Difference between revisions of "Untitled 1 by Kalu Dorjé Chang"
| (2 intermediate revisions by the same user not shown) | |||
| Line 1: | Line 1: | ||
{{Text | {{Text | ||
|Text ID=KRK7 | |Text ID=KRK7 | ||
| + | |Subject=Various | ||
| + | |SubTopics=Buddha nature | ||
|Author=Kalu Dorjé Chang | |Author=Kalu Dorjé Chang | ||
| − | |Notes=Translated in english in the book Lady of illusion. | + | |Notes=Translated in english in the book Lady of illusion p. 199 |
}} | }} | ||
| − | <span class="main_text"> | + | <span class="main_text">ཀུན་གཞི་བདེ་གཤེགས་སྙིང་པོ་འདི་ཐོག་མ་ནས་སྟོང་གསལ་འགག་མེད་འབྱུང་བ་ལྔ་ཡི་དངས་བཅུད་རང་བྱུང་གི་ཡེ་ཤེས་ཆེན་པོ་ཡིན་ནའང་། རང་ངོ་མ་ཤེས་པས་མ་རིག་པའི་སྨག་ཏུ་འཐུམ་སྟེ། འཁོར་བའི་སྤྱི་གཞི་ཀུན་གཞིའི་རྣམ་ཤེས་ཁྱབ་གདལ་དུ་གནས་པ་འབྲུལ་པ་ཀུན་གྱི་འབྱུང་གནས་ས་གཞི་འམ་གཙོ་བོ་རྒྱལ་པོ་ལྟ་བུ་དེ་བྱུང། དེ་ནས་སྟོང་པ་ལ་བདག་དང་གསལ་བ་ལ་གཞན་མ་འགག་པ་ལས་ཆགས་སྡང་རྨོངས་གསུམ་སོགས་ཉོན་མོངས་པའི་ཡིད་འཁོར་དང་བཅས་པ་བྱུང་། དེ་ཡང་ཐོག་མ་སྟོང་པ་དང་། གསལ་བ་གཡོ་བ། སྲ་ཞིང་མཐས་པ། རྒྱུན་ཆད་མེད་པ་ལྔའི་རང་མདངས་ལ་འོད་སྔོ་དམར་ལྗང་སེར་དཀར་པོ་སྟེ་ཤིན་ཏུ་ཕྲ་བའི་འོད་ལྔའི་སྣང་པ་བྱུང་ཞིང་དེ་ལས་ནམ་མཁའ་མེ་རླུང་ས་ཆུ་བཅས་འབྱུང་བ་ལྔའི་སྣང་པ་བྱུང་། དེ་ལྟར་འཁྲུལ་སྣང་ཤར་མཁན་གྱི་རྣམ་པར་ཤེས་པའི་ཕུང་པོ་དེ་ལ་རྟེན་ནས། དང་པོ་ཡིད་ཀྱི་ལུས་དང་། དེ་འབྲེལ་ཚོར་བ་འདུ་ཤེས་འདུ་བྱེད་ཕུངཔོ་བཞི་དང་ཕྱེད་བྱུང་། དེ་ཕ་མའི་ཁུ་ཁྲག་སོགས་ཕྱི་ཡིས་འབྱུང་བ་འདྲེས་པས་བུ་ག་དྲོད་དབུགས་ཤ་ཁྲག་སྟེ་འབྱུང་བ་ལྔ་འདུས་པའི་གདོས་བཅས་རྣམ་པར་སྨིན་པའི་གཟུགས་ཀྱི་ཕུང་པོ་རག་པ་གྲུབ་དེ་ལ་རྟེན་མིག་རྣ་བ་སྣ་ལྕེ་ལུས་སེམས་ཏེ་དབང་པོ་དྲུག་བྱུང་། དེ་ལ་རྟེན་པ་རྒྱལ་པོའི་སྲས་ལྟ་བུའི་རྣམ་ཤེས་ཀྱི་ཆ་ལས་བྱུང་བའི་མི་དགེ་བ་ཉོན་མོངས་པའི་ཡིད་དང་། ཡེ་ཤེས་ཀྱི་ཆ་ལས་དད་པ་དང་སྙིང་རྗེ་ཤེས་རབ་སོགས་དགེ་བའི་ཡིད་ཡོད་པ་ཞིག་བྱུང་། དེའི་ཕོ་ཉ་བ་ལྟ་བུའི་རྣམ་ཤེས་ཚོགས་དྲུག་བྱུང་། དེ་ལ་གཟུགས་སྒྲ་དྲི་རོ་རེག་བྱ་ཆོས་སྟེ་ཡུལ་དྲུག་བྱུང་། དེ་ནས་རྒྱལ་སྲས་ལྟ་བུའི་ཉོན་ཡིད་ཀྱི་གྲོས་མགོ་འཛིན་དབང་ཡུལ་རྣམ་ཤེས་དེ་རྒྱུ་རྐྱེན་རྟེན་འབྲེལ་མང་པོ་ཞིག་འཚོགས་སྟེ་འཁྲུལ་རྟོག་བརྒྱ་ཕྲག་མང་པོས་ལུས་ངག་ཡིད་གསུམ་བྲན་དུ་བཀོལ་ཏེ་ལས་སྣ་ཚོགས་པ་བྱས་པས་བག་ཆགས་ས་བོན་ལྟ་བུ་དེ་ཀུན་གཞིའི་རྣམ་ཤེས་ས་གཞི་ལྟ་བུ་དེ་ལ་གཏབ་པས། དཔེར་ན་ལོ་ཏོག་ལ་་་་་ལུད་དྲོད་གཤེར་སོགས་རྟེན་འབྲེལ་མང་པོ་འཛོམས་པ་དང་། ས་བོན་ལས་རྒྱུ་དང་འབྲས་བུ་བྱུང་བ་བཞིན། སྔོན་ལས་ཀྱི་ས་བོན་ལ་རྒྱུ་རྐྱེན་རྟེན་འབྲེལ་སྣ་ཚོགས་འཛོམས་པས་དགེ་བའི་རྒྱུ་ལས་མཐོ་རིས་དང་ཐར་པ། མི་དགེ་བའི་ལས་འཁོར་བ་དང་ངན་སོང་རྣམས་བྱུང་བ་ཡིན་ནོ།</span> |
Latest revision as of 11:20, 15 December 2023
| Resource ID | KRK7 |
|---|---|
| Title | |
| Topics | Various |
| Sub-Topics | Buddha nature |
| Author | Kalu Dorjé Chang |
| Notes | Translated in english in the book Lady of illusion p. 199 |
ཀུན་གཞི་བདེ་གཤེགས་སྙིང་པོ་འདི་ཐོག་མ་ནས་སྟོང་གསལ་འགག་མེད་འབྱུང་བ་ལྔ་ཡི་དངས་བཅུད་རང་བྱུང་གི་ཡེ་ཤེས་ཆེན་པོ་ཡིན་ནའང་། རང་ངོ་མ་ཤེས་པས་མ་རིག་པའི་སྨག་ཏུ་འཐུམ་སྟེ། འཁོར་བའི་སྤྱི་གཞི་ཀུན་གཞིའི་རྣམ་ཤེས་ཁྱབ་གདལ་དུ་གནས་པ་འབྲུལ་པ་ཀུན་གྱི་འབྱུང་གནས་ས་གཞི་འམ་གཙོ་བོ་རྒྱལ་པོ་ལྟ་བུ་དེ་བྱུང། དེ་ནས་སྟོང་པ་ལ་བདག་དང་གསལ་བ་ལ་གཞན་མ་འགག་པ་ལས་ཆགས་སྡང་རྨོངས་གསུམ་སོགས་ཉོན་མོངས་པའི་ཡིད་འཁོར་དང་བཅས་པ་བྱུང་། དེ་ཡང་ཐོག་མ་སྟོང་པ་དང་། གསལ་བ་གཡོ་བ། སྲ་ཞིང་མཐས་པ། རྒྱུན་ཆད་མེད་པ་ལྔའི་རང་མདངས་ལ་འོད་སྔོ་དམར་ལྗང་སེར་དཀར་པོ་སྟེ་ཤིན་ཏུ་ཕྲ་བའི་འོད་ལྔའི་སྣང་པ་བྱུང་ཞིང་དེ་ལས་ནམ་མཁའ་མེ་རླུང་ས་ཆུ་བཅས་འབྱུང་བ་ལྔའི་སྣང་པ་བྱུང་། དེ་ལྟར་འཁྲུལ་སྣང་ཤར་མཁན་གྱི་རྣམ་པར་ཤེས་པའི་ཕུང་པོ་དེ་ལ་རྟེན་ནས། དང་པོ་ཡིད་ཀྱི་ལུས་དང་། དེ་འབྲེལ་ཚོར་བ་འདུ་ཤེས་འདུ་བྱེད་ཕུངཔོ་བཞི་དང་ཕྱེད་བྱུང་། དེ་ཕ་མའི་ཁུ་ཁྲག་སོགས་ཕྱི་ཡིས་འབྱུང་བ་འདྲེས་པས་བུ་ག་དྲོད་དབུགས་ཤ་ཁྲག་སྟེ་འབྱུང་བ་ལྔ་འདུས་པའི་གདོས་བཅས་རྣམ་པར་སྨིན་པའི་གཟུགས་ཀྱི་ཕུང་པོ་རག་པ་གྲུབ་དེ་ལ་རྟེན་མིག་རྣ་བ་སྣ་ལྕེ་ལུས་སེམས་ཏེ་དབང་པོ་དྲུག་བྱུང་། དེ་ལ་རྟེན་པ་རྒྱལ་པོའི་སྲས་ལྟ་བུའི་རྣམ་ཤེས་ཀྱི་ཆ་ལས་བྱུང་བའི་མི་དགེ་བ་ཉོན་མོངས་པའི་ཡིད་དང་། ཡེ་ཤེས་ཀྱི་ཆ་ལས་དད་པ་དང་སྙིང་རྗེ་ཤེས་རབ་སོགས་དགེ་བའི་ཡིད་ཡོད་པ་ཞིག་བྱུང་། དེའི་ཕོ་ཉ་བ་ལྟ་བུའི་རྣམ་ཤེས་ཚོགས་དྲུག་བྱུང་། དེ་ལ་གཟུགས་སྒྲ་དྲི་རོ་རེག་བྱ་ཆོས་སྟེ་ཡུལ་དྲུག་བྱུང་། དེ་ནས་རྒྱལ་སྲས་ལྟ་བུའི་ཉོན་ཡིད་ཀྱི་གྲོས་མགོ་འཛིན་དབང་ཡུལ་རྣམ་ཤེས་དེ་རྒྱུ་རྐྱེན་རྟེན་འབྲེལ་མང་པོ་ཞིག་འཚོགས་སྟེ་འཁྲུལ་རྟོག་བརྒྱ་ཕྲག་མང་པོས་ལུས་ངག་ཡིད་གསུམ་བྲན་དུ་བཀོལ་ཏེ་ལས་སྣ་ཚོགས་པ་བྱས་པས་བག་ཆགས་ས་བོན་ལྟ་བུ་དེ་ཀུན་གཞིའི་རྣམ་ཤེས་ས་གཞི་ལྟ་བུ་དེ་ལ་གཏབ་པས། དཔེར་ན་ལོ་ཏོག་ལ་་་་་ལུད་དྲོད་གཤེར་སོགས་རྟེན་འབྲེལ་མང་པོ་འཛོམས་པ་དང་། ས་བོན་ལས་རྒྱུ་དང་འབྲས་བུ་བྱུང་བ་བཞིན། སྔོན་ལས་ཀྱི་ས་བོན་ལ་རྒྱུ་རྐྱེན་རྟེན་འབྲེལ་སྣ་ཚོགས་འཛོམས་པས་དགེ་བའི་རྒྱུ་ལས་མཐོ་རིས་དང་ཐར་པ། མི་དགེ་བའི་ལས་འཁོར་བ་དང་ངན་སོང་རྣམས་བྱུང་བ་ཡིན་ནོ།
This work is licensed under a Creative Commons Attribution-Non Commercial-ShareAlike 3.0 Unported License
