Difference between revisions of "Dbang bzhi bla ma'i sgrub thabs"
| (13 intermediate revisions by the same user not shown) | |||
| Line 4: | Line 4: | ||
|Wylie Title=dbang bzhi bla ma'i sgrub thabs | |Wylie Title=dbang bzhi bla ma'i sgrub thabs | ||
|Subject=Various | |Subject=Various | ||
| + | |SubTopics=Various by Khyungpo Neljor | ||
| + | |Author=Khyungpo Neljor | ||
| + | |BDRC link=[https://www.tbrc.org/#library_work_ViewByOutline-O01DG1049095186%7CW23922 BDRC W23922]<br/>[https://www.tbrc.org/#!rid=W8LS37032 BDRC W8LS37032 (p.60)]<br/>[https://www.tbrc.org/#!rid=W3CN18508 BDRC W3CN18508 (p.609] | ||
}} | }} | ||
| − | <span class="main_text">༼༄༅། །དབང་བཞི་བླ་མའི་སྒྲུབ་ཐབས་བཞུགས་སོ།།༽<br /><br />བླ་མ་དམ་པའི་ཞབས་བཏུད་ནས། །དབང་བཞི་བླ་མའི་སྒྲུབ་ཐབས་འབྲི། །དེ་ལ་ལོ་ཟླ་ཙམ་གྱིས་སངས་རྒྱ་བར་འདོད་པས། །སེམས་བསྐྱེད་ཅིང་ཚད་མེད་པ་བཞི་བསྒོམ། <br /> | + | <span class="main_text">༼༄༅། །དབང་བཞི་བླ་མའི་སྒྲུབ་ཐབས་བཞུགས་སོ།།༽<br /><br />བླ་མ་དམ་པའི་ཞབས་བཏུད་ནས། །དབང་བཞི་བླ་མའི་སྒྲུབ་ཐབས་འབྲི། །དེ་ལ་ལོ་ཟླ་ཙམ་གྱིས་སངས་རྒྱ་བར་འདོད་པས། །སེམས་བསྐྱེད་ཅིང་ཚད་མེད་པ་བཞི་བསྒོམ། <br />དེ་ནས་རང་གི་སྤྱི་བོའི་སྟེང་དུ། སེང་གེ་དང་། རིན་པོ་ཆེ་དང་། པདྨ་དང་ཟླ་བའི་སྟེང་དུ་རྩ་བའི་བླ་མ་འཛུམ་པའི་མདངས་དང་ལྡན་པ། འོད་དང་འོད་ཟེརགྱི་རང་བཞིན་ཅན། མཚན་ཐོས་པ་ཙམ་གྱིས་ཕྱིར་མི་ལྡོག་པའི་ཐོབ་པ་གཅིག་བསྒོམ། མདུན་དུ་གནོད་བྱེད་དང་གཞི་བདག་གིས་གཙོ་བྱས་པའི་ནམ་མཁའ་དང་མཉམ་པའི་སེམས་ཅན་རྣམས། ལུས་གུས་པས་ཐལ་མོ་སྦྱར་བ། ངག་གུས་པས་གསོལ་བ་འདེབསཔ། ཡིད་གུས་པས་མོས་གུས་བྱེད་པས་བསྐོར་བར་བསམས་ལ། དེའི་མདུན་གྱི་ནམ་མཁའ་ལ་སངས་རྒྱས་དང་བྱང་ཆུབ་སེམས་དཔའ་རྣམས་སྤྲིན་འཐིབས་པའྨ། ཏིལ་གྱི་གང་བུ་ཁ་བྱེ་བ་བཞིན་བཞུགས་པ་ལས། ཁྱད་པར་དུ། སྐུའི་ལྷ་ཚོགས་དཀར་པོ། གསུང་གི་ལྷ་ཚོགས་དམར་པོ། ཐུགས་ཀྱི་ལྷ་ཚོགས་མཐིང་ཀའི་རང་བཞིན་དུ་བསྒོས། <br />དེ་ནས་སྐུའི་ལྷ་ཚོགས་དཀརཔོ་དེ་རྣམས་ལ། ཡེ་ཤེས་ཀྱི་ཆུ་རྒྱུན་བདེ་བའི་རང་བཞིན་དུ་བཞུགས་པར་བསྒོམ། བླ་མའི་སྤྱི་བོར་ཐིམ་པ་དང་། ཟག་མེད་ཀྱི་བདེ་བས་རྒྱུད་གང་ཞིང་མཉེས་པས་སྐུའི་དམ་ཚིག་ཉམས་ཆག་ཐམས་ཅད་སངས་དག་པར་བསམ། ཡང་། ལྷ་ཚོགས་དམར་པོ་ལས་འོད་ཟེར་དམར་པོ་བདེ་བོའི་རང་བཞིན་དུ་བྱོན། བླ་མའི་མགྲིན་པར་ཐིམ་པ་དང་། གསུང་གི་དམ་ཚིག་ཉམས་ཆག་ཐམས་ཅད་སངས་དག་པར་བསྒོམ། ཐུགས་ཀྱི་ལྷ་ཚོགས་མཐིང་ཀ་ལས། འོད་ཟེར་བདེ་བའི་རང་བཞིན་གྱི་ཆུ་རྒྱུན་སྔོན་པོ་བྱོན། བླ་མའི་ཐུགས་ཀར་ཐིམ་པ་དང་། ཐུགས་ཀྱི་དམ་ཚིག་ཉམས་ཆག་ཐམས་ཅད་སངས་དག་པར་བསྒོམ། <br />དེ་ནས་རང་གི་ལུས་འདི་དུམ་བུ་གསུམ་དུ་བྱས་ཏེ། གཅིག་ཐོད་པའི་སྣོད་ཡངས་ཤིང་རྒྱ་ཆེ་བའི་ནང་དུ། ཨོཾ་ཨཱཿཧཱུྃ་གིས་བདུད་རྩིར་བྱིན་གྱིས་བརླབས་ཏེ། བླ་མ་ལ་ཕུལ་ལ། བུམ་པའི་དབང་བསྐུར་དུ་གསོལ། ཞེས་གསོལ་བ་གདབ་དེ་བཞིན་དུ་ལུས་དུམ་བུ་རེ་རེར་བདུད་རྩིར་བསམས་ལ་དབུལ་ཞིང་། གསང་དབང་དང་། ཤེས་རབ་ཡེས་ཤེས་དང་། དབང་བཞི་པ་ཕྱག་རྒྱ་ཆེན་པོ་བསྐུར་དུ་གསོལ་ཞེས་གསོལ་བ་བཏབ་པ་དང་། སྐུའི་ལྷ་ཚོགས་དཀར་པོ་ཐམས་ཅད་བླ་མའི་སྤྱི་བོར་ཐིམ། གསུང་གི་ལྷ་ཚོགས་དམར་པོ་ཐམས་ཅད་བླ་མའི་མགྲིན་པར་ཐིམ། ཐུགས་ཀྱི་ལྷ་ཚོགས་སྔོན་པོ་ཐམས་ཅད་བླ་མའི་ཐུགས་ཀར་སིབ་སིབ་ཐིམ་པ་དང་། བླ་མའི་སྐུ་ལུས་ལས་འོད་ཟེར་དཀར་པོ་བྱོན། རང་གི་སྤྱི་བོར་ཐིམ་པ་དང་། ལུས་ཀྱིས་སྡིག་སྒྲིབ་ཐམས་ཆད་སངས་དག་ནས། བུམ་པའི་དབང་ཐོབ། ཡང་བླ་མའི་མགྲིན་པ་ནས། འོད་ཟེར་དམར་པོ་བྱོན། རང་གི་མགྲིན་པར་ཐིམ་པས། ངག་གི་སྡིག་སྒྲིབ་དག་ནས། གསང་དབང་ཐོབ། ཡང་། བླ་མའི་ཐུགས་ཀ་ནས་འོད་ཟེར་མཐིང་ཀ་བྱོན། རང་གི་སྙིང་ཁར་ཕོག་པས། ཡིད་ཀྱིས་བསགས་པའི་སྡིག་སྒྲིབ་དག་ནས། ཤེས་རབ་ཡེ་ཤེས་ཀྱི་དབང་ཐོབ། འོད་ཟེར་གྱི་ཆུ་རྒྱུན་དེ་རྣམས་ཀྱི་ལྟེ་བར་སླེབ་པ་དང་། ལུས་ངག་ཡིད་གསུམ་ཐ་དད་དུ་འཛིན་པའི་རྟོག་པ་དག་ནས། དབང་བཞི་པ་ཕྱག་རྒྱ་ཆེན་པོ་ཐོབ་པར་བསྒོམ། མདུན་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བླ་མ་ལ་སིབ་སིབ་ཐིམ་པ་དང་། བླ་མའི་སྐུ་ལུས་ལས་བདུད་རྩིའི་ཆུ་རྒྱུན་ན་ར་ར་བྱོན་ནས། རང་གི་ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་སངས་དག་པར་བསྒོམ་པ་དང་། རང་གིས་གསོལ་བ་བཏབ་པས། སེམས་ཅན་ཐམས་ཅད་ཁུ་དི་རི་རི་གསོལ་བ་འདེབས་པར་བསམས་ལ། གསོལ་བ་ཐུན་མོང་མ་ཡིན་པ་སྙིང་ཁོང་རུས་པའི་གཏིང་ནས་འདེབས་པ་བྱ་གསུང་ངོ་། དེ་ལྟར་ཉིན་ལན་གསུམ་མཚན་ལན་གསུམ་དུ་ཉམས་སུ་བླངས་པས་ལོ་ཟླ་ཙམ་གྱིས་སངས་རྒྱ་བར་འགྱུར་རོ། <br />ནཻ་གུ་མའི་ཞལ་ནས། བླ་མའི་སྐུ་ཡི་དཀྱིལ་འཁོར་ལ། །དབང་བཞི་ཡོངས་སུ་རྫོགས་པར་ཞུས། །ས་ལམ་མ་ལུས་ལོ་ཟླས་བགྲོད། །བླ་མའི་སྒྲུབ་པ་ཁྱད་པར་འཕགས། །ཅེས་གསུངས་པའི་དོན་ཡིན་ནོ། <br />།བླ་མའི་སྒྲུབ་ཐབས་ཁྱད་འཕགས་འདི། །རང་གཞན་དོན་དུ་ཡི་གེར་བཀོད། །དེ་ལ་མཁའ་འགྲོའི་ཚོགས་རྣམས་ཀྱིས། །རང་འདོད་མེད་པས་བཟོད་པར་མཛོད། རྫོགས་སོ།། །། <br /><span class="tibetan_small">༈ འདིའི་བརྒྱུད་པ་ནི། རྡོ་རྗེ་འཆང་གིས་[[Niguma|ཡེ་ཤེས་ཀྱི་ཌཱ་ཀི་ནི་གུ་མ་]]ལ་གསུངས། དེ་ལ་[[Khyungpo Neljor|བླ་མ་ཤངས་པ]]ས་གསེར་སྲང་ལྔ་བརྒྱ་ཕུལ་ནས་ཞུས། དེ་ལ་[[Mokchokpa Rinchen Tsöndrü|བླ་མ་རྨོག་ལྕོག་པ]]ས་རྟ་གསུམ་དང་། གསེར་སྲང་བདུན་ཕུལ་ནས་ཞུས། དེ་ལ་[[Öntön Kyergangpa|བླ་མ་སྐྱེར་སྒང་པ]]ས་འབྲི་གཡག་བཅུ་དགུ་དང་། གསེར་སྲང་ལྔ་ཕུལ་ནས་ཞུས། དེ་ལ་[[Sangyé Nyentön|བླ་མ་རི་གོང་པ]]ས་རྟ་གཅིག་དང་། གསེར་སྲང་བཅུ་གཅིག་ཕུལ་ནས་ཞུས། བླ་མ་ཆེན་པོ་ལ། [[Sangyé Tönpa|སངས་རྒྱས་སྟོན་པ]]ས་མཛོ་གཞོན་པ་གཅིག་དང་། གསེར་ཐང་གསུམ་ཕུལ་ནས་ཞུས་སོ། དགེ་ལེགས་འཕེལ་ལོ།། །།</span></span> |
Latest revision as of 15:39, 20 April 2021
| Resource ID | SCv8p661 |
|---|---|
| Title | dbang bzhi bla ma'i sgrub thabs |
| Topics | Various |
| Sub-Topics | Various by Khyungpo Neljor |
| Author | Khyungpo Neljor |
| Link | BDRC W23922 BDRC W8LS37032 (p.60) BDRC W3CN18508 (p.609 |
༼༄༅། །དབང་བཞི་བླ་མའི་སྒྲུབ་ཐབས་བཞུགས་སོ།།༽
བླ་མ་དམ་པའི་ཞབས་བཏུད་ནས། །དབང་བཞི་བླ་མའི་སྒྲུབ་ཐབས་འབྲི། །དེ་ལ་ལོ་ཟླ་ཙམ་གྱིས་སངས་རྒྱ་བར་འདོད་པས། །སེམས་བསྐྱེད་ཅིང་ཚད་མེད་པ་བཞི་བསྒོམ།
དེ་ནས་རང་གི་སྤྱི་བོའི་སྟེང་དུ། སེང་གེ་དང་། རིན་པོ་ཆེ་དང་། པདྨ་དང་ཟླ་བའི་སྟེང་དུ་རྩ་བའི་བླ་མ་འཛུམ་པའི་མདངས་དང་ལྡན་པ། འོད་དང་འོད་ཟེརགྱི་རང་བཞིན་ཅན། མཚན་ཐོས་པ་ཙམ་གྱིས་ཕྱིར་མི་ལྡོག་པའི་ཐོབ་པ་གཅིག་བསྒོམ། མདུན་དུ་གནོད་བྱེད་དང་གཞི་བདག་གིས་གཙོ་བྱས་པའི་ནམ་མཁའ་དང་མཉམ་པའི་སེམས་ཅན་རྣམས། ལུས་གུས་པས་ཐལ་མོ་སྦྱར་བ། ངག་གུས་པས་གསོལ་བ་འདེབསཔ། ཡིད་གུས་པས་མོས་གུས་བྱེད་པས་བསྐོར་བར་བསམས་ལ། དེའི་མདུན་གྱི་ནམ་མཁའ་ལ་སངས་རྒྱས་དང་བྱང་ཆུབ་སེམས་དཔའ་རྣམས་སྤྲིན་འཐིབས་པའྨ། ཏིལ་གྱི་གང་བུ་ཁ་བྱེ་བ་བཞིན་བཞུགས་པ་ལས། ཁྱད་པར་དུ། སྐུའི་ལྷ་ཚོགས་དཀར་པོ། གསུང་གི་ལྷ་ཚོགས་དམར་པོ། ཐུགས་ཀྱི་ལྷ་ཚོགས་མཐིང་ཀའི་རང་བཞིན་དུ་བསྒོས།
དེ་ནས་སྐུའི་ལྷ་ཚོགས་དཀརཔོ་དེ་རྣམས་ལ། ཡེ་ཤེས་ཀྱི་ཆུ་རྒྱུན་བདེ་བའི་རང་བཞིན་དུ་བཞུགས་པར་བསྒོམ། བླ་མའི་སྤྱི་བོར་ཐིམ་པ་དང་། ཟག་མེད་ཀྱི་བདེ་བས་རྒྱུད་གང་ཞིང་མཉེས་པས་སྐུའི་དམ་ཚིག་ཉམས་ཆག་ཐམས་ཅད་སངས་དག་པར་བསམ། ཡང་། ལྷ་ཚོགས་དམར་པོ་ལས་འོད་ཟེར་དམར་པོ་བདེ་བོའི་རང་བཞིན་དུ་བྱོན། བླ་མའི་མགྲིན་པར་ཐིམ་པ་དང་། གསུང་གི་དམ་ཚིག་ཉམས་ཆག་ཐམས་ཅད་སངས་དག་པར་བསྒོམ། ཐུགས་ཀྱི་ལྷ་ཚོགས་མཐིང་ཀ་ལས། འོད་ཟེར་བདེ་བའི་རང་བཞིན་གྱི་ཆུ་རྒྱུན་སྔོན་པོ་བྱོན། བླ་མའི་ཐུགས་ཀར་ཐིམ་པ་དང་། ཐུགས་ཀྱི་དམ་ཚིག་ཉམས་ཆག་ཐམས་ཅད་སངས་དག་པར་བསྒོམ།
དེ་ནས་རང་གི་ལུས་འདི་དུམ་བུ་གསུམ་དུ་བྱས་ཏེ། གཅིག་ཐོད་པའི་སྣོད་ཡངས་ཤིང་རྒྱ་ཆེ་བའི་ནང་དུ། ཨོཾ་ཨཱཿཧཱུྃ་གིས་བདུད་རྩིར་བྱིན་གྱིས་བརླབས་ཏེ། བླ་མ་ལ་ཕུལ་ལ། བུམ་པའི་དབང་བསྐུར་དུ་གསོལ། ཞེས་གསོལ་བ་གདབ་དེ་བཞིན་དུ་ལུས་དུམ་བུ་རེ་རེར་བདུད་རྩིར་བསམས་ལ་དབུལ་ཞིང་། གསང་དབང་དང་། ཤེས་རབ་ཡེས་ཤེས་དང་། དབང་བཞི་པ་ཕྱག་རྒྱ་ཆེན་པོ་བསྐུར་དུ་གསོལ་ཞེས་གསོལ་བ་བཏབ་པ་དང་། སྐུའི་ལྷ་ཚོགས་དཀར་པོ་ཐམས་ཅད་བླ་མའི་སྤྱི་བོར་ཐིམ། གསུང་གི་ལྷ་ཚོགས་དམར་པོ་ཐམས་ཅད་བླ་མའི་མགྲིན་པར་ཐིམ། ཐུགས་ཀྱི་ལྷ་ཚོགས་སྔོན་པོ་ཐམས་ཅད་བླ་མའི་ཐུགས་ཀར་སིབ་སིབ་ཐིམ་པ་དང་། བླ་མའི་སྐུ་ལུས་ལས་འོད་ཟེར་དཀར་པོ་བྱོན། རང་གི་སྤྱི་བོར་ཐིམ་པ་དང་། ལུས་ཀྱིས་སྡིག་སྒྲིབ་ཐམས་ཆད་སངས་དག་ནས། བུམ་པའི་དབང་ཐོབ། ཡང་བླ་མའི་མགྲིན་པ་ནས། འོད་ཟེར་དམར་པོ་བྱོན། རང་གི་མགྲིན་པར་ཐིམ་པས། ངག་གི་སྡིག་སྒྲིབ་དག་ནས། གསང་དབང་ཐོབ། ཡང་། བླ་མའི་ཐུགས་ཀ་ནས་འོད་ཟེར་མཐིང་ཀ་བྱོན། རང་གི་སྙིང་ཁར་ཕོག་པས། ཡིད་ཀྱིས་བསགས་པའི་སྡིག་སྒྲིབ་དག་ནས། ཤེས་རབ་ཡེ་ཤེས་ཀྱི་དབང་ཐོབ། འོད་ཟེར་གྱི་ཆུ་རྒྱུན་དེ་རྣམས་ཀྱི་ལྟེ་བར་སླེབ་པ་དང་། ལུས་ངག་ཡིད་གསུམ་ཐ་དད་དུ་འཛིན་པའི་རྟོག་པ་དག་ནས། དབང་བཞི་པ་ཕྱག་རྒྱ་ཆེན་པོ་ཐོབ་པར་བསྒོམ། མདུན་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བླ་མ་ལ་སིབ་སིབ་ཐིམ་པ་དང་། བླ་མའི་སྐུ་ལུས་ལས་བདུད་རྩིའི་ཆུ་རྒྱུན་ན་ར་ར་བྱོན་ནས། རང་གི་ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་སངས་དག་པར་བསྒོམ་པ་དང་། རང་གིས་གསོལ་བ་བཏབ་པས། སེམས་ཅན་ཐམས་ཅད་ཁུ་དི་རི་རི་གསོལ་བ་འདེབས་པར་བསམས་ལ། གསོལ་བ་ཐུན་མོང་མ་ཡིན་པ་སྙིང་ཁོང་རུས་པའི་གཏིང་ནས་འདེབས་པ་བྱ་གསུང་ངོ་། དེ་ལྟར་ཉིན་ལན་གསུམ་མཚན་ལན་གསུམ་དུ་ཉམས་སུ་བླངས་པས་ལོ་ཟླ་ཙམ་གྱིས་སངས་རྒྱ་བར་འགྱུར་རོ།
ནཻ་གུ་མའི་ཞལ་ནས། བླ་མའི་སྐུ་ཡི་དཀྱིལ་འཁོར་ལ། །དབང་བཞི་ཡོངས་སུ་རྫོགས་པར་ཞུས། །ས་ལམ་མ་ལུས་ལོ་ཟླས་བགྲོད། །བླ་མའི་སྒྲུབ་པ་ཁྱད་པར་འཕགས། །ཅེས་གསུངས་པའི་དོན་ཡིན་ནོ།
།བླ་མའི་སྒྲུབ་ཐབས་ཁྱད་འཕགས་འདི། །རང་གཞན་དོན་དུ་ཡི་གེར་བཀོད། །དེ་ལ་མཁའ་འགྲོའི་ཚོགས་རྣམས་ཀྱིས། །རང་འདོད་མེད་པས་བཟོད་པར་མཛོད། རྫོགས་སོ།། །།
༈ འདིའི་བརྒྱུད་པ་ནི། རྡོ་རྗེ་འཆང་གིས་ཡེ་ཤེས་ཀྱི་ཌཱ་ཀི་ནི་གུ་མ་ལ་གསུངས། དེ་ལ་བླ་མ་ཤངས་པས་གསེར་སྲང་ལྔ་བརྒྱ་ཕུལ་ནས་ཞུས། དེ་ལ་བླ་མ་རྨོག་ལྕོག་པས་རྟ་གསུམ་དང་། གསེར་སྲང་བདུན་ཕུལ་ནས་ཞུས། དེ་ལ་བླ་མ་སྐྱེར་སྒང་པས་འབྲི་གཡག་བཅུ་དགུ་དང་། གསེར་སྲང་ལྔ་ཕུལ་ནས་ཞུས། དེ་ལ་བླ་མ་རི་གོང་པས་རྟ་གཅིག་དང་། གསེར་སྲང་བཅུ་གཅིག་ཕུལ་ནས་ཞུས། བླ་མ་ཆེན་པོ་ལ། སངས་རྒྱས་སྟོན་པས་མཛོ་གཞོན་པ་གཅིག་དང་། གསེར་ཐང་གསུམ་ཕུལ་ནས་ཞུས་སོ། དགེ་ལེགས་འཕེལ་ལོ།། །།
This work is licensed under a Creative Commons Attribution-Non Commercial-ShareAlike 3.0 Unported License
