Difference between revisions of "Sgyu ma lam rim gyi gsal byed nor bu'i them skas"
| (One intermediate revision by the same user not shown) | |||
| Line 5: | Line 5: | ||
|Subject=Lamrim | |Subject=Lamrim | ||
|Author=Shakya Choden | |Author=Shakya Choden | ||
| − | |BDRC link=[http://purl.bdrc.io/resource/MW1KG8897_74A5D7 MW1KG8897 ( | + | |BDRC link=[http://purl.bdrc.io/resource/MW1KG8897_74A5D7 MW1KG8897 (p.441)] |
| − | |Notes= | + | |Notes=Introduction to the [[sgyu ma lam rim]], excerpt from [http://purl.bdrc.io/resource/MW1KG8897_74A5D7 ''chos tshan brgya dang brgyad pa zhes bya ba'i bstan bcos''] in ''gsung 'bum shAkya mchog ldan'' vol.13 p441. |
}} | }} | ||
<span class="main_text">༄༅། །སྒྱུ་མ་ལམ་རིམ་གྱི་གསལ་བྱེད་ནོར་བུའི་ཐེམ་སྐས།།<br /><br />།སྭསྟི། <br />རྡོ་རྗེ་འཛིན་ལ་ཕྱག་འཚལ་ནས། །མན་ངག་ཆོས་དྲུག་རྣམ་གཉིས་ཀྱི། །སྒྱུ་ལུས་ངོས་འཛིན་ཕྱི་རབས་ པས། །ལེགས་པར་བཤད་ཅེས་ཟེར་དེ་བརྟག། །ཕྱིས་བྱོན་ཙོང་ཁ་པ་ཆེན་གྱིས། །གསང་བ་འདུས་པའི་སྒྱུ་ལུས་ལ། །རྣམ་པར་དཔྱད་པས་གཉུག་མའི་ལུས། །སྒྱུ་མའི་ལྷ་སྐུར་གྲུབ་དེ་བཞིན། །ཆོས་དྲུག་སོ་སོའི་སྒྱུ་ལུས་ཀྱང། །དེ་ལྟར་ངོས་འཛིན་དགོས་པ་ལ། །སྔོན་བྱོན་རྒན་པོའི་ཁྲིད་ཡིག་ཏུ། །ནོངས་པར་བཞད་པ་ཡིན་ཞེས་གསུང། །དེ་ཡི་ཤེས་བྱེད་དྲིས་པ་ན། །སྒྲུབ་པོའི་ལུས་དང་སྣང་གྲགས་ཆོས།་སྒྱུ་མར་ཤེས་ནས་གོམས་ལ་འཆད། །འདི་ནི་ཕར་ཕྱིན་ཐེག་པ་ཡི། །ལུགས་ཡིན་སྔགས་ཀྱི་ཁྱད་ཆོས་མིན། །དེས་ན་གཉུག་མ་གཞི་ཡི་ལུས། །ལྷ་སྐུར་ཤར་དེ་ཡིན་ཞེས་གསུང༌། །འདི་ལ་དཔྱད་པ་རྣམ་གཉིས་ཏེ། །ཕར་ཕྱིན་ཐེག་པའི་སྒྱུ་མ་ཡང༌། །རྟོག་བྱེད་མན་ངག་འདིས་ཁྱད་འཕགས། །རང་བྱིན་བརླབ་པའི་རིམ་པ་ཡིས། །སྒྱུ་མ་རང་ཤར་འབྱུང་ཕྱིར་རོ། །དཔེར་ན་སྟོང་ཉིད་ཐུན་མོང་བ། །རྟོགས་ཐབས་སྔགས་ལུགས་བཟང་དེ་བཞིན། །རྣམ་དཔྱོད་གཉིས་པ་འདི་ལྟ་སྟེ། །ལམ་གྱི་རྩ་བ་གཏུམ་མོ་ཡི། །སྦྱངས་པ་མཐར་ཕྱིན་གྱུར་པ་ན། །སྐྲ་དང་སོ་སེན་ལ་སོགས་པ། །སྙིགས་མ་བསྐྱེད་པའི་ཁམས་དག་ནི། །སོ་སོར་འབབ་པ་རྒྱུན་ཆད་ནས། །དབུ་མའི་གནས་སུ་ཐིམ་པ་ན། །འཇའ་ལུས་རྡོ་རྗེའི་སྐུ་གྲུབ་པ། །དེ་ལ་སྒྱུ་མའི་ལུས་ཞེས་བྱ། །ལུས་དེ་སྒྱུ་མར་མ་རྟོགས་པ། །དེ་སྲིད་སྒྱུ་མའི་དཔེ་བརྒྱད་དང༌། །སྦྱར་ཞིང་བསྲེས་ནས་སྒྱུ་མར་བསྒོམ། །དེ་ལ་སྒྱུ་ལུས་བསྒོམ་པ་ཟེར། །སྒྱུ་ལུས་ལམ་གྱི་གཞུང་ཤིང་དུ། །འཆད་པའི་ཤེས་བྱེད་གསལ་པོ་ཡང༌། །འདི་ལྟར་ཡིན་ནོ་འཇའ་ལུས་དེ། །ལྷག་པའི་ལྷར་ཡང་བསྐྱེད་ནུས་ཤིང༌། །འོག་མིན་ལ་སོགས་དག་པའི་ཞིང༌། །གང་དུ་ཡང་ནི་བགྲོད་པར་ནུས། །དེ་ལྟ་ན་ཡང་ལུས་དེ་ལ། །བཏགས་པའི་བདག་ཏུ་འཁྲུལ་སྲིད་པས། །རྗེས་ལས་ཐོབ་པའི་ཤེས་རབ་ཀྱིས། །རྣམ་པར་དཔྱད་ནས་གོམས་པར་བཤད། །སྒྱུ་མའི་ལུས་ཀྱི་ཕུང་སོགས་ལ། །ཆོས་སུ་ཞེན་པ་ཟློག་པའི་ཕྱིར། །འོད་གསལ་རིམ་པར་ཞུགས་ནས་ནི། །སྒྱུ་མ་འོད་གསལ་ཉིད་དུ་བསྲེ། །ཆོས་དང་གང་ཟག་སོ་སོ་ཡི། །དབང་དུ་བྱས་པའི་གཟུང་འཛིན་གྱིས། །སྟོང་པའི་མྱོང་བ་གསལ་རིག་ལ། །འོད་གསལ་བ་ཞེས་ལུང་ལས་གསུངས། །འོད་གསལ་འདི་ཙམ་ཕར་ཕྱིན་དང༌། །ཐུན་མོང་གྱུར་པ་ཡིན་མོད་ཀྱང༌། །དེ་རྟོགས་བྱེད་པའི་ཐབས་ལ་ནི། །གསང་སྔགས་ཁྱད་པར་འཕགས་པའོ། །ཐབས་ཀྱང་མན་ངག་རིམ་པ་དང༌། །གསུམ་པའི་དབང་ལས་རྟོགས་པར་གསུངས། །འོད་གསལ་སེམས་ཀྱི་རྡོ་རྗེ་དང༌། །དོན་གཅིག་མེད་པར་དགག་པ་མིན། །མེད་དགག་རྟོགས་པའི་ཡེ་ཤེས་ལ། །འོད་གསལ་བ་ཞེས་འཆད་དེ་ཡང༌། །རིགས་པ་མིན་ནོ་མེད་དགག་གི། །ཡུལ་ཅན་རྟོག་པར་ངེས་ཕྱིར་རོ། །གཏུམ་མོའི་སྟོབས་ཀྱིས་འཇའ་ལུས་ནི། །གྲུབ་པ་མུ་སྟེགས་ཅན་ལ་ཡང༌། །ཡོད་མོད་དེ་ཉིད་བདག་དང་ནི། །སྐྱེས་བུར་རྟོག་ཕྱིར་ལམ་མི་འགྱུར། །དེ་ཕྱིར་སྒྱུ་མའི་ལུས་དང་ནི། །འོད་གསལ་བ་ཡི་རིམ་པ་དེས། །འདི་བཤད་ཕྱོགས་སྔ་སྨྲ་བ་པོས། །གསང་འདུས་རིམ་ལྔའི་སྐབས་སུ་ཡང༌། །སྔོན་འགྲོ་དབེན་གསུམ་བསྟེན་པ་ལས། །འཇའ་ལུས་སྒྱུ་མའི་སྐུ་གྲུབ་ཅེས། །བཤད་ན་ལེགས་པ་ཡིན་མོད་ཀྱང༌། །ཀུན་རྫོབ་མ་དག་རྣམ་སྨིན་ལུས། །ཚད་མས་གྲུབ་ལ་ཞེན་ཆེས་པས། །སྦྲུལ་གྱི་ལྤགས་པ་བཤུས་པ་དང༌། །ལྷ་སྐུའི་ན་བཟའ་ཕུད་པ་ལྟར། །རྣམ་སྨིན་ཤུལ་དུ་བཞག་བྱས་ནས། །གཉུག་མའི་ནུས་རྟེན་འཐོན་པར་བཞེད། །གཉུག་མ་གཞི་ལུས་ཞེས་བྱ་བའི། །ལུང་ཁུང་གསལ་བ་མེད་མོད་ཀྱི། །རླུང་སེམས་དབུ་མར་ཐིམ་པ་ལས། །བྱུང་བའི་ལུས་ཤིག་ཡིན་ན་ནི། །ལུང་དང་མཐུན་ཕྱིར་བླང་དུ་རུང༌། །རང་གི་ལུགས་འདི་འཕགས་པ་ལྷས། །རང་བྱིན་བརླབས་པའི་རིམ་པ་ཡིས། །རྨི་ལམ་སྒྱུ་འདྲ་རྟོགས་དགོས་ཞེས། །གསུངས་པ་ཉིད་ལས་ལེགས་པར་གྲུབ། །ཅེས་སྒྱུ་མ་ལམ་རིམ་གྱི་གསལ་བྱེད་ནོར་བུའི་ཐེམ་སྐས་ཞེས་བྱ་བ་འདི་གྲུབ་པའོ༎</span> | <span class="main_text">༄༅། །སྒྱུ་མ་ལམ་རིམ་གྱི་གསལ་བྱེད་ནོར་བུའི་ཐེམ་སྐས།།<br /><br />།སྭསྟི། <br />རྡོ་རྗེ་འཛིན་ལ་ཕྱག་འཚལ་ནས། །མན་ངག་ཆོས་དྲུག་རྣམ་གཉིས་ཀྱི། །སྒྱུ་ལུས་ངོས་འཛིན་ཕྱི་རབས་ པས། །ལེགས་པར་བཤད་ཅེས་ཟེར་དེ་བརྟག། །ཕྱིས་བྱོན་ཙོང་ཁ་པ་ཆེན་གྱིས། །གསང་བ་འདུས་པའི་སྒྱུ་ལུས་ལ། །རྣམ་པར་དཔྱད་པས་གཉུག་མའི་ལུས། །སྒྱུ་མའི་ལྷ་སྐུར་གྲུབ་དེ་བཞིན། །ཆོས་དྲུག་སོ་སོའི་སྒྱུ་ལུས་ཀྱང། །དེ་ལྟར་ངོས་འཛིན་དགོས་པ་ལ། །སྔོན་བྱོན་རྒན་པོའི་ཁྲིད་ཡིག་ཏུ། །ནོངས་པར་བཞད་པ་ཡིན་ཞེས་གསུང། །དེ་ཡི་ཤེས་བྱེད་དྲིས་པ་ན། །སྒྲུབ་པོའི་ལུས་དང་སྣང་གྲགས་ཆོས།་སྒྱུ་མར་ཤེས་ནས་གོམས་ལ་འཆད། །འདི་ནི་ཕར་ཕྱིན་ཐེག་པ་ཡི། །ལུགས་ཡིན་སྔགས་ཀྱི་ཁྱད་ཆོས་མིན། །དེས་ན་གཉུག་མ་གཞི་ཡི་ལུས། །ལྷ་སྐུར་ཤར་དེ་ཡིན་ཞེས་གསུང༌། །འདི་ལ་དཔྱད་པ་རྣམ་གཉིས་ཏེ། །ཕར་ཕྱིན་ཐེག་པའི་སྒྱུ་མ་ཡང༌། །རྟོག་བྱེད་མན་ངག་འདིས་ཁྱད་འཕགས། །རང་བྱིན་བརླབ་པའི་རིམ་པ་ཡིས། །སྒྱུ་མ་རང་ཤར་འབྱུང་ཕྱིར་རོ། །དཔེར་ན་སྟོང་ཉིད་ཐུན་མོང་བ། །རྟོགས་ཐབས་སྔགས་ལུགས་བཟང་དེ་བཞིན། །རྣམ་དཔྱོད་གཉིས་པ་འདི་ལྟ་སྟེ། །ལམ་གྱི་རྩ་བ་གཏུམ་མོ་ཡི། །སྦྱངས་པ་མཐར་ཕྱིན་གྱུར་པ་ན། །སྐྲ་དང་སོ་སེན་ལ་སོགས་པ། །སྙིགས་མ་བསྐྱེད་པའི་ཁམས་དག་ནི། །སོ་སོར་འབབ་པ་རྒྱུན་ཆད་ནས། །དབུ་མའི་གནས་སུ་ཐིམ་པ་ན། །འཇའ་ལུས་རྡོ་རྗེའི་སྐུ་གྲུབ་པ། །དེ་ལ་སྒྱུ་མའི་ལུས་ཞེས་བྱ། །ལུས་དེ་སྒྱུ་མར་མ་རྟོགས་པ། །དེ་སྲིད་སྒྱུ་མའི་དཔེ་བརྒྱད་དང༌། །སྦྱར་ཞིང་བསྲེས་ནས་སྒྱུ་མར་བསྒོམ། །དེ་ལ་སྒྱུ་ལུས་བསྒོམ་པ་ཟེར། །སྒྱུ་ལུས་ལམ་གྱི་གཞུང་ཤིང་དུ། །འཆད་པའི་ཤེས་བྱེད་གསལ་པོ་ཡང༌། །འདི་ལྟར་ཡིན་ནོ་འཇའ་ལུས་དེ། །ལྷག་པའི་ལྷར་ཡང་བསྐྱེད་ནུས་ཤིང༌། །འོག་མིན་ལ་སོགས་དག་པའི་ཞིང༌། །གང་དུ་ཡང་ནི་བགྲོད་པར་ནུས། །དེ་ལྟ་ན་ཡང་ལུས་དེ་ལ། །བཏགས་པའི་བདག་ཏུ་འཁྲུལ་སྲིད་པས། །རྗེས་ལས་ཐོབ་པའི་ཤེས་རབ་ཀྱིས། །རྣམ་པར་དཔྱད་ནས་གོམས་པར་བཤད། །སྒྱུ་མའི་ལུས་ཀྱི་ཕུང་སོགས་ལ། །ཆོས་སུ་ཞེན་པ་ཟློག་པའི་ཕྱིར། །འོད་གསལ་རིམ་པར་ཞུགས་ནས་ནི། །སྒྱུ་མ་འོད་གསལ་ཉིད་དུ་བསྲེ། །ཆོས་དང་གང་ཟག་སོ་སོ་ཡི། །དབང་དུ་བྱས་པའི་གཟུང་འཛིན་གྱིས། །སྟོང་པའི་མྱོང་བ་གསལ་རིག་ལ། །འོད་གསལ་བ་ཞེས་ལུང་ལས་གསུངས། །འོད་གསལ་འདི་ཙམ་ཕར་ཕྱིན་དང༌། །ཐུན་མོང་གྱུར་པ་ཡིན་མོད་ཀྱང༌། །དེ་རྟོགས་བྱེད་པའི་ཐབས་ལ་ནི། །གསང་སྔགས་ཁྱད་པར་འཕགས་པའོ། །ཐབས་ཀྱང་མན་ངག་རིམ་པ་དང༌། །གསུམ་པའི་དབང་ལས་རྟོགས་པར་གསུངས། །འོད་གསལ་སེམས་ཀྱི་རྡོ་རྗེ་དང༌། །དོན་གཅིག་མེད་པར་དགག་པ་མིན། །མེད་དགག་རྟོགས་པའི་ཡེ་ཤེས་ལ། །འོད་གསལ་བ་ཞེས་འཆད་དེ་ཡང༌། །རིགས་པ་མིན་ནོ་མེད་དགག་གི། །ཡུལ་ཅན་རྟོག་པར་ངེས་ཕྱིར་རོ། །གཏུམ་མོའི་སྟོབས་ཀྱིས་འཇའ་ལུས་ནི། །གྲུབ་པ་མུ་སྟེགས་ཅན་ལ་ཡང༌། །ཡོད་མོད་དེ་ཉིད་བདག་དང་ནི། །སྐྱེས་བུར་རྟོག་ཕྱིར་ལམ་མི་འགྱུར། །དེ་ཕྱིར་སྒྱུ་མའི་ལུས་དང་ནི། །འོད་གསལ་བ་ཡི་རིམ་པ་དེས། །འདི་བཤད་ཕྱོགས་སྔ་སྨྲ་བ་པོས། །གསང་འདུས་རིམ་ལྔའི་སྐབས་སུ་ཡང༌། །སྔོན་འགྲོ་དབེན་གསུམ་བསྟེན་པ་ལས། །འཇའ་ལུས་སྒྱུ་མའི་སྐུ་གྲུབ་ཅེས། །བཤད་ན་ལེགས་པ་ཡིན་མོད་ཀྱང༌། །ཀུན་རྫོབ་མ་དག་རྣམ་སྨིན་ལུས། །ཚད་མས་གྲུབ་ལ་ཞེན་ཆེས་པས། །སྦྲུལ་གྱི་ལྤགས་པ་བཤུས་པ་དང༌། །ལྷ་སྐུའི་ན་བཟའ་ཕུད་པ་ལྟར། །རྣམ་སྨིན་ཤུལ་དུ་བཞག་བྱས་ནས། །གཉུག་མའི་ནུས་རྟེན་འཐོན་པར་བཞེད། །གཉུག་མ་གཞི་ལུས་ཞེས་བྱ་བའི། །ལུང་ཁུང་གསལ་བ་མེད་མོད་ཀྱི། །རླུང་སེམས་དབུ་མར་ཐིམ་པ་ལས། །བྱུང་བའི་ལུས་ཤིག་ཡིན་ན་ནི། །ལུང་དང་མཐུན་ཕྱིར་བླང་དུ་རུང༌། །རང་གི་ལུགས་འདི་འཕགས་པ་ལྷས། །རང་བྱིན་བརླབས་པའི་རིམ་པ་ཡིས། །རྨི་ལམ་སྒྱུ་འདྲ་རྟོགས་དགོས་ཞེས། །གསུངས་པ་ཉིད་ལས་ལེགས་པར་གྲུབ། །ཅེས་སྒྱུ་མ་ལམ་རིམ་གྱི་གསལ་བྱེད་ནོར་བུའི་ཐེམ་སྐས་ཞེས་བྱ་བ་འདི་གྲུབ་པའོ༎</span> | ||
Latest revision as of 10:01, 23 August 2024
| Resource ID | SC1 |
|---|---|
| Title | sgyu ma lam rim gyi gsal byed nor bu'i them skas |
| Topics | Lamrim |
| Author | Shakya Choden |
| Link | MW1KG8897 (p.441) |
| Notes | Introduction to the sgyu ma lam rim, excerpt from chos tshan brgya dang brgyad pa zhes bya ba'i bstan bcos in gsung 'bum shAkya mchog ldan vol.13 p441. |
༄༅། །སྒྱུ་མ་ལམ་རིམ་གྱི་གསལ་བྱེད་ནོར་བུའི་ཐེམ་སྐས།།
།སྭསྟི།
རྡོ་རྗེ་འཛིན་ལ་ཕྱག་འཚལ་ནས། །མན་ངག་ཆོས་དྲུག་རྣམ་གཉིས་ཀྱི། །སྒྱུ་ལུས་ངོས་འཛིན་ཕྱི་རབས་ པས། །ལེགས་པར་བཤད་ཅེས་ཟེར་དེ་བརྟག། །ཕྱིས་བྱོན་ཙོང་ཁ་པ་ཆེན་གྱིས། །གསང་བ་འདུས་པའི་སྒྱུ་ལུས་ལ། །རྣམ་པར་དཔྱད་པས་གཉུག་མའི་ལུས། །སྒྱུ་མའི་ལྷ་སྐུར་གྲུབ་དེ་བཞིན། །ཆོས་དྲུག་སོ་སོའི་སྒྱུ་ལུས་ཀྱང། །དེ་ལྟར་ངོས་འཛིན་དགོས་པ་ལ། །སྔོན་བྱོན་རྒན་པོའི་ཁྲིད་ཡིག་ཏུ། །ནོངས་པར་བཞད་པ་ཡིན་ཞེས་གསུང། །དེ་ཡི་ཤེས་བྱེད་དྲིས་པ་ན། །སྒྲུབ་པོའི་ལུས་དང་སྣང་གྲགས་ཆོས།་སྒྱུ་མར་ཤེས་ནས་གོམས་ལ་འཆད། །འདི་ནི་ཕར་ཕྱིན་ཐེག་པ་ཡི། །ལུགས་ཡིན་སྔགས་ཀྱི་ཁྱད་ཆོས་མིན། །དེས་ན་གཉུག་མ་གཞི་ཡི་ལུས། །ལྷ་སྐུར་ཤར་དེ་ཡིན་ཞེས་གསུང༌། །འདི་ལ་དཔྱད་པ་རྣམ་གཉིས་ཏེ། །ཕར་ཕྱིན་ཐེག་པའི་སྒྱུ་མ་ཡང༌། །རྟོག་བྱེད་མན་ངག་འདིས་ཁྱད་འཕགས། །རང་བྱིན་བརླབ་པའི་རིམ་པ་ཡིས། །སྒྱུ་མ་རང་ཤར་འབྱུང་ཕྱིར་རོ། །དཔེར་ན་སྟོང་ཉིད་ཐུན་མོང་བ། །རྟོགས་ཐབས་སྔགས་ལུགས་བཟང་དེ་བཞིན། །རྣམ་དཔྱོད་གཉིས་པ་འདི་ལྟ་སྟེ། །ལམ་གྱི་རྩ་བ་གཏུམ་མོ་ཡི། །སྦྱངས་པ་མཐར་ཕྱིན་གྱུར་པ་ན། །སྐྲ་དང་སོ་སེན་ལ་སོགས་པ། །སྙིགས་མ་བསྐྱེད་པའི་ཁམས་དག་ནི། །སོ་སོར་འབབ་པ་རྒྱུན་ཆད་ནས། །དབུ་མའི་གནས་སུ་ཐིམ་པ་ན། །འཇའ་ལུས་རྡོ་རྗེའི་སྐུ་གྲུབ་པ། །དེ་ལ་སྒྱུ་མའི་ལུས་ཞེས་བྱ། །ལུས་དེ་སྒྱུ་མར་མ་རྟོགས་པ། །དེ་སྲིད་སྒྱུ་མའི་དཔེ་བརྒྱད་དང༌། །སྦྱར་ཞིང་བསྲེས་ནས་སྒྱུ་མར་བསྒོམ། །དེ་ལ་སྒྱུ་ལུས་བསྒོམ་པ་ཟེར། །སྒྱུ་ལུས་ལམ་གྱི་གཞུང་ཤིང་དུ། །འཆད་པའི་ཤེས་བྱེད་གསལ་པོ་ཡང༌། །འདི་ལྟར་ཡིན་ནོ་འཇའ་ལུས་དེ། །ལྷག་པའི་ལྷར་ཡང་བསྐྱེད་ནུས་ཤིང༌། །འོག་མིན་ལ་སོགས་དག་པའི་ཞིང༌། །གང་དུ་ཡང་ནི་བགྲོད་པར་ནུས། །དེ་ལྟ་ན་ཡང་ལུས་དེ་ལ། །བཏགས་པའི་བདག་ཏུ་འཁྲུལ་སྲིད་པས། །རྗེས་ལས་ཐོབ་པའི་ཤེས་རབ་ཀྱིས། །རྣམ་པར་དཔྱད་ནས་གོམས་པར་བཤད། །སྒྱུ་མའི་ལུས་ཀྱི་ཕུང་སོགས་ལ། །ཆོས་སུ་ཞེན་པ་ཟློག་པའི་ཕྱིར། །འོད་གསལ་རིམ་པར་ཞུགས་ནས་ནི། །སྒྱུ་མ་འོད་གསལ་ཉིད་དུ་བསྲེ། །ཆོས་དང་གང་ཟག་སོ་སོ་ཡི། །དབང་དུ་བྱས་པའི་གཟུང་འཛིན་གྱིས། །སྟོང་པའི་མྱོང་བ་གསལ་རིག་ལ། །འོད་གསལ་བ་ཞེས་ལུང་ལས་གསུངས། །འོད་གསལ་འདི་ཙམ་ཕར་ཕྱིན་དང༌། །ཐུན་མོང་གྱུར་པ་ཡིན་མོད་ཀྱང༌། །དེ་རྟོགས་བྱེད་པའི་ཐབས་ལ་ནི། །གསང་སྔགས་ཁྱད་པར་འཕགས་པའོ། །ཐབས་ཀྱང་མན་ངག་རིམ་པ་དང༌། །གསུམ་པའི་དབང་ལས་རྟོགས་པར་གསུངས། །འོད་གསལ་སེམས་ཀྱི་རྡོ་རྗེ་དང༌། །དོན་གཅིག་མེད་པར་དགག་པ་མིན། །མེད་དགག་རྟོགས་པའི་ཡེ་ཤེས་ལ། །འོད་གསལ་བ་ཞེས་འཆད་དེ་ཡང༌། །རིགས་པ་མིན་ནོ་མེད་དགག་གི། །ཡུལ་ཅན་རྟོག་པར་ངེས་ཕྱིར་རོ། །གཏུམ་མོའི་སྟོབས་ཀྱིས་འཇའ་ལུས་ནི། །གྲུབ་པ་མུ་སྟེགས་ཅན་ལ་ཡང༌། །ཡོད་མོད་དེ་ཉིད་བདག་དང་ནི། །སྐྱེས་བུར་རྟོག་ཕྱིར་ལམ་མི་འགྱུར། །དེ་ཕྱིར་སྒྱུ་མའི་ལུས་དང་ནི། །འོད་གསལ་བ་ཡི་རིམ་པ་དེས། །འདི་བཤད་ཕྱོགས་སྔ་སྨྲ་བ་པོས། །གསང་འདུས་རིམ་ལྔའི་སྐབས་སུ་ཡང༌། །སྔོན་འགྲོ་དབེན་གསུམ་བསྟེན་པ་ལས། །འཇའ་ལུས་སྒྱུ་མའི་སྐུ་གྲུབ་ཅེས། །བཤད་ན་ལེགས་པ་ཡིན་མོད་ཀྱང༌། །ཀུན་རྫོབ་མ་དག་རྣམ་སྨིན་ལུས། །ཚད་མས་གྲུབ་ལ་ཞེན་ཆེས་པས། །སྦྲུལ་གྱི་ལྤགས་པ་བཤུས་པ་དང༌། །ལྷ་སྐུའི་ན་བཟའ་ཕུད་པ་ལྟར། །རྣམ་སྨིན་ཤུལ་དུ་བཞག་བྱས་ནས། །གཉུག་མའི་ནུས་རྟེན་འཐོན་པར་བཞེད། །གཉུག་མ་གཞི་ལུས་ཞེས་བྱ་བའི། །ལུང་ཁུང་གསལ་བ་མེད་མོད་ཀྱི། །རླུང་སེམས་དབུ་མར་ཐིམ་པ་ལས། །བྱུང་བའི་ལུས་ཤིག་ཡིན་ན་ནི། །ལུང་དང་མཐུན་ཕྱིར་བླང་དུ་རུང༌། །རང་གི་ལུགས་འདི་འཕགས་པ་ལྷས། །རང་བྱིན་བརླབས་པའི་རིམ་པ་ཡིས། །རྨི་ལམ་སྒྱུ་འདྲ་རྟོགས་དགོས་ཞེས། །གསུངས་པ་ཉིད་ལས་ལེགས་པར་གྲུབ། །ཅེས་སྒྱུ་མ་ལམ་རིམ་གྱི་གསལ་བྱེད་ནོར་བུའི་ཐེམ་སྐས་ཞེས་བྱ་བ་འདི་གྲུབ་པའོ༎
This work is licensed under a Creative Commons Attribution-Non Commercial-ShareAlike 3.0 Unported License
