Difference between revisions of "Bla ma sangs rgyas dpon po'i rnam thar"
| Line 7: | Line 7: | ||
|Notes=Biography of Jampa Pel | |Notes=Biography of Jampa Pel | ||
}} | }} | ||
| − | To input<br /><span class="main_text">༄༅། །བླ་མ་སངས་རྒྱས་དཔོན་པོའི་རྣམ་ཐར་བཞུགས་སོ།<br /><br />།ཨོཾ་གུ་རུ་བུང་དྷ་བོ་དྷི་ས་ཏྭ་བྷྱ་ན་མཿ <br />དལ་བ་དང་ནི་འབྱོར་བའི་ས་བཞི་ལ། །སྨོན་པ་དང་ནི་འཇུག་པའི་དཔག་བསམ་འཁྲུངས། །བསླབ་གསུམ་དང་ནི་ཐེག་གསུམ་ཡལ་འདབ་རྒྱས། །བསྐྱེད་པ་དང་ནི་རྫོགས་པའི་མེ་ཏོག་དང་། །ཉམས་མྱོང་དང་ནི་རྟོགས་པའི་འབྲས་བུ་སྨིན། །བྱམས་པ་དང་ནི་སྙིང་རྗེའི་དྲི་བསུང་འཕྲོས། །རྗེས་འཇུག་དང་ནི་འགྲོ་བའི་གདུང་སེལ་བའི། །བླ་མ་དང་ནི་ཡི་དམ་ལ་བཏུད་ནས། །བླ་མའི་རྣམ་ཐར་དཔག་བསམ་ལྗོན་ཤིང་འདི། །བླ་མའི་གསུང་བཞིན་སྒྲོ་སྐུར་རིང་སྤངས་ནས། །བླ་མའི་རྗེས་འཇུག་ཕྱི་རབས་དོན་ཆེད་དུ། །བླ་མའི་དྲིན་ཐོབ་བདག་གིས་གུས་པས་བྲི། <br />།འདིར་དུས་གསུམ་གྱི་སངས་རྒྱས་ཐབས་ཅད་ཀྱི་སྐུ་གསུང་ཐུགས་ཀྱི་ངོ་བོ་སངས་རྒྱས་དབོན་པོའི་དྲུང་དུ། རྗེ་རིན་པོ་ཆེའི་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པ་ལ་ཡོན་ཏན་གྱི་ཚོགས་མ་ལུས་པ་བརྗོད་པར་དཀའ་ཞིང་བསམ་གྱིས་མི་ཁྱབ་ནའང་། བདག་ཅག་གསོལ་བ་འདེབས་པ་རྣམས་ཀྱི་མོས་གུས་གསོ་བའི་ཕྱིར། རྣམ་པར་ཐར་པ་མདོ་ཙམ་ཞིག་གསུང་བར་ཞུ་ཞེས་གསོལ་བ་བཏབ་པས། <br />རྗེའི་ཞལ་ནས། | + | To input<br /><span class="main_text">༄༅། །བླ་མ་སངས་རྒྱས་དཔོན་པོའི་རྣམ་ཐར་བཞུགས་སོ།<br /><br />།ཨོཾ་གུ་རུ་བུང་དྷ་བོ་དྷི་ས་ཏྭ་བྷྱ་ན་མཿ <br />དལ་བ་དང་ནི་འབྱོར་བའི་ས་བཞི་ལ། །སྨོན་པ་དང་ནི་འཇུག་པའི་དཔག་བསམ་འཁྲུངས། །བསླབ་གསུམ་དང་ནི་ཐེག་གསུམ་ཡལ་འདབ་རྒྱས། །བསྐྱེད་པ་དང་ནི་རྫོགས་པའི་མེ་ཏོག་དང་། །ཉམས་མྱོང་དང་ནི་རྟོགས་པའི་འབྲས་བུ་སྨིན། །བྱམས་པ་དང་ནི་སྙིང་རྗེའི་དྲི་བསུང་འཕྲོས། །རྗེས་འཇུག་དང་ནི་འགྲོ་བའི་གདུང་སེལ་བའི། །བླ་མ་དང་ནི་ཡི་དམ་ལ་བཏུད་ནས། །བླ་མའི་རྣམ་ཐར་དཔག་བསམ་ལྗོན་ཤིང་འདི། །བླ་མའི་གསུང་བཞིན་སྒྲོ་སྐུར་རིང་སྤངས་ནས། །བླ་མའི་རྗེས་འཇུག་ཕྱི་རབས་དོན་ཆེད་དུ། །བླ་མའི་དྲིན་ཐོབ་བདག་གིས་གུས་པས་བྲི། <br />།འདིར་དུས་གསུམ་གྱི་སངས་རྒྱས་ཐབས་ཅད་ཀྱི་སྐུ་གསུང་ཐུགས་ཀྱི་ངོ་བོ་སངས་རྒྱས་དབོན་པོའི་དྲུང་དུ། རྗེ་རིན་པོ་ཆེའི་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པ་ལ་ཡོན་ཏན་གྱི་ཚོགས་མ་ལུས་པ་བརྗོད་པར་དཀའ་ཞིང་བསམ་གྱིས་མི་ཁྱབ་ནའང་། བདག་ཅག་གསོལ་བ་འདེབས་པ་རྣམས་ཀྱི་མོས་གུས་གསོ་བའི་ཕྱིར། རྣམ་པར་ཐར་པ་མདོ་ཙམ་ཞིག་གསུང་བར་ཞུ་ཞེས་གསོལ་བ་བཏབ་པས། <br />རྗེའི་ཞལ་ནས། བཀའ་བརྒྱུད་ཀྱི་བླ་མ་གོང་མ་རྣམས་བྱིས་ཀྱང་རང་རང་གི་རྣམ་པར་ཐར་པ་ཅུང་ཟད་ཙམ་རེ་གསུངས་ནས་གདའ་བས། དེ་རྣམས་ཀྱི་རྗེས་སུ་འཇུག་པའི་ཕྱིར་དང་། གཞན་དང་པ་དང་ལྡན་པ་འགའ་རེ་ལ་ཕན་པ་ཡང་སྲིད་པས། ཅུང་ཟད་ཙམ་ཞིག་བཤད་ཀྱིས་གུས་པས་ཉོན་ཅིག་གསུང་། <br />སྐྱེ་བ་སྔ་མ་གང་དུ་སྐྱེས་པ་དང་། །འདིའི་སྐྱེ་གནས་ཇི་ལྟར་བཟུང་ཚུལ་དང་། །སྐུ་བལྟམས་གཞོན་ནུ་རོལ་རྩེད་བགྱིས་པ་དང་། །མི་རྟག་རྒྱུར་སྐྱེས་རབ་ཏུ་བྱུང་བ་དང་། །བླ་མ་བསྟེན་ཅིང་ཐོས་བསམ་མཛད་ཚུལ་དང་། །སྒྲུབ་པ་མཛད་ཅིང་ཉམས་རྟོགས་འཁྲུངས་པ་དང་། །རང་རང་གཞན་ལ་དག་སྣང་ཤར་བ་དང་། །ཐུགས་རྗེས་བསྐུལ་ནས་གཞན་དོན་མཛད་པ་དང་། །ཕྱི་མ་གང་དུ་འགྲོ་དོན་མཛད་ཚུལ་རྣམས། །ཁོ་བོའི་རྣམ་ཐར་མདོར་བསྟན་ལགས་པས་བཟུང་། <br />།དེ་ཡང་ཁོ་བོ་སྐྱེ་བ་འདིའི་སྔ་མ་ལ་རྒྱ་གར་གྱིས་ཕྱོགས་ཞིག་ཏུ་སྐྱེ་བ་བཟུང་སྟེ། དེའི་གྲོང་ཁྱེར་དེ་ལ་ཁང་པ་བདུན་བཅུ་ལྷག་ཙམ་ཞིག་ཡོད་པའི་འཁོད་རྣམས་འཇགས་མས་ཐོགས་གམ་རྒྱ་ཕུབ་ཀྱི་ཞལ་བ་བྱས་པ། དེ་དག་གི་དབུས་ན་བདག་གི་ཁང་པ་དེ་སོ་ཕག་གིས་རྩིགས་པ་ལ་ཤིང་གི་རྒྱ་ཕུབ་དཀར་ལྷག་གེ་བ་ལོད་པ་ཞིག་དུ། ཡབ་བྲམ་ཟེ་ཆོས་གྲུབ་ཞེས་བྱ་བ་དང་། ཡུམ་ལྷ་འོད་མཛེས་མ་དང་གཉིས་ཀྱི་སྲས་ཆོས་ཀྱི་རིན་ཆེན་ཞེས་བྱ་བར་གྱུར་ནས་བྱམས་པ་དང་སྙིང་རྗེའི་སྒོ་ནས་སེམས་ཅན་ལ་ཕན་པ་རྒྱ་ཆེར་བྱུང་། ཞིབ་པར་བཤད་ཀྱང་གཞན་ཡིད་ཆེས་པར་དཀའ་གསུང་། འདིར་སྐྱེ་བ་བཞེས་ཚུལ་ནི། གཡས་རུ་ཤངས་ཀྱི་ནང་ཁོང་ལ་ལམ་རྩ་ཐང་ཞེས་བྱ་བར། ཡབ་ཤུད་སྐྱེ་བྱམས་པ་མགོན་དང་། ཡུམ་ལ་མོ་སྲི་ཐར་འབུམ་དང་གཉིས་ཀྱི་སྲས་སུ་སྐྱེ་བ་བཟུང་སྟེ། དེ་ཡང་ཡུམ་གྱི་ལྟུམས་སུ་ཞུགས་མ་ཐག་ནས་ཡུམ་ལ་ལྟས་ངོ་མཚར་བ་མང་དུ་བྱུང་སྟེ། ལུས་ཡང་ཞིང་བདེ་བ་དང་། དུས་ཐམས་ཅད་དུ་མཚན་མོའི་སྣང་བ་མེད་པ་ཉིན་མོའི་སྣང་བ་འགའ་ཞིག་དང་། བདག་ལ་བུད་མེད་མང་པོས་བསྐོར་ནས་མར་མེ་ལ་སོགས་མཆོད་པ་མང་པོ་འབུལ་བ་དང་། བདག་མེ་ཆེན་པོའི་དབུས་ན་འདུག་པ་དང་། ལྷུམས་སུ་ཞུགས་ཕྱིན་ཆད་རྐྱེན་གྱིས་ཕོངས་པ་མེད་པ་དང་། གཉིད་ལོག་པ་སོགས་པའི་དུས་སུ་འོད་གསལ་གྱི་སྣང་བ་རྒྱ་ཆེན་པོ་ཡང་བྱུང་བས། ངའི་བུ་འདི་བསོད་ནམས་དང་ལྡན་པ་ཆོས་པ་ཁྱད་པར་ཅན་ཅིག་ཡོད་པར་འདུག་ཟེར་ནས། མངལ་གནས་ཀྱི་དུས་ནས་ཀྱང་རྩིས་ཤིན་ཏུ་ཆེ་བར་མཛད་དོ། །དེ་ནས་ཟླ་བ་བཅུ་ཙམ་སོང་བ་དང་ལྕགས་ཕོ་ཁྱི་ལོ་ལ་སྐུ་བལྟམས་སོ། །དེ་ནས་ཅུང་ཟད་སྨྲ་ཤེས་ནས་སྔར་གྱི་བག་ཆགས་སད་པའི་སྟོབས་ཀྱིས་ཡི་གེ་དྲུག་མ་འདྲེན་པ་དང་། བྱིས་པའི་ཚིགས་རྣམས་ལ་ཆོས་བཤད་པ་དང་། ཆོས་ཁྲི་དང་། སྤྱིལ་པོ་ལ་སོགས་པ་དང་། རི་ཕུག་དང་། བྲག་ཕུག་ལ་སོགས་དགོན་པ་ལ་དགའ་ཞིང་། རྩེད་མོའི་རྣམ་པ་ལའང་། སྔར་གྱི་དེ་འདྲ་བ་ཤ་སྟག་བྱེད་པ་དང་། འདོད་པ་ཆུང་ཞིང་ཆོག་ཤེས་པ་ཞིག་ཡོད། ཡང་བྱིས་པ་གློགས་པོ་རྣམས་ཀྱིས་ཉ་ལ་སོགས་སྲོག་ཆགས་མང་པོ་གསོད་པ་ལ། བཟའ་བཏུང་དང་། ཀ་ཆ་ལ་སོགས་པ་མང་དུ་བྱིན་ནས་སྲོག་སླུས་བྱས། བྱིས་པ་སྙོམས་ཆུང་པ་རྣམས་ཀྱིས་མགོན་སྐྱབས་བྱས་པས་བྱིས་པའི་བྱང་ཆུབ་སེམས་དཔར་གྲགས་པ་ཡང་བྱུང་། <br />དེ་ནས་དགུ་ལོ་བརྒྱད་ལོན་པའི་དུས་སུ་ཡབ་བསྐུང་ནས་འཆི་ཁ་མར་སོང་བ་ལ། རིན་པོ་ཆེ་མཁས་བཙུན་པ་ཐེམ་སྤངས་མཛད་ནས་ཐུགས་དམ་ལ་བཞུགས་པ་ལ། ཞུ་བ་ནན་ཆེན་པོས་གདན་དྲངས་ནས། ཁང་པ་ལ་སྐས་བཙུགས་ནས་བྱོན་པ་ལ། བསྙེན་བཀུར་དང་ཕྱག་རྟེན་ཕུལ་ནས། ངེད་ཀྱི་བུ་ལ་ཆོས་པ་ཅིག་ཡོད་པར་བ་དོག་པས། སྦྱོང་རང་རང་མགོ་འདོན་ཁྱེར་རང་མཁྱེན་བྱས་ནས་རིན་པོ་ཆེ་ལ་སྤྲད། <br />དེ་ནས་ཡབ་འདས་ཤིང་ལོ་དགུ་ལོན་པ་ལ་ཡང་དགོན་ཏུ་རིན་པོ་ཆེ་བའི་དྲུང་དུ་དགེ་བ་བསྙེན་བྱས།<br />ལོ་བཅུ་གཉིས་ལ། ས་སྐྱར་བྱོན་ནས་སློབ་དཔོན་སེངྒེ་བཟང་པོས་མགོ་འདོན་མཛད་ནས་བླ་མ་མཉམ་མེད་པས་མཁན་པོ་མཛད། སློབ་དཔོན་སྐྱེས་མཆོག་གིས་ལས་སློབ་མཛད། གྲིབ་ཚོད་པ་སློབ་དཔོན་སེངྒེ་བཟང་པོས་མཛད་ནས་རབ་ཏུ་བྱུང་བ་མཛད་དོ། །དེ་ནས་ལོ་གསུམ་གྱི་བར་དུ་ས་སྐྱར་བཞུགས་ནས་སློབ་གཉེར་མཛད། དེ་ནས་ཡུམ་བསྐུར་ནས་གདན་འདྲེན་བྱུང་བས་ཡུ་་་་་་་བྱོན། ཡུམ་ལོ་ནད་ཀྱིས་གཤེགས་པ་ལ་བསྐུར་གཡོག་ལ་སོགས་པ་ཞབས་ཏོག་ལ་བརྩོན་པར་མཛད་པས་བུའི་གོ་ཚོད་ཟེར་ནས་ཤིན་ཏུ་མཉེས་པའི་ངང་ལས་ཡུམ་འདས། རྗེས་ཀྱི་བྱ་བ་རྣམས་བསམ་པ་རྫོགས་པ་སྒྲུབས་པོ། <br />།དེ་ནས་བླ་མ་བསྟེན་ཅིང་གསན་པ་མཛད་པ་ནི། དགུང་ལོ་བཅུ་དྲུག་པ་ལ། ཡང་དགོན་དུ་སློབ་དཔོན་སེང་གེ་བཟང་པོའི་དྲུང་དུ། ཀྱཻ་རྡོ་རྗེའི་སྒྲུབ་ཐབས་དང་བཅས་པ་དྲིལ་བུ་པའི་དབང་སྒྲུབ་ཐབས། སྒྲོལ་མའི་དབང་སྒྲུབ་ཐབས་གཉིས། ཤེར་སྙིང་མདོ་སྒྲུབ། ཨེ་ཀ་ཛ་ཏིའི་བློ་འཕེལ། གཅོད་ནམ་མཁའི་སྒོ་འབྱེད། དེའི་ལོ་རྒྱུས། ཨཱརྱ་དེ་ཝའི་གཞུང་། རིན་ཆེན་འཕྲེང་བ། གདན་ཐོག་གཅིག་མ། ལམ་འབྲས་ཀྱི་འཁྲིད་གཞུང་བཤད་ལམ་སྐོར་དང་བཅས། མཚང་བ་མེད་པར་ཐོབ་པོ། <br />།དེ་ནས་དགུར་ལོ་བཅུ་བདུན་པ་ལ་ས་སྐྱར་བརྟག་གཉིས་ལ་བཤད་གསར་མཛད། དེ་ནས་ཡང་རིན་པོ་ཆེ་བའི་གསུང་ནས། རྣམ་འགྲེལ་ལ་ནན་ཏན་གྱིས་གསུང་ནས་ནན་ཏན་འཇུར་པོ་མཛད་པ། ཁམས་འདུས་ཅུང་ཟད་བྱུང་ནས། འཇག་ཏུ་བྱོན་ཞིང་རིན་པོ་ཆེ་བའི་དྲུང་དུ་བྱིན་རླབས་ཞུས་པ་ཙམ་གྱིས་ཁམས་འདུས་སེལ་ལོ།<br />།དེ་ནས་མཁན་ཆེན་སེང་གེ་དཔལ་བས་མཁན་པོ་མཛད། རིན་པོ་ཆེ་བས་ལས་སློབ་མཛད། སློབ་དཔོན་གྲུབ་སེང་གེས་གསང་སྡེབ་མཛད་ནས། ཟླ་བ་གཉིས་པའི་ཚེས་བཅུ་གཉིས་ཀྱི་སྔ་དྲོའི་དུས་སུ་བསྙེན་པར་༼རྫོགས་༽མཛད་དོ། <br />།དེ་ནས་ཡང་རིན་པོ་ཆེ་བའི་གསུང་ནས་ང་དུང་ས་སྐྱར་རྣམ་འགྲེལ་རེ་ཤོད། ངེད་ཀྱིས་ཀྱང་གསེར་ཞོ་བཅོ་བརྒྱད་ཙམ་བསྐུར་གྱིས་གསུང་བ་ལ། སླར་ཡང་ཞུ་བ་ནན་ཆེར་མཛད། རིན་པོ་ཆེ་པ་སྐུ་ཁམས་བཟང་བའི་དུས་འདིར་ཆོས་དྲུག་ལ་སོགས་པའི་ཁྲིད་རྣམས་དང་། གཞན་ཡང་དབང་སྒྲུབ་ལ་སོགས་ཀྱང་ཞུ་འཚལ། འདུས་པའི་ལུགས་ཀྱི་དཔྱིད་ཟླ་བ་བཞི་པའི་དང་པོའི་ཚེས་བཅུ་གཉིས་ཀྱི་སྔ་དྲོ། ནམ་འཆི་ཡང་ཆ་མེད་པས་ད་སྒྲུབ་པ་ཁོ་ན་བྱེད་པར་ཞུ་ཞེས་ཞུས་པས། འོ་ན་ཁྱོད་རང་ས་སྐྱར་ཇ་བསྐོལ་དུ་སོང་གསུང་ནས། ཆས་རྣམས་འཁྱེར་ནས་ཇ་བསྐོལ། དེ་ནས་མར་བྱོན་པའི་ལམ་དུ། ནུབ་གཅིག་གི་རྨི་ལམ་དུ་ཁྱི་ནག་པོ་དང་གཡག་ནག་པོ་མང་པོ་བྱུང་ནས། ཁྱིས་རྨུགས་པ་དང་། གཡག་གིས་གདུང་བ་ལ་སོགས་པ་བྱེད་དུ་བྱུང་། དེས་རྐྱེན་བྱས་རྨི་ལམ་ཟིན་ཞིང་། དེ་ཡང་འདི་རྣམས་རྨི་ལམ་ཡིན་པར་འདུག་པས་རྨི་ལམ་ལ་གང་སྤྱད་ཡིན་སྙམ་ནས། སྤྱང་ཁུ་མང་པོར་སྤྲུལ་ནས་ཁྱི་རྣམས་ཟོས་གཡག་རྣམས་གར་སོང་ཆ་མེད་དུ་སོང་འདུག །དེ་ནས་ང་རང་རྡོ་རྗེ་འཇིགས་བྱེད་དུ་སྤྲུལ་ནས་བླ་མའི་དྲུང་དུ་མཇལ་དགོས་སྙམ་སྟེ་ནམ་མཁའ་ལ་ཕྱིན་པས་བླ་མ་རིན་པོ་ཆེ་མི་བཞུགས་པར་འདུག་ནས་ཡང་ཕྱིན་པས་སྐུགས་ལུངས་ཀྱི་འཁྱམས་ན་སློབ་མ་བརྒྱ་ཙམ་ཅིག་ལ་སྒྱུ་ལུས་ཀྱི་དབང་བསྐུར་མཛད་ཀྱིན་འདུག །རེར་འོ་སྐོལ་ཀྱིས་ཀྱང་དབང་བསྐུར་རྣམས་ཇི་ལྟ་བ་བཞིན་དུ་ཞུས་ཤིང་ཐོབ་སྟེ། སྔ་མའི་བག་ཆགས་བླ་མའི་བྱིན་བརླབས་ཡིན་པར་འདུག །དེ་ནས་འཇག་ཏུ་ཕེབས་ཙ་ན། གཟིམས་ཁང་ན་སློབ་དཔོན་གྲུབ་སེང་བཞུགས་འདུག །ཁོང་གི་གསུང་ནས་རིན་ཆེན་དཔལ་དང་སྡོངས་ལ་མཛོ་རེད་ལ་ཡར་ཤོག་གསུང་བའི་ཞལ་ཏ་ཡོད་དོ་གསུང་པས། དེས་རྐྱེན་བྱས་ནས་ཤིན་ཏུ་ཉམས་དགའ་བར་གྱུར་ནས། གསོལ་འདེབས་ཅིག་མཛད་པས་དེའི་ནུབ་མོ་རྣལ་ལམ་དུ་མི་ནག་པོ་ཨ་ཙ་རའི་ཆ་བྱད་ཅན་གོས་པུས་གོང་མ་གོན་པ་ལྷག་ལྷས་བྱས་པ། ལག་ན་རལ་གྲི་ཐོགས་པ་གཅིག་ན་རེ། ཁྱོད་བསུར་འོངས་པ་ཡིན་ཡར་གཤེགས་གསུང་ནས། གར་འགྲོ་བ་ཡིན་བྱས་པས། བླ་མས་བསུར་བཏགས་པ་ཡིན། ཁྱེད་ཆོས་ཞུ་ཟེར་བས་དེད་ཀྱིས་གྲོགས་ལ་འོངས་པ་ཡིན་ཟེར་ནས་མི་སྣང་བར་ཐལ། དེ་ནས་སྐུགས་ལུངས་སུ་བྱོན་པས། ཕེབས་པའི་ཉིན་མོ་ནས་དག་བྱེད་ཨའི་སྟོང་རའི་དམིགས་པ་གནང་ནས་བསྒོམས་པས་དེའི་ནུབ་མོ་ནས་ནུབ་འགའ་ཞིག་གི་བར་དུ་སྒྲིབ་པ་ཟད་པའི་རྟགས། ནད་འདོན་པའི་རྟགས། གདོན་འདོན་པའི་རྟགས་རྣམས་ཇི་ལྟར་གསུངས་པ་བཞིན་བྱུང་།</span> |
Revision as of 21:43, 13 January 2020
| Resource ID | JP2 |
|---|---|
| Title | bla ma sangs rgyas dpon po'i rnam thar |
| Topics | Biography |
| Associated Person | Jampa Pel |
| Link | BDRC W1KG1286 |
| Notes | Biography of Jampa Pel |
To input
༄༅། །བླ་མ་སངས་རྒྱས་དཔོན་པོའི་རྣམ་ཐར་བཞུགས་སོ།
།ཨོཾ་གུ་རུ་བུང་དྷ་བོ་དྷི་ས་ཏྭ་བྷྱ་ན་མཿ
དལ་བ་དང་ནི་འབྱོར་བའི་ས་བཞི་ལ། །སྨོན་པ་དང་ནི་འཇུག་པའི་དཔག་བསམ་འཁྲུངས། །བསླབ་གསུམ་དང་ནི་ཐེག་གསུམ་ཡལ་འདབ་རྒྱས། །བསྐྱེད་པ་དང་ནི་རྫོགས་པའི་མེ་ཏོག་དང་། །ཉམས་མྱོང་དང་ནི་རྟོགས་པའི་འབྲས་བུ་སྨིན། །བྱམས་པ་དང་ནི་སྙིང་རྗེའི་དྲི་བསུང་འཕྲོས། །རྗེས་འཇུག་དང་ནི་འགྲོ་བའི་གདུང་སེལ་བའི། །བླ་མ་དང་ནི་ཡི་དམ་ལ་བཏུད་ནས། །བླ་མའི་རྣམ་ཐར་དཔག་བསམ་ལྗོན་ཤིང་འདི། །བླ་མའི་གསུང་བཞིན་སྒྲོ་སྐུར་རིང་སྤངས་ནས། །བླ་མའི་རྗེས་འཇུག་ཕྱི་རབས་དོན་ཆེད་དུ། །བླ་མའི་དྲིན་ཐོབ་བདག་གིས་གུས་པས་བྲི།
།འདིར་དུས་གསུམ་གྱི་སངས་རྒྱས་ཐབས་ཅད་ཀྱི་སྐུ་གསུང་ཐུགས་ཀྱི་ངོ་བོ་སངས་རྒྱས་དབོན་པོའི་དྲུང་དུ། རྗེ་རིན་པོ་ཆེའི་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པ་ལ་ཡོན་ཏན་གྱི་ཚོགས་མ་ལུས་པ་བརྗོད་པར་དཀའ་ཞིང་བསམ་གྱིས་མི་ཁྱབ་ནའང་། བདག་ཅག་གསོལ་བ་འདེབས་པ་རྣམས་ཀྱི་མོས་གུས་གསོ་བའི་ཕྱིར། རྣམ་པར་ཐར་པ་མདོ་ཙམ་ཞིག་གསུང་བར་ཞུ་ཞེས་གསོལ་བ་བཏབ་པས།
རྗེའི་ཞལ་ནས། བཀའ་བརྒྱུད་ཀྱི་བླ་མ་གོང་མ་རྣམས་བྱིས་ཀྱང་རང་རང་གི་རྣམ་པར་ཐར་པ་ཅུང་ཟད་ཙམ་རེ་གསུངས་ནས་གདའ་བས། དེ་རྣམས་ཀྱི་རྗེས་སུ་འཇུག་པའི་ཕྱིར་དང་། གཞན་དང་པ་དང་ལྡན་པ་འགའ་རེ་ལ་ཕན་པ་ཡང་སྲིད་པས། ཅུང་ཟད་ཙམ་ཞིག་བཤད་ཀྱིས་གུས་པས་ཉོན་ཅིག་གསུང་།
སྐྱེ་བ་སྔ་མ་གང་དུ་སྐྱེས་པ་དང་། །འདིའི་སྐྱེ་གནས་ཇི་ལྟར་བཟུང་ཚུལ་དང་། །སྐུ་བལྟམས་གཞོན་ནུ་རོལ་རྩེད་བགྱིས་པ་དང་། །མི་རྟག་རྒྱུར་སྐྱེས་རབ་ཏུ་བྱུང་བ་དང་། །བླ་མ་བསྟེན་ཅིང་ཐོས་བསམ་མཛད་ཚུལ་དང་། །སྒྲུབ་པ་མཛད་ཅིང་ཉམས་རྟོགས་འཁྲུངས་པ་དང་། །རང་རང་གཞན་ལ་དག་སྣང་ཤར་བ་དང་། །ཐུགས་རྗེས་བསྐུལ་ནས་གཞན་དོན་མཛད་པ་དང་། །ཕྱི་མ་གང་དུ་འགྲོ་དོན་མཛད་ཚུལ་རྣམས། །ཁོ་བོའི་རྣམ་ཐར་མདོར་བསྟན་ལགས་པས་བཟུང་།
།དེ་ཡང་ཁོ་བོ་སྐྱེ་བ་འདིའི་སྔ་མ་ལ་རྒྱ་གར་གྱིས་ཕྱོགས་ཞིག་ཏུ་སྐྱེ་བ་བཟུང་སྟེ། དེའི་གྲོང་ཁྱེར་དེ་ལ་ཁང་པ་བདུན་བཅུ་ལྷག་ཙམ་ཞིག་ཡོད་པའི་འཁོད་རྣམས་འཇགས་མས་ཐོགས་གམ་རྒྱ་ཕུབ་ཀྱི་ཞལ་བ་བྱས་པ། དེ་དག་གི་དབུས་ན་བདག་གི་ཁང་པ་དེ་སོ་ཕག་གིས་རྩིགས་པ་ལ་ཤིང་གི་རྒྱ་ཕུབ་དཀར་ལྷག་གེ་བ་ལོད་པ་ཞིག་དུ། ཡབ་བྲམ་ཟེ་ཆོས་གྲུབ་ཞེས་བྱ་བ་དང་། ཡུམ་ལྷ་འོད་མཛེས་མ་དང་གཉིས་ཀྱི་སྲས་ཆོས་ཀྱི་རིན་ཆེན་ཞེས་བྱ་བར་གྱུར་ནས་བྱམས་པ་དང་སྙིང་རྗེའི་སྒོ་ནས་སེམས་ཅན་ལ་ཕན་པ་རྒྱ་ཆེར་བྱུང་། ཞིབ་པར་བཤད་ཀྱང་གཞན་ཡིད་ཆེས་པར་དཀའ་གསུང་། འདིར་སྐྱེ་བ་བཞེས་ཚུལ་ནི། གཡས་རུ་ཤངས་ཀྱི་ནང་ཁོང་ལ་ལམ་རྩ་ཐང་ཞེས་བྱ་བར། ཡབ་ཤུད་སྐྱེ་བྱམས་པ་མགོན་དང་། ཡུམ་ལ་མོ་སྲི་ཐར་འབུམ་དང་གཉིས་ཀྱི་སྲས་སུ་སྐྱེ་བ་བཟུང་སྟེ། དེ་ཡང་ཡུམ་གྱི་ལྟུམས་སུ་ཞུགས་མ་ཐག་ནས་ཡུམ་ལ་ལྟས་ངོ་མཚར་བ་མང་དུ་བྱུང་སྟེ། ལུས་ཡང་ཞིང་བདེ་བ་དང་། དུས་ཐམས་ཅད་དུ་མཚན་མོའི་སྣང་བ་མེད་པ་ཉིན་མོའི་སྣང་བ་འགའ་ཞིག་དང་། བདག་ལ་བུད་མེད་མང་པོས་བསྐོར་ནས་མར་མེ་ལ་སོགས་མཆོད་པ་མང་པོ་འབུལ་བ་དང་། བདག་མེ་ཆེན་པོའི་དབུས་ན་འདུག་པ་དང་། ལྷུམས་སུ་ཞུགས་ཕྱིན་ཆད་རྐྱེན་གྱིས་ཕོངས་པ་མེད་པ་དང་། གཉིད་ལོག་པ་སོགས་པའི་དུས་སུ་འོད་གསལ་གྱི་སྣང་བ་རྒྱ་ཆེན་པོ་ཡང་བྱུང་བས། ངའི་བུ་འདི་བསོད་ནམས་དང་ལྡན་པ་ཆོས་པ་ཁྱད་པར་ཅན་ཅིག་ཡོད་པར་འདུག་ཟེར་ནས། མངལ་གནས་ཀྱི་དུས་ནས་ཀྱང་རྩིས་ཤིན་ཏུ་ཆེ་བར་མཛད་དོ། །དེ་ནས་ཟླ་བ་བཅུ་ཙམ་སོང་བ་དང་ལྕགས་ཕོ་ཁྱི་ལོ་ལ་སྐུ་བལྟམས་སོ། །དེ་ནས་ཅུང་ཟད་སྨྲ་ཤེས་ནས་སྔར་གྱི་བག་ཆགས་སད་པའི་སྟོབས་ཀྱིས་ཡི་གེ་དྲུག་མ་འདྲེན་པ་དང་། བྱིས་པའི་ཚིགས་རྣམས་ལ་ཆོས་བཤད་པ་དང་། ཆོས་ཁྲི་དང་། སྤྱིལ་པོ་ལ་སོགས་པ་དང་། རི་ཕུག་དང་། བྲག་ཕུག་ལ་སོགས་དགོན་པ་ལ་དགའ་ཞིང་། རྩེད་མོའི་རྣམ་པ་ལའང་། སྔར་གྱི་དེ་འདྲ་བ་ཤ་སྟག་བྱེད་པ་དང་། འདོད་པ་ཆུང་ཞིང་ཆོག་ཤེས་པ་ཞིག་ཡོད། ཡང་བྱིས་པ་གློགས་པོ་རྣམས་ཀྱིས་ཉ་ལ་སོགས་སྲོག་ཆགས་མང་པོ་གསོད་པ་ལ། བཟའ་བཏུང་དང་། ཀ་ཆ་ལ་སོགས་པ་མང་དུ་བྱིན་ནས་སྲོག་སླུས་བྱས། བྱིས་པ་སྙོམས་ཆུང་པ་རྣམས་ཀྱིས་མགོན་སྐྱབས་བྱས་པས་བྱིས་པའི་བྱང་ཆུབ་སེམས་དཔར་གྲགས་པ་ཡང་བྱུང་།
དེ་ནས་དགུ་ལོ་བརྒྱད་ལོན་པའི་དུས་སུ་ཡབ་བསྐུང་ནས་འཆི་ཁ་མར་སོང་བ་ལ། རིན་པོ་ཆེ་མཁས་བཙུན་པ་ཐེམ་སྤངས་མཛད་ནས་ཐུགས་དམ་ལ་བཞུགས་པ་ལ། ཞུ་བ་ནན་ཆེན་པོས་གདན་དྲངས་ནས། ཁང་པ་ལ་སྐས་བཙུགས་ནས་བྱོན་པ་ལ། བསྙེན་བཀུར་དང་ཕྱག་རྟེན་ཕུལ་ནས། ངེད་ཀྱི་བུ་ལ་ཆོས་པ་ཅིག་ཡོད་པར་བ་དོག་པས། སྦྱོང་རང་རང་མགོ་འདོན་ཁྱེར་རང་མཁྱེན་བྱས་ནས་རིན་པོ་ཆེ་ལ་སྤྲད།
དེ་ནས་ཡབ་འདས་ཤིང་ལོ་དགུ་ལོན་པ་ལ་ཡང་དགོན་ཏུ་རིན་པོ་ཆེ་བའི་དྲུང་དུ་དགེ་བ་བསྙེན་བྱས།
ལོ་བཅུ་གཉིས་ལ། ས་སྐྱར་བྱོན་ནས་སློབ་དཔོན་སེངྒེ་བཟང་པོས་མགོ་འདོན་མཛད་ནས་བླ་མ་མཉམ་མེད་པས་མཁན་པོ་མཛད། སློབ་དཔོན་སྐྱེས་མཆོག་གིས་ལས་སློབ་མཛད། གྲིབ་ཚོད་པ་སློབ་དཔོན་སེངྒེ་བཟང་པོས་མཛད་ནས་རབ་ཏུ་བྱུང་བ་མཛད་དོ། །དེ་ནས་ལོ་གསུམ་གྱི་བར་དུ་ས་སྐྱར་བཞུགས་ནས་སློབ་གཉེར་མཛད། དེ་ནས་ཡུམ་བསྐུར་ནས་གདན་འདྲེན་བྱུང་བས་ཡུ་་་་་་་བྱོན། ཡུམ་ལོ་ནད་ཀྱིས་གཤེགས་པ་ལ་བསྐུར་གཡོག་ལ་སོགས་པ་ཞབས་ཏོག་ལ་བརྩོན་པར་མཛད་པས་བུའི་གོ་ཚོད་ཟེར་ནས་ཤིན་ཏུ་མཉེས་པའི་ངང་ལས་ཡུམ་འདས། རྗེས་ཀྱི་བྱ་བ་རྣམས་བསམ་པ་རྫོགས་པ་སྒྲུབས་པོ།
།དེ་ནས་བླ་མ་བསྟེན་ཅིང་གསན་པ་མཛད་པ་ནི། དགུང་ལོ་བཅུ་དྲུག་པ་ལ། ཡང་དགོན་དུ་སློབ་དཔོན་སེང་གེ་བཟང་པོའི་དྲུང་དུ། ཀྱཻ་རྡོ་རྗེའི་སྒྲུབ་ཐབས་དང་བཅས་པ་དྲིལ་བུ་པའི་དབང་སྒྲུབ་ཐབས། སྒྲོལ་མའི་དབང་སྒྲུབ་ཐབས་གཉིས། ཤེར་སྙིང་མདོ་སྒྲུབ། ཨེ་ཀ་ཛ་ཏིའི་བློ་འཕེལ། གཅོད་ནམ་མཁའི་སྒོ་འབྱེད། དེའི་ལོ་རྒྱུས། ཨཱརྱ་དེ་ཝའི་གཞུང་། རིན་ཆེན་འཕྲེང་བ། གདན་ཐོག་གཅིག་མ། ལམ་འབྲས་ཀྱི་འཁྲིད་གཞུང་བཤད་ལམ་སྐོར་དང་བཅས། མཚང་བ་མེད་པར་ཐོབ་པོ།
།དེ་ནས་དགུར་ལོ་བཅུ་བདུན་པ་ལ་ས་སྐྱར་བརྟག་གཉིས་ལ་བཤད་གསར་མཛད། དེ་ནས་ཡང་རིན་པོ་ཆེ་བའི་གསུང་ནས། རྣམ་འགྲེལ་ལ་ནན་ཏན་གྱིས་གསུང་ནས་ནན་ཏན་འཇུར་པོ་མཛད་པ། ཁམས་འདུས་ཅུང་ཟད་བྱུང་ནས། འཇག་ཏུ་བྱོན་ཞིང་རིན་པོ་ཆེ་བའི་དྲུང་དུ་བྱིན་རླབས་ཞུས་པ་ཙམ་གྱིས་ཁམས་འདུས་སེལ་ལོ།
།དེ་ནས་མཁན་ཆེན་སེང་གེ་དཔལ་བས་མཁན་པོ་མཛད། རིན་པོ་ཆེ་བས་ལས་སློབ་མཛད། སློབ་དཔོན་གྲུབ་སེང་གེས་གསང་སྡེབ་མཛད་ནས། ཟླ་བ་གཉིས་པའི་ཚེས་བཅུ་གཉིས་ཀྱི་སྔ་དྲོའི་དུས་སུ་བསྙེན་པར་༼རྫོགས་༽མཛད་དོ།
།དེ་ནས་ཡང་རིན་པོ་ཆེ་བའི་གསུང་ནས་ང་དུང་ས་སྐྱར་རྣམ་འགྲེལ་རེ་ཤོད། ངེད་ཀྱིས་ཀྱང་གསེར་ཞོ་བཅོ་བརྒྱད་ཙམ་བསྐུར་གྱིས་གསུང་བ་ལ། སླར་ཡང་ཞུ་བ་ནན་ཆེར་མཛད། རིན་པོ་ཆེ་པ་སྐུ་ཁམས་བཟང་བའི་དུས་འདིར་ཆོས་དྲུག་ལ་སོགས་པའི་ཁྲིད་རྣམས་དང་། གཞན་ཡང་དབང་སྒྲུབ་ལ་སོགས་ཀྱང་ཞུ་འཚལ། འདུས་པའི་ལུགས་ཀྱི་དཔྱིད་ཟླ་བ་བཞི་པའི་དང་པོའི་ཚེས་བཅུ་གཉིས་ཀྱི་སྔ་དྲོ། ནམ་འཆི་ཡང་ཆ་མེད་པས་ད་སྒྲུབ་པ་ཁོ་ན་བྱེད་པར་ཞུ་ཞེས་ཞུས་པས། འོ་ན་ཁྱོད་རང་ས་སྐྱར་ཇ་བསྐོལ་དུ་སོང་གསུང་ནས། ཆས་རྣམས་འཁྱེར་ནས་ཇ་བསྐོལ། དེ་ནས་མར་བྱོན་པའི་ལམ་དུ། ནུབ་གཅིག་གི་རྨི་ལམ་དུ་ཁྱི་ནག་པོ་དང་གཡག་ནག་པོ་མང་པོ་བྱུང་ནས། ཁྱིས་རྨུགས་པ་དང་། གཡག་གིས་གདུང་བ་ལ་སོགས་པ་བྱེད་དུ་བྱུང་། དེས་རྐྱེན་བྱས་རྨི་ལམ་ཟིན་ཞིང་། དེ་ཡང་འདི་རྣམས་རྨི་ལམ་ཡིན་པར་འདུག་པས་རྨི་ལམ་ལ་གང་སྤྱད་ཡིན་སྙམ་ནས། སྤྱང་ཁུ་མང་པོར་སྤྲུལ་ནས་ཁྱི་རྣམས་ཟོས་གཡག་རྣམས་གར་སོང་ཆ་མེད་དུ་སོང་འདུག །དེ་ནས་ང་རང་རྡོ་རྗེ་འཇིགས་བྱེད་དུ་སྤྲུལ་ནས་བླ་མའི་དྲུང་དུ་མཇལ་དགོས་སྙམ་སྟེ་ནམ་མཁའ་ལ་ཕྱིན་པས་བླ་མ་རིན་པོ་ཆེ་མི་བཞུགས་པར་འདུག་ནས་ཡང་ཕྱིན་པས་སྐུགས་ལུངས་ཀྱི་འཁྱམས་ན་སློབ་མ་བརྒྱ་ཙམ་ཅིག་ལ་སྒྱུ་ལུས་ཀྱི་དབང་བསྐུར་མཛད་ཀྱིན་འདུག །རེར་འོ་སྐོལ་ཀྱིས་ཀྱང་དབང་བསྐུར་རྣམས་ཇི་ལྟ་བ་བཞིན་དུ་ཞུས་ཤིང་ཐོབ་སྟེ། སྔ་མའི་བག་ཆགས་བླ་མའི་བྱིན་བརླབས་ཡིན་པར་འདུག །དེ་ནས་འཇག་ཏུ་ཕེབས་ཙ་ན། གཟིམས་ཁང་ན་སློབ་དཔོན་གྲུབ་སེང་བཞུགས་འདུག །ཁོང་གི་གསུང་ནས་རིན་ཆེན་དཔལ་དང་སྡོངས་ལ་མཛོ་རེད་ལ་ཡར་ཤོག་གསུང་བའི་ཞལ་ཏ་ཡོད་དོ་གསུང་པས། དེས་རྐྱེན་བྱས་ནས་ཤིན་ཏུ་ཉམས་དགའ་བར་གྱུར་ནས། གསོལ་འདེབས་ཅིག་མཛད་པས་དེའི་ནུབ་མོ་རྣལ་ལམ་དུ་མི་ནག་པོ་ཨ་ཙ་རའི་ཆ་བྱད་ཅན་གོས་པུས་གོང་མ་གོན་པ་ལྷག་ལྷས་བྱས་པ། ལག་ན་རལ་གྲི་ཐོགས་པ་གཅིག་ན་རེ། ཁྱོད་བསུར་འོངས་པ་ཡིན་ཡར་གཤེགས་གསུང་ནས། གར་འགྲོ་བ་ཡིན་བྱས་པས། བླ་མས་བསུར་བཏགས་པ་ཡིན། ཁྱེད་ཆོས་ཞུ་ཟེར་བས་དེད་ཀྱིས་གྲོགས་ལ་འོངས་པ་ཡིན་ཟེར་ནས་མི་སྣང་བར་ཐལ། དེ་ནས་སྐུགས་ལུངས་སུ་བྱོན་པས། ཕེབས་པའི་ཉིན་མོ་ནས་དག་བྱེད་ཨའི་སྟོང་རའི་དམིགས་པ་གནང་ནས་བསྒོམས་པས་དེའི་ནུབ་མོ་ནས་ནུབ་འགའ་ཞིག་གི་བར་དུ་སྒྲིབ་པ་ཟད་པའི་རྟགས། ནད་འདོན་པའི་རྟགས། གདོན་འདོན་པའི་རྟགས་རྣམས་ཇི་ལྟར་གསུངས་པ་བཞིན་བྱུང་།
This work is licensed under a Creative Commons Attribution-Non Commercial-ShareAlike 3.0 Unported License
