། ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཧཱུྃ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་ནམ་མཁའི་ཁམས་ཐམས་ཅད་གང་བར་གྱུར། <span class="tibetan_small">མཆོད་པ་བྱིན་རླབས་ཀྱི་སྔགས་དང་། རོལ་མོ་བྱིན་དབབ་སྤྱི་དང་མཐུན་པར་བྱའོ། </span><br /><span class="tibetan_small">།སྐྱབས་འགྲོ་ནི།</span> <br />བདག་གཞན་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ལ་སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །མྱུར་མཛད་ཡེ་ཤེས་ཀྱི་མགོན་པོ་མཁའ་འགྲོའི་ཚོགས་དང་བཅས་པ་རྣམས་ལ་སྐྱབས་སུ་མཆིའོ། <span class="tibetan_small">།ཞེས་གསུམ་བདུན་ཉེར་གཅིག་སྐབས་བསྟུན་བརྗོད།</span> <br />སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་བསྙེན་སྒྲུབ་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག <span class="tibetan_small">།ལན་གསུམ། སྐྱབས་སེམས་བསྡུ་ན་འདི་ཁོ་ནས་ཀྱང་འཐུས། </span><br /><span class="tibetan_small">སེམས་བསྐྱེད་ཁྱད་པར་བ་ནི།</span> <br />སེམས་ཅན་ཐམས་ཅད་དབུལ་འཕོངས་ཀྱི་སྡུག་བསྔལ་བསལ་ནས་སངས་རྒྱས་ཀྱི་ས་ལ་འགོད་པར་བྱ། དེའི་ཕྱིར་དུ་མགོན་དཀར་ཡིད་བཞིན་ནོར་བུའི་བསྒོམ་བཟླས་ཉམས་སུ་བླང་བར་བགྱིའོ། <span class="tibetan_small">།ཞེས་ཞེ་ཐག་པ་ནས་བསམ་ཞིང་ལན་གསུམ་བརྗོད་ལ།</span> <br />སེམས་ཅན་ཐམས་ཅད་བདེ་བ་དང་༴ <span class="tibetan_small">ཞེས་སོགས་ཀྱིས་ཚད་མེད་བཞི་བསྒོམ་མོ། </span><br /><span class="tibetan_small">།དངོས་གཞི་བསྐྱེད་བཟླས་ནི། བདག་བསྐྱེད་ཡི་དམ་ལ་བྱ་བའི་ལུགས་ཀྱང་ཡོད་མོད་ཀྱི་འདི་ལ་བདག་མདུན་དབྱེར་མེད་གཙོ་ཆེ་ཞིང་། ཕྱག་ལེན་ཀྱང་བདག་མདུན་དབྱེར་མེད་ལ་མཛད་དེ། དེ་ལྟར་ན།</span> <br />ཨོཾ་མ་ཧཱ་ཤཱུ་ནྱ་ཏཱ་<span class="tibetan_small">སོགས་ཀྱིས་སྟོང་པར་སྦྱངས།</span> <br />སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་དབུས་སུ་པཾ་ལས་པདྨ་དང་། རཾ་ལས་ཉི་མའི་སྟེང་དུ། གཾ་ལས་ཚོགས་བདག་དཀར་པོ་གླང་པོ་ཆེའི་གདོང་པ་ཅན། ལ་ཕུག་དང་ནེའུ་ལེ་འཛིན་པ་གཉིས་ཁ་སྦུབ་ཏུ་བསྒྱེལ་བའི་སྟེང་དུ། རང་སེམས་ཆོས་ཉིད་ཀྱི་ཐིག་ལེ་དཀར་དམར་རྒྱ་སྲན་ཙམ། དེའི་དབུས་སུ་ཧཱུྃ་དངུལ་ཆུའི་མདོག་ལྟ་བུ། དེ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་དབུལ་བའི་སྡུག་བསྔལ་བསལ། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། རང་དང་མདུན་བསྐྱེད་དབྱེར་མ་མཆིས་པ། མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་དབང་གི་རྒྱལ་པོའི་སྐུར་གྱུར་པ་ནི། སྐུ་མདོག་དཀར་ཞིང་བརྗིད་པ། ཞལ་ཁྲོ་འཛུམ་གྱི་རྣམ་པ་ཅན་རབ་ཏུ་བཞད་པ། སྤྱན་གསུམ་དང་ལྡན་ཞིང་། སྨ་ར་སྨིན་མ། དབུ་སྐྲ་ཁམ་སེར་བརྫེས་པ། དཔྲལ་བར་སིནྡྷུ་རའི་ཐིག་ལེ་བྱུགས་པ། སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ། ཕྱག་གཡས་ཀྱི་དང་པོས་གྲི་གུག་ནམ་མཁའ་ལ་ཕྱར་བ། བར་པས་ནོར་བུ་དབང་གི་རྒྱལ་པོ་ཐུགས་ཀར་གཏོད་པ། ཐ།མས་སེང་ལྡེང་གི་ཌཱ་མ་རུ་འཁྲོལ་བ། གཡོན་གྱི་དང་པོས་བུམ་པ་ནོར་བུས་གང་བ་ཀ་པཱ་ལ་བདུད་རྩིས་གང་བའི་ནང་དུ་བཅུག་སྟེ་བརླ་གཡོན་པ་ལ་བརྟེན་པ། གཉིས་པ་ན་རྩེ་གསུམ། ཐ་མ་ན་ཞགས་པ་འཛིན་པ། ཞབས་འགྲོ་འཆམས་ཀྱི་སྟབས་ཀྱིས་པད་ཉི་ཚོགས་བདག་གི་གདན་ལ་བཞུགས་པ། དར་སྣ་ཚོགས་ཀྱི་ལྷབ་ལྷུབ་དང་། སྟག་ལྤགས་ཀྱི་ཤམ་ཐབས་ཅན། གླང་པོ་ཆེའི་ལྤགས་པའི་སྟོད་གཡོག་གསོལ་བ། ཐོད་སྐམ་ལྔའི་དབུ་རྒྱན་དང་། རློན་པ་ལྔ་བཅུའི་དོ་ཤལ་ཅན། རིན་པོ་ཆེའི་རྒྱན་དང་སིལ་ཁྲོལ་དང་ཆུན་འཕྱང་སྣ་ཚོགས་པས་མཛེས་པ། འཁོར་དབང་སྡུད་ཀྱི་མཁའ་འགྲོ་མ་བྱེ་བ་འབུམ་སྡེའི་ཚོགས་ཀྱིས་བསྐོར་ཏེ་མེ་དཔུང་འབར་བའི་དབུས་ན་བཞུགས་པ། མགོན་པོའི་སྤྱི་བོར་བླ་མ་རྡོ་རྗེ་འཆང་དམར་པོ་ཞལ་འཛུམ་བག་ཅན་དགོས་འདོད་ཐམས་ཅད་འབྱུང་བ། གཡས་ཡིད་བཞིན་གྱི་ནོར་བུ་དང་གཡོན་དྲིལ་བུ་འཛིན་ཅིང་ཞབས་སྐྱིལ་ཀྲུང་གིས་བཞུགས་པ། མགོན་པོའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་དབང་སྡུད་ཀྱི་མཁའ་འགྲོ་མ་དམར་མོ་ལྕགས་ཀྱུ་དང་བདུད་རྩིའི་ཐོད་པ་བསྣམས་པ། ཞབས་གར་སྟབས། སྤྱན་གསུམ་ནམ་མཁའ་ལ་ཧྲིག་ཧྲིག་གཟིགས་པས་ཁམས་གསུམ་དབང་དུ་སྡུད་པའི་ཐུགས་ཀར་ཆོས་ཉིད་ཀྱི་ཐིག་ལེ་འོད་ཟེར་དམར་པོ་འཕྲོ་བ། དེའི་དབུས་སུ་ཧཱུྃ་དཀར་པོའོ། །རང་གི་སྙིང་ག་ནས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས་མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་མཁའ་འགྲོའི་ཚོགས་དང་བཅས་པ་ཐམས་ཅད་བཛྲ་ས་མཱ་ཛཿ <span class="tibetan_small">སྤོས་སྦྱོར་ཡོད་ན་བསྲེགས། </span><br /><span class="tibetan_small">རོལ་མོའི་སྒྲ་དང་བཅས་ཏེ་སྤྱན་འདྲེན་པ་ནི།</span> <br />ཧཱུྃ། བསིལ་བ་ཚལ་གྱི་དུར་ཁྲོད་ནས། །དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལ་ཡ། དཀྱིལ་འཁོར་གནས་འདིར་གཤེགས་སུ་གསོལ། །མཆོད་པའི་གནས་འདིར་གཤེགས་ནས་ཀྱང་། །དབུལ་བའི་སྡུག་བསྔལ་ཞི་བར་མཛོད། །གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཞེས་དང་།</span> ཛཿ <span class="tibetan_small">ཉེར་གཅིག་བརྗོད།</span> <br />ཧཱུྃ། རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །བྱིན་གྱིས་བརླབས་པའི་གནས་འདི་རུ། །དངོས་གྲུབ་སྩོལ་ཕྱིར་བཞུགས་སུ་གསོལ། པདྨ་ཀ་མ་ལཱ་ཡ་སྟྭཾ། ཛཿཧཱུྃ་བཾ་ཧོཿ དམ་ཚིག་ཡེ་ཤེས་གཉིས་སུ་མེད་པར་གྱུར། <span class="tibetan_small">ཐལ་མོ་སྦྱར་ཏེ།</span> <br />བདག་དང་སེམས་ཅན་ཐམས་ཅད་ཀྱི། །དབུལ་བའི་སྡུག་བསྔལ་ཞི་བར།མཛད། །དངོས་གྲུབ་ཐམས་ཅད་སྩོལ་བའི་ལྷ། །བསམ་འཕེལ་ཡིད་བཞིན་ནོར་བུ་ལ། །སྒོ་གསུམ་གུས་པས་ཕྱག་འཚལ་ལོ། །ཆོས་འབྱུང་དཀར་ལ་མེ་རི་དམར་པོའི་དབུས། །པད་དཀར་གདན་དང་འོད་སྟོང་དཀྱིལ་འཁོར་སྟེང་། །གངས་རི་ལྟར་དཀར་ཞལ་གཅིག་ཕྱག་དྲུག་པ། །ཁྱོད་ལ་རྣམ་དཀར་དད་པས་ཕྱག་འཚལ་ལོ། <span class="tibetan_small">།ཞེས་པས་ཕྱག་བྱ། </span><br /><span class="tibetan_small">མཆོད་པ་ནི།</span> <br />རྟེན་ཅིང་འབྲེལ་བར་འབྱུང་བ་ཡི། །ལྷ་རྫས་བཟང་པོའི་ཉེར་སྤྱོད་འདི། །མྱུར་མཛད་འཁོར་དང་བཅས་ལ་འབུལ། །དངོས་གྲུབ་སྩོལ་ཕྱིར་བཞེས་སུ་གསོལ། །གུ་རུ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་པཱདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱ་ཤབྡ་པྲ་ཏཱིཙྪ་སྭཱ་ཧཱ། རྟེན་ཅིང་འབྲེལ་བར་འབྱུང་བ་ཡི། །ལྷ་རྫས་བཟང་པོའི་འདོད་ཡོན་འདི། །མྱུར་མཛད་འཁོར་དང་བཅས་ལ་འབུལ། །དངོས་གྲུབ་སྩོལ་ཕྱིར་བཞེས་སུ་གསོལ། <span class="tibetan_small">།སྔགས་གོང་ལྟར་ལ།</span> <br />རཱུ་པ་ཤཔྡ་གནྡྷེ་ར་ས་སྤཪྴེ་པྲ་ཏཱིཙྪ་སྭཱ་ཧཱ། <span class="tibetan_small">རྒྱས་པར་སྤྲོ་ན།</span> <br />ལྷ་རྫས་དམ་པའི་མཆོད་ཡོན༴ <span class="tibetan_small">།ཅེས་སོགས་དང་།</span> <br />གཟུགས་མཆོག་སྒྲ་སྙན་<span class="tibetan_small">སོགས་ཚིགས་བཅད་སྔགས་སོ་སོར་ཕྲལ་ཏེ་འབུལ། ནང་མཆོད་གཡོན་པའི་མཐེབ་སྲིན་གྱིས་བླངས་ཏེ་སྤྱི་བོར་གཏོར་ནས། རྒྱས་པར་འདིའི་བླ་མ་བརྒྱུད་པ་རྣམས་ཀྱི་མཚན་ནས་བརྗོད་ལ་འབུལ། བསྡུ་ན།</span> <br />རྩ་བརྒྱུད་བླ་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། <span class="tibetan_small">སྙིང་ག་ནས་གཏོར་ལ།</span> <br />ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱི་ཞལ་དུ་ཨོཾ་ཨཱཿཧཱུྃ། <span class="tibetan_small">ལྟེ་བའི་ཐད་ནས་གཏོར་ཏེ། མགོན་པོའི་སྔགས་མཇུག་ཏུ།</span> <br />ཨོཾ་ཨཱཿཧཱུྃ། གཞན་ཡང་འཁོར་གྱི་མཁའ་འགྲོ་གནོད་སྦྱིན་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཆོས་སྐྱོང་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གཞི་བདག་རིགས་དྲུག་རྣམས་ལྷར་གསལ་བའི་ཞལ་དུ་ཨོཾ་ཨཱཿཧཱུྃ། <span class="tibetan_small">རང་གིས་ཀྱང་མྱང་ལ་འབྲུ་གསུམ་བརྗོད། </span><br /><span class="tibetan_small">བསྟོད་པ་[[Khyungpo Neljor|ཁྱུང་པོ]]ས་མཛད་པ་ནི།</span> <br />ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི། །ཐུགས་རྗེ་གཅིག་བསྡུས་རྗེ་བཙུན་སྤྱན་རས་གཟིགས། །དེ་ཡི་སྤྲུལ་པ་ཕྱག་དྲུག་མགོན་པོ་ལ། །ལུས་ངག་ཡིད་གསུམ་གུས་པས་ཕྱག་འཚལ་ལོ། <br />།མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །ཞལ་གཅིག་ཕྱག་དྲུག་ཞབས་གཉིས་ནོར་བདག་མནན། །འགྲོ་བའི་དབུལ་བ་སེལ་ལ་ཕྱག་འཚལ་ལོ། <br />།ཕྱག་གཡས་དང་པོས་རྡོ་རྗེ་གྲི་གུག་བསྣམས། །བར་པས་ཡིད་བཞིན་ནོར་བུས་དགོས་འདོད་སྟེར། །ཐ་མ་ཌཱ་རུས་མཁའ་འགྲོ་དབང་དུ་སྡུད། །ཁམས་གསུམ་དབང་དུ་སྡུད་ལ་ཕྱག་འཚལ་ལོ། <br />།གཡོན་པས་རིན་ཆེན་བུམ་པ་དཀུ་ལ་བརྟེན། །བར་པས་རྩེ་གསུམ་ཁམས་གསུམ་མ་ལུས་སྒྲོལ། །ཐ་མ་ཞགས་པས་སེམས་ཅན་བཅིངས་པ་འགྲོལ། །མགོན་པོ་ཐུགས་རྗེ་ཅན་ལ་ཕྱག་འཚལ་ལོ། <br />།སྐུ་སྟོད་རིན་ཆེན་རྒྱན་གྱིས་རྣམ་པར་བརྒྱན། །སྐུ་སྨད་རིན་ཆེན་ཟར་བུས་རྣམ་པར་མཛེས། །ཕྱག་ཞབས་ཐམས་ཅད་རིན་ཆེན་ནོར་བུས་བརྒྱན། །འགྲོ་བའི་རེ་འདོད་སྐོང་ལ་ཕྱག་འཚལ་ལོ། <br />ཁྱོད་ནི་ཡིད་ལ་དྲན་པ་ཙམ་གྱིས་ཀྱང་། །དེ་ཡི་མོད་ལ་དབུལ་ཕོངས་སྡུག་བསྔལ་སེལ། །འགྲོ་བའི་རེ་འདོད་ཚུལ་བཞིན་སྐོང་མཛད་པ། །ཡིད་བཞིན་ནོར་བུ་ཁྱེད་ལ་བདག་བསྟོད་དོ། <br />།ཁྱེད་ལ་མཆོད་ཅིང་གུས་པས་བསྟོད་བྱས་ན། །ཇི་སྲིད་བྱང་ཆུབ་མ་ཐོབ་བར་དུ་ཡང་། །མགོན་པོ་ཁྱེད་ཀྱི་ཐུགས་རྗེས་བདག་བཟུང་ནས། །བྱང་ཆུབ་སྒྲུབ་པའི་མཐུན་རྐྱེན་སྒྲུབ་པར་མཛོད། <br />།དེ་ཡི་དགེ་བས་བདག་ཀྱང་ཁྱོད་བཞིན་དུ། །འགྲོ་བའི་རེ་འདོད་ཚུལ་བཞིན་སྐོང་བ་དང་། །སེམས་ཅན་སངས་རྒྱས་ས་ལ་འགོད་པ་ཡི། །འགྲོ་བའི་དོན་ལ་མཐུ་དང་ལྡན་པར་མཛོད། <span class="tibetan_small">།ཅེས་སམ། བསྡུ་ན།</span> <br />མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །འགྲོ་བའི་དབུལ་ཕོངས་མ་ལུས་ཞི་མཛད་པ། འདོད་རྒུའི་དངོས་གྲུབ་སྩོལ་ལ་ཕྱག་འཚལ་བསྟོད། <span class="tibetan_small">།ཅེས་པ་ཙམ་གྱིས་བསྟོད་དོ། </span><br /><span class="tibetan_small">།དེ་ནས་བཟླས་པ་ནི།</span> <br />ཐུགས་ཀའི་ཆོས་ཉིད་ཀྱི་ཐིག་ལེ་ཧཱུྃ་དང་བཅས་པའི་མཐར་སྔགས་ཀྱི་ཕྲེང་བ་དཀར་པོ་འོད་ཟེར་དམར་པོ་འཕྲོ་བ་མདུན་ནས་བརྩམས་ཏེ་གཡས་བསྐོར་དུ་འཁོད་པར་བསམ་ལ། གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཞེས་རྩ་སྔགས་བཅུ་གསུམ་འདི་ཉིད་དུས་གྲངས་རྟགས་གསུམ་གང་རུང་མ་ཐེམ་བར་དུ་བཟླའོ། །བཟླས་པ་གྲུབ་པའི་ཐུན་མཐར་སྔགས་ཙམ་གྱིས་མཆོད།</span> <br />མགོན་པོ་ཡིད་བཞིན་ནོར་བུ་<span class="tibetan_small">སོགས་ཤོ་ལོ་ཀ་གཅིག་གིས་བསྟོད། དེ་ནས་གཏོར་འབུལ་ནི། ཐུན་ཐམས་ཅད་ལ་གྲུབ་ན་ལེགས། ཐུན་ཐ་མ་ལ་ཅིས་ཀྱང་དགོས་པས་འབུལ་གཏོར་ནང་མཆོད་དང་ཆབ་ཀྱིས་བྲན་ལ་གོང་བཞིན་བསང་སྦྱང་།</span> <br />སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་བུ་གསུམ་གྱི་སྟེང་དུ་ཨཱ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཤ་ལྔ་བདུད་རྩི་ལྔ་དང་། དགྲ་བགེགས་ཀྱི་ཤ་ཁྲག་དུ་མ་ལས་གྲུབ་པའི་གཏོར་མ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། <span class="tibetan_small">ཕྱག་རྒྱ་དང་བཅས།</span> <br />ཨོཾ་ཨཱཿཧཱུྃ་ཧ་ཧོཿཧྲཱིཿ <span class="tibetan_small">ལན་གསུམ་བརྗོད་པས་བྱིན་བརླབ། བདག་མདུན་དབྱེར་མེད་ཡེ་ཤེས་པ་ལ་འབུལ་བས་ཆོག་ཀྱང་ལས་དང་པོ་པ་ལ་རྟོགས་པས་མ་ཆུན་ན། མདུན་དུ་རྟེན་གཏོར།དང་དབྱེར་མེད་པར་ཡེ་ཤེས་མགོན་པོ་འཁོར་བཅས་སྐད་ཅིག་གིས་གསལ་བར་མོས་ལ།</span> <br />མགོན་པོ་ཡེ་ཤེས་སེམས་དཔའ་མཁའ་འགྲོའི་འཁོར་དང་བཅས་པ་རྣམས་ཀྱིས་ལྗགས་རྡོ་རྗེའི་སྦུ་གུས་གཏོར་མ་དྲངས་ནས་གསོལ་བར་གྱུར། <span class="tibetan_small">སྙིང་པོའི་མཐར།</span> <br />ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">ཞེས་བཏགས་པ་ལན་བདུན་གྱིས་འབུལ་ཞིང་།</span> <br />ཤཱ་ས་ན་<span class="tibetan_small">ལན་གསུམ་གྱིས་དམ་ཅན་སྤྱི་ལ་འབུལ་བ་ཕྱག་ལེན་མཛད། དེ་ནས་གོང་བཞིན་མཆོད་བསྟོད།</span> <br />མཆོད་སྦྱིན་གཏོར་མ་འདི་བཞེས་ལ། <span class="tibetan_small">ཞེས་སོགས་སམ། བསྡུ་ན།</span> <br />དཔལ་ལྡན་མགོན་པོ་འཁོར་བཅས་ཀྱི། །མཆོད་སྦྱིན་གཏོར་མ་འདི་བཞེས་ལ། སངས་རྒྱས་བསྟན་སྲུངས་རྣལ་འབྱོར་གྱི། །ཚེ་རིང་ལོངས་སྤྱོད་རྒྱས་པར་མཛོད། ཁམས་གསུམ་འགྲོ་བ་དབང་དུ་བསྡུས། <span class="tibetan_small">།ཞེས་བརྗོད། གཞན་ཡང་ཐལ་མོ་སྦྱར་ཏེ། མོས་པ་རྩེ་གཅིག་པས།</span> <br />བཅོམ་ལྡན་འདས་ཡིད་བཞིན་ནོར་བུ་གཟི་ལྡན་ཐུགས་རྗེ་ཅན་ཁྱོད་ལ་གསོལ་བ་འདེབས་སོ། །སངས་རྒྱས་ཀྱི་བསྟན་པ་སྲུངས་ཤིག །དཀོན་མཆོག་གི་དབུ་འཕང་བསྟོད་ཅིག དགེ་འདུན་གྱི་ཆོས་འཁོར་སྐྱོངས་ཤིག །བླ་མའི་སྐུ་ཚེ་སྲིངས་ཤིག །ཁྱད་པར་དུ་རྣལ་འབྱོར་པ་བདག་ལ་སྙན་པའི་གྲགས་པས་ས་སྟེང་མ་ལུས་པར་ཁྱབ་པ་དང་། དགོས་འདོད་ཐམས་ཅད་ཆར་བཞིན་དུ་བབས་ནས་ལོངས་སྤྱོད་ཟད་མི་ཤེས་པ་དང་། མི་ནོར་ཟས་གསུམ་འདུ་ཞིང་། ཐོས་བསམ་སྒོམ་གསུམ་གྱི་ཕྲིན་ལས་ཐམས་ཅད་འབད་མེད་དུ་འགྲུབ་པར་མཛད་དུ་གསོལ། <span class="tibetan_small">།ཞེས་ལན་བདུན་ལ་སོགས་པས་གསོལ་བ་བཏབ། བཟླས་པའི་མཇུག་ལ་སོགས་པའི་མཆོད་བསྟོད་ཀྱི་གཤམ་ཐམས་ཅད་དུ་ཡང་འདིའི་གསོལ་བ་འདེབས་པ་གནད་ཡིན་ཅེས་གསུངས་སོ། །ཡིག་བརྒྱ་བརྗོད།</span> <br />མ་འབྱོར་བ་དང་<span class="tibetan_small">སོགས་ཀྱིས་ནོངས་པ་བཤགས། རྟེན་མེད་ན་མདུན་བསྐྱེད་གཤེགས་གསོལ་བྱ་བར་བཤད་ཀྱང་། རྟེན་ལ་དམིགས་ནས་ཡེ་ཤེས་པ་བརྟན་བཞུགས་བྱ། </span><br /><span class="tibetan_small">དེ་ནས་ཉེར་བསྡུའི་རྣལ་འབྱོར་ནི།</span> <br />རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་ཁམས་གསུམ་སྣོད་བཅུད་ཐམས་ཅད་འོད་དུ་ཞུ་སྟེ་སྲུང་བའི་འཁོར་ལོ་ལ་ཐིམ། དེ་ཞུ་བ་རང་ལ་ཐིམ། བདག་བསྐྱེད་གདན་དང་བཅས་པ་སྙིང་གའི་མཁའ་འགྲོ་མ་ལ་ཐིམ། དེ་འོད་དུ་ཞུ་ནས་སྔགས་ཕྲེང་ལ་ཐིམ། དེ་འོད་དུ་ཞུ་ནས་ཐིག་ལེ་ལ་ཐིམ། དེ་ཧཱུྃ་ལ་ཐིམ། ཧཱུྃ་གིས་ཞབས་ཀྱུ། ཁོག་པ། མགོ་བོ། ཟླ་ཚེས། ཐིག་ལེ། ནཱ་དའི་བར་དུ་འདུས། ནཱ་ད་ཡང་མི་དམིགས་ཏེ་འོད་གསལ་སྟོང་པ་ཉིད་དུ་གྱུར། <span class="tibetan_small">ཞེས་བརྗོད་ཅིང་བསམ་ལ་སྤྲོས་པ་ཐམས་ཅད་དང་བྲལ་བའི་ངང་དུ་མཉམ་པར་འཇོག །སླར།</span> <br />སྐད་ཅིག་གིས་སྟོང་པའི།ངང་ལས་རང་ཉིད་དཔལ་ཡིད་བཞིན་ནོར་བུའི་སྐུར་གྱུར། <span class="tibetan_small">ཅེས་བརྗོད་ཅིང་ལྷ་སྐུ་སྣང་སྟོང་སྒྱུ་མ་ལྟ་བུའི་གསལ་བཏབ། རང་གི་དཔྲལ་བར་ཨོཾ་དཀར་པོ་སོགས་ཀྱིས་བསྲུང་བར་བྱ།</span> <br />དགེ་བ་འདི་ཡིས་མྱུར་དུ་བདག །ཡིད་བཞིན་ནོར་བུ་འགྲུབ་གྱུར་ནས། <span class="tibetan_small">།སོགས་ཀྱིས་བསྔོ་སྨོན་དང་། བཀྲ་ཤིས་བཀའ་རྒྱ་མའམ་གང་རུང་བརྗོད་དོ། </span><br /><span class="tibetan_small">།གཉིས་པ་དམིགས་རིམ་དང་ལག་ལེན་ནི། འདི་བསྙེན་སྒྲུབ་བྱེད་པར་ཐོག་མ་ནས་མི་གཞན་གྱིས་མ་ཚོར་བ་དང་རྟེན་རྣམས་གཞན་གྱིས་མ་མཐོང་ན་ལེགས། ནོར་སྒྲུབ་གཙོ་བོར་གྱུར་པ་ཡིན་པས་རྣམ་ཀུན་ལྷ་གཤེགས་གསོལ་གཏོར་མ་ཕྱི་ལ་གཏོང་བ་སོགས་མི་རུང་། ནོར་ལྷ་དང་ཆོས་སྐྱོང་གཞན་བསྒྲུབ་པ་ལ་ཐོག་མར་སྒབ་འདྲེ་གནོན་དགོས་ཀྱང་། སྤྱན་རས་གཟིགས་ཞི་དྲག་གང་ལའང་སྒབ་འདྲེ་གནོན་མི་དགོས་པས་ཕྱག་དྲུག་པའི་རིགས་གང་ལའང་སྒབ་འདྲེ་མེད་ཅིང་འགྲུབ་ཐག་ཉེ། རིན་ཆེན་བརྒྱུད་པའི་རྣམ་ཐར་དང་མགོན་པོ་དཀར་མཐིང་གི་ལོ་རྒྱུས་བརྒྱུད་པའི་རྣམ་ཐར་སོགས་མཇལ་ལ་རྒྱུ་མཚན་ཤེས་པའི་དད་པ་ངེས་ཤེས་ཡིད་ཆེས་རྩེ་གཅིག་པས་ཕུར་ཚུགས་སུ་སྒྲུབ་ནུས་ཤིང་གཞན་ལ་མི་ལྟོས་པ་ཞིག་ཐོག་མ་ནས་དགོས། དེའང་ཚེ་འདིའི་དཔལ་འབྱོར་ནོར་ལོངས་སྤྱོད་སྙན་གྲགས་སོགས་ཞར་བྱུང་འོང་ན་མ་བཀག་པ་ལས་ཚེ་འདིའི་སྣང་བ་ལ་ཞེན་འཁྲིས་བཅད་ནས་མཆོག་དངོས་ཁོ་ན་དོན་ཏུ་གཉེར་ནས་ལྷ་འདི་སྒྲུབ་པ་ཞིག་དགོས། གཙོ་བོར་ཤངས་པའི་བརྒྱུད་པ་འཛིན་ཅིང་གསེར་ཆོས་ཉམས་ལེན་མཁན་ཡིན་ན་ཚད་དུ་མ་བསྒྲུབས་ཀྱང་རང་བཞིན་གྱིས་འཁོར་ནས་དངོས་གྲུབ་སྟེར་བ་ཡིན། མཐུ་དང་ནོར་ཙམ་ལ་དམིགས་ནས་མགོན་པོ་མཐིང་དཀར་གང་བསྒྲུབས་ཀྱང་མཆོག་ལ་སྒྲིབ་ཅིང་འདོད་པའང་ཇི་བཞིན་མི་འབྱུང་། དེས་ན་གཙོ་བོར་བླ་མའི་མོས་གུས་དང་། ངེས་འབྱུང་སྙིང་རྗེ་ལ་ཕུར་ཚུགས་བྱེད་པ་ནི་མགོན་པོ་འདི་སྒྲུབ་པའི་གནད་ཀྱི་དམ་ཚིག་ཡིན། བསྙེན་སྒྲུབ་སྐབས་ཀྱི་སྤང་བླང་སྤྱི་དང་འདྲ་ཞིང་། ཐུན་གསུམ་མམ་བཞི་གང་བྱེད་ཀྱང་མི་ཚིག་གིས་བར་མ་ཆོད་པ་དང་། སྔགས་གཞན་དང་མ་འདྲེས་པ་གདན་ཐོག་གཅིག་ཏུ་བསྙེན་པ་ཡོངས་རྫོགས་འགྲོ་དགོས་ཐུན་མཚམས་སུ་འཐོར་བསྙེན་གྱི་ཚུལ་དུ་བཟླས་པ་གྲངས་ལ་མི་རྩི་ཡང་ཁ་སྐོང་དུ་འགྱུར། བཟླས་པའི་ཐོག་མར་ཕྲེང་བ་བྱིན་རླབས་དང་ཐུན་བསྡུ་སྐབས་བཟླས་པ་ལྷ་ལ་འབུལ་ཞིང་དབྱངས་གསལ་ཡིག་བརྒྱ་རྟེན་སྙིང་རྣམས་ཀྱིས་ཁ་སྐོང་བ་སོགས་ཀྱང་སྤྱི་འགྲོ་ལྟར་བྱ་ཆོག </span><br /><span class="tibetan_small">།བཟླ་བྱའི་སྔགས་དང་གྲངས་ཚད་ནི།</span> <br />གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <br /><span class="tibetan_small">ཞེས་པའི་ཡི་གེ་འབྲུ་བཅུ་གསུམ། གི་གུ་བཞི། ཞབས་ཀྱུ་གཉིས་ཏེ། ཁམས་གསུམ་དབང་སྡུད་ཀྱི་སྙིང་པོ་འདི་ཚིག་གཞན་གྱིས་བར་མ་ཆོད་པར་འབུམ་ཕྲག་བཅུ་གསུམ་ཆུ་བོའི་གཞུང་བཞིན་བཟླས་པར་བྱའོ། །ཞེས་[[Khyungpo Neljor|ཁྱུང་པོ]]ས་གསུངས་ལ། །[[མཁས་གྲུབ་ཆོས་རྗེ]]འི་གསུངས་རྒྱུན་ལས། ས་ཡ་རྭ་ཅན་བཟླ་གསུངས་ཏེ། གོང་ལྟར་འབུམ་ཕྲག་བཅུ་གསུམ། ཁ་སྐོང་ཁྲི་ཚོ་བཅུ་གསུམ་དང་བཅས་པ་བཟླས་ན་ལེགས་ཏེ་དེས་ནི་གྲངས་བསྙེན་ཐེམས་པ་ཡིན། མཚན་མའི་བསྙེན་པ་ནི། རྟགས་གཅིག།མ་བྱུང་གི་བར་དུ་བྱེད་དེ། རྟགས་ནི་རབ་དངོས་སམ། འབྲིང་ཉམས་སྣང་། ཐ་མ་རྨི་ལམ་དུ་མགོན་པོ་དང་མཁའ་འགྲོ་དངོས་སུ་མཐོང་བ་དང་། བླ་མ་དུར་ཁྲོད་ནས་བྱོན་པ་དང་། རིག་མ་མཚན་ལྡན་གྱིས་དངོས་གྲུབ་སྟེར་བ་དང་། ཁམས་གསུམ་སེམས་ཅན་ལ་དབང་བསྒྱུར་བ་དང་། ཉི་ཟླ་ཤར་བ་དང་། གོས་དཀར་པོ་གྱོན་པ་དང་། བུམ་པ་ཐོགས་པ་དང་། ནོར་བུ་རྙེད་པ་ལ་སོགས་པའི་རྟགས་འབྱུང་ངོ་། དེ་ལྟར་རྟགས་བྱུང་ནས་འགྲུབ་པ་ཡིན་པས། ཚེ་རིང་ནད་མེད་ཁམས་གསུམ་དབང་དུ་འདུས། །ལྷ་སྲིན་བྲན་དུ་ཁོལ་ནས་རྨི་ལམ་ཟིན། །བར་དོ་མེད་པར་སངས་རྒྱས་སོ། །ཞེས་གཟུངས་ལས་གསུངས་སོ། </span><br /><br /><span class="tibetan_small">༈ །དམིགས་རིམ་ནི། སྐྱབས་འགྲོའི་སྐབས་སུའང་བླ་མ་མགོན་པོ་དབྱེར་མེད་དཀོན་མཆོག་ཀུན་འདུས་སུ་མོས་པས་དེང་ནས་བྱང་ཆུབ་བར་དུ་བློ་ལིངས་ཀྱིས་བཀལ་ཏེ་ཅི་མཛད་ཁྱེད་ཤེས་བྱ་བ་དང་། སེམས་ཅན་ཐམས་ཅད་གནས་སྐབས་མཐར་ཐུག་མཆོག་དང་ཐུན་མོང་གི་དབུལ་བ་སེལ་བའི་ཆེད་དུ་བསྒྲུབ་བར་སེམས་བསྐྱེད་པས་མཚོན། མགོན་པོའི་སྐུའི་གསལ་སྣང་དང་ང་རྒྱལ་ལ་བློ་རྩེ་གཅིག་ཏུ་གཏོད་པ་སོགས་སྤྱི་དང་ཁྱད་པར་གྱི་དམིགས་པའི་རྣམ་པ་ལ་ཡིད་རྩེ་གཅིག་པ་གལ་ཆེ་ཞིང་། བྱེ་བྲག་བཟླས་པའི་དམིགས་པ་ལ་ཐོག་མར་བསྙེན་པའི་སྐབས། མཁའ་འགྲོའི་ཐུགས་ཀའི་ཐིག་ལེ་ཧཱུྃ་ཡིག་སྔགས་ཕྲེང་བཅས་པ་ལ་སེམས་རྩེ་གཅིག་ཏུ་གཏད། དེ་ལ་གསལ་སྣང་སྐྱེས་པ་ན། དེ་དག་ལས་འོད་ཟེར་ནམ་མཁའི་ཁམས་གང་བར་འཕྲོས། ཕྱོགས་དུས་དཀོན་མཆོག་རྩ་བ་གསུམ་གྱི་ཐུགས་རྒྱུད་བསྐུལ། སྐུ་གསུང་ཐུགས་ཀྱི་བྱིན་རླབས་དངོས་གྲུབ་ཐམས་ཅད་འོད་ཟེར་ཐིག་ལེ་ནོར་བུ་གྲི་གུག་བུམ་པ་ཀ་པཱ་ལ་བཅུད་ལྡན་ལ་སོགས་པའི་རྣམ་པ་ཅན་ཆར་བབས་པ་ལྟར་བྱོན་ནས་རང་ལ་ཐིམ་པས་དེ་དག་དང་དབྱེར་མེད་དུ་གྱུར་པར་མོས། ཡང་འོད་ཟེར་དམར་ཞིང་རྣོ་བ་དཔག་ཏུ་མེད་པ་འཕྲོས་པས། སྲིད་པ་འཁོར་བ་དང་ཞི་བ་མྱ་ངན་ལས་འདས་པས་བསྡུས་པའི་བརྟན་གཡོ་སྣོད་བཅུད་ཀྱི་བདེ་ལེགས་ཕུན་སུམ་ཚོགས་པ་ཐམས་ཅད་རང་དབང་མེད་པར་བསྡུས་ནས་ཐིག་ལེ་ལ་ཐིམ་པས་རྣལ་འབྱོར་པ་ལ་ཚེ་དང་བསོད་ནམས་དང་དཔལ་དང་དབང་ཕྱུག བདེ་ལེགས་ཆར་བཞིན་འབབ་པར་མོས་ལ་རིག་པ་གྲུང་བཏོན། ཤེས་པ་ཧུར་བཏོན་ལ་བཟླས། སྐབས་འགར་སེམས་གནས་ལུགས་ཀྱི་སྟེང་དུ་འཛིན་ཅིང་། ལྷའི་སྤྱན་དབུས་མ་ནས་བཟུང་སྟེ་རྟེན་དང་བརྟེན་པའི་གསལ་སྣང་ལ་སེམས་གཏད་ཅིང་། རེས་འགའ་སྙིང་གའི་སྔགས་ཀློག་པའི་ཚུལ་དང་། རེས་འགའ་ངག་ཏུ་མི་བརྗོད་པར་ཡིད་ཀྱིས་བཟླས། སྐབས་རེར་མོས་གུས་དང་སྙིང་རྗེ་དྲག་ཏུ་བསྐྱེད་ལ་བཟླ། མདོར་ན་སེམས་མ་ཡེངས་པར་བཟླ་སྟེ། གཞན་དུ་ཡེངས་པས་བཟླས་ན་ནི། །བསྐལ་པར་བསྒྲུབས་ཀྱང་མི་འགྲུབ་བོ། །ཞེས་གསུངས་པས་དྲན་པར་བྱའོ། །གྲངས་རྟགས་ཐེབས་ནས་ལས་སྦྱོར་གྱི་སྐབས་སུ། ཐུགས་ཀ་ནས་འོད་ཟེར་དམར་པོ་ཚ་ཞིང་རྣོ་བ་འཕྲོས། འཁོར་གྱི་མཁའ་འགྲོ་དང་ནོར་བདག་གནོད་སྦྱིན་རྣམས་ཀྱི་ཐུགས་ཀར་ཕོག་པས། དེ་དག་གི་ཐུགས་རྒྱུད་དབང་མེད་དུ་བསྐུལ་ནས། སྲིད་པ་གསུམ་གྱི་དངོས་གྲུབ་ཧྲིལ་གྱིས།བསྡུས་ནས། རང་གི་མདུན་དུ་ཟས་ནོར་ལོངས་སྤྱོད་རི་རབ་ཙམ་སྤུངས་ཤིང་སྟེར་བར་མོས་ལ་བཟླ་བ་དང་། ཡང་འོད་ཟེར་འཕྲོས་རྒྱལ་པོ་ཕྱུག་པོ་དྲག་དགུ་ཆེ་དགུ་སྐྱེས་པ་བུད་མེད་ལ་སོགས་ཏེ། མི་དང་མི་མ་ཡིན་པ་ཐམས་ཅད་ཀྱི་སྙིང་དུ་འོད་ཟེར་མཁའ་འགྲོ་གནོད་སྦྱིན་རྣམས་ཀྱི་རིག་པ་དང་བཅས་པ་ཞུགས། མི་ཐམས་ཅད་ཀྱི་ཤེས་པ་རང་དབང་མེད་པར་གྱུར་ནས་བདག་གི་དབང་དུ་འུབ་ཀྱིས་བསྡུས་པར་མོས་ལ་བཟླ་བ་དང་། ཁྱད་པར་རང་གིས་དབང་དུ་བསྡུ་བར་འདོད་པ་དེའི་སྙིང་གི་དཀྱིལ་དུ་མི་དེའི་རྣམ་ཤེས་ྀ་ལྗང་གུ་ཉ་མིག་ཙམ་ཞིག་ཡོད་པ་དེ། མཁའ་འགྲོ་དང་གནོད་སྦྱིན་རྣམས་ཀྱི་སྙིང་གའི་འོད་ཟེར་གྱི་ལྕགས་ཀྱུས་ཙིར་གྱིས་བཟུང་ནས་བདག་གི་དབང་དུ་བསྡུས་པར་མོས་པ་རྣམས་ནི་མཁའ་འགྲོ་དང་གནོད་སྦྱིན་རྣམས་ལ་བརྟེན་པའི་ཟབ་ཁྱད་དོ། །ཡང་འོད་ཟེར་འཕྲོས་པས་འཇིག་རྟེན་གྱི་ལྷ་ཀླུ་གནོད་སྦྱིན་སྟོབས་ལྡན་རྣམས་དང་། མིའི་དབང་པོ་ལ་སོགས་པའི་སྟོབས་ལྡན་ཐམས་ཅད་བཀུག་སྟེ་ཚོགས་བདག་ལ་བསྟིམས་པས། དེ་དག་ཐམས་ཅད་ཀྱིས་རྣལ་འབྱོར་པའི་བཀའ་བཞིན་དུ་ཉན་ཅིང་བྲན་བཞིན་དུ་ལས་སྒྲུབ་པར་མོས་ཏེ་བཟླ་བ་ནི་ཚོགས་བདག་ལ་བརྟེན་པའི་ཟབ་ཁྱད་དེ། དེ་དག་ནི་རྗེ་བཙུན་གྲོལ་མཆོག་ཞབས་སོགས་བརྒྱུད་པའི་བླ་མ་གོང་མ་རྣམས་ཀྱི་མན་ངག་ལས་བྱུང་བའོ། །ཡང་ཐུན་མོང་མ་ཡིན་པའི་དམིགས་རིམ་གནད་ནི། ཐུགས་ཀའི་ཧཱུྃ་ཡིག་ལས་བྱུང་བའི་ཌཱ་ཀི་དམར་མོ་ཅང་ཏེའུ་དང་གཡོན་ཀ་པཱ་ལ་ཐོགས་པ་དུ་མ་སྣ་བུག་གཡོན་ནས་ཐོན། འཇིག་རྟེན་གྱི་ཁམས་གང་། བརྟན་དང་གཡོ་བའི་ཆོས་བཅུ་བཞིའི་དྭངས་མ། འཇིག་རྟེན་ལས་འདས་པའི་དངོས་གྲུབ་མ་ལུས་པ་བསྡུས་ཏེ་འཕྲོས་པའི་ལམ་ནས་ཚུར་ཞུགས། སྲོག་རྩ་བརྒྱུད། ཆོས་ཉིད་ཀྱི་ཐིག་ལེ་ལ་ཐིམ་པར་མོས་པ་ནི་ཟབ་ཁྱད་དང་པོ་དང་ཞབས་ཀྱིས་གཟིར་བས་ཞབས་འོག་ཚོགས་བདག་བསྐུལ། དེ་ལས་རང་འདྲ་བ་དཔག་མེད་འཕྲོས། མི་དང་མི་མ་ཡིན་ཐམས་ཅད་དང་ཁྱད་པར་དམིགས་བྱ་རྣམས་རང་དབང་མེད་པར་བཀུག་སྟེ་རང་གི་བྲན་དུ་ཕུལ་བས་དེ་དག་དད་གུས་རྩེ་གཅིག་པས་བསྒོ་བའི་བཀའ་ཉན་པ་དང་། ཚོགས་བདག་གི་ཁ་གཤང་བ་བ་སྤུའི་བུ་ག་ལ་སོགས་པ་ནས་ཡིད་བཞིན་ནོར་བུའི་ཆར་རྒྱུན་ཟད་མེད་དུ་བབས་པས་གནས་ཁང་འདོད་རྒུས་ཕྱུར་བུར་གཏམས་པར་བསམ་པ་ནི་ཟབ་ཁྱད་ཕྱི་མ་སྟེ། དེ་དག་གི་སྐབས་སུ་རྩ་སྔགས་སིདྡྷི་མའི་གཤམ་དུ། རྒྱས་པ་ལ། </span>སརྦ་པུཥྚི་ཀུ་རུ་བྷྲཱུཾ།<span class="tibetan_small"> ཞེས་དང་། དབང་ལ། </span>སརྦ་ལོ་ཀ་ཝ་ཤཾ་ཀུ་རུ་ཧོཿ<span class="tibetan_small"> ཞེས་བཏགས་པའང་ཅུང་ཟད་བཟླས་སོ། །བསྡུ་རིམ་གྱི་སྐབས་སུ། ལུས་རྣམ་སྣང་གི་ཆོས་བདུན་དང་ལྡན་པས། ངག་གི་རླུང་རྒྱུ་བ་རང་སོར་བཞག །སེམས་ཀྱི་དུས་གསུམ་གྱི་སྤྲོས་པ་བཅད། ཐིག་ལེ་འོད་དུ་ཡལ་སོང་བའི་ངང་ནས་སྤྲོས་པའི་མཐའ་ཐམས་ཅད་དང་བྲལ་བ་ཡིན་སྙམ་དུ་བཞག་གོ། །དེ་ཡང་དང་པོ་ཐིག་ལེ་ལ་སེམས་ཡུན་རིང་དུ་འཛིན། དེ་ནས་རིམ་གྱིས་སྤྲོས་བྲལ་དུ་འཇོག །མཐར་དེ་ལྟར་བཞག་པའི་ངང་ནས། རིག་པ་དེ་རིག་སྟོང་། འགྱུར་བདེ་འགྱུ་སྟོང་། གསལ་བ་དེ་གསལ་སྟོང་། ཡིན་མིན་གྱི་མཐའ་དང་བྲལ་བས་རྨི་ལམ་གྱི་སྣང་བ། སྒྱུ་མའི་རང་བཞིན་ཞེས་བྱ་བ་ངོ་ཤེས་པར་བྱ་བ་མཁས་གྲུབ་ཁྱུང་པོའི་བཞེད་པ་སྟེ། བླ་མ་གོང་མ་དག་འདི་ཡིད་བཞིན་ནོར་བུ་ཞེས་བྱ་བའི་རྫོགས་རིམ་གྱི་ཐ་སྙད་མཛད། འགྲོ་འཆག་ཉལ་འདུག་གི་སྣང་བ་ཐམས་ཅད་ཀྱང་རྨི་ལམ་སྒྱུ་མ་ལྷ་སྐུར་ཤེས་པའི་ངང་ནས་བྱ། སྒྲུབ་པ་འདི་ལ་གསོལ་འདེབས་ཁོ་ན་གལ་ཆེ་བར་གསུངས་པས་བཀའ་ཐོབ་ན་བླ་མགོན་དབྱེར་མེད་ཀྱི་གསོལ་འདེབས་སྦྱར། བཀའ་མ་ཐོབ་ཀྱང་ཐུན་མཚམས་ཀུན་ཏུ། ན་མོ་བུདྡྷ་སོགས་ཀྱི་གསོལ་འདེབས་དང་། ཚོགས་གཏོར་ལ་བརྩོན་པ་གལ་ཆེ། དགོངས་མོ་ལྟ་བུར་མགོན་མཐིང་གི་གཏོར་ཆོག་རེའང་གྲུབ་ན་གལ་ཆེ་ཞིང་བསྙེན་སྒྲུབ་ཟིན་ནས་རྒྱུན་དུ་འདི་ཉིད་ཀྱི་གཏོར་འབུལ་རེའང་ཆག་ཏུ་མི་རུང་། བསྙེན་པ་གྲུབ་པའི་ཁ་སྐོང་དང་ལས་ལ་སྦྱོར་བའི་ཚེ་སྦྱིན་སྲེག་ཀྱང་གལ་ཆེ། གནད་ཀྱི་ཁྱད་པར་རགས་བསྡུས་སུ་བཀོད་པ་ཡིན་ལ་ཞིབ་པར་ཡིག་རྙིང་རྣམས་ལས་ཤེས་དགོས། གདམས་ངག་འདི་ནི་གཞན་གང་དང་ཡང་མི་འདྲ་བས་ཚེ་འདི་དང་འཆི་ཁ་བར་དོ་རུ་ངེས་པར་སླེབས་པ་ཡིན་གསུངས་སོ།</span><br /><br /><span class="tibetan_small">།གསུམ་པ་གཏོར་ཆོག་སྐོང་གསོའི་ཕྲིན་ལས་བྱ་བར་འདོད་པས། རྟེན་མཆོད་བསྙེན་སྒྲུབ་ཀྱི་སྐབས་ལྟར་འཛོམས་ན་ལེགས། མ་འཛོམས་ན་མཆོད་གཏོར་ཉེར་སྤྱོད་སྨན་ཕུད་སོགས་ཇི་ཙམ་འབྱོར་བ་འདུ་བྱས་ཏེ། ཡི་དམ་མམ་མགོན་པོའི་བསྐྱེད་བཟླས་སོགས་སྔོན་དུ་བཏང་། གོང་དུ་སྨོས་པ་ལྟར་བདུད་རྩི་དང་གནས་ཡོ་བྱིན་རླབས་བྱ། </span><br /><span class="tibetan_small">དེ་ནས་གཏོར་མ།</span> <br />ཨ་མྲྀ་ཏ<span class="tibetan_small">ས་བསང་།</span> སྭ་བྷཱ་ཝ<span class="tibetan_small">ས་སྦྱང་།</span> <br />སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་བུ་གསུམ། དེའི་སྟེང་དུ་ཨ་ལས་ཐོད་པ་མཚན་ལྡན་ཡངས་ཤིང་རྒྱ་ཆེ་བའི་ནང་དུ་བྷྲུྃ་ཨྃ་ཛྲིཾ་ཁྃ་ཧཱུྃ་རྣམས་ལས་ཤ་ལྔ། ལཱྃ་མཱྃ་པཱྃ་ཏཱྃ་བཱྃ་རྣམས་ལས་བདུད་རྩི་ལྔ། སྟེང་གི་ནམ་མཁའ་ལ་ཨོཾ་དཀར་པོ། ཨཱཿལས་ཟླ་བ། ཧཱུྃ་ལས་རྡོ་རྗེ་རྣམས་བརྩེགས་པ། རླུང་གཡོས་མེ་སྦར་ཤ་ལྔ་བདུད་རྩི་ལྔ་འོད་དུ་ཞུ། ཡི་གེ་འབྲུ་གསུམ་ལས་བདུད་རྩིའི་རྒྱུན་བབས། དེ་རྣམས་ཀྱི་འོད་ཀྱིས་སངས་རྒྱས་ཐམས་ཅད་ཀྱི་རྡོ་རྗེ་གསུམ་ཡེ་ཤེས་ཀྱི་བདུད་རྩི་སྤྱན་དྲངས་ཏེ་ཐིམ། ཨོཾ་དང་ཟླ་བ་རྡོ་རྗེ་རྣམས་ཀྱང་འོད་དུ་ཞུ་ཞིང་ཐིམ་པས། ཁ་དོག་དྲི་རོ་ནུས་མཐུ་ཕུན་སུམ་ཚོགས་པ་ཟད་མི་ཤེས་པ་བདུད་རྩིའི་རྒྱ་མཚོར་གྱུར། <br />ཨོཾ་ཨཱཿཧཱུྃ། <span class="tibetan_small">ལན་གསུམ་གྱིས་བྱིན་གྱིས་བརླབ།</span> <br />མདུན་གྱི་ནམ་མཁར་དུར་ཁྲོད་ཆེན་པོའི་དབུས་སུ་ཆོས་འབྱུང་དཀར་པོ་ཡངས་ཤིང་རྒྱ་ཆེ་བའི་ནང་དུ་པཾ་ལས་པདྨ། རཾ་ལས་ཉི་མ། གཾ་ལས་ཚོགས་བདག་དཀར་པོ་གླང་པོ་ཆེའི་གདོང་པ་ཅན་ལ་ཕུག་དང་ནེའུ་ལེ་འཛིན་པ་གཉིས་ཁ་སྦུབ་ཏུ་འགྱེལ་བའི་སྟེང་དུ་ཧཱུྃ་དཀར་པོ། དེ་ལས་འོད་འཕྲོས། འཕགས་པ་མཆོད། སེམས་ཅན་རྣམས་ཀྱི་དབུལ་ཕོངས་ཀྱི་སྒྲིབ་པ་སྦྱངས་ནས་དཔལ་འབྱོར་རྒྱས་པར།བྱས། འཇིག་རྟེན་དང་འཇིག་རྟེན་ལས་འདས་པའི་དགེ་ལེགས་ཐམས་ཅད་ཚུར་འདུས་ཡི་གེ་ཧཱུྃ་དང་བཅས་པ་ལ་ཐིམ་ཞིང་རོ་གཅིག་ཏུ་འདྲེས་པ་ལས། མགོན་པོ་ཡིད་བཞིན་ནོར་བུ་གངས་རི་ལྟར་བརྗིད་ཅིང་། ནོར་བུ་ཆུ་ཤེལ་དྲི་མ་མེད་པ་ལྟར་དྭངས་ཤིང་འོད་འཕྲོ་བ། དམར་ཞིང་འཁྱུགས་པའི་སྤྱན་གསུམ་དང་ལྡན་ཅིང་མཆེ་བའི་མྱུ་གུ་ཅུང་ཟད་གཙིགས་ནས་འཛུམ་ཞིང་བཞད་པ། སྨ་ར་དང་སྨིན་མ་དང་དབུ་སྐྲ་དམར་སེར་གྱེན་དུ་འཁྱུགས་པ། ཕྱག་དྲུག་གི་གཡས་དང་པོས་གྲི་གུག་འཕྱར་ཞིང་། གཉིས་པས་ཡིད་བཞིན་གྱི་ནོར་བུ་དབང་གི་རྒྱལ་པོ་ཐུགས་ཀར་འཛིན་པ། ཐ་མས་ཌཱ་མ་རུ་འཁྲོལ་བ། གཡོན་དང་པོས་ཐོད་པའི་ནང་དུ་བུམ་པ་རིན་པོ་ཆེ་དུ་མས་གང་བ་དང་བཅས་པ་བརླ་གཡོན་པ་ལ་བརྟེན་ནས་འཛིན་ཅིང་། བར་པས་རྩེ་གསུམ། ཐ་མས་ལྕགས་ཀྱུ་འཛིན་པ། སྦོམ་ཞིང་གསུས་ཁྱིམ་འཕྱང་བ། རུས་པ་དང་རིན་པོ་ཆེ་དང་སྦྲུལ་གྱི་རྒྱན་དུ་མས་སྤྲས་ཤིང་། དར་སྣ་ཚོགས་པའི་ཤམ་ཐབས་གསོལ་བ། ཞབས་གཉིས་དུར་ཁྲོད་ཆེན་པོ་བསིལ་བའི་ཚལ་ནས་ད་ལྟ་འབྱོན་འཕྲོ་ལས་འཆམས་པ་འདྲ་བའི་སྟབས་ཀྱིས་ནོར་བུའི་ཆར་འབེབས་པའི་བགེགས་ཀྱི་རྒྱལ་པོ་ཟུང་གི་སྤྱི་བོར་བརྫིས་ཏེ་པདྨ་ཉི་མའི་གདན་ལ་བརྗིད་ཆགས་པར་འགྱིང་བ། ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན་བཞུགས་པ། འཁོར་དུ་དཔའ་བོ་མཁའ་འགྲོ་གནོད་སྦྱིན་བྱེ་བ་འབུམ་སྡེ་དཔག་ཏུ་མེད་པས་བསྐོར་བ། མགོན་པོའི་སྤྱི་བོར་བླ་མ་ཡིད་བཞིན་གྱི་ནོར་བུ་དབང་གི་རྒྱལ་པོ་སྐུ་མདོག་པདྨ་རཱ་གའི་མདོག་ཅན། ཡིད་བཞིན་ནོར་བུ་དང་དྲིལ་བུ་འཛིན་པ། མཚན་དཔེའི་དཔལ་འབར་ཞིང་འོད་ཀྱི་དྲྭ་བ་འཁྲིགས་པ། ཐུགས་ཀར་འགུགས་བྱེད་ཀྱི་ཌཱ་ཀི་མ་སིནྡྷུ་ར་གསར་བའི་མདོག་ཅན་སྒེག་ཅིང་ཆགས་ལ་ལང་ཚོས་སྒེག་པ། ཕྱག་གཡས་ལྕགས་ཀྱུ་དང་། གཡོན་བདུད་རྩིས་གང་བའི་ཐོད་པ་འཛིན་ཅིང་རྒྱན་དུ་མས་སྤྲས་པ། སྤྱན་གསུམ་བར་སྣང་ལ་ཧྲིག་གེ་གཟིགས་བཞིན་དུ་གར་སྟབས་སུ་བཞུགས་པ། དཔྲལ་བར་ཨོཾ། མགྲིན་པར་ཨཱཿ མཁའ་འགྲོའི་ཐུགས་ཀར་ཆོས་ཉིད་ཀྱི་ཐིག་ལེ། དེའི་དབུས་སུ་ཧཱུྃ་དཀར་པོས་མཚན་པའོ། །རང་གི་སྙིང་གའི་ཧཱུྃ་ལས་འོད་ཟེར་འཕྲོས་པའི་སྣ་ལ་མཁའ་འགྲོ་ཆོས་སྐྱོང་ཐམས་ཅད་གནད་ནས་བསྐུལ་བར་བྱེད་པའི་དཔའ་བོ་སྔོ་སྐྱ་མཚན་མ་སྒྲེང་བ་རུས་པའི་རྒྱན་ཅན། དཔའ་མོ་དམར་མོ་བྷ་ག།རྒྱས་ཤིང་ནུ་མ་འཕྱང་བ། ནཱ་ག་གེ་སར་གྱི་མེ་ཏོག་གི་ཕྲེང་བས་བརྒྱན་པ་གཉིས་ཀའང་བདེ་བས་མྱོས་ཤིང་ཆགས་པའི་གར་མཛད་པ། ཌཱ་མ་རུ་དང་དྲིལ་བུ་འཁྲོལ་བཞིན་པ་རེ་རྒྱང་གིས་འཕྲོས། དུར་ཁྲོད་བསིལ་བའི་ཚལ་ན་བཞུགས་པའི་མགོན་པོའི་ཤངས་བུག་ནས་ཐོགས་མེད་དུ་ཞུགས། ཐུགས་ཀའི་ཧཱུྃ་ལ་གཡས་སྐོར་དུ་བསྐོར་བ་ཆི་ལི་ལི་བྱས་པ་ཙམ་གྱིས་ཐུགས་དམ་གྱི་རྒྱུད་རང་དབང་མེད་པར་བསྐུལ་ཏེ། མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་འཁོར་མཁའ་འགྲོ་གནོད་སྦྱིན་བྱེ་བ་དང་བཅས་པ་ཕྱག་གི་ཌཱ་མ་རུ་ཁྲོལ་ཁྲོལ་ཕྱག་ཞབས་ཀྱི་དྲིལ་བུ་སིལ་སིལ་འུར་འུར། ཆེམ་ཆེམ་ནམ་མཁའ་གང་བར་བྱོན་པར་གྱུར། <span class="tibetan_small">སྤོས་སྦྱོར་བསྲེགས། རོལ་མོ་དབྱངས་དང་བཅས་ཏེ།</span> <br />ཧཱུྃ། །དད་པ་དང་ནི་དམ་ཚིག་གིས། །ཚུར་བྱོན་ཡིད་བཞིན་མགོན་པོ་ཆེ། །འོད་དཔག་མེད་པའི་སྤྱན་སྔ་རུ། །འཕགས་པ་ལོ་ཀི་ཤྭ་ར་ཡིས། །འགྲོ་ལ་བྱམས་པས་ཉེར་དགོངས་ནས། །དབུལ་བའི་སྡུག་བསྔལ་སེལ་བ་དང་། །རྣལ་འབྱོར་བསོད་ནམས་སྐྱེད་བྱེད་དུ། །སྤྲུལ་པའི་དམ་ཚིག་བཞིན་དུ་བྱོན། །ཁྱེད་ནི་འཕགས་པའི་སྤྲུལ་པ་སྟེ། །བསིལ་བ་ཚལ་གྱི་དུར་ཁྲོད་དུ། །དཔག་བསམ་ཤིང་གཅིག་རྩ་བར་གནས། །མཁའ་འགྲོ་འབུམ་གྱི་འཁོར་དང་བཅས། །ཆོས་ཉིད་ངང་ལས་མ་གཡོས་ཀྱང་། །དེ་རིང་ཡིད་བཞིན་ནོར་བུ་བཞེངས། །འཁོར་བཅས་གནས་འདིར་གཤེགས་སུ་གསོལ། །མ་ཧཱ་ཀཱ་ལ་ཐུགས་རྗེའི་གཏེར། །མཐུ་ཆེན་རྒྱལ་པོ་ཡིད་བཞིན་མགོན། །དགོས་འདོད་ཀུན་འབྱུང་དཔའ་བོ་ཆེ། །དཀར་སེར་དམར་ལྗང་ཡིད་འོང་མ། ལས་བཞིའི་ཕྲིན་ལས་སྒྲུབ་མཛད་མ། །ཡེ་ཤེས་ལྔ་ཡི་བདག་ཉིད་ཅན། །ཌཱ་ཀི་འཁོར་ཚོགས་དཔག་མེད་དང་། །རྩ་བརྒྱུད་བླ་མ་ཡི་དམ་ལྷ། །བསྟན་སྲུང་ནོར་ལྷ་གནོད་སྦྱིན་རྣམས། །འཁོར་བཅས་གནས་འདིར་གཤེགས་སུ་གསོལ། །རིགས་ཀྱི་ཅོད་པན་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རིན་ཆེན་རྒྱན་ཆ་སི་ལི་ལི། །གསང་བའི་རྔ་ཆུང་དི་རི་རི། །དཔའ་བོའི་ངར་སྐད་ཙེ་རེ་རེ། །དཔའ་མོའི་བརྡ་གླུ་ལྷངས་སེ་ལྷང་། །བླ་མ་ཡི་དམ་ཐིབས་སེ་ཐིབ། །ནོར་ལྷ་གནོད་སྦྱིན་སྤུངས་སེ་སྤུང་། །སྙིང་རྗེའི་རང་ཉམས་ལྷངས་སེ་ལྷང་། །སྒྱུ་མའི་རང་སེམས་རྗེན་ནེ་ནེ། །སྤྲོས་མེད་རིག་པ་ས་ལ་ལ། །གཏད་མེད་ངང་དུ་ཡ་ལ་ལ། །བདེ་ཆེན་གོང་བུར་ཁྲི་ལི་ལི། །བྱིན་གྱིས་བརླབ་ཕྱིར་གཤེགས་སུ་གསོལ། །གནས་ཁང་འདི་རུ་བྱིན་ཕོབས་ལ། །རིན་ཆེན་ནོར་གྱི་ཆར་པ་ཕོབས། །སྒྲུབ་མཆོག་བདག་ལ་བྱིན་རློབས་ལ། ཁམས་གསུམ་མ་ལུས་དབང་དུ་སྡུས། །གུ་རུ་མ་ཧཱ་ཀཱ་ལ་ཌཱ་ཀི་ནཱི་སརྦ་ཨཱ་བེ་ཤ་ཡ་ཨ་ཨཱཿ <br />ཧཱུྃ། །ཙན་དན་ལྗོན་ཤིང་འཁྲིགས་པའི་དུར་ཁྲོད་ནས། །དྲི་བཞོན་གྱིས་བསྐྱོད་སྤྲིན་དཀར་ཕུང་པོ་བཞིན། །ཕྱག་ན་པདྨོའི་རྣམ་རོལ་བསྟན་སྲུང་མཆོག །མགོན་དཀར་འདོད་རྒུའི་ཆར་འབེབས་གནས་འདིར་གཤེགས། །ལྷ་ཆེན་བླ་མ་ཡིད་བཞིན་ནོར་བུ་ཡི། །བཀའ་སྒྲུབ་ཕྱོགས་བཅུའི་འཇིག་རྟེན་དབང་དུ་སྡུད། །རྣལ་འབྱོར་མཆོག་ལ་དངོས་གྲུབ་མྱུར་སྩོལ་བའི། །ནོར་བདག་ཌཱ་ཀིའི་ཚོགས་བཅས་གནས་འདིར་གཤེགས། །མགོན་པོ་འཁོར་བཅས་ཐུགས་རྗེའི་ཟློས་གར་གྱིས། །རྣམ་པར་གཡོ་བའི་སྲིད་ཞིའི་དཔལ་འབྱོར་ནི། །གེགས་མེད་མྱུར་སྩོལ་དབུལ་བའི་སྡུག་བསྔལ་ཀུན། །མ་ལུས་བསལ་ནས་དཔལ་འབྱོར་རྒྱས་པར་མཛོད། །གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཞེས་དང་།</span> ཛཿ <span class="tibetan_small">ཉེར་གཅིག་བརྗོད་ལ་སྤྱན་དྲངས།</span> <br />ཧཱུྃ། །རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །བྱིན་གྱིས་བརླབས་པའི་གནས་འདིར་ནི། །དངོས་གྲུབ་སྩོལ་ཕྱིར་བཞུགས་སུ་གསོལ། ཛཿཧཱུྃ་བཾ་ཧོཿ <span class="tibetan_small">དམ་ཡེ་གཉིས་མེད་དུ་གྱུར་པར་མོས་ལ།</span> <br />ཧཱུྃ། །དུར་ཁྲོད་མེ་རིས་ཡོངས་བསྐོར་བའི། །རིན་ཆེན་ལས་གྲུབ་གཞལ་ཡས་ཁང་། །ཕྱི་ནང་རྔམས་བརྗིད་རབ་མཛེས་པའི། །མཆོད་སྤྲིན་རྒྱ་མཚོས་ཡོངས་སུ་གང་། །གནམ་ལྕགས་ཆོས་འབྱུང་འབར་བ་དང་། །ཡིད་འོང་སྣ་ཚོགས་པད་ཉིའི་སྟེང་། །བགེགས་རྒྱལ་ནོར་བདག་འགྱིངས་བའི་གདན། །ཡེ་ཤེས་ལས་གྲུབ་ཕོ་བྲང་དབུས། །སྤྱན་རས་གཟིགས་མགོན་བཞུགས་སུ་གསོལ། །ཡེ་ཤེས་མགོན་པོ་བཞུགས་སུ་གསོལ། །ཡིད་བཞིན་ནོར་བུ་བཞུགས་སུ་གསོལ། འཁོར་ཚོགས་བཅས་པ་བཞུགས་སུ་གསོལ། པདྨ་ཀ་མ་ལཱ་ཡ་སྟྭཾ། <span class="tibetan_small">མཆོད་པ་ནི། དཀྱུས་སུ།</span> རྟེན་ཅིང་འབྲེལ་བར་འབྱུང་བ་ཡི། །ལྷ་རྫས་བཟང་པོའི་མཆོད་ཡོན་སོགས་ཀྱི་མཆོད་སྔགས་བཅས། ལྷ་རྫས་བཟང་པོའི་གཟུགས་མཆོག་<span class="tibetan_small">སོགས་འདོད་ཡོན་ལྔ་སྔགས་བཅས་རེ་རེ་བཞིན་འགྲེས་སྦྱར་ཏེ་མཆོད། </span><br /><span class="tibetan_small">སྤྲོ་ན་ཡིག་རྙིང་ལས་བྱུང་བ་ནི།</span> <br />ཧཱུྃ། རྒྱུ་དང་འབྲས་བུའི་ཁྱད་པར་བཞིན། །བསྐྱེད་ཅིང་བསྟིམས་པའི་རང་བཞིན་གྱིས། །ཡེ་ཤེས་མགོན་པོ་འདིར་བཞུགས་ལ། །བདག་གི་མཆོད་བསྟོད་བཞེས་སུ་གསོལ། །བྱེ་བ་ཕྲག་བརྒྱའི་ཞིང་ཁམས་ན། །ཆུ་བོ་ཆུ་ཕྲན་གང་གཱ་དང་། །པཀྵུ།སི་ཏཱ་བདུད་རྩིའི་ཆུ། །ཡན་ལག་བརྒྱད་ལྡན་འབབ་ཆུ་དང་། །ལྷ་ཡི་ཆུ་དང་མི་ཡི་ཆུ། །སྣ་ཚོགས་དྭངས་ཤིང་ཡིད་འོང་བའི། །ཡོན་ཆབ་སྣ་ཚོགས་མཛེས་པ་དང་། པདྨ་ཀུ་མུ་ཏ་ཨུཏྤ་ལ། །མནྡྷཱ་ར་བ་ལ་སོགས་པ། ཁ་དོག་དྲི་བསུང་ཕུན་ཚོགས་པའི། །མེ་ཏོག་ཇི་སྙེད་ཡོད་པ་དང་། །ཙནྡན་དཀར་དམར་ཨ་ག་རུ། །ཛཱ་ཏི་ལི་ཤི་ལ་སོགས་པའི། །དྲི་ཞིམ་སྤོས་ཀྱིས་ནམ་མཁའ་ཁེངས། །ཉི་ཟླ་ཡིད་བཞིན་ནོར་བུའི་འོད། །ལྷ་ཡི་འོད་དང་མར་མེའི་རིགས། །གླིང་བཞི་གསལ་བྱེད་ཐམས་ཅད་དང་། །ག་བུར་ཆུ་དང་གུར་གུམ་ཆུ། བསིལ་བྱེད་བདེ་བའི་དྲི་མཆོག་དང་། །སུཀྨེ་ཀ་སོགས་ཤིང་འབྲས་དང་། །ནས་འབྲས་གྲོ་ཏིལ་སོ་སྲན་དང་། །བཅུད་དང་ལྷ་ཡི་ཞལ་ཟས་སོགས། །རི་རབ་ལས་ལྷག་ཕུན་ཚོགས་དང་། །ལྷ་ཡི་རྔ་ཆེན་བརྗིད་པའི་སྒྲ། །གསང་བའི་རྔ་ཆུང་སྙན་པའི་སྒྲ། །དུང་ཆེན་གླིང་བུ་པི་ཝཾ་འཛིན། །དུང་དཀར་ཕེག་རྡོབ་སིལ་སྙན་དང་། །སྙན་པའི་རོལ་མོ་ཇི་སྙེད་ཀུན། འུར་འུར་ཆེམས་ཆེམ་སྒྲ་སྒྲོགས་པ། །སྲིད་གསུམ་གང་ཞིང་གཡོ་བ་འདི། །མ་ཧཱ་ཀཱ་ལ་འཁོར་བཅས་ལ། །འབུལ་གྱིས་ཡང་དག་བཞེས་སུ་གསོལ། །བསམ་དོན་མ་ལུས་འགྲུབ་པ་དང་། ཕྲིན་ལས་རྒྱ་ཆེར་འཕེལ་བར་མཛོད། །གཞན་ཡང་དྲག་པོའི་ཉེར་སྤྱོད་ལྔ། །དྲག་པོའི་རྒྱན་དང་མཚོན་ཆ་དང་། །དཔལ་གྱི་ཆས་བརྒྱད་ལ་སོགས་པ། །འབུལ་གྱིས་ཡང་༴ བར་ཆད་མ་ལུས་ཞི་བ་དང་། །དགྲ་དང་འབྱུང་པོ་མེད་པར་མཛོད། །མཛེས་པའི་བཀྲ་ཤིས་རྟགས་བརྒྱད་དང་། །རྒྱལ་སྲིད་རིན་ཆེན་རྣམ་པ་བདུན། །འདོད་ཡོན་ལྔ་དང་རྫས་མཆོག་བརྒྱད། །སྟོང་གསུམ་མ་ལུས་བཀང་བྱས་ནས། །འབུལ་གྱིས་ཡང་༴ །བྱེ་བ་ཕྲག་བརྒྱའི་འཇིག་རྟེན་གྱི། །རབ་མཛེས་རི་རྒྱལ་ལྷུན་པོ་དང་། །ལྷ་ཡི་ཁང་བཟང་སྐྱེད་མོས་ཚལ། །མེ་ཏོག་ཚལ་དང་ནོར་བུའི་མཚོ། །དཔག་བསམ་ཤིང་དང་འདོད་འཇོའི་བ། །རིན་ཆེན་རི་དང་བདུད་རྩིའི་མཚོ། །གླིང་བཞི་གླིང་ཕྲན་ཉི་ཟླ་དང་། །དེ་ལ་གནས་པའི་ལོངས་སྤྱོད་ཚོགས། །ཅི་མཆིས་མ་ཚང་མེད་པ་དང་། །ཟག་མེད་དགའ་བཞིའི་བདེ་བ་དང་། །རིན་ཆེན་གདུགས་མཆོག་རིན་ཆེན་ཏོག །སྟོང་གསུམ་ཁྱབ་པའི་རྒྱལ་མཚན་མཆོག །ལྷ་ཡི་ཡོ་བྱད་ཕུན་ཚོགས་རྣམས། །དངོས་བཤམས་ཡིད་སྤྲུལ་བློས་བླངས་ནས། །བླ་མ་མགོན་པོ་དབྱེར་མེད་པ། །ཡིད་བཞིན་ནོར་བུ་དབང་གི་རྒྱལ། །མཁའ་འགྲོ་འཁོར་དང་བཅས་ལ།འབུལ། །བདུད་བཞི་ཟིལ་གྱིས་གནོན་པ་དང་། །གླིང་བཞི་དབང་དུ་འདུ་བ་དང་། །སྲིད་ཞིའི་དགེ་ལེགས་ཐོབ་པ་དང་། །ཕྲིན་ལས་རྣམ་བཞི་མཐར་ཕྱིན་ནས། །སྐུ་བཞི་མངོན་དུ་འགྲུབ་པར་མཛོད། །གུ་རུ་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས། ཤཔྡ་པཉྩ་ཀཱ་མ་གུ་ཎ་སརྦ་པཱུ་ཛ་པྲ་ཏཱིཙྪ་སྭཱ་ཧཱ། <br />ཧཱུྃ། མཚན་ལྡན་ཡེ་ཤེས་ཀ་པཱ་ལ། །སྨན་ལྔ་བཅུད་ལྔ་སྙིང་པོ་ལྔ། །འབྲུ་ལྔའི་བདུད་རྩི་རྣམ་ལྔ་དང་། །ཕྱག་རྒྱའི་རྒྱན་ལྡན་གཏོར་མ་འདི། །ཡེ་ཤེས་ལྔ་རུ་བྱིན་བརླབས་ནས། །ལྷ་ཆེན་མགོན་པོ་དགྱེས་ཕྱིར་འབུལ། །བཞེས་ཤིག་རོལ་ཅིག་དགྱེས་པར་རོལ། <span class="tibetan_small">།སྔགས་སྔ་མའི་མཇུག་ཏུ།</span> <br />སརྦ་པཉྩ་ཨ་མྲྀ་ཏ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">ཞེས་འབུལ། ནང་མཆོད་སྤྲོ་ན་བསྙེན་པའི་སྐབས་ལྟར་བྱ།</span> <br />ཆོས་འབྱུང་དཀར་ལ་མེ་རི་དམར་པོའི་དབུས། །པད་དཀར་མདངས་ལྡན་འོད་སྟོང་ཕྱོགས་བཅུར་འཕྲོ། །གངས་རི་ལྟར་དཀར་ཞལ་གཅིག་ཕྱག་དྲུག་པ། །ཁྱེད་ལ་རྣམ་དཀར་དང་བས་ཕྱག་འཚལ་བསྟོད། <span class="tibetan_small">།ཅེས་བསྟོད། དེ་ནས་བཀའ་ཐོབ་པའམ་རྒྱས་པར་སྤྲོ་ན། བླ་མ་མགོན་པོ་དབྱེར་མེད། གྲིབ་སེལ། མཁའ་འགྲོ་དབང་སྡུད་བཅས་རྒྱས་པར་མགོན་མཐིང་གི་གཞུང་ལྟར་སྦྱར། ཅུང་ཟད་བསྡུ་ན།</span> <br />མགོན་པོའི་སྤྱི་བོར་རྩ་བའི་བླ་མ་སྐུ་མདོག་སེར་པོ་ནོར་བུ་དང་དྲིལ་བུ་འཛིན་པ། རྡོ་རྗེ་སྐྱིལ་ཀྲུང་དར་དང་རིན་པོ་ཆེས་བརྒྱན་པ། བླ་མའི་སྐུ་ལས་འོད་འཕྲོས། མགོན་པོ་ལ་ཕོག་འོད་དང་བདེ་བའི་རང་བཞིན་དུ་ལྟེམ་ལྟེམ་གྱུར། འུར་འུར་སིལ་སིལ་གར་མཛད། མགོན་པོ་ལས་འོད་འཕྲོས་བླ་མ་ལ་ཕོག །འོད་དང་བདེ་བའི་རང་བཞིན་དུ་ལྟེམ་ལྟེམ་གྱུར། འུར་འུར་སིལ་སིལ་གར་མཛད། མགོན་པོ་ཉིད་བླ་མ། བླ་མ་ཉིད་མགོན་པོ། བླ་མ་དང་མགོན་པོ་དབྱེར་མེད་དུ་གྱུར། བླ་མ་མགོན་པོ་དབྱེར་མེད་ལ་གསོལ་བ་འདེབས་སོ། <br /><span class="tibetan_small">།གསུམ་མམ་བདུན་ཙམ། སྤྲོ་ན་བར་འདིར་བརྒྱུད་པའི་བླ་མའི་གསོལ་འདེབས་བྱ། དེ་ནས།</span> <br />ན་མོ་བུདྡྷ་ཡ། ན་མོ་གུ་རུ་ཧེ། བཛྲ་བཱི་ར་བཱི་རི་ཎི། ཤྲཱི་ཌཱ་ཀ་ཌཱ་ཀི་ནཱི། ཛོ་ག་ཛོ་གི་ནི། སརྦ་བུདྡྷ་བོ་དྷི་ས་ཏྭཱ་ཡ་ཤཱ་རཱ་ཎཱཾ། གཙྪ་མཱི། བླ་མ་མགོན་པོ་དབྱེར་མེད་ལ། །བདག་ནི་དད་པས་གསོལ་འདེབས་ཀྱིས། །བདག་དང་སེམས་ཅན་ཐམས་ཅད་ཀྱི། །ཉོན་མོངས་མ་ལུས་བསལ་བ་དང་། །དངོས་གྲུབ་མ་ལུས་སྩལ་དུ་གསོལ། <span class="tibetan_small">།ཅེས་གསུམ་སོགས་བརྗོད། ཡང་།</span> སྤྱི་བོའི་བླ་མ་རྡོ་རྗེ་སེམས་དཔའ་དཀར་པོ་གཡས་ཤེལ་གྱི་རྡོ་རྗེ། གཡོན་ཀ་པཱ་ལ་བདུད་རྩིས་གང་བ་འཛིན་པ། སངས་རྒྱས་བྱང་སེམས་དཔའ་བོ་མཁའ་འགྲོ།ཐམས་ཅད་བླ་མའི་གནས་གསུམ་དུ་ཐིམ། བླ་མའི་གནས་གསུམ་ནས་ཡི་གེ་བརྒྱ་པ་དཀར་དམར་མཐིང་གསུམ་བྱུང་། མགོན་པོའི་གནས་གསུམ་དུ་ཐིམ། སྐུ་གསུང་ཐུགས་ཀྱི་ཉམས་ཆག་ཐམས་ཅད་དག་པར་གྱུར། <span class="tibetan_small">ཡིག་བརྒྱ་ཉེར་གཅིག་སོགས་བཟླས་ལ། ལོངས་སྐབས་ཡོད་ན།</span> <br />རྡོ་རྗེ་འཆང་ཆེན་དཔལ་ལྡན་ཤ་བ་རི། <span class="tibetan_small">སོགས་རྒྱས་པར་བྱ། བསྡུ་ན།</span> <br />སྐུ་ཡི་དམ་ཚིག་ཉམས་པ་མཐོལ་ལོ་བཤགས། །གསུང་གི་དམ་ཚིག་ཉམས་པ་མཐོལ་ལོ་བཤགས། །ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས། །རྩ་བའི་དམ་ཚིག༴ ཡན་ལག་དམ་ཚིག༴ །ཚོར་ཏེ་དམ་ཚིག༴ མ་ཆོར་དམ་ཚིག༴ ཉམས་ཆག་དག་ཕྱིར་བཤགས་པ་འདི་བྱས་པས། །བླ་མ་མགོན་པོ་འཁོར་དང་བཅས་རྣམས་ཀྱིས། །ཕ་མ་བུ་ཚ་བཞིན་དུ་བཟོད་བཞེས་ལ། །དངོས་གྲུབ་ཐམས་ཅད་དུས་འདིར་སྩལ་དུ་གསོལ། <span class="tibetan_small">།སྐོང་བ་སྤྲོ་ན་སྐབས་འདིར་བྱ་སྟེ། སྐོང་རྫས་བསང་སྦྱང་།</span> <br />སྟོང་པའི་ངང་ལས་གནས་ཁང་བྷྲཱུཾ་ལས་རིན་པོ་ཆེའི་གཞལ་ཡས་ཁང་རྒྱན་དང་བཀོད་པ་ཕུན་སུམ་ཚོགས་པའི་ནང་དུ་ཧཱུྃ་ལས་ཕྱི་ནང་གསང་བའི་རྟེན་རྫས་སྒྲུབ་རྫས་སྐོང་རྫས་མཆོད་པའི་ཡོ་བྱད་རྒྱ་ནམ་མཁའི་མཐའ་དང་མཉམ་ཞིང་རྒྱུན་འཁོར་བ་ཇི་སྲིད་ཀྱི་བར་དུ་འབྱུང་བར་གྱུར། <span class="tibetan_small">ནམ་མཁའ་མཛོད་ཀྱི་སྔགས་རྒྱ་དང་།</span> <br />ཨོཾ་བཛྲ་སྥ་ར་ཎ་ཁཾ། <span class="tibetan_small">ཞེས་པས་སྤེལ་བ།</span> <br />ཧཱུྃ། བསིལ་བ་ཚལ་གྱི་དུར་ཁྲོད་ནས། །དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལ་ཡ། །བསྐང་བའི་གནས་འདིར་གཤེགས་སུ་གསོལ། <br />།ལྷ་ཆེན་མགོན་པོ་ཐུགས་རྗེའི་གཏེར། །དཔའ་བོ་ཆེན་པོ་ནོར་གྱི་བདག །ཡིད་བཞིན་མགོན་པོ་ཌཱ་ཀིའི་གཙོ། །དཔལ་ལྡན་མ་ཧཱ་ཀཱ་ལ་དང་། །ཌཱ་ཀིའི་འཁོར་ཚོགས་དཔག་མེད་དང་། །ནོར་ལྷ་གནོད་སྦྱིན་འཁོར་དང་བཅས། །དགྱེས་མཆོད་ཐུགས་དམ་བསྐང་བ་ནི། <br />།ཆུ་ཤེལ་ཕོ་བྲང་འོད་དཀར་འཕྲོ། །མུ་ཏིག་དྲྭ་བ་ནོར་བུས་སྤྲས། །རབ་མཛེས་པདྨའི་ཆུན་འཕྱང་གཡོ། །རིན་ཆེན་ཕྲེང་བས་བར་སྣང་ཁེངས། །གདུགས་མཆོག་དར་གྱི་ཤམ་བུ་གཡོ། །རྒྱལ་མཚན་ནོར་བུའི་ཏོག་འོད་མཛེས། །བ་དན་ཤེལ་གྱི་ཡུ་བས་བཏེག །འཕན་བཟང་གསེར་གྱི་ཟར་ཚགས་སྦྲེང་། །བཻ་ཌཱུརྱ་དང་དབང་སྔོན་སོགས། །རིན་ཆེན་སྣ་བདུན་གྲམ་བུར་བརྡལ། དཔག་བསམ་ལྗོན་ཤིང་འདོད་འཇོའི་བ། །མ་རྨོས་ལོ་ཏོག་གཏེར་གྱི་བུམ། །བཀྲ་ཤིས་རྫས་རྟགས་རྒྱལ་སྲིད་སོགས། །ལྷ་མིའི་དཔལ་འབྱོར་ཐམས་ཅད་ཀྱིས། །མགོན་པོ་ཡིད།བཞིན་ནོར་བུ་ནི། །མཁའ་འགྲོའི་ཚོགས་བཅས་ཐུགས་དམ་བསྐང་། །མཆོད་ཡོན་ཞབས་བསིལ་མེ་ཏོག་སྤོས། །སྣང་གསལ་དྲི་ཆབ་བཟའ་བཏུང་བཅུད། །སྙན་འཇེབས་དབྱངས་དང་རོལ་མོའི་སྒྲ། །གཟུགས་སྒྲ་དྲི་རོ་རེག་བྱའི་མཆོག །བརྟན་གཡོའི་ཕུན་ཚོགས་ཐམས་ཅད་ཀྱིས། །མགོན་པོ་ཡིད་བཞིན་ནོར་བུ་ནི། །མཁའ་འགྲོའི་ཚོགས་བཅས་ཐུགས་དམ་བསྐང་། །གནམ་ལྕགས་འབར་བའི་གྲི་གུག་དང་། །འདོད་རྒུའི་ཆར་འབེབས་ཡིད་བཞིན་ནོར། །སྣང་སྲིད་དབང་སྡུད་ཅང་ཏེའུ། །སྨན་ཐོད་ནོར་གྱི་བུམ་པས་གཏམས། །རྩེ་གསུམ་བ་དན་ཕྱོགས་བཅུར་གཡོ། །དབང་གི་ལྕགས་ཀྱུས་ཁམས་གསུམ་འགུགས། །ནོར་བུའི་རྒྱན་དང་ཟ་འོག་གོས། །གསེར་གྱི་གཡེར་ཁ་དངུལ་གྱི་དྲིལ། །སྟག་ཤམ་ལི་ཁྲིའི་ཐིག་ལེ་དང་། །དུར་ཁྲོད་རྒྱན་བཀོད་ལ་སོགས་པས། །མགོན་པོ་ཡིད་བཞིན་ནོར་བུ་ནི། །མཁའ་འགྲོའི་ཚོགས་བཅས་ཐུགས་དམ་བསྐང་། །བདུད་རྩི་སྨན་གྱི་རྒྱ་མཚོ་བསྐྱིལ། །ཚོགས་གཏོར་སྤྱན་གཟིགས་རི་ལྟར་སྤུངས། །ཡིད་འཕྲོག་རིག་མས་དགའ་བཞི་བསྐྱེད། །ཕྱི་ནང་གསང་བའི་མཆོད་པའི་སྤྲིན། །ཆོས་ཀྱི་དབྱིངས་དང་མཉམ་པར་སྤེལ། སྒྱུ་མ་ལྟ་བུའི་ཏིང་འཛིན་གྱིས། །དམིགས་མེད་ངང་དུ་འབུལ་ལགས་ན། །བླ་མ་མགོན་པོ་དབྱེར་མེད་ཀྱི། །ཐུགས་དམ་གཉན་པོ་དབྱིངས་སུ་བསྐང་། །མྱུར་མཛད་མགོན་པོའི་ཐུགས་དམ་བསྐང་། །ཡིད་བཞིན་ནོར་བུའི་ཐུགས༴ །དབང་གི་རྒྱལ་པོའི་ཐུགས༴ ཐུགས་རྗེའི་གཏེར་གྱི༴ དཔའ་བོ་མཁའ་འགྲོའི༴ གནོད་སྦྱིན་ནོར་ལྷའི༴ དམ་ཅན་རྒྱ་མཚོའི་ཐུགས་དམ་བསྐང་། །རྣལ་འབྱོར་བདག་ཅག་འཁོར་དང་བཅས། །འདི་ཕྱི་བར་དོའི་འཇིགས་ལས་སྐྱོབས། །ལྷ་འདྲེ་མི་གསུམ་དབང་དུ་སྡུས། །ཚེ་བསོད་དཔལ་འབྱོར་སྙན་གྲགས་སྟོབས། །ཟས་ནོར་ལོངས་སྤྱོད་རྒྱས་པར་མཛོད། །སྒྲུབ་ལ་མྱུར་དུ་བྱིན་གྱིས་རློབས། །དགྱེས་པའི་ཞལ་རས་དངོས་སུ་སྟོན། །མཆོག་དང་ཐུན་མོང་དངོས་གྲུབ་སྩོལ། །ཅི་བསམ་ཡིད་བཞིན་འགྲུབ་བར་མཛོད། <span class="tibetan_small">།ཅེས་བསྐང་ཞིང་ཡིག་བརྒྱ་བརྗོད་ལ་ཉམས་ཆགས་བཤགས་པར་བྱའོ། །དེ་ནས།</span> <br />མགོན་པོའི་སྤྱི་བོར་བླ་མ་དམར་པོ་ཌཱ་མ་རུ་དང་ཐོད་པ་འཛིན་པ་ལྟ་བས་མི་ངོམས་ཤིང་། བཟོད་པར་དཀའ་བའི་གཟི་བརྗིད་ཅན། གཟིགས་པ་ཙམ་གྱིས་ཅི་འདོད་དབང་དུ་སྡུད་པ། དཔྲལ་བའི་སིནྡྷུ་རའི་ཐིག་ལེའི་ནང་དུ། ཧྲཱིཿདམར་པོ་བཅུ་གསུམ་ཡོངས་སུ་གྱུར།པ་ལས། གསང་བའི་མཁའ་འགྲོ་མ་དམར་མོ་ཌཱ་མ་རུ་དང་ཐོད་ཁྲག་འཛིན་པ་བཅུ་གསུམ་དུ་གྱུར། བླ་མའི་སྐུ་ལས་བྱུང་བའི་འོད་ཟེར་དམར་པོ་མཁའ་འགྲོ་མ་ལ་ཕོག་པས་དེ་རྣམས་ཌཱ་མ་རུ་དང་གཡེར་ཁའི་སྒྲ་ཁྲོལ་ཁྲོལ། ཞབས་གཉིས་གར་སྟབས་ལིང་ལིང་བ། སྤྱན་གསུམ་ནམ་མཁའ་ལ་ཧྲིག་ཧྲིག་གཟིགས་པ། མགོན་པོ་དང་མཁའ་འགྲོ་མའི་འོད་ཟེར་གྱིས་སེམས་ཅན་ཐམས་ཅད་བདག་གི་དབང་དུ་བསྡུས། དགོས་འདོད་ཆར་ལྟར་བབས་པར་གྱུར། ཨོཾ་བཛྲ་ན་ར་ཀྲིཾ་ཀྲིཾ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། <span class="tibetan_small">ཞེས་བརྒྱ་རྩ་བཟླས། བཟླས་པ་ནི། ཐུགས་ཀའི་ཆོས་ཉིད་ཀྱི་ཐིག་ལེའི་མཐའ་སྐོར་དུ་སྔགས་ཕྲེང་གཡས་སུ་བསྐོར་བ་ལ་དམིགས་པ་གཏད། སྤྲོ་བསྡུའི་དམིགས་པ་བྱེད་ནའང་སྐབས་བསྟུན་སྦྱར་ལ།</span> <br />གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཞེས་བཏགས་པ་ལན་བདུན་གྱིས་འབུལ་ཞིང་། ཤཱ་ས་ན་ལན་གསུམ་གྱིས་དམ་ཅན་སྤྱི་ལ་འབུལ། གོང་ལྟར་སྔགས་ཀྱིས་མཆོད། སྙིང་པོའི་མཐར་འབྲུ་གསུམ་བཏགས་པས་ནང་མཆོད་ཕུལ་ལ། སྒྲུབ་ཐབས་སུ་སྨོས་པའི་བསྟོད་པ་ཁྱུང་པོས་མཛད་པའམ། ཡང་ན།</span> <br />ཧཱུྃ། མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །འགྲོ་བའི་དབུལ་ཕོངས་མ་ལུས་ཞི་མཛད་པ། །འདོད་དགུའི་དངོས་གྲུབ་སྩོལ་ལ་ཕྱག་འཚལ་བསྟོད། །ལྷུན་སྟུག་ཀེ་ལཱ་ཤ་ཡི་རི་བོ་ལྟར། །འོད་ཟེར་བྱེ་བས་འཁྱུད་པའི་དཔལ་ཕྲེང་ཅན། །དབང་སྡུད་མཁའ་འགྲོ་སྟོང་གི་བདག་པོ་ནི། །མྱུར་མཛད་སྤྱན་རས་གཟིགས་ལ་ཕྱག་འཚལ་བསྟོད། །འཛུམ་བག་བརྗིད་པའི་ཞལ་རས་ཡིད་ཙམ་ཁྲོ། །འདོད་རྒུའི་ཆར་འབེབས་དབང་གི་རྒྱལ་པོ་ཁྱོད། །ཆོས་ཉིད་ཐིག་ལེའི་སྒོ་ངར་གདོད་མའི་སེམས། །མངོན་གྱུར་ཡེ་ཤེས་སྐུ་ཅན་ཁྱོད་ལ་བསྟོད། །དངུལ་ཆུའི་མདངས་གསལ་ཧཱུྃ་ཡིག་ལས་འཁྲུངས་པ། །སྐྱེ་འགྲོའི་རེ་སྐོང་དབུལ་བའི་སྡུག་བསྔལ་སེལ། །དབུ་སྐྲ་གྱེན་བརྗེས་སྤྱི་བོར་མི་འཁྲུགས་རྒྱལ། །རྒྱས་གདབ་དབང་བསྐུར་ཆེ་བརྙེས་ཁྱོད་ལ་བསྟོད། ཁ་བའི་རི་ལ་འཆར་ཀ་གསར་པ་ལྟར། །ཁྱོད་ཞལ་སྨིན་མཚམས་སིནྡྷུ་ཐིག་ལེ་མཛེས། །རིན་ཆེན་གདུ་བུ་འཁྲོལ་བའི་ཕྱག་དྲུག་པོ། །བླ་མེད་ཕ་རོལ་ཕྱིན་དྲུག་རྫོགས་ལ་བསྟོད། །གྲི་གུག་ཡིད་བཞིན་ནོར་བུ་ཌཱ་མ་རུ། །ནོར་བུས་གཏམས་པའི་ཐོད་པ་བུམ་པར་བཅས། །རྩེ་གསུམ་དངོས་གྲུབ་འགུགས་པའི་ལྕགས་ཀྱུ་བསྣམས། །ཕྱག་དྲུག་ཡེ་ཤེས་མགོན་པོ་ཁྱོད་ལ་བསྟོད། །ལྷབ་ལྷུབ་དར་དང་སྟག་ལྤགས་ན་བཟའ་ཅན། །འོད་འབར་རིན་ཆེན་རྒྱན་གྱི།སིལ་ཁྲོལ་དང་། །ནོར་བུའི་ཆུན་འཕྱངས་དུ་མས་རབ་ཏུ་མཛེས། །གཟི་བྱིན་ལྷང་ངེར་འབར་བ་ཁྱོད་ལ་བསྟོད། །འདོད་པའི་ལོངས་སྤྱོད་ཆར་ཆེན་འབེབས་བྱེད་པ། བི་ནཱ་ཡ་ཀའི་སྟེང་ན་རོལ་པས་བཞུགས། །རབ་སྔོ་ཙན་དན་ལྗོན་པའི་ཚལ་ན་དགྱེས། །གནས་གསུམ་མཁའ་འགྲོའི་བདག་པོ་ཁྱོད་ལ་བསྟོད། །ཐུགས་ཀར་དབང་གི་ལྷ་མོ་ལང་ཚོ་མ། །འཆར་ཀའི་འོད་རིས་གསར་པ་གློག་ཕྲེང་ལྟར། །མཛེས་ཤིང་གཡོ་བའི་དངོས་གྲུབ་ལྕགས་ཀྱུ་འཛིན། །སྲིད་གསུམ་དབང་དུ་སྡུད་མཛད་ཁྱོད་ལ་བསྟོད། །གུས་པས་བསྟོད་ཅིང་གསོལ་བ་འདེབས་པ་དང་། །སྙིང་ནས་ལྷ་མཆོག་ཁྱོད་ལ་གདུང་བ་ཡིས། །མཆོད་བསྟོད་འབུལ་གྱིས་བདག་ལ་མཆོག་སྩོལ་ནས། །དཔལ་དང་འདོད་པའི་དོན་ཀུན་འགྲུབ་པར་མཛོད། །ཐུགས་རྗེའི་སྤྲིན་ལས་དགེ་ལེགས་ཆར་ཕབ་སྟེ། །འདོད་རྒུའི་རྦ་རླབས་ཕྲེང་བ་ཆིལ་ཆིལ་གཡོ། །ཟས་ནོར་ལོངས་སྤྱོད་དགེ་ལེགས་ཡར་འཕེལ་གྱི། །དཔལ་འབྱོར་རྒྱ་མཚོ་གོང་ནས་གོང་འཕེལ་ཤོག <span class="tibetan_small">།ཅེས་བསྟོད།</span> <br />མཆོད་སྦྱིན་གྱི་གཏོར་མ་རྒྱ་ཆེན་པོ་དྲི་དམ་པ། རོ་དམ་པ། རེག་བྱ་དམ་པ་འདི་ཉིད་འབུལ་ཞིང་བསྔོ་བའི་གནས་སུ་གྱུར་པ་ནི་མགོན་པོ་ཡིད་བཞིན་གྱི་ནོར་བུ། རིགས་བཞིའི་མཁའ་འགྲོའི་ཚོགས་དང་བཅས་པ་རྣམས་ལ་འབུལ་ལོ། །ཕྲིན་ལས་ཞུ་ཞིང་གསོལ་བ་ནི། བླ་མ་དམ་པའི་བཀའ་དང་དམ་ལས་མ་འདའ་བར་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། ཁྱད་པར་དུ་ཡང་བདག་ཅག་འཁོར་དང་བཅས་པའི་འགལ་རྐྱེན་བར་ཆད་ཐམས་ཅད་ཞི་བ་དང་། མཐུན་རྐྱེན་དཔལ་འབྱོར་གཟི་བརྗིད་ཐམས་ཅད་གོང་ནས་གོང་དུ་འཕེལ་ཞིང་རྒྱས་པར་མཛད་དུ་གསོལ། ཁྱད་པར་དུ་སེམས་ཅན་ཐམས་ཅད་དབུལ་བའི་སྡུག་བསྔལ་ཞི་ཞིང་དགོས་འདོད་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། <span class="tibetan_small">ཞེས་དང་གཞན་ཡང་གསོལ་བ་དྲག་ཏུ་བཏབ། </span><br /><span class="tibetan_small">ཐུན་གཏོར་སྤྱི་བསྟབ་ནི།</span> <br />ལྷ་ཆེན་མགོན་པོ་མ་ཧཱ་ཀཱ་ལ་ཡ། །ཡིད་བཞིན་ནོར་བུ་ཌཱ་ཀིའི་འཁོར་གྱིས་བསྐོར། །བསྟན་སྲུང་རྒྱ་མཚོ་ནོར་ལྷ་གནོད་སྦྱིན་བཅས། །དཀར་ཕྱོགས་དགའ་བའི་གཞི་བདག་འཁོར་བཅས་རྣམས། །ཟག་མེད་བདུད་རྩིའི་གཏོར་མ་འདི་བཞེས་ཤིག །བཅུད་ལྡན་ཟས་ཀྱི་མཆོད་པ་འདི་བཞེས་ཤིག །རིན་ཆེན་རྣམ་ལྔའི་གསེར་སྐྱེམས་འདི་བཞེས་ཤིག །བཏུང་བ་སྣ་ཚོགས་ཕུད་གཏོར་འདི༴ འབྲུ་དང་སྨན་གྱི་མཆོད་པ།འདི་བཞེས་ཤིག །ནད་གདོན་བར་ཆད་མ་ལུས་ཞི་བ་དང་། །བསམ་དོན་མ་ལུས་མྱུར་དུ་འགྲུབ་གྱུར་ནས། །ལོངས་སྤྱོད་འདོད་རྒུའི་དཔལ་ལ་སྤྱོད་པར་ཤོག <span class="tibetan_small">།གཏོར་མ་ནང་དུ་རྟེན་གཏོར་དྲུང་སོགས་སུ་འབུལ་བ་ལས་ཕྱི་རོལ་དུ་མི་འབུལ་ལོ། །དེ་ནས་ཡིག་བརྒྱ་བཟླས་ལ།</span> <br />མ་འབྱོར་བ་དང་ཉམས་པ་དང་། <span class="tibetan_small">ཞེས་སོགས་དང་།</span> <br />མ་རྙེད་ཡོངས་སུ་མ་ཚང་དང་། །གང་ཡང་ནུས་པ་མ་མཆིས་པས། །འདིར་ནི་བྱ་བ་གང་བགྱིས་པ། །དེ་ཀུན་ཁྱོད་ཀྱིས་བཟོད་མཛད་རིགས། །བླ་མ་མགོན་པོ་དབྱེར་མེད་ལ། །བདག་ནི་གུས་པས་སྐྱབས་སུ་མཆི། །བདག་གིས་སེམས་ཅན་ཐམས་ཅད་ཀྱི། །ཉོན་མོངས་མ་ལུས་སེལ་བར་ཤོག <span class="tibetan_small">།ཅེས་གསོལ་འདེབས་གང་འགྲུབ་བྱ། མདུན་བསྐྱེད།</span> <br />འདིར་ནི་གཟུགས་དང་<span class="tibetan_small">སོགས་ཀྱིས་རྟེན་ལ་བཞུགས་གསོལ་བྱ་ཞིང་སྨོན་ལམ་གང་འོས་དང་། བཀྲ་ཤིས་བཀའ་རྒྱ་མ་བརྗོད་དོ། </span><br /><span class="tibetan_small">།བཞི་པ་གལ་པོ་ཆེའི་ལས་སྦྱོར་བཤད་པ་ལ་གཉིས། གཟི་ལྡན་གྱི་གཏོར་སྒྲུབ་དང་གཏེར་བུམ་གྱི་ཆོ་གའོ། </span><br /><span class="tibetan_small">།དང་པོ་ནི། རྩ་བའི་མགོན་མཐིང་དང་། གོང་དུ་བཤད་པའི་བསྙེན་སྒྲུབ་ཚུལ་བཞིན་སྒྲུབ་པའི་རྣལ་འབྱོར་པས་ལས་སྦྱོར་གྱི་གཙོ་བོར་འདི་ཡིན་ཏེ། གོང་དུ་སྨོས་པ་ལྟ་བུའི་དཀྱིལ་འཁོར་གྱི་དབུས་སུ་བུམ་པ་ཆེ་ཆོད་ཁ་ཡངས་ཤིང་མཆུ་དང་ལྡན་པ། ཆག་གས་ལྷན་པ་མེད་པ་གཙང་ཞིང་དག་པའི་ནང་དུ། ནས་སམ་འབྲས་དཀར་སད་སེར་གྱིས་མ་གོས་ཤིང་རྡུལ་མེད་པ། རིན་པོ་ཆེ་དང་དར་གོས་ཨ་རུ་གསེར་མདོག་སོགས་སྨན་བཟང་པོའི་རིགས། དཀར་གསུམ་མངར་གསུམ་ཇ་མར་ཤིང་ཏོག་སོགས་ཟས་སྣ། དེ་རྣམས་ཕྱུག་པོའི་བང་མཛོད་ནས་བྱུང་བ་ལྟ་བུ་བྱུང་ན་ཤིན་ཏུ་ལེགས་པས་ཇི་ལྟར་ཚོགས་པས་བཀང་། ལྟོ་བའི་མཚམས་མགྲིན་པའི་ནང་ཙམ་དུ་མགོན་པོ་གཟི་ལྡན་གྱི་སྐུ་མངོན་རྟོགས་ལྟར་བྲིས་འབུར་གང་རུང་རབ་གནས་དམིགས་གསལ་བྱས་པའི་ཞལ་མཆུ་ལ་བསྟན་ནས་བཞུགས་སུ་གསོལ་ཞིང་ཁ་བུམ་རྫས་རྣམས་ཀྱིས་ཕྱུར་བུར་བཀང་། དར་དཀར་གྱིས་བཀབ་ལ་བུམ་པའི་མདུན་རང་ལ་བསྟན་ཏེ་བཞག །དེའི་མདུན་དུ་གཏོར་སྣོད་ཟངས་ཀྱི་ཀ་ཊོར་ལྟ་བུ་གས་ཆག་བུག་རྡོལ་མེད་པ་ཆེ་ཞིང་ཡངས་པ་ལ། དྲི་བཟང་དང་གི་ཝཾ་བསྲེས་པས་པདྨ་འདབ་བརྒྱད་བྲིས་པ་ལ། གཏོར་ཆེན་ནས་དཀར་རྗེན་འཐག་གི་ཕྱེ་ལ་སྨན་དང་རིན་ཆེན་དཀར་མངར་བསྲེས་ནས་ཆང་ཕུད་མ་ཉམས་པ་དང་མར་ཁུས་སྤྲུས་པའི་དཔལ་བཤོས་ཟུར་གསུམ་ནོར་བུའི་དབྱིབས་ཅན་ལྡིར་བ་ཁྲུ་གང་ལས་མི་ཆུང་བ་ལ། མཐེབ་ཀྱུ་བཅད་ཁ་ནང་དུ་བསྟན་པ་བརྒྱ་རྩ་བརྒྱད་ཀྱིས་བསྐོར་བ་གཏོར་སྣོད་ལས་ཕྱིར་མ་ཐལ་པའི་རྩེར་མར་ཚོན་གྱིས་ནོར་བུ་འབར་བ་དང་། མདུན་ལོགས་སུ་ཧཱུྃ་དཀར་པོ་ཆེན་པོས་བརྒྱན་པ་ལ། མདའ་རྒོད་སྒྲོ་མ་མིས་མ་རེག་པ་ལ་དར་དཀར་དམར་མཐིང་གསུམ་དང་མེ་ལོང་སྐུ་རྟེན་གྱིས་བརྒྱན་པ་བཙུག་སྟེ། རྫས་སྣ་ཚོགས་ཀྱིས་སྣོད་ཁེངས་པར་བསྐོར། གཡས་སུ་མཁའ་འགྲོའི་གཏོར་མ། གཡོན་དུ་གཞི་བདག་གི་གཏོར་མ། རྒྱབ་ཏུ།གནོད་སྦྱིན་གྱི་གཏོར་མ། མདུན་དུ་ཉེར་སྤྱོད་ལྔ་དང་ནང་མཆོད་སོགས་བཤམས། དབང་སྡུད་ཀྱི་འཁོར་ལོ་སྒྲུབ་ན་གཞུང་བཞིན་བྲིས་ལ་རབ་གནས་བྱས། སྐུད་པ་དམར་པོས་དཀྲིས་ལ་བུམ་པའི་མགུལ་པའམ། འཛིན་གཏོར་གྱི་མདའ་དར་ལ་བཏགས། སྒྲུབ་རྫས་རྣམས་དང་པོ་ནས་དམ་ཉམས་དང་གྲིབ་ཅན་གྱིས་མ་འབགས་པ་དང་། གཞན་གྱི་གཏོར་ཕྱེ་དང་ཆང་ཕུད་མ་འདྲེས་ཤིང་མ་ཉམས་པ་སོགས་མགོན་མཐིང་གི་གཏོར་སྒྲུབ་དང་གནད་ཐམས་ཅད་མཚུངས་ལ། བུམ་རྫས་བུམ་པར་བཅུག་པའི་སྔ་རོལ་དུ་ཁྲུས་དང་གུ་གུལ་ཕྱིས་བདུག་པས་མཚོན་ཐམས་ཅད་དུ་གཙང་སྦྲ་དང་མི་གཙང་བའི་ངག་ཟོན་གལ་ཆེ། བྲིས་སྐུ་མཚན་ལྡན་ཡོད་ན་དཀྱིལ་འཁོར་གྱི་རྒྱབ་ཕྱོགས་སུ་བཤམས་ལ་དེ་དང་བུམ་པ་གཏོར་ཆེན་བཅས་གཟུངས་ཐག་གིས་སྦྲེལ་ལ་སྣེ་མོ་རང་གི་ལག་ཏུ་སླེབ་པར་བྱའོ། །སྒྲུབ་པའི་དུས་ནི་ཡར་ངོའི་ཚེས་བརྒྱད་ནས་གནམ་སྟོང་གི་བར་ལ་བྱ་བར་གསུངས་ཤིང་སྐར་མ་རྒྱལ་འཛོམ་པ་ཞིག་ལ་གཏད་དགོས་སོ། །དེ་ནས་བསྙེན་སྒྲུབ་ཀྱི་སྐབས་སུ་བཤད་པ་ལྟར་ནང་མཆོད་དང་། གནས་ཡོ་བྱིན་རླབས་ནས་བརྩམས། བདག་བསྐྱེད་བཟླས་པའི་བར་དུ་གྲུབ་པར་བྱས་ལ་ཚར་དང་པོའི་སྐབས་གཏོར་ཆེན་སྐོང་གསོའི་ཕྲིན་ལས་ལྟར་བྱིན་རླབས་བྱ། རྗེས་མ་རྣམས་ལ་མི་དགོས། མདུན་རྟེན་རྣམས་བསང་སྦྱང་།</span> <br />སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་ནང་དུ་བྷྲཱུཾ་ལས་བྱུང་བའི་བུམ་པ་ཕྱི་རིན་པོ་ཆེའི་བུམ་པ་མཚན་ཉིད་ཐམས་ཅད་ཡོངས་སུ་རྫོགས་ཤིང་ནང་གཞལ་མེད་ཁང་རྒྱན་དང་བཀོད་པ་ཚད་མེད་པ་དང་ལྡན་པའི་དབུས་དང་། གཏོར་ཆེན་མི་དམིགས་པའི་ངང་ལས་སྣ་ཚོགས་པདྨ་དང་ཉི་མའི་དཀྱིལ་འཁོར་གྱི་གདན་ལ་ཡི་གེ་ཧྲཱིཿདཀར་པོ་ལས་འོད་ཟེར་འཕྲོས། འཕགས་པ་མཆོད། སེམས་ཅན་ཐམས་ཅད་ཀྱི་དོན་བྱས། འོད་ཟེར་ཚུར་འདུས་ཧྲཱིཿཡིག་ལ་ཐིམ། དེ་ཡོངས་སུ་གྱུར་པ་ལས་མགོན་པོ་གཟི་ལྡན་སྟོན་ཀའི་ཟླ་བ་ལྟར་དཀར་ཞིང་བརྗིད་པ། ཞལ་གཅིག་ཁྲོ་འཛུམ་གྱི་རྣམ་པ་ཅན་རབ་ཏུ་བཞད་པ་སྤྱན་གསུམ་དང་ལྡན་ཞིང་། སྨ་ར་སྨིན་མ། དབུ་སྐྲ་ཁམ་སེར་བརྫེས་པ། དཔྲལ་བར་སིནྡྷུ་རའི་ཐིག་ལེས་བྱུགས་པ། ཕྱག་དྲུག་གི་དང་པོ་ན་ཡིད་བཞིན་གྱི་ནོར་བུ་ཐུགས་ཀར་བསྣམས་པ། བར་པས་ནེའུ་ལེ། ཐ་མས་བུམ་པ་བཅུད་ཀྱིས་བཀང་བ་བསྣམས་པ། གཡོན་དང་པོས་གཅོད་པའི་འཁོར་ལོ་བསྐོར་བ། གཉིས་པ་ན་ནེའུ་ལེ། གསུམ་པ་མཐེ་བོང་དང་སྲིན་ལག་སྤྲད་པར་འགུགས་པའི་ཕྱག་རྒྱ་མཛད་པ། ཞབས་འགྲོ་འཆམས་ཀྱི་སྟབས་ཀྱིས་བཞུགས་པ། དར་སྣ་ཚོགས་ཀྱི་ལྷབ་ལྷུབ་དང་། སྟག་ལྤགས་དང་སིལ་ཁྲོལ་དང་ཆུན་འཕྱང་སྣ་ཚོགས་པས་མཛེས་པ། འཁོར་དབང་སྡུད་ཀྱི་མཁའ་འགྲོ་མ།བྱེ་བ་འབུམ་སྡེའི་ཚོགས་ཀྱིས་བསྐོར་ཏེ་མེ་དཔུང་འབར་བའི་དབུས་ན་བཞུགས་པའོ། <span class="tibetan_small">།དེ་ནས།</span> <br />དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པ། རང་གི་སྙིང་ག་ནས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས་མྱུར་མཛད་ཡེ་ཤེས་ཀྱི་མགོན་པོ་གཟི་ལྡན་མཁའ་འགྲོའི་ཚོགས་དང་བཅས་པ་ཐམས་ཅད་བཛྲ་ས་མཱ་ཛཿ <span class="tibetan_small">ནས་སྤྱན་འདྲེན་སོགས་བསྙེན་པའི་སྐབས་ལྟར་ལ།</span> <br />དམ་ཚིག་ཡེ་ཤེས་གཉིས་སུ་མེད་པར་གྱུར། སླར་ཡང་ཐུགས་ཀའི་ས་བོན་ལས་འོད་འཕྲོས། དབང་ལྷ་འཁོར་བཅས་སྤྱན་དྲངས། དེ་བཞིན་གཤེགས་པ་ཐམས་ཅད་ཀྱིས་ལྷ་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས་དབང་ལྷ་རྣམས་ཀྱིས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། ཞེས་གསུངས་ཤིང་བདུད་རྩིའི་ཆུས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པར་གྱུར། བདག་དང་སེམས་ཅན་<span class="tibetan_small">སོགས་ཕྱག་དང་། ཕྱི་ནང་མཆོད་པ་རྣམས་ཀྱང་དེ་ལྟར་ལ།</span> <br />མགོན་པོ་ཡིད་བཞིན་ནོར་བུ་ཐུགས་རྗེ་ཅན། <span class="tibetan_small">སོགས་ཤློ་ཀ་གཅིག་གིས་བསྟོད། དེ་ནས།</span> <br />བྱང་ཆུབ་སྙིང་པོར་མཆིས་ཀྱི་བར། <span class="tibetan_small">།སོགས་ཤློ་ཀ་གསུམ་གྱིས་ཐུན་མོང་མིན་པའི་སྐྱབས་འགྲོ་དང་སེམས་བསྐྱེད་བླང་།</span> <br />མྱུར་མཛད་སྤྱན་རས་གཟིགས་དབང་དང་། །ཕྱོགས་བཅུ་དུས་གསུམ་བཞུགས་པ་ཡི། །རྒྱལ་བ་སྲས་བཅས་<span class="tibetan_small">སོགས་ཀྱིས་ཡན་ལག་བདུན་པ་ཕུལ། གཟུངས་ཐག་བླངས་ལ།</span> <br />མདུན་བསྐྱེད་ཀྱི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་གྷ་ཡིག་གདན་ཐབས་སུ་གནས་པའི་སྟེང་དུ་ཧྲཱིཿཡིག་དཀར་པོ་ལ་སྔགས་ཕྲེང་གཡས་སུ་བསྐོར་བ། རང་གི་ཐུགས་ཀའི་འོད་ཟེར་གཟུངས་ཐག་ལ་བརྒྱུད་དེ་ཐུགས་ཀའི་ས་བོན་ལ་ཕོག་པས་ཐུགས་རྒྱུད་བསྐུལ། དེ་ལས་འོད་ཟེར་ཕྱོགས་བཅུར་འཕྲོས་རྒྱལ་བ་སྲས་དང་བཅས་པ་རྣམས་དང་ཁྱད་པར་ཡེ་ཤེས་མགོན་པོའི་ཐུགས་རྒྱུད་བསྐུལ། ཐམས་ཅད་ཀྱང་མགོན་པོའི་སྐུ་གསུང་ཐུགས་ཀྱི་ཕྱག་རྒྱ་འོད་ཟེར་གྱི་རྣམ་པར་སྤྱན་དྲངས་ནས་ཐིམ་པས་བྱིན་རླབས་དང་གཟི་བརྗིད་རབ་ཏུ་འབར་བའི་འོད་ཟེར་བུམ་པའི་རྫས་ལ་ཕོག་པས། འདོད་རྒུ་འབྱུང་བའི་རིན་པོ་ཆེ་དང་འཆི་མེད་བདུད་རྩིའི་རྒྱ་མཚོར་གྱུར། ཡང་འོད་ཟེར་འཕྲོས་པས་ཕྱོགས་བཅུའི་འཇིག་རྟེན་ཁམས་རབ་འབྱམས་རྒྱ་མཚོ་ནས་དགོས་འདོད་དཔལ་འབྱོར་ཕུན་ཚོགས་མ་ལུས་པ་ཐམས་ཅད་བསྡུས་ཏེ་ནོར་བུའི་ཆར་ཆེན་པོ་བབས་པས།གནས་ཁང་བང་མཛོད་བུམ་པའི་ནང་ཐམས་ཅད་ཁེངས་པར་<span class="tibetan_small">བསམ་ལ།</span> <br />ཨོཾ་མ་ཧཱ་ཀཱ་ལ་གྷ་ཎ་པ་ཏ་ཡེ་སྭཱ་ཧཱ། <span class="tibetan_small">ཞེས་པའི་སྙིང་པོ་སྨྲ་བ་བཅད་ལ་བསྒྲང་། ཉིན་རེར་ཐུན་གསུམ་གསུམ་བཅད་ལ། ཐུན་རེ་རེའི་མཇུག་ཏུ་གཏོར་འབུལ་ལན་བདུན་རེ་བྱས་པས་ཉེར་གཅིག་ཏུ་འགྱུར་རོ། །དེའང་བཟླས་པའི་ཐུན་མཐར་གཏོར་མ་ཟླུམ་པོའམ་མཐེབ་ཀྱུ་གང་རུང་བདུན་རེ་སྣོད་སོ་སོར་བཤམས། འབྲུ་སྣ་སོགས་ཡོད་ནའང་བཏབ། ཆུ་དང་ནང་མཆོད་ཀྱིས་བྲན་ལ་བསྙེན་པའི་ཕྲིན་ལས་གཏོར་འབུལ་སྐབས་སུ་སྨོས་པ་ལྟར་བྱིན་རླབས་བྱ། གཏོར་ཆེན་མགོན་པོ་དངོས་སུ་གསལ། གཏོར་ཆུང་རེ་རེ་བཞིན་རང་ངམ་མཆོད་གཡོག་པའི་ལག་པ་གཡས་པས་བཏེག་ལ།</span> <br />མགོན་པོའི་ལྗགས་རྡོ་རྗེའི་སྦུ་གུས་གཏོར་མའི་བདུད་རྩི་དྲངས་ཏེ་གསོལ་བས་མཉེས་ཤིང་གཟི་བརྗིད་དང་ལྡན་པར་བསྒོམས་<span class="tibetan_small">ལ་མ་ཡེངས་བར། རྩ་སྔགས་སིདྡྷི་མ་དང་བཟླས་སྔགས་གཉིས་ཀའི་གཤམ་དུ།</span> <br />བ་ལིང་ཏ་ཁ་ཁ་ཁཱ་ཧི་ཁཱ་ཧི། <span class="tibetan_small">བཏགས་པ་ལན་བདུན་མ་རྫོགས་བར་རེ་རེ་བཞིན་འབུལ་བས་གཏོར་ཆུང་རྣམས་གཏོར་ཆེན་ནང་དུ་འབུལ།</span> <br />ཤཱ་ས་ན<span class="tibetan_small">འི་སྔགས་ཀྱིས་དམ་ཅན་སྦྱི་ལ་འབུལ་ཞིང་།</span> <br />མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་<span class="tibetan_small">སོགས་དང་། བཟླས་སྔགས་ལ་འབྲུ་གསུམ་བཏགས་པས་ནང་མཆོད་འབུལ། བསྟོད་པ་ཤློ་ཀ་གཅིག་པུ་རེའམ། སྤྲོ་ན།</span> <br />བཅོམ་ལྡན་འཕགས་པ་སྤྱན་རས་གཟིགས། །ཐུགས་རྗེ་ཁྲོས་པའི་སྐུར་བཞེངས་པ། །འགྲོ་བ་ཉམ་ཐག་རྣམས་ཀྱི་མགོན། །འདོད་རྒུའི་ཆར་འབེབས་ཁྱོད་ལ་བསྟོད། །གངས་རིའི་མདོག་ཅན་བརྗིད་ཅིང་སྒེག །ཁྲོ་འཛུམ་ཞལ་གྱིས་སྒྲུབ་ལ་གཟིགས། ཕྱིན་དྲུག་ཕྱག་གིས་གདུལ་བྱ་འདུལ། །ཇོ་བོ་གཟི་ལྡན་སྐུ་ལ་བསྟོད། །དར་དང་རིན་ཆེན་རྒྱན་གྱིས་སྤྲས། །གསོལ་བཏབ་ཙམ་གྱིས་རེ་བ་སྐོང་། །ཡིད་བཞིན་ནོར་བུ་དཔག་བསམ་ཤིང་། །བུམ་པ་བཟང་པོ་མཚུངས་ལ་བསྟོད། །སྔོན་གྱི་ཐུགས་དམ་དགྱེས་དགོངས་ཏེ། །མཆོད་བསྟོད་གསོལ་བ་འདེབས་པ་ལ། །དངོས་གྲུབ་ནམ་མཁའ་མཛོད་ཀྱི་སྒོ། །ཐོགས་མེད་མྱུར་དུ་བྱ་བར་མཛོད། <span class="tibetan_small">།ཅེས་བསྟོད། ཐལ་མོ་སྦྱར་ཏེ་མོས་པ་རྩེ་གཅིག་པས།</span> <br />བཅོམ་ལྡན་འདས་ཡིད་བཞིན་ནོར་བུ་གཟི་ལྡན་ཐུགས་རྗེ་ཅན་<span class="tibetan_small">སོགས་ཚིག་ལྷུག་པའི་གསོལ་གདབ་གོང་དུ་སྨོས་པ་དང་།</span> <br />ཇོ་བོ་གཟི་ལྡན་བདག་ལ་དགོངས་སུ་གསོལ། །བདག་མིང་འདི་ཞེས་བྱ་བ་ཡིས། །རྫོགས་པའི་བྱང་ཆུབ་བསྒྲུབ་པ་ལ། །སྦྱིན་པ་ཡོངས་སུ་རྫོགས་བྱའི་ཕྱིར། །འབྱོར་པ་ཆེན་པོའི་དངོས་གྲུབ་སྩོལ། <br /><span class="tibetan_small">།ཞེས་པས་གསོལ་བ་ལན་བདུན་བཏབ། །ཡིག་བརྒྱ་བརྗོད་པ་སོགས་ཀྱིས་ནོངས་པ་བཟོད་གསོལ་བྱ། ཐུན་ཕྱི་མ་རྣམས་ལ། གཏོར་ཆེན་སོགས་འབྲུ་བྲན་གྱིས་གསོ། གཏོར་ཆུང་ངམ་མཐེབ་ཀྱུ་གསར་དུ་བཤམས། །མཆོད་པ་ཁ་གསོ་དང་བྱིན་རླབས་བྱ། བདག་བསྐྱེད་བསྙེན་བཟླས་སོགས་གྲུབ་ན་ལེགས། མ་གྲུབ་ན་གསོལ་འདེབས་ཙམ་བྱ། མདུན་བསྐྱེད་མན་ཆད་བསྐྱར། དགོངས་མོར་ཚོགས་མཆོད་སྤྱི་འགྲོ་གྲུབ་ན་ལེགས་ཤིང་། ནོངས་བཤགས་ཡན་གྲུབ་པ་དང་། མདུན་བསྐྱེད་བརྟན་བཞུགས། བདག་བསྐྱེད་བསྡུ་ལྡང་། བསྔོ་སྨོན་ཤིས་བརྗོད་བྱ། དེ་ལྟར་རྟགས་ཐོན་ནས་ཞག་གྲངས་བདུན་ནམ་ཉེར་གཅིག་སོགས་གྲུབ་པའི་ནམ་ལངས་ལྟ་བུར་ཐུན་ཐ་མར་བྱས་ནས། བཟླས་པ་གྲུབ་པ་དང་། གཏོར་ཆེན་གྱི་ཡེ་ཤེས་པ་མདུན་གྱི་ནམ་མཁར་བཞུགས་པར་གྱུར་པར་མོས་ལ། ཁ་གསོ་བྱིན་རླབས་རྒྱས་པར་བྱ། ནམ་མཁར་བཞུགས་པ་དང་བུམ་པར་བསྐྱེད་པའི་མགོན་པོ་གཉིས་ཀར་དམིགས་ཏེ་འབུལ་ལ་མཆོད་བསྟོད་དང་སྤྲོ་ན་སྤྱི་བསྟབ་ཀྱང་བྱས་ལ་འཁོར་རྣམས་ཀྱི་གཏོར་མའི་རྩེ་ནས་ཅུང་ཟད་རེ་ནམ་མཁར་མཆོད། གསོལ་གདབ་ནོངས་བཤགས་མཐར་ནམ་མཁའི་མགོན་པོ་བུམ་སྐུ་འཁོར་ལོ་སྐུ་རྟེན་རྣམས་ལ་བསྟིམས་ནས་བརྟན་བཞུགས་དང་། བསྔོ་སྨོན་ཤིས་བརྗོད་བྱས། སྒྲུབ་པའི་ཚེ་མཚམས་དམ་དུ་བཅད་གཞན་ལ་གསང་། ངག་བཅད། སྒྲུབ་རྫས་ཕྱིར་མི་འདོན། སྟན་མི་སྤྲུགས། ཕྱག་དར་མི་བྱ། མི་གཙང་བ་དང་དམ་ཉམས་ཀྱི་རྫས་ནང་དུ་མི་ཁྱེར་བ་སོགས་སྤྱོད་ལམ་གཟབ། སྒྲུབ་པ་ཚར་ནས་འཁོར་ལོ་ལུས་ལ་བཅངས་པས་གང་འདོད་རྣམས་དབང་དུ་འགྱུར་བར་གསུངས། བུམ་པའི་རྫས་རྣམས་ཐོད་པ་མཚན་ལྡན་དུ་བླུགས། དེ་ནང་སྐུ་བརྙན་གྱི་ཞལ་དཔྲལ་བར་བསྟན་ལ་བཅུག །གཏེར་སྒྲོམ་སོགས་སུ་གཞན་གྱིས་མི་མཐོང་བར་བཞུགས་པའི་མདུན་དུ་འཛིན་གཏོར་བཅས་ནུབ་རེ་བཞིན་འབུལ། བུམ་རྫས་ལྷག་མ་འབྲུ་སོགས་དང་སྒྲུབ་པའི་གཏོར་མ་གཞན་ལ་མི་སྦྱིན་པར་རང་ཁོ་ནས་དངོས་གྲུབ་ཏུ་བླང་། སྒོ་ནོར་དང་ནང་མི་རྩིས་ཆེན་ལ་སྦྱིན་རུང་བར་བཤད། སྒྲུབ་པ་བྱེད་པའི་དུས་སུ་ནོར་ཟས་འབུལ་བ་བྱུང་ན་བཟང་། རྟགས་ནི་དངོས་ཉམས་རྨི་ལམ་དུ་ཞལ་མཐོང་བ་དང་། མེ་ཏོག་གི་ཚལ་མཐོང་བ་དང་ཐུ་བ། གཞན་གྱིས་ཟས་ནོར་གོས་གསར་སྦྱིན་པ། ཆུའི་ལོངས་སྤྱོད་བྱེད་པ། གོ་ཆ་དམག་མི་རྨི་བ་སོགས་བཟང་། གཞན་བཟང་ངན་གྱི་རྟགས་སྤྱི་དང་འདྲ། མ་འགྲུབ་ན་ལན་གསུམ་བསྐྱར་ན་ངེས་པར་འགྲུབ་པར་བཤད། གྲུབ་རྟགས་གཞན་ལ་མི་བཤད། ཟས་ནོར་ཅི་བྱུང་ཡང་དཀོན་མཆོག་མཆོད་པ་དང་དབུལ་ཕོངས་ལ་སྦྱིན། རང་ལ་ཆགས་ཞེན་གཏན་ནས་མེད་པར་བྱ། འདིའི་ཡིག་ཆ་ཡོད་པ་ཙམ་གྱིས་བང་མཛོད་འཕེལ། ལོ་ཕྱུགས་ལེགས། བསམ་པ་འགྲུབ་པར་གསུངས་སོ། །གཏོར་སྒྲུབ་འདི་ཉིད་མགོན་པོ་ཡིད་བཞིན་ནོར་བུ་ལ་སྦྱར་ཡང་ཆོག་ཅིང་། དེའི་ཚེ་ནི་བུམ་པའི་བཅས་མི་བྱ་བར་གཏོར་མ་ཁོ་ན་ལ་བརྟེན་ཅིང་། མདུན་བསྐྱེད་ཡིད་བཞིན་ནོར་བུའི་སྒྲུབ་ཕྲིན་གོང་གི་སྐོང་གསོའི་ཕྲིན་ལས་ལྟར་བཏང་ཞིང་རྩ་སྔགས་སིདྡྷི་མ་ལ་བྱ། གཉིས་ཀ་ལའང་ཐུན་དང་བསྙེན་རྒྱུན་བྱུང་ན་མཆོག་ཏུ་འགྱུར་རོ། </span><br /><span class="tibetan_small">༈ །ཞར་བྱུང་དབང་སྡུད་ཀྱི་འཁོར་ལོ་བྲི་ཐབས་ནི། ཡར་ངོའི་ཚེས་བརྒྱད་དམ་བཅུ་བཞི་སྐར་མ་རྒྱལ་འཛོམས་པའི་སྔ་དྲོར་ཁ་ནུབ་ཏུ་བལྟས་ཏེ་འདི་ཉིད་ཀྱི་བདག་བསྐྱེད་བཟླས་པ་བཅས་བྱས་ཏེ།དེའི་ང་རྒྱལ་ལ་གནས་པས། དར་རས་གྲོ་ཤོག་གང་འཛོམ་དམར་པོའི་ངོས་ལ། གུར་གུམ། གི་ཝཾ། སིནྡྷུ་ར། པདྨ་རཀྟ། རྒྱ་སྐྱེགས། ཙན་དན་དམར་པོ་རྣམས་མཚལ་ལ་བསྲེས་པའི་ཁུ་བས་འཁོར་ལོ་རྩིབས་བརྒྱད་མུ་ཁྱུད་དང་བཅས་པའི་ལྟེ་བར་ཧྲིཿདེའི་མདུན་ནས་བརྩམས་ཏེ་གཡས་སྐོར་དུ་སྙིང་པོ་བཅུ་གསུམ་མའི་གཤམ་དུ། དམིགས་གསལ་ཡོད་ན་དང་། སྤྱིར་</span>སརྦ་ལོ་ཀ་པཱ་ཤཾ་ཀུ་རུ་ཧོཿ<span class="tibetan_small"> ཞེས་བཏགས་པ་བྲི། རྩིབས་བརྒྱད་ལ་སྔགས་དེ་ཉིད་ཞལ་ནང་དུ་བསྟན་པ་ཚར་རེ་དང་། དེ་རྒྱབ་མུ་ཁྱུད་ལ་ཨཱ་ལི་ཀ་ལི་གཡས་བསྐོར་དུ་བྲིས་པ་སྟེགས་བུའི་ཁར་བཞག་མདུན་དུ་མཆོད་གཏོར་བཤམས། མགོན་པོ་བསྐྱེད་བསྟིམས་མཆོད་བསྟོད་གཏོར་འབུལ་བྱ། ཐུགས་ཀའི་མཁའ་འགྲོ་མ་ཤངས་བུག་གཡོན་ནས་ཐོན་ཏེ་འཁོར་ལོ་དང་འདྲེས་པར་མོས་ལ་རྩ་སྔགས་བཅུ་གསུམ་མ་སྟོང་ངམ་བརྒྱ་རྩ་བརྒྱད་བཟླས་པའི་མེ་ཏོག་འཐོར་ལ་བརྟན་བཞུགས་བྱ། དབང་གི་ལས་དམིགས་གསལ་ལ་བསྒྲུབ་བྱའི་རྣམ་ཤེས་བཀུག་ནས་ལན་མང་དུ་ཙཀྲ་ལ་བསྟིམ། འཁོར་ལོ་བལྟེབས་ལ་གཞོན་ནུ་མ་མ་ཉམས་པས་བཀལ་པའི་སྐུད་པ་དམར་པོས་འཁོར་ལོ་མི་མཐོང་བར་དཀྲི། ལུས་ལ་བཅངས་ན་ཞག་རེ་བཞིན་སྤེལ་ཚིག་དང་བཅས་པའི་བཟླས་པ་ཆག་མེད་དུ་བྱ་གསུངས་སོ།</span> <br /><span class="tibetan_small">༈ །གཉིས་པ་གཏེར་བུམ་སྒྲུབ་པའི་ཚུལ་ནི། འདིའི་བསྙེན་པ་སྔོན་དུ་སོང་ནས་བསྟན་དགོན་སོགས་ལ་ཕན་པའི་ཆེད་དུ་བུམ་གཏེར་འཛུགས་ན། བུམ་པ་གཅིག་གམ་མང་པོའང་རུང་། ཡུལ་གྱི་བྲེ་ཚད་དོ་ཤོང་བ་ལས་མི་ཆུང་བ་ཆག་གས་མེད་པ་ལ་རྩི་དཀར་པོས་བྱུགས། བཀྲ་ཤིས་རྟགས་རྫས་ཀྱི་རི་མོ་བྲི། མདུན་རྟགས་དང་བཅས་པའི་ནང་དུ་ནས་དཀར་མོ་སད་སེར་འབུ་སྲིན་གྱིས་ཟོས་པའི་སྐྱོན་མེད་པ་དང་། བྲ་སྲན་ས་རྡོ་མ་འདྲེས་པའི་འབྲས་གྲོ་རྣམས་ཕྱུག་པོའི་བང་མཛོད་ནས་བྱུང་བའམ། མ་འབྱོར་ན་གཞན་ཡང་རུང་ཞིང་། གཞན་ཡང་བུམ་རྫས་རིན་ཆེན་སྣ་ཚོགས། ཨ་རུ་གསེར་མདོག་དང་བཟང་དྲུག་དང་བུམ་རྫས་ཉེར་ལྔ་སོགས་སྨན་སྣ་ཚོགས། གོས་དར་དང་རས་སྣ་ཚོགས་ཀྱི་རས་མ། རྒྱ་ངའི་རིགས། ཤ་མར། མངར་གསུམ། ཤིང་ཐོག་གི་རིགས། བཀྲ་ཤིས་པའི་ས་སྣ་ཆུ་སྣ། རྟ་ཕྱུགས་ཀྱི་སྤུ་ལ་སོགས་པ་འབྱོར་ཚད་ཀྱིས་ཁེངས་པར་བཀང་། དེའི་ནང་ལྟོ་བའི་སྟོད་ཙམ་དུ་མགོན་དཀར་གྱི་སྐུ་གཟུགས་རབ་གནས་ཅན་ཞལ་མདུན་དུ་བསྟན་པ་དང་རྩ་སྔགས་བཅུ་གསུམ་པའི་མཇུག་ཏུ།</span> <br />མགོན་པོ་ཡིད་བཞིན་ནོར་བུ་འཁོར་དང་བཅས་པ་རྟེན་འདི་ལ་གནས་པར་མཛད་དུ་གསོལ། གནས་འདིར་སྲིད་པ་གསུམ་གྱི་སྐྱེ་བོ་ཐམས་ཅད་གུས་པས་འདུ་ཞིང་འབྱོར་པ་ཐམས་ཅད་ཆུ་བོའི་རྒྱུན་བཞིན་དུ་འདུ་བར་མཛད་དུ་གསོལ། <span class="tibetan_small">ཅེས་འདོད་གསོལ་ཤོག་བུ་ལ་གསེར་དངུལ་མཚལ་གང་འབྱོར་གྱིས་དབུ་ཅན་དུ་བྲིས་པར་ག་བུར། གུར་གུམ། ཙན་དན་དམར་པོ། རང་བྱུང་། གི་ཝཾ་སོགས་ཀྱིས་བྱུགས་པ་སྐུ་གཟུགས་ཀྱི་ཕྱོགས་བཞིར་ཞལ་ནང་བསྟན་དུ་གཞུག་པར་གསུངས་ཀྱང་མི་བདེན་དབུ་ནས་བསྒྲིལ་ལ། མགོ་མཇུག་མི་ལོག་པར་བྱས་ཏེ་སྐུ་གཟུགས་ཀྱི་ཕྱོགས་བཞི་འམ་གང་བདེར་བཞུགས་སུ་གསོལ། སྔར་གྱི་འབྲུ་སྣ་ལ་སོགས་པས་མི་འཁྲུལ་བར་འཐས་པར་བརྫངས་ལ། ལུག་དང་མའི་སོག་པ་གཡས་པའི་བལ་རྩི་མེད་པས་ཁ་ནས་བཀབ། དེའི་སྟེང་དུ་མཐིང་ཤོག་ལ་གསེར་གྱིས་རྡོ་རྗེ་རྒྱ་གྲམ་བྲིས་པ་དང་ཁ་འགེགས་ཀྱིས་ཁ་བཀབ། ཚོན་སྣ་ལྔའི་སྐུད་པས་མགྲིན་པ་བཅིངས་པའི་ལྷག་མས་ཁ་འགེབས་ཀྱི་སྟེང་ནས་རྒྱ་གྲམ་དུ་གཏམ། དེ་དང་མཉམ་དུ་དབང་གི་འཁོར་ལོ་སྒྲུབ་ནའང་རུང་བས། སྒྲུབ་པའི་ཚེ་བུམ་པའི་མགུལ་བར་བཏགས་ལ་བཞག་གོ །དེ་ལྟ་བུའི་བུམ་པ་མང་པོ་ཡོད་ན་ལྷན་ཅིག་ཏུ་བསྒྲུབ་སྟེ། བུམ་པ་རྣམས་མེ་ཏོག་གིས་བཀྲམ་པའི་སྟེགས་ཀྱི་ཁར་བཞག་ལ་གཟུངས་ཐག་གིས་སྦྲེལ། དེའི་མདུན་དུ་སྣོད་ཡངས་ཤིང་གས་ཆག་མེད་པར་མགོན་པོའི་འབུལ་གཏོར་ཅོག་ཟླུམ་ཆེ་བ། མཐེབ་ཀྱུས་བསྐོར་བ་ལ་མར་རྒྱན་ཉི་ཟླ་ནོར་བུས་མཚན་པ། དེའི་གཡས་སུ་མཁའ་འགྲོ་སྤྱི་གཏོར། རྒྱབ་ཏུ་གནོད་སྦྱིན། གཡོན་དུ་གཞི་བདག་གཏོར་མ་རྣམས་བུ་རམ་སོགས་ཟས་སྣས་བརྒྱན་པ། མཐར་ཆུ་གཉིས་ཉེར་སྤྱོད་བཤམས། སྒྲུབ་པ་པོའི་མདུན་དུ་ནང་མཆོད་ཌཱ་དྲིལ་མེ་ཏོག་སོགས་མཁོ་བའི་ཡོ་བྱད་རྣམས་ཚོགས་པར་བྱས་ལ། ཐོག་མར་བུམ་པ་ལ་སྦྱོང་ཁྲུས་རྒྱས་པར་བྱ། དེ་ནས་བསྡུ་ན་བསྙེན་སྒྲུབ་ཀྱི་ཕྲིན་ལས་དང་། རྒྱས་པར་སྤྲོ་ན་སྐོང་གསོའི་ཕྲིན་ལས་དང་སྦྲེལ་ཡང་ཆོག །གོང་ལྟར་ནང་མཆོད། གནས་ཡོ་བྱིན་རླབས་ནས་བརྩམས་བདག་བསྐྱེད་བཟླས་པ་དང་བཅས་པ་བྱ། མདུན་རྟེན་རྣམས་ནང་མཆོད་ཀྱིས་བྲན་ལ། བསང་སྦྱང་།</span> <br />སྟོང་པའི་ངང་ལས་བུམ་པའི་གྲངས་དང་མཉམ་པའི་པཾ་ལས་པདྨ་དང་ཨཱཿལས་ཟླ་བའི་དཀྱིལ་འཁོར་གྱི་སྟེང་དུ་བྷྲཱུཾ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བའི་ནང་དུ་རིན་པོ་ཆེ་དང་། འབྲུ་བཅུད་དང་། ཟས་ནོར་ལོངས་སྤྱོད་ལྷ་མིའི་དཔལ་འབྱོར་ཕུན་སུམ་ཚོགས་པས་ཡོངས་སུ་གང་བར་གྱུར་<span class="tibetan_small">པར་བསམ་ལ། སྔགས་དྲུག་ཕྱག་དྲུག་གིས་བྱིན་རླབས་བྱ། འདི་ཚར་དང་པོའི་སྐབས་ལས་རྗེས་མ་རྣམས་ལ་མི་དགོས།</span> <br />བུམ་པ་རིན་པོ་ཆེའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་ཤིང་རྒྱན་དང་བཀོད་པ་ཕུན་སུམ་ཚོགས་པའི་དབུས་སུ་པཾ་ལས་པདྨ་<span class="tibetan_small">སོགས་ཀྱིས་མདུན་རྟེན་ལྷར་བསྐྱེད། ཡེ་ཤེས་པ་སྤྱན་འདྲེན་ནས་མཆོད་བསྟོད་ཀྱི་བར་གྲུབ་ནས། བཟླས་པ་བྱ་བ་ནི། བུམ་པར་གཟུངས་ཐག་བཏགས་ལ་བཟུང་ནས།</span> <br />རང་དང་མདུན་བསྐྱེད་ཀྱི་མགོན་པོ་རྣམས་ཀྱི་ཐུགས་ཀའི་མཁའ་འགྲོ་མ་རྣམས་ལས་དེ་འདྲ་བའི་དབང་སྡུད་ཀྱི་མཁའ་འགྲོ་མ་དཔག་ཏུ་མེད་པ་འཕྲོས། འཇིག་རྟེན་གྱི་ཁམས་ཐམས་ཅད་ཁྱབ། ལྷ་མི་ཀླུ་དང་བཅས་པའི་ཚེ་དང་བསོད་ནམས། སྟོབས་དང་དཔལ་འབྱོར། ལོངས་སྤྱོད་དབང་ཕྱུག །སྙན་གྲགས་རིགས་བརྒྱུད། རིན་པོ་ཆེ་དང་འབྲུ་རིགས་དང་། རྟ་ཕྱུགས་འཕེལ་བ་ལ་སོགས་པ་འབྱོར་བའི་ཁྱད་པར་ཡིད་ལ་ཇི་ལྟར་འདོད་པ་ཐམས་ཅད་བཀུག་སྟེ། བུམ་པའི་ནང་གི་རྫས་རྣམས་ལ་གཉིས་སུ་མེད་པར་བསྟིམས་པས་འདོད་དགུའི་དཔལ་འབྱོར་ཟད་མི་ཤེས་པའི་གཏེར་གྱི་བུམ་པ་བཟང་པོར་གྱུར། བུམ་པའི་ནང་གི་དཔལ་འབྱོར་ཕུན་སུམ་ཚོགས་པ་རྣམས་རབ་ཏུ་རྒྱས་ཤིང་ཁ་ནས་ལུད། མགོན་པོའི་ཕྱག་གི་བུམ་པ་དང་ཐོད་པ་ནས་ཀྱང་ལུད། ཚོགས་བདག་གི་ཁ་དང་བཤང་ལམ་དང་ནེའུ་ལེ་རྣམས་ལས་ཀྱང་རིན་པོ་ཆེ་སྣ་ཚོགས་པ་ལྷུག་ལྷུག་བབ་པས་གནས་ཁང་དང་། གཙུག་ལག་ཁང་དང་། ཕོ་བྲང་བང་མཛོད་ལ་སོགས་པའི་ནང་ཐམས་ཅད་ཕྱུར་བུར་ཁེངས་པས། བདག་ཅག་དཔོན་སློབ་ཡོན་མཆོད་འཁོར་དང་བཅས་པས་མཚོན་པའི་སེམས་ཅན་ཐམས་ཅད་འདོད་དགུའི་དཔལ་འབྱོར་འཛད་པ་མེད་པའི་གཏེར་ལ་ལོངས་སྤྱོད་པར་གྱུར་<span class="tibetan_small">པར་བསམ་ལ་རྩ་སྔགས་བཅུ་གསུམ་པ་ཅི་ནུས་སུ་བཟླའོ། །ཐུན་བསྡུ་བའི་ཚེ། གཏོར་འབུལ། མཆོད་བསྟོད། ནོངས་པ་བཟོད་གསོལ་བྱས་ལ། ཐལ་མོ་མེ་ཏོག་དང་བཅས་ཏེ།</span> <br />མགོན་པོ་ཡིད་བཞིན་ནོར་བུ་འཁོར་བཅས་ཁྱེད་རྣམས་རྟེན་འདི་དག་ལ་བརྟན་པར་བཞུགས་སུ་གསོལ། བརྟན་པར་བཞུགས་ནས་གནས་འདིར་མཁྱེན་ལྡན་དང་སྟོབས་ལྡན་འབྱོར་ལྡན་གྱིས་མཚོན་པའི་སྐྱེ་འགྲོ་ཐམས་ཅད་འདུ་ཞིང་སྲིད་ཞིའི་དཔལ་འབྱོར་ལོངས་སྤྱོད་ཕུན་སུམ་ཚོགས་པ་ཐམས་ཅད་རྒྱ་མཚོ་ཆེན་པོ་ལ་ཆུ་བོའི་རྒྱུན་བཞིན་དུ་འདུ་བར་མཛད་དུ་གསོལ། <span class="tibetan_small">ཞེས་དང་།</span> <br />སུ་པྲ་ཏིཥྛ་<span class="tibetan_small">སོགས་ཀྱིས་མེ་ཏོག་འཐོར། དེ་ལྟ་བུའི་བརྟན་བཞུགས་འདི་ཉེར་གཅིག་གམ་ལྔ་བཅུའམ་བརྒྱ་རྩ་བརྒྱད་ཀྱི་བར་ཅི་ནུས་སུ་བྱ་བར་བཤད་དོ། །དེ་ནས་དགེ་བསྔོ་བཀྲ་ཤིས་བྱ། དེ་ལྟ་བུས་རབ་རྟགས་མཐོང་བ་དང་། ཐ་མ་ཞག་གྲངས་བདུན་ལ་སོགས་པ་ཅི་ནུས་སུ་བསྒྲུབ། སྒྲུབ་པ་ཟིན་ནས་འཁོར་ལོ་ཡོད་ན་དགེ་འདུན་གྱི་གཙུག་ལག་ཁང་ངམ་རྟེན་བཞེངས་ཀྱི་ནང་ངམ། བུམ་པ་དང་མཉམ་དུ་འཇོག་པའམ། རང་གི་ལུས་ལ་བཅངས་པ་གང་རུང་བྱ་བ་དང་། བུམ་པ་ནི་གང་དུ་འཇོག་པའི་ས་དེར་སྒྲུབ་པ་ཡིན་ན་དེར་གཞན་གྱིས་མི་མཐོང་བར་བྱས་ནས་སྦས་པས་ཆོག །གཞན་རྟེན་གྱི་ནང་ངམ་གཙུག་ལག་ཁང་དང་རང་གི་གནས་ཁང་གི་མཛོད་ཀྱི་ཕུག་སོགས་ལ་གདན་དྲང་དགོས་ན་གྱང་ལོགས་ལྟ་བུ་ལ་གྲུ་བཞིར་བརྐོས་པའམ་སྒམ་ནང་ལྟ་བུར་འཛོམ་ན་མཚལ་གྱིས་བྱུགས་པའི་ལོགས་བཞིར་སིནྡཱུ་རའི་གཡུང་དྲུང་རིས་བྲིས་པའི་བཞུགས་གནས་སུ། བུམ་པ་སྤོས་དུད་རོལ་མོ་དང་བཅས་པས་སྤྱན་དྲངས་ལ། འོག་ཏུ་རས་ལ་པདྨ་བྲིས་པའི་སྟེང་། བུམ་པའི་མདུན་མཛོད་སྒོ་དང་མི་འཕྲོད་པར་བཞག །སྟེང་དུ་དར་གྱི་གུར་དང་མདུན་དུ་མར་ཁུས་སྦྲུས་པའི་གཏོར་མ་ནོར་བུས་བརྒྱན་པ་སྔར་བཞིན་བཤམས། སླར་ཡང་ཕྲིན་ལས་བསྡུས་པའི་སྒོ་ནས་བསྐྱེད་བསྟིམས་མཆོད་བསྟོད་བཟླས་དམིགས་གཏོར་འབུལ་བརྟན་བཞུགས་ཤིས་བརྗོད་རྣམས་ཚང་བར་བྱས་ལ། རྡོའམ་འདགས་ལ་གཡུང་དྲུང་རིས་བྲིས་པས་བཀབ། གྱང་ལོགས་ཡིན་ན་ཕྱི་ནས་ཞལ་ཞལ་བྱས་ཏེ་མི་མངོན་པར་བྱས། གཏེར་བུམ་འདི་ནི་དགེ་འདུན་གྱི་གཙུག་ལག་ཁང་། རྟེན་ཁྱད་པར་ཅན། སྒྲུབ་པ་པོའི་བསྟི་གནས། རྒྱལ་པོའི་ཕོ་བྲང་སོགས་ལ་བསྔགས་ཀྱི། ཆོས་སྐྱོང་གི་རྟེན་ཐུན་མོང་མ་ཡིན་པའི་ཕྱིར། སྐྱེ་བོ་ཕལ་པའི་གནས་དང་ར་བ་སོགས་སུ་བཞག་པར་བྱ་བ་མ་ཡིན་ཅིང་། ཅིས་ཀྱང་བཞག་ན་ཤིས་བརྗོད་ཙམ་ལས་བསྐྱེད་བསྟིམས་དང་དམིགས་བཟླས་རྣམས་ནི་མི་བྱའོ། །འདི་ཉིད་གང་དུ་བཞུགས་པའི་ཕྱོགས་དེར་འབྱོར་པ་ཟད་མི་ཤེས་པར་འབྱུང་བར་གསུངས་སོ། </span><br /><span class="tibetan_small">༈ །ལྔ་པ་སྲེག་བླུགས་ཀྱི་ཆོ་ག་ནི། འདི་ཉིད་གཙོ་བོར་རྒྱས་པ་དང་། དབང་གི་ཕྲིན་ལས་ལ་བསྔགས་པས་དེའི་ལག་ལེན་བཤད་པ་ལ་གཉིས། རྒྱས་པ་དང་། དབང་གི་སྦྱིན་སྲེག་གོ </span><br /><span class="tibetan_small">།དང་པོ་ལ། སྦྱོར་བ། དངོས་གཞི། རྗེས་གསུམ་ལས། </span><br /><span class="tibetan_small">དང་པོ་ནི། བསྙེན་པ་དང་སྒྲུབ་པའི་རྗེས་སམ་གཞན་ཏུའང་རུང་། ཡར་ངོའི་སྔ་དྲོ་ལྟ་བུར་མེ་ཐབ་པདྨ་འདབ་བརྒྱད་ལྟེ་བར་ཉི་གདན། ཁ་ཁྱེར་མུ་རན་ལ་རིན་པོ་ཆེའི་ཕྲེང་བས་བསྐོར་བ། གཞི་སེར་པོ་ལ་བཅད་ཚོན་དམར་སེར་གྱིས་བྲི། ཉི་གདན་ལ་འབྲས་སམ་རྡུལ་ཚོན་གྱིས་ཚོམ་བུ་དཀར་པོ་གཅིག་བཀོད། བུད་ཤིང་ཚེར་མ་ཅན་མ་ཡིན་པའི་འབྲས་བུ་ཅན་གྱི་ཤིང་། སེར་ཞིང་དྲི་ཞིམ་པོའི་དབུས་ཀྱི་ཆ་ལས་བྱུང་བའམ། དེ་མེད་ན་སྲོག་ཆགས་མེད་པའི་ནགས་ཀྱི་ལྕིབ་ཐབ་ཀྱི་ཁ་ཁྱེར་གྱི་སྟེང་ནས་དཔང་ས་ཁྲུ་གང་ཙམ་གྲུ་བཞིར་བརྩེགས་པའི་ནང་གི་འཇིག་རྟེན་པའི་ཤར་ལྷོའི་མཚམས་སུ་ཏིང་ལོ་ཆེ་བ་ཞིག་བཞག་པ་ཁ་བྱང་ནས་ལྷོར་བསྟན། སྒྲུབ་པ་པོ་ཁ་ལྷོ་ནས་བྱང་དུ་བསྟན་ནས་གདན་སེར་པོའི་སྟེང་དུ་ཆས་གོས་སེར་པོ་བཅས་རྒྱས་པའི་སེམས་དང་བཟང་པོའི་སྟབས་ཀྱིས་འདུག་པའི་བར་དུ་གངས་རི་བྲིས་པའི་མེ་ཡོལ་བཞག །རང་གི་མདུན་དུ་བསང་ཆུའི་སྣོད་དུང་ཕོར་སོགས་དང་། ཀུ་ཤའི་འཐོར་གཡབ། རྡོར་དྲིལ་ནང་མཆོད་རྣམས་བཤམས། རྡོ་རྗེ་དྲིལ་བུའི་བར་དུ་དགའ་གཟར་བླུགས་གཟར་ཁ་སྦྱར་ལ་བཞག །ཀུ་ཤའི་ཆུན་པོ་བརྒྱད། དཔལ་འབར་ཞིག་ཀྱང་སྟ་གོན་བྱ། རང་གི་གཡོན་ཐབ་ཀྱི་གཡས་ནས་ཆུ་གཉིས་སྔོན་འགྲོའི་ཉེར་སྤྱོད་དང་། འཇིག་རྟེན་དང་འཇིག་རྟེན་ལས་འདས་པའི་གཏོར་མ་གཉིས་དང་བཅས་པ་བཤམ། རང་གི་གཡས་ཐབ་ཀྱི་གཡོན་ནས་བསྲེག་རྫས་ཡམ་ཤིང་འབྲས་བུ་ཅན་གྱི་ཤིང་སྦོམ་ཕྲ་གུང་མོ་ཙམ་སེར་ཞིང་དྲི་ཞིམ་བ། ཁྲུ་གང་བ། རྩ་རྩེ་མར་དང་སྦྲང་རྩི་བྱུགས་པ། མར་ཁུ། ཟས་མཆོག ཏིལ་དཀར། ཡུངས་ཀར། སོ་བ། འབྲས། ནས། གྲོ། སྲན་མ། ཀུ་ཤ་རྣམས་གོ་རིམ་བཞིན་བཤམ། རྫས་རྣམས་ལ་ཁ་དོག་སེར་པོ་བྱས། བདུད་རྩི་ལས་བྲན་ལ་བཞག་གོ། །དེ་ནས་བདག་བསྐྱེད་བཟླས་པ་ནས་བསྡུ་ལྡང་གི་བར་དུ་གྲུབ་པར་བྱ། དེ་ནས་བརྩམས་ཏེ་སྦྱིན་སྲེག་གི་ཆོ་ག་མ་གྲུབ་ཀྱི་བར་ལ་ལག་པ་གཉིས་པུས་མོ་ལས་མི་འདའ་བ་ལ་བསླབ་བོ། </span><br /><span class="tibetan_small">།གཉིས་པ་དངོས་གཞི་ལ་ཐབ་དང་ཡོ་བྱད་བསང་བ་ནི། བསང་ཆུ་ལ།</span> <br />བཛྲ་ཨ་མྲྀ་ཏ་<span class="tibetan_small">སོགས་དང་།</span> <br />ཧཱུྃ་<span class="tibetan_small">རིང་པོ་མང་དུ་བརྗོད་པས།</span> <br />རྫས་རྣམས་ཀྱི་མ་དག་པ་སེལ་བའི་ནུས་པ་དང་ལྡན་པར་<span class="tibetan_small">བསམ་ལ། སྔགས་དེ་གཉིས་གང་རུང་བརྗོད་ཅིང་ཀུ་ཤའི་འཐོར་གཡབ་ཀྱིས་ཐབ་དང་ཡོ་བྱད་ཐམས་ཅད་ལ་བསང་གཏོར་བྱས་ཏེ་བགེགས་བསལ་ལ། བསྲེག་རྫས་དང་མཆོད་རྫས་རྣམས།</span> <br />སྭ་བྷཱ་ཝ<span class="tibetan_small">ས་སྟོང་པར་སྦྱངས།</span> <br />སྟོང་པའི་ངང་ལས་ཨ་ལས་བྱུང་བའི་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུྃ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་བསྲེག་རྫས་དང་། མཆོད་རྫས་རྣམས་དྭངས་ཤིང་ཐོགས་པ་མེད་པ། ལྷ་མཉེས་པ་དང་། སོ་སོའི་ལས་སྒྲུབ་པའི་ནུས་པ་དང་ལྡན་པར་གྱུར་<span class="tibetan_small">པར་བསམ་ལ།</span> <br />ཨོཾ་ཨཱཿཧཱུྃ་སྭཱ་ཧཱ<span class="tibetan_small">ས་ཡམ་ཤིང་།</span> <br />ཨོཾ་ཤྲིཾ་སྭཱ་ཧཱ<span class="tibetan_small">ས་མར།</span> ཨོཾ་ཛྲིཾ་སྭཱ་ཧཱ<span class="tibetan_small">ས་འབྲུ།</span> ཨོཾ་སྭཱ་སྭཱ་ཧཱ<span class="tibetan_small">ས་རྫས་ཐམས་ཅད་བཀྲུས།</span> ཨོཾ་ཀུ་རུ་ཀུ་རུ་སྭཱ་ཧཱ<span class="tibetan_small">ས་རྫས་ཐམས་ཅད་སྦྱངས།</span> <br />ཨོཾ་བཛྲ་ཨརྒྷཾ་སྭཱ་ཧཱ། ཨོཾ་བཛྲ་པཱདྱཾ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུྃ། <span class="tibetan_small">སོགས་ནས།</span> ཤཔྡ་ཨཱཿཧཱུྃ། <span class="tibetan_small">སོ་སོའི་སྔགས་དང་ཕྱག་རྒྱས་བྱིན་གྱིས་བརླབས། དེ་ནས་དཔལ་འབར་ལ་འཛོམ་ན་དགེ་འདུན་གྱི་བསྲོ་ཁང་ངམ། རྒྱལ་པོའི་ཐབ་ལས་བྱུང་བའི་མེ་སྦར་ཏེ། ལག་པ་གཉིས་གུས་པའི་ཚུལ་གྱིས་ཐབ་ལ་གཡས་ནས་ཟླུམ་པོར་བསྐོར་ཞིང་། རྩ་སྔགས་བཅུ་གསུམ་མ་ལན་གསུམ་དང་།</span> <br />ཨོཾ་ཛྭ་ལ་ཛྭ་ལ་རཾ། <span class="tibetan_small">ཞེས་བརྗོད་ཅིང་ཐབ་ཀྱི་ནང་གི་ཏིང་ལོ་སྦར་ཞིང་རྩ་སྐམ་སོགས་ཀྱིས་མེ་གསོ། ཁུ་ཚུར་གཉིས་བརྐྱངས་པའི་མཐེབ་མཛུབ་གཉིས་བརྒྱངས་པའམ། རྩེ་སྦྱར་བའི་རིན་པོ་ཆེ་ཁུ་ཚུར་གྱི་ཕྱག་རྒྱས་དགང་གཟར་བླུགས་གཟར་བཟུང་ལ། བླུགས་གཟར་མར་དང་བཅས་པས་དགང་གཟར་གྱི་ཁ་ལ་རེག་ཅིང་། བླུགས་གཟར་གྱིས་བུད་ཤིང་ལ་ཁྱབ་པར་བླུགས་ཏེ།</span> <br />ཨོཾ་ཛྭ་ལ་ཛྭ་ལ་རཾ། <span class="tibetan_small">ཞེས་བརྗོད། དེ་ནས་ཀུ་ཤའི་ཆུན་པོ་བརྒྱད་བསང་སྦྱང་།</span> <br />སྟོང་པའི་ངང་ལས་ཧཱུྃ་ལས་བྱུང་བའི་ཀུ་ཤ་སྔོ་ལྗང་རྩ་བ་རྩེ་མོ་མ་ཉམས་པ། དྭངས་ཤིང་ཐོགས་པ་མེད་པ། ཐབ་དང་ཡོ་བྱད་རྣམས་ཀྱི་འབགས་པ་དང་མ་དག་པ་ཐམས་ཅད་སེལ་བའི་ནུས་པ་ལྡན་པར་གྱུར་<span class="tibetan_small">བར་བསམ་སྟེ།</span> <br />ཨོཾ། ཀུ་ཤ་འདི་ནི་བཟང་ཞིང་དགེ། །ས་ལས་སྐྱེས་པའི་སྙིང་པོ་མཆོག །ཚངས་པ་ཡི་ནི་དག་བྱེད་ཡིན། །དཀོན་མཆོག་གསུམ་གྱི་དག་བྱེད་དེ། །དེས་བདག་ལ་བགེགས་མེད་ཅིང་ཞི་བར་མཛོད་ཅིག <br />།ཨོཾ་བཛྲ་སཏྭ་ཨཱཿ <span class="tibetan_small">ཞེས་བརྗོད་དེ། ཐབ་ཀྱི་མདུན་ནས་གཡས་སྐོར་གྱི་རིམ་པས་ཕྱོགས་མཚམས་བརྒྱད་དུ་རྩེ་མོ་གཡས་སྐོར་དུ་བཀྲམ་མོ། །མེ་ཐབ་བསངས་སྦྱངས།</span> <br />སྟོང་པའི་ངང་ལས་པཾ་ལས་པདྨ་དང་། རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལས་བྱུང་བའི་རྒྱས་པའི་ཐབ་ཁུང་སེར་པོ་རྒྱར་ཁྲུ་གཉིས་པ། ཟབས་སུ་ཁྲུ་གང་པ། ཡངས་ཤིང་རྒྱ་ཆེ་བ་དྭངས་ཤིང་ཐོགས་པ་མེད་པ། ཁ་ཁྱེར་དང་མུ་རན་ལ་རིན་པོ་ཆེའི་ཕྲེང་བས་མཚན་པ། །བྲིས་པ་དང་གཉིས་སུ་མེད་པར་གྱུར། མེ་འབར་བའི་དབུས་སུ་པཾ་ལས་པདྨ་དང་། རཾ་ལས་ཉི་མའི་དཀྱིལ་འཁོར་གྱི་སྟེང་དུ་རཾ་ལས་བགྲང་ཕྲེང་རཾ་གྱིས་མཚན་པ་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས་མེ་ལྷ་ར་སྐྱེས་ལ་ཞོན་པ། ཞལ་གཅིག་ཕྱག་བཞི་པ། གཡས་མཆོག་སྦྱིན་དང་བགྲང་ཕྲེང་། གཡོན་དབྱུག་གུ་དང་སྤྱི་བླུགས་འཛིན་པ། ལུས་པོ་མེའི་རང་བཞིན་དམར་པོ། ཞལ་གྱི་དཀྱིལ་འཁོར་སེར་པོ་ལས་འོད་ཟེར་སེར་པོ་འཕྲོ་བ། གསུས་ཁྱིམ་ཆེ་བ། རལ་པའི་ཐོར་ཚུགས་ཅན། ཨག་ཚོམ་འཆང་བ། དྲང་སྲོང་གི་ཚོགས་ཀྱིས་བསྐོར་བ། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་ཤར་ལྷོ་ནས་མེ་ལྷ་དྲང་སྲོང་གི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿ <span class="tibetan_small">ཞེས་དང་ལག་པ་གཉིས་ཀྱི་མཐེ་བོང་གུང་མོའི་རྩ་བར་བཞག །མཛུབ་མོ་གུང་མའི་རྒྱབ་ནས་བཀབ་པ་དབྱུག་གུ་རྩེ་གསུམ་པའི་ཕྱག་རྒྱ་རྣ་བའི་དྲུང་དུ་གཡབ་ཅིང་།</span> <br />ཨོཾ། ཚུར་བྱོན་ཚུར་བྱོན་འབྱུང་པོ་ཆེ། །མེ་ལྷའི་རྒྱལ་པོ་དྲང་སྲོང་མཆོག །སྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །གཟི་བརྗིད་ཆེན་པོ་མེ་ཡི་ལྷ། འདོད་པ་ཐམས་ཅད་སྒྲུབ་པ་པོ། །ཐུགས་རྗེས་སེམས་ཅན་དོན་མཛད་པ། །འདི་ཉིད་དུ་ནི་བཞུགས་སུ་གསོལ། <br />།ཨོཾ་ཨགྣ་ཡེ་མ་ཧཱ་ཏེ་ཛཿ སརྦ་ཀརྨ་པྲ་སཱ་བྷ་ཀ་མ་ཧཱ་བྷུ་ཏ་དེ་ཝ་རི་ཥི་དྭི་ཛ་ས་ཏྭ་མ་གྲཾ་ཧི་ཏྭ་ཨཱ་ཧུ་ཏིཾ་ཨཱ་ཧ་ར་ཨ་སྨིན་སན་ནི་ཧི་ཏོ་བྷ་ཝ། <span class="tibetan_small">ཞེས་པས་སྤྱན་དྲངས།</span> <br />ཨོཾ་པདྨ་ཀ་མ་ལཱ་ཡ་སྟྭཾ། <span class="tibetan_small">ཞེས་བརྗོད་པས་ཐབ་ནང་དུ་མེ་ཏོག་གཅིག་ཕུལ་ཏེ།</span> <br />ཐབ་ཀྱི་ཤར་ལྷོར་པདྨའི་གདན་ལ་བཞུགས་པར་གྱུར། <span class="tibetan_small">ཞེས་བརྗོད་ཅིང་བསམ།</span> <br />ཨོཾ་བཛྲ་ཨརྒྷཾ་<span class="tibetan_small">སོགས་ཀྱིས་ཆུ་གཉིས་ཕུལ། རྡོ་རྗེ་རྩེ་ལྔ་པའི་ཕྱག་རྒྱ་བཅིངས་པའོ། སྤོས་དང་བཅས་པའི་དྲིལ་བུ་བཟུང་ལ།</span> <br />ཨོཾ་བཛྲ་ཨཱ་ན་ལ་མ་ཧཱ་བྷཱུ་ཏ་ཛྭ་ལ་ཡ། སརྦ་བྷ་སྨིཾ་ཀུ་རུ་སརྦ་དུཥྚཾ་ཧཱུྃ་ཕཊ་དྲྀ་ཤྱ་ཛཿཧཱུྃ་བཾ་ཧོཿ ས་མ་ཡ་སྟྭཾ། <span class="tibetan_small">ཞེས་བརྗོད་ལ།</span> <br />ཛཿཧཱུྃ་བཾ་ཧོཿ <span class="tibetan_small">ཞེས་པས་བསྟིམ།</span> <br />སླར་ཡང་རང་གི་སྙིང་གའི་ས་བོན་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ཨོཾ་བཛྲ་ས་མཱ་ཛཿ <span class="tibetan_small">ཞེས་དང་། རྡོ་རྗེ་བསྡུ་བའི་ཕྱག་རྒྱས་དབང་ལྷ་སྤྱན་དྲངས་ལ།</span> <br />དེ་བཞིན་གཤེགས་པ་ཐམས་ཅད་ཀྱིས་འདི་ལ་དབང་བསྐུར་བར་མཛད་དུ་གསོལ། ཞེས་གསོལ་བ་བཏབ་པས། དེ་བཞིན་གཤེགས་པ་རྣམས་ཀྱིས་བུམ་པའི་ཆུས་སྤྱི་བོ་ནས་དབང་བསྐུར་བས་སྐུ་གང་དྲི་མ་དག་ཆུའི་ལྷག་མ་ཡར་ལུད་པ་ལས་རིན་ཆེན།འབྱུང་ལྡན་གྱིས་དབུར་བརྒྱན། <span class="tibetan_small">དེ་ནས།</span> <br />ཨོཾ་ཨགྣ་ཡེ་ས་པ་རི་ཝཱ་ར་<span class="tibetan_small">ཞེས་པའི་མཚན་སྔགས་རེ་རེ་མགོར་སྦྱར་བའི་ཉེར་སྤྱོད་ལྔ།</span> <br />གཎྜེར་ཎི་<span class="tibetan_small">རོལ་མོ་དང་བཅས་པས་མཆོད། མཚན་སྔགས་ཀྱི་མཐར།</span> <br />ཨོཾ་ཨཱཿཧཱུྃ། <span class="tibetan_small">ཞེས་པས་ནང་མཆོད། རྡོ་རྗེ་དྲིལ་བུ་འཛིན་པས།</span> <br />འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོར་ཊཱ་ཀིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་བསྲེགས། །འཛིན་བྱེད་མེ་ལྷ་ཉིད་ལ་རྣམ་པར་འདུད། <span class="tibetan_small">།ཅེས་བསྟོད་ལ་བུད་ཤིང་ཁ་གསོ། </span><br /><span class="tibetan_small">དེ་ནས་འདས་པའི་མེ་ལྷ་མཆོད་པ་ནི།</span> <br />འཇིག་རྟེན་པའི་མེ་ལྷའི་ཐུགས་ཀར་མེ་གྲུ་གསུམ་གྱི་དབུས་སུ་པཾ་ལས་པདྨ། རཾ་ལས་ཉི་མ་<span class="tibetan_small">སོགས་མངོན་རྟོགས་རྒྱས་བསྡུས་གང་ཡང་རུང་བ་དང་སྦྱར་ཏེ་ལྷ་བསྐྱེད་པ་ནས། ཡེ་ཤེས་པ་གཞུག་བསྟིམ་གྱི་བར་བྱ།</span> <br />དེའི་མཐའ་སྐོར་དང་བར་སྣང་རྣམས་སུ་རྩ་བརྒྱུད་ཀྱི་བླ་མ། ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་བྱང་སེམས་ཆོས་སྲུང་ནོར་ལྷའི་ཚོགས་བསམ་གྱིས་མི་ཁྱབ་པ་སྤྲིན་ཕུང་འཐིབས་པ་ལྟར་མངོན་སུམ་དུ་བཞུགས་པ། ལྷ་ཐམས་ཅད་འཛུམ་ཞིང་ཚིམ་པ་འོད་ཟེར་སེར་པོ་འཕྲོ་བ་གཟི་བརྗིད་དང་ལྡན་པའི་སྒོ་ནས། བདག་དང་སེམས་ཅན་ཐམས་ཅད་ཀྱི་ཚེ་དང་བསོད་ནམས་ལོངས་སྤྱོད་ལ་སོགས་པ་རྒྱས་པའི་ལས་མཛད་པར་གྱུར། <span class="tibetan_small">ཅེས་བརྗོད་ཅིང་བསམ། སླར་ཡང་ཧཱུྃ་ཞེས་བརྗོད་ཅིང་ཐབ་དང་ཡོ་བྱད་ཐམས་ཅད་ལ་བསང་ཆུ་གཏོར་ཏེ་མི་གཙང་བ་དང་ཉམས་པ་ཐམས་ཅད་དག་པར་བསམ། དེ་ནས་རིན་ཆེན་ཁུ་ཚུར་གྱིས་གཟར་བུ་གཉིས་བཟུང་སྟེ།</span> <br />ལྷ་རྣམས་ཀྱི་ཞལ་ཅུང་ཟད་གདངས་པའི་ལྗགས་ཧཱུྃ་ལས་རྡོ་རྗེ་ཧཱུྃ་གིས་མཚན་པ། དགང་བླུགས་ཀྱི་ཁ་ལ་རཾ་ཡིག་གིས་མཚན་པར་གྱུར། <span class="tibetan_small">རྩ་སྔགས་བཅུ་གསུམ་མ་ལན་བདུན་དང་སྦྲགས་ཏེ་བླུགས་གཟར་གྱིས་མར་ཁུ་བླུགས་པས་དགང་གཟར་བཀང་ལ།</span> <br />ཨོཾ་ཨཱགྣ་ཡེ་ཨ་དི་བྱ་དི་བྱ་མ་ཧཱ་ཤྲཱི་ཡེ་ཧ་བྱ་ཀ་བྱ་བཱ་ཧ་ན་སྭཱ་ཧཱ། <span class="tibetan_small">ཞེས་བརྗོད་དེ་གཟར་བུ་གཉིས་ཁ་སྦྱར་ལ།</span> <br />ལྷ་ཐམས་ཅད་ཀྱི་ཞལ་དུ་དུས་གཅིག་ལ་ཕུལ་<span class="tibetan_small">བར་བསམ་ལ།</span> <br />བདག་སྒྲུབ་པ་པོའི་འཁོར་དང་ལོངས་སྤྱོད་དང་ནོར་དང་འབྲུ་དང་རིན་པོ་ཆེ་ལ་སོགས་པ་འབྱོར་པ་ཕུན་སུམ་ཚོགས་པ་ཐམས་ཅད་པུཥྚིཾ་ཀུ་རུ་ཨོཾ། <span class="tibetan_small">དེ་ལྟ་བུ་ལན་གསུམ་ལ་སོགས་པས་བྱོན་སྐྱེམས་ཕུལ།</span> <br />གུ་རུ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་<span class="tibetan_small">སོགས་ཆུ་གཉིས་ཉེར་སྤྱོད་རོལ་མོ་དང་བཅས་པ་དང་། མཚན་སྔགས་ཀྱི་མཐར།</span> <br />ཨོཾ་ཨཱཿཧཱུྃ་<span class="tibetan_small">བཏགས་པས་ནང་མཆོད་འབུལ།</span> <br />མགོན་པོ་ཡིད་བཞིན་ནོར་བུ་<span class="tibetan_small">སོགས་ཀྱིས་བསྟོད། དེ་ནས་ཡམ་ཤིང་ནས་བརྩམ་སྟེ་སྲེག་རྫས་རྣམས་སྡེ་ཚན་རེ་རེའི་ཐོག་མར་རང་རང་རྫས་སྔགས་ཚར་གསུམ་མམ་ལྔ་ལ་སོགས་པ་དང་། འབུལ་སྔགས།</span> <br />གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ <span class="tibetan_small">ཞག་གིས་འབུལ། མཇུག་ཏུ་སྤེལ་ཚིག་གོང་ལྟར་བརྗོད་ཅིང་བརྒྱ་རྩ་བརྒྱད་ལ་སོགས་པ་ཇི་ཙམ་འབྱོར་པ་ཕུལ། ལོགས་ནས་སྒྲུབ་གཡོག་གཅིག་གིས་གྲངས་བཟུང་སྟེ། ཡམ་ཤིང་ལ་སོགས་པ་རྣམས་རིམ་པ་བཞིན་ལག་པ་གཡོན་དུ་བཟུང་ལ། གཡས་པའི་མཐེབ་སྲིན་གྱིས་སྟེང་ནས་བླང་ཞིང་ཅུང་ཟད་བསྐོར་ཏེ། མཆོད་སྦྱིན་ཕྱག་རྒྱས་འབུལ། དེ་ལ་ཡམ་ཤིང་བྱང་ཆུབ་ཀྱི་ཤིང་དུ་མོས་ཏེ།</span> <br />ཨོཾ་བོ་དྷི་བྲིཀྵ་ཡ་སྭཱ་ཧཱ། <span class="tibetan_small">གསུམ་མམ་ལྔ་སོགས་དང་།</span> གུ་རུ་མ་ཧཱ་<span class="tibetan_small">སོགས་ཀྱིས་བརྒྱ་རྩ་བརྒྱད་འབུལ། མཇུག་ཏུ།</span> བདག་སྒྲུབ་པ་པོ་<span class="tibetan_small">སོགས་ཀྱིས་སྤེལ་ཚིག་གོང་ལྟར་བརྗོད། འོག་མ་རྣམས་ལའང་འདི་རིགས་འགྲེ་སྦྱར་ཏེ།</span> ཨོཾ་ཨགྣ་ཡེ་སྭཱ་ཧཱ<span class="tibetan_small">ས་མར།</span> ཨོཾ་སརྦ་སཾ་པ་དེ་སྭཱ་ཧཱ<span class="tibetan_small">ས་ཞོ་དང་སྦྱར་བའི་ཟས་མཆོག</span> །ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ<span class="tibetan_small">ས་ཏིལ་ལམ་ཡུངས་ཀར།</span> ཨོཾ་བཛྲ་བི་ཛཱ་ཡ་སྭཱ་ཧཱ<span class="tibetan_small">ས་འབྲས་སོ་བ།</span> ཨོཾ་བཛྲ་པུཥྚ་ཡེ་སྭཱ་ཧཱ<span class="tibetan_small">ས་འབྲས།</span> ཨོཾ་མ་ཧཱ་བེ་ག་ཡ་སྭཱ་ཧཱ<span class="tibetan_small">ས་ནས།</span> ཨོཾ་བཛྲ་གྷསྨ་ར་ཡེ་སྭཱ་ཧཱ<span class="tibetan_small">ས་གྲོ།</span> ཨོཾ་མ་ཧཱ་བ་ལཱ་ཡ་སྭཱ་ཧཱ<span class="tibetan_small">ས་སྲན་མ།</span> ཨོཾ་བཛྲ་ཨཱ་ཡུ་ཥེ་སྭཱ་ཧཱ<span class="tibetan_small">ས་དུརྦ།</span> ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ<span class="tibetan_small">ས་ཀུ་ཤ་རྣམས་ཕུལ་ལ། སྡེ་ཚན་རེ་རེའི་མཐར་གོང་ལྟར་གྱི་སྤེལ་ཚིག་སྦྱར་རོ། །དེ་ནས་སྐབས་འདིར་ཁྱད་པར་གྱི་རྫས་ཟས་མཆོག་ལ་གྲངས་བཟུང་སྟེ་རྩ་སྔགས་ཀྱིས་སྟོང་ཕྲག་ལྔའམ། ཁྲི་ལ་སོགས་པས་ཇི་ཙམ་ནུས་པ་འབུལ་ཞིང་། སྐབས་སྐབས་སུ་ཡམ་ཤིང་དང་མར་ཅི་འབྱོར་པ་ཕུལ། སྒྲུབ་གཡོག་གཅིག་གིས་མེ་རྒྱུན་མ་ཆད་ཙམ་གྱི་བུད་ཤིང་ཡང་འཛུག་གོ། །དེ་ཡང་ཡམ་ཤིང་འབར་བའི་མེ་འོད་ལ། འདི་ནི་ཆོ་ག་ཚར་རེའི་སྔགས་བསྔོ་ཚུལ་ཡིན་ལ་དེ་ལྟར་ཞག་གྲངས་དུ་མར་བསྙེན་པ་ཇི་ཙམ་སོང་བའི་བཅུ་ཆའི་ཁ་སྐོང་ལ་འགྲིག་པར་བྱའོ། །མཆན། ཁུ་བའི་རྫས་རྣམས་ནི་ལྷ་ཐམས་ཅད་ཀྱི་ཞལ་དུ། གོང་བུའི་རྫས་རྣམས་ནི་ཕྱག་ཏུ། ཀུ་ཤ་ནི་དབུའི་གཙུག་ཏོར་ལ་ཕུལ་བར་བསམ་མོ། །སྲེག་རྫས་རྣམས་རྫོགས་པ་དང་། གོང་གི་བྱོན་སྐྱེམས་ཀྱི་སྐབས་སུ་བཤད་པ་ལྟར་མར་དགང་བླུགས་གསུམ་ཕུལ། མཆོད་པ་ཁ་གསོས་བྱིན་གྱིས་བརླབས་ཏེ།</span> <br />རྟེན་ཅིང་འབྲེལ་བར་འབྱུང་བ་ཡི། <span class="tibetan_small">སོགས་ཚིགས་བཅད་སྔགས་ཕྱག་རྒྱ་དང་བཅས་པས་མཆོད། ནང་མཆོད་ཀྱི་ཕུད་བླ་མ་ཡི་དམ། དེ་འོག་ཆོས་སྐྱོང་། ལྷག་མ་འབྱུང་པོ་རིགས་དྲུག་རྣམས་ལ་འབུལ་བའི་ཚིགས་བཅད་མགོན་མཐིང་སྐབས་ལྟར་རམ།</span> <br />བྱིན་རླབས་ཀྱི་རྩ་བ་<span class="tibetan_small">སོགས་ཀྱིས་ཕུལ།</span> <br />རང་གི་སྙིང་གའི་ཧཱུྃ་ལྷ་ཐམས་ཅད་ཀྱི་ངོ་བོ་ལ་མཆོད་པར་<span class="tibetan_small">བསམ་སྟེ་བདུད་རྩི་ཅུང་ཟད་ལྕེེ་ལ་མྱོང་། བསྟོད་པ་རྒྱས་བསྡུས་གང་རུང་གིས་བསྟོད། འདས་པའི་གཏོང་མ་ནང་མཆོད་ལྟར་བྱིན་གྱིས་བརླབས་ལ།</span> <br />གུ་རུ་མ་ཧཱ་<span class="tibetan_small">སོགས་རྩ་སྔགས་ཀྱི་མཇུག་ཏུ།</span> <br />ཨི་དཾ་བ་ལིཾ་ཁ་ཁ་ཁཱ་ཧི་ཁཱ་ཧི། <span class="tibetan_small">བཏགས་པ་གསུམ་མམ་ལྔ་ལ་སོགས་ཕྱག་རྒྱ་དང་བཅས་པས་འབུལ། མཆོད་པ་ཕྱི་ནང་དང་། བསྟོད་པ་བྱ།</span> <br />བདག་གི་ཚེ་དང་བསོད་ནམས་དང་ལོངས་སྤྱོད་ལ་སོགས་པ་འཕེལ་ཞིང་རྒྱས་པར་བྱིན་གྱིས།བརླབ་ཏུ་གསོལ། <span class="tibetan_small">ཞེས་སོགས་རང་གི་ཡིད་ལ་གང་འདོད་པའི་དོན་ལ་གསོལ་བ་བཏབ་ལ། སྐབས་འདིར་ཡི་གེ་བརྒྱ་པ་ཅི་ནུས་བཟླས་པའི་མཐར།</span> <br />མ་འབྱོར་བ་དང་ཉམས་པ་དང་། <span class="tibetan_small">།ཞེས་སོགས་དང་།</span> <br />བདག་ཅག་ལས་དང་པོ་པའི་རྟེན་གྱི་གང་ཟག་ཏུ་གྱུར་པས། སེམས་སྒྲིབ་པ་དང་ལྡན་པའི་དབང་གིས། ཏིང་འཛིན་མི་གསལ་བ་དང་། བྱིང་བ་དང་རྒོད་པའི་དབང་གིས་ཆོ་ག་ལྷག་ཆད་དུ་གྱུར་པ་ཐམས་ཅད་བཟོད་པར་མཛད་དུ་གསོལ། <br />ཨོཾ། ཁྱེད་ཀྱིས་སེམས་ཅན་དོན་ཀུན་མཛད། <span class="tibetan_small">།ཅེས་སོགས་ཀྱི་རྗེས་སུ།</span> <br />ཨོཾ་ཨཱཿཧཱུྃ་བཛྲ་མུཿ <span class="tibetan_small">ཞེས་དང་། མཐེབ་སྲིན་གྱིས་སེ་གོལ་གྱི་སྒྲས།</span> <br />ཡེ་ཤེས་པ་རང་བཞིན་གྱི་གནས་སུ་གཤེགས་པར་<span class="tibetan_small">བསམ། སྲིན་ལག་གིས་ཐབ་ཀྱི་རྡུལ་ཅུང་ཟད་བླངས་ལ་དཔྲལ་བར་བསྐུས་ཏེ།</span> <br />དམ་ཚིག་པ་རང་ལ་ཐིམ་པར་བསམ། <br /><span class="tibetan_small">།གསུམ་པ་རྗེས་ཀྱི་ཆོ་ག་ལ། འཇིག་རྟེན་པའི་མེ་ལྷ་ལ་སྲེག་རྫས་ལྷག་མ་རྣམས་ཡམ་ཤིང་ནས་ཀུ་ཤའི་བར། བདུན་ནམ་བཅུ་གཅིག་སོགས་ཅི་འབྱོར་ཕུལ། སྤེལ་ཚིག་ཀྱང་འདྲ། མར་དགང་བླུགས་གསུམ་གྱིས་སྦྱིན་སྲེག་དབུལ། ཡོན་བདག་ལ་སོགས་པའི་དོན་དུ་བྱེད་ན། དེའི་ལག་པ་གཡས་པའི་མཐེ་བོང་དགང་གཟར་དང་ལྷན་ཅིག་ཏུ་བཟུང་ལ། བདག་གམ་ཡོན་བདག་སོགས་སྤེལ་ཚིག་གོང་ལྟར་བརྗོད། མེ་ལྷའི་གཏོར་མ་བསངས་སྦྱངས།</span> <br />སྟོང་པའི་ངང་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པའི་མཐུ་ཕུན་སུམ་ཚོགས་པའི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། <span class="tibetan_small">ཞེས་པས་བྱིན་གྱིས་བརླབས། ལག་པ་གཡས་པས་མཆོག་སྦྱིན་གྱི་ཕྱག་རྒྱ་བྱས་ཏེ།</span> <br />ཨོཾ་ཨགྣ་ཡེ་ས་པཱ་རི་ཝཱ་ར་ཨ་ཀཱ་རོ་མུ་ཁཾ་<span class="tibetan_small">ཞེས་གསུམ་མམ་ལྔས་ཕུལ། མཚན་སྔགས་རེ་རེ་ནས་སྔོན་དུ་འགྲོ་བའི་ཆུ་གཉིས་ཉེར་སྤྱོད་རོལ་མོ་དང་བཅས་པ་དང་ནང་མཆོད།</span> <br />འཇིག་རྟེན་དབང་ཕྱུག་<span class="tibetan_small">སོགས་བསྟོད་པ་རྒྱས་བསྡུས་གང་རིགས་བྱས།</span> <br />དྲང་སྲོང་ཆེན་པོ་འཁོར་དང་བཅས་པ་ཁྱེད་རྣམས་ཀྱིས། བདག་<span class="tibetan_small">མིང་འདི་</span>ཞེས་བགྱི་བའི་འཁོར་དང་། ལོངས་སྤྱོད་དང་། ནོར་དང་། འབྲུ་དང་། རིན་པོ་ཆེ་ལ་སོགས་པ་འབྱོར་པ་ཕུན་སུམ་ཚོགས་པ་ཐམས་ཅད་རྒྱས་པར་མཛད་དུ་གསོལ། <span class="tibetan_small">ཞེས་དང་། ཡི་གེ་བརྒྱ་པ་ལན་གསུམ་གྱིས་ལྷག་ཆད་ཁ་བསྐང་།</span> <br />ཨོཾ་པྲོཀྵ་ཎཾ་པྲ་ཏཱིཙྪ་སྭཱ་ཧཱ<span class="tibetan_small">ས་བསང་གཏོར་དང་།</span> ཨོཾ་སརྦ་སཾ་ཤོདྷ་ནི་སྭཱ་ཧཱ<span class="tibetan_small">ས་འཐོར་འཐུང་ཕུལ་ལ།</span> <br />།བདག་གི་དོན་དང་གཞན་གྱི་དོན། །བྱིན་ཟ་ཁྱོད་ཀྱིས་བསྒྲུབས་ཀྱིས་གཤེགས། །ཇི་བཞིན་དུས་སུ་སླར་གཤེགས་ཏེ། །བདག་གི་དངོས་གྲུབ་ཐམས་ཅད་སྒྲུབས། །ཨོཾ་ཨཱགྣ་ཡེ་གཙྪཿ <span class="tibetan_small">ཞེས་དང་། དབྱུག་གུ་རྩེ་གསུམ་པའི་ཕྱག་རྒྱ་ཕྱིར་བསྐྱེད་དེ།</span> <br />མེ་ལྷ་རང་བཞིན་གྱི་གནས་སུ་གཤེགས། དམ་ཚིག་པ།རང་ལ་ཐིམ་པར་<span class="tibetan_small">བསམ་ལ།</span> <br />རང་གི་དཔྲལ་བར་ཨོཾ་དཀར་པོ། <span class="tibetan_small">ཞེས་སོགས་ཀྱིས་སྲུང་བ་བྱ།</span> <br />ཐམས་ཅད་ནམ་མཁའ་མཛོད་བཞིན་དུ། <span class="tibetan_small">སོགས་ཀྱིས་བསྔོ་བ་སྨོན་ལམ་ཅི་ཤེས།</span> <br />འབད་དང་རྩོལ་བས་<span class="tibetan_small">སོགས་བཀྲ་ཤིས་གང་ཤེས། མཆོག་གི་དངོས་གྲུབ་སྒྲུབ་པ་ཡིན་ན། མེ་མ་ཤིའི་བར་དུ་མི་བསྒུལ། ཤི་བ་དང་གཞན་རེག་ཏུ་མི་གཞུག་པར་རང་གིས་ཕྱགས་ལ་གནས་དབེན་པར་བསྐྱལ། ཐུན་མོང་གི་དངོས་གྲུབ་ཙམ་ལ་འཕྲལ་དུ་ཕྱགས་ལ་ཐབ་ཀྱི་ཤུལ་དང་ཉེ་འཁོར་ཐམས་ཅད་དྲི་ཞིམ་པོའི་ཆུས་བྱུགས་ཏེ་མེ་ཏོག་ལ་སོགས་པ་གཏོར་ལ་བཀྲ་ཤིས་བྱ་བར་བཤད་དོ། </span><br /><span class="tibetan_small">།གཉིས་པ་དབང་གི་སྦྱིན་སྲེག་ནི། མེ་ཐབ་དམར་པོ་དབུས་སུ་པདྨ་འདབ་བརྒྱད་ལ་ལྕགས་ཀྱུས་མཚན་ཅིང་ཁ་ཁྱེར་མུ་རན་ལ་ལྕགས་ཀྱུའི་ཕྲེང་བས་བསྐོར། བུད་ཤིང་རྒྱ་ཤུག་སོགས་ཤིང་དམར་ལ་རོ་མངར་ཞིང་སྐྱུར་བ་འབྲས་བུ་ཡོད་པ་དང་མ་འབྱོར་ན་ལྕི་བ་སོགས་ཀྱིས་ཀྱང་རུང་། སྒྲུབ་པ་པོ་སྟན་དང་ཆས་གོས་དམར་པོ་ཆགས་པའི་སེམས་ཀྱིས་ཁ་ནུབ་ཏུ་ཕྱོགས་པར་པདྨའི་སྐྱིལ་ཀྲུང་གིས་འདུག་ཐབ་དང་ཁ་སྤྲོད་དུ་བྱ། དུས་དགོང་མོ་ལ་བསྔགས། ཡམ་ཤིང་བུད་ཤིང་དང་རྒྱུ་འདྲ་བ་སོར་ལྔའམ་དྲུག་པ་བྱ། མཆོད་སྲེག་གི་རྫས་སོགས་གོང་བཤད་རྒྱས་པའི་སྦྱིན་སྲེག་ལྟར་ལ་ཐམས་ཅད་ཁ་དོག་དམར་པོ་བྱ། བསྲེག་རྫས་གཙོ་བོར་མེ་ཏོག་དང་འབྲུ་དམར་པོ། མྱོས་བྱེད་དང་མངར་གསུམ་བསྲེས་པའི་ཟས་མཆོག་ལན་ཚྭ་རྣམས་ལ་བྱ། འདོན་ཆ་རྒྱས་པའི་སྦྱིན་སྲེག་ཉིད་ཅུང་ཟད་ཁ་བསྒྱུར་བས་ཆོག་སྟེ། ཐབ་སྐྱེད་སྐབས།</span> <br />སྟོང་པའི་ངང་ལས་དབང་གི་ཐབ་ཁུང་དམར་པོ་ཟླ་གམ་གྱི་དབྱིབས་ཅན། རྒྱར་ཁྲུ་གང་ཟབས་སུ་ཁྲུ་ཕྱེད་པ། མུ་རན་ལ་ལྕགས་ཀྱུའི་ཕྲེང་བས་བསྐོར་བ། ཡངས་ཤིང་རྒྱ་ཆེ་ལ་དྭངས་ཤིང་ཐོགས་པ་མེད་པ་བྲིས་པ་དང་གཉིས་སུ་མེད་པར་གྱུར། <span class="tibetan_small">ཅེས་པ་དང་། མེ་ལྷའི་སྐབས།</span> <br />ཞལ་གྱི་དཀྱིལ་འཁོར་དམར་པོ་ལས་འོད་ཟེར་དམར་པོ་འཕྲོ་བ། <span class="tibetan_small">ཞེས་དང་། དབང་བསྐུར་རྒྱས་གདབ་སྐབས།</span> <br />འོད་དཔག་མེད་ཀྱིས་དབུ་བརྒྱན། <span class="tibetan_small">ཅེས་བསྒྱུར། འདས་པའི་མེ་ལྷ་མཆོད་སྐབས།</span> <br />ལྷ་ཐམས་ཅད་ཆགས་པའི་ཉམས་ཅན་ཞལ་གྱི་དཀྱིལ་འཁོར་ལས་འོད་ཟེར་དམར་པོ་འཕྲོ་བས་འཁོར་འདས་བརྟན་གཡོ་ཐམས་ཅད་དང་། སྣོད་བཅུད་ཀྱི་དཔལ་འབྱོར་ཐམས་ཅད་བདག་གིས་དབང་དུ་སྡུད་པའི་ཕྲིན་ལས་མཛད་པར་གྱུར། <span class="tibetan_small">ཞེས་དང་། དགང་བླུགས་པདྨའི་ཕྱག་རྒྱས་བཟུང་། སྤེལ་ཚིག་ནི།</span> <br />འཁོར་འདས་བརྟན་གཡོ་ལྷ་འདྲེ་མི་གསུམ་གྱི་སྐྱེ་འགྲོ་ཐམས་ཅད་དང་སྣོད་བཅུད་ཀྱི་དགེ་ལེགས་དཔལ་འབྱོར་ཐམས་ཅད་མ་མ་ཝ་ཤཾ་ཀུ་རུ་ཧོཿ <span class="tibetan_small">ཞེས་སྦྱར། བསྲེག་རྫས་གྲངས་གསོག་གོང་སྨོས་ཟས་མཆོག་མེ་ཏོག་དམར་པོ་སོགས་ལ་བྱ། </span><br /><span class="tibetan_small">ཁྱད་པར་གྱི་དམིགས་གནད་ནི།</span> <br />ཐུགས་ཀའི་མཁའ་འགྲོ་མ་ལས་རང་འདྲ་བ་དཔག་ཏུ་མེད་པ་འཕྲོས། བསྒྲུབ།བྱའི་སྙིང་ངམ་སྐྱེ་གནས་ནས་ལྕགས་ཀྱུས་བཏབ། ཌཱ་མ་རུའི་སྒྲས་སེམས་མྱོས་པར་བྱས་ཏེ་རང་དབང་མེད་པར་བཀུག །བདག་གི་རྐང་པའི་དྲུང་དུ་མྱོས་ཤིང་ཆགས་པ་དང་གུས་པའི་སེམས་ཀྱིས་འགྱེལ་བར་<span class="tibetan_small">མོས། གཏོར་འབུལ་མཇུག་གི་འདོད་གསོལ་ཡང་དབང་གི་ཕྲིན་ལས་ཡིད་ལ་ཇི་འདོད་རྒྱས་པའམ། གོང་སྨོས་ལྟར་གདགས། མེ་ཙན་དན་དམར་པོའི་ཆབ་བམ། དྲི་ཞིམ་པོའི་སྤོས་ཆུས་བདལ་བ་སོགས་བྱའོ། །ཐུགས་རྗེ་ཕྲིན་ལས་གཞན་ལས་སྟོབས་ཆེ་ཞིང་། །མཆོག་ལ་མི་སྒྲིབ་འཕྲལ་ཡུན་འདོད་རྒུ་འཇོ། །དྲི་མེད་བཻ་ཌཱུརྱས་ཀྱང་མི་བསྒྲུན་པ། །ཡིད་བཞིན་ནོར་བུའི་མཆོག་འདི་བྱི་དོར་འཚལ། །དཀོན་མཆོག་བསྟན་པའི་མངའ་ཐང་དགུང་དུ་རེག །དེར་འཛིན་སྦྱིན་བདག་འཁོར་བཅས་དཔལ་འབྱོར་རྒྱས། །བདག་གཞན་སྐྱེ་ཀུན་ཕོངས་པའི་འཇིགས་ལས་སྒྲོལ། །ཅི་བསམ་ལྷུན་གྱིས་འགྲུབ་པའི་བཀྲ་ཤིས་ཤོག །འཆི་མེད་གྲུབ་པ་[[Rahula|རཱ་ཧུ་ལ]]ས་[[Khyungpo Neljor|མཁས་གྲུབ་ཁྱུང་པོ་རྣལ་འབྱོར་]]ལ་སྒོ་སྐྱེལ་དུ་མཛད་པའི་ཟབ་ཆོས་མགོན་པོ་བཀའ་རྒྱ་མའི་སྐོར་དུ་གྲགས་པའི་གདམས་ངག་གི་སྙིང་པོའི་བཅུད་བྱུང་སྟེ་ཁྱེར་བདེ་བ་བལྟས་ཆོག་ཏུ་བཀོད་པ་འདི་ནི། ཤངས་པའི་བརྒྱུད་འཛིན་འདྲ་བྱུང་ན་ཕན་པའི་ལྷག་བསམ་གྱིས་འབྲི་བར་འདུན་པའི་ཐོག །སྒྲུབ་གྲྭ་འདིར་བཞུགས་པའི་བླ་མ་སྔ་རྗེས་འགའ་ཞིག་ནས་ཀྱང་དོན་དུ་གཉེར་བ་ལྟར། དཔལ་ལྡན་ཤངས་པ་བཀའ་བརྒྱུད་ཀྱི་གདམས་སྲོལ་འཛིན་པ་[[Jamgön Kongtrül Lodrö Thayé|ཡོན་ཏན་རྒྱ་མཚོའམ་བློ་གྲོས་མཐའ་ཡས་]]པའི་སྡེས་ཤྲཱི་དེ་བཱི་ཀོ་ཊིའི་སྙིང་པོ་ཙཱ་འདྲ་རིན་ཆེན་བྲག་གི་སྒྲུབ་གནས་སུ་བགྱིས་པ། གསང་བ་ཕྱུང་བའི་ནོངས་པ་རྩ་བ་གསུམ་ལ་སྙིང་ནས་བཤགས་ཤིང་། དགེ་བས་སྙིང་པོའི་བསྟན་པ་དང་སེམས་ཅན་གྱི་བདེ་སྐྱིད་དབྱར་གྱི་ཆུ་བོ་ལྟར་རྒྱས་པར་གྱུར་ཅིག །ཆོས་བརྒྱུད་མི་འཛིན་པ་ལ་མི་སྤེལ་ཞིང་མི་སྟོན་པའི་བཀའ་རྒྱ་གསང་བའི་ལས་མགོན་ཕོ་མོ་ལ་གཉེར་དུ་གཏད་དོ། །བཛྲ་ས་མ་ཡ་ཧཱུྃ། </span><br /><span class="tibetan_small">༈ ཨོཾ་སྭ་སྟི། །ཕུན་ཚོགས་དངོས་པོ་ཀུན་གྱི་འདོད་འཇོ་ཞིང་། །སྲིད་དང་ཞི་བའི་དབུལ་བ་མ་ལུས་འཕྲོག །སྙིང་གི་མུན་སེལ་རྗེ་བཙུན་བླ་མ་དང་། །དབྱེར་མེད་མགོན་པོ་ཡིད་བཞིན་ནོར་བུར་འདུད། །བོད་ཡུལ་མཁས་དང་གྲུབ་པའི་རྒྱུ་སྐར་དབུས། །ངོ་མཚར་རྣམ་ཐར་སྣང་བ་ཆེར་འབར་བ། །ཁྱུང་པོ་རྣལ་འབྱོར་ཉི་མས་ཕྱེས་པ་ལས། །ཟབ་ཆོས་པདྨའི་དགའ་ཚལ་ཅི་ཡང་དར། །དེ་ལས་ཁྱད་འཕགས་བསྟན་སྲུང་ཞི་བ་ནི། །ནོར་སྒྲུབ་གཞུང་བཟང་རིན་ཆེན་ཇི་སྙེད་པའི། །སྙིང་པོས་གཏམས་པའི་བང་མཛོད་ཕྱེས་པ་འདི། །འཇམ་མགོན་འགྲོ་བའི་དེད་དཔོན་ཆེན་པོའི་དྲིན། །ནོར་བུ་བྱེ་བ་སྟོང་གིས་མི་བསྒྲུན་ཞིང་། །དཔག་བསམ་བུམ་པ་བཟང་པོས་འགྲན་མེད་པ། །མཆོག་ཐུན་ཡིད་ལ་འདོད་པའི་དོན་དེ་ཀུན། །མྱུར་དུ་གདམས་ངག་འདི་ཡིས་སྟེར་བར་བྱེད། །རྒྱུ་མཚན་ཤེས་པའི་དད་དང་ལྷག་བློ་ཅན། །ཡང་ཁྲོད་རྡོར་སློབ་བླ་མ་ཀར་ལུ་དང་། །ཉེར་གནས་དགེ་སློང་ཀར་བློ་དཔོན་སློབ་ཀྱིས། །ཡོན་གྱི་དངོས་པོས་ཆོས་སྦྱིན་སྤར་དུ་བསྒྲུབས། །ཆ་རྫོགས་དགེ་བའི་སྣང་བ་དཀར་པོ་འདིས། །འགྲོ་ཀུན་སྒྲིབ་གཉིས་མཚན་མོའི།མུན་པ་སངས། །མཁྱེན་གཉིས་ཡེ་ཤེས་ཀུ་མུཏ་རྒྱས་པ་ལས། ཀུན་དགའི་དགའ་སྟོན་གསར་པ་དར་གྱུར་ཅིག །དེ་ལྟར་མགོན་དཀར་ཡིད་བཞིན་ནོར་བུའི་གཞུང་རཏྣའི་བང་མཛོད་ཅེས་པ་ཡིག་ཆ་གསར་རྙིང་ཀུན་གྱི་བཅུད་འདུས་པའི་ཕྲིན་ལས་རྨད་དུ་བྱུང་བ་འདི་ཉིད་སྔར་ཕན་བཀའ་རྒྱས་བཏབ་པ་ལྟ་བུས་སྤར་དུ་འཁོད་པ་མི་འདུག་ཀྱང་གལ་ཆུང་ཆོས་ལ་བྱེད་པའི་སྙིགས་དུས་འདི་ལྟ་བུར་དཔེ་ལུང་གི་རྒྱུན་ཙམ་ཡང་ཆད་དུ་དོགས་ཤིང་། བསྟན་དང་འགྲོ་ལ་སྨན་པའི་ཐུགས་བཞེད་ཁོ་ནས་ཤར་དཔལ་སྤུངས་ཀྱི་ཡང་ཁྲོད་དུ་སྤར་དུ་བསྒྲུབས་སྐབས་རྗེས་སུ་ཡི་རང་གི་བསམ་པ་དང་འབྲེལ་སྤར་བྱང་སྨོན་ཚིག་ཏུ་མ་ཏིའི་མིང་གིས་གུས་པ་བྲིས་པ་དར་རྒྱས་འཕེལ།། །།</span></span>

Latest revision as of 12:05, 3 December 2023








Resource ID SCv4p911
Title dpal ye shes kyi mgon po yid bzhin nor bu'i bsnyen sgrub las gsum skong gsol bcas pa'i phrin las rat+na'i bang mdzod
Alt. title śrī jñāna syanātha cintāmaṇi śrathi sādhya trikarma pūra hasaha karma ratnakoṣa nāma vihāra tisma
Topics White protector
Sub-Topics Sadhana, Fulfilling offering
Author Jamgön Kongtrül Lodrö Thayé
Link BDRC W23922

༄༅། །དཔལ་ཡེ་ཤེས་ཀྱི་མགོན་པོ་ཡིད་བཞིན་ནོར་བུའི་བསྙེན་སྒྲུབ་ལས་གསུམ་སྐོང་གསོལ་བཅས་པའི་ཕྲིན་ལས་རཏྣའི་བང་མཛོད་ཅེས་བྱ་བ་བཞུགས་སོ། །རིན་ཆེན་འབར་བའི་རྒྱ་ཅན།
ཤྲཱི་ཛྙཱ་ན་སྱ་ནཱ་ཐ་ཙི་ནྟ་མ་ཎི་ཤྲ་ཐི་སཱ་དྷྱ་ཏྲི་ཀ་རྨ་པཱུ་རཱ་ཧ་ས་ཧ་ཀ་རྨ་རཏྣ་ཀོ་ཥ་ནཱ་མ་བི་ཧ་ར་ཏི་སྨ།

།ན་མོ་གུ་རུ་ཙྪིནྡ་མ་ཎི་ནཱ་ཐ་ཡ།
མཆོག་ཐུན་ནོར་བུའི་གྲུ་ཆར་འབེབས་པ་ཡི། །རྣམ་ཐར་ཕྲིན་ལས་རྫོགས་ལྡན་སྤྲིན་གྱི་གདུགས། །འགྲོ་ཁམས་ནམ་མཁའི་མཐའ་ཀླས་རབ་བཀོད་པ། །ཁྱབ་བདག་བླ་མ་མྱུར་མཛད་མགོན་པོས་སྐྱོངས། །གསོལ་བཏབ་ཙམ་གྱིས་འདོད་རྒུའི་དབྱིག་མཆོག་གིས། །རེ་བའི་ཤིང་རྟ་བཀང་ལ་ཟླ་མེད་པ། །ཡིད་བཞིན་ནོར་བུའི་ཕྲིན་ལས་ནོར་གྱི་མཆོག །མོས་ལྡན་སྙིང་གི་བཅུད་འདི་བྱི་དོར་བྱ། །མཁས་གྲུབ་ཡོངས་ཀྱི་སྤྱི་རྗེ་ཁྱུང་པོ་རྣལ་འབྱོར་ཞལ་སྔ་ནས་བྱོན་པའི་གསེར་ཆོས་སྐོར་ལྔའི་ཡ་གྱལ་བཀའ་སྲུང་མགོན་པོའི་སྐོར་ལ་ཞི་བ་ནོར་སྒྲུབ་དང་དྲག་པོ་མཐུ་སྒྲུབ་གཉིས་རྩ་བར་གྱུར་པ་ལས།
དང་པོ་ལའང་ཞི་རྒྱས་དབང་དང་ཚེའི་སྒྲུབ་པ་སོགས་མང་དུ་བཞུགས་བའི་ནང་ནས་གཙོ་བོར་གྱུར་པ་མགོན་དཀར་ཡིད་བཞིན་ནོར་བུའི་གཞུང་དང་ཞལ་གྱི་གདམས་པའི་ཡིག་ཆ་དུ་མའི་ཉམས་ལེན་སྙིང་པོར་དྲིལ་བ་འདི་ལ་སྤྱི་དོན་ལྔ། སྒྲུབ་པ་པོས་གང་ཟག་བསྙེན་སྒྲུབ་ཀྱི་ཉམས་ལེན། གཏོར་ཆོག་སྐོང་གསོའི་ཕྲིན་ལས། གལ་པོ་ཆེའི་ལས་སྦྱོར། སྲེག་བླུགས་ཀྱི་ཆོ་ག་བྱ་བའི་ཚུལ་ལོ།
།དང་པོ་ནི། སྤྱིར་འཁོར་བ་ལ་ངེས་འབྱུང་དང་ལྡན་པས་ཚེ་འདིའི་དཔལ་འབྱོར་དོན་གཉེར་གཙོ་བོར་གྱུར་པ་མ་ཡིན་པ། ཐུན་མོང་ལམ་གྱིས་རྒྱུད་སྦྱངས་ཤིང་རྡོ་རྗེ་ཐེག་པའི་ལམ་ལ་མོས་པ། ཁྱད་པར་མགོན་པོ་འདི་ཉིད་ལ་མི་འཕྲོག་པའི་དད་མོས་དང་ལྡན་པ། རབ་ཤངས་ལུགས་རྒྱུད་སྡེ་ལྔ་ལྟ་བུ། མ་བྱུང་ཡང་བླ་མེད་བདེ་དགྱེས་ལྟ་བུའི་དབང་བཞི་རྫོགས་པར་ཐོབ་ཅིང་། བྱེ་བྲག་མྱུར་མཛད་མགོན་པོའི་གཏོར་དབང་བར་ཆད་ཀུན་སེལ་ཐུན་མོང་དང་ཐུན་མོང་མ་ཡིན་པ་སོགས་སྤྱི་དང་བྱེ་བྲག་གི་བཀའ་རྣམས་དང་། འདི་ཉིད་ཀྱི་བྱིན་རླབས་ལེགས་པར་ཐོབ་ཅིང་དམ་ཚིག་ལ་གནས་པ་ཞིག་གལ་ཆེ། སྔོན་དུ་རྩ་བའི་མགོན་མཐིང་གི་བསྙེན་པ་རྫོགས་ནས་གསོལ་བ་ཡུན་རིང་གདབ། གདོད་འདི་ལ་འཇུག་པར་གསུངས་པ་བཞིན་མགོན་མཐིང་བསྙེན་པ་རྒྱས་བསྡུས་གང་རུང་ཞིག་སྔོན་དུ་སོང་ནའང་གལ་ཆེའོ།
།གཉིས་པ་ལ་གསུམ། སྦྱོར་བ། དངོས་གཞི། རྗེས་སོ།
།དང་པོ་ནི། འདི་ཉིད་ཆེད་དུ་སྒྲུབ་ན་དམ་ཚིག་གི་བྲིས་སྐུ་ཤིན་ཏུ་གལ་ཆེ་བས། ལྷ་བཟོ་དབང་པོ་ཚང་ཞིང་ཕྱུག་ལ་སྡོམ་ལྡན་ཞིག་གིས་ཚེས་བཟང་པོ་སྐར་མ་རྒྱལ་དང་ལྡན་པའི་སྔ་དྲོའི་ཆ་ལ་བྲི། རབ་གནས་བཅས་ཉིན་རྫོགས་ཐོན་ན་མཆོག་ཡིན་ཀྱང་མ་གྲུབ་ནའང་སྐྱོན་མེད། གྲི་ཁྲག །སིནྡྷུ་ར། བླ་མ་བྱིན་རླབས་ཅན་གྱི་གདུང་། རིན་པོ་ཆེའི་ཕྱེ་མ་རྣམས་ལ་རྩ་སྔགས་བཅུ་གསུམ་མ་སྟོང་ཕྲག་བཟླས་པ་སྐྱ་ཞལ་གྱི་གསེབ་ཏུ་བྱུགས། དེ་ནས་སྐུའི་ཚད་གཞལ་ལ་སྐུའི་ཁྱོན་ཇི་ཙམ་ཡོད་པའི་ས་ལ་རྩ་སྔགས་བཅུ་གསུམ་མ་ཤོང་ཚད་བྲི། དེའང་གསེར་གྱིས་བྲིས་ན་ཚོན་ལ་མི་གནོད་པས་ལེགས། དེ་སྟེང་མགོན་པོ་ཡིད་བཞིན་ནོར་བུའི་མངོན་རྟོགས་ལྟར་བྲི། རྟེན་འབྲེལ་གྱི་གནད་གཅིག་ཡིག་རྙིང་ལྟར་བྱ། རབ་གནས་སྤྱི་དང་མཐུན་པ་ལས་ཡེ་ཤེས་པ་འགུགས་བསྟིམ་བརྒྱ་རྩ་ཡན་བྱ་ཞིང་། ཡིད་ལ་འདོད་རྒུ་འབྱུང་བའི་གསོལ་བ་ཡུན་རིང་དུ་གདབ་པ་གནད་ཆེ། སྐུ་རྟེན་ཆེ་ཆུང་ལ་ཁྱད་པར་མེད་ཅིང་ཐ་ན་ཙཀླི་ཙམ་ཡིན་ཀྱང་ཆོ་ག་དེ་ལྟར་གྲུབ་ན་མཆོག་ཡིན་ཅིང་། རབ་གནས་གྲུབ་ནས་གཞན་གྱིས་མི་མཐོང་བའི་ཞལ་ཁེབས་བྱའོ། །དེ་ནས་ཡར་ངོ་འགྲུབ་སྦྱོར་དང་ལྡན་པ་ལྟ་བུའི་དུས་བཟང་པོ་ལ། གནས་དབེན་ཅིང་བྱིན་རླབས་དང་ལྡན་པ་བྱི་དོར་བྱས་བླ་བྲེ་འཕན་གདུགས་སོགས་ཀྱིས་བརྒྱན། དཀོན་མཆོག་གི་རྟེན་སྤྱི་དང་བྱེ་བྲག་དམ་ཚིག་གི་བྲིས་སྐུ་བཀྲམས་པའི་མདུན་དུ་སྟེགས་གཙང་མ་ལ། རྡུལ་ཚོན་ནམ་རས་བྲིས་ཀྱི་མཎྜལ་ཟླུམ་པོ་མུ་ཁྱུད་དཀར་པོས་བསྐོར་བའི་དབུས་སུ་ཆོས་འབྱུང་དཀར་པོ། རེ་ཁཱ་དམར་པོ། གྲུ་ཆད་ལྗང་གུ། ཆོས་འབྱུང་དབུས་སུ་ཉི་གདན་ལ་ཚོམ་བུ་དཀར་པོ་བཀོད་པ་བཞག །དེའི་སྟེང་དུ་རིན་པོ་ཆེའི་སྣོད་དུ་འབྲུ་གཙང་གི་ཕྱེ་ལ་མར་དང་མངར་གསུམ་སྨན་སྣ་རིན་ཆེན་ཕྱེ་མ་སོགས་བསྲེས་པ་ལ་རྟེན་གཏོར་རྩེ་གྲུ་གསུམ་ཧ་ཅང་མི་རྣོ་བ། སྨད་ཟླུམ་པོའི་དབྱིབས་ཅན་ཐེབས་ཀྱུས་བསྐོར་བ། མདོག་དཀར་པོ་ཅན་བྱེད་པ་གཞུང་གི་དགོངས་པ་ཡིན་ཅིང་མཆོག་སྒྲུབ་གཙོར་བཏོན་ལ་དེ་ལྟར་བྱ། དེང་སང་ནོར་སྒྲུབ་གཙོར་བྱེད་པ་ལ་དགོངས་ནས་གོང་མའི་ཕྱག་རྒྱུན་དུ་ཟན་ཟླུམ་པོའི་སྟེང་དུ་ཟན་རིལ་སུམ་ཚོམ། དེའི་སྟེང་དུ་ཟླུམ་པོ་རྩེ་མོ་ཅན་ཛཾ་བཤོས་འདྲ་བ་ཞིག་བཀོད་པས་ཕྱོགས་གང་ནས་བལྟས་ཀྱང་ནོར་བུ་མིག་གསུམ་དུ་འོང་བ་ཞིག་བྱེད། གང་ལྟར་ཡང་ནོར་བུའི་རྒྱན་སོགས་ཀྱིས་ལེགས་པར་བརྒྱན་ཅིང་འཛོམ་ན་མདའ་དར་སྐུ་རྟེན་བཅས་བཙུག་ལ་མཉྫི་ལ་བཀོད། དེའི་མདུན་དུ་འབུལ་གཏོར་ཟླུམ་པོ་དཀར་མངར་ཟས་སྣ་བཟང་དགུས་བརྒྱན་པ་དང་ཉེར་སྤྱོད་སྨན་ཕུད་རྣམས་ཀྱང་ལེགས་པར་བཤམ་མོ།
།གཉིས་པ་དངོས་གཞི་ལ་གཉིས། འདོན་བྱ་དང་། དམིགས་གནད་ལག་ལེན་ནོ།
།དང་པོ་ནི། སྟན་བདེ་བར་མདུན་རྟེན་དང་ཞལ་སྤྲོད་དུ་བསམ་གཏན་གྱི་སྤྱོད་ལམ་དང་ལྡན་པས་འཁོད་དེ། ཡི་དམ་གྱི་ང་རྒྱལ་དང་ལྡན་པས་ནང་མཆོད་བྱིན་གྱིས་བརླབ་པ་ནི།
ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ་ཀྱིས་བསངས། ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷ་བ་ཤུདྡྷོ྅ཧཾ་གིས་སྦྱངས།
སྟོང་པའི་ངང་ལས་ཡཾ་ལས་རླུང་། རཾ་ལས་མེའི་སྟེང་དུ་ཨཱཿལས་ཀ་པཱ་ལ་ཤ་ལྔ་བདུད་རྩི་ལྔས་ཡོངས་སུ་གང་བ་ཧཱུྃ་བྷྲཱུཾ་ཨོཾ་ཛྲིཾ་ཁཾ་རྣམས་ཀྱིས་མཚན་པ། རླུང་གཡོས་མེ་སྦར་རྫས་བཅུ་ཡི་གེ་དང་བཅས་པ་ཞུ། སངས་རྒྱས་རྣམས་ཀྱི་ཐུགས་ཀ་ནས་བདུད་རྩི་སྤྱན་དྲངས་ཏེ་ཐིམ་པས་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར།
ཨོཾ་ཨཱཿཧཱུྃ་ཧ་ཧོཿཧྲཱིཿ ལན་གསུམ་གྱིས་བྱིན་བརླབས་པས། གནས་ཁང་མཆོད་རྫས་གཏོར་མ་རྣམས་ལ་གཏོར།
ཨ་མྲྀ་ཏས་བསང་། སྭ་བྷཱ་བས་སྦྱང་།
སྟོང་པའི་ངང་ལས་བྷྲཱུཾ་ལས་བྱུང་བའི་གཞལ་ཡས་ཁང་གི་དབུས་སུ། ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཧཱུྃ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་ནམ་མཁའི་ཁམས་ཐམས་ཅད་གང་བར་གྱུར། མཆོད་པ་བྱིན་རླབས་ཀྱི་སྔགས་དང་། རོལ་མོ་བྱིན་དབབ་སྤྱི་དང་མཐུན་པར་བྱའོ།
།སྐྱབས་འགྲོ་ནི།
བདག་གཞན་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། དྲིན་ཆེན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ལ་སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །མྱུར་མཛད་ཡེ་ཤེས་ཀྱི་མགོན་པོ་མཁའ་འགྲོའི་ཚོགས་དང་བཅས་པ་རྣམས་ལ་སྐྱབས་སུ་མཆིའོ། །ཞེས་གསུམ་བདུན་ཉེར་གཅིག་སྐབས་བསྟུན་བརྗོད།
སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་བསྙེན་སྒྲུབ་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། སྐྱབས་སེམས་བསྡུ་ན་འདི་ཁོ་ནས་ཀྱང་འཐུས།
སེམས་བསྐྱེད་ཁྱད་པར་བ་ནི།
སེམས་ཅན་ཐམས་ཅད་དབུལ་འཕོངས་ཀྱི་སྡུག་བསྔལ་བསལ་ནས་སངས་རྒྱས་ཀྱི་ས་ལ་འགོད་པར་བྱ། དེའི་ཕྱིར་དུ་མགོན་དཀར་ཡིད་བཞིན་ནོར་བུའི་བསྒོམ་བཟླས་ཉམས་སུ་བླང་བར་བགྱིའོ། །ཞེས་ཞེ་ཐག་པ་ནས་བསམ་ཞིང་ལན་གསུམ་བརྗོད་ལ།
སེམས་ཅན་ཐམས་ཅད་བདེ་བ་དང་༴ ཞེས་སོགས་ཀྱིས་ཚད་མེད་བཞི་བསྒོམ་མོ།
།དངོས་གཞི་བསྐྱེད་བཟླས་ནི། བདག་བསྐྱེད་ཡི་དམ་ལ་བྱ་བའི་ལུགས་ཀྱང་ཡོད་མོད་ཀྱི་འདི་ལ་བདག་མདུན་དབྱེར་མེད་གཙོ་ཆེ་ཞིང་། ཕྱག་ལེན་ཀྱང་བདག་མདུན་དབྱེར་མེད་ལ་མཛད་དེ། དེ་ལྟར་ན།
ཨོཾ་མ་ཧཱ་ཤཱུ་ནྱ་ཏཱ་སོགས་ཀྱིས་སྟོང་པར་སྦྱངས།
སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་དབུས་སུ་པཾ་ལས་པདྨ་དང་། རཾ་ལས་ཉི་མའི་སྟེང་དུ། གཾ་ལས་ཚོགས་བདག་དཀར་པོ་གླང་པོ་ཆེའི་གདོང་པ་ཅན། ལ་ཕུག་དང་ནེའུ་ལེ་འཛིན་པ་གཉིས་ཁ་སྦུབ་ཏུ་བསྒྱེལ་བའི་སྟེང་དུ། རང་སེམས་ཆོས་ཉིད་ཀྱི་ཐིག་ལེ་དཀར་དམར་རྒྱ་སྲན་ཙམ། དེའི་དབུས་སུ་ཧཱུྃ་དངུལ་ཆུའི་མདོག་ལྟ་བུ། དེ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་དབུལ་བའི་སྡུག་བསྔལ་བསལ། སླར་འདུས་ཏེ་ཐིམ་པ་ཡོངས་སུ་གྱུར་པ་ལས། རང་དང་མདུན་བསྐྱེད་དབྱེར་མ་མཆིས་པ། མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་དབང་གི་རྒྱལ་པོའི་སྐུར་གྱུར་པ་ནི། སྐུ་མདོག་དཀར་ཞིང་བརྗིད་པ། ཞལ་ཁྲོ་འཛུམ་གྱི་རྣམ་པ་ཅན་རབ་ཏུ་བཞད་པ། སྤྱན་གསུམ་དང་ལྡན་ཞིང་། སྨ་ར་སྨིན་མ། དབུ་སྐྲ་ཁམ་སེར་བརྫེས་པ། དཔྲལ་བར་སིནྡྷུ་རའི་ཐིག་ལེ་བྱུགས་པ། སྤྱི་བོར་མི་བསྐྱོད་རྒྱལ་པོས་རྒྱས་བཏབ་པ། ཕྱག་གཡས་ཀྱི་དང་པོས་གྲི་གུག་ནམ་མཁའ་ལ་ཕྱར་བ། བར་པས་ནོར་བུ་དབང་གི་རྒྱལ་པོ་ཐུགས་ཀར་གཏོད་པ། ཐ།མས་སེང་ལྡེང་གི་ཌཱ་མ་རུ་འཁྲོལ་བ། གཡོན་གྱི་དང་པོས་བུམ་པ་ནོར་བུས་གང་བ་ཀ་པཱ་ལ་བདུད་རྩིས་གང་བའི་ནང་དུ་བཅུག་སྟེ་བརླ་གཡོན་པ་ལ་བརྟེན་པ། གཉིས་པ་ན་རྩེ་གསུམ། ཐ་མ་ན་ཞགས་པ་འཛིན་པ། ཞབས་འགྲོ་འཆམས་ཀྱི་སྟབས་ཀྱིས་པད་ཉི་ཚོགས་བདག་གི་གདན་ལ་བཞུགས་པ། དར་སྣ་ཚོགས་ཀྱི་ལྷབ་ལྷུབ་དང་། སྟག་ལྤགས་ཀྱི་ཤམ་ཐབས་ཅན། གླང་པོ་ཆེའི་ལྤགས་པའི་སྟོད་གཡོག་གསོལ་བ། ཐོད་སྐམ་ལྔའི་དབུ་རྒྱན་དང་། རློན་པ་ལྔ་བཅུའི་དོ་ཤལ་ཅན། རིན་པོ་ཆེའི་རྒྱན་དང་སིལ་ཁྲོལ་དང་ཆུན་འཕྱང་སྣ་ཚོགས་པས་མཛེས་པ། འཁོར་དབང་སྡུད་ཀྱི་མཁའ་འགྲོ་མ་བྱེ་བ་འབུམ་སྡེའི་ཚོགས་ཀྱིས་བསྐོར་ཏེ་མེ་དཔུང་འབར་བའི་དབུས་ན་བཞུགས་པ། མགོན་པོའི་སྤྱི་བོར་བླ་མ་རྡོ་རྗེ་འཆང་དམར་པོ་ཞལ་འཛུམ་བག་ཅན་དགོས་འདོད་ཐམས་ཅད་འབྱུང་བ། གཡས་ཡིད་བཞིན་གྱི་ནོར་བུ་དང་གཡོན་དྲིལ་བུ་འཛིན་ཅིང་ཞབས་སྐྱིལ་ཀྲུང་གིས་བཞུགས་པ། མགོན་པོའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་དབང་སྡུད་ཀྱི་མཁའ་འགྲོ་མ་དམར་མོ་ལྕགས་ཀྱུ་དང་བདུད་རྩིའི་ཐོད་པ་བསྣམས་པ། ཞབས་གར་སྟབས། སྤྱན་གསུམ་ནམ་མཁའ་ལ་ཧྲིག་ཧྲིག་གཟིགས་པས་ཁམས་གསུམ་དབང་དུ་སྡུད་པའི་ཐུགས་ཀར་ཆོས་ཉིད་ཀྱི་ཐིག་ལེ་འོད་ཟེར་དམར་པོ་འཕྲོ་བ། དེའི་དབུས་སུ་ཧཱུྃ་དཀར་པོའོ། །རང་གི་སྙིང་ག་ནས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས་མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་མཁའ་འགྲོའི་ཚོགས་དང་བཅས་པ་ཐམས་ཅད་བཛྲ་ས་མཱ་ཛཿ སྤོས་སྦྱོར་ཡོད་ན་བསྲེགས།
རོལ་མོའི་སྒྲ་དང་བཅས་ཏེ་སྤྱན་འདྲེན་པ་ནི།
ཧཱུྃ། བསིལ་བ་ཚལ་གྱི་དུར་ཁྲོད་ནས། །དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལ་ཡ། དཀྱིལ་འཁོར་གནས་འདིར་གཤེགས་སུ་གསོལ། །མཆོད་པའི་གནས་འདིར་གཤེགས་ནས་ཀྱང་། །དབུལ་བའི་སྡུག་བསྔལ་ཞི་བར་མཛོད། །གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ ཞེས་དང་། ཛཿ ཉེར་གཅིག་བརྗོད།
ཧཱུྃ། རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་ལྟར། །བྱིན་གྱིས་བརླབས་པའི་གནས་འདི་རུ། །དངོས་གྲུབ་སྩོལ་ཕྱིར་བཞུགས་སུ་གསོལ། པདྨ་ཀ་མ་ལཱ་ཡ་སྟྭཾ། ཛཿཧཱུྃ་བཾ་ཧོཿ དམ་ཚིག་ཡེ་ཤེས་གཉིས་སུ་མེད་པར་གྱུར། ཐལ་མོ་སྦྱར་ཏེ།
བདག་དང་སེམས་ཅན་ཐམས་ཅད་ཀྱི། །དབུལ་བའི་སྡུག་བསྔལ་ཞི་བར།མཛད། །དངོས་གྲུབ་ཐམས་ཅད་སྩོལ་བའི་ལྷ། །བསམ་འཕེལ་ཡིད་བཞིན་ནོར་བུ་ལ། །སྒོ་གསུམ་གུས་པས་ཕྱག་འཚལ་ལོ། །ཆོས་འབྱུང་དཀར་ལ་མེ་རི་དམར་པོའི་དབུས། །པད་དཀར་གདན་དང་འོད་སྟོང་དཀྱིལ་འཁོར་སྟེང་། །གངས་རི་ལྟར་དཀར་ཞལ་གཅིག་ཕྱག་དྲུག་པ། །ཁྱོད་ལ་རྣམ་དཀར་དད་པས་ཕྱག་འཚལ་ལོ། །ཞེས་པས་ཕྱག་བྱ།
མཆོད་པ་ནི།
རྟེན་ཅིང་འབྲེལ་བར་འབྱུང་བ་ཡི། །ལྷ་རྫས་བཟང་པོའི་ཉེར་སྤྱོད་འདི། །མྱུར་མཛད་འཁོར་དང་བཅས་ལ་འབུལ། །དངོས་གྲུབ་སྩོལ་ཕྱིར་བཞེས་སུ་གསོལ། །གུ་རུ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་པཱདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱ་ཤབྡ་པྲ་ཏཱིཙྪ་སྭཱ་ཧཱ། རྟེན་ཅིང་འབྲེལ་བར་འབྱུང་བ་ཡི། །ལྷ་རྫས་བཟང་པོའི་འདོད་ཡོན་འདི། །མྱུར་མཛད་འཁོར་དང་བཅས་ལ་འབུལ། །དངོས་གྲུབ་སྩོལ་ཕྱིར་བཞེས་སུ་གསོལ། །སྔགས་གོང་ལྟར་ལ།
རཱུ་པ་ཤཔྡ་གནྡྷེ་ར་ས་སྤཪྴེ་པྲ་ཏཱིཙྪ་སྭཱ་ཧཱ། རྒྱས་པར་སྤྲོ་ན།
ལྷ་རྫས་དམ་པའི་མཆོད་ཡོན༴ །ཅེས་སོགས་དང་།
གཟུགས་མཆོག་སྒྲ་སྙན་སོགས་ཚིགས་བཅད་སྔགས་སོ་སོར་ཕྲལ་ཏེ་འབུལ། ནང་མཆོད་གཡོན་པའི་མཐེབ་སྲིན་གྱིས་བླངས་ཏེ་སྤྱི་བོར་གཏོར་ནས། རྒྱས་པར་འདིའི་བླ་མ་བརྒྱུད་པ་རྣམས་ཀྱི་མཚན་ནས་བརྗོད་ལ་འབུལ། བསྡུ་ན།
རྩ་བརྒྱུད་བླ་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། སྙིང་ག་ནས་གཏོར་ལ།
ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱི་ཞལ་དུ་ཨོཾ་ཨཱཿཧཱུྃ། ལྟེ་བའི་ཐད་ནས་གཏོར་ཏེ། མགོན་པོའི་སྔགས་མཇུག་ཏུ།
ཨོཾ་ཨཱཿཧཱུྃ། གཞན་ཡང་འཁོར་གྱི་མཁའ་འགྲོ་གནོད་སྦྱིན་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཆོས་སྐྱོང་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གཞི་བདག་རིགས་དྲུག་རྣམས་ལྷར་གསལ་བའི་ཞལ་དུ་ཨོཾ་ཨཱཿཧཱུྃ། རང་གིས་ཀྱང་མྱང་ལ་འབྲུ་གསུམ་བརྗོད།
བསྟོད་པ་ཁྱུང་པོས་མཛད་པ་ནི།
ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི། །ཐུགས་རྗེ་གཅིག་བསྡུས་རྗེ་བཙུན་སྤྱན་རས་གཟིགས། །དེ་ཡི་སྤྲུལ་པ་ཕྱག་དྲུག་མགོན་པོ་ལ། །ལུས་ངག་ཡིད་གསུམ་གུས་པས་ཕྱག་འཚལ་ལོ།
།མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །ཞལ་གཅིག་ཕྱག་དྲུག་ཞབས་གཉིས་ནོར་བདག་མནན། །འགྲོ་བའི་དབུལ་བ་སེལ་ལ་ཕྱག་འཚལ་ལོ།
།ཕྱག་གཡས་དང་པོས་རྡོ་རྗེ་གྲི་གུག་བསྣམས། །བར་པས་ཡིད་བཞིན་ནོར་བུས་དགོས་འདོད་སྟེར། །ཐ་མ་ཌཱ་རུས་མཁའ་འགྲོ་དབང་དུ་སྡུད། །ཁམས་གསུམ་དབང་དུ་སྡུད་ལ་ཕྱག་འཚལ་ལོ།
།གཡོན་པས་རིན་ཆེན་བུམ་པ་དཀུ་ལ་བརྟེན། །བར་པས་རྩེ་གསུམ་ཁམས་གསུམ་མ་ལུས་སྒྲོལ། །ཐ་མ་ཞགས་པས་སེམས་ཅན་བཅིངས་པ་འགྲོལ། །མགོན་པོ་ཐུགས་རྗེ་ཅན་ལ་ཕྱག་འཚལ་ལོ།
།སྐུ་སྟོད་རིན་ཆེན་རྒྱན་གྱིས་རྣམ་པར་བརྒྱན། །སྐུ་སྨད་རིན་ཆེན་ཟར་བུས་རྣམ་པར་མཛེས། །ཕྱག་ཞབས་ཐམས་ཅད་རིན་ཆེན་ནོར་བུས་བརྒྱན། །འགྲོ་བའི་རེ་འདོད་སྐོང་ལ་ཕྱག་འཚལ་ལོ།
ཁྱོད་ནི་ཡིད་ལ་དྲན་པ་ཙམ་གྱིས་ཀྱང་། །དེ་ཡི་མོད་ལ་དབུལ་ཕོངས་སྡུག་བསྔལ་སེལ། །འགྲོ་བའི་རེ་འདོད་ཚུལ་བཞིན་སྐོང་མཛད་པ། །ཡིད་བཞིན་ནོར་བུ་ཁྱེད་ལ་བདག་བསྟོད་དོ།
།ཁྱེད་ལ་མཆོད་ཅིང་གུས་པས་བསྟོད་བྱས་ན། །ཇི་སྲིད་བྱང་ཆུབ་མ་ཐོབ་བར་དུ་ཡང་། །མགོན་པོ་ཁྱེད་ཀྱི་ཐུགས་རྗེས་བདག་བཟུང་ནས། །བྱང་ཆུབ་སྒྲུབ་པའི་མཐུན་རྐྱེན་སྒྲུབ་པར་མཛོད།
།དེ་ཡི་དགེ་བས་བདག་ཀྱང་ཁྱོད་བཞིན་དུ། །འགྲོ་བའི་རེ་འདོད་ཚུལ་བཞིན་སྐོང་བ་དང་། །སེམས་ཅན་སངས་རྒྱས་ས་ལ་འགོད་པ་ཡི། །འགྲོ་བའི་དོན་ལ་མཐུ་དང་ལྡན་པར་མཛོད། །ཅེས་སམ། བསྡུ་ན།
མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །འགྲོ་བའི་དབུལ་ཕོངས་མ་ལུས་ཞི་མཛད་པ། འདོད་རྒུའི་དངོས་གྲུབ་སྩོལ་ལ་ཕྱག་འཚལ་བསྟོད། །ཅེས་པ་ཙམ་གྱིས་བསྟོད་དོ།
།དེ་ནས་བཟླས་པ་ནི།
ཐུགས་ཀའི་ཆོས་ཉིད་ཀྱི་ཐིག་ལེ་ཧཱུྃ་དང་བཅས་པའི་མཐར་སྔགས་ཀྱི་ཕྲེང་བ་དཀར་པོ་འོད་ཟེར་དམར་པོ་འཕྲོ་བ་མདུན་ནས་བརྩམས་ཏེ་གཡས་བསྐོར་དུ་འཁོད་པར་བསམ་ལ། གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ ཞེས་རྩ་སྔགས་བཅུ་གསུམ་འདི་ཉིད་དུས་གྲངས་རྟགས་གསུམ་གང་རུང་མ་ཐེམ་བར་དུ་བཟླའོ། །བཟླས་པ་གྲུབ་པའི་ཐུན་མཐར་སྔགས་ཙམ་གྱིས་མཆོད།
མགོན་པོ་ཡིད་བཞིན་ནོར་བུ་སོགས་ཤོ་ལོ་ཀ་གཅིག་གིས་བསྟོད། དེ་ནས་གཏོར་འབུལ་ནི། ཐུན་ཐམས་ཅད་ལ་གྲུབ་ན་ལེགས། ཐུན་ཐ་མ་ལ་ཅིས་ཀྱང་དགོས་པས་འབུལ་གཏོར་ནང་མཆོད་དང་ཆབ་ཀྱིས་བྲན་ལ་གོང་བཞིན་བསང་སྦྱང་།
སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་བུ་གསུམ་གྱི་སྟེང་དུ་ཨཱ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཤ་ལྔ་བདུད་རྩི་ལྔ་དང་། དགྲ་བགེགས་ཀྱི་ཤ་ཁྲག་དུ་མ་ལས་གྲུབ་པའི་གཏོར་མ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཕྱག་རྒྱ་དང་བཅས།
ཨོཾ་ཨཱཿཧཱུྃ་ཧ་ཧོཿཧྲཱིཿ ལན་གསུམ་བརྗོད་པས་བྱིན་བརླབ། བདག་མདུན་དབྱེར་མེད་ཡེ་ཤེས་པ་ལ་འབུལ་བས་ཆོག་ཀྱང་ལས་དང་པོ་པ་ལ་རྟོགས་པས་མ་ཆུན་ན། མདུན་དུ་རྟེན་གཏོར།དང་དབྱེར་མེད་པར་ཡེ་ཤེས་མགོན་པོ་འཁོར་བཅས་སྐད་ཅིག་གིས་གསལ་བར་མོས་ལ།
མགོན་པོ་ཡེ་ཤེས་སེམས་དཔའ་མཁའ་འགྲོའི་འཁོར་དང་བཅས་པ་རྣམས་ཀྱིས་ལྗགས་རྡོ་རྗེའི་སྦུ་གུས་གཏོར་མ་དྲངས་ནས་གསོལ་བར་གྱུར། སྙིང་པོའི་མཐར།
ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་བཏགས་པ་ལན་བདུན་གྱིས་འབུལ་ཞིང་།
ཤཱ་ས་ན་ལན་གསུམ་གྱིས་དམ་ཅན་སྤྱི་ལ་འབུལ་བ་ཕྱག་ལེན་མཛད། དེ་ནས་གོང་བཞིན་མཆོད་བསྟོད།
མཆོད་སྦྱིན་གཏོར་མ་འདི་བཞེས་ལ། ཞེས་སོགས་སམ། བསྡུ་ན།
དཔལ་ལྡན་མགོན་པོ་འཁོར་བཅས་ཀྱི། །མཆོད་སྦྱིན་གཏོར་མ་འདི་བཞེས་ལ། སངས་རྒྱས་བསྟན་སྲུངས་རྣལ་འབྱོར་གྱི། །ཚེ་རིང་ལོངས་སྤྱོད་རྒྱས་པར་མཛོད། ཁམས་གསུམ་འགྲོ་བ་དབང་དུ་བསྡུས། །ཞེས་བརྗོད། གཞན་ཡང་ཐལ་མོ་སྦྱར་ཏེ། མོས་པ་རྩེ་གཅིག་པས།
བཅོམ་ལྡན་འདས་ཡིད་བཞིན་ནོར་བུ་གཟི་ལྡན་ཐུགས་རྗེ་ཅན་ཁྱོད་ལ་གསོལ་བ་འདེབས་སོ། །སངས་རྒྱས་ཀྱི་བསྟན་པ་སྲུངས་ཤིག །དཀོན་མཆོག་གི་དབུ་འཕང་བསྟོད་ཅིག དགེ་འདུན་གྱི་ཆོས་འཁོར་སྐྱོངས་ཤིག །བླ་མའི་སྐུ་ཚེ་སྲིངས་ཤིག །ཁྱད་པར་དུ་རྣལ་འབྱོར་པ་བདག་ལ་སྙན་པའི་གྲགས་པས་ས་སྟེང་མ་ལུས་པར་ཁྱབ་པ་དང་། དགོས་འདོད་ཐམས་ཅད་ཆར་བཞིན་དུ་བབས་ནས་ལོངས་སྤྱོད་ཟད་མི་ཤེས་པ་དང་། མི་ནོར་ཟས་གསུམ་འདུ་ཞིང་། ཐོས་བསམ་སྒོམ་གསུམ་གྱི་ཕྲིན་ལས་ཐམས་ཅད་འབད་མེད་དུ་འགྲུབ་པར་མཛད་དུ་གསོལ། །ཞེས་ལན་བདུན་ལ་སོགས་པས་གསོལ་བ་བཏབ། བཟླས་པའི་མཇུག་ལ་སོགས་པའི་མཆོད་བསྟོད་ཀྱི་གཤམ་ཐམས་ཅད་དུ་ཡང་འདིའི་གསོལ་བ་འདེབས་པ་གནད་ཡིན་ཅེས་གསུངས་སོ། །ཡིག་བརྒྱ་བརྗོད།
མ་འབྱོར་བ་དང་སོགས་ཀྱིས་ནོངས་པ་བཤགས། རྟེན་མེད་ན་མདུན་བསྐྱེད་གཤེགས་གསོལ་བྱ་བར་བཤད་ཀྱང་། རྟེན་ལ་དམིགས་ནས་ཡེ་ཤེས་པ་བརྟན་བཞུགས་བྱ།
དེ་ནས་ཉེར་བསྡུའི་རྣལ་འབྱོར་ནི།
རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་ཁམས་གསུམ་སྣོད་བཅུད་ཐམས་ཅད་འོད་དུ་ཞུ་སྟེ་སྲུང་བའི་འཁོར་ལོ་ལ་ཐིམ། དེ་ཞུ་བ་རང་ལ་ཐིམ། བདག་བསྐྱེད་གདན་དང་བཅས་པ་སྙིང་གའི་མཁའ་འགྲོ་མ་ལ་ཐིམ། དེ་འོད་དུ་ཞུ་ནས་སྔགས་ཕྲེང་ལ་ཐིམ། དེ་འོད་དུ་ཞུ་ནས་ཐིག་ལེ་ལ་ཐིམ། དེ་ཧཱུྃ་ལ་ཐིམ། ཧཱུྃ་གིས་ཞབས་ཀྱུ། ཁོག་པ། མགོ་བོ། ཟླ་ཚེས། ཐིག་ལེ། ནཱ་དའི་བར་དུ་འདུས། ནཱ་ད་ཡང་མི་དམིགས་ཏེ་འོད་གསལ་སྟོང་པ་ཉིད་དུ་གྱུར། ཞེས་བརྗོད་ཅིང་བསམ་ལ་སྤྲོས་པ་ཐམས་ཅད་དང་བྲལ་བའི་ངང་དུ་མཉམ་པར་འཇོག །སླར།
སྐད་ཅིག་གིས་སྟོང་པའི།ངང་ལས་རང་ཉིད་དཔལ་ཡིད་བཞིན་ནོར་བུའི་སྐུར་གྱུར། ཅེས་བརྗོད་ཅིང་ལྷ་སྐུ་སྣང་སྟོང་སྒྱུ་མ་ལྟ་བུའི་གསལ་བཏབ། རང་གི་དཔྲལ་བར་ཨོཾ་དཀར་པོ་སོགས་ཀྱིས་བསྲུང་བར་བྱ།
དགེ་བ་འདི་ཡིས་མྱུར་དུ་བདག །ཡིད་བཞིན་ནོར་བུ་འགྲུབ་གྱུར་ནས། །སོགས་ཀྱིས་བསྔོ་སྨོན་དང་། བཀྲ་ཤིས་བཀའ་རྒྱ་མའམ་གང་རུང་བརྗོད་དོ།
།གཉིས་པ་དམིགས་རིམ་དང་ལག་ལེན་ནི། འདི་བསྙེན་སྒྲུབ་བྱེད་པར་ཐོག་མ་ནས་མི་གཞན་གྱིས་མ་ཚོར་བ་དང་རྟེན་རྣམས་གཞན་གྱིས་མ་མཐོང་ན་ལེགས། ནོར་སྒྲུབ་གཙོ་བོར་གྱུར་པ་ཡིན་པས་རྣམ་ཀུན་ལྷ་གཤེགས་གསོལ་གཏོར་མ་ཕྱི་ལ་གཏོང་བ་སོགས་མི་རུང་། ནོར་ལྷ་དང་ཆོས་སྐྱོང་གཞན་བསྒྲུབ་པ་ལ་ཐོག་མར་སྒབ་འདྲེ་གནོན་དགོས་ཀྱང་། སྤྱན་རས་གཟིགས་ཞི་དྲག་གང་ལའང་སྒབ་འདྲེ་གནོན་མི་དགོས་པས་ཕྱག་དྲུག་པའི་རིགས་གང་ལའང་སྒབ་འདྲེ་མེད་ཅིང་འགྲུབ་ཐག་ཉེ། རིན་ཆེན་བརྒྱུད་པའི་རྣམ་ཐར་དང་མགོན་པོ་དཀར་མཐིང་གི་ལོ་རྒྱུས་བརྒྱུད་པའི་རྣམ་ཐར་སོགས་མཇལ་ལ་རྒྱུ་མཚན་ཤེས་པའི་དད་པ་ངེས་ཤེས་ཡིད་ཆེས་རྩེ་གཅིག་པས་ཕུར་ཚུགས་སུ་སྒྲུབ་ནུས་ཤིང་གཞན་ལ་མི་ལྟོས་པ་ཞིག་ཐོག་མ་ནས་དགོས། དེའང་ཚེ་འདིའི་དཔལ་འབྱོར་ནོར་ལོངས་སྤྱོད་སྙན་གྲགས་སོགས་ཞར་བྱུང་འོང་ན་མ་བཀག་པ་ལས་ཚེ་འདིའི་སྣང་བ་ལ་ཞེན་འཁྲིས་བཅད་ནས་མཆོག་དངོས་ཁོ་ན་དོན་ཏུ་གཉེར་ནས་ལྷ་འདི་སྒྲུབ་པ་ཞིག་དགོས། གཙོ་བོར་ཤངས་པའི་བརྒྱུད་པ་འཛིན་ཅིང་གསེར་ཆོས་ཉམས་ལེན་མཁན་ཡིན་ན་ཚད་དུ་མ་བསྒྲུབས་ཀྱང་རང་བཞིན་གྱིས་འཁོར་ནས་དངོས་གྲུབ་སྟེར་བ་ཡིན། མཐུ་དང་ནོར་ཙམ་ལ་དམིགས་ནས་མགོན་པོ་མཐིང་དཀར་གང་བསྒྲུབས་ཀྱང་མཆོག་ལ་སྒྲིབ་ཅིང་འདོད་པའང་ཇི་བཞིན་མི་འབྱུང་། དེས་ན་གཙོ་བོར་བླ་མའི་མོས་གུས་དང་། ངེས་འབྱུང་སྙིང་རྗེ་ལ་ཕུར་ཚུགས་བྱེད་པ་ནི་མགོན་པོ་འདི་སྒྲུབ་པའི་གནད་ཀྱི་དམ་ཚིག་ཡིན། བསྙེན་སྒྲུབ་སྐབས་ཀྱི་སྤང་བླང་སྤྱི་དང་འདྲ་ཞིང་། ཐུན་གསུམ་མམ་བཞི་གང་བྱེད་ཀྱང་མི་ཚིག་གིས་བར་མ་ཆོད་པ་དང་། སྔགས་གཞན་དང་མ་འདྲེས་པ་གདན་ཐོག་གཅིག་ཏུ་བསྙེན་པ་ཡོངས་རྫོགས་འགྲོ་དགོས་ཐུན་མཚམས་སུ་འཐོར་བསྙེན་གྱི་ཚུལ་དུ་བཟླས་པ་གྲངས་ལ་མི་རྩི་ཡང་ཁ་སྐོང་དུ་འགྱུར། བཟླས་པའི་ཐོག་མར་ཕྲེང་བ་བྱིན་རླབས་དང་ཐུན་བསྡུ་སྐབས་བཟླས་པ་ལྷ་ལ་འབུལ་ཞིང་དབྱངས་གསལ་ཡིག་བརྒྱ་རྟེན་སྙིང་རྣམས་ཀྱིས་ཁ་སྐོང་བ་སོགས་ཀྱང་སྤྱི་འགྲོ་ལྟར་བྱ་ཆོག
།བཟླ་བྱའི་སྔགས་དང་གྲངས་ཚད་ནི།
གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ
ཞེས་པའི་ཡི་གེ་འབྲུ་བཅུ་གསུམ། གི་གུ་བཞི། ཞབས་ཀྱུ་གཉིས་ཏེ། ཁམས་གསུམ་དབང་སྡུད་ཀྱི་སྙིང་པོ་འདི་ཚིག་གཞན་གྱིས་བར་མ་ཆོད་པར་འབུམ་ཕྲག་བཅུ་གསུམ་ཆུ་བོའི་གཞུང་བཞིན་བཟླས་པར་བྱའོ། །ཞེས་ཁྱུང་པོས་གསུངས་ལ། །མཁས་གྲུབ་ཆོས་རྗེའི་གསུངས་རྒྱུན་ལས། ས་ཡ་རྭ་ཅན་བཟླ་གསུངས་ཏེ། གོང་ལྟར་འབུམ་ཕྲག་བཅུ་གསུམ། ཁ་སྐོང་ཁྲི་ཚོ་བཅུ་གསུམ་དང་བཅས་པ་བཟླས་ན་ལེགས་ཏེ་དེས་ནི་གྲངས་བསྙེན་ཐེམས་པ་ཡིན། མཚན་མའི་བསྙེན་པ་ནི། རྟགས་གཅིག།མ་བྱུང་གི་བར་དུ་བྱེད་དེ། རྟགས་ནི་རབ་དངོས་སམ། འབྲིང་ཉམས་སྣང་། ཐ་མ་རྨི་ལམ་དུ་མགོན་པོ་དང་མཁའ་འགྲོ་དངོས་སུ་མཐོང་བ་དང་། བླ་མ་དུར་ཁྲོད་ནས་བྱོན་པ་དང་། རིག་མ་མཚན་ལྡན་གྱིས་དངོས་གྲུབ་སྟེར་བ་དང་། ཁམས་གསུམ་སེམས་ཅན་ལ་དབང་བསྒྱུར་བ་དང་། ཉི་ཟླ་ཤར་བ་དང་། གོས་དཀར་པོ་གྱོན་པ་དང་། བུམ་པ་ཐོགས་པ་དང་། ནོར་བུ་རྙེད་པ་ལ་སོགས་པའི་རྟགས་འབྱུང་ངོ་། དེ་ལྟར་རྟགས་བྱུང་ནས་འགྲུབ་པ་ཡིན་པས། ཚེ་རིང་ནད་མེད་ཁམས་གསུམ་དབང་དུ་འདུས། །ལྷ་སྲིན་བྲན་དུ་ཁོལ་ནས་རྨི་ལམ་ཟིན། །བར་དོ་མེད་པར་སངས་རྒྱས་སོ། །ཞེས་གཟུངས་ལས་གསུངས་སོ།

༈ །དམིགས་རིམ་ནི། སྐྱབས་འགྲོའི་སྐབས་སུའང་བླ་མ་མགོན་པོ་དབྱེར་མེད་དཀོན་མཆོག་ཀུན་འདུས་སུ་མོས་པས་དེང་ནས་བྱང་ཆུབ་བར་དུ་བློ་ལིངས་ཀྱིས་བཀལ་ཏེ་ཅི་མཛད་ཁྱེད་ཤེས་བྱ་བ་དང་། སེམས་ཅན་ཐམས་ཅད་གནས་སྐབས་མཐར་ཐུག་མཆོག་དང་ཐུན་མོང་གི་དབུལ་བ་སེལ་བའི་ཆེད་དུ་བསྒྲུབ་བར་སེམས་བསྐྱེད་པས་མཚོན། མགོན་པོའི་སྐུའི་གསལ་སྣང་དང་ང་རྒྱལ་ལ་བློ་རྩེ་གཅིག་ཏུ་གཏོད་པ་སོགས་སྤྱི་དང་ཁྱད་པར་གྱི་དམིགས་པའི་རྣམ་པ་ལ་ཡིད་རྩེ་གཅིག་པ་གལ་ཆེ་ཞིང་། བྱེ་བྲག་བཟླས་པའི་དམིགས་པ་ལ་ཐོག་མར་བསྙེན་པའི་སྐབས། མཁའ་འགྲོའི་ཐུགས་ཀའི་ཐིག་ལེ་ཧཱུྃ་ཡིག་སྔགས་ཕྲེང་བཅས་པ་ལ་སེམས་རྩེ་གཅིག་ཏུ་གཏད། དེ་ལ་གསལ་སྣང་སྐྱེས་པ་ན། དེ་དག་ལས་འོད་ཟེར་ནམ་མཁའི་ཁམས་གང་བར་འཕྲོས། ཕྱོགས་དུས་དཀོན་མཆོག་རྩ་བ་གསུམ་གྱི་ཐུགས་རྒྱུད་བསྐུལ། སྐུ་གསུང་ཐུགས་ཀྱི་བྱིན་རླབས་དངོས་གྲུབ་ཐམས་ཅད་འོད་ཟེར་ཐིག་ལེ་ནོར་བུ་གྲི་གུག་བུམ་པ་ཀ་པཱ་ལ་བཅུད་ལྡན་ལ་སོགས་པའི་རྣམ་པ་ཅན་ཆར་བབས་པ་ལྟར་བྱོན་ནས་རང་ལ་ཐིམ་པས་དེ་དག་དང་དབྱེར་མེད་དུ་གྱུར་པར་མོས། ཡང་འོད་ཟེར་དམར་ཞིང་རྣོ་བ་དཔག་ཏུ་མེད་པ་འཕྲོས་པས། སྲིད་པ་འཁོར་བ་དང་ཞི་བ་མྱ་ངན་ལས་འདས་པས་བསྡུས་པའི་བརྟན་གཡོ་སྣོད་བཅུད་ཀྱི་བདེ་ལེགས་ཕུན་སུམ་ཚོགས་པ་ཐམས་ཅད་རང་དབང་མེད་པར་བསྡུས་ནས་ཐིག་ལེ་ལ་ཐིམ་པས་རྣལ་འབྱོར་པ་ལ་ཚེ་དང་བསོད་ནམས་དང་དཔལ་དང་དབང་ཕྱུག བདེ་ལེགས་ཆར་བཞིན་འབབ་པར་མོས་ལ་རིག་པ་གྲུང་བཏོན། ཤེས་པ་ཧུར་བཏོན་ལ་བཟླས། སྐབས་འགར་སེམས་གནས་ལུགས་ཀྱི་སྟེང་དུ་འཛིན་ཅིང་། ལྷའི་སྤྱན་དབུས་མ་ནས་བཟུང་སྟེ་རྟེན་དང་བརྟེན་པའི་གསལ་སྣང་ལ་སེམས་གཏད་ཅིང་། རེས་འགའ་སྙིང་གའི་སྔགས་ཀློག་པའི་ཚུལ་དང་། རེས་འགའ་ངག་ཏུ་མི་བརྗོད་པར་ཡིད་ཀྱིས་བཟླས། སྐབས་རེར་མོས་གུས་དང་སྙིང་རྗེ་དྲག་ཏུ་བསྐྱེད་ལ་བཟླ། མདོར་ན་སེམས་མ་ཡེངས་པར་བཟླ་སྟེ། གཞན་དུ་ཡེངས་པས་བཟླས་ན་ནི། །བསྐལ་པར་བསྒྲུབས་ཀྱང་མི་འགྲུབ་བོ། །ཞེས་གསུངས་པས་དྲན་པར་བྱའོ། །གྲངས་རྟགས་ཐེབས་ནས་ལས་སྦྱོར་གྱི་སྐབས་སུ། ཐུགས་ཀ་ནས་འོད་ཟེར་དམར་པོ་ཚ་ཞིང་རྣོ་བ་འཕྲོས། འཁོར་གྱི་མཁའ་འགྲོ་དང་ནོར་བདག་གནོད་སྦྱིན་རྣམས་ཀྱི་ཐུགས་ཀར་ཕོག་པས། དེ་དག་གི་ཐུགས་རྒྱུད་དབང་མེད་དུ་བསྐུལ་ནས། སྲིད་པ་གསུམ་གྱི་དངོས་གྲུབ་ཧྲིལ་གྱིས།བསྡུས་ནས། རང་གི་མདུན་དུ་ཟས་ནོར་ལོངས་སྤྱོད་རི་རབ་ཙམ་སྤུངས་ཤིང་སྟེར་བར་མོས་ལ་བཟླ་བ་དང་། ཡང་འོད་ཟེར་འཕྲོས་རྒྱལ་པོ་ཕྱུག་པོ་དྲག་དགུ་ཆེ་དགུ་སྐྱེས་པ་བུད་མེད་ལ་སོགས་ཏེ། མི་དང་མི་མ་ཡིན་པ་ཐམས་ཅད་ཀྱི་སྙིང་དུ་འོད་ཟེར་མཁའ་འགྲོ་གནོད་སྦྱིན་རྣམས་ཀྱི་རིག་པ་དང་བཅས་པ་ཞུགས། མི་ཐམས་ཅད་ཀྱི་ཤེས་པ་རང་དབང་མེད་པར་གྱུར་ནས་བདག་གི་དབང་དུ་འུབ་ཀྱིས་བསྡུས་པར་མོས་ལ་བཟླ་བ་དང་། ཁྱད་པར་རང་གིས་དབང་དུ་བསྡུ་བར་འདོད་པ་དེའི་སྙིང་གི་དཀྱིལ་དུ་མི་དེའི་རྣམ་ཤེས་ྀ་ལྗང་གུ་ཉ་མིག་ཙམ་ཞིག་ཡོད་པ་དེ། མཁའ་འགྲོ་དང་གནོད་སྦྱིན་རྣམས་ཀྱི་སྙིང་གའི་འོད་ཟེར་གྱི་ལྕགས་ཀྱུས་ཙིར་གྱིས་བཟུང་ནས་བདག་གི་དབང་དུ་བསྡུས་པར་མོས་པ་རྣམས་ནི་མཁའ་འགྲོ་དང་གནོད་སྦྱིན་རྣམས་ལ་བརྟེན་པའི་ཟབ་ཁྱད་དོ། །ཡང་འོད་ཟེར་འཕྲོས་པས་འཇིག་རྟེན་གྱི་ལྷ་ཀླུ་གནོད་སྦྱིན་སྟོབས་ལྡན་རྣམས་དང་། མིའི་དབང་པོ་ལ་སོགས་པའི་སྟོབས་ལྡན་ཐམས་ཅད་བཀུག་སྟེ་ཚོགས་བདག་ལ་བསྟིམས་པས། དེ་དག་ཐམས་ཅད་ཀྱིས་རྣལ་འབྱོར་པའི་བཀའ་བཞིན་དུ་ཉན་ཅིང་བྲན་བཞིན་དུ་ལས་སྒྲུབ་པར་མོས་ཏེ་བཟླ་བ་ནི་ཚོགས་བདག་ལ་བརྟེན་པའི་ཟབ་ཁྱད་དེ། དེ་དག་ནི་རྗེ་བཙུན་གྲོལ་མཆོག་ཞབས་སོགས་བརྒྱུད་པའི་བླ་མ་གོང་མ་རྣམས་ཀྱི་མན་ངག་ལས་བྱུང་བའོ། །ཡང་ཐུན་མོང་མ་ཡིན་པའི་དམིགས་རིམ་གནད་ནི། ཐུགས་ཀའི་ཧཱུྃ་ཡིག་ལས་བྱུང་བའི་ཌཱ་ཀི་དམར་མོ་ཅང་ཏེའུ་དང་གཡོན་ཀ་པཱ་ལ་ཐོགས་པ་དུ་མ་སྣ་བུག་གཡོན་ནས་ཐོན། འཇིག་རྟེན་གྱི་ཁམས་གང་། བརྟན་དང་གཡོ་བའི་ཆོས་བཅུ་བཞིའི་དྭངས་མ། འཇིག་རྟེན་ལས་འདས་པའི་དངོས་གྲུབ་མ་ལུས་པ་བསྡུས་ཏེ་འཕྲོས་པའི་ལམ་ནས་ཚུར་ཞུགས། སྲོག་རྩ་བརྒྱུད། ཆོས་ཉིད་ཀྱི་ཐིག་ལེ་ལ་ཐིམ་པར་མོས་པ་ནི་ཟབ་ཁྱད་དང་པོ་དང་ཞབས་ཀྱིས་གཟིར་བས་ཞབས་འོག་ཚོགས་བདག་བསྐུལ། དེ་ལས་རང་འདྲ་བ་དཔག་མེད་འཕྲོས། མི་དང་མི་མ་ཡིན་ཐམས་ཅད་དང་ཁྱད་པར་དམིགས་བྱ་རྣམས་རང་དབང་མེད་པར་བཀུག་སྟེ་རང་གི་བྲན་དུ་ཕུལ་བས་དེ་དག་དད་གུས་རྩེ་གཅིག་པས་བསྒོ་བའི་བཀའ་ཉན་པ་དང་། ཚོགས་བདག་གི་ཁ་གཤང་བ་བ་སྤུའི་བུ་ག་ལ་སོགས་པ་ནས་ཡིད་བཞིན་ནོར་བུའི་ཆར་རྒྱུན་ཟད་མེད་དུ་བབས་པས་གནས་ཁང་འདོད་རྒུས་ཕྱུར་བུར་གཏམས་པར་བསམ་པ་ནི་ཟབ་ཁྱད་ཕྱི་མ་སྟེ། དེ་དག་གི་སྐབས་སུ་རྩ་སྔགས་སིདྡྷི་མའི་གཤམ་དུ། རྒྱས་པ་ལ། སརྦ་པུཥྚི་ཀུ་རུ་བྷྲཱུཾ། ཞེས་དང་། དབང་ལ། སརྦ་ལོ་ཀ་ཝ་ཤཾ་ཀུ་རུ་ཧོཿ ཞེས་བཏགས་པའང་ཅུང་ཟད་བཟླས་སོ། །བསྡུ་རིམ་གྱི་སྐབས་སུ། ལུས་རྣམ་སྣང་གི་ཆོས་བདུན་དང་ལྡན་པས། ངག་གི་རླུང་རྒྱུ་བ་རང་སོར་བཞག །སེམས་ཀྱི་དུས་གསུམ་གྱི་སྤྲོས་པ་བཅད། ཐིག་ལེ་འོད་དུ་ཡལ་སོང་བའི་ངང་ནས་སྤྲོས་པའི་མཐའ་ཐམས་ཅད་དང་བྲལ་བ་ཡིན་སྙམ་དུ་བཞག་གོ། །དེ་ཡང་དང་པོ་ཐིག་ལེ་ལ་སེམས་ཡུན་རིང་དུ་འཛིན། དེ་ནས་རིམ་གྱིས་སྤྲོས་བྲལ་དུ་འཇོག །མཐར་དེ་ལྟར་བཞག་པའི་ངང་ནས། རིག་པ་དེ་རིག་སྟོང་། འགྱུར་བདེ་འགྱུ་སྟོང་། གསལ་བ་དེ་གསལ་སྟོང་། ཡིན་མིན་གྱི་མཐའ་དང་བྲལ་བས་རྨི་ལམ་གྱི་སྣང་བ། སྒྱུ་མའི་རང་བཞིན་ཞེས་བྱ་བ་ངོ་ཤེས་པར་བྱ་བ་མཁས་གྲུབ་ཁྱུང་པོའི་བཞེད་པ་སྟེ། བླ་མ་གོང་མ་དག་འདི་ཡིད་བཞིན་ནོར་བུ་ཞེས་བྱ་བའི་རྫོགས་རིམ་གྱི་ཐ་སྙད་མཛད། འགྲོ་འཆག་ཉལ་འདུག་གི་སྣང་བ་ཐམས་ཅད་ཀྱང་རྨི་ལམ་སྒྱུ་མ་ལྷ་སྐུར་ཤེས་པའི་ངང་ནས་བྱ། སྒྲུབ་པ་འདི་ལ་གསོལ་འདེབས་ཁོ་ན་གལ་ཆེ་བར་གསུངས་པས་བཀའ་ཐོབ་ན་བླ་མགོན་དབྱེར་མེད་ཀྱི་གསོལ་འདེབས་སྦྱར། བཀའ་མ་ཐོབ་ཀྱང་ཐུན་མཚམས་ཀུན་ཏུ། ན་མོ་བུདྡྷ་སོགས་ཀྱི་གསོལ་འདེབས་དང་། ཚོགས་གཏོར་ལ་བརྩོན་པ་གལ་ཆེ། དགོངས་མོ་ལྟ་བུར་མགོན་མཐིང་གི་གཏོར་ཆོག་རེའང་གྲུབ་ན་གལ་ཆེ་ཞིང་བསྙེན་སྒྲུབ་ཟིན་ནས་རྒྱུན་དུ་འདི་ཉིད་ཀྱི་གཏོར་འབུལ་རེའང་ཆག་ཏུ་མི་རུང་། བསྙེན་པ་གྲུབ་པའི་ཁ་སྐོང་དང་ལས་ལ་སྦྱོར་བའི་ཚེ་སྦྱིན་སྲེག་ཀྱང་གལ་ཆེ། གནད་ཀྱི་ཁྱད་པར་རགས་བསྡུས་སུ་བཀོད་པ་ཡིན་ལ་ཞིབ་པར་ཡིག་རྙིང་རྣམས་ལས་ཤེས་དགོས། གདམས་ངག་འདི་ནི་གཞན་གང་དང་ཡང་མི་འདྲ་བས་ཚེ་འདི་དང་འཆི་ཁ་བར་དོ་རུ་ངེས་པར་སླེབས་པ་ཡིན་གསུངས་སོ།

།གསུམ་པ་གཏོར་ཆོག་སྐོང་གསོའི་ཕྲིན་ལས་བྱ་བར་འདོད་པས། རྟེན་མཆོད་བསྙེན་སྒྲུབ་ཀྱི་སྐབས་ལྟར་འཛོམས་ན་ལེགས། མ་འཛོམས་ན་མཆོད་གཏོར་ཉེར་སྤྱོད་སྨན་ཕུད་སོགས་ཇི་ཙམ་འབྱོར་བ་འདུ་བྱས་ཏེ། ཡི་དམ་མམ་མགོན་པོའི་བསྐྱེད་བཟླས་སོགས་སྔོན་དུ་བཏང་། གོང་དུ་སྨོས་པ་ལྟར་བདུད་རྩི་དང་གནས་ཡོ་བྱིན་རླབས་བྱ།
དེ་ནས་གཏོར་མ།
ཨ་མྲྀ་ཏས་བསང་། སྭ་བྷཱ་ཝས་སྦྱང་།
སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་བུ་གསུམ། དེའི་སྟེང་དུ་ཨ་ལས་ཐོད་པ་མཚན་ལྡན་ཡངས་ཤིང་རྒྱ་ཆེ་བའི་ནང་དུ་བྷྲུྃ་ཨྃ་ཛྲིཾ་ཁྃ་ཧཱུྃ་རྣམས་ལས་ཤ་ལྔ། ལཱྃ་མཱྃ་པཱྃ་ཏཱྃ་བཱྃ་རྣམས་ལས་བདུད་རྩི་ལྔ། སྟེང་གི་ནམ་མཁའ་ལ་ཨོཾ་དཀར་པོ། ཨཱཿལས་ཟླ་བ། ཧཱུྃ་ལས་རྡོ་རྗེ་རྣམས་བརྩེགས་པ། རླུང་གཡོས་མེ་སྦར་ཤ་ལྔ་བདུད་རྩི་ལྔ་འོད་དུ་ཞུ། ཡི་གེ་འབྲུ་གསུམ་ལས་བདུད་རྩིའི་རྒྱུན་བབས། དེ་རྣམས་ཀྱི་འོད་ཀྱིས་སངས་རྒྱས་ཐམས་ཅད་ཀྱི་རྡོ་རྗེ་གསུམ་ཡེ་ཤེས་ཀྱི་བདུད་རྩི་སྤྱན་དྲངས་ཏེ་ཐིམ། ཨོཾ་དང་ཟླ་བ་རྡོ་རྗེ་རྣམས་ཀྱང་འོད་དུ་ཞུ་ཞིང་ཐིམ་པས། ཁ་དོག་དྲི་རོ་ནུས་མཐུ་ཕུན་སུམ་ཚོགས་པ་ཟད་མི་ཤེས་པ་བདུད་རྩིའི་རྒྱ་མཚོར་གྱུར།
ཨོཾ་ཨཱཿཧཱུྃ། ལན་གསུམ་གྱིས་བྱིན་གྱིས་བརླབ།
མདུན་གྱི་ནམ་མཁར་དུར་ཁྲོད་ཆེན་པོའི་དབུས་སུ་ཆོས་འབྱུང་དཀར་པོ་ཡངས་ཤིང་རྒྱ་ཆེ་བའི་ནང་དུ་པཾ་ལས་པདྨ། རཾ་ལས་ཉི་མ། གཾ་ལས་ཚོགས་བདག་དཀར་པོ་གླང་པོ་ཆེའི་གདོང་པ་ཅན་ལ་ཕུག་དང་ནེའུ་ལེ་འཛིན་པ་གཉིས་ཁ་སྦུབ་ཏུ་འགྱེལ་བའི་སྟེང་དུ་ཧཱུྃ་དཀར་པོ། དེ་ལས་འོད་འཕྲོས། འཕགས་པ་མཆོད། སེམས་ཅན་རྣམས་ཀྱི་དབུལ་ཕོངས་ཀྱི་སྒྲིབ་པ་སྦྱངས་ནས་དཔལ་འབྱོར་རྒྱས་པར།བྱས། འཇིག་རྟེན་དང་འཇིག་རྟེན་ལས་འདས་པའི་དགེ་ལེགས་ཐམས་ཅད་ཚུར་འདུས་ཡི་གེ་ཧཱུྃ་དང་བཅས་པ་ལ་ཐིམ་ཞིང་རོ་གཅིག་ཏུ་འདྲེས་པ་ལས། མགོན་པོ་ཡིད་བཞིན་ནོར་བུ་གངས་རི་ལྟར་བརྗིད་ཅིང་། ནོར་བུ་ཆུ་ཤེལ་དྲི་མ་མེད་པ་ལྟར་དྭངས་ཤིང་འོད་འཕྲོ་བ། དམར་ཞིང་འཁྱུགས་པའི་སྤྱན་གསུམ་དང་ལྡན་ཅིང་མཆེ་བའི་མྱུ་གུ་ཅུང་ཟད་གཙིགས་ནས་འཛུམ་ཞིང་བཞད་པ། སྨ་ར་དང་སྨིན་མ་དང་དབུ་སྐྲ་དམར་སེར་གྱེན་དུ་འཁྱུགས་པ། ཕྱག་དྲུག་གི་གཡས་དང་པོས་གྲི་གུག་འཕྱར་ཞིང་། གཉིས་པས་ཡིད་བཞིན་གྱི་ནོར་བུ་དབང་གི་རྒྱལ་པོ་ཐུགས་ཀར་འཛིན་པ། ཐ་མས་ཌཱ་མ་རུ་འཁྲོལ་བ། གཡོན་དང་པོས་ཐོད་པའི་ནང་དུ་བུམ་པ་རིན་པོ་ཆེ་དུ་མས་གང་བ་དང་བཅས་པ་བརླ་གཡོན་པ་ལ་བརྟེན་ནས་འཛིན་ཅིང་། བར་པས་རྩེ་གསུམ། ཐ་མས་ལྕགས་ཀྱུ་འཛིན་པ། སྦོམ་ཞིང་གསུས་ཁྱིམ་འཕྱང་བ། རུས་པ་དང་རིན་པོ་ཆེ་དང་སྦྲུལ་གྱི་རྒྱན་དུ་མས་སྤྲས་ཤིང་། དར་སྣ་ཚོགས་པའི་ཤམ་ཐབས་གསོལ་བ། ཞབས་གཉིས་དུར་ཁྲོད་ཆེན་པོ་བསིལ་བའི་ཚལ་ནས་ད་ལྟ་འབྱོན་འཕྲོ་ལས་འཆམས་པ་འདྲ་བའི་སྟབས་ཀྱིས་ནོར་བུའི་ཆར་འབེབས་པའི་བགེགས་ཀྱི་རྒྱལ་པོ་ཟུང་གི་སྤྱི་བོར་བརྫིས་ཏེ་པདྨ་ཉི་མའི་གདན་ལ་བརྗིད་ཆགས་པར་འགྱིང་བ། ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན་བཞུགས་པ། འཁོར་དུ་དཔའ་བོ་མཁའ་འགྲོ་གནོད་སྦྱིན་བྱེ་བ་འབུམ་སྡེ་དཔག་ཏུ་མེད་པས་བསྐོར་བ། མགོན་པོའི་སྤྱི་བོར་བླ་མ་ཡིད་བཞིན་གྱི་ནོར་བུ་དབང་གི་རྒྱལ་པོ་སྐུ་མདོག་པདྨ་རཱ་གའི་མདོག་ཅན། ཡིད་བཞིན་ནོར་བུ་དང་དྲིལ་བུ་འཛིན་པ། མཚན་དཔེའི་དཔལ་འབར་ཞིང་འོད་ཀྱི་དྲྭ་བ་འཁྲིགས་པ། ཐུགས་ཀར་འགུགས་བྱེད་ཀྱི་ཌཱ་ཀི་མ་སིནྡྷུ་ར་གསར་བའི་མདོག་ཅན་སྒེག་ཅིང་ཆགས་ལ་ལང་ཚོས་སྒེག་པ། ཕྱག་གཡས་ལྕགས་ཀྱུ་དང་། གཡོན་བདུད་རྩིས་གང་བའི་ཐོད་པ་འཛིན་ཅིང་རྒྱན་དུ་མས་སྤྲས་པ། སྤྱན་གསུམ་བར་སྣང་ལ་ཧྲིག་གེ་གཟིགས་བཞིན་དུ་གར་སྟབས་སུ་བཞུགས་པ། དཔྲལ་བར་ཨོཾ། མགྲིན་པར་ཨཱཿ མཁའ་འགྲོའི་ཐུགས་ཀར་ཆོས་ཉིད་ཀྱི་ཐིག་ལེ། དེའི་དབུས་སུ་ཧཱུྃ་དཀར་པོས་མཚན་པའོ། །རང་གི་སྙིང་གའི་ཧཱུྃ་ལས་འོད་ཟེར་འཕྲོས་པའི་སྣ་ལ་མཁའ་འགྲོ་ཆོས་སྐྱོང་ཐམས་ཅད་གནད་ནས་བསྐུལ་བར་བྱེད་པའི་དཔའ་བོ་སྔོ་སྐྱ་མཚན་མ་སྒྲེང་བ་རུས་པའི་རྒྱན་ཅན། དཔའ་མོ་དམར་མོ་བྷ་ག།རྒྱས་ཤིང་ནུ་མ་འཕྱང་བ། ནཱ་ག་གེ་སར་གྱི་མེ་ཏོག་གི་ཕྲེང་བས་བརྒྱན་པ་གཉིས་ཀའང་བདེ་བས་མྱོས་ཤིང་ཆགས་པའི་གར་མཛད་པ། ཌཱ་མ་རུ་དང་དྲིལ་བུ་འཁྲོལ་བཞིན་པ་རེ་རྒྱང་གིས་འཕྲོས། དུར་ཁྲོད་བསིལ་བའི་ཚལ་ན་བཞུགས་པའི་མགོན་པོའི་ཤངས་བུག་ནས་ཐོགས་མེད་དུ་ཞུགས། ཐུགས་ཀའི་ཧཱུྃ་ལ་གཡས་སྐོར་དུ་བསྐོར་བ་ཆི་ལི་ལི་བྱས་པ་ཙམ་གྱིས་ཐུགས་དམ་གྱི་རྒྱུད་རང་དབང་མེད་པར་བསྐུལ་ཏེ། མྱུར་མཛད་ཡེ་ཤེས་ཀྱི་མགོན་པོ་ཡིད་བཞིན་ནོར་བུ་འཁོར་མཁའ་འགྲོ་གནོད་སྦྱིན་བྱེ་བ་དང་བཅས་པ་ཕྱག་གི་ཌཱ་མ་རུ་ཁྲོལ་ཁྲོལ་ཕྱག་ཞབས་ཀྱི་དྲིལ་བུ་སིལ་སིལ་འུར་འུར། ཆེམ་ཆེམ་ནམ་མཁའ་གང་བར་བྱོན་པར་གྱུར། སྤོས་སྦྱོར་བསྲེགས། རོལ་མོ་དབྱངས་དང་བཅས་ཏེ།
ཧཱུྃ། །དད་པ་དང་ནི་དམ་ཚིག་གིས། །ཚུར་བྱོན་ཡིད་བཞིན་མགོན་པོ་ཆེ། །འོད་དཔག་མེད་པའི་སྤྱན་སྔ་རུ། །འཕགས་པ་ལོ་ཀི་ཤྭ་ར་ཡིས། །འགྲོ་ལ་བྱམས་པས་ཉེར་དགོངས་ནས། །དབུལ་བའི་སྡུག་བསྔལ་སེལ་བ་དང་། །རྣལ་འབྱོར་བསོད་ནམས་སྐྱེད་བྱེད་དུ། །སྤྲུལ་པའི་དམ་ཚིག་བཞིན་དུ་བྱོན། །ཁྱེད་ནི་འཕགས་པའི་སྤྲུལ་པ་སྟེ། །བསིལ་བ་ཚལ་གྱི་དུར་ཁྲོད་དུ། །དཔག་བསམ་ཤིང་གཅིག་རྩ་བར་གནས། །མཁའ་འགྲོ་འབུམ་གྱི་འཁོར་དང་བཅས། །ཆོས་ཉིད་ངང་ལས་མ་གཡོས་ཀྱང་། །དེ་རིང་ཡིད་བཞིན་ནོར་བུ་བཞེངས། །འཁོར་བཅས་གནས་འདིར་གཤེགས་སུ་གསོལ། །མ་ཧཱ་ཀཱ་ལ་ཐུགས་རྗེའི་གཏེར། །མཐུ་ཆེན་རྒྱལ་པོ་ཡིད་བཞིན་མགོན། །དགོས་འདོད་ཀུན་འབྱུང་དཔའ་བོ་ཆེ། །དཀར་སེར་དམར་ལྗང་ཡིད་འོང་མ། ལས་བཞིའི་ཕྲིན་ལས་སྒྲུབ་མཛད་མ། །ཡེ་ཤེས་ལྔ་ཡི་བདག་ཉིད་ཅན། །ཌཱ་ཀི་འཁོར་ཚོགས་དཔག་མེད་དང་། །རྩ་བརྒྱུད་བླ་མ་ཡི་དམ་ལྷ། །བསྟན་སྲུང་ནོར་ལྷ་གནོད་སྦྱིན་རྣམས། །འཁོར་བཅས་གནས་འདིར་གཤེགས་སུ་གསོལ། །རིགས་ཀྱི་ཅོད་པན་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རིན་ཆེན་རྒྱན་ཆ་སི་ལི་ལི། །གསང་བའི་རྔ་ཆུང་དི་རི་རི། །དཔའ་བོའི་ངར་སྐད་ཙེ་རེ་རེ། །དཔའ་མོའི་བརྡ་གླུ་ལྷངས་སེ་ལྷང་། །བླ་མ་ཡི་དམ་ཐིབས་སེ་ཐིབ། །ནོར་ལྷ་གནོད་སྦྱིན་སྤུངས་སེ་སྤུང་། །སྙིང་རྗེའི་རང་ཉམས་ལྷངས་སེ་ལྷང་། །སྒྱུ་མའི་རང་སེམས་རྗེན་ནེ་ནེ། །སྤྲོས་མེད་རིག་པ་ས་ལ་ལ། །གཏད་མེད་ངང་དུ་ཡ་ལ་ལ། །བདེ་ཆེན་གོང་བུར་ཁྲི་ལི་ལི། །བྱིན་གྱིས་བརླབ་ཕྱིར་གཤེགས་སུ་གསོལ། །གནས་ཁང་འདི་རུ་བྱིན་ཕོབས་ལ། །རིན་ཆེན་ནོར་གྱི་ཆར་པ་ཕོབས། །སྒྲུབ་མཆོག་བདག་ལ་བྱིན་རློབས་ལ། ཁམས་གསུམ་མ་ལུས་དབང་དུ་སྡུས། །གུ་རུ་མ་ཧཱ་ཀཱ་ལ་ཌཱ་ཀི་ནཱི་སརྦ་ཨཱ་བེ་ཤ་ཡ་ཨ་ཨཱཿ
ཧཱུྃ། །ཙན་དན་ལྗོན་ཤིང་འཁྲིགས་པའི་དུར་ཁྲོད་ནས། །དྲི་བཞོན་གྱིས་བསྐྱོད་སྤྲིན་དཀར་ཕུང་པོ་བཞིན། །ཕྱག་ན་པདྨོའི་རྣམ་རོལ་བསྟན་སྲུང་མཆོག །མགོན་དཀར་འདོད་རྒུའི་ཆར་འབེབས་གནས་འདིར་གཤེགས། །ལྷ་ཆེན་བླ་མ་ཡིད་བཞིན་ནོར་བུ་ཡི། །བཀའ་སྒྲུབ་ཕྱོགས་བཅུའི་འཇིག་རྟེན་དབང་དུ་སྡུད། །རྣལ་འབྱོར་མཆོག་ལ་དངོས་གྲུབ་མྱུར་སྩོལ་བའི། །ནོར་བདག་ཌཱ་ཀིའི་ཚོགས་བཅས་གནས་འདིར་གཤེགས། །མགོན་པོ་འཁོར་བཅས་ཐུགས་རྗེའི་ཟློས་གར་གྱིས། །རྣམ་པར་གཡོ་བའི་སྲིད་ཞིའི་དཔལ་འབྱོར་ནི། །གེགས་མེད་མྱུར་སྩོལ་དབུལ་བའི་སྡུག་བསྔལ་ཀུན། །མ་ལུས་བསལ་ནས་དཔལ་འབྱོར་རྒྱས་པར་མཛོད། །གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ ཞེས་དང་། ཛཿ ཉེར་གཅིག་བརྗོད་ལ་སྤྱན་དྲངས།
ཧཱུྃ། །རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །བྱིན་གྱིས་བརླབས་པའི་གནས་འདིར་ནི། །དངོས་གྲུབ་སྩོལ་ཕྱིར་བཞུགས་སུ་གསོལ། ཛཿཧཱུྃ་བཾ་ཧོཿ དམ་ཡེ་གཉིས་མེད་དུ་གྱུར་པར་མོས་ལ།
ཧཱུྃ། །དུར་ཁྲོད་མེ་རིས་ཡོངས་བསྐོར་བའི། །རིན་ཆེན་ལས་གྲུབ་གཞལ་ཡས་ཁང་། །ཕྱི་ནང་རྔམས་བརྗིད་རབ་མཛེས་པའི། །མཆོད་སྤྲིན་རྒྱ་མཚོས་ཡོངས་སུ་གང་། །གནམ་ལྕགས་ཆོས་འབྱུང་འབར་བ་དང་། །ཡིད་འོང་སྣ་ཚོགས་པད་ཉིའི་སྟེང་། །བགེགས་རྒྱལ་ནོར་བདག་འགྱིངས་བའི་གདན། །ཡེ་ཤེས་ལས་གྲུབ་ཕོ་བྲང་དབུས། །སྤྱན་རས་གཟིགས་མགོན་བཞུགས་སུ་གསོལ། །ཡེ་ཤེས་མགོན་པོ་བཞུགས་སུ་གསོལ། །ཡིད་བཞིན་ནོར་བུ་བཞུགས་སུ་གསོལ། འཁོར་ཚོགས་བཅས་པ་བཞུགས་སུ་གསོལ། པདྨ་ཀ་མ་ལཱ་ཡ་སྟྭཾ། མཆོད་པ་ནི། དཀྱུས་སུ། རྟེན་ཅིང་འབྲེལ་བར་འབྱུང་བ་ཡི། །ལྷ་རྫས་བཟང་པོའི་མཆོད་ཡོན་སོགས་ཀྱི་མཆོད་སྔགས་བཅས། ལྷ་རྫས་བཟང་པོའི་གཟུགས་མཆོག་སོགས་འདོད་ཡོན་ལྔ་སྔགས་བཅས་རེ་རེ་བཞིན་འགྲེས་སྦྱར་ཏེ་མཆོད།
སྤྲོ་ན་ཡིག་རྙིང་ལས་བྱུང་བ་ནི།
ཧཱུྃ། རྒྱུ་དང་འབྲས་བུའི་ཁྱད་པར་བཞིན། །བསྐྱེད་ཅིང་བསྟིམས་པའི་རང་བཞིན་གྱིས། །ཡེ་ཤེས་མགོན་པོ་འདིར་བཞུགས་ལ། །བདག་གི་མཆོད་བསྟོད་བཞེས་སུ་གསོལ། །བྱེ་བ་ཕྲག་བརྒྱའི་ཞིང་ཁམས་ན། །ཆུ་བོ་ཆུ་ཕྲན་གང་གཱ་དང་། །པཀྵུ།སི་ཏཱ་བདུད་རྩིའི་ཆུ། །ཡན་ལག་བརྒྱད་ལྡན་འབབ་ཆུ་དང་། །ལྷ་ཡི་ཆུ་དང་མི་ཡི་ཆུ། །སྣ་ཚོགས་དྭངས་ཤིང་ཡིད་འོང་བའི། །ཡོན་ཆབ་སྣ་ཚོགས་མཛེས་པ་དང་། པདྨ་ཀུ་མུ་ཏ་ཨུཏྤ་ལ། །མནྡྷཱ་ར་བ་ལ་སོགས་པ། ཁ་དོག་དྲི་བསུང་ཕུན་ཚོགས་པའི། །མེ་ཏོག་ཇི་སྙེད་ཡོད་པ་དང་། །ཙནྡན་དཀར་དམར་ཨ་ག་རུ། །ཛཱ་ཏི་ལི་ཤི་ལ་སོགས་པའི། །དྲི་ཞིམ་སྤོས་ཀྱིས་ནམ་མཁའ་ཁེངས། །ཉི་ཟླ་ཡིད་བཞིན་ནོར་བུའི་འོད། །ལྷ་ཡི་འོད་དང་མར་མེའི་རིགས། །གླིང་བཞི་གསལ་བྱེད་ཐམས་ཅད་དང་། །ག་བུར་ཆུ་དང་གུར་གུམ་ཆུ། བསིལ་བྱེད་བདེ་བའི་དྲི་མཆོག་དང་། །སུཀྨེ་ཀ་སོགས་ཤིང་འབྲས་དང་། །ནས་འབྲས་གྲོ་ཏིལ་སོ་སྲན་དང་། །བཅུད་དང་ལྷ་ཡི་ཞལ་ཟས་སོགས། །རི་རབ་ལས་ལྷག་ཕུན་ཚོགས་དང་། །ལྷ་ཡི་རྔ་ཆེན་བརྗིད་པའི་སྒྲ། །གསང་བའི་རྔ་ཆུང་སྙན་པའི་སྒྲ། །དུང་ཆེན་གླིང་བུ་པི་ཝཾ་འཛིན། །དུང་དཀར་ཕེག་རྡོབ་སིལ་སྙན་དང་། །སྙན་པའི་རོལ་མོ་ཇི་སྙེད་ཀུན། འུར་འུར་ཆེམས་ཆེམ་སྒྲ་སྒྲོགས་པ། །སྲིད་གསུམ་གང་ཞིང་གཡོ་བ་འདི། །མ་ཧཱ་ཀཱ་ལ་འཁོར་བཅས་ལ། །འབུལ་གྱིས་ཡང་དག་བཞེས་སུ་གསོལ། །བསམ་དོན་མ་ལུས་འགྲུབ་པ་དང་། ཕྲིན་ལས་རྒྱ་ཆེར་འཕེལ་བར་མཛོད། །གཞན་ཡང་དྲག་པོའི་ཉེར་སྤྱོད་ལྔ། །དྲག་པོའི་རྒྱན་དང་མཚོན་ཆ་དང་། །དཔལ་གྱི་ཆས་བརྒྱད་ལ་སོགས་པ། །འབུལ་གྱིས་ཡང་༴ བར་ཆད་མ་ལུས་ཞི་བ་དང་། །དགྲ་དང་འབྱུང་པོ་མེད་པར་མཛོད། །མཛེས་པའི་བཀྲ་ཤིས་རྟགས་བརྒྱད་དང་། །རྒྱལ་སྲིད་རིན་ཆེན་རྣམ་པ་བདུན། །འདོད་ཡོན་ལྔ་དང་རྫས་མཆོག་བརྒྱད། །སྟོང་གསུམ་མ་ལུས་བཀང་བྱས་ནས། །འབུལ་གྱིས་ཡང་༴ །བྱེ་བ་ཕྲག་བརྒྱའི་འཇིག་རྟེན་གྱི། །རབ་མཛེས་རི་རྒྱལ་ལྷུན་པོ་དང་། །ལྷ་ཡི་ཁང་བཟང་སྐྱེད་མོས་ཚལ། །མེ་ཏོག་ཚལ་དང་ནོར་བུའི་མཚོ། །དཔག་བསམ་ཤིང་དང་འདོད་འཇོའི་བ། །རིན་ཆེན་རི་དང་བདུད་རྩིའི་མཚོ། །གླིང་བཞི་གླིང་ཕྲན་ཉི་ཟླ་དང་། །དེ་ལ་གནས་པའི་ལོངས་སྤྱོད་ཚོགས། །ཅི་མཆིས་མ་ཚང་མེད་པ་དང་། །ཟག་མེད་དགའ་བཞིའི་བདེ་བ་དང་། །རིན་ཆེན་གདུགས་མཆོག་རིན་ཆེན་ཏོག །སྟོང་གསུམ་ཁྱབ་པའི་རྒྱལ་མཚན་མཆོག །ལྷ་ཡི་ཡོ་བྱད་ཕུན་ཚོགས་རྣམས། །དངོས་བཤམས་ཡིད་སྤྲུལ་བློས་བླངས་ནས། །བླ་མ་མགོན་པོ་དབྱེར་མེད་པ། །ཡིད་བཞིན་ནོར་བུ་དབང་གི་རྒྱལ། །མཁའ་འགྲོ་འཁོར་དང་བཅས་ལ།འབུལ། །བདུད་བཞི་ཟིལ་གྱིས་གནོན་པ་དང་། །གླིང་བཞི་དབང་དུ་འདུ་བ་དང་། །སྲིད་ཞིའི་དགེ་ལེགས་ཐོབ་པ་དང་། །ཕྲིན་ལས་རྣམ་བཞི་མཐར་ཕྱིན་ནས། །སྐུ་བཞི་མངོན་དུ་འགྲུབ་པར་མཛོད། །གུ་རུ་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས། ཤཔྡ་པཉྩ་ཀཱ་མ་གུ་ཎ་སརྦ་པཱུ་ཛ་པྲ་ཏཱིཙྪ་སྭཱ་ཧཱ།
ཧཱུྃ། མཚན་ལྡན་ཡེ་ཤེས་ཀ་པཱ་ལ། །སྨན་ལྔ་བཅུད་ལྔ་སྙིང་པོ་ལྔ། །འབྲུ་ལྔའི་བདུད་རྩི་རྣམ་ལྔ་དང་། །ཕྱག་རྒྱའི་རྒྱན་ལྡན་གཏོར་མ་འདི། །ཡེ་ཤེས་ལྔ་རུ་བྱིན་བརླབས་ནས། །ལྷ་ཆེན་མགོན་པོ་དགྱེས་ཕྱིར་འབུལ། །བཞེས་ཤིག་རོལ་ཅིག་དགྱེས་པར་རོལ། །སྔགས་སྔ་མའི་མཇུག་ཏུ།
སརྦ་པཉྩ་ཨ་མྲྀ་ཏ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་འབུལ། ནང་མཆོད་སྤྲོ་ན་བསྙེན་པའི་སྐབས་ལྟར་བྱ།
ཆོས་འབྱུང་དཀར་ལ་མེ་རི་དམར་པོའི་དབུས། །པད་དཀར་མདངས་ལྡན་འོད་སྟོང་ཕྱོགས་བཅུར་འཕྲོ། །གངས་རི་ལྟར་དཀར་ཞལ་གཅིག་ཕྱག་དྲུག་པ། །ཁྱེད་ལ་རྣམ་དཀར་དང་བས་ཕྱག་འཚལ་བསྟོད། །ཅེས་བསྟོད། དེ་ནས་བཀའ་ཐོབ་པའམ་རྒྱས་པར་སྤྲོ་ན། བླ་མ་མགོན་པོ་དབྱེར་མེད། གྲིབ་སེལ། མཁའ་འགྲོ་དབང་སྡུད་བཅས་རྒྱས་པར་མགོན་མཐིང་གི་གཞུང་ལྟར་སྦྱར། ཅུང་ཟད་བསྡུ་ན།
མགོན་པོའི་སྤྱི་བོར་རྩ་བའི་བླ་མ་སྐུ་མདོག་སེར་པོ་ནོར་བུ་དང་དྲིལ་བུ་འཛིན་པ། རྡོ་རྗེ་སྐྱིལ་ཀྲུང་དར་དང་རིན་པོ་ཆེས་བརྒྱན་པ། བླ་མའི་སྐུ་ལས་འོད་འཕྲོས། མགོན་པོ་ལ་ཕོག་འོད་དང་བདེ་བའི་རང་བཞིན་དུ་ལྟེམ་ལྟེམ་གྱུར། འུར་འུར་སིལ་སིལ་གར་མཛད། མགོན་པོ་ལས་འོད་འཕྲོས་བླ་མ་ལ་ཕོག །འོད་དང་བདེ་བའི་རང་བཞིན་དུ་ལྟེམ་ལྟེམ་གྱུར། འུར་འུར་སིལ་སིལ་གར་མཛད། མགོན་པོ་ཉིད་བླ་མ། བླ་མ་ཉིད་མགོན་པོ། བླ་མ་དང་མགོན་པོ་དབྱེར་མེད་དུ་གྱུར། བླ་མ་མགོན་པོ་དབྱེར་མེད་ལ་གསོལ་བ་འདེབས་སོ།
།གསུམ་མམ་བདུན་ཙམ། སྤྲོ་ན་བར་འདིར་བརྒྱུད་པའི་བླ་མའི་གསོལ་འདེབས་བྱ། དེ་ནས།
ན་མོ་བུདྡྷ་ཡ། ན་མོ་གུ་རུ་ཧེ། བཛྲ་བཱི་ར་བཱི་རི་ཎི། ཤྲཱི་ཌཱ་ཀ་ཌཱ་ཀི་ནཱི། ཛོ་ག་ཛོ་གི་ནི། སརྦ་བུདྡྷ་བོ་དྷི་ས་ཏྭཱ་ཡ་ཤཱ་རཱ་ཎཱཾ། གཙྪ་མཱི། བླ་མ་མགོན་པོ་དབྱེར་མེད་ལ། །བདག་ནི་དད་པས་གསོལ་འདེབས་ཀྱིས། །བདག་དང་སེམས་ཅན་ཐམས་ཅད་ཀྱི། །ཉོན་མོངས་མ་ལུས་བསལ་བ་དང་། །དངོས་གྲུབ་མ་ལུས་སྩལ་དུ་གསོལ། །ཅེས་གསུམ་སོགས་བརྗོད། ཡང་། སྤྱི་བོའི་བླ་མ་རྡོ་རྗེ་སེམས་དཔའ་དཀར་པོ་གཡས་ཤེལ་གྱི་རྡོ་རྗེ། གཡོན་ཀ་པཱ་ལ་བདུད་རྩིས་གང་བ་འཛིན་པ། སངས་རྒྱས་བྱང་སེམས་དཔའ་བོ་མཁའ་འགྲོ།ཐམས་ཅད་བླ་མའི་གནས་གསུམ་དུ་ཐིམ། བླ་མའི་གནས་གསུམ་ནས་ཡི་གེ་བརྒྱ་པ་དཀར་དམར་མཐིང་གསུམ་བྱུང་། མགོན་པོའི་གནས་གསུམ་དུ་ཐིམ། སྐུ་གསུང་ཐུགས་ཀྱི་ཉམས་ཆག་ཐམས་ཅད་དག་པར་གྱུར། ཡིག་བརྒྱ་ཉེར་གཅིག་སོགས་བཟླས་ལ། ལོངས་སྐབས་ཡོད་ན།
རྡོ་རྗེ་འཆང་ཆེན་དཔལ་ལྡན་ཤ་བ་རི། སོགས་རྒྱས་པར་བྱ། བསྡུ་ན།
སྐུ་ཡི་དམ་ཚིག་ཉམས་པ་མཐོལ་ལོ་བཤགས། །གསུང་གི་དམ་ཚིག་ཉམས་པ་མཐོལ་ལོ་བཤགས། །ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས། །རྩ་བའི་དམ་ཚིག༴ ཡན་ལག་དམ་ཚིག༴ །ཚོར་ཏེ་དམ་ཚིག༴ མ་ཆོར་དམ་ཚིག༴ ཉམས་ཆག་དག་ཕྱིར་བཤགས་པ་འདི་བྱས་པས། །བླ་མ་མགོན་པོ་འཁོར་དང་བཅས་རྣམས་ཀྱིས། །ཕ་མ་བུ་ཚ་བཞིན་དུ་བཟོད་བཞེས་ལ། །དངོས་གྲུབ་ཐམས་ཅད་དུས་འདིར་སྩལ་དུ་གསོལ། །སྐོང་བ་སྤྲོ་ན་སྐབས་འདིར་བྱ་སྟེ། སྐོང་རྫས་བསང་སྦྱང་།
སྟོང་པའི་ངང་ལས་གནས་ཁང་བྷྲཱུཾ་ལས་རིན་པོ་ཆེའི་གཞལ་ཡས་ཁང་རྒྱན་དང་བཀོད་པ་ཕུན་སུམ་ཚོགས་པའི་ནང་དུ་ཧཱུྃ་ལས་ཕྱི་ནང་གསང་བའི་རྟེན་རྫས་སྒྲུབ་རྫས་སྐོང་རྫས་མཆོད་པའི་ཡོ་བྱད་རྒྱ་ནམ་མཁའི་མཐའ་དང་མཉམ་ཞིང་རྒྱུན་འཁོར་བ་ཇི་སྲིད་ཀྱི་བར་དུ་འབྱུང་བར་གྱུར། ནམ་མཁའ་མཛོད་ཀྱི་སྔགས་རྒྱ་དང་།
ཨོཾ་བཛྲ་སྥ་ར་ཎ་ཁཾ། ཞེས་པས་སྤེལ་བ།
ཧཱུྃ། བསིལ་བ་ཚལ་གྱི་དུར་ཁྲོད་ནས། །དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལ་ཡ། །བསྐང་བའི་གནས་འདིར་གཤེགས་སུ་གསོལ།
།ལྷ་ཆེན་མགོན་པོ་ཐུགས་རྗེའི་གཏེར། །དཔའ་བོ་ཆེན་པོ་ནོར་གྱི་བདག །ཡིད་བཞིན་མགོན་པོ་ཌཱ་ཀིའི་གཙོ། །དཔལ་ལྡན་མ་ཧཱ་ཀཱ་ལ་དང་། །ཌཱ་ཀིའི་འཁོར་ཚོགས་དཔག་མེད་དང་། །ནོར་ལྷ་གནོད་སྦྱིན་འཁོར་དང་བཅས། །དགྱེས་མཆོད་ཐུགས་དམ་བསྐང་བ་ནི།
།ཆུ་ཤེལ་ཕོ་བྲང་འོད་དཀར་འཕྲོ། །མུ་ཏིག་དྲྭ་བ་ནོར་བུས་སྤྲས། །རབ་མཛེས་པདྨའི་ཆུན་འཕྱང་གཡོ། །རིན་ཆེན་ཕྲེང་བས་བར་སྣང་ཁེངས། །གདུགས་མཆོག་དར་གྱི་ཤམ་བུ་གཡོ། །རྒྱལ་མཚན་ནོར་བུའི་ཏོག་འོད་མཛེས། །བ་དན་ཤེལ་གྱི་ཡུ་བས་བཏེག །འཕན་བཟང་གསེར་གྱི་ཟར་ཚགས་སྦྲེང་། །བཻ་ཌཱུརྱ་དང་དབང་སྔོན་སོགས། །རིན་ཆེན་སྣ་བདུན་གྲམ་བུར་བརྡལ། དཔག་བསམ་ལྗོན་ཤིང་འདོད་འཇོའི་བ། །མ་རྨོས་ལོ་ཏོག་གཏེར་གྱི་བུམ། །བཀྲ་ཤིས་རྫས་རྟགས་རྒྱལ་སྲིད་སོགས། །ལྷ་མིའི་དཔལ་འབྱོར་ཐམས་ཅད་ཀྱིས། །མགོན་པོ་ཡིད།བཞིན་ནོར་བུ་ནི། །མཁའ་འགྲོའི་ཚོགས་བཅས་ཐུགས་དམ་བསྐང་། །མཆོད་ཡོན་ཞབས་བསིལ་མེ་ཏོག་སྤོས། །སྣང་གསལ་དྲི་ཆབ་བཟའ་བཏུང་བཅུད། །སྙན་འཇེབས་དབྱངས་དང་རོལ་མོའི་སྒྲ། །གཟུགས་སྒྲ་དྲི་རོ་རེག་བྱའི་མཆོག །བརྟན་གཡོའི་ཕུན་ཚོགས་ཐམས་ཅད་ཀྱིས། །མགོན་པོ་ཡིད་བཞིན་ནོར་བུ་ནི། །མཁའ་འགྲོའི་ཚོགས་བཅས་ཐུགས་དམ་བསྐང་། །གནམ་ལྕགས་འབར་བའི་གྲི་གུག་དང་། །འདོད་རྒུའི་ཆར་འབེབས་ཡིད་བཞིན་ནོར། །སྣང་སྲིད་དབང་སྡུད་ཅང་ཏེའུ། །སྨན་ཐོད་ནོར་གྱི་བུམ་པས་གཏམས། །རྩེ་གསུམ་བ་དན་ཕྱོགས་བཅུར་གཡོ། །དབང་གི་ལྕགས་ཀྱུས་ཁམས་གསུམ་འགུགས། །ནོར་བུའི་རྒྱན་དང་ཟ་འོག་གོས། །གསེར་གྱི་གཡེར་ཁ་དངུལ་གྱི་དྲིལ། །སྟག་ཤམ་ལི་ཁྲིའི་ཐིག་ལེ་དང་། །དུར་ཁྲོད་རྒྱན་བཀོད་ལ་སོགས་པས། །མགོན་པོ་ཡིད་བཞིན་ནོར་བུ་ནི། །མཁའ་འགྲོའི་ཚོགས་བཅས་ཐུགས་དམ་བསྐང་། །བདུད་རྩི་སྨན་གྱི་རྒྱ་མཚོ་བསྐྱིལ། །ཚོགས་གཏོར་སྤྱན་གཟིགས་རི་ལྟར་སྤུངས། །ཡིད་འཕྲོག་རིག་མས་དགའ་བཞི་བསྐྱེད། །ཕྱི་ནང་གསང་བའི་མཆོད་པའི་སྤྲིན། །ཆོས་ཀྱི་དབྱིངས་དང་མཉམ་པར་སྤེལ། སྒྱུ་མ་ལྟ་བུའི་ཏིང་འཛིན་གྱིས། །དམིགས་མེད་ངང་དུ་འབུལ་ལགས་ན། །བླ་མ་མགོན་པོ་དབྱེར་མེད་ཀྱི། །ཐུགས་དམ་གཉན་པོ་དབྱིངས་སུ་བསྐང་། །མྱུར་མཛད་མགོན་པོའི་ཐུགས་དམ་བསྐང་། །ཡིད་བཞིན་ནོར་བུའི་ཐུགས༴ །དབང་གི་རྒྱལ་པོའི་ཐུགས༴ ཐུགས་རྗེའི་གཏེར་གྱི༴ དཔའ་བོ་མཁའ་འགྲོའི༴ གནོད་སྦྱིན་ནོར་ལྷའི༴ དམ་ཅན་རྒྱ་མཚོའི་ཐུགས་དམ་བསྐང་། །རྣལ་འབྱོར་བདག་ཅག་འཁོར་དང་བཅས། །འདི་ཕྱི་བར་དོའི་འཇིགས་ལས་སྐྱོབས། །ལྷ་འདྲེ་མི་གསུམ་དབང་དུ་སྡུས། །ཚེ་བསོད་དཔལ་འབྱོར་སྙན་གྲགས་སྟོབས། །ཟས་ནོར་ལོངས་སྤྱོད་རྒྱས་པར་མཛོད། །སྒྲུབ་ལ་མྱུར་དུ་བྱིན་གྱིས་རློབས། །དགྱེས་པའི་ཞལ་རས་དངོས་སུ་སྟོན། །མཆོག་དང་ཐུན་མོང་དངོས་གྲུབ་སྩོལ། །ཅི་བསམ་ཡིད་བཞིན་འགྲུབ་བར་མཛོད། །ཅེས་བསྐང་ཞིང་ཡིག་བརྒྱ་བརྗོད་ལ་ཉམས་ཆགས་བཤགས་པར་བྱའོ། །དེ་ནས།
མགོན་པོའི་སྤྱི་བོར་བླ་མ་དམར་པོ་ཌཱ་མ་རུ་དང་ཐོད་པ་འཛིན་པ་ལྟ་བས་མི་ངོམས་ཤིང་། བཟོད་པར་དཀའ་བའི་གཟི་བརྗིད་ཅན། གཟིགས་པ་ཙམ་གྱིས་ཅི་འདོད་དབང་དུ་སྡུད་པ། དཔྲལ་བའི་སིནྡྷུ་རའི་ཐིག་ལེའི་ནང་དུ། ཧྲཱིཿདམར་པོ་བཅུ་གསུམ་ཡོངས་སུ་གྱུར།པ་ལས། གསང་བའི་མཁའ་འགྲོ་མ་དམར་མོ་ཌཱ་མ་རུ་དང་ཐོད་ཁྲག་འཛིན་པ་བཅུ་གསུམ་དུ་གྱུར། བླ་མའི་སྐུ་ལས་བྱུང་བའི་འོད་ཟེར་དམར་པོ་མཁའ་འགྲོ་མ་ལ་ཕོག་པས་དེ་རྣམས་ཌཱ་མ་རུ་དང་གཡེར་ཁའི་སྒྲ་ཁྲོལ་ཁྲོལ། ཞབས་གཉིས་གར་སྟབས་ལིང་ལིང་བ། སྤྱན་གསུམ་ནམ་མཁའ་ལ་ཧྲིག་ཧྲིག་གཟིགས་པ། མགོན་པོ་དང་མཁའ་འགྲོ་མའི་འོད་ཟེར་གྱིས་སེམས་ཅན་ཐམས་ཅད་བདག་གི་དབང་དུ་བསྡུས། དགོས་འདོད་ཆར་ལྟར་བབས་པར་གྱུར། ཨོཾ་བཛྲ་ན་ར་ཀྲིཾ་ཀྲིཾ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་བརྒྱ་རྩ་བཟླས། བཟླས་པ་ནི། ཐུགས་ཀའི་ཆོས་ཉིད་ཀྱི་ཐིག་ལེའི་མཐའ་སྐོར་དུ་སྔགས་ཕྲེང་གཡས་སུ་བསྐོར་བ་ལ་དམིགས་པ་གཏད། སྤྲོ་བསྡུའི་དམིགས་པ་བྱེད་ནའང་སྐབས་བསྟུན་སྦྱར་ལ།
གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ ཞེས་བཏགས་པ་ལན་བདུན་གྱིས་འབུལ་ཞིང་། ཤཱ་ས་ན་ལན་གསུམ་གྱིས་དམ་ཅན་སྤྱི་ལ་འབུལ། གོང་ལྟར་སྔགས་ཀྱིས་མཆོད། སྙིང་པོའི་མཐར་འབྲུ་གསུམ་བཏགས་པས་ནང་མཆོད་ཕུལ་ལ། སྒྲུབ་ཐབས་སུ་སྨོས་པའི་བསྟོད་པ་ཁྱུང་པོས་མཛད་པའམ། ཡང་ན།
ཧཱུྃ། མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །འགྲོ་བའི་དབུལ་ཕོངས་མ་ལུས་ཞི་མཛད་པ། །འདོད་དགུའི་དངོས་གྲུབ་སྩོལ་ལ་ཕྱག་འཚལ་བསྟོད། །ལྷུན་སྟུག་ཀེ་ལཱ་ཤ་ཡི་རི་བོ་ལྟར། །འོད་ཟེར་བྱེ་བས་འཁྱུད་པའི་དཔལ་ཕྲེང་ཅན། །དབང་སྡུད་མཁའ་འགྲོ་སྟོང་གི་བདག་པོ་ནི། །མྱུར་མཛད་སྤྱན་རས་གཟིགས་ལ་ཕྱག་འཚལ་བསྟོད། །འཛུམ་བག་བརྗིད་པའི་ཞལ་རས་ཡིད་ཙམ་ཁྲོ། །འདོད་རྒུའི་ཆར་འབེབས་དབང་གི་རྒྱལ་པོ་ཁྱོད། །ཆོས་ཉིད་ཐིག་ལེའི་སྒོ་ངར་གདོད་མའི་སེམས། །མངོན་གྱུར་ཡེ་ཤེས་སྐུ་ཅན་ཁྱོད་ལ་བསྟོད། །དངུལ་ཆུའི་མདངས་གསལ་ཧཱུྃ་ཡིག་ལས་འཁྲུངས་པ། །སྐྱེ་འགྲོའི་རེ་སྐོང་དབུལ་བའི་སྡུག་བསྔལ་སེལ། །དབུ་སྐྲ་གྱེན་བརྗེས་སྤྱི་བོར་མི་འཁྲུགས་རྒྱལ། །རྒྱས་གདབ་དབང་བསྐུར་ཆེ་བརྙེས་ཁྱོད་ལ་བསྟོད། ཁ་བའི་རི་ལ་འཆར་ཀ་གསར་པ་ལྟར། །ཁྱོད་ཞལ་སྨིན་མཚམས་སིནྡྷུ་ཐིག་ལེ་མཛེས། །རིན་ཆེན་གདུ་བུ་འཁྲོལ་བའི་ཕྱག་དྲུག་པོ། །བླ་མེད་ཕ་རོལ་ཕྱིན་དྲུག་རྫོགས་ལ་བསྟོད། །གྲི་གུག་ཡིད་བཞིན་ནོར་བུ་ཌཱ་མ་རུ། །ནོར་བུས་གཏམས་པའི་ཐོད་པ་བུམ་པར་བཅས། །རྩེ་གསུམ་དངོས་གྲུབ་འགུགས་པའི་ལྕགས་ཀྱུ་བསྣམས། །ཕྱག་དྲུག་ཡེ་ཤེས་མགོན་པོ་ཁྱོད་ལ་བསྟོད། །ལྷབ་ལྷུབ་དར་དང་སྟག་ལྤགས་ན་བཟའ་ཅན། །འོད་འབར་རིན་ཆེན་རྒྱན་གྱི།སིལ་ཁྲོལ་དང་། །ནོར་བུའི་ཆུན་འཕྱངས་དུ་མས་རབ་ཏུ་མཛེས། །གཟི་བྱིན་ལྷང་ངེར་འབར་བ་ཁྱོད་ལ་བསྟོད། །འདོད་པའི་ལོངས་སྤྱོད་ཆར་ཆེན་འབེབས་བྱེད་པ། བི་ནཱ་ཡ་ཀའི་སྟེང་ན་རོལ་པས་བཞུགས། །རབ་སྔོ་ཙན་དན་ལྗོན་པའི་ཚལ་ན་དགྱེས། །གནས་གསུམ་མཁའ་འགྲོའི་བདག་པོ་ཁྱོད་ལ་བསྟོད། །ཐུགས་ཀར་དབང་གི་ལྷ་མོ་ལང་ཚོ་མ། །འཆར་ཀའི་འོད་རིས་གསར་པ་གློག་ཕྲེང་ལྟར། །མཛེས་ཤིང་གཡོ་བའི་དངོས་གྲུབ་ལྕགས་ཀྱུ་འཛིན། །སྲིད་གསུམ་དབང་དུ་སྡུད་མཛད་ཁྱོད་ལ་བསྟོད། །གུས་པས་བསྟོད་ཅིང་གསོལ་བ་འདེབས་པ་དང་། །སྙིང་ནས་ལྷ་མཆོག་ཁྱོད་ལ་གདུང་བ་ཡིས། །མཆོད་བསྟོད་འབུལ་གྱིས་བདག་ལ་མཆོག་སྩོལ་ནས། །དཔལ་དང་འདོད་པའི་དོན་ཀུན་འགྲུབ་པར་མཛོད། །ཐུགས་རྗེའི་སྤྲིན་ལས་དགེ་ལེགས་ཆར་ཕབ་སྟེ། །འདོད་རྒུའི་རྦ་རླབས་ཕྲེང་བ་ཆིལ་ཆིལ་གཡོ། །ཟས་ནོར་ལོངས་སྤྱོད་དགེ་ལེགས་ཡར་འཕེལ་གྱི། །དཔལ་འབྱོར་རྒྱ་མཚོ་གོང་ནས་གོང་འཕེལ་ཤོག །ཅེས་བསྟོད།
མཆོད་སྦྱིན་གྱི་གཏོར་མ་རྒྱ་ཆེན་པོ་དྲི་དམ་པ། རོ་དམ་པ། རེག་བྱ་དམ་པ་འདི་ཉིད་འབུལ་ཞིང་བསྔོ་བའི་གནས་སུ་གྱུར་པ་ནི་མགོན་པོ་ཡིད་བཞིན་གྱི་ནོར་བུ། རིགས་བཞིའི་མཁའ་འགྲོའི་ཚོགས་དང་བཅས་པ་རྣམས་ལ་འབུལ་ལོ། །ཕྲིན་ལས་ཞུ་ཞིང་གསོལ་བ་ནི། བླ་མ་དམ་པའི་བཀའ་དང་དམ་ལས་མ་འདའ་བར་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། ཁྱད་པར་དུ་ཡང་བདག་ཅག་འཁོར་དང་བཅས་པའི་འགལ་རྐྱེན་བར་ཆད་ཐམས་ཅད་ཞི་བ་དང་། མཐུན་རྐྱེན་དཔལ་འབྱོར་གཟི་བརྗིད་ཐམས་ཅད་གོང་ནས་གོང་དུ་འཕེལ་ཞིང་རྒྱས་པར་མཛད་དུ་གསོལ། ཁྱད་པར་དུ་སེམས་ཅན་ཐམས་ཅད་དབུལ་བའི་སྡུག་བསྔལ་ཞི་ཞིང་དགོས་འདོད་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། ཞེས་དང་གཞན་ཡང་གསོལ་བ་དྲག་ཏུ་བཏབ།
ཐུན་གཏོར་སྤྱི་བསྟབ་ནི།
ལྷ་ཆེན་མགོན་པོ་མ་ཧཱ་ཀཱ་ལ་ཡ། །ཡིད་བཞིན་ནོར་བུ་ཌཱ་ཀིའི་འཁོར་གྱིས་བསྐོར། །བསྟན་སྲུང་རྒྱ་མཚོ་ནོར་ལྷ་གནོད་སྦྱིན་བཅས། །དཀར་ཕྱོགས་དགའ་བའི་གཞི་བདག་འཁོར་བཅས་རྣམས། །ཟག་མེད་བདུད་རྩིའི་གཏོར་མ་འདི་བཞེས་ཤིག །བཅུད་ལྡན་ཟས་ཀྱི་མཆོད་པ་འདི་བཞེས་ཤིག །རིན་ཆེན་རྣམ་ལྔའི་གསེར་སྐྱེམས་འདི་བཞེས་ཤིག །བཏུང་བ་སྣ་ཚོགས་ཕུད་གཏོར་འདི༴ འབྲུ་དང་སྨན་གྱི་མཆོད་པ།འདི་བཞེས་ཤིག །ནད་གདོན་བར་ཆད་མ་ལུས་ཞི་བ་དང་། །བསམ་དོན་མ་ལུས་མྱུར་དུ་འགྲུབ་གྱུར་ནས། །ལོངས་སྤྱོད་འདོད་རྒུའི་དཔལ་ལ་སྤྱོད་པར་ཤོག །གཏོར་མ་ནང་དུ་རྟེན་གཏོར་དྲུང་སོགས་སུ་འབུལ་བ་ལས་ཕྱི་རོལ་དུ་མི་འབུལ་ལོ། །དེ་ནས་ཡིག་བརྒྱ་བཟླས་ལ།
མ་འབྱོར་བ་དང་ཉམས་པ་དང་། ཞེས་སོགས་དང་།
མ་རྙེད་ཡོངས་སུ་མ་ཚང་དང་། །གང་ཡང་ནུས་པ་མ་མཆིས་པས། །འདིར་ནི་བྱ་བ་གང་བགྱིས་པ། །དེ་ཀུན་ཁྱོད་ཀྱིས་བཟོད་མཛད་རིགས། །བླ་མ་མགོན་པོ་དབྱེར་མེད་ལ། །བདག་ནི་གུས་པས་སྐྱབས་སུ་མཆི། །བདག་གིས་སེམས་ཅན་ཐམས་ཅད་ཀྱི། །ཉོན་མོངས་མ་ལུས་སེལ་བར་ཤོག །ཅེས་གསོལ་འདེབས་གང་འགྲུབ་བྱ། མདུན་བསྐྱེད།
འདིར་ནི་གཟུགས་དང་སོགས་ཀྱིས་རྟེན་ལ་བཞུགས་གསོལ་བྱ་ཞིང་སྨོན་ལམ་གང་འོས་དང་། བཀྲ་ཤིས་བཀའ་རྒྱ་མ་བརྗོད་དོ།
།བཞི་པ་གལ་པོ་ཆེའི་ལས་སྦྱོར་བཤད་པ་ལ་གཉིས། གཟི་ལྡན་གྱི་གཏོར་སྒྲུབ་དང་གཏེར་བུམ་གྱི་ཆོ་གའོ།
།དང་པོ་ནི། རྩ་བའི་མགོན་མཐིང་དང་། གོང་དུ་བཤད་པའི་བསྙེན་སྒྲུབ་ཚུལ་བཞིན་སྒྲུབ་པའི་རྣལ་འབྱོར་པས་ལས་སྦྱོར་གྱི་གཙོ་བོར་འདི་ཡིན་ཏེ། གོང་དུ་སྨོས་པ་ལྟ་བུའི་དཀྱིལ་འཁོར་གྱི་དབུས་སུ་བུམ་པ་ཆེ་ཆོད་ཁ་ཡངས་ཤིང་མཆུ་དང་ལྡན་པ། ཆག་གས་ལྷན་པ་མེད་པ་གཙང་ཞིང་དག་པའི་ནང་དུ། ནས་སམ་འབྲས་དཀར་སད་སེར་གྱིས་མ་གོས་ཤིང་རྡུལ་མེད་པ། རིན་པོ་ཆེ་དང་དར་གོས་ཨ་རུ་གསེར་མདོག་སོགས་སྨན་བཟང་པོའི་རིགས། དཀར་གསུམ་མངར་གསུམ་ཇ་མར་ཤིང་ཏོག་སོགས་ཟས་སྣ། དེ་རྣམས་ཕྱུག་པོའི་བང་མཛོད་ནས་བྱུང་བ་ལྟ་བུ་བྱུང་ན་ཤིན་ཏུ་ལེགས་པས་ཇི་ལྟར་ཚོགས་པས་བཀང་། ལྟོ་བའི་མཚམས་མགྲིན་པའི་ནང་ཙམ་དུ་མགོན་པོ་གཟི་ལྡན་གྱི་སྐུ་མངོན་རྟོགས་ལྟར་བྲིས་འབུར་གང་རུང་རབ་གནས་དམིགས་གསལ་བྱས་པའི་ཞལ་མཆུ་ལ་བསྟན་ནས་བཞུགས་སུ་གསོལ་ཞིང་ཁ་བུམ་རྫས་རྣམས་ཀྱིས་ཕྱུར་བུར་བཀང་། དར་དཀར་གྱིས་བཀབ་ལ་བུམ་པའི་མདུན་རང་ལ་བསྟན་ཏེ་བཞག །དེའི་མདུན་དུ་གཏོར་སྣོད་ཟངས་ཀྱི་ཀ་ཊོར་ལྟ་བུ་གས་ཆག་བུག་རྡོལ་མེད་པ་ཆེ་ཞིང་ཡངས་པ་ལ། དྲི་བཟང་དང་གི་ཝཾ་བསྲེས་པས་པདྨ་འདབ་བརྒྱད་བྲིས་པ་ལ། གཏོར་ཆེན་ནས་དཀར་རྗེན་འཐག་གི་ཕྱེ་ལ་སྨན་དང་རིན་ཆེན་དཀར་མངར་བསྲེས་ནས་ཆང་ཕུད་མ་ཉམས་པ་དང་མར་ཁུས་སྤྲུས་པའི་དཔལ་བཤོས་ཟུར་གསུམ་ནོར་བུའི་དབྱིབས་ཅན་ལྡིར་བ་ཁྲུ་གང་ལས་མི་ཆུང་བ་ལ། མཐེབ་ཀྱུ་བཅད་ཁ་ནང་དུ་བསྟན་པ་བརྒྱ་རྩ་བརྒྱད་ཀྱིས་བསྐོར་བ་གཏོར་སྣོད་ལས་ཕྱིར་མ་ཐལ་པའི་རྩེར་མར་ཚོན་གྱིས་ནོར་བུ་འབར་བ་དང་། མདུན་ལོགས་སུ་ཧཱུྃ་དཀར་པོ་ཆེན་པོས་བརྒྱན་པ་ལ། མདའ་རྒོད་སྒྲོ་མ་མིས་མ་རེག་པ་ལ་དར་དཀར་དམར་མཐིང་གསུམ་དང་མེ་ལོང་སྐུ་རྟེན་གྱིས་བརྒྱན་པ་བཙུག་སྟེ། རྫས་སྣ་ཚོགས་ཀྱིས་སྣོད་ཁེངས་པར་བསྐོར། གཡས་སུ་མཁའ་འགྲོའི་གཏོར་མ། གཡོན་དུ་གཞི་བདག་གི་གཏོར་མ། རྒྱབ་ཏུ།གནོད་སྦྱིན་གྱི་གཏོར་མ། མདུན་དུ་ཉེར་སྤྱོད་ལྔ་དང་ནང་མཆོད་སོགས་བཤམས། དབང་སྡུད་ཀྱི་འཁོར་ལོ་སྒྲུབ་ན་གཞུང་བཞིན་བྲིས་ལ་རབ་གནས་བྱས། སྐུད་པ་དམར་པོས་དཀྲིས་ལ་བུམ་པའི་མགུལ་པའམ། འཛིན་གཏོར་གྱི་མདའ་དར་ལ་བཏགས། སྒྲུབ་རྫས་རྣམས་དང་པོ་ནས་དམ་ཉམས་དང་གྲིབ་ཅན་གྱིས་མ་འབགས་པ་དང་། གཞན་གྱི་གཏོར་ཕྱེ་དང་ཆང་ཕུད་མ་འདྲེས་ཤིང་མ་ཉམས་པ་སོགས་མགོན་མཐིང་གི་གཏོར་སྒྲུབ་དང་གནད་ཐམས་ཅད་མཚུངས་ལ། བུམ་རྫས་བུམ་པར་བཅུག་པའི་སྔ་རོལ་དུ་ཁྲུས་དང་གུ་གུལ་ཕྱིས་བདུག་པས་མཚོན་ཐམས་ཅད་དུ་གཙང་སྦྲ་དང་མི་གཙང་བའི་ངག་ཟོན་གལ་ཆེ། བྲིས་སྐུ་མཚན་ལྡན་ཡོད་ན་དཀྱིལ་འཁོར་གྱི་རྒྱབ་ཕྱོགས་སུ་བཤམས་ལ་དེ་དང་བུམ་པ་གཏོར་ཆེན་བཅས་གཟུངས་ཐག་གིས་སྦྲེལ་ལ་སྣེ་མོ་རང་གི་ལག་ཏུ་སླེབ་པར་བྱའོ། །སྒྲུབ་པའི་དུས་ནི་ཡར་ངོའི་ཚེས་བརྒྱད་ནས་གནམ་སྟོང་གི་བར་ལ་བྱ་བར་གསུངས་ཤིང་སྐར་མ་རྒྱལ་འཛོམ་པ་ཞིག་ལ་གཏད་དགོས་སོ། །དེ་ནས་བསྙེན་སྒྲུབ་ཀྱི་སྐབས་སུ་བཤད་པ་ལྟར་ནང་མཆོད་དང་། གནས་ཡོ་བྱིན་རླབས་ནས་བརྩམས། བདག་བསྐྱེད་བཟླས་པའི་བར་དུ་གྲུབ་པར་བྱས་ལ་ཚར་དང་པོའི་སྐབས་གཏོར་ཆེན་སྐོང་གསོའི་ཕྲིན་ལས་ལྟར་བྱིན་རླབས་བྱ། རྗེས་མ་རྣམས་ལ་མི་དགོས། མདུན་རྟེན་རྣམས་བསང་སྦྱང་།
སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་ནང་དུ་བྷྲཱུཾ་ལས་བྱུང་བའི་བུམ་པ་ཕྱི་རིན་པོ་ཆེའི་བུམ་པ་མཚན་ཉིད་ཐམས་ཅད་ཡོངས་སུ་རྫོགས་ཤིང་ནང་གཞལ་མེད་ཁང་རྒྱན་དང་བཀོད་པ་ཚད་མེད་པ་དང་ལྡན་པའི་དབུས་དང་། གཏོར་ཆེན་མི་དམིགས་པའི་ངང་ལས་སྣ་ཚོགས་པདྨ་དང་ཉི་མའི་དཀྱིལ་འཁོར་གྱི་གདན་ལ་ཡི་གེ་ཧྲཱིཿདཀར་པོ་ལས་འོད་ཟེར་འཕྲོས། འཕགས་པ་མཆོད། སེམས་ཅན་ཐམས་ཅད་ཀྱི་དོན་བྱས། འོད་ཟེར་ཚུར་འདུས་ཧྲཱིཿཡིག་ལ་ཐིམ། དེ་ཡོངས་སུ་གྱུར་པ་ལས་མགོན་པོ་གཟི་ལྡན་སྟོན་ཀའི་ཟླ་བ་ལྟར་དཀར་ཞིང་བརྗིད་པ། ཞལ་གཅིག་ཁྲོ་འཛུམ་གྱི་རྣམ་པ་ཅན་རབ་ཏུ་བཞད་པ་སྤྱན་གསུམ་དང་ལྡན་ཞིང་། སྨ་ར་སྨིན་མ། དབུ་སྐྲ་ཁམ་སེར་བརྫེས་པ། དཔྲལ་བར་སིནྡྷུ་རའི་ཐིག་ལེས་བྱུགས་པ། ཕྱག་དྲུག་གི་དང་པོ་ན་ཡིད་བཞིན་གྱི་ནོར་བུ་ཐུགས་ཀར་བསྣམས་པ། བར་པས་ནེའུ་ལེ། ཐ་མས་བུམ་པ་བཅུད་ཀྱིས་བཀང་བ་བསྣམས་པ། གཡོན་དང་པོས་གཅོད་པའི་འཁོར་ལོ་བསྐོར་བ། གཉིས་པ་ན་ནེའུ་ལེ། གསུམ་པ་མཐེ་བོང་དང་སྲིན་ལག་སྤྲད་པར་འགུགས་པའི་ཕྱག་རྒྱ་མཛད་པ། ཞབས་འགྲོ་འཆམས་ཀྱི་སྟབས་ཀྱིས་བཞུགས་པ། དར་སྣ་ཚོགས་ཀྱི་ལྷབ་ལྷུབ་དང་། སྟག་ལྤགས་དང་སིལ་ཁྲོལ་དང་ཆུན་འཕྱང་སྣ་ཚོགས་པས་མཛེས་པ། འཁོར་དབང་སྡུད་ཀྱི་མཁའ་འགྲོ་མ།བྱེ་བ་འབུམ་སྡེའི་ཚོགས་ཀྱིས་བསྐོར་ཏེ་མེ་དཔུང་འབར་བའི་དབུས་ན་བཞུགས་པའོ། །དེ་ནས།
དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པ། རང་གི་སྙིང་ག་ནས་འོད་ཟེར་འཕྲོས། ཤར་ལྷོ་དུར་ཁྲོད་ཆེན་པོ་བསིལ་བའི་ཚལ་ནས་མྱུར་མཛད་ཡེ་ཤེས་ཀྱི་མགོན་པོ་གཟི་ལྡན་མཁའ་འགྲོའི་ཚོགས་དང་བཅས་པ་ཐམས་ཅད་བཛྲ་ས་མཱ་ཛཿ ནས་སྤྱན་འདྲེན་སོགས་བསྙེན་པའི་སྐབས་ལྟར་ལ།
དམ་ཚིག་ཡེ་ཤེས་གཉིས་སུ་མེད་པར་གྱུར། སླར་ཡང་ཐུགས་ཀའི་ས་བོན་ལས་འོད་འཕྲོས། དབང་ལྷ་འཁོར་བཅས་སྤྱན་དྲངས། དེ་བཞིན་གཤེགས་པ་ཐམས་ཅད་ཀྱིས་ལྷ་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས་དབང་ལྷ་རྣམས་ཀྱིས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། ཞེས་གསུངས་ཤིང་བདུད་རྩིའི་ཆུས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པར་གྱུར། བདག་དང་སེམས་ཅན་སོགས་ཕྱག་དང་། ཕྱི་ནང་མཆོད་པ་རྣམས་ཀྱང་དེ་ལྟར་ལ།
མགོན་པོ་ཡིད་བཞིན་ནོར་བུ་ཐུགས་རྗེ་ཅན། སོགས་ཤློ་ཀ་གཅིག་གིས་བསྟོད། དེ་ནས།
བྱང་ཆུབ་སྙིང་པོར་མཆིས་ཀྱི་བར། །སོགས་ཤློ་ཀ་གསུམ་གྱིས་ཐུན་མོང་མིན་པའི་སྐྱབས་འགྲོ་དང་སེམས་བསྐྱེད་བླང་།
མྱུར་མཛད་སྤྱན་རས་གཟིགས་དབང་དང་། །ཕྱོགས་བཅུ་དུས་གསུམ་བཞུགས་པ་ཡི། །རྒྱལ་བ་སྲས་བཅས་སོགས་ཀྱིས་ཡན་ལག་བདུན་པ་ཕུལ། གཟུངས་ཐག་བླངས་ལ།
མདུན་བསྐྱེད་ཀྱི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་གྷ་ཡིག་གདན་ཐབས་སུ་གནས་པའི་སྟེང་དུ་ཧྲཱིཿཡིག་དཀར་པོ་ལ་སྔགས་ཕྲེང་གཡས་སུ་བསྐོར་བ། རང་གི་ཐུགས་ཀའི་འོད་ཟེར་གཟུངས་ཐག་ལ་བརྒྱུད་དེ་ཐུགས་ཀའི་ས་བོན་ལ་ཕོག་པས་ཐུགས་རྒྱུད་བསྐུལ། དེ་ལས་འོད་ཟེར་ཕྱོགས་བཅུར་འཕྲོས་རྒྱལ་བ་སྲས་དང་བཅས་པ་རྣམས་དང་ཁྱད་པར་ཡེ་ཤེས་མགོན་པོའི་ཐུགས་རྒྱུད་བསྐུལ། ཐམས་ཅད་ཀྱང་མགོན་པོའི་སྐུ་གསུང་ཐུགས་ཀྱི་ཕྱག་རྒྱ་འོད་ཟེར་གྱི་རྣམ་པར་སྤྱན་དྲངས་ནས་ཐིམ་པས་བྱིན་རླབས་དང་གཟི་བརྗིད་རབ་ཏུ་འབར་བའི་འོད་ཟེར་བུམ་པའི་རྫས་ལ་ཕོག་པས། འདོད་རྒུ་འབྱུང་བའི་རིན་པོ་ཆེ་དང་འཆི་མེད་བདུད་རྩིའི་རྒྱ་མཚོར་གྱུར། ཡང་འོད་ཟེར་འཕྲོས་པས་ཕྱོགས་བཅུའི་འཇིག་རྟེན་ཁམས་རབ་འབྱམས་རྒྱ་མཚོ་ནས་དགོས་འདོད་དཔལ་འབྱོར་ཕུན་ཚོགས་མ་ལུས་པ་ཐམས་ཅད་བསྡུས་ཏེ་ནོར་བུའི་ཆར་ཆེན་པོ་བབས་པས།གནས་ཁང་བང་མཛོད་བུམ་པའི་ནང་ཐམས་ཅད་ཁེངས་པར་བསམ་ལ།
ཨོཾ་མ་ཧཱ་ཀཱ་ལ་གྷ་ཎ་པ་ཏ་ཡེ་སྭཱ་ཧཱ། ཞེས་པའི་སྙིང་པོ་སྨྲ་བ་བཅད་ལ་བསྒྲང་། ཉིན་རེར་ཐུན་གསུམ་གསུམ་བཅད་ལ། ཐུན་རེ་རེའི་མཇུག་ཏུ་གཏོར་འབུལ་ལན་བདུན་རེ་བྱས་པས་ཉེར་གཅིག་ཏུ་འགྱུར་རོ། །དེའང་བཟླས་པའི་ཐུན་མཐར་གཏོར་མ་ཟླུམ་པོའམ་མཐེབ་ཀྱུ་གང་རུང་བདུན་རེ་སྣོད་སོ་སོར་བཤམས། འབྲུ་སྣ་སོགས་ཡོད་ནའང་བཏབ། ཆུ་དང་ནང་མཆོད་ཀྱིས་བྲན་ལ་བསྙེན་པའི་ཕྲིན་ལས་གཏོར་འབུལ་སྐབས་སུ་སྨོས་པ་ལྟར་བྱིན་རླབས་བྱ། གཏོར་ཆེན་མགོན་པོ་དངོས་སུ་གསལ། གཏོར་ཆུང་རེ་རེ་བཞིན་རང་ངམ་མཆོད་གཡོག་པའི་ལག་པ་གཡས་པས་བཏེག་ལ།
མགོན་པོའི་ལྗགས་རྡོ་རྗེའི་སྦུ་གུས་གཏོར་མའི་བདུད་རྩི་དྲངས་ཏེ་གསོལ་བས་མཉེས་ཤིང་གཟི་བརྗིད་དང་ལྡན་པར་བསྒོམས་ལ་མ་ཡེངས་བར། རྩ་སྔགས་སིདྡྷི་མ་དང་བཟླས་སྔགས་གཉིས་ཀའི་གཤམ་དུ།
བ་ལིང་ཏ་ཁ་ཁ་ཁཱ་ཧི་ཁཱ་ཧི། བཏགས་པ་ལན་བདུན་མ་རྫོགས་བར་རེ་རེ་བཞིན་འབུལ་བས་གཏོར་ཆུང་རྣམས་གཏོར་ཆེན་ནང་དུ་འབུལ།
ཤཱ་ས་ནའི་སྔགས་ཀྱིས་དམ་ཅན་སྦྱི་ལ་འབུལ་ཞིང་།
མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་སོགས་དང་། བཟླས་སྔགས་ལ་འབྲུ་གསུམ་བཏགས་པས་ནང་མཆོད་འབུལ། བསྟོད་པ་ཤློ་ཀ་གཅིག་པུ་རེའམ། སྤྲོ་ན།
བཅོམ་ལྡན་འཕགས་པ་སྤྱན་རས་གཟིགས། །ཐུགས་རྗེ་ཁྲོས་པའི་སྐུར་བཞེངས་པ། །འགྲོ་བ་ཉམ་ཐག་རྣམས་ཀྱི་མགོན། །འདོད་རྒུའི་ཆར་འབེབས་ཁྱོད་ལ་བསྟོད། །གངས་རིའི་མདོག་ཅན་བརྗིད་ཅིང་སྒེག །ཁྲོ་འཛུམ་ཞལ་གྱིས་སྒྲུབ་ལ་གཟིགས། ཕྱིན་དྲུག་ཕྱག་གིས་གདུལ་བྱ་འདུལ། །ཇོ་བོ་གཟི་ལྡན་སྐུ་ལ་བསྟོད། །དར་དང་རིན་ཆེན་རྒྱན་གྱིས་སྤྲས། །གསོལ་བཏབ་ཙམ་གྱིས་རེ་བ་སྐོང་། །ཡིད་བཞིན་ནོར་བུ་དཔག་བསམ་ཤིང་། །བུམ་པ་བཟང་པོ་མཚུངས་ལ་བསྟོད། །སྔོན་གྱི་ཐུགས་དམ་དགྱེས་དགོངས་ཏེ། །མཆོད་བསྟོད་གསོལ་བ་འདེབས་པ་ལ། །དངོས་གྲུབ་ནམ་མཁའ་མཛོད་ཀྱི་སྒོ། །ཐོགས་མེད་མྱུར་དུ་བྱ་བར་མཛོད། །ཅེས་བསྟོད། ཐལ་མོ་སྦྱར་ཏེ་མོས་པ་རྩེ་གཅིག་པས།
བཅོམ་ལྡན་འདས་ཡིད་བཞིན་ནོར་བུ་གཟི་ལྡན་ཐུགས་རྗེ་ཅན་སོགས་ཚིག་ལྷུག་པའི་གསོལ་གདབ་གོང་དུ་སྨོས་པ་དང་།
ཇོ་བོ་གཟི་ལྡན་བདག་ལ་དགོངས་སུ་གསོལ། །བདག་མིང་འདི་ཞེས་བྱ་བ་ཡིས། །རྫོགས་པའི་བྱང་ཆུབ་བསྒྲུབ་པ་ལ། །སྦྱིན་པ་ཡོངས་སུ་རྫོགས་བྱའི་ཕྱིར། །འབྱོར་པ་ཆེན་པོའི་དངོས་གྲུབ་སྩོལ།
།ཞེས་པས་གསོལ་བ་ལན་བདུན་བཏབ། །ཡིག་བརྒྱ་བརྗོད་པ་སོགས་ཀྱིས་ནོངས་པ་བཟོད་གསོལ་བྱ། ཐུན་ཕྱི་མ་རྣམས་ལ། གཏོར་ཆེན་སོགས་འབྲུ་བྲན་གྱིས་གསོ། གཏོར་ཆུང་ངམ་མཐེབ་ཀྱུ་གསར་དུ་བཤམས། །མཆོད་པ་ཁ་གསོ་དང་བྱིན་རླབས་བྱ། བདག་བསྐྱེད་བསྙེན་བཟླས་སོགས་གྲུབ་ན་ལེགས། མ་གྲུབ་ན་གསོལ་འདེབས་ཙམ་བྱ། མདུན་བསྐྱེད་མན་ཆད་བསྐྱར། དགོངས་མོར་ཚོགས་མཆོད་སྤྱི་འགྲོ་གྲུབ་ན་ལེགས་ཤིང་། ནོངས་བཤགས་ཡན་གྲུབ་པ་དང་། མདུན་བསྐྱེད་བརྟན་བཞུགས། བདག་བསྐྱེད་བསྡུ་ལྡང་། བསྔོ་སྨོན་ཤིས་བརྗོད་བྱ། དེ་ལྟར་རྟགས་ཐོན་ནས་ཞག་གྲངས་བདུན་ནམ་ཉེར་གཅིག་སོགས་གྲུབ་པའི་ནམ་ལངས་ལྟ་བུར་ཐུན་ཐ་མར་བྱས་ནས། བཟླས་པ་གྲུབ་པ་དང་། གཏོར་ཆེན་གྱི་ཡེ་ཤེས་པ་མདུན་གྱི་ནམ་མཁར་བཞུགས་པར་གྱུར་པར་མོས་ལ། ཁ་གསོ་བྱིན་རླབས་རྒྱས་པར་བྱ། ནམ་མཁར་བཞུགས་པ་དང་བུམ་པར་བསྐྱེད་པའི་མགོན་པོ་གཉིས་ཀར་དམིགས་ཏེ་འབུལ་ལ་མཆོད་བསྟོད་དང་སྤྲོ་ན་སྤྱི་བསྟབ་ཀྱང་བྱས་ལ་འཁོར་རྣམས་ཀྱི་གཏོར་མའི་རྩེ་ནས་ཅུང་ཟད་རེ་ནམ་མཁར་མཆོད། གསོལ་གདབ་ནོངས་བཤགས་མཐར་ནམ་མཁའི་མགོན་པོ་བུམ་སྐུ་འཁོར་ལོ་སྐུ་རྟེན་རྣམས་ལ་བསྟིམས་ནས་བརྟན་བཞུགས་དང་། བསྔོ་སྨོན་ཤིས་བརྗོད་བྱས། སྒྲུབ་པའི་ཚེ་མཚམས་དམ་དུ་བཅད་གཞན་ལ་གསང་། ངག་བཅད། སྒྲུབ་རྫས་ཕྱིར་མི་འདོན། སྟན་མི་སྤྲུགས། ཕྱག་དར་མི་བྱ། མི་གཙང་བ་དང་དམ་ཉམས་ཀྱི་རྫས་ནང་དུ་མི་ཁྱེར་བ་སོགས་སྤྱོད་ལམ་གཟབ། སྒྲུབ་པ་ཚར་ནས་འཁོར་ལོ་ལུས་ལ་བཅངས་པས་གང་འདོད་རྣམས་དབང་དུ་འགྱུར་བར་གསུངས། བུམ་པའི་རྫས་རྣམས་ཐོད་པ་མཚན་ལྡན་དུ་བླུགས། དེ་ནང་སྐུ་བརྙན་གྱི་ཞལ་དཔྲལ་བར་བསྟན་ལ་བཅུག །གཏེར་སྒྲོམ་སོགས་སུ་གཞན་གྱིས་མི་མཐོང་བར་བཞུགས་པའི་མདུན་དུ་འཛིན་གཏོར་བཅས་ནུབ་རེ་བཞིན་འབུལ། བུམ་རྫས་ལྷག་མ་འབྲུ་སོགས་དང་སྒྲུབ་པའི་གཏོར་མ་གཞན་ལ་མི་སྦྱིན་པར་རང་ཁོ་ནས་དངོས་གྲུབ་ཏུ་བླང་། སྒོ་ནོར་དང་ནང་མི་རྩིས་ཆེན་ལ་སྦྱིན་རུང་བར་བཤད། སྒྲུབ་པ་བྱེད་པའི་དུས་སུ་ནོར་ཟས་འབུལ་བ་བྱུང་ན་བཟང་། རྟགས་ནི་དངོས་ཉམས་རྨི་ལམ་དུ་ཞལ་མཐོང་བ་དང་། མེ་ཏོག་གི་ཚལ་མཐོང་བ་དང་ཐུ་བ། གཞན་གྱིས་ཟས་ནོར་གོས་གསར་སྦྱིན་པ། ཆུའི་ལོངས་སྤྱོད་བྱེད་པ། གོ་ཆ་དམག་མི་རྨི་བ་སོགས་བཟང་། གཞན་བཟང་ངན་གྱི་རྟགས་སྤྱི་དང་འདྲ། མ་འགྲུབ་ན་ལན་གསུམ་བསྐྱར་ན་ངེས་པར་འགྲུབ་པར་བཤད། གྲུབ་རྟགས་གཞན་ལ་མི་བཤད། ཟས་ནོར་ཅི་བྱུང་ཡང་དཀོན་མཆོག་མཆོད་པ་དང་དབུལ་ཕོངས་ལ་སྦྱིན། རང་ལ་ཆགས་ཞེན་གཏན་ནས་མེད་པར་བྱ། འདིའི་ཡིག་ཆ་ཡོད་པ་ཙམ་གྱིས་བང་མཛོད་འཕེལ། ལོ་ཕྱུགས་ལེགས། བསམ་པ་འགྲུབ་པར་གསུངས་སོ། །གཏོར་སྒྲུབ་འདི་ཉིད་མགོན་པོ་ཡིད་བཞིན་ནོར་བུ་ལ་སྦྱར་ཡང་ཆོག་ཅིང་། དེའི་ཚེ་ནི་བུམ་པའི་བཅས་མི་བྱ་བར་གཏོར་མ་ཁོ་ན་ལ་བརྟེན་ཅིང་། མདུན་བསྐྱེད་ཡིད་བཞིན་ནོར་བུའི་སྒྲུབ་ཕྲིན་གོང་གི་སྐོང་གསོའི་ཕྲིན་ལས་ལྟར་བཏང་ཞིང་རྩ་སྔགས་སིདྡྷི་མ་ལ་བྱ། གཉིས་ཀ་ལའང་ཐུན་དང་བསྙེན་རྒྱུན་བྱུང་ན་མཆོག་ཏུ་འགྱུར་རོ།
༈ །ཞར་བྱུང་དབང་སྡུད་ཀྱི་འཁོར་ལོ་བྲི་ཐབས་ནི། ཡར་ངོའི་ཚེས་བརྒྱད་དམ་བཅུ་བཞི་སྐར་མ་རྒྱལ་འཛོམས་པའི་སྔ་དྲོར་ཁ་ནུབ་ཏུ་བལྟས་ཏེ་འདི་ཉིད་ཀྱི་བདག་བསྐྱེད་བཟླས་པ་བཅས་བྱས་ཏེ།དེའི་ང་རྒྱལ་ལ་གནས་པས། དར་རས་གྲོ་ཤོག་གང་འཛོམ་དམར་པོའི་ངོས་ལ། གུར་གུམ། གི་ཝཾ། སིནྡྷུ་ར། པདྨ་རཀྟ། རྒྱ་སྐྱེགས། ཙན་དན་དམར་པོ་རྣམས་མཚལ་ལ་བསྲེས་པའི་ཁུ་བས་འཁོར་ལོ་རྩིབས་བརྒྱད་མུ་ཁྱུད་དང་བཅས་པའི་ལྟེ་བར་ཧྲིཿདེའི་མདུན་ནས་བརྩམས་ཏེ་གཡས་སྐོར་དུ་སྙིང་པོ་བཅུ་གསུམ་མའི་གཤམ་དུ། དམིགས་གསལ་ཡོད་ན་དང་། སྤྱིར་སརྦ་ལོ་ཀ་པཱ་ཤཾ་ཀུ་རུ་ཧོཿ ཞེས་བཏགས་པ་བྲི། རྩིབས་བརྒྱད་ལ་སྔགས་དེ་ཉིད་ཞལ་ནང་དུ་བསྟན་པ་ཚར་རེ་དང་། དེ་རྒྱབ་མུ་ཁྱུད་ལ་ཨཱ་ལི་ཀ་ལི་གཡས་བསྐོར་དུ་བྲིས་པ་སྟེགས་བུའི་ཁར་བཞག་མདུན་དུ་མཆོད་གཏོར་བཤམས། མགོན་པོ་བསྐྱེད་བསྟིམས་མཆོད་བསྟོད་གཏོར་འབུལ་བྱ། ཐུགས་ཀའི་མཁའ་འགྲོ་མ་ཤངས་བུག་གཡོན་ནས་ཐོན་ཏེ་འཁོར་ལོ་དང་འདྲེས་པར་མོས་ལ་རྩ་སྔགས་བཅུ་གསུམ་མ་སྟོང་ངམ་བརྒྱ་རྩ་བརྒྱད་བཟླས་པའི་མེ་ཏོག་འཐོར་ལ་བརྟན་བཞུགས་བྱ། དབང་གི་ལས་དམིགས་གསལ་ལ་བསྒྲུབ་བྱའི་རྣམ་ཤེས་བཀུག་ནས་ལན་མང་དུ་ཙཀྲ་ལ་བསྟིམ། འཁོར་ལོ་བལྟེབས་ལ་གཞོན་ནུ་མ་མ་ཉམས་པས་བཀལ་པའི་སྐུད་པ་དམར་པོས་འཁོར་ལོ་མི་མཐོང་བར་དཀྲི། ལུས་ལ་བཅངས་ན་ཞག་རེ་བཞིན་སྤེལ་ཚིག་དང་བཅས་པའི་བཟླས་པ་ཆག་མེད་དུ་བྱ་གསུངས་སོ།
༈ །གཉིས་པ་གཏེར་བུམ་སྒྲུབ་པའི་ཚུལ་ནི། འདིའི་བསྙེན་པ་སྔོན་དུ་སོང་ནས་བསྟན་དགོན་སོགས་ལ་ཕན་པའི་ཆེད་དུ་བུམ་གཏེར་འཛུགས་ན། བུམ་པ་གཅིག་གམ་མང་པོའང་རུང་། ཡུལ་གྱི་བྲེ་ཚད་དོ་ཤོང་བ་ལས་མི་ཆུང་བ་ཆག་གས་མེད་པ་ལ་རྩི་དཀར་པོས་བྱུགས། བཀྲ་ཤིས་རྟགས་རྫས་ཀྱི་རི་མོ་བྲི། མདུན་རྟགས་དང་བཅས་པའི་ནང་དུ་ནས་དཀར་མོ་སད་སེར་འབུ་སྲིན་གྱིས་ཟོས་པའི་སྐྱོན་མེད་པ་དང་། བྲ་སྲན་ས་རྡོ་མ་འདྲེས་པའི་འབྲས་གྲོ་རྣམས་ཕྱུག་པོའི་བང་མཛོད་ནས་བྱུང་བའམ། མ་འབྱོར་ན་གཞན་ཡང་རུང་ཞིང་། གཞན་ཡང་བུམ་རྫས་རིན་ཆེན་སྣ་ཚོགས། ཨ་རུ་གསེར་མདོག་དང་བཟང་དྲུག་དང་བུམ་རྫས་ཉེར་ལྔ་སོགས་སྨན་སྣ་ཚོགས། གོས་དར་དང་རས་སྣ་ཚོགས་ཀྱི་རས་མ། རྒྱ་ངའི་རིགས། ཤ་མར། མངར་གསུམ། ཤིང་ཐོག་གི་རིགས། བཀྲ་ཤིས་པའི་ས་སྣ་ཆུ་སྣ། རྟ་ཕྱུགས་ཀྱི་སྤུ་ལ་སོགས་པ་འབྱོར་ཚད་ཀྱིས་ཁེངས་པར་བཀང་། དེའི་ནང་ལྟོ་བའི་སྟོད་ཙམ་དུ་མགོན་དཀར་གྱི་སྐུ་གཟུགས་རབ་གནས་ཅན་ཞལ་མདུན་དུ་བསྟན་པ་དང་རྩ་སྔགས་བཅུ་གསུམ་པའི་མཇུག་ཏུ།
མགོན་པོ་ཡིད་བཞིན་ནོར་བུ་འཁོར་དང་བཅས་པ་རྟེན་འདི་ལ་གནས་པར་མཛད་དུ་གསོལ། གནས་འདིར་སྲིད་པ་གསུམ་གྱི་སྐྱེ་བོ་ཐམས་ཅད་གུས་པས་འདུ་ཞིང་འབྱོར་པ་ཐམས་ཅད་ཆུ་བོའི་རྒྱུན་བཞིན་དུ་འདུ་བར་མཛད་དུ་གསོལ། ཅེས་འདོད་གསོལ་ཤོག་བུ་ལ་གསེར་དངུལ་མཚལ་གང་འབྱོར་གྱིས་དབུ་ཅན་དུ་བྲིས་པར་ག་བུར། གུར་གུམ། ཙན་དན་དམར་པོ། རང་བྱུང་། གི་ཝཾ་སོགས་ཀྱིས་བྱུགས་པ་སྐུ་གཟུགས་ཀྱི་ཕྱོགས་བཞིར་ཞལ་ནང་བསྟན་དུ་གཞུག་པར་གསུངས་ཀྱང་མི་བདེན་དབུ་ནས་བསྒྲིལ་ལ། མགོ་མཇུག་མི་ལོག་པར་བྱས་ཏེ་སྐུ་གཟུགས་ཀྱི་ཕྱོགས་བཞི་འམ་གང་བདེར་བཞུགས་སུ་གསོལ། སྔར་གྱི་འབྲུ་སྣ་ལ་སོགས་པས་མི་འཁྲུལ་བར་འཐས་པར་བརྫངས་ལ། ལུག་དང་མའི་སོག་པ་གཡས་པའི་བལ་རྩི་མེད་པས་ཁ་ནས་བཀབ། དེའི་སྟེང་དུ་མཐིང་ཤོག་ལ་གསེར་གྱིས་རྡོ་རྗེ་རྒྱ་གྲམ་བྲིས་པ་དང་ཁ་འགེགས་ཀྱིས་ཁ་བཀབ། ཚོན་སྣ་ལྔའི་སྐུད་པས་མགྲིན་པ་བཅིངས་པའི་ལྷག་མས་ཁ་འགེབས་ཀྱི་སྟེང་ནས་རྒྱ་གྲམ་དུ་གཏམ། དེ་དང་མཉམ་དུ་དབང་གི་འཁོར་ལོ་སྒྲུབ་ནའང་རུང་བས། སྒྲུབ་པའི་ཚེ་བུམ་པའི་མགུལ་བར་བཏགས་ལ་བཞག་གོ །དེ་ལྟ་བུའི་བུམ་པ་མང་པོ་ཡོད་ན་ལྷན་ཅིག་ཏུ་བསྒྲུབ་སྟེ། བུམ་པ་རྣམས་མེ་ཏོག་གིས་བཀྲམ་པའི་སྟེགས་ཀྱི་ཁར་བཞག་ལ་གཟུངས་ཐག་གིས་སྦྲེལ། དེའི་མདུན་དུ་སྣོད་ཡངས་ཤིང་གས་ཆག་མེད་པར་མགོན་པོའི་འབུལ་གཏོར་ཅོག་ཟླུམ་ཆེ་བ། མཐེབ་ཀྱུས་བསྐོར་བ་ལ་མར་རྒྱན་ཉི་ཟླ་ནོར་བུས་མཚན་པ། དེའི་གཡས་སུ་མཁའ་འགྲོ་སྤྱི་གཏོར། རྒྱབ་ཏུ་གནོད་སྦྱིན། གཡོན་དུ་གཞི་བདག་གཏོར་མ་རྣམས་བུ་རམ་སོགས་ཟས་སྣས་བརྒྱན་པ། མཐར་ཆུ་གཉིས་ཉེར་སྤྱོད་བཤམས། སྒྲུབ་པ་པོའི་མདུན་དུ་ནང་མཆོད་ཌཱ་དྲིལ་མེ་ཏོག་སོགས་མཁོ་བའི་ཡོ་བྱད་རྣམས་ཚོགས་པར་བྱས་ལ། ཐོག་མར་བུམ་པ་ལ་སྦྱོང་ཁྲུས་རྒྱས་པར་བྱ། དེ་ནས་བསྡུ་ན་བསྙེན་སྒྲུབ་ཀྱི་ཕྲིན་ལས་དང་། རྒྱས་པར་སྤྲོ་ན་སྐོང་གསོའི་ཕྲིན་ལས་དང་སྦྲེལ་ཡང་ཆོག །གོང་ལྟར་ནང་མཆོད། གནས་ཡོ་བྱིན་རླབས་ནས་བརྩམས་བདག་བསྐྱེད་བཟླས་པ་དང་བཅས་པ་བྱ། མདུན་རྟེན་རྣམས་ནང་མཆོད་ཀྱིས་བྲན་ལ། བསང་སྦྱང་།
སྟོང་པའི་ངང་ལས་བུམ་པའི་གྲངས་དང་མཉམ་པའི་པཾ་ལས་པདྨ་དང་ཨཱཿལས་ཟླ་བའི་དཀྱིལ་འཁོར་གྱི་སྟེང་དུ་བྷྲཱུཾ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བའི་ནང་དུ་རིན་པོ་ཆེ་དང་། འབྲུ་བཅུད་དང་། ཟས་ནོར་ལོངས་སྤྱོད་ལྷ་མིའི་དཔལ་འབྱོར་ཕུན་སུམ་ཚོགས་པས་ཡོངས་སུ་གང་བར་གྱུར་པར་བསམ་ལ། སྔགས་དྲུག་ཕྱག་དྲུག་གིས་བྱིན་རླབས་བྱ། འདི་ཚར་དང་པོའི་སྐབས་ལས་རྗེས་མ་རྣམས་ལ་མི་དགོས།
བུམ་པ་རིན་པོ་ཆེའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་ཤིང་རྒྱན་དང་བཀོད་པ་ཕུན་སུམ་ཚོགས་པའི་དབུས་སུ་པཾ་ལས་པདྨ་སོགས་ཀྱིས་མདུན་རྟེན་ལྷར་བསྐྱེད། ཡེ་ཤེས་པ་སྤྱན་འདྲེན་ནས་མཆོད་བསྟོད་ཀྱི་བར་གྲུབ་ནས། བཟླས་པ་བྱ་བ་ནི། བུམ་པར་གཟུངས་ཐག་བཏགས་ལ་བཟུང་ནས།
རང་དང་མདུན་བསྐྱེད་ཀྱི་མགོན་པོ་རྣམས་ཀྱི་ཐུགས་ཀའི་མཁའ་འགྲོ་མ་རྣམས་ལས་དེ་འདྲ་བའི་དབང་སྡུད་ཀྱི་མཁའ་འགྲོ་མ་དཔག་ཏུ་མེད་པ་འཕྲོས། འཇིག་རྟེན་གྱི་ཁམས་ཐམས་ཅད་ཁྱབ། ལྷ་མི་ཀླུ་དང་བཅས་པའི་ཚེ་དང་བསོད་ནམས། སྟོབས་དང་དཔལ་འབྱོར། ལོངས་སྤྱོད་དབང་ཕྱུག །སྙན་གྲགས་རིགས་བརྒྱུད། རིན་པོ་ཆེ་དང་འབྲུ་རིགས་དང་། རྟ་ཕྱུགས་འཕེལ་བ་ལ་སོགས་པ་འབྱོར་བའི་ཁྱད་པར་ཡིད་ལ་ཇི་ལྟར་འདོད་པ་ཐམས་ཅད་བཀུག་སྟེ། བུམ་པའི་ནང་གི་རྫས་རྣམས་ལ་གཉིས་སུ་མེད་པར་བསྟིམས་པས་འདོད་དགུའི་དཔལ་འབྱོར་ཟད་མི་ཤེས་པའི་གཏེར་གྱི་བུམ་པ་བཟང་པོར་གྱུར། བུམ་པའི་ནང་གི་དཔལ་འབྱོར་ཕུན་སུམ་ཚོགས་པ་རྣམས་རབ་ཏུ་རྒྱས་ཤིང་ཁ་ནས་ལུད། མགོན་པོའི་ཕྱག་གི་བུམ་པ་དང་ཐོད་པ་ནས་ཀྱང་ལུད། ཚོགས་བདག་གི་ཁ་དང་བཤང་ལམ་དང་ནེའུ་ལེ་རྣམས་ལས་ཀྱང་རིན་པོ་ཆེ་སྣ་ཚོགས་པ་ལྷུག་ལྷུག་བབ་པས་གནས་ཁང་དང་། གཙུག་ལག་ཁང་དང་། ཕོ་བྲང་བང་མཛོད་ལ་སོགས་པའི་ནང་ཐམས་ཅད་ཕྱུར་བུར་ཁེངས་པས། བདག་ཅག་དཔོན་སློབ་ཡོན་མཆོད་འཁོར་དང་བཅས་པས་མཚོན་པའི་སེམས་ཅན་ཐམས་ཅད་འདོད་དགུའི་དཔལ་འབྱོར་འཛད་པ་མེད་པའི་གཏེར་ལ་ལོངས་སྤྱོད་པར་གྱུར་པར་བསམ་ལ་རྩ་སྔགས་བཅུ་གསུམ་པ་ཅི་ནུས་སུ་བཟླའོ། །ཐུན་བསྡུ་བའི་ཚེ། གཏོར་འབུལ། མཆོད་བསྟོད། ནོངས་པ་བཟོད་གསོལ་བྱས་ལ། ཐལ་མོ་མེ་ཏོག་དང་བཅས་ཏེ།
མགོན་པོ་ཡིད་བཞིན་ནོར་བུ་འཁོར་བཅས་ཁྱེད་རྣམས་རྟེན་འདི་དག་ལ་བརྟན་པར་བཞུགས་སུ་གསོལ། བརྟན་པར་བཞུགས་ནས་གནས་འདིར་མཁྱེན་ལྡན་དང་སྟོབས་ལྡན་འབྱོར་ལྡན་གྱིས་མཚོན་པའི་སྐྱེ་འགྲོ་ཐམས་ཅད་འདུ་ཞིང་སྲིད་ཞིའི་དཔལ་འབྱོར་ལོངས་སྤྱོད་ཕུན་སུམ་ཚོགས་པ་ཐམས་ཅད་རྒྱ་མཚོ་ཆེན་པོ་ལ་ཆུ་བོའི་རྒྱུན་བཞིན་དུ་འདུ་བར་མཛད་དུ་གསོལ། ཞེས་དང་།
སུ་པྲ་ཏིཥྛ་སོགས་ཀྱིས་མེ་ཏོག་འཐོར། དེ་ལྟ་བུའི་བརྟན་བཞུགས་འདི་ཉེར་གཅིག་གམ་ལྔ་བཅུའམ་བརྒྱ་རྩ་བརྒྱད་ཀྱི་བར་ཅི་ནུས་སུ་བྱ་བར་བཤད་དོ། །དེ་ནས་དགེ་བསྔོ་བཀྲ་ཤིས་བྱ། དེ་ལྟ་བུས་རབ་རྟགས་མཐོང་བ་དང་། ཐ་མ་ཞག་གྲངས་བདུན་ལ་སོགས་པ་ཅི་ནུས་སུ་བསྒྲུབ། སྒྲུབ་པ་ཟིན་ནས་འཁོར་ལོ་ཡོད་ན་དགེ་འདུན་གྱི་གཙུག་ལག་ཁང་ངམ་རྟེན་བཞེངས་ཀྱི་ནང་ངམ། བུམ་པ་དང་མཉམ་དུ་འཇོག་པའམ། རང་གི་ལུས་ལ་བཅངས་པ་གང་རུང་བྱ་བ་དང་། བུམ་པ་ནི་གང་དུ་འཇོག་པའི་ས་དེར་སྒྲུབ་པ་ཡིན་ན་དེར་གཞན་གྱིས་མི་མཐོང་བར་བྱས་ནས་སྦས་པས་ཆོག །གཞན་རྟེན་གྱི་ནང་ངམ་གཙུག་ལག་ཁང་དང་རང་གི་གནས་ཁང་གི་མཛོད་ཀྱི་ཕུག་སོགས་ལ་གདན་དྲང་དགོས་ན་གྱང་ལོགས་ལྟ་བུ་ལ་གྲུ་བཞིར་བརྐོས་པའམ་སྒམ་ནང་ལྟ་བུར་འཛོམ་ན་མཚལ་གྱིས་བྱུགས་པའི་ལོགས་བཞིར་སིནྡཱུ་རའི་གཡུང་དྲུང་རིས་བྲིས་པའི་བཞུགས་གནས་སུ། བུམ་པ་སྤོས་དུད་རོལ་མོ་དང་བཅས་པས་སྤྱན་དྲངས་ལ། འོག་ཏུ་རས་ལ་པདྨ་བྲིས་པའི་སྟེང་། བུམ་པའི་མདུན་མཛོད་སྒོ་དང་མི་འཕྲོད་པར་བཞག །སྟེང་དུ་དར་གྱི་གུར་དང་མདུན་དུ་མར་ཁུས་སྦྲུས་པའི་གཏོར་མ་ནོར་བུས་བརྒྱན་པ་སྔར་བཞིན་བཤམས། སླར་ཡང་ཕྲིན་ལས་བསྡུས་པའི་སྒོ་ནས་བསྐྱེད་བསྟིམས་མཆོད་བསྟོད་བཟླས་དམིགས་གཏོར་འབུལ་བརྟན་བཞུགས་ཤིས་བརྗོད་རྣམས་ཚང་བར་བྱས་ལ། རྡོའམ་འདགས་ལ་གཡུང་དྲུང་རིས་བྲིས་པས་བཀབ། གྱང་ལོགས་ཡིན་ན་ཕྱི་ནས་ཞལ་ཞལ་བྱས་ཏེ་མི་མངོན་པར་བྱས། གཏེར་བུམ་འདི་ནི་དགེ་འདུན་གྱི་གཙུག་ལག་ཁང་། རྟེན་ཁྱད་པར་ཅན། སྒྲུབ་པ་པོའི་བསྟི་གནས། རྒྱལ་པོའི་ཕོ་བྲང་སོགས་ལ་བསྔགས་ཀྱི། ཆོས་སྐྱོང་གི་རྟེན་ཐུན་མོང་མ་ཡིན་པའི་ཕྱིར། སྐྱེ་བོ་ཕལ་པའི་གནས་དང་ར་བ་སོགས་སུ་བཞག་པར་བྱ་བ་མ་ཡིན་ཅིང་། ཅིས་ཀྱང་བཞག་ན་ཤིས་བརྗོད་ཙམ་ལས་བསྐྱེད་བསྟིམས་དང་དམིགས་བཟླས་རྣམས་ནི་མི་བྱའོ། །འདི་ཉིད་གང་དུ་བཞུགས་པའི་ཕྱོགས་དེར་འབྱོར་པ་ཟད་མི་ཤེས་པར་འབྱུང་བར་གསུངས་སོ།
༈ །ལྔ་པ་སྲེག་བླུགས་ཀྱི་ཆོ་ག་ནི། འདི་ཉིད་གཙོ་བོར་རྒྱས་པ་དང་། དབང་གི་ཕྲིན་ལས་ལ་བསྔགས་པས་དེའི་ལག་ལེན་བཤད་པ་ལ་གཉིས། རྒྱས་པ་དང་། དབང་གི་སྦྱིན་སྲེག་གོ
།དང་པོ་ལ། སྦྱོར་བ། དངོས་གཞི། རྗེས་གསུམ་ལས།
དང་པོ་ནི། བསྙེན་པ་དང་སྒྲུབ་པའི་རྗེས་སམ་གཞན་ཏུའང་རུང་། ཡར་ངོའི་སྔ་དྲོ་ལྟ་བུར་མེ་ཐབ་པདྨ་འདབ་བརྒྱད་ལྟེ་བར་ཉི་གདན། ཁ་ཁྱེར་མུ་རན་ལ་རིན་པོ་ཆེའི་ཕྲེང་བས་བསྐོར་བ། གཞི་སེར་པོ་ལ་བཅད་ཚོན་དམར་སེར་གྱིས་བྲི། ཉི་གདན་ལ་འབྲས་སམ་རྡུལ་ཚོན་གྱིས་ཚོམ་བུ་དཀར་པོ་གཅིག་བཀོད། བུད་ཤིང་ཚེར་མ་ཅན་མ་ཡིན་པའི་འབྲས་བུ་ཅན་གྱི་ཤིང་། སེར་ཞིང་དྲི་ཞིམ་པོའི་དབུས་ཀྱི་ཆ་ལས་བྱུང་བའམ། དེ་མེད་ན་སྲོག་ཆགས་མེད་པའི་ནགས་ཀྱི་ལྕིབ་ཐབ་ཀྱི་ཁ་ཁྱེར་གྱི་སྟེང་ནས་དཔང་ས་ཁྲུ་གང་ཙམ་གྲུ་བཞིར་བརྩེགས་པའི་ནང་གི་འཇིག་རྟེན་པའི་ཤར་ལྷོའི་མཚམས་སུ་ཏིང་ལོ་ཆེ་བ་ཞིག་བཞག་པ་ཁ་བྱང་ནས་ལྷོར་བསྟན། སྒྲུབ་པ་པོ་ཁ་ལྷོ་ནས་བྱང་དུ་བསྟན་ནས་གདན་སེར་པོའི་སྟེང་དུ་ཆས་གོས་སེར་པོ་བཅས་རྒྱས་པའི་སེམས་དང་བཟང་པོའི་སྟབས་ཀྱིས་འདུག་པའི་བར་དུ་གངས་རི་བྲིས་པའི་མེ་ཡོལ་བཞག །རང་གི་མདུན་དུ་བསང་ཆུའི་སྣོད་དུང་ཕོར་སོགས་དང་། ཀུ་ཤའི་འཐོར་གཡབ། རྡོར་དྲིལ་ནང་མཆོད་རྣམས་བཤམས། རྡོ་རྗེ་དྲིལ་བུའི་བར་དུ་དགའ་གཟར་བླུགས་གཟར་ཁ་སྦྱར་ལ་བཞག །ཀུ་ཤའི་ཆུན་པོ་བརྒྱད། དཔལ་འབར་ཞིག་ཀྱང་སྟ་གོན་བྱ། རང་གི་གཡོན་ཐབ་ཀྱི་གཡས་ནས་ཆུ་གཉིས་སྔོན་འགྲོའི་ཉེར་སྤྱོད་དང་། འཇིག་རྟེན་དང་འཇིག་རྟེན་ལས་འདས་པའི་གཏོར་མ་གཉིས་དང་བཅས་པ་བཤམ། རང་གི་གཡས་ཐབ་ཀྱི་གཡོན་ནས་བསྲེག་རྫས་ཡམ་ཤིང་འབྲས་བུ་ཅན་གྱི་ཤིང་སྦོམ་ཕྲ་གུང་མོ་ཙམ་སེར་ཞིང་དྲི་ཞིམ་བ། ཁྲུ་གང་བ། རྩ་རྩེ་མར་དང་སྦྲང་རྩི་བྱུགས་པ། མར་ཁུ། ཟས་མཆོག ཏིལ་དཀར། ཡུངས་ཀར། སོ་བ། འབྲས། ནས། གྲོ། སྲན་མ། ཀུ་ཤ་རྣམས་གོ་རིམ་བཞིན་བཤམ། རྫས་རྣམས་ལ་ཁ་དོག་སེར་པོ་བྱས། བདུད་རྩི་ལས་བྲན་ལ་བཞག་གོ། །དེ་ནས་བདག་བསྐྱེད་བཟླས་པ་ནས་བསྡུ་ལྡང་གི་བར་དུ་གྲུབ་པར་བྱ། དེ་ནས་བརྩམས་ཏེ་སྦྱིན་སྲེག་གི་ཆོ་ག་མ་གྲུབ་ཀྱི་བར་ལ་ལག་པ་གཉིས་པུས་མོ་ལས་མི་འདའ་བ་ལ་བསླབ་བོ།
།གཉིས་པ་དངོས་གཞི་ལ་ཐབ་དང་ཡོ་བྱད་བསང་བ་ནི། བསང་ཆུ་ལ།
བཛྲ་ཨ་མྲྀ་ཏ་སོགས་དང་།
ཧཱུྃ་རིང་པོ་མང་དུ་བརྗོད་པས།
རྫས་རྣམས་ཀྱི་མ་དག་པ་སེལ་བའི་ནུས་པ་དང་ལྡན་པར་བསམ་ལ། སྔགས་དེ་གཉིས་གང་རུང་བརྗོད་ཅིང་ཀུ་ཤའི་འཐོར་གཡབ་ཀྱིས་ཐབ་དང་ཡོ་བྱད་ཐམས་ཅད་ལ་བསང་གཏོར་བྱས་ཏེ་བགེགས་བསལ་ལ། བསྲེག་རྫས་དང་མཆོད་རྫས་རྣམས།
སྭ་བྷཱ་ཝས་སྟོང་པར་སྦྱངས།
སྟོང་པའི་ངང་ལས་ཨ་ལས་བྱུང་བའི་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུྃ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་བསྲེག་རྫས་དང་། མཆོད་རྫས་རྣམས་དྭངས་ཤིང་ཐོགས་པ་མེད་པ། ལྷ་མཉེས་པ་དང་། སོ་སོའི་ལས་སྒྲུབ་པའི་ནུས་པ་དང་ལྡན་པར་གྱུར་པར་བསམ་ལ།
ཨོཾ་ཨཱཿཧཱུྃ་སྭཱ་ཧཱས་ཡམ་ཤིང་།
ཨོཾ་ཤྲིཾ་སྭཱ་ཧཱས་མར། ཨོཾ་ཛྲིཾ་སྭཱ་ཧཱས་འབྲུ། ཨོཾ་སྭཱ་སྭཱ་ཧཱས་རྫས་ཐམས་ཅད་བཀྲུས། ཨོཾ་ཀུ་རུ་ཀུ་རུ་སྭཱ་ཧཱས་རྫས་ཐམས་ཅད་སྦྱངས།
ཨོཾ་བཛྲ་ཨརྒྷཾ་སྭཱ་ཧཱ། ཨོཾ་བཛྲ་པཱདྱཾ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུྃ། སོགས་ནས། ཤཔྡ་ཨཱཿཧཱུྃ། སོ་སོའི་སྔགས་དང་ཕྱག་རྒྱས་བྱིན་གྱིས་བརླབས། དེ་ནས་དཔལ་འབར་ལ་འཛོམ་ན་དགེ་འདུན་གྱི་བསྲོ་ཁང་ངམ། རྒྱལ་པོའི་ཐབ་ལས་བྱུང་བའི་མེ་སྦར་ཏེ། ལག་པ་གཉིས་གུས་པའི་ཚུལ་གྱིས་ཐབ་ལ་གཡས་ནས་ཟླུམ་པོར་བསྐོར་ཞིང་། རྩ་སྔགས་བཅུ་གསུམ་མ་ལན་གསུམ་དང་།
ཨོཾ་ཛྭ་ལ་ཛྭ་ལ་རཾ། ཞེས་བརྗོད་ཅིང་ཐབ་ཀྱི་ནང་གི་ཏིང་ལོ་སྦར་ཞིང་རྩ་སྐམ་སོགས་ཀྱིས་མེ་གསོ། ཁུ་ཚུར་གཉིས་བརྐྱངས་པའི་མཐེབ་མཛུབ་གཉིས་བརྒྱངས་པའམ། རྩེ་སྦྱར་བའི་རིན་པོ་ཆེ་ཁུ་ཚུར་གྱི་ཕྱག་རྒྱས་དགང་གཟར་བླུགས་གཟར་བཟུང་ལ། བླུགས་གཟར་མར་དང་བཅས་པས་དགང་གཟར་གྱི་ཁ་ལ་རེག་ཅིང་། བླུགས་གཟར་གྱིས་བུད་ཤིང་ལ་ཁྱབ་པར་བླུགས་ཏེ།
ཨོཾ་ཛྭ་ལ་ཛྭ་ལ་རཾ། ཞེས་བརྗོད། དེ་ནས་ཀུ་ཤའི་ཆུན་པོ་བརྒྱད་བསང་སྦྱང་།
སྟོང་པའི་ངང་ལས་ཧཱུྃ་ལས་བྱུང་བའི་ཀུ་ཤ་སྔོ་ལྗང་རྩ་བ་རྩེ་མོ་མ་ཉམས་པ། དྭངས་ཤིང་ཐོགས་པ་མེད་པ། ཐབ་དང་ཡོ་བྱད་རྣམས་ཀྱི་འབགས་པ་དང་མ་དག་པ་ཐམས་ཅད་སེལ་བའི་ནུས་པ་ལྡན་པར་གྱུར་བར་བསམ་སྟེ།
ཨོཾ། ཀུ་ཤ་འདི་ནི་བཟང་ཞིང་དགེ། །ས་ལས་སྐྱེས་པའི་སྙིང་པོ་མཆོག །ཚངས་པ་ཡི་ནི་དག་བྱེད་ཡིན། །དཀོན་མཆོག་གསུམ་གྱི་དག་བྱེད་དེ། །དེས་བདག་ལ་བགེགས་མེད་ཅིང་ཞི་བར་མཛོད་ཅིག
།ཨོཾ་བཛྲ་སཏྭ་ཨཱཿ ཞེས་བརྗོད་དེ། ཐབ་ཀྱི་མདུན་ནས་གཡས་སྐོར་གྱི་རིམ་པས་ཕྱོགས་མཚམས་བརྒྱད་དུ་རྩེ་མོ་གཡས་སྐོར་དུ་བཀྲམ་མོ། །མེ་ཐབ་བསངས་སྦྱངས།
སྟོང་པའི་ངང་ལས་པཾ་ལས་པདྨ་དང་། རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལས་བྱུང་བའི་རྒྱས་པའི་ཐབ་ཁུང་སེར་པོ་རྒྱར་ཁྲུ་གཉིས་པ། ཟབས་སུ་ཁྲུ་གང་པ། ཡངས་ཤིང་རྒྱ་ཆེ་བ་དྭངས་ཤིང་ཐོགས་པ་མེད་པ། ཁ་ཁྱེར་དང་མུ་རན་ལ་རིན་པོ་ཆེའི་ཕྲེང་བས་མཚན་པ། །བྲིས་པ་དང་གཉིས་སུ་མེད་པར་གྱུར། མེ་འབར་བའི་དབུས་སུ་པཾ་ལས་པདྨ་དང་། རཾ་ལས་ཉི་མའི་དཀྱིལ་འཁོར་གྱི་སྟེང་དུ་རཾ་ལས་བགྲང་ཕྲེང་རཾ་གྱིས་མཚན་པ་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས་མེ་ལྷ་ར་སྐྱེས་ལ་ཞོན་པ། ཞལ་གཅིག་ཕྱག་བཞི་པ། གཡས་མཆོག་སྦྱིན་དང་བགྲང་ཕྲེང་། གཡོན་དབྱུག་གུ་དང་སྤྱི་བླུགས་འཛིན་པ། ལུས་པོ་མེའི་རང་བཞིན་དམར་པོ། ཞལ་གྱི་དཀྱིལ་འཁོར་སེར་པོ་ལས་འོད་ཟེར་སེར་པོ་འཕྲོ་བ། གསུས་ཁྱིམ་ཆེ་བ། རལ་པའི་ཐོར་ཚུགས་ཅན། ཨག་ཚོམ་འཆང་བ། དྲང་སྲོང་གི་ཚོགས་ཀྱིས་བསྐོར་བ། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་ཤར་ལྷོ་ནས་མེ་ལྷ་དྲང་སྲོང་གི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿ ཞེས་དང་ལག་པ་གཉིས་ཀྱི་མཐེ་བོང་གུང་མོའི་རྩ་བར་བཞག །མཛུབ་མོ་གུང་མའི་རྒྱབ་ནས་བཀབ་པ་དབྱུག་གུ་རྩེ་གསུམ་པའི་ཕྱག་རྒྱ་རྣ་བའི་དྲུང་དུ་གཡབ་ཅིང་།
ཨོཾ། ཚུར་བྱོན་ཚུར་བྱོན་འབྱུང་པོ་ཆེ། །མེ་ལྷའི་རྒྱལ་པོ་དྲང་སྲོང་མཆོག །སྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །གཟི་བརྗིད་ཆེན་པོ་མེ་ཡི་ལྷ། འདོད་པ་ཐམས་ཅད་སྒྲུབ་པ་པོ། །ཐུགས་རྗེས་སེམས་ཅན་དོན་མཛད་པ། །འདི་ཉིད་དུ་ནི་བཞུགས་སུ་གསོལ།
།ཨོཾ་ཨགྣ་ཡེ་མ་ཧཱ་ཏེ་ཛཿ སརྦ་ཀརྨ་པྲ་སཱ་བྷ་ཀ་མ་ཧཱ་བྷུ་ཏ་དེ་ཝ་རི་ཥི་དྭི་ཛ་ས་ཏྭ་མ་གྲཾ་ཧི་ཏྭ་ཨཱ་ཧུ་ཏིཾ་ཨཱ་ཧ་ར་ཨ་སྨིན་སན་ནི་ཧི་ཏོ་བྷ་ཝ། ཞེས་པས་སྤྱན་དྲངས།
ཨོཾ་པདྨ་ཀ་མ་ལཱ་ཡ་སྟྭཾ། ཞེས་བརྗོད་པས་ཐབ་ནང་དུ་མེ་ཏོག་གཅིག་ཕུལ་ཏེ།
ཐབ་ཀྱི་ཤར་ལྷོར་པདྨའི་གདན་ལ་བཞུགས་པར་གྱུར། ཞེས་བརྗོད་ཅིང་བསམ།
ཨོཾ་བཛྲ་ཨརྒྷཾ་སོགས་ཀྱིས་ཆུ་གཉིས་ཕུལ། རྡོ་རྗེ་རྩེ་ལྔ་པའི་ཕྱག་རྒྱ་བཅིངས་པའོ། སྤོས་དང་བཅས་པའི་དྲིལ་བུ་བཟུང་ལ།
ཨོཾ་བཛྲ་ཨཱ་ན་ལ་མ་ཧཱ་བྷཱུ་ཏ་ཛྭ་ལ་ཡ། སརྦ་བྷ་སྨིཾ་ཀུ་རུ་སརྦ་དུཥྚཾ་ཧཱུྃ་ཕཊ་དྲྀ་ཤྱ་ཛཿཧཱུྃ་བཾ་ཧོཿ ས་མ་ཡ་སྟྭཾ། ཞེས་བརྗོད་ལ།
ཛཿཧཱུྃ་བཾ་ཧོཿ ཞེས་པས་བསྟིམ།
སླར་ཡང་རང་གི་སྙིང་གའི་ས་བོན་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ཨོཾ་བཛྲ་ས་མཱ་ཛཿ ཞེས་དང་། རྡོ་རྗེ་བསྡུ་བའི་ཕྱག་རྒྱས་དབང་ལྷ་སྤྱན་དྲངས་ལ།
དེ་བཞིན་གཤེགས་པ་ཐམས་ཅད་ཀྱིས་འདི་ལ་དབང་བསྐུར་བར་མཛད་དུ་གསོལ། ཞེས་གསོལ་བ་བཏབ་པས། དེ་བཞིན་གཤེགས་པ་རྣམས་ཀྱིས་བུམ་པའི་ཆུས་སྤྱི་བོ་ནས་དབང་བསྐུར་བས་སྐུ་གང་དྲི་མ་དག་ཆུའི་ལྷག་མ་ཡར་ལུད་པ་ལས་རིན་ཆེན།འབྱུང་ལྡན་གྱིས་དབུར་བརྒྱན། དེ་ནས།
ཨོཾ་ཨགྣ་ཡེ་ས་པ་རི་ཝཱ་ར་ཞེས་པའི་མཚན་སྔགས་རེ་རེ་མགོར་སྦྱར་བའི་ཉེར་སྤྱོད་ལྔ།
གཎྜེར་ཎི་རོལ་མོ་དང་བཅས་པས་མཆོད། མཚན་སྔགས་ཀྱི་མཐར།
ཨོཾ་ཨཱཿཧཱུྃ། ཞེས་པས་ནང་མཆོད། རྡོ་རྗེ་དྲིལ་བུ་འཛིན་པས།
འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོར་ཊཱ་ཀིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་བསྲེགས། །འཛིན་བྱེད་མེ་ལྷ་ཉིད་ལ་རྣམ་པར་འདུད། །ཅེས་བསྟོད་ལ་བུད་ཤིང་ཁ་གསོ།
དེ་ནས་འདས་པའི་མེ་ལྷ་མཆོད་པ་ནི།
འཇིག་རྟེན་པའི་མེ་ལྷའི་ཐུགས་ཀར་མེ་གྲུ་གསུམ་གྱི་དབུས་སུ་པཾ་ལས་པདྨ། རཾ་ལས་ཉི་མ་སོགས་མངོན་རྟོགས་རྒྱས་བསྡུས་གང་ཡང་རུང་བ་དང་སྦྱར་ཏེ་ལྷ་བསྐྱེད་པ་ནས། ཡེ་ཤེས་པ་གཞུག་བསྟིམ་གྱི་བར་བྱ།
དེའི་མཐའ་སྐོར་དང་བར་སྣང་རྣམས་སུ་རྩ་བརྒྱུད་ཀྱི་བླ་མ། ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་བྱང་སེམས་ཆོས་སྲུང་ནོར་ལྷའི་ཚོགས་བསམ་གྱིས་མི་ཁྱབ་པ་སྤྲིན་ཕུང་འཐིབས་པ་ལྟར་མངོན་སུམ་དུ་བཞུགས་པ། ལྷ་ཐམས་ཅད་འཛུམ་ཞིང་ཚིམ་པ་འོད་ཟེར་སེར་པོ་འཕྲོ་བ་གཟི་བརྗིད་དང་ལྡན་པའི་སྒོ་ནས། བདག་དང་སེམས་ཅན་ཐམས་ཅད་ཀྱི་ཚེ་དང་བསོད་ནམས་ལོངས་སྤྱོད་ལ་སོགས་པ་རྒྱས་པའི་ལས་མཛད་པར་གྱུར། ཅེས་བརྗོད་ཅིང་བསམ། སླར་ཡང་ཧཱུྃ་ཞེས་བརྗོད་ཅིང་ཐབ་དང་ཡོ་བྱད་ཐམས་ཅད་ལ་བསང་ཆུ་གཏོར་ཏེ་མི་གཙང་བ་དང་ཉམས་པ་ཐམས་ཅད་དག་པར་བསམ། དེ་ནས་རིན་ཆེན་ཁུ་ཚུར་གྱིས་གཟར་བུ་གཉིས་བཟུང་སྟེ།
ལྷ་རྣམས་ཀྱི་ཞལ་ཅུང་ཟད་གདངས་པའི་ལྗགས་ཧཱུྃ་ལས་རྡོ་རྗེ་ཧཱུྃ་གིས་མཚན་པ། དགང་བླུགས་ཀྱི་ཁ་ལ་རཾ་ཡིག་གིས་མཚན་པར་གྱུར། རྩ་སྔགས་བཅུ་གསུམ་མ་ལན་བདུན་དང་སྦྲགས་ཏེ་བླུགས་གཟར་གྱིས་མར་ཁུ་བླུགས་པས་དགང་གཟར་བཀང་ལ།
ཨོཾ་ཨཱགྣ་ཡེ་ཨ་དི་བྱ་དི་བྱ་མ་ཧཱ་ཤྲཱི་ཡེ་ཧ་བྱ་ཀ་བྱ་བཱ་ཧ་ན་སྭཱ་ཧཱ། ཞེས་བརྗོད་དེ་གཟར་བུ་གཉིས་ཁ་སྦྱར་ལ།
ལྷ་ཐམས་ཅད་ཀྱི་ཞལ་དུ་དུས་གཅིག་ལ་ཕུལ་བར་བསམ་ལ།
བདག་སྒྲུབ་པ་པོའི་འཁོར་དང་ལོངས་སྤྱོད་དང་ནོར་དང་འབྲུ་དང་རིན་པོ་ཆེ་ལ་སོགས་པ་འབྱོར་པ་ཕུན་སུམ་ཚོགས་པ་ཐམས་ཅད་པུཥྚིཾ་ཀུ་རུ་ཨོཾ། དེ་ལྟ་བུ་ལན་གསུམ་ལ་སོགས་པས་བྱོན་སྐྱེམས་ཕུལ།
གུ་རུ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་སོགས་ཆུ་གཉིས་ཉེར་སྤྱོད་རོལ་མོ་དང་བཅས་པ་དང་། མཚན་སྔགས་ཀྱི་མཐར།
ཨོཾ་ཨཱཿཧཱུྃ་བཏགས་པས་ནང་མཆོད་འབུལ།
མགོན་པོ་ཡིད་བཞིན་ནོར་བུ་སོགས་ཀྱིས་བསྟོད། དེ་ནས་ཡམ་ཤིང་ནས་བརྩམ་སྟེ་སྲེག་རྫས་རྣམས་སྡེ་ཚན་རེ་རེའི་ཐོག་མར་རང་རང་རྫས་སྔགས་ཚར་གསུམ་མམ་ལྔ་ལ་སོགས་པ་དང་། འབུལ་སྔགས།
གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ ཞག་གིས་འབུལ། མཇུག་ཏུ་སྤེལ་ཚིག་གོང་ལྟར་བརྗོད་ཅིང་བརྒྱ་རྩ་བརྒྱད་ལ་སོགས་པ་ཇི་ཙམ་འབྱོར་པ་ཕུལ། ལོགས་ནས་སྒྲུབ་གཡོག་གཅིག་གིས་གྲངས་བཟུང་སྟེ། ཡམ་ཤིང་ལ་སོགས་པ་རྣམས་རིམ་པ་བཞིན་ལག་པ་གཡོན་དུ་བཟུང་ལ། གཡས་པའི་མཐེབ་སྲིན་གྱིས་སྟེང་ནས་བླང་ཞིང་ཅུང་ཟད་བསྐོར་ཏེ། མཆོད་སྦྱིན་ཕྱག་རྒྱས་འབུལ། དེ་ལ་ཡམ་ཤིང་བྱང་ཆུབ་ཀྱི་ཤིང་དུ་མོས་ཏེ།
ཨོཾ་བོ་དྷི་བྲིཀྵ་ཡ་སྭཱ་ཧཱ། གསུམ་མམ་ལྔ་སོགས་དང་། གུ་རུ་མ་ཧཱ་སོགས་ཀྱིས་བརྒྱ་རྩ་བརྒྱད་འབུལ། མཇུག་ཏུ། བདག་སྒྲུབ་པ་པོ་སོགས་ཀྱིས་སྤེལ་ཚིག་གོང་ལྟར་བརྗོད། འོག་མ་རྣམས་ལའང་འདི་རིགས་འགྲེ་སྦྱར་ཏེ། ཨོཾ་ཨགྣ་ཡེ་སྭཱ་ཧཱས་མར། ཨོཾ་སརྦ་སཾ་པ་དེ་སྭཱ་ཧཱས་ཞོ་དང་སྦྱར་བའི་ཟས་མཆོག །ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱས་ཏིལ་ལམ་ཡུངས་ཀར། ཨོཾ་བཛྲ་བི་ཛཱ་ཡ་སྭཱ་ཧཱས་འབྲས་སོ་བ། ཨོཾ་བཛྲ་པུཥྚ་ཡེ་སྭཱ་ཧཱས་འབྲས། ཨོཾ་མ་ཧཱ་བེ་ག་ཡ་སྭཱ་ཧཱས་ནས། ཨོཾ་བཛྲ་གྷསྨ་ར་ཡེ་སྭཱ་ཧཱས་གྲོ། ཨོཾ་མ་ཧཱ་བ་ལཱ་ཡ་སྭཱ་ཧཱས་སྲན་མ། ཨོཾ་བཛྲ་ཨཱ་ཡུ་ཥེ་སྭཱ་ཧཱས་དུརྦ། ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱས་ཀུ་ཤ་རྣམས་ཕུལ་ལ། སྡེ་ཚན་རེ་རེའི་མཐར་གོང་ལྟར་གྱི་སྤེལ་ཚིག་སྦྱར་རོ། །དེ་ནས་སྐབས་འདིར་ཁྱད་པར་གྱི་རྫས་ཟས་མཆོག་ལ་གྲངས་བཟུང་སྟེ་རྩ་སྔགས་ཀྱིས་སྟོང་ཕྲག་ལྔའམ། ཁྲི་ལ་སོགས་པས་ཇི་ཙམ་ནུས་པ་འབུལ་ཞིང་། སྐབས་སྐབས་སུ་ཡམ་ཤིང་དང་མར་ཅི་འབྱོར་པ་ཕུལ། སྒྲུབ་གཡོག་གཅིག་གིས་མེ་རྒྱུན་མ་ཆད་ཙམ་གྱི་བུད་ཤིང་ཡང་འཛུག་གོ། །དེ་ཡང་ཡམ་ཤིང་འབར་བའི་མེ་འོད་ལ། འདི་ནི་ཆོ་ག་ཚར་རེའི་སྔགས་བསྔོ་ཚུལ་ཡིན་ལ་དེ་ལྟར་ཞག་གྲངས་དུ་མར་བསྙེན་པ་ཇི་ཙམ་སོང་བའི་བཅུ་ཆའི་ཁ་སྐོང་ལ་འགྲིག་པར་བྱའོ། །མཆན། ཁུ་བའི་རྫས་རྣམས་ནི་ལྷ་ཐམས་ཅད་ཀྱི་ཞལ་དུ། གོང་བུའི་རྫས་རྣམས་ནི་ཕྱག་ཏུ། ཀུ་ཤ་ནི་དབུའི་གཙུག་ཏོར་ལ་ཕུལ་བར་བསམ་མོ། །སྲེག་རྫས་རྣམས་རྫོགས་པ་དང་། གོང་གི་བྱོན་སྐྱེམས་ཀྱི་སྐབས་སུ་བཤད་པ་ལྟར་མར་དགང་བླུགས་གསུམ་ཕུལ། མཆོད་པ་ཁ་གསོས་བྱིན་གྱིས་བརླབས་ཏེ།
རྟེན་ཅིང་འབྲེལ་བར་འབྱུང་བ་ཡི། སོགས་ཚིགས་བཅད་སྔགས་ཕྱག་རྒྱ་དང་བཅས་པས་མཆོད། ནང་མཆོད་ཀྱི་ཕུད་བླ་མ་ཡི་དམ། དེ་འོག་ཆོས་སྐྱོང་། ལྷག་མ་འབྱུང་པོ་རིགས་དྲུག་རྣམས་ལ་འབུལ་བའི་ཚིགས་བཅད་མགོན་མཐིང་སྐབས་ལྟར་རམ།
བྱིན་རླབས་ཀྱི་རྩ་བ་སོགས་ཀྱིས་ཕུལ།
རང་གི་སྙིང་གའི་ཧཱུྃ་ལྷ་ཐམས་ཅད་ཀྱི་ངོ་བོ་ལ་མཆོད་པར་བསམ་སྟེ་བདུད་རྩི་ཅུང་ཟད་ལྕེེ་ལ་མྱོང་། བསྟོད་པ་རྒྱས་བསྡུས་གང་རུང་གིས་བསྟོད། འདས་པའི་གཏོང་མ་ནང་མཆོད་ལྟར་བྱིན་གྱིས་བརླབས་ལ།
གུ་རུ་མ་ཧཱ་སོགས་རྩ་སྔགས་ཀྱི་མཇུག་ཏུ།
ཨི་དཾ་བ་ལིཾ་ཁ་ཁ་ཁཱ་ཧི་ཁཱ་ཧི། བཏགས་པ་གསུམ་མམ་ལྔ་ལ་སོགས་ཕྱག་རྒྱ་དང་བཅས་པས་འབུལ། མཆོད་པ་ཕྱི་ནང་དང་། བསྟོད་པ་བྱ།
བདག་གི་ཚེ་དང་བསོད་ནམས་དང་ལོངས་སྤྱོད་ལ་སོགས་པ་འཕེལ་ཞིང་རྒྱས་པར་བྱིན་གྱིས།བརླབ་ཏུ་གསོལ། ཞེས་སོགས་རང་གི་ཡིད་ལ་གང་འདོད་པའི་དོན་ལ་གསོལ་བ་བཏབ་ལ། སྐབས་འདིར་ཡི་གེ་བརྒྱ་པ་ཅི་ནུས་བཟླས་པའི་མཐར།
མ་འབྱོར་བ་དང་ཉམས་པ་དང་། །ཞེས་སོགས་དང་།
བདག་ཅག་ལས་དང་པོ་པའི་རྟེན་གྱི་གང་ཟག་ཏུ་གྱུར་པས། སེམས་སྒྲིབ་པ་དང་ལྡན་པའི་དབང་གིས། ཏིང་འཛིན་མི་གསལ་བ་དང་། བྱིང་བ་དང་རྒོད་པའི་དབང་གིས་ཆོ་ག་ལྷག་ཆད་དུ་གྱུར་པ་ཐམས་ཅད་བཟོད་པར་མཛད་དུ་གསོལ།
ཨོཾ། ཁྱེད་ཀྱིས་སེམས་ཅན་དོན་ཀུན་མཛད། །ཅེས་སོགས་ཀྱི་རྗེས་སུ།
ཨོཾ་ཨཱཿཧཱུྃ་བཛྲ་མུཿ ཞེས་དང་། མཐེབ་སྲིན་གྱིས་སེ་གོལ་གྱི་སྒྲས།
ཡེ་ཤེས་པ་རང་བཞིན་གྱི་གནས་སུ་གཤེགས་པར་བསམ། སྲིན་ལག་གིས་ཐབ་ཀྱི་རྡུལ་ཅུང་ཟད་བླངས་ལ་དཔྲལ་བར་བསྐུས་ཏེ།
དམ་ཚིག་པ་རང་ལ་ཐིམ་པར་བསམ།
།གསུམ་པ་རྗེས་ཀྱི་ཆོ་ག་ལ། འཇིག་རྟེན་པའི་མེ་ལྷ་ལ་སྲེག་རྫས་ལྷག་མ་རྣམས་ཡམ་ཤིང་ནས་ཀུ་ཤའི་བར། བདུན་ནམ་བཅུ་གཅིག་སོགས་ཅི་འབྱོར་ཕུལ། སྤེལ་ཚིག་ཀྱང་འདྲ། མར་དགང་བླུགས་གསུམ་གྱིས་སྦྱིན་སྲེག་དབུལ། ཡོན་བདག་ལ་སོགས་པའི་དོན་དུ་བྱེད་ན། དེའི་ལག་པ་གཡས་པའི་མཐེ་བོང་དགང་གཟར་དང་ལྷན་ཅིག་ཏུ་བཟུང་ལ། བདག་གམ་ཡོན་བདག་སོགས་སྤེལ་ཚིག་གོང་ལྟར་བརྗོད། མེ་ལྷའི་གཏོར་མ་བསངས་སྦྱངས།
སྟོང་པའི་ངང་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པའི་མཐུ་ཕུན་སུམ་ཚོགས་པའི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ཞེས་པས་བྱིན་གྱིས་བརླབས། ལག་པ་གཡས་པས་མཆོག་སྦྱིན་གྱི་ཕྱག་རྒྱ་བྱས་ཏེ།
ཨོཾ་ཨགྣ་ཡེ་ས་པཱ་རི་ཝཱ་ར་ཨ་ཀཱ་རོ་མུ་ཁཾ་ཞེས་གསུམ་མམ་ལྔས་ཕུལ། མཚན་སྔགས་རེ་རེ་ནས་སྔོན་དུ་འགྲོ་བའི་ཆུ་གཉིས་ཉེར་སྤྱོད་རོལ་མོ་དང་བཅས་པ་དང་ནང་མཆོད།
འཇིག་རྟེན་དབང་ཕྱུག་སོགས་བསྟོད་པ་རྒྱས་བསྡུས་གང་རིགས་བྱས།
དྲང་སྲོང་ཆེན་པོ་འཁོར་དང་བཅས་པ་ཁྱེད་རྣམས་ཀྱིས། བདག་མིང་འདི་ཞེས་བགྱི་བའི་འཁོར་དང་། ལོངས་སྤྱོད་དང་། ནོར་དང་། འབྲུ་དང་། རིན་པོ་ཆེ་ལ་སོགས་པ་འབྱོར་པ་ཕུན་སུམ་ཚོགས་པ་ཐམས་ཅད་རྒྱས་པར་མཛད་དུ་གསོལ། ཞེས་དང་། ཡི་གེ་བརྒྱ་པ་ལན་གསུམ་གྱིས་ལྷག་ཆད་ཁ་བསྐང་།
ཨོཾ་པྲོཀྵ་ཎཾ་པྲ་ཏཱིཙྪ་སྭཱ་ཧཱས་བསང་གཏོར་དང་། ཨོཾ་སརྦ་སཾ་ཤོདྷ་ནི་སྭཱ་ཧཱས་འཐོར་འཐུང་ཕུལ་ལ།
།བདག་གི་དོན་དང་གཞན་གྱི་དོན། །བྱིན་ཟ་ཁྱོད་ཀྱིས་བསྒྲུབས་ཀྱིས་གཤེགས། །ཇི་བཞིན་དུས་སུ་སླར་གཤེགས་ཏེ། །བདག་གི་དངོས་གྲུབ་ཐམས་ཅད་སྒྲུབས། །ཨོཾ་ཨཱགྣ་ཡེ་གཙྪཿ ཞེས་དང་། དབྱུག་གུ་རྩེ་གསུམ་པའི་ཕྱག་རྒྱ་ཕྱིར་བསྐྱེད་དེ།
མེ་ལྷ་རང་བཞིན་གྱི་གནས་སུ་གཤེགས། དམ་ཚིག་པ།རང་ལ་ཐིམ་པར་བསམ་ལ།
རང་གི་དཔྲལ་བར་ཨོཾ་དཀར་པོ། ཞེས་སོགས་ཀྱིས་སྲུང་བ་བྱ།
ཐམས་ཅད་ནམ་མཁའ་མཛོད་བཞིན་དུ། སོགས་ཀྱིས་བསྔོ་བ་སྨོན་ལམ་ཅི་ཤེས།
འབད་དང་རྩོལ་བས་སོགས་བཀྲ་ཤིས་གང་ཤེས། མཆོག་གི་དངོས་གྲུབ་སྒྲུབ་པ་ཡིན་ན། མེ་མ་ཤིའི་བར་དུ་མི་བསྒུལ། ཤི་བ་དང་གཞན་རེག་ཏུ་མི་གཞུག་པར་རང་གིས་ཕྱགས་ལ་གནས་དབེན་པར་བསྐྱལ། ཐུན་མོང་གི་དངོས་གྲུབ་ཙམ་ལ་འཕྲལ་དུ་ཕྱགས་ལ་ཐབ་ཀྱི་ཤུལ་དང་ཉེ་འཁོར་ཐམས་ཅད་དྲི་ཞིམ་པོའི་ཆུས་བྱུགས་ཏེ་མེ་ཏོག་ལ་སོགས་པ་གཏོར་ལ་བཀྲ་ཤིས་བྱ་བར་བཤད་དོ།
།གཉིས་པ་དབང་གི་སྦྱིན་སྲེག་ནི། མེ་ཐབ་དམར་པོ་དབུས་སུ་པདྨ་འདབ་བརྒྱད་ལ་ལྕགས་ཀྱུས་མཚན་ཅིང་ཁ་ཁྱེར་མུ་རན་ལ་ལྕགས་ཀྱུའི་ཕྲེང་བས་བསྐོར། བུད་ཤིང་རྒྱ་ཤུག་སོགས་ཤིང་དམར་ལ་རོ་མངར་ཞིང་སྐྱུར་བ་འབྲས་བུ་ཡོད་པ་དང་མ་འབྱོར་ན་ལྕི་བ་སོགས་ཀྱིས་ཀྱང་རུང་། སྒྲུབ་པ་པོ་སྟན་དང་ཆས་གོས་དམར་པོ་ཆགས་པའི་སེམས་ཀྱིས་ཁ་ནུབ་ཏུ་ཕྱོགས་པར་པདྨའི་སྐྱིལ་ཀྲུང་གིས་འདུག་ཐབ་དང་ཁ་སྤྲོད་དུ་བྱ། དུས་དགོང་མོ་ལ་བསྔགས། ཡམ་ཤིང་བུད་ཤིང་དང་རྒྱུ་འདྲ་བ་སོར་ལྔའམ་དྲུག་པ་བྱ། མཆོད་སྲེག་གི་རྫས་སོགས་གོང་བཤད་རྒྱས་པའི་སྦྱིན་སྲེག་ལྟར་ལ་ཐམས་ཅད་ཁ་དོག་དམར་པོ་བྱ། བསྲེག་རྫས་གཙོ་བོར་མེ་ཏོག་དང་འབྲུ་དམར་པོ། མྱོས་བྱེད་དང་མངར་གསུམ་བསྲེས་པའི་ཟས་མཆོག་ལན་ཚྭ་རྣམས་ལ་བྱ། འདོན་ཆ་རྒྱས་པའི་སྦྱིན་སྲེག་ཉིད་ཅུང་ཟད་ཁ་བསྒྱུར་བས་ཆོག་སྟེ། ཐབ་སྐྱེད་སྐབས།
སྟོང་པའི་ངང་ལས་དབང་གི་ཐབ་ཁུང་དམར་པོ་ཟླ་གམ་གྱི་དབྱིབས་ཅན། རྒྱར་ཁྲུ་གང་ཟབས་སུ་ཁྲུ་ཕྱེད་པ། མུ་རན་ལ་ལྕགས་ཀྱུའི་ཕྲེང་བས་བསྐོར་བ། ཡངས་ཤིང་རྒྱ་ཆེ་ལ་དྭངས་ཤིང་ཐོགས་པ་མེད་པ་བྲིས་པ་དང་གཉིས་སུ་མེད་པར་གྱུར། ཅེས་པ་དང་། མེ་ལྷའི་སྐབས།
ཞལ་གྱི་དཀྱིལ་འཁོར་དམར་པོ་ལས་འོད་ཟེར་དམར་པོ་འཕྲོ་བ། ཞེས་དང་། དབང་བསྐུར་རྒྱས་གདབ་སྐབས།
འོད་དཔག་མེད་ཀྱིས་དབུ་བརྒྱན། ཅེས་བསྒྱུར། འདས་པའི་མེ་ལྷ་མཆོད་སྐབས།
ལྷ་ཐམས་ཅད་ཆགས་པའི་ཉམས་ཅན་ཞལ་གྱི་དཀྱིལ་འཁོར་ལས་འོད་ཟེར་དམར་པོ་འཕྲོ་བས་འཁོར་འདས་བརྟན་གཡོ་ཐམས་ཅད་དང་། སྣོད་བཅུད་ཀྱི་དཔལ་འབྱོར་ཐམས་ཅད་བདག་གིས་དབང་དུ་སྡུད་པའི་ཕྲིན་ལས་མཛད་པར་གྱུར། ཞེས་དང་། དགང་བླུགས་པདྨའི་ཕྱག་རྒྱས་བཟུང་། སྤེལ་ཚིག་ནི།
འཁོར་འདས་བརྟན་གཡོ་ལྷ་འདྲེ་མི་གསུམ་གྱི་སྐྱེ་འགྲོ་ཐམས་ཅད་དང་སྣོད་བཅུད་ཀྱི་དགེ་ལེགས་དཔལ་འབྱོར་ཐམས་ཅད་མ་མ་ཝ་ཤཾ་ཀུ་རུ་ཧོཿ ཞེས་སྦྱར། བསྲེག་རྫས་གྲངས་གསོག་གོང་སྨོས་ཟས་མཆོག་མེ་ཏོག་དམར་པོ་སོགས་ལ་བྱ།
ཁྱད་པར་གྱི་དམིགས་གནད་ནི།
ཐུགས་ཀའི་མཁའ་འགྲོ་མ་ལས་རང་འདྲ་བ་དཔག་ཏུ་མེད་པ་འཕྲོས། བསྒྲུབ།བྱའི་སྙིང་ངམ་སྐྱེ་གནས་ནས་ལྕགས་ཀྱུས་བཏབ། ཌཱ་མ་རུའི་སྒྲས་སེམས་མྱོས་པར་བྱས་ཏེ་རང་དབང་མེད་པར་བཀུག །བདག་གི་རྐང་པའི་དྲུང་དུ་མྱོས་ཤིང་ཆགས་པ་དང་གུས་པའི་སེམས་ཀྱིས་འགྱེལ་བར་མོས། གཏོར་འབུལ་མཇུག་གི་འདོད་གསོལ་ཡང་དབང་གི་ཕྲིན་ལས་ཡིད་ལ་ཇི་འདོད་རྒྱས་པའམ། གོང་སྨོས་ལྟར་གདགས། མེ་ཙན་དན་དམར་པོའི་ཆབ་བམ། དྲི་ཞིམ་པོའི་སྤོས་ཆུས་བདལ་བ་སོགས་བྱའོ། །ཐུགས་རྗེ་ཕྲིན་ལས་གཞན་ལས་སྟོབས་ཆེ་ཞིང་། །མཆོག་ལ་མི་སྒྲིབ་འཕྲལ་ཡུན་འདོད་རྒུ་འཇོ། །དྲི་མེད་བཻ་ཌཱུརྱས་ཀྱང་མི་བསྒྲུན་པ། །ཡིད་བཞིན་ནོར་བུའི་མཆོག་འདི་བྱི་དོར་འཚལ། །དཀོན་མཆོག་བསྟན་པའི་མངའ་ཐང་དགུང་དུ་རེག །དེར་འཛིན་སྦྱིན་བདག་འཁོར་བཅས་དཔལ་འབྱོར་རྒྱས། །བདག་གཞན་སྐྱེ་ཀུན་ཕོངས་པའི་འཇིགས་ལས་སྒྲོལ། །ཅི་བསམ་ལྷུན་གྱིས་འགྲུབ་པའི་བཀྲ་ཤིས་ཤོག །འཆི་མེད་གྲུབ་པ་རཱ་ཧུ་ལས་མཁས་གྲུབ་ཁྱུང་པོ་རྣལ་འབྱོར་ལ་སྒོ་སྐྱེལ་དུ་མཛད་པའི་ཟབ་ཆོས་མགོན་པོ་བཀའ་རྒྱ་མའི་སྐོར་དུ་གྲགས་པའི་གདམས་ངག་གི་སྙིང་པོའི་བཅུད་བྱུང་སྟེ་ཁྱེར་བདེ་བ་བལྟས་ཆོག་ཏུ་བཀོད་པ་འདི་ནི། ཤངས་པའི་བརྒྱུད་འཛིན་འདྲ་བྱུང་ན་ཕན་པའི་ལྷག་བསམ་གྱིས་འབྲི་བར་འདུན་པའི་ཐོག །སྒྲུབ་གྲྭ་འདིར་བཞུགས་པའི་བླ་མ་སྔ་རྗེས་འགའ་ཞིག་ནས་ཀྱང་དོན་དུ་གཉེར་བ་ལྟར། དཔལ་ལྡན་ཤངས་པ་བཀའ་བརྒྱུད་ཀྱི་གདམས་སྲོལ་འཛིན་པ་ཡོན་ཏན་རྒྱ་མཚོའམ་བློ་གྲོས་མཐའ་ཡས་པའི་སྡེས་ཤྲཱི་དེ་བཱི་ཀོ་ཊིའི་སྙིང་པོ་ཙཱ་འདྲ་རིན་ཆེན་བྲག་གི་སྒྲུབ་གནས་སུ་བགྱིས་པ། གསང་བ་ཕྱུང་བའི་ནོངས་པ་རྩ་བ་གསུམ་ལ་སྙིང་ནས་བཤགས་ཤིང་། དགེ་བས་སྙིང་པོའི་བསྟན་པ་དང་སེམས་ཅན་གྱི་བདེ་སྐྱིད་དབྱར་གྱི་ཆུ་བོ་ལྟར་རྒྱས་པར་གྱུར་ཅིག །ཆོས་བརྒྱུད་མི་འཛིན་པ་ལ་མི་སྤེལ་ཞིང་མི་སྟོན་པའི་བཀའ་རྒྱ་གསང་བའི་ལས་མགོན་ཕོ་མོ་ལ་གཉེར་དུ་གཏད་དོ། །བཛྲ་ས་མ་ཡ་ཧཱུྃ།
༈ ཨོཾ་སྭ་སྟི། །ཕུན་ཚོགས་དངོས་པོ་ཀུན་གྱི་འདོད་འཇོ་ཞིང་། །སྲིད་དང་ཞི་བའི་དབུལ་བ་མ་ལུས་འཕྲོག །སྙིང་གི་མུན་སེལ་རྗེ་བཙུན་བླ་མ་དང་། །དབྱེར་མེད་མགོན་པོ་ཡིད་བཞིན་ནོར་བུར་འདུད། །བོད་ཡུལ་མཁས་དང་གྲུབ་པའི་རྒྱུ་སྐར་དབུས། །ངོ་མཚར་རྣམ་ཐར་སྣང་བ་ཆེར་འབར་བ། །ཁྱུང་པོ་རྣལ་འབྱོར་ཉི་མས་ཕྱེས་པ་ལས། །ཟབ་ཆོས་པདྨའི་དགའ་ཚལ་ཅི་ཡང་དར། །དེ་ལས་ཁྱད་འཕགས་བསྟན་སྲུང་ཞི་བ་ནི། །ནོར་སྒྲུབ་གཞུང་བཟང་རིན་ཆེན་ཇི་སྙེད་པའི། །སྙིང་པོས་གཏམས་པའི་བང་མཛོད་ཕྱེས་པ་འདི། །འཇམ་མགོན་འགྲོ་བའི་དེད་དཔོན་ཆེན་པོའི་དྲིན། །ནོར་བུ་བྱེ་བ་སྟོང་གིས་མི་བསྒྲུན་ཞིང་། །དཔག་བསམ་བུམ་པ་བཟང་པོས་འགྲན་མེད་པ། །མཆོག་ཐུན་ཡིད་ལ་འདོད་པའི་དོན་དེ་ཀུན། །མྱུར་དུ་གདམས་ངག་འདི་ཡིས་སྟེར་བར་བྱེད། །རྒྱུ་མཚན་ཤེས་པའི་དད་དང་ལྷག་བློ་ཅན། །ཡང་ཁྲོད་རྡོར་སློབ་བླ་མ་ཀར་ལུ་དང་། །ཉེར་གནས་དགེ་སློང་ཀར་བློ་དཔོན་སློབ་ཀྱིས། །ཡོན་གྱི་དངོས་པོས་ཆོས་སྦྱིན་སྤར་དུ་བསྒྲུབས། །ཆ་རྫོགས་དགེ་བའི་སྣང་བ་དཀར་པོ་འདིས། །འགྲོ་ཀུན་སྒྲིབ་གཉིས་མཚན་མོའི།མུན་པ་སངས། །མཁྱེན་གཉིས་ཡེ་ཤེས་ཀུ་མུཏ་རྒྱས་པ་ལས། ཀུན་དགའི་དགའ་སྟོན་གསར་པ་དར་གྱུར་ཅིག །དེ་ལྟར་མགོན་དཀར་ཡིད་བཞིན་ནོར་བུའི་གཞུང་རཏྣའི་བང་མཛོད་ཅེས་པ་ཡིག་ཆ་གསར་རྙིང་ཀུན་གྱི་བཅུད་འདུས་པའི་ཕྲིན་ལས་རྨད་དུ་བྱུང་བ་འདི་ཉིད་སྔར་ཕན་བཀའ་རྒྱས་བཏབ་པ་ལྟ་བུས་སྤར་དུ་འཁོད་པ་མི་འདུག་ཀྱང་གལ་ཆུང་ཆོས་ལ་བྱེད་པའི་སྙིགས་དུས་འདི་ལྟ་བུར་དཔེ་ལུང་གི་རྒྱུན་ཙམ་ཡང་ཆད་དུ་དོགས་ཤིང་། བསྟན་དང་འགྲོ་ལ་སྨན་པའི་ཐུགས་བཞེད་ཁོ་ནས་ཤར་དཔལ་སྤུངས་ཀྱི་ཡང་ཁྲོད་དུ་སྤར་དུ་བསྒྲུབས་སྐབས་རྗེས་སུ་ཡི་རང་གི་བསམ་པ་དང་འབྲེལ་སྤར་བྱང་སྨོན་ཚིག་ཏུ་མ་ཏིའི་མིང་གིས་གུས་པ་བྲིས་པ་དར་རྒྱས་འཕེལ།། །།

Retrieved from "https://www.shanpafoundation-resourcecenter.net/index.php?title=Mgon_po_phrin_las_rat%2Bna%27i_bang_mdzod&oldid=19739"
  • Powered by MediaWiki
  • Powered by Semantic MediaWiki