Difference between revisions of "Ye shes mkha' 'gro chos drug gsal sgron"
| (59 intermediate revisions by the same user not shown) | |||
| Line 1: | Line 1: | ||
{{Text | {{Text | ||
| − | |Text ID= | + | |Text ID=MGP1 |
|Tibetan Title=ཡེ་ཤེས་མཁའ་འགྲོ་ཆོས་དྲུག་གསལ་སྒྲོན། | |Tibetan Title=ཡེ་ཤེས་མཁའ་འགྲོ་ཆོས་དྲུག་གསལ་སྒྲོན། | ||
|Wylie Title=ye shes mkha' 'gro chos drug gsal sgron | |Wylie Title=ye shes mkha' 'gro chos drug gsal sgron | ||
| − | |Other titles=ye shes kyi mkha' 'gro ma ni gu ma la gsungs pa'i thar lam gsal ba'i sgron me | + | |Other titles=ye shes kyi mkha' 'gro ma ni gu ma la gsungs pa'i thar lam gsal ba'i sgron me,ni gu chos drug khrid yig gsal ba'i sgron me,thar lam gsal sgron |
|Subject=Six doctrines of Niguma | |Subject=Six doctrines of Niguma | ||
|SubTopics=Commentary | |SubTopics=Commentary | ||
|Author=Müchen Gyeltsen Pelsang | |Author=Müchen Gyeltsen Pelsang | ||
|Associated Person=Tsangma Shangtön | |Associated Person=Tsangma Shangtön | ||
| − | |BDRC link=[https://www.tbrc.org/#!rid=W8LS37032 BDRC W8LS37032 (p.663)] | + | |BDRC link=[https://www.tbrc.org/#!rid=W8LS36545 BDRC W8LS36545 (p.3)]<br />[https://www.tbrc.org/#!rid=W8LS37032 BDRC W8LS37032 (p.663 same copy)]<br/>[http://purl.bdrc.io/resource/MW1KG4284_72E0AB BDRC W1KG4284] |
| − | |Notes=Same plan | + | |Notes=Author: [[Müchen Gyeltsen Pelsang]] in [[shangs chos dkar chag zab rgyas chos kyi sgo 'byed lde mig|SCv9p43]]. Same plan and complement of [[chos drug gi 'grel pa bdud rtsi rgya mtsho]] by [[Gyeltsen Bum]]. Contains large excerpts common to [[ni gu chos drug gi khrid yig]] |
}} | }} | ||
| − | <span class="main_text">༄༅། །ཡེ་ཤེས་མཁའ་འགྲོ་ཆོས་དྲུག་གསལ་སྒྲོན་བཞུགས་སོ།། <br /><br />ཨོཾ་སྭ་སྟི་སིདྷཾ། <br />བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། <br />།ཇི་བཞིན་གཟིགས་པའི་གཟིགས་པ་རྣམ་དག་ཆོས་ཀུན་ངོ་བོ་མེད་གཟིགས་ཅིང་། །ཇི་སྙེད་མཁྱེན་པའི་མཁྱེན་པ་རབ་ཡངས་དངོས་ཀུན་རྨི་ལམ་སྒྱུ་ལྟར་མཁྱེན། །ཚད་མེད་འགྲོ་བའི་འགྲོ་བ་འདྲེན་མཛད་འགྲོ་མགོན་ཆོས་རྗེ་རིན་པོ་ཆེ། །ས་གསུམ་བླ་མའི་བླ་མ་མཆོག་གི་བླ་མེད་ཞབས་ལ་ཕྱག་འཚལ་ལོ། <br /> | + | <span class="main_text">༄༅། །ཡེ་ཤེས་མཁའ་འགྲོ་ཆོས་དྲུག་གསལ་སྒྲོན་བཞུགས་སོ།། <br /><br />ཨོཾ་སྭ་སྟི་སིདྷཾ། <br />བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། <br />།ཇི་བཞིན་གཟིགས་པའི་གཟིགས་པ་རྣམ་དག་ཆོས་ཀུན་ངོ་བོ་མེད་གཟིགས་ཅིང་། །ཇི་སྙེད་མཁྱེན་པའི་མཁྱེན་པ་རབ་ཡངས་དངོས་ཀུན་རྨི་ལམ་སྒྱུ་ལྟར་མཁྱེན། །ཚད་མེད་འགྲོ་བའི་འགྲོ་བ་འདྲེན་མཛད་འགྲོ་མགོན་ཆོས་རྗེ་རིན་པོ་ཆེ། །ས་གསུམ་བླ་མའི་བླ་མ་མཆོག་གི་བླ་མེད་ཞབས་ལ་ཕྱག་འཚལ་ལོ། <br />།དེའི་གསུངས་རབས་གསུང་གི་བདུད་རྩིའི་གདམས་པ་རྣམས། །འགྲོ་བའི་དུག་གསུམ་དུག་ལྟའི་ནད་ཀུན་ཞི་བྱེད་ཅིང་། །འཆི་མེད་མཆོག་གི་མཆོག་རབ་གནས་སུ་འཁྲིད་བྱེད་པ། <br />།མཁའ་འགྲོའི་སྙན་རྒྱུད་སྙན་ནས་བརྒྱུད་བཞིན་བྲི་བར་བྱ། <br />།འདིར་ཡང་དག་པར་རྫོགས་པའི། སངས་རྒྱས་རྡོ་རྗེ་འཆང་ཆེན་པོས། ཡེ་ཤེས་ཀྱི་མཁའ་འགྲོ་མ་ནི་གུ་མ་ལ་གསུངས་པའི། སྙན་རྒྱུད་ཀྱི་གདམས་པ་འདི་ལ་ཆོས་དྲུག་སྟེ། ཐབས་ལམ་བདེ་དྲོད་རང་འབར། སྒྱུ་ལུས་ཆགས་སྡང་རང་གྲོལ། རྨི་ལམ་ཉིང་འཁྲུལ་རང་དག འོད་གསལ་གཏི་མུག་རང་སངས། འཕོ་བ་མ་བསྒོམས་སངས་རྒྱ། བར་དོ་རྒྱལ་བ་ལོངས་སྐུའོ། <br />།དང་པོ་ཐབས་ལམ་ལ་གསུམ། སྔོན་འགྲོ། དངོས་གཞི། རྗེས་སོ། <br />།སྔོན་འགྲོ་ལ་གསུམ་གྱི། <br />དང་པོ་༼དྲུག་ཀར་གྱི་སྔོན་འགྲོར་ཀྱང་འགྲོ་གསུངས།༽དག་བྱེད་ཨའི་སྟོང་ར་ནི། <br />སེམས་བསྐྱེད་སྔོན་དུ་སོང་བས། རང་ཐ་མལ་དུ་གནས་པའི་སྤྱི་བོར་པཾ་ལས་པད་མ། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རྩ་བའི་བླ་མ་བསྒོམ། དེ་ལ་འོག་ནས་འབྱུང་བའི་ཚུལ་ལྟར་གཞན་ཡང་བསྟིམ་ནས། བླ་མ་རིན་པོ་ཆེ་བདག་གི་ནད་གདོན་ཞི་བར་མཛད་དུ་གསོལ། སྡིག་སྒྲིབ་དག་པར་མཛད་དུ་གསོལ། ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། ཅེས་གསོལ་བ་དྲག་ཏུ་བཏབ་ནས་རང་གི་སྨིན་འཚམས་སུ་ཆོས་འབྱུང་གྲུ་གསུམ་༼རྣམ་ཐར་སྒོ་གསུམ།༽དཀར་པོ་ལྟ་བུ་རྩ་བ་ཕྲ་བ་ཐུར་དུ་ཟུག་པ་མགྲིན་པར་བསླེབ་པ། གདེངས་ཀ་གྱེན་དུ་ཕྱོགས་པའི་ཟུར་གཅིག་སྨིན་ཕྲག་དང་། ཟུར་གཉིས་རྣ་བ་གཉིས་སུ་སླེབ་པ་ཕྱི་ནང་ཐམས་ཅད་དཀར་སིང་ངེ་བ་གཅིག་བསྒོམ། དེའི་ནང་དུ་སེམས་སྐྱེ་མེད་ཨ་དཀར་པོ་འོད་ཀྱི་རང་བཞིན་ཅན་བསམས་ནས། ངག་དུ་ཨ་ཨ་ཅེས་པ་ཅི་རིགས་པ་བརྗོད་པས། ཨ་ལས་ཡེ་ཤེས་ཀྱི་བདུད་རྩི་རྒྱུན་སྐྱ་ནར་བབས་པས་ཆོས་འབྱུང་ཁེངས་ནས་ལུས་ཀྱི་ཕྱི་ནང་ཐམས་ཅད་ན་མར་སོང་བས། ནད་གདོན་སྡིག་སྒྲིབ་ཐམས་ཅད། བཤང་ལམ། ཆུ་སོ། སོར་མོ། བ་སྤུའི་བུ་ག་ཐམས་ན་མར་བྱེ་མའི་རི་ལ་ཕུ་ཆུ་དྲག་པོས་བཏབ་པ་བཞིན། ནག་བུ་ནུ་ནུ་ཕྱིར་སངས་སངས་ཐོན་པར་བསམ། མཐར་ལུས་ཕྱི་གསལ་ནང་གསལ་ཕྲུ་མ་བུས་པའམ། ཤེལ་གོང་དྲི་མ་མེད་པ་ལྟར་བསམས་ལ་མ་ཡེངས་པར་བཞག་གོ །དེ་ལྟར་ཡང་ཡང་སྐྱར་ཞིང་བསྒོམ་པར་བྱས་ཏེ། དེས་སྡིག་སྒྲིབ་བཀོར་སྐུ་བླུད་འགལ་འཁྲུལ་དམ་ཚིག་ཉམས་ཆག་ལ་སོགས་པ་ཐམས་ཅད་འདག་གསུང་།<br />གཉིས་པ་སྟོང་ར་ནད་གདོན་སེལ་བྱེད་ནི། ནད་ཚད་པ་ཤས་ཆེ་ན། བདུད་རྩི་ཁ་དོག་དཀར་ལ་རེག་བྱ་ཤིན་དུ་གསིལ་བར་བསམ།༼ག་པུར་གྱི་རྒྱུན་ལྟ་བུ་༽ དྲང་བ་ཤས་ཆེ་ན། བདུད་རྩི་ཁ་དོག་དམར་ལ་རེག་བྱ་ཤིན་དུ་ཚ་བར་བསམ། རླུང་ནད་ལ་བདུད་རྩི་ཞུན་མར་ལ་སོགས་པ་བཅུད་ཅན་གྱི་རྣམ་པར་བསྒོམ་གདོན་གནོད་པ་ལ་འབུ་སྲིན་ལ་སོགས་པ་སྲོག་ཆགས་ཀྱི་རིགས་མང་པོ་ཆུ་བོ་ཆེན་པོ་ཙམ་ཐོན་པར་བསམ་མོ། །དེ་ལྟར་འགྲོ་འཆག་ཉལ་འདུག་ཐམས་ཅད་དུ། སྡིག་སྒྲིབ་ནད་གདོན་གསུམ་ཆར་ལ་རྩེ་གཅིག་ཏུ་དམིགས་པ་ནི་སྟོང་རའི་དམིགས་པའོ། <br />།གསུམ་པ་རྟགས་གསུམ་སྟོང་རའི་ཁྱད་པར་ནི། ༼སྡིག་པ་དག་པའི་རྟགས་སོ་༽ནམ་མཁའ་ལ་འཕུར་བ་དང་། ཉི་ཞུར་ཟླ་ཞུར་ཤར་བ་དང་། ཁང་སྟེང་དང་། གངས་རྩེར་ཕྱིན་པ་དང་། ཆུའི་སྟེང་ནས་མི་བྱིང་བར་འགྲོ་བ་དང་། ངོ་ཚའི་རྟོགས་པ་མེད་པར་གཅེར་བུར་འགྲོ་བ་དང་། ཁྲུས་བྱས་པ་དང་། གོས་དཀར་པོ་དྲི་མ་མེད་པ་གྱོན་པ་ལ་སོགས་པ་ནི་སྡིག་པ་དག་པའི་བརྟགས་སོ། །ནད་འཁྲུ་སྐྱུག་དང་རྣག་ཁྲག་འཛག་པ་དང་། ལུས་ལ་རྔུལ་མང་པོ་འཐོན་པ་ལ་སོགས་པ་ནི་ནད་ཐོན་པའི་རྟགས་སོ། །གདོན་སྡོམ་སྡིག་དང་སྦལ་ལྗོང་ལ་སོགས་པ་སྲོག་ཆགས་ཀྱི་རིགས་གང་ཐོན་ཡང་གདོན་ཐོན་པའི་རྟགས་ཏེ། དེ་རྣམས་དངོས་སམ། རྨི་ལམ་ཅི་རིགས་སུ་འབྱུང་ངོ་།<br />།གཉིས་པ་དངོས་གཞི་ལ་ལྔ་ལས། <br />༼དང་པོ་༽ལུས་གནད་མེའི་སྟོང་ར་ནི། རྐང་པ་དཀྱིལ་དཀྲུངས་རྒལ་ཚིགས་དྲང་པོ། མགྲིན་པ་ཅུང་ཟད་དགུག །ལག་པ་གཉིས་ས་ནོན་བྱ། ངལ་སོ་བའི་སྐབས་སུ། རྐང་པ་བརྣོལ་ནས་ཅོག་པུ་ལ་ལག་པ་གཉིས་པུས་འཁྱུད་བྱས་ཀྱང་འགལ་བ་མེད་གསུང་། དེ་ནས་སེམས་སྐྱེད་སྔོན་དུ་སོང་བས། རང་རྗེ་བཙུན་མ་རྡོ་རྗེ་རྣལ་འབྱོར་མ་། སྐུ་མདོག་དམར་མོ་ཞལ་གཅིག་ཕྱག་གཉིས་ཀྱི་གཡས་གྲི་ཁུག་གཡོན་ཐོད་པ་གྲུ་མོ་ན་ཁ་ཊཾ་ཀ་བསྣམས་པ་རུས་པ་དང་མི་མགོས་བརྒྱན་པར་བསམས་པའི་སྤྱི་བོར། བླ་མ་སྔར་བཞིན་བསྒོམས་ལ། བླ་མ་རིན་པོ་ཆེ་བདག་ལ་བདེ་དྲོད་ཀྱི་ཏིང་ངེ་འཛིན་རྒྱུད་ལ་སྐྱེ་བར་མཛད་དུ་གསོལ། བདེ་སྟོང་གི་ཏིང་ངེ་འཛིན་རྒྱུད་ལ་སྐྱེ་བར་མཛད་དུ་གསོལ། ཅེས་གསོལ་བ་གདབ། དེ་ནས་རླུང་རོ་ཕྱིར་བུས་པ་ལ་༼ཁམས་འདུས་ལ་སོགས་གེགས་མི་འབྱུང་ལ།༽རང་གི་ལུས་རྗེ་བཙུན་མའི་རྣམ་པ་ལ། ནང་མེ་མ་མུར་གྱི་འོབས་ལྟ་བུ་ཁ་དོག་དམར་ལ་རེག་བྱ་ཤིན་དུ་ཚ་བ། རྫ་མ་བསྲེགས་པ་འདྲ་བ་སྟོང་སང་ངེ་བའི་ཁོག་པའི་ནང་ལྟེ་བའི་ཐད་ཀའི་ཕྱོགས་བཞིར་མེ་ངང་པའི་སྒོང་ང་ཙམ་བཞི་འབར་ལ་ཁད་པ་ལ་རྩེ་གཅིག་ཏུ་སེམས་གཏད་ལ་སྟེང་འོག་གི་རླུང་བཟུང་ངོ་།<br />།གཉིས་པ་གཏུམ་མོ་ཟས་སུ་ཟ་བ་ནི། སྔོན་འགྲོ་གོང་བཞིན་བྱས་ལ། རྐང་ལག་བསྣོལ་ལ་ཅོག་པུར་བྱས་པའི་མཐེ་བོང་གཉིས་ལག་པས་བཟུང་ལ་རྒལ་ཚིགས་བསྲང་། མགྲིན་པ་བཅུང་ཟད་དགུག་ལ་རླུང་རོ་ཕྱི་བསལ། དེ་ནས་རང་རྗེ་བཙུན་མར་བསྒོམས་པའི་རྩ་གསུམ་གསལ་གདབ། གསང་གནས་སུ་ཡཾ་ལས་རླུང་གི་དཀྱིལ་འཁོར་གཞུའི་དབྱིབས་ལྟ་བུའི་སྟེང་དུ། རྩ་གསུམ་འཛོམ་པར། རཾ་དམར་པོ་གླ་རིལ་ཙམ་གཅིག་བསམས་ལ་རླུང་གཉིས་ཁ་སྦྱར་བས་ཡཾ་ལས་རླུང་གཡོས། རཾ་ལས་མེ་ཁ་དོག་དམར་ལ་རེག་བྱ་ཤིན་དུ་ཚ་བ་འགར་གྱི་སོ་མལ་ལྟར་མེ་སྟག་འཕྲོ་བཞིན་པ། དབྱིབས་ནས་སམ། གཟུངས་མོ་བྱི་དུར་ལྟར། མགོ་འཇུག་ཕྲ་བའི་རྩེ་མོས་མགྲིན་པར་བསླེབ་པ། དབུ་མ་ཡངས་པར་བསམས་པའི་ནང་ན་ཡར་འུར་སྒྲ་དང་བཅས་པར་འབར་ནས། ཁོང་པ་ཞེངས་པར་བསམས་པ་ལ། ལུས་ཀྱི་ལས་སུ་བཀྲུག་འཁོར་བྱ། ངག་གི་ལས་སུ་རླུང་བཟུང་། མི་ཐུབ་ཙ་ན་ཤ་ཕྲག་ན་མར་དལ་བུས་གཏང་བས་དྲོད་མྱུར། སེམས་ཀྱི་ལས་སུ་མེ་འབར་བཞིན་པའི་རཾ་དང་མེའི་འཚམས་སུ་སེམས་རྩེ་གཅིག་ཏུ་གཏད་དོ། <br />།གསུམ་པ་གོས་སུ་གྱོན་པ་ནི། བདེ་བའི་མལ་དུ་ལུས་བྲང་སྦྱར་ལ་ཉལ། ལྐོག་མ་བུས་མོ་ལ་དགལ། ལག་པ་བསྣོལ་ལ་ལག་༼མཐལ་བཞི་དྲོད་པ་ན་༽འཐིལ་གཉིས་ཆན་འོག་ཏུ་དགབ། མེའི་དམིགས་པ་སྔར་བཞིན་བྱས་ལ་སྟེང་འོག་གི་རླུང་གཟུང་ངོ་། <br />།བཞི་པ་སྟན་དུ་གདིང་བ་ནི། རྐང་པ་བརྟེན་པ་ལ་གཏད་གང་རུང་གཅིག་གི་སྒྱུ་མོ་༼དྲོད་༽ཁུང་གིས་གཅིག་ཤོས་ཀྱིས་བོལ་གོང་༼དྲོད་༽མནན། གཞོགས་གང་རུང་འོག་ཏུ་བཅུག་ལ་ཁྱི་ཉལ་དགོར་མོར་ཉལ། རླུང་དང་དམིགས་པ་གོང་བཞིན་ནོ། <br />།ལྔ་པ་སྲིད་པའི་དབང་ཞུ་བ་ནི། སྤྱི་བོར་བླ་མ་སྔར་བཞིན་བསྒོམས་ནས་དེའི་ཐུགས་ཁ་ནས་འོད་ཟེར་འཕྲོས་ནས་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱི་བདུད་རྩིའི་འོད་ཟེར་གྱི་རྣམ་པར་བསྡུས། བླ་མའི་ཐུགས་ཁར་བསྟིམས་ལ། ལུས་ལོངས་སྤྱོད་ཐམས་ཅད་མཆོད་པར་ཕུལ་ལ། བླ་མ་རིན་པོ་ཆེ་བདག་ལ་དབང་བཞི་རྫོགས་སུ་སྐུར་དུ་གསོལ། ཅེས་གསོལ་བཏབ་པས། བླ་མའི་སྐུ་ལ་འོད་ཟེར་དཀར་པོ་དཔག་ཏུ་མེད་པ་བྱུང་ནས། སྤྱི་བོ། མགྲིན་པ། སྙིང་ཁ། ལྟེ་བ་། རྐང་འཐིལ་ཡན་ཆད་གང་བས་རིམ་པ་ལྟར་དབང་བཞི་ཐོབ་པས་ལུས་ངག་ཡིད། དེ་གསུམ་ཐ་དད་དུ་འཛིན་པའི་དྲི་མ་བཞི་བག་ཆགས་དང་བཅས་པ་དག་ནས། སྐུ་བཞི་མངོན་དུ་བྱས་པར་བསམ་མོ། །དེས་སྡིག་སྒྲིབ་དམ་ཚིག་ཉམས་ཆག་ཐམས་ཅད་དག་ནས། གགས་མི་འབྱུང་ཏིང་ངེ་འཛིན་མ་སྐྱེས་པ་སྐྱེ། སྐྱེས་པ་གོང་ནས་གོང་དུ་འཕེལ་བར་འགྱུར་རོ། <br />།གསུམ་པ་རྗེས་ལ་གཉིས་ལས། <br />དང་པོ་གགས་རང་གྲོལ་ནི། ཐབས་ལམ་བསྒོམ་པའི་ཚེ། སྙིང་མི་དགའ་བ་དང་། ཤེས་པ་འཕྱོ་བ་དང་། རོ་སྟོད་མདུན་བརྒྱབ་དུ་གཟེར་བ་ལ་སོགས་པ་བསྟོད་གགས་བྱུང་ན། གང་ན་སར་རིན་པོ་ཆེ་འབར་བ་ལྟ་བུའི་བུ་ག་དང་། ལུས་ཐམས་ཅད་ན་བ་ལ་བུ་ཁ་ཁྲོགས་ཚགས་ཀྱི་མིག་ལྟ་བུ་བསྒོམས་པའི་ནང་ནས་ནད་གདོན་ཐམས་ཅད་དུད་པ་འཕྱུར་བ་ལྟར། སྔོན་དམར་སྣ་ཚོགས་བུན་བུན་འཐོན་པར་བསམས་ལ། རླུང་དྲག་དུ་བུད་པའམ། ཧས་དྲག་པོ་གདབ་པར་བྱའོ། ༼དང་ལག་པ་གཉིས་ཡུག་པ་དང་དུས་ལ།༽ སྨད་ཀྱི་ཀུན་དྷའི་གགས་ནི་འཁྲུལ་༼དབབ་བཟུང་བཟློག་བགྲམ་པའོ་༽འཁོར་རམ་དམིགས་པས་གསལ་གསུང་ངོ་། <br />།གཉིས་པ་རླུང་རྟར་ཞོན་པའི་མན་ངག་ནི། འགྲོ་བའི་ཚེ་ལག་པ་གཉིས། ཁུ་ཚུར་བཅངས་ལ་མཆན་འོག་གཉིས་སུ་བཞག །དེ་གཉིས་སུ་རླུང་༼ཡང་ན་རྐང་འོག་གཉིས་སུ་༽གི་ལྷ་མོ་སྔོན་མོ་བཤོག་པ་ཅན་རེ་བསྒོམས་ལ། དེ་གཉིས་ཀྱིས་ནམ་མཁའ་ལ་ཁྱེར་བར་བསམས་ལ། རླུང་༼ཁུག་པ་ཉེར་གཅིག་༽བཟུང་ནས་ཕྱིན་ན་རྟ་མཆོག་དང་མཉམ་པའི་འགྲོས་འབྱུང་ངོ་། <br /><br />༼།གཉིས་པ་ནད་པ་སྟན་ལ་བཞུགས་པ།༽ <br />།གཉིས་པ་སྒྱུ་ལུས་ལ་གསུམ་ལས། <br />དང་པོ་དབང་པོ་རབ་བླ་མ་དམ་པ་གྲོགས་སུ་རྟེན་པ་ནི། དེ་ལ་ཅིའི་ཕྱིར་གྲོགས་ཅེ་ན། འདུ་འབྲལ་མེད་པའི་དོན་གྱིས་ནི་གྲོགས། གོང་ནས་གོང་དུ་འཁྲིད་པས་ན་གྲོགས། ཡོན་ཏན་ཐམས་ཅད་བསྐྱེད་པར་བྱེད་པས་སམ། ཚེ་གཅིག་གམ་ལོ་ཟླ་ཙམ་གྱིས་སངས་རྒྱས་ཀྱི་ས་ལ་འགོད་པར་བྱེད་པས་ན་གྲོགས་ཡིན་གསུང་།<br />འདི་ལ་གཉིས་ཀྱི་དང་པོ་གསོལ་འདེབས་བླ་མའི་ལམ་འཁྱེར་ནི། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པར་བྱ། དེའི་དོན་དུ་ཐེག་པ་ཆེན་པོའི་ཆོས་བསྒྲུབ་སྙམ་དུ་བྱང་ཆུབ་དུ་སེམས་སྐྱེད། དེ་ནས་འཁོར་བ་ལ་སྐྱོ་ཤས་དྲག་པོ་བསྐྱེད་དེ། རྡོ་རྗེའི་ཚིག་རྐང་ལས། མི་རྟས་སྐྱོ་ཤས་ཉེས་དམིགས་སྔོན་འགྲོ་བས། །ཅེས་གསུངས་པས། དེ་ལ་སྔར་སྐྱེས་པ་ཐམས་ཅད་ཤི །ད་སྡོད་སྐྱེ་བ་ཐམས་ཅད་ཀྱང་འཆི། ད་ལྟ་ས་ཐོག་ཏུ་ཡོད་པ་ཐམས་ཅད་ཀྱང་མ་ཤི་ཚེ་ཐར་དུ་སྡོད་པ་གཅིག་ཀྱང་མེད། འཆི་བ་ཡིན་ཅིས་ཀྱང་ཅི་བྱེད། ཤི་ནས་མེད་པར་ཡང་མི་འགྱུར་ཏེ། རིགས་དྲུག་གང་དུ་སྐྱེས་ཀྱང་བསྐྱིད་མེད་ཨཾ་སྙམ་དུ་བསམས་ལ། དེ་ནས་རང་འཁོར་ལོ་བདེ་མཆོག་སྐུ་མདོག་སྔོན་པོ། ཞལ་གཅིག་ཕྱག་གཉིས་པ་གཡས་རྡོ་རྗེ། གཡོན་དྲིལ་བུ་འཛིན་པ། ཡུམ་རྡོ་རྗེ་ཕག་མོ་སྐུ་མདོག་དམར་མོ་གཡས་གྲི་ཁུག །གཡོན་ཐོད་པ་འཛིན་པ་དང་གཉིས་སུ་མེད་པ། གཉིས་ཀ་ལའང་རུས་པ་དང་མི་མགོས་བརྒྱན་པར་བསྒོམ་པའི་སྤྱི་བོར། པད་ཉིའི་གདན་ལ། རྩ་བའི་བླ་མ་ཞལ་མཛུམ་མདངས་དང་ལྡན་པ། མཚན་དང་དཔེ་བྱད་ཀྱིས་བརྒྱན་པ། འོད་དང་འོད་ཟེར་གྱི་རང་བཞིན་ཅན། ཉི་མ་འབུམ་གྱི་གཟི་བརྗིད་དང་ལྡན་པ། མཚན་ཐོས་པ་ཙམ་གྱིས་ཕྱིར་མི་ལྡོག་པའི་ས་ཐོབ་ན། གསོལ་བ་གཏབ་ན་བྱིན་བརླབས་འབྱུང་བ་སྨོས་མི་དགོས་པ་གཅིག་ཏུ་བསམ། དེའི་ཐུགས་ཁ་ནས་འོད་ཟེར་འཕྲོས་པས། རྩ་བ་དང་རྒྱུད་པའི་བླ་མ་སངས་རྒྱས་བྱང་ཆུབ་སེམས་དཔའ། ཡི་དམ་ལྷ་ཚོགས་མཁའ་འགྲོ་ཆོས་སྐྱོང་གཞན་ཡང་རང་གི་ཆོས་འབྲེལ་ཡོད་ཚད་རྣམས་སྤྱན་དྲངས་ནས་བླ་མ་ལ་སྟིམ་ནས། མདུན་དུ་རང་ལ་གནོད་བྱེད་ཀྱིས་༼གདོན་ནམ་གཞི་དག་གིས་༽གཙོ་བྱས་པའི་ནམ་མཁའ་དང་མཉམ་པའི་སེམས་ཅན་ཐམས་ཅད། ལུས་གུས་པས་༼མ་མཁའ་མཉམ་པའི་༽ཐལ་མོ་སྦྱར། ངག་གུས་པས་གསོལ་བ་འདེབས། ཡིད་གུས་པས་མོས་གུས་རྒྱུན་ཆད་མེད་པར་བསམས་ནས། རང་གི་གསོལ་བ་བཏབ་པ་དང་། སེམས་ཅན་ཐམས་ཅད་ཀྱང་ཁུ་དི་རི་རི་གསོལ་བ་འདེབས་པར་བསམས་ལ། བླ་མ་རིན་པོ་ཆེ་སེམས་ཅན་ཐམས་ཅད་ཀྱི་དོན་དུ་བདག་འཛིན་བློས་ཐོངས་པར་མཛད་དུ་གསོལ། དགོས་མེད་རྒྱུད་ལ། ༼སྐྱེ་བར་མཛད་དུ་གསོལ།༽ སྒྱུ་ལུས་རྨི་ལམ་འབྱོངས་པར། འོད་གསལ་ཕྱག་རྒྱ་ཆེན་པོ་རྟོགས་པར་མཛད་༼ད་ལྟ་མྱུར་བ་འདུག་ས་འདི་ཉིད་དུ་༽དུ་གསོལ། ཅེས་མོས་གུས་རྒྱུན་ཆད་མེད་པར་རྩེ་གཅིག་ཏུ་གསོལ་བ་དྲག་ཏུ་གདབ་སོ། <br />ཡེ་ཤེས་མངོན་འབྱུང་ལས། ས་དང་ལམ་གྱི་རིམ་པ་རྣམས། །བླ་མའི་མོས་གུས་ལོ་ཟླས་བསྒྲོད། །བླ་མའི་སྣང་བ་མ་བྲལ་ན། །སངས་རྒྱས་རྣམས་དང་འབྲལ་མེད་གནས། །ཅེས་པ་དང་།<br />[[Niguma|ཡེ་ཤེས་མཁའ་འགྲོ་ནི་གུ་མ]]འི་ཞལ་ནས། ལམ་ལྔ་ས་བཅུའི་རིམ་པ་རྣམས། །མོས་གུས་སྟོབས་ཀྱིས་བསྒྲོད་པར་བྱེད། །བླ་མའི་སྣང་བ་མི་འབྲལ་ན། །རྒྱུད་སྡེའི་དགོངས་པ་གནད་ཀྱི་མཆོག །ཅེས་གསུངས། <br />[[Virupa|སློབ་དཔོན་བྷིར་ཝ་པ]]འི་ཞལ་ནས་ཀྱང་། ལམ་ཟབ་བླ་མ་ཅེས་གསུངས་པས། དབང་པོ་རབ་ལམ་གཞན་ལ་ལྟོས་མི་དགོས་པར། བླ་མའི་མོས་གུས་ཉིད་ཀྱིས་གྲོལ་བར་གསུངས་སོ། །གཞན་ཡང་ལྷ་སྐུ་སྐལ་པ་སྟོང་དུ་བསྒོམས་པ་བས། བླ་མ་དྲན་པ་བསོད་ནམས་ཆེ་ཞིང་། སངས་རྒྱས་སྟོང་གི་ཡོན་ཏན་འཛིན་པར་འགྱུར་བ་ལ་སོགས་པ། མདོའི་རྒྱུད་མན་ངག་༼ཐམས་ཅད་ནས་༽ཕན་ཡོན་དཔག་ཏུ་མེད་པ་གསུངས་པས། ལུང་གི་བརྒྱན་ཅིང་ཡིད་ཆེས་པར་བྱའོ། <br />།གཉིས་པ་ཅིར་སྣང་བདེན་མེད་ལམ་ཁྱེར་ནི། གོང་ལྟར་གསོལ་བ་བཏབ་པས། སྣང་བ་བདེན་མེད་དུ་ཕྱམ་སོང་བ་དང་། སྣང་ཞིང་སྲིད་པས་བསྡུས་པའི་ཆོས་དག་གཞན་སྣོད་བཅུད་སྣ་ཚོགས་སུ་སྣང་བ་འདི་ཐམས་ཅད། རང་གི་བློས་བཀོད་བློས་བྱས་པའི་བག་ཆགས་ཀྱི་སེམས་ཉིད་ཕྱི་རོལ་གྱི་རྣམ་པར་ཤར་བ་ཡིན་གྱི་སེམས། སེམས་ལས་ཐ་དད་དུ་ཕྱི་རོལ་ན་དོན་ལོགས་སུ་བདེན་པར་གྲུབ་པ་ཅིག་ཀྱང་མི་འདུག་པས་སེམས་ཉིད་སྣ་ཚོགས་སུ་སྣང་གིན་འདུག་ཀྱང་ངེས་པར་བདེན་མེད་གཅིག་ཡིན་ཨཾ་སྙམ་དུ་སྒོམ། གཤིས་བདེན་མེད་གཅིག་ཡིན་པ་ལ། དེ་ལྟར་མ་རྟོགས་པས་འཁོར་བར་འཁྱམ་པར་འདུག་སྙམ་དུ་བསམ། དེ་ལྟར་རྩེ་གཅིག་ཏུ་བསྒོམ་པ་དེ་མཉམ་བཞག་གོ །རྗེས་སྤྱོད་ལམ་རྣམ་བཞི་ལ་སོགས་པ་ཐམས་ཅད་ཀྱི་དུས་སུའང་། འཆི་བ་མི་རྟག་པ་དྲན་པ་དང་། བླ་མའི་མོས་གུས་དུངས་དུངས་པ་དང་། ཅིར་སྣང་ཐམས་ཅད་ལ་ངེས་པར་བདེན་མེད་ཡིན་སྙམ་པའི་མདུན་པ་དྲག་པོ་དང་། གསུམ་མ་ཡེངས་པར་རྩེ་གཅིག་ཏུ་༼འགྲོ་འཆག་ཉལ་འདུག་༽ཉམས་སུ་བླངས་པས། ༼གསོལ་འདེབས་ཡན་ཆད་གོང་བཞིན་བྱས་ནས་གཉིད་ལོག་པས་༽གཉིད་དུ་སོང་བའི་ཚེ་གཡང་ཆེན་པོ་ལ་ཤོར་བའམ། མིའམ་ཁྱིས་དེད་པ་ལ་སོགས་པའི་རྨི་ལམ་མི་འཚམས་པ་གཅིག་རྨིས། དེ་རྨི་ལམ་དུ་ཤེས། རྨི་ལམ་བདེན་མེད་སྒྱུ་མར་ཤེས། སྒྱུ་མ་སྒྱུ་འཛིན་ཐམས་ཅད་དང་བྲལ་ནས་འོད་གསལ་ཕྱག་རྒྱ་ཆེན་པོ་ཇི་ལྟ་བ་བཞིན་མངོན་དུ་གྱུར་པ་དེ་ལ། དབང་པོ་རབ་བླ་མ་དམ་པ་གྲོགས་སུ་བསྟེན་པས། ལམ་ལྔ་ས་བཅུ་བསྒྲོད་པ་བྱ་བ་ཡིན་གསུང་ངོ་། །དེས་ལམ་མ་སྒྲོད་ན། བླ་མ་ལ་ཆོས་སྐུའི་འདུ་ཤེས་མ་སྐྱེས། མོས་གུས་ཀྱི་རྩོལ་བ་ཞན་པའི་སྟོབས་ཀྱིས་དབང་པོ་འབྲིང་དུ་སོང་པ་ཡིན་ནོ། <br />།དེ་ལ་༼གཉིས་པ།༽དབང་པོ་འབྲིང་ཚིག་གཞན་གྱིས་བར་མ་ཆོད་པར་འཁྲིད་པ་ནི། ཅིའི་ཕྱིར་དེ་སྐད་ཅེས་བྱ་ཞེ་ན། ཐ་མལ་གྱི་ལོང་གཏམ་ལྟ་ཅི་སྨོས། མདོ་མདོན་སྔགས་བཟློས་པ་ལ་སོགས་པ་ཐམས་ཅད་ཀྱང་རེ་ཤིག་ལ་བཞག་ནས། ཡིད་ལ་ཡང་ཅིར་སྣང་ཐམས་ཅད་སྒྱུ་མ་རྨི་ལམ། ངག་ཏུ་ཡང་སྒྱུ་མ་རྨི་ལམ། ཞེས་རྟག་ཏུ་བརྗོད་པར་བྱ་སྟེ། <br />ཁྱེའུ་རབ་སྣང་གིས་ཞུས་པའི་མདོ་ལས། ཆོས་རྣམས་རྨི་ལམ་སྒྱུ་མ་ཞེས། །གང་གིས་ཚིག་བརྗོད་དྲན་གྱུར་ན། །སྲིད་པའི་འཆིང་བ་ལས་གྲོལ་ནས། །ཚེ་འདི་ཉིད་དུ་སངས་རྒྱས་ངེས། །ཅེས་གསུངས་སོ། <br />།འདི་ཉམས་སུ་ལེན་པ་ལ་གཉིས་ལས། <br />དང་པོ་རང་ལུས་སྣང་སྟོང་ལྷ་སྐུ་ནི། མི་རྟག་འཁོར་བའི་སྐྱོ་ཤས་དྲག་པོ་དང་སེམས་སྐྱེད་བླ་མའི་རྣལ་འབྱོར་སྔར་བཞིན་བྱས་ལ་གསོལ་བ་དྲག་ཏུ་གཏབ་པས། སྣང་པ་བདེན་མེད་དུ་ཕྱམ་སོང་པ་དང་། རང་འཁོར་ལོ་བདེ་མཆོག་སྣང་པ་གཟུགས་སུ་གྲུབ་ལ་རེག་བྱ་གཟུགས་སུ་མ་གྲུབ་པ། ཆུ་ཟླའམ། མེ་ལོང་གི་གཟུགས་རྙན་ལྟར་སྣང་ལ་རང་བཞིན་མེད་པར་བསྒོམས་པའི་སྐུ་མདོག་ཕྱག་མཚན་རྒྱན་ཆ་ལུགས་རྣམ་པ་བཞུགས་ཚུལ་ལ་སོགས་པ་འདི་རྣམས། རང་གི་བློས་བཀོད་ནས་བྱས་པ་མ་གཏོགས་པ། སེམས་ལས་དོན་ལོགས་སུ་གྲུབ་པ་ཅིག་ཀྱང་མི་འདུག །སེམས་ཉིད་ཀྱང་འདི་ལྟ་བུར་སྣང་ནི་སྣང་། བདེན་ནི་མི་བདེན། སྒྱུ་མ་ཡིན་རྨི་ལམ་ཡིན་སྙམ་དུ་རྩེ་གཅིག་ཏུ་བསྒོམ། ངག་དུ་ཡང་བརྗོད་དོ།<br />།གཉིས་པ་ཅིར་སྣང་སྒྱུ་མའི་ལམ་ཁྱེར་ནི། རང་ལུས་ལྷ་སྐུ་དེ་ལྟར་ཡིན་པ་དེ་བཞིན་དུ། ཕྱི་སྣོད་ཀྱི་འཇིག་རྟེན་ཁང་ཁྱིམ་ས་རྡོ་རི་བྲག་རྩི་ཤིང་ནགས་ཚལ་ལ་སོགས་པ་དང་། ནང་བཅུད་ཀྱི་སེམས་ཅན། སྐྱེས་པ་བུད་མེད་དགྲ་གཉེན་རྟ་གླང་ལ་སོགས་པ་བདག་གཞན་སྣོད་བཅུད་སྣང་སྲིད་འཁོར་འདས་ཀྱིས་བསྡུས་པའི་ཆོས། སྣ་ཚོགས་འདི་རྣམས་ཐམས་ཅད། རང་གི་བློས་བཀོད། བློས་བྱས་པའི་སེམས་ཉིད་དེ་ལྟར་དུ་ཤར་བ་མ་གཏོགས་པ། སེམས་ལས་ཐ་དད་དུ་ཕྱི་རོལ་ན་དོན་ལོགས་སུ་བདེན་པར་སྒྲུབ་པ་གཅིག་ཀྱང་མི་འདུག །སེམས་ཉིད་སྣ་ཚོགས་སུ་གནང་བ་ནི་སྣང་། བདེན་ནི་མི་བདེན་འདི་ཀ་རྨི་ལམ་ཡིན། སྒྱུ་མ་ཡིན་སྙམ་དུ་རྩེ་གཅིག་ཏུ་ཉམས་སུ་བླང་ངོ་། །དེ་ཡང་སྣང་པ་ཐམས་ཅད་རང་གི་སེམས་ཀྱི་རང་སྣང་ཡིན་ཏེ། <br />རྡོ་རྗེའི་གུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །ཅེས་དང་། <br />ཕལ་པོ་ཆེ་ལས། ཀྱེ་རྒྱལ་བའི་སྲས་དག ཁམས་གསུམ་པོ་འདི་དག་ནི་སེམས་ཙམ་མོ། །ཅེས་པ་དང་། <br />ལང་ཀར་གཤེགས་པ་ལས། བག་ཆགས་ཀྱིས་ནི་བཀྲུགས་པའི་སེམས། །དོན་དུ་སྣང་བ་རབ་ཏུ་འབྱུང་། །དོན་ཡོད་མ་ཡིན་སེམས་ཉིད་དེ། །ཕྱི་རོལ་དོན་མཐོང་ལོག་པ་ཡིན། །ཅེས་པ་ལ་སོགས་པའི་ལུང་དང་། སྔོན་འབྱུང་གི་གཏམ་རྒྱུད་ངོ་མཚར་བས་བརྒྱན་ཏེ་ངེས་ཤེས་བསྐྱེད་པར་བྱའོ། <br />།རྗེས་འགྲོ་བ། འཆག་པ། ཉལ་བ། འདུག་པ། ཟས་ཟ་བ་གོས་གྱོན་པ། གཏམ་སྨྲ་བ་ལ་སོགས་པ། སྤྱོད་ལམ། ཐམས་ཅད་དུ། ང་དོ་ནུབ་འཆིའམ། ནང་པར་མཆི་ནམ་མཆི་ཆ་མེད་ཅིས་ཀྱང་ཅི་བྱེད་སྙམ་པ་དང་། བླ་མའི་སྣང་བ་དང་མི་འབྲལ་བར། མོས་གུས་རྒྱུན་ཆད་མེད་པ་དང་། ཅིར་སྣང་ཐམས་ཅད་སྒྱུ་མ་རྨི་ལམ་དུ་སྔར་བཞིན་དགྱེར་བར་བྱ། ཁྱད་པར་དུ་ཕན་སྣོད་དང་། གཏམ་སྙན་མི་སྙན་ལ་སོགས་པ་བདེ་སྡུག་ཆགས་སྡང་གི་ཡུལ་དང་ཕྲད་པའི་ཚེ། འདི་ཀ་རྨི་ལམ་གྱི་བདེ་སྡུག་ལ་སོགས་པ་ཡིན་པར་འདུག་སྙམ་དུ་བསམ། མདོར་ན། ངག་ཏུ་ཡང་སྒྱུ་མ་རྨི་ལམ་སེམས་ཀྱིས་ཀྱང་སྒྱུ་མ་རྨི་ལམ་གྱིས་རྩིས་ཟིན་པར་བྱས་པ་དང་། ཅི་བྱས་ཐམས་ཅད་དགེ་སྦྱོར་དུ་འགྲོ་གསུང་ངོ་། <br />།ཡེ་ཤེས་མཁའ་འགྲོ་མ་ནི་གུ་མའི་ཞལ་ནས། ཅིར་སྣང་བསྒོམ་དུ་མ་ཤེས་ན། །གཉེན་པོ་རྟེན་གྱིས་ག་ལ་ལང་། །ཡུལ་ངན་ཡོང་གི་ག་ལ་སྤོངས། །སྒྱུ་མར་རྟོགས་པས་རང་སར་གྲོལ། །ཅེས་གསུངས། <br />ཡེ་ཤེས་རྒྱ་མཚོ་ལས། རང་ལུས་སྒྱུ་མའི་རྣམ་པར་རབ་ཤེས་པས། །འགྲོ་ཀུན་སྐྱེས་པ་བུད་མེད་སྣ་ཚོགས་པ། །ཐམས་ཅད་གཟུགས་ནི་སྒྱུ་མའི་རྣམ་པ་ལས། །མཁས་པ་སུ་དག་དེ་ལས་གཞན་དུ་བརྗོད། །ཅེས་གསུངས་པས། <br />སྣང་པ་ཐམས་ཅད་རང་གི་སེམས། སེམས་ལྷ་སྐུ། ལྷ་སྐུ་བདེན་མེད་སྒྱུ་མ་ལྟ་བུ་སྟེ། དེ་ལྟར་མཉམ་རྗེས་སྤྱོད་ལམ་ཐམས་ཅད་དུ། ཆགས་སྡང་གི་ཡུལ་ལ་སོགས་པ་ཅིར་སྣང་ཐམས་ཅད་ལ་གཉེན་པོ་རྟེན་ཅིང་བསྒོམས་པས་ནུབ་མོ་རྨི་ལམ་ཟིན་དེ་བདེན་མེད་སྒྱུ་མར་ཤེས། སྒྱུ་མ་སྒྱུ་འཛིན་ཙམ་དང་བྲལ་ནས། འོད་གསལ་ཕྱག་རྒྱ་ཆེན་པོ་ཇི་ལྟ་བ་བཞིན་དུ་མངོན་དུ་གྱུར་པ་དེ་ལ་དབང་པོ་འབྲིང་ཚིག་གཞན་གྱིས་བར་མ་ཆོད་པར་ཁྲིད་པས་ལམ་ལྔ་ས་བཅུ་བགྲོད་པ་ཡིན་གསུང་ངོ་། །དེ་ལྟར་ཉམས་སུ་ལེན་པ་ན། ཚེ་འདི་བློས་མ་ཐོངས་ན་ཅི་བྱས་ཚེ་འདི་འབའ་ཞིག་གི་བྱ་བར་འགྲོ་བས། ཚེ་འདི་བློས་གཏང་པའི་ཚུལ། ཇོ་བོ་ཆེན་པོ་རྗེ། [[Rinchen Zangpo|ལོ་ཙཱ་བ་རིན་ཆེན་བཟང་པོ]]། [[Kharak Gomchung|ཁ་རག་བསྒོམ་པ]]། [[Shang Rinpoché|ཞང་རིན་པོ་ཆེ]]། [[Neljor Chöjung|རྣལ་འབྱོར་ཆོས་དབང་ཕྱུག་]]ལ་སོགས་པའི་ལོ་རྒྱུས་དང་། ཉམས་ལེན་གྱི་སྐབས་སུ་ཉེ་བར་མཁོ་བའི་མདོའ་བརྒྱུད་ལ་སོགས་པའི་ལུང་སྦྱོར་སྣ་ཚོགས་དང་། བླ་མ་གོང་མའི་གསུང་སྒྲོས་དང་། སྔོན་བྱུང་གི་གཏམ་རྒྱུད་ཁྱད་པར་ཅན་རྣམས་ཅི་རིགས་སུ་གསུངས་པ་ནི། འདིར་ཡི་གེ་མངས་ཀྱིས་དགོས་ནས་མ་བྲིས་པས་གཞན་དུ་ཤེས་པར་བྱའོ། །དབང་པོ་རབ་འབྲིང་གཉིས་ལ་དགེ་སྦྱོར་མ་སྐྱེས་ན། བླ་མ་ལ་ཆོས་སྐུའི་འདུ་ཤེས་མ་སྐྱེས་པ་དང་། མོས་གུས་དང་འདུན་པ་ཞན་པའི་སྟོབས་ཀྱིས་དབང་པོ་ཐ་མར་སོང་པ་ཡིན་ནོ། <br />།དེ་ལ་གསུམ་པ། དབང་༼མི་གསུམ་གྱི་ལས་ཀྱིས་སླད་པ་དེ་ལ་བྱ་བ་དཀའ་ཤོས་བབས་དང་ལྟ་གསུང་༽པོ་ཐ་མ་མལ་ཅིག་ཏུ་ཏིང་ངེ་འཛིན་རྒྱུད་ལ་སྐྱེས་པ་ནི། ཅིའི་ཕྱིར་དེ་སྐད་བྱ་ཞེ་ན། མལ་གྱི་དྲོད་མ་ཡལ་བར་ཉིན་མཚན་ཐམས་ཅད་དུ་མ་ཡེངས་པར་རྩེ་གཅིག་ཏུ་བསྒོམ་དགོས་པས་སོ། །དེ་ལ་སད་བཞིས་མ་ཁྱེར་བ་བྱ་སྟེ། འགྲོ་འདུག་མང་པོ་དགེ་སྦྱོར་གྱིས་སད། འཕོ་བསྐྱས་མང་པོ་དགེ་སྦྱོར་གྱི་སད། བློ་སྣ་མང་པོ། ལོག་ལྟ་མང་པོ་དགེ་སྦྱོར་གྱི་སད་ཡིན་པས། དེ་རྣམས་སྤངས་ལ་ཉམས་སུ་བླང་གསུང་། འདི་ལ་བཞིའི་སྔོན་འགྲོ་གཞན་སྔར་བཞིན་བསྒོམས་ལ། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། སྒྱུ་ལུས་རྨི་ལམ་འབྱོངས་པར་མཛད་དུ་གསོལ། ཅེས་གསོལ་བ་བཏབ་ནས། <br />དང་པོ་འགྲོ་དྲུག་སྒྱུ་མར་འཆར་བྱེད་ནི། རྐང་པ་རྣོལ་ལ་རྩོག་པུར་བྱ། ལག་པ་སྣོལ་ལ་པུས་མོ་ལ་མཁྱུད། རང་ཡི་དམ་དུ་བསྒོམས་པའི་ལྟེ་འོག་ཏུ་ཆོས་འབྱུང་ཕྱི་དཀར་ལ་ནང་དམར་བའི་ནང་དུ། དམྱལ་བ་ཚ་གྲང་ཅན་ལ་སོགས་པའི་འགྲོ་དྲུག་གི་སེམས་ཅན་ཐམས་ཅད་འོད་དུ་ལྟེམ་ལྟེམ་བསམ་ལ་དེ་ལ་རྩེ་གཅིག་ཏུ་སེམས་གཏད་པས། སྟེང་རླུང་ཤུགས་ཀྱིས་ཟིན། འོག་རླུང་དྲག་ཏུ་བསྐུམས་ལ། བདག་གིས་གཙོ་བྱས་པའི་འགྲོ་དྲུག་སེམས་ཅན་འདི་རྣམས་མི་བདེན་པ་ལ་བདེན་པར་གཟུང་པས་འཁོར་བ་འབའ་ཞིག་ཏུ་འཁྱམས་པ་སྙིང་རེ་རྗེ་སྙམ་དུ་བསམ། འདི་རྣམས་ཐམས་ཅད་ཀྱང་སྣང་ནི་སྣང་བདེན་ནི་མི་བདེན། སྒྱུ་མ་རྨི་ལམ་ཡིན་ཨཾ་སྙམ་པའི་དྲན་འདུན་དྲག་པོ་དང་། བླ་མའི་མོས་གུས་གཉིས་གཅིག་ཏུ་ཉམས་སུ་བླང་ངོ་། །དེས་སྒྱུ་མ་རང་ཤར་མི་འབྱུང་མི་སྲིད་དོ། <br />།གཉིས་པ་ནད་གདོན་སྒྱུ་མའི་ལམ་ཁྱེར་ནི། ནད་ཀྱི་ངོ་བོ་བདེན་མེད་སྒྱུ་མར་བསྒོམ། ༼ཡང་ན་ནད་དང་། བླ་མ་དབྱེར་མེད་སྒྱུ་མར།༽ གདོན་གང་གནོད་པ་དེ་སྣ་བུག་གཡས་ནས་ལྟེ་འོག་ཆོས་འབྱུང་གི་ནང་དུ་བཅུག་ལ། ཆོས་འབྱུང་ཁ་བསྡུས་ལ་སྤྲུག་འཁོར་བྱ། གསོལ་བ་དྲག་ཏུ་བདབ། གདོན་བདེན་མེད་སྒྱུ་མར་བསྒོམས་ལ། གནོད་བྱེད་དེས་རིགས་དྲུག་གི་སྡུག་བསྔལ་ཉམས་སུ་མྱོང་ཞིང་དྲན་པས་འགྱོད་པ་དྲག་པོ་སྐྱེ་ཏེ། གནོད་སེམས་ཞི་ནས་༼སྣ་བུག་གཡོན་ནས་༽མདུན་དུ་འཐོན་པ་ལ་ལན་ཆགས་ཀྱི་གཏོར་མ་བྱིན་ལ་མི་དམིགས་པར་བྱའོ། <br />།གསུམ་པ་འཆར་བྱེད་ཡོན་ཏན་ཚོགས་དྲུག་ནི། ལྟེ་འོག་ཆོས་འབྱུང་གི་ནང་དུ་འགྲོ་དྲུག་སེམས་ཅན་རྣམས་བསྒོམས་ལ། འོག་རླུང་སྐུམས་ནས་མདུན་པ་རྩེ་གཅིག་ཏུ་བཏང་པ་དེ་ཉིད་ཀྱིས་བདེ་དྲོད། རྨི་ལམ་རང་ཟིན་སྦྱོང་སྤེལ། ཡུལ་སྣང་། སྒྱུ་མ་རང་ཤར། འགྲོ་དྲུག་གི་སྨིན་གྲོལ་དང་། ཡོན་ཏན་དྲུག་འཆར་རོ། །གཞན་ཡང་དྲོད་སྐྱེ་བ་དང་། ཐིག་ལེ་ཐུབ་པ་ལ་སོགས་པའི་ཡོན་ཏན་ཀྱང་འབྱུང་གསུང་ངོ་། <br />།བཞི་པ་ཞེན་མེད་སྒྱུ་མ་རང་ཤར་ནི། མཉམ་བཞག་སྔར་བཞིན་བྱས་ལ། རྗེས་སྤྱོད་ལམ་ཐམས་ཅད་སྒྱུ་མ་རྨི་ལམ་དུ་ཁྱེར་བས། ཅིར་སྣང་༼ཐམས་ཅད་བདེན་མེད་༽སྒྱུ་མ་རང་ཤར་ནས། གཡས་ནས་ཙན་དན་གྱི་དྲིས་མཆོད་པ་དང་། གཡོན་ནས་མི་བཙང་བ་འཐོར་བ་དང་། བསྟོད་པ་དང་། རྨོད་པ་ལ་སོགས་པ་ཐམས་ཅད་ལ་ཆགས་སྡང་དང་དགག་བསྒྲུབ་མེད་པར་སྒྱུ་ལུས་ཆགས་སྡང་རང་གྲོལ་དུ་འགྱུར་རོ། །ཚུལ་འདི་ཉིད་སྒྱུ་ལུས་དབང་པོ་རབ་འབྲིང་གི་སྐབས་སུའང་སྦྱར་ཏེ་ཤེས་པར་བྱའོ། <br />།གསུམ་པ་རྨི་ལམ་ལ་ཆོས་དྲུག་ལས།<br />དང་པོ་རྨི་ལམ་བཟུང་བ་ལ། སྔོན་འགྲོ་གཞན་སྔར་བཞིན་བསྒོམས་ལ། བདག་འཛིན་བློ་ཡིས་ཐོངས་པར། དགོས་མེད་རྒྱུད་ལ་སྐྱེ་བར། རྨི་ལམ་ཟིན་པར་མཛད་དུ་གསོལ། ཅེས་གསོལ་བ་གདབ། <br />འདི་ལ་གཉིས་ལས་དང་པོ་རང་ཟིན་ནི། ཐིག་ལེ་དབང་བཞིའི་གནད་ཀྱིས་བཟུང་བར་བྱས་ཏེ། རང་གི་སྤྱི་བོའི་ཧཾ་ལས་ཐིག་ལེ་དཀར་པོ་སྲན་མ་ཙམ་ཅིག་ཆད་སྙིང་ཁར་བྱུང་བས་གཏི་མུག་དག གསང་གནས་ཀྱི་ཧཱུྃ་ལས་༼སྨད་འོད་ཟེར་དམར་པོས་ཁེངས་༽ཐིག་ལེ་དམར་པོ་གཅིག་ཆད། ༼སྟོད་འོད་ཟེར་དཀར་པོས་ཁེངས།༽ སྙིང་ཁར་བྱུང་བས་འདོད་ཆགས་དག །ཞེ་སྡང་རང་དག་ཡིན་གསུང་། དེ་ནས་ཐིག་ལེ་གཉིས་པོ་སྙིང་ཁར་ཆོས་སྐོར་དུ་འགྲོས་འདེད་ཀྱི་ཚུལ་དུ་བསྐོར་འཁོར་བ་ལ་རྩེ་གཅིག་ཏུ་དམིགས་ལ། ང་གཉིད་དུ་སོང་འདུག །འདི་ཀ་རྨི་ལམ་ཡིན་སྒྱུ་མ་ཡིན་སྙམ་དུ་དྲན་འདུན་དྲག་པོ་བྱ། ཐིག་ལེ་འཁོར་བ་བུམ་དབང་། སྐབས་སུ་རེག་པས་གསང་དབང་། རེག་པས་བདེ་བ་སྐྱེས་པ་གསུམ་པ་གཅིག་ལ་གཅིག་ཐིམ་ནས་འོད་དུ་ཡལ་མི་དམིགས་པར་སོང་བར་བསམ་པ་བཞི་པའོ། <br />།གཉིད་དུ་འགྲོ་ཁར་ཐིག་ལེ་གཅིག་ལ་ཅིག་ཐིམ་ནས་མཐར་འོད་དུ་ཡལ་སོང་བའི་མི་རྟོག་པའི་ངང་ལས་རྨི་ལམ་བཟུང་ངོ་། །དེས་རྨི་ལམ་རང་ཟིན་འབྱུང་གསུང་ངོ་། །ཟིན་པའི་ཚུལ་ཐོག་མར་༼སད་འབྱམ་འབྱུང་༽གཉིད་ཐུམ་ཕྲས་མང་པོ་འབྱུང་། དེ་ནས་རྨི་ལམ་ལ་རྨི་ལམ་དུ་ཤེས་ཤིང་། དེའང་འཇམ་ཟིན་དང་། རྩུབ་ཟིན་གཉིས་གང་རུང་འབྱུང་། <br />བླ་མ་རྨོག་ཅོག་པའི་ཞལ་ནས། ཕྲས་སད་དུས་སུ་བསྲེ་བ་ཅེས། །ཤར་དང་སྣང་དང་དོན་བྱེད་དང་། །ཤེས་ནས་གྲོལ་བར་ཁྱད་པར་མེད། །ཅེས་གསུངས་པ་ལྟར་ཉམས་སུ་བླང་གསུང་ངོ་། <br />།གཉིས་པ་འཆུག་མེད་ནི། སྔར་གྱི་དེས་རང་ཟིན་མ་བྱུང་ན། ༼དཔེར་ན་སེམས་ཅན་གལ་འགེག་ལ་ལ་འཛིན་པ་དང་མཚུངས།༽ འཆུག་པ་མེད་པ་གལ་འགྱེག་གི་གནད་རྣམ་པ་དགུས་བཟུང་བར་བྱ་སྟེ། དུས་ཀྱི་གནད་གསུམ་ནི། རིག་པ་གསལ་བའི་དུས་ཡིན་པས། ཐོ་རངས་ནམ་ལངས། ཉི་ཤར་གྱི་རྩེ་མོའོ། <br />།ལུས་ཀྱི་གནད་གསུམ་ནི། གཉིད་ཆེ་ཆུང་གི་རིམ་པས་དཀྱིལ་དཀྲུངས། རྩོག་པུ་སེང་གེའི་ཉལ་སྟབས་སོ། <br />།དམིགས་པའི་གནད་གསུམ་ལས། རྟོག་མེད་ལ་འཛིན་པ་གཉིས་ཀྱི་དང་པོ། ལྷ་སྐུ་ལ་གཟུང་པ་ནི། རང་གི་སྟེང་རླུང་ཐིག་ལེ་དཀར་བ་དང་འགྲོགས། འོག་རླུང་ཐིག་ལེ་དམར་བ་དང་འགྲོགས། ལྟེ་བར་འཁོར་བ་ལ་རྨི་ལམ་རྒྱུ་མའི་དྲན་འདུན་རྩེ་གཅིག་ཏུ་བྱས་ལ་རླུང་གཉིས་ཁ་སྦྱར་རོ། །གཉིད་དུ་འགྲོ་ཁར་ཐིག་ལེ་དཀར་བ་སྣ་བུག་གཡས་ནས་འཐོན། དམར་བ་གཡོན་ནས་འཐོན་ནས་སྨིན་ཕྲག་ཏུ་འཁོར་བར་དམིགས་ལ་དྲན་འདུན་བཏང་། དེ་ནས་ཐིག་ལེ་དཀར་བ་བདེ་མཆོག་དཀར་པོར་གྱུར། དམར་བ་ཡུམ་དུ་གྱུར་པ་མདུན་དུ་དམིགས་ལ་དྲན་འདུན་བཏང་། མཐར་ཡུམ་ཡབ་ལ་ཐིམ། ཡབ་འོད་དུ་ཡལ་སོང་བའི་མི་རྟོག་པའི་ངང་ལ་རྨི་ལམ་བཟུང་ངོ་། །དེས་ཀྱང་མ་ཟིན་ན། <br />གཉིས་པ་བླ་མ་ལ་བཟུང་པ་ནི། རང་བདེ་མཆོག་ཏུ་བསྒོམས་པའི་ཐུགས་ཁར་བླ་མ། དེའི་ཐུགས་ཁར་ཧཱུྃ་དཀར་པོ་གཅིག་བསམས་ནས། ཧཱུྃ་གི་འོད་ཀྱིས་བླ་མ་གསལ་བླ་མའི་འོད་ཀྱིས་ཡི་དམ་གསལ་བ་ལ་དྲན་འདུན་རྩེ་གཅིག་ཏུ་བཏང་ངོ་། །གཉིད་དུ་འགྲོ་ཁར་ཡི་དམ་བླ་མ་ལ་ཐིམ། བླ་མ་ཧཱུྃ་ལ་ཐིམ། ཧཱུྃ་འོད་དུ་ཡལ་སོང་པའི་མི་རྟོག་ངང་ལ་རྨི་ལམ་བཟུང་ངོ་། <br />།ཡེ་ཤེས་རྒྱ་མཚོ་ལས། འགྲོ་བ་ཀུན་གྱི་མགྲིན་པར་སྐྱེ། །ཡི་གེ་ཨ་བཅས་གནས་པ་ཉིད། །ཅེས་སོ། <br />།གསུམ་པ་རྟོག་བཅས་ལམ་དུ་འཁྱེར་བ་ནི། རྨི་ལམ་ཟིན་པར་བྱེད་པའི་རྒྱུ་གཉིད་དང་རྨི་ལམ་གྱི་བར་གྱི་རྟོག་༼ཌ་ཀི་ཉེར་ལྔའི་ལུང་པར་སླེབ་པ་དང་འདྲ་གསུང་༽པ་ཡིན་པས། སྔར་གྱི་དམིགས་པ་ལ་སེམས་བཏད་ནས་དྲན་འདུན་དྲག་པོ་བཏང་པའི་མཐར་གཉིད་ལོག་པས། གཉིད་དུ་མ་སོང་བའི་མཐར་གཉིད་ལོག་པས། གཉིད་དུ་མ་སོང་པའི་སྣང་བ་འགགས། གཉིད་དང་རྨི་ལམ་རགས་པ་མ་ཤར་བའི་བར་དེར། མིའམ་ཕྱུགས་ལ་སོགས་པའི་རྟོག་པ་རིབ་རིབ་པ་བྱུང་བ་དེ། འདི་རྨི་ལམ་དུ་འདུག་སྙམ་དུ་ངོས་ཟིན་པར་བྱས་ལ། མིག་མི་འབྱེད་པར་འོག་རླུང་བསྐུམས། དེས་རྨི་ལམ་མི་ཟིན་མི་སྲིད་དོ་གསུང་། <br />།གཉིས་པ་སྦྱང་བ་ལ་བཞིའི་སྔོན་འགྲོ་གཞན་སྔར་དང་འདྲ་བ་ལས། འདིར་བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། སྒྱུ་ལུས་རྨི་ལམ་འབྱོངས་པར་མཛད་དུ་གསོལ། ཅེས་གསོལ་བ་གདབ། དེ་ནས་རང་གཉིད་དུ་སོང་འདུག །ལུས་འདི་རྨི་ལམ་གྱི་ལུས་སུ་འདུག །སྣང་པ་འདི་རྨི་ལམ་གྱི་སྣང་པར་འདུག །རྨི་ལམ་གྱི་ལུས་དང་སྣང་པ་ལ་ཇི་ལྟར། སྦྱང་སྦྱང་ཡིན་སྙམ་དུ་དྲན་འདུན་དྲག་པོ་བཏང་ནས། <br />དང་པོ་སེམས་ཀྱིས་ལུས་སྦྱང་བ་ནི། འོག་ན་འཚོའམ་གཡང་ས་ཆེན་པོའི་སྟེང་ན་རང་ལུས་འདུག་པའམ་འདུག་པར་བསམས་པས་འཇིགས་ཅིང་ཡ་ང་བ་བྱུང་པ་དང་། རྨི་ལམ་གྱི་གཡང་ལ་འཇིགས་ཅིང་ཡ་ང་རྒྱུ་ཅི་ཡོད་སྙམ་དུ་བསམས་ནས། རང་ལུས་བདེ་མཆོག་ཏུ་གསལ་བ་དེ་གཡང་ལ་ཆད་ཀྱིས་བསྐྱུར། འོག་ཏུ་སླེབ་པ་དང་ཡལ་གྱིས་སོང་བར་བསམས། ཡང་སྔར་ལྟར་ཡང་ཡང་དུ་བསྒོམ་པར་བྱའོ། <br />།གཉིས་ལུས་ཀྱི་སེམས་སྦྱང་བ་ནི། རང་གི་ལུས་ཀྱི་ཚིགས་ཐམས་ཅད་ལ་ཧཱུྃ་སྔོན་པོ་རེ་བསམ། དེ་རྣམས་འོད་དུ་ཞུ་ནས་ཁོང་པའི་ནང་དུ་སོང་བས་སྡིག་སྒྲིབ་ནད་གདོན་ཤ་རུས་ཐམས་ཅད་སྦྱངས་ནས། རང་ལུས་འོད་སྔོན་པོར་གྱུར། དེ་ཡི་དམ་གྱི་ལྷ་སྣང་ལ་རང་བཞིན་མེད་པར་བསྒོམས་ནས། འདི་ཐམས་ཅད་རང་གི་སེམས་ཀྱི་རང་སྣང་ཡིན། སེམས་བཟུང་འཛིན་བག་ཆགས་ཀྱིས་འཁྲུལ་སྣང་སྣ་ཚོགས་སུ་ཤར་བ་ཙམ་ཡིན་གྱི། གཤིས་ལ་བདེན་པར་གྲུབ་པ་གང་ཡང་མེད་སེམས་རིག་པ་ཙམ་པོ་རང་བཞིན་སྐྱེ་མེད་མཚིད་ཉིད་འགག་མེད། འདི་ཀ་ཟུང་འཇུག་བདེ་བ་ཆེན་པོའི་རང་བཞིན་ཡིན་སྙམ་དུ་ཐག་བཅད་ལ་ལྷ་སྐུ་ཕྱག་རྒྱ་ཆེན་པོ་གསལ་སྟོང་འཛིན་མེད་ཀྱི་ངང་ལ་བཞག་གོ <br />།གསུམ་པ་བདག་མེད་མས་སྦྱང་བ་ནི། རང་ཡི་དམ་དུ་གསལ་བའི་ནོར་བུ་ལ་ཧཱུྃ་སྔོན་པོ་བསམ། མདུན་དུ་བདག་མེད་མ་སྔོན་མོ་གྲི་གུག་དང་ཐོད་པ་ཅན་གྱི་གསང་གནས་སུ། ཨོཾ་ཨ་སྭཱ་ཧཱ། ཅེས་པ་སྔོན་པོ་བསམས་ནས་བཟླས་པ་བྱས་པས་སྔགས་ལ་འོད་ཟེར་སྔོན་པོ་བྱུང་ནས། ནོར་བུའི་ཧཱུྃ་ལ་ཕོག་པས་དེ་ཡང་འོད་དུ་ཞུ་བ་འདྲེས་ནས་གསང་གནས་ན་ཡར་སོང་བས་ལུས་བདེ་ཁྲིལ་བྱུང་ནས་སྡིག་སྒྲིབ་ལ་སོགས་པ་སྔར་ལྟར་སྦྱངས་པར་བསམས་ལ་དྲན་འདུན་བཏང་། ཡང་སྔགས་བཟླས་པས་འོད་བྱུང་ནས། བདག་མེད་མ་ལ་ཕོག་པས་འོད་དུ་ཞུ་ནས་གསང་གནས་ན་ཡར་སོང་བས་སྔར་ལྟར་སྦྱངས་པར་བསམ་ཞིང་མཐར་རང་ལུས་འོད་སྔོན་པོ་དེ་ཡང་སྔོ་ཡལ་གྱིས་སྟོང་སངས་སོང་ནས། ཕྱག་རྒྱ་ཆེན་པོ་གསལ་སྟོང་འཛིན་མེད་ཀྱི་ངང་ལ་བཞག་གོ །བདག་མེད་མས་སྦྱང་བ་ལྟར་ཡི་དམ་གྱི་ལྷ་གཞན་ལའང་སྦྱར་བར་བྱའོ།<br />།བཞི་པ་འདུན་པས་སྦྱང་བ་ནི། འབྱུང་བ་བཞི་དང་སེམས་ཅན་མིག་གིས་མཐོང་ཙམ་ནས་རི་དང་རྟ་གླང་ལ་སོགས་པ་ཕྲ་རགས་ཐམས་ཅད་ལ་རང་ལུས་ཕར་ཐལ་ཚུར་ཐལ་ལ་སོགས་པས་སྦྱོང་ངོ་། <br />།གསུམ་པ་སྤེལ་བ་གཉིས་ཀྱི། སྔོན་འགྲོ་སྔར་ལྟར་བྱས་ལ། ང་གཉིད་དུ་སོང་འདུག་འདི་རྨི་ལམ་དུ་འདུག །རྨི་ལམ་གྱི་ལུས་དང་སྣང་པ་ལ་ཇི་ལྟར་སྤེལ་སྤེལ་ཡིན་སྙམ་དུ་དྲན་འདུན་བཏང་ནས། <br />དང་པོ་ཐུག་ཕྲད་དུ་སྤེལ་བའི་བཞི་ནི། འབྱུང་བཞི་ཕྲ་བ་དང་རགས་པ། སེམས་ཅན་ཕྲ་བ་དང་རགས་པ་གང་སྣང་ཐམས་ཅད་གཅིག་ལས་བཅུ། བཅུ་ལས་བརྒྱ་སྟོང་ཁྲི་འབུམ་ལ་སོགས་པ་བར་སྣང་ལ་གཞི་ཁེངས་པར་བསམ། <br />།གཉིས་པ་གང་འདུལ་དུ་སྤེལ་བ་ལ་གཉིས་ལས། <br />དང་པོ་འཇིག་རྟེན་པའི་གང་དུ་སྤེལ་བ་ནི། ཕ་རོལ་བྱི་བ་ལྟ་བུ་ལ་བྱི་ལྷ། བྱིའུ་ལ་ཁྲ། ཁྱི་ལ་སྤྱང་ཁྱི། སྤྱང་ཁྱི་ལ་སྟག །སྟག་ལ་སེང་གེ །མི་ལ་སྲིན་པོ་ལ་སོགས་པ་གང་འདུལ་དུ་སྤྲུལ་ཞིང་སྔར་ལྟར་སྤེལ་ནས་ཟ་བ་དང་མིད་པ་ལ་སོགས་པའི་སྒོ་ནས་གདུལ་བར་བྱའོ། <br />།གཉིས་པ་འདས་པའི་གང་འདུལ་དུ་སྤེལ་བ་ནི། ཀླུ་འདུལ་བ་ལ་ཁྱུང་། རྒྱལ་པོ་ལ་རྟ་མགྲིན། ཀླུ་བདུད་ལ་འཇམ་དཔལ་ཡེ་ཤེས་སེམས་དཔའ། ཀླུ་སྲིན་དང་གནོད་སྦྱིན་ལ་ཕྱག་ན་རྡོ་རྗེ་ལ་སོགས་པ་གང་འདུལ་གྱི་ཁྲོ་བོར་སྤྲུལ་ཞིང་། གོང་ལྟར་སྤེལ་ནས་ཟ་ཞིང་མེད་པ་ལ་ཕྱག་མཚན་གྱིས་བཏུབ་པ་དང་། མེ་དཔུང་གིས་བསྲེག་པ་ལ་སོགས་པས་བཏུལ་ན་སྲོག་སྔགས་འབུལ་ཞིང་བཀའ་འབངས་བྱེད་པ་ལ་སོགས་པར་འགྱུར་རོ། <br />།བཞི་པ་སྤྲུལ་པ་ལ་དང་ཚུལ་དེ་ཉིད་ཀྱིས་ཤེས་པར་བྱའོ། <br />།ལྔ་པ་སྒྱུར་བ་ལ་བཞིའི། སྔོན་འགྲོ་སྔར་དང་འདྲ་བ་ལས། ང་གཉིད་དུ་སོང་འདུག་འདི་རྨི་ལམ་དུ་འདུག །རྨི་ལམ་གྱི་ལུས་དང་སྣང་པ་ལ་ཇི་ལྟར་སྒྱུར་སྒྱུར་ཡིན་སྙམ་དུ་བསམས་ནས། <br />དང་པོ་འབྱུང་བཞི་ཕྲ་རགས་སུ་བསྒྱུར་བ་ནི། ས་ལས་ཆུ། ཆུ་ལས་མེ། མེ་ལས་རླུང་ལ་སོགས་པར་བསྒྱུར་ཅིང་། དེ་རྣམས་ཀྱང་ཕྲ་བ་ལ་རགས་པ་དང་། རགས་པ་ལས་ཕྲ་བ། ཅིག་ལས་བཅུ་ལ་སོགས་པ་མང་པོར་བསྒྱུར་རོ། <br />།གཉིས་པ་སེམས་ཅན་ཕྲ་རགས་ལའང་དེ་བཞིན་ནོ། <br />།གསུམ་པ་ལྷ་སྐུ་སྣ་ཚོགས་སུ་བསྒྱུར་བ་ནི། ལྷ་སྐུ་དཀར་བ་ལས་དམར་བ་ལ་སོགས་པ་སྐུ་མདོག་དང་། ཞལ་ཕྱག་མང་ཉུང་སྣ་ཚོགས་གཅིག་ལས་བཅུ་ལ་སོགས་པ་མང་པོར་བསྒྱུར་བར་བྱའོ། <br />།བཞི་པ་སྣང་སྟོང་ཞེན་བྲལ་དུ་བསྒྱུར་བ་ནི། ལྷ་སྐུ་ལ་སོགས་པ་དེ་རྣམས་ཐམས་ཅད་ཀྱང་གཅིག་གིས་གཅིག་མ་སྒྲིབས་པ། སྣང་ལ་རང་བཞིན་མེད་པ་བློ་བྲལ་གསལ་སྟོང་རྗེན་པ་ཞེན་པ་སྒྱུ་མ་རང་ཤར་དུ་བསྒྱུར་ཞིང་རྟོགས་པར་བྱའོ། <br />།དྲུག་པ་ཡུལ་སྣང་ལ་བཞི་ལས། <br />དང་པོ་རབ་དམིགས་མེད་གསལ་མཁྱེན་ནི། གཟུང་འཛིན་གྱི་བག་ཆགས་དང་བྲལ་བས། ཆོས་ཐམས་ཅད་རང་བཞིན་མེད་པར་རྟོགས་པའི་ངང་ནས་ཉིན་མཚན་མེད་པར་སངས་རྒྱས་ཀྱི་ཞིང་ཁམས་དང་། རིགས་དྲུག་གི་གནས་ལ་སོགས་པ་དག་པའི་ས་གསུམ་ལ་གནས་པ་ལྟར་མཁྱེན་ནོ།<br />།གཉིས་པ་འབྲིང་གང་བསམ་གསལ་མཐོང་ནི། རྨི་ལམ་ཟིན་ནས་སངས་རྒྱས་ཀྱི་ཞིང་ཁམས་ལ་སོགས་གང་ལྟ་བར་འདོད་པ་དེ་བསམས་པ་དང་མཐོང་བ་དུས་མཉམ་དུ་འབྱུང་། <br />།གསུམ་པ་ཐ་མ་ཡིད་ལུས་མཁའ་ལྡིང་ནི། རྨི་ལམ་ཟིན་ནས། རང་བྱ་རྒོད་ལ་སོགས་པར་སྤྲུལ་ནས་འཕུར་ནས་ཕྱིན་པས་གང་ལྟ་བར་འདོད་པ་དེ་ཉིད་དུ་སླེབ་ནས་མཐོང་བར་འགྱུར་རོ། <br />༼།བཞི་པ་༽དམན་པ་དམིགས་པའི་ཡུལ་སྣང་ལ་གསུམ་གྱི། སྔོན་འགྲོ་གཞན་སྔར་དང་འདྲ་བ་ལས། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར་ཡུལ་སྣང་བསྟན་ལ་ཕེབས་པར་མཛད་དུ་གསོལ། ཅེས་གསོལ་བ་བཏབ་ནས། <br />དང་པོ་བདག་མེད་མ་ཡུལ་སྣང་འཆར་བྱེད་ནི། རང་ལུས་ཡི་དམ་དུ་བསྐྱེད་པའི་ལྟེ་བར་ཐོད་པ་༼ཆོས་འབྱུང་༽ཕྱི་དཀར་ལ་ནང་དམར་བའི་ནང་དུ་ཨོཾ་ཨ་སྭཧཱ། ཅེས་པ་འོད་ཀྱི་རང་བཞིན་ཅན་ཁ་དོག་སྣ་ཚོགས་སུ་བསམས་ལ་བཟླས་པ་བྱས་པས། དེ་ལས་འོད་ཁ་དོག་ལྔ་ལྡན་བྱུང་ནས་སྣ་བུག་གཡོན་ན་ཕར་འཕྲོས་པས། འོད་ཟེར་གྱི་སྣ་ལ་བདག་མེད་མ་ལ་སོགས་པ་ཡི་དམ་གྱི་ལྷ་དཔག་ཏུ་མེད་པ་རང་རང་གི་སྔགས་དི་རི་རི་སྒྲོགས་པ་བྱུང་ནས་འཇིག་རྟེན་གྱི་ཁམས་ཐམས་ཅད་གང་༼བས། སེམས་ཅན་ཐམས་ཅད་ཡི་དམ་གྱི་ལྷར་བྱས།༽ ཡང་བཟླས་པ་བྱས་པས་སྔགས་ལས་འོད་ཟེར་སྣ་གཡས་ན་ཕར་འཕྲོས་པས་ཕྱི་སྣོད་འོད་ཀྱི་གཞལ་ཡས་ཁང་དུ་གྱུར། འོད་ཟེར་གྱི་སྣ་ལ་ཕྱི་ནང་གསང་གསུམ་གྱི་མཆོད་པ་ཐོགས་པའི་ལྷ་མོ་དཔག་ཏུ་མེད་པ་བྱུང་ནས་ཡི་དམ་དེ་རྣམས་ལ་མཆོད་པར་བསམ་ཞིང་། ཡི་དམ་གྱི་ལྷ་ཁྱེད་ཀྱིས་དོ་ནུབ་ཀྱི་སྐབས་སུ་སངས་རྒྱས་ཀྱི་ཞིང་ཁམས་ལ་སོགས་པ་གང་ལྟ་བར་འདོད་པ་དེ་མཐོང་བ་དང་། མཆོད་པ་རྒྱ་ཆེན་པོ་གྲུབ་པར་མཛད་དུ་གསོལ། ཅེས་གསོལ་བ་གདབ་ཅིང་ཉིན་མཚན་གཉིས་ཀ་དེ་ལྟར་བསྒོམ། མཐར་གཉིད་དུ་འགྲོ་ཁར་རང་ཉིད་ཀྱི་ལྟེ་བའི་ཐོད་པའི་ནང་གི་སྔགས་དེ་བདག་མེད་མར་གྱུར། དེ་ལ་སྔར་བཞིན་གསོལ་བ་གཏབ་ནས་དེའི་ཐུགས་ཁར་གང་བལྟ་བར་འདོད་པའི་ཞིང་ཁམས་ལ་སོགས་པའི་ཡུལ་སྣང་དེ། མེ་ལོང་གི་གཟུགས་རྙན་ལྟར་སྐྲ་ལམ་མེ་གསལ་བཏབ་ལ་གཉིད་ལོག་པར་བྱའོ། <br />།གཉིས་པ་ཨ་ཡུལ་སྣང་རང་གསལ་༼ཐོག་མར་དབུས་མཐོང་དེ་ནས་རྒྱ་ཆེར་མཐོང་༽ནི། རང་ཡི་དམ་དུ་གསལ་བའི་རྩ་དབུ་མ་ཡར་རྩེ་ཚངས་བུག ༼ལ་སླེབས་པ་༽ །མས་སྣ་གསང་གནས་སུ་ཟུག་པ། ཕྲུ་མ་ཕུས་བཏབ་པ་ལྟ་བུའི་ནང་། ལྟེ་བར་ཨ་སྐྱེ་བ་མེད་པ་འོད་ཀྱི་རང་བཞིན་དཀར་ལ་འཚེར་བ་གསལ་ལ་དངས་པའི་འོད་ཀྱིས་དབུ་མ་དཀར་ལམ་མེ་ཁྱེངས་པ་ལ་ཉིན་མཚན་མེད་པར་རྩེ་གཅིག་ཏུ་བསྒོམ་པར་བྱའོ། <br />།གསུམ་པ་ཐིག་ལེ་ཡུལ་སྣང་གསལ་ནི། རང་གི་སྤྱོ་བའི་ཧཾ་ལས་ཐིག་ལེ་དཀར་པོ། གསང་གནས་ཀྱི་ཧཱུྃ་ལ་དམར་པོ་དང་། ལྟེ་བའི་ཨང་ལས་ཐིག་ལེ་དམར་སྐྱ་བྱུང་ནས། དེ་རྣམས་སྙིང་ཁར་འདྲེས་ཤིང་གཅིག་དུ་གྱུར་པའི་འོད་ཟེར་བ་ཐག་ལྟ་བུ་གང་ལྟ་བར་འདོད་པའི་ཡུལ་སྣང་དེར་བཅུག་ལ། དེ་ལ་སེམས་རྩེ་གཅིག་ཏུ་གཏད་ནས་གཉིད་ལོག་པར་བྱའོ། །དེ་རྣམས་ཀྱི་ཡུལ་སྣང་ཇི་ལྟ་བ་བཞིན་གཏན་ལ་མི་ཕེབས་མི་སྲིད་དོ། །དེ་ཡང་དང་པོ་རྨི་ལམ་ལེགས་པར་ཟིན་ནས་བརྟན་པ་ཐོབ་པ་དང་། དེ་ནས་རིམས་ཀྱིས་སྦྱོང་སྤེལ་ལ་སོགས་པ་བྱ་གསུང་ངོ་།<br /><br />༈ །བཞི་པ་འོད་གསལ་ལ་གསུམ་གྱི། <br />དང་པོ་སྔོན་འགྲོ་ལ་བཞི་ལས། རྩ་བ་མི་རྟག་སྐྱོ་ཤས་ནི། སྔར་སྒྱུ་ལུས་སུ་བཤད་པ་ལྟར། འཆི་བ་མི་རྟག་པ་དང་། འཁོར་བའི་ཉེས་དམིགས་བསམས་ལ་སྐྱོ་ཤས་དྲག་པོ་བསྐྱེད་པ་ནི་རྩ་བའོ། <br />།གཉིས་པ་སྤྱོད་ལམ་དམ་རྫས་ནི། ཁ་ཟས་འཇམ་ལ་སྣུམ་པ་བཟའ་ཞིང་ཚོད་ཟིན་པར་བྱ། སྤྱོད་ལམ་ཤིན་དུ་དལ་བ་བསྟེན། དངུལ་ཐོན་པའི་ལས་ཡང་ངོ་། ༼གུ་གུལ་ཚིལ་ཆེན་དུད་པ་བཏང་།༽ དམ་རྫས་ནི་ཚོགས་དང་གཏོར་མ་བཟང་དུ་བཤམས་ལ། བླ་མ། ཡི་དམ། ཆོས་སྐྱོང་། གཞི་བདག གནོད་བྱེད་རྣམས་ལ་གཏོར་མ་ལྔ་རིམ་པ་བཞིན་དུ་ཕུལ་ལ། འོད་གསལ་འཆར་བར་གསོལ་བ་གདབ་ཅིང་། བར་ཆད་སྲུང་པའི་ཕྲིན་ལས་གཞོལ། ཐོད་པ་མཚན་ལྡན་གྱི་ནང་དུ་ཤ་ལྔ་བདུད་རྩི་ལྔའམ་དེའི་གཏོར་མ་བཅུག་ལ་དར་གྱིས་གྲིལ་ཏེ་སྔས་འོག་དུ་བཅུག་པས་མཁའ་འགྲོ་འདུ་ཞིང་བར་ཆད་བསྲུང་བའི་རྟེན་འབྲེལ་དུ་འགྱུར་གསུང་ངོ་། <br />།གསུམ་པ་ལོ་འདབ་ཐབས་ལམ་རང་དངས་ནི། ཁ་ཟས་སྐོམ་པ་བཅུད་ཅན་བརྟེན། གཏུམ་མོ་ལ་སོགས་པ་ཐབས་ལམ་བསྒོམས་པས་ཐིག་ལེ་རྒྱས་ཅིང་རླུང་སེམས་དངས་ན་འོད་གསལ་མྱུར་དུ་འཆར་རོ། <br />།བཞི་པ་མེ་ཏོག་གསོལ་འདེབས་འཆར་བྱེད་ནི། འོད་གསལ་བྱིན་བརླབས་མོས་གུས་གྱི་གནད་ཡིན་པས། བླ་མའི་རྣལ་འབྱོར་གོང་བཞིན་བསྒོམས་ལ། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། འོད་གསལ་འབྱོངས་པར་མཛད་དུ་གསོལ། ཅེས་གསོལ་བ་རྩེ་གཅིག་ཏུ་བཏབ་པས། མོས་གུས་རབ་འབྲིང་དང་སྦྱར་ནས་འོད་གསལ་གྱི་རྟོགས་པ་འཆར་བར་འགྱུར་རོ། <br />།གཉིས་པ་དངོས་གཞི་ལ་བཞིའི། <br />དང་པོ་འོད་གསལ་བཟུང་པ་ལ་དགུ་ལས། དུས་ཀྱི་གནད་གསུམ་དང་ལུས་ཀྱི་གནད་གསུམ་ནི་རྨི་ལམ་བཟུང་པའི་སྐབས་སུ་བཤད་པ་ལྟར་རོ། །དམིགས་པའི་གནད་གསུམ་གྱི་སྔོན་འགྲོ་སྔར་ལྟར་བྱས་ལ། <br />དང་པོ་ཨ་ལ་བཟུང་པ་ནི། ༼རྩ་ཐམས་ཅད་དབུ་མར་བསྒོམ་༽རང་ཡི་དམ་དུ་གསལ་བའི་རྩ་དབུ་མ་ཡར་རྩེ་ཚངས་བུག་དང་། མ་སྣ་གསང་གནས་སུ་ཟུག་པ་ཕྲུ་མ་ཕུས་བཏབ་པ་ལྟ་བུའི་ནང་། ལྟེ་འོག་སོར་བཞིར་རང་གི་སེམས་ཉིད་ཨ་དཀར་ལ་འཚེར་བ་གསལ་ལ་དངས་པ་འོད་ཀྱི་རང་བཞིན་ཅན་གཅིག་བསམས་ལ། ཨའི་རང་བཞིན་སྐྱེ་མེད་དུ་ཤེས་པར་བྱས་ལ་ཡིད་གསལ་ལ་རྟོག་པ་མེད་པའི་ངང་ལ་བཞག་གོ <br />།གཉིས་པ་བདག་མེད་མ་ལ་བཟུང་བ་ནི། རང་གི་སླད་པའི་སྟེང་ཐོད་པའི་འོད་ཏུ་བདག་མེད་མ་དཀར་མོ་༼སྐུ་ཆུང་ལ་ཡན་ལག་༽གྲི་ཐོད་ཐོགས་པ་སྐུ་ཆུང་ལ་ཡན་ལག་དོད་པ་གཅིག་བསམ། ༼དེའི་ཐུགས་ཁར་ཨ་དཀར་པོ་གཅིག་བསམ།༽ དེ་ལས་འོད་འཕྲོས་པས་༼ཀླད་པ་༽གཏི་མུག་གི་གནས་ཡིན་པས་རང་བཞིན་མེད་པར་སྦྱངས་ནས་ཐོད་པ་དུང་ཁང་གི་གཞལ་ཡས་ཁང་འོད་ཀྱི་རང་བཞིན་དཀར་ལམ་མེ་པ་ལ་སེམས་རྩེ་གཅིག་ཏུ་གཏད་པར་བྱའོ། <br />།གསུམ་པ་བླ་མ་ལ་བཟུང་པ་ནི། རང་ཡི་དམ་དུ་གསལ་བའི་ཐུགས་ཁར། བླ་མ་ཐིག་ལེའི་ངོ་བོ་བདེ་བའི་རང་བཞིན་རྔུལ་ཆུའི་མདོག་ཅན་གཅིག་བསམ། དེའི་ཐུགས་ཁར་ཧཱུྃ་དཀར་པོ་འོད་ཀྱི་རང་བཞིན་གཅིག་བསམས་ལ། ཧཱུྃ་ལས་འོད་འཕྲོས་བླ་མ་གསལ། བླ་མ་ལ་འོད་འཕྲོས། ཡི་དམ་གསལ་བར་བསམས་ལ། སེམས་རྩེ་གཅིག་ཏུ་གཏད་ལ་བསྒོམ། འོད་གསལ་བཟུང་པའི་དམིགས་པ་འདི་རྣམས་ལ་མ་ཡེངས་པའི་ངང་ནས་སྒྲིམས་ལྷོད་རན་པར་བྱས་ལ། ཉིན་མཚན་གཉིས་ཀར་རྩེ་གཅིག་ཏུ་འབད་ལ་བསྒོམ། ཁྱད་པར་དུ་གཉིད་དུ་འགྲོ་ཁར་གཉིད་དུ་མ་སོང་པའི་སྣང་བ་འགགས། གཉིད་དང་རྨི་ལམ་རགས་པ་མ་ཤར་བའི་བར་དེར། རྣམ་རྟོག་གཞན་གྱི་མ་གཡེངས་པར་གསལ་ལ་རྟོག་པ་མེད་པར་དམིགས་པ་ལ་སེམས་རྩེ་གཅིག་ཏུ་གཏད་པས་འོད་གསལ་མི་ཟིན་མི་སྲིད་གསུང་ངོ་། <br />།གཉིས་པ་ལམ་ཁྱེར་ལ་གཉིས་ལས། ཉིན་པར་སྐུ་གསུམ་ལམ་ཁྱེར་ནི། ཨ་ལ་སོགས་པ་ལ་སེམས་གཏོད་པ་བཞིན་དུ། ཉིན་པར་ཅིར་སྣང་ཐམས་ཅད་ལ་སྒྲིམས་ལྷོད་རན་པར་སེམས་གཏད་ནས་བཟོ་མེད་དུ་བཞག་པས། གསལ་ཆ་མ་འགགས་ལ་འཛིན་ཆ་མ་ཞུགས་པའི་གསལ་སྟོང་འཛིན་མེད་དུ་འཆར་ལ། དེ་གསལ་བའི་ཆ་སྤྲུལ་སྐུ། འཛིན་མེད་སྟོང་པ་ཆོས་སྐུ། དེ་ཉམས་སུ་མྱོང་པ་བདེ་བར་ཤར་བ་ལོངས་སྐུ་ཡིན་པས་དེ་ལྟར་ལམ་དུ་བགྱེར་རོ།<br />།གཉིས་པ་མཚན་མོ་སྐུ་གསུམ་རང་ཤར་ནི། ཉིན་པར་དེ་ལྟར་འབད་ནས་བསྒོམས་པ་དང་། ཁྱད་པར་གཉིད་དུ་འགྲོ་ཁར་འོད་གསལ་བཟུང་པའི་སྐབས་ལྟར་བསྒོམས་པས། གཉིད་དུ་འགྲོ་བའི་ནག་ཐིབས་པ་དེ། ནམ་ལངས་པ་ལ་ཉི་མ་ཤར་བ་ལྟར་གྱུར་ནས་གསལ་ལ་རྟོག་པ་མེད་པ། བདེ་ལ་ཞེན་པ་མེད་པ། སྐུ་གསུམ་རང་ཤར་དུ་འབྱུང་ངོ་། །དེ་བྱུང་ན་འོད་གསལ་ཟིན་པ་ཡིན་ནོ། <br />།གསུམ་པ་བསྲེ་བ་ལ་བཞི་ལས། <br />དང་པོ་གསལ་སྟོང་བདེ་ཆེན་དུ་བསྲེ་བ་ནི། གཟུགས་སྡུག་མི་སྡུག་ལ་སོགས་པ་ཅིར་སྣང་ཐམས་ཅད་འོད་གསལ་དུ་ཁྱེར་བས་སེམས་ཉིད་སྣ་ཚོགས་སུ་མ་འགགས་པར་སྣང་པ་གསལ་བ། འཛིན་ཆ་དག་ནས་ངོ་བོ་ངོས་བཟུང་། ཅི་ཡང་མི་འདུག་པ་སྟོང་པ། དེའི་ཉམས་མྱོང་ཞེན་པའི་དྲི་མ་དང་བྲལ་བས་བདེ་ཆེན་དུ་ཤར་བ་སྟེ། དེ་རྣམས་དབྱེར་མེད་དུ་ཉམས་སུ་ལེན་པ་ལ་བསྲེ་བ་ཞེས་བྱའོ། <br />།གཉིས་པ་ཉིན་མཚན་དབྱེར་མེད་དུ་བསྲེ་བ་ནི། ཉིན་མོའི་འོད་གསལ་གྱིས་མཚན་མོའི་སྟོབས་སྐྱེད། མཚན་མོས་ཉིན་མོའི་འོད་གསལ་སྟོབས་བསྐྱེད་པས་དབྱེར་མེད་དུ་འགྱུར་ལ། ཁྱད་པར་དུ་གཉིད་དུ་མ་སོང་པའི་སྣང་པ་འགགས། གཉིད་དང་རྨི་ལམ་མ་ཤར་བའི་བར་དེར་རྟོག་པ་མ་ཞུགས་པར་སེམས་རྩེ་གཅིག་ཏུ་གཏད་པས་ངེས་པར་འགྲོའོ། <br />།གསུམ་པ་ལྟ་སྟངས་ཀྱིས་མཉམ་རྗེས་སུ་བསྲེ་བ་ནི། མཉམ་བཞག་ལ་འོད་གསལ་འཆར་ཡང་། རྗེས་ལ་ལུས་ངག་གི་བྱ་བས་གཡོ་བར་འགྱུར་ན། སྤྱོད་ལམ་ཐམས་ཅད་དུ་དྲན་པས་བཟུང་ནས་ཅིར་སྣང་ཐམས་ཅད་ལ་གླང་པོ་ཆེའི་ལྟ་སྟངས་ཀྱིས་མིག་འབྲུ་ཚུགས་སུ་བལྟས་ནས། སེམས་འཛིན་མེད་དུ་བཞག་པས་མཉམ་རྗེས་མེད་པར་འོད་གསལ་འཆར་རོ། <br />།བཞི་པ་ཤེས་རབ་བདེ་སྟོང་དུ་བསྲེ་བ་ནི། རང་ལུས་ཐབས་ལྡན་དང་། གཞན་ལུས་ཤེས་རབ་ལ་རྟེན་པའི་བདེ་བ་གང་ཡིན་ཀྱང་། བདེ་བ་དེ་ཉིད་ཀྱི་ངོ་བོ་ལ་ཡིད་མ་ཡེངས་པར་གཏད་ནས་སེམས་མ་བཅོས་པར་བཞག་པས། བདེ་བར་སྣང་བ་མ་འགགས་ལ། ཞེན་པའི་དྲི་མ་དག་ནས་བདེ་སྟོང་དབྱེར་མེད་དུ་འཆར་རོ། <br />།བཞི་པ་མཐར་ཐུག་གི་འོད་གསལ་ལ་ལྔ་ལས། <br />དང་པོ་གསལ་སྟོང་རང་ཤར་གྱི་འོད་གསལ་ནི། དེ་ལྟར་ཉམས་སུ་བླངས་པས་མངོན་དུ་གྱུར་པ་ན། གཟུགས་སྣང་སྟོང་། སྒྲ་སྒྲག་སྟོང་ལ་སོགས་པ་འཆར་ཞིང་། དྲན་རྟོག་ཐམས་ཅད་རང་ཤར་རང་གྲོལ་དུ་གྱུར་ལ། དེའང་གསལ་བར་སྣང་པ་ཉིད་སྟོང་པར་འཆར་ལ། སྟོང་པ་ཉིད་གསལ་བར་འཆར་བས། གསལ་སྟོང་རང་ཤར་ཟུང་འཇུག་འབའ་ཞིག་ཏུ་འཆར་རོ། <br />།གཉིས་པ་བདེ་སྟོང་རང་ཤར་ཡང་ཚུལ་དེ་ཉིད་ཀྱིས་ཤེས་ཏེ། གསལ་སྟོང་ཉམས་སུ་མྱོང་བ་ཉིད་བདེ་བར་འཆར་བ་དེ་ལ་ཞེན་པའི་དྲི་མ་དག་པས་བདེ་སྟོང་རང་ཤར་བ་ཡིན་ནོ། <br />།གསུམ་པ་ཟབ་བཞི་སྤྲོས་བྲལ་ནི། མཐར་གྱི་འོད་གསལ་དེ་ཉིད་རྟོགས་ཤིང་ཉམས་སུ་མྱོང་ཡང་། དེའི་རང་བཞིན་བློའི་ཡུལ་ལས་འདས་པས་ཟབ་པ། གཟུང་འཛིན་གྱི་དྲི་མ་དག་པས་ཞི་བ། ཡོད་མེད་ལ་སོགས་པའི་མཐར་འཛིན་ལས་གྲོལ་བས་སྤྲོས་བྲལ། རྒྱུན་རྐྱེན་གྱིས་འདུས་མ་བྱས་ཤིང་འབད་རྩོལ་ལ་མི་ལྟོས་པས་ལྷུན་གྱིས་གྲུབ་པའོ། <br />།བཞི་པ་དབྱེར་མཐར་ཐུག་ནི། བདེ་གསལ་གུད་ན་སྟོང་པ་མེད། སྟོང་པ་གུད་ན་བདེ་གསལ་མེད། སྟོང་པ་ཉིད་བདེ་གསལ། བདེ་གསལ་ཉིད་སྟོང་པས་ཏེ། དེ་རྣམས་གང་དུ་ཡང་དབྱེར་མི་ཕྱེད་པའི་འོད་གསལ་གྱིས་རྟོགས་པར་འཁོར་འདས་ཀྱི་ཆོས་ཐམས་ཅད་དུ་མ་རོ་གཅིག་ཏུ་གྱུར་པའོ།<br />།ལྔ་པ་དག་པ་གཉིས་ལྡན་གྱི་འོད་གསལ་ནི། སེམས་ཉིད་རང་བཞིན་གྱིས་དག་ཅིང་འོད་གསལ་བ་ལ། གཟུང་འཛིན་བློ་བུར་གྱི་དྲི་མས་དག་པའམ། ཆོས་རྨི་ལམ་སྒྱུ་མར་རྟོགས་པས་ཉོན་མོངས་པའི་དྲི་མ་དག སྒྱུ་འཛིན་ཙམ་ཤེས་བྱའི་སྒྲིབ་དེ་ཡང་འོད་གསལ་ཕྱག་རྒྱ་ཆེན་པོའི་རྟོགས་པས་དག་པར་གྱུར་པའོ། །འོད་གསལ་ཅེས་པ་ཡང་ངོ་བོ་ཅིར་ཡང་མ་གྲུབ་པའི་སེམས་སྐྱེ་མེད་རིག་སྟོང་། ཁོ་བོ་རང་གི་རང་འོད་རྩལ་འགག་མེད་སྣང་བ་སྣ་ཚོགས་སུ་གསལ་བར་ཤར་བའོ། <br />།གསུམ་པ་རྗེས་ལ་ལྔ་ལས། <br />དང་པོ་དམ་ཚིག་སྤྱི་དང་བྱེ་བྲག་སྟེ། ༼རྩ་བ་དང་ཡན་ལག་གི་ལྟུང་བས་མ་གོས་པར་བྱེད་པ་སྤྱི་ཡིན་ལ་འོད་གསལ་ཐིག་ལེའི་མདངས་ཡིན་པས། བྱང་སེམས་མི་ཉམས་པར་བསྲུང་བ་ནི་བྱེ་བྲག་སྟེ།༽ ཚུལ་དེ་ལས་མི་མདའ་བའི་དོན་གྱིས་ན་དམ་ཚིག་གོ <br />།གཉིས་པ་གགས་སེལ་ཉེས་སྐྱོན་རང་གྲོལ་ནི། འོད་གསལ་འཆར་བའི་གགས་འཁྲུལ་བའི་དྲན་རྟོག་ཡིན་ལ། དྲན་རྟོག་སེམས་ཡིན། སེམས་གསལ་སྟོང་བདེ་ཆེན་དུ་ཤར་བའི་འོད་གསལ་དེ་ཉིད་ལམ་དུ་ཁྱེར་བས་སྐྱོན་རང་གྲོལ་དུ་འགྱུར་རོ། <br />།གསུམ་པ་བོགས་འདོན་ཐེ་ཚོམ་གཅོད་པ་ནི། བླ་མའི་མོས་གུས་རྩེ་གཅིག་ཏུ་བྱ་ཞིང་གསོལ་བ་དྲག་པོ་གདབ་པ་དང་། སེམས་ཅན་གྱི་སྡུག་བསྔལ་བསམས་ལ་སྙིང་རྗེ་ཆེན་པོ་བསྐྱེད་པར་བྱ་ཞིང་། གསལ་སྟོང་འཛིན་མེད་ཀྱི་འོད་གསལ་དེ་ཉིད་ཀྱི་སྟེང་དུ། སོ་སོར་རྟོག་པའི་ཤེས་རབ་ཀྱིས་ཡང་ཡང་བཞིག་ཅིང་ཐག་བཅད་པས་སངས་རྒྱས་བྱོན་ཀྱང་དྲི་རྒྱུ་མེད་སྙམ་པའི་ཐག་ཆོད་ཀྱི་ངེས་ཤེས་བརྟན་པོ་བསྐྱེས་པས་བོགས་ཐོན་ནས་ཐེ་ཚོམ་མ་ལུས་པར་ཆོད་པར་འགྱུར་རོ། <br />།བཞི་པ་ཁྱད་འཕགས་འཆར་སྒོ་ངོས་འཛིན་ལ་བཞི། བདེ་གསལ་མི་རྟོག་པ་ཟུང་དུ་ཆུད་པའི་འཆར་སྒོ་སྣ་ཚོགས་ནི། བླ་མའི་གསུང་བཞིན་གཞན་དུ་ཤེས་པར་བྱའོ། <br />།ལྔ་པ་ཉམས་རྟོགས་ཉིན་མཚན་ཁྱད་པར་ནི། མྱོང་བ་ཙམ་དུ་མཚུངས་ཀྱང་ཐག་ཆོད་ཀྱི་ངེས་ཤེས་བརྟན་པོ་མ་སྐྱེས་པས་ཞིག་ཅིང་ཡལ་ནས་འགྲོ་བ་ནི་ཉམས་ཀྱི་ཡིན་ལ་ནང་དུ་རྩ་མདུད་གཅིག་གྲོལ་བས་གསལ་སྟོང་གཉིས་མེད་དུ་རྟོགས་ནས། མི་འགྱུར་བའི་ཐག་ཆོད་ཀྱི་ངེས་ཤེས་ཁྱད་པར་ཅན་སྐྱེས་པས་ཡིན་མིན་གྱི་སྒྲོ་འདོགས་ཐེ་ཚོམ་ལས་གྲོལ་བ་ནི་རྟོགས་པའི་ཡིན་གསུང་ངོ་། <br />།ཉིན་མཚན་གྱི་ཁྱད་པར་ནི། གསལ་སྟོང་འཛིན་མེད་རང་ཤར་དུ་བྱུང་བར་མཚུངས་ཀྱང་མཚན་མོའི་འོད་གསལ་སྟོབས་ཆེ་བས་བཟང་ཞིང་འཆར་ཡང་དཀར་ལ་ཉིན་མོའི་དེ་ལྟར་མ་ཡིན་པ་དང་། གཉིད་སད་རྒྱུ་ཡོད་མེད་ཙམ་གྱིས་བཞག་གོ ༼འདི་ཡན་ལྡན་བཞུགས་ཡོད་དོ།༽ <br /><br />།༼ལྔ་པ་༽འཕོ་བ་ལ་བཞི། ཆོས་སྐུ་དེ་བཞིན་ཉིད་ཀྱི་འཕོ་བ། ཟུང་འཇུག་ཡི་དམ་གྱི་འཕོ་བ། བྱིན་བརླབས་བླ་མའི་འཕོ་བ། འཆུག་མེད་མཁའ་སྤྱོད་ཀྱི་འཕོ་བ་ཞེས་སུ་གསུངས་ཀྱང་། <br />ཕྱག་ལེན་ལ་བླ་མ་ར་ཧུ་ལའི་གདམས་པ་སྡིག་པོ་ཆེ་བརྩན་ཐབས་སུ་སངས་རྒྱ་བར་བྱེད་པ་འཕོ་བ་ཡེ་ཤེས་སྐར་ཁུང་མ་ཞེས་བྱ་བ་འདི་ལ་མཛད་དེ། འདི་ཉམས་སུ་ལེན་པར་འདོད་པས། ཐོག་མར་སེམས་སྐྱེད་སྔོན་དུ་སོང་བས། རང་སྐ་གཅིག་གིས་ཡི་དམ་གྱི་ལྷ་གང་རུང་བསྐྱེད་པའི་སྤྱི་བོར་བླ་མའི་རྣལ་འབྱོར་སྔར་བཞིན་བསྒོམས་ལ། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། བར་དོར་སངས་རྒྱ་བར་མཛད་དུ་གསོལ། ཅེས་གསོལ་བ་དྲག་ཏུ་གདབ། བཟླས་པ་ཅི་རིགས་པ་གཅིག་བྱ། དེ་ནས་རང་ཡི་དམ་དུ་གསལ་བའི་རྩ་དབུ་མ་ཕྱི་དཀར་ལ་ནང་དམར་བ་འོད་ཀྱི་རང་བཞིན། ཡར་རྩེ་ཚངས་བུག་ཏུ་བསླེབ་པ། མ་སྣ་གསང་ནས་སུ་ཟུག་པ་སྟོང་སང་ཡོད་པའི་ནང་། ལྟེ་བའི་ཐད་ཀར་ཆོས་འབྱུང་ཕྱི་དཀར་ལ་ནང་དམར་བ་རང་བཞིན། ཟུར་མདུན་དུ་བསྟན་པ། ལོགས་རྒལ་པ་ལ་གཏད་པ་གཅིག་བསྒོམ། དེའི་ནང་དུ་རང་གི་རྣམ་པར་ཤེས་པའི་ངོ་བོ་ཨ་དཀར་པོ་འོད་འཕྲོ་བ་དང་བཅས་པ་འཕིར་ལ་ཁད་པ་ཡེད་ཡེད་པ་གཅིག་བསྒོམ་པར་བྱའོ། །དེ་ནས་རླུང་རོ་ལན་གསུམ་ཕྱིར་བསལ་རྐེད་པ་ཉེག་ཉེག་པ་ལན་གསུམ་བྱས། སྟེང་འོག་གི་རླུང་ནར་གྱི་དྲངས་ནས་དྲག་ཏུ་གཟུང་ཁྱད་པར་དུ་རླུང་དྲག་པོ་དྲངས་ཏེ་ལྟེ་བ་རྒལ་པ་ལ་ཆར་གྱིས་སྦྱར་བས། ལྟེ་བའི་ཆོས་འབྱུང་ཁ་ནང་དུ་ཆར་གྱིས་སོང་བ་དང་། ༼ལྟེ་བའི་ནང་གི་ཨ་དེ་རང་དབང་མེད་པར་ཨ་བ་དྷུ་ཏིའི་ནང་ན་ཡར་རྒྱངས་ཀྱི་ཐོན་ནས་སྤྱི་བོ་ཚངས་པའི་བུ་ག་ན་ཡར་རྒྱངས་ཀྱིས་སོང་བ་དང་༽ཨ་འོད་དུ་ཡལ་གྱིས་སོང་སྟེ་དེའི་ངང་ལ་ཕྱག་རྒྱ་ཆེན་པོར་ལྷན་གྱིས་བཞག །དེ་འདྲ་བ་ཐེབས་བདུན་བྱའོ། །དེ་ནས་རྗེས་ལ། སྤྱི་བོར་ཨ་གཅིག་ལམ་གྱི་བྱུང་བར་བསམ་ལ། དེ་ཚངས་པའི་བུ་ག་ན་མར་སོང་ནས་རྩ་དབུ་མའི་ནང་ན་མར་བདེ་ཕྲི་ལི་ལི་བྱུང་བས་ཆོས་འབྱུང་གི་ནང་དུ་དཀར་ཡེར་གྱིས་བྱུང་བ་དང་། དེ་ལ་སེམས་གཏད་ལ་བདེ་སྟོང་གཉིས་སུ་མེད་པའི་ངང་དུ་སིངས་ཀྱིས་བཞག་གོ <br />།དེ་ལྟ་བུའི་སྦྱོར་བས་ནུས་ཚད་དུ་བསྒོམ་པར་བྱའོ། །དེ་ལྟར་བསྒོམས་པས་རྟགས་རབ་འབྲིང་གསུམ་འབྱུང་སྟེ། རབ་ལ་སྤྱི་བོ་རྡོལ་ནས་ཁྲག་དང་ཆུ་སེར་འོང་། འབྲིང་གི་སྤྱི་བོ་བསྲངས་ནས་འོང་། ཐ་མའི་སྤྱི་བོར་ཟ་བ་དང་འགུལ་བ་དང་འཁྲིག་པ་ཡོང་ངོ་། །དེ་ལྟར་བྱུང་ཙ་ན་འབྱོངས་པའི་རྟགས་ཡིན་ནོ། །བསྒོམ་པའི་དུས་སུ་ཐལ་གྱིས་དོགས་ནས། རིན་པོ་ཆེའི་སྣོད་ཀྱིས་མགོ་ནས་མནན་དེས་ཐུབ་ལ་གཞན་གྱིས་མི་ཐུབ་གསུང་ངོ་། །དེ་ལྟར་བསྒོམས་པའི་རྟེན་གྱི་གང་ཟག་དེ་ལ། ནམ་ཞིག་འཆི་རྟགས་ཚང་ཞིང་ངེས་པར་འཆི་བར་ཡིད་ཆེས་པའམ། ཡང་ན་ཁྱད་པར་གྱི་འཆི་རྟགས་ནི། བླ་མ་ར་ཧུ་ལའི་བཞེད་པས་རླུང་གཉིས་མཉམ་དུ་རྒྱུ་ན་རྣལ་འབྱོར་མྱུར་དུ་འཆི། །ཞེས་བཤད་པས་སྲོག་རླུང་དབུ་མར་འདུས་པའི་རྟགས་ཁ་སྣ་གཉིས་ནས་རླུང་དུས་གཅིག་ལ་མཉམ་ཤོ་ཤྭ་བྱུང་པའི་རྟགས་དེ་བྱུང་ན་འཆི་ངེས་པ་ཡིན་པས། རང་གི་ལུས་དང་ལོངས་སྤྱོད་ཉེ་དུ་འབྲེལ་པ་གང་ལ་ཡང་ཆགས་པར་མི་བྱ། སྣང་སྲིད་འཁོར་འདས་ཀྱི་ཆོས་ཐམས་ཅད་རྨི་ལམ་སྒྱུ་མར་ཤེས་པར་བྱས་ལ་གང་ལ་ཡང་ཆགས་པར་མི་བྱ། སྐྱབས་འགྲོ་དང་སེམས་བསྐྱེད་བྱ། རང་ལྷ་སྐུར་དྲན་པར་བྱས་ལ་སྤྱི་བོར་བླ་མ་བསྒོམས་ལ་གསོལ་བ་གདབ། གཞན་དོན་གྱི་སྨོན་ལམ་རྣམ་པར་དག་པ་རྒྱ་ཆེན་པོ་གདབ་ཅིང་། འདུ་འཛི་དང་གཡེང་བ་ཕྱིར་བཀྱེད་ནས་རང་གཅིག་པུར་སྡད་ལ་འཕོ་བར་བྱ་སྟེ། <br />དེ་ཡང་སྔོན་དུ་རྩ་ཁ་འབྱེད་པའི་གདམ་ངག་ནི། རང་དང་བུད་མེད་ཐིག་ལེ་ཡིས། །རླུང་སེམས་གཉིས་པོ་ཡར་ལ་འཐེན། །ཚ་ལས་རྩ་ཁ་འབྱེད་པར་བྱེད། །མིའི་སླད་པས་བར་ཆད་བསྲུང་། །ཞེས་བཤད་དོ། <br />།དེ་ལྟར་རྫས་རྣམ་པ་བཞི་པོ་དེ་ལག་འཐིལ་དུ། སྲིན་ལག་གཡོན་པས་མཉེས་ལ་ཡི་དམ་ལྷའི་སྔགས་གདབ་སྟེ། སྤྱི་བོར་བླུགས་ལ་རླུང་མི་ཟུང་བར་རང་སར་བཞག་གོ །དམིགས་པ་ནི་ཆོས་འབྱུང་གི་ཨ་ཡར་ལ་རྒྱངས་རྒྱངས་བཏང་ནས་སྐྱེ་མེད་ཀྱི་ངང་ལ་བཞག་ལ་དེའི་ངང་ལ་འཕོ་བར་བྱའོ། །དེ་ཉིད་བསྡུས་ཏེ་བསྒོམ་པར་འདོད་པས་བྱང་ཆུབ་ཀྱི་སེམས་སྔོན་དུ་སོང་བས་རང་ཡི་དམ་དུ་བསྐྱེད་པའི་ལྟེ་བའི་ཆོས་འབྱུང་གི་ནང་དུ་ཡིག་གེ་ཨ་དཀར་པོ་གཅིག་བསྒོམ། དེ་ནས་འོག་རླུང་འཐེན་སྟེང་དུ་རླུང་མནན་ལ་དེ་ཨ་བ་འདུ་ཏིའི་ནང་ན་ཡར་སོང་བས་སྤྱི་བོ་ན་ཡར་དཀར་རྒྱངས་རྒྱངས་སོང་བ་དང་། སྟོང་པ་ཉིད་ཀྱི་ངང་དུ་སོང་བར་བསམ་མོ། །དེ་ལྟར་བྱས་པས་བར་དོར་འོད་གསལ་ཕྱག་རྒྱ་ཆེན་པོ་རྟོགས་ཏེ་མངོན་པར་རྫོགས་པར་སངས་རྒྱའོ།<br /><br />།དྲུག་པ་བར་དོ་ལ་བཞིའི། <br />དང་པོ་རབ་བར་དོ་དང་པོའི་འོད་གསལ་རང་ཤར་དུ་སངས་རྒྱས་པ་ནི། སྔར་རྣམ་སྨིན་དང་བག་ཆགས་ཀྱི་ལུས་ལ་ཉིན་མཚན་དུ་བསྒོམས་པའི་བུའི་འོད་གསལ་དང་། འཆི་བའི་ཚེ་ཡུལ་ཡུལ་ཅན་ཐིམ་པའི་རིམ་པ་ལ་མཁས་པས་རླུང་སེམས་ཐམས་ཅད་ཨ་བ་འདུ་ཏིར་འཚོགས་པའི་རྟེན་འབྲེལ། རང་བཞིན་བརྒྱ་བཅུས་བསྡུས་པའི་བུའི་འོད་གསལ་དང་། འཆི་བའི་ཚེ་ཡུལ་ཕུལ་ཅན་ཐིམ་པའི་རིམ་པ་ལ་མཁས་པས་རླུང་སེམས་ཐམས་ཅད་ཨ་བ་འདུ་ཏིར་འཚོགས་པའི་རྟེན་འབྲེལ། རང་བཞིན་བརྒྱ་བཅུས་བསྡུས་པའི་བཟུང་འཛིན་གྱི་རྟོག་པ་ཕྲ་རགས་ཐམས་ཅད་འགགས་ཏེ། སེམས་ཉིད་གསལ་སྟོང་མཐའ་བུས་ཐམས་ཅད་དང་བྲལ་བ། ནམ་མཁའ་དངས་པ་ལྟ་བུ། ལུས་ཅན་མཆི་བ་ཐམས་ཅད་ལ་རང་ཤར་དུ་འབྱུང་བ་དེ་ནི། རང་བཞིན་མའི་འོད་གསལ་ཞེས་བྱ་སྟེ། དུས་དེར་འོད་གསལ་མའུ་གཉིས་ཕྲད་པས་ཆུ་ལ་ཆུ་བཞག་པ་ལྟར་དབྱེར་མེད་གཅིག་ཏུ་འདྲེས། སྔར་འདྲིས་ཀྱི་མི་དང་ཕྲད་པ་བཞིན་རང་ངོ་ཤེས་ཏེ། སྔར་གྱི་འདུན་པའི་དབང་གིས་དབྱེར་མེད་མངོན་འགྱུར་གྱི་འོད་གསལ་གྱི་རྟོགས་པ་ཆུ་བོའི་རྒྱུན་ལྟར་གནས་པར་གྱུར་པས། བར་དོར་རིགས་དྲུག་གི་གྲོང་ཁྱེར་མི་མཐོང་པར་འོད་གསལ་སྐྱེ་མེད་ཆོས་ཀྱི་སྐུ་ལ་བསྟན་པ་ཐོབ་ཅིང་། སྐྱེ་མེད་ཀྱི་ངང་ལས་དག་པའི་སྒྱུ་ལུས་སུ་ལངས་ཏེ། གཟུགས་སྐུ་གཉིས་འགག་མེད་རང་ཤར་ལྷུན་གྲུབ་དུ་བྱུང་ནས་འཁོར་བ་མ་སྟོངས་ཀྱི་བར་དུ་གང་ལ་གང་འདུལ་གྱི་སེམས་ཅན་རྣམས་སྨིན་ཅིང་གྲོལ་བར་བྱེད་དོ། །འདིའི་ཉམས་སུ་ལེན་ཚུལ་ནི། འོད་གསལ་ཕྱག་རྒྱ་ཆེན་པོ་བསྒོམ་པ་ཉིད་ཡིན་པས་འདིར་མ་སྤྲོས་སོ།<br />།གཉིས་པ་འབྲིང་རྒྱལ་བ་ལོངས་སྐུ་རང་ཤར་ནི། སྔར་འོད་གསལ་ལ་གོམས་པ་ཆུང་བས། བར་དོ་དང་པོའི་འོད་གསལ་ལ་གནས་པར་མ་ནུས་ན། བདུན་ཕྲག་དང་པོའི་བར་དོར་རྒྱལ་བ་ལོངས་སྐུར་སངས་རྒྱ་བར་བྱ་སྟེ། འདིའི་ཉམས་སུ་ལེན་ཚུལ་ནི། སྔོན་འགྲོ་གཞན་སྔར་བཞིན་བྱས་ལ། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། བར་དོ་རྒྱལ་བ་ལོངས་སྐུར་སངས་རྒྱ་བར་མཛད་དུ་གསོལ། ཅེས་གསོལ་བ་གདབ། དེ་ནས་རང་ཤི་ནས་བར་དོ་ན་གནས་པ་བསྒོམ་པར་བྱ་སྟེ། ཨ་་་་ང་ཤི་འདུག །ངའི་ལུས་འདི་བར་དོའི་ཡིད་ཀྱི་ལུས་སུ་འདུག །ཟས་བར་དོའི་ཟས། གོས་བར་དོའི་གོས། གྲོགས་ཐམས་ཅད་བར་དོའི་གྲོགས་སུ་འདུག །སྣོད་བཅུད་ཀྱི་སྣང་པ་འདི་ཐམས་ཅད་བར་དོའི་སྣང་པར་འདུག་སྙམ་དུ་སྤྱིར་སྣང་ཐམས་ཅད་ལ་མ་ཡེངས་པར་དྲན་འདུན་བཏང་ལ་སྐྱོ་ཤས་དྲག་པོ་བསྐྱེད། སྔར་བླ་མའི་ཞལ་ནས་བར་དོར་ལ་བར་དོར་ངོ་ཤེས་པར་གྱིས་ལ་རྒྱལ་བ་ལོངས་སྐུ་ཉམས་སུ་ལོངས་གཅིིག་གསུང་བའི་དུས་དེར་སླེབ་ནས་འདུག་པས། ད་བར་དོ་ལ་སྐྲག་པར་མི་བྱ་སྟེ། དུས་དེར་སངས་རྒྱ་བའི་ཕྱིར་རོ། སྙམ་དུ་བསམས་ནས་སྔར་བཞིན་བླ་མ་ལ་གསོལ་བ་དྲག་ཏུ་གདབ། བར་དོའི་སྣང་པ་འདི་ཐམས་ཅད་རང་གི་སེམས་ཀྱི་རང་སྣང་ཡིན་གྱི་ཕྱི་རོལ་ན་གྲུབ་པ་གང་ཡང་མེད། རང་སྣང་ཐམས་ཅད་བདེན་མེད་སྒྱུ་མ་རྨི་ལམ་ཡིན་སྙམ་དུ་བསྒོམ། ཁྱད་པར་དུ་ཡི་དམ་གྱི་སྤྲུལ་བསྒྱུར་ལ་འདུན་པ་བཏང་ལ། ཕྱི་སྣོད་གཞལ་ཡས་ཁང་། ནང་བཅུད་ལྷ་དང་ལྷ་མོ། རང་ཉིད་རྒྱལ་བ་ལོངས་སྤྱོད་རྫོགས་པའི་སྐུ་མཚན་དང་དཔེ་བྱད་ཀྱིས་བརྒྱན་པ། སྣང་ལ་རང་བཞིན་མེད་པ། གསལ་ལ་རྟོག་པ་མེད་པ། བདེ་ལ་ཞེན་པ་མེད་པའི་ལྷ་སྐུ་ཕྱག་རྒྱ་ཆེན་པོ། ཆོས་སྐུའི་ངོ་བོ། ལོངས་སྐུའི་རྣམ་པ། སྤྲུལ་སྐུའི་ཕྲིན་ལས་དབྱེར་མེད་བདེ་བ་ཆེན་པོའི་སྐུར་གསལ་བཏབ་ལ་དྲན་འདུན་དྲག་པོས་ཉམས་སུ་བླངས་པས། བར་དོར་སྔར་གྱི་འདུན་པའི་དབང་གིས་རྒྱལ་བ་ལོངས་སྐུ་རང་ཤར་དུ་སྣང་ནས་འཁོར་བ་མ་སྟོངས་ཀྱི་བར་དུ་གང་ལ་གང་འདུལ་གྱི་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་འགྱུར་རོ། <br />།གསུམ་པ་ཐ་མ་སྤྲུལ་སྐུ་འགག་མེད་རང་ཤར་ནི། སྔར་འོད་གསལ་དང་ལྷ་སྐུ་ལ་གོམས་པ་ཆུང་བས། བར་དོ་དང་པོའི་འོད་གསལ་དང་། བདུན་ཕྲག་དང་པོར་ལོངས་སྐུར་གནས་མ་ནུས་ན་མངལ་སྒོ་སྦྱངས་ཏེ་སྤྲུལ་སྐུར་སངས་རྒྱ་བར་བྱ་སྟེ། <br />འདིའི་ཉམས་སུ་ལེན་ཚུལ་ནི། སྔོན་འགྲོ་དང་སྐྱོ་ཤས་སྔར་ལྟར་བྱས་ལ། སྔར་བླ་མའི་ཞལ་ནས་བར་དོ་ལ་བར་དོར་ངོ་ཤེས་པར་གྱིས་ལ། མངལ་སྒོ་སྦྱངས་ཏེ། རྒྱལ་བ་སྤྲུལ་སྐུ་ཉམས་སུ་ལོངས་གཅིག་གསུང་པའི་དུས་དེར་སླེབ་འདུག་པས། ད་ནི་བར་དོ་ལ་སྐྲག་པར་མི་བྱ་སྟེ། དུས་འདི་ཉིད་དུ་སངས་རྒྱ་བའི་ཕྱིར་རོ། །སྙམ་དུ་བསམ། ཕ་མ་ལ་སོགས་པ་ཕོ་མོ་ལ་རྟེན་པའི་ཆགས་སྡང་དང་ཕྲག་དོག་མིག་གཟེར་སྐྱེས་པའི་ཚེ། ཀྱེ་མ་ཆགས་སྡང་གི་སྐྱེ་བ་ལེན་པ་འདི་ནི་ཤིན་དུ་སྡུག་བསྔལ་བ་ཏེ། ད་ནི་དག་པ་བདེ་ཆེན་གྱི་ཞིང་དུ་འགྲོའོ་སྙམ་དུ་བསམས་ལ་ཆགས་སྡང་སྦྱང་། བར་དོའི་སྣང་པ་འདི་ཐམས་ཅད་རང་སྣང་། རང་སྣང་ཐམས་ཅད་བདེན་མེད་སྒྱུ་མ་རྨི་ལམ་ཡིན་སྙམ་པ་དང་། བླ་མའི་མོ་གུས་དང་གསུམ་ལ་འདུན་པ་བཏང་ངོ་། །དེའི་རྗེས་ལ་རང་གི་མདུན་དུ་ཆོས་འབྱུང་འཐིང་ཁ་གྲུ་གསུམ་རྐྱང་པའམ། ཉིས་རྩེག་གཅིག་བསམས་ལ། འདི་མ་རྟོགས་པ་རྣམས་ལ་མའི་མངལ། རྟོགས་པ་རྣམས་ལ་འོག་མིན་ཆོས་ཀྱི་ཕོ་བྲང་ཡིན་སྙམ་དུ་བསམ། དེའི་དབུས་སུ་རང་སེམས་ཧཱུྃ་ངམ་ཐིག་ལེ་སྔོན་པོ་གཅིག་ཏུ་བསམ། དེ་ལས་འོད་ཁ་དོག་ལྔ་འཕྲོས་པས་འདས་པའི་སྐྱེ་གནས་ལྔའི་ལན་ཆགས་དང་དྲི་མ་དག །ད་ལྟར་གྱི་མངལ་གྱི་ལན་ཆགས་ཀྱི་དྲི་མ་སྦྱངས། མ་འོངས་པའི་མངལ་བསྒོ་བཀག་པར་བསམ་མོ། །དེ་ནས་ཧཱུྃ་དེ་གྱུར་པ་ལས། རང་ཡི་དམ་ཡབ་ཡུམ་དུ་བསམ། ཆགས་སྡང་གི་ཡུལ་ཕོ་མོར་སྣང་པ་ཐམས་ཅད་ཡབ་ཡུམ་གྱི་ས་བོན་ལས་ཆོས་འབྱུང་གི་ནང་གི་གཡས་ཟུར་དུ་ཕོ་ཐམས་ཅད་ཡི་དམ་ཡབ་དུ་བསམ། གཡོན་ཟུར་དུ་མོ་ཐམས་ཅད་ཡུམ་དུ་བསྒོམས་ལ་མཆོད་པ་དབུལ་ཞིང་གསོལ་བ་གདབ། སྒྲ་དྲག་པ་ཐམས་ཅད་སྔགས་སུ་བལྟ་དྲན་རྟོག་ཐམས་ཅད་ལ་གླང་པོ་ཆེའི་བལྟ་སྟངས་ཀྱིས་ལྷ་སྐུ་ཕྱག་རྒྱ་ཆེན་པོའི་ངང་དུ་མཉམ་པར་བཞག་པར་བྱའོ། །དེ་ལྟར་དྲན་འདུན་གྲག་པོས་ཉམས་སུ་བླངས་པས། བར་དོ་སྔར་གྱི་འདུན་པའི་དབང་གི་རང་གཞན་སྣོ་བཅུག་ཐམས་ཅད་སྣང་སྟོང་ཞེན་བྲལ་གྱི་ཡི་དམ་སྤྲུལ་སྐུའི་སྣང་པ་འབའ་ཞིག་རང་ཤར་དུ་འབྱུང་ལ། སྒྲ་དྲག་པ་ཐམས་ཅད་སྔགས་སུ་འཆར་ཞིང་། དྲན་རྟོག་ཐམས་ཅད་གཉིས་མེད་ཕྱག་རྒྱ་ཆེན་པོའི་རྟོགས་པར་ཤར་ནས། ཆགས་སྡང་མིག་སེར་ཐམས་ཅད་དག་པས་མངལ་སྒོ་ཁེགས་དེ་སྐྱེ་བ་མི་ལེན་པར་དུས་དེ་ཉིད་དུ་སྤྲུལ་སྐུར་སངས་རྒྱས་ཏེ། འཁོར་བ་མ་སྟོངས་ཀྱི་བར་དུ་གང་ལ་གང་འདུལ་གྱི་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་འགྱུར་རོ། <br />།བཞི་པ་སྤྱི་གནད་འཆུག་མེད་ལམ་ཁྱེར་ནི། དབང་པོ་རབ་འབྲིང་ཐ་མའི་གསུམ་ཀའི་ཉམས་ལེན་གྱི་སྐབས་སུ་བར་དོ་སྐྱོ་ཤས་ཀྱི་གནད་གཅེས་པས་བར་དོའི་དྲན་འདུན་གྱི་སྐྱོ་ཤས་དྲག་པོ་དང་མ་བྲལ་བས། ཕོ་མོ་ལ་སོགས་པ་ཆགས་སྡང་གི་ཡུལ་ཐམས་ཅད་རང་སྣང་བདེན་མེད་སྒྱུ་མ་རྨི་ལམ་དུ་ཐག་ཆོད་ལ་སྦྱང་། བདག་གཞན་སྣོད་བཅུད་ཐམས་ཅད་ཡི་དམ་ཡབ་ཡུམ་དུ་བསྒོམས་ལ། སྤྲུལ་སྒྱུར་ལ་འདུན་པ་བཏང་། བླ་མའི་སྣང་བ་དང་མི་འབྲལ་བར་མོས་གུས་རྩེ་གཅིག་ཏུ་བྱ་ཞིང་གསོལ་གདབ་པར་བྱ་སྟེ། སྔར་བསྟན་པས་གྲུབ་པ་ཉིད་དོ། །འདིར་སྐབས་སུ་ཉེ་བར་བབ་པ་ཉམས་ལེན་གྱི་དམིགས་པ་རྣམས་དངོས་སུ་བསྟན་པ་ཡིན་ལ། རྒྱས་པར་བླ་མ་ཁྱུང་ཆེན་པོ་ཉིད་ཀྱི་མཛད་པའི་འཆུག་མེད་བར་དོ་གསུམ་གྱིས་གདམས་པ་ཇི་ལྟ་བ་བཞིན་གསུངས་པས་དེར་ཤེས་པར་བྱའོ། <br />།ཚུལ་འདི་གང་གི་དྲིན་གྱིས་རྟོགས་གྱུར་པ། །སྲིད་གསུམ་བླ་མ་ཡོན་ཏན་རིན་ཆེན་གཏེར། །[[Tsangma Shangtön|འགྲོ་མགོན་ཆོས་རྗེ་ཤངས་སྟོན་རིན་པོ་ཆེ]]འི། །ཞབས་པད་དྲི་མ་མེད་ལ་ཕྱག་འཚལ་ལོ། །བླ་མའི་དྲུང་དུ་དྲུང་གི་གསུང་བཞིན་དུ། །ཉེ་བར་དྲིས་ནས་བྲིས་པ་ཕུལ་ནས་ནི། །ལེགས་པར་གཟིགས་ནས་གཟིགས་པའི་གདམ་པ་འདི། །དག་པར་ཞུས་ནས་ཞུས་པས་ཡི་གེར་བཀོད། །སྒྲོ་བཀུར་རང་བཟོའི་སྐྱོན་གྱི་མ་བསླད་པས། །རྗེས་འཇུག་དད་ལྡན་གུས་པས་བླང་བར་མཛོད། །དགེ་བས་འགྲོ་ཀུན་བླ་མ་མཉེས་བྱས་ནས། །རྡོ་རྗེ་འཆང་དབང་གོ་འཕང་མཆོག་ཐོབ་ཤོག <br />།ཚུལ་འདི་ནི་ཡངས་པ་དང་རྟོགས་པའི་ཡོན་ཏན་རིན་པོ་ཆེ་དུ་མ་ལ་མངའ་བརྙེས་པས། རྡོ་རྗེ་འཆང་ཆེན་པོ་དང་གཉིས་སུ་མེད་པར་གྱུར་པའི། [[Tsangma Shangtön|བླ་མ་འགྲོ་མགོན་ཤངས་སྟོན་]]གྱི་ཞབས་རྡུལ་སྤྱི་བོས་ལེན་པ། དགེ་སློང་རྡོ་རྗེ་འཛིན་པ་རྒྱལ་བའི་མཚན་ཅན་བྱིན་བརླབས་ཀྱི་དཔལ་ལྡན་ཞིང་རྟུལ་ཞུགས་བཟང་པོ་ལ་མངོན་པར་དད་པ། [[Jakchung|དཔལ་འཇག་ཆུང་གི་དབེན་གནས་]]སུ། བླ་མ་ཉིད་ཀྱི་སྤྱན་སྔར་བྲིས་ནས་གཟིགས་པ་ཕུལ་ནས་དག་པར་ཞུས་ཡི་གེར་བཀོད་པ་ཐར་ལམ་གསལ་བའི་སྒྲོན་མེ་ཞེས་བྱ་བ་རེ་ཤིག་རྫོགས་སོ། <br />།ནོངས་པ་རྣམས་བླ་མ་ཡི་དམ་དཔའ་བོ་མཁའ་འགྲོའི་ཚོགས་ལ་བཟོད་པར་གསོལ། <br />།སེམས་ཅན་དཔག་ཏུ་མེད་པ་ལ་ཕན་ཐོགས་པར་གྱུར་ཅིག<br /><br />༼འདིའི་བརྒྱུད་པ་ནི། རྡོ་རྗེ་འཆང་། [[Niguma|ཡེ་ཤེས་ཀྱི་མཁའ་འགྲོ་མ་ནི་གུ་མ]]། [[Khyungpo Neljor|གྲུབ་ཆེན་ཁྱུང་པོ་རྣལ་འབྱོར]]། [[Mokchokpa Rinchen Tsöndrü|རིན་ཆེན་རྨོག་ཅོག་པ]]། [[Öntön Kyergangpa|དབོན་སྟོན་སྐྱེར་སྒང་པ]]། [[Sangyé Nyentön|སངས་རྒྱས་གཉན་སྟོན]]། [[ཁམས་སྟོན་པ]]། [[Sangyé Tönpa|ཆོས་རྗེ་སྟོན་པ]]། [[Tsangma Shangtön|ཆོས་རྗེ་ཤངས་སྟོན་རིན་པོ་ཆེ]]། [[Müchen Gyeltsen Pelsang|ཆོས་རྗེ་རྒྱལ་བའི་མཚན་ཅན]]། [[Dorjé Shönu|ཆོས་རྗེ་རྡོ་རྗེ་གཞོན་པ]]། [[Müchen Namkhé Neljor|རིན་པོ་ཆེ་ནམ་མཁའི་རྣལ་འབྱོར་པ]]། [[Könchok Gyeltsen|ཆོས་རྗེ་རིན་པོ་ཆེ་དཀོན་མཆོག་རྒྱལ་མཚན་]]པ་བདག་ལ་གནང་བ། ཞུས་ཤིང་དག་པར་བྱས་སོ། །བཀྲ་ཤིས་པར་གྱུར་ཅིག། །།༽</span> |
Latest revision as of 12:39, 2 December 2023
| Resource ID | MGP1 |
|---|---|
| Title | ye shes mkha' 'gro chos drug gsal sgron |
| Alt. title | ye shes kyi mkha' 'gro ma ni gu ma la gsungs pa'i thar lam gsal ba'i sgron me ni gu chos drug khrid yig gsal ba'i sgron me thar lam gsal sgron |
| Topics | Six doctrines of Niguma |
| Sub-Topics | Commentary |
| Author | Müchen Gyeltsen Pelsang |
| Associated Person | Tsangma Shangtön |
| Link | BDRC W8LS36545 (p.3) BDRC W8LS37032 (p.663 same copy) BDRC W1KG4284 |
| Notes | Author: Müchen Gyeltsen Pelsang in SCv9p43. Same plan and complement of chos drug gi 'grel pa bdud rtsi rgya mtsho by Gyeltsen Bum. Contains large excerpts common to ni gu chos drug gi khrid yig |
༄༅། །ཡེ་ཤེས་མཁའ་འགྲོ་ཆོས་དྲུག་གསལ་སྒྲོན་བཞུགས་སོ།།
ཨོཾ་སྭ་སྟི་སིདྷཾ།
བླ་མ་དམ་པའི་ཞབས་ལ་གུས་པས་ཕྱག་འཚལ་ལོ།
།ཇི་བཞིན་གཟིགས་པའི་གཟིགས་པ་རྣམ་དག་ཆོས་ཀུན་ངོ་བོ་མེད་གཟིགས་ཅིང་། །ཇི་སྙེད་མཁྱེན་པའི་མཁྱེན་པ་རབ་ཡངས་དངོས་ཀུན་རྨི་ལམ་སྒྱུ་ལྟར་མཁྱེན། །ཚད་མེད་འགྲོ་བའི་འགྲོ་བ་འདྲེན་མཛད་འགྲོ་མགོན་ཆོས་རྗེ་རིན་པོ་ཆེ། །ས་གསུམ་བླ་མའི་བླ་མ་མཆོག་གི་བླ་མེད་ཞབས་ལ་ཕྱག་འཚལ་ལོ།
།དེའི་གསུངས་རབས་གསུང་གི་བདུད་རྩིའི་གདམས་པ་རྣམས། །འགྲོ་བའི་དུག་གསུམ་དུག་ལྟའི་ནད་ཀུན་ཞི་བྱེད་ཅིང་། །འཆི་མེད་མཆོག་གི་མཆོག་རབ་གནས་སུ་འཁྲིད་བྱེད་པ།
།མཁའ་འགྲོའི་སྙན་རྒྱུད་སྙན་ནས་བརྒྱུད་བཞིན་བྲི་བར་བྱ།
།འདིར་ཡང་དག་པར་རྫོགས་པའི། སངས་རྒྱས་རྡོ་རྗེ་འཆང་ཆེན་པོས། ཡེ་ཤེས་ཀྱི་མཁའ་འགྲོ་མ་ནི་གུ་མ་ལ་གསུངས་པའི། སྙན་རྒྱུད་ཀྱི་གདམས་པ་འདི་ལ་ཆོས་དྲུག་སྟེ། ཐབས་ལམ་བདེ་དྲོད་རང་འབར། སྒྱུ་ལུས་ཆགས་སྡང་རང་གྲོལ། རྨི་ལམ་ཉིང་འཁྲུལ་རང་དག འོད་གསལ་གཏི་མུག་རང་སངས། འཕོ་བ་མ་བསྒོམས་སངས་རྒྱ། བར་དོ་རྒྱལ་བ་ལོངས་སྐུའོ།
།དང་པོ་ཐབས་ལམ་ལ་གསུམ། སྔོན་འགྲོ། དངོས་གཞི། རྗེས་སོ།
།སྔོན་འགྲོ་ལ་གསུམ་གྱི།
དང་པོ་༼དྲུག་ཀར་གྱི་སྔོན་འགྲོར་ཀྱང་འགྲོ་གསུངས།༽དག་བྱེད་ཨའི་སྟོང་ར་ནི།
སེམས་བསྐྱེད་སྔོན་དུ་སོང་བས། རང་ཐ་མལ་དུ་གནས་པའི་སྤྱི་བོར་པཾ་ལས་པད་མ། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རྩ་བའི་བླ་མ་བསྒོམ། དེ་ལ་འོག་ནས་འབྱུང་བའི་ཚུལ་ལྟར་གཞན་ཡང་བསྟིམ་ནས། བླ་མ་རིན་པོ་ཆེ་བདག་གི་ནད་གདོན་ཞི་བར་མཛད་དུ་གསོལ། སྡིག་སྒྲིབ་དག་པར་མཛད་དུ་གསོལ། ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། ཅེས་གསོལ་བ་དྲག་ཏུ་བཏབ་ནས་རང་གི་སྨིན་འཚམས་སུ་ཆོས་འབྱུང་གྲུ་གསུམ་༼རྣམ་ཐར་སྒོ་གསུམ།༽དཀར་པོ་ལྟ་བུ་རྩ་བ་ཕྲ་བ་ཐུར་དུ་ཟུག་པ་མགྲིན་པར་བསླེབ་པ། གདེངས་ཀ་གྱེན་དུ་ཕྱོགས་པའི་ཟུར་གཅིག་སྨིན་ཕྲག་དང་། ཟུར་གཉིས་རྣ་བ་གཉིས་སུ་སླེབ་པ་ཕྱི་ནང་ཐམས་ཅད་དཀར་སིང་ངེ་བ་གཅིག་བསྒོམ། དེའི་ནང་དུ་སེམས་སྐྱེ་མེད་ཨ་དཀར་པོ་འོད་ཀྱི་རང་བཞིན་ཅན་བསམས་ནས། ངག་དུ་ཨ་ཨ་ཅེས་པ་ཅི་རིགས་པ་བརྗོད་པས། ཨ་ལས་ཡེ་ཤེས་ཀྱི་བདུད་རྩི་རྒྱུན་སྐྱ་ནར་བབས་པས་ཆོས་འབྱུང་ཁེངས་ནས་ལུས་ཀྱི་ཕྱི་ནང་ཐམས་ཅད་ན་མར་སོང་བས། ནད་གདོན་སྡིག་སྒྲིབ་ཐམས་ཅད། བཤང་ལམ། ཆུ་སོ། སོར་མོ། བ་སྤུའི་བུ་ག་ཐམས་ན་མར་བྱེ་མའི་རི་ལ་ཕུ་ཆུ་དྲག་པོས་བཏབ་པ་བཞིན། ནག་བུ་ནུ་ནུ་ཕྱིར་སངས་སངས་ཐོན་པར་བསམ། མཐར་ལུས་ཕྱི་གསལ་ནང་གསལ་ཕྲུ་མ་བུས་པའམ། ཤེལ་གོང་དྲི་མ་མེད་པ་ལྟར་བསམས་ལ་མ་ཡེངས་པར་བཞག་གོ །དེ་ལྟར་ཡང་ཡང་སྐྱར་ཞིང་བསྒོམ་པར་བྱས་ཏེ། དེས་སྡིག་སྒྲིབ་བཀོར་སྐུ་བླུད་འགལ་འཁྲུལ་དམ་ཚིག་ཉམས་ཆག་ལ་སོགས་པ་ཐམས་ཅད་འདག་གསུང་།
གཉིས་པ་སྟོང་ར་ནད་གདོན་སེལ་བྱེད་ནི། ནད་ཚད་པ་ཤས་ཆེ་ན། བདུད་རྩི་ཁ་དོག་དཀར་ལ་རེག་བྱ་ཤིན་དུ་གསིལ་བར་བསམ།༼ག་པུར་གྱི་རྒྱུན་ལྟ་བུ་༽ དྲང་བ་ཤས་ཆེ་ན། བདུད་རྩི་ཁ་དོག་དམར་ལ་རེག་བྱ་ཤིན་དུ་ཚ་བར་བསམ། རླུང་ནད་ལ་བདུད་རྩི་ཞུན་མར་ལ་སོགས་པ་བཅུད་ཅན་གྱི་རྣམ་པར་བསྒོམ་གདོན་གནོད་པ་ལ་འབུ་སྲིན་ལ་སོགས་པ་སྲོག་ཆགས་ཀྱི་རིགས་མང་པོ་ཆུ་བོ་ཆེན་པོ་ཙམ་ཐོན་པར་བསམ་མོ། །དེ་ལྟར་འགྲོ་འཆག་ཉལ་འདུག་ཐམས་ཅད་དུ། སྡིག་སྒྲིབ་ནད་གདོན་གསུམ་ཆར་ལ་རྩེ་གཅིག་ཏུ་དམིགས་པ་ནི་སྟོང་རའི་དམིགས་པའོ།
།གསུམ་པ་རྟགས་གསུམ་སྟོང་རའི་ཁྱད་པར་ནི། ༼སྡིག་པ་དག་པའི་རྟགས་སོ་༽ནམ་མཁའ་ལ་འཕུར་བ་དང་། ཉི་ཞུར་ཟླ་ཞུར་ཤར་བ་དང་། ཁང་སྟེང་དང་། གངས་རྩེར་ཕྱིན་པ་དང་། ཆུའི་སྟེང་ནས་མི་བྱིང་བར་འགྲོ་བ་དང་། ངོ་ཚའི་རྟོགས་པ་མེད་པར་གཅེར་བུར་འགྲོ་བ་དང་། ཁྲུས་བྱས་པ་དང་། གོས་དཀར་པོ་དྲི་མ་མེད་པ་གྱོན་པ་ལ་སོགས་པ་ནི་སྡིག་པ་དག་པའི་བརྟགས་སོ། །ནད་འཁྲུ་སྐྱུག་དང་རྣག་ཁྲག་འཛག་པ་དང་། ལུས་ལ་རྔུལ་མང་པོ་འཐོན་པ་ལ་སོགས་པ་ནི་ནད་ཐོན་པའི་རྟགས་སོ། །གདོན་སྡོམ་སྡིག་དང་སྦལ་ལྗོང་ལ་སོགས་པ་སྲོག་ཆགས་ཀྱི་རིགས་གང་ཐོན་ཡང་གདོན་ཐོན་པའི་རྟགས་ཏེ། དེ་རྣམས་དངོས་སམ། རྨི་ལམ་ཅི་རིགས་སུ་འབྱུང་ངོ་།
།གཉིས་པ་དངོས་གཞི་ལ་ལྔ་ལས།
༼དང་པོ་༽ལུས་གནད་མེའི་སྟོང་ར་ནི། རྐང་པ་དཀྱིལ་དཀྲུངས་རྒལ་ཚིགས་དྲང་པོ། མགྲིན་པ་ཅུང་ཟད་དགུག །ལག་པ་གཉིས་ས་ནོན་བྱ། ངལ་སོ་བའི་སྐབས་སུ། རྐང་པ་བརྣོལ་ནས་ཅོག་པུ་ལ་ལག་པ་གཉིས་པུས་འཁྱུད་བྱས་ཀྱང་འགལ་བ་མེད་གསུང་། དེ་ནས་སེམས་སྐྱེད་སྔོན་དུ་སོང་བས། རང་རྗེ་བཙུན་མ་རྡོ་རྗེ་རྣལ་འབྱོར་མ་། སྐུ་མདོག་དམར་མོ་ཞལ་གཅིག་ཕྱག་གཉིས་ཀྱི་གཡས་གྲི་ཁུག་གཡོན་ཐོད་པ་གྲུ་མོ་ན་ཁ་ཊཾ་ཀ་བསྣམས་པ་རུས་པ་དང་མི་མགོས་བརྒྱན་པར་བསམས་པའི་སྤྱི་བོར། བླ་མ་སྔར་བཞིན་བསྒོམས་ལ། བླ་མ་རིན་པོ་ཆེ་བདག་ལ་བདེ་དྲོད་ཀྱི་ཏིང་ངེ་འཛིན་རྒྱུད་ལ་སྐྱེ་བར་མཛད་དུ་གསོལ། བདེ་སྟོང་གི་ཏིང་ངེ་འཛིན་རྒྱུད་ལ་སྐྱེ་བར་མཛད་དུ་གསོལ། ཅེས་གསོལ་བ་གདབ། དེ་ནས་རླུང་རོ་ཕྱིར་བུས་པ་ལ་༼ཁམས་འདུས་ལ་སོགས་གེགས་མི་འབྱུང་ལ།༽རང་གི་ལུས་རྗེ་བཙུན་མའི་རྣམ་པ་ལ། ནང་མེ་མ་མུར་གྱི་འོབས་ལྟ་བུ་ཁ་དོག་དམར་ལ་རེག་བྱ་ཤིན་དུ་ཚ་བ། རྫ་མ་བསྲེགས་པ་འདྲ་བ་སྟོང་སང་ངེ་བའི་ཁོག་པའི་ནང་ལྟེ་བའི་ཐད་ཀའི་ཕྱོགས་བཞིར་མེ་ངང་པའི་སྒོང་ང་ཙམ་བཞི་འབར་ལ་ཁད་པ་ལ་རྩེ་གཅིག་ཏུ་སེམས་གཏད་ལ་སྟེང་འོག་གི་རླུང་བཟུང་ངོ་།
།གཉིས་པ་གཏུམ་མོ་ཟས་སུ་ཟ་བ་ནི། སྔོན་འགྲོ་གོང་བཞིན་བྱས་ལ། རྐང་ལག་བསྣོལ་ལ་ཅོག་པུར་བྱས་པའི་མཐེ་བོང་གཉིས་ལག་པས་བཟུང་ལ་རྒལ་ཚིགས་བསྲང་། མགྲིན་པ་བཅུང་ཟད་དགུག་ལ་རླུང་རོ་ཕྱི་བསལ། དེ་ནས་རང་རྗེ་བཙུན་མར་བསྒོམས་པའི་རྩ་གསུམ་གསལ་གདབ། གསང་གནས་སུ་ཡཾ་ལས་རླུང་གི་དཀྱིལ་འཁོར་གཞུའི་དབྱིབས་ལྟ་བུའི་སྟེང་དུ། རྩ་གསུམ་འཛོམ་པར། རཾ་དམར་པོ་གླ་རིལ་ཙམ་གཅིག་བསམས་ལ་རླུང་གཉིས་ཁ་སྦྱར་བས་ཡཾ་ལས་རླུང་གཡོས། རཾ་ལས་མེ་ཁ་དོག་དམར་ལ་རེག་བྱ་ཤིན་དུ་ཚ་བ་འགར་གྱི་སོ་མལ་ལྟར་མེ་སྟག་འཕྲོ་བཞིན་པ། དབྱིབས་ནས་སམ། གཟུངས་མོ་བྱི་དུར་ལྟར། མགོ་འཇུག་ཕྲ་བའི་རྩེ་མོས་མགྲིན་པར་བསླེབ་པ། དབུ་མ་ཡངས་པར་བསམས་པའི་ནང་ན་ཡར་འུར་སྒྲ་དང་བཅས་པར་འབར་ནས། ཁོང་པ་ཞེངས་པར་བསམས་པ་ལ། ལུས་ཀྱི་ལས་སུ་བཀྲུག་འཁོར་བྱ། ངག་གི་ལས་སུ་རླུང་བཟུང་། མི་ཐུབ་ཙ་ན་ཤ་ཕྲག་ན་མར་དལ་བུས་གཏང་བས་དྲོད་མྱུར། སེམས་ཀྱི་ལས་སུ་མེ་འབར་བཞིན་པའི་རཾ་དང་མེའི་འཚམས་སུ་སེམས་རྩེ་གཅིག་ཏུ་གཏད་དོ།
།གསུམ་པ་གོས་སུ་གྱོན་པ་ནི། བདེ་བའི་མལ་དུ་ལུས་བྲང་སྦྱར་ལ་ཉལ། ལྐོག་མ་བུས་མོ་ལ་དགལ། ལག་པ་བསྣོལ་ལ་ལག་༼མཐལ་བཞི་དྲོད་པ་ན་༽འཐིལ་གཉིས་ཆན་འོག་ཏུ་དགབ། མེའི་དམིགས་པ་སྔར་བཞིན་བྱས་ལ་སྟེང་འོག་གི་རླུང་གཟུང་ངོ་།
།བཞི་པ་སྟན་དུ་གདིང་བ་ནི། རྐང་པ་བརྟེན་པ་ལ་གཏད་གང་རུང་གཅིག་གི་སྒྱུ་མོ་༼དྲོད་༽ཁུང་གིས་གཅིག་ཤོས་ཀྱིས་བོལ་གོང་༼དྲོད་༽མནན། གཞོགས་གང་རུང་འོག་ཏུ་བཅུག་ལ་ཁྱི་ཉལ་དགོར་མོར་ཉལ། རླུང་དང་དམིགས་པ་གོང་བཞིན་ནོ།
།ལྔ་པ་སྲིད་པའི་དབང་ཞུ་བ་ནི། སྤྱི་བོར་བླ་མ་སྔར་བཞིན་བསྒོམས་ནས་དེའི་ཐུགས་ཁ་ནས་འོད་ཟེར་འཕྲོས་ནས་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱི་བདུད་རྩིའི་འོད་ཟེར་གྱི་རྣམ་པར་བསྡུས། བླ་མའི་ཐུགས་ཁར་བསྟིམས་ལ། ལུས་ལོངས་སྤྱོད་ཐམས་ཅད་མཆོད་པར་ཕུལ་ལ། བླ་མ་རིན་པོ་ཆེ་བདག་ལ་དབང་བཞི་རྫོགས་སུ་སྐུར་དུ་གསོལ། ཅེས་གསོལ་བཏབ་པས། བླ་མའི་སྐུ་ལ་འོད་ཟེར་དཀར་པོ་དཔག་ཏུ་མེད་པ་བྱུང་ནས། སྤྱི་བོ། མགྲིན་པ། སྙིང་ཁ། ལྟེ་བ་། རྐང་འཐིལ་ཡན་ཆད་གང་བས་རིམ་པ་ལྟར་དབང་བཞི་ཐོབ་པས་ལུས་ངག་ཡིད། དེ་གསུམ་ཐ་དད་དུ་འཛིན་པའི་དྲི་མ་བཞི་བག་ཆགས་དང་བཅས་པ་དག་ནས། སྐུ་བཞི་མངོན་དུ་བྱས་པར་བསམ་མོ། །དེས་སྡིག་སྒྲིབ་དམ་ཚིག་ཉམས་ཆག་ཐམས་ཅད་དག་ནས། གགས་མི་འབྱུང་ཏིང་ངེ་འཛིན་མ་སྐྱེས་པ་སྐྱེ། སྐྱེས་པ་གོང་ནས་གོང་དུ་འཕེལ་བར་འགྱུར་རོ།
།གསུམ་པ་རྗེས་ལ་གཉིས་ལས།
དང་པོ་གགས་རང་གྲོལ་ནི། ཐབས་ལམ་བསྒོམ་པའི་ཚེ། སྙིང་མི་དགའ་བ་དང་། ཤེས་པ་འཕྱོ་བ་དང་། རོ་སྟོད་མདུན་བརྒྱབ་དུ་གཟེར་བ་ལ་སོགས་པ་བསྟོད་གགས་བྱུང་ན། གང་ན་སར་རིན་པོ་ཆེ་འབར་བ་ལྟ་བུའི་བུ་ག་དང་། ལུས་ཐམས་ཅད་ན་བ་ལ་བུ་ཁ་ཁྲོགས་ཚགས་ཀྱི་མིག་ལྟ་བུ་བསྒོམས་པའི་ནང་ནས་ནད་གདོན་ཐམས་ཅད་དུད་པ་འཕྱུར་བ་ལྟར། སྔོན་དམར་སྣ་ཚོགས་བུན་བུན་འཐོན་པར་བསམས་ལ། རླུང་དྲག་དུ་བུད་པའམ། ཧས་དྲག་པོ་གདབ་པར་བྱའོ། ༼དང་ལག་པ་གཉིས་ཡུག་པ་དང་དུས་ལ།༽ སྨད་ཀྱི་ཀུན་དྷའི་གགས་ནི་འཁྲུལ་༼དབབ་བཟུང་བཟློག་བགྲམ་པའོ་༽འཁོར་རམ་དམིགས་པས་གསལ་གསུང་ངོ་།
།གཉིས་པ་རླུང་རྟར་ཞོན་པའི་མན་ངག་ནི། འགྲོ་བའི་ཚེ་ལག་པ་གཉིས། ཁུ་ཚུར་བཅངས་ལ་མཆན་འོག་གཉིས་སུ་བཞག །དེ་གཉིས་སུ་རླུང་༼ཡང་ན་རྐང་འོག་གཉིས་སུ་༽གི་ལྷ་མོ་སྔོན་མོ་བཤོག་པ་ཅན་རེ་བསྒོམས་ལ། དེ་གཉིས་ཀྱིས་ནམ་མཁའ་ལ་ཁྱེར་བར་བསམས་ལ། རླུང་༼ཁུག་པ་ཉེར་གཅིག་༽བཟུང་ནས་ཕྱིན་ན་རྟ་མཆོག་དང་མཉམ་པའི་འགྲོས་འབྱུང་ངོ་།
༼།གཉིས་པ་ནད་པ་སྟན་ལ་བཞུགས་པ།༽
།གཉིས་པ་སྒྱུ་ལུས་ལ་གསུམ་ལས།
དང་པོ་དབང་པོ་རབ་བླ་མ་དམ་པ་གྲོགས་སུ་རྟེན་པ་ནི། དེ་ལ་ཅིའི་ཕྱིར་གྲོགས་ཅེ་ན། འདུ་འབྲལ་མེད་པའི་དོན་གྱིས་ནི་གྲོགས། གོང་ནས་གོང་དུ་འཁྲིད་པས་ན་གྲོགས། ཡོན་ཏན་ཐམས་ཅད་བསྐྱེད་པར་བྱེད་པས་སམ། ཚེ་གཅིག་གམ་ལོ་ཟླ་ཙམ་གྱིས་སངས་རྒྱས་ཀྱི་ས་ལ་འགོད་པར་བྱེད་པས་ན་གྲོགས་ཡིན་གསུང་།
འདི་ལ་གཉིས་ཀྱི་དང་པོ་གསོལ་འདེབས་བླ་མའི་ལམ་འཁྱེར་ནི། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པར་བྱ། དེའི་དོན་དུ་ཐེག་པ་ཆེན་པོའི་ཆོས་བསྒྲུབ་སྙམ་དུ་བྱང་ཆུབ་དུ་སེམས་སྐྱེད། དེ་ནས་འཁོར་བ་ལ་སྐྱོ་ཤས་དྲག་པོ་བསྐྱེད་དེ། རྡོ་རྗེའི་ཚིག་རྐང་ལས། མི་རྟས་སྐྱོ་ཤས་ཉེས་དམིགས་སྔོན་འགྲོ་བས། །ཅེས་གསུངས་པས། དེ་ལ་སྔར་སྐྱེས་པ་ཐམས་ཅད་ཤི །ད་སྡོད་སྐྱེ་བ་ཐམས་ཅད་ཀྱང་འཆི། ད་ལྟ་ས་ཐོག་ཏུ་ཡོད་པ་ཐམས་ཅད་ཀྱང་མ་ཤི་ཚེ་ཐར་དུ་སྡོད་པ་གཅིག་ཀྱང་མེད། འཆི་བ་ཡིན་ཅིས་ཀྱང་ཅི་བྱེད། ཤི་ནས་མེད་པར་ཡང་མི་འགྱུར་ཏེ། རིགས་དྲུག་གང་དུ་སྐྱེས་ཀྱང་བསྐྱིད་མེད་ཨཾ་སྙམ་དུ་བསམས་ལ། དེ་ནས་རང་འཁོར་ལོ་བདེ་མཆོག་སྐུ་མདོག་སྔོན་པོ། ཞལ་གཅིག་ཕྱག་གཉིས་པ་གཡས་རྡོ་རྗེ། གཡོན་དྲིལ་བུ་འཛིན་པ། ཡུམ་རྡོ་རྗེ་ཕག་མོ་སྐུ་མདོག་དམར་མོ་གཡས་གྲི་ཁུག །གཡོན་ཐོད་པ་འཛིན་པ་དང་གཉིས་སུ་མེད་པ། གཉིས་ཀ་ལའང་རུས་པ་དང་མི་མགོས་བརྒྱན་པར་བསྒོམ་པའི་སྤྱི་བོར། པད་ཉིའི་གདན་ལ། རྩ་བའི་བླ་མ་ཞལ་མཛུམ་མདངས་དང་ལྡན་པ། མཚན་དང་དཔེ་བྱད་ཀྱིས་བརྒྱན་པ། འོད་དང་འོད་ཟེར་གྱི་རང་བཞིན་ཅན། ཉི་མ་འབུམ་གྱི་གཟི་བརྗིད་དང་ལྡན་པ། མཚན་ཐོས་པ་ཙམ་གྱིས་ཕྱིར་མི་ལྡོག་པའི་ས་ཐོབ་ན། གསོལ་བ་གཏབ་ན་བྱིན་བརླབས་འབྱུང་བ་སྨོས་མི་དགོས་པ་གཅིག་ཏུ་བསམ། དེའི་ཐུགས་ཁ་ནས་འོད་ཟེར་འཕྲོས་པས། རྩ་བ་དང་རྒྱུད་པའི་བླ་མ་སངས་རྒྱས་བྱང་ཆུབ་སེམས་དཔའ། ཡི་དམ་ལྷ་ཚོགས་མཁའ་འགྲོ་ཆོས་སྐྱོང་གཞན་ཡང་རང་གི་ཆོས་འབྲེལ་ཡོད་ཚད་རྣམས་སྤྱན་དྲངས་ནས་བླ་མ་ལ་སྟིམ་ནས། མདུན་དུ་རང་ལ་གནོད་བྱེད་ཀྱིས་༼གདོན་ནམ་གཞི་དག་གིས་༽གཙོ་བྱས་པའི་ནམ་མཁའ་དང་མཉམ་པའི་སེམས་ཅན་ཐམས་ཅད། ལུས་གུས་པས་༼མ་མཁའ་མཉམ་པའི་༽ཐལ་མོ་སྦྱར། ངག་གུས་པས་གསོལ་བ་འདེབས། ཡིད་གུས་པས་མོས་གུས་རྒྱུན་ཆད་མེད་པར་བསམས་ནས། རང་གི་གསོལ་བ་བཏབ་པ་དང་། སེམས་ཅན་ཐམས་ཅད་ཀྱང་ཁུ་དི་རི་རི་གསོལ་བ་འདེབས་པར་བསམས་ལ། བླ་མ་རིན་པོ་ཆེ་སེམས་ཅན་ཐམས་ཅད་ཀྱི་དོན་དུ་བདག་འཛིན་བློས་ཐོངས་པར་མཛད་དུ་གསོལ། དགོས་མེད་རྒྱུད་ལ། ༼སྐྱེ་བར་མཛད་དུ་གསོལ།༽ སྒྱུ་ལུས་རྨི་ལམ་འབྱོངས་པར། འོད་གསལ་ཕྱག་རྒྱ་ཆེན་པོ་རྟོགས་པར་མཛད་༼ད་ལྟ་མྱུར་བ་འདུག་ས་འདི་ཉིད་དུ་༽དུ་གསོལ། ཅེས་མོས་གུས་རྒྱུན་ཆད་མེད་པར་རྩེ་གཅིག་ཏུ་གསོལ་བ་དྲག་ཏུ་གདབ་སོ།
ཡེ་ཤེས་མངོན་འབྱུང་ལས། ས་དང་ལམ་གྱི་རིམ་པ་རྣམས། །བླ་མའི་མོས་གུས་ལོ་ཟླས་བསྒྲོད། །བླ་མའི་སྣང་བ་མ་བྲལ་ན། །སངས་རྒྱས་རྣམས་དང་འབྲལ་མེད་གནས། །ཅེས་པ་དང་།
ཡེ་ཤེས་མཁའ་འགྲོ་ནི་གུ་མའི་ཞལ་ནས། ལམ་ལྔ་ས་བཅུའི་རིམ་པ་རྣམས། །མོས་གུས་སྟོབས་ཀྱིས་བསྒྲོད་པར་བྱེད། །བླ་མའི་སྣང་བ་མི་འབྲལ་ན། །རྒྱུད་སྡེའི་དགོངས་པ་གནད་ཀྱི་མཆོག །ཅེས་གསུངས།
སློབ་དཔོན་བྷིར་ཝ་པའི་ཞལ་ནས་ཀྱང་། ལམ་ཟབ་བླ་མ་ཅེས་གསུངས་པས། དབང་པོ་རབ་ལམ་གཞན་ལ་ལྟོས་མི་དགོས་པར། བླ་མའི་མོས་གུས་ཉིད་ཀྱིས་གྲོལ་བར་གསུངས་སོ། །གཞན་ཡང་ལྷ་སྐུ་སྐལ་པ་སྟོང་དུ་བསྒོམས་པ་བས། བླ་མ་དྲན་པ་བསོད་ནམས་ཆེ་ཞིང་། སངས་རྒྱས་སྟོང་གི་ཡོན་ཏན་འཛིན་པར་འགྱུར་བ་ལ་སོགས་པ། མདོའི་རྒྱུད་མན་ངག་༼ཐམས་ཅད་ནས་༽ཕན་ཡོན་དཔག་ཏུ་མེད་པ་གསུངས་པས། ལུང་གི་བརྒྱན་ཅིང་ཡིད་ཆེས་པར་བྱའོ།
།གཉིས་པ་ཅིར་སྣང་བདེན་མེད་ལམ་ཁྱེར་ནི། གོང་ལྟར་གསོལ་བ་བཏབ་པས། སྣང་བ་བདེན་མེད་དུ་ཕྱམ་སོང་བ་དང་། སྣང་ཞིང་སྲིད་པས་བསྡུས་པའི་ཆོས་དག་གཞན་སྣོད་བཅུད་སྣ་ཚོགས་སུ་སྣང་བ་འདི་ཐམས་ཅད། རང་གི་བློས་བཀོད་བློས་བྱས་པའི་བག་ཆགས་ཀྱི་སེམས་ཉིད་ཕྱི་རོལ་གྱི་རྣམ་པར་ཤར་བ་ཡིན་གྱི་སེམས། སེམས་ལས་ཐ་དད་དུ་ཕྱི་རོལ་ན་དོན་ལོགས་སུ་བདེན་པར་གྲུབ་པ་ཅིག་ཀྱང་མི་འདུག་པས་སེམས་ཉིད་སྣ་ཚོགས་སུ་སྣང་གིན་འདུག་ཀྱང་ངེས་པར་བདེན་མེད་གཅིག་ཡིན་ཨཾ་སྙམ་དུ་སྒོམ། གཤིས་བདེན་མེད་གཅིག་ཡིན་པ་ལ། དེ་ལྟར་མ་རྟོགས་པས་འཁོར་བར་འཁྱམ་པར་འདུག་སྙམ་དུ་བསམ། དེ་ལྟར་རྩེ་གཅིག་ཏུ་བསྒོམ་པ་དེ་མཉམ་བཞག་གོ །རྗེས་སྤྱོད་ལམ་རྣམ་བཞི་ལ་སོགས་པ་ཐམས་ཅད་ཀྱི་དུས་སུའང་། འཆི་བ་མི་རྟག་པ་དྲན་པ་དང་། བླ་མའི་མོས་གུས་དུངས་དུངས་པ་དང་། ཅིར་སྣང་ཐམས་ཅད་ལ་ངེས་པར་བདེན་མེད་ཡིན་སྙམ་པའི་མདུན་པ་དྲག་པོ་དང་། གསུམ་མ་ཡེངས་པར་རྩེ་གཅིག་ཏུ་༼འགྲོ་འཆག་ཉལ་འདུག་༽ཉམས་སུ་བླངས་པས། ༼གསོལ་འདེབས་ཡན་ཆད་གོང་བཞིན་བྱས་ནས་གཉིད་ལོག་པས་༽གཉིད་དུ་སོང་བའི་ཚེ་གཡང་ཆེན་པོ་ལ་ཤོར་བའམ། མིའམ་ཁྱིས་དེད་པ་ལ་སོགས་པའི་རྨི་ལམ་མི་འཚམས་པ་གཅིག་རྨིས། དེ་རྨི་ལམ་དུ་ཤེས། རྨི་ལམ་བདེན་མེད་སྒྱུ་མར་ཤེས། སྒྱུ་མ་སྒྱུ་འཛིན་ཐམས་ཅད་དང་བྲལ་ནས་འོད་གསལ་ཕྱག་རྒྱ་ཆེན་པོ་ཇི་ལྟ་བ་བཞིན་མངོན་དུ་གྱུར་པ་དེ་ལ། དབང་པོ་རབ་བླ་མ་དམ་པ་གྲོགས་སུ་བསྟེན་པས། ལམ་ལྔ་ས་བཅུ་བསྒྲོད་པ་བྱ་བ་ཡིན་གསུང་ངོ་། །དེས་ལམ་མ་སྒྲོད་ན། བླ་མ་ལ་ཆོས་སྐུའི་འདུ་ཤེས་མ་སྐྱེས། མོས་གུས་ཀྱི་རྩོལ་བ་ཞན་པའི་སྟོབས་ཀྱིས་དབང་པོ་འབྲིང་དུ་སོང་པ་ཡིན་ནོ།
།དེ་ལ་༼གཉིས་པ།༽དབང་པོ་འབྲིང་ཚིག་གཞན་གྱིས་བར་མ་ཆོད་པར་འཁྲིད་པ་ནི། ཅིའི་ཕྱིར་དེ་སྐད་ཅེས་བྱ་ཞེ་ན། ཐ་མལ་གྱི་ལོང་གཏམ་ལྟ་ཅི་སྨོས། མདོ་མདོན་སྔགས་བཟློས་པ་ལ་སོགས་པ་ཐམས་ཅད་ཀྱང་རེ་ཤིག་ལ་བཞག་ནས། ཡིད་ལ་ཡང་ཅིར་སྣང་ཐམས་ཅད་སྒྱུ་མ་རྨི་ལམ། ངག་ཏུ་ཡང་སྒྱུ་མ་རྨི་ལམ། ཞེས་རྟག་ཏུ་བརྗོད་པར་བྱ་སྟེ།
ཁྱེའུ་རབ་སྣང་གིས་ཞུས་པའི་མདོ་ལས། ཆོས་རྣམས་རྨི་ལམ་སྒྱུ་མ་ཞེས། །གང་གིས་ཚིག་བརྗོད་དྲན་གྱུར་ན། །སྲིད་པའི་འཆིང་བ་ལས་གྲོལ་ནས། །ཚེ་འདི་ཉིད་དུ་སངས་རྒྱས་ངེས། །ཅེས་གསུངས་སོ།
།འདི་ཉམས་སུ་ལེན་པ་ལ་གཉིས་ལས།
དང་པོ་རང་ལུས་སྣང་སྟོང་ལྷ་སྐུ་ནི། མི་རྟག་འཁོར་བའི་སྐྱོ་ཤས་དྲག་པོ་དང་སེམས་སྐྱེད་བླ་མའི་རྣལ་འབྱོར་སྔར་བཞིན་བྱས་ལ་གསོལ་བ་དྲག་ཏུ་གཏབ་པས། སྣང་པ་བདེན་མེད་དུ་ཕྱམ་སོང་པ་དང་། རང་འཁོར་ལོ་བདེ་མཆོག་སྣང་པ་གཟུགས་སུ་གྲུབ་ལ་རེག་བྱ་གཟུགས་སུ་མ་གྲུབ་པ། ཆུ་ཟླའམ། མེ་ལོང་གི་གཟུགས་རྙན་ལྟར་སྣང་ལ་རང་བཞིན་མེད་པར་བསྒོམས་པའི་སྐུ་མདོག་ཕྱག་མཚན་རྒྱན་ཆ་ལུགས་རྣམ་པ་བཞུགས་ཚུལ་ལ་སོགས་པ་འདི་རྣམས། རང་གི་བློས་བཀོད་ནས་བྱས་པ་མ་གཏོགས་པ། སེམས་ལས་དོན་ལོགས་སུ་གྲུབ་པ་ཅིག་ཀྱང་མི་འདུག །སེམས་ཉིད་ཀྱང་འདི་ལྟ་བུར་སྣང་ནི་སྣང་། བདེན་ནི་མི་བདེན། སྒྱུ་མ་ཡིན་རྨི་ལམ་ཡིན་སྙམ་དུ་རྩེ་གཅིག་ཏུ་བསྒོམ། ངག་དུ་ཡང་བརྗོད་དོ།
།གཉིས་པ་ཅིར་སྣང་སྒྱུ་མའི་ལམ་ཁྱེར་ནི། རང་ལུས་ལྷ་སྐུ་དེ་ལྟར་ཡིན་པ་དེ་བཞིན་དུ། ཕྱི་སྣོད་ཀྱི་འཇིག་རྟེན་ཁང་ཁྱིམ་ས་རྡོ་རི་བྲག་རྩི་ཤིང་ནགས་ཚལ་ལ་སོགས་པ་དང་། ནང་བཅུད་ཀྱི་སེམས་ཅན། སྐྱེས་པ་བུད་མེད་དགྲ་གཉེན་རྟ་གླང་ལ་སོགས་པ་བདག་གཞན་སྣོད་བཅུད་སྣང་སྲིད་འཁོར་འདས་ཀྱིས་བསྡུས་པའི་ཆོས། སྣ་ཚོགས་འདི་རྣམས་ཐམས་ཅད། རང་གི་བློས་བཀོད། བློས་བྱས་པའི་སེམས་ཉིད་དེ་ལྟར་དུ་ཤར་བ་མ་གཏོགས་པ། སེམས་ལས་ཐ་དད་དུ་ཕྱི་རོལ་ན་དོན་ལོགས་སུ་བདེན་པར་སྒྲུབ་པ་གཅིག་ཀྱང་མི་འདུག །སེམས་ཉིད་སྣ་ཚོགས་སུ་གནང་བ་ནི་སྣང་། བདེན་ནི་མི་བདེན་འདི་ཀ་རྨི་ལམ་ཡིན། སྒྱུ་མ་ཡིན་སྙམ་དུ་རྩེ་གཅིག་ཏུ་ཉམས་སུ་བླང་ངོ་། །དེ་ཡང་སྣང་པ་ཐམས་ཅད་རང་གི་སེམས་ཀྱི་རང་སྣང་ཡིན་ཏེ།
རྡོ་རྗེའི་གུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །ཅེས་དང་།
ཕལ་པོ་ཆེ་ལས། ཀྱེ་རྒྱལ་བའི་སྲས་དག ཁམས་གསུམ་པོ་འདི་དག་ནི་སེམས་ཙམ་མོ། །ཅེས་པ་དང་།
ལང་ཀར་གཤེགས་པ་ལས། བག་ཆགས་ཀྱིས་ནི་བཀྲུགས་པའི་སེམས། །དོན་དུ་སྣང་བ་རབ་ཏུ་འབྱུང་། །དོན་ཡོད་མ་ཡིན་སེམས་ཉིད་དེ། །ཕྱི་རོལ་དོན་མཐོང་ལོག་པ་ཡིན། །ཅེས་པ་ལ་སོགས་པའི་ལུང་དང་། སྔོན་འབྱུང་གི་གཏམ་རྒྱུད་ངོ་མཚར་བས་བརྒྱན་ཏེ་ངེས་ཤེས་བསྐྱེད་པར་བྱའོ།
།རྗེས་འགྲོ་བ། འཆག་པ། ཉལ་བ། འདུག་པ། ཟས་ཟ་བ་གོས་གྱོན་པ། གཏམ་སྨྲ་བ་ལ་སོགས་པ། སྤྱོད་ལམ། ཐམས་ཅད་དུ། ང་དོ་ནུབ་འཆིའམ། ནང་པར་མཆི་ནམ་མཆི་ཆ་མེད་ཅིས་ཀྱང་ཅི་བྱེད་སྙམ་པ་དང་། བླ་མའི་སྣང་བ་དང་མི་འབྲལ་བར། མོས་གུས་རྒྱུན་ཆད་མེད་པ་དང་། ཅིར་སྣང་ཐམས་ཅད་སྒྱུ་མ་རྨི་ལམ་དུ་སྔར་བཞིན་དགྱེར་བར་བྱ། ཁྱད་པར་དུ་ཕན་སྣོད་དང་། གཏམ་སྙན་མི་སྙན་ལ་སོགས་པ་བདེ་སྡུག་ཆགས་སྡང་གི་ཡུལ་དང་ཕྲད་པའི་ཚེ། འདི་ཀ་རྨི་ལམ་གྱི་བདེ་སྡུག་ལ་སོགས་པ་ཡིན་པར་འདུག་སྙམ་དུ་བསམ། མདོར་ན། ངག་ཏུ་ཡང་སྒྱུ་མ་རྨི་ལམ་སེམས་ཀྱིས་ཀྱང་སྒྱུ་མ་རྨི་ལམ་གྱིས་རྩིས་ཟིན་པར་བྱས་པ་དང་། ཅི་བྱས་ཐམས་ཅད་དགེ་སྦྱོར་དུ་འགྲོ་གསུང་ངོ་།
།ཡེ་ཤེས་མཁའ་འགྲོ་མ་ནི་གུ་མའི་ཞལ་ནས། ཅིར་སྣང་བསྒོམ་དུ་མ་ཤེས་ན། །གཉེན་པོ་རྟེན་གྱིས་ག་ལ་ལང་། །ཡུལ་ངན་ཡོང་གི་ག་ལ་སྤོངས། །སྒྱུ་མར་རྟོགས་པས་རང་སར་གྲོལ། །ཅེས་གསུངས།
ཡེ་ཤེས་རྒྱ་མཚོ་ལས། རང་ལུས་སྒྱུ་མའི་རྣམ་པར་རབ་ཤེས་པས། །འགྲོ་ཀུན་སྐྱེས་པ་བུད་མེད་སྣ་ཚོགས་པ། །ཐམས་ཅད་གཟུགས་ནི་སྒྱུ་མའི་རྣམ་པ་ལས། །མཁས་པ་སུ་དག་དེ་ལས་གཞན་དུ་བརྗོད། །ཅེས་གསུངས་པས།
སྣང་པ་ཐམས་ཅད་རང་གི་སེམས། སེམས་ལྷ་སྐུ། ལྷ་སྐུ་བདེན་མེད་སྒྱུ་མ་ལྟ་བུ་སྟེ། དེ་ལྟར་མཉམ་རྗེས་སྤྱོད་ལམ་ཐམས་ཅད་དུ། ཆགས་སྡང་གི་ཡུལ་ལ་སོགས་པ་ཅིར་སྣང་ཐམས་ཅད་ལ་གཉེན་པོ་རྟེན་ཅིང་བསྒོམས་པས་ནུབ་མོ་རྨི་ལམ་ཟིན་དེ་བདེན་མེད་སྒྱུ་མར་ཤེས། སྒྱུ་མ་སྒྱུ་འཛིན་ཙམ་དང་བྲལ་ནས། འོད་གསལ་ཕྱག་རྒྱ་ཆེན་པོ་ཇི་ལྟ་བ་བཞིན་དུ་མངོན་དུ་གྱུར་པ་དེ་ལ་དབང་པོ་འབྲིང་ཚིག་གཞན་གྱིས་བར་མ་ཆོད་པར་ཁྲིད་པས་ལམ་ལྔ་ས་བཅུ་བགྲོད་པ་ཡིན་གསུང་ངོ་། །དེ་ལྟར་ཉམས་སུ་ལེན་པ་ན། ཚེ་འདི་བློས་མ་ཐོངས་ན་ཅི་བྱས་ཚེ་འདི་འབའ་ཞིག་གི་བྱ་བར་འགྲོ་བས། ཚེ་འདི་བློས་གཏང་པའི་ཚུལ། ཇོ་བོ་ཆེན་པོ་རྗེ། ལོ་ཙཱ་བ་རིན་ཆེན་བཟང་པོ། ཁ་རག་བསྒོམ་པ། ཞང་རིན་པོ་ཆེ། རྣལ་འབྱོར་ཆོས་དབང་ཕྱུག་ལ་སོགས་པའི་ལོ་རྒྱུས་དང་། ཉམས་ལེན་གྱི་སྐབས་སུ་ཉེ་བར་མཁོ་བའི་མདོའ་བརྒྱུད་ལ་སོགས་པའི་ལུང་སྦྱོར་སྣ་ཚོགས་དང་། བླ་མ་གོང་མའི་གསུང་སྒྲོས་དང་། སྔོན་བྱུང་གི་གཏམ་རྒྱུད་ཁྱད་པར་ཅན་རྣམས་ཅི་རིགས་སུ་གསུངས་པ་ནི། འདིར་ཡི་གེ་མངས་ཀྱིས་དགོས་ནས་མ་བྲིས་པས་གཞན་དུ་ཤེས་པར་བྱའོ། །དབང་པོ་རབ་འབྲིང་གཉིས་ལ་དགེ་སྦྱོར་མ་སྐྱེས་ན། བླ་མ་ལ་ཆོས་སྐུའི་འདུ་ཤེས་མ་སྐྱེས་པ་དང་། མོས་གུས་དང་འདུན་པ་ཞན་པའི་སྟོབས་ཀྱིས་དབང་པོ་ཐ་མར་སོང་པ་ཡིན་ནོ།
།དེ་ལ་གསུམ་པ། དབང་༼མི་གསུམ་གྱི་ལས་ཀྱིས་སླད་པ་དེ་ལ་བྱ་བ་དཀའ་ཤོས་བབས་དང་ལྟ་གསུང་༽པོ་ཐ་མ་མལ་ཅིག་ཏུ་ཏིང་ངེ་འཛིན་རྒྱུད་ལ་སྐྱེས་པ་ནི། ཅིའི་ཕྱིར་དེ་སྐད་བྱ་ཞེ་ན། མལ་གྱི་དྲོད་མ་ཡལ་བར་ཉིན་མཚན་ཐམས་ཅད་དུ་མ་ཡེངས་པར་རྩེ་གཅིག་ཏུ་བསྒོམ་དགོས་པས་སོ། །དེ་ལ་སད་བཞིས་མ་ཁྱེར་བ་བྱ་སྟེ། འགྲོ་འདུག་མང་པོ་དགེ་སྦྱོར་གྱིས་སད། འཕོ་བསྐྱས་མང་པོ་དགེ་སྦྱོར་གྱི་སད། བློ་སྣ་མང་པོ། ལོག་ལྟ་མང་པོ་དགེ་སྦྱོར་གྱི་སད་ཡིན་པས། དེ་རྣམས་སྤངས་ལ་ཉམས་སུ་བླང་གསུང་། འདི་ལ་བཞིའི་སྔོན་འགྲོ་གཞན་སྔར་བཞིན་བསྒོམས་ལ། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། སྒྱུ་ལུས་རྨི་ལམ་འབྱོངས་པར་མཛད་དུ་གསོལ། ཅེས་གསོལ་བ་བཏབ་ནས།
དང་པོ་འགྲོ་དྲུག་སྒྱུ་མར་འཆར་བྱེད་ནི། རྐང་པ་རྣོལ་ལ་རྩོག་པུར་བྱ། ལག་པ་སྣོལ་ལ་པུས་མོ་ལ་མཁྱུད། རང་ཡི་དམ་དུ་བསྒོམས་པའི་ལྟེ་འོག་ཏུ་ཆོས་འབྱུང་ཕྱི་དཀར་ལ་ནང་དམར་བའི་ནང་དུ། དམྱལ་བ་ཚ་གྲང་ཅན་ལ་སོགས་པའི་འགྲོ་དྲུག་གི་སེམས་ཅན་ཐམས་ཅད་འོད་དུ་ལྟེམ་ལྟེམ་བསམ་ལ་དེ་ལ་རྩེ་གཅིག་ཏུ་སེམས་གཏད་པས། སྟེང་རླུང་ཤུགས་ཀྱིས་ཟིན། འོག་རླུང་དྲག་ཏུ་བསྐུམས་ལ། བདག་གིས་གཙོ་བྱས་པའི་འགྲོ་དྲུག་སེམས་ཅན་འདི་རྣམས་མི་བདེན་པ་ལ་བདེན་པར་གཟུང་པས་འཁོར་བ་འབའ་ཞིག་ཏུ་འཁྱམས་པ་སྙིང་རེ་རྗེ་སྙམ་དུ་བསམ། འདི་རྣམས་ཐམས་ཅད་ཀྱང་སྣང་ནི་སྣང་བདེན་ནི་མི་བདེན། སྒྱུ་མ་རྨི་ལམ་ཡིན་ཨཾ་སྙམ་པའི་དྲན་འདུན་དྲག་པོ་དང་། བླ་མའི་མོས་གུས་གཉིས་གཅིག་ཏུ་ཉམས་སུ་བླང་ངོ་། །དེས་སྒྱུ་མ་རང་ཤར་མི་འབྱུང་མི་སྲིད་དོ།
།གཉིས་པ་ནད་གདོན་སྒྱུ་མའི་ལམ་ཁྱེར་ནི། ནད་ཀྱི་ངོ་བོ་བདེན་མེད་སྒྱུ་མར་བསྒོམ། ༼ཡང་ན་ནད་དང་། བླ་མ་དབྱེར་མེད་སྒྱུ་མར།༽ གདོན་གང་གནོད་པ་དེ་སྣ་བུག་གཡས་ནས་ལྟེ་འོག་ཆོས་འབྱུང་གི་ནང་དུ་བཅུག་ལ། ཆོས་འབྱུང་ཁ་བསྡུས་ལ་སྤྲུག་འཁོར་བྱ། གསོལ་བ་དྲག་ཏུ་བདབ། གདོན་བདེན་མེད་སྒྱུ་མར་བསྒོམས་ལ། གནོད་བྱེད་དེས་རིགས་དྲུག་གི་སྡུག་བསྔལ་ཉམས་སུ་མྱོང་ཞིང་དྲན་པས་འགྱོད་པ་དྲག་པོ་སྐྱེ་ཏེ། གནོད་སེམས་ཞི་ནས་༼སྣ་བུག་གཡོན་ནས་༽མདུན་དུ་འཐོན་པ་ལ་ལན་ཆགས་ཀྱི་གཏོར་མ་བྱིན་ལ་མི་དམིགས་པར་བྱའོ།
།གསུམ་པ་འཆར་བྱེད་ཡོན་ཏན་ཚོགས་དྲུག་ནི། ལྟེ་འོག་ཆོས་འབྱུང་གི་ནང་དུ་འགྲོ་དྲུག་སེམས་ཅན་རྣམས་བསྒོམས་ལ། འོག་རླུང་སྐུམས་ནས་མདུན་པ་རྩེ་གཅིག་ཏུ་བཏང་པ་དེ་ཉིད་ཀྱིས་བདེ་དྲོད། རྨི་ལམ་རང་ཟིན་སྦྱོང་སྤེལ། ཡུལ་སྣང་། སྒྱུ་མ་རང་ཤར། འགྲོ་དྲུག་གི་སྨིན་གྲོལ་དང་། ཡོན་ཏན་དྲུག་འཆར་རོ། །གཞན་ཡང་དྲོད་སྐྱེ་བ་དང་། ཐིག་ལེ་ཐུབ་པ་ལ་སོགས་པའི་ཡོན་ཏན་ཀྱང་འབྱུང་གསུང་ངོ་།
།བཞི་པ་ཞེན་མེད་སྒྱུ་མ་རང་ཤར་ནི། མཉམ་བཞག་སྔར་བཞིན་བྱས་ལ། རྗེས་སྤྱོད་ལམ་ཐམས་ཅད་སྒྱུ་མ་རྨི་ལམ་དུ་ཁྱེར་བས། ཅིར་སྣང་༼ཐམས་ཅད་བདེན་མེད་༽སྒྱུ་མ་རང་ཤར་ནས། གཡས་ནས་ཙན་དན་གྱི་དྲིས་མཆོད་པ་དང་། གཡོན་ནས་མི་བཙང་བ་འཐོར་བ་དང་། བསྟོད་པ་དང་། རྨོད་པ་ལ་སོགས་པ་ཐམས་ཅད་ལ་ཆགས་སྡང་དང་དགག་བསྒྲུབ་མེད་པར་སྒྱུ་ལུས་ཆགས་སྡང་རང་གྲོལ་དུ་འགྱུར་རོ། །ཚུལ་འདི་ཉིད་སྒྱུ་ལུས་དབང་པོ་རབ་འབྲིང་གི་སྐབས་སུའང་སྦྱར་ཏེ་ཤེས་པར་བྱའོ།
།གསུམ་པ་རྨི་ལམ་ལ་ཆོས་དྲུག་ལས།
དང་པོ་རྨི་ལམ་བཟུང་བ་ལ། སྔོན་འགྲོ་གཞན་སྔར་བཞིན་བསྒོམས་ལ། བདག་འཛིན་བློ་ཡིས་ཐོངས་པར། དགོས་མེད་རྒྱུད་ལ་སྐྱེ་བར། རྨི་ལམ་ཟིན་པར་མཛད་དུ་གསོལ། ཅེས་གསོལ་བ་གདབ།
འདི་ལ་གཉིས་ལས་དང་པོ་རང་ཟིན་ནི། ཐིག་ལེ་དབང་བཞིའི་གནད་ཀྱིས་བཟུང་བར་བྱས་ཏེ། རང་གི་སྤྱི་བོའི་ཧཾ་ལས་ཐིག་ལེ་དཀར་པོ་སྲན་མ་ཙམ་ཅིག་ཆད་སྙིང་ཁར་བྱུང་བས་གཏི་མུག་དག གསང་གནས་ཀྱི་ཧཱུྃ་ལས་༼སྨད་འོད་ཟེར་དམར་པོས་ཁེངས་༽ཐིག་ལེ་དམར་པོ་གཅིག་ཆད། ༼སྟོད་འོད་ཟེར་དཀར་པོས་ཁེངས།༽ སྙིང་ཁར་བྱུང་བས་འདོད་ཆགས་དག །ཞེ་སྡང་རང་དག་ཡིན་གསུང་། དེ་ནས་ཐིག་ལེ་གཉིས་པོ་སྙིང་ཁར་ཆོས་སྐོར་དུ་འགྲོས་འདེད་ཀྱི་ཚུལ་དུ་བསྐོར་འཁོར་བ་ལ་རྩེ་གཅིག་ཏུ་དམིགས་ལ། ང་གཉིད་དུ་སོང་འདུག །འདི་ཀ་རྨི་ལམ་ཡིན་སྒྱུ་མ་ཡིན་སྙམ་དུ་དྲན་འདུན་དྲག་པོ་བྱ། ཐིག་ལེ་འཁོར་བ་བུམ་དབང་། སྐབས་སུ་རེག་པས་གསང་དབང་། རེག་པས་བདེ་བ་སྐྱེས་པ་གསུམ་པ་གཅིག་ལ་གཅིག་ཐིམ་ནས་འོད་དུ་ཡལ་མི་དམིགས་པར་སོང་བར་བསམ་པ་བཞི་པའོ།
།གཉིད་དུ་འགྲོ་ཁར་ཐིག་ལེ་གཅིག་ལ་ཅིག་ཐིམ་ནས་མཐར་འོད་དུ་ཡལ་སོང་བའི་མི་རྟོག་པའི་ངང་ལས་རྨི་ལམ་བཟུང་ངོ་། །དེས་རྨི་ལམ་རང་ཟིན་འབྱུང་གསུང་ངོ་། །ཟིན་པའི་ཚུལ་ཐོག་མར་༼སད་འབྱམ་འབྱུང་༽གཉིད་ཐུམ་ཕྲས་མང་པོ་འབྱུང་། དེ་ནས་རྨི་ལམ་ལ་རྨི་ལམ་དུ་ཤེས་ཤིང་། དེའང་འཇམ་ཟིན་དང་། རྩུབ་ཟིན་གཉིས་གང་རུང་འབྱུང་།
བླ་མ་རྨོག་ཅོག་པའི་ཞལ་ནས། ཕྲས་སད་དུས་སུ་བསྲེ་བ་ཅེས། །ཤར་དང་སྣང་དང་དོན་བྱེད་དང་། །ཤེས་ནས་གྲོལ་བར་ཁྱད་པར་མེད། །ཅེས་གསུངས་པ་ལྟར་ཉམས་སུ་བླང་གསུང་ངོ་།
།གཉིས་པ་འཆུག་མེད་ནི། སྔར་གྱི་དེས་རང་ཟིན་མ་བྱུང་ན། ༼དཔེར་ན་སེམས་ཅན་གལ་འགེག་ལ་ལ་འཛིན་པ་དང་མཚུངས།༽ འཆུག་པ་མེད་པ་གལ་འགྱེག་གི་གནད་རྣམ་པ་དགུས་བཟུང་བར་བྱ་སྟེ། དུས་ཀྱི་གནད་གསུམ་ནི། རིག་པ་གསལ་བའི་དུས་ཡིན་པས། ཐོ་རངས་ནམ་ལངས། ཉི་ཤར་གྱི་རྩེ་མོའོ།
།ལུས་ཀྱི་གནད་གསུམ་ནི། གཉིད་ཆེ་ཆུང་གི་རིམ་པས་དཀྱིལ་དཀྲུངས། རྩོག་པུ་སེང་གེའི་ཉལ་སྟབས་སོ།
།དམིགས་པའི་གནད་གསུམ་ལས། རྟོག་མེད་ལ་འཛིན་པ་གཉིས་ཀྱི་དང་པོ། ལྷ་སྐུ་ལ་གཟུང་པ་ནི། རང་གི་སྟེང་རླུང་ཐིག་ལེ་དཀར་བ་དང་འགྲོགས། འོག་རླུང་ཐིག་ལེ་དམར་བ་དང་འགྲོགས། ལྟེ་བར་འཁོར་བ་ལ་རྨི་ལམ་རྒྱུ་མའི་དྲན་འདུན་རྩེ་གཅིག་ཏུ་བྱས་ལ་རླུང་གཉིས་ཁ་སྦྱར་རོ། །གཉིད་དུ་འགྲོ་ཁར་ཐིག་ལེ་དཀར་བ་སྣ་བུག་གཡས་ནས་འཐོན། དམར་བ་གཡོན་ནས་འཐོན་ནས་སྨིན་ཕྲག་ཏུ་འཁོར་བར་དམིགས་ལ་དྲན་འདུན་བཏང་། དེ་ནས་ཐིག་ལེ་དཀར་བ་བདེ་མཆོག་དཀར་པོར་གྱུར། དམར་བ་ཡུམ་དུ་གྱུར་པ་མདུན་དུ་དམིགས་ལ་དྲན་འདུན་བཏང་། མཐར་ཡུམ་ཡབ་ལ་ཐིམ། ཡབ་འོད་དུ་ཡལ་སོང་བའི་མི་རྟོག་པའི་ངང་ལ་རྨི་ལམ་བཟུང་ངོ་། །དེས་ཀྱང་མ་ཟིན་ན།
གཉིས་པ་བླ་མ་ལ་བཟུང་པ་ནི། རང་བདེ་མཆོག་ཏུ་བསྒོམས་པའི་ཐུགས་ཁར་བླ་མ། དེའི་ཐུགས་ཁར་ཧཱུྃ་དཀར་པོ་གཅིག་བསམས་ནས། ཧཱུྃ་གི་འོད་ཀྱིས་བླ་མ་གསལ་བླ་མའི་འོད་ཀྱིས་ཡི་དམ་གསལ་བ་ལ་དྲན་འདུན་རྩེ་གཅིག་ཏུ་བཏང་ངོ་། །གཉིད་དུ་འགྲོ་ཁར་ཡི་དམ་བླ་མ་ལ་ཐིམ། བླ་མ་ཧཱུྃ་ལ་ཐིམ། ཧཱུྃ་འོད་དུ་ཡལ་སོང་པའི་མི་རྟོག་ངང་ལ་རྨི་ལམ་བཟུང་ངོ་།
།ཡེ་ཤེས་རྒྱ་མཚོ་ལས། འགྲོ་བ་ཀུན་གྱི་མགྲིན་པར་སྐྱེ། །ཡི་གེ་ཨ་བཅས་གནས་པ་ཉིད། །ཅེས་སོ།
།གསུམ་པ་རྟོག་བཅས་ལམ་དུ་འཁྱེར་བ་ནི། རྨི་ལམ་ཟིན་པར་བྱེད་པའི་རྒྱུ་གཉིད་དང་རྨི་ལམ་གྱི་བར་གྱི་རྟོག་༼ཌ་ཀི་ཉེར་ལྔའི་ལུང་པར་སླེབ་པ་དང་འདྲ་གསུང་༽པ་ཡིན་པས། སྔར་གྱི་དམིགས་པ་ལ་སེམས་བཏད་ནས་དྲན་འདུན་དྲག་པོ་བཏང་པའི་མཐར་གཉིད་ལོག་པས། གཉིད་དུ་མ་སོང་བའི་མཐར་གཉིད་ལོག་པས། གཉིད་དུ་མ་སོང་པའི་སྣང་བ་འགགས། གཉིད་དང་རྨི་ལམ་རགས་པ་མ་ཤར་བའི་བར་དེར། མིའམ་ཕྱུགས་ལ་སོགས་པའི་རྟོག་པ་རིབ་རིབ་པ་བྱུང་བ་དེ། འདི་རྨི་ལམ་དུ་འདུག་སྙམ་དུ་ངོས་ཟིན་པར་བྱས་ལ། མིག་མི་འབྱེད་པར་འོག་རླུང་བསྐུམས། དེས་རྨི་ལམ་མི་ཟིན་མི་སྲིད་དོ་གསུང་།
།གཉིས་པ་སྦྱང་བ་ལ་བཞིའི་སྔོན་འགྲོ་གཞན་སྔར་དང་འདྲ་བ་ལས། འདིར་བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། སྒྱུ་ལུས་རྨི་ལམ་འབྱོངས་པར་མཛད་དུ་གསོལ། ཅེས་གསོལ་བ་གདབ། དེ་ནས་རང་གཉིད་དུ་སོང་འདུག །ལུས་འདི་རྨི་ལམ་གྱི་ལུས་སུ་འདུག །སྣང་པ་འདི་རྨི་ལམ་གྱི་སྣང་པར་འདུག །རྨི་ལམ་གྱི་ལུས་དང་སྣང་པ་ལ་ཇི་ལྟར། སྦྱང་སྦྱང་ཡིན་སྙམ་དུ་དྲན་འདུན་དྲག་པོ་བཏང་ནས།
དང་པོ་སེམས་ཀྱིས་ལུས་སྦྱང་བ་ནི། འོག་ན་འཚོའམ་གཡང་ས་ཆེན་པོའི་སྟེང་ན་རང་ལུས་འདུག་པའམ་འདུག་པར་བསམས་པས་འཇིགས་ཅིང་ཡ་ང་བ་བྱུང་པ་དང་། རྨི་ལམ་གྱི་གཡང་ལ་འཇིགས་ཅིང་ཡ་ང་རྒྱུ་ཅི་ཡོད་སྙམ་དུ་བསམས་ནས། རང་ལུས་བདེ་མཆོག་ཏུ་གསལ་བ་དེ་གཡང་ལ་ཆད་ཀྱིས་བསྐྱུར། འོག་ཏུ་སླེབ་པ་དང་ཡལ་གྱིས་སོང་བར་བསམས། ཡང་སྔར་ལྟར་ཡང་ཡང་དུ་བསྒོམ་པར་བྱའོ།
།གཉིས་ལུས་ཀྱི་སེམས་སྦྱང་བ་ནི། རང་གི་ལུས་ཀྱི་ཚིགས་ཐམས་ཅད་ལ་ཧཱུྃ་སྔོན་པོ་རེ་བསམ། དེ་རྣམས་འོད་དུ་ཞུ་ནས་ཁོང་པའི་ནང་དུ་སོང་བས་སྡིག་སྒྲིབ་ནད་གདོན་ཤ་རུས་ཐམས་ཅད་སྦྱངས་ནས། རང་ལུས་འོད་སྔོན་པོར་གྱུར། དེ་ཡི་དམ་གྱི་ལྷ་སྣང་ལ་རང་བཞིན་མེད་པར་བསྒོམས་ནས། འདི་ཐམས་ཅད་རང་གི་སེམས་ཀྱི་རང་སྣང་ཡིན། སེམས་བཟུང་འཛིན་བག་ཆགས་ཀྱིས་འཁྲུལ་སྣང་སྣ་ཚོགས་སུ་ཤར་བ་ཙམ་ཡིན་གྱི། གཤིས་ལ་བདེན་པར་གྲུབ་པ་གང་ཡང་མེད་སེམས་རིག་པ་ཙམ་པོ་རང་བཞིན་སྐྱེ་མེད་མཚིད་ཉིད་འགག་མེད། འདི་ཀ་ཟུང་འཇུག་བདེ་བ་ཆེན་པོའི་རང་བཞིན་ཡིན་སྙམ་དུ་ཐག་བཅད་ལ་ལྷ་སྐུ་ཕྱག་རྒྱ་ཆེན་པོ་གསལ་སྟོང་འཛིན་མེད་ཀྱི་ངང་ལ་བཞག་གོ
།གསུམ་པ་བདག་མེད་མས་སྦྱང་བ་ནི། རང་ཡི་དམ་དུ་གསལ་བའི་ནོར་བུ་ལ་ཧཱུྃ་སྔོན་པོ་བསམ། མདུན་དུ་བདག་མེད་མ་སྔོན་མོ་གྲི་གུག་དང་ཐོད་པ་ཅན་གྱི་གསང་གནས་སུ། ཨོཾ་ཨ་སྭཱ་ཧཱ། ཅེས་པ་སྔོན་པོ་བསམས་ནས་བཟླས་པ་བྱས་པས་སྔགས་ལ་འོད་ཟེར་སྔོན་པོ་བྱུང་ནས། ནོར་བུའི་ཧཱུྃ་ལ་ཕོག་པས་དེ་ཡང་འོད་དུ་ཞུ་བ་འདྲེས་ནས་གསང་གནས་ན་ཡར་སོང་བས་ལུས་བདེ་ཁྲིལ་བྱུང་ནས་སྡིག་སྒྲིབ་ལ་སོགས་པ་སྔར་ལྟར་སྦྱངས་པར་བསམས་ལ་དྲན་འདུན་བཏང་། ཡང་སྔགས་བཟླས་པས་འོད་བྱུང་ནས། བདག་མེད་མ་ལ་ཕོག་པས་འོད་དུ་ཞུ་ནས་གསང་གནས་ན་ཡར་སོང་བས་སྔར་ལྟར་སྦྱངས་པར་བསམ་ཞིང་མཐར་རང་ལུས་འོད་སྔོན་པོ་དེ་ཡང་སྔོ་ཡལ་གྱིས་སྟོང་སངས་སོང་ནས། ཕྱག་རྒྱ་ཆེན་པོ་གསལ་སྟོང་འཛིན་མེད་ཀྱི་ངང་ལ་བཞག་གོ །བདག་མེད་མས་སྦྱང་བ་ལྟར་ཡི་དམ་གྱི་ལྷ་གཞན་ལའང་སྦྱར་བར་བྱའོ།
།བཞི་པ་འདུན་པས་སྦྱང་བ་ནི། འབྱུང་བ་བཞི་དང་སེམས་ཅན་མིག་གིས་མཐོང་ཙམ་ནས་རི་དང་རྟ་གླང་ལ་སོགས་པ་ཕྲ་རགས་ཐམས་ཅད་ལ་རང་ལུས་ཕར་ཐལ་ཚུར་ཐལ་ལ་སོགས་པས་སྦྱོང་ངོ་།
།གསུམ་པ་སྤེལ་བ་གཉིས་ཀྱི། སྔོན་འགྲོ་སྔར་ལྟར་བྱས་ལ། ང་གཉིད་དུ་སོང་འདུག་འདི་རྨི་ལམ་དུ་འདུག །རྨི་ལམ་གྱི་ལུས་དང་སྣང་པ་ལ་ཇི་ལྟར་སྤེལ་སྤེལ་ཡིན་སྙམ་དུ་དྲན་འདུན་བཏང་ནས།
དང་པོ་ཐུག་ཕྲད་དུ་སྤེལ་བའི་བཞི་ནི། འབྱུང་བཞི་ཕྲ་བ་དང་རགས་པ། སེམས་ཅན་ཕྲ་བ་དང་རགས་པ་གང་སྣང་ཐམས་ཅད་གཅིག་ལས་བཅུ། བཅུ་ལས་བརྒྱ་སྟོང་ཁྲི་འབུམ་ལ་སོགས་པ་བར་སྣང་ལ་གཞི་ཁེངས་པར་བསམ།
།གཉིས་པ་གང་འདུལ་དུ་སྤེལ་བ་ལ་གཉིས་ལས།
དང་པོ་འཇིག་རྟེན་པའི་གང་དུ་སྤེལ་བ་ནི། ཕ་རོལ་བྱི་བ་ལྟ་བུ་ལ་བྱི་ལྷ། བྱིའུ་ལ་ཁྲ། ཁྱི་ལ་སྤྱང་ཁྱི། སྤྱང་ཁྱི་ལ་སྟག །སྟག་ལ་སེང་གེ །མི་ལ་སྲིན་པོ་ལ་སོགས་པ་གང་འདུལ་དུ་སྤྲུལ་ཞིང་སྔར་ལྟར་སྤེལ་ནས་ཟ་བ་དང་མིད་པ་ལ་སོགས་པའི་སྒོ་ནས་གདུལ་བར་བྱའོ།
།གཉིས་པ་འདས་པའི་གང་འདུལ་དུ་སྤེལ་བ་ནི། ཀླུ་འདུལ་བ་ལ་ཁྱུང་། རྒྱལ་པོ་ལ་རྟ་མགྲིན། ཀླུ་བདུད་ལ་འཇམ་དཔལ་ཡེ་ཤེས་སེམས་དཔའ། ཀླུ་སྲིན་དང་གནོད་སྦྱིན་ལ་ཕྱག་ན་རྡོ་རྗེ་ལ་སོགས་པ་གང་འདུལ་གྱི་ཁྲོ་བོར་སྤྲུལ་ཞིང་། གོང་ལྟར་སྤེལ་ནས་ཟ་ཞིང་མེད་པ་ལ་ཕྱག་མཚན་གྱིས་བཏུབ་པ་དང་། མེ་དཔུང་གིས་བསྲེག་པ་ལ་སོགས་པས་བཏུལ་ན་སྲོག་སྔགས་འབུལ་ཞིང་བཀའ་འབངས་བྱེད་པ་ལ་སོགས་པར་འགྱུར་རོ།
།བཞི་པ་སྤྲུལ་པ་ལ་དང་ཚུལ་དེ་ཉིད་ཀྱིས་ཤེས་པར་བྱའོ།
།ལྔ་པ་སྒྱུར་བ་ལ་བཞིའི། སྔོན་འགྲོ་སྔར་དང་འདྲ་བ་ལས། ང་གཉིད་དུ་སོང་འདུག་འདི་རྨི་ལམ་དུ་འདུག །རྨི་ལམ་གྱི་ལུས་དང་སྣང་པ་ལ་ཇི་ལྟར་སྒྱུར་སྒྱུར་ཡིན་སྙམ་དུ་བསམས་ནས།
དང་པོ་འབྱུང་བཞི་ཕྲ་རགས་སུ་བསྒྱུར་བ་ནི། ས་ལས་ཆུ། ཆུ་ལས་མེ། མེ་ལས་རླུང་ལ་སོགས་པར་བསྒྱུར་ཅིང་། དེ་རྣམས་ཀྱང་ཕྲ་བ་ལ་རགས་པ་དང་། རགས་པ་ལས་ཕྲ་བ། ཅིག་ལས་བཅུ་ལ་སོགས་པ་མང་པོར་བསྒྱུར་རོ།
།གཉིས་པ་སེམས་ཅན་ཕྲ་རགས་ལའང་དེ་བཞིན་ནོ།
།གསུམ་པ་ལྷ་སྐུ་སྣ་ཚོགས་སུ་བསྒྱུར་བ་ནི། ལྷ་སྐུ་དཀར་བ་ལས་དམར་བ་ལ་སོགས་པ་སྐུ་མདོག་དང་། ཞལ་ཕྱག་མང་ཉུང་སྣ་ཚོགས་གཅིག་ལས་བཅུ་ལ་སོགས་པ་མང་པོར་བསྒྱུར་བར་བྱའོ།
།བཞི་པ་སྣང་སྟོང་ཞེན་བྲལ་དུ་བསྒྱུར་བ་ནི། ལྷ་སྐུ་ལ་སོགས་པ་དེ་རྣམས་ཐམས་ཅད་ཀྱང་གཅིག་གིས་གཅིག་མ་སྒྲིབས་པ། སྣང་ལ་རང་བཞིན་མེད་པ་བློ་བྲལ་གསལ་སྟོང་རྗེན་པ་ཞེན་པ་སྒྱུ་མ་རང་ཤར་དུ་བསྒྱུར་ཞིང་རྟོགས་པར་བྱའོ།
།དྲུག་པ་ཡུལ་སྣང་ལ་བཞི་ལས།
དང་པོ་རབ་དམིགས་མེད་གསལ་མཁྱེན་ནི། གཟུང་འཛིན་གྱི་བག་ཆགས་དང་བྲལ་བས། ཆོས་ཐམས་ཅད་རང་བཞིན་མེད་པར་རྟོགས་པའི་ངང་ནས་ཉིན་མཚན་མེད་པར་སངས་རྒྱས་ཀྱི་ཞིང་ཁམས་དང་། རིགས་དྲུག་གི་གནས་ལ་སོགས་པ་དག་པའི་ས་གསུམ་ལ་གནས་པ་ལྟར་མཁྱེན་ནོ།
།གཉིས་པ་འབྲིང་གང་བསམ་གསལ་མཐོང་ནི། རྨི་ལམ་ཟིན་ནས་སངས་རྒྱས་ཀྱི་ཞིང་ཁམས་ལ་སོགས་གང་ལྟ་བར་འདོད་པ་དེ་བསམས་པ་དང་མཐོང་བ་དུས་མཉམ་དུ་འབྱུང་།
།གསུམ་པ་ཐ་མ་ཡིད་ལུས་མཁའ་ལྡིང་ནི། རྨི་ལམ་ཟིན་ནས། རང་བྱ་རྒོད་ལ་སོགས་པར་སྤྲུལ་ནས་འཕུར་ནས་ཕྱིན་པས་གང་ལྟ་བར་འདོད་པ་དེ་ཉིད་དུ་སླེབ་ནས་མཐོང་བར་འགྱུར་རོ།
༼།བཞི་པ་༽དམན་པ་དམིགས་པའི་ཡུལ་སྣང་ལ་གསུམ་གྱི། སྔོན་འགྲོ་གཞན་སྔར་དང་འདྲ་བ་ལས། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར་ཡུལ་སྣང་བསྟན་ལ་ཕེབས་པར་མཛད་དུ་གསོལ། ཅེས་གསོལ་བ་བཏབ་ནས།
དང་པོ་བདག་མེད་མ་ཡུལ་སྣང་འཆར་བྱེད་ནི། རང་ལུས་ཡི་དམ་དུ་བསྐྱེད་པའི་ལྟེ་བར་ཐོད་པ་༼ཆོས་འབྱུང་༽ཕྱི་དཀར་ལ་ནང་དམར་བའི་ནང་དུ་ཨོཾ་ཨ་སྭཧཱ། ཅེས་པ་འོད་ཀྱི་རང་བཞིན་ཅན་ཁ་དོག་སྣ་ཚོགས་སུ་བསམས་ལ་བཟླས་པ་བྱས་པས། དེ་ལས་འོད་ཁ་དོག་ལྔ་ལྡན་བྱུང་ནས་སྣ་བུག་གཡོན་ན་ཕར་འཕྲོས་པས། འོད་ཟེར་གྱི་སྣ་ལ་བདག་མེད་མ་ལ་སོགས་པ་ཡི་དམ་གྱི་ལྷ་དཔག་ཏུ་མེད་པ་རང་རང་གི་སྔགས་དི་རི་རི་སྒྲོགས་པ་བྱུང་ནས་འཇིག་རྟེན་གྱི་ཁམས་ཐམས་ཅད་གང་༼བས། སེམས་ཅན་ཐམས་ཅད་ཡི་དམ་གྱི་ལྷར་བྱས།༽ ཡང་བཟླས་པ་བྱས་པས་སྔགས་ལས་འོད་ཟེར་སྣ་གཡས་ན་ཕར་འཕྲོས་པས་ཕྱི་སྣོད་འོད་ཀྱི་གཞལ་ཡས་ཁང་དུ་གྱུར། འོད་ཟེར་གྱི་སྣ་ལ་ཕྱི་ནང་གསང་གསུམ་གྱི་མཆོད་པ་ཐོགས་པའི་ལྷ་མོ་དཔག་ཏུ་མེད་པ་བྱུང་ནས་ཡི་དམ་དེ་རྣམས་ལ་མཆོད་པར་བསམ་ཞིང་། ཡི་དམ་གྱི་ལྷ་ཁྱེད་ཀྱིས་དོ་ནུབ་ཀྱི་སྐབས་སུ་སངས་རྒྱས་ཀྱི་ཞིང་ཁམས་ལ་སོགས་པ་གང་ལྟ་བར་འདོད་པ་དེ་མཐོང་བ་དང་། མཆོད་པ་རྒྱ་ཆེན་པོ་གྲུབ་པར་མཛད་དུ་གསོལ། ཅེས་གསོལ་བ་གདབ་ཅིང་ཉིན་མཚན་གཉིས་ཀ་དེ་ལྟར་བསྒོམ། མཐར་གཉིད་དུ་འགྲོ་ཁར་རང་ཉིད་ཀྱི་ལྟེ་བའི་ཐོད་པའི་ནང་གི་སྔགས་དེ་བདག་མེད་མར་གྱུར། དེ་ལ་སྔར་བཞིན་གསོལ་བ་གཏབ་ནས་དེའི་ཐུགས་ཁར་གང་བལྟ་བར་འདོད་པའི་ཞིང་ཁམས་ལ་སོགས་པའི་ཡུལ་སྣང་དེ། མེ་ལོང་གི་གཟུགས་རྙན་ལྟར་སྐྲ་ལམ་མེ་གསལ་བཏབ་ལ་གཉིད་ལོག་པར་བྱའོ།
།གཉིས་པ་ཨ་ཡུལ་སྣང་རང་གསལ་༼ཐོག་མར་དབུས་མཐོང་དེ་ནས་རྒྱ་ཆེར་མཐོང་༽ནི། རང་ཡི་དམ་དུ་གསལ་བའི་རྩ་དབུ་མ་ཡར་རྩེ་ཚངས་བུག ༼ལ་སླེབས་པ་༽ །མས་སྣ་གསང་གནས་སུ་ཟུག་པ། ཕྲུ་མ་ཕུས་བཏབ་པ་ལྟ་བུའི་ནང་། ལྟེ་བར་ཨ་སྐྱེ་བ་མེད་པ་འོད་ཀྱི་རང་བཞིན་དཀར་ལ་འཚེར་བ་གསལ་ལ་དངས་པའི་འོད་ཀྱིས་དབུ་མ་དཀར་ལམ་མེ་ཁྱེངས་པ་ལ་ཉིན་མཚན་མེད་པར་རྩེ་གཅིག་ཏུ་བསྒོམ་པར་བྱའོ།
།གསུམ་པ་ཐིག་ལེ་ཡུལ་སྣང་གསལ་ནི། རང་གི་སྤྱོ་བའི་ཧཾ་ལས་ཐིག་ལེ་དཀར་པོ། གསང་གནས་ཀྱི་ཧཱུྃ་ལ་དམར་པོ་དང་། ལྟེ་བའི་ཨང་ལས་ཐིག་ལེ་དམར་སྐྱ་བྱུང་ནས། དེ་རྣམས་སྙིང་ཁར་འདྲེས་ཤིང་གཅིག་དུ་གྱུར་པའི་འོད་ཟེར་བ་ཐག་ལྟ་བུ་གང་ལྟ་བར་འདོད་པའི་ཡུལ་སྣང་དེར་བཅུག་ལ། དེ་ལ་སེམས་རྩེ་གཅིག་ཏུ་གཏད་ནས་གཉིད་ལོག་པར་བྱའོ། །དེ་རྣམས་ཀྱི་ཡུལ་སྣང་ཇི་ལྟ་བ་བཞིན་གཏན་ལ་མི་ཕེབས་མི་སྲིད་དོ། །དེ་ཡང་དང་པོ་རྨི་ལམ་ལེགས་པར་ཟིན་ནས་བརྟན་པ་ཐོབ་པ་དང་། དེ་ནས་རིམས་ཀྱིས་སྦྱོང་སྤེལ་ལ་སོགས་པ་བྱ་གསུང་ངོ་།
༈ །བཞི་པ་འོད་གསལ་ལ་གསུམ་གྱི།
དང་པོ་སྔོན་འགྲོ་ལ་བཞི་ལས། རྩ་བ་མི་རྟག་སྐྱོ་ཤས་ནི། སྔར་སྒྱུ་ལུས་སུ་བཤད་པ་ལྟར། འཆི་བ་མི་རྟག་པ་དང་། འཁོར་བའི་ཉེས་དམིགས་བསམས་ལ་སྐྱོ་ཤས་དྲག་པོ་བསྐྱེད་པ་ནི་རྩ་བའོ།
།གཉིས་པ་སྤྱོད་ལམ་དམ་རྫས་ནི། ཁ་ཟས་འཇམ་ལ་སྣུམ་པ་བཟའ་ཞིང་ཚོད་ཟིན་པར་བྱ། སྤྱོད་ལམ་ཤིན་དུ་དལ་བ་བསྟེན། དངུལ་ཐོན་པའི་ལས་ཡང་ངོ་། ༼གུ་གུལ་ཚིལ་ཆེན་དུད་པ་བཏང་།༽ དམ་རྫས་ནི་ཚོགས་དང་གཏོར་མ་བཟང་དུ་བཤམས་ལ། བླ་མ། ཡི་དམ། ཆོས་སྐྱོང་། གཞི་བདག གནོད་བྱེད་རྣམས་ལ་གཏོར་མ་ལྔ་རིམ་པ་བཞིན་དུ་ཕུལ་ལ། འོད་གསལ་འཆར་བར་གསོལ་བ་གདབ་ཅིང་། བར་ཆད་སྲུང་པའི་ཕྲིན་ལས་གཞོལ། ཐོད་པ་མཚན་ལྡན་གྱི་ནང་དུ་ཤ་ལྔ་བདུད་རྩི་ལྔའམ་དེའི་གཏོར་མ་བཅུག་ལ་དར་གྱིས་གྲིལ་ཏེ་སྔས་འོག་དུ་བཅུག་པས་མཁའ་འགྲོ་འདུ་ཞིང་བར་ཆད་བསྲུང་བའི་རྟེན་འབྲེལ་དུ་འགྱུར་གསུང་ངོ་།
།གསུམ་པ་ལོ་འདབ་ཐབས་ལམ་རང་དངས་ནི། ཁ་ཟས་སྐོམ་པ་བཅུད་ཅན་བརྟེན། གཏུམ་མོ་ལ་སོགས་པ་ཐབས་ལམ་བསྒོམས་པས་ཐིག་ལེ་རྒྱས་ཅིང་རླུང་སེམས་དངས་ན་འོད་གསལ་མྱུར་དུ་འཆར་རོ།
།བཞི་པ་མེ་ཏོག་གསོལ་འདེབས་འཆར་བྱེད་ནི། འོད་གསལ་བྱིན་བརླབས་མོས་གུས་གྱི་གནད་ཡིན་པས། བླ་མའི་རྣལ་འབྱོར་གོང་བཞིན་བསྒོམས་ལ། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། འོད་གསལ་འབྱོངས་པར་མཛད་དུ་གསོལ། ཅེས་གསོལ་བ་རྩེ་གཅིག་ཏུ་བཏབ་པས། མོས་གུས་རབ་འབྲིང་དང་སྦྱར་ནས་འོད་གསལ་གྱི་རྟོགས་པ་འཆར་བར་འགྱུར་རོ།
།གཉིས་པ་དངོས་གཞི་ལ་བཞིའི།
དང་པོ་འོད་གསལ་བཟུང་པ་ལ་དགུ་ལས། དུས་ཀྱི་གནད་གསུམ་དང་ལུས་ཀྱི་གནད་གསུམ་ནི་རྨི་ལམ་བཟུང་པའི་སྐབས་སུ་བཤད་པ་ལྟར་རོ། །དམིགས་པའི་གནད་གསུམ་གྱི་སྔོན་འགྲོ་སྔར་ལྟར་བྱས་ལ།
དང་པོ་ཨ་ལ་བཟུང་པ་ནི། ༼རྩ་ཐམས་ཅད་དབུ་མར་བསྒོམ་༽རང་ཡི་དམ་དུ་གསལ་བའི་རྩ་དབུ་མ་ཡར་རྩེ་ཚངས་བུག་དང་། མ་སྣ་གསང་གནས་སུ་ཟུག་པ་ཕྲུ་མ་ཕུས་བཏབ་པ་ལྟ་བུའི་ནང་། ལྟེ་འོག་སོར་བཞིར་རང་གི་སེམས་ཉིད་ཨ་དཀར་ལ་འཚེར་བ་གསལ་ལ་དངས་པ་འོད་ཀྱི་རང་བཞིན་ཅན་གཅིག་བསམས་ལ། ཨའི་རང་བཞིན་སྐྱེ་མེད་དུ་ཤེས་པར་བྱས་ལ་ཡིད་གསལ་ལ་རྟོག་པ་མེད་པའི་ངང་ལ་བཞག་གོ
།གཉིས་པ་བདག་མེད་མ་ལ་བཟུང་བ་ནི། རང་གི་སླད་པའི་སྟེང་ཐོད་པའི་འོད་ཏུ་བདག་མེད་མ་དཀར་མོ་༼སྐུ་ཆུང་ལ་ཡན་ལག་༽གྲི་ཐོད་ཐོགས་པ་སྐུ་ཆུང་ལ་ཡན་ལག་དོད་པ་གཅིག་བསམ། ༼དེའི་ཐུགས་ཁར་ཨ་དཀར་པོ་གཅིག་བསམ།༽ དེ་ལས་འོད་འཕྲོས་པས་༼ཀླད་པ་༽གཏི་མུག་གི་གནས་ཡིན་པས་རང་བཞིན་མེད་པར་སྦྱངས་ནས་ཐོད་པ་དུང་ཁང་གི་གཞལ་ཡས་ཁང་འོད་ཀྱི་རང་བཞིན་དཀར་ལམ་མེ་པ་ལ་སེམས་རྩེ་གཅིག་ཏུ་གཏད་པར་བྱའོ།
།གསུམ་པ་བླ་མ་ལ་བཟུང་པ་ནི། རང་ཡི་དམ་དུ་གསལ་བའི་ཐུགས་ཁར། བླ་མ་ཐིག་ལེའི་ངོ་བོ་བདེ་བའི་རང་བཞིན་རྔུལ་ཆུའི་མདོག་ཅན་གཅིག་བསམ། དེའི་ཐུགས་ཁར་ཧཱུྃ་དཀར་པོ་འོད་ཀྱི་རང་བཞིན་གཅིག་བསམས་ལ། ཧཱུྃ་ལས་འོད་འཕྲོས་བླ་མ་གསལ། བླ་མ་ལ་འོད་འཕྲོས། ཡི་དམ་གསལ་བར་བསམས་ལ། སེམས་རྩེ་གཅིག་ཏུ་གཏད་ལ་བསྒོམ། འོད་གསལ་བཟུང་པའི་དམིགས་པ་འདི་རྣམས་ལ་མ་ཡེངས་པའི་ངང་ནས་སྒྲིམས་ལྷོད་རན་པར་བྱས་ལ། ཉིན་མཚན་གཉིས་ཀར་རྩེ་གཅིག་ཏུ་འབད་ལ་བསྒོམ། ཁྱད་པར་དུ་གཉིད་དུ་འགྲོ་ཁར་གཉིད་དུ་མ་སོང་པའི་སྣང་བ་འགགས། གཉིད་དང་རྨི་ལམ་རགས་པ་མ་ཤར་བའི་བར་དེར། རྣམ་རྟོག་གཞན་གྱི་མ་གཡེངས་པར་གསལ་ལ་རྟོག་པ་མེད་པར་དམིགས་པ་ལ་སེམས་རྩེ་གཅིག་ཏུ་གཏད་པས་འོད་གསལ་མི་ཟིན་མི་སྲིད་གསུང་ངོ་།
།གཉིས་པ་ལམ་ཁྱེར་ལ་གཉིས་ལས། ཉིན་པར་སྐུ་གསུམ་ལམ་ཁྱེར་ནི། ཨ་ལ་སོགས་པ་ལ་སེམས་གཏོད་པ་བཞིན་དུ། ཉིན་པར་ཅིར་སྣང་ཐམས་ཅད་ལ་སྒྲིམས་ལྷོད་རན་པར་སེམས་གཏད་ནས་བཟོ་མེད་དུ་བཞག་པས། གསལ་ཆ་མ་འགགས་ལ་འཛིན་ཆ་མ་ཞུགས་པའི་གསལ་སྟོང་འཛིན་མེད་དུ་འཆར་ལ། དེ་གསལ་བའི་ཆ་སྤྲུལ་སྐུ། འཛིན་མེད་སྟོང་པ་ཆོས་སྐུ། དེ་ཉམས་སུ་མྱོང་པ་བདེ་བར་ཤར་བ་ལོངས་སྐུ་ཡིན་པས་དེ་ལྟར་ལམ་དུ་བགྱེར་རོ།
།གཉིས་པ་མཚན་མོ་སྐུ་གསུམ་རང་ཤར་ནི། ཉིན་པར་དེ་ལྟར་འབད་ནས་བསྒོམས་པ་དང་། ཁྱད་པར་གཉིད་དུ་འགྲོ་ཁར་འོད་གསལ་བཟུང་པའི་སྐབས་ལྟར་བསྒོམས་པས། གཉིད་དུ་འགྲོ་བའི་ནག་ཐིབས་པ་དེ། ནམ་ལངས་པ་ལ་ཉི་མ་ཤར་བ་ལྟར་གྱུར་ནས་གསལ་ལ་རྟོག་པ་མེད་པ། བདེ་ལ་ཞེན་པ་མེད་པ། སྐུ་གསུམ་རང་ཤར་དུ་འབྱུང་ངོ་། །དེ་བྱུང་ན་འོད་གསལ་ཟིན་པ་ཡིན་ནོ།
།གསུམ་པ་བསྲེ་བ་ལ་བཞི་ལས།
དང་པོ་གསལ་སྟོང་བདེ་ཆེན་དུ་བསྲེ་བ་ནི། གཟུགས་སྡུག་མི་སྡུག་ལ་སོགས་པ་ཅིར་སྣང་ཐམས་ཅད་འོད་གསལ་དུ་ཁྱེར་བས་སེམས་ཉིད་སྣ་ཚོགས་སུ་མ་འགགས་པར་སྣང་པ་གསལ་བ། འཛིན་ཆ་དག་ནས་ངོ་བོ་ངོས་བཟུང་། ཅི་ཡང་མི་འདུག་པ་སྟོང་པ། དེའི་ཉམས་མྱོང་ཞེན་པའི་དྲི་མ་དང་བྲལ་བས་བདེ་ཆེན་དུ་ཤར་བ་སྟེ། དེ་རྣམས་དབྱེར་མེད་དུ་ཉམས་སུ་ལེན་པ་ལ་བསྲེ་བ་ཞེས་བྱའོ།
།གཉིས་པ་ཉིན་མཚན་དབྱེར་མེད་དུ་བསྲེ་བ་ནི། ཉིན་མོའི་འོད་གསལ་གྱིས་མཚན་མོའི་སྟོབས་སྐྱེད། མཚན་མོས་ཉིན་མོའི་འོད་གསལ་སྟོབས་བསྐྱེད་པས་དབྱེར་མེད་དུ་འགྱུར་ལ། ཁྱད་པར་དུ་གཉིད་དུ་མ་སོང་པའི་སྣང་པ་འགགས། གཉིད་དང་རྨི་ལམ་མ་ཤར་བའི་བར་དེར་རྟོག་པ་མ་ཞུགས་པར་སེམས་རྩེ་གཅིག་ཏུ་གཏད་པས་ངེས་པར་འགྲོའོ།
།གསུམ་པ་ལྟ་སྟངས་ཀྱིས་མཉམ་རྗེས་སུ་བསྲེ་བ་ནི། མཉམ་བཞག་ལ་འོད་གསལ་འཆར་ཡང་། རྗེས་ལ་ལུས་ངག་གི་བྱ་བས་གཡོ་བར་འགྱུར་ན། སྤྱོད་ལམ་ཐམས་ཅད་དུ་དྲན་པས་བཟུང་ནས་ཅིར་སྣང་ཐམས་ཅད་ལ་གླང་པོ་ཆེའི་ལྟ་སྟངས་ཀྱིས་མིག་འབྲུ་ཚུགས་སུ་བལྟས་ནས། སེམས་འཛིན་མེད་དུ་བཞག་པས་མཉམ་རྗེས་མེད་པར་འོད་གསལ་འཆར་རོ།
།བཞི་པ་ཤེས་རབ་བདེ་སྟོང་དུ་བསྲེ་བ་ནི། རང་ལུས་ཐབས་ལྡན་དང་། གཞན་ལུས་ཤེས་རབ་ལ་རྟེན་པའི་བདེ་བ་གང་ཡིན་ཀྱང་། བདེ་བ་དེ་ཉིད་ཀྱི་ངོ་བོ་ལ་ཡིད་མ་ཡེངས་པར་གཏད་ནས་སེམས་མ་བཅོས་པར་བཞག་པས། བདེ་བར་སྣང་བ་མ་འགགས་ལ། ཞེན་པའི་དྲི་མ་དག་ནས་བདེ་སྟོང་དབྱེར་མེད་དུ་འཆར་རོ།
།བཞི་པ་མཐར་ཐུག་གི་འོད་གསལ་ལ་ལྔ་ལས།
དང་པོ་གསལ་སྟོང་རང་ཤར་གྱི་འོད་གསལ་ནི། དེ་ལྟར་ཉམས་སུ་བླངས་པས་མངོན་དུ་གྱུར་པ་ན། གཟུགས་སྣང་སྟོང་། སྒྲ་སྒྲག་སྟོང་ལ་སོགས་པ་འཆར་ཞིང་། དྲན་རྟོག་ཐམས་ཅད་རང་ཤར་རང་གྲོལ་དུ་གྱུར་ལ། དེའང་གསལ་བར་སྣང་པ་ཉིད་སྟོང་པར་འཆར་ལ། སྟོང་པ་ཉིད་གསལ་བར་འཆར་བས། གསལ་སྟོང་རང་ཤར་ཟུང་འཇུག་འབའ་ཞིག་ཏུ་འཆར་རོ།
།གཉིས་པ་བདེ་སྟོང་རང་ཤར་ཡང་ཚུལ་དེ་ཉིད་ཀྱིས་ཤེས་ཏེ། གསལ་སྟོང་ཉམས་སུ་མྱོང་བ་ཉིད་བདེ་བར་འཆར་བ་དེ་ལ་ཞེན་པའི་དྲི་མ་དག་པས་བདེ་སྟོང་རང་ཤར་བ་ཡིན་ནོ།
།གསུམ་པ་ཟབ་བཞི་སྤྲོས་བྲལ་ནི། མཐར་གྱི་འོད་གསལ་དེ་ཉིད་རྟོགས་ཤིང་ཉམས་སུ་མྱོང་ཡང་། དེའི་རང་བཞིན་བློའི་ཡུལ་ལས་འདས་པས་ཟབ་པ། གཟུང་འཛིན་གྱི་དྲི་མ་དག་པས་ཞི་བ། ཡོད་མེད་ལ་སོགས་པའི་མཐར་འཛིན་ལས་གྲོལ་བས་སྤྲོས་བྲལ། རྒྱུན་རྐྱེན་གྱིས་འདུས་མ་བྱས་ཤིང་འབད་རྩོལ་ལ་མི་ལྟོས་པས་ལྷུན་གྱིས་གྲུབ་པའོ།
།བཞི་པ་དབྱེར་མཐར་ཐུག་ནི། བདེ་གསལ་གུད་ན་སྟོང་པ་མེད། སྟོང་པ་གུད་ན་བདེ་གསལ་མེད། སྟོང་པ་ཉིད་བདེ་གསལ། བདེ་གསལ་ཉིད་སྟོང་པས་ཏེ། དེ་རྣམས་གང་དུ་ཡང་དབྱེར་མི་ཕྱེད་པའི་འོད་གསལ་གྱིས་རྟོགས་པར་འཁོར་འདས་ཀྱི་ཆོས་ཐམས་ཅད་དུ་མ་རོ་གཅིག་ཏུ་གྱུར་པའོ།
།ལྔ་པ་དག་པ་གཉིས་ལྡན་གྱི་འོད་གསལ་ནི། སེམས་ཉིད་རང་བཞིན་གྱིས་དག་ཅིང་འོད་གསལ་བ་ལ། གཟུང་འཛིན་བློ་བུར་གྱི་དྲི་མས་དག་པའམ། ཆོས་རྨི་ལམ་སྒྱུ་མར་རྟོགས་པས་ཉོན་མོངས་པའི་དྲི་མ་དག སྒྱུ་འཛིན་ཙམ་ཤེས་བྱའི་སྒྲིབ་དེ་ཡང་འོད་གསལ་ཕྱག་རྒྱ་ཆེན་པོའི་རྟོགས་པས་དག་པར་གྱུར་པའོ། །འོད་གསལ་ཅེས་པ་ཡང་ངོ་བོ་ཅིར་ཡང་མ་གྲུབ་པའི་སེམས་སྐྱེ་མེད་རིག་སྟོང་། ཁོ་བོ་རང་གི་རང་འོད་རྩལ་འགག་མེད་སྣང་བ་སྣ་ཚོགས་སུ་གསལ་བར་ཤར་བའོ།
།གསུམ་པ་རྗེས་ལ་ལྔ་ལས།
དང་པོ་དམ་ཚིག་སྤྱི་དང་བྱེ་བྲག་སྟེ། ༼རྩ་བ་དང་ཡན་ལག་གི་ལྟུང་བས་མ་གོས་པར་བྱེད་པ་སྤྱི་ཡིན་ལ་འོད་གསལ་ཐིག་ལེའི་མདངས་ཡིན་པས། བྱང་སེམས་མི་ཉམས་པར་བསྲུང་བ་ནི་བྱེ་བྲག་སྟེ།༽ ཚུལ་དེ་ལས་མི་མདའ་བའི་དོན་གྱིས་ན་དམ་ཚིག་གོ
།གཉིས་པ་གགས་སེལ་ཉེས་སྐྱོན་རང་གྲོལ་ནི། འོད་གསལ་འཆར་བའི་གགས་འཁྲུལ་བའི་དྲན་རྟོག་ཡིན་ལ། དྲན་རྟོག་སེམས་ཡིན། སེམས་གསལ་སྟོང་བདེ་ཆེན་དུ་ཤར་བའི་འོད་གསལ་དེ་ཉིད་ལམ་དུ་ཁྱེར་བས་སྐྱོན་རང་གྲོལ་དུ་འགྱུར་རོ།
།གསུམ་པ་བོགས་འདོན་ཐེ་ཚོམ་གཅོད་པ་ནི། བླ་མའི་མོས་གུས་རྩེ་གཅིག་ཏུ་བྱ་ཞིང་གསོལ་བ་དྲག་པོ་གདབ་པ་དང་། སེམས་ཅན་གྱི་སྡུག་བསྔལ་བསམས་ལ་སྙིང་རྗེ་ཆེན་པོ་བསྐྱེད་པར་བྱ་ཞིང་། གསལ་སྟོང་འཛིན་མེད་ཀྱི་འོད་གསལ་དེ་ཉིད་ཀྱི་སྟེང་དུ། སོ་སོར་རྟོག་པའི་ཤེས་རབ་ཀྱིས་ཡང་ཡང་བཞིག་ཅིང་ཐག་བཅད་པས་སངས་རྒྱས་བྱོན་ཀྱང་དྲི་རྒྱུ་མེད་སྙམ་པའི་ཐག་ཆོད་ཀྱི་ངེས་ཤེས་བརྟན་པོ་བསྐྱེས་པས་བོགས་ཐོན་ནས་ཐེ་ཚོམ་མ་ལུས་པར་ཆོད་པར་འགྱུར་རོ།
།བཞི་པ་ཁྱད་འཕགས་འཆར་སྒོ་ངོས་འཛིན་ལ་བཞི། བདེ་གསལ་མི་རྟོག་པ་ཟུང་དུ་ཆུད་པའི་འཆར་སྒོ་སྣ་ཚོགས་ནི། བླ་མའི་གསུང་བཞིན་གཞན་དུ་ཤེས་པར་བྱའོ།
།ལྔ་པ་ཉམས་རྟོགས་ཉིན་མཚན་ཁྱད་པར་ནི། མྱོང་བ་ཙམ་དུ་མཚུངས་ཀྱང་ཐག་ཆོད་ཀྱི་ངེས་ཤེས་བརྟན་པོ་མ་སྐྱེས་པས་ཞིག་ཅིང་ཡལ་ནས་འགྲོ་བ་ནི་ཉམས་ཀྱི་ཡིན་ལ་ནང་དུ་རྩ་མདུད་གཅིག་གྲོལ་བས་གསལ་སྟོང་གཉིས་མེད་དུ་རྟོགས་ནས། མི་འགྱུར་བའི་ཐག་ཆོད་ཀྱི་ངེས་ཤེས་ཁྱད་པར་ཅན་སྐྱེས་པས་ཡིན་མིན་གྱི་སྒྲོ་འདོགས་ཐེ་ཚོམ་ལས་གྲོལ་བ་ནི་རྟོགས་པའི་ཡིན་གསུང་ངོ་།
།ཉིན་མཚན་གྱི་ཁྱད་པར་ནི། གསལ་སྟོང་འཛིན་མེད་རང་ཤར་དུ་བྱུང་བར་མཚུངས་ཀྱང་མཚན་མོའི་འོད་གསལ་སྟོབས་ཆེ་བས་བཟང་ཞིང་འཆར་ཡང་དཀར་ལ་ཉིན་མོའི་དེ་ལྟར་མ་ཡིན་པ་དང་། གཉིད་སད་རྒྱུ་ཡོད་མེད་ཙམ་གྱིས་བཞག་གོ ༼འདི་ཡན་ལྡན་བཞུགས་ཡོད་དོ།༽
།༼ལྔ་པ་༽འཕོ་བ་ལ་བཞི། ཆོས་སྐུ་དེ་བཞིན་ཉིད་ཀྱི་འཕོ་བ། ཟུང་འཇུག་ཡི་དམ་གྱི་འཕོ་བ། བྱིན་བརླབས་བླ་མའི་འཕོ་བ། འཆུག་མེད་མཁའ་སྤྱོད་ཀྱི་འཕོ་བ་ཞེས་སུ་གསུངས་ཀྱང་།
ཕྱག་ལེན་ལ་བླ་མ་ར་ཧུ་ལའི་གདམས་པ་སྡིག་པོ་ཆེ་བརྩན་ཐབས་སུ་སངས་རྒྱ་བར་བྱེད་པ་འཕོ་བ་ཡེ་ཤེས་སྐར་ཁུང་མ་ཞེས་བྱ་བ་འདི་ལ་མཛད་དེ། འདི་ཉམས་སུ་ལེན་པར་འདོད་པས། ཐོག་མར་སེམས་སྐྱེད་སྔོན་དུ་སོང་བས། རང་སྐ་གཅིག་གིས་ཡི་དམ་གྱི་ལྷ་གང་རུང་བསྐྱེད་པའི་སྤྱི་བོར་བླ་མའི་རྣལ་འབྱོར་སྔར་བཞིན་བསྒོམས་ལ། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། བར་དོར་སངས་རྒྱ་བར་མཛད་དུ་གསོལ། ཅེས་གསོལ་བ་དྲག་ཏུ་གདབ། བཟླས་པ་ཅི་རིགས་པ་གཅིག་བྱ། དེ་ནས་རང་ཡི་དམ་དུ་གསལ་བའི་རྩ་དབུ་མ་ཕྱི་དཀར་ལ་ནང་དམར་བ་འོད་ཀྱི་རང་བཞིན། ཡར་རྩེ་ཚངས་བུག་ཏུ་བསླེབ་པ། མ་སྣ་གསང་ནས་སུ་ཟུག་པ་སྟོང་སང་ཡོད་པའི་ནང་། ལྟེ་བའི་ཐད་ཀར་ཆོས་འབྱུང་ཕྱི་དཀར་ལ་ནང་དམར་བ་རང་བཞིན། ཟུར་མདུན་དུ་བསྟན་པ། ལོགས་རྒལ་པ་ལ་གཏད་པ་གཅིག་བསྒོམ། དེའི་ནང་དུ་རང་གི་རྣམ་པར་ཤེས་པའི་ངོ་བོ་ཨ་དཀར་པོ་འོད་འཕྲོ་བ་དང་བཅས་པ་འཕིར་ལ་ཁད་པ་ཡེད་ཡེད་པ་གཅིག་བསྒོམ་པར་བྱའོ། །དེ་ནས་རླུང་རོ་ལན་གསུམ་ཕྱིར་བསལ་རྐེད་པ་ཉེག་ཉེག་པ་ལན་གསུམ་བྱས། སྟེང་འོག་གི་རླུང་ནར་གྱི་དྲངས་ནས་དྲག་ཏུ་གཟུང་ཁྱད་པར་དུ་རླུང་དྲག་པོ་དྲངས་ཏེ་ལྟེ་བ་རྒལ་པ་ལ་ཆར་གྱིས་སྦྱར་བས། ལྟེ་བའི་ཆོས་འབྱུང་ཁ་ནང་དུ་ཆར་གྱིས་སོང་བ་དང་། ༼ལྟེ་བའི་ནང་གི་ཨ་དེ་རང་དབང་མེད་པར་ཨ་བ་དྷུ་ཏིའི་ནང་ན་ཡར་རྒྱངས་ཀྱི་ཐོན་ནས་སྤྱི་བོ་ཚངས་པའི་བུ་ག་ན་ཡར་རྒྱངས་ཀྱིས་སོང་བ་དང་༽ཨ་འོད་དུ་ཡལ་གྱིས་སོང་སྟེ་དེའི་ངང་ལ་ཕྱག་རྒྱ་ཆེན་པོར་ལྷན་གྱིས་བཞག །དེ་འདྲ་བ་ཐེབས་བདུན་བྱའོ། །དེ་ནས་རྗེས་ལ། སྤྱི་བོར་ཨ་གཅིག་ལམ་གྱི་བྱུང་བར་བསམ་ལ། དེ་ཚངས་པའི་བུ་ག་ན་མར་སོང་ནས་རྩ་དབུ་མའི་ནང་ན་མར་བདེ་ཕྲི་ལི་ལི་བྱུང་བས་ཆོས་འབྱུང་གི་ནང་དུ་དཀར་ཡེར་གྱིས་བྱུང་བ་དང་། དེ་ལ་སེམས་གཏད་ལ་བདེ་སྟོང་གཉིས་སུ་མེད་པའི་ངང་དུ་སིངས་ཀྱིས་བཞག་གོ
།དེ་ལྟ་བུའི་སྦྱོར་བས་ནུས་ཚད་དུ་བསྒོམ་པར་བྱའོ། །དེ་ལྟར་བསྒོམས་པས་རྟགས་རབ་འབྲིང་གསུམ་འབྱུང་སྟེ། རབ་ལ་སྤྱི་བོ་རྡོལ་ནས་ཁྲག་དང་ཆུ་སེར་འོང་། འབྲིང་གི་སྤྱི་བོ་བསྲངས་ནས་འོང་། ཐ་མའི་སྤྱི་བོར་ཟ་བ་དང་འགུལ་བ་དང་འཁྲིག་པ་ཡོང་ངོ་། །དེ་ལྟར་བྱུང་ཙ་ན་འབྱོངས་པའི་རྟགས་ཡིན་ནོ། །བསྒོམ་པའི་དུས་སུ་ཐལ་གྱིས་དོགས་ནས། རིན་པོ་ཆེའི་སྣོད་ཀྱིས་མགོ་ནས་མནན་དེས་ཐུབ་ལ་གཞན་གྱིས་མི་ཐུབ་གསུང་ངོ་། །དེ་ལྟར་བསྒོམས་པའི་རྟེན་གྱི་གང་ཟག་དེ་ལ། ནམ་ཞིག་འཆི་རྟགས་ཚང་ཞིང་ངེས་པར་འཆི་བར་ཡིད་ཆེས་པའམ། ཡང་ན་ཁྱད་པར་གྱི་འཆི་རྟགས་ནི། བླ་མ་ར་ཧུ་ལའི་བཞེད་པས་རླུང་གཉིས་མཉམ་དུ་རྒྱུ་ན་རྣལ་འབྱོར་མྱུར་དུ་འཆི། །ཞེས་བཤད་པས་སྲོག་རླུང་དབུ་མར་འདུས་པའི་རྟགས་ཁ་སྣ་གཉིས་ནས་རླུང་དུས་གཅིག་ལ་མཉམ་ཤོ་ཤྭ་བྱུང་པའི་རྟགས་དེ་བྱུང་ན་འཆི་ངེས་པ་ཡིན་པས། རང་གི་ལུས་དང་ལོངས་སྤྱོད་ཉེ་དུ་འབྲེལ་པ་གང་ལ་ཡང་ཆགས་པར་མི་བྱ། སྣང་སྲིད་འཁོར་འདས་ཀྱི་ཆོས་ཐམས་ཅད་རྨི་ལམ་སྒྱུ་མར་ཤེས་པར་བྱས་ལ་གང་ལ་ཡང་ཆགས་པར་མི་བྱ། སྐྱབས་འགྲོ་དང་སེམས་བསྐྱེད་བྱ། རང་ལྷ་སྐུར་དྲན་པར་བྱས་ལ་སྤྱི་བོར་བླ་མ་བསྒོམས་ལ་གསོལ་བ་གདབ། གཞན་དོན་གྱི་སྨོན་ལམ་རྣམ་པར་དག་པ་རྒྱ་ཆེན་པོ་གདབ་ཅིང་། འདུ་འཛི་དང་གཡེང་བ་ཕྱིར་བཀྱེད་ནས་རང་གཅིག་པུར་སྡད་ལ་འཕོ་བར་བྱ་སྟེ།
དེ་ཡང་སྔོན་དུ་རྩ་ཁ་འབྱེད་པའི་གདམ་ངག་ནི། རང་དང་བུད་མེད་ཐིག་ལེ་ཡིས། །རླུང་སེམས་གཉིས་པོ་ཡར་ལ་འཐེན། །ཚ་ལས་རྩ་ཁ་འབྱེད་པར་བྱེད། །མིའི་སླད་པས་བར་ཆད་བསྲུང་། །ཞེས་བཤད་དོ།
།དེ་ལྟར་རྫས་རྣམ་པ་བཞི་པོ་དེ་ལག་འཐིལ་དུ། སྲིན་ལག་གཡོན་པས་མཉེས་ལ་ཡི་དམ་ལྷའི་སྔགས་གདབ་སྟེ། སྤྱི་བོར་བླུགས་ལ་རླུང་མི་ཟུང་བར་རང་སར་བཞག་གོ །དམིགས་པ་ནི་ཆོས་འབྱུང་གི་ཨ་ཡར་ལ་རྒྱངས་རྒྱངས་བཏང་ནས་སྐྱེ་མེད་ཀྱི་ངང་ལ་བཞག་ལ་དེའི་ངང་ལ་འཕོ་བར་བྱའོ། །དེ་ཉིད་བསྡུས་ཏེ་བསྒོམ་པར་འདོད་པས་བྱང་ཆུབ་ཀྱི་སེམས་སྔོན་དུ་སོང་བས་རང་ཡི་དམ་དུ་བསྐྱེད་པའི་ལྟེ་བའི་ཆོས་འབྱུང་གི་ནང་དུ་ཡིག་གེ་ཨ་དཀར་པོ་གཅིག་བསྒོམ། དེ་ནས་འོག་རླུང་འཐེན་སྟེང་དུ་རླུང་མནན་ལ་དེ་ཨ་བ་འདུ་ཏིའི་ནང་ན་ཡར་སོང་བས་སྤྱི་བོ་ན་ཡར་དཀར་རྒྱངས་རྒྱངས་སོང་བ་དང་། སྟོང་པ་ཉིད་ཀྱི་ངང་དུ་སོང་བར་བསམ་མོ། །དེ་ལྟར་བྱས་པས་བར་དོར་འོད་གསལ་ཕྱག་རྒྱ་ཆེན་པོ་རྟོགས་ཏེ་མངོན་པར་རྫོགས་པར་སངས་རྒྱའོ།
།དྲུག་པ་བར་དོ་ལ་བཞིའི།
དང་པོ་རབ་བར་དོ་དང་པོའི་འོད་གསལ་རང་ཤར་དུ་སངས་རྒྱས་པ་ནི། སྔར་རྣམ་སྨིན་དང་བག་ཆགས་ཀྱི་ལུས་ལ་ཉིན་མཚན་དུ་བསྒོམས་པའི་བུའི་འོད་གསལ་དང་། འཆི་བའི་ཚེ་ཡུལ་ཡུལ་ཅན་ཐིམ་པའི་རིམ་པ་ལ་མཁས་པས་རླུང་སེམས་ཐམས་ཅད་ཨ་བ་འདུ་ཏིར་འཚོགས་པའི་རྟེན་འབྲེལ། རང་བཞིན་བརྒྱ་བཅུས་བསྡུས་པའི་བུའི་འོད་གསལ་དང་། འཆི་བའི་ཚེ་ཡུལ་ཕུལ་ཅན་ཐིམ་པའི་རིམ་པ་ལ་མཁས་པས་རླུང་སེམས་ཐམས་ཅད་ཨ་བ་འདུ་ཏིར་འཚོགས་པའི་རྟེན་འབྲེལ། རང་བཞིན་བརྒྱ་བཅུས་བསྡུས་པའི་བཟུང་འཛིན་གྱི་རྟོག་པ་ཕྲ་རགས་ཐམས་ཅད་འགགས་ཏེ། སེམས་ཉིད་གསལ་སྟོང་མཐའ་བུས་ཐམས་ཅད་དང་བྲལ་བ། ནམ་མཁའ་དངས་པ་ལྟ་བུ། ལུས་ཅན་མཆི་བ་ཐམས་ཅད་ལ་རང་ཤར་དུ་འབྱུང་བ་དེ་ནི། རང་བཞིན་མའི་འོད་གསལ་ཞེས་བྱ་སྟེ། དུས་དེར་འོད་གསལ་མའུ་གཉིས་ཕྲད་པས་ཆུ་ལ་ཆུ་བཞག་པ་ལྟར་དབྱེར་མེད་གཅིག་ཏུ་འདྲེས། སྔར་འདྲིས་ཀྱི་མི་དང་ཕྲད་པ་བཞིན་རང་ངོ་ཤེས་ཏེ། སྔར་གྱི་འདུན་པའི་དབང་གིས་དབྱེར་མེད་མངོན་འགྱུར་གྱི་འོད་གསལ་གྱི་རྟོགས་པ་ཆུ་བོའི་རྒྱུན་ལྟར་གནས་པར་གྱུར་པས། བར་དོར་རིགས་དྲུག་གི་གྲོང་ཁྱེར་མི་མཐོང་པར་འོད་གསལ་སྐྱེ་མེད་ཆོས་ཀྱི་སྐུ་ལ་བསྟན་པ་ཐོབ་ཅིང་། སྐྱེ་མེད་ཀྱི་ངང་ལས་དག་པའི་སྒྱུ་ལུས་སུ་ལངས་ཏེ། གཟུགས་སྐུ་གཉིས་འགག་མེད་རང་ཤར་ལྷུན་གྲུབ་དུ་བྱུང་ནས་འཁོར་བ་མ་སྟོངས་ཀྱི་བར་དུ་གང་ལ་གང་འདུལ་གྱི་སེམས་ཅན་རྣམས་སྨིན་ཅིང་གྲོལ་བར་བྱེད་དོ། །འདིའི་ཉམས་སུ་ལེན་ཚུལ་ནི། འོད་གསལ་ཕྱག་རྒྱ་ཆེན་པོ་བསྒོམ་པ་ཉིད་ཡིན་པས་འདིར་མ་སྤྲོས་སོ།
།གཉིས་པ་འབྲིང་རྒྱལ་བ་ལོངས་སྐུ་རང་ཤར་ནི། སྔར་འོད་གསལ་ལ་གོམས་པ་ཆུང་བས། བར་དོ་དང་པོའི་འོད་གསལ་ལ་གནས་པར་མ་ནུས་ན། བདུན་ཕྲག་དང་པོའི་བར་དོར་རྒྱལ་བ་ལོངས་སྐུར་སངས་རྒྱ་བར་བྱ་སྟེ། འདིའི་ཉམས་སུ་ལེན་ཚུལ་ནི། སྔོན་འགྲོ་གཞན་སྔར་བཞིན་བྱས་ལ། བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། བར་དོ་རྒྱལ་བ་ལོངས་སྐུར་སངས་རྒྱ་བར་མཛད་དུ་གསོལ། ཅེས་གསོལ་བ་གདབ། དེ་ནས་རང་ཤི་ནས་བར་དོ་ན་གནས་པ་བསྒོམ་པར་བྱ་སྟེ། ཨ་་་་ང་ཤི་འདུག །ངའི་ལུས་འདི་བར་དོའི་ཡིད་ཀྱི་ལུས་སུ་འདུག །ཟས་བར་དོའི་ཟས། གོས་བར་དོའི་གོས། གྲོགས་ཐམས་ཅད་བར་དོའི་གྲོགས་སུ་འདུག །སྣོད་བཅུད་ཀྱི་སྣང་པ་འདི་ཐམས་ཅད་བར་དོའི་སྣང་པར་འདུག་སྙམ་དུ་སྤྱིར་སྣང་ཐམས་ཅད་ལ་མ་ཡེངས་པར་དྲན་འདུན་བཏང་ལ་སྐྱོ་ཤས་དྲག་པོ་བསྐྱེད། སྔར་བླ་མའི་ཞལ་ནས་བར་དོར་ལ་བར་དོར་ངོ་ཤེས་པར་གྱིས་ལ་རྒྱལ་བ་ལོངས་སྐུ་ཉམས་སུ་ལོངས་གཅིིག་གསུང་བའི་དུས་དེར་སླེབ་ནས་འདུག་པས། ད་བར་དོ་ལ་སྐྲག་པར་མི་བྱ་སྟེ། དུས་དེར་སངས་རྒྱ་བའི་ཕྱིར་རོ། སྙམ་དུ་བསམས་ནས་སྔར་བཞིན་བླ་མ་ལ་གསོལ་བ་དྲག་ཏུ་གདབ། བར་དོའི་སྣང་པ་འདི་ཐམས་ཅད་རང་གི་སེམས་ཀྱི་རང་སྣང་ཡིན་གྱི་ཕྱི་རོལ་ན་གྲུབ་པ་གང་ཡང་མེད། རང་སྣང་ཐམས་ཅད་བདེན་མེད་སྒྱུ་མ་རྨི་ལམ་ཡིན་སྙམ་དུ་བསྒོམ། ཁྱད་པར་དུ་ཡི་དམ་གྱི་སྤྲུལ་བསྒྱུར་ལ་འདུན་པ་བཏང་ལ། ཕྱི་སྣོད་གཞལ་ཡས་ཁང་། ནང་བཅུད་ལྷ་དང་ལྷ་མོ། རང་ཉིད་རྒྱལ་བ་ལོངས་སྤྱོད་རྫོགས་པའི་སྐུ་མཚན་དང་དཔེ་བྱད་ཀྱིས་བརྒྱན་པ། སྣང་ལ་རང་བཞིན་མེད་པ། གསལ་ལ་རྟོག་པ་མེད་པ། བདེ་ལ་ཞེན་པ་མེད་པའི་ལྷ་སྐུ་ཕྱག་རྒྱ་ཆེན་པོ། ཆོས་སྐུའི་ངོ་བོ། ལོངས་སྐུའི་རྣམ་པ། སྤྲུལ་སྐུའི་ཕྲིན་ལས་དབྱེར་མེད་བདེ་བ་ཆེན་པོའི་སྐུར་གསལ་བཏབ་ལ་དྲན་འདུན་དྲག་པོས་ཉམས་སུ་བླངས་པས། བར་དོར་སྔར་གྱི་འདུན་པའི་དབང་གིས་རྒྱལ་བ་ལོངས་སྐུ་རང་ཤར་དུ་སྣང་ནས་འཁོར་བ་མ་སྟོངས་ཀྱི་བར་དུ་གང་ལ་གང་འདུལ་གྱི་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་འགྱུར་རོ།
།གསུམ་པ་ཐ་མ་སྤྲུལ་སྐུ་འགག་མེད་རང་ཤར་ནི། སྔར་འོད་གསལ་དང་ལྷ་སྐུ་ལ་གོམས་པ་ཆུང་བས། བར་དོ་དང་པོའི་འོད་གསལ་དང་། བདུན་ཕྲག་དང་པོར་ལོངས་སྐུར་གནས་མ་ནུས་ན་མངལ་སྒོ་སྦྱངས་ཏེ་སྤྲུལ་སྐུར་སངས་རྒྱ་བར་བྱ་སྟེ།
འདིའི་ཉམས་སུ་ལེན་ཚུལ་ནི། སྔོན་འགྲོ་དང་སྐྱོ་ཤས་སྔར་ལྟར་བྱས་ལ། སྔར་བླ་མའི་ཞལ་ནས་བར་དོ་ལ་བར་དོར་ངོ་ཤེས་པར་གྱིས་ལ། མངལ་སྒོ་སྦྱངས་ཏེ། རྒྱལ་བ་སྤྲུལ་སྐུ་ཉམས་སུ་ལོངས་གཅིག་གསུང་པའི་དུས་དེར་སླེབ་འདུག་པས། ད་ནི་བར་དོ་ལ་སྐྲག་པར་མི་བྱ་སྟེ། དུས་འདི་ཉིད་དུ་སངས་རྒྱ་བའི་ཕྱིར་རོ། །སྙམ་དུ་བསམ། ཕ་མ་ལ་སོགས་པ་ཕོ་མོ་ལ་རྟེན་པའི་ཆགས་སྡང་དང་ཕྲག་དོག་མིག་གཟེར་སྐྱེས་པའི་ཚེ། ཀྱེ་མ་ཆགས་སྡང་གི་སྐྱེ་བ་ལེན་པ་འདི་ནི་ཤིན་དུ་སྡུག་བསྔལ་བ་ཏེ། ད་ནི་དག་པ་བདེ་ཆེན་གྱི་ཞིང་དུ་འགྲོའོ་སྙམ་དུ་བསམས་ལ་ཆགས་སྡང་སྦྱང་། བར་དོའི་སྣང་པ་འདི་ཐམས་ཅད་རང་སྣང་། རང་སྣང་ཐམས་ཅད་བདེན་མེད་སྒྱུ་མ་རྨི་ལམ་ཡིན་སྙམ་པ་དང་། བླ་མའི་མོ་གུས་དང་གསུམ་ལ་འདུན་པ་བཏང་ངོ་། །དེའི་རྗེས་ལ་རང་གི་མདུན་དུ་ཆོས་འབྱུང་འཐིང་ཁ་གྲུ་གསུམ་རྐྱང་པའམ། ཉིས་རྩེག་གཅིག་བསམས་ལ། འདི་མ་རྟོགས་པ་རྣམས་ལ་མའི་མངལ། རྟོགས་པ་རྣམས་ལ་འོག་མིན་ཆོས་ཀྱི་ཕོ་བྲང་ཡིན་སྙམ་དུ་བསམ། དེའི་དབུས་སུ་རང་སེམས་ཧཱུྃ་ངམ་ཐིག་ལེ་སྔོན་པོ་གཅིག་ཏུ་བསམ། དེ་ལས་འོད་ཁ་དོག་ལྔ་འཕྲོས་པས་འདས་པའི་སྐྱེ་གནས་ལྔའི་ལན་ཆགས་དང་དྲི་མ་དག །ད་ལྟར་གྱི་མངལ་གྱི་ལན་ཆགས་ཀྱི་དྲི་མ་སྦྱངས། མ་འོངས་པའི་མངལ་བསྒོ་བཀག་པར་བསམ་མོ། །དེ་ནས་ཧཱུྃ་དེ་གྱུར་པ་ལས། རང་ཡི་དམ་ཡབ་ཡུམ་དུ་བསམ། ཆགས་སྡང་གི་ཡུལ་ཕོ་མོར་སྣང་པ་ཐམས་ཅད་ཡབ་ཡུམ་གྱི་ས་བོན་ལས་ཆོས་འབྱུང་གི་ནང་གི་གཡས་ཟུར་དུ་ཕོ་ཐམས་ཅད་ཡི་དམ་ཡབ་དུ་བསམ། གཡོན་ཟུར་དུ་མོ་ཐམས་ཅད་ཡུམ་དུ་བསྒོམས་ལ་མཆོད་པ་དབུལ་ཞིང་གསོལ་བ་གདབ། སྒྲ་དྲག་པ་ཐམས་ཅད་སྔགས་སུ་བལྟ་དྲན་རྟོག་ཐམས་ཅད་ལ་གླང་པོ་ཆེའི་བལྟ་སྟངས་ཀྱིས་ལྷ་སྐུ་ཕྱག་རྒྱ་ཆེན་པོའི་ངང་དུ་མཉམ་པར་བཞག་པར་བྱའོ། །དེ་ལྟར་དྲན་འདུན་གྲག་པོས་ཉམས་སུ་བླངས་པས། བར་དོ་སྔར་གྱི་འདུན་པའི་དབང་གི་རང་གཞན་སྣོ་བཅུག་ཐམས་ཅད་སྣང་སྟོང་ཞེན་བྲལ་གྱི་ཡི་དམ་སྤྲུལ་སྐུའི་སྣང་པ་འབའ་ཞིག་རང་ཤར་དུ་འབྱུང་ལ། སྒྲ་དྲག་པ་ཐམས་ཅད་སྔགས་སུ་འཆར་ཞིང་། དྲན་རྟོག་ཐམས་ཅད་གཉིས་མེད་ཕྱག་རྒྱ་ཆེན་པོའི་རྟོགས་པར་ཤར་ནས། ཆགས་སྡང་མིག་སེར་ཐམས་ཅད་དག་པས་མངལ་སྒོ་ཁེགས་དེ་སྐྱེ་བ་མི་ལེན་པར་དུས་དེ་ཉིད་དུ་སྤྲུལ་སྐུར་སངས་རྒྱས་ཏེ། འཁོར་བ་མ་སྟོངས་ཀྱི་བར་དུ་གང་ལ་གང་འདུལ་གྱི་སེམས་ཅན་ཐམས་ཅད་སྨིན་ཅིང་གྲོལ་བར་བྱེད་པར་འགྱུར་རོ།
།བཞི་པ་སྤྱི་གནད་འཆུག་མེད་ལམ་ཁྱེར་ནི། དབང་པོ་རབ་འབྲིང་ཐ་མའི་གསུམ་ཀའི་ཉམས་ལེན་གྱི་སྐབས་སུ་བར་དོ་སྐྱོ་ཤས་ཀྱི་གནད་གཅེས་པས་བར་དོའི་དྲན་འདུན་གྱི་སྐྱོ་ཤས་དྲག་པོ་དང་མ་བྲལ་བས། ཕོ་མོ་ལ་སོགས་པ་ཆགས་སྡང་གི་ཡུལ་ཐམས་ཅད་རང་སྣང་བདེན་མེད་སྒྱུ་མ་རྨི་ལམ་དུ་ཐག་ཆོད་ལ་སྦྱང་། བདག་གཞན་སྣོད་བཅུད་ཐམས་ཅད་ཡི་དམ་ཡབ་ཡུམ་དུ་བསྒོམས་ལ། སྤྲུལ་སྒྱུར་ལ་འདུན་པ་བཏང་། བླ་མའི་སྣང་བ་དང་མི་འབྲལ་བར་མོས་གུས་རྩེ་གཅིག་ཏུ་བྱ་ཞིང་གསོལ་གདབ་པར་བྱ་སྟེ། སྔར་བསྟན་པས་གྲུབ་པ་ཉིད་དོ། །འདིར་སྐབས་སུ་ཉེ་བར་བབ་པ་ཉམས་ལེན་གྱི་དམིགས་པ་རྣམས་དངོས་སུ་བསྟན་པ་ཡིན་ལ། རྒྱས་པར་བླ་མ་ཁྱུང་ཆེན་པོ་ཉིད་ཀྱི་མཛད་པའི་འཆུག་མེད་བར་དོ་གསུམ་གྱིས་གདམས་པ་ཇི་ལྟ་བ་བཞིན་གསུངས་པས་དེར་ཤེས་པར་བྱའོ།
།ཚུལ་འདི་གང་གི་དྲིན་གྱིས་རྟོགས་གྱུར་པ། །སྲིད་གསུམ་བླ་མ་ཡོན་ཏན་རིན་ཆེན་གཏེར། །འགྲོ་མགོན་ཆོས་རྗེ་ཤངས་སྟོན་རིན་པོ་ཆེའི། །ཞབས་པད་དྲི་མ་མེད་ལ་ཕྱག་འཚལ་ལོ། །བླ་མའི་དྲུང་དུ་དྲུང་གི་གསུང་བཞིན་དུ། །ཉེ་བར་དྲིས་ནས་བྲིས་པ་ཕུལ་ནས་ནི། །ལེགས་པར་གཟིགས་ནས་གཟིགས་པའི་གདམ་པ་འདི། །དག་པར་ཞུས་ནས་ཞུས་པས་ཡི་གེར་བཀོད། །སྒྲོ་བཀུར་རང་བཟོའི་སྐྱོན་གྱི་མ་བསླད་པས། །རྗེས་འཇུག་དད་ལྡན་གུས་པས་བླང་བར་མཛོད། །དགེ་བས་འགྲོ་ཀུན་བླ་མ་མཉེས་བྱས་ནས། །རྡོ་རྗེ་འཆང་དབང་གོ་འཕང་མཆོག་ཐོབ་ཤོག
།ཚུལ་འདི་ནི་ཡངས་པ་དང་རྟོགས་པའི་ཡོན་ཏན་རིན་པོ་ཆེ་དུ་མ་ལ་མངའ་བརྙེས་པས། རྡོ་རྗེ་འཆང་ཆེན་པོ་དང་གཉིས་སུ་མེད་པར་གྱུར་པའི། བླ་མ་འགྲོ་མགོན་ཤངས་སྟོན་གྱི་ཞབས་རྡུལ་སྤྱི་བོས་ལེན་པ། དགེ་སློང་རྡོ་རྗེ་འཛིན་པ་རྒྱལ་བའི་མཚན་ཅན་བྱིན་བརླབས་ཀྱི་དཔལ་ལྡན་ཞིང་རྟུལ་ཞུགས་བཟང་པོ་ལ་མངོན་པར་དད་པ། དཔལ་འཇག་ཆུང་གི་དབེན་གནས་སུ། བླ་མ་ཉིད་ཀྱི་སྤྱན་སྔར་བྲིས་ནས་གཟིགས་པ་ཕུལ་ནས་དག་པར་ཞུས་ཡི་གེར་བཀོད་པ་ཐར་ལམ་གསལ་བའི་སྒྲོན་མེ་ཞེས་བྱ་བ་རེ་ཤིག་རྫོགས་སོ།
།ནོངས་པ་རྣམས་བླ་མ་ཡི་དམ་དཔའ་བོ་མཁའ་འགྲོའི་ཚོགས་ལ་བཟོད་པར་གསོལ།
།སེམས་ཅན་དཔག་ཏུ་མེད་པ་ལ་ཕན་ཐོགས་པར་གྱུར་ཅིག
༼འདིའི་བརྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ་ནི་གུ་མ། གྲུབ་ཆེན་ཁྱུང་པོ་རྣལ་འབྱོར། རིན་ཆེན་རྨོག་ཅོག་པ། དབོན་སྟོན་སྐྱེར་སྒང་པ། སངས་རྒྱས་གཉན་སྟོན། ཁམས་སྟོན་པ། ཆོས་རྗེ་སྟོན་པ། ཆོས་རྗེ་ཤངས་སྟོན་རིན་པོ་ཆེ། ཆོས་རྗེ་རྒྱལ་བའི་མཚན་ཅན། ཆོས་རྗེ་རྡོ་རྗེ་གཞོན་པ། རིན་པོ་ཆེ་ནམ་མཁའི་རྣལ་འབྱོར་པ། ཆོས་རྗེ་རིན་པོ་ཆེ་དཀོན་མཆོག་རྒྱལ་མཚན་པ་བདག་ལ་གནང་བ། ཞུས་ཤིང་དག་པར་བྱས་སོ། །བཀྲ་ཤིས་པར་གྱུར་ཅིག། །།༽
This work is licensed under a Creative Commons Attribution-Non Commercial-ShareAlike 3.0 Unported License
