Difference between revisions of "Rang grol phyag rgya chen po"

Revision as of 16:04, 20 November 2020

Resource ID	SCv5p235
Title	rang grol phyag rgya chen po
Alt. title	svayaṃmukti mahāmudrā
Topics	Mahamudra Gauma
Sub-Topics	Chant
Author	Niguma
Associated Person	Khyungpo Neljor
Link	BDRC W22704 BDRC W3CN18508 BDRC W8LS16295 (p.508)

༄༅། །རང་གྲོལ་ཕྱག་རྒྱ་ཆེན་པོ་བཞུགས་སོ།
།ཆོས་སྐུ་ཡེ་ཤེས་མཁའ་འགྲོ་ལ་ན་མོ།
།ཡིད་བཞིན་ནོར་བུ་ལྟ་བུ་ཡིས། །སེམས་ཉིད་ཁྱོད་ལ་ཕྱག་འཚལ་ལོ།
།རྫོགས་པའི་སངས་རྒྱས་ཐོབ་འདོད་པས། །ཐ་མལ་རྣམ་རྟོག་དག་བྱའི་ཕྱིར། །རང་ལུས་ལྷར་གསལ་བླ་མ་ལ། །ལྷག་བསམ་དག་པའི་མོས་གུས་བྱ། །བླ་མ་ཡི་དམ་མི་དམིགས་ཤིང་། །དངོས་དང་དངོས་མེད་ལ་སོགས་པ། །གང་ཡང་ཡིད་ལ་མི་བྱ་བར། །མ་བཅོས་སྙུག་མའི་ངང་དུ་བཞག །རང་སེམས་མ་ཡེངས་ཆོས་ཀྱི་སྐུ། །དེ་ལ་མ་ཡེངས་སྒོམ་པའི་གནད། །མཐའ་བྲལ་ཆེན་པོར་རྟོགས་པར་བྱ། །འཁོར་བའི་རྒྱ་མཚོར་སྒྱུར་བྱེད་པའི། །ཉོན་མོངས་ཆགས་སྡང་རྣམ་རྟོག་འདི། །སྐྱེ་མེད་མཚོན་ཆ་རྣོན་པོ་ཡིས། །རང་བཞིན་མེད་པར་བཅད་པར་བྱ། །སྡོང་པོ་རྩ་བ་བཅད་གྱུར་ན། །ཡལ་ག་སྐྱེ་བར་མི་འགྱུར་རོ། །ཇི་ལྟར་དྭངས་པའི་རྒྱ་མཚོ་ལ། །ཆུ་སྦུར་བྱུང་ཞིང་ཆུ་ལ་ཐིམ། །དེ་བཞིན་རྣམ་པར་རྟོག་པ་ཡང་། །ཆོས་ཉིད་མིན་པ་གཞན་མེད་ཀྱི། །སྐྱོན་དུ་མ་ལྟ་གློད་ལ་ཞོག །གང་ཤར་གང་སྐྱེས་དེ་ཉིད་ལ། །དེར་འཛིན་མེད་པར་རང་སར་གྲོལ། །སྣང་གྲགས་ཆོས་རྣམས་རང་གི་སེམས། །སེམས་ལས་མ་གཏོགས་ཆོས་གཞན་མེད། །སེམས་ནི་སྐྱེ་འགག་སྤྲོས་དང་བྲལ། །སེམས་ཀྱི་དེ་ཉིད་ཤེས་པ་ངེས། །འདོད་ཡོན་ལྔ་ལ་སྤྱད་གྱུར་ཀྱང་། །ཆོས་ཉིད་ངང་ལས་གཡོས་པ་མེད། །དཔེར་ན་གསེར་གླིང་ཕྱིན་པ་ཡིས། །ས་རྡོ་རྩལ་བས་མི་རྙེད་ལྟར། །མཉམ་ཉིད་ཆོས་དབྱིངས་ཆེན་པོ་ལ། །སྤང་བླང་མཉམ་བཞག་རྗེས་ཐོབ་མེད། །གང་གི་ཚེ་ན་མངོན་དུ་གྱུར། །དེ་ཚེ་ལྷུན་བྱིས་གྲུབ་པར་འགྱུར། །འགྲོ་བའི་རེ་འདོད་སྐོངས་མཛད་པའི། །ཡིད་བཞིན་ནོར་བུ་ལྟ་བུར་འགྱུར། །གང་ཟག་དབང་པོ་རབ་འབྲིང་གསུམ། །བློ་ཡི་རིམ་པར་ཤེས་པར་བྱ།
།རང་གྲོལ་ཕྱག་རྒྱ་ཆེན་པོ་ཞེས་བྱ་བ། ཡེ་ཤེས་མཁའ་འགྲོ་མ་ནི་གུ་མས་མཛད་པ་རྫོགས་སོ།།
W8LS16295: ༼བདག་ཁྱུང་པོ་རྣལ་འབྱོར་པས། མཁའ་འགྲོ་མ་དེ་ཉིད་མཉེས་པར་བྱས་ནས་ཞུས་སོ།། ཨྀཐིཿ༽

@@ Line 8: / Line 8: @@
 |Author=Niguma
 |Associated Person=Khyungpo Neljor
-|BDRC link=[https://www.tbrc.org/#library_work_ViewByOutline-O2DB757121KG74402%7CW22704 BDRC W22704]<br/>[https://www.tbrc.org/#!rid=W3CN18508 BDRC W3CN18508]
+|BDRC link=[https://www.tbrc.org/#library_work_ViewByOutline-O2DB757121KG74402%7CW22704 BDRC W22704]<br/>[https://www.tbrc.org/#!rid=W3CN18508 BDRC W3CN18508]<br/>[https://www.tbrc.org/#!rid=W8LS16295 BDRC W8LS16295 (p.508)]
 }}
 <span class="main_text">༄༅། །རང་གྲོལ་ཕྱག་རྒྱ་ཆེན་པོ་བཞུགས་སོ།<br />།ཆོས་སྐུ་ཡེ་ཤེས་མཁའ་འགྲོ་ལ་ན་མོ། <br />།ཡིད་བཞིན་ནོར་བུ་ལྟ་བུ་ཡིས། །སེམས་ཉིད་ཁྱོད་ལ་ཕྱག་འཚལ་ལོ། <br />།རྫོགས་པའི་སངས་རྒྱས་ཐོབ་འདོད་པས། །ཐ་མལ་རྣམ་རྟོག་དག་བྱའི་ཕྱིར། །རང་ལུས་ལྷར་གསལ་བླ་མ་ལ། །ལྷག་བསམ་དག་པའི་མོས་གུས་བྱ། །བླ་མ་ཡི་དམ་མི་དམིགས་ཤིང་། །དངོས་དང་དངོས་མེད་ལ་སོགས་པ། །གང་ཡང་ཡིད་ལ་མི་བྱ་བར། །མ་བཅོས་སྙུག་མའི་ངང་དུ་བཞག །རང་སེམས་མ་ཡེངས་ཆོས་ཀྱི་སྐུ། །དེ་ལ་མ་ཡེངས་སྒོམ་པའི་གནད། །མཐའ་བྲལ་ཆེན་པོར་རྟོགས་པར་བྱ། །འཁོར་བའི་རྒྱ་མཚོར་སྒྱུར་བྱེད་པའི། །ཉོན་མོངས་ཆགས་སྡང་རྣམ་རྟོག་འདི། །སྐྱེ་མེད་མཚོན་ཆ་རྣོན་པོ་ཡིས། །རང་བཞིན་མེད་པར་བཅད་པར་བྱ། །སྡོང་པོ་རྩ་བ་བཅད་གྱུར་ན། །ཡལ་ག་སྐྱེ་བར་མི་འགྱུར་རོ། །ཇི་ལྟར་དྭངས་པའི་རྒྱ་མཚོ་ལ། །ཆུ་སྦུར་བྱུང་ཞིང་ཆུ་ལ་ཐིམ། །དེ་བཞིན་རྣམ་པར་རྟོག་པ་ཡང་། །ཆོས་ཉིད་མིན་པ་གཞན་མེད་ཀྱི། །སྐྱོན་དུ་མ་ལྟ་གློད་ལ་ཞོག །གང་ཤར་གང་སྐྱེས་དེ་ཉིད་ལ། །དེར་འཛིན་མེད་པར་རང་སར་གྲོལ། །སྣང་གྲགས་ཆོས་རྣམས་རང་གི་སེམས། །སེམས་ལས་མ་གཏོགས་ཆོས་གཞན་མེད། །སེམས་ནི་སྐྱེ་འགག་སྤྲོས་དང་བྲལ། །སེམས་ཀྱི་དེ་ཉིད་ཤེས་པ་ངེས། །འདོད་ཡོན་ལྔ་ལ་སྤྱད་གྱུར་ཀྱང་། །ཆོས་ཉིད་ངང་ལས་གཡོས་པ་མེད། །དཔེར་ན་གསེར་གླིང་ཕྱིན་པ་ཡིས། །ས་རྡོ་རྩལ་བས་མི་རྙེད་ལྟར། །མཉམ་ཉིད་ཆོས་དབྱིངས་ཆེན་པོ་ལ། །སྤང་བླང་མཉམ་བཞག་རྗེས་ཐོབ་མེད། །གང་གི་ཚེ་ན་མངོན་དུ་གྱུར། །དེ་ཚེ་ལྷུན་བྱིས་གྲུབ་པར་འགྱུར། །འགྲོ་བའི་རེ་འདོད་སྐོངས་མཛད་པའི། །ཡིད་བཞིན་ནོར་བུ་ལྟ་བུར་འགྱུར། །གང་ཟག་དབང་པོ་རབ་འབྲིང་གསུམ། །བློ་ཡི་རིམ་པར་ཤེས་པར་བྱ།<br />།རང་གྲོལ་ཕྱག་རྒྱ་ཆེན་པོ་ཞེས་བྱ་བ། [[Niguma|ཡེ་ཤེས་མཁའ་འགྲོ་མ་ནི་གུ་མ]]ས་མཛད་པ་རྫོགས་སོ།། <br />W8LS16295: ༼བདག་[[Khyungpo Neljor|ཁྱུང་པོ་རྣལ་འབྱོར་]]པས། མཁའ་འགྲོ་མ་དེ་ཉིད་མཉེས་པར་བྱས་ནས་ཞུས་སོ།། ཨྀཐིཿ༽</span>

Difference between revisions of "Rang grol phyag rgya chen po"

Revision as of 16:04, 20 November 2020

About

Contact

Support us

License