Difference between revisions of "Bla ma brgyud pa'i lo rgyus nyung ngu"
(Created page with "{{Text |Text ID=SCv11p47 |Tibetan Title=བླ་མ་བརྒྱུད་པའི་ལོ་རྒྱུས་ཉུང་ངུ་། |Wylie Title=bla ma brgyud pa'i lo...") |
|||
| Line 5: | Line 5: | ||
|Subject=Chadrupa be bum | |Subject=Chadrupa be bum | ||
}} | }} | ||
| + | <span class="main_text">༈ བླ་མ་བརྒྱུད་པའི་ལོ་རྒྱུས་ཉུང་ངུ་བཞུགས་སོ།། <br />༈ ༼ཏ༽ བླ་མ་དམ་པ་རྣམས་ལ་ཕྱག་འཚལ་ལོ། <br />།ལེགས་ལྡན་འདིའི་ལུགས་ཀྱི་སློབ་དཔོན་གང་གིས་མཛད་ན། ཤ་བ་རི་པས་མཛད་དོ། །ཡུལ་གང་ལ་བརྟེན་ན་ལྷ་འདི་དངོས་ལ་བརྟེན་ནོ། །དོན་ཆེན་གང་གི་དོན་དུ་མཛད་ན། སྤྱིར་སེམས་ཅན་ཐམས་ཅད་ཀྱི་དོན་དུ་དང་། ཁྱད་པར་དུ་ཡང་སངས་རྒྱས་བསྟན་པ་བསྲུང་བའི་དོན་དུ་མཛད་དེ། དེ་ཡང་བརྒྱུད་པ་ཁུངས་ཀྱི་ལོ་རྒྱུས་ཀྱི་དབང་དུ་བྱས་ན། བླ་མ་ཤ་བ་རི་པ་སྐད་པ་དེས། དུར་ཁྲོད་དུ་སྤྱིལ་བུ་གཅིག་ན་བསྒོམས་ཅིང་བཞུགས་ཙ་ན། ནམ་མཁའ་ལ་སྒྲ་དྲག་པོ་གཅིག་གྲགས་ནས་གཟིགས་པས། སྔོན་ལ་ཇོ་བོ་ཁ་སར་པཱ་ཎི་གཅིག་བྱོན་འདུག་པ་གཟིགས། དེ་རྗེས་མགོན་པོ་འདི་བྱོན་ནས་འདུག་སྐད། དེ་རྗེས་ལ་མཁའ་སྤྱོད་ཀྱི་མཁའ་འགྲོ་མ་ཕག་མོ་གཅིག་གཟིགས་སོ། །དེ་ལྟར་ལྷ་གསུམ་ཞལ་གཟིགས་པ་ལ། རཱ་ཧུ་ལ་ལྷ་བཞི་འདོད་གསུངས། ལྷ་གཅིག་སྒྲོལ་མ། ཇོ་བོ་ལ་འདིའི་གཞུང་དེའི་དུས་སུ་མཛད། གཉིས་པོ་ལ་ཁྱུང་པོ་ཞལ་གྱི་གདམས་པ་ལས་མེད་གསུངས། དཔལ་ཤ་བ་རི་པས་གཉིས་མེད་རྡོ་མཻ་ཏྲི་པ་ལ། རྗེ་ལ་གནང་། དེ་ན་དེས་བླ་མ་ཤངས་པ་ལ་གནང་། དེས་སེང་གེས་སྟོན་པ་དཀོན་མཆོག་མཁར་ལ་གནང་། དེས་བླ་མ་སྐྱེར་སྒང་པ་ལ་གནང་། དེས་གཉན་སྟོན་ལ། དེས་ཆོས་རྗེ་སྟོན་པ་ལ། དེས་མཁས་གྲུབ་ཤངས་སྟོན་ལ། དེས་ཆོས་རྗེ་མུས་ཆེན་ལ། དེས་དགེ་བཤེས་རྡོ་རྗེ་གཞོན་ནུ་ལ། དེས་བདག་དགེ་སློང་ནམ་མཁའི་རྣལ་འབྱོར་པ་ལ་དགྱེས་བཞིན་དུ་དཔལ་མགོན་པོའི་མན་ངག་ཀུན་མ་ཚང་བ་མེད་པར་གནང་བ་ལགས་སོ། <br />བྱ་བ་འདི། བདག་གི་བླ་མ་ནམ་མཁའི་རྣལ་འབྱོར་པ་རང་ཉིད་ཀྱི་ཕྱག་རིས་མཛད་པའི་ཕྱག་དཔེ་ན་གདའ། ལོ་རྒྱུས་གཞན་དང་ཅུང་ཟད་མི་འདྲ་བ་གཅིག་གནང་། བླ་མ་དེས་ཀྱང་བདག་མང་དུ་ཐོས་པའི་བཙུན་པ་དགེ་ལེགས་དཔལ་བཟང་པོ་ལ་མཆོག་ཏུ་དགྱེས་པ་ཆེན་པོ་མན་ངག་ཞལ་ཤེས་ལག་ལེན་དང་བཅས་པ་མ་ཚང་བ་མེད་པར་སྩལ་བ་ལགས་སོ། །མཁས་གྲུབ་དགེ་ལེགས་དཔལ་བཟང་པོའི་ཞལ་སྔ་ནས་ཀྱིས་ཆོས་རྗེ་རིན་པོ་ཆེ་ཆོས་ཀྱི་རྒྱལ་མཚན་དཔལ་བཟང་པོས་མ་ཚང་བར་མེད་པར་གནང་བ་རྣམས། བདག་ཀུན་དགའ་དགེ་ལེགས་རིན་ཆེན་རྒྱལ་མཚན་དཔལ་བཟང་པོ་ལ་དགྱེས་བཞིན་དུ་གནང་བ་ལགས་སོ། <br />།གུ་ཧྱ་ས་མ་ཡ། ཨྀཐིཿ</span> | ||
Revision as of 09:12, 21 December 2018
| Resource ID | SCv11p47 |
|---|---|
| Title | bla ma brgyud pa'i lo rgyus nyung ngu |
| Topics | Chadrupa be bum |
༈ བླ་མ་བརྒྱུད་པའི་ལོ་རྒྱུས་ཉུང་ངུ་བཞུགས་སོ།།
༈ ༼ཏ༽ བླ་མ་དམ་པ་རྣམས་ལ་ཕྱག་འཚལ་ལོ།
།ལེགས་ལྡན་འདིའི་ལུགས་ཀྱི་སློབ་དཔོན་གང་གིས་མཛད་ན། ཤ་བ་རི་པས་མཛད་དོ། །ཡུལ་གང་ལ་བརྟེན་ན་ལྷ་འདི་དངོས་ལ་བརྟེན་ནོ། །དོན་ཆེན་གང་གི་དོན་དུ་མཛད་ན། སྤྱིར་སེམས་ཅན་ཐམས་ཅད་ཀྱི་དོན་དུ་དང་། ཁྱད་པར་དུ་ཡང་སངས་རྒྱས་བསྟན་པ་བསྲུང་བའི་དོན་དུ་མཛད་དེ། དེ་ཡང་བརྒྱུད་པ་ཁུངས་ཀྱི་ལོ་རྒྱུས་ཀྱི་དབང་དུ་བྱས་ན། བླ་མ་ཤ་བ་རི་པ་སྐད་པ་དེས། དུར་ཁྲོད་དུ་སྤྱིལ་བུ་གཅིག་ན་བསྒོམས་ཅིང་བཞུགས་ཙ་ན། ནམ་མཁའ་ལ་སྒྲ་དྲག་པོ་གཅིག་གྲགས་ནས་གཟིགས་པས། སྔོན་ལ་ཇོ་བོ་ཁ་སར་པཱ་ཎི་གཅིག་བྱོན་འདུག་པ་གཟིགས། དེ་རྗེས་མགོན་པོ་འདི་བྱོན་ནས་འདུག་སྐད། དེ་རྗེས་ལ་མཁའ་སྤྱོད་ཀྱི་མཁའ་འགྲོ་མ་ཕག་མོ་གཅིག་གཟིགས་སོ། །དེ་ལྟར་ལྷ་གསུམ་ཞལ་གཟིགས་པ་ལ། རཱ་ཧུ་ལ་ལྷ་བཞི་འདོད་གསུངས། ལྷ་གཅིག་སྒྲོལ་མ། ཇོ་བོ་ལ་འདིའི་གཞུང་དེའི་དུས་སུ་མཛད། གཉིས་པོ་ལ་ཁྱུང་པོ་ཞལ་གྱི་གདམས་པ་ལས་མེད་གསུངས། དཔལ་ཤ་བ་རི་པས་གཉིས་མེད་རྡོ་མཻ་ཏྲི་པ་ལ། རྗེ་ལ་གནང་། དེ་ན་དེས་བླ་མ་ཤངས་པ་ལ་གནང་། དེས་སེང་གེས་སྟོན་པ་དཀོན་མཆོག་མཁར་ལ་གནང་། དེས་བླ་མ་སྐྱེར་སྒང་པ་ལ་གནང་། དེས་གཉན་སྟོན་ལ། དེས་ཆོས་རྗེ་སྟོན་པ་ལ། དེས་མཁས་གྲུབ་ཤངས་སྟོན་ལ། དེས་ཆོས་རྗེ་མུས་ཆེན་ལ། དེས་དགེ་བཤེས་རྡོ་རྗེ་གཞོན་ནུ་ལ། དེས་བདག་དགེ་སློང་ནམ་མཁའི་རྣལ་འབྱོར་པ་ལ་དགྱེས་བཞིན་དུ་དཔལ་མགོན་པོའི་མན་ངག་ཀུན་མ་ཚང་བ་མེད་པར་གནང་བ་ལགས་སོ།
བྱ་བ་འདི། བདག་གི་བླ་མ་ནམ་མཁའི་རྣལ་འབྱོར་པ་རང་ཉིད་ཀྱི་ཕྱག་རིས་མཛད་པའི་ཕྱག་དཔེ་ན་གདའ། ལོ་རྒྱུས་གཞན་དང་ཅུང་ཟད་མི་འདྲ་བ་གཅིག་གནང་། བླ་མ་དེས་ཀྱང་བདག་མང་དུ་ཐོས་པའི་བཙུན་པ་དགེ་ལེགས་དཔལ་བཟང་པོ་ལ་མཆོག་ཏུ་དགྱེས་པ་ཆེན་པོ་མན་ངག་ཞལ་ཤེས་ལག་ལེན་དང་བཅས་པ་མ་ཚང་བ་མེད་པར་སྩལ་བ་ལགས་སོ། །མཁས་གྲུབ་དགེ་ལེགས་དཔལ་བཟང་པོའི་ཞལ་སྔ་ནས་ཀྱིས་ཆོས་རྗེ་རིན་པོ་ཆེ་ཆོས་ཀྱི་རྒྱལ་མཚན་དཔལ་བཟང་པོས་མ་ཚང་བར་མེད་པར་གནང་བ་རྣམས། བདག་ཀུན་དགའ་དགེ་ལེགས་རིན་ཆེན་རྒྱལ་མཚན་དཔལ་བཟང་པོ་ལ་དགྱེས་བཞིན་དུ་གནང་བ་ལགས་སོ།
།གུ་ཧྱ་ས་མ་ཡ། ཨྀཐིཿ
This work is licensed under a Creative Commons Attribution-Non Commercial-ShareAlike 3.0 Unported License
