Difference between revisions of "Khyung po'i rnam thar"
| Line 7: | Line 7: | ||
|Author=Shangom Chöseng,Méu Tönpa,Mokchokpa Rinchen Tsöndrü,Rinchen Dorjé | |Author=Shangom Chöseng,Méu Tönpa,Mokchokpa Rinchen Tsöndrü,Rinchen Dorjé | ||
|Associated Person=Khyungpo Neljor | |Associated Person=Khyungpo Neljor | ||
| − | |BDRC link=[http://purl.bdrc.io/resource/MW23922_BBAA7D W23922]<br/>[https://www.tbrc.org/#library_work_ViewByOutline-O3CN17353CN1893%7CW3CN766 W3CN766]<br/>[https://www.tbrc.org/#library_work_ViewByOutline-O1GS662581GS66264%7CW20441 W20441]<br/>[https://www.tbrc.org/#!rid=W4CZ58783 W4CZ58783 (p.417)]<br/>[https://www.tbrc.org/#!rid=W8LS37032 W8LS37032 (p.335)]<br/>[https://www.tbrc.org/#library_work_ViewByOutline-O4CZ3003361KG81374%7CW1KG1286 W1KG1286]<br/>[https://www.tbrc.org/#!rid=W3CN18508 W3CN18508 (v1p.4,v3p.120)]<br/>[http://purl.bdrc.io/resource/MW3PD988_A8706A W3PD988 vol.8]<br/>[http://purl.bdrc.io/resource/MW3PD988_1F0F11 W3PD988 vol.5]<br/>[http://purl.bdrc.io/resource/MW0TTBBC0063 W0TTBBC0063] | + | |BDRC link=[http://purl.bdrc.io/resource/MW23922_BBAA7D W23922]<br/>[https://www.tbrc.org/#library_work_ViewByOutline-O3CN17353CN1893%7CW3CN766 W3CN766 (alt. version)]<br/>[https://www.tbrc.org/#library_work_ViewByOutline-O1GS662581GS66264%7CW20441 W20441]<br/>[https://www.tbrc.org/#!rid=W4CZ58783 W4CZ58783 (p.417)]<br/>[https://www.tbrc.org/#!rid=W8LS37032 W8LS37032 (p.335)]<br/>[https://www.tbrc.org/#library_work_ViewByOutline-O4CZ3003361KG81374%7CW1KG1286 W1KG1286]<br/>[https://www.tbrc.org/#!rid=W3CN18508 W3CN18508 (v1p.4,v3p.120)]<br/>[http://purl.bdrc.io/resource/MW3PD988_A8706A W3PD988 vol.8]<br/>[http://purl.bdrc.io/resource/MW3PD988_1F0F11 W3PD988 vol.5]<br/>[http://purl.bdrc.io/resource/MW0TTBBC0063 W0TTBBC0063] |
}} | }} | ||
<span class="main_text">༄༅། །བླ་མ་ཁྱུང་པོ་རྣལ་འབྱོར་གྱི་རྣམ་ཐར་ཟུར་ཙམ་བཞུགས་སོ།།<br /><br />ཙཀྲ་སཾ་བྷ་ར། མ་ཧཱ་མ་ཡ། ཧེ་བཛྲ། གུ་ཧྱ་ས་མཱ་ཛ། བཛྲ་བྷཻ་ར་ཝ། ཌཱ་ཀི་ནཱི། མ་ཧཱ་ཀཱ་ལ། <br />བླ་མ་ཡི་དམ་མཁའ་འགྲོ་ཆོས་སྐྱོང་ལ། །ཁྱུང་པོ་རྣལ་འབྱོར་བདག་གིས་གུས་བཏུད་ནས། །ཕྱི་རབས་བརྒྱུད་འཛིན་རྣམས་ལ་ཕན་པའི་ཕྱིར། །རྣམ་ཐར་ཟུར་ཙམ་བཤད་ཀྱི་གུས་པས་ཉོན། <br />།བན་ཆུང་བདག་གི་སྐྱེ་ས་གངས་དཀར་མདའ། །[[Nyemo Ramang|གཉེ་མོ་ར་མང་]]རྗེ་རིགས་ཁྱུང་པོ་ཡིན། །ཕ་རུ་སྨོས་པ་[[ཁྱུང་རྒྱལ་སྟག་སྐྱེས་]]དང་། །མ་རུ་སྨོས་པ་[[མགོ་གཟའ་བཀྲ་ཤིས་སྐྱིད]]། །དེ་ཡི་རུམ་དུ་བདག་ཉིད་ཞུགས་པའི་ཚེ། །ཕ་མ་ཡུལ་མི་བདེ་སྐྱིད་ལྡན་པར་གྱུར། །སྟག་གི་ལོ་ལ་མ་ཡི་རུམ་ནས་བཙས། །དེ་ཚེ་རྒྱ་གར་གྲུབ་ཐོབ་[[ཨ་མོ་གྷ]]ས། <br />།འདི་ནི་སྤྲུལ་པའི་སྐུ་སྟེ་རྒྱ་གར་བགྲོད། །པཎྜི་ཏ་དང་གྲུབ་ཐོབ་ཐམས་ཅད་ཀྱི། །ཐུགས་བཅུད་བསྡུས་ནས་འགྲོ་རྣམས་སྨིན་གྲོལ་བྱེད། །སྣ་ཚོགས་སྤྲུལ་པས་གདུལ་བྱ་འདུལ་བར་འགྱུར། །ཐེག་ཆེན་སྙིང་པོ་མཐའ་བྲལ་ཆོས་སྒྲ་སྒྲོགས། །མཐར་ཐུག་གསང་སྔགས་བདེ་སྟོང་དབྱེར་མེད་ཀྱི། །སེངྒེའི་ང་རོ་ཕྱོགས་བཅུར་སྒྲོགས་པར་འགྱུར། །དེ་ཡི་ལུས་ནི་བདེ་མཆོག་འཁོར་ལོ་སྟེ། །གསུང་ནི་མ་ཧཱ་མ་ཡའི་བདག་ཉིད་འགྱུར། །ཐུགས་ནི་དཔལ་ལྡན་དགྱེས་པ་རྡོ་རྗེ་སྟེ། །སྤྲུལ་པའི་གནས་མཆོག་གསང་བ་འདུས་པ་ལ། །གསང་གནས་བདེ་སྐྱོང་གཤིན་རྗེའི་གཤེད་དུ་འགྱུར། །དཀྱིལ་འཁོར་དེ་རྣམས་ལུས་ལ་བཀོད་ནས་ཀྱང་། །གདུལ་བྱ་རྣམས་ལ་དངོས་སུ་སྟོན་པར་བྱེད། །གཞན་ཡང་ཡི་དམ་སྣ་ཚོགས་གཟུགས་བསྒྱུར་ནས། །གདུལ་དཀའི་སྐྱེ་བོ་དཔག་མེད་འདུལ་བར་བྱེད། །ལོ་ནི་བརྒྱ་དང་ལྔ་བཅུ་འཚོ་བར་འགྱུར། །དེ་ཡི་མཐར་ནི་མཛད་པ་བརྟུལ་བའི་ཚེ། །ལྟས་དང་རྫུ་འཕྲུལ་སྣ་ཚོགས་སྟོན་པར་འགྱུར། །དེ་ནས་ཞིང་ཁམས་རྣམ་དག་བདེ་བ་ཅན། །རྒྱལ་བ་ཀུན་བསྔགས་ཞིང་དེར་སངས་རྒྱས་ནས། །ཐེག་ཆེན་ཆོས་ཀྱི་འཁོར་ལོ་བསྐོར་བར་འགྱུར། །ཕྱི་རབས་དད་ལྡན་གདུལ་བྱ་ཐམས་ཅད་ཀུན། །རྒྱལ་བའི་ཞིང་དེར་བགྲོད་པར་ཐེ་ཚོམ་མེད། <br />།དེ་སྐད་གསུངས་ནས་བླ་མ་གྲུབ་ཐོབ་དེ། །མཁའ་ལ་བྱ་བཞིན་རྒྱ་གར་ཡུལ་དུ་གཤེགས། །ལོ་ལྔ་ལོན་ནས་ཕ་མས་ལུང་བསྟན་བཤད། །ལོ་བཅུ་ལོན་ནས་ཡིག་རྩིས་མཁས་པར་ཤེས། །བཅུ་གཉིས་ལོན་ཚེ་ཕ་མེས་བག་ཆགས་ཀྱིས། །སེམས་ཕྱོགས་བོན་བསླབ་རྫོགས་ཆེན་ཕྱག་ཆེན་བསླབ། །དེ་ནས་རིན་ཆེན་གསེར་ཕྱེ་ཕོངས་མེད་ཁྱེར། །གཅེས་པའི་སྲོག་ལ་མ་བལྟས་བཀའ་སྤྱད་ནས། །རྒྱ་དང་བལ་པོའི་ཡུལ་དུ་ལན་བདུན་ཕྱིན། །རྒྱ་གར་མཁས་པ་བརྒྱ་དང་ལྔ་བཅུ་བསྟེན། །ཁྱད་པར་མཁས་ཞིང་གྲུབ་ཐོབ་ལྔ་བཅུ་དང་། །རྩ་བའི་བླ་མ་ཁྱད་འཕགས་རྣམ་བཞི་བསྟེན། །ལོངས་སྐུ་དྲུག་པ་རྡོ་རྗེ་འཆང་ཆེན་ལ། །དངོས་སུ་ཆོས་གསན་ཡེ་ཤེས་མཁའ་འགྲོ་གཉིས། །མཉེས་པར་བྱས་ནས་མཐར་ཐུག་གདམས་ངག་ཞུས། །སྒྲོ་འདོག་ཆོད་ནས་རྩེ་གཅིག་བསྒྲུབ་པ་ཡིས། །མཆོག་དང་ཐུན་མོང་དངོས་གྲུབ་རྣམ་གཉིས་ཐོབ། །རྣམ་ཐར་མདོར་བསྟན་ཡིན་གྱིས་གུས་པས་ཉོན། <br /><br />།དེ་ལ་བདག་གི་སྐྱེས་[[Nyemo Ramang|གཉེ་མོ་ར་མང་]]། རུས་ཁྱུང་པོ། ཕ་[[སྟག་སྐྱེས]]། མ་[[བཀྲ་ཤིས་སྐྱིད་]]དོ། །དང་པོ་བདག་སྐྱེས་མ་ཐག་ཏུ་གྲུབ་ཐོབ་[[ཨ་མོ་གྷ་]]བྱོན་ནས་དབང་བསྐུར། བློ་འཕེལ་གྱི་ཆོ་ག་མཛད་ནས། གོང་བཞིན་ལུང་བསྟན་ནས་རྒྱ་གར་དུ་གཤེགས་སོ། <br />།དེ་ནས་ལོ་ལྔ་ལོན་པ་དང་། ཕ་མས་ལུང་བསྟན་བཤད། ལོ་བཅུ་ལོན་པ་དང་། ཀློག་དང་ཡི་གེ་བསླབ། རྒྱ་རྩིས་དང་དུས་འཁོར་མཁས་པར་ཤེས། <br />དང་པོ་ནས་ཕ་མེས་ཐམས་ཅད་བོན་པོའི་དགེ་བཤེས་ཡིན་པས་དེའི་ཞེན་པའམ། བག་ཆགས་ཀྱིས་ལོ་ངོ་བཅུ་གསུམ་ལ་[[སློབ་དཔོན་གཡུང་དྲུང་རྒྱལ་]]ལ། བོན་ཕྱི་ནང་ཐམས་ཅད་བསླབ་པས་མཁས་པར་ཤེས། <br />ཀ་པཱ་ལི་འགྲེམས་པའི་ཚོགས་པ་བདུན་བརྒྱ་ཙམ་བྱུང་ནས་སྒྲུབ་ཐབས་དང་། བསྟན་བཅོས་དང་། དཀའ་འགྲེལ་མང་པོ་བརྩམ་སྟེ་དབུས་གཙང་ཁམས་གསུམ་དུ་བོན་གྱི་བསྟན་པ་དར་བར་བྱས་པས། བོན་ལ་མཁས་ཤིང་གྲུབ་ཐོབ་ཏུ་གྱུར། སློབ་མ་ཡང་མཁས་པ་མང་དུ་ཐོན། ཁྱད་པར་དུ་ཡང་[[རོང་པོ་དགེ་བ་རྒྱལ་]]གྱིས་ཁམས་སུ་བོན་དར་བར་བྱས་ཏེ་རྟ་དང་། དངུལ་བྲེ་ལ་སོགས་པ་བརྒྱ་ཕྲག་བཅུ་གསུམ་ཕུལ་ཏེ་བོན་གྱི་ཟབ་དོན་ཐམས་ཅད་དབང་པོ་རབ་འབྲིང་ཐ་གསུམ་དུ་དྲིལ་བ་གཅིག་ཞུ་ཟེར་ནས། དབང་པོ་རབ་འབྲིང་ཐ་གསུམ་དང་། གནད་བདུན་གྱི་མགུར་བླངས་པས་[[རོང་པོ]]ས་སྣ་དྲངས་པའི་སློབ་མ་ལྔ་བཅུ་རྩ་ལྔས་ལྟ་སྒོམ་གྱི་དོན་ཁོང་དུ་ཆུད། <br />ལྷ་ཚོགས་མང་པོའི་ཞལ་མངོན་སུམ་དུ་མཐོང་ནས་ནུས་པ་ཕྱོགས་མེད་དུ་ཐོན་པས་བདག་རྩོད་མེད་དུ་གྱུར་ཀྱང་། བདག་ལ་ཐེ་ཚོམ་ཅུང་ཞིག་སྐྱེས་ཏེ། བོན་འདི་རྒྱ་གར་གྱི་པཎྜི་ཏ་དང་། ལོ་ཙཱ་བ་རྩོད་མེད་ཐམས་ཅད་ཀྱིས་བསྒྱུར་བ་ཡང་མི་འདུག །མི་ཐམས་ཅད་ཀྱིས་ཁྱོད་ཆོས་པར་མི་འདུག །བོན་པོར་འདུག་ཟེར་བས། ད་[[གྲུབ་ཐོབ་ཨ་མོ་གྷ]]ས་ལུང་བསྟན་པ་བཞིན་རྒྱ་གར་དུ་འགྲོ་དགོས་སྙམ་ནས། གསེར་སྲང་མང་པོ་གྲབ་བྱས་པས་ཕ་མ་གཉིས་ན་རེ། ངེད་གཉིས་རྒས་པས་མ་ཤི་བར་དུ་རྒྱ་གར་ལ་མ་འགྲོ་ཟེར་ནས་མ་བཏང་བས། བོན་གྱི་གྲྭ་བ་རྣམས་བུ་ཆེན་མཁས་པ་ལ་གཏད་ནས་ཉན་བཤད་དང་སྒྲུབ་པ་ལ་བཙུད་དོ། <br />།དེ་ནས་[[Jungné Sengé|བླ་མ་འབྱུང་གནས་སེངྒེ་]]ལ། རྟ་དང་། དར་ཟབ་དང་། གསེར་མང་པོ་ཕུལ་ནས་རྫོགས་ཆེན་ཀློང་སྡེ། སེམས་སྡེ། མན་ངག་གི་སྡེ་རྣམས་བསླབ། ཁྱད་པར་དུ་སེམས་སྨད་བཅོ་བརྒྱད་ལ་གྲྭ་པ་སུམ་བརྒྱ་ཙམ་བྱུང་ནས་མཁས་པར་གྲགས་སོ། <br />།དེ་ལྟར་ཕྱོགས་བཞིའི་གྲྭ་པ་འདུ་བདོ་པའི་དུས་སུ་བདག་གིས་བསམ་པར། རྫོགས་ཆེན་འདི་ལྟ་བ་དག་མཐོ་བར་འདུག་སྟེ། སྤྱོད་པ་ཐེས་རྡུག་པ་གཅིག་ལས་མི་འདུག་པས། ད་ལྟ་སྒོམ་སྤྱོད་གསུམ་འཛོམ་པའི་ཆོས་གཅིག་བཙལ་དགོས་སྙམ་ནས་གྲྭ་པ་རྣམས་བཞག་ནས་[[སྟོད་ལུང་]]ལ་ཡོང་། ལྷ་སར་བསྐོར། [[Shomara|ཤོ་མ་ར]]ར་[[Kor Nirupa|སྐོར་ནི་རུ་པ]]འི་སྤྱན་སྔར་ཕྱིན་ནས། [http://hridayartha.blogspot.com/2015/12/le-rab-tu-mi-gnas-pai-rgyud-un-tantra.html ཕྱག་རྒྱ་ཆེན་པོའི་རྩ་རྒྱུད་རབ་ཏུ་མི་གནས་པ།] བཤད་རྒྱུད་བསམ་གྱིས་མི་ཁྱབ་པ། གསང་པ་གཉིས་སུ་མེད་པ། རྙོགས་པ་མེད་པ། མཚན་བརྗོད་དང་། དོ་ཧ་རྣམས་ཞུས། དགྲ་ནག་གི་རྒྱུད་སྒྲུབ་ཐབས་དང་བཅས་པ། འཇིགས་བྱེད་ཀྱི་རྒྱུད་སྒྲུབ་ཐབས་དང་བཅས་པ། ནི་རུ་པའི་སྐོར་གྱི་ཆོས་རྣམས་མ་ལུས་པ་ཞུས་སོ། <br />།འབུལ་བ་དང་། ནན་ཆགས་དང་། ཉམས་ལེན་གྱིས་བླ་མ་ཤིན་ཏུ་མཉེས་ནས། བླ་མའི་ཞལ་ནས་ད་ལྟ་ང་ལ་ཉུངས་ཞོ་གཅིག་དང་མཉམ་པའི་གྲྭ་བ་ཡོད་ཀྱང་། ངའི་ཆོས་རྣམས་མ་ལུས་པར་ཤེས་པ་ཁྱུང་པོ་རྣལ་འབྱོར་ཁྱོད་ལས་མེད་དོ་ཡང་ཡང་གསུངས་སོ། །དེ་ལྟར་ཆོས་རྣམས་མཁས་པར་བསླབ་ནས་ཆོས་ལ་མོས་པ་རང་བྱུང་ཡང་། ཐུན་མོང་གི་དངོས་གྲུབ་ཀྱི་ལྟས་གཅིག་ལ་ཅུང་མ་མོས་ནས། ད་ལྟ་བོད་ན་གྲུབ་ཐོབ་འདི་ལས་ཆེ་བ་མི་འདུག །བླ་མ་འདིས་ཀྱང་མཆོག་ཐུན་མོང་གི་དངོས་གྲུབ་ཅི་ཙམ་ཐོབ་མི་ཤེས་པར་འདུག་པས། ད་ཅི་ནས་ཀྱང་རྒྱ་གར་དུ་འགྲོ་དགོས་སྙམ་ནས་ཡུལ་དུ་ཕྱིན་ཏེ། སྲུ་མོ་གཟའ་མི་གཉིས་ལ་བུ་མེད་པར་ལོངས་སྤྱོད་ཆེན་པོ་ཡོད་ནས། གསེར་གཡུ་སྐྱིས་པས་རྒས་པོ་ན་རེ། ཁྱོད་མི་ངན་ཡིན། དང་པོ་བོན་དང་རྫོགས་ཆེན་གྱི་གྲྭ་པ་ཞབས་ཏོག་ཅན་དེ་རྣམས་བསྐྱུར་ནས། ད་འཁོར་དང་ལོངས་སྤྱོད་གཉིས་ཀ་མེད་པ་ཞིག་བྱུང་འདུག་ཅིང་ད་གསེར་གཡུ་སྐྱིས་ནས་སྐྱིན་པ་ནམ་ཡོང་ཟེར་ནས་མ་བཏང་བས། སྲུ་མོ་ན་རེ། ཁྱོད་ལ་སྐྱིན་པ་མི་འདོད་ཅིང་གཡུ་གསེར་ཞོ་བཅུ་གཅིག་རི་བ་འདི་འབུལ། ངེད་བཟའ་མི་གཉིས་ལ་ཕན་ཐོག་པའི་ཆོས་ཤིག་སྐྱོལ་ཅིག་ཟེར་རོ། །དེ་ནས་ཞིང་བཙོངས་པ་དང་། སྔར་གྱི་གྲྭ་པས་གསེར་ཕུལ་བ་རྣམས་ལ་སྲང་བཅུ་བྱུང་། གཡུ་དེ་[[ལ་སྟོད་]]དུ་བཙོངས་བས་གསེར་མང་པོ་ཁུག་པ་རྣམས་ཁྱེར་ནས་བལ་པོར་ཕྱིན་པ་དང་། [[པཎྜི་ཏ་བྷ་སུ་ན་མ་ཏི་]]དང་མཇལ་ནས་གསེར་སྲང་གསུམ་ཕུལ་ནས། བིད་པ་ཏ་བསླབ། གསང་བ་སྤྱི་རྒྱུད་ཀྱི་དབང་ཞུས་ནས། ཀྲྀ་ཡ་དཔུང་བཟང་དང་། རིག་པ་མཆོག་དང་། ལེགས་པར་གྲུབ་པ་དང་། དོན་ཡོད་ཞག་པ་ལ་སོགས་པ་ཀྲྀ་ཡའི་རྒྱུད་སྒྲུབ་ཐབས་དང་བཅས་པ་ལྔ་བཅུ་ཞུས། <br />དེ་ནས་[[Atulavajra|པཎྜི་ཏ་ཨ་ཐུ་ལ་བཛྲ་]]དང་མཇལ་ནས། ཁོང་གི་ཞལ་ནས་ཡང་ན་བལ་པོར་ལོ་གསུམ་སྡོད། ངས་ཆོས་བསླབ་ཀྱི། ཡང་ན་[[རྡོ་རྗེ་གདན་]]ན་སངས་རྒྱས་གཉིས་པར་ལུང་བསྟན་པའི་[[Dorjé Denpa|བླ་མ་རྡོ་རྗེ་གདན་པ་]]ཅན་དུ་འདོང་། ངས་སྐྱོལ་ཅིག་གསུང་པ་ལ། ད་ཅི་ནས་རྒྱ་གར་དུ་འགྲོ་དགོས་སྙམ་ནས། <br /><br />༈ ཁོ་བོ་ཁྱུང་པོ་རྣལ་འབྱོར་གྱིས། །འཁོར་བའི་སྡུག་བསྔལ་མ་བཟོད་པར། །འཇིགས་སྐྲག་ཆེན་པོ་གཏིང་ནས་སྐྱེས། །འཁོར་བ་མཐའ་མེད་འདི་འདྲ་བ། །སྐྱེ་འཆིའི་སྡུག་བསྔལ་དཔག་ཏུ་མེད། །ངན་སོང་སྡུག་བསྔལ་བསམ་མི་ཁྱབ། །འཆི་བས་མི་འཇིགས་སྐྱེ་བས་འཇིགས། །སྐྱེ་བ་ལས་ཀྱི་རྗེས་སུ་འབྲངས། །རང་དབང་མེད་པར་འཁོར་བར་འཁྱམ། །བདག་དང་སེམས་ཅན་ཐམས་ཅད་ཀྱང་། །ཅིས་ཀྱང་མི་ཕན་འཆི་ངོ་ཤེས། །ནམ་ཡང་འཆི་བ་འདི་འདྲ་ལ། །ཆོས་ཕྱིར་སྲོག་ནི་བཏང་སྙམ་ནས། །ལུས་དང་སྲོག་ལ་མ་བལྟས་ཏེ། །བལ་ཡུལ་ཙམ་ལ་མ་ལྟོས་པར། །སངས་རྒྱས་སྟོང་གི་འབྱུང་གནས་པ། །སྟོན་པ་མངོན་པར་སངས་རྒྱས་པའི། །[[རྡོ་རྗེ་གདན་]]དུ་ཚངས་ཀྱིས་ཕྱིན། །རྒྱལ་བ་ཐུབ་པ་ཆེན་པོ་ཡིས། །སངས་རྒྱས་གཉིས་པར་ལུང་བསྟན་པའི། །[[Dorjé Denpa|དཔལ་ལྡན་རྡོ་རྗེ་གདན་པ་]]དང་། །དངོས་སུ་ཞལ་མཇལ་དཀོན་པ་ཡི། །གུ་ལང་གསེར་སྲང་ལྔ་བརྒྱ་ཕུལ། །སངས་རྒྱས་དངོས་དང་མཇལ་སྙམ་ནས། །བ་སྤུ་ལྡང་ཞིང་མཆི་མ་འཁྲུགས། །མོས་གུས་ཆེན་པོ་གཏིང་ནས་སྐྱེས། །གུས་པས་ཐལ་སྦྱར་འདི་སྐད་ཞུས། །བསྟན་པའི་རྩ་བ་དགེ་སློང་གི། །མཁན་པོ་མཛད་ནས་འདུལ་བ་ཞུ། །བྱང་ཆུབ་ཆེན་པོར་སེམས་བསྐྱེད་ནས། །ཐེག་པ་ཆེན་པོའི་ཆོས་རྣམས་ཞུ། །སྨིན་བྱེད་གསང་སྔགས་དབང་བསྐུར་ནས། །གྲོལ་བར་བྱེད་པའི་བསྐྱེད་རྫོགས་ཞུ། །དེ་སྐད་བདག་གི་གསོལ་བཏབ་པས། །[[Dorjé Denpa|དཔལ་ལྡན་རྡོ་རྗེ་གདན་པ་]]ཡིས། །དགྱེས་པའི་འཛུམ་བསྟན་འདི་སྐད་གསུངས། །སྲིན་པོ་གདོང་དམར་མཐའ་འཁོབ་ཡུལ། །ལོག་ལྟས་རྒྱུད་འཁྲུགས་ཐེ་ཚོམ་ཅན། །སྣ་ཚོགས་ཆོས་ཚོལ་བསྒྲུབ་མི་ནུས། །རང་མ་སྨིན་པར་གཞན་དོན་བྱེད། །གཅིག་ལ་གཅིག་སྨྲ་ཕྲག་དོག་ཅན། །མི་ནག་ཆོས་ཀྱི་ལོ་རྒྱུས་མཁན། །དེ་ལྟ་བུ་ཡི་རྒྱལ་ཁམས་ན། །དད་ལྡན་སྐྱེ་འཆིའི་འཇིགས་པ་ཡིས། །སྙིང་སྟོབས་ལྡན་པའི་སྐྱེས་བུ་ཁྱོད། །མ་ནོར་དམ་ཆོས་ཚོལ་བའི་ཕྱིར། །སྲོག་ལ་མི་ཕོངས་བཀའ་སྤྱད་ནས། །རྒྱ་གར་ཡུལ་རྣམས་བགྲོད་བྱེད་པའི། །སྐལ་ལྡན་ཁྱུང་པོ་རྣལ་འབྱོར་ཁྱོད། །སྔོན་ཚེ་བྱང་ཕྱོགས་གངས་ཅན་དུ། །ཉན་ཐོས་རྫུ་འཕྲུལ་དཔག་མེད་ལྡན། །རྫུ་འཕྲུལ་ཆེན་པོ་ཞེས་བྱར་གྱུར། །དེ་ཚེ་ལོག་བལྟ་མུ་སྟེགས་དང་། །ལྷ་ཀླུ་གནོད་སྦྱིན་འབྱུང་པོ་དང་། །སྐྱེ་བོའི་ཚོགས་རྣམས་འདུལ་བར་བྱེད། །ཁྱོད་ནི་ཉན་ཐོས་ཚོགས་བསྐོར་ནས། །མཁའ་ལ་བྱ་བཞིན་རྣམ་པར་རྒྱུ། །རི་དང་ཆུ་ལ་ཐོགས་མེད་ཅིང་། །གཅིག་དང་དུ་མར་སྣང་བ་སོགས། །སྤྲུལ་པ་སྣ་ཚོགས་གཟུགས་འཆང་བའི། །དགྲ་བཅོམ་ཆེན་པོ་ཉིད་གྱུར་པས། །བདག་དང་རྒྱ་གར་མཁས་རྣམས་ཀྱིས། །ཁྱེད་ཀྱི་མཁན་པོ་བྱེད་མི་ནུས། །བྱང་ཕྱོགས་ཁ་བ་ཅན་ལྗོངས་སུ། །[[Langri Öden Serdokchen|གླང་རི་འོད་ལྡན་གསེར་མདོག་ཅན]]། །སངས་རྒྱས་སྣང་བ་མཐའ་ཡས་ཀྱི། །སྤྲུལ་པ་བཞུགས་ཀྱིས་དེར་སོང་ལ། །བསྙེན་པར་རྫོགས་པའི་མཁན་པོ་ཞུས། །ཡུལ་[[དབུས་མ་ག་རྡོ་རྗེ་གདན]]། །གནས་མཆོག་འདི་དང་གཞན་རྣམས་སུ། །ཁྱོད་ཀྱིས་ཇི་སྐད་ཞུས་པ་ཡི། །འདུལ་བ་ཕར་ཕྱིན་གསང་སྔགས་རྣམས། །ཇི་ལྟར་འདོད་བཞིན་བསྟན་པར་བྱའོ། །ཞེས་གསུངས་སོ། <br /><br />།དེ་ནས་བདག་གི་དགེ་ཚུལ་གྱི་མཁན་པོ་ཞུས། མིང་[[Khyungpo Neljor|ཚུལ་ཁྲིམས་མགོན་]]དུ་བཏགས། [[Dorjé Denpa|བླ་མ་རྡོ་རྗེ་གདན་པ་]]ཤངས་ཁྲག་ཤོར་ནས། ཁྱུང་པོ་རྣལ་འབྱོར་ལས་སྤོ་མ་ནུས་སོ། །དེའི་དུས་སུ། བླ་མའི་ཞལ་ནས་ཁྱུང་པོ་ཛོ་ཀི་མ་ཧཱ་ཕ་ལ་ཕ་ལ་གསུངས་ནས། ཐོག་མར་འདུལ་བ་ལུང་དང་། བསྟན་བཅོས་མདོ་རྩ་གསུངས་སོ། <br />།དེ་ནས་[[Atisha|རྗེ་བཙུན་ཤྲཱིར་ཛྙཱ་ན་]]དེ་རི་མ་ལ་ཡར་བཞུགས་པའི་དྲུང་དུ་ཕྱིན་ཏེ། སེམས་བསྐྱེད་ཞུས་ནས་བྱམས་པའི་ཆོས་ལྔ་དང་། རྣལ་འབྱོར་སྤྱོད་པའི་ས་སྡེ་ལྔ་དང་། ཚད་མ་སྡེ་བདུན་ཞུས་སོ། <br />།ཡང་[[Vairochana Rakshita|བཻ་རོ་ཙ་ན་རཀྵི་ཏ་]]ལྷོ་ཕྱོགས་[[ཀོ་ས་ལ་]]ཡི་དུར་ཁྲོད་ནས་བརྡོལ་ནས་རྩ་ཡི་སྤྱིལ་པོ་ན། འཁོར་པཎྜི་ཏ་བཅུ་གསུམ་ལ་ཆོས་གསུངས་པ་དང་མཇལ་ནས། དེར་གསང་བ་འདུས་པ་ལྷ་སུམ་ཅུ་རྩ་གཉིས་དང་། ཧེ་བཛྲ་ལྷ་བཅུ་གསུམ་དང་། འཁོར་ལོ་སྡོམ་པ་ལྷ་བཅུ་གསུམ་དང་། མ་ཧཱ་མ་ཡ་ལྷ་ལྔ་དང་། རྡོ་རྗེ་འཇིགས་བྱེད་ལྷ་བཅུ་གསུམ་དང་། ལྷ་ལྔའི་སྒོ་ནས་དབང་བསྐུར་ཞིང་བྱིན་གྱིས་བརླབ་བོ། <br />།ཡང་[[Vairochana Rakshita|བཻ་རོ་ཙ་ན་རཀྵི་ཏ་]][[ཛེ་ཏ]]འི་ཚལ་ན་བཞུགས་པ་ལ། སངས་རྒྱས་ཐོད་པ་དང་སངས་རྒྱས་མཉམ་སྦྱོར་རྒྱུད་སྒྲུབ་ཐབས་དབང་དང་བཅས་པ་ཞུས་སོ། <br />།[[Dorjé Denpa|རྡོ་རྗེ་གདན་པ་ཆེན་པོ་]]ལ། [[རྡོ་རྗེ་གདན་]]དུ་རྒྱུད་སྡེ་ལྔའི་དཀྱིལ་འཁོར་ཆེན་པོ་གཅིག་ཏུ་དབང་བསྐུར་ཞུས་སོ། །དེ་ནི་རིན་ཆེན་རྒྱ་མཚོའི་རྩ་རྒྱུད་བཤད་བརྒྱུད་དང་། [[དཔལ་ལྡན་འབྲས་སྤུངས་]]ཀྱི་བྲེའུ་ནང་ན་ཇི་ལྟར་བཞུགས་པ་བཞིན་ནོ། <br /><br />༈ །དེ་ལ་རྒྱུད་སྡེ་ཆེན་པོ་ལྔའི། །དབང་དང་རྒྱུད་དང་སྒྲུབ་པའི་ཐབས། །གདམས་པའི་མཆོག་གི་ཁྱད་པར་ནི། །བདེ་བ་མཆོག་གི་གྲོལ་རྒྱུད་ལས། །རྒྱུ་ལམ་འབྲས་བུ་བསྟན་པ་ཡང་། །བདེ་བ་ཆེན་པོ་གྲུབ་པས་ན། །བྱང་ཆུབ་སེམས་ཀྱི་རྡོ་རྗེ་ནི། །བདེ་བ་སྒྲུབ་པ་ཉིད་ཡིན་ཏེ། །དཔལ་ལྡན་གསང་བ་འདུས་པ་དང་། །སྙིང་པོ་མ་ཧཱ་མ་ཡ་དང་། །ཡང་སྙིང་དགྱེས་པ་རྡོ་རྗེ་དང་། །དགའ་ཆེན་ཟ་ནུས་སྒྱུ་འཕྲུལ་ཆེ། །དཔལ་ལྡན་འཁོར་ལོ་སྡོམ་པ་དང་། །དྲག་པོ་རྡོ་རྗེ་འཇིགས་བྱེད་རྣམས། །མཐར་ཐུག་སྟོན་པ་ལྔ་པོ་ལ། །ཐབས་དང་ཤེས་རབ་གཉིས་ཀྱི་རྒྱུད། །ཟུང་དུ་འཇུག་པ་ཉིད་ཡིན་པས། །དང་པོ་སྨིན་ལམ་དབང་ལ་ཡང་། །ཕྱི་ནང་གསང་བ་ཉིད་ཡིན་ནོ། །ལམ་ལ་རིམ་པ་གཉིས་ཡིན་ཏེ། །བསྐྱེད་རིམ་དང་ནི་རྫོགས་རིམ་མོ། །བསྐྱེད་པ་སྣང་དང་རྫོགས་པ་སྟོང་། །དབྱེར་མེད་ཟུང་འཇུག་ཆུ་ཟླ་བཞིན། །རྫོགས་པ་རང་ལུས་གཞན་ལུས་དང་། །ཟུང་འཇུག་བདེ་སྟོང་དབྱེར་མེད་དོ། །འབྲས་བུ་མཆོག་དང་ཐུན་མོང་ངོ་། །ཐུན་མོང་ལས་བརྒྱད་གྲུབ་ཆེན་བརྒྱད། །མཆོག་ལ་སྐུ་བཞི་མཛད་པར་བཅས། །ལྷུན་གྲུབ་གང་འདུལ་རང་ཤར་རོ། །གང་ཟག་སྦྱངས་པའི་ལས་ཅན་གྱིས། །རྩེ་གཅིག་མ་ཡེངས་འབད་གྱུར་ན། །དམ་ཚིག་ལྡན་པས་ངེས་པར་ཐོབ། །རང་ལུས་ཐབས་ལྡན་ལམ་དང་ནི། །གཞན་ལུས་ལས་ཀྱི་ཕྱག་རྒྱའོ། །འདོད་ཡོན་ལམ་ཁྱེར་གནད་མཆོག་འདི། །བརྒྱུད་པ་མཆོག་གི་རིམ་པ་ཡང་། <br />།སངས་རྒྱས་ལུང་བསྟན་ཐོབ་པ་ཡི། །[[Nagarjuna|སློབ་དཔོན་འཕགས་པ་ཀླུ་སྒྲུབ་]]དང་། <br />།འོད་གསལ་བསྟན་པས་གྲུབ་པ་བརྙེས། །[[ཀཾ་པ་ལ་]]ཞེས་བྱ་བ་དང་། <br />།ཕྱག་རྒྱ་ཁྱི་རུ་སྤྲུལ་བྱེད་པའི། །[[Kukuripa|ཀུ་ཀུ་རི་པ་ཆེན་པོ་]]དང་། <br />།ཉ་ལྟོ་གསོལ་ཞིང་གྲུབ་པ་ཐོབ། །[[Luipa|ལོ་ཧི་པ་]]ཞེས་གྲགས་པ་དང་། <br />།ལྷག་པའི་ལྷ་ཡི་བྱིན་རླབས་པ། །[[དཔལ་འཛིན་ཧ་རི་ཀེ་ལ་]]དང་། <br />།དེ་དག་རྣམས་ལས་རིམ་བརྒྱུད་པ། །[[Dombi Heruka|ཌོམྦྷི་པ་]]དང་[[ཀུ་སུ་ལུ]]། །[[མ་ཧཱ་བཛྲ་]]ལེགས་བསྡུས་ཏེ། <br />།[[དཔལ་ལྡན་ཡེ་ཤེས་སྡེ་]]ཞེས་པ། །[[Vairochana Rakshita|བཻ་རོ་ཙ་ན་རཀྵི་ཏ]]། །[[སུ་མ་ཏི་]]ཞེས་རྣལ་འབྱོར་དང་། །[[ཏ་ཐཱ་ག་ཏ་རཀྵི་ཏ]]། །[[ཨ་མོ་གྷ་ནི་བཛྲ་]]དང་། །[[Dorjé Denpa|དཔལ་ལྡན་རྡོ་རྗེ་གདན་པ་]]རྣམས། །རིམ་གྱིས་བདག་ལ་བརྒྱུད་པའོ། <br /><br />།ཡང་། [[དཔལ་ལཱ་ལི་ཏ་བཛྲ]]། [[པདྨ་ཞབས]]། [[ཨིནྡྲ་བྷུ་ཏི་ཆུང་བ]]། [[དཔལ་འཛིན་ཨ་མོ་གྷ་བཛྲ]]། [[བཻ་རོ་ཙ་ནརཀྵི་ཏ་]]ནས་བརྒྱུད་པའི་དགྲ་ནག་དང་། འཇིགས་བྱེད་རྟོག་པ་བདུན་པ་དང་། སྒྲུབ་ཐབས་རྡོ་རྗེ་འོད་དང་། རྟོག་པ་གསུམ་པ་དང་། གསང་བ་མཐའ་དྲུག་གི་གདམས་ངག་རྣམས་ཞུས་སོ། <br />།[[རྡོ་རྗེ་གདན་པ་]]ལ་མི་གཡོ་བའི་རྒྱུད་སྒྲུབ་ཐབས་དང་བཅས་པ་དང་། སྒྲོལ་མའི་རྒྱུད་གདམས་པ་དང་བཅས་པ་དང་། མཚན་བརྗོད་དབང་རྒྱུད་སྒྲུབ་ཐབས་དང་བཅས་པ་དང་། གསང་སྔགས་ཀྱི་རྗེས་སུ་ཡི་རང་དང་། སྒྲུབ་པའི་ལམ་རིམ་དང་། རྩོད་པའི་ལམ་རིམ་དང་། གཞན་ཡང་བྱ་བའི་རྒྱུད་སྒྲུབ་ཐབས་དང་བཅས་པ་དང་། སྤྱོད་པའི་དང་། རྣལ་འབྱོར་དང་། རྣལ་འབྱོར་བླ་མེད་ཀྱི་རྒྱུད་སྒྲུབ་ཐབས་དང་བཅས་པ་རྣམས་ཞུས་སོ། <br />།[[ཁ་ཆེ་དགོན་པ་བ་]]དང་། [[Dorjé Denpa|རྡོ་རྗེ་གདན་པ་]]ལ་རྡོ་རྗེ་ས་འོག་དང་། འབྱུང་པོ་འདུལ་བྱེད་དང་། གར་མཁན་མཆོག་དང་། གནོད་སྦྱིན་ཤིང་ཏའི་རྒྱུད་དང་། རྣམ་སྲས་ཞི་བ་དང་དྲག་པོ་རྣམས་ཞུས་སོ། <br />།དེ་ནས་བླ་མ་རིན་པོ་ཆེ་[[རི་མ་ལ་ཡ་]]ཡི་རྩེ་ན་བཞུགས་པ་ལ་གསེར་སྲང་བཅུ་གསུམ་ཕུལ་བའི་ཚེས་བཅུའི་མཆོད་པ་བྱས་པའི་ཐོ་རངས་ཀྱི་ཚེ་ན། <br /><br />མཁའ་ལ་མེ་ཏོག་ཆར་བཞིན་བབས། །དཔའ་བོ་མཁའ་འགྲོས་བར་སྣང་ཁེངས། །སྒྲ་དང་འོད་དང་འཇའ་ཚོན་འཁྲུགས། །ལྷ་རྣམས་མཆོད་པ་འབུལ་བའི་ཚེ། །[[Dorjé Denpa|རྡོ་རྗེ་གདན་པ]]ས་འདི་སྐད་གསུངས། །རིགས་ཀྱི་བུ་ཁྱོད་བོད་དུ་སོང་། །གདུལ་བྱ་ཁ་བ་ཅན་ལྗོངས་ཀྱི། །སེམས་ཅན་མང་པོ་གྲོལ་བྱེད་ཅིང་། །ཕྱི་མའི་ཚེ་ན་ཆོས་འདི་རྣམས། །ཁྱོད་ཀྱི་རྒྱུད་འཛིན་རྣལ་འབྱོར་པ། །གཅིག་གིས་དར་བར་བྱེད་པར་འགྱུར། །ཆོས་འདི་རྣམས་ཀྱི་བཀའ་ཐོབ་ཅིང་། །ཕན་སེམས་ལྡན་པ་དེ་ཡིས་ནི། །གང་བྱུང་རྒྱལ་སྲས་མ་ནོར་སྟོན། །རབ་ཏུ་མི་གནས་ས་ལ་སྦྱོར། །རིམ་གྱིས་དོན་རྟོགས་མང་དུ་འབྱུང་། །གྲུབ་མཐའ་གཞུང་ཆེན་བཞི་ཉིད་ལས། །མཚན་ཉིད་ཐེག་དང་རྡོ་རྗེ་ཐེག །ཁྱད་པར་རྣམ་པར་འབྱེད་པ་ཡིན། །རྒྱུ་དང་འབྲས་བུའི་ལམ་བྱེད་པ། །མངོན་སུམ་རྗེས་དཔག་རིམ་པ་ཡིས། །གཏན་ཚིག་ཆེན་པོ་བཞི་ལ་ནི། །མཚན་ཉིད་གསུམ་གྱིས་གཏན་ལ་འབེབས། །དེ་ནི་རྩོད་པའི་ལམ་རིམ་མོ། །ཕ་རོལ་ཕྱིན་དང་གསང་བ་སྔགས། །བྱང་ཆུབ་ཕྱོགས་ཆོས་སུམ་ཅུ་བདུན། །ཐུན་མོང་ལམ་ལྔ་ཁྱད་པར་གཉིས། །ཞར་སྤྱད་དོན་བསྡུས་ལམ་བྱེད་པ། །སྒྲུབ་པའི་རིམ་པ་ཞེས་བྱའོ། །དེ་དག་ལམ་རིམ་གཉིས་པའོ། །དེ་ཉིད་མཐོང་ལམ་ཞེས་བྱའོ། །ལྟ་བ་ངན་པས་མ་གོས་པའི། །ཡེ་ཤེས་མངོན་དུ་བྱེད་པའི་ལམ། །མཐའ་དང་བྲལ་བའི་དོན་ཉིད་ནི། །ཟུང་དུ་འཇུག་པ་སྟོན་པ་དག །དབུ་མ་ཆེན་པོ་ཉིད་དུ་འཇུག །ཞི་གནས་ལྷག་མཐོང་ཏིང་ངེ་འཛིན། །གོང་ནས་གོང་དུ་ལམ་སྦྱོང་བ། །སེམས་ཀྱི་ལམ་མཆོག་ཞེས་བྱར་བསྟན། །ང་དང་འདྲ་བར་ཁྱོད་ཀྱིས་རྟོགས། །རྒྱལ་བའི་ལུང་བསྟན་བདག་གིས་ཐོབ། །ཁྱོད་ཀྱང་འདི་ནས་སངས་རྒྱས་ཤིང་། །བདེ་བ་ཅན་དུ་འགྲོ་བར་འགྱུར། །རྩོད་ལྡན་གདུལ་དཀའི་སེམས་ཅན་ལ། །སྐྱོ་བ་མ་བྱེད་བྱང་སེམས་སྒོམས། །བདེ་མཆོག་རང་བྱོན་དཀྱིལ་འཁོར་གྱི། །ས་རུ་གདུལ་བྱ་ཁྲི་ཕྲག་འབྱུང་། །ཞེས་ལུང་བསྟན། <br /><br />དེ་ནས་ཆུ་བོ་[[གངྒཱ]]འི་འགྲམ་དུ་[[Maitripa|རྒྱལ་བ་མཻ་ཏྲི་པ]]འི་སློབ་མ། [[Kshetravajra|ཞིང་གི་རྡོ་རྗེ]]། [[Atulavajra|མི་མཉམ་རྡོ་རྗེ།]] [[Ratnavajra|རིན་ཆེན་རྡོ་རྗེ་]]སྟེ་རྡོ་རྗེ་མཆེད་གསུམ་གཤིན་རྗེ་གཤེད་བསྒྲུབས་ནས་ལས་སྦྱོར་བྱེད་པ་དང་མཇལ་ནས། གསེར་སྲང་རེ་རེ་ཕུལ་ནས་གཤིན་རྗེ་གཤེད་ཀྱི་དབང་ཞུས། གཤིན་རྗེ་གཤེད་དམར་ནག་གི་རྒྱུད་སྒྲུབ་ཐབས་དང་། ར་སྒྲོལ་ཞུས་ནས། ཟླ་བ་བདུན་དེ་ཉིད་དུ་བསྒྲུབས། དང་པོ་གཤིན་རྗེ་གཤེད་དམར་པོ་ཞལ་མཐོང་། དེ་ནས་ནག་པོའི་ལྷ་ཚོགས་ཐམས་ཅད་ཀྱི་ཞལ་མཐོང་། <br />དེ་ནས་[[དཱེ་ཝི་ཀོ་ཊི]]ར་[[Dakini Kanakashrila|ཌཱ་ཀི་མ་ཀ་ན་ཀ་ཤྲི་ལ།]] སམ་བུ་ཊའི་རྒྱུད་སྒྲུབ་ཐབས་དང་བཅས་པ་དང་། རྫོགས་རིམ་དེ་ཁོ་ན་ཉིད་ཡང་དག་བསྡུས་པ་དང་། དཔལ་མཆོག་དྲྭ་བ་སྡོམ་པ་རྒྱ་མཚོ་དང་། ཡེ་ཤེས་རྒྱ་མཚོ་དང་། ཡེ་ཤེས་མངོན་བྱུང་དང་། དམ་ཚིག་བཀོད་པའི་རྒྱུད་རྣམས་ཞུས་སོ། <br />།དེ་ནས་[[བྲམ་ཟེ་རཏྣ་ཕ་ལ་]]ལ་གཤིན་རྗེ་གཤེད་ཞུས་པས། ཁྱེད་ལ་གཡུ་འབུལ་བའི་སྲུ་མོ་བཟའ་མི་གཉིས་ལ་མེད་ཚོལ་དང་། ལྟེ་བསྒྱུར་འདི་སྐྱོལ་དང་བུ་འབྱུང་ངོ་ཞེས་ལུང་བསྟན་ནས་བོད་དུ་འོང་བས། [[དཔལ་མོ་དཔལ་ཐང་]]དུ་དགྲ་བྱུང་ནས། ར་སྒྲོལ་གྱི་ལས་སྦྱོར་བྱས་པས། ཟན་གྱི་ར་འགྲོ་ཤེས་པ་བྱུང་། དེ་ལ་བསད་སྔགས་བརྒྱབ་པས་ར་ཁྲག་སྐྱུག་ནས་ཤི་བ་དང་། ཇག་པ་རྣམས་ཁྲག་སྐྱུག་ནས་ཤིའོ། །ཡང་ལན་གཅིག་ཇག་པ་བྱུང་བ་ལ། སྡིགས་འཛུབ་བསྟན་པས་རེངས་པ་དང་། བརྒྱལ་བ་དང་ཁྲག་སྐྱུག་པས་མཐུ་དང་ནུས་པའི་གྲགས་པ་ཆེན་པོ་བྱུང་ངོ་། <br />།དེ་ནས་ཡུལ་དུ་སྲུ་མོ་བཟའ་མི་གཉིས་ལ་མེད་ཚོལ་དང་ལྟེ་བསྒྱུར་བསླབ་པའི་ཐོ་རངས་ལྷ་མོ་དཀར་མོ་གཅིག་བྱོན་ནས། ཁྱོད་ཀྱིས་མེད་ཚོལ་འདིས་བུ་གསུམ་འབྱུང་བར་འགྱུར་རོ། །བུ་ཆེ་བ་ལ་ཤངས་པ་མགོན། འབྲིང་པོ་ལ་ཤངས་པ་དང་། ཆུང་བ་ལ་ཤངས་ཆུང་ཐོགས་ཤིག །ཁྱོད་[[Khyungpo Neljor|བླ་མ་ཤངས་པ]]ར་གྲགས་པའི་དུས་སུ་བུ་སྤུན་གསུམ་པོ་འདི་རྩ་བའི་ཡོན་བདག་ཏུ་འགྱུར་རོ། །ལོ་རེ་བཞིན་དུ་ནས་སྟོང་ཚོ་གསུམ་གསུམ་དང་གསེར་གཡུ་རྟ་ཁྲབ་ལ་སོགས་པའི་ཞབས་ཏོག་བྱེད་པར་འགྱུར་རོ་གསུངས་ནས། ཁོང་གི་ལྡིང་ཁོང་གི་ལོག་ལ་བུ་སྤུན་གསུམ་གྱི་མིང་བྲིས་ནས་བཞག་པས། ལོ་གསུམ་ལ་བུ་གསུམ་བྱུང་ནས་བདག་གི་རྩ་བའི་ཡོན་བདག་ཏུ་གྱུར་ཏོ། <br />།དེ་ནས་སྔར་གྱི་སློབ་མས་ལོངས་སྤྱོད་ཆེན་པོ་ཕུལ་བ་རྣམས་གསེར་དུ་བསྒྱུར། གུ་ལང་གི་གསེར་ཁ་རྡོལ་བ་དང་འཕྲད་ནས་གསེར་སྲང་སྟོང་ཕྲག་ལག་ཏུ་བྱུང་། [[མང་ཡུལ་]]གྱི་གྲོང་དུ་སློབ་མས་སྐྱར་ནས་དབང་ཞུས། གསེར་སྲང་མང་པོ་ཕུལ་ལོ། <br /><br />།དེ་ནས་བལ་པོར་[[ཕམ་མཐིང་པ་]]ལ་བདེ་མཆོག་རྩ་རྒྱུད་དང་གདན་བཞི་ཞུས་ནས་རྒྱ་གར་དུ་ཕྱིན་ཏེ། [[Dorjé Denpa|བླ་མ་རྡོ་རྗེ་གདན་པ་]]ལ་གསེར་སྲང་བརྒྱ་ཕུལ་བས། བླ་མའི་ཞལ་ནས། [[ནཱ་རོ་པ]]འི་སློབ་མ་[[Dha Chenpo|དྷ་ཆེན་པོ་]]ལ་ཆོས་ཞུས་ཤིག་གསུངས་ནས་ལུང་བསྟན་ཏེ། [[Dha Chenpo|བླ་མ་དྷ་ཆེན་པོ་]][[ཤྲཱི་ན་ལེནྡྲ་]]ན་བཞུགས་ཙ་ན། དེ་ཉིད་འདུས་པ་དང་། རྡོ་རྗེ་རྩེ་མོ་དང་། ངན་སོང་སྦྱོངས་རྒྱུད་ལ་སོགས་པ་དང་། གསང་བ་འདུས་པ་འཕགས་སྐོར་རྣམས་དང་། དགྱེས་རྡོར་རྣམས་དང་། གདམས་ངག་མང་དུ་ཞུས་སོ། <br />།ཡང་[[Dakini Sumati|སུ་མ་ཏི་ཀི་རྟི་ཆེན་མོ་]]ལ། བདེ་མཆོག་རྩ་རྒྱུད་དང་། [[Kanhapa|ནག་པོ་པ]]འི་ཆོས་དྲུག་ལ་སོགས་པ་བདེ་མཆོག་མང་དུ་ཞུས། <br />ཤར་ལྗོན་ཤིང་ཀུ་ཤའི་ཚལ་དུ། དཔལ་[[དྷརྨ་ཕ་ལ་]]ལ་ཕྱག་རྒྱ་ཆེན་པོ་གསང་བ་གྲུབ་པ་ཞུས་སོ། <br />།[[རྗེ་(ན་ཏེ་)གྷནྡྲ་པ་]]ལ། ཤར་[[བི་ཀྲ་མ་པུ་རི་]]ན་བཞུགས་པ་ལ་ཡེ་ཤེས་གྲུབ་པ་དང་དབང་རིན་པོ་ཆེ་འཁོར་ལོ་དང་། སྐུ་གསུང་ཐུགས་ཀྱི་རྒྱུད་དང་། ཡེ་ཤེས་དགོངས་པ་བླ་ན་མེད་པ་ལ་སོགས་པའི་རྒྱུད་གདམས་ངག་མང་དུ་ཞུས་སོ། <br />།[[Dakini Ratnadevi|རྗེ་བཙུན་མ་རིན་ཆེན་ལྷ་མོ་]][[Kankata|ཀམ་ཀ་ཏ་]]ཡི་གྲོང་ཁྱེར་ན་བཞུགས་པ་ལ། ཕྱག་རྒྱ་ཆེན་པོ་སྙིང་པོའི་སྐོར་རྣམས་ཞུས། <br />[[Kukuripa|ཀུ་ཀུ་རི་པ]]འི་སློབ་མ་[[Suryagarbha|གྲུབ་ཐོབ་ཉི་མའི་སྙིང་པོ་]][[ཛ་ལནྡྷ་རའི་དུར་ཁྲོད་]]དུ་བཞུགས་པ་ལ། [[Kukuripa|ཀུ་ཀུ་རི་པ]]འི་ཆོས་བདུན་དང་། རྗེ་བཙུན་མའི་སྒྲུབ་ཐབས་མང་དུ་ཞུས། <br />[[Maitripa|བླ་མ་མཻ་ཏྲི་པ་]]ལྷོ་ཕྱོགས་འོད་མའི་ཚལ་ན་བཞུགས་པ་ལ། ཕྱག་རྒྱ་ཆེན་པོ་རབ་ཏུ་མི་གནས་པ་ལ་སོགས་པའི་རྒྱུད་ལྔ་དང་། དོ་ཧ་དང་། ཕྱག་རྒྱ་ཆེན་པོ་དག་པ་ཡེ་ཤེས་དང་། སྐུ་གསུམ་ལམ་ཁྱེར་ལ་སོགས་པའི་གདམས་ངག་མང་དུ་ཞུས། ཡང་དགྱེས་རྡོར་དང་མཚན་བརྗོད་ལ་སོགས་རྒྱུད་སྒྲུབ་ཐབས་མང་དུ་ཞུས། <br /><br />ཡང་[[Maitripa|མཻ་ཏྲི་པ་]][[ཀོ་ས་ལ་]][[བྷི་ཀྵའི་དུར་ཁྲོད་ཆེན་པོ་]]ན་བཞུགས་པ་ལ་གསེར་སྲང་བདུན་ཕུལ་ནས། བོད་ལོངས་སྤྱོད་ཆུང་བས་ནོར་སྒྲུབ་མྱུར་ལ་རྟགས་ཚན་ཆེ་བ་གཅིག་ཞུ་བྱས་པས། <br />[[Maitripa|མཻ་ཏྲི་པ]]འི་ཞལ་ནས། ཡིད་བཞིན་གྱི་མགོན་པོ་ཞེས་ཀྱང་བྱ། ཤིང་ཕུང་ཅན་ཞེས་ཀྱང་བྱ། ཙནྡན་གྱི་མགོན་པོ་ཞེས་ཀྱང་བྱ། ཐུགས་རྗེ་ཆེན་པོ་ནག་པོ་ཞེས་ཀྱང་བྱ། ཡེ་ཤེས་ཀྱི་མགོན་པོ་ཕྱག་དྲུག་པ་ཞེས་ཀྱང་བྱ། དང་པོ་བར་དོའི་འཇིགས་པ་ལས་སྐྱོབས་པ། ལྷ་འདྲེ་མི་གསུམ་དབང་དུ་སྡུད་པ། མི་ནོར་ཟས་གསུམ་ཤུགས་ལས་འབྱུང་བ། དགྲ་ཐམས་ཅད་བརླག་པར་བྱེད་པ། བཟློག་པས་མི་ཚུགས་པ། མཆོག་ཐུན་མོང་གི་དངོས་གྲུབ་ལོ་ཟླས་འགྲུབ་པ། མཆོག་བསྒྲུབས་པས་ཐུན་མོང་ཞོར་ལ་འབྱུང་བ། ཐུན་མོང་བསྒྲུབས་པས་མཆོག་ཞོར་ལ་འབྱུང་བ་གཅིག་ཡོད་པས་དེ་སྦྱིན་གྱིས་གསུངས་སོ། <br />།དེ་སུ་ལ་ཞུས་བྱས་པས། སྔོན་གྱི་དུས་ན་སངས་རྒྱས་སྣང་བ་མཐའ་ཡས་ཀྱི་སྤྱན་སྔར་ཐུགས་རྗེ་ཆེན་པོས་སེམས་བསྐྱེད་དེ། འཁོར་བའི་རྒྱ་མཚོ་ཆེན་པོ་འདི་སྟོངས་པར་མ་གྱུར་གྱི་བར་དུ་བདག་འཚང་རྒྱ་བར་མ་གྱུར་ཅིག །གལ་ཏེ་སེམས་བསྐྱེད་དེ་ཉམས་པར་གྱུར་ན་མགོ་བོ་ཚལ་པ་སྟོང་དུ་འགས་པར་གྱུར་ཅིག །ཅེས་བརྗོད་ནས་དམ་བཅས་ཏེ། རི་བོ་པོ་ཏ་ལར་ཉིན་མཚན་དུས་དྲུག་ཏུ་སེམས་ཅན་རྣམས་ལ་ཡེ་ཤེས་ཀྱི་གཟིགས་པས་འཇུག་ཅིང་། གང་ལ་གང་འདུལ་གྱིས་དོན་བྱེད་པར་གྱུར་ཏོ། <br />།དེ་ནས་སྐལ་པ་དཔག་ཏུ་མེད་པའི་བར་དུ་སེམས་ཅན་གྱི་དོན་བྱས་པས། སེམས་ཅན་མང་པོ་ཐར་གྲོལ་བྱུང་ལས་ཆེ་སྙམ་པོ་ཏ་ལ་ནས་གཟིགས་པས། སེམས་ཅན་གྱི་ཁམས་ལ་འཕེལ་འགྲིབ་མེད་པའི་སྟེང་དུ། སྙིགས་མར་སོང་བས་ཉོན་མོངས་པ་རགས་ལ་གདུག་པ་ཆེར་སོང་འདུག་པས། ད་ནི་བདག་གིས་སེམས་ཅན་འགའ་ཙམ་ཡང་གྲོལ་བར་མི་ནུས་པར་འདུག་སྙམ་ནས་སེམས་བསྐྱེད་བཏང་བ་དང་། དབུ་ཚལ་པ་སྟོང་དུ་གས་པར་གྱུར་ཏོ། <br />།དེ་ནས་སངས་རྒྱས་སྣང་བ་མཐའ་ཡས་བྱོན་ནས། རིགས་ཀྱི་བུ་དེ་ལྟ་བུའི་སེམས་བསྐྱེད་ལས་གཞོལ་པ་ནི་ཤིན་ཏུ་མ་ལེགས་པས། དེའི་བཤགས་པ་ལ་སེམས་བསྐྱེད་དེ་ལས་རྒྱ་ཆེ་བ་གཅིག་སྐྱོར་ཅིག་གསུངས་ནས། དབུ་ཚལ་པ་སྟོང་དུ་གས་པ་ཞལ་བཅུ་གཅིག་ཏུ་བྱིན་གྱིས་རླབས་སོ། <br />།དེ་ནས་སྔར་གྱི་སེམས་བསྐྱེད་དེ་ལས་རྒྱ་ཆེ་བ་མེད་ཅིང་། དེའི་ཆ་ཙམ་ཡང་མ་ནུས་པས་དེ་ལས་རྒྱ་ཆེ་བའི་ཐབས་ནི་གང་ཡང་མེད་དོ་སྙམ་ནས་ཞག་བདུན་གྱི་བར་དུ་བརྒྱལ་བར་གྱུར་ཏོ། <br />།དེ་ནས་བརྒྱལ་བ་དེ་སངས་པ་དང་། ད་ནི་སྙིགས་མའི་སེམས་ཅན་ཚེ་ཐུང་ཞིང་བར་ཆད་མང་བ་རྐྱེན་དབང་འབའ་ཞིག་ཏུ་འགྲོ་བ། ལོངས་སྤྱོད་ཆུང་ཞིང་འཚོ་བ་དམན་པ། སྒྲུབ་ལོང་མེད་པར་བར་ཆད་ཀྱི་དབང་དུ་འགྲོ་བ། དམ་ཚིག་མི་བསྲུང་བས་བཟློག་པ་དང་ནང་དམེ་བྱེད་པ། ཆོས་བྱེད་ཕལ་ཆེར་བར་དོའི་འཇིགས་པ་ལས་མི་ཐར་བར་གཟིགས་ནས། ཡུན་རིང་བསྒྲུབ་མི་དགོས་པར་ཞལ་མཐོང་བ། གསོལ་བ་གཏབ་པ་ཙམ་གྱིས་འདི་ཕྱིའི་འཇིགས་པ་ཐམས་ཅད་ལས་སྐྱོབས་པ། མི་ནོར་ཟས་གསུམ་ཤུགས་ལས་འབྱུང་བ། བར་དུ་གཅོད་པའི་དགྲ་བགེགས་ཐམས་ཅད་དུས་སྐད་ཅིག་གཅིག་གིས་བརླག་པར་བྱེད་པ། མཆོག་ཐུན་མོང་ཐམས་ཅད་ལོ་ཟླ་ཙམ་གྱིས་འབྱུང་བའི་དབང་གི་རྒྱལ་པོ་ལྟ་བུའི་ཁྲོ་བོར་གྱུར་ནས་སེམས་ཅན་གྱི་དོན་བྱའོ་སྙམ་སྟེ་ཐུགས་ཀ་ནས་ཧཱུྃམཐིང་ནག་གཅིག་དོན་པ་ལས། ཡེ་ཤེས་ཀྱི་མགོན་པོ་ཕྱག་དྲུག་པ། སྐྱེ་འགྲོའི་རེ་བ་ཚུལ་བཞིན་དུ་སྐོང་བའི་ཡིད་བཞིན་གྱི་ནོར་བུ་ལྟ་བུར་གྱུར་པ་དང་། ས་ཡང་རྣམ་པ་དྲུག་ཏུ་གཡོས་སོ། <br />།དེ་ནས་སངས་རྒྱས་སྣང་བ་མཐའ་ཡས་ལ་སོགས་པའི་སངས་རྒྱས་དཔག་ཏུ་མེད་པས་མགྲིན་གཅིག་ཏུ་བསྡེབས་ཏེ། རིགས་ཀྱི་བུ་སེམས་ཅན་གྱི་རེ་བ་ཚུལ་བཞིན་དུ་སྐོང་བའི་སྤྱོད་པ་འདི་ལྟ་བུ་ནི་ཤིན་ཏུ་ལེགས་སོ། །སངས་རྒྱས་ཐམས་ཅད་ཀྱི་ཐུགས་ཀྱི་གསང་བ་ལས་བྱུང་བ་བཅོམ་ལྡན་འདས་གཤིན་རྗེའི་གཤེད་པོ་ཉིད་ཀྱི་ཕྲིན་ལས་ཀྱི་ནུས་མཐུ་དང་ལྡན་པར་བྱའོ། །གསང་བའི་མཁའ་འགྲོ་མ་དབང་གི་རང་བཞིན་གྱི་དབང་དང་ལྡན་པར་བྱའོ། །དེ་ཉིད་ཀྱི་ཞི་བ་དང་རྒྱས་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་ཕྲིན་ལས་སུ་དབང་བསྐུར་བའི་སྤྲུལ་པ་ལས་བྱུང་བའི། གནོད་སྦྱིན་དང་། གཤིན་རྗེ་དང་། སྲིན་པོ་དང་། བདུད་དང་མ་མོ་རྣམས་ཀྱིས་ཀྱང་ལས་སྣ་ཚོགས་སྒྲུབ་པར་འགྱུར་རོ། །དེ་ཉིད་ཚུལ་བཞིན་དུ་སྒྲུབ་པ་དང་མཆོད་པ་དང་། དྲན་པས་ཀྱང་དངོས་གྲུབ་ཐམས་ཅད་ཚུལ་བཞིན་དུ་སྟེར་བར་འགྱུར་རོ། །མ་བསྒྲུབ་པ་ཉིད་ནས་བྱིན་གྱིས་བརློབས་པ་དང་། དེ་ཉིད་ཀྱི་མངོན་སུམ་དུ་ཞལ་སྟོན་པར་འགྱུར་རོ། །ཞེས་གསུངས་སོ། <br />།དེ་ནས་དཔལ་[[Shavaripa|ཤ་ཝ་རི་]]ཞེས་བྱ་བ་བྲམ་ཟེའི་རིགས་སུ་གྱུར་པ། [[དཔལ་འབྲས་སྤུངས་]]དང་ཉེ་བ་ན་གྲོང་ཁྱེར་ཆེན་པོ་སུམ་ཅུ་རྩ་གསུམ་ཡོད་པའི་དབུས་ན། [[ཏྲི་པ་ལ་]]ཞེས་བྱ་བར་རོལ་མོ་མཁས་པའི་མཆོག་ཏུ་གྱུར་ནས། སྔོན་སངས་རྒྱས་ལ་གླུ་དང་རོལ་མོས་མཉེས་པར་བྱས་པ་དེས་[[བསིལ་བའི་ཚལ་]]གྱི་འཇག་མའི་སྤྱིལ་བུ་གཅིག་ན་སྒྲུབ་པ་མཛད་ཅིང་བཞུགས་ཙ་ན། ནམ་མཁའ་ལས་ཌཱ་མ་རུ་དང་དྲིལ་བུ་གཡེར་ཁའི་སྒྲ་ཆེན་པོ་གྲགས་ནས་གཟིགས་པས། ཡེ་ཤེས་ཀྱི་མགོན་པོ་འདི་བྱོན་ནས། རིགས་ཀྱི་བུ་ང་ཡི་སྒྲུབ་ཐབས་འདི་ཟུངས་ཤིག་གསུངས་ནས། [[Shavaripa|ཤ་ཝ་རི་པ]]ས་སྒྲུབ་ཐབས་ཡི་གེར་བཀོད། ཡང་རྗེ་བཙུན་མ་དང་། ཐུགས་རྗེ་ཆེན་པོ་དང་། སྒྲོལ་མ་གསུམ་ཡང་བྱོན་ནས་སྒྲུབ་ཐབས་གསུངས་ཏེ་ཡི་གེར་བཀོད། ངས་ནི་ལྷོ་ཕྱོགས་[[དཔལ་གྱི་རི་]]ལ་ཕྱག་རྒྱ་ཆེན་པོའི་རྒྱུད་དང་གདམས་ངག་རྣམས་ཞུས་པའི་དུས་སུ་ཕྱག་དྲུག་པ་འདི་གནང་ནས་ཞག་ཉི་ཤུ་རྩ་གཅིག་ལ་ཞལ་མཐོང་ངོ་། །ཁྱོད་ཀྱང་ཕྱག་དྲུག་པ་འདི་ལ་ནས་ནག་རྗེན་བཏགས་ཀྱི་གཏོར་མ་དང་། སྤོས་སྦྱོར་མ་ཆག་པ་གྱིས། ཁྱི་ནག་པོ་ལ་རྡོ་བ་མ་རྡེགས། ཡིད་ཆེས་པར་གྱིས་ལ། བླ་མ་དང་དབྱེར་མེད་དུ་ལྟོས། དེ་ལྟར་བྱས་པས་རི་ལ་སོགས་པའི་སྒྲུབ་གནས་སུ་འཚོ་བ་སྦྱོར་བར་འགྱུར་རོ། །ཞག་བཅུ་གསུམ་གྱིས་སློབ་མ་དང་བཅས་པ་ལ་ཞལ་དངོས་སུ་སྟོན་པར་བྱེད་དོ། །དངོས་གྲུབ་ཐམས་ཅད་ཚུལ་བཞིན་ཏུ་སྟེར་བར་བྱེད་དོ། །ཞེས་ལུང་བསྟན་ནས། བཀའ་བསྒོ་ལན་གསུམ་མཛད་དོ། <br /><br />།དེ་ནས་གསེར་སྲང་ལྔ་བརྒྱ་ཁྱེར་ནས་རྒྱ་གར་ཤར་ནུབ་ལྷོ་བྱང་ལ་སོགས་པ་ཀུན་ཏུ་རྒྱུ་ཞིང་གྲུབ་ཐོབ་ཀྱི་བླ་མ་སངས་རྒྱས་དངོས་དང་མཇལ་བ་ལྟ་བུ་སུ་ཡོད་དྲིས་པས། པཎྜི་ཏ་དང་གྲུབ་ཐོབ་རྣམས་མཐུན་པར། [[Naropa|ནཱ་རོ་པཎྜི་ཏ]]འི་ལྕམ་མོ་[[Niguma|ཡེ་ཤེས་ཀྱི་མཁའ་འགྲོ་ནི་གུ་མ་]]ཞེས་བྱ་བ་དག་པའི་ས་གསུམ་ལ་གནས་པ་རྡོ་རྗེ་འཆང་ཆེན་པོ་ལ་དངོས་སུ་ཆོས་ཞུ་ནུས་པ་གཅིག་ཡོད་ཟེར་བས། དེ་ད་ལྟ་གནས་གང་ན་བཞུགས་བྱས་པས་སྣང་བ་དག་ན་གར་ཡང་ཞལ་མཐོང་། སྣང་བ་མ་དག་ན་གར་ཡང་བཙལ་བས་མི་རྙེད་དེ་དག་པའི་ས་ལ་གནས་པ་དང་། འཇའ་ལུས་སུ་གྱུར་པའི་ཕྱིར་རོ། །འོན་ཀྱང་[[དུར་ཁྲོད་ཆེན་པོ་སོ་ས་གླིང་]]གི་ནགས་གསེབ་ན། ཌཱ་ཀི་མའི་ཚོགས་འཁོར་གྱིདཔོན་ལ་རེས་འགའ་འབྱོན་ཟེར་ནས། ཌཱ་ཀི་མའི་མཚན་ཐོས་པ་ཙམ་གྱིས་མཆི་མ་འཁྲུགས་ཅིང་བ་སྤུ་ལྡང་བའི་མོས་གུས་སྐྱེས་ནས་དུས་དེར་དུར་ཁྲོད་སོ་ས་གླིང་གི་ནགས་གསེབ་ནས་ཡར་ལ། ན་མོ་བྷུདྡྷའི་གསོལ་བ་འདེབས་ཀྱིན་ཕྱིན་པ་དང་། ཤིང་ཏ་ལ་བདུན་སྲིད་ཙམ་གྱི་ནམ་མཁའ་ལ་མཁའ་འགྲོ་མ་སྐུ་མདོག་སྨུག་ནག་ཏུ་ཡོད་པ། རུས་པས་བརྒྱན་པ་ཕྱག་ན་ཁ་ཊྭཱཾ་ག་དང་ཐོད་པ་བསྣམས་པ་གཅིག་དང་དུ་མ་ལ་སོགས་པའི་གཟུགས་སྣ་ཚོགས་སྟོན་ཅིང་། གར་བསྒྱུར་བ་མཐོང་ནས་འདི་[[Niguma|ཌཱ་ཀི་མ་ནི་གུ་མ་]]ཡིན་པར་འདུག་སྙམས་ནས་ཕྱག་འཚལ། བསྐོར་བ་དུ་མ་བྱས་ནས། ཡང་དག་པའི་གདམས་པ་ཞུ་འཚལ་བྱས་པས། ང་ཤ་ཟའི་ཌཱ་ཀི་མ་ཡིན། ངའི་འཁོར་རྣམས་བྱུང་ན་ཟར་འོང་བས་མྱུར་བར་བྲོས་ཤིག་གསུངས་སོ། <br />།དེ་ནས་ཡང་ཕྱག་དང་བསྐོར་བ་བྱས་ནས་གསང་སྔགས་ཀྱི་གདམས་པ་ཞུ་འཚལ་བྱས་པས། ཐེག་པ་ཆེན་པོ་གསང་སྔགས་ཞུ་བ་ལ་གསེར་དགོས་པ་ཡིན། གསེར་ཡོད་ན་བྱ་ཡི་གསུངས་ནས། གསེར་སྲང་ལྔ་བརྒྱ་ཕུལ་བ་དང་། ནགས་གསེབ་ཏུ་གཏོར་རོ། །དེར་འདི་ངེས་པར་ཤ་ཟའི་མཁའ་འགྲོ་མ་རང་ཡིན་ནམ་གསེར་ལ་ཡང་ཕོངས་པ་མི་འདུག་སྙམ་པ་དང་། མཁའ་འགྲོ་མ་དེས་སྤྱན་ནམ་མཁའ་ལ་ཧྲིག་ཧྲིག་གཟིགས་པ་དང་། འཁོར་ཌཱ་ཀི་མ་དཔག་ཏུ་མེད་པ་ནམ་མཁའ་ལས་བྱུང་སྟེ། འགའ་ཞིག་གིས་གཞལ་ཡས་ཁང་སུམ་རིམ་སྐད་ཅིག་ལ་བཞེངས། འགའ་ཞིག་གིས་རྡུལ་ཚོན་གྱི་དཀྱིལ་འཁོར་བཞེངས། འགའ་ཞིག་གིས་ཚོགས་ཀྱི་ཡོ་བྱད་བསགས་ནས། ཚེས་བཅོ་ལྔའི་ནམ་སྲོད་ལ་སྒྱུ་ལུས་རྨི་ལམ་གྱི་དབང་བསྐུར་མཛད་ནས་དབང་ཐོན་པ་དང་བོད་ཀྱི་བན་ཆུང་ཡར་འདེངས་དང་གསུངས་ནས། དཔག་ཚད་གསུམ་ཌཱ་ཀི་མའི་རྫུ་འཕྲུལ་ལ་རྟེན་ནས་ཡུད་ཙམ་གྱིས་བགྲོད་པ་དང་། གསེར་གྱི་རི་མི་ཆེ་བ་ཙམ་གཅིག་གི་སྟེང་གི་ནམ་མཁའ་ལ་ཌཱ་ཀི་མའི་ཚོགས་ཀྱིས་བསྐོར་ནས་གར་བསྒྱུར་ཞིང་འདུག་གོ། <br />།རི་དེའི་ཕྱོགས་བཞི་ནས་མར་གསེར་གྱི་ཆུ་རྒྱུན་བཞི་བབ་ཅིང་འདུག་པས་གསེར་གྱི་རི་འདི་ལྟ་བུ་རྒྱ་གར་ན་ཡོད་དམ། མཁའ་འགྲོ་མས་སྤྲུལ་པ་ཡིན་ཞུས་པས། <br /><br />འཁོར་བའི་རྒྱ་མཚོར་བསྐྱུར་བ་ཡི། །ཆགས་སྡང་རྟོག་པ་སྣ་ཚོགས་འདི། །རང་བཞིན་མེད་པར་རྟོགས་ཙ་ན། །ཐམས་ཅད་གསེར་གླིང་ཡིན་ནོ་བུ། །སྒྱུ་མ་ལྟ་བུའི་ཆོས་རྣམས་ལ། །སྒྱུ་མ་ལྟ་བུར་བསྒོམ་བྱས་ན། །སྒྱུ་མ་ལྟ་བུར་མངོན་སངས་རྒྱས། །མོས་གུས་སྟོབས་ལས་འབྱུང་བར་འགྱུར། <br /><br />ད་ང་ཡིས་བྱིན་གྱིས་བརླབས་ཀྱི་རྨི་ལམ་ཟུངས་ཤིག་གསུངས་ནས། རྨི་ལམ་བཟུང་བས་ཟིན་ནས་ལྷ་དང་ལྷ་མ་ཡིན་གྱི་གནས་སུ་ཕྱིན་པས། ལྷ་མ་ཡིན་ཤིན་ཏུ་ཆེ་བ་ཞིག་གིས་ང་ལ་ཁྱུར་མིད་བྱས་པ་དང་། མཁའ་འགྲོ་མ་ནམ་མཁའ་ལ་བྱོན་སྟེ། བུ་གཉིད་མ་སད་པར་གྱིས་གསུངས་ནས། དུས་དེ་ཉིད་དུ་ཆོས་དྲུག་གི་ཁྲིད་ཚར་བར་མཛད་དོ། །གཉིད་ཐུན་གཅིག་ལ་ཆོས་དྲུག་གི་ཁྲིད་ཚར་བ་རྒྱ་གར་ནའང་ཁྱེད་ལས་མེད་གསུངས་སོ། <br />།དེ་ནས་དངོས་སུ་ཁྲིད་ཚར་གསུམ་དང་། རྡོ་རྗེའི་ཚིག་རྐང་དང་། སྒྱུ་མ་ལམ་རིམ་གསུངས། རྒྱུད་སྡེ་ལྔའི་དབང་དང་སྒྲུབ་ཐབས་དང་གདམས་པ་རྣམས་གསུངས། དགྱེས་རྡོར་སྤྲུལ་པའི་ལྷ་དགུ་དང་། མཚོན་ཆ་ཅན་ལྷ་བཅུ་གསུམ་དུ་དབང་བསྐུར། བརྟག་གཉིས་དང་གུར་གསུངས། སམྦུ་ཊི་སྒྲུབ་ཐབས་དང་བཅས་པ་དང་། མཚོན་ཆ་ཅན་གྱི་བསྐྱེད་རིམ་རྒྱས་བསྡུས་གསུམ་དང་། དེ་ཁོ་ན་ཉིད་བཞིའི་གདམས་ངག་གསུངས། ༼W1CZ2857 v2 p34: བདེ་མཆོག་དྲུག་ཅུ་རྩ་གཉིས་དང་། བཅུ་གསུམ་དང་། ལྷ་ལྔའི་དཀྱིལ་འཁོར་དུ་དབང་བསྐུར། རྒྱུད་དང་སྒྲུབ་ཐབས་མང་དུ་གསུངས། མཚོན་ཆ་ཅན་དང་དུས་འཁོར་གྱི་གདམས་ངག་དང་། དེ་ཁོ་ན་ཉིད་བཞིའི་ཞལ་གདམས་གསུངས།༽ མཁའ་སྤྱོད་དཀར་དམར་དང་། རྒྱུད་སྡེ་བཞིའི་སྒྲིབ་སེལ་དང་། བདེ་མཆོག་རིགས་ལྔའི་རྫོགས་རིམ་དང་། ཐིག་ལེའི་རྫོགས་རིམ་རྣམས་གསུངས་སོ། །རྒྱུད་རྡོ་རྗེ་མཁའ་འགྲོའི་ལས་ཚོགས་ཐམས་ཅད་གཏན་ལ་ཕབ་ནས་གསུངས། མདོར་ན་ཡེ་ཤེས་ཀྱི་ཌཱ་ཀི་མ་འདི་ཉིད་ཀྱིས། རྒྱུད་སྒྲུབ་ཐབས་གདམས་པ་དང་བཅས་པ་དཔག་ཏུ་མེད་པ་གསུངས་སོ། །དེ་ལ་མཁའ་འགྲོ་མའི་ཞལ་ནས་ཆོས་དྲུག་གི་དབང་གདམས་ངག་དང་བཅས་པ་འདི་[[Lavapa|རྗེ་བཙུན་ལྭ་བ་པ་]]དང་ང་གཉིས་མ་གཏོགས་རྒྱ་གར་ནའང་ཤེས་པ་མེད་པས། མི་རབས་བདུན་དུ་ཆིག་རྒྱུད་ལས་མ་སྤེལ་ཅིག །དེ་རྣམས་ཀྱི་རིམ་པས་བྱིན་གྱིས་རློབས་ཅིང་ལུང་སྟོན་པར་འགྱུར་རོ། །ཞེས་གསུངས་སོ། <br />།དེ་ནས་[[Abhayakara|སྦས་པའི་རྣལ་འབྱོར་]]ལ་གསེར་སྲང་བརྒྱ་ཕུལ་ནས། བདེ་མཆོག་ལྷ་ལྔ་དང་། མཁའ་སྤྱོད་དཀར་དམར་དང་། རིམ་ལྔ་སྟན་ཐོག་གཅིག་མ་སྦྱོར་དྲུག་ལ་སོགས་པའི་གདམས་པ་མང་དུ་ཞུས་སོ། <br /><br />།དེ་ནས་ཡང་གསེར་སྲང་ལྔ་བརྒྱ་ཁྱེར་ནས་རྒྱ་གར་ནུབ་ཕྱོགས་སུ་ཕྱིན་ཏེ། སངས་རྒྱས་དངོས་དང་འཇལ་བའི་བླ་མ་སུ་ཡོད་དྲིས་པས། [[Lalitavajra|པཎྜི་ཏ་རོལ་པའི་རྡོ་རྗེ་]]དང་། [[Aryadeva|ཨཱརྻ་དེ་བ་]]དང་། [[Dakini Sumati|ཌཱ་ཀི་མ་སུ་མ་ཏི་]]ལ་སོགས་པ་གྲུབ་ཐོབ་བཅུ་གསུམ་གྱི་ཞལ་ནས། ངེད་རྣམས་ཀྱི་དབང་བསྐུར་ལ་གདམས་ངག་བསྟན་ནས་དེའི་རྗེས་ལ་ལུང་སྟོན་པར་འགྱུར་རོ་གསུངས་པས། གསེར་སྲང་ལྔ་བརྒྱ་ཕུལ་ནས་དབང་དང་གདམས་པ་མང་པོ་ཞུས་སོ། །ཁོང་རྣམས་ཀྱི་ཞལ་ནས་ངེད་བཅུ་གསུམ་པོ་འདིའི་རྩ་བའི་བླ་མ་ཡིན། ཁྱད་པར་དུ་[[Aryadeva|པཎྜི་ཏ་ཨཱརྻ་དེ་ཝ་]]ལ་བདག་མེད་མའི་ནང་ཁྲིད་བསྟན་པས་ཟླ་བ་བདུན་ལ་ས་བརྒྱད་ཀྱི་རྟོགས་པ་ལ་འགོད་པའི་ཡེ་ཤེས་ཀྱི་[[Sukhasiddhi|ཌཱ་ཀི་མ་སུ་ཁ་སིདྡྷི་]]ཞེས་བྱ་བ། རྡོ་རྗེ་འཆང་དང་བདག་མེད་མ་ལ་དངོས་སུ་ཆོས་གསན་པ་གཅིག་ཡོད་ཀྱི། དེས་ཁྱེད་ལ་བྱིན་གྱིས་རློབ་ཅིང་གདམས་པ་སྟོན་པར་འགྱུར་རོ་ཞེས་ལུང་བསྟན་ཏོ། <br />དེ་ནས་[[Aryadeva|ཨཱརྻ་དེ་ཝ་]]ལ་ནང་ཁྲིད་ཞུས་ནས། ཌཱ་ཀི་མའི་ཡུལ་གང་ན་ཡོད། རིགས་ཅི་ཡིན། ད་ལྟ་གང་ན་བཞུགས་ཅེས་བྲིས་པས། རིགས་ཀྱི་བུ་ལེགས་པར་ཉོན་ལ་ཡིད་ལ་ཟུངས་ཤིག་བསྟན་པར་བྱའོ། དེ་ལ་ཁ་ཆེ་ཁྲི་རྟེན་ན། གྲོང་ཁྱེར་ཆེན་པོ་འབུམ་ཚོ་སུམ་ཅུ་རྩ་གཉིས་ཡོད་པའི་ནུབ་བྱང་གི་གྲོང་ཁྱེར་གཅིག་ན། བཟའ་མི་བདུན་ཡོད་པ་རྒྱགས་སུ་འབྲས་བུམ་པ་གང་ལས་མེད་པ་དང་། དུས་དེར་མུ་གེ་ཆེན་པོ་བྱུང་ནས། བུ་ཁྱོ་རྣམས་ན་རེ། རྒན་མོ་འབྲས་བུམ་པ་གང་པོ་འདི་ཚག་གིས་ཤིག །སང་གནང་ཇོ་བོ་ནམ་ཟླ་རིང་པོ་བྱུང་ཙ་ན་ཟ་དགོས་སོ། །ངེད་རྣམས་ཟས་ཚོལ་དུ་འགྲོ་ཡི་ཟེར་ནས། བུ་ཁྱོ་དང་བུ་མོ་རྣམས་ཕྱོགས་ཐམས་ཅད་དུ་ཕྱིན་པས། ཐམས་ཅད་དུ་མུ་གེ་བྱུང་བ་དང་ཐུག་ནས་བཟའ་བ་ཡེ་མ་རྙེད་དོ། །དེའི་དུས་སུ་དགེ་སློང་སྔོན་པོ་གཅིག་བྱུང་ནས། རྒན་མོ་ཇོ་བོ་ནམ་ཟླ་རིང་པོ་ཀ་ང་ཡིན། འབྲས་བུམ་པ་གང་པོ་ང་ལ་དྲོངས་ཤིག་ཟེར་བ་དང་། རྒན་མོས་འབྲས་ལ་ལ་དགེ་སློང་ལ་དྲངས། ལ་ལ་མོ་རང་གི་ཟོས་པ་དང་། བུ་ཁྱོ་རྣམས་ཀྱིས་བཟའ་བ་མ་རྙེད་པར་འོངས་བ་དང་། ཁང་པར་དུས་གཅིག་ཏུ་སླེབ་ནས། ཨ་མ་འབྲས་བུམ་པ་གང་པོ་ཁ་ཕྱེས་ལ་བྱིན་ཅིག །ཕྱོགས་གང་དུ་ཕྱིན་ཀྱང་བཟའ་བ་མ་རྙེད་པས་ཉན་པར་གྱུར་ཏོ། །ཞེས་ཟེར་བ་དང་། མས་སྨྲས་པ། ཇོ་བོ་ནམ་ཟླ་རིང་མོ་ཆོས་གོས་རྣམ་གསུམ་དང་ལྷུང་བཟེད་བསིལ་བྱེད་དང་བཅས་ནས་བྱུང་བས། དེ་ལ་མོས་ནས་འབྲས་བྱིན་ནས་མེད་དོ་བྱས་པས། ཁོང་རྣམས་ན་རེ། རྒན་མོ་འདིས་མེད་པ་ཚོལ་བ་དག་མི་འོང་སྟེ། ཡོད་པ་རྣམས་ཀྱང་བརླག་པར་བྱས་ནས་མི་ཡོང་བར་འདུག་པས། འདི་མ་བཏོན་ན་སྐྱིད་མི་འདུག་པས་ཐོན་ཅིག་ཟེར་ནས། བུ་ཁྱོས་རྒན་མོ་ཁང་པ་ནས་བཏོན་ནོ། <br />།དེ་ནས་རྒན་མོ་དེ་ས་གར་ཕྱིན་ན་དྲགས་དྲིས་པས། མི་རྣམས་ན་རེ། ནུབ་ཕྱོགས་ཨོ་རྒྱན་ན་ཕོ་སྐྱེས་ཐམས་ཅད་དཔའ་བོ། མོ་སྐྱེས་ཐམས་ཅད་དཔའ་མོ། རིག་པ་རང་བཞིན་གྱི་དྭངས་པ། འཚོ་བ་སྩོལ་མེད་དུ་འབྱུང་བ་སྐྱིད་པ་ཞིག་ཡོད་དོ་ཟེར་ནས་ཨོ་རྒྱན་དུ་ཕྱིན་པ་དང་། འབྲས་བཙའ་བ་དང་ཐུག་ནས་འབྲས་སློང་པས་ཁལ་གཅིག་རྙེད་དོ། །དེ་ཁྱེར་ནས་བྷེ་ཏའི་གྲོང་ཁྱེར་དུ་ཕྱིན་ནས་ཆང་ཚོང་མ་བྱས་པས་འབྲས་མང་པོ་བྱུང་ངོ་། །དེའི་དུས་སུ་ཨོ་རྒྱན་གྱི་ཕུ་ན་[[Virupa|རྗེ་བཙུན་བིར་ཝ་པ་]]གསང་སྤྱོད་མཛད་ཅིང་བཞུགས་ནས་ཡོད་པ་ལས། རྣལ་འབྱོར་མ་གཅིག་གིས་ཆང་དང་ཤ་ཉོས་ནས་དམ་རྫས་བྱེད་པ་ལ། དུས་རེ་ཞིག་གི་ཚེ་ན། རྒན་མོ་ཆང་ཚོང་མ་དེ་ལ་ཆང་ཉོས་པ་དང་། རྒན་མོས་སྨྲས་པ། རྣལ་འབྱོར་མ་ཆང་རྟག་ཏུ་ཉོ་ནས་སུ་ལ་ཁྱེར་བྱས་པས། རྣལ་འབྱོར་མས་སྨྲས་པ། ནགས་ཁྲོད་ཡ་གི་ན་བླ་མ་བཟང་པོ་གཅིག་ཡོད་པས་དེ་ལ་འདྲེན་པ་ཡིན་བྱས་པ་དང་། རྒན་མོས་སྨྲས་པ། ང་ཚོགས་མ་བསགས་པས་དབུལ་ཞིང་ཕོངས་པར་གྱུར། རྒས་ནས་བུ་ཁྱོས་བཏོན་པས། ལོངས་སྤྱོད་ལ་སྙིང་པོ་མེད་པས། ད་ཆང་རིན་མི་འདོད་ཟེར་ནས། འབྲས་ཆང་ཉིན་སིང་བྱས་ཤིང་དུས་རྒྱུན་དུ་བསྐུར་རོ། <br />།དེ་ནས་རྗེ་བཙུན་བིར་ཝ་པའི་ཞལ་ནས། རྣལ་འབྱོར་མ་ཆང་རིན་མི་དགོས་པ་ཆང་འདི་ལྟ་བུ་ཤ་སྟག་གང་ནས་བྱུང་གསུངས་པ་ལ། དེ་སྔ་དང་མི་འདྲ་བའི་རྒན་མོ་དད་པ་ཅན་གཅིག་འདུག །ངས་བླ་མ་བཟང་པོ་གཅིག་ལ་འདྲེན་པ་ཡིན་བྱས་པས། འོ་ན་ཆང་རིན་མི་འདོད་ཟེར་ནས་གཏན་དུ་ཕུལ་བ་ཡིན་ནོ་སྨྲས་པ་དང་། བིར་ཝ་པའི་ཞལ་ནས། རྣལ་འབྱོར་མ་རྒན་མོ་དེ་ཁམས་གསུམ་འཁོར་བ་ནས་འདྲེན་དགོས་ཁྲིད་ལ་ཤོག་གསུངས་པས། རྒན་མོ་དེ་ལ་དེ་སྐད་བྱས་པ་དང་། འོ་ན་ཤིན་ཏུ་དགའ་ཟེར་ནས། འབྲས་ཆང་ཉིན་སིང་བྱས་པ་བུམ་པ་དོ་དང་། ཕག་གི་ཤ་གཅིག་ཁྱེར་ནས་བིར་ཝ་པ་ལ་ཕུལ་བ་དང་། དེའི་ནུབ་མོ་རྗེ་བཙུན་མའི་གསང་བསྒྲུབས་ཀྱི་དབང་བཞི་རྫོགས་སུ་བསྐུར་བ་དང་། དུས་དེ་ཉིད་དུ་ཡེ་ཤེས་ཀྱི་མཁའ་འགྲོ་མར་གྱུར་ཏོ། །དེ་ལ་བུ་ཁྱོས་བཏོན་ནས་ལོ་ལྔ་བཅུ་ང་དགུ། ཉོ་ཚོང་ལོ་གཅིག་བྱས་པས་དྲུག་ཅུ་ཐམ་པ། བིརྺ་པ་དང་མཇལ་ཙ་ན་དྲུག་ཅུ་རེ་གཅིག་ལོན་པ་དེ། དབང་བསྐུར་བས་ལོ་བཅུ་དྲུག་ལོན་པའི་ན་ཚོད་ལྟ་བུ་ལང་ཚོ་དར་ལ་བབས་པ། སྐུ་མདོག་དཀར་ལ་རྫུ་འཕྲུལ་གྱི་ནམ་མཁའ་ལ་བཞུགས་པ། བདག་མེད་མ་དང་དབྱེར་མེད་པའི་[[Sukhasiddhi|ཌཱ་ཀཱི་མ་སུ་ཁ་མ་སིདྡྷི་]]ཞེས་བྱ་བར་གྱུར་ནས། རྡོ་རྗེ་འཆང་ཆེན་པོ་ལ་དངོས་སུ་ཆོས་གསན་ནུས་པ་གཅིག་ཡོད་དོ། <br />།ཌཱ་ཀཱི་མ་དེ་སྣང་བ་དག་ན་གར་ཡང་ཞལ་མཐོང་ལ་སྣང་བ་མ་དག་ན་བཙལ་བས་མི་རྙེད་དོ། །རེས་འགའ་ནི་བདེ་བ་སྦྱིན་པའི་གནས་[[ཙནྡན་སྨན་གྱི་ནགས་ཚལ་]]ཞེས་བྱ་བར་ཚེས་བཅུའི་དུས་སུ་ཌཱ་ཀཱི་མ་རྣམས་ཀྱི་ཚོགས་དཔོན་མཛད་ཅིང་ཆོས་སྟོན་པ་དང་། ཡང་ན་གསུང་གི་སྒོ་ནས་ཆོས་སྟོན་པར་འགྱུར་རོ། །དེར་སོང་ལ་གསོལ་བ་ཐོབ་ཅིག །དབང་བཞི་རྫོགས་སུ་བསྐུར་ནས་གདམས་ངག་དང་རྗེས་སུ་བསྟན་པ་མཐའ་དག་སྟོན་པར་འགྱུར་རོ། །གསུང་ནས་ལུང་བསྟན་མཛད་དོ། <br />།དེ་ནས་གསེར་སྲང་ལྔ་བརྒྱ་པོ་དེ་ཁྱེར་ནས། བདེ་བ་སྦྱིན་པའི་ནགས་གསེབ་ནས་ཡར་ན་མོ་བྷུདྡྷ་ཡའི་གསོལ་བ་འདེབས་ཤིང་ཕྱིན་པ་ན། ཙནྡན་གྱི་ནགས་དེའི་སྟེང་གི་ནམ་མཁའ་ལ་ཌཱ་ཀི་མ་སྐུ་མདོག་དཀར་མོ་དབུ་སྐྲ་སིལ་མས་སྐུ་རྒྱབ་ནོན་པ། ཕྱག་གཉིས་སྐྱེ་མེད་མཚོན་པའི་ཕྱག་རྒྱ་མཛད་པ། ཌཱ་ཀི་མའི་ཚོགས་ཀྱིས་བསྐོར་ནས་འཇའ་འོད་འཁྱིལ་པའི་དབུས་ན་བཞུགས་པ་མཐོང་ངོ་། །དེ་མཐོང་བ་དང་ལུས་ལ་བ་སྤུ་ལྡང་ཞིང་མཆི་མ་འཁྲུགས་ལ། ས་དང་པོ་ལྟ་བུའི་དགའ་བ་སྐྱེས་ནས་ཟག་མེད་ཀྱི་བདེ་བའི་ཉམས་དང་ལྡན་པར་གྱུར་ཏོ། <br />།དེ་ནས་མེ་ཏོག་ཨུཏྤལ་དང་། པདྨ་དང་། ཀུ་མུད་ལ་སོགས་པ་མང་པོ་གཏོར་ནས་ཕྱག་དང་བསྐོར་བ་བརྒྱ་སྟོང་དུ་མ་བྱས་ཏེ། གདམས་ངག་ཞུ་འཚལ་བྱས་པས། ཌཱ་ཀི་མའི་ཞལ་ནས། <br /><br />[[Virupa|བིརྺ་པ་]]དང་བདག་མེད་མ། །རྡོ་རྗེ་འཆང་ལས་དངོས་སུ་ཐོབ། །གསང་སྔགས་མངོན་སུམ་ལམ་པ་ཡི། །སྨིན་པར་བྱེད་པའི་དབང་བཞི་དང་། །གྲོལ་བའི་བསྐྱེད་རྫོགས་སྟོན་པ་ལ། །དཀོན་པའི་རིན་ཆེན་གསེར་ཕྱེ་ཕུལ། །གུས་པའི་ཐལ་སྦྱོར་རྐྱང་ཕྱག་འཚལ། །དམའ་བའི་ཞབས་མཐིལ་གཙུག་གིས་ལོངས། །དུས་འདིར་བདག་གིས་གྲོལ་བར་བྱ། །དེ་རིང་རྙེད་པ་མཆོག་རྙེད་དོ། །རིགས་ཀྱི་བུ་ཁྱོད་ཨེ་མ་ཧོ། །རིགས་ཀྱི་བུ་ཁྱོད་ཨེ་མ་ཧོ། །རིགས་ཀྱི་བུ་ཁྱོད་ཨེ་མ་ཧོ། <br />།ཞེས་ལན་གསུམ་གསུངས་ནས། <br />གསེར་སྲང་ལྔ་བརྒྱ་ཕུལ་ལོ། <br />།དེ་ནས་ཡང་ཌཱ་ཀི་མའི་ཞལ་ནས། <br /><br />ཁྱོད་ཀྱི་སློབ་མ་ཡང་སློབ་དང་། །ཕྱི་རབས་བརྒྱུད་འཛིན་ཐམས་ཅད་ལ། །ང་ཡིས་དངོས་སུ་བྱིན་གྱིས་བརློབས། །དག་པ་མཁའ་སྤྱོད་གནས་སུ་འགྲོ། །ཞེས་གསུངས་ནས། <br />དང་པོ་སྤྲུལ་པའི་དཀྱིལ་འཁོར་དུ་དབང་བཞི་རྫོགས་སུ་བསྐུར་ནས། གསང་སྒྲུབ་ལྟེ་བ་སྤྲུལ་འཁོར་གྱི་བསྐྱེད་རྫོགས་ཉམས་ལེན་གྱི་གནད་དང་བཅས་པ་ཐམས་ཅད་མ་ལུས་པར་གསུངས་སོ་དེ་ལ་[[Sukhasiddhi|ཡེ་ཤེས་ཀྱི་ཌཱ་ཀི་མ་སུ་ཁ་སིདྡྷི་]]འདི་དང་པོ་དྲིན་ཆེ་སྟེ། སྤྲུལ་པའི་དཀྱིལ་འཁོར་དུ་དབང་བཞི་རྫོགས་སུ་བསྐུར། བར་དུ་དྲིན་ཆེ་སྟེ་ལྷ་ཡི་བུ་མོ་དང་དབྱེར་མེད་དུ་གསང་ཡུམ་མཛད། མཐའ་མར་དྲིན་ཆེ་སྟེ་གདམས་ངག་ཐམས་ཅད་རྫོགས་པར་གནང་ནས། བདག་ཉིད་བདེ་བ་ཅན་དུ་བཅུ་བཞིའི་ས་ཐོབ་པར་ལུང་བསྟན། སློབ་མ་ཡང་སློབ་བརྒྱུད་འཛིན་དང་བཅས་པ་ཐམས་ཅད་ལ་ཐུགས་རྗེས་བཟུང་ནས། དག་པ་བདེ་སྟོང་གི་མཁའ་སྤྱོད་དུ་འགྲོ་བར་ལུང་བསྟན་པར་མཛད། །དེས་ན་བདག་གི་བརྒྱུད་འཛིན་ཐམས་ཅད་ཀྱང་ཀུན་ལས་ཁྱད་པར་འཕགས་པས་ན། བསགས་པ་ཡང་རབ་འབའ་ཞིག་འབྱུང་བར་འགྱུར་རོ། <br /><br />།དེ་ནས་[[Dakini Sumati|མཁའ་འགྲོ་མ་སུ་མ་ཏི་མ་ཧཱ་]]དང་། [[Dakini Gangadhara|མཁའ་འགྲོ་མ་གང་ག་དྷ་ར་]]དང་། [[Dakini Samantabhadri|ཀུན་ཏུ་བཟང་མོ་]]རྣམས་ལ་གསེར་སྲང་བདུན་བདུན་དང་། མོས་གུས་ཀྱིས་མཉེས་པར་བྱས་ནས་མ་རྒྱུད་ཀྱི་རྫོགས་རིམ་གྱི་གདམས་པ། དབབ་བཟུང་བཟློག་འགྲེམ་གྱི་རླུང་དང་བསྲེ་པ། ཡེ་ཤེས་ཆེན་པོར་སྐྱེལ་བའི་གདམས་པ་མང་དུ་ཞུས་སོ། <br />།ཡང་[[རྡོ་རྗེ་གདན་]]གྱི་བྱང་ཕྱོགས་འོད་མའི་ཚལ་དུ་[[Sukhavajra|པཎྜི་ཏ་བདེ་བའི་རྡོ་རྗེ་]]ལ་གཤིན་རྗེ་དགྲ་ནག་དང་། འཇིགས་བྱེད་རྟོག་པ་བདུན་པ་དང་། གསུམ་པ་དང་། ཁྲོ་བོ་རྣམ་རྒྱལ་གྱི་རྒྱུད་དང་། ལྷ་མོ་གནམ་ཞལ་མ་དང་། བྱ་རོག་རྐང་གཉིས་དང་། ཐོད་པའི་བརྟག་ཐབས་དང་། མི་གཡོ་བའི་རྒྱུད་སྒྲུབ་ཐབས་དང་བཅས་པ་མང་དུ་ཞུས་སོ། <br />།ཡང་[[Lalitavajra|པཎྜི་ཏ་རོལ་པའི་རྡོ་རྗེ་]]ལ་གསེར་སྲང་བརྒྱ་ཕུལ་ནས་ལྷ་མོ་དང་མགོན་པོའི་སྒྲུབ་ཐབས་བརྒྱད་ཅུ་དང་། ཕྱི་རོལ་པ་དང་ནང་པའི་ཕྱིར་བཟློག་དང་། ཉི་ཁྲོས་ཀྱི་རྒྱུད་ལ་སོགས་པའི་སེར་བ་དང་། ཐོག་དབབ་བསྲུང་དང་སྨན་དཔྱད་སྡེ་སྐོར་བདུན་ལ་སོགས་པའི་གདམས་པ་མང་དུ་ཞུས་སོ། <br />།དེ་ནས་[[Atayavajra|བླ་མ་ཨ་ཏ་ཡ་བཛྲ་]]ལ་རྡོ་རྗེ་རྣམ་འཇོམས་ཀྱི་སྤྲུལ་པའི་དཀྱིལ་འཁོར་དུ་དབང་ཞུས་ནས། རྣམ་འཇོམས་ཀྱི་རྒྱུད་དང་། ལྷ་བཅུ་གཅིག་དང་། ལྷ་ལྔ་དང་། ལྷ་གཅིག་མའི་སྒྲུབ་ཐབས་རྣམས་ཞུས་ནས། དེ་ཉིད་ཀྱི་བུམ་པ་དང་། རྡོ་རྗེ་དྲིལ་བུ་ནམ་མཁའ་ལ་བཞུགས་པ་དང་། བྲམ་ཟེའི་ཐོད་པ་མཚན་ལྡན་རྣམས་གནང་ངོ་། །བདག་ལ་ཡང་རྣམ་འཇོམས་ཀྱི་སྤྲུལ་པའི་དཀྱིལ་འཁོར་དུ་དབང་བསྐུར་ནུས་པར་ལུང་བསྟན་ཏོ། <br />།དེ་ནས་གཞུང་དང་གདམས་པའི་སྤྲོས་པ་ཆོད་ནས། ད་བོད་དུ་ཕྱིན་ནས་བླ་མ་རྣམས་ལ་གསེར་གྱི་ཆོས་སྐྱེས་གཅིག་བྱ་དགོས་སྙམ་ནས། [[རྡོ་རྗེ་གདན་]]དུ་མཆོད་པ་ཕུལ་ཞིང་ཚོགས་མཆོད་གཅིག་བྱས་གསོལ་བ་བཏབ་པའི་ཐོ་རངས་ཁ། [[Atayavajra|བླ་མ་ཨ་ཏ་ཡ་བཛྲ་]]དང་། [[Sukhasiddhi|ཌཱ་ཀི་མ་སུ་ཁ་སིདྡྷི་]]དང་། རྗེ་བཙུན་སྒྲོལ་མ་བྱོན་ནས། <br />ཕྱི་རོལ་དབང་ཕྱུག་ཆེན་པོ་དང་། །བདེ་མཆོག་ཁ་སར་པཱ་ཎི་སོགས། །རང་བྱོན་གཟུགས་སུ་ཡོད་པ་ཡི། །གནས་སུ་གདུལ་བྱ་ཁྲི་ཕྲག་འབྱུང་། <br />།ཞེས་སོ། <br />།དེ་ནས་བལ་པོར་སླེབ་པ་དང་། [[པཎ་ཆུང་]]དང་། [[རྒྱལ་པོ་]]དང་། [[འབའ་རོ་]]རྣམས་ཀྱི་དབང་དང་རྒྱུད་ཞུས། [[མང་ཡུལ་]][[སྤུ་རོང་]][[སྟོད་]]དུ་སྔར་གྱི་སློབ་མས་སྤྱན་དྲངས་ནས་བསོད་ནམས་ཆེན་པོ་བྱུང་། བདག་བསམ་པ་བཟང་བས། [[ཛམྦུ་ཆུ་པོ་]]དང་། གུ་ལང་ལ་སོགས་པའི་གསེར་ཁ་བཅུ་གསུམ་རྡོལ་བ་དང་དུས་འཛོམས་ནས་དབང་བསྐུར་དང་སེམས་བསྐྱེད་ཐེབས་རེ་ལ་གསེར་སྲང་བརྒྱ་ཕྲག་མང་པོ་བྱུང་། [[ལ་སྟོད་ལྷོ་]]དང་[[ཚོང་དུས་]]དང་། [[ནང་ཁང་རྒྱུད་]]གསུམ་དང་། [[སྙེ་མོ]]འི་བར་གྱི་གདན་འདྲེན་སར་ཕྱིན་པས། གསེར་གྱི་གླེགས་བམ་དང་། རྟ་དང་། གསེར་གཡུ་དང་། དར་ཟབ་ལ་སོགས་པའི་ལོངས་སྤྱོད་དཔག་ཏུ་མེད་པ་བྱུང་ནས། <br /><br />ད་རྒྱ་གར་དུ་འགྲོ་དགོས་སྙམ་ཏེ། གསེར་སྲང་ལྔ་བརྒྱ་ཕྲག་དྲུག་དང་། གླ་བ་ལྔ་བརྒྱ་ཁྱེར་ནས་[[རྡོ་རྗེ་གདན་]]དུ་ཕྱིན་ནས། རྒྱལ་པོ་ལ་མཆོད་པ་བྱ་བར་ཞུས་བས་གནང་ནས། གསེར་སྲང་བརྒྱད་ཅུ་ལ་ཞག་བཅུའི་བར་དུ་[[རྡོ་རྗེ་གདན་]]དུ་དུས་མཆོད་ཆེན་པོ་བྱས་པས། ནམ་མཁའ་ལས་མེ་ཏོག་གི་ཆར་ཆེན་པོ་བབ་པ་དང་། འོད་དང་སྒྲ་དང་ཌཱ་ཱཀི་མས་གར་བསྒྱུར་བ་དང་། ལྷའི་བུས་མཆོད་པ་འབུལ་བ་ལ་སོགས་པའི་ངོ་མཚར་གྱི་ལྟས་སྣ་ཚོགས་བྱུང་བས་རྒྱལ་པོ་དང་། [[Dorjé Denpa|བླ་མ་རྡོ་རྗེ་གདན་པ་]]ལ་སོགས་པའི་པཎྜི་ཏ་དང་ཁྱིམ་བདག་ཐམས་ཅད་བོད་ཀྱི་ཛྭ་ཀི་ཆེན་པོའི། མ་ཧཱ་བོ་དྷི་པུཙྪ་མ་ཧཱ་ཕ་ལ་ཞེས་བརྗོད་ཅིང་མཉེས་པར་གྱུར་ཏོ། <br />།དེ་ནས་[[Dorjé Denpa|བླ་མ་རྡོ་རྗེ་གདན་པ་]]དང་། [[Niguma|ཡེ་ཤེས་ཀྱི་མཁའ་འགྲོ་མ་ནི་གུ་མ་]]དང་། [[Sukhasiddhi|སུ་ཁ་མ་སིདྡྷི་]]དང་། རྡོ་རྗེ་མཆེད་གསུམ་ལ་སོགས་པ་བླ་མ་བརྒྱ་ལྔ་བཅུ་ལ་གསེར་མང་པོ་ཕུལ། ཚོགས་ཀྱི་མཆོད་པ་མང་པོ་བྱས་པས། བླ་མ་འགའ་ཞིག་གིས་གནད་ཀྱི་གདམས་པ་མང་དུ་གནང་ངོ་། །ཁ་གཅིག་གིས་ལུང་བསྟན་མང་པོ་མཛད་དོ། །[[Maitripa|བླ་མ་མཻ་ཏྲི་པ་]]མི་བཞུགས་ཀྱང་ཇོ་མོ་ཡེ་ཤེས་ཀྱི་[[Dakini Gangadhara|མཁའ་འགྲོ་མ་གང་ག་དྷ་ར་]]ལ་གསེར་མང་པོ་ཕུལ་ནས་གདམས་པ་མང་པོ་ཞུས་སོ། <br />།དེ་ནས་བོད་དུ་འོང་ཁར་ཚེས་བཅུ་ལ་[[རྡོ་རྗེ་གདན་]]དུ་མཆོད་པ་ཕུལ། ཚོགས་འཁོར་བརྒྱ་རྩ་བྱས་ནས། [[Lendarma Lodrö|ལོ་ཙཱ་བ་གླན་དར་མ་བློ་གྲོས་]]དང་། [[ཇོ་བོ་གྷ་ཡ་དྷ་ར་]]དང་འགྲོགས་ཏེ་[[Tholing|ཐོ་ལིང་]]གི་གཙུག་ལག་ཁང་དུ་འོང་བ་དང་། རྒྱ་དཔེ་འགའི་ཡི་གེ་རུལ་འདུག་པས། སླར་རྒྱ་གར་ལ་ལོག་ནས་འགྲོ་དགོས་སྙམས་པ་ན། [[Atisha|པཎྜི་ཏ་དི་པཾ་ཀ་ར་ཤྲཱི་ཛྙཱ་ན་]]བཞུགས་པ་དང་དུས་མཚུངས་ནས། ཁོང་གི་ཞལ་ནས་ངའི་རྒྱ་དཔེ་དང་མཐུན་པར་འདུག །[[Rinchen Zangpo|རིན་ཆེན་བཟང་པོ]]ར་བསྒྱུར་དུ་བཅུག་པས་ཆོག་གསུངས་ཏེ། [[Rinchen Zangpo|ལོ་ཙཱ་བ་རིན་ཆེན་བཟང་པོ་]]དང་། [[Lendarma Lodrö|གླན་དར་མ་བློ་གྲོས་]]གཉིས་ཀྱིས་བསྒྱུར་རོ། <br />།དེ་ནས་[[Atisha|ཇོ་བོ་དཱི་པཾ་ཀ་ར་]]ལ་སེམས་བསྐྱེད་དང་། གསང་འདུས་ཀྱི་དབང་ཞུས། གསང་འདུས་དང་། འཇིགས་བྱེད་དང་། མངོན་རྟོགས་རྒྱན་དང་། མདོ་སྡེ་རྒྱན་དང་། རྒྱུད་བླ་མ་དང་། གཞན་ཡང་གདམས་པ་མང་དུ་ཞུས་ནས་ཡུལ་དུ་འོང་བ་དང་། སྒོ་མོའི་ཇོ་བཙུན་ཁྱུང་པོ་དང་། རྡུལ་བཙུན་སྐྲང་པོ་གཉིས་ཀྱིས་ཆོས་འཁོར་གཙུགས་ནས་ཆོས་ཐོན་པ་དང་། ཁོང་གཉིས་ན་རེ། [[ལྷ་ས]]ར་འདོང་ཟེར་ནས་གསེར་གདུགས་གཅིག་ཡོད་པ་ཁྱེར་ནས་ཕྱིན་ཏེ་ཚེས་བཅུ་གསུམ་གྱི་དགོངས་མོར་གསེར་གདུགས་ཕུལ་ནས། མར་མེ་བཏང་མཆོད་པ་བཤམས་ནས། ངེད་གསུམ་གྱིས་གསོལ་བ་བཏབ་ནས་ནང་པར་རྨི་ལམ་བཤད་པར་ཞུས་པ་དང་། ང་ལ་ཐོ་རངས་ཁར་ཇོ་བོའི་ཞལ་ནས་འདི་སྐད་གསུངས། <br />ཁྱོད་ནི་སྔོན་བྱུང་བྱང་ཕྱོགས་ཀྱི། །ཉན་ཐོས་རྫུ་འཕྲུལ་ཆེན་པོ་ཡིན། །སྔོན་གྱི་ལས་འཕྲོ་སད་པ་ཡིས། །དཀའ་བ་སྤྱད་དེ་རྒྱ་གར་བསྒྲོད། །ད་ལྟ་ཆོས་ཉིད་མངོན་དུ་གྱུར། །གངས་ཅན་གདུལ་བྱ་སྨིན་བྱས་ནས། །བདེ་བ་ཅན་དུ་འགྲོ་བར་འགྱུར། <br />།ཞེས་ལུང་བསྟན་ཏོ། <br />།དེ་ནས་ཁོང་གཉིས་ལ་བྲིས་པས། ཁྱུང་པོ་ན་རེ་ངའི་རྨི་ལམ་ན་གཞུ་སྙེ་གཉིས་ཀྱི་ལ་ཁ་ནས་རྔ་གཅིག་བརྡུང་པས་གཞུ་སྙེ་གཉིས་ཀ་ངའི་མདུན་དུ་འདུས་པ་གཅིག་རྨིས་ཟེར་ཙ་ན། དེ་ཀ་བཞིན་དུ་བྱུང་སྟེ། གནས་བརྟན་མགོ་ཐོག་ལ་དྲག་པ་གཅིག་བྱུང་ངོ་། །རྡུལ་བཙུན་ན་རེ། ང་ནས་ཕུང་གཅིག་གི་སྟེང་ན་འདུག་པས་མི་ཐམས་ཅད་ང་ལ་ནས་ལེན་ཅིང་འདུག་ཟེར་བས། སྐྱེ་བོ་མགོ་ཐོག་ལ་ཕྱུག་པ་གཅིག་བྱུང་ངོ་། <br />།དེ་ནས་[[Langri Thangpa|གླང་རི་ཐང་པ་]]ལ་བསྙེན་རྫོགས་བྱས་ནས་[[འཕན་ཡུལ་འཇོག་པོའི་རི་]]ལ་སྒྲུབ་པ་བྱེད་པའི་དུས་རྒྱགས་ཕྱེ་མ་བྱུང་ནས། [[Maitripa|བླ་མ་མཻ་ཏྲི་པ]]འི་ཞལ་ནས་སྒྲུབ་པ་བྱེད་དུས་སུ་མགོན་པོས་རྒྱགས་སྐྱེལ་དུ་འོང་གི་གསུངས་ནས། རྒྱགས་སྐྱེལ་དུ་རེ་ཙམ་ན་མ་བྱུང་བས། མགོན་པོའི་རྒྱུན་གཏོར་ཆད་ནས། དགོང་མོ་བྲག་ཕུག་གི་སྒོར་ཕྱིན་ནས། ཀྵེ་ཏྲ་པ་ལ། ཛི་ན་མི་ཏྲ། ཊཀྐི་རཱ་ཛ། ཏྲཀྴད་ལ། ང་ལ་དེང་རྒྱགས་རྣམས་ཀྱང་མེད་དོ། །མགོན་པོའི་རྒྱུན་གཏོར་ཆད་ནས་མི་འདུག་གོ་བྱས་ནས་འོ་དོད་ཆེན་པོ་བོས་པས། ནང་པར་འབྲས་ཁུང་གི་ཚོང་དུས་ཁམས་པའི་འབུལ་སྐྱེལ་ཚན་གཅིག་བྱུང་ནས། དངུལ་བྲེ་དང་། རྟ་དང་། ཟ་འོག་དང་། ཇ་སིག་དང་། ཤ་མར་ཐུད་གསུམ་ལ་སོགས་པའི་ཟས་ནོར་ཚན་ཆེན་པོ་ཕུལ་ནས། ཟླ་ཕྱེད་ཀྱི་བར་དུ་སེམས་བསྐྱེད་དང་དབང་བསྐུར་བྱས་པས་གྲལ་ལ་མ་ཤོངས་བར་འཇོག་པོ་མདའི་[[Cheka|ཆད་ཀར་དགོན་པ་]]བཏབ་པས། སློབ་མ་ཉིས་སྟོང་ཙམ་འདུས་སོ། །དེའི་དུས་སུ་ཟླ་སྨད་ལ་མཚམས་བྱས། ཟླ་སྟོད་ལ་གྲོལ་མཚམས་བྱས་ནས་གཞུང་དང་གདམས་པ་མང་པོ་བཤད་དོ། །ཡང་[[Lenpé Chilbu|ལན་པ་སྤྱིལ་པོ]]ར་བསྒོམ་ཙ་ན། མཁའ་འགྲོ་མ་དཔག་ཏུ་མེད་པ་འདུས་ནས། ཁྱོད་ཀྱི་དགོན་པ་[[ཤངས་]]ན་ཡོད་ཀྱི་དེར་གདུལ་བྱ་སྐྱོངས་ཤིག་གསུངས་སོ། <br /><br />།དེ་ནས་[[ཤངས་]]སུ་འགྲོ་ཙ་ན། ཐོ་རངས་གཅིག་ཁ་བ་ཆེན་པོ་བྱུང་བའི་ནམ་ལང་མ་ཐག་ལ་ཨ་ཙ་ར་གཅིག་མཇལ་ཟེར་གྱི་འདུག་ཟེར་བ་ལ། ང་མཚམས་སུ་ཡོད་པས་མི་འཕྲད་བྱས་པས་ང་རྒྱ་གར་ཐག་རིང་ནས་འོང་པས་ན་བ་ཡིན། འཕྲད་དགོས་ཟེར་བས་འཕྲད་དོ། །སྨན་པ་ལ་བསྟན་པས་ཁྲག་ཏུ་འདུག་ཟེར་ནས་གཏར་ག་བྱེད་པར་བྱས་པ་དང་། རྣལ་འབྱོར་པའི་གཏར་ཁ་དེས་མི་ཡོང་གསུངས་ནས་ནམ་མཁའ་ལ་སྐྱིལ་ཀྲུང་བཅས་ནས་བཞུགས་ཏེ་སྐུ་ལུས་ལ་ཁྲག་མང་པོ་བཏོན་ནས་ནམ་མཁའ་ལ་ཆགས་སོ། །ཡང་ས་ལ་བཞུགས་ནས་རླུང་ལོངས་གསུངས་ནས། བཀུ་མཉེ་བྱེད་དགོས་བྱས་ཏེ་རྩི་མར་བྱུགས་པས། རྣལ་འབྱོར་པའི་སྐུ་མཉེ་དེས་མི་ཡོང་གསུངས་ནས། ཡང་འུ་རུ་རུ་འདུག་པ་དང་ནམ་མཁའ་ལ་བཞུགས་ནས་བ་སྤུའི་བུ་ག་ཐམས་ཅད་ནས་ཀུནྡ་མང་པོ་བཏོན་ཏེ་ནམ་མཁའ་ལ་ཆགས་པ་དང་། དེ་རྣམས་བ་སྤུའི་བུ་གར་སིབ་ཀྱིས་བསྡུས་ནས་སྐུ་མཉེ་མཛད་དེ། ནམ་མཁའ་ལ་ཌཱ་ཀི་མ་མང་པོས་གར་སྣ་ཚོགས་བསྒྱུར་རོ། <br />།དེ་ནས་འདི་གྲུབ་ཐོབ་གཅིག་འདུག་སྙམ་ནས་ཕྱག་འཚལ་བསྐོར་བ་བྱས་གསེར་གྱི་མཎྜལ་ཕུལ་ནས་ཐུགས་རྗེས་གཟིགས་པར་ཞུ་འཚལ་བྱས་པས། [[གུ་ཎ་ཨ་ཀ་ར་]]དང་ནི། །[[རཏྣ་ཨ་ཀ་ར་]]ཞེས་དང་། །[[ཨ་བྷི་ཛུ་ཏ་ལ་]]དང་ནི། །[[བྱུ་ན་ཨ་ཀ་ར་]]ན་རེ། །བོད་དུ་གཤེགས་དང་རྣལ་འབྱོར་པ། །གཅིག་དང་དགོས་པ་ཆེའོ་གསུངས། །འོང་པས་ཁྱོད་དང་འཕྲད་པ་ཡིན། །ང་རྒྱ་གར་གྱི་ཉི་མ་ཤར་མ་ཐག་འོང་བས། བོད་རོང་དོག་པས་ནམ་ལང་མ་ཐག་སླེབ་པ་ཡིན་གསུངས། བླ་མའི་ཡུལ་གང་ན་ཡོད་རིགས་གང་ཡིན་མཚན་ཅི་ཡིན། ཅེས་དྲིས་པས། ལྷོ་ཕྱོགས་[[ཨེ་ལ་བྷེ་ཤ]]འི་ཡུལ། །[[བྷི་ར་ཇོ་]]ཞེས་གྲོང་ཁྱེར་ཏེ། །རྡོ་རྗེ་མཁའ་འགྲོའི་ས་གཞི་དེར། །ཡབ་ནི་[[ཨུ་ན་ལ་དྷ་བ]]། །མ་ནི་[[པཱུ་ཅ་ནི་མི་]]ལས། །བདག་ཀྱང་རྒྱལ་རིགས་མཐོ་གྱུར་ཏེ། དེ་ལ་སོགས་པ་རྣམ་ཐར་ཞིབ་པར་གསུངས་སོ། <br />།དེ་ནས་[[Cheka|འཕན་ཡུལ་འཆད་དཀ]]ར་ཟླ་བ་བཅུ་གཅིག་བཞུགས་ཏེ། ཐོག་མར་རྒྱུད་སྡེ་ཆེན་པོ་ལྔའི་དལ་གཅིག་ཏུ་དབང་བསྐུར། དེའི་རྗེས་ལ་རྒྱུད་སྡེ་ལྔ་སོ་སོའི་དབང་བཞི་རྫོགས་རེ་དང་། ཏིང་ངེ་འཛིན་གྱི་དབང་རེ་རེ་ཡང་བསྐུར་ནས། དེ་རྣམས་ཀྱི་སྒྲུབ་ཐབས་རེ་ཡང་གནང་ངོ་། <br />།དེ་ནས་རྒྱུད་བརྟག་གཉིས་དང་། སམྦུ་ཊི་དང་། བདེ་མཆོག་རྩ་རྒྱུད་དང་། རལླི་དང་། དགྱེས་རྡོར་སྒྲུབ་ཐབས་མཚོ་སྐྱེས་རྡོ་རྗེ་དང་། དེ་ཉིད་བཞི་དང་། ཕྱག་རྒྱ་བཞི་ལྡན་དང་། རྫོགས་རིམ་ལྔ་ལྡན་དང་། བདེ་མཆོག་[[Luipa|ལུ་ཧི་པ་]]དང་། དཔའ་བོ་གཅིག་པ་དང་། རྗེ་བཙུན་མ་བརྒྱུད་པ་གསུམ་མ་དང་། མ་ཧཱ་མ་ཡ་[[Kukuripa|ཀུ་ཀུ་རི་པ]]འི་ཆོས་བདུན་དང་། དེ་ཉིད་འབྲེལ་ལུགས་ཆེན་མོ་དང་། ཤནྟི་པ་ཡི་དེ་ཉིད་ལྔ་ལྡན་དང་། འཇིགས་བྱེད་ཀྱི་རྟོགས་པ་བདུན་པ་དང་། དགྲ་ནག་དང་། གསང་བ་སྦས་པ་རྣམས་ཞུས་སོ། །རྫོགས་རིམ་ལ་འཁོར་ལོ་ལྔའི་རྫོགས་རིམ་དང་། རླུང་ཤིང་རྟ་ཅན་དང་། བུམ་པ་ཅན་དང་། འཁོར་ལོ་བཅིངས་གྲོལ། འཕོ་བ་ཡེ་ཤེས་སྐར་ཁུང་མ། རྫོགས་རིམ་དེ་ཉིད་གསུམ་པ་རྣམས་ཞུས། བདེ་མཆོག་རིམ་བཞི་དང་། རིམ་ལྔ་དང་། གསང་འདུས་རིམ་ལྔ་སྟན་ཐོག་གཅིག་མ་དང་། རླུང་སེམས་དབྱེར་མེད་ཞུས། ཕྱག་རྒྱ་ཆེན་པོ་དོ་ཧ་ཞུས། དག་པ་ཡེ་ཤེས་ལ་སོགས་པ་ངོ་སྤྲོད་མང་པོ་ཞུས། དབུ་མ་བདེན་གཉིས་དང་། ངན་སོང་སྦྱོངས་རྒྱུད་ལ་སོགས་པ་ཡོ་ག་མང་དུ་ཞུས། ཕྱག་ན་རྡོ་རྗེའི་རྒྱུད་འབྱུང་པོ་འདུལ་བྱེད་དང་། ཛ་ལི་མའི་སྒྲུབ་ཐབས་གསུམ་དང་། མི་གཡོ་བའི་རྒྱུད་སྒྲུབ་ཐབས་ཆེན་མོ་དང་། རྣམ་འཇོམས་དང་། བྱིན་གྱིས་བརླབས་པའི་ལྷ་བཞིའི་སྒྲུབ་ཐབས་དང་བཅས་པ་དང་། མགོན་པོ་ཕྱག་དྲུག་པའི་འཁོར་བཞིའི་སྒྲུབ་ཐབས་དང་བཅས་པ་དང་ཉི་ཁྲོས་ཀྱི་སེར་བ་ལ་སོགས་སེར་བ་བརྒྱ་རྩ་བརྒྱད་གནང་ནས་བསྟན་པ་བསྲུང་དགོས་པ་ཡིན་གསུངས་སོ། <br />།ཡང་ཉིན་གཅིག་བླ་མའི་ཞལ་ནས། དཔོན་སློབ་གཉིས་པོས་ཉིན་གཅིག་ལ་མཆོད་རྟེན་གཅིག་ཚར་བ་དང་རབ་གནས་ཟིན་པ་བྱེད་དགོས་གསུངས་ནས་བླ་མས་སྤྲུལ་པ་བཀྱེ་བ་དང་། ཌཱ་ཀི་མ་མང་པོས་གྲོགས་བྱས་པས། མཆོད་རྟེན་དང་རབ་གནས་དྲོ་གང་དུ་ཚར་ནས། རྡོ་རྗེ་དྲིལ་བུ་ནམ་མཁའ་ལ་བཞག་གོ། <br />།དེ་ནས་བླ་མའི་ཞལ་ནས། ང་བལ་པོར་སྐྱོལ་དེའི་བར་དུ་ཁྱོད་ཀྱི་སློབ་དཔོན་དུ་གྱིས། ངས་སློབ་མའི་ཚུལ་བྱ་ཡི་གསུངས་ནས། [[རོང་]]དུ་[[ཞང་བདེ་བ་དཔལ་]]ལ་རྒྱུད་སྡེ་ལྔའི་དབང་བསྐུར། [[འདམ་]]དུ་སློབ་མ་ལྔ་བཅུ་ལ་སྤྲུལ་པའི་དཀྱིལ་འཁོར་དུ་དབང་བསྐུར་[[གནམ་]]དུ་ཐང་པ་རྗེ་འབང་ལ་དབང་བསྐུར། དེ་ནས་[[ཤངས་]]དང་། [[འཇད་]][[རྟ་ནག་]]དང་། [[ལ་སྟོད་ལྷོ་]]བྱང་དང་། [[མང་ཡུལ་]]རྣམས་སུ་གསང་འདུས་དང་། འཇིགས་བྱེད་ཀྱི་དབང་བསྐུར། [[མང་ཡུལ་]]དུ་སློབ་མ་བཅུ་གསུམ་ལ་རྣམ་འཇོམས་ཀྱི་སྤྲུལ་པའི་དཀྱིལ་འཁོར་དུ་དབང་བསྐུར་རོ། <br />།དེ་ནས་[[མང་ཡུལ་]]དུ་ཚོགས་འཁོར་བརྒྱ་རྩ་མཛད་ནས་ཚེས་བཅོ་ལྔའི་ཉི་མ་ཙེ་རེ་བ་དེ་ལ། བླ་མའི་ཞལ་ནས་བོད་ན་རྡོ་རྗེའི་ས་གཞི་མེད་པས་སྒྱུ་མ་བྱར་མི་གཏུབ་པས། ཁྱོད་ང་ཡི་རྫུ་འཕྲུལ་གྱི་རྟ་ལ་ཞོན་ནས་རྒྱ་གར་དུ་འདེངས་གསུངས། ཚེ་ཉི་ཟླ་དང་མཉམ་པ་སྒྲུབ། གདམས་ངག་ལྷག་མ་དང་བཅས་པ་རྣམས་ཀྱང་སྦྱིན་གྱི་གསུངས་པ་ལ། ག་རེ་ཤུལ་ན་མ་གཅིག་ཀྱང་ཡོད། རྒྱ་གར་དུ་བསླབ་པའི་ཆོས་འདི་རྣམས་ཀྱང་བོད་ལ་ཕན་མི་ཐོགས་པ་འདུག་སྙམས་པ་གཅིག་བྱུང་བ་དང་། བླ་མའི་ཞལ་ནས་དོ་ནུབ་[[རྡོ་རྗེ་གདན་]]དུ་ཚོགས་འཁོར་གྱི་དཔོན་ལ་འགྲོ་དགོས་པ་ཡོད། རྟོག་པའི་ཐུམ་བུ་ཁྱོད་མི་འགྲོ་བར་འདུག་གསུངས་ནས་ནམ་མཁའ་ལ་བྱ་བཞིན་དུ་གཤེགས་སོ། <br />།དེ་ནས་བླ་མ་ལ་གསོལ་བ་བཏབ་ནས་ངུས་པས། ཚུར་བྱོན་ཏེ་ནམ་མཁའ་ལ་བཞུགས་ནས་བདུད་རྩི་ཚིག་དྲུག་འདི་གསུངས་སོ། <br /><br />༈ །སྡུག་བསྔལ་རྩ་བར་གྱུར་པ། །བདག་ཏུ་འཛིན་པ་ཡིན་གྱིས། །ཞེ་འདོད་ཕྱོགས་རིས་མེད་པར། །མཉམ་ཉིད་དོན་ལ་ཞོག་ཅིག །ཚེ་འདི་མི་རྟག་འགྱུར་ཞིང་། །ཕྱི་མར་མི་ཆད་སྐྱེ་བས། །ལས་འབྲས་ཚུལ་བཞིན་བསྒོམ་ལ། །དམ་ཚིག་གཙོ་བོར་སྲུངས་ཤིག །བརྟན་པ་མ་ཐོབ་བར་དུ། །འདུ་འཛི་གཡེང་བས་གནོད་པས། །རི་དྭགས་སྨས་མ་བཞིན་དུ། །གཅིག་པུར་ཉམས་སུ་ལོངས་ཤིག །ཞེ་སྡང་ཕྲག་དོག་ཆེ་བས། །ཡོན་ཏན་ཅི་སྐྱེས་ཐམས་ཅད། །བུམ་ནང་མར་མེ་བཞིན་ཏུ། །རྟག་ཏུ་སྦ་བར་གྱིས་ཤིག །གནས་ལུགས་ཟུང་འཇུག་ཡིན་གྱི། །ཅིར་སྣང་སྒྱུ་མར་བསྒོམས་ཤིག །སྣང་ལ་རང་བཞིན་མེད་པའི། །ལུས་འདི་དྲན་པས་ཟུངས་ཤིག །ཚེ་འདིར་དགོས་འདོད་འབྱུང་ཞིང་། །ཕྱི་མ་ལམ་སྣ་འདྲེན་པའི། །བླ་མ་སངས་རྒྱས་ལྟ་བུར། །རྟག་ཏུ་དྲན་པར་གྱིས་ཤིག །གསུངས་ནས་རྒྱ་གར་དུ་བཞུད་དོ། <br /><br />།དེ་ནས་[[Nyemo Ramang|གཉེ་མོ་ར་མང་]]དུ་སྤྲུལ་པའི་དམག་གིས་གཡུལ་ངོ་བཟློག་པས་ཡུལ་མི་ཐམས་ཅད་མོས་ནས་ཆོས་ལ་བཙུད་དོ། <br />།དེ་ནས་འཕན་ཡུལ་[[Cheka|འཆད་ཀ་དགོན་པ་]][[Rahula|བླ་མ་རཱ་ཧུ་ལ]]འི་ཆོས་སྐོར་རྣམས་ཞུ་བ་ལ་སློབ་མ་མང་དུ་འདུས་ནས། ལོ་གསུམ་ཆོས་བཤད་པ་དང་། སེང་གེའི་གདོང་ཅན་ལ་སོགས་པའི་ཌཱ་ཀཱི་མང་པོ་བྱོན་ཏེ། [[ཤངས་]]ན་དགོན་པ་ཡོད་པས་དེར་གཤེགས་འཚལ་ཟེར་ནས། དཔོན་གཡོག་སུམ་སྟོང་གིས་[[ཤངས་]]སུ་བྱོན་ནས། [[Shongshong|ཞང་ཞང་]]གི་གནས་ཀྱིས་སྣ་དྲངས་པའི་གནས་དགོན་བརྒྱ་རྩ་བརྒྱད་ལོ་གསུམ་ལ་བཏབ་ནས། དེ་རྣམས་ཀྱི་སྤྱི་དཔོན་ཁྱུང་པོས་བྱས་ཏེ། བདག་གིས་ཆོས་ཉན་བཤད་དང་། སྒོམ་སྒྲུབ་འབའ་ཞིག་ལ་གཙོ་བོར་བྱས། དབུས་གཙང་ཁམས་གསུམ་གྱི་གྲྭ་པ་ཁྲི་ཚོ་གསུམ་འདུས་པའི་དུས་སུ་བདག་ལ་ནད་གཅིག་གིས་བཏབ་ནས། དཔོན་སློབ་བཅུ་གསུམ་གྱིས་ཞག་བཅུ་གཅིག་ལ་མགོན་པོའི་གཏོར་ཆེན་བྱས་པས། གཏོར་མ་བསྐྱལ་ཙམ་ན་ཐམས་ཅད་ཀྱིས་མགོན་པོ་སྐུ་མདོག་དཀར་པོ་གཅིག་ཞལ་མཐོང་ནས་བདག་གི་ནད་དྲག་གོ། <br />།དེ་ནས་གཟུང་སྟེ་མགོན་པོའི་འཁོར་ཐམས་ཅད་དང་། རྣམ་སྲས་རྟ་བདག་བརྒྱད་དང་བཅས་པ་བྲན་བཞིན་དུ་ཉན་ཅིང་ཕྲིན་ལས་སྒྲུབ་བ་བྱུང་ངོ་། །སྟོན་ཟླ་ར་བའི་ཚེས་བརྒྱད་ཀྱི་ཐོ་རངས་དགྱེས་རྡོར་སྤྲུལ་པའི་ལྷ་དགུ་དང་། མཚོན་ཆ་ཅན་ལྷ་བཅུ་གསུམ་ཞལ་མཐོང་ནས། དེ་ཉིད་བཞིའི་གདམས་པ་གསུངས། དེའི་ཚེས་བཅོ་ལྔ་ལ་འཇམ་དཔལ་བྱོན་ནས། རིན་པོ་ཆེའི་སྒྲོམ་བུ་གཅིག་ཁ་ཕྱེས་ནས་དམིགས་པའི་སྒྲོམ་བུ་གསུངས་པས། སྔར་གྱི་རྒྱ་གར་དུ་ཞུས་པ་བས་གནད་ཟབ་པར་བྱུང་ནས་ནད་གདོན་ཐམས་ཅད་དམིགས་པ་དེ་ཉིད་བཏབ་པ་ཙམ་གྱིས་སེལ་བ་བྱུང་ངོ་། །ཡང་སྟོན་ཟླ་འབྲིང་པོའི་ཚེས་གསུམ་ལ་སྒྲོལ་མ་ལྷ་བཅུ་གསུམ་དང་། རྣམ་འཇོམས་ཁྲོ་བཅུའི་བསྐོར་བ་གཅིག་ཞལ་མཇལ་ནས། དབང་བསྐུར་བྱས་པས་བུམ་པ་དང་རྡོ་རྗེ་དྲིལ་བུ་ནམ་མཁའ་ལ་འཇོག་ནུས་པ་བྱུང་ངོ་། <br />།དེ་ནས་[[ཀྲེའོ་བྱང་ཆུབ་རྒྱལ་]]གྱིས་འབུལ་བ་ལན་གསུམ་ཕུལ་ནས་དབང་བསྐུར་ལན་གསུམ་ཞུ་བ་བྱས་པས་ང་ཡེངས་ནས་བརྗེད་པས་ཉིན་གཅིག་གི་[[སྐྱོ་སངས་]]ལ་ཕྱིན་ཙ་ན། ཁོས་ཡང་འབུལ་བ་བྱས་དེ་རིང་ལ་ཅིས་ཀྱང་དབང་བསྐུར་མཛད་དགོས་ཟེར་བ་ལ། འདི་ཀར་བྱ་ཡི་བྱས་ནས་སྤང་གཤོང་དེ་ཉིད་དུ་སྤྲུལ་པའི་དཀྱིལ་འཁོར་དུ་དབང་བསྐུར་བས། ཁོའི་ནད་གདོན་ཐམས་ཅད་དངོས་སུ་དོན་ནས་བྱུང་ངོ་། <br />།དེ་ནས་གྲྭ་པ་མང་དུས་ཁྲི་ཚོ་ལྔ་འདུས་ནས་ཐམས་ཅད་ཐབས་ཀ་འབའ་ཞིག་ལ་ཡེངས་ནས་ཉན་བཤད་དང་། སྒོམ་སྒྲུབ་ཙམ་མ་བྱུང་བས་སྐྱོ་བ་སྐྱེས་ནས་རྒྱ་གར་དུ་འགྲོ་སྙམ་ཙ་ན། སྒྲོལ་མ་བྱོན་ནས། ཐེག་ཆུང་ལམ་ལ་མ་འཇུག་པར་གོ་ཆ་ཆེན་པོ་གོན་ཅིག་གསུངས་པས། ཕུག་ཆུང་གཅིག་ཏུ་གབ་ནས་ཞག་བདུན་ཏིང་ངེ་འཛིན་ཟས་སུ་ཟོས་པས། བཙུན་ཆུང་གཟིམ་གཡོག་པ་གཅིག་མལ་སར་བྱུང་གིན་ངུ་ཡི་འདུག་པས་སྙིང་རྗེ་བར་བྱུང་ནས། བཙུན་ཆུང་ཅི་ལ་ངུ་བྱས་པས་མཁན་པོ་གར་བཙལ་ཡང་མ་རྙེད་པས་ངུས་པ་ཡིན་ཟེར་རོ། <br />།དེ་ནས་སོས་ཀ་མེ་ཏོག་རྒྱས་པའི་དུས་སུ་ཉིན་གཅིག་གྲྭ་པ་རྣམས་ཁྲིད་ནས་[[སྤངས་ཁར་]]ཕྱིན་ནས། མི་རེའི་མདུན་དུ་སུམ་ཅུ་རྩ་གསུམ་གྱི་ལྷ་མོ་ལྟ་བས་ཆོག་མི་ཤེས་པ་མིག་ཟུར་མིག་ཏུ་བལྟ་བ། འཛུམ་ཞིང་སྒེག་པ་སྙན་པའི་གླུ་ལེན་པ་མང་པོ་བསྟན་པས། ཐམས་ཅད་དགའ་བར་གྱུར་ཏོ། །ཡང་སང་ཉིན་ཡང་[[ལྟད་མོ་]]ལ་འདོང་ངོ་བྱས་པས་གྲྭ་པ་མ་ལུས་པ་བྱུང་བ་དང་། ཡང་མི་རེའི་མདུན་དུ་གཤིན་རྗེ་མི་ཤ་རློན་པ་ཟ་བ་འཇིགས་སུ་རུང་བ། མིག་དམར་བ། ཁ་གདང་པ། མཆེ་བ་བརྩིགས་པ། མི་རུང་བའི་གད་མོ་འབྲུག་ལྟར་སྒྲོགས་པ། སོད་ཅིག་ཆོམ་ཅིག་ཟེར་བ། ལག་ན་མཚོན་ཆ་བརྡར་བ་ཤ་སྟག་ཐོགས་པ་མང་པོས་བསྐོར་འདུག་པ་དང་། དེར་འཚོགས་པ་ཐམས་ཅད་བསྔངས་སྐྲག་རེངས་བརྒྱལ་པར་གྱུར་ཏོ། <br />།དེ་ནས་བརྒྱལ་བ་སངས་པ་དང་། ཁོང་རྣམས་ན་རེ། འདི་ལྟ་བུའི་བར་དོའི་ལས་ཀྱི་གཤིན་རྗེ་ཡིན་སྙམ་ནས་བརྒྱལ་བ་ལགས་པས། ལྷ་མོ་དང་གཤིན་རྗེ་རྣམས་བླ་མའི་སྤྲུལ་པ་ཡིན་ནམ། འདི་ལྟ་བུའི་སྣང་བ་འབྱུང་བ་ཡིན་ཟེར་བ་ལ། བླ་མའི་ཞལ་ནས། <br /><br />ཆགས་སྡང་ཡུལ་རྣམས་ཐམས་ཅད་ཀུན། །རང་གི་སེམས་ལས་བྱུང་བ་སྟེ། །རྣལ་འབྱོར་པ་ཡི་སྣང་བ་ལ། །ཤ་ཟ་ལ་སོགས་གཤིན་རྗེའི་གཟུགས། །མཚོན་ཆ་སྣ་ཚོགས་ལག་ན་ཐོགས། །ཚེ་སྲོག་དུས་འདིར་སྡུད་བྱེད་ཀྱང་། །སྒྱུར་མར་ཤེས་པས་གྲོལ་བར་འགྱུར། <br />།ལྷ་མོ་མཛེས་མ་རྒྱན་གྱིས་བརྒྱན། །གླུ་ལེན་སྙན་པའི་སྒྲ་སྒྲོགས་ཅིང་། །ཡིད་འོང་མང་པོས་མཐའ་སྐོར་ཡང་། །རང་སྣང་སྒྱུ་མར་ཐག་ཆོད་ན། །དེ་དག་གིས་ཀྱང་འཆིང་མི་ནུས། <br />།ཞེས་པ་ལ་སོགས་པའི་ཆོས་དང་། བར་དོའི་ཆོས་བསྟན་པས་ཐམས་ཅད་ཉན་བཤད་དང་། སྒོམ་སྒྲུབ་ལ་བརྩོན་པར་གྱུར་ཏོ། <br /><br />།དེ་ནས་ཉིན་གཅིག་[[དགེ་བཤེས་རོང་པོ་དཀོན་མཆོག་རྒྱལ་]]གྱིས་བྲག་རིང་གི་ཐ་འོག་ཏུ་མང་བསྐོལ་བྱས། རྟ་བརྒྱ་དང་། དངུལ་བྲེ་གཅིག་དང་། དར་ཟབ་མང་པོ་ཕུལ་ནས། [[Khyungpo Neljor|ཁྱུང་པོ་རྣལ་འབྱོར་]]ཁྱོད་དག་གིས། །རྒྱ་གར་ཡུལ་དུ་ལན་གསུམ་བྱོན། །བླ་མ་བརྒྱ་དང་ལྔ་བཅུ་བཙལ། རྩ་བའི་བླ་མ་བཞིའམ་ལྔ་ཡོད་པས་ཁྱེད་གྲུབ་ཐོབ་ཏུ་གྱུར་ནས་སྣང་བ་རང་བཞིན་མེད་པར་རྟོགས་པ་ཡིན་ཟེར་བ་ལ། བྲག་འདི་ལ་ཕར་ཐལ་ཚུར་ཐལ་འགའ་རེ་གྱིས། ནམ་མཁའ་ལ་སྐྱིལ་ཀྲུང་གིས་ལ་འདུག་ཟེར་བ་ལ་བྲག་རི་དེ་ལ་ཐལ་བྱུང་དུ་ཕྱིན། ནམ་མཁའ་ལ་སྐྱིལ་ཀྲུང་བཅས་ནས། གཅིག་དང་དུ་མར་སྣང་བ་ལ་སོགས་པའི་རྫུ་འཕྲུལ་འགའ་རེ་བསྟན་པས། [[རོང་པོ་]]དང་གྲྭ་བ་ཐམས་ཅད་ཤིན་ཏུ་དད་དེ། དེ་ལྟ་བུའི་ཡོན་ཏན་དེ་གདམས་ངག་གང་བསྒོམས་པ་ལས་བྱུང་བ་ཡིན་ཟེར་བ་ལ། <br /><br />།ཆོས་རྣམས་སྒྱུ་མ་ལྟ་བུ་ལ། །སྒྱུ་མ་ལྟ་བུར་ཉམས་བླངས་པས། །སྒྱུ་མ་ལྟ་བུར་མངོན་སངས་རྒྱས། །སྣང་ཡང་བདེན་མེད་ཆོས་རྣམས་ལ། །བྱིས་པས་བདེན་པར་བཟུང་བས་འཁྲུལ། །མེད་བཞིན་སྣང་བ་ཨེ་མ་ཧོ། <br />།ལ་སོགས་པའི་ཆོས་བཤད་པས་དད་དེ་ཟླ་བ་བཅུ་གཅིག་ན་[[རོང་པོ]]ས་ཡི་དམ་ལྷའི་ཞལ་མཐོང་ནས་སྣང་བ་བདེན་མེད་དུ་རྟོགས་སོ། <br /><br />།དཔྱིད་ཟླ་ར་བའི་ཚེས་གཅིག་གི་ཐོ་རངས་ཌཱ་ཀི་མ་མང་པོ་བྱུང་ནས། ཡར་གྱི་ངོ་ཚེས་བཅུ་དང་མར་གྱི་ཚེས་བཅུ། ཡར་གྱི་ཚེས་བཅུ་བཞི་དང་མར་གྱི་ཙེས་བཅུ་བཞི་ལ་ཚོགས་བརྒྱ་རྩ་བརྒྱད་ཀྱིས་ཤིག །ཁྱེད་ཀྱི་ལུས་ངག་ཡིད་གསུམ་ལྟེ་བ་གསང་གནས་དང་ལྔ། རྒྱུད་སྡེ་ལྔའི་ལྷ་ཚོགས་དང་དབྱེར་མེད་དུ་གྱུར་ཅིང་། རང་གཞན་ཐམས་ཅད་ཀྱི་མངོན་སུམ་དུ་མཐོང་ནས་རང་དང་དབྱེར་མེད་དུ་གྱུར་ཏོ། <br />།དེ་ནས་དཔྱིད་ཟླ་འབྲིང་པོའི་ཚེས་བདུན་གྱི་ནམ་འཇིང་ཡོལ་ཙམ་ན་ཡེ་ཤེས་ཀྱི་ཌཱ་ཀི་མ་ཀུན་ཏུ་བཟང་མོ་བྱོན་ནས། <br />འཚོགས་པའི་མཐར་ཐུག་ཁྲི་བཅོ་བརྒྱད། །སློབ་མའི་མཐར་ཐུག་ལྔ་དང་གཅིག །ཚེ་ཡི་མཐར་ཐུག་བརྒྱ་དང་ལྔ་བཅུ། །ཞིང་ཁམས་མཐར་ཐུག་བདེ་བ་ཅན། <br />།ཞེས་གསུངས་པས་སད་བྱེད་བྱས་ནས་འཚོགས་པ་ཆེ་དུས་ཁྲི་ཚོ་བཅོ་བརྒྱད་དང་། སྔ་བུ་ལྔ། ཕྱི་བུ་གཅིག་དང་། ལོ་བརྒྱ་དང་ལྔ་བཅུ་ཐུབ་པ་དང་། ཚེའི་དུས་བྱས་ནས་བདེ་བ་ཅན་དུ་འགྲོ་བ་དང་། སེམས་ཅན་གྱི་བསམ་པ་དང་བག་ལ་ཉལ་ལ་སོགས་པ་ཇི་ལྟ་བ་བཞིན་དུ་ཤེས་པ་བྱུང་ནས། སློབ་མ་རྣམས་ལ་ལན་རེ་ཙམ་བཤད་པ་དང་། [[Sukhasiddhi|ཌཱ་ཀི་མ་སུ་ཁ་སིདྡྷི་]]བྱོན་ནས། <br />སྙིགས་མའི་སེམས་ཅན་ལོག་ལྟ་ཅན། །རྒྱལ་བས་ཀྱང་ནི་མ་ཐུལ་ཞིང་། །མཁྱེན་པའི་སྤྱན་ལ་བདུད་འཛིན་པས། །ཡོན་ཏན་སྦས་པའི་རྣལ་འབྱོར་གྱིས། <br />།ཞེས་ལན་གསུམ་གསུངས་པས། རང་རྒྱུད་པའི་ཚུལ་བཟུང་ནས་ཡོན་ཏན་གཏུབ་ཚད་ཀྱིས་སྦས་སོ། <br />།དེ་ནས་འཚོགས་པ་ཆེ་དུས་ཁམས་པའི་མི་ཚང་རྣམས་འབུལ་བ་བྱེད་པ་ལ་མ་འཆམ་མོ། །དུས་གཅིག་ལ་ཆོས་ཁྲི་བརྒྱ་རྩ་བརྒྱད་རྩིགས། དེའི་སྟེང་དུ་སྐུ་ལུས་ཀྱི་བཀོད་པ་བརྒྱ་རྩ་བརྒྱད་བསྟན་ཏེ་བཞུགས། ཆོས་ཁྲིའི་རེའི་མདུན་དུ་མི་ཚང་རེའི་འབུལ་བ་འདྲེན་ནས་བྱས་སོ། །དེའི་དུས་སུ་[[Rinchen Dorjé|རིན་ཆེན་རྡོ་རྗེ]]འི་གཟིམས་གཡོག་བྱས་ནས་ཐ་མལ་རང་རྒྱུད་བཟུང་ཏེ་ལོག་ལྟ་ཨན་རེ་བྱེད་ཀྱིན་འདུག་པས་མཁྱེན་ནས། ཡི་གེ་བརྒྱ་པ་དང་དག་བྱེད་ཨའི་སྟོང་ར་ཞག་བདུན་བསྒོམས་དུ་བཅུག་ནས། གཟིམས་ཆུང་དུ་བྱུང་བ་དང་། ང་ཅི་མཐོང་བྱས་པ་དང་། བླ་མ་བེར་ཐུལ་གསོལ་བར་མཐོང་ཟེར། ད་ཅིར་མཐོང་བྱས་པས་ཕྱག་འཚལ་ནས་དགྱེས་རྡོར་མཚོན་ཆ་ཅན་ལྷ་བཅུ་གསུམ་དུ་མཐོང་ཟེར། ཡང་གནས་ལྔར་རྒྱུད་སྡེ་ལྔ་བཀོད་པས་ཀྱང་དེ་ལྟར་མཐོང་འདུག་ནས་ཕྱིར་སོང་བྱས་པས་ཕྱིར་ཕྱིན་པ་དང་། ནང་དུ་འོང་ནས་ལྟས་པ་དང་། ཡང་དགྱེས་རྡོར་དུ་མཐོང་བ་དང་བླ་མའི་ཞལ་ནས། དུས་ད་ནས་བཟུང་སྟེ་ང་ཐ་མལ་དུ་སྐད་ཅིག་ཀྱང་མ་ལྟ་ཨང་བྱས་པས། [[Rinchen Dorjé|རིན་ཆེན་རྡོ་རྗེ་]]ན་རེ། <br /><br />སྐུ་ལུས་སྤྲུལ་པའི་ལྷ་དགུ་ལ། །གནས་ལྔར་རྒྱུད་སྡེ་ལྔའི་ལྷ། །བརྒྱ་རྩ་བརྒྱད་ཀྱི་ཆོས་ཁྲི་ལ། །བལྟ་བས་མི་ངོམ་སྐུ་ལུས་རེ། །མཐའ་བྲལ་ཐེག་ཆེན་ཆོས་སྒྲ་སྒྲོགས། །སྣ་ཚོགས་སྤྲུལ་པ་ཕྱོགས་བཅུར་སྟོན། །རྒྱལ་བ་རྒྱ་མཚོའི་ཐུགས་སྤྲུལ་པའི། །བླ་མ་སངས་རྒྱས་ཁྱོད་ལ་བསྟོད། །མ་རིག་འཁྲུལ་པའི་སེམས་ཅན་རྣམས། །ཡང་དག་ལམ་ལ་གཟུང་དུ་གསོལ། <br />།ཞེས་ཁོས་བསྟོད་པ་བྱས་སོ། <br />།དེ་ནས་ལོག་ལྟ་སྐད་ཅིག་ཙམ་མ་སྐྱེས་པར། ཅི་གསུང་ཉན་པའི་ཉེ་གནས་སུ་གྱུར་ཏོ། <br /><br />།དེ་ནས་ཡང་བྱམས་པའི་ཆོས་ལྔ་དང་། གསང་བ་སྤྱི་རྒྱུད་བཤད་པའི་འཚོ་བ་འདྲེན་པ་ལ། དབུས་གཙང་ཁམས་གསུམ་གྱི་གྲྭ་པ་རྣམས་མ་འཆམ་པར། དམ་སེལ་དུ་འགྲོ་བར་བྱུང་པ་དང་། རྒྱལ་ཆེན་རིགས་བཞིའི་ལྷ་ཚོགས་རྣམས་བྱུང་ནས། <br />ཐར་མེད་གནས་སུ་སྐྱེ་བ་དང་། །ཐར་པའི་གནས་གཅོད་བྱེད་པ་ནི། །མི་མཐུན་དག་ལས་འབྱུང་བར་འགྱུར། །དེ་ཕྱིར་དམ་ཚིག་སྨོས་ཅི་དགོས། །མཐུན་པའི་དཀའ་ཐུབ་དག་ལས་ནི། །ཚེ་གཅིག་སངས་རྒྱས་རྙེད་མི་དཀའ། །དེ་ཕྱིར་འདིར་འཚོགས་ལྷ་རྣམས་ཀྱིས། །ཆོས་གསུང་ཚེ་ན་བསྙེན་བཀུར་བྱ། །ཏ་ལ་བདུན་སྲིད་གཅིག་ཀྱང་རུང་། །མཁའ་ལ་ཆོས་ཆར་དབབ་ཏུ་གསོལ། །ཆོས་ཀྱི་དུང་ཆེན་བསྒྲོག་ཏུ་གསོལ། །ཆོས་ཀྱི་བ་དན་བསྒྲེང་དུ་གསོལ། <br />།ཞེས་གསོལ་བ་བཏབ་པས། ཟླ་བ་བདུན་མི་ཟས་མི་ཟ་བར་དམ་བཅས་ནས་ནམ་མཁའ་ལ་ཤིང་ཏ་ལ་གཅིག་གི་ཚད་ཙམ་དུ། ཟླ་བ་བདུན་གྱི་བར་དུ་བྱམས་པའི་ཆོས་ལྔ་དང་། གསང་བ་སྤྱི་རྒྱུད་ཚར་བར་བྱས་པས། དབུ་མའི་ལྟ་བ་ཁོང་དུ་ཆུད་པ་མང་དུ་བྱུང་བ་དང་། ལྷ་རྣམས་ཀྱིས་མགྲིན་གཅིག་ཏུ། <br />འདི་སྐད་ཅེས་བརྗོད་པར་གྱུར་ཏོ། །[[Dorjé Denpa|བླ་མ་རྡོ་རྗེ་གདན་པ]]འི་ཐུགས་དགོངས་རྫོགས་པར་གྱུར་ཏོ། །ལྷ་རྣམས་ཚིམས་པར་གྱུར་ཏོ། །མི་རྣམས་གྲོལ་བར་གྱུར་ཏོ། །སངས་རྒྱས་ཀྱི་བསྟན་པ་ལ་བྱ་བ་ཆེན་པོ་བྱས་པར་གྱུར་ཏོ། <br />།ཨ་ལ་ལ་ཞེས་ལན་གསུམ་བརྗོད་ཅིང་། མེ་ཏོག་གི་ཆར་ཆེན་པོར་ཕབ་སྟེ་མི་སྣང་བར་གྱུར་ཏོ། <br />།ཡང་[[གནས་མཁར་གྱི་རྫོང་]]ལ་བསྒོམ་ཙ་ན་འཇིགས་བྱེད་ལྷ་བཅུ་གསུམ་པོ་ཐོད་པ་དང་བཅས་པ་ནམ་མཁའ་ཁེངས་པ་ཙམ་གྱི་སྐུ་ཤིན་ཏུ་ཆེ་བ་གཅིག་མཐོང་ནས། དྲག་པོ་གསུམ་འདུལ་གྱི་གདམས་ངག་གསུངས། དཔྱིད་ཟླ་ར་བའི་ཚེས་བཅུ་གསུམ་གྱི་ཐོ་རངས། སངས་རྒྱས་འོད་དཔག་མེད་བྱོན་ནས། བདེ་བ་ཅན་གྱི་ཞིང་ཁམས་ཀྱི་བཀོད་པ་རྣམས་བསྟན་ནས། <br /><br />ཁྱོད་ཀྱི་སྐྱེ་བ་ཐ་མ་སྟེ། །བདེ་བ་ཅན་གྱི་ཞིང་ཁམས་སུ། །སྡེ་དང་བཅས་པའི་བདུད་བཏུལ་ནས། །མངོན་པར་བྱང་ཆུབ་འཁོར་ལོ་བསྐོར། །གང་གིས་ཁྱོད་ཀྱིས་རྗེས་སློབ་ཅིང་། །འོད་དཔག་མཚན་ཙམ་ཐོས་པས་ཀྱང་། །བདེ་བ་ཅན་གྱི་ཞིང་ཁམས་སུ། །རྫུ་འཕྲུལ་ཆེན་པོས་སྐྱེ་བར་འགྱུར། །ཁྱོད་ཀྱི་རྒྱུད་འཛིན་རྣམ་པ་གསུམ། །མངོན་དགའ་དང་ནི་བདེ་བ་ཅན། །དག་པའི་ཞིང་ནས་ཞིང་དུ་འགྲོ། །དེར་ནི་མངོན་པར་བྱང་ཆུབ་འགྱུར། <br />།ཞེས་པ་ལ་སོགས་པའི་ལུང་བསྟན་མང་དུ་མཛད་དོ། <br /><br />།དེ་ནས་འཚོགས་པ་ཁྲི་ཚོ་བཅོ་བརྒྱད་ཚོགས་པའི་དུས་སུ། བཤད་གྲྭ་ཆེན་མོ་བ་ཕྲག་དོག་སྐྱེས་ཏེ། ཡང་ན་[[Shongshong|ཞོང་ཞོང་པ]]འི་ཞབས་ལ་འདུད། ཡང་ན་གྲྭ་པ་ཉུང་ངུས་དུས་སུ་བླ་མ་ཀྲོང་ལ་གྲྭ་ས་མེད་པ་བྱའོ་ཞེས་བྱས་པས་གྲྭ་པ་གཞོན་པ་ཚོས་ཆོས་ཞུས་ནས་སློབ་མ་རང་བྱེད་པ་འཐད་ཟེར་བ་ལ། རྒན་པོ་གསུམ་གྲོས་འཆམ་སྟེ། གཅིག་གིས་ཆོས་ཞུས་པ་དང་ཐམས་ཅད་ཀྱིས་ཆོས་ཞུས་ནས་གྲྭ་ས་འཇིགས་འགྲོ་བས། དེ་བས་གྲྭ་པ་ཉུང་ངུས་དམག་བྱེད་པ་འཐད་ཟེར་རོ། <br />།དེ་ནས་བྱ་བྱུང་ནས། བླ་མ་ལ་ཉེ་གནས་[[Rinchen Dorjé|རིན་ཆེན་རྡོ་རྗེ]]ས་ཁོང་ཚོས་དམག་བྱེད་པར་འདུག་པས། ཡང་ན་ཕར་ལ་དམག་རྒྱབ་ལ་གྲྭ་ས་ཆེན་པོ་མེད་པར་བྱ། ཡང་ན་བྲོས་པ་རང་འཐད་ཟེར་བ་ལ། ངས་ཆོས་བྱས་པས་གནོད་འཚེའི་དམག་མི་བྱེད། གནས་དགོན་འདི་རྣམས་ང་རང་གི་གསར་དུ་བཏབ་པས་བྲོས་དོན་མེད་བྱས་ནས་མ་ཉན་པ་དང་། སྟོན་ཀ་གྲྭ་པ་ཉུང་དུས་ཤིག་ཏུ་དམག་སྟོང་ཚོ་ལྔ་ནམ་ལང་མ་ཐག་བྱུང་བས། [[Rinchen Dorjé|རིན་ཆེན་རྡོ་རྗེ་]]ན་རེ་ཁ་ནིང་ནས་དམག་འོང་བར་འདུག་བྱས་པས་མ་གསན། ད་དམག་གིས་སྐོར་ནས་གདའ་ཅི་ཙུག་བྱེད་ཟེར་བ་ལ། ཏིང་ངེ་འཛིན་གྱི་སྤྲུལ་པའི་དམག་གིས། དམག་སྟོང་ཚོ་ལྔ་པོ་དེ་རི་ཀླུང་མེད་པར་དེད་ནས་རྨ་དང་ཤི་བ་མེད་པར་གཡུལ་ངོ་ལས་རྒྱལ་བར་བྱས་པས། ཁོང་རྣམས་སློབ་མར་ཚུད་ནས་རྩ་བའི་བླ་མར་བཟུང་སྟེ། ཅི་ཡོད་ཐམས་ཅད་ཕུལ་ལོ། །ཡང་མུ་གེ་ཆེན་པོ་བྱུང་བའི་དུས་སུ་རྗེ་བཙུན་མ་སྒྲོལ་མ་ལ་གསོལ་བ་བཏབ་པས་ལུང་བསྟན་བྱུང་ནས་སྔ་དྲོ་ཐང་ཆེན་པོ་ལ་ནས་བཏབ་པས་ཕྱི་དྲོ་ནས་བྱུང་ནས་ཟད་མི་ཤེས་པའི་སྟོན་ཐོག་ཐོན་བྱུང་སྟེ་མུ་གེ་ལས་ཐར་བར་བྱས་སོ། <br /><br />།ཡང་སྟག་ལོ་སྟོན་ཟླ་ར་བའི་ཚེས་བརྒྱད་ལ་བྱིན་གྱིས་རླབས་པའི་ལྷ་བཞིའི་སྤྲུལ་པའི་དཀྱིལ་འཁོར་དུ་སློབ་མ་བཅོ་ལྔར་དབང་བསྐུར་ནས། དུས་དེ་ནས་བཟུང་ནས་ཞལ་མཐོང་བ་མང་པོ་བྱུང་ངོ་། །[[Geshé Gapa Chögyel|དགེ་བཤེས་འགའ་པ་ཆོས་རྒྱལ་]]གྱིས་འབུལ་བ་ཆེན་པོ་བྱས་ནས། བྱམས་པའི་ཆོས་ལྔ་དང་། འབུམ་ཊི་ཀ་དང་། ལེ་བརྒྱད་མ་ནས་ཡི་གེ་གཅིག་མ་ཡན་ཆད་མཁས་པར་བསླབ་ནས་སྒོམ་བློ་བྱས་པ་ཡིན་ཏེ་ཕ་རོལ་ཏུ་ཕྱིན་པའི་ལྟ་བ་ཐག་མ་ཆོད། ད་བོད་ན་རྒན་པོ་རྣམས་ལ་ཞུས་མ་ཞུས་མི་འདུག་པས། བླ་མས་རྣལ་ལམ་བཟུང་ལ། ཡུམ་ཆེན་མོ་ལ་ལྟ་བ་རྣམ་དག་ཅིག་ཞུས་ནས་ང་ལ་གནང་བར་ཞུ། ང་ཚེ་ཐུང་རིགས་ཡིན་པས་ཚེ་དཔག་མེད་ལ་ཚེ་སྒྲུབ་ཅིག་ཞུ། སྙིང་རྗེ་འདི་སྐྱེ་དཀའ་བར་བྱུང་བས། ཐུགས་རྗེ་ཆེན་པོ་ལ་སྙིང་རྗེ་ཆེན་པོ་རྩོལ་མེད་དུ་སྐྱེ་བ་ཞིག་ཞུ། རྣམ་སྲས་འདི་བསྒྲུབས་ཀྱང་མ་ཁོལ་བས། ཕྱག་ན་རྡོ་རྗེ་ལ་རྒྱུད་དང་གདམས་པ་ཞུ། རྗེ་བཙུན་མ་ལོ་གསུམ་བསྒྲུབས་ཀྱང་དབང་གི་ཕྲིན་ལས་གཅིག་ཀྱང་མ་འགྲུབ་པས། ཨོ་རྒྱན་དུ་རྗེ་བཙུན་མ་ལ་སྣང་སྲིད་གཡོ་འགུལ་གྱི་གནད་གཅིག་ཀྱང་ཞུ་ཟེར་བས། བདག་གིས་རྨི་ལམ་བཟུང་ནས་འོག་མིན་དུ་ཕྱིན་ནས་ཡུམ་ཆེན་མོ་ལ་སྲས་ཕྱོགས་བཅུའི་སངས་རྒྱས་ཀྱི་འཁོར་དཔག་ཏུ་མེད་པས་བསྐོར་ནས་ཐམས་ཅད་ཀྱང་ཆོས་འཆད་ཀྱི་ཕྱག་རྒྱ་ཅན་ཤ་སྟག་བཞུགས་ཤིང་འདུག་པ་ལ་མཆོད་བའི་བྱེ་བྲག་དཔག་ཏུ་མེད་པ་ཕུལ་ནས་ཆོས་ཞུས་པས། མཐར་ཐུག་སྐྱེ་མེད་རྣམ་གསུམ་གྱི་གདམས་ངག་གནང་ངོ་། །ཡང་བདེ་བ་ཅན་དུ་ཕྱིན་ནས་མགོན་པོ་འོད་དཔག་མེད་དེ་བྱང་ཆུབ་ཀྱི་ཤིང་གི་སྟེང་ནས། སྤྱན་རས་གཟིགས་དང་། རྟ་མགྲིན་དང་། ཕྱག་རྡོར་ལ་སོགས་པ་བྱང་ཆུབ་སེམས་དཔའ་དཔག་ཏུ་མེད་པས་བསྐོར་ནས། བརྡའི་སྒོ་ནས་ཆོས་སྟོན་ཅིང་འདུག་པ་ལ། བདག་གིས་མེ་ཏོག་གི་ཆར་ཆེན་པོ་ཕབ། ལུས་ཀྱི་ལྷའི་བུ་དང་བུ་མོ་རོལ་མོ་སྣ་ཚོགས་ཐོགས་པ་དཔག་ཏུ་མེད་པ་སྤྲུལ་ནས་ཕུལ་ཏེ་འཛམ་བུའི་གླིང་པའི་སེམས་ཅན་ཚེ་ཐུང་པ་ལས་བསྐྱབ་ཏུ་གསོལ་ཞེས་ཞུས་པས་སངས་རྒྱས་ཚེ་དཔག་མེད་དང་བྱང་ཆུབ་ཀྱི་ཤིང་གཉིས་ཀ་ལས་ཆོས་ཀྱི་སྒྲ་བྱུང་སྟེ། བདུད་རྩི་བུམ་པའི་ཚེ་སྒྲུབ་གསུངས་སོ། <br />།དེ་ནས་ཡང་པོ་ཏ་ལར་ཕྱིན་ནས་ཐུགས་རྗེ་ཆེན་པོས་གནོད་སྦྱིན་རྣམས་ལ་བྱམས་པའི་ཆོས་གསུངས་པ་དང་མཇལ་ནས་གཙོ་འཁོར་གསུམ་པོ་ལས་འོད་ཟེར་གསུམ་བྱུང་ནས་བདག་གི་གནས་གསུམ་དུ་ཟུག་སྟེ། འོད་ཟེར་དེ་དག་ལས་ཆོས་ཀྱི་སྒྲ་འདི་དག་བྱུང་སྟེ།<br /><br />ཆོས་རྣམས་རང་བཞིན་སྐྱེ་མེད་ལས། །འགགས་མེད་སྙིང་རྗེ་མ་ཤར་ན། །འགྲོ་དྲུག་སེམས་ཅན་མ་རྒན་རྣམས། །སྨིན་ཅིང་གྲོལ་བར་མི་ནུས་པས། །འགྲོ་འཆག་ཉལ་འདུག་ཐམས་ཅད་དུ། །མ་ཡི་དྲིན་དང་སྡུག་བསྔལ་རྣམས། །མ་ཡེངས་དྲན་པའི་ལྕགས་ཀྱུས་ཟུངས། །ཚད་མེད་སྙིང་རྗེ་ཆེན་པོ་སྐྱེད། །བྱམས་པའི་གངས་རི་ཆེན་པོ་ལས། །སྙིང་རྗེའི་ཆུ་རྒྱུན་བསིལ་བ་ཡིས། །ཉོན་མོངས་མེ་དཔུང་ཞི་བར་མཛོད། །ང་ནི་སྙིང་རྗེ་ཆེན་པོའི་སྐུ། <br />།ལ་སོགས་པའི་སྙིང་རྗེ་མཁའ་ཁྱབ་ཀྱི་ཏིང་ངེ་འཛིན་གསུངས་སོ། །ལྕང་ལོ་ཅན་དུ་ཕྱིན་ཏེ་གསང་བའི་བདག་པོས་གནོད་སྦྱིན་ཤིང་རྟའི་རྒྱུད་དང་། གནོད་སྦྱིན་སྲོག་གི་སྙིང་པོ་དང་། གནོད་སྦྱིན་ཡིད་བཞིན་ནོར་བུའི་རྒྱུད་རྣམས་གསུངས་སོ། <br /><br />།ཡང་ཚེས་བཅུའི་སྲོད་ལ་མཆོད་པ་ཕུལ་ནས། ཐོ་རངས་ཨོ་རྒྱན་དུ་ཕྱིན་ནས་རྗེ་བཙུན་མ་ལྷ་ལྔའི་དཀྱིལ་འཁོར་དུ་དབང་ཞུས་པ་དང་། ཌཱ་ཀི་མ་སེང་གེའི་གདོང་པ་ཅན་ལ། ཌཱ་ཀི་མ་སྡེ་བཞིས་བསྐོར་ནས་འདི་སྐད་གསུངས། <br />རྡོ་རྗེ་མཁའ་འགྲོས་བར་ཆད་བསྲུང་། །རིན་ཆེན་མཁའ་འགྲོས་མི་ནོར་སྒྲུབ། །པདྨ་མཁའ་འགྲོས་བུད་མེད་སྡུད། །ཕྲིན་ལས་མཁའ་འགྲོས་ལས་ཀུན་སྒྲུབ། །འདོད་སྲེད་ཆགས་པའི་དབང་སོང་བ། །བདག་ཉིད་མཁའ་འགྲོའི་དབང་དུ་སོང་། །ཕྱི་རོལ་མི་འདུ་གང་ཡང་འབྱུང་། །ཌཱ་ཀི་རང་གི་སེམས་སུ་ཤེས། །སེམས་ཀྱི་དེ་ཉིད་ཤེས་པ་དང་། །སེམས་ཉིད་མི་རྟོག་རྡོ་རྗེ་སྟེ། །རྡོ་རྗེ་ཌཱ་ཀིའི་བར་ཆད་སྲུང་། །ཆོག་ཤེས་དགོས་མེད་རིན་ཆེན་གཏེར། །རིན་ཆེན་མཁའ་འགྲོས་དགོས་འདོད་འགྲུབ། །ཆགས་བྲལ་མི་རྟོག་པདྨ་སྟེ། །པདྨ་ཌཱ་ཀིས་མུ་དྲ་སྡུད། །སྐྱེ་འགགས་མེད་པ་ཀརྨ་སྟེ། །ལས་ཀྱི་ཌཱ་ཀིས་ཕྲིན་ལས་སྒྲུབ། །དེ་ལྟར་མ་ཤེས་རྣལ་འབྱོར་པས། །བསྐལ་པར་བསྒྲུབས་ཀྱང་འགྲུབ་མི་འགྱུར། །དེ་ཕྱིར་མཁའ་འགྲོ་རང་སེམས་སུ། །ཤེས་པ་གནད་ཀྱི་མཆོག་ཡིན་ནོ། <br />།ལ་སོགས་པ་འཆར་བ་རྣམ་པ་གསུམ། འདུ་བ་རྣམ་པ་གསུམ་གྱི་གདམས་ངག་རྣམས་གསུངས་སོ། <br /><br />།དེ་ནས་[[Geshé Gapa Chögyel|དགེ་བཤེས་འགའ་པ]]ས་ཚོགས་མཆོད་བརྒྱ་རྩ་བརྒྱད་བྱས་ཏེ་གདམས་པ་རྣམས་བཤད་དེ་ཉམས་ལེན་བྱས་པས། མཐར་ཐུག་སྐྱེ་མེད་ཀྱི་དོན་རྟོགས་སོ། །ཚེ་དཔག་མེད་ཞལ་མཐོང་། སྙིང་རྗེ་ཕྱོགས་མེད་དུ་ཤར། རྣམ་སྲས་བྲན་བཞིན་དུ་ཉན། ཌཱ་ཀིས་ཕྲིན་ལས་ཐམས་ཅད་ཇི་ལྟ་བ་བཞིན་དུ་སྒྲུབ་པ་བྱུང་ངོ་། <br />།དེ་ནས་ཡང་[[Geshé Gapa Chögyel|འགའ་པ་]]ན་རེ། བླ་མ་ཆེན་པོ་ལགས། རྨི་ལམ་དུ་སངས་རྒྱས་ལ་ཆོས་ཞུས་པ་དང་། དངོས་སུ་ཞུས་པ་ལ་ཁྱད་ཡོད་དམ་མེད་ཟེར་བ་ལ། <br />སངས་རྒྱས་སྐུ་དང་ཞིང་ཁམས་དང་། །འཁོར་དང་ཆོས་ལ་སོགས་པ་རྣམས། །ཐམས་ཅད་སྒྱུ་མ་ལྟ་བུ་སྟེ། །དངོས་དང་རྨི་ལམ་ཐ་དད་མེད། །ཅེས་བྱས་པས་ཆོས་རྒྱལ་ཤིན་ཏུ་མོས་པར་གྱུར་ཏོ། <br />།ཡང་དབོན་ཁྱུང་པོ་ན་རེ། ཤབ་ཀྱི་འབའ་ར་ནག་པོ་འདི་དང་། གཉན་ཐང་ལྷ། ཇོ་བོ་བན་ཆེན་དང་གསུམ་པོ་འདིས། ངེད་མི་རྟ་གཉིས་ལ་གནོད་པ་བསྐྱལ་བས་རྣལ་ལམ་བཟུང་ལ་འདུལ་བར་ཞུ་ཟེར་བ་ལ། ངས་རྡོ་རྗེ་འཇིགས་བྱེད་དུ་བྱས་ནས། ཉིན་པར་ཐོག་མདའ་བཅུ་གསུམ་ཕབ། ནུབ་མོ་རྨི་ལམ་བཟུང་ནས་མ་ཧེས་བརྡུང་སྟངས་བྱེད་སྐྱིན་ཕེཾ་ཕེཾ་གྱི་འབྲུག་སྒྲ་ཆེན་པོ་སྒྲགས་པས། འབར་ར་ནག་པོ་ན་རེ། བླ་མ་ཆེན་པོ་དེ་ལྟར་མི་མཛད་པར་ཞུ། ང་ཡི་འཁོར་ཐམས་ཅད་ཐོག་གིས་བསད། མ་ཧེས་གནས་ཁང་ཐམས་ཅད་བཤིགས། ང་ཁྲག་སྐྱུགས་ནས་འཆི་བར་ཡོད་པས། དཔོན་ཁྱུང་པོའི་རྟ་ཁྱེར་བ་ལ་རྟ་བརྒྱའི་ཡུས་བྱེད་ཟེར་བ་ལ། ཁྱོད་རང་གི་སྲོག་སྔགས་ཕུལ། སེམས་ཅན་ལ་གནོད་འཚེ་མི་བྱེད་པའི་དགེ་བསྙེན་གྱིས་ཤིག །དེ་མིན་ན་དུས་འདིར་བརླག་པར་བྱའོ་བྱས་པས། འབའ་ར་ཆེན་པོས་སྲོག་སྔགས་ཕུལ་དགེ་བསྙེན་བྱས་ནས། རྟ་བརྒྱ་དང་ཕྱུག་མ་བརྒྱའི་ཡུས་བྱས་ཏེ་ཕྲིན་ལས་པར་ཚུད་དོ། །གཉན་ཐང་ལྷའི་གངས་ལ་ངས་ཐོག་མདའ་བརྒྱ་དུས་གཅིག་ལ་ཕབ་པས་གང་ཐམས་ཅད་ཉིལ། མཚོ་རྡོལ་བས་ཁོ་དྲི་ཟའི་རྒྱལ་པོ་ཟུར་ཕུད་ལྔ་པའི་གཟུགས་སུ་བྱས་ནས། ཐང་ལྷས་གདན་དྲངས་ནས་རྒྱུད་སྡེ་ཆེན་པོ་ལྔའི་དཀྱིལ་འཁོར་དུ་དབང་བསྐུར་སྲོག་སྔགས་ཕུལ་ལོ། །ཡར་ལྷ་ཤམས་པོ་དང་། མ་དྲོས་པ་[[Shongshong|ཞོང་ཞོང་]]དུ་བྱུང་ནས་རྣམ་འཇོམས་ཀྱི་དཀྱིལ་འཁོར་དུ་དབང་བསྐུར། སྲོག་སྔགས་ཕུལ་ནས་ལོངས་སྤྱོད་སྒྲུབ་པའི་ཡོན་བདག་ཏུ་ཁས་བླངས་སོ། །ཡང་གཤིན་རྗེ་དགྲ་ནག་གི་དཀྱིལ་འཁོར་དུ་སྤྲུལ་ནས། ཇོ་བོ་བན་ཆེན་དང་། ཀླུ་བསེན་དང་བཅས་པ་ཐམས་ཅད་བཏུལ་ནས་མན་འཆད་མ་གཏོགས་པ། སེམས་ཅན་ལ་གནོད་འཚེ་མི་བྱེད་པར་དམ་བཅས་ནས་ཁོ་རང་གི་སྒྲུབ་ཐབས་དང་མཆོད་ཐབས་ཕུལ་ལོ། །དེ་ཡང་མི་བས་ལྷ་འདྲེ་ཚོ་ལ་བཤད་ན་དེས་ཆེ་བར་འདུག་པས། མི་ལ་གནོད་པར་བྱེད་པའི་འདྲེ་ལ་མི་འདི་ལ་གནོད་པ་མ་བྱེད་པར་རྒྱུག་ཅིག །མི་འགྲོ་ན་ངས་འདུལ་ལོ་བྱས་ནས་འཕྲིན་བཏང་བ་ཙམ་གྱིས་འགྲོ་བ་བྱུང་ངོ་། །ལར་རྨི་ལམ་དུ་རྡོ་རྗེ་འཇིགས་བྱེད་དུ་བྱས་ནས་ལྷ་འདྲེ་འདུལ་བ་འདི་ཀ་སྟོབས་ཆེ་བར་བྱུང་ངོ་། <br /><br />།དེ་ཡང་སྟོན་ཀ་མེ་ཏོག་རྒྱས་པའི་དུས་སུ་ཚོགས་པའི་མཐར་ཐུག་དང་། སློབ་མའི་མཐར་ཐུག་དང་། ཚེའི་མཐར་ཐུག་རྣམས་འཛོམ་པའི་དུས་སུ། སྟོན་ཟླ་འབྲིང་པོའི་ཚེས་བདུན་ལ་རྒྱ་གར་ལྷོ་ཕྱོགས་ཀྱི་བླ་མ་རྣམས་བྱོན་ནས་ཞག་བདུན་དུ་དབང་བཞི་རྫོགས་སུ་བསྐུར། ཡེ་ཤེས་སེམས་དཔའ་དངོས་སུ་བསྟིམས་ནས་[[Khyungpo Neljor|ཁྱུང་པོ་རྣལ་འབྱོར་]]འདི་ན་གདུལ་བྱ་མི་ཆེ་བར་འདུག་པས་རྒྱ་གར་ལྷོ་ཕྱོགས་སུ་གཤེགས་འཚལ། དེ་ན་གདུལ་བྱ་དཔག་ཏུ་མེད་པ་ཡོད་དོ་གསུངས་སོ། །ཡང་ཟླ་བ་དེའི་ཚེས་བཅུ་གསུམ་ལ། རྒྱ་གར་ནུབ་ཕྱོགས་ཀྱི་བླ་མ་དང་། མགོན་པོ་ཚེ་དཔག་མེད་བྱོན་ནས། ཞག་བདུན་དུ་དབང་བསྐུར། ཡེ་ཤེས་སེམས་དཔའ་བསྟིམས་ནས། འདི་ན་གདུལ་བྱ་མི་ཆེ་བར་འདུག་པས་བདེ་བ་ཅན་དུ་གཤེགས། ད་རེས་གཤེགས་ན་ལུས་འདི་མ་སྤངས་པར་འཇའ་ལུས་སུ་སངས་རྒྱ་བར་འགྱུར་རོ་གསུངས་པ་ལ། ངས་ཆོས་རྣམས་ལ་ཕོངས་སེམས་བྱས་ནས་རྫོགས་པར་མ་བྱིན་པས། ད་སློབ་མ་རྣམས་བསགས་ནས་ཆོས་ཐམས་ཅད་རྫོགས་པར་སྟེར་དགོས་པ་ཡོད་བྱས་ནས་ཞུས་པས། སངས་རྒྱས་འོད་དཔག་མེད་དང་བླ་མ་རྣམས་ཀྱི་ཞལ་ནས་ད་རེས་བྱོན་ན་ལུས་འདིར་མ་སྤངས་པར་སངས་རྒྱ་བ་ཡིན་ཏེ། ད་རྣམ་སྨིན་གྱི་ལུས་འདི་བཞག་ནས་བདེ་བ་ཅན་དུ་སངས་རྒྱ་བར་འགྱུར་རོ། །སྐུ་ལུས་འདི་མེ་ལ་མ་སྦྱངས་ན་[[Shongshong|ཞོང་ཞོང་]]འདི་རྡོ་རྗེ་གདན་གཉིས་པར་འགྱུར་རོ། །ཁྱོད་ཀྱི་ཆོས་བརྒྱུད་འདི་རྣམས་ཀྱང་ཆུ་བོའི་རྒྱུན་བཞིན་ཏུ་འགྱུར་རོ། །ལན་གསུམ་གསུང་ནས་མི་སྣང་བར་གྱུར་ཏོ། <br />།དེ་ནས་དབུས་གཙང་ཁམས་གསུམ་གྱི་སློབ་མ་རྣམས་ལ་ཡི་གེ་རྫོང་ཏེ་སྟོན་ཟླ་ར་བ་ལ་གྲྭ་པ་གསར་རྙིང་ཐམས་ཅད་འདུས་ཏེ་ཆོས་ཀྱི་འཁོར་ལོ་ལན་གསུམ་བསྐོར་ནས་ཆོས་ཐམས་ཅད་མ་ལུས་པར་ཚར་བར་བྱས་སོ། <br />།དེ་ནས་བདག་[[Khyungpo Neljor|ཁྱུང་པོ་རྣལ་འབྱོར་]]གྱིས་རྒྱ་གར་ལ་ལན་གསུམ་ཕྱིན་ནས། བླ་མ་ལྔ་བརྒྱ་དང་ལྔ་བཅུ་ལ་གསེར་དང་མོས་གུས་ཀྱིས་མཉེས་པར་བྱས་ནས། དབང་བྱིན་རླབས་དང་བཅས་པ། རྒྱུད་སྒྲུབ་ཐབས་དང་བཅས་པ། གདམས་ངག་ཁྱད་པར་ཞལ་གདམས་དང་བཅས་པ་རྣམས་ཞུས་སོ། །དེ་ལས་ཀྱང་ཁྱད་པར་གྱི་བླ་མ་བཅུ་གསུམ་དང་། རྩ་བའི་བླ་མ་རྣམ་བཞི་དང་། འགྲན་གྱི་དོ་མེད་ཡེ་ཤེས་ཀྱི་ཌཱ་ཀི་མ་ཞལ་རྣམ་པ་གཉིས་ལས་དབང་དང་བྱིན་རླབས་དང་། རྒྱུད་སྒྲུབ་ཐབས་ལས་ཚོགས་ལག་ལེན་དང་བཅས་པ། གདམས་ངག་ཆིག་བརྒྱུད་བཀའ་རྒྱ་དང་བཅས་པ་ཞུས་ནས་སློབ་མ་རྣམས་ཚིམས་པར་བྱས་པ་ཡིན་ནོ། །དེ་ལ་སྤྱིར་ང་ཡི་གདམས་ངག་འདི་གཞན་ལས་ཁྱད་པར་དུ་འཕགས་པས་མགོ་བྱིན་ན་མགོས་ཕན་ཐོགས། བར་བྱིན་ན་བར་གྱིས་ཕན་ཐོགས། གཤམ་བྱིན་ན་གཤམ་གྱིས་ཕན་ཐོགས་པ་ཡིན་ཀྱང་། ལྷག་མ་མ་བཞག་པར་རྫོགས་པར་བྱིན་པ་ཡིན་པས། ཐེ་ཚོམ་དང་ཡིད་གཉིས་མ་བྱེད་པར་བརྩོན་འགྲུས་དྲག་པོས་ཉམས་སུ་ལོངས་ཤིག །དབང་པོ་རབ་རྣམ་སྨིན། འབྲིང་བག་ཆགས། ཐ་མ་ཡང་བར་དོ་སངས་མི་རྒྱ་བ་མི་སྲིད་པ་ཡིན་ནོ། །བདག་གི་བཀའ་བབས་དང་གདམས་ངག་གི་གནད་འདི་ལྟ་བུ་རྒྱ་བོད་གང་ན་ཡང་མེད་པར་ཐག་ཆོད་པ་ཡིན་ནོ། །དེ་ལ་བླ་མ་ཡི་དམ་གྱི་ལུང་བསྟན་པའི་གནས་[[Shongshong|ཞོང་ཞོང་]]གི་གཙུག་ལག་ཁང་འདིར། གྲྭ་པ་དབུས་གཙང་ཁམས་གསུམ་གྱི་ས་གཞི་ལ། དྲི་མེད་ཤེས་རབ་ཀྱི་སྡོང་པོ་འཇམ་དཔལ་དང་། འཇིགས་བྱེད་ལ་མངའ་བརྙེས་པའི་[[Méu Tönpa|རྨེའུ་སྟོན་པ་]]སྐྱེ། ཕན་སེམས་ཀྱི་ཡལ་ག་བྱམས་པ་ལ་ཆོས་གསན་པའི་བྱང་ཆུབ་སེམས་དཔའི་[[Yorpo Gyamoché|གཡོར་པོ་རྒྱ་མོ་ཆེ]]། ཚད་མེད་སྙིང་རྗེ་ཆེན་པོའི་ཡལ་འདབ་སྤྱན་རས་གཟིགས་དང་དབྱེར་མེད་པའི་[[Ngültön Rinwang|དངུལ་སྟོན་རིན་དབང་]]། བྱམས་པ་ཕྱོགས་མེད་ཤར་བའི་བདེ་མཆོག་དང་། མགོན་པོའི་བདག་ཉིད་ལ་[[Könchok Khar|སྟོད་པ་དཀོན་མཆོག་མཁར]]། ལྷ་སྐུ་འོད་གསལ་དབྱེར་མེད་ཀྱི་སྙིང་པོ་མངོན་དུ་གྱུར་ཅིང་། ཌཱ་ཀི་དངོས་སུ་འདུ་བའི་[[Shangom Chöseng|རྟོགས་ལྡན་ཞང་སྒོམ་ཆོས་སེང་]]ངོ་། །སྒྱུ་ལུས་རྨི་ལམ་གྱི་འབྲས་བུ་སྨིན་པ་[[Mokchokpa Rinchen Tsöndrü|རིན་ཆེན་བརྩོན་འགྲུས]]། དེ་ལྟར་སྔ་བུ་ལྔ། ཕྱི་བུ་གཅིག་དང་དྲུག་པོ་འདི་བླ་མ་དང་ལྷ་ཚོགས་རྣམས་ཀྱི་ལུང་བསྟན་ཐོབ་པ། ཡི་དམ་དཔག་ཏུ་མེད་པ་ལ་ཆོས་ཞུས་པ། ཆོས་ཉིད་ཀྱི་དོན་ཇི་ལྟ་བ་བཞིན་ཐུགས་སུ་ཆུད་པ་ཡིན་པས། མཆེད་གྲོགས་དང་སློབ་མ་ཐམས་ཅད་ཀྱིས་ཕྲག་དོག་དང་ལོག་ལྟ་མ་བྱེད་པར་ང་དང་དབྱེར་མེད་དུ་བལྟ་བར་བྱའོ། <br />།དེ་ནས་འཚོགས་པའི་མཐར་ཐུག་ཁྲི་ཕྲག་བཅོ་བརྒྱད་པོ་ལ་ནི་ལོ་དུ་མར་ཆོས་མང་པོ་བསྟན། སློབ་མའི་མཐར་ཐུག་དྲུག་པོའི་ཆོས་ནི་མ་ལུས་པར་ཚར། ཚེའི་མཐར་ཐུག་བརྒྱ་དང་ལྔ་བཅུ་ལ་ཐུག །རྒྱ་གར་གྱི་བླ་མ་རྡོ་རྗེ་མཆེད་གསུམ་ལ་སོགས་པ་དང་། ཕྱི་རོལ་པའི་སློབ་དཔོན་འཇིགས་བྱེད་རྡོ་རྗེ་ལ་སོགས་པ་ལ་ཞུས་པའི་ངན་སྔགས་མང་པོ་ཡོད་པ་རྣམས་རྒྱལ་ཁམས་སུ་མཆེད་ན་འཇིག་རྟེན་པ་རྣམས་ཕུང་གིས་དོག་ནས་ཕལ་ཆེར་རྫ་ལ་སྦས་ཏེ། <br /><br />ཚོགས་མཆོད་བརྒྱ་རྩ་དང་སྤོང་ཐག་བྱས་པའི་ཚེས་བརྒྱད་ཀྱི་སྔ་དྲོ་རྒྱལ་པོ་ཆེན་པོ་བཞི་དང་། ཀླུ་མ་དྲོས་པ་དང་། དྲི་ཟའི་རྒྱལ་པོ་ཟུར་ཕུད་ལྔ་པ་ལ་སོགས་པའི་མི་མ་ཡིན་མང་པོ་འདུས་སོ། །གསེར་དངུལ་ལ་སོགས་པའི་ལོངས་སྤྱོད་མང་པོ་ཕུལ་ནས། མྱ་ངན་འདའ་བར་མ་དགོངས་པར། །དུས་ངན་སྙིགས་མའི་སེམས་ཅན་རྣམས། །ཡང་དག་ལམ་ལ་གཞུག་ཏུ་གསོལ། །ཇི་སྲིད་བཞུགས་ཀྱི་བར་དུ་ཡང་། །ཅི་གསུངས་ལོངས་སྤྱོད་ངེད་ཀྱིས་བསྒྲུབ། །ཟེར་བ་ལ་བདག་གིས་འདི་སྐད་སྨྲས་ཏེ། <br /><br />བླ་མ་ཡི་དམ་ལུང་བསྟན་པའི། །མཐར་ཐུག་གསུམ་གྱི་དུས་ལ་བབ། །ད་ནི་ཞིང་ཁམས་མཐར་ཐུག་པའི། །བདེ་བ་ཅན་གྱི་ཞིང་དུ་འགྲོ། །དག་པའི་ལོངས་སྤྱོད་དཔག་ཏུ་མེད། །འཇིག་རྟེན་གསེར་དངུལ་དགོས་པ་མེད། །ཁྱོད་རྣམས་ང་ལ་དད་གྱུར་ན། །བདེ་བ་ཅན་དུ་གསོལ་བ་ཐོབ། །ཞིང་དེར་སྐྱེ་བར་ཐེ་ཚོམ་མེད། །རྡུལ་གཅིག་སྟེང་ན་རྡུལ་སྙེད་ཞིང་། །བསམ་གྱིས་མི་ཁྱབ་རྫོགས་པར་སྣང་། །ཞིང་དག་སྟོན་པ་འཁོར་དང་ཆོས། །དཔག་ཏུ་མེད་པ་འོད་དཔག་ཞིང་། །རྣམ་པར་དག་པ་བདེ་བ་ཅན། །དེ་ཕྱིར་ཐེ་ཚོམ་མ་བྱེད་པར། །ཞིང་དེར་སྐྱེ་བའི་སྨོན་ལམ་ཐོབ། <br />།ཅེས་པ་ལ་སོགས་པའི་ཆོས་བཤད་ནས། ང་ནི་ངེས་པར་བདེ་བ་ཅན་དུ་འགྲོ་བར་འགྱུར་རོ་གསུང་། <br />དེར་ཚོགས་པའི་ལྷ་དང་ཌཱ་ཀི་དང་ལྷ་འདྲེ་ཐམས་ཅད་གདུང་བས་སྨྲེ་སྔགས་འདོན་ཅིང་། མེ་ཏོག་གི་ཆར་ཕབ་ནས་མི་སྣང་བར་གྱུར་ཏོ། <br />།དེ་ནས་ཚེས་བཅུ་བཞི་ལ་འཚོགས་སུ་བྱོན་ནས་དེ་རིང་ང་ཡི་ཆོས་བཤད་པའི་ཐ་མ་ཡིན་པས། ཆོས་ཀྱི་སྐབས་གོང་དུ་མ་བདེ་བ་དང་འདྲི་རྒྱུ་ཡོད་པས་དྲིས་ཤིག །ད་རེས་ནི་ཐེ་ཚོམ་གཅོད་པའི་དུས་ལ་བབ་བོ་གསུངས་སོ། །ཐམས་ཅད་ཀྱི་ཆོ་ངེས་ཆེན་པོ་བཏབ་བོ། །བླ་མ་ནམ་མཁའ་ལ་སྐུ་ལུས་ཀྱི་བཀོད་པ་མང་པོ་བསྟན་ཅིང་། <br /><br />ཀྱཻ་མ་འདུས་བྱས་མི་རྟག་ཏེ། །ནམ་མཁའ་སྤྲིན་བཞིན་འདུས་ཤིང་གྱེས། །བདེན་མེད་སྒྱུ་མའི་ཆོས་རྣམས་ལ། །བདེན་པར་བཟུང་བས་བསླུས་པ་ཡིན། །ང་ཡི་ལུས་ནི་རྒྱལ་བའི་སྐུ། །སྐྱེ་འཆི་ཅན་དུ་མ་བལྟ་ཞིག །ང་ཡི་ངག་ནི་རྒྱལ་བའི་གསུང་། །བརྗོད་བྲལ་སྐྱེ་མེད་རང་སྒྲ་སྒྲོགས། །ང་ཡི་སེམས་ནི་རྒྱལ་བའི་ཐུགས། །རྟོག་བྲལ་མཁྱེན་པའི་ཡེ་ཤེས་ལྡན། <br />།ཞེས་གསུངས་པ་དང་། ནམ་མཁའ་ཐམས་ཅད་འཇའ་དང་རོལ་མོའི་སྒྲས་གང་ཞིང་། མེ་ཏོག་གི་ཆར་ཆེན་པོ་འབབ་པར་གྱུར་ཏོ། <br /><br />།དེ་ནས་ཚོགས་ཀྱི་དཀྱིལ་འཁོར་ནས་ཡར་བྱོན་ཏེ་གཟིམ་ཁང་དུ་གདན་དུ་བཞུགས་ནས། [[Mokchokpa Rinchen Tsöndrü|རིན་ཆེན་བརྩོན་འགྲུས་]]མེ་ཏོག་བཏུས་ནས་ཤོག །དབུ་ཆེ་རྣམས་ཀྱང་ཁད་ཀྱིས་བོས་ཤིག་གསུངས་སོ། <br />།དེ་ནས་མེ་ཏོག་དམར་པོ་མང་པོ་བསྒྲུབས་ནས་བླ་མ་ལ་ཕུལ་བས་བླ་མའི་ཞལ་ནས་[[Niguma|ཌཱ་ཀི་མ་ནི་གུ་མ]]འི་ཐུགས་དམ་རྗེ་བཙུན་མ་འདི་དང་། [[Dorjé Denpa|བླ་མ་རྡོ་རྗེ་གདན་པ]]འི་རྟེན་གཙོ་འདི་དང་། གཤིན་རྗེ་གཤེད་དང་། དགྱེས་རྡོར་གྱི་རྡོ་སྐུ་འདི་དང་། [[Atayavajra|བླ་མ་ཨ་ཏ་ཡ་བཛྲ་]]གྱི་ཐུགས་དམ་འདི་དང་། རྡོ་རྗེ་དྲིལ་བུ་ལ་སོགས་པའི་རྟེན་འདི་རྣམས་ལ་ཕུལ་གཅིག་གསུངས་ནས། རྟེན་དེ་རྣམས་ནམ་མཁའ་ལ་བཞུགས་པ་ལ་བླ་མས་ཕྱག་མཛད། ཡང་མཆོད་པ་ཕུལ་གཅིག་གསུང་ནས། [[Niguma|ཌཱ་ཀི་ནི་གུ་མ་]]དང་། [[Sukhasiddhi|སུ་ཁ་མ་སིདྡྷི་]]ལ་སོགས་པའི་བླ་མ་རྣམས་དང་སངས་རྒྱས་ཚེ་དཔག་མེད་ལ་སོགས་པའི་ཡི་དམ་རྣམས་བྱོན་ནས། ཡང་གསོལ་བ་ཐོབ་གཅིག་གསུངས་སོ། །ཡང་བླ་མའི་ཞལ་ནས། [[Mokchokpa Rinchen Tsöndrü|རིན་ཆེན་བརྩོན་འགྲུས་]]སྒྱུ་ལུས་རྨི་ལམ་ལ་སོགས་པའི་ཆོས་འདི་རྣམས་ཉམས་སུ་ལེན་ཙ་ན། རྨི་ལམ་མི་འཚམས་པ་དང་། ཌཱ་ཀིའི་གཟུགས་སྣ་ཚོགས་སུ་བསྒྱུར་ནས་ལྟས་དང་ཆོ་འཕྲུལ་སྣ་ཚོགས་སུ་སྟོན་དུ་འོང་བས་དེ་ལ་སྐྲག་ཙམ་མི་དགོས། ལར་དུས་དང་རྣམ་པ་ཐམས་ཅད་དུ་ང་རང་གིས་བྱིན་གྱིས་བརླབས་པ་ཡིན་གསུངས་སོ། <br />།དེ་ནས་དབུ་ཆེ་འདུས་པ་དང་། དགྱེས་རྡོར་བ་རྣམས་ལ་དགྱེས་རྡོར་དུ་སྒོམས་ཤིག་གསུང་ནས། བླ་མ་དགྱེས་རྡོར་མཚོན་ཆ་ཅན་དང་། སྤྲུལ་པའི་ལྷ་དགུར་བཞུགས་ཤིང་ཆོས་གསུངས། དེ་བཞིན་དུ་བདེ་མཆོག་དང་། གསང་འདུས་དང་། མ་ཧཱ་མ་ཡ་དང་། འཇིགས་བྱེད་དང་། ཐུགས་རྗེ་ཆེན་པོ་དང་། སྒྲོལ་མ་དང་། མི་གཡོ་བ་ལ་སོགས་པར་བཞུགས་ནས་ཆོས་གསུངས། བྱིན་གྱིས་རླབས་པའི་ལྷ་བཞི་དབུའི་སྟེང་དུ་བཀོད་ནས་འདི་བཞིན་ཉམས་སུ་ལོངས་ཤིག་གསུངས་སོ། <br />།དེ་ནས་བླ་མའི་ཞལ་ནས་ང་རྒྱ་གར་གྱི་བླ་མ་རྣམས་ཀྱིས་དབང་བཞི་རྫོགས་སུ་བསྐུར་བའི་དུས་སུ། ཡེ་ཤེས་སེམས་དཔའ་དངོས་སུ་བསྟིམ་པ་ཡིན་པས། ཡེ་ཤེས་སེམས་དཔའ་མ་གཤེགས་པར་སྤུར་སྦྱངས་དུ་མི་གཏུབ་སྟེ། ད་ལྟ་ང་བས་ལྷག་པའང་ནམ་ཡང་མེད་དེ། ང་དང་མཉམ་པ་ཡང་མེད་པས། ངའི་སྤུར་མ་སྦྱངས་བར་རིན་ཆེན་གསེར་དངུལ་དང་། ཟངས་ལྕགས་ཀྱི་གའུ་གྱིས་ལ། དེར་ང་ཡི་སྤུར་བཞུགས་ལ་མཆོད་པ་ཕུལ། དེ་ལྟར་བྱས་ན་[[Shongshong|ཞོང་ཞོང་]]གི་གནས་འདི་རྡོ་རྗེ་གདན་གཉིས་པ་ལྟ་བུ་ལ། ངའི་ཆོས་བརྒྱུད་འདི་ཆུ་བོའི་རྒྱུན་བཞིན་དུ་འོང་བར་འདུག་སྟེ། ཁྱེད་རྣམས་ཀྱིས་གྲོས་ཉེས་ཤིག་བྱེད་དམ་གསུངས། ད་འདི་ནས་བླ་མ་ཞིང་ཁམས་གང་དུ་གཤེགས། གསོལ་བ་གང་དུ་བཏབ་ཞུས་པས། ང་འདི་ནས་བདེ་བ་ཅན་དུ་སངས་རྒྱ་བས་དེར་གསོལ་བ་ཐོབ། ཐེ་ཚོམ་དང་ཡིད་གཉིས་མ་བྱེད་ཨང་ལན་གསུམ་གསུངས་སོ། <br />།དེ་ནས་འཕོ་བ་ཡེ་ཤེས་སྐར་ཁུང་མ་སྒོམ་པ་རྣམས་འདི་བཞིན་ཉམས་སུ་ལོངས་ཤིག་གསུངས་པ་ལ། དབུ་ཐོད་ལག་མཐིལ་ཙམ་ཞིག་ནམ་མཁའ་ལ་འཕར་ཏེ། སྒྲ་དང་འོད་དང་འཇའ་ཚོན་དུ་གྱུར་ནས་ནམ་མཁའ་ལ་གཤེགས་སོ། <br /><br />།དེ་ནས་ཟངས་དང་གསེར་དངུལ་གྱི་གའུ་བརྡུང་ནས་དེར་སྤུར་བཞུགས་པར་བྱས་ཙམ་ན། ཁམས་པའི་གྲྭ་པ་མང་ལ་དབང་ཆེ་བས། ཁོང་རྣམས་ན་རེ། བླ་མའི་སྤུར་མི་སྦྱོངས་ན། དབུ་ཁམས་སུ་ཁྱེར་ནས་དངུལ་གྱི་གདུང་ཁང་བྱས་ནས་དེར་བཞུགས་པ་ཡིན་ཟེར་ནས། སྤུར་སྦྱངས་པས་རྒྱུད་སྡེ་ལྔའི་ལྷ་ཚོགས་དང་། ལྷ་བཞི་ལ་སོགས་པའི་སྐུ་གཟུགས། རིང་བསྲེལ་དང་། དུང་གཡས་འཁྱིལ་ལ་སོགས་པའི་རྟེན་མང་པོ་བྱོན་ནོ། །འཇའ་ཚོན་དང་མེ་ཏོག་གི་ཆར་ཆེན་པོ་ནམ་མཁའ་ཁེངས་པ་ཞག་ཉི་ཤུ་རྩ་གཅིག་གི་བར་དུ་བྱུང་ངོ་། །དེའི་རྗེས་ལ་སྐུ་འབུམ་བཞེངས་པས་མེ་ཏོག་གི་ཆར་རྒྱུན་དུ་བབས་པ་དང་། མཁའ་འགྲོ་མ་དང་ལྷ་ཀླུས་མཆོད་པ་ཕུལ་ནས། འབུམ་པའི་ཕྱོགས་བཞི་ནས་མར་མེ་བཏང་བ་ལྟ་བུའི་འོད་རྒྱུན་དུ་བྱུང་སྟེ། ལྷ་མི་ཐམས་ཅད་ཀྱིས་མཆོད་པའི་རྟེན་དུ་གྱུར་ཏོ། །དེ་ལ་[[Shangom Chöseng|རྟོགས་ལྡན་ཞང་སྒོམ་ཆོས་སེང་]]དང་། [[Méu Tönpa|བླ་མ་རྨེའུ་སྟོན་པ་]]དང་། [[Mokchokpa Rinchen Tsöndrü|བླ་མ་རྨོག་ལྕོག་པ་]]དང་། ཉེ་གནས་[[Rinchen Dorjé|རིན་ཆེན་རྡོ་རྗེ་]]དང་བཞི་ལ་རྣམ་ཐར་གསུངས་པ་རྣམས་ཕྱོགས་གཅིག་ཏུ་བསྡེབས་ནས་ཡི་གེར་བཀོད་པའོ། <br />།བླ་མའི་རྣམ་ཐར་རྒྱ་མཚོ་ལས། །ཆུ་ཐིག་ཙམ་ཞིག་བཀོད་པ་ལས། །དགེ་བ་འདི་ཡིས་སེམས་ཅན་རྣམས། །བླ་མེད་བྱང་ཆུབ་ཐོབ་པར་ཤོག <br />།[[Khyungpo Neljor|གྲུབ་ཐོབ་ཆེན་པོ་ཁྱུང་པོ་རྣལ་འབྱོར་]]གྱི་རྣམ་ཐར་ཟུར་ཙམ་ཡི་གེར་བཀོད་པའོ། །མངྒ་ལཾ། དགེའོ།། །།</span> | <span class="main_text">༄༅། །བླ་མ་ཁྱུང་པོ་རྣལ་འབྱོར་གྱི་རྣམ་ཐར་ཟུར་ཙམ་བཞུགས་སོ།།<br /><br />ཙཀྲ་སཾ་བྷ་ར། མ་ཧཱ་མ་ཡ། ཧེ་བཛྲ། གུ་ཧྱ་ས་མཱ་ཛ། བཛྲ་བྷཻ་ར་ཝ། ཌཱ་ཀི་ནཱི། མ་ཧཱ་ཀཱ་ལ། <br />བླ་མ་ཡི་དམ་མཁའ་འགྲོ་ཆོས་སྐྱོང་ལ། །ཁྱུང་པོ་རྣལ་འབྱོར་བདག་གིས་གུས་བཏུད་ནས། །ཕྱི་རབས་བརྒྱུད་འཛིན་རྣམས་ལ་ཕན་པའི་ཕྱིར། །རྣམ་ཐར་ཟུར་ཙམ་བཤད་ཀྱི་གུས་པས་ཉོན། <br />།བན་ཆུང་བདག་གི་སྐྱེ་ས་གངས་དཀར་མདའ། །[[Nyemo Ramang|གཉེ་མོ་ར་མང་]]རྗེ་རིགས་ཁྱུང་པོ་ཡིན། །ཕ་རུ་སྨོས་པ་[[ཁྱུང་རྒྱལ་སྟག་སྐྱེས་]]དང་། །མ་རུ་སྨོས་པ་[[མགོ་གཟའ་བཀྲ་ཤིས་སྐྱིད]]། །དེ་ཡི་རུམ་དུ་བདག་ཉིད་ཞུགས་པའི་ཚེ། །ཕ་མ་ཡུལ་མི་བདེ་སྐྱིད་ལྡན་པར་གྱུར། །སྟག་གི་ལོ་ལ་མ་ཡི་རུམ་ནས་བཙས། །དེ་ཚེ་རྒྱ་གར་གྲུབ་ཐོབ་[[ཨ་མོ་གྷ]]ས། <br />།འདི་ནི་སྤྲུལ་པའི་སྐུ་སྟེ་རྒྱ་གར་བགྲོད། །པཎྜི་ཏ་དང་གྲུབ་ཐོབ་ཐམས་ཅད་ཀྱི། །ཐུགས་བཅུད་བསྡུས་ནས་འགྲོ་རྣམས་སྨིན་གྲོལ་བྱེད། །སྣ་ཚོགས་སྤྲུལ་པས་གདུལ་བྱ་འདུལ་བར་འགྱུར། །ཐེག་ཆེན་སྙིང་པོ་མཐའ་བྲལ་ཆོས་སྒྲ་སྒྲོགས། །མཐར་ཐུག་གསང་སྔགས་བདེ་སྟོང་དབྱེར་མེད་ཀྱི། །སེངྒེའི་ང་རོ་ཕྱོགས་བཅུར་སྒྲོགས་པར་འགྱུར། །དེ་ཡི་ལུས་ནི་བདེ་མཆོག་འཁོར་ལོ་སྟེ། །གསུང་ནི་མ་ཧཱ་མ་ཡའི་བདག་ཉིད་འགྱུར། །ཐུགས་ནི་དཔལ་ལྡན་དགྱེས་པ་རྡོ་རྗེ་སྟེ། །སྤྲུལ་པའི་གནས་མཆོག་གསང་བ་འདུས་པ་ལ། །གསང་གནས་བདེ་སྐྱོང་གཤིན་རྗེའི་གཤེད་དུ་འགྱུར། །དཀྱིལ་འཁོར་དེ་རྣམས་ལུས་ལ་བཀོད་ནས་ཀྱང་། །གདུལ་བྱ་རྣམས་ལ་དངོས་སུ་སྟོན་པར་བྱེད། །གཞན་ཡང་ཡི་དམ་སྣ་ཚོགས་གཟུགས་བསྒྱུར་ནས། །གདུལ་དཀའི་སྐྱེ་བོ་དཔག་མེད་འདུལ་བར་བྱེད། །ལོ་ནི་བརྒྱ་དང་ལྔ་བཅུ་འཚོ་བར་འགྱུར། །དེ་ཡི་མཐར་ནི་མཛད་པ་བརྟུལ་བའི་ཚེ། །ལྟས་དང་རྫུ་འཕྲུལ་སྣ་ཚོགས་སྟོན་པར་འགྱུར། །དེ་ནས་ཞིང་ཁམས་རྣམ་དག་བདེ་བ་ཅན། །རྒྱལ་བ་ཀུན་བསྔགས་ཞིང་དེར་སངས་རྒྱས་ནས། །ཐེག་ཆེན་ཆོས་ཀྱི་འཁོར་ལོ་བསྐོར་བར་འགྱུར། །ཕྱི་རབས་དད་ལྡན་གདུལ་བྱ་ཐམས་ཅད་ཀུན། །རྒྱལ་བའི་ཞིང་དེར་བགྲོད་པར་ཐེ་ཚོམ་མེད། <br />།དེ་སྐད་གསུངས་ནས་བླ་མ་གྲུབ་ཐོབ་དེ། །མཁའ་ལ་བྱ་བཞིན་རྒྱ་གར་ཡུལ་དུ་གཤེགས། །ལོ་ལྔ་ལོན་ནས་ཕ་མས་ལུང་བསྟན་བཤད། །ལོ་བཅུ་ལོན་ནས་ཡིག་རྩིས་མཁས་པར་ཤེས། །བཅུ་གཉིས་ལོན་ཚེ་ཕ་མེས་བག་ཆགས་ཀྱིས། །སེམས་ཕྱོགས་བོན་བསླབ་རྫོགས་ཆེན་ཕྱག་ཆེན་བསླབ། །དེ་ནས་རིན་ཆེན་གསེར་ཕྱེ་ཕོངས་མེད་ཁྱེར། །གཅེས་པའི་སྲོག་ལ་མ་བལྟས་བཀའ་སྤྱད་ནས། །རྒྱ་དང་བལ་པོའི་ཡུལ་དུ་ལན་བདུན་ཕྱིན། །རྒྱ་གར་མཁས་པ་བརྒྱ་དང་ལྔ་བཅུ་བསྟེན། །ཁྱད་པར་མཁས་ཞིང་གྲུབ་ཐོབ་ལྔ་བཅུ་དང་། །རྩ་བའི་བླ་མ་ཁྱད་འཕགས་རྣམ་བཞི་བསྟེན། །ལོངས་སྐུ་དྲུག་པ་རྡོ་རྗེ་འཆང་ཆེན་ལ། །དངོས་སུ་ཆོས་གསན་ཡེ་ཤེས་མཁའ་འགྲོ་གཉིས། །མཉེས་པར་བྱས་ནས་མཐར་ཐུག་གདམས་ངག་ཞུས། །སྒྲོ་འདོག་ཆོད་ནས་རྩེ་གཅིག་བསྒྲུབ་པ་ཡིས། །མཆོག་དང་ཐུན་མོང་དངོས་གྲུབ་རྣམ་གཉིས་ཐོབ། །རྣམ་ཐར་མདོར་བསྟན་ཡིན་གྱིས་གུས་པས་ཉོན། <br /><br />།དེ་ལ་བདག་གི་སྐྱེས་[[Nyemo Ramang|གཉེ་མོ་ར་མང་]]། རུས་ཁྱུང་པོ། ཕ་[[སྟག་སྐྱེས]]། མ་[[བཀྲ་ཤིས་སྐྱིད་]]དོ། །དང་པོ་བདག་སྐྱེས་མ་ཐག་ཏུ་གྲུབ་ཐོབ་[[ཨ་མོ་གྷ་]]བྱོན་ནས་དབང་བསྐུར། བློ་འཕེལ་གྱི་ཆོ་ག་མཛད་ནས། གོང་བཞིན་ལུང་བསྟན་ནས་རྒྱ་གར་དུ་གཤེགས་སོ། <br />།དེ་ནས་ལོ་ལྔ་ལོན་པ་དང་། ཕ་མས་ལུང་བསྟན་བཤད། ལོ་བཅུ་ལོན་པ་དང་། ཀློག་དང་ཡི་གེ་བསླབ། རྒྱ་རྩིས་དང་དུས་འཁོར་མཁས་པར་ཤེས། <br />དང་པོ་ནས་ཕ་མེས་ཐམས་ཅད་བོན་པོའི་དགེ་བཤེས་ཡིན་པས་དེའི་ཞེན་པའམ། བག་ཆགས་ཀྱིས་ལོ་ངོ་བཅུ་གསུམ་ལ་[[སློབ་དཔོན་གཡུང་དྲུང་རྒྱལ་]]ལ། བོན་ཕྱི་ནང་ཐམས་ཅད་བསླབ་པས་མཁས་པར་ཤེས། <br />ཀ་པཱ་ལི་འགྲེམས་པའི་ཚོགས་པ་བདུན་བརྒྱ་ཙམ་བྱུང་ནས་སྒྲུབ་ཐབས་དང་། བསྟན་བཅོས་དང་། དཀའ་འགྲེལ་མང་པོ་བརྩམ་སྟེ་དབུས་གཙང་ཁམས་གསུམ་དུ་བོན་གྱི་བསྟན་པ་དར་བར་བྱས་པས། བོན་ལ་མཁས་ཤིང་གྲུབ་ཐོབ་ཏུ་གྱུར། སློབ་མ་ཡང་མཁས་པ་མང་དུ་ཐོན། ཁྱད་པར་དུ་ཡང་[[རོང་པོ་དགེ་བ་རྒྱལ་]]གྱིས་ཁམས་སུ་བོན་དར་བར་བྱས་ཏེ་རྟ་དང་། དངུལ་བྲེ་ལ་སོགས་པ་བརྒྱ་ཕྲག་བཅུ་གསུམ་ཕུལ་ཏེ་བོན་གྱི་ཟབ་དོན་ཐམས་ཅད་དབང་པོ་རབ་འབྲིང་ཐ་གསུམ་དུ་དྲིལ་བ་གཅིག་ཞུ་ཟེར་ནས། དབང་པོ་རབ་འབྲིང་ཐ་གསུམ་དང་། གནད་བདུན་གྱི་མགུར་བླངས་པས་[[རོང་པོ]]ས་སྣ་དྲངས་པའི་སློབ་མ་ལྔ་བཅུ་རྩ་ལྔས་ལྟ་སྒོམ་གྱི་དོན་ཁོང་དུ་ཆུད། <br />ལྷ་ཚོགས་མང་པོའི་ཞལ་མངོན་སུམ་དུ་མཐོང་ནས་ནུས་པ་ཕྱོགས་མེད་དུ་ཐོན་པས་བདག་རྩོད་མེད་དུ་གྱུར་ཀྱང་། བདག་ལ་ཐེ་ཚོམ་ཅུང་ཞིག་སྐྱེས་ཏེ། བོན་འདི་རྒྱ་གར་གྱི་པཎྜི་ཏ་དང་། ལོ་ཙཱ་བ་རྩོད་མེད་ཐམས་ཅད་ཀྱིས་བསྒྱུར་བ་ཡང་མི་འདུག །མི་ཐམས་ཅད་ཀྱིས་ཁྱོད་ཆོས་པར་མི་འདུག །བོན་པོར་འདུག་ཟེར་བས། ད་[[གྲུབ་ཐོབ་ཨ་མོ་གྷ]]ས་ལུང་བསྟན་པ་བཞིན་རྒྱ་གར་དུ་འགྲོ་དགོས་སྙམ་ནས། གསེར་སྲང་མང་པོ་གྲབ་བྱས་པས་ཕ་མ་གཉིས་ན་རེ། ངེད་གཉིས་རྒས་པས་མ་ཤི་བར་དུ་རྒྱ་གར་ལ་མ་འགྲོ་ཟེར་ནས་མ་བཏང་བས། བོན་གྱི་གྲྭ་བ་རྣམས་བུ་ཆེན་མཁས་པ་ལ་གཏད་ནས་ཉན་བཤད་དང་སྒྲུབ་པ་ལ་བཙུད་དོ། <br />།དེ་ནས་[[Jungné Sengé|བླ་མ་འབྱུང་གནས་སེངྒེ་]]ལ། རྟ་དང་། དར་ཟབ་དང་། གསེར་མང་པོ་ཕུལ་ནས་རྫོགས་ཆེན་ཀློང་སྡེ། སེམས་སྡེ། མན་ངག་གི་སྡེ་རྣམས་བསླབ། ཁྱད་པར་དུ་སེམས་སྨད་བཅོ་བརྒྱད་ལ་གྲྭ་པ་སུམ་བརྒྱ་ཙམ་བྱུང་ནས་མཁས་པར་གྲགས་སོ། <br />།དེ་ལྟར་ཕྱོགས་བཞིའི་གྲྭ་པ་འདུ་བདོ་པའི་དུས་སུ་བདག་གིས་བསམ་པར། རྫོགས་ཆེན་འདི་ལྟ་བ་དག་མཐོ་བར་འདུག་སྟེ། སྤྱོད་པ་ཐེས་རྡུག་པ་གཅིག་ལས་མི་འདུག་པས། ད་ལྟ་སྒོམ་སྤྱོད་གསུམ་འཛོམ་པའི་ཆོས་གཅིག་བཙལ་དགོས་སྙམ་ནས་གྲྭ་པ་རྣམས་བཞག་ནས་[[སྟོད་ལུང་]]ལ་ཡོང་། ལྷ་སར་བསྐོར། [[Shomara|ཤོ་མ་ར]]ར་[[Kor Nirupa|སྐོར་ནི་རུ་པ]]འི་སྤྱན་སྔར་ཕྱིན་ནས། [http://hridayartha.blogspot.com/2015/12/le-rab-tu-mi-gnas-pai-rgyud-un-tantra.html ཕྱག་རྒྱ་ཆེན་པོའི་རྩ་རྒྱུད་རབ་ཏུ་མི་གནས་པ།] བཤད་རྒྱུད་བསམ་གྱིས་མི་ཁྱབ་པ། གསང་པ་གཉིས་སུ་མེད་པ། རྙོགས་པ་མེད་པ། མཚན་བརྗོད་དང་། དོ་ཧ་རྣམས་ཞུས། དགྲ་ནག་གི་རྒྱུད་སྒྲུབ་ཐབས་དང་བཅས་པ། འཇིགས་བྱེད་ཀྱི་རྒྱུད་སྒྲུབ་ཐབས་དང་བཅས་པ། ནི་རུ་པའི་སྐོར་གྱི་ཆོས་རྣམས་མ་ལུས་པ་ཞུས་སོ། <br />།འབུལ་བ་དང་། ནན་ཆགས་དང་། ཉམས་ལེན་གྱིས་བླ་མ་ཤིན་ཏུ་མཉེས་ནས། བླ་མའི་ཞལ་ནས་ད་ལྟ་ང་ལ་ཉུངས་ཞོ་གཅིག་དང་མཉམ་པའི་གྲྭ་བ་ཡོད་ཀྱང་། ངའི་ཆོས་རྣམས་མ་ལུས་པར་ཤེས་པ་ཁྱུང་པོ་རྣལ་འབྱོར་ཁྱོད་ལས་མེད་དོ་ཡང་ཡང་གསུངས་སོ། །དེ་ལྟར་ཆོས་རྣམས་མཁས་པར་བསླབ་ནས་ཆོས་ལ་མོས་པ་རང་བྱུང་ཡང་། ཐུན་མོང་གི་དངོས་གྲུབ་ཀྱི་ལྟས་གཅིག་ལ་ཅུང་མ་མོས་ནས། ད་ལྟ་བོད་ན་གྲུབ་ཐོབ་འདི་ལས་ཆེ་བ་མི་འདུག །བླ་མ་འདིས་ཀྱང་མཆོག་ཐུན་མོང་གི་དངོས་གྲུབ་ཅི་ཙམ་ཐོབ་མི་ཤེས་པར་འདུག་པས། ད་ཅི་ནས་ཀྱང་རྒྱ་གར་དུ་འགྲོ་དགོས་སྙམ་ནས་ཡུལ་དུ་ཕྱིན་ཏེ། སྲུ་མོ་གཟའ་མི་གཉིས་ལ་བུ་མེད་པར་ལོངས་སྤྱོད་ཆེན་པོ་ཡོད་ནས། གསེར་གཡུ་སྐྱིས་པས་རྒས་པོ་ན་རེ། ཁྱོད་མི་ངན་ཡིན། དང་པོ་བོན་དང་རྫོགས་ཆེན་གྱི་གྲྭ་པ་ཞབས་ཏོག་ཅན་དེ་རྣམས་བསྐྱུར་ནས། ད་འཁོར་དང་ལོངས་སྤྱོད་གཉིས་ཀ་མེད་པ་ཞིག་བྱུང་འདུག་ཅིང་ད་གསེར་གཡུ་སྐྱིས་ནས་སྐྱིན་པ་ནམ་ཡོང་ཟེར་ནས་མ་བཏང་བས། སྲུ་མོ་ན་རེ། ཁྱོད་ལ་སྐྱིན་པ་མི་འདོད་ཅིང་གཡུ་གསེར་ཞོ་བཅུ་གཅིག་རི་བ་འདི་འབུལ། ངེད་བཟའ་མི་གཉིས་ལ་ཕན་ཐོག་པའི་ཆོས་ཤིག་སྐྱོལ་ཅིག་ཟེར་རོ། །དེ་ནས་ཞིང་བཙོངས་པ་དང་། སྔར་གྱི་གྲྭ་པས་གསེར་ཕུལ་བ་རྣམས་ལ་སྲང་བཅུ་བྱུང་། གཡུ་དེ་[[ལ་སྟོད་]]དུ་བཙོངས་བས་གསེར་མང་པོ་ཁུག་པ་རྣམས་ཁྱེར་ནས་བལ་པོར་ཕྱིན་པ་དང་། [[པཎྜི་ཏ་བྷ་སུ་ན་མ་ཏི་]]དང་མཇལ་ནས་གསེར་སྲང་གསུམ་ཕུལ་ནས། བིད་པ་ཏ་བསླབ། གསང་བ་སྤྱི་རྒྱུད་ཀྱི་དབང་ཞུས་ནས། ཀྲྀ་ཡ་དཔུང་བཟང་དང་། རིག་པ་མཆོག་དང་། ལེགས་པར་གྲུབ་པ་དང་། དོན་ཡོད་ཞག་པ་ལ་སོགས་པ་ཀྲྀ་ཡའི་རྒྱུད་སྒྲུབ་ཐབས་དང་བཅས་པ་ལྔ་བཅུ་ཞུས། <br />དེ་ནས་[[Atulavajra|པཎྜི་ཏ་ཨ་ཐུ་ལ་བཛྲ་]]དང་མཇལ་ནས། ཁོང་གི་ཞལ་ནས་ཡང་ན་བལ་པོར་ལོ་གསུམ་སྡོད། ངས་ཆོས་བསླབ་ཀྱི། ཡང་ན་[[རྡོ་རྗེ་གདན་]]ན་སངས་རྒྱས་གཉིས་པར་ལུང་བསྟན་པའི་[[Dorjé Denpa|བླ་མ་རྡོ་རྗེ་གདན་པ་]]ཅན་དུ་འདོང་། ངས་སྐྱོལ་ཅིག་གསུང་པ་ལ། ད་ཅི་ནས་རྒྱ་གར་དུ་འགྲོ་དགོས་སྙམ་ནས། <br /><br />༈ ཁོ་བོ་ཁྱུང་པོ་རྣལ་འབྱོར་གྱིས། །འཁོར་བའི་སྡུག་བསྔལ་མ་བཟོད་པར། །འཇིགས་སྐྲག་ཆེན་པོ་གཏིང་ནས་སྐྱེས། །འཁོར་བ་མཐའ་མེད་འདི་འདྲ་བ། །སྐྱེ་འཆིའི་སྡུག་བསྔལ་དཔག་ཏུ་མེད། །ངན་སོང་སྡུག་བསྔལ་བསམ་མི་ཁྱབ། །འཆི་བས་མི་འཇིགས་སྐྱེ་བས་འཇིགས། །སྐྱེ་བ་ལས་ཀྱི་རྗེས་སུ་འབྲངས། །རང་དབང་མེད་པར་འཁོར་བར་འཁྱམ། །བདག་དང་སེམས་ཅན་ཐམས་ཅད་ཀྱང་། །ཅིས་ཀྱང་མི་ཕན་འཆི་ངོ་ཤེས། །ནམ་ཡང་འཆི་བ་འདི་འདྲ་ལ། །ཆོས་ཕྱིར་སྲོག་ནི་བཏང་སྙམ་ནས། །ལུས་དང་སྲོག་ལ་མ་བལྟས་ཏེ། །བལ་ཡུལ་ཙམ་ལ་མ་ལྟོས་པར། །སངས་རྒྱས་སྟོང་གི་འབྱུང་གནས་པ། །སྟོན་པ་མངོན་པར་སངས་རྒྱས་པའི། །[[རྡོ་རྗེ་གདན་]]དུ་ཚངས་ཀྱིས་ཕྱིན། །རྒྱལ་བ་ཐུབ་པ་ཆེན་པོ་ཡིས། །སངས་རྒྱས་གཉིས་པར་ལུང་བསྟན་པའི། །[[Dorjé Denpa|དཔལ་ལྡན་རྡོ་རྗེ་གདན་པ་]]དང་། །དངོས་སུ་ཞལ་མཇལ་དཀོན་པ་ཡི། །གུ་ལང་གསེར་སྲང་ལྔ་བརྒྱ་ཕུལ། །སངས་རྒྱས་དངོས་དང་མཇལ་སྙམ་ནས། །བ་སྤུ་ལྡང་ཞིང་མཆི་མ་འཁྲུགས། །མོས་གུས་ཆེན་པོ་གཏིང་ནས་སྐྱེས། །གུས་པས་ཐལ་སྦྱར་འདི་སྐད་ཞུས། །བསྟན་པའི་རྩ་བ་དགེ་སློང་གི། །མཁན་པོ་མཛད་ནས་འདུལ་བ་ཞུ། །བྱང་ཆུབ་ཆེན་པོར་སེམས་བསྐྱེད་ནས། །ཐེག་པ་ཆེན་པོའི་ཆོས་རྣམས་ཞུ། །སྨིན་བྱེད་གསང་སྔགས་དབང་བསྐུར་ནས། །གྲོལ་བར་བྱེད་པའི་བསྐྱེད་རྫོགས་ཞུ། །དེ་སྐད་བདག་གི་གསོལ་བཏབ་པས། །[[Dorjé Denpa|དཔལ་ལྡན་རྡོ་རྗེ་གདན་པ་]]ཡིས། །དགྱེས་པའི་འཛུམ་བསྟན་འདི་སྐད་གསུངས། །སྲིན་པོ་གདོང་དམར་མཐའ་འཁོབ་ཡུལ། །ལོག་ལྟས་རྒྱུད་འཁྲུགས་ཐེ་ཚོམ་ཅན། །སྣ་ཚོགས་ཆོས་ཚོལ་བསྒྲུབ་མི་ནུས། །རང་མ་སྨིན་པར་གཞན་དོན་བྱེད། །གཅིག་ལ་གཅིག་སྨྲ་ཕྲག་དོག་ཅན། །མི་ནག་ཆོས་ཀྱི་ལོ་རྒྱུས་མཁན། །དེ་ལྟ་བུ་ཡི་རྒྱལ་ཁམས་ན། །དད་ལྡན་སྐྱེ་འཆིའི་འཇིགས་པ་ཡིས། །སྙིང་སྟོབས་ལྡན་པའི་སྐྱེས་བུ་ཁྱོད། །མ་ནོར་དམ་ཆོས་ཚོལ་བའི་ཕྱིར། །སྲོག་ལ་མི་ཕོངས་བཀའ་སྤྱད་ནས། །རྒྱ་གར་ཡུལ་རྣམས་བགྲོད་བྱེད་པའི། །སྐལ་ལྡན་ཁྱུང་པོ་རྣལ་འབྱོར་ཁྱོད། །སྔོན་ཚེ་བྱང་ཕྱོགས་གངས་ཅན་དུ། །ཉན་ཐོས་རྫུ་འཕྲུལ་དཔག་མེད་ལྡན། །རྫུ་འཕྲུལ་ཆེན་པོ་ཞེས་བྱར་གྱུར། །དེ་ཚེ་ལོག་བལྟ་མུ་སྟེགས་དང་། །ལྷ་ཀླུ་གནོད་སྦྱིན་འབྱུང་པོ་དང་། །སྐྱེ་བོའི་ཚོགས་རྣམས་འདུལ་བར་བྱེད། །ཁྱོད་ནི་ཉན་ཐོས་ཚོགས་བསྐོར་ནས། །མཁའ་ལ་བྱ་བཞིན་རྣམ་པར་རྒྱུ། །རི་དང་ཆུ་ལ་ཐོགས་མེད་ཅིང་། །གཅིག་དང་དུ་མར་སྣང་བ་སོགས། །སྤྲུལ་པ་སྣ་ཚོགས་གཟུགས་འཆང་བའི། །དགྲ་བཅོམ་ཆེན་པོ་ཉིད་གྱུར་པས། །བདག་དང་རྒྱ་གར་མཁས་རྣམས་ཀྱིས། །ཁྱེད་ཀྱི་མཁན་པོ་བྱེད་མི་ནུས། །བྱང་ཕྱོགས་ཁ་བ་ཅན་ལྗོངས་སུ། །[[Langri Öden Serdokchen|གླང་རི་འོད་ལྡན་གསེར་མདོག་ཅན]]། །སངས་རྒྱས་སྣང་བ་མཐའ་ཡས་ཀྱི། །སྤྲུལ་པ་བཞུགས་ཀྱིས་དེར་སོང་ལ། །བསྙེན་པར་རྫོགས་པའི་མཁན་པོ་ཞུས། །ཡུལ་[[དབུས་མ་ག་རྡོ་རྗེ་གདན]]། །གནས་མཆོག་འདི་དང་གཞན་རྣམས་སུ། །ཁྱོད་ཀྱིས་ཇི་སྐད་ཞུས་པ་ཡི། །འདུལ་བ་ཕར་ཕྱིན་གསང་སྔགས་རྣམས། །ཇི་ལྟར་འདོད་བཞིན་བསྟན་པར་བྱའོ། །ཞེས་གསུངས་སོ། <br /><br />།དེ་ནས་བདག་གི་དགེ་ཚུལ་གྱི་མཁན་པོ་ཞུས། མིང་[[Khyungpo Neljor|ཚུལ་ཁྲིམས་མགོན་]]དུ་བཏགས། [[Dorjé Denpa|བླ་མ་རྡོ་རྗེ་གདན་པ་]]ཤངས་ཁྲག་ཤོར་ནས། ཁྱུང་པོ་རྣལ་འབྱོར་ལས་སྤོ་མ་ནུས་སོ། །དེའི་དུས་སུ། བླ་མའི་ཞལ་ནས་ཁྱུང་པོ་ཛོ་ཀི་མ་ཧཱ་ཕ་ལ་ཕ་ལ་གསུངས་ནས། ཐོག་མར་འདུལ་བ་ལུང་དང་། བསྟན་བཅོས་མདོ་རྩ་གསུངས་སོ། <br />།དེ་ནས་[[Atisha|རྗེ་བཙུན་ཤྲཱིར་ཛྙཱ་ན་]]དེ་རི་མ་ལ་ཡར་བཞུགས་པའི་དྲུང་དུ་ཕྱིན་ཏེ། སེམས་བསྐྱེད་ཞུས་ནས་བྱམས་པའི་ཆོས་ལྔ་དང་། རྣལ་འབྱོར་སྤྱོད་པའི་ས་སྡེ་ལྔ་དང་། ཚད་མ་སྡེ་བདུན་ཞུས་སོ། <br />།ཡང་[[Vairochana Rakshita|བཻ་རོ་ཙ་ན་རཀྵི་ཏ་]]ལྷོ་ཕྱོགས་[[ཀོ་ས་ལ་]]ཡི་དུར་ཁྲོད་ནས་བརྡོལ་ནས་རྩ་ཡི་སྤྱིལ་པོ་ན། འཁོར་པཎྜི་ཏ་བཅུ་གསུམ་ལ་ཆོས་གསུངས་པ་དང་མཇལ་ནས། དེར་གསང་བ་འདུས་པ་ལྷ་སུམ་ཅུ་རྩ་གཉིས་དང་། ཧེ་བཛྲ་ལྷ་བཅུ་གསུམ་དང་། འཁོར་ལོ་སྡོམ་པ་ལྷ་བཅུ་གསུམ་དང་། མ་ཧཱ་མ་ཡ་ལྷ་ལྔ་དང་། རྡོ་རྗེ་འཇིགས་བྱེད་ལྷ་བཅུ་གསུམ་དང་། ལྷ་ལྔའི་སྒོ་ནས་དབང་བསྐུར་ཞིང་བྱིན་གྱིས་བརླབ་བོ། <br />།ཡང་[[Vairochana Rakshita|བཻ་རོ་ཙ་ན་རཀྵི་ཏ་]][[ཛེ་ཏ]]འི་ཚལ་ན་བཞུགས་པ་ལ། སངས་རྒྱས་ཐོད་པ་དང་སངས་རྒྱས་མཉམ་སྦྱོར་རྒྱུད་སྒྲུབ་ཐབས་དབང་དང་བཅས་པ་ཞུས་སོ། <br />།[[Dorjé Denpa|རྡོ་རྗེ་གདན་པ་ཆེན་པོ་]]ལ། [[རྡོ་རྗེ་གདན་]]དུ་རྒྱུད་སྡེ་ལྔའི་དཀྱིལ་འཁོར་ཆེན་པོ་གཅིག་ཏུ་དབང་བསྐུར་ཞུས་སོ། །དེ་ནི་རིན་ཆེན་རྒྱ་མཚོའི་རྩ་རྒྱུད་བཤད་བརྒྱུད་དང་། [[དཔལ་ལྡན་འབྲས་སྤུངས་]]ཀྱི་བྲེའུ་ནང་ན་ཇི་ལྟར་བཞུགས་པ་བཞིན་ནོ། <br /><br />༈ །དེ་ལ་རྒྱུད་སྡེ་ཆེན་པོ་ལྔའི། །དབང་དང་རྒྱུད་དང་སྒྲུབ་པའི་ཐབས། །གདམས་པའི་མཆོག་གི་ཁྱད་པར་ནི། །བདེ་བ་མཆོག་གི་གྲོལ་རྒྱུད་ལས། །རྒྱུ་ལམ་འབྲས་བུ་བསྟན་པ་ཡང་། །བདེ་བ་ཆེན་པོ་གྲུབ་པས་ན། །བྱང་ཆུབ་སེམས་ཀྱི་རྡོ་རྗེ་ནི། །བདེ་བ་སྒྲུབ་པ་ཉིད་ཡིན་ཏེ། །དཔལ་ལྡན་གསང་བ་འདུས་པ་དང་། །སྙིང་པོ་མ་ཧཱ་མ་ཡ་དང་། །ཡང་སྙིང་དགྱེས་པ་རྡོ་རྗེ་དང་། །དགའ་ཆེན་ཟ་ནུས་སྒྱུ་འཕྲུལ་ཆེ། །དཔལ་ལྡན་འཁོར་ལོ་སྡོམ་པ་དང་། །དྲག་པོ་རྡོ་རྗེ་འཇིགས་བྱེད་རྣམས། །མཐར་ཐུག་སྟོན་པ་ལྔ་པོ་ལ། །ཐབས་དང་ཤེས་རབ་གཉིས་ཀྱི་རྒྱུད། །ཟུང་དུ་འཇུག་པ་ཉིད་ཡིན་པས། །དང་པོ་སྨིན་ལམ་དབང་ལ་ཡང་། །ཕྱི་ནང་གསང་བ་ཉིད་ཡིན་ནོ། །ལམ་ལ་རིམ་པ་གཉིས་ཡིན་ཏེ། །བསྐྱེད་རིམ་དང་ནི་རྫོགས་རིམ་མོ། །བསྐྱེད་པ་སྣང་དང་རྫོགས་པ་སྟོང་། །དབྱེར་མེད་ཟུང་འཇུག་ཆུ་ཟླ་བཞིན། །རྫོགས་པ་རང་ལུས་གཞན་ལུས་དང་། །ཟུང་འཇུག་བདེ་སྟོང་དབྱེར་མེད་དོ། །འབྲས་བུ་མཆོག་དང་ཐུན་མོང་ངོ་། །ཐུན་མོང་ལས་བརྒྱད་གྲུབ་ཆེན་བརྒྱད། །མཆོག་ལ་སྐུ་བཞི་མཛད་པར་བཅས། །ལྷུན་གྲུབ་གང་འདུལ་རང་ཤར་རོ། །གང་ཟག་སྦྱངས་པའི་ལས་ཅན་གྱིས། །རྩེ་གཅིག་མ་ཡེངས་འབད་གྱུར་ན། །དམ་ཚིག་ལྡན་པས་ངེས་པར་ཐོབ། །རང་ལུས་ཐབས་ལྡན་ལམ་དང་ནི། །གཞན་ལུས་ལས་ཀྱི་ཕྱག་རྒྱའོ། །འདོད་ཡོན་ལམ་ཁྱེར་གནད་མཆོག་འདི། །བརྒྱུད་པ་མཆོག་གི་རིམ་པ་ཡང་། <br />།སངས་རྒྱས་ལུང་བསྟན་ཐོབ་པ་ཡི། །[[Nagarjuna|སློབ་དཔོན་འཕགས་པ་ཀླུ་སྒྲུབ་]]དང་། <br />།འོད་གསལ་བསྟན་པས་གྲུབ་པ་བརྙེས། །[[ཀཾ་པ་ལ་]]ཞེས་བྱ་བ་དང་། <br />།ཕྱག་རྒྱ་ཁྱི་རུ་སྤྲུལ་བྱེད་པའི། །[[Kukuripa|ཀུ་ཀུ་རི་པ་ཆེན་པོ་]]དང་། <br />།ཉ་ལྟོ་གསོལ་ཞིང་གྲུབ་པ་ཐོབ། །[[Luipa|ལོ་ཧི་པ་]]ཞེས་གྲགས་པ་དང་། <br />།ལྷག་པའི་ལྷ་ཡི་བྱིན་རླབས་པ། །[[དཔལ་འཛིན་ཧ་རི་ཀེ་ལ་]]དང་། <br />།དེ་དག་རྣམས་ལས་རིམ་བརྒྱུད་པ། །[[Dombi Heruka|ཌོམྦྷི་པ་]]དང་[[ཀུ་སུ་ལུ]]། །[[མ་ཧཱ་བཛྲ་]]ལེགས་བསྡུས་ཏེ། <br />།[[དཔལ་ལྡན་ཡེ་ཤེས་སྡེ་]]ཞེས་པ། །[[Vairochana Rakshita|བཻ་རོ་ཙ་ན་རཀྵི་ཏ]]། །[[སུ་མ་ཏི་]]ཞེས་རྣལ་འབྱོར་དང་། །[[ཏ་ཐཱ་ག་ཏ་རཀྵི་ཏ]]། །[[ཨ་མོ་གྷ་ནི་བཛྲ་]]དང་། །[[Dorjé Denpa|དཔལ་ལྡན་རྡོ་རྗེ་གདན་པ་]]རྣམས། །རིམ་གྱིས་བདག་ལ་བརྒྱུད་པའོ། <br /><br />།ཡང་། [[དཔལ་ལཱ་ལི་ཏ་བཛྲ]]། [[པདྨ་ཞབས]]། [[ཨིནྡྲ་བྷུ་ཏི་ཆུང་བ]]། [[དཔལ་འཛིན་ཨ་མོ་གྷ་བཛྲ]]། [[བཻ་རོ་ཙ་ནརཀྵི་ཏ་]]ནས་བརྒྱུད་པའི་དགྲ་ནག་དང་། འཇིགས་བྱེད་རྟོག་པ་བདུན་པ་དང་། སྒྲུབ་ཐབས་རྡོ་རྗེ་འོད་དང་། རྟོག་པ་གསུམ་པ་དང་། གསང་བ་མཐའ་དྲུག་གི་གདམས་ངག་རྣམས་ཞུས་སོ། <br />།[[རྡོ་རྗེ་གདན་པ་]]ལ་མི་གཡོ་བའི་རྒྱུད་སྒྲུབ་ཐབས་དང་བཅས་པ་དང་། སྒྲོལ་མའི་རྒྱུད་གདམས་པ་དང་བཅས་པ་དང་། མཚན་བརྗོད་དབང་རྒྱུད་སྒྲུབ་ཐབས་དང་བཅས་པ་དང་། གསང་སྔགས་ཀྱི་རྗེས་སུ་ཡི་རང་དང་། སྒྲུབ་པའི་ལམ་རིམ་དང་། རྩོད་པའི་ལམ་རིམ་དང་། གཞན་ཡང་བྱ་བའི་རྒྱུད་སྒྲུབ་ཐབས་དང་བཅས་པ་དང་། སྤྱོད་པའི་དང་། རྣལ་འབྱོར་དང་། རྣལ་འབྱོར་བླ་མེད་ཀྱི་རྒྱུད་སྒྲུབ་ཐབས་དང་བཅས་པ་རྣམས་ཞུས་སོ། <br />།[[ཁ་ཆེ་དགོན་པ་བ་]]དང་། [[Dorjé Denpa|རྡོ་རྗེ་གདན་པ་]]ལ་རྡོ་རྗེ་ས་འོག་དང་། འབྱུང་པོ་འདུལ་བྱེད་དང་། གར་མཁན་མཆོག་དང་། གནོད་སྦྱིན་ཤིང་ཏའི་རྒྱུད་དང་། རྣམ་སྲས་ཞི་བ་དང་དྲག་པོ་རྣམས་ཞུས་སོ། <br />།དེ་ནས་བླ་མ་རིན་པོ་ཆེ་[[རི་མ་ལ་ཡ་]]ཡི་རྩེ་ན་བཞུགས་པ་ལ་གསེར་སྲང་བཅུ་གསུམ་ཕུལ་བའི་ཚེས་བཅུའི་མཆོད་པ་བྱས་པའི་ཐོ་རངས་ཀྱི་ཚེ་ན། <br /><br />མཁའ་ལ་མེ་ཏོག་ཆར་བཞིན་བབས། །དཔའ་བོ་མཁའ་འགྲོས་བར་སྣང་ཁེངས། །སྒྲ་དང་འོད་དང་འཇའ་ཚོན་འཁྲུགས། །ལྷ་རྣམས་མཆོད་པ་འབུལ་བའི་ཚེ། །[[Dorjé Denpa|རྡོ་རྗེ་གདན་པ]]ས་འདི་སྐད་གསུངས། །རིགས་ཀྱི་བུ་ཁྱོད་བོད་དུ་སོང་། །གདུལ་བྱ་ཁ་བ་ཅན་ལྗོངས་ཀྱི། །སེམས་ཅན་མང་པོ་གྲོལ་བྱེད་ཅིང་། །ཕྱི་མའི་ཚེ་ན་ཆོས་འདི་རྣམས། །ཁྱོད་ཀྱི་རྒྱུད་འཛིན་རྣལ་འབྱོར་པ། །གཅིག་གིས་དར་བར་བྱེད་པར་འགྱུར། །ཆོས་འདི་རྣམས་ཀྱི་བཀའ་ཐོབ་ཅིང་། །ཕན་སེམས་ལྡན་པ་དེ་ཡིས་ནི། །གང་བྱུང་རྒྱལ་སྲས་མ་ནོར་སྟོན། །རབ་ཏུ་མི་གནས་ས་ལ་སྦྱོར། །རིམ་གྱིས་དོན་རྟོགས་མང་དུ་འབྱུང་། །གྲུབ་མཐའ་གཞུང་ཆེན་བཞི་ཉིད་ལས། །མཚན་ཉིད་ཐེག་དང་རྡོ་རྗེ་ཐེག །ཁྱད་པར་རྣམ་པར་འབྱེད་པ་ཡིན། །རྒྱུ་དང་འབྲས་བུའི་ལམ་བྱེད་པ། །མངོན་སུམ་རྗེས་དཔག་རིམ་པ་ཡིས། །གཏན་ཚིག་ཆེན་པོ་བཞི་ལ་ནི། །མཚན་ཉིད་གསུམ་གྱིས་གཏན་ལ་འབེབས། །དེ་ནི་རྩོད་པའི་ལམ་རིམ་མོ། །ཕ་རོལ་ཕྱིན་དང་གསང་བ་སྔགས། །བྱང་ཆུབ་ཕྱོགས་ཆོས་སུམ་ཅུ་བདུན། །ཐུན་མོང་ལམ་ལྔ་ཁྱད་པར་གཉིས། །ཞར་སྤྱད་དོན་བསྡུས་ལམ་བྱེད་པ། །སྒྲུབ་པའི་རིམ་པ་ཞེས་བྱའོ། །དེ་དག་ལམ་རིམ་གཉིས་པའོ། །དེ་ཉིད་མཐོང་ལམ་ཞེས་བྱའོ། །ལྟ་བ་ངན་པས་མ་གོས་པའི། །ཡེ་ཤེས་མངོན་དུ་བྱེད་པའི་ལམ། །མཐའ་དང་བྲལ་བའི་དོན་ཉིད་ནི། །ཟུང་དུ་འཇུག་པ་སྟོན་པ་དག །དབུ་མ་ཆེན་པོ་ཉིད་དུ་འཇུག །ཞི་གནས་ལྷག་མཐོང་ཏིང་ངེ་འཛིན། །གོང་ནས་གོང་དུ་ལམ་སྦྱོང་བ། །སེམས་ཀྱི་ལམ་མཆོག་ཞེས་བྱར་བསྟན། །ང་དང་འདྲ་བར་ཁྱོད་ཀྱིས་རྟོགས། །རྒྱལ་བའི་ལུང་བསྟན་བདག་གིས་ཐོབ། །ཁྱོད་ཀྱང་འདི་ནས་སངས་རྒྱས་ཤིང་། །བདེ་བ་ཅན་དུ་འགྲོ་བར་འགྱུར། །རྩོད་ལྡན་གདུལ་དཀའི་སེམས་ཅན་ལ། །སྐྱོ་བ་མ་བྱེད་བྱང་སེམས་སྒོམས། །བདེ་མཆོག་རང་བྱོན་དཀྱིལ་འཁོར་གྱི། །ས་རུ་གདུལ་བྱ་ཁྲི་ཕྲག་འབྱུང་། །ཞེས་ལུང་བསྟན། <br /><br />དེ་ནས་ཆུ་བོ་[[གངྒཱ]]འི་འགྲམ་དུ་[[Maitripa|རྒྱལ་བ་མཻ་ཏྲི་པ]]འི་སློབ་མ། [[Kshetravajra|ཞིང་གི་རྡོ་རྗེ]]། [[Atulavajra|མི་མཉམ་རྡོ་རྗེ།]] [[Ratnavajra|རིན་ཆེན་རྡོ་རྗེ་]]སྟེ་རྡོ་རྗེ་མཆེད་གསུམ་གཤིན་རྗེ་གཤེད་བསྒྲུབས་ནས་ལས་སྦྱོར་བྱེད་པ་དང་མཇལ་ནས། གསེར་སྲང་རེ་རེ་ཕུལ་ནས་གཤིན་རྗེ་གཤེད་ཀྱི་དབང་ཞུས། གཤིན་རྗེ་གཤེད་དམར་ནག་གི་རྒྱུད་སྒྲུབ་ཐབས་དང་། ར་སྒྲོལ་ཞུས་ནས། ཟླ་བ་བདུན་དེ་ཉིད་དུ་བསྒྲུབས། དང་པོ་གཤིན་རྗེ་གཤེད་དམར་པོ་ཞལ་མཐོང་། དེ་ནས་ནག་པོའི་ལྷ་ཚོགས་ཐམས་ཅད་ཀྱི་ཞལ་མཐོང་། <br />དེ་ནས་[[དཱེ་ཝི་ཀོ་ཊི]]ར་[[Dakini Kanakashrila|ཌཱ་ཀི་མ་ཀ་ན་ཀ་ཤྲི་ལ།]] སམ་བུ་ཊའི་རྒྱུད་སྒྲུབ་ཐབས་དང་བཅས་པ་དང་། རྫོགས་རིམ་དེ་ཁོ་ན་ཉིད་ཡང་དག་བསྡུས་པ་དང་། དཔལ་མཆོག་དྲྭ་བ་སྡོམ་པ་རྒྱ་མཚོ་དང་། ཡེ་ཤེས་རྒྱ་མཚོ་དང་། ཡེ་ཤེས་མངོན་བྱུང་དང་། དམ་ཚིག་བཀོད་པའི་རྒྱུད་རྣམས་ཞུས་སོ། <br />།དེ་ནས་[[བྲམ་ཟེ་རཏྣ་ཕ་ལ་]]ལ་གཤིན་རྗེ་གཤེད་ཞུས་པས། ཁྱེད་ལ་གཡུ་འབུལ་བའི་སྲུ་མོ་བཟའ་མི་གཉིས་ལ་མེད་ཚོལ་དང་། ལྟེ་བསྒྱུར་འདི་སྐྱོལ་དང་བུ་འབྱུང་ངོ་ཞེས་ལུང་བསྟན་ནས་བོད་དུ་འོང་བས། [[དཔལ་མོ་དཔལ་ཐང་]]དུ་དགྲ་བྱུང་ནས། ར་སྒྲོལ་གྱི་ལས་སྦྱོར་བྱས་པས། ཟན་གྱི་ར་འགྲོ་ཤེས་པ་བྱུང་། དེ་ལ་བསད་སྔགས་བརྒྱབ་པས་ར་ཁྲག་སྐྱུག་ནས་ཤི་བ་དང་། ཇག་པ་རྣམས་ཁྲག་སྐྱུག་ནས་ཤིའོ། །ཡང་ལན་གཅིག་ཇག་པ་བྱུང་བ་ལ། སྡིགས་འཛུབ་བསྟན་པས་རེངས་པ་དང་། བརྒྱལ་བ་དང་ཁྲག་སྐྱུག་པས་མཐུ་དང་ནུས་པའི་གྲགས་པ་ཆེན་པོ་བྱུང་ངོ་། <br />།དེ་ནས་ཡུལ་དུ་སྲུ་མོ་བཟའ་མི་གཉིས་ལ་མེད་ཚོལ་དང་ལྟེ་བསྒྱུར་བསླབ་པའི་ཐོ་རངས་ལྷ་མོ་དཀར་མོ་གཅིག་བྱོན་ནས། ཁྱོད་ཀྱིས་མེད་ཚོལ་འདིས་བུ་གསུམ་འབྱུང་བར་འགྱུར་རོ། །བུ་ཆེ་བ་ལ་ཤངས་པ་མགོན། འབྲིང་པོ་ལ་ཤངས་པ་དང་། ཆུང་བ་ལ་ཤངས་ཆུང་ཐོགས་ཤིག །ཁྱོད་[[Khyungpo Neljor|བླ་མ་ཤངས་པ]]ར་གྲགས་པའི་དུས་སུ་བུ་སྤུན་གསུམ་པོ་འདི་རྩ་བའི་ཡོན་བདག་ཏུ་འགྱུར་རོ། །ལོ་རེ་བཞིན་དུ་ནས་སྟོང་ཚོ་གསུམ་གསུམ་དང་གསེར་གཡུ་རྟ་ཁྲབ་ལ་སོགས་པའི་ཞབས་ཏོག་བྱེད་པར་འགྱུར་རོ་གསུངས་ནས། ཁོང་གི་ལྡིང་ཁོང་གི་ལོག་ལ་བུ་སྤུན་གསུམ་གྱི་མིང་བྲིས་ནས་བཞག་པས། ལོ་གསུམ་ལ་བུ་གསུམ་བྱུང་ནས་བདག་གི་རྩ་བའི་ཡོན་བདག་ཏུ་གྱུར་ཏོ། <br />།དེ་ནས་སྔར་གྱི་སློབ་མས་ལོངས་སྤྱོད་ཆེན་པོ་ཕུལ་བ་རྣམས་གསེར་དུ་བསྒྱུར། གུ་ལང་གི་གསེར་ཁ་རྡོལ་བ་དང་འཕྲད་ནས་གསེར་སྲང་སྟོང་ཕྲག་ལག་ཏུ་བྱུང་། [[མང་ཡུལ་]]གྱི་གྲོང་དུ་སློབ་མས་སྐྱར་ནས་དབང་ཞུས། གསེར་སྲང་མང་པོ་ཕུལ་ལོ། <br /><br />།དེ་ནས་བལ་པོར་[[ཕམ་མཐིང་པ་]]ལ་བདེ་མཆོག་རྩ་རྒྱུད་དང་གདན་བཞི་ཞུས་ནས་རྒྱ་གར་དུ་ཕྱིན་ཏེ། [[Dorjé Denpa|བླ་མ་རྡོ་རྗེ་གདན་པ་]]ལ་གསེར་སྲང་བརྒྱ་ཕུལ་བས། བླ་མའི་ཞལ་ནས། [[ནཱ་རོ་པ]]འི་སློབ་མ་[[Dha Chenpo|དྷ་ཆེན་པོ་]]ལ་ཆོས་ཞུས་ཤིག་གསུངས་ནས་ལུང་བསྟན་ཏེ། [[Dha Chenpo|བླ་མ་དྷ་ཆེན་པོ་]][[ཤྲཱི་ན་ལེནྡྲ་]]ན་བཞུགས་ཙ་ན། དེ་ཉིད་འདུས་པ་དང་། རྡོ་རྗེ་རྩེ་མོ་དང་། ངན་སོང་སྦྱོངས་རྒྱུད་ལ་སོགས་པ་དང་། གསང་བ་འདུས་པ་འཕགས་སྐོར་རྣམས་དང་། དགྱེས་རྡོར་རྣམས་དང་། གདམས་ངག་མང་དུ་ཞུས་སོ། <br />།ཡང་[[Dakini Sumati|སུ་མ་ཏི་ཀི་རྟི་ཆེན་མོ་]]ལ། བདེ་མཆོག་རྩ་རྒྱུད་དང་། [[Kanhapa|ནག་པོ་པ]]འི་ཆོས་དྲུག་ལ་སོགས་པ་བདེ་མཆོག་མང་དུ་ཞུས། <br />ཤར་ལྗོན་ཤིང་ཀུ་ཤའི་ཚལ་དུ། དཔལ་[[དྷརྨ་ཕ་ལ་]]ལ་ཕྱག་རྒྱ་ཆེན་པོ་གསང་བ་གྲུབ་པ་ཞུས་སོ། <br />།[[རྗེ་(ན་ཏེ་)གྷནྡྲ་པ་]]ལ། ཤར་[[བི་ཀྲ་མ་པུ་རི་]]ན་བཞུགས་པ་ལ་ཡེ་ཤེས་གྲུབ་པ་དང་དབང་རིན་པོ་ཆེ་འཁོར་ལོ་དང་། སྐུ་གསུང་ཐུགས་ཀྱི་རྒྱུད་དང་། ཡེ་ཤེས་དགོངས་པ་བླ་ན་མེད་པ་ལ་སོགས་པའི་རྒྱུད་གདམས་ངག་མང་དུ་ཞུས་སོ། <br />།[[Dakini Ratnadevi|རྗེ་བཙུན་མ་རིན་ཆེན་ལྷ་མོ་]][[Kankata|ཀམ་ཀ་ཏ་]]ཡི་གྲོང་ཁྱེར་ན་བཞུགས་པ་ལ། ཕྱག་རྒྱ་ཆེན་པོ་སྙིང་པོའི་སྐོར་རྣམས་ཞུས། <br />[[Kukuripa|ཀུ་ཀུ་རི་པ]]འི་སློབ་མ་[[Suryagarbha|གྲུབ་ཐོབ་ཉི་མའི་སྙིང་པོ་]][[ཛ་ལནྡྷ་རའི་དུར་ཁྲོད་]]དུ་བཞུགས་པ་ལ། [[Kukuripa|ཀུ་ཀུ་རི་པ]]འི་ཆོས་བདུན་དང་། རྗེ་བཙུན་མའི་སྒྲུབ་ཐབས་མང་དུ་ཞུས། <br />[[Maitripa|བླ་མ་མཻ་ཏྲི་པ་]]ལྷོ་ཕྱོགས་འོད་མའི་ཚལ་ན་བཞུགས་པ་ལ། ཕྱག་རྒྱ་ཆེན་པོ་རབ་ཏུ་མི་གནས་པ་ལ་སོགས་པའི་རྒྱུད་ལྔ་དང་། དོ་ཧ་དང་། ཕྱག་རྒྱ་ཆེན་པོ་དག་པ་ཡེ་ཤེས་དང་། སྐུ་གསུམ་ལམ་ཁྱེར་ལ་སོགས་པའི་གདམས་ངག་མང་དུ་ཞུས། ཡང་དགྱེས་རྡོར་དང་མཚན་བརྗོད་ལ་སོགས་རྒྱུད་སྒྲུབ་ཐབས་མང་དུ་ཞུས། <br /><br />ཡང་[[Maitripa|མཻ་ཏྲི་པ་]][[ཀོ་ས་ལ་]][[བྷི་ཀྵའི་དུར་ཁྲོད་ཆེན་པོ་]]ན་བཞུགས་པ་ལ་གསེར་སྲང་བདུན་ཕུལ་ནས། བོད་ལོངས་སྤྱོད་ཆུང་བས་ནོར་སྒྲུབ་མྱུར་ལ་རྟགས་ཚན་ཆེ་བ་གཅིག་ཞུ་བྱས་པས། <br />[[Maitripa|མཻ་ཏྲི་པ]]འི་ཞལ་ནས། ཡིད་བཞིན་གྱི་མགོན་པོ་ཞེས་ཀྱང་བྱ། ཤིང་ཕུང་ཅན་ཞེས་ཀྱང་བྱ། ཙནྡན་གྱི་མགོན་པོ་ཞེས་ཀྱང་བྱ། ཐུགས་རྗེ་ཆེན་པོ་ནག་པོ་ཞེས་ཀྱང་བྱ། ཡེ་ཤེས་ཀྱི་མགོན་པོ་ཕྱག་དྲུག་པ་ཞེས་ཀྱང་བྱ། དང་པོ་བར་དོའི་འཇིགས་པ་ལས་སྐྱོབས་པ། ལྷ་འདྲེ་མི་གསུམ་དབང་དུ་སྡུད་པ། མི་ནོར་ཟས་གསུམ་ཤུགས་ལས་འབྱུང་བ། དགྲ་ཐམས་ཅད་བརླག་པར་བྱེད་པ། བཟློག་པས་མི་ཚུགས་པ། མཆོག་ཐུན་མོང་གི་དངོས་གྲུབ་ལོ་ཟླས་འགྲུབ་པ། མཆོག་བསྒྲུབས་པས་ཐུན་མོང་ཞོར་ལ་འབྱུང་བ། ཐུན་མོང་བསྒྲུབས་པས་མཆོག་ཞོར་ལ་འབྱུང་བ་གཅིག་ཡོད་པས་དེ་སྦྱིན་གྱིས་གསུངས་སོ། <br />།དེ་སུ་ལ་ཞུས་བྱས་པས། སྔོན་གྱི་དུས་ན་སངས་རྒྱས་སྣང་བ་མཐའ་ཡས་ཀྱི་སྤྱན་སྔར་ཐུགས་རྗེ་ཆེན་པོས་སེམས་བསྐྱེད་དེ། འཁོར་བའི་རྒྱ་མཚོ་ཆེན་པོ་འདི་སྟོངས་པར་མ་གྱུར་གྱི་བར་དུ་བདག་འཚང་རྒྱ་བར་མ་གྱུར་ཅིག །གལ་ཏེ་སེམས་བསྐྱེད་དེ་ཉམས་པར་གྱུར་ན་མགོ་བོ་ཚལ་པ་སྟོང་དུ་འགས་པར་གྱུར་ཅིག །ཅེས་བརྗོད་ནས་དམ་བཅས་ཏེ། རི་བོ་པོ་ཏ་ལར་ཉིན་མཚན་དུས་དྲུག་ཏུ་སེམས་ཅན་རྣམས་ལ་ཡེ་ཤེས་ཀྱི་གཟིགས་པས་འཇུག་ཅིང་། གང་ལ་གང་འདུལ་གྱིས་དོན་བྱེད་པར་གྱུར་ཏོ། <br />།དེ་ནས་སྐལ་པ་དཔག་ཏུ་མེད་པའི་བར་དུ་སེམས་ཅན་གྱི་དོན་བྱས་པས། སེམས་ཅན་མང་པོ་ཐར་གྲོལ་བྱུང་ལས་ཆེ་སྙམ་པོ་ཏ་ལ་ནས་གཟིགས་པས། སེམས་ཅན་གྱི་ཁམས་ལ་འཕེལ་འགྲིབ་མེད་པའི་སྟེང་དུ། སྙིགས་མར་སོང་བས་ཉོན་མོངས་པ་རགས་ལ་གདུག་པ་ཆེར་སོང་འདུག་པས། ད་ནི་བདག་གིས་སེམས་ཅན་འགའ་ཙམ་ཡང་གྲོལ་བར་མི་ནུས་པར་འདུག་སྙམ་ནས་སེམས་བསྐྱེད་བཏང་བ་དང་། དབུ་ཚལ་པ་སྟོང་དུ་གས་པར་གྱུར་ཏོ། <br />།དེ་ནས་སངས་རྒྱས་སྣང་བ་མཐའ་ཡས་བྱོན་ནས། རིགས་ཀྱི་བུ་དེ་ལྟ་བུའི་སེམས་བསྐྱེད་ལས་གཞོལ་པ་ནི་ཤིན་ཏུ་མ་ལེགས་པས། དེའི་བཤགས་པ་ལ་སེམས་བསྐྱེད་དེ་ལས་རྒྱ་ཆེ་བ་གཅིག་སྐྱོར་ཅིག་གསུངས་ནས། དབུ་ཚལ་པ་སྟོང་དུ་གས་པ་ཞལ་བཅུ་གཅིག་ཏུ་བྱིན་གྱིས་རླབས་སོ། <br />།དེ་ནས་སྔར་གྱི་སེམས་བསྐྱེད་དེ་ལས་རྒྱ་ཆེ་བ་མེད་ཅིང་། དེའི་ཆ་ཙམ་ཡང་མ་ནུས་པས་དེ་ལས་རྒྱ་ཆེ་བའི་ཐབས་ནི་གང་ཡང་མེད་དོ་སྙམ་ནས་ཞག་བདུན་གྱི་བར་དུ་བརྒྱལ་བར་གྱུར་ཏོ། <br />།དེ་ནས་བརྒྱལ་བ་དེ་སངས་པ་དང་། ད་ནི་སྙིགས་མའི་སེམས་ཅན་ཚེ་ཐུང་ཞིང་བར་ཆད་མང་བ་རྐྱེན་དབང་འབའ་ཞིག་ཏུ་འགྲོ་བ། ལོངས་སྤྱོད་ཆུང་ཞིང་འཚོ་བ་དམན་པ། སྒྲུབ་ལོང་མེད་པར་བར་ཆད་ཀྱི་དབང་དུ་འགྲོ་བ། དམ་ཚིག་མི་བསྲུང་བས་བཟློག་པ་དང་ནང་དམེ་བྱེད་པ། ཆོས་བྱེད་ཕལ་ཆེར་བར་དོའི་འཇིགས་པ་ལས་མི་ཐར་བར་གཟིགས་ནས། ཡུན་རིང་བསྒྲུབ་མི་དགོས་པར་ཞལ་མཐོང་བ། གསོལ་བ་གཏབ་པ་ཙམ་གྱིས་འདི་ཕྱིའི་འཇིགས་པ་ཐམས་ཅད་ལས་སྐྱོབས་པ། མི་ནོར་ཟས་གསུམ་ཤུགས་ལས་འབྱུང་བ། བར་དུ་གཅོད་པའི་དགྲ་བགེགས་ཐམས་ཅད་དུས་སྐད་ཅིག་གཅིག་གིས་བརླག་པར་བྱེད་པ། མཆོག་ཐུན་མོང་ཐམས་ཅད་ལོ་ཟླ་ཙམ་གྱིས་འབྱུང་བའི་དབང་གི་རྒྱལ་པོ་ལྟ་བུའི་ཁྲོ་བོར་གྱུར་ནས་སེམས་ཅན་གྱི་དོན་བྱའོ་སྙམ་སྟེ་ཐུགས་ཀ་ནས་ཧཱུྃམཐིང་ནག་གཅིག་དོན་པ་ལས། ཡེ་ཤེས་ཀྱི་མགོན་པོ་ཕྱག་དྲུག་པ། སྐྱེ་འགྲོའི་རེ་བ་ཚུལ་བཞིན་དུ་སྐོང་བའི་ཡིད་བཞིན་གྱི་ནོར་བུ་ལྟ་བུར་གྱུར་པ་དང་། ས་ཡང་རྣམ་པ་དྲུག་ཏུ་གཡོས་སོ། <br />།དེ་ནས་སངས་རྒྱས་སྣང་བ་མཐའ་ཡས་ལ་སོགས་པའི་སངས་རྒྱས་དཔག་ཏུ་མེད་པས་མགྲིན་གཅིག་ཏུ་བསྡེབས་ཏེ། རིགས་ཀྱི་བུ་སེམས་ཅན་གྱི་རེ་བ་ཚུལ་བཞིན་དུ་སྐོང་བའི་སྤྱོད་པ་འདི་ལྟ་བུ་ནི་ཤིན་ཏུ་ལེགས་སོ། །སངས་རྒྱས་ཐམས་ཅད་ཀྱི་ཐུགས་ཀྱི་གསང་བ་ལས་བྱུང་བ་བཅོམ་ལྡན་འདས་གཤིན་རྗེའི་གཤེད་པོ་ཉིད་ཀྱི་ཕྲིན་ལས་ཀྱི་ནུས་མཐུ་དང་ལྡན་པར་བྱའོ། །གསང་བའི་མཁའ་འགྲོ་མ་དབང་གི་རང་བཞིན་གྱི་དབང་དང་ལྡན་པར་བྱའོ། །དེ་ཉིད་ཀྱི་ཞི་བ་དང་རྒྱས་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་ཕྲིན་ལས་སུ་དབང་བསྐུར་བའི་སྤྲུལ་པ་ལས་བྱུང་བའི། གནོད་སྦྱིན་དང་། གཤིན་རྗེ་དང་། སྲིན་པོ་དང་། བདུད་དང་མ་མོ་རྣམས་ཀྱིས་ཀྱང་ལས་སྣ་ཚོགས་སྒྲུབ་པར་འགྱུར་རོ། །དེ་ཉིད་ཚུལ་བཞིན་དུ་སྒྲུབ་པ་དང་མཆོད་པ་དང་། དྲན་པས་ཀྱང་དངོས་གྲུབ་ཐམས་ཅད་ཚུལ་བཞིན་དུ་སྟེར་བར་འགྱུར་རོ། །མ་བསྒྲུབ་པ་ཉིད་ནས་བྱིན་གྱིས་བརློབས་པ་དང་། དེ་ཉིད་ཀྱི་མངོན་སུམ་དུ་ཞལ་སྟོན་པར་འགྱུར་རོ། །ཞེས་གསུངས་སོ། <br />།དེ་ནས་དཔལ་[[Shavaripa|ཤ་ཝ་རི་]]ཞེས་བྱ་བ་བྲམ་ཟེའི་རིགས་སུ་གྱུར་པ། [[དཔལ་འབྲས་སྤུངས་]]དང་ཉེ་བ་ན་གྲོང་ཁྱེར་ཆེན་པོ་སུམ་ཅུ་རྩ་གསུམ་ཡོད་པའི་དབུས་ན། [[ཏྲི་པ་ལ་]]ཞེས་བྱ་བར་རོལ་མོ་མཁས་པའི་མཆོག་ཏུ་གྱུར་ནས། སྔོན་སངས་རྒྱས་ལ་གླུ་དང་རོལ་མོས་མཉེས་པར་བྱས་པ་དེས་[[བསིལ་བའི་ཚལ་]]གྱི་འཇག་མའི་སྤྱིལ་བུ་གཅིག་ན་སྒྲུབ་པ་མཛད་ཅིང་བཞུགས་ཙ་ན། ནམ་མཁའ་ལས་ཌཱ་མ་རུ་དང་དྲིལ་བུ་གཡེར་ཁའི་སྒྲ་ཆེན་པོ་གྲགས་ནས་གཟིགས་པས། ཡེ་ཤེས་ཀྱི་མགོན་པོ་འདི་བྱོན་ནས། རིགས་ཀྱི་བུ་ང་ཡི་སྒྲུབ་ཐབས་འདི་ཟུངས་ཤིག་གསུངས་ནས། [[Shavaripa|ཤ་ཝ་རི་པ]]ས་སྒྲུབ་ཐབས་ཡི་གེར་བཀོད། ཡང་རྗེ་བཙུན་མ་དང་། ཐུགས་རྗེ་ཆེན་པོ་དང་། སྒྲོལ་མ་གསུམ་ཡང་བྱོན་ནས་སྒྲུབ་ཐབས་གསུངས་ཏེ་ཡི་གེར་བཀོད། ངས་ནི་ལྷོ་ཕྱོགས་[[དཔལ་གྱི་རི་]]ལ་ཕྱག་རྒྱ་ཆེན་པོའི་རྒྱུད་དང་གདམས་ངག་རྣམས་ཞུས་པའི་དུས་སུ་ཕྱག་དྲུག་པ་འདི་གནང་ནས་ཞག་ཉི་ཤུ་རྩ་གཅིག་ལ་ཞལ་མཐོང་ངོ་། །ཁྱོད་ཀྱང་ཕྱག་དྲུག་པ་འདི་ལ་ནས་ནག་རྗེན་བཏགས་ཀྱི་གཏོར་མ་དང་། སྤོས་སྦྱོར་མ་ཆག་པ་གྱིས། ཁྱི་ནག་པོ་ལ་རྡོ་བ་མ་རྡེགས། ཡིད་ཆེས་པར་གྱིས་ལ། བླ་མ་དང་དབྱེར་མེད་དུ་ལྟོས། དེ་ལྟར་བྱས་པས་རི་ལ་སོགས་པའི་སྒྲུབ་གནས་སུ་འཚོ་བ་སྦྱོར་བར་འགྱུར་རོ། །ཞག་བཅུ་གསུམ་གྱིས་སློབ་མ་དང་བཅས་པ་ལ་ཞལ་དངོས་སུ་སྟོན་པར་བྱེད་དོ། །དངོས་གྲུབ་ཐམས་ཅད་ཚུལ་བཞིན་ཏུ་སྟེར་བར་བྱེད་དོ། །ཞེས་ལུང་བསྟན་ནས། བཀའ་བསྒོ་ལན་གསུམ་མཛད་དོ། <br /><br />།དེ་ནས་གསེར་སྲང་ལྔ་བརྒྱ་ཁྱེར་ནས་རྒྱ་གར་ཤར་ནུབ་ལྷོ་བྱང་ལ་སོགས་པ་ཀུན་ཏུ་རྒྱུ་ཞིང་གྲུབ་ཐོབ་ཀྱི་བླ་མ་སངས་རྒྱས་དངོས་དང་མཇལ་བ་ལྟ་བུ་སུ་ཡོད་དྲིས་པས། པཎྜི་ཏ་དང་གྲུབ་ཐོབ་རྣམས་མཐུན་པར། [[Naropa|ནཱ་རོ་པཎྜི་ཏ]]འི་ལྕམ་མོ་[[Niguma|ཡེ་ཤེས་ཀྱི་མཁའ་འགྲོ་ནི་གུ་མ་]]ཞེས་བྱ་བ་དག་པའི་ས་གསུམ་ལ་གནས་པ་རྡོ་རྗེ་འཆང་ཆེན་པོ་ལ་དངོས་སུ་ཆོས་ཞུ་ནུས་པ་གཅིག་ཡོད་ཟེར་བས། དེ་ད་ལྟ་གནས་གང་ན་བཞུགས་བྱས་པས་སྣང་བ་དག་ན་གར་ཡང་ཞལ་མཐོང་། སྣང་བ་མ་དག་ན་གར་ཡང་བཙལ་བས་མི་རྙེད་དེ་དག་པའི་ས་ལ་གནས་པ་དང་། འཇའ་ལུས་སུ་གྱུར་པའི་ཕྱིར་རོ། །འོན་ཀྱང་[[དུར་ཁྲོད་ཆེན་པོ་སོ་ས་གླིང་]]གི་ནགས་གསེབ་ན། ཌཱ་ཀི་མའི་ཚོགས་འཁོར་གྱིདཔོན་ལ་རེས་འགའ་འབྱོན་ཟེར་ནས། ཌཱ་ཀི་མའི་མཚན་ཐོས་པ་ཙམ་གྱིས་མཆི་མ་འཁྲུགས་ཅིང་བ་སྤུ་ལྡང་བའི་མོས་གུས་སྐྱེས་ནས་དུས་དེར་དུར་ཁྲོད་སོ་ས་གླིང་གི་ནགས་གསེབ་ནས་ཡར་ལ། ན་མོ་བྷུདྡྷའི་གསོལ་བ་འདེབས་ཀྱིན་ཕྱིན་པ་དང་། ཤིང་ཏ་ལ་བདུན་སྲིད་ཙམ་གྱི་ནམ་མཁའ་ལ་མཁའ་འགྲོ་མ་སྐུ་མདོག་སྨུག་ནག་ཏུ་ཡོད་པ། རུས་པས་བརྒྱན་པ་ཕྱག་ན་ཁ་ཊྭཱཾ་ག་དང་ཐོད་པ་བསྣམས་པ་གཅིག་དང་དུ་མ་ལ་སོགས་པའི་གཟུགས་སྣ་ཚོགས་སྟོན་ཅིང་། གར་བསྒྱུར་བ་མཐོང་ནས་འདི་[[Niguma|ཌཱ་ཀི་མ་ནི་གུ་མ་]]ཡིན་པར་འདུག་སྙམས་ནས་ཕྱག་འཚལ། བསྐོར་བ་དུ་མ་བྱས་ནས། ཡང་དག་པའི་གདམས་པ་ཞུ་འཚལ་བྱས་པས། ང་ཤ་ཟའི་ཌཱ་ཀི་མ་ཡིན། ངའི་འཁོར་རྣམས་བྱུང་ན་ཟར་འོང་བས་མྱུར་བར་བྲོས་ཤིག་གསུངས་སོ། <br />།དེ་ནས་ཡང་ཕྱག་དང་བསྐོར་བ་བྱས་ནས་གསང་སྔགས་ཀྱི་གདམས་པ་ཞུ་འཚལ་བྱས་པས། ཐེག་པ་ཆེན་པོ་གསང་སྔགས་ཞུ་བ་ལ་གསེར་དགོས་པ་ཡིན། གསེར་ཡོད་ན་བྱ་ཡི་གསུངས་ནས། གསེར་སྲང་ལྔ་བརྒྱ་ཕུལ་བ་དང་། ནགས་གསེབ་ཏུ་གཏོར་རོ། །དེར་འདི་ངེས་པར་ཤ་ཟའི་མཁའ་འགྲོ་མ་རང་ཡིན་ནམ་གསེར་ལ་ཡང་ཕོངས་པ་མི་འདུག་སྙམ་པ་དང་། མཁའ་འགྲོ་མ་དེས་སྤྱན་ནམ་མཁའ་ལ་ཧྲིག་ཧྲིག་གཟིགས་པ་དང་། འཁོར་ཌཱ་ཀི་མ་དཔག་ཏུ་མེད་པ་ནམ་མཁའ་ལས་བྱུང་སྟེ། འགའ་ཞིག་གིས་གཞལ་ཡས་ཁང་སུམ་རིམ་སྐད་ཅིག་ལ་བཞེངས། འགའ་ཞིག་གིས་རྡུལ་ཚོན་གྱི་དཀྱིལ་འཁོར་བཞེངས། འགའ་ཞིག་གིས་ཚོགས་ཀྱི་ཡོ་བྱད་བསགས་ནས། ཚེས་བཅོ་ལྔའི་ནམ་སྲོད་ལ་སྒྱུ་ལུས་རྨི་ལམ་གྱི་དབང་བསྐུར་མཛད་ནས་དབང་ཐོན་པ་དང་བོད་ཀྱི་བན་ཆུང་ཡར་འདེངས་དང་གསུངས་ནས། དཔག་ཚད་གསུམ་ཌཱ་ཀི་མའི་རྫུ་འཕྲུལ་ལ་རྟེན་ནས་ཡུད་ཙམ་གྱིས་བགྲོད་པ་དང་། གསེར་གྱི་རི་མི་ཆེ་བ་ཙམ་གཅིག་གི་སྟེང་གི་ནམ་མཁའ་ལ་ཌཱ་ཀི་མའི་ཚོགས་ཀྱིས་བསྐོར་ནས་གར་བསྒྱུར་ཞིང་འདུག་གོ། <br />།རི་དེའི་ཕྱོགས་བཞི་ནས་མར་གསེར་གྱི་ཆུ་རྒྱུན་བཞི་བབ་ཅིང་འདུག་པས་གསེར་གྱི་རི་འདི་ལྟ་བུ་རྒྱ་གར་ན་ཡོད་དམ། མཁའ་འགྲོ་མས་སྤྲུལ་པ་ཡིན་ཞུས་པས། <br /><br />འཁོར་བའི་རྒྱ་མཚོར་བསྐྱུར་བ་ཡི། །ཆགས་སྡང་རྟོག་པ་སྣ་ཚོགས་འདི། །རང་བཞིན་མེད་པར་རྟོགས་ཙ་ན། །ཐམས་ཅད་གསེར་གླིང་ཡིན་ནོ་བུ། །སྒྱུ་མ་ལྟ་བུའི་ཆོས་རྣམས་ལ། །སྒྱུ་མ་ལྟ་བུར་བསྒོམ་བྱས་ན། །སྒྱུ་མ་ལྟ་བུར་མངོན་སངས་རྒྱས། །མོས་གུས་སྟོབས་ལས་འབྱུང་བར་འགྱུར། <br /><br />ད་ང་ཡིས་བྱིན་གྱིས་བརླབས་ཀྱི་རྨི་ལམ་ཟུངས་ཤིག་གསུངས་ནས། རྨི་ལམ་བཟུང་བས་ཟིན་ནས་ལྷ་དང་ལྷ་མ་ཡིན་གྱི་གནས་སུ་ཕྱིན་པས། ལྷ་མ་ཡིན་ཤིན་ཏུ་ཆེ་བ་ཞིག་གིས་ང་ལ་ཁྱུར་མིད་བྱས་པ་དང་། མཁའ་འགྲོ་མ་ནམ་མཁའ་ལ་བྱོན་སྟེ། བུ་གཉིད་མ་སད་པར་གྱིས་གསུངས་ནས། དུས་དེ་ཉིད་དུ་ཆོས་དྲུག་གི་ཁྲིད་ཚར་བར་མཛད་དོ། །གཉིད་ཐུན་གཅིག་ལ་ཆོས་དྲུག་གི་ཁྲིད་ཚར་བ་རྒྱ་གར་ནའང་ཁྱེད་ལས་མེད་གསུངས་སོ། <br />།དེ་ནས་དངོས་སུ་ཁྲིད་ཚར་གསུམ་དང་། རྡོ་རྗེའི་ཚིག་རྐང་དང་། སྒྱུ་མ་ལམ་རིམ་གསུངས། རྒྱུད་སྡེ་ལྔའི་དབང་དང་སྒྲུབ་ཐབས་དང་གདམས་པ་རྣམས་གསུངས། དགྱེས་རྡོར་སྤྲུལ་པའི་ལྷ་དགུ་དང་། མཚོན་ཆ་ཅན་ལྷ་བཅུ་གསུམ་དུ་དབང་བསྐུར། བརྟག་གཉིས་དང་གུར་གསུངས། སམྦུ་ཊི་སྒྲུབ་ཐབས་དང་བཅས་པ་དང་། མཚོན་ཆ་ཅན་གྱི་བསྐྱེད་རིམ་རྒྱས་བསྡུས་གསུམ་དང་། དེ་ཁོ་ན་ཉིད་བཞིའི་གདམས་ངག་གསུངས། ༼W1CZ2857 v2 p34: བདེ་མཆོག་དྲུག་ཅུ་རྩ་གཉིས་དང་། བཅུ་གསུམ་དང་། ལྷ་ལྔའི་དཀྱིལ་འཁོར་དུ་དབང་བསྐུར། རྒྱུད་དང་སྒྲུབ་ཐབས་མང་དུ་གསུངས། མཚོན་ཆ་ཅན་དང་དུས་འཁོར་གྱི་གདམས་ངག་དང་། དེ་ཁོ་ན་ཉིད་བཞིའི་ཞལ་གདམས་གསུངས།༽ མཁའ་སྤྱོད་དཀར་དམར་དང་། རྒྱུད་སྡེ་བཞིའི་སྒྲིབ་སེལ་དང་། བདེ་མཆོག་རིགས་ལྔའི་རྫོགས་རིམ་དང་། ཐིག་ལེའི་རྫོགས་རིམ་རྣམས་གསུངས་སོ། །རྒྱུད་རྡོ་རྗེ་མཁའ་འགྲོའི་ལས་ཚོགས་ཐམས་ཅད་གཏན་ལ་ཕབ་ནས་གསུངས། མདོར་ན་ཡེ་ཤེས་ཀྱི་ཌཱ་ཀི་མ་འདི་ཉིད་ཀྱིས། རྒྱུད་སྒྲུབ་ཐབས་གདམས་པ་དང་བཅས་པ་དཔག་ཏུ་མེད་པ་གསུངས་སོ། །དེ་ལ་མཁའ་འགྲོ་མའི་ཞལ་ནས་ཆོས་དྲུག་གི་དབང་གདམས་ངག་དང་བཅས་པ་འདི་[[Lavapa|རྗེ་བཙུན་ལྭ་བ་པ་]]དང་ང་གཉིས་མ་གཏོགས་རྒྱ་གར་ནའང་ཤེས་པ་མེད་པས། མི་རབས་བདུན་དུ་ཆིག་རྒྱུད་ལས་མ་སྤེལ་ཅིག །དེ་རྣམས་ཀྱི་རིམ་པས་བྱིན་གྱིས་རློབས་ཅིང་ལུང་སྟོན་པར་འགྱུར་རོ། །ཞེས་གསུངས་སོ། <br />།དེ་ནས་[[Abhayakara|སྦས་པའི་རྣལ་འབྱོར་]]ལ་གསེར་སྲང་བརྒྱ་ཕུལ་ནས། བདེ་མཆོག་ལྷ་ལྔ་དང་། མཁའ་སྤྱོད་དཀར་དམར་དང་། རིམ་ལྔ་སྟན་ཐོག་གཅིག་མ་སྦྱོར་དྲུག་ལ་སོགས་པའི་གདམས་པ་མང་དུ་ཞུས་སོ། <br /><br />།དེ་ནས་ཡང་གསེར་སྲང་ལྔ་བརྒྱ་ཁྱེར་ནས་རྒྱ་གར་ནུབ་ཕྱོགས་སུ་ཕྱིན་ཏེ། སངས་རྒྱས་དངོས་དང་འཇལ་བའི་བླ་མ་སུ་ཡོད་དྲིས་པས། [[Lalitavajra|པཎྜི་ཏ་རོལ་པའི་རྡོ་རྗེ་]]དང་། [[Aryadeva|ཨཱརྻ་དེ་བ་]]དང་། [[Dakini Sumati|ཌཱ་ཀི་མ་སུ་མ་ཏི་]]ལ་སོགས་པ་གྲུབ་ཐོབ་བཅུ་གསུམ་གྱི་ཞལ་ནས། ངེད་རྣམས་ཀྱི་དབང་བསྐུར་ལ་གདམས་ངག་བསྟན་ནས་དེའི་རྗེས་ལ་ལུང་སྟོན་པར་འགྱུར་རོ་གསུངས་པས། གསེར་སྲང་ལྔ་བརྒྱ་ཕུལ་ནས་དབང་དང་གདམས་པ་མང་པོ་ཞུས་སོ། །ཁོང་རྣམས་ཀྱི་ཞལ་ནས་ངེད་བཅུ་གསུམ་པོ་འདིའི་རྩ་བའི་བླ་མ་ཡིན། ཁྱད་པར་དུ་[[Aryadeva|པཎྜི་ཏ་ཨཱརྻ་དེ་ཝ་]]ལ་བདག་མེད་མའི་ནང་ཁྲིད་བསྟན་པས་ཟླ་བ་བདུན་ལ་ས་བརྒྱད་ཀྱི་རྟོགས་པ་ལ་འགོད་པའི་ཡེ་ཤེས་ཀྱི་[[Sukhasiddhi|ཌཱ་ཀི་མ་སུ་ཁ་སིདྡྷི་]]ཞེས་བྱ་བ། རྡོ་རྗེ་འཆང་དང་བདག་མེད་མ་ལ་དངོས་སུ་ཆོས་གསན་པ་གཅིག་ཡོད་ཀྱི། དེས་ཁྱེད་ལ་བྱིན་གྱིས་རློབ་ཅིང་གདམས་པ་སྟོན་པར་འགྱུར་རོ་ཞེས་ལུང་བསྟན་ཏོ། <br />དེ་ནས་[[Aryadeva|ཨཱརྻ་དེ་ཝ་]]ལ་ནང་ཁྲིད་ཞུས་ནས། ཌཱ་ཀི་མའི་ཡུལ་གང་ན་ཡོད། རིགས་ཅི་ཡིན། ད་ལྟ་གང་ན་བཞུགས་ཅེས་བྲིས་པས། རིགས་ཀྱི་བུ་ལེགས་པར་ཉོན་ལ་ཡིད་ལ་ཟུངས་ཤིག་བསྟན་པར་བྱའོ། དེ་ལ་ཁ་ཆེ་ཁྲི་རྟེན་ན། གྲོང་ཁྱེར་ཆེན་པོ་འབུམ་ཚོ་སུམ་ཅུ་རྩ་གཉིས་ཡོད་པའི་ནུབ་བྱང་གི་གྲོང་ཁྱེར་གཅིག་ན། བཟའ་མི་བདུན་ཡོད་པ་རྒྱགས་སུ་འབྲས་བུམ་པ་གང་ལས་མེད་པ་དང་། དུས་དེར་མུ་གེ་ཆེན་པོ་བྱུང་ནས། བུ་ཁྱོ་རྣམས་ན་རེ། རྒན་མོ་འབྲས་བུམ་པ་གང་པོ་འདི་ཚག་གིས་ཤིག །སང་གནང་ཇོ་བོ་ནམ་ཟླ་རིང་པོ་བྱུང་ཙ་ན་ཟ་དགོས་སོ། །ངེད་རྣམས་ཟས་ཚོལ་དུ་འགྲོ་ཡི་ཟེར་ནས། བུ་ཁྱོ་དང་བུ་མོ་རྣམས་ཕྱོགས་ཐམས་ཅད་དུ་ཕྱིན་པས། ཐམས་ཅད་དུ་མུ་གེ་བྱུང་བ་དང་ཐུག་ནས་བཟའ་བ་ཡེ་མ་རྙེད་དོ། །དེའི་དུས་སུ་དགེ་སློང་སྔོན་པོ་གཅིག་བྱུང་ནས། རྒན་མོ་ཇོ་བོ་ནམ་ཟླ་རིང་པོ་ཀ་ང་ཡིན། འབྲས་བུམ་པ་གང་པོ་ང་ལ་དྲོངས་ཤིག་ཟེར་བ་དང་། རྒན་མོས་འབྲས་ལ་ལ་དགེ་སློང་ལ་དྲངས། ལ་ལ་མོ་རང་གི་ཟོས་པ་དང་། བུ་ཁྱོ་རྣམས་ཀྱིས་བཟའ་བ་མ་རྙེད་པར་འོངས་བ་དང་། ཁང་པར་དུས་གཅིག་ཏུ་སླེབ་ནས། ཨ་མ་འབྲས་བུམ་པ་གང་པོ་ཁ་ཕྱེས་ལ་བྱིན་ཅིག །ཕྱོགས་གང་དུ་ཕྱིན་ཀྱང་བཟའ་བ་མ་རྙེད་པས་ཉན་པར་གྱུར་ཏོ། །ཞེས་ཟེར་བ་དང་། མས་སྨྲས་པ། ཇོ་བོ་ནམ་ཟླ་རིང་མོ་ཆོས་གོས་རྣམ་གསུམ་དང་ལྷུང་བཟེད་བསིལ་བྱེད་དང་བཅས་ནས་བྱུང་བས། དེ་ལ་མོས་ནས་འབྲས་བྱིན་ནས་མེད་དོ་བྱས་པས། ཁོང་རྣམས་ན་རེ། རྒན་མོ་འདིས་མེད་པ་ཚོལ་བ་དག་མི་འོང་སྟེ། ཡོད་པ་རྣམས་ཀྱང་བརླག་པར་བྱས་ནས་མི་ཡོང་བར་འདུག་པས། འདི་མ་བཏོན་ན་སྐྱིད་མི་འདུག་པས་ཐོན་ཅིག་ཟེར་ནས། བུ་ཁྱོས་རྒན་མོ་ཁང་པ་ནས་བཏོན་ནོ། <br />།དེ་ནས་རྒན་མོ་དེ་ས་གར་ཕྱིན་ན་དྲགས་དྲིས་པས། མི་རྣམས་ན་རེ། ནུབ་ཕྱོགས་ཨོ་རྒྱན་ན་ཕོ་སྐྱེས་ཐམས་ཅད་དཔའ་བོ། མོ་སྐྱེས་ཐམས་ཅད་དཔའ་མོ། རིག་པ་རང་བཞིན་གྱི་དྭངས་པ། འཚོ་བ་སྩོལ་མེད་དུ་འབྱུང་བ་སྐྱིད་པ་ཞིག་ཡོད་དོ་ཟེར་ནས་ཨོ་རྒྱན་དུ་ཕྱིན་པ་དང་། འབྲས་བཙའ་བ་དང་ཐུག་ནས་འབྲས་སློང་པས་ཁལ་གཅིག་རྙེད་དོ། །དེ་ཁྱེར་ནས་བྷེ་ཏའི་གྲོང་ཁྱེར་དུ་ཕྱིན་ནས་ཆང་ཚོང་མ་བྱས་པས་འབྲས་མང་པོ་བྱུང་ངོ་། །དེའི་དུས་སུ་ཨོ་རྒྱན་གྱི་ཕུ་ན་[[Virupa|རྗེ་བཙུན་བིར་ཝ་པ་]]གསང་སྤྱོད་མཛད་ཅིང་བཞུགས་ནས་ཡོད་པ་ལས། རྣལ་འབྱོར་མ་གཅིག་གིས་ཆང་དང་ཤ་ཉོས་ནས་དམ་རྫས་བྱེད་པ་ལ། དུས་རེ་ཞིག་གི་ཚེ་ན། རྒན་མོ་ཆང་ཚོང་མ་དེ་ལ་ཆང་ཉོས་པ་དང་། རྒན་མོས་སྨྲས་པ། རྣལ་འབྱོར་མ་ཆང་རྟག་ཏུ་ཉོ་ནས་སུ་ལ་ཁྱེར་བྱས་པས། རྣལ་འབྱོར་མས་སྨྲས་པ། ནགས་ཁྲོད་ཡ་གི་ན་བླ་མ་བཟང་པོ་གཅིག་ཡོད་པས་དེ་ལ་འདྲེན་པ་ཡིན་བྱས་པ་དང་། རྒན་མོས་སྨྲས་པ། ང་ཚོགས་མ་བསགས་པས་དབུལ་ཞིང་ཕོངས་པར་གྱུར། རྒས་ནས་བུ་ཁྱོས་བཏོན་པས། ལོངས་སྤྱོད་ལ་སྙིང་པོ་མེད་པས། ད་ཆང་རིན་མི་འདོད་ཟེར་ནས། འབྲས་ཆང་ཉིན་སིང་བྱས་ཤིང་དུས་རྒྱུན་དུ་བསྐུར་རོ། <br />།དེ་ནས་རྗེ་བཙུན་བིར་ཝ་པའི་ཞལ་ནས། རྣལ་འབྱོར་མ་ཆང་རིན་མི་དགོས་པ་ཆང་འདི་ལྟ་བུ་ཤ་སྟག་གང་ནས་བྱུང་གསུངས་པ་ལ། དེ་སྔ་དང་མི་འདྲ་བའི་རྒན་མོ་དད་པ་ཅན་གཅིག་འདུག །ངས་བླ་མ་བཟང་པོ་གཅིག་ལ་འདྲེན་པ་ཡིན་བྱས་པས། འོ་ན་ཆང་རིན་མི་འདོད་ཟེར་ནས་གཏན་དུ་ཕུལ་བ་ཡིན་ནོ་སྨྲས་པ་དང་། བིར་ཝ་པའི་ཞལ་ནས། རྣལ་འབྱོར་མ་རྒན་མོ་དེ་ཁམས་གསུམ་འཁོར་བ་ནས་འདྲེན་དགོས་ཁྲིད་ལ་ཤོག་གསུངས་པས། རྒན་མོ་དེ་ལ་དེ་སྐད་བྱས་པ་དང་། འོ་ན་ཤིན་ཏུ་དགའ་ཟེར་ནས། འབྲས་ཆང་ཉིན་སིང་བྱས་པ་བུམ་པ་དོ་དང་། ཕག་གི་ཤ་གཅིག་ཁྱེར་ནས་བིར་ཝ་པ་ལ་ཕུལ་བ་དང་། དེའི་ནུབ་མོ་རྗེ་བཙུན་མའི་གསང་བསྒྲུབས་ཀྱི་དབང་བཞི་རྫོགས་སུ་བསྐུར་བ་དང་། དུས་དེ་ཉིད་དུ་ཡེ་ཤེས་ཀྱི་མཁའ་འགྲོ་མར་གྱུར་ཏོ། །དེ་ལ་བུ་ཁྱོས་བཏོན་ནས་ལོ་ལྔ་བཅུ་ང་དགུ། ཉོ་ཚོང་ལོ་གཅིག་བྱས་པས་དྲུག་ཅུ་ཐམ་པ། བིརྺ་པ་དང་མཇལ་ཙ་ན་དྲུག་ཅུ་རེ་གཅིག་ལོན་པ་དེ། དབང་བསྐུར་བས་ལོ་བཅུ་དྲུག་ལོན་པའི་ན་ཚོད་ལྟ་བུ་ལང་ཚོ་དར་ལ་བབས་པ། སྐུ་མདོག་དཀར་ལ་རྫུ་འཕྲུལ་གྱི་ནམ་མཁའ་ལ་བཞུགས་པ། བདག་མེད་མ་དང་དབྱེར་མེད་པའི་[[Sukhasiddhi|ཌཱ་ཀཱི་མ་སུ་ཁ་མ་སིདྡྷི་]]ཞེས་བྱ་བར་གྱུར་ནས། རྡོ་རྗེ་འཆང་ཆེན་པོ་ལ་དངོས་སུ་ཆོས་གསན་ནུས་པ་གཅིག་ཡོད་དོ། <br />།ཌཱ་ཀཱི་མ་དེ་སྣང་བ་དག་ན་གར་ཡང་ཞལ་མཐོང་ལ་སྣང་བ་མ་དག་ན་བཙལ་བས་མི་རྙེད་དོ། །རེས་འགའ་ནི་བདེ་བ་སྦྱིན་པའི་གནས་[[ཙནྡན་སྨན་གྱི་ནགས་ཚལ་]]ཞེས་བྱ་བར་ཚེས་བཅུའི་དུས་སུ་ཌཱ་ཀཱི་མ་རྣམས་ཀྱི་ཚོགས་དཔོན་མཛད་ཅིང་ཆོས་སྟོན་པ་དང་། ཡང་ན་གསུང་གི་སྒོ་ནས་ཆོས་སྟོན་པར་འགྱུར་རོ། །དེར་སོང་ལ་གསོལ་བ་ཐོབ་ཅིག །དབང་བཞི་རྫོགས་སུ་བསྐུར་ནས་གདམས་ངག་དང་རྗེས་སུ་བསྟན་པ་མཐའ་དག་སྟོན་པར་འགྱུར་རོ། །གསུང་ནས་ལུང་བསྟན་མཛད་དོ། <br />།དེ་ནས་གསེར་སྲང་ལྔ་བརྒྱ་པོ་དེ་ཁྱེར་ནས། བདེ་བ་སྦྱིན་པའི་ནགས་གསེབ་ནས་ཡར་ན་མོ་བྷུདྡྷ་ཡའི་གསོལ་བ་འདེབས་ཤིང་ཕྱིན་པ་ན། ཙནྡན་གྱི་ནགས་དེའི་སྟེང་གི་ནམ་མཁའ་ལ་ཌཱ་ཀི་མ་སྐུ་མདོག་དཀར་མོ་དབུ་སྐྲ་སིལ་མས་སྐུ་རྒྱབ་ནོན་པ། ཕྱག་གཉིས་སྐྱེ་མེད་མཚོན་པའི་ཕྱག་རྒྱ་མཛད་པ། ཌཱ་ཀི་མའི་ཚོགས་ཀྱིས་བསྐོར་ནས་འཇའ་འོད་འཁྱིལ་པའི་དབུས་ན་བཞུགས་པ་མཐོང་ངོ་། །དེ་མཐོང་བ་དང་ལུས་ལ་བ་སྤུ་ལྡང་ཞིང་མཆི་མ་འཁྲུགས་ལ། ས་དང་པོ་ལྟ་བུའི་དགའ་བ་སྐྱེས་ནས་ཟག་མེད་ཀྱི་བདེ་བའི་ཉམས་དང་ལྡན་པར་གྱུར་ཏོ། <br />།དེ་ནས་མེ་ཏོག་ཨུཏྤལ་དང་། པདྨ་དང་། ཀུ་མུད་ལ་སོགས་པ་མང་པོ་གཏོར་ནས་ཕྱག་དང་བསྐོར་བ་བརྒྱ་སྟོང་དུ་མ་བྱས་ཏེ། གདམས་ངག་ཞུ་འཚལ་བྱས་པས། ཌཱ་ཀི་མའི་ཞལ་ནས། <br /><br />[[Virupa|བིརྺ་པ་]]དང་བདག་མེད་མ། །རྡོ་རྗེ་འཆང་ལས་དངོས་སུ་ཐོབ། །གསང་སྔགས་མངོན་སུམ་ལམ་པ་ཡི། །སྨིན་པར་བྱེད་པའི་དབང་བཞི་དང་། །གྲོལ་བའི་བསྐྱེད་རྫོགས་སྟོན་པ་ལ། །དཀོན་པའི་རིན་ཆེན་གསེར་ཕྱེ་ཕུལ། །གུས་པའི་ཐལ་སྦྱོར་རྐྱང་ཕྱག་འཚལ། །དམའ་བའི་ཞབས་མཐིལ་གཙུག་གིས་ལོངས། །དུས་འདིར་བདག་གིས་གྲོལ་བར་བྱ། །དེ་རིང་རྙེད་པ་མཆོག་རྙེད་དོ། །རིགས་ཀྱི་བུ་ཁྱོད་ཨེ་མ་ཧོ། །རིགས་ཀྱི་བུ་ཁྱོད་ཨེ་མ་ཧོ། །རིགས་ཀྱི་བུ་ཁྱོད་ཨེ་མ་ཧོ། <br />།ཞེས་ལན་གསུམ་གསུངས་ནས། <br />གསེར་སྲང་ལྔ་བརྒྱ་ཕུལ་ལོ། <br />།དེ་ནས་ཡང་ཌཱ་ཀི་མའི་ཞལ་ནས། <br /><br />ཁྱོད་ཀྱི་སློབ་མ་ཡང་སློབ་དང་། །ཕྱི་རབས་བརྒྱུད་འཛིན་ཐམས་ཅད་ལ། །ང་ཡིས་དངོས་སུ་བྱིན་གྱིས་བརློབས། །དག་པ་མཁའ་སྤྱོད་གནས་སུ་འགྲོ། །ཞེས་གསུངས་ནས། <br />དང་པོ་སྤྲུལ་པའི་དཀྱིལ་འཁོར་དུ་དབང་བཞི་རྫོགས་སུ་བསྐུར་ནས། གསང་སྒྲུབ་ལྟེ་བ་སྤྲུལ་འཁོར་གྱི་བསྐྱེད་རྫོགས་ཉམས་ལེན་གྱི་གནད་དང་བཅས་པ་ཐམས་ཅད་མ་ལུས་པར་གསུངས་སོ་དེ་ལ་[[Sukhasiddhi|ཡེ་ཤེས་ཀྱི་ཌཱ་ཀི་མ་སུ་ཁ་སིདྡྷི་]]འདི་དང་པོ་དྲིན་ཆེ་སྟེ། སྤྲུལ་པའི་དཀྱིལ་འཁོར་དུ་དབང་བཞི་རྫོགས་སུ་བསྐུར། བར་དུ་དྲིན་ཆེ་སྟེ་ལྷ་ཡི་བུ་མོ་དང་དབྱེར་མེད་དུ་གསང་ཡུམ་མཛད། མཐའ་མར་དྲིན་ཆེ་སྟེ་གདམས་ངག་ཐམས་ཅད་རྫོགས་པར་གནང་ནས། བདག་ཉིད་བདེ་བ་ཅན་དུ་བཅུ་བཞིའི་ས་ཐོབ་པར་ལུང་བསྟན། སློབ་མ་ཡང་སློབ་བརྒྱུད་འཛིན་དང་བཅས་པ་ཐམས་ཅད་ལ་ཐུགས་རྗེས་བཟུང་ནས། དག་པ་བདེ་སྟོང་གི་མཁའ་སྤྱོད་དུ་འགྲོ་བར་ལུང་བསྟན་པར་མཛད། །དེས་ན་བདག་གི་བརྒྱུད་འཛིན་ཐམས་ཅད་ཀྱང་ཀུན་ལས་ཁྱད་པར་འཕགས་པས་ན། བསགས་པ་ཡང་རབ་འབའ་ཞིག་འབྱུང་བར་འགྱུར་རོ། <br /><br />།དེ་ནས་[[Dakini Sumati|མཁའ་འགྲོ་མ་སུ་མ་ཏི་མ་ཧཱ་]]དང་། [[Dakini Gangadhara|མཁའ་འགྲོ་མ་གང་ག་དྷ་ར་]]དང་། [[Dakini Samantabhadri|ཀུན་ཏུ་བཟང་མོ་]]རྣམས་ལ་གསེར་སྲང་བདུན་བདུན་དང་། མོས་གུས་ཀྱིས་མཉེས་པར་བྱས་ནས་མ་རྒྱུད་ཀྱི་རྫོགས་རིམ་གྱི་གདམས་པ། དབབ་བཟུང་བཟློག་འགྲེམ་གྱི་རླུང་དང་བསྲེ་པ། ཡེ་ཤེས་ཆེན་པོར་སྐྱེལ་བའི་གདམས་པ་མང་དུ་ཞུས་སོ། <br />།ཡང་[[རྡོ་རྗེ་གདན་]]གྱི་བྱང་ཕྱོགས་འོད་མའི་ཚལ་དུ་[[Sukhavajra|པཎྜི་ཏ་བདེ་བའི་རྡོ་རྗེ་]]ལ་གཤིན་རྗེ་དགྲ་ནག་དང་། འཇིགས་བྱེད་རྟོག་པ་བདུན་པ་དང་། གསུམ་པ་དང་། ཁྲོ་བོ་རྣམ་རྒྱལ་གྱི་རྒྱུད་དང་། ལྷ་མོ་གནམ་ཞལ་མ་དང་། བྱ་རོག་རྐང་གཉིས་དང་། ཐོད་པའི་བརྟག་ཐབས་དང་། མི་གཡོ་བའི་རྒྱུད་སྒྲུབ་ཐབས་དང་བཅས་པ་མང་དུ་ཞུས་སོ། <br />།ཡང་[[Lalitavajra|པཎྜི་ཏ་རོལ་པའི་རྡོ་རྗེ་]]ལ་གསེར་སྲང་བརྒྱ་ཕུལ་ནས་ལྷ་མོ་དང་མགོན་པོའི་སྒྲུབ་ཐབས་བརྒྱད་ཅུ་དང་། ཕྱི་རོལ་པ་དང་ནང་པའི་ཕྱིར་བཟློག་དང་། ཉི་ཁྲོས་ཀྱི་རྒྱུད་ལ་སོགས་པའི་སེར་བ་དང་། ཐོག་དབབ་བསྲུང་དང་སྨན་དཔྱད་སྡེ་སྐོར་བདུན་ལ་སོགས་པའི་གདམས་པ་མང་དུ་ཞུས་སོ། <br />།དེ་ནས་[[Atayavajra|བླ་མ་ཨ་ཏ་ཡ་བཛྲ་]]ལ་རྡོ་རྗེ་རྣམ་འཇོམས་ཀྱི་སྤྲུལ་པའི་དཀྱིལ་འཁོར་དུ་དབང་ཞུས་ནས། རྣམ་འཇོམས་ཀྱི་རྒྱུད་དང་། ལྷ་བཅུ་གཅིག་དང་། ལྷ་ལྔ་དང་། ལྷ་གཅིག་མའི་སྒྲུབ་ཐབས་རྣམས་ཞུས་ནས། དེ་ཉིད་ཀྱི་བུམ་པ་དང་། རྡོ་རྗེ་དྲིལ་བུ་ནམ་མཁའ་ལ་བཞུགས་པ་དང་། བྲམ་ཟེའི་ཐོད་པ་མཚན་ལྡན་རྣམས་གནང་ངོ་། །བདག་ལ་ཡང་རྣམ་འཇོམས་ཀྱི་སྤྲུལ་པའི་དཀྱིལ་འཁོར་དུ་དབང་བསྐུར་ནུས་པར་ལུང་བསྟན་ཏོ། <br />།དེ་ནས་གཞུང་དང་གདམས་པའི་སྤྲོས་པ་ཆོད་ནས། ད་བོད་དུ་ཕྱིན་ནས་བླ་མ་རྣམས་ལ་གསེར་གྱི་ཆོས་སྐྱེས་གཅིག་བྱ་དགོས་སྙམ་ནས། [[རྡོ་རྗེ་གདན་]]དུ་མཆོད་པ་ཕུལ་ཞིང་ཚོགས་མཆོད་གཅིག་བྱས་གསོལ་བ་བཏབ་པའི་ཐོ་རངས་ཁ། [[Atayavajra|བླ་མ་ཨ་ཏ་ཡ་བཛྲ་]]དང་། [[Sukhasiddhi|ཌཱ་ཀི་མ་སུ་ཁ་སིདྡྷི་]]དང་། རྗེ་བཙུན་སྒྲོལ་མ་བྱོན་ནས། <br />ཕྱི་རོལ་དབང་ཕྱུག་ཆེན་པོ་དང་། །བདེ་མཆོག་ཁ་སར་པཱ་ཎི་སོགས། །རང་བྱོན་གཟུགས་སུ་ཡོད་པ་ཡི། །གནས་སུ་གདུལ་བྱ་ཁྲི་ཕྲག་འབྱུང་། <br />།ཞེས་སོ། <br />།དེ་ནས་བལ་པོར་སླེབ་པ་དང་། [[པཎ་ཆུང་]]དང་། [[རྒྱལ་པོ་]]དང་། [[འབའ་རོ་]]རྣམས་ཀྱི་དབང་དང་རྒྱུད་ཞུས། [[མང་ཡུལ་]][[སྤུ་རོང་]][[སྟོད་]]དུ་སྔར་གྱི་སློབ་མས་སྤྱན་དྲངས་ནས་བསོད་ནམས་ཆེན་པོ་བྱུང་། བདག་བསམ་པ་བཟང་བས། [[ཛམྦུ་ཆུ་པོ་]]དང་། གུ་ལང་ལ་སོགས་པའི་གསེར་ཁ་བཅུ་གསུམ་རྡོལ་བ་དང་དུས་འཛོམས་ནས་དབང་བསྐུར་དང་སེམས་བསྐྱེད་ཐེབས་རེ་ལ་གསེར་སྲང་བརྒྱ་ཕྲག་མང་པོ་བྱུང་། [[ལ་སྟོད་ལྷོ་]]དང་[[ཚོང་དུས་]]དང་། [[ནང་ཁང་རྒྱུད་]]གསུམ་དང་། [[སྙེ་མོ]]འི་བར་གྱི་གདན་འདྲེན་སར་ཕྱིན་པས། གསེར་གྱི་གླེགས་བམ་དང་། རྟ་དང་། གསེར་གཡུ་དང་། དར་ཟབ་ལ་སོགས་པའི་ལོངས་སྤྱོད་དཔག་ཏུ་མེད་པ་བྱུང་ནས། <br /><br />ད་རྒྱ་གར་དུ་འགྲོ་དགོས་སྙམ་ཏེ། གསེར་སྲང་ལྔ་བརྒྱ་ཕྲག་དྲུག་དང་། གླ་བ་ལྔ་བརྒྱ་ཁྱེར་ནས་[[རྡོ་རྗེ་གདན་]]དུ་ཕྱིན་ནས། རྒྱལ་པོ་ལ་མཆོད་པ་བྱ་བར་ཞུས་བས་གནང་ནས། གསེར་སྲང་བརྒྱད་ཅུ་ལ་ཞག་བཅུའི་བར་དུ་[[རྡོ་རྗེ་གདན་]]དུ་དུས་མཆོད་ཆེན་པོ་བྱས་པས། ནམ་མཁའ་ལས་མེ་ཏོག་གི་ཆར་ཆེན་པོ་བབ་པ་དང་། འོད་དང་སྒྲ་དང་ཌཱ་ཱཀི་མས་གར་བསྒྱུར་བ་དང་། ལྷའི་བུས་མཆོད་པ་འབུལ་བ་ལ་སོགས་པའི་ངོ་མཚར་གྱི་ལྟས་སྣ་ཚོགས་བྱུང་བས་རྒྱལ་པོ་དང་། [[Dorjé Denpa|བླ་མ་རྡོ་རྗེ་གདན་པ་]]ལ་སོགས་པའི་པཎྜི་ཏ་དང་ཁྱིམ་བདག་ཐམས་ཅད་བོད་ཀྱི་ཛྭ་ཀི་ཆེན་པོའི། མ་ཧཱ་བོ་དྷི་པུཙྪ་མ་ཧཱ་ཕ་ལ་ཞེས་བརྗོད་ཅིང་མཉེས་པར་གྱུར་ཏོ། <br />།དེ་ནས་[[Dorjé Denpa|བླ་མ་རྡོ་རྗེ་གདན་པ་]]དང་། [[Niguma|ཡེ་ཤེས་ཀྱི་མཁའ་འགྲོ་མ་ནི་གུ་མ་]]དང་། [[Sukhasiddhi|སུ་ཁ་མ་སིདྡྷི་]]དང་། རྡོ་རྗེ་མཆེད་གསུམ་ལ་སོགས་པ་བླ་མ་བརྒྱ་ལྔ་བཅུ་ལ་གསེར་མང་པོ་ཕུལ། ཚོགས་ཀྱི་མཆོད་པ་མང་པོ་བྱས་པས། བླ་མ་འགའ་ཞིག་གིས་གནད་ཀྱི་གདམས་པ་མང་དུ་གནང་ངོ་། །ཁ་གཅིག་གིས་ལུང་བསྟན་མང་པོ་མཛད་དོ། །[[Maitripa|བླ་མ་མཻ་ཏྲི་པ་]]མི་བཞུགས་ཀྱང་ཇོ་མོ་ཡེ་ཤེས་ཀྱི་[[Dakini Gangadhara|མཁའ་འགྲོ་མ་གང་ག་དྷ་ར་]]ལ་གསེར་མང་པོ་ཕུལ་ནས་གདམས་པ་མང་པོ་ཞུས་སོ། <br />།དེ་ནས་བོད་དུ་འོང་ཁར་ཚེས་བཅུ་ལ་[[རྡོ་རྗེ་གདན་]]དུ་མཆོད་པ་ཕུལ། ཚོགས་འཁོར་བརྒྱ་རྩ་བྱས་ནས། [[Lendarma Lodrö|ལོ་ཙཱ་བ་གླན་དར་མ་བློ་གྲོས་]]དང་། [[ཇོ་བོ་གྷ་ཡ་དྷ་ར་]]དང་འགྲོགས་ཏེ་[[Tholing|ཐོ་ལིང་]]གི་གཙུག་ལག་ཁང་དུ་འོང་བ་དང་། རྒྱ་དཔེ་འགའི་ཡི་གེ་རུལ་འདུག་པས། སླར་རྒྱ་གར་ལ་ལོག་ནས་འགྲོ་དགོས་སྙམས་པ་ན། [[Atisha|པཎྜི་ཏ་དི་པཾ་ཀ་ར་ཤྲཱི་ཛྙཱ་ན་]]བཞུགས་པ་དང་དུས་མཚུངས་ནས། ཁོང་གི་ཞལ་ནས་ངའི་རྒྱ་དཔེ་དང་མཐུན་པར་འདུག །[[Rinchen Zangpo|རིན་ཆེན་བཟང་པོ]]ར་བསྒྱུར་དུ་བཅུག་པས་ཆོག་གསུངས་ཏེ། [[Rinchen Zangpo|ལོ་ཙཱ་བ་རིན་ཆེན་བཟང་པོ་]]དང་། [[Lendarma Lodrö|གླན་དར་མ་བློ་གྲོས་]]གཉིས་ཀྱིས་བསྒྱུར་རོ། <br />།དེ་ནས་[[Atisha|ཇོ་བོ་དཱི་པཾ་ཀ་ར་]]ལ་སེམས་བསྐྱེད་དང་། གསང་འདུས་ཀྱི་དབང་ཞུས། གསང་འདུས་དང་། འཇིགས་བྱེད་དང་། མངོན་རྟོགས་རྒྱན་དང་། མདོ་སྡེ་རྒྱན་དང་། རྒྱུད་བླ་མ་དང་། གཞན་ཡང་གདམས་པ་མང་དུ་ཞུས་ནས་ཡུལ་དུ་འོང་བ་དང་། སྒོ་མོའི་ཇོ་བཙུན་ཁྱུང་པོ་དང་། རྡུལ་བཙུན་སྐྲང་པོ་གཉིས་ཀྱིས་ཆོས་འཁོར་གཙུགས་ནས་ཆོས་ཐོན་པ་དང་། ཁོང་གཉིས་ན་རེ། [[ལྷ་ས]]ར་འདོང་ཟེར་ནས་གསེར་གདུགས་གཅིག་ཡོད་པ་ཁྱེར་ནས་ཕྱིན་ཏེ་ཚེས་བཅུ་གསུམ་གྱི་དགོངས་མོར་གསེར་གདུགས་ཕུལ་ནས། མར་མེ་བཏང་མཆོད་པ་བཤམས་ནས། ངེད་གསུམ་གྱིས་གསོལ་བ་བཏབ་ནས་ནང་པར་རྨི་ལམ་བཤད་པར་ཞུས་པ་དང་། ང་ལ་ཐོ་རངས་ཁར་ཇོ་བོའི་ཞལ་ནས་འདི་སྐད་གསུངས། <br />ཁྱོད་ནི་སྔོན་བྱུང་བྱང་ཕྱོགས་ཀྱི། །ཉན་ཐོས་རྫུ་འཕྲུལ་ཆེན་པོ་ཡིན། །སྔོན་གྱི་ལས་འཕྲོ་སད་པ་ཡིས། །དཀའ་བ་སྤྱད་དེ་རྒྱ་གར་བསྒྲོད། །ད་ལྟ་ཆོས་ཉིད་མངོན་དུ་གྱུར། །གངས་ཅན་གདུལ་བྱ་སྨིན་བྱས་ནས། །བདེ་བ་ཅན་དུ་འགྲོ་བར་འགྱུར། <br />།ཞེས་ལུང་བསྟན་ཏོ། <br />།དེ་ནས་ཁོང་གཉིས་ལ་བྲིས་པས། ཁྱུང་པོ་ན་རེ་ངའི་རྨི་ལམ་ན་གཞུ་སྙེ་གཉིས་ཀྱི་ལ་ཁ་ནས་རྔ་གཅིག་བརྡུང་པས་གཞུ་སྙེ་གཉིས་ཀ་ངའི་མདུན་དུ་འདུས་པ་གཅིག་རྨིས་ཟེར་ཙ་ན། དེ་ཀ་བཞིན་དུ་བྱུང་སྟེ། གནས་བརྟན་མགོ་ཐོག་ལ་དྲག་པ་གཅིག་བྱུང་ངོ་། །རྡུལ་བཙུན་ན་རེ། ང་ནས་ཕུང་གཅིག་གི་སྟེང་ན་འདུག་པས་མི་ཐམས་ཅད་ང་ལ་ནས་ལེན་ཅིང་འདུག་ཟེར་བས། སྐྱེ་བོ་མགོ་ཐོག་ལ་ཕྱུག་པ་གཅིག་བྱུང་ངོ་། <br />།དེ་ནས་[[Langri Thangpa|གླང་རི་ཐང་པ་]]ལ་བསྙེན་རྫོགས་བྱས་ནས་[[འཕན་ཡུལ་འཇོག་པོའི་རི་]]ལ་སྒྲུབ་པ་བྱེད་པའི་དུས་རྒྱགས་ཕྱེ་མ་བྱུང་ནས། [[Maitripa|བླ་མ་མཻ་ཏྲི་པ]]འི་ཞལ་ནས་སྒྲུབ་པ་བྱེད་དུས་སུ་མགོན་པོས་རྒྱགས་སྐྱེལ་དུ་འོང་གི་གསུངས་ནས། རྒྱགས་སྐྱེལ་དུ་རེ་ཙམ་ན་མ་བྱུང་བས། མགོན་པོའི་རྒྱུན་གཏོར་ཆད་ནས། དགོང་མོ་བྲག་ཕུག་གི་སྒོར་ཕྱིན་ནས། ཀྵེ་ཏྲ་པ་ལ། ཛི་ན་མི་ཏྲ། ཊཀྐི་རཱ་ཛ། ཏྲཀྴད་ལ། ང་ལ་དེང་རྒྱགས་རྣམས་ཀྱང་མེད་དོ། །མགོན་པོའི་རྒྱུན་གཏོར་ཆད་ནས་མི་འདུག་གོ་བྱས་ནས་འོ་དོད་ཆེན་པོ་བོས་པས། ནང་པར་འབྲས་ཁུང་གི་ཚོང་དུས་ཁམས་པའི་འབུལ་སྐྱེལ་ཚན་གཅིག་བྱུང་ནས། དངུལ་བྲེ་དང་། རྟ་དང་། ཟ་འོག་དང་། ཇ་སིག་དང་། ཤ་མར་ཐུད་གསུམ་ལ་སོགས་པའི་ཟས་ནོར་ཚན་ཆེན་པོ་ཕུལ་ནས། ཟླ་ཕྱེད་ཀྱི་བར་དུ་སེམས་བསྐྱེད་དང་དབང་བསྐུར་བྱས་པས་གྲལ་ལ་མ་ཤོངས་བར་འཇོག་པོ་མདའི་[[Cheka|ཆད་ཀར་དགོན་པ་]]བཏབ་པས། སློབ་མ་ཉིས་སྟོང་ཙམ་འདུས་སོ། །དེའི་དུས་སུ་ཟླ་སྨད་ལ་མཚམས་བྱས། ཟླ་སྟོད་ལ་གྲོལ་མཚམས་བྱས་ནས་གཞུང་དང་གདམས་པ་མང་པོ་བཤད་དོ། །ཡང་[[Lenpé Chilbu|ལན་པ་སྤྱིལ་པོ]]ར་བསྒོམ་ཙ་ན། མཁའ་འགྲོ་མ་དཔག་ཏུ་མེད་པ་འདུས་ནས། ཁྱོད་ཀྱི་དགོན་པ་[[ཤངས་]]ན་ཡོད་ཀྱི་དེར་གདུལ་བྱ་སྐྱོངས་ཤིག་གསུངས་སོ། <br /><br />།དེ་ནས་[[ཤངས་]]སུ་འགྲོ་ཙ་ན། ཐོ་རངས་གཅིག་ཁ་བ་ཆེན་པོ་བྱུང་བའི་ནམ་ལང་མ་ཐག་ལ་ཨ་ཙ་ར་གཅིག་མཇལ་ཟེར་གྱི་འདུག་ཟེར་བ་ལ། ང་མཚམས་སུ་ཡོད་པས་མི་འཕྲད་བྱས་པས་ང་རྒྱ་གར་ཐག་རིང་ནས་འོང་པས་ན་བ་ཡིན། འཕྲད་དགོས་ཟེར་བས་འཕྲད་དོ། །སྨན་པ་ལ་བསྟན་པས་ཁྲག་ཏུ་འདུག་ཟེར་ནས་གཏར་ག་བྱེད་པར་བྱས་པ་དང་། རྣལ་འབྱོར་པའི་གཏར་ཁ་དེས་མི་ཡོང་གསུངས་ནས་ནམ་མཁའ་ལ་སྐྱིལ་ཀྲུང་བཅས་ནས་བཞུགས་ཏེ་སྐུ་ལུས་ལ་ཁྲག་མང་པོ་བཏོན་ནས་ནམ་མཁའ་ལ་ཆགས་སོ། །ཡང་ས་ལ་བཞུགས་ནས་རླུང་ལོངས་གསུངས་ནས། བཀུ་མཉེ་བྱེད་དགོས་བྱས་ཏེ་རྩི་མར་བྱུགས་པས། རྣལ་འབྱོར་པའི་སྐུ་མཉེ་དེས་མི་ཡོང་གསུངས་ནས། ཡང་འུ་རུ་རུ་འདུག་པ་དང་ནམ་མཁའ་ལ་བཞུགས་ནས་བ་སྤུའི་བུ་ག་ཐམས་ཅད་ནས་ཀུནྡ་མང་པོ་བཏོན་ཏེ་ནམ་མཁའ་ལ་ཆགས་པ་དང་། དེ་རྣམས་བ་སྤུའི་བུ་གར་སིབ་ཀྱིས་བསྡུས་ནས་སྐུ་མཉེ་མཛད་དེ། ནམ་མཁའ་ལ་ཌཱ་ཀི་མ་མང་པོས་གར་སྣ་ཚོགས་བསྒྱུར་རོ། <br />།དེ་ནས་འདི་གྲུབ་ཐོབ་གཅིག་འདུག་སྙམ་ནས་ཕྱག་འཚལ་བསྐོར་བ་བྱས་གསེར་གྱི་མཎྜལ་ཕུལ་ནས་ཐུགས་རྗེས་གཟིགས་པར་ཞུ་འཚལ་བྱས་པས། [[གུ་ཎ་ཨ་ཀ་ར་]]དང་ནི། །[[རཏྣ་ཨ་ཀ་ར་]]ཞེས་དང་། །[[ཨ་བྷི་ཛུ་ཏ་ལ་]]དང་ནི། །[[བྱུ་ན་ཨ་ཀ་ར་]]ན་རེ། །བོད་དུ་གཤེགས་དང་རྣལ་འབྱོར་པ། །གཅིག་དང་དགོས་པ་ཆེའོ་གསུངས། །འོང་པས་ཁྱོད་དང་འཕྲད་པ་ཡིན། །ང་རྒྱ་གར་གྱི་ཉི་མ་ཤར་མ་ཐག་འོང་བས། བོད་རོང་དོག་པས་ནམ་ལང་མ་ཐག་སླེབ་པ་ཡིན་གསུངས། བླ་མའི་ཡུལ་གང་ན་ཡོད་རིགས་གང་ཡིན་མཚན་ཅི་ཡིན། ཅེས་དྲིས་པས། ལྷོ་ཕྱོགས་[[ཨེ་ལ་བྷེ་ཤ]]འི་ཡུལ། །[[བྷི་ར་ཇོ་]]ཞེས་གྲོང་ཁྱེར་ཏེ། །རྡོ་རྗེ་མཁའ་འགྲོའི་ས་གཞི་དེར། །ཡབ་ནི་[[ཨུ་ན་ལ་དྷ་བ]]། །མ་ནི་[[པཱུ་ཅ་ནི་མི་]]ལས། །བདག་ཀྱང་རྒྱལ་རིགས་མཐོ་གྱུར་ཏེ། དེ་ལ་སོགས་པ་རྣམ་ཐར་ཞིབ་པར་གསུངས་སོ། <br />།དེ་ནས་[[Cheka|འཕན་ཡུལ་འཆད་དཀ]]ར་ཟླ་བ་བཅུ་གཅིག་བཞུགས་ཏེ། ཐོག་མར་རྒྱུད་སྡེ་ཆེན་པོ་ལྔའི་དལ་གཅིག་ཏུ་དབང་བསྐུར། དེའི་རྗེས་ལ་རྒྱུད་སྡེ་ལྔ་སོ་སོའི་དབང་བཞི་རྫོགས་རེ་དང་། ཏིང་ངེ་འཛིན་གྱི་དབང་རེ་རེ་ཡང་བསྐུར་ནས། དེ་རྣམས་ཀྱི་སྒྲུབ་ཐབས་རེ་ཡང་གནང་ངོ་། <br />།དེ་ནས་རྒྱུད་བརྟག་གཉིས་དང་། སམྦུ་ཊི་དང་། བདེ་མཆོག་རྩ་རྒྱུད་དང་། རལླི་དང་། དགྱེས་རྡོར་སྒྲུབ་ཐབས་མཚོ་སྐྱེས་རྡོ་རྗེ་དང་། དེ་ཉིད་བཞི་དང་། ཕྱག་རྒྱ་བཞི་ལྡན་དང་། རྫོགས་རིམ་ལྔ་ལྡན་དང་། བདེ་མཆོག་[[Luipa|ལུ་ཧི་པ་]]དང་། དཔའ་བོ་གཅིག་པ་དང་། རྗེ་བཙུན་མ་བརྒྱུད་པ་གསུམ་མ་དང་། མ་ཧཱ་མ་ཡ་[[Kukuripa|ཀུ་ཀུ་རི་པ]]འི་ཆོས་བདུན་དང་། དེ་ཉིད་འབྲེལ་ལུགས་ཆེན་མོ་དང་། ཤནྟི་པ་ཡི་དེ་ཉིད་ལྔ་ལྡན་དང་། འཇིགས་བྱེད་ཀྱི་རྟོགས་པ་བདུན་པ་དང་། དགྲ་ནག་དང་། གསང་བ་སྦས་པ་རྣམས་ཞུས་སོ། །རྫོགས་རིམ་ལ་འཁོར་ལོ་ལྔའི་རྫོགས་རིམ་དང་། རླུང་ཤིང་རྟ་ཅན་དང་། བུམ་པ་ཅན་དང་། འཁོར་ལོ་བཅིངས་གྲོལ། འཕོ་བ་ཡེ་ཤེས་སྐར་ཁུང་མ། རྫོགས་རིམ་དེ་ཉིད་གསུམ་པ་རྣམས་ཞུས། བདེ་མཆོག་རིམ་བཞི་དང་། རིམ་ལྔ་དང་། གསང་འདུས་རིམ་ལྔ་སྟན་ཐོག་གཅིག་མ་དང་། རླུང་སེམས་དབྱེར་མེད་ཞུས། ཕྱག་རྒྱ་ཆེན་པོ་དོ་ཧ་ཞུས། དག་པ་ཡེ་ཤེས་ལ་སོགས་པ་ངོ་སྤྲོད་མང་པོ་ཞུས། དབུ་མ་བདེན་གཉིས་དང་། ངན་སོང་སྦྱོངས་རྒྱུད་ལ་སོགས་པ་ཡོ་ག་མང་དུ་ཞུས། ཕྱག་ན་རྡོ་རྗེའི་རྒྱུད་འབྱུང་པོ་འདུལ་བྱེད་དང་། ཛ་ལི་མའི་སྒྲུབ་ཐབས་གསུམ་དང་། མི་གཡོ་བའི་རྒྱུད་སྒྲུབ་ཐབས་ཆེན་མོ་དང་། རྣམ་འཇོམས་དང་། བྱིན་གྱིས་བརླབས་པའི་ལྷ་བཞིའི་སྒྲུབ་ཐབས་དང་བཅས་པ་དང་། མགོན་པོ་ཕྱག་དྲུག་པའི་འཁོར་བཞིའི་སྒྲུབ་ཐབས་དང་བཅས་པ་དང་ཉི་ཁྲོས་ཀྱི་སེར་བ་ལ་སོགས་སེར་བ་བརྒྱ་རྩ་བརྒྱད་གནང་ནས་བསྟན་པ་བསྲུང་དགོས་པ་ཡིན་གསུངས་སོ། <br />།ཡང་ཉིན་གཅིག་བླ་མའི་ཞལ་ནས། དཔོན་སློབ་གཉིས་པོས་ཉིན་གཅིག་ལ་མཆོད་རྟེན་གཅིག་ཚར་བ་དང་རབ་གནས་ཟིན་པ་བྱེད་དགོས་གསུངས་ནས་བླ་མས་སྤྲུལ་པ་བཀྱེ་བ་དང་། ཌཱ་ཀི་མ་མང་པོས་གྲོགས་བྱས་པས། མཆོད་རྟེན་དང་རབ་གནས་དྲོ་གང་དུ་ཚར་ནས། རྡོ་རྗེ་དྲིལ་བུ་ནམ་མཁའ་ལ་བཞག་གོ། <br />།དེ་ནས་བླ་མའི་ཞལ་ནས། ང་བལ་པོར་སྐྱོལ་དེའི་བར་དུ་ཁྱོད་ཀྱི་སློབ་དཔོན་དུ་གྱིས། ངས་སློབ་མའི་ཚུལ་བྱ་ཡི་གསུངས་ནས། [[རོང་]]དུ་[[ཞང་བདེ་བ་དཔལ་]]ལ་རྒྱུད་སྡེ་ལྔའི་དབང་བསྐུར། [[འདམ་]]དུ་སློབ་མ་ལྔ་བཅུ་ལ་སྤྲུལ་པའི་དཀྱིལ་འཁོར་དུ་དབང་བསྐུར་[[གནམ་]]དུ་ཐང་པ་རྗེ་འབང་ལ་དབང་བསྐུར། དེ་ནས་[[ཤངས་]]དང་། [[འཇད་]][[རྟ་ནག་]]དང་། [[ལ་སྟོད་ལྷོ་]]བྱང་དང་། [[མང་ཡུལ་]]རྣམས་སུ་གསང་འདུས་དང་། འཇིགས་བྱེད་ཀྱི་དབང་བསྐུར། [[མང་ཡུལ་]]དུ་སློབ་མ་བཅུ་གསུམ་ལ་རྣམ་འཇོམས་ཀྱི་སྤྲུལ་པའི་དཀྱིལ་འཁོར་དུ་དབང་བསྐུར་རོ། <br />།དེ་ནས་[[མང་ཡུལ་]]དུ་ཚོགས་འཁོར་བརྒྱ་རྩ་མཛད་ནས་ཚེས་བཅོ་ལྔའི་ཉི་མ་ཙེ་རེ་བ་དེ་ལ། བླ་མའི་ཞལ་ནས་བོད་ན་རྡོ་རྗེའི་ས་གཞི་མེད་པས་སྒྱུ་མ་བྱར་མི་གཏུབ་པས། ཁྱོད་ང་ཡི་རྫུ་འཕྲུལ་གྱི་རྟ་ལ་ཞོན་ནས་རྒྱ་གར་དུ་འདེངས་གསུངས། ཚེ་ཉི་ཟླ་དང་མཉམ་པ་སྒྲུབ། གདམས་ངག་ལྷག་མ་དང་བཅས་པ་རྣམས་ཀྱང་སྦྱིན་གྱི་གསུངས་པ་ལ། ག་རེ་ཤུལ་ན་མ་གཅིག་ཀྱང་ཡོད། རྒྱ་གར་དུ་བསླབ་པའི་ཆོས་འདི་རྣམས་ཀྱང་བོད་ལ་ཕན་མི་ཐོགས་པ་འདུག་སྙམས་པ་གཅིག་བྱུང་བ་དང་། བླ་མའི་ཞལ་ནས་དོ་ནུབ་[[རྡོ་རྗེ་གདན་]]དུ་ཚོགས་འཁོར་གྱི་དཔོན་ལ་འགྲོ་དགོས་པ་ཡོད། རྟོག་པའི་ཐུམ་བུ་ཁྱོད་མི་འགྲོ་བར་འདུག་གསུངས་ནས་ནམ་མཁའ་ལ་བྱ་བཞིན་དུ་གཤེགས་སོ། <br />།དེ་ནས་བླ་མ་ལ་གསོལ་བ་བཏབ་ནས་ངུས་པས། ཚུར་བྱོན་ཏེ་ནམ་མཁའ་ལ་བཞུགས་ནས་བདུད་རྩི་ཚིག་དྲུག་འདི་གསུངས་སོ། <br /><br />༈ །སྡུག་བསྔལ་རྩ་བར་གྱུར་པ། །བདག་ཏུ་འཛིན་པ་ཡིན་གྱིས། །ཞེ་འདོད་ཕྱོགས་རིས་མེད་པར། །མཉམ་ཉིད་དོན་ལ་ཞོག་ཅིག །ཚེ་འདི་མི་རྟག་འགྱུར་ཞིང་། །ཕྱི་མར་མི་ཆད་སྐྱེ་བས། །ལས་འབྲས་ཚུལ་བཞིན་བསྒོམ་ལ། །དམ་ཚིག་གཙོ་བོར་སྲུངས་ཤིག །བརྟན་པ་མ་ཐོབ་བར་དུ། །འདུ་འཛི་གཡེང་བས་གནོད་པས། །རི་དྭགས་སྨས་མ་བཞིན་དུ། །གཅིག་པུར་ཉམས་སུ་ལོངས་ཤིག །ཞེ་སྡང་ཕྲག་དོག་ཆེ་བས། །ཡོན་ཏན་ཅི་སྐྱེས་ཐམས་ཅད། །བུམ་ནང་མར་མེ་བཞིན་ཏུ། །རྟག་ཏུ་སྦ་བར་གྱིས་ཤིག །གནས་ལུགས་ཟུང་འཇུག་ཡིན་གྱི། །ཅིར་སྣང་སྒྱུ་མར་བསྒོམས་ཤིག །སྣང་ལ་རང་བཞིན་མེད་པའི། །ལུས་འདི་དྲན་པས་ཟུངས་ཤིག །ཚེ་འདིར་དགོས་འདོད་འབྱུང་ཞིང་། །ཕྱི་མ་ལམ་སྣ་འདྲེན་པའི། །བླ་མ་སངས་རྒྱས་ལྟ་བུར། །རྟག་ཏུ་དྲན་པར་གྱིས་ཤིག །གསུངས་ནས་རྒྱ་གར་དུ་བཞུད་དོ། <br /><br />།དེ་ནས་[[Nyemo Ramang|གཉེ་མོ་ར་མང་]]དུ་སྤྲུལ་པའི་དམག་གིས་གཡུལ་ངོ་བཟློག་པས་ཡུལ་མི་ཐམས་ཅད་མོས་ནས་ཆོས་ལ་བཙུད་དོ། <br />།དེ་ནས་འཕན་ཡུལ་[[Cheka|འཆད་ཀ་དགོན་པ་]][[Rahula|བླ་མ་རཱ་ཧུ་ལ]]འི་ཆོས་སྐོར་རྣམས་ཞུ་བ་ལ་སློབ་མ་མང་དུ་འདུས་ནས། ལོ་གསུམ་ཆོས་བཤད་པ་དང་། སེང་གེའི་གདོང་ཅན་ལ་སོགས་པའི་ཌཱ་ཀཱི་མང་པོ་བྱོན་ཏེ། [[ཤངས་]]ན་དགོན་པ་ཡོད་པས་དེར་གཤེགས་འཚལ་ཟེར་ནས། དཔོན་གཡོག་སུམ་སྟོང་གིས་[[ཤངས་]]སུ་བྱོན་ནས། [[Shongshong|ཞང་ཞང་]]གི་གནས་ཀྱིས་སྣ་དྲངས་པའི་གནས་དགོན་བརྒྱ་རྩ་བརྒྱད་ལོ་གསུམ་ལ་བཏབ་ནས། དེ་རྣམས་ཀྱི་སྤྱི་དཔོན་ཁྱུང་པོས་བྱས་ཏེ། བདག་གིས་ཆོས་ཉན་བཤད་དང་། སྒོམ་སྒྲུབ་འབའ་ཞིག་ལ་གཙོ་བོར་བྱས། དབུས་གཙང་ཁམས་གསུམ་གྱི་གྲྭ་པ་ཁྲི་ཚོ་གསུམ་འདུས་པའི་དུས་སུ་བདག་ལ་ནད་གཅིག་གིས་བཏབ་ནས། དཔོན་སློབ་བཅུ་གསུམ་གྱིས་ཞག་བཅུ་གཅིག་ལ་མགོན་པོའི་གཏོར་ཆེན་བྱས་པས། གཏོར་མ་བསྐྱལ་ཙམ་ན་ཐམས་ཅད་ཀྱིས་མགོན་པོ་སྐུ་མདོག་དཀར་པོ་གཅིག་ཞལ་མཐོང་ནས་བདག་གི་ནད་དྲག་གོ། <br />།དེ་ནས་གཟུང་སྟེ་མགོན་པོའི་འཁོར་ཐམས་ཅད་དང་། རྣམ་སྲས་རྟ་བདག་བརྒྱད་དང་བཅས་པ་བྲན་བཞིན་དུ་ཉན་ཅིང་ཕྲིན་ལས་སྒྲུབ་བ་བྱུང་ངོ་། །སྟོན་ཟླ་ར་བའི་ཚེས་བརྒྱད་ཀྱི་ཐོ་རངས་དགྱེས་རྡོར་སྤྲུལ་པའི་ལྷ་དགུ་དང་། མཚོན་ཆ་ཅན་ལྷ་བཅུ་གསུམ་ཞལ་མཐོང་ནས། དེ་ཉིད་བཞིའི་གདམས་པ་གསུངས། དེའི་ཚེས་བཅོ་ལྔ་ལ་འཇམ་དཔལ་བྱོན་ནས། རིན་པོ་ཆེའི་སྒྲོམ་བུ་གཅིག་ཁ་ཕྱེས་ནས་དམིགས་པའི་སྒྲོམ་བུ་གསུངས་པས། སྔར་གྱི་རྒྱ་གར་དུ་ཞུས་པ་བས་གནད་ཟབ་པར་བྱུང་ནས་ནད་གདོན་ཐམས་ཅད་དམིགས་པ་དེ་ཉིད་བཏབ་པ་ཙམ་གྱིས་སེལ་བ་བྱུང་ངོ་། །ཡང་སྟོན་ཟླ་འབྲིང་པོའི་ཚེས་གསུམ་ལ་སྒྲོལ་མ་ལྷ་བཅུ་གསུམ་དང་། རྣམ་འཇོམས་ཁྲོ་བཅུའི་བསྐོར་བ་གཅིག་ཞལ་མཇལ་ནས། དབང་བསྐུར་བྱས་པས་བུམ་པ་དང་རྡོ་རྗེ་དྲིལ་བུ་ནམ་མཁའ་ལ་འཇོག་ནུས་པ་བྱུང་ངོ་། <br />།དེ་ནས་[[ཀྲེའོ་བྱང་ཆུབ་རྒྱལ་]]གྱིས་འབུལ་བ་ལན་གསུམ་ཕུལ་ནས་དབང་བསྐུར་ལན་གསུམ་ཞུ་བ་བྱས་པས་ང་ཡེངས་ནས་བརྗེད་པས་ཉིན་གཅིག་གི་[[སྐྱོ་སངས་]]ལ་ཕྱིན་ཙ་ན། ཁོས་ཡང་འབུལ་བ་བྱས་དེ་རིང་ལ་ཅིས་ཀྱང་དབང་བསྐུར་མཛད་དགོས་ཟེར་བ་ལ། འདི་ཀར་བྱ་ཡི་བྱས་ནས་སྤང་གཤོང་དེ་ཉིད་དུ་སྤྲུལ་པའི་དཀྱིལ་འཁོར་དུ་དབང་བསྐུར་བས། ཁོའི་ནད་གདོན་ཐམས་ཅད་དངོས་སུ་དོན་ནས་བྱུང་ངོ་། <br />།དེ་ནས་གྲྭ་པ་མང་དུས་ཁྲི་ཚོ་ལྔ་འདུས་ནས་ཐམས་ཅད་ཐབས་ཀ་འབའ་ཞིག་ལ་ཡེངས་ནས་ཉན་བཤད་དང་། སྒོམ་སྒྲུབ་ཙམ་མ་བྱུང་བས་སྐྱོ་བ་སྐྱེས་ནས་རྒྱ་གར་དུ་འགྲོ་སྙམ་ཙ་ན། སྒྲོལ་མ་བྱོན་ནས། ཐེག་ཆུང་ལམ་ལ་མ་འཇུག་པར་གོ་ཆ་ཆེན་པོ་གོན་ཅིག་གསུངས་པས། ཕུག་ཆུང་གཅིག་ཏུ་གབ་ནས་ཞག་བདུན་ཏིང་ངེ་འཛིན་ཟས་སུ་ཟོས་པས། བཙུན་ཆུང་གཟིམ་གཡོག་པ་གཅིག་མལ་སར་བྱུང་གིན་ངུ་ཡི་འདུག་པས་སྙིང་རྗེ་བར་བྱུང་ནས། བཙུན་ཆུང་ཅི་ལ་ངུ་བྱས་པས་མཁན་པོ་གར་བཙལ་ཡང་མ་རྙེད་པས་ངུས་པ་ཡིན་ཟེར་རོ། <br />།དེ་ནས་སོས་ཀ་མེ་ཏོག་རྒྱས་པའི་དུས་སུ་ཉིན་གཅིག་གྲྭ་པ་རྣམས་ཁྲིད་ནས་[[སྤངས་ཁར་]]ཕྱིན་ནས། མི་རེའི་མདུན་དུ་སུམ་ཅུ་རྩ་གསུམ་གྱི་ལྷ་མོ་ལྟ་བས་ཆོག་མི་ཤེས་པ་མིག་ཟུར་མིག་ཏུ་བལྟ་བ། འཛུམ་ཞིང་སྒེག་པ་སྙན་པའི་གླུ་ལེན་པ་མང་པོ་བསྟན་པས། ཐམས་ཅད་དགའ་བར་གྱུར་ཏོ། །ཡང་སང་ཉིན་ཡང་[[ལྟད་མོ་]]ལ་འདོང་ངོ་བྱས་པས་གྲྭ་པ་མ་ལུས་པ་བྱུང་བ་དང་། ཡང་མི་རེའི་མདུན་དུ་གཤིན་རྗེ་མི་ཤ་རློན་པ་ཟ་བ་འཇིགས་སུ་རུང་བ། མིག་དམར་བ། ཁ་གདང་པ། མཆེ་བ་བརྩིགས་པ། མི་རུང་བའི་གད་མོ་འབྲུག་ལྟར་སྒྲོགས་པ། སོད་ཅིག་ཆོམ་ཅིག་ཟེར་བ། ལག་ན་མཚོན་ཆ་བརྡར་བ་ཤ་སྟག་ཐོགས་པ་མང་པོས་བསྐོར་འདུག་པ་དང་། དེར་འཚོགས་པ་ཐམས་ཅད་བསྔངས་སྐྲག་རེངས་བརྒྱལ་པར་གྱུར་ཏོ། <br />།དེ་ནས་བརྒྱལ་བ་སངས་པ་དང་། ཁོང་རྣམས་ན་རེ། འདི་ལྟ་བུའི་བར་དོའི་ལས་ཀྱི་གཤིན་རྗེ་ཡིན་སྙམ་ནས་བརྒྱལ་བ་ལགས་པས། ལྷ་མོ་དང་གཤིན་རྗེ་རྣམས་བླ་མའི་སྤྲུལ་པ་ཡིན་ནམ། འདི་ལྟ་བུའི་སྣང་བ་འབྱུང་བ་ཡིན་ཟེར་བ་ལ། བླ་མའི་ཞལ་ནས། <br /><br />ཆགས་སྡང་ཡུལ་རྣམས་ཐམས་ཅད་ཀུན། །རང་གི་སེམས་ལས་བྱུང་བ་སྟེ། །རྣལ་འབྱོར་པ་ཡི་སྣང་བ་ལ། །ཤ་ཟ་ལ་སོགས་གཤིན་རྗེའི་གཟུགས། །མཚོན་ཆ་སྣ་ཚོགས་ལག་ན་ཐོགས། །ཚེ་སྲོག་དུས་འདིར་སྡུད་བྱེད་ཀྱང་། །སྒྱུར་མར་ཤེས་པས་གྲོལ་བར་འགྱུར། <br />།ལྷ་མོ་མཛེས་མ་རྒྱན་གྱིས་བརྒྱན། །གླུ་ལེན་སྙན་པའི་སྒྲ་སྒྲོགས་ཅིང་། །ཡིད་འོང་མང་པོས་མཐའ་སྐོར་ཡང་། །རང་སྣང་སྒྱུ་མར་ཐག་ཆོད་ན། །དེ་དག་གིས་ཀྱང་འཆིང་མི་ནུས། <br />།ཞེས་པ་ལ་སོགས་པའི་ཆོས་དང་། བར་དོའི་ཆོས་བསྟན་པས་ཐམས་ཅད་ཉན་བཤད་དང་། སྒོམ་སྒྲུབ་ལ་བརྩོན་པར་གྱུར་ཏོ། <br /><br />།དེ་ནས་ཉིན་གཅིག་[[དགེ་བཤེས་རོང་པོ་དཀོན་མཆོག་རྒྱལ་]]གྱིས་བྲག་རིང་གི་ཐ་འོག་ཏུ་མང་བསྐོལ་བྱས། རྟ་བརྒྱ་དང་། དངུལ་བྲེ་གཅིག་དང་། དར་ཟབ་མང་པོ་ཕུལ་ནས། [[Khyungpo Neljor|ཁྱུང་པོ་རྣལ་འབྱོར་]]ཁྱོད་དག་གིས། །རྒྱ་གར་ཡུལ་དུ་ལན་གསུམ་བྱོན། །བླ་མ་བརྒྱ་དང་ལྔ་བཅུ་བཙལ། རྩ་བའི་བླ་མ་བཞིའམ་ལྔ་ཡོད་པས་ཁྱེད་གྲུབ་ཐོབ་ཏུ་གྱུར་ནས་སྣང་བ་རང་བཞིན་མེད་པར་རྟོགས་པ་ཡིན་ཟེར་བ་ལ། བྲག་འདི་ལ་ཕར་ཐལ་ཚུར་ཐལ་འགའ་རེ་གྱིས། ནམ་མཁའ་ལ་སྐྱིལ་ཀྲུང་གིས་ལ་འདུག་ཟེར་བ་ལ་བྲག་རི་དེ་ལ་ཐལ་བྱུང་དུ་ཕྱིན། ནམ་མཁའ་ལ་སྐྱིལ་ཀྲུང་བཅས་ནས། གཅིག་དང་དུ་མར་སྣང་བ་ལ་སོགས་པའི་རྫུ་འཕྲུལ་འགའ་རེ་བསྟན་པས། [[རོང་པོ་]]དང་གྲྭ་བ་ཐམས་ཅད་ཤིན་ཏུ་དད་དེ། དེ་ལྟ་བུའི་ཡོན་ཏན་དེ་གདམས་ངག་གང་བསྒོམས་པ་ལས་བྱུང་བ་ཡིན་ཟེར་བ་ལ། <br /><br />།ཆོས་རྣམས་སྒྱུ་མ་ལྟ་བུ་ལ། །སྒྱུ་མ་ལྟ་བུར་ཉམས་བླངས་པས། །སྒྱུ་མ་ལྟ་བུར་མངོན་སངས་རྒྱས། །སྣང་ཡང་བདེན་མེད་ཆོས་རྣམས་ལ། །བྱིས་པས་བདེན་པར་བཟུང་བས་འཁྲུལ། །མེད་བཞིན་སྣང་བ་ཨེ་མ་ཧོ། <br />།ལ་སོགས་པའི་ཆོས་བཤད་པས་དད་དེ་ཟླ་བ་བཅུ་གཅིག་ན་[[རོང་པོ]]ས་ཡི་དམ་ལྷའི་ཞལ་མཐོང་ནས་སྣང་བ་བདེན་མེད་དུ་རྟོགས་སོ། <br /><br />།དཔྱིད་ཟླ་ར་བའི་ཚེས་གཅིག་གི་ཐོ་རངས་ཌཱ་ཀི་མ་མང་པོ་བྱུང་ནས། ཡར་གྱི་ངོ་ཚེས་བཅུ་དང་མར་གྱི་ཚེས་བཅུ། ཡར་གྱི་ཚེས་བཅུ་བཞི་དང་མར་གྱི་ཙེས་བཅུ་བཞི་ལ་ཚོགས་བརྒྱ་རྩ་བརྒྱད་ཀྱིས་ཤིག །ཁྱེད་ཀྱི་ལུས་ངག་ཡིད་གསུམ་ལྟེ་བ་གསང་གནས་དང་ལྔ། རྒྱུད་སྡེ་ལྔའི་ལྷ་ཚོགས་དང་དབྱེར་མེད་དུ་གྱུར་ཅིང་། རང་གཞན་ཐམས་ཅད་ཀྱི་མངོན་སུམ་དུ་མཐོང་ནས་རང་དང་དབྱེར་མེད་དུ་གྱུར་ཏོ། <br />།དེ་ནས་དཔྱིད་ཟླ་འབྲིང་པོའི་ཚེས་བདུན་གྱི་ནམ་འཇིང་ཡོལ་ཙམ་ན་ཡེ་ཤེས་ཀྱི་ཌཱ་ཀི་མ་ཀུན་ཏུ་བཟང་མོ་བྱོན་ནས། <br />འཚོགས་པའི་མཐར་ཐུག་ཁྲི་བཅོ་བརྒྱད། །སློབ་མའི་མཐར་ཐུག་ལྔ་དང་གཅིག །ཚེ་ཡི་མཐར་ཐུག་བརྒྱ་དང་ལྔ་བཅུ། །ཞིང་ཁམས་མཐར་ཐུག་བདེ་བ་ཅན། <br />།ཞེས་གསུངས་པས་སད་བྱེད་བྱས་ནས་འཚོགས་པ་ཆེ་དུས་ཁྲི་ཚོ་བཅོ་བརྒྱད་དང་། སྔ་བུ་ལྔ། ཕྱི་བུ་གཅིག་དང་། ལོ་བརྒྱ་དང་ལྔ་བཅུ་ཐུབ་པ་དང་། ཚེའི་དུས་བྱས་ནས་བདེ་བ་ཅན་དུ་འགྲོ་བ་དང་། སེམས་ཅན་གྱི་བསམ་པ་དང་བག་ལ་ཉལ་ལ་སོགས་པ་ཇི་ལྟ་བ་བཞིན་དུ་ཤེས་པ་བྱུང་ནས། སློབ་མ་རྣམས་ལ་ལན་རེ་ཙམ་བཤད་པ་དང་། [[Sukhasiddhi|ཌཱ་ཀི་མ་སུ་ཁ་སིདྡྷི་]]བྱོན་ནས། <br />སྙིགས་མའི་སེམས་ཅན་ལོག་ལྟ་ཅན། །རྒྱལ་བས་ཀྱང་ནི་མ་ཐུལ་ཞིང་། །མཁྱེན་པའི་སྤྱན་ལ་བདུད་འཛིན་པས། །ཡོན་ཏན་སྦས་པའི་རྣལ་འབྱོར་གྱིས། <br />།ཞེས་ལན་གསུམ་གསུངས་པས། རང་རྒྱུད་པའི་ཚུལ་བཟུང་ནས་ཡོན་ཏན་གཏུབ་ཚད་ཀྱིས་སྦས་སོ། <br />།དེ་ནས་འཚོགས་པ་ཆེ་དུས་ཁམས་པའི་མི་ཚང་རྣམས་འབུལ་བ་བྱེད་པ་ལ་མ་འཆམ་མོ། །དུས་གཅིག་ལ་ཆོས་ཁྲི་བརྒྱ་རྩ་བརྒྱད་རྩིགས། དེའི་སྟེང་དུ་སྐུ་ལུས་ཀྱི་བཀོད་པ་བརྒྱ་རྩ་བརྒྱད་བསྟན་ཏེ་བཞུགས། ཆོས་ཁྲིའི་རེའི་མདུན་དུ་མི་ཚང་རེའི་འབུལ་བ་འདྲེན་ནས་བྱས་སོ། །དེའི་དུས་སུ་[[Rinchen Dorjé|རིན་ཆེན་རྡོ་རྗེ]]འི་གཟིམས་གཡོག་བྱས་ནས་ཐ་མལ་རང་རྒྱུད་བཟུང་ཏེ་ལོག་ལྟ་ཨན་རེ་བྱེད་ཀྱིན་འདུག་པས་མཁྱེན་ནས། ཡི་གེ་བརྒྱ་པ་དང་དག་བྱེད་ཨའི་སྟོང་ར་ཞག་བདུན་བསྒོམས་དུ་བཅུག་ནས། གཟིམས་ཆུང་དུ་བྱུང་བ་དང་། ང་ཅི་མཐོང་བྱས་པ་དང་། བླ་མ་བེར་ཐུལ་གསོལ་བར་མཐོང་ཟེར། ད་ཅིར་མཐོང་བྱས་པས་ཕྱག་འཚལ་ནས་དགྱེས་རྡོར་མཚོན་ཆ་ཅན་ལྷ་བཅུ་གསུམ་དུ་མཐོང་ཟེར། ཡང་གནས་ལྔར་རྒྱུད་སྡེ་ལྔ་བཀོད་པས་ཀྱང་དེ་ལྟར་མཐོང་འདུག་ནས་ཕྱིར་སོང་བྱས་པས་ཕྱིར་ཕྱིན་པ་དང་། ནང་དུ་འོང་ནས་ལྟས་པ་དང་། ཡང་དགྱེས་རྡོར་དུ་མཐོང་བ་དང་བླ་མའི་ཞལ་ནས། དུས་ད་ནས་བཟུང་སྟེ་ང་ཐ་མལ་དུ་སྐད་ཅིག་ཀྱང་མ་ལྟ་ཨང་བྱས་པས། [[Rinchen Dorjé|རིན་ཆེན་རྡོ་རྗེ་]]ན་རེ། <br /><br />སྐུ་ལུས་སྤྲུལ་པའི་ལྷ་དགུ་ལ། །གནས་ལྔར་རྒྱུད་སྡེ་ལྔའི་ལྷ། །བརྒྱ་རྩ་བརྒྱད་ཀྱི་ཆོས་ཁྲི་ལ། །བལྟ་བས་མི་ངོམ་སྐུ་ལུས་རེ། །མཐའ་བྲལ་ཐེག་ཆེན་ཆོས་སྒྲ་སྒྲོགས། །སྣ་ཚོགས་སྤྲུལ་པ་ཕྱོགས་བཅུར་སྟོན། །རྒྱལ་བ་རྒྱ་མཚོའི་ཐུགས་སྤྲུལ་པའི། །བླ་མ་སངས་རྒྱས་ཁྱོད་ལ་བསྟོད། །མ་རིག་འཁྲུལ་པའི་སེམས་ཅན་རྣམས། །ཡང་དག་ལམ་ལ་གཟུང་དུ་གསོལ། <br />།ཞེས་ཁོས་བསྟོད་པ་བྱས་སོ། <br />།དེ་ནས་ལོག་ལྟ་སྐད་ཅིག་ཙམ་མ་སྐྱེས་པར། ཅི་གསུང་ཉན་པའི་ཉེ་གནས་སུ་གྱུར་ཏོ། <br /><br />།དེ་ནས་ཡང་བྱམས་པའི་ཆོས་ལྔ་དང་། གསང་བ་སྤྱི་རྒྱུད་བཤད་པའི་འཚོ་བ་འདྲེན་པ་ལ། དབུས་གཙང་ཁམས་གསུམ་གྱི་གྲྭ་པ་རྣམས་མ་འཆམ་པར། དམ་སེལ་དུ་འགྲོ་བར་བྱུང་པ་དང་། རྒྱལ་ཆེན་རིགས་བཞིའི་ལྷ་ཚོགས་རྣམས་བྱུང་ནས། <br />ཐར་མེད་གནས་སུ་སྐྱེ་བ་དང་། །ཐར་པའི་གནས་གཅོད་བྱེད་པ་ནི། །མི་མཐུན་དག་ལས་འབྱུང་བར་འགྱུར། །དེ་ཕྱིར་དམ་ཚིག་སྨོས་ཅི་དགོས། །མཐུན་པའི་དཀའ་ཐུབ་དག་ལས་ནི། །ཚེ་གཅིག་སངས་རྒྱས་རྙེད་མི་དཀའ། །དེ་ཕྱིར་འདིར་འཚོགས་ལྷ་རྣམས་ཀྱིས། །ཆོས་གསུང་ཚེ་ན་བསྙེན་བཀུར་བྱ། །ཏ་ལ་བདུན་སྲིད་གཅིག་ཀྱང་རུང་། །མཁའ་ལ་ཆོས་ཆར་དབབ་ཏུ་གསོལ། །ཆོས་ཀྱི་དུང་ཆེན་བསྒྲོག་ཏུ་གསོལ། །ཆོས་ཀྱི་བ་དན་བསྒྲེང་དུ་གསོལ། <br />།ཞེས་གསོལ་བ་བཏབ་པས། ཟླ་བ་བདུན་མི་ཟས་མི་ཟ་བར་དམ་བཅས་ནས་ནམ་མཁའ་ལ་ཤིང་ཏ་ལ་གཅིག་གི་ཚད་ཙམ་དུ། ཟླ་བ་བདུན་གྱི་བར་དུ་བྱམས་པའི་ཆོས་ལྔ་དང་། གསང་བ་སྤྱི་རྒྱུད་ཚར་བར་བྱས་པས། དབུ་མའི་ལྟ་བ་ཁོང་དུ་ཆུད་པ་མང་དུ་བྱུང་བ་དང་། ལྷ་རྣམས་ཀྱིས་མགྲིན་གཅིག་ཏུ། <br />འདི་སྐད་ཅེས་བརྗོད་པར་གྱུར་ཏོ། །[[Dorjé Denpa|བླ་མ་རྡོ་རྗེ་གདན་པ]]འི་ཐུགས་དགོངས་རྫོགས་པར་གྱུར་ཏོ། །ལྷ་རྣམས་ཚིམས་པར་གྱུར་ཏོ། །མི་རྣམས་གྲོལ་བར་གྱུར་ཏོ། །སངས་རྒྱས་ཀྱི་བསྟན་པ་ལ་བྱ་བ་ཆེན་པོ་བྱས་པར་གྱུར་ཏོ། <br />།ཨ་ལ་ལ་ཞེས་ལན་གསུམ་བརྗོད་ཅིང་། མེ་ཏོག་གི་ཆར་ཆེན་པོར་ཕབ་སྟེ་མི་སྣང་བར་གྱུར་ཏོ། <br />།ཡང་[[གནས་མཁར་གྱི་རྫོང་]]ལ་བསྒོམ་ཙ་ན་འཇིགས་བྱེད་ལྷ་བཅུ་གསུམ་པོ་ཐོད་པ་དང་བཅས་པ་ནམ་མཁའ་ཁེངས་པ་ཙམ་གྱི་སྐུ་ཤིན་ཏུ་ཆེ་བ་གཅིག་མཐོང་ནས། དྲག་པོ་གསུམ་འདུལ་གྱི་གདམས་ངག་གསུངས། དཔྱིད་ཟླ་ར་བའི་ཚེས་བཅུ་གསུམ་གྱི་ཐོ་རངས། སངས་རྒྱས་འོད་དཔག་མེད་བྱོན་ནས། བདེ་བ་ཅན་གྱི་ཞིང་ཁམས་ཀྱི་བཀོད་པ་རྣམས་བསྟན་ནས། <br /><br />ཁྱོད་ཀྱི་སྐྱེ་བ་ཐ་མ་སྟེ། །བདེ་བ་ཅན་གྱི་ཞིང་ཁམས་སུ། །སྡེ་དང་བཅས་པའི་བདུད་བཏུལ་ནས། །མངོན་པར་བྱང་ཆུབ་འཁོར་ལོ་བསྐོར། །གང་གིས་ཁྱོད་ཀྱིས་རྗེས་སློབ་ཅིང་། །འོད་དཔག་མཚན་ཙམ་ཐོས་པས་ཀྱང་། །བདེ་བ་ཅན་གྱི་ཞིང་ཁམས་སུ། །རྫུ་འཕྲུལ་ཆེན་པོས་སྐྱེ་བར་འགྱུར། །ཁྱོད་ཀྱི་རྒྱུད་འཛིན་རྣམ་པ་གསུམ། །མངོན་དགའ་དང་ནི་བདེ་བ་ཅན། །དག་པའི་ཞིང་ནས་ཞིང་དུ་འགྲོ། །དེར་ནི་མངོན་པར་བྱང་ཆུབ་འགྱུར། <br />།ཞེས་པ་ལ་སོགས་པའི་ལུང་བསྟན་མང་དུ་མཛད་དོ། <br /><br />།དེ་ནས་འཚོགས་པ་ཁྲི་ཚོ་བཅོ་བརྒྱད་ཚོགས་པའི་དུས་སུ། བཤད་གྲྭ་ཆེན་མོ་བ་ཕྲག་དོག་སྐྱེས་ཏེ། ཡང་ན་[[Shongshong|ཞོང་ཞོང་པ]]འི་ཞབས་ལ་འདུད། ཡང་ན་གྲྭ་པ་ཉུང་ངུས་དུས་སུ་བླ་མ་ཀྲོང་ལ་གྲྭ་ས་མེད་པ་བྱའོ་ཞེས་བྱས་པས་གྲྭ་པ་གཞོན་པ་ཚོས་ཆོས་ཞུས་ནས་སློབ་མ་རང་བྱེད་པ་འཐད་ཟེར་བ་ལ། རྒན་པོ་གསུམ་གྲོས་འཆམ་སྟེ། གཅིག་གིས་ཆོས་ཞུས་པ་དང་ཐམས་ཅད་ཀྱིས་ཆོས་ཞུས་ནས་གྲྭ་ས་འཇིགས་འགྲོ་བས། དེ་བས་གྲྭ་པ་ཉུང་ངུས་དམག་བྱེད་པ་འཐད་ཟེར་རོ། <br />།དེ་ནས་བྱ་བྱུང་ནས། བླ་མ་ལ་ཉེ་གནས་[[Rinchen Dorjé|རིན་ཆེན་རྡོ་རྗེ]]ས་ཁོང་ཚོས་དམག་བྱེད་པར་འདུག་པས། ཡང་ན་ཕར་ལ་དམག་རྒྱབ་ལ་གྲྭ་ས་ཆེན་པོ་མེད་པར་བྱ། ཡང་ན་བྲོས་པ་རང་འཐད་ཟེར་བ་ལ། ངས་ཆོས་བྱས་པས་གནོད་འཚེའི་དམག་མི་བྱེད། གནས་དགོན་འདི་རྣམས་ང་རང་གི་གསར་དུ་བཏབ་པས་བྲོས་དོན་མེད་བྱས་ནས་མ་ཉན་པ་དང་། སྟོན་ཀ་གྲྭ་པ་ཉུང་དུས་ཤིག་ཏུ་དམག་སྟོང་ཚོ་ལྔ་ནམ་ལང་མ་ཐག་བྱུང་བས། [[Rinchen Dorjé|རིན་ཆེན་རྡོ་རྗེ་]]ན་རེ་ཁ་ནིང་ནས་དམག་འོང་བར་འདུག་བྱས་པས་མ་གསན། ད་དམག་གིས་སྐོར་ནས་གདའ་ཅི་ཙུག་བྱེད་ཟེར་བ་ལ། ཏིང་ངེ་འཛིན་གྱི་སྤྲུལ་པའི་དམག་གིས། དམག་སྟོང་ཚོ་ལྔ་པོ་དེ་རི་ཀླུང་མེད་པར་དེད་ནས་རྨ་དང་ཤི་བ་མེད་པར་གཡུལ་ངོ་ལས་རྒྱལ་བར་བྱས་པས། ཁོང་རྣམས་སློབ་མར་ཚུད་ནས་རྩ་བའི་བླ་མར་བཟུང་སྟེ། ཅི་ཡོད་ཐམས་ཅད་ཕུལ་ལོ། །ཡང་མུ་གེ་ཆེན་པོ་བྱུང་བའི་དུས་སུ་རྗེ་བཙུན་མ་སྒྲོལ་མ་ལ་གསོལ་བ་བཏབ་པས་ལུང་བསྟན་བྱུང་ནས་སྔ་དྲོ་ཐང་ཆེན་པོ་ལ་ནས་བཏབ་པས་ཕྱི་དྲོ་ནས་བྱུང་ནས་ཟད་མི་ཤེས་པའི་སྟོན་ཐོག་ཐོན་བྱུང་སྟེ་མུ་གེ་ལས་ཐར་བར་བྱས་སོ། <br /><br />།ཡང་སྟག་ལོ་སྟོན་ཟླ་ར་བའི་ཚེས་བརྒྱད་ལ་བྱིན་གྱིས་རླབས་པའི་ལྷ་བཞིའི་སྤྲུལ་པའི་དཀྱིལ་འཁོར་དུ་སློབ་མ་བཅོ་ལྔར་དབང་བསྐུར་ནས། དུས་དེ་ནས་བཟུང་ནས་ཞལ་མཐོང་བ་མང་པོ་བྱུང་ངོ་། །[[Geshé Gapa Chögyel|དགེ་བཤེས་འགའ་པ་ཆོས་རྒྱལ་]]གྱིས་འབུལ་བ་ཆེན་པོ་བྱས་ནས། བྱམས་པའི་ཆོས་ལྔ་དང་། འབུམ་ཊི་ཀ་དང་། ལེ་བརྒྱད་མ་ནས་ཡི་གེ་གཅིག་མ་ཡན་ཆད་མཁས་པར་བསླབ་ནས་སྒོམ་བློ་བྱས་པ་ཡིན་ཏེ་ཕ་རོལ་ཏུ་ཕྱིན་པའི་ལྟ་བ་ཐག་མ་ཆོད། ད་བོད་ན་རྒན་པོ་རྣམས་ལ་ཞུས་མ་ཞུས་མི་འདུག་པས། བླ་མས་རྣལ་ལམ་བཟུང་ལ། ཡུམ་ཆེན་མོ་ལ་ལྟ་བ་རྣམ་དག་ཅིག་ཞུས་ནས་ང་ལ་གནང་བར་ཞུ། ང་ཚེ་ཐུང་རིགས་ཡིན་པས་ཚེ་དཔག་མེད་ལ་ཚེ་སྒྲུབ་ཅིག་ཞུ། སྙིང་རྗེ་འདི་སྐྱེ་དཀའ་བར་བྱུང་བས། ཐུགས་རྗེ་ཆེན་པོ་ལ་སྙིང་རྗེ་ཆེན་པོ་རྩོལ་མེད་དུ་སྐྱེ་བ་ཞིག་ཞུ། རྣམ་སྲས་འདི་བསྒྲུབས་ཀྱང་མ་ཁོལ་བས། ཕྱག་ན་རྡོ་རྗེ་ལ་རྒྱུད་དང་གདམས་པ་ཞུ། རྗེ་བཙུན་མ་ལོ་གསུམ་བསྒྲུབས་ཀྱང་དབང་གི་ཕྲིན་ལས་གཅིག་ཀྱང་མ་འགྲུབ་པས། ཨོ་རྒྱན་དུ་རྗེ་བཙུན་མ་ལ་སྣང་སྲིད་གཡོ་འགུལ་གྱི་གནད་གཅིག་ཀྱང་ཞུ་ཟེར་བས། བདག་གིས་རྨི་ལམ་བཟུང་ནས་འོག་མིན་དུ་ཕྱིན་ནས་ཡུམ་ཆེན་མོ་ལ་སྲས་ཕྱོགས་བཅུའི་སངས་རྒྱས་ཀྱི་འཁོར་དཔག་ཏུ་མེད་པས་བསྐོར་ནས་ཐམས་ཅད་ཀྱང་ཆོས་འཆད་ཀྱི་ཕྱག་རྒྱ་ཅན་ཤ་སྟག་བཞུགས་ཤིང་འདུག་པ་ལ་མཆོད་བའི་བྱེ་བྲག་དཔག་ཏུ་མེད་པ་ཕུལ་ནས་ཆོས་ཞུས་པས། མཐར་ཐུག་སྐྱེ་མེད་རྣམ་གསུམ་གྱི་གདམས་ངག་གནང་ངོ་། །ཡང་བདེ་བ་ཅན་དུ་ཕྱིན་ནས་མགོན་པོ་འོད་དཔག་མེད་དེ་བྱང་ཆུབ་ཀྱི་ཤིང་གི་སྟེང་ནས། སྤྱན་རས་གཟིགས་དང་། རྟ་མགྲིན་དང་། ཕྱག་རྡོར་ལ་སོགས་པ་བྱང་ཆུབ་སེམས་དཔའ་དཔག་ཏུ་མེད་པས་བསྐོར་ནས། བརྡའི་སྒོ་ནས་ཆོས་སྟོན་ཅིང་འདུག་པ་ལ། བདག་གིས་མེ་ཏོག་གི་ཆར་ཆེན་པོ་ཕབ། ལུས་ཀྱི་ལྷའི་བུ་དང་བུ་མོ་རོལ་མོ་སྣ་ཚོགས་ཐོགས་པ་དཔག་ཏུ་མེད་པ་སྤྲུལ་ནས་ཕུལ་ཏེ་འཛམ་བུའི་གླིང་པའི་སེམས་ཅན་ཚེ་ཐུང་པ་ལས་བསྐྱབ་ཏུ་གསོལ་ཞེས་ཞུས་པས་སངས་རྒྱས་ཚེ་དཔག་མེད་དང་བྱང་ཆུབ་ཀྱི་ཤིང་གཉིས་ཀ་ལས་ཆོས་ཀྱི་སྒྲ་བྱུང་སྟེ། བདུད་རྩི་བུམ་པའི་ཚེ་སྒྲུབ་གསུངས་སོ། <br />།དེ་ནས་ཡང་པོ་ཏ་ལར་ཕྱིན་ནས་ཐུགས་རྗེ་ཆེན་པོས་གནོད་སྦྱིན་རྣམས་ལ་བྱམས་པའི་ཆོས་གསུངས་པ་དང་མཇལ་ནས་གཙོ་འཁོར་གསུམ་པོ་ལས་འོད་ཟེར་གསུམ་བྱུང་ནས་བདག་གི་གནས་གསུམ་དུ་ཟུག་སྟེ། འོད་ཟེར་དེ་དག་ལས་ཆོས་ཀྱི་སྒྲ་འདི་དག་བྱུང་སྟེ།<br /><br />ཆོས་རྣམས་རང་བཞིན་སྐྱེ་མེད་ལས། །འགགས་མེད་སྙིང་རྗེ་མ་ཤར་ན། །འགྲོ་དྲུག་སེམས་ཅན་མ་རྒན་རྣམས། །སྨིན་ཅིང་གྲོལ་བར་མི་ནུས་པས། །འགྲོ་འཆག་ཉལ་འདུག་ཐམས་ཅད་དུ། །མ་ཡི་དྲིན་དང་སྡུག་བསྔལ་རྣམས། །མ་ཡེངས་དྲན་པའི་ལྕགས་ཀྱུས་ཟུངས། །ཚད་མེད་སྙིང་རྗེ་ཆེན་པོ་སྐྱེད། །བྱམས་པའི་གངས་རི་ཆེན་པོ་ལས། །སྙིང་རྗེའི་ཆུ་རྒྱུན་བསིལ་བ་ཡིས། །ཉོན་མོངས་མེ་དཔུང་ཞི་བར་མཛོད། །ང་ནི་སྙིང་རྗེ་ཆེན་པོའི་སྐུ། <br />།ལ་སོགས་པའི་སྙིང་རྗེ་མཁའ་ཁྱབ་ཀྱི་ཏིང་ངེ་འཛིན་གསུངས་སོ། །ལྕང་ལོ་ཅན་དུ་ཕྱིན་ཏེ་གསང་བའི་བདག་པོས་གནོད་སྦྱིན་ཤིང་རྟའི་རྒྱུད་དང་། གནོད་སྦྱིན་སྲོག་གི་སྙིང་པོ་དང་། གནོད་སྦྱིན་ཡིད་བཞིན་ནོར་བུའི་རྒྱུད་རྣམས་གསུངས་སོ། <br /><br />།ཡང་ཚེས་བཅུའི་སྲོད་ལ་མཆོད་པ་ཕུལ་ནས། ཐོ་རངས་ཨོ་རྒྱན་དུ་ཕྱིན་ནས་རྗེ་བཙུན་མ་ལྷ་ལྔའི་དཀྱིལ་འཁོར་དུ་དབང་ཞུས་པ་དང་། ཌཱ་ཀི་མ་སེང་གེའི་གདོང་པ་ཅན་ལ། ཌཱ་ཀི་མ་སྡེ་བཞིས་བསྐོར་ནས་འདི་སྐད་གསུངས། <br />རྡོ་རྗེ་མཁའ་འགྲོས་བར་ཆད་བསྲུང་། །རིན་ཆེན་མཁའ་འགྲོས་མི་ནོར་སྒྲུབ། །པདྨ་མཁའ་འགྲོས་བུད་མེད་སྡུད། །ཕྲིན་ལས་མཁའ་འགྲོས་ལས་ཀུན་སྒྲུབ། །འདོད་སྲེད་ཆགས་པའི་དབང་སོང་བ། །བདག་ཉིད་མཁའ་འགྲོའི་དབང་དུ་སོང་། །ཕྱི་རོལ་མི་འདུ་གང་ཡང་འབྱུང་། །ཌཱ་ཀི་རང་གི་སེམས་སུ་ཤེས། །སེམས་ཀྱི་དེ་ཉིད་ཤེས་པ་དང་། །སེམས་ཉིད་མི་རྟོག་རྡོ་རྗེ་སྟེ། །རྡོ་རྗེ་ཌཱ་ཀིའི་བར་ཆད་སྲུང་། །ཆོག་ཤེས་དགོས་མེད་རིན་ཆེན་གཏེར། །རིན་ཆེན་མཁའ་འགྲོས་དགོས་འདོད་འགྲུབ། །ཆགས་བྲལ་མི་རྟོག་པདྨ་སྟེ། །པདྨ་ཌཱ་ཀིས་མུ་དྲ་སྡུད། །སྐྱེ་འགགས་མེད་པ་ཀརྨ་སྟེ། །ལས་ཀྱི་ཌཱ་ཀིས་ཕྲིན་ལས་སྒྲུབ། །དེ་ལྟར་མ་ཤེས་རྣལ་འབྱོར་པས། །བསྐལ་པར་བསྒྲུབས་ཀྱང་འགྲུབ་མི་འགྱུར། །དེ་ཕྱིར་མཁའ་འགྲོ་རང་སེམས་སུ། །ཤེས་པ་གནད་ཀྱི་མཆོག་ཡིན་ནོ། <br />།ལ་སོགས་པ་འཆར་བ་རྣམ་པ་གསུམ། འདུ་བ་རྣམ་པ་གསུམ་གྱི་གདམས་ངག་རྣམས་གསུངས་སོ། <br /><br />།དེ་ནས་[[Geshé Gapa Chögyel|དགེ་བཤེས་འགའ་པ]]ས་ཚོགས་མཆོད་བརྒྱ་རྩ་བརྒྱད་བྱས་ཏེ་གདམས་པ་རྣམས་བཤད་དེ་ཉམས་ལེན་བྱས་པས། མཐར་ཐུག་སྐྱེ་མེད་ཀྱི་དོན་རྟོགས་སོ། །ཚེ་དཔག་མེད་ཞལ་མཐོང་། སྙིང་རྗེ་ཕྱོགས་མེད་དུ་ཤར། རྣམ་སྲས་བྲན་བཞིན་དུ་ཉན། ཌཱ་ཀིས་ཕྲིན་ལས་ཐམས་ཅད་ཇི་ལྟ་བ་བཞིན་དུ་སྒྲུབ་པ་བྱུང་ངོ་། <br />།དེ་ནས་ཡང་[[Geshé Gapa Chögyel|འགའ་པ་]]ན་རེ། བླ་མ་ཆེན་པོ་ལགས། རྨི་ལམ་དུ་སངས་རྒྱས་ལ་ཆོས་ཞུས་པ་དང་། དངོས་སུ་ཞུས་པ་ལ་ཁྱད་ཡོད་དམ་མེད་ཟེར་བ་ལ། <br />སངས་རྒྱས་སྐུ་དང་ཞིང་ཁམས་དང་། །འཁོར་དང་ཆོས་ལ་སོགས་པ་རྣམས། །ཐམས་ཅད་སྒྱུ་མ་ལྟ་བུ་སྟེ། །དངོས་དང་རྨི་ལམ་ཐ་དད་མེད། །ཅེས་བྱས་པས་ཆོས་རྒྱལ་ཤིན་ཏུ་མོས་པར་གྱུར་ཏོ། <br />།ཡང་དབོན་ཁྱུང་པོ་ན་རེ། ཤབ་ཀྱི་འབའ་ར་ནག་པོ་འདི་དང་། གཉན་ཐང་ལྷ། ཇོ་བོ་བན་ཆེན་དང་གསུམ་པོ་འདིས། ངེད་མི་རྟ་གཉིས་ལ་གནོད་པ་བསྐྱལ་བས་རྣལ་ལམ་བཟུང་ལ་འདུལ་བར་ཞུ་ཟེར་བ་ལ། ངས་རྡོ་རྗེ་འཇིགས་བྱེད་དུ་བྱས་ནས། ཉིན་པར་ཐོག་མདའ་བཅུ་གསུམ་ཕབ། ནུབ་མོ་རྨི་ལམ་བཟུང་ནས་མ་ཧེས་བརྡུང་སྟངས་བྱེད་སྐྱིན་ཕེཾ་ཕེཾ་གྱི་འབྲུག་སྒྲ་ཆེན་པོ་སྒྲགས་པས། འབར་ར་ནག་པོ་ན་རེ། བླ་མ་ཆེན་པོ་དེ་ལྟར་མི་མཛད་པར་ཞུ། ང་ཡི་འཁོར་ཐམས་ཅད་ཐོག་གིས་བསད། མ་ཧེས་གནས་ཁང་ཐམས་ཅད་བཤིགས། ང་ཁྲག་སྐྱུགས་ནས་འཆི་བར་ཡོད་པས། དཔོན་ཁྱུང་པོའི་རྟ་ཁྱེར་བ་ལ་རྟ་བརྒྱའི་ཡུས་བྱེད་ཟེར་བ་ལ། ཁྱོད་རང་གི་སྲོག་སྔགས་ཕུལ། སེམས་ཅན་ལ་གནོད་འཚེ་མི་བྱེད་པའི་དགེ་བསྙེན་གྱིས་ཤིག །དེ་མིན་ན་དུས་འདིར་བརླག་པར་བྱའོ་བྱས་པས། འབའ་ར་ཆེན་པོས་སྲོག་སྔགས་ཕུལ་དགེ་བསྙེན་བྱས་ནས། རྟ་བརྒྱ་དང་ཕྱུག་མ་བརྒྱའི་ཡུས་བྱས་ཏེ་ཕྲིན་ལས་པར་ཚུད་དོ། །གཉན་ཐང་ལྷའི་གངས་ལ་ངས་ཐོག་མདའ་བརྒྱ་དུས་གཅིག་ལ་ཕབ་པས་གང་ཐམས་ཅད་ཉིལ། མཚོ་རྡོལ་བས་ཁོ་དྲི་ཟའི་རྒྱལ་པོ་ཟུར་ཕུད་ལྔ་པའི་གཟུགས་སུ་བྱས་ནས། ཐང་ལྷས་གདན་དྲངས་ནས་རྒྱུད་སྡེ་ཆེན་པོ་ལྔའི་དཀྱིལ་འཁོར་དུ་དབང་བསྐུར་སྲོག་སྔགས་ཕུལ་ལོ། །ཡར་ལྷ་ཤམས་པོ་དང་། མ་དྲོས་པ་[[Shongshong|ཞོང་ཞོང་]]དུ་བྱུང་ནས་རྣམ་འཇོམས་ཀྱི་དཀྱིལ་འཁོར་དུ་དབང་བསྐུར། སྲོག་སྔགས་ཕུལ་ནས་ལོངས་སྤྱོད་སྒྲུབ་པའི་ཡོན་བདག་ཏུ་ཁས་བླངས་སོ། །ཡང་གཤིན་རྗེ་དགྲ་ནག་གི་དཀྱིལ་འཁོར་དུ་སྤྲུལ་ནས། ཇོ་བོ་བན་ཆེན་དང་། ཀླུ་བསེན་དང་བཅས་པ་ཐམས་ཅད་བཏུལ་ནས་མན་འཆད་མ་གཏོགས་པ། སེམས་ཅན་ལ་གནོད་འཚེ་མི་བྱེད་པར་དམ་བཅས་ནས་ཁོ་རང་གི་སྒྲུབ་ཐབས་དང་མཆོད་ཐབས་ཕུལ་ལོ། །དེ་ཡང་མི་བས་ལྷ་འདྲེ་ཚོ་ལ་བཤད་ན་དེས་ཆེ་བར་འདུག་པས། མི་ལ་གནོད་པར་བྱེད་པའི་འདྲེ་ལ་མི་འདི་ལ་གནོད་པ་མ་བྱེད་པར་རྒྱུག་ཅིག །མི་འགྲོ་ན་ངས་འདུལ་ལོ་བྱས་ནས་འཕྲིན་བཏང་བ་ཙམ་གྱིས་འགྲོ་བ་བྱུང་ངོ་། །ལར་རྨི་ལམ་དུ་རྡོ་རྗེ་འཇིགས་བྱེད་དུ་བྱས་ནས་ལྷ་འདྲེ་འདུལ་བ་འདི་ཀ་སྟོབས་ཆེ་བར་བྱུང་ངོ་། <br /><br />།དེ་ཡང་སྟོན་ཀ་མེ་ཏོག་རྒྱས་པའི་དུས་སུ་ཚོགས་པའི་མཐར་ཐུག་དང་། སློབ་མའི་མཐར་ཐུག་དང་། ཚེའི་མཐར་ཐུག་རྣམས་འཛོམ་པའི་དུས་སུ། སྟོན་ཟླ་འབྲིང་པོའི་ཚེས་བདུན་ལ་རྒྱ་གར་ལྷོ་ཕྱོགས་ཀྱི་བླ་མ་རྣམས་བྱོན་ནས་ཞག་བདུན་དུ་དབང་བཞི་རྫོགས་སུ་བསྐུར། ཡེ་ཤེས་སེམས་དཔའ་དངོས་སུ་བསྟིམས་ནས་[[Khyungpo Neljor|ཁྱུང་པོ་རྣལ་འབྱོར་]]འདི་ན་གདུལ་བྱ་མི་ཆེ་བར་འདུག་པས་རྒྱ་གར་ལྷོ་ཕྱོགས་སུ་གཤེགས་འཚལ། དེ་ན་གདུལ་བྱ་དཔག་ཏུ་མེད་པ་ཡོད་དོ་གསུངས་སོ། །ཡང་ཟླ་བ་དེའི་ཚེས་བཅུ་གསུམ་ལ། རྒྱ་གར་ནུབ་ཕྱོགས་ཀྱི་བླ་མ་དང་། མགོན་པོ་ཚེ་དཔག་མེད་བྱོན་ནས། ཞག་བདུན་དུ་དབང་བསྐུར། ཡེ་ཤེས་སེམས་དཔའ་བསྟིམས་ནས། འདི་ན་གདུལ་བྱ་མི་ཆེ་བར་འདུག་པས་བདེ་བ་ཅན་དུ་གཤེགས། ད་རེས་གཤེགས་ན་ལུས་འདི་མ་སྤངས་པར་འཇའ་ལུས་སུ་སངས་རྒྱ་བར་འགྱུར་རོ་གསུངས་པ་ལ། ངས་ཆོས་རྣམས་ལ་ཕོངས་སེམས་བྱས་ནས་རྫོགས་པར་མ་བྱིན་པས། ད་སློབ་མ་རྣམས་བསགས་ནས་ཆོས་ཐམས་ཅད་རྫོགས་པར་སྟེར་དགོས་པ་ཡོད་བྱས་ནས་ཞུས་པས། སངས་རྒྱས་འོད་དཔག་མེད་དང་བླ་མ་རྣམས་ཀྱི་ཞལ་ནས་ད་རེས་བྱོན་ན་ལུས་འདིར་མ་སྤངས་པར་སངས་རྒྱ་བ་ཡིན་ཏེ། ད་རྣམ་སྨིན་གྱི་ལུས་འདི་བཞག་ནས་བདེ་བ་ཅན་དུ་སངས་རྒྱ་བར་འགྱུར་རོ། །སྐུ་ལུས་འདི་མེ་ལ་མ་སྦྱངས་ན་[[Shongshong|ཞོང་ཞོང་]]འདི་རྡོ་རྗེ་གདན་གཉིས་པར་འགྱུར་རོ། །ཁྱོད་ཀྱི་ཆོས་བརྒྱུད་འདི་རྣམས་ཀྱང་ཆུ་བོའི་རྒྱུན་བཞིན་ཏུ་འགྱུར་རོ། །ལན་གསུམ་གསུང་ནས་མི་སྣང་བར་གྱུར་ཏོ། <br />།དེ་ནས་དབུས་གཙང་ཁམས་གསུམ་གྱི་སློབ་མ་རྣམས་ལ་ཡི་གེ་རྫོང་ཏེ་སྟོན་ཟླ་ར་བ་ལ་གྲྭ་པ་གསར་རྙིང་ཐམས་ཅད་འདུས་ཏེ་ཆོས་ཀྱི་འཁོར་ལོ་ལན་གསུམ་བསྐོར་ནས་ཆོས་ཐམས་ཅད་མ་ལུས་པར་ཚར་བར་བྱས་སོ། <br />།དེ་ནས་བདག་[[Khyungpo Neljor|ཁྱུང་པོ་རྣལ་འབྱོར་]]གྱིས་རྒྱ་གར་ལ་ལན་གསུམ་ཕྱིན་ནས། བླ་མ་ལྔ་བརྒྱ་དང་ལྔ་བཅུ་ལ་གསེར་དང་མོས་གུས་ཀྱིས་མཉེས་པར་བྱས་ནས། དབང་བྱིན་རླབས་དང་བཅས་པ། རྒྱུད་སྒྲུབ་ཐབས་དང་བཅས་པ། གདམས་ངག་ཁྱད་པར་ཞལ་གདམས་དང་བཅས་པ་རྣམས་ཞུས་སོ། །དེ་ལས་ཀྱང་ཁྱད་པར་གྱི་བླ་མ་བཅུ་གསུམ་དང་། རྩ་བའི་བླ་མ་རྣམ་བཞི་དང་། འགྲན་གྱི་དོ་མེད་ཡེ་ཤེས་ཀྱི་ཌཱ་ཀི་མ་ཞལ་རྣམ་པ་གཉིས་ལས་དབང་དང་བྱིན་རླབས་དང་། རྒྱུད་སྒྲུབ་ཐབས་ལས་ཚོགས་ལག་ལེན་དང་བཅས་པ། གདམས་ངག་ཆིག་བརྒྱུད་བཀའ་རྒྱ་དང་བཅས་པ་ཞུས་ནས་སློབ་མ་རྣམས་ཚིམས་པར་བྱས་པ་ཡིན་ནོ། །དེ་ལ་སྤྱིར་ང་ཡི་གདམས་ངག་འདི་གཞན་ལས་ཁྱད་པར་དུ་འཕགས་པས་མགོ་བྱིན་ན་མགོས་ཕན་ཐོགས། བར་བྱིན་ན་བར་གྱིས་ཕན་ཐོགས། གཤམ་བྱིན་ན་གཤམ་གྱིས་ཕན་ཐོགས་པ་ཡིན་ཀྱང་། ལྷག་མ་མ་བཞག་པར་རྫོགས་པར་བྱིན་པ་ཡིན་པས། ཐེ་ཚོམ་དང་ཡིད་གཉིས་མ་བྱེད་པར་བརྩོན་འགྲུས་དྲག་པོས་ཉམས་སུ་ལོངས་ཤིག །དབང་པོ་རབ་རྣམ་སྨིན། འབྲིང་བག་ཆགས། ཐ་མ་ཡང་བར་དོ་སངས་མི་རྒྱ་བ་མི་སྲིད་པ་ཡིན་ནོ། །བདག་གི་བཀའ་བབས་དང་གདམས་ངག་གི་གནད་འདི་ལྟ་བུ་རྒྱ་བོད་གང་ན་ཡང་མེད་པར་ཐག་ཆོད་པ་ཡིན་ནོ། །དེ་ལ་བླ་མ་ཡི་དམ་གྱི་ལུང་བསྟན་པའི་གནས་[[Shongshong|ཞོང་ཞོང་]]གི་གཙུག་ལག་ཁང་འདིར། གྲྭ་པ་དབུས་གཙང་ཁམས་གསུམ་གྱི་ས་གཞི་ལ། དྲི་མེད་ཤེས་རབ་ཀྱི་སྡོང་པོ་འཇམ་དཔལ་དང་། འཇིགས་བྱེད་ལ་མངའ་བརྙེས་པའི་[[Méu Tönpa|རྨེའུ་སྟོན་པ་]]སྐྱེ། ཕན་སེམས་ཀྱི་ཡལ་ག་བྱམས་པ་ལ་ཆོས་གསན་པའི་བྱང་ཆུབ་སེམས་དཔའི་[[Yorpo Gyamoché|གཡོར་པོ་རྒྱ་མོ་ཆེ]]། ཚད་མེད་སྙིང་རྗེ་ཆེན་པོའི་ཡལ་འདབ་སྤྱན་རས་གཟིགས་དང་དབྱེར་མེད་པའི་[[Ngültön Rinwang|དངུལ་སྟོན་རིན་དབང་]]། བྱམས་པ་ཕྱོགས་མེད་ཤར་བའི་བདེ་མཆོག་དང་། མགོན་པོའི་བདག་ཉིད་ལ་[[Könchok Khar|སྟོད་པ་དཀོན་མཆོག་མཁར]]། ལྷ་སྐུ་འོད་གསལ་དབྱེར་མེད་ཀྱི་སྙིང་པོ་མངོན་དུ་གྱུར་ཅིང་། ཌཱ་ཀི་དངོས་སུ་འདུ་བའི་[[Shangom Chöseng|རྟོགས་ལྡན་ཞང་སྒོམ་ཆོས་སེང་]]ངོ་། །སྒྱུ་ལུས་རྨི་ལམ་གྱི་འབྲས་བུ་སྨིན་པ་[[Mokchokpa Rinchen Tsöndrü|རིན་ཆེན་བརྩོན་འགྲུས]]། དེ་ལྟར་སྔ་བུ་ལྔ། ཕྱི་བུ་གཅིག་དང་དྲུག་པོ་འདི་བླ་མ་དང་ལྷ་ཚོགས་རྣམས་ཀྱི་ལུང་བསྟན་ཐོབ་པ། ཡི་དམ་དཔག་ཏུ་མེད་པ་ལ་ཆོས་ཞུས་པ། ཆོས་ཉིད་ཀྱི་དོན་ཇི་ལྟ་བ་བཞིན་ཐུགས་སུ་ཆུད་པ་ཡིན་པས། མཆེད་གྲོགས་དང་སློབ་མ་ཐམས་ཅད་ཀྱིས་ཕྲག་དོག་དང་ལོག་ལྟ་མ་བྱེད་པར་ང་དང་དབྱེར་མེད་དུ་བལྟ་བར་བྱའོ། <br />།དེ་ནས་འཚོགས་པའི་མཐར་ཐུག་ཁྲི་ཕྲག་བཅོ་བརྒྱད་པོ་ལ་ནི་ལོ་དུ་མར་ཆོས་མང་པོ་བསྟན། སློབ་མའི་མཐར་ཐུག་དྲུག་པོའི་ཆོས་ནི་མ་ལུས་པར་ཚར། ཚེའི་མཐར་ཐུག་བརྒྱ་དང་ལྔ་བཅུ་ལ་ཐུག །རྒྱ་གར་གྱི་བླ་མ་རྡོ་རྗེ་མཆེད་གསུམ་ལ་སོགས་པ་དང་། ཕྱི་རོལ་པའི་སློབ་དཔོན་འཇིགས་བྱེད་རྡོ་རྗེ་ལ་སོགས་པ་ལ་ཞུས་པའི་ངན་སྔགས་མང་པོ་ཡོད་པ་རྣམས་རྒྱལ་ཁམས་སུ་མཆེད་ན་འཇིག་རྟེན་པ་རྣམས་ཕུང་གིས་དོག་ནས་ཕལ་ཆེར་རྫ་ལ་སྦས་ཏེ། <br /><br />ཚོགས་མཆོད་བརྒྱ་རྩ་དང་སྤོང་ཐག་བྱས་པའི་ཚེས་བརྒྱད་ཀྱི་སྔ་དྲོ་རྒྱལ་པོ་ཆེན་པོ་བཞི་དང་། ཀླུ་མ་དྲོས་པ་དང་། དྲི་ཟའི་རྒྱལ་པོ་ཟུར་ཕུད་ལྔ་པ་ལ་སོགས་པའི་མི་མ་ཡིན་མང་པོ་འདུས་སོ། །གསེར་དངུལ་ལ་སོགས་པའི་ལོངས་སྤྱོད་མང་པོ་ཕུལ་ནས། མྱ་ངན་འདའ་བར་མ་དགོངས་པར། །དུས་ངན་སྙིགས་མའི་སེམས་ཅན་རྣམས། །ཡང་དག་ལམ་ལ་གཞུག་ཏུ་གསོལ། །ཇི་སྲིད་བཞུགས་ཀྱི་བར་དུ་ཡང་། །ཅི་གསུངས་ལོངས་སྤྱོད་ངེད་ཀྱིས་བསྒྲུབ། །ཟེར་བ་ལ་བདག་གིས་འདི་སྐད་སྨྲས་ཏེ། <br /><br />བླ་མ་ཡི་དམ་ལུང་བསྟན་པའི། །མཐར་ཐུག་གསུམ་གྱི་དུས་ལ་བབ། །ད་ནི་ཞིང་ཁམས་མཐར་ཐུག་པའི། །བདེ་བ་ཅན་གྱི་ཞིང་དུ་འགྲོ། །དག་པའི་ལོངས་སྤྱོད་དཔག་ཏུ་མེད། །འཇིག་རྟེན་གསེར་དངུལ་དགོས་པ་མེད། །ཁྱོད་རྣམས་ང་ལ་དད་གྱུར་ན། །བདེ་བ་ཅན་དུ་གསོལ་བ་ཐོབ། །ཞིང་དེར་སྐྱེ་བར་ཐེ་ཚོམ་མེད། །རྡུལ་གཅིག་སྟེང་ན་རྡུལ་སྙེད་ཞིང་། །བསམ་གྱིས་མི་ཁྱབ་རྫོགས་པར་སྣང་། །ཞིང་དག་སྟོན་པ་འཁོར་དང་ཆོས། །དཔག་ཏུ་མེད་པ་འོད་དཔག་ཞིང་། །རྣམ་པར་དག་པ་བདེ་བ་ཅན། །དེ་ཕྱིར་ཐེ་ཚོམ་མ་བྱེད་པར། །ཞིང་དེར་སྐྱེ་བའི་སྨོན་ལམ་ཐོབ། <br />།ཅེས་པ་ལ་སོགས་པའི་ཆོས་བཤད་ནས། ང་ནི་ངེས་པར་བདེ་བ་ཅན་དུ་འགྲོ་བར་འགྱུར་རོ་གསུང་། <br />དེར་ཚོགས་པའི་ལྷ་དང་ཌཱ་ཀི་དང་ལྷ་འདྲེ་ཐམས་ཅད་གདུང་བས་སྨྲེ་སྔགས་འདོན་ཅིང་། མེ་ཏོག་གི་ཆར་ཕབ་ནས་མི་སྣང་བར་གྱུར་ཏོ། <br />།དེ་ནས་ཚེས་བཅུ་བཞི་ལ་འཚོགས་སུ་བྱོན་ནས་དེ་རིང་ང་ཡི་ཆོས་བཤད་པའི་ཐ་མ་ཡིན་པས། ཆོས་ཀྱི་སྐབས་གོང་དུ་མ་བདེ་བ་དང་འདྲི་རྒྱུ་ཡོད་པས་དྲིས་ཤིག །ད་རེས་ནི་ཐེ་ཚོམ་གཅོད་པའི་དུས་ལ་བབ་བོ་གསུངས་སོ། །ཐམས་ཅད་ཀྱི་ཆོ་ངེས་ཆེན་པོ་བཏབ་བོ། །བླ་མ་ནམ་མཁའ་ལ་སྐུ་ལུས་ཀྱི་བཀོད་པ་མང་པོ་བསྟན་ཅིང་། <br /><br />ཀྱཻ་མ་འདུས་བྱས་མི་རྟག་ཏེ། །ནམ་མཁའ་སྤྲིན་བཞིན་འདུས་ཤིང་གྱེས། །བདེན་མེད་སྒྱུ་མའི་ཆོས་རྣམས་ལ། །བདེན་པར་བཟུང་བས་བསླུས་པ་ཡིན། །ང་ཡི་ལུས་ནི་རྒྱལ་བའི་སྐུ། །སྐྱེ་འཆི་ཅན་དུ་མ་བལྟ་ཞིག །ང་ཡི་ངག་ནི་རྒྱལ་བའི་གསུང་། །བརྗོད་བྲལ་སྐྱེ་མེད་རང་སྒྲ་སྒྲོགས། །ང་ཡི་སེམས་ནི་རྒྱལ་བའི་ཐུགས། །རྟོག་བྲལ་མཁྱེན་པའི་ཡེ་ཤེས་ལྡན། <br />།ཞེས་གསུངས་པ་དང་། ནམ་མཁའ་ཐམས་ཅད་འཇའ་དང་རོལ་མོའི་སྒྲས་གང་ཞིང་། མེ་ཏོག་གི་ཆར་ཆེན་པོ་འབབ་པར་གྱུར་ཏོ། <br /><br />།དེ་ནས་ཚོགས་ཀྱི་དཀྱིལ་འཁོར་ནས་ཡར་བྱོན་ཏེ་གཟིམ་ཁང་དུ་གདན་དུ་བཞུགས་ནས། [[Mokchokpa Rinchen Tsöndrü|རིན་ཆེན་བརྩོན་འགྲུས་]]མེ་ཏོག་བཏུས་ནས་ཤོག །དབུ་ཆེ་རྣམས་ཀྱང་ཁད་ཀྱིས་བོས་ཤིག་གསུངས་སོ། <br />།དེ་ནས་མེ་ཏོག་དམར་པོ་མང་པོ་བསྒྲུབས་ནས་བླ་མ་ལ་ཕུལ་བས་བླ་མའི་ཞལ་ནས་[[Niguma|ཌཱ་ཀི་མ་ནི་གུ་མ]]འི་ཐུགས་དམ་རྗེ་བཙུན་མ་འདི་དང་། [[Dorjé Denpa|བླ་མ་རྡོ་རྗེ་གདན་པ]]འི་རྟེན་གཙོ་འདི་དང་། གཤིན་རྗེ་གཤེད་དང་། དགྱེས་རྡོར་གྱི་རྡོ་སྐུ་འདི་དང་། [[Atayavajra|བླ་མ་ཨ་ཏ་ཡ་བཛྲ་]]གྱི་ཐུགས་དམ་འདི་དང་། རྡོ་རྗེ་དྲིལ་བུ་ལ་སོགས་པའི་རྟེན་འདི་རྣམས་ལ་ཕུལ་གཅིག་གསུངས་ནས། རྟེན་དེ་རྣམས་ནམ་མཁའ་ལ་བཞུགས་པ་ལ་བླ་མས་ཕྱག་མཛད། ཡང་མཆོད་པ་ཕུལ་གཅིག་གསུང་ནས། [[Niguma|ཌཱ་ཀི་ནི་གུ་མ་]]དང་། [[Sukhasiddhi|སུ་ཁ་མ་སིདྡྷི་]]ལ་སོགས་པའི་བླ་མ་རྣམས་དང་སངས་རྒྱས་ཚེ་དཔག་མེད་ལ་སོགས་པའི་ཡི་དམ་རྣམས་བྱོན་ནས། ཡང་གསོལ་བ་ཐོབ་གཅིག་གསུངས་སོ། །ཡང་བླ་མའི་ཞལ་ནས། [[Mokchokpa Rinchen Tsöndrü|རིན་ཆེན་བརྩོན་འགྲུས་]]སྒྱུ་ལུས་རྨི་ལམ་ལ་སོགས་པའི་ཆོས་འདི་རྣམས་ཉམས་སུ་ལེན་ཙ་ན། རྨི་ལམ་མི་འཚམས་པ་དང་། ཌཱ་ཀིའི་གཟུགས་སྣ་ཚོགས་སུ་བསྒྱུར་ནས་ལྟས་དང་ཆོ་འཕྲུལ་སྣ་ཚོགས་སུ་སྟོན་དུ་འོང་བས་དེ་ལ་སྐྲག་ཙམ་མི་དགོས། ལར་དུས་དང་རྣམ་པ་ཐམས་ཅད་དུ་ང་རང་གིས་བྱིན་གྱིས་བརླབས་པ་ཡིན་གསུངས་སོ། <br />།དེ་ནས་དབུ་ཆེ་འདུས་པ་དང་། དགྱེས་རྡོར་བ་རྣམས་ལ་དགྱེས་རྡོར་དུ་སྒོམས་ཤིག་གསུང་ནས། བླ་མ་དགྱེས་རྡོར་མཚོན་ཆ་ཅན་དང་། སྤྲུལ་པའི་ལྷ་དགུར་བཞུགས་ཤིང་ཆོས་གསུངས། དེ་བཞིན་དུ་བདེ་མཆོག་དང་། གསང་འདུས་དང་། མ་ཧཱ་མ་ཡ་དང་། འཇིགས་བྱེད་དང་། ཐུགས་རྗེ་ཆེན་པོ་དང་། སྒྲོལ་མ་དང་། མི་གཡོ་བ་ལ་སོགས་པར་བཞུགས་ནས་ཆོས་གསུངས། བྱིན་གྱིས་རླབས་པའི་ལྷ་བཞི་དབུའི་སྟེང་དུ་བཀོད་ནས་འདི་བཞིན་ཉམས་སུ་ལོངས་ཤིག་གསུངས་སོ། <br />།དེ་ནས་བླ་མའི་ཞལ་ནས་ང་རྒྱ་གར་གྱི་བླ་མ་རྣམས་ཀྱིས་དབང་བཞི་རྫོགས་སུ་བསྐུར་བའི་དུས་སུ། ཡེ་ཤེས་སེམས་དཔའ་དངོས་སུ་བསྟིམ་པ་ཡིན་པས། ཡེ་ཤེས་སེམས་དཔའ་མ་གཤེགས་པར་སྤུར་སྦྱངས་དུ་མི་གཏུབ་སྟེ། ད་ལྟ་ང་བས་ལྷག་པའང་ནམ་ཡང་མེད་དེ། ང་དང་མཉམ་པ་ཡང་མེད་པས། ངའི་སྤུར་མ་སྦྱངས་བར་རིན་ཆེན་གསེར་དངུལ་དང་། ཟངས་ལྕགས་ཀྱི་གའུ་གྱིས་ལ། དེར་ང་ཡི་སྤུར་བཞུགས་ལ་མཆོད་པ་ཕུལ། དེ་ལྟར་བྱས་ན་[[Shongshong|ཞོང་ཞོང་]]གི་གནས་འདི་རྡོ་རྗེ་གདན་གཉིས་པ་ལྟ་བུ་ལ། ངའི་ཆོས་བརྒྱུད་འདི་ཆུ་བོའི་རྒྱུན་བཞིན་དུ་འོང་བར་འདུག་སྟེ། ཁྱེད་རྣམས་ཀྱིས་གྲོས་ཉེས་ཤིག་བྱེད་དམ་གསུངས། ད་འདི་ནས་བླ་མ་ཞིང་ཁམས་གང་དུ་གཤེགས། གསོལ་བ་གང་དུ་བཏབ་ཞུས་པས། ང་འདི་ནས་བདེ་བ་ཅན་དུ་སངས་རྒྱ་བས་དེར་གསོལ་བ་ཐོབ། ཐེ་ཚོམ་དང་ཡིད་གཉིས་མ་བྱེད་ཨང་ལན་གསུམ་གསུངས་སོ། <br />།དེ་ནས་འཕོ་བ་ཡེ་ཤེས་སྐར་ཁུང་མ་སྒོམ་པ་རྣམས་འདི་བཞིན་ཉམས་སུ་ལོངས་ཤིག་གསུངས་པ་ལ། དབུ་ཐོད་ལག་མཐིལ་ཙམ་ཞིག་ནམ་མཁའ་ལ་འཕར་ཏེ། སྒྲ་དང་འོད་དང་འཇའ་ཚོན་དུ་གྱུར་ནས་ནམ་མཁའ་ལ་གཤེགས་སོ། <br /><br />།དེ་ནས་ཟངས་དང་གསེར་དངུལ་གྱི་གའུ་བརྡུང་ནས་དེར་སྤུར་བཞུགས་པར་བྱས་ཙམ་ན། ཁམས་པའི་གྲྭ་པ་མང་ལ་དབང་ཆེ་བས། ཁོང་རྣམས་ན་རེ། བླ་མའི་སྤུར་མི་སྦྱོངས་ན། དབུ་ཁམས་སུ་ཁྱེར་ནས་དངུལ་གྱི་གདུང་ཁང་བྱས་ནས་དེར་བཞུགས་པ་ཡིན་ཟེར་ནས། སྤུར་སྦྱངས་པས་རྒྱུད་སྡེ་ལྔའི་ལྷ་ཚོགས་དང་། ལྷ་བཞི་ལ་སོགས་པའི་སྐུ་གཟུགས། རིང་བསྲེལ་དང་། དུང་གཡས་འཁྱིལ་ལ་སོགས་པའི་རྟེན་མང་པོ་བྱོན་ནོ། །འཇའ་ཚོན་དང་མེ་ཏོག་གི་ཆར་ཆེན་པོ་ནམ་མཁའ་ཁེངས་པ་ཞག་ཉི་ཤུ་རྩ་གཅིག་གི་བར་དུ་བྱུང་ངོ་། །དེའི་རྗེས་ལ་སྐུ་འབུམ་བཞེངས་པས་མེ་ཏོག་གི་ཆར་རྒྱུན་དུ་བབས་པ་དང་། མཁའ་འགྲོ་མ་དང་ལྷ་ཀླུས་མཆོད་པ་ཕུལ་ནས། འབུམ་པའི་ཕྱོགས་བཞི་ནས་མར་མེ་བཏང་བ་ལྟ་བུའི་འོད་རྒྱུན་དུ་བྱུང་སྟེ། ལྷ་མི་ཐམས་ཅད་ཀྱིས་མཆོད་པའི་རྟེན་དུ་གྱུར་ཏོ། །དེ་ལ་[[Shangom Chöseng|རྟོགས་ལྡན་ཞང་སྒོམ་ཆོས་སེང་]]དང་། [[Méu Tönpa|བླ་མ་རྨེའུ་སྟོན་པ་]]དང་། [[Mokchokpa Rinchen Tsöndrü|བླ་མ་རྨོག་ལྕོག་པ་]]དང་། ཉེ་གནས་[[Rinchen Dorjé|རིན་ཆེན་རྡོ་རྗེ་]]དང་བཞི་ལ་རྣམ་ཐར་གསུངས་པ་རྣམས་ཕྱོགས་གཅིག་ཏུ་བསྡེབས་ནས་ཡི་གེར་བཀོད་པའོ། <br />།བླ་མའི་རྣམ་ཐར་རྒྱ་མཚོ་ལས། །ཆུ་ཐིག་ཙམ་ཞིག་བཀོད་པ་ལས། །དགེ་བ་འདི་ཡིས་སེམས་ཅན་རྣམས། །བླ་མེད་བྱང་ཆུབ་ཐོབ་པར་ཤོག <br />།[[Khyungpo Neljor|གྲུབ་ཐོབ་ཆེན་པོ་ཁྱུང་པོ་རྣལ་འབྱོར་]]གྱི་རྣམ་ཐར་ཟུར་ཙམ་ཡི་གེར་བཀོད་པའོ། །མངྒ་ལཾ། དགེའོ།། །།</span> | ||
Revision as of 15:45, 3 September 2024
| Resource ID | SCv1p59 |
|---|---|
| Title | bla ma khyung po rnal 'byor gyi rnam thar zur tsam |
| Alt. title | mkhas grub khyung po rnal 'byor gyi rnam thar |
| Topics | Biography |
| Author | Shangom Chöseng, Méu Tönpa, Mokchokpa Rinchen Tsöndrü, Rinchen Dorjé |
| Associated Person | Khyungpo Neljor |
| Link | W23922 W3CN766 (alt. version) W20441 W4CZ58783 (p.417) W8LS37032 (p.335) W1KG1286 W3CN18508 (v1p.4,v3p.120) W3PD988 vol.8 W3PD988 vol.5 W0TTBBC0063 |
༄༅། །བླ་མ་ཁྱུང་པོ་རྣལ་འབྱོར་གྱི་རྣམ་ཐར་ཟུར་ཙམ་བཞུགས་སོ།།
ཙཀྲ་སཾ་བྷ་ར། མ་ཧཱ་མ་ཡ། ཧེ་བཛྲ། གུ་ཧྱ་ས་མཱ་ཛ། བཛྲ་བྷཻ་ར་ཝ། ཌཱ་ཀི་ནཱི། མ་ཧཱ་ཀཱ་ལ།
བླ་མ་ཡི་དམ་མཁའ་འགྲོ་ཆོས་སྐྱོང་ལ། །ཁྱུང་པོ་རྣལ་འབྱོར་བདག་གིས་གུས་བཏུད་ནས། །ཕྱི་རབས་བརྒྱུད་འཛིན་རྣམས་ལ་ཕན་པའི་ཕྱིར། །རྣམ་ཐར་ཟུར་ཙམ་བཤད་ཀྱི་གུས་པས་ཉོན།
།བན་ཆུང་བདག་གི་སྐྱེ་ས་གངས་དཀར་མདའ། །གཉེ་མོ་ར་མང་རྗེ་རིགས་ཁྱུང་པོ་ཡིན། །ཕ་རུ་སྨོས་པ་ཁྱུང་རྒྱལ་སྟག་སྐྱེས་དང་། །མ་རུ་སྨོས་པ་མགོ་གཟའ་བཀྲ་ཤིས་སྐྱིད། །དེ་ཡི་རུམ་དུ་བདག་ཉིད་ཞུགས་པའི་ཚེ། །ཕ་མ་ཡུལ་མི་བདེ་སྐྱིད་ལྡན་པར་གྱུར། །སྟག་གི་ལོ་ལ་མ་ཡི་རུམ་ནས་བཙས། །དེ་ཚེ་རྒྱ་གར་གྲུབ་ཐོབ་ཨ་མོ་གྷས།
།འདི་ནི་སྤྲུལ་པའི་སྐུ་སྟེ་རྒྱ་གར་བགྲོད། །པཎྜི་ཏ་དང་གྲུབ་ཐོབ་ཐམས་ཅད་ཀྱི། །ཐུགས་བཅུད་བསྡུས་ནས་འགྲོ་རྣམས་སྨིན་གྲོལ་བྱེད། །སྣ་ཚོགས་སྤྲུལ་པས་གདུལ་བྱ་འདུལ་བར་འགྱུར། །ཐེག་ཆེན་སྙིང་པོ་མཐའ་བྲལ་ཆོས་སྒྲ་སྒྲོགས། །མཐར་ཐུག་གསང་སྔགས་བདེ་སྟོང་དབྱེར་མེད་ཀྱི། །སེངྒེའི་ང་རོ་ཕྱོགས་བཅུར་སྒྲོགས་པར་འགྱུར། །དེ་ཡི་ལུས་ནི་བདེ་མཆོག་འཁོར་ལོ་སྟེ། །གསུང་ནི་མ་ཧཱ་མ་ཡའི་བདག་ཉིད་འགྱུར། །ཐུགས་ནི་དཔལ་ལྡན་དགྱེས་པ་རྡོ་རྗེ་སྟེ། །སྤྲུལ་པའི་གནས་མཆོག་གསང་བ་འདུས་པ་ལ། །གསང་གནས་བདེ་སྐྱོང་གཤིན་རྗེའི་གཤེད་དུ་འགྱུར། །དཀྱིལ་འཁོར་དེ་རྣམས་ལུས་ལ་བཀོད་ནས་ཀྱང་། །གདུལ་བྱ་རྣམས་ལ་དངོས་སུ་སྟོན་པར་བྱེད། །གཞན་ཡང་ཡི་དམ་སྣ་ཚོགས་གཟུགས་བསྒྱུར་ནས། །གདུལ་དཀའི་སྐྱེ་བོ་དཔག་མེད་འདུལ་བར་བྱེད། །ལོ་ནི་བརྒྱ་དང་ལྔ་བཅུ་འཚོ་བར་འགྱུར། །དེ་ཡི་མཐར་ནི་མཛད་པ་བརྟུལ་བའི་ཚེ། །ལྟས་དང་རྫུ་འཕྲུལ་སྣ་ཚོགས་སྟོན་པར་འགྱུར། །དེ་ནས་ཞིང་ཁམས་རྣམ་དག་བདེ་བ་ཅན། །རྒྱལ་བ་ཀུན་བསྔགས་ཞིང་དེར་སངས་རྒྱས་ནས། །ཐེག་ཆེན་ཆོས་ཀྱི་འཁོར་ལོ་བསྐོར་བར་འགྱུར། །ཕྱི་རབས་དད་ལྡན་གདུལ་བྱ་ཐམས་ཅད་ཀུན། །རྒྱལ་བའི་ཞིང་དེར་བགྲོད་པར་ཐེ་ཚོམ་མེད།
།དེ་སྐད་གསུངས་ནས་བླ་མ་གྲུབ་ཐོབ་དེ། །མཁའ་ལ་བྱ་བཞིན་རྒྱ་གར་ཡུལ་དུ་གཤེགས། །ལོ་ལྔ་ལོན་ནས་ཕ་མས་ལུང་བསྟན་བཤད། །ལོ་བཅུ་ལོན་ནས་ཡིག་རྩིས་མཁས་པར་ཤེས། །བཅུ་གཉིས་ལོན་ཚེ་ཕ་མེས་བག་ཆགས་ཀྱིས། །སེམས་ཕྱོགས་བོན་བསླབ་རྫོགས་ཆེན་ཕྱག་ཆེན་བསླབ། །དེ་ནས་རིན་ཆེན་གསེར་ཕྱེ་ཕོངས་མེད་ཁྱེར། །གཅེས་པའི་སྲོག་ལ་མ་བལྟས་བཀའ་སྤྱད་ནས། །རྒྱ་དང་བལ་པོའི་ཡུལ་དུ་ལན་བདུན་ཕྱིན། །རྒྱ་གར་མཁས་པ་བརྒྱ་དང་ལྔ་བཅུ་བསྟེན། །ཁྱད་པར་མཁས་ཞིང་གྲུབ་ཐོབ་ལྔ་བཅུ་དང་། །རྩ་བའི་བླ་མ་ཁྱད་འཕགས་རྣམ་བཞི་བསྟེན། །ལོངས་སྐུ་དྲུག་པ་རྡོ་རྗེ་འཆང་ཆེན་ལ། །དངོས་སུ་ཆོས་གསན་ཡེ་ཤེས་མཁའ་འགྲོ་གཉིས། །མཉེས་པར་བྱས་ནས་མཐར་ཐུག་གདམས་ངག་ཞུས། །སྒྲོ་འདོག་ཆོད་ནས་རྩེ་གཅིག་བསྒྲུབ་པ་ཡིས། །མཆོག་དང་ཐུན་མོང་དངོས་གྲུབ་རྣམ་གཉིས་ཐོབ། །རྣམ་ཐར་མདོར་བསྟན་ཡིན་གྱིས་གུས་པས་ཉོན།
།དེ་ལ་བདག་གི་སྐྱེས་གཉེ་མོ་ར་མང་། རུས་ཁྱུང་པོ། ཕ་སྟག་སྐྱེས། མ་བཀྲ་ཤིས་སྐྱིད་དོ། །དང་པོ་བདག་སྐྱེས་མ་ཐག་ཏུ་གྲུབ་ཐོབ་ཨ་མོ་གྷ་བྱོན་ནས་དབང་བསྐུར། བློ་འཕེལ་གྱི་ཆོ་ག་མཛད་ནས། གོང་བཞིན་ལུང་བསྟན་ནས་རྒྱ་གར་དུ་གཤེགས་སོ།
།དེ་ནས་ལོ་ལྔ་ལོན་པ་དང་། ཕ་མས་ལུང་བསྟན་བཤད། ལོ་བཅུ་ལོན་པ་དང་། ཀློག་དང་ཡི་གེ་བསླབ། རྒྱ་རྩིས་དང་དུས་འཁོར་མཁས་པར་ཤེས།
དང་པོ་ནས་ཕ་མེས་ཐམས་ཅད་བོན་པོའི་དགེ་བཤེས་ཡིན་པས་དེའི་ཞེན་པའམ། བག་ཆགས་ཀྱིས་ལོ་ངོ་བཅུ་གསུམ་ལ་སློབ་དཔོན་གཡུང་དྲུང་རྒྱལ་ལ། བོན་ཕྱི་ནང་ཐམས་ཅད་བསླབ་པས་མཁས་པར་ཤེས།
ཀ་པཱ་ལི་འགྲེམས་པའི་ཚོགས་པ་བདུན་བརྒྱ་ཙམ་བྱུང་ནས་སྒྲུབ་ཐབས་དང་། བསྟན་བཅོས་དང་། དཀའ་འགྲེལ་མང་པོ་བརྩམ་སྟེ་དབུས་གཙང་ཁམས་གསུམ་དུ་བོན་གྱི་བསྟན་པ་དར་བར་བྱས་པས། བོན་ལ་མཁས་ཤིང་གྲུབ་ཐོབ་ཏུ་གྱུར། སློབ་མ་ཡང་མཁས་པ་མང་དུ་ཐོན། ཁྱད་པར་དུ་ཡང་རོང་པོ་དགེ་བ་རྒྱལ་གྱིས་ཁམས་སུ་བོན་དར་བར་བྱས་ཏེ་རྟ་དང་། དངུལ་བྲེ་ལ་སོགས་པ་བརྒྱ་ཕྲག་བཅུ་གསུམ་ཕུལ་ཏེ་བོན་གྱི་ཟབ་དོན་ཐམས་ཅད་དབང་པོ་རབ་འབྲིང་ཐ་གསུམ་དུ་དྲིལ་བ་གཅིག་ཞུ་ཟེར་ནས། དབང་པོ་རབ་འབྲིང་ཐ་གསུམ་དང་། གནད་བདུན་གྱི་མགུར་བླངས་པས་རོང་པོས་སྣ་དྲངས་པའི་སློབ་མ་ལྔ་བཅུ་རྩ་ལྔས་ལྟ་སྒོམ་གྱི་དོན་ཁོང་དུ་ཆུད།
ལྷ་ཚོགས་མང་པོའི་ཞལ་མངོན་སུམ་དུ་མཐོང་ནས་ནུས་པ་ཕྱོགས་མེད་དུ་ཐོན་པས་བདག་རྩོད་མེད་དུ་གྱུར་ཀྱང་། བདག་ལ་ཐེ་ཚོམ་ཅུང་ཞིག་སྐྱེས་ཏེ། བོན་འདི་རྒྱ་གར་གྱི་པཎྜི་ཏ་དང་། ལོ་ཙཱ་བ་རྩོད་མེད་ཐམས་ཅད་ཀྱིས་བསྒྱུར་བ་ཡང་མི་འདུག །མི་ཐམས་ཅད་ཀྱིས་ཁྱོད་ཆོས་པར་མི་འདུག །བོན་པོར་འདུག་ཟེར་བས། ད་གྲུབ་ཐོབ་ཨ་མོ་གྷས་ལུང་བསྟན་པ་བཞིན་རྒྱ་གར་དུ་འགྲོ་དགོས་སྙམ་ནས། གསེར་སྲང་མང་པོ་གྲབ་བྱས་པས་ཕ་མ་གཉིས་ན་རེ། ངེད་གཉིས་རྒས་པས་མ་ཤི་བར་དུ་རྒྱ་གར་ལ་མ་འགྲོ་ཟེར་ནས་མ་བཏང་བས། བོན་གྱི་གྲྭ་བ་རྣམས་བུ་ཆེན་མཁས་པ་ལ་གཏད་ནས་ཉན་བཤད་དང་སྒྲུབ་པ་ལ་བཙུད་དོ།
།དེ་ནས་བླ་མ་འབྱུང་གནས་སེངྒེ་ལ། རྟ་དང་། དར་ཟབ་དང་། གསེར་མང་པོ་ཕུལ་ནས་རྫོགས་ཆེན་ཀློང་སྡེ། སེམས་སྡེ། མན་ངག་གི་སྡེ་རྣམས་བསླབ། ཁྱད་པར་དུ་སེམས་སྨད་བཅོ་བརྒྱད་ལ་གྲྭ་པ་སུམ་བརྒྱ་ཙམ་བྱུང་ནས་མཁས་པར་གྲགས་སོ།
།དེ་ལྟར་ཕྱོགས་བཞིའི་གྲྭ་པ་འདུ་བདོ་པའི་དུས་སུ་བདག་གིས་བསམ་པར། རྫོགས་ཆེན་འདི་ལྟ་བ་དག་མཐོ་བར་འདུག་སྟེ། སྤྱོད་པ་ཐེས་རྡུག་པ་གཅིག་ལས་མི་འདུག་པས། ད་ལྟ་སྒོམ་སྤྱོད་གསུམ་འཛོམ་པའི་ཆོས་གཅིག་བཙལ་དགོས་སྙམ་ནས་གྲྭ་པ་རྣམས་བཞག་ནས་སྟོད་ལུང་ལ་ཡོང་། ལྷ་སར་བསྐོར། ཤོ་མ་རར་སྐོར་ནི་རུ་པའི་སྤྱན་སྔར་ཕྱིན་ནས། ཕྱག་རྒྱ་ཆེན་པོའི་རྩ་རྒྱུད་རབ་ཏུ་མི་གནས་པ། བཤད་རྒྱུད་བསམ་གྱིས་མི་ཁྱབ་པ། གསང་པ་གཉིས་སུ་མེད་པ། རྙོགས་པ་མེད་པ། མཚན་བརྗོད་དང་། དོ་ཧ་རྣམས་ཞུས། དགྲ་ནག་གི་རྒྱུད་སྒྲུབ་ཐབས་དང་བཅས་པ། འཇིགས་བྱེད་ཀྱི་རྒྱུད་སྒྲུབ་ཐབས་དང་བཅས་པ། ནི་རུ་པའི་སྐོར་གྱི་ཆོས་རྣམས་མ་ལུས་པ་ཞུས་སོ།
།འབུལ་བ་དང་། ནན་ཆགས་དང་། ཉམས་ལེན་གྱིས་བླ་མ་ཤིན་ཏུ་མཉེས་ནས། བླ་མའི་ཞལ་ནས་ད་ལྟ་ང་ལ་ཉུངས་ཞོ་གཅིག་དང་མཉམ་པའི་གྲྭ་བ་ཡོད་ཀྱང་། ངའི་ཆོས་རྣམས་མ་ལུས་པར་ཤེས་པ་ཁྱུང་པོ་རྣལ་འབྱོར་ཁྱོད་ལས་མེད་དོ་ཡང་ཡང་གསུངས་སོ། །དེ་ལྟར་ཆོས་རྣམས་མཁས་པར་བསླབ་ནས་ཆོས་ལ་མོས་པ་རང་བྱུང་ཡང་། ཐུན་མོང་གི་དངོས་གྲུབ་ཀྱི་ལྟས་གཅིག་ལ་ཅུང་མ་མོས་ནས། ད་ལྟ་བོད་ན་གྲུབ་ཐོབ་འདི་ལས་ཆེ་བ་མི་འདུག །བླ་མ་འདིས་ཀྱང་མཆོག་ཐུན་མོང་གི་དངོས་གྲུབ་ཅི་ཙམ་ཐོབ་མི་ཤེས་པར་འདུག་པས། ད་ཅི་ནས་ཀྱང་རྒྱ་གར་དུ་འགྲོ་དགོས་སྙམ་ནས་ཡུལ་དུ་ཕྱིན་ཏེ། སྲུ་མོ་གཟའ་མི་གཉིས་ལ་བུ་མེད་པར་ལོངས་སྤྱོད་ཆེན་པོ་ཡོད་ནས། གསེར་གཡུ་སྐྱིས་པས་རྒས་པོ་ན་རེ། ཁྱོད་མི་ངན་ཡིན། དང་པོ་བོན་དང་རྫོགས་ཆེན་གྱི་གྲྭ་པ་ཞབས་ཏོག་ཅན་དེ་རྣམས་བསྐྱུར་ནས། ད་འཁོར་དང་ལོངས་སྤྱོད་གཉིས་ཀ་མེད་པ་ཞིག་བྱུང་འདུག་ཅིང་ད་གསེར་གཡུ་སྐྱིས་ནས་སྐྱིན་པ་ནམ་ཡོང་ཟེར་ནས་མ་བཏང་བས། སྲུ་མོ་ན་རེ། ཁྱོད་ལ་སྐྱིན་པ་མི་འདོད་ཅིང་གཡུ་གསེར་ཞོ་བཅུ་གཅིག་རི་བ་འདི་འབུལ། ངེད་བཟའ་མི་གཉིས་ལ་ཕན་ཐོག་པའི་ཆོས་ཤིག་སྐྱོལ་ཅིག་ཟེར་རོ། །དེ་ནས་ཞིང་བཙོངས་པ་དང་། སྔར་གྱི་གྲྭ་པས་གསེར་ཕུལ་བ་རྣམས་ལ་སྲང་བཅུ་བྱུང་། གཡུ་དེ་ལ་སྟོད་དུ་བཙོངས་བས་གསེར་མང་པོ་ཁུག་པ་རྣམས་ཁྱེར་ནས་བལ་པོར་ཕྱིན་པ་དང་། པཎྜི་ཏ་བྷ་སུ་ན་མ་ཏི་དང་མཇལ་ནས་གསེར་སྲང་གསུམ་ཕུལ་ནས། བིད་པ་ཏ་བསླབ། གསང་བ་སྤྱི་རྒྱུད་ཀྱི་དབང་ཞུས་ནས། ཀྲྀ་ཡ་དཔུང་བཟང་དང་། རིག་པ་མཆོག་དང་། ལེགས་པར་གྲུབ་པ་དང་། དོན་ཡོད་ཞག་པ་ལ་སོགས་པ་ཀྲྀ་ཡའི་རྒྱུད་སྒྲུབ་ཐབས་དང་བཅས་པ་ལྔ་བཅུ་ཞུས།
དེ་ནས་པཎྜི་ཏ་ཨ་ཐུ་ལ་བཛྲ་དང་མཇལ་ནས། ཁོང་གི་ཞལ་ནས་ཡང་ན་བལ་པོར་ལོ་གསུམ་སྡོད། ངས་ཆོས་བསླབ་ཀྱི། ཡང་ན་རྡོ་རྗེ་གདན་ན་སངས་རྒྱས་གཉིས་པར་ལུང་བསྟན་པའི་བླ་མ་རྡོ་རྗེ་གདན་པ་ཅན་དུ་འདོང་། ངས་སྐྱོལ་ཅིག་གསུང་པ་ལ། ད་ཅི་ནས་རྒྱ་གར་དུ་འགྲོ་དགོས་སྙམ་ནས།
༈ ཁོ་བོ་ཁྱུང་པོ་རྣལ་འབྱོར་གྱིས། །འཁོར་བའི་སྡུག་བསྔལ་མ་བཟོད་པར། །འཇིགས་སྐྲག་ཆེན་པོ་གཏིང་ནས་སྐྱེས། །འཁོར་བ་མཐའ་མེད་འདི་འདྲ་བ། །སྐྱེ་འཆིའི་སྡུག་བསྔལ་དཔག་ཏུ་མེད། །ངན་སོང་སྡུག་བསྔལ་བསམ་མི་ཁྱབ། །འཆི་བས་མི་འཇིགས་སྐྱེ་བས་འཇིགས། །སྐྱེ་བ་ལས་ཀྱི་རྗེས་སུ་འབྲངས། །རང་དབང་མེད་པར་འཁོར་བར་འཁྱམ། །བདག་དང་སེམས་ཅན་ཐམས་ཅད་ཀྱང་། །ཅིས་ཀྱང་མི་ཕན་འཆི་ངོ་ཤེས། །ནམ་ཡང་འཆི་བ་འདི་འདྲ་ལ། །ཆོས་ཕྱིར་སྲོག་ནི་བཏང་སྙམ་ནས། །ལུས་དང་སྲོག་ལ་མ་བལྟས་ཏེ། །བལ་ཡུལ་ཙམ་ལ་མ་ལྟོས་པར། །སངས་རྒྱས་སྟོང་གི་འབྱུང་གནས་པ། །སྟོན་པ་མངོན་པར་སངས་རྒྱས་པའི། །རྡོ་རྗེ་གདན་དུ་ཚངས་ཀྱིས་ཕྱིན། །རྒྱལ་བ་ཐུབ་པ་ཆེན་པོ་ཡིས། །སངས་རྒྱས་གཉིས་པར་ལུང་བསྟན་པའི། །དཔལ་ལྡན་རྡོ་རྗེ་གདན་པ་དང་། །དངོས་སུ་ཞལ་མཇལ་དཀོན་པ་ཡི། །གུ་ལང་གསེར་སྲང་ལྔ་བརྒྱ་ཕུལ། །སངས་རྒྱས་དངོས་དང་མཇལ་སྙམ་ནས། །བ་སྤུ་ལྡང་ཞིང་མཆི་མ་འཁྲུགས། །མོས་གུས་ཆེན་པོ་གཏིང་ནས་སྐྱེས། །གུས་པས་ཐལ་སྦྱར་འདི་སྐད་ཞུས། །བསྟན་པའི་རྩ་བ་དགེ་སློང་གི། །མཁན་པོ་མཛད་ནས་འདུལ་བ་ཞུ། །བྱང་ཆུབ་ཆེན་པོར་སེམས་བསྐྱེད་ནས། །ཐེག་པ་ཆེན་པོའི་ཆོས་རྣམས་ཞུ། །སྨིན་བྱེད་གསང་སྔགས་དབང་བསྐུར་ནས། །གྲོལ་བར་བྱེད་པའི་བསྐྱེད་རྫོགས་ཞུ། །དེ་སྐད་བདག་གི་གསོལ་བཏབ་པས། །དཔལ་ལྡན་རྡོ་རྗེ་གདན་པ་ཡིས། །དགྱེས་པའི་འཛུམ་བསྟན་འདི་སྐད་གསུངས། །སྲིན་པོ་གདོང་དམར་མཐའ་འཁོབ་ཡུལ། །ལོག་ལྟས་རྒྱུད་འཁྲུགས་ཐེ་ཚོམ་ཅན། །སྣ་ཚོགས་ཆོས་ཚོལ་བསྒྲུབ་མི་ནུས། །རང་མ་སྨིན་པར་གཞན་དོན་བྱེད། །གཅིག་ལ་གཅིག་སྨྲ་ཕྲག་དོག་ཅན། །མི་ནག་ཆོས་ཀྱི་ལོ་རྒྱུས་མཁན། །དེ་ལྟ་བུ་ཡི་རྒྱལ་ཁམས་ན། །དད་ལྡན་སྐྱེ་འཆིའི་འཇིགས་པ་ཡིས། །སྙིང་སྟོབས་ལྡན་པའི་སྐྱེས་བུ་ཁྱོད། །མ་ནོར་དམ་ཆོས་ཚོལ་བའི་ཕྱིར། །སྲོག་ལ་མི་ཕོངས་བཀའ་སྤྱད་ནས། །རྒྱ་གར་ཡུལ་རྣམས་བགྲོད་བྱེད་པའི། །སྐལ་ལྡན་ཁྱུང་པོ་རྣལ་འབྱོར་ཁྱོད། །སྔོན་ཚེ་བྱང་ཕྱོགས་གངས་ཅན་དུ། །ཉན་ཐོས་རྫུ་འཕྲུལ་དཔག་མེད་ལྡན། །རྫུ་འཕྲུལ་ཆེན་པོ་ཞེས་བྱར་གྱུར། །དེ་ཚེ་ལོག་བལྟ་མུ་སྟེགས་དང་། །ལྷ་ཀླུ་གནོད་སྦྱིན་འབྱུང་པོ་དང་། །སྐྱེ་བོའི་ཚོགས་རྣམས་འདུལ་བར་བྱེད། །ཁྱོད་ནི་ཉན་ཐོས་ཚོགས་བསྐོར་ནས། །མཁའ་ལ་བྱ་བཞིན་རྣམ་པར་རྒྱུ། །རི་དང་ཆུ་ལ་ཐོགས་མེད་ཅིང་། །གཅིག་དང་དུ་མར་སྣང་བ་སོགས། །སྤྲུལ་པ་སྣ་ཚོགས་གཟུགས་འཆང་བའི། །དགྲ་བཅོམ་ཆེན་པོ་ཉིད་གྱུར་པས། །བདག་དང་རྒྱ་གར་མཁས་རྣམས་ཀྱིས། །ཁྱེད་ཀྱི་མཁན་པོ་བྱེད་མི་ནུས། །བྱང་ཕྱོགས་ཁ་བ་ཅན་ལྗོངས་སུ། །གླང་རི་འོད་ལྡན་གསེར་མདོག་ཅན། །སངས་རྒྱས་སྣང་བ་མཐའ་ཡས་ཀྱི། །སྤྲུལ་པ་བཞུགས་ཀྱིས་དེར་སོང་ལ། །བསྙེན་པར་རྫོགས་པའི་མཁན་པོ་ཞུས། །ཡུལ་དབུས་མ་ག་རྡོ་རྗེ་གདན། །གནས་མཆོག་འདི་དང་གཞན་རྣམས་སུ། །ཁྱོད་ཀྱིས་ཇི་སྐད་ཞུས་པ་ཡི། །འདུལ་བ་ཕར་ཕྱིན་གསང་སྔགས་རྣམས། །ཇི་ལྟར་འདོད་བཞིན་བསྟན་པར་བྱའོ། །ཞེས་གསུངས་སོ།
།དེ་ནས་བདག་གི་དགེ་ཚུལ་གྱི་མཁན་པོ་ཞུས། མིང་ཚུལ་ཁྲིམས་མགོན་དུ་བཏགས། བླ་མ་རྡོ་རྗེ་གདན་པ་ཤངས་ཁྲག་ཤོར་ནས། ཁྱུང་པོ་རྣལ་འབྱོར་ལས་སྤོ་མ་ནུས་སོ། །དེའི་དུས་སུ། བླ་མའི་ཞལ་ནས་ཁྱུང་པོ་ཛོ་ཀི་མ་ཧཱ་ཕ་ལ་ཕ་ལ་གསུངས་ནས། ཐོག་མར་འདུལ་བ་ལུང་དང་། བསྟན་བཅོས་མདོ་རྩ་གསུངས་སོ།
།དེ་ནས་རྗེ་བཙུན་ཤྲཱིར་ཛྙཱ་ན་དེ་རི་མ་ལ་ཡར་བཞུགས་པའི་དྲུང་དུ་ཕྱིན་ཏེ། སེམས་བསྐྱེད་ཞུས་ནས་བྱམས་པའི་ཆོས་ལྔ་དང་། རྣལ་འབྱོར་སྤྱོད་པའི་ས་སྡེ་ལྔ་དང་། ཚད་མ་སྡེ་བདུན་ཞུས་སོ།
།ཡང་བཻ་རོ་ཙ་ན་རཀྵི་ཏ་ལྷོ་ཕྱོགས་ཀོ་ས་ལ་ཡི་དུར་ཁྲོད་ནས་བརྡོལ་ནས་རྩ་ཡི་སྤྱིལ་པོ་ན། འཁོར་པཎྜི་ཏ་བཅུ་གསུམ་ལ་ཆོས་གསུངས་པ་དང་མཇལ་ནས། དེར་གསང་བ་འདུས་པ་ལྷ་སུམ་ཅུ་རྩ་གཉིས་དང་། ཧེ་བཛྲ་ལྷ་བཅུ་གསུམ་དང་། འཁོར་ལོ་སྡོམ་པ་ལྷ་བཅུ་གསུམ་དང་། མ་ཧཱ་མ་ཡ་ལྷ་ལྔ་དང་། རྡོ་རྗེ་འཇིགས་བྱེད་ལྷ་བཅུ་གསུམ་དང་། ལྷ་ལྔའི་སྒོ་ནས་དབང་བསྐུར་ཞིང་བྱིན་གྱིས་བརླབ་བོ།
།ཡང་བཻ་རོ་ཙ་ན་རཀྵི་ཏ་ཛེ་ཏའི་ཚལ་ན་བཞུགས་པ་ལ། སངས་རྒྱས་ཐོད་པ་དང་སངས་རྒྱས་མཉམ་སྦྱོར་རྒྱུད་སྒྲུབ་ཐབས་དབང་དང་བཅས་པ་ཞུས་སོ།
།རྡོ་རྗེ་གདན་པ་ཆེན་པོ་ལ། རྡོ་རྗེ་གདན་དུ་རྒྱུད་སྡེ་ལྔའི་དཀྱིལ་འཁོར་ཆེན་པོ་གཅིག་ཏུ་དབང་བསྐུར་ཞུས་སོ། །དེ་ནི་རིན་ཆེན་རྒྱ་མཚོའི་རྩ་རྒྱུད་བཤད་བརྒྱུད་དང་། དཔལ་ལྡན་འབྲས་སྤུངས་ཀྱི་བྲེའུ་ནང་ན་ཇི་ལྟར་བཞུགས་པ་བཞིན་ནོ།
༈ །དེ་ལ་རྒྱུད་སྡེ་ཆེན་པོ་ལྔའི། །དབང་དང་རྒྱུད་དང་སྒྲུབ་པའི་ཐབས། །གདམས་པའི་མཆོག་གི་ཁྱད་པར་ནི། །བདེ་བ་མཆོག་གི་གྲོལ་རྒྱུད་ལས། །རྒྱུ་ལམ་འབྲས་བུ་བསྟན་པ་ཡང་། །བདེ་བ་ཆེན་པོ་གྲུབ་པས་ན། །བྱང་ཆུབ་སེམས་ཀྱི་རྡོ་རྗེ་ནི། །བདེ་བ་སྒྲུབ་པ་ཉིད་ཡིན་ཏེ། །དཔལ་ལྡན་གསང་བ་འདུས་པ་དང་། །སྙིང་པོ་མ་ཧཱ་མ་ཡ་དང་། །ཡང་སྙིང་དགྱེས་པ་རྡོ་རྗེ་དང་། །དགའ་ཆེན་ཟ་ནུས་སྒྱུ་འཕྲུལ་ཆེ། །དཔལ་ལྡན་འཁོར་ལོ་སྡོམ་པ་དང་། །དྲག་པོ་རྡོ་རྗེ་འཇིགས་བྱེད་རྣམས། །མཐར་ཐུག་སྟོན་པ་ལྔ་པོ་ལ། །ཐབས་དང་ཤེས་རབ་གཉིས་ཀྱི་རྒྱུད། །ཟུང་དུ་འཇུག་པ་ཉིད་ཡིན་པས། །དང་པོ་སྨིན་ལམ་དབང་ལ་ཡང་། །ཕྱི་ནང་གསང་བ་ཉིད་ཡིན་ནོ། །ལམ་ལ་རིམ་པ་གཉིས་ཡིན་ཏེ། །བསྐྱེད་རིམ་དང་ནི་རྫོགས་རིམ་མོ། །བསྐྱེད་པ་སྣང་དང་རྫོགས་པ་སྟོང་། །དབྱེར་མེད་ཟུང་འཇུག་ཆུ་ཟླ་བཞིན། །རྫོགས་པ་རང་ལུས་གཞན་ལུས་དང་། །ཟུང་འཇུག་བདེ་སྟོང་དབྱེར་མེད་དོ། །འབྲས་བུ་མཆོག་དང་ཐུན་མོང་ངོ་། །ཐུན་མོང་ལས་བརྒྱད་གྲུབ་ཆེན་བརྒྱད། །མཆོག་ལ་སྐུ་བཞི་མཛད་པར་བཅས། །ལྷུན་གྲུབ་གང་འདུལ་རང་ཤར་རོ། །གང་ཟག་སྦྱངས་པའི་ལས་ཅན་གྱིས། །རྩེ་གཅིག་མ་ཡེངས་འབད་གྱུར་ན། །དམ་ཚིག་ལྡན་པས་ངེས་པར་ཐོབ། །རང་ལུས་ཐབས་ལྡན་ལམ་དང་ནི། །གཞན་ལུས་ལས་ཀྱི་ཕྱག་རྒྱའོ། །འདོད་ཡོན་ལམ་ཁྱེར་གནད་མཆོག་འདི། །བརྒྱུད་པ་མཆོག་གི་རིམ་པ་ཡང་།
།སངས་རྒྱས་ལུང་བསྟན་ཐོབ་པ་ཡི། །སློབ་དཔོན་འཕགས་པ་ཀླུ་སྒྲུབ་དང་།
།འོད་གསལ་བསྟན་པས་གྲུབ་པ་བརྙེས། །ཀཾ་པ་ལ་ཞེས་བྱ་བ་དང་།
།ཕྱག་རྒྱ་ཁྱི་རུ་སྤྲུལ་བྱེད་པའི། །ཀུ་ཀུ་རི་པ་ཆེན་པོ་དང་།
།ཉ་ལྟོ་གསོལ་ཞིང་གྲུབ་པ་ཐོབ། །ལོ་ཧི་པ་ཞེས་གྲགས་པ་དང་།
།ལྷག་པའི་ལྷ་ཡི་བྱིན་རླབས་པ། །དཔལ་འཛིན་ཧ་རི་ཀེ་ལ་དང་།
།དེ་དག་རྣམས་ལས་རིམ་བརྒྱུད་པ། །ཌོམྦྷི་པ་དང་ཀུ་སུ་ལུ། །མ་ཧཱ་བཛྲ་ལེགས་བསྡུས་ཏེ།
།དཔལ་ལྡན་ཡེ་ཤེས་སྡེ་ཞེས་པ། །བཻ་རོ་ཙ་ན་རཀྵི་ཏ། །སུ་མ་ཏི་ཞེས་རྣལ་འབྱོར་དང་། །ཏ་ཐཱ་ག་ཏ་རཀྵི་ཏ། །ཨ་མོ་གྷ་ནི་བཛྲ་དང་། །དཔལ་ལྡན་རྡོ་རྗེ་གདན་པ་རྣམས། །རིམ་གྱིས་བདག་ལ་བརྒྱུད་པའོ།
།ཡང་། དཔལ་ལཱ་ལི་ཏ་བཛྲ། པདྨ་ཞབས། ཨིནྡྲ་བྷུ་ཏི་ཆུང་བ། དཔལ་འཛིན་ཨ་མོ་གྷ་བཛྲ། བཻ་རོ་ཙ་ནརཀྵི་ཏ་ནས་བརྒྱུད་པའི་དགྲ་ནག་དང་། འཇིགས་བྱེད་རྟོག་པ་བདུན་པ་དང་། སྒྲུབ་ཐབས་རྡོ་རྗེ་འོད་དང་། རྟོག་པ་གསུམ་པ་དང་། གསང་བ་མཐའ་དྲུག་གི་གདམས་ངག་རྣམས་ཞུས་སོ།
།རྡོ་རྗེ་གདན་པ་ལ་མི་གཡོ་བའི་རྒྱུད་སྒྲུབ་ཐབས་དང་བཅས་པ་དང་། སྒྲོལ་མའི་རྒྱུད་གདམས་པ་དང་བཅས་པ་དང་། མཚན་བརྗོད་དབང་རྒྱུད་སྒྲུབ་ཐབས་དང་བཅས་པ་དང་། གསང་སྔགས་ཀྱི་རྗེས་སུ་ཡི་རང་དང་། སྒྲུབ་པའི་ལམ་རིམ་དང་། རྩོད་པའི་ལམ་རིམ་དང་། གཞན་ཡང་བྱ་བའི་རྒྱུད་སྒྲུབ་ཐབས་དང་བཅས་པ་དང་། སྤྱོད་པའི་དང་། རྣལ་འབྱོར་དང་། རྣལ་འབྱོར་བླ་མེད་ཀྱི་རྒྱུད་སྒྲུབ་ཐབས་དང་བཅས་པ་རྣམས་ཞུས་སོ།
།ཁ་ཆེ་དགོན་པ་བ་དང་། རྡོ་རྗེ་གདན་པ་ལ་རྡོ་རྗེ་ས་འོག་དང་། འབྱུང་པོ་འདུལ་བྱེད་དང་། གར་མཁན་མཆོག་དང་། གནོད་སྦྱིན་ཤིང་ཏའི་རྒྱུད་དང་། རྣམ་སྲས་ཞི་བ་དང་དྲག་པོ་རྣམས་ཞུས་སོ།
།དེ་ནས་བླ་མ་རིན་པོ་ཆེ་རི་མ་ལ་ཡ་ཡི་རྩེ་ན་བཞུགས་པ་ལ་གསེར་སྲང་བཅུ་གསུམ་ཕུལ་བའི་ཚེས་བཅུའི་མཆོད་པ་བྱས་པའི་ཐོ་རངས་ཀྱི་ཚེ་ན།
མཁའ་ལ་མེ་ཏོག་ཆར་བཞིན་བབས། །དཔའ་བོ་མཁའ་འགྲོས་བར་སྣང་ཁེངས། །སྒྲ་དང་འོད་དང་འཇའ་ཚོན་འཁྲུགས། །ལྷ་རྣམས་མཆོད་པ་འབུལ་བའི་ཚེ། །རྡོ་རྗེ་གདན་པས་འདི་སྐད་གསུངས། །རིགས་ཀྱི་བུ་ཁྱོད་བོད་དུ་སོང་། །གདུལ་བྱ་ཁ་བ་ཅན་ལྗོངས་ཀྱི། །སེམས་ཅན་མང་པོ་གྲོལ་བྱེད་ཅིང་། །ཕྱི་མའི་ཚེ་ན་ཆོས་འདི་རྣམས། །ཁྱོད་ཀྱི་རྒྱུད་འཛིན་རྣལ་འབྱོར་པ། །གཅིག་གིས་དར་བར་བྱེད་པར་འགྱུར། །ཆོས་འདི་རྣམས་ཀྱི་བཀའ་ཐོབ་ཅིང་། །ཕན་སེམས་ལྡན་པ་དེ་ཡིས་ནི། །གང་བྱུང་རྒྱལ་སྲས་མ་ནོར་སྟོན། །རབ་ཏུ་མི་གནས་ས་ལ་སྦྱོར། །རིམ་གྱིས་དོན་རྟོགས་མང་དུ་འབྱུང་། །གྲུབ་མཐའ་གཞུང་ཆེན་བཞི་ཉིད་ལས། །མཚན་ཉིད་ཐེག་དང་རྡོ་རྗེ་ཐེག །ཁྱད་པར་རྣམ་པར་འབྱེད་པ་ཡིན། །རྒྱུ་དང་འབྲས་བུའི་ལམ་བྱེད་པ། །མངོན་སུམ་རྗེས་དཔག་རིམ་པ་ཡིས། །གཏན་ཚིག་ཆེན་པོ་བཞི་ལ་ནི། །མཚན་ཉིད་གསུམ་གྱིས་གཏན་ལ་འབེབས། །དེ་ནི་རྩོད་པའི་ལམ་རིམ་མོ། །ཕ་རོལ་ཕྱིན་དང་གསང་བ་སྔགས། །བྱང་ཆུབ་ཕྱོགས་ཆོས་སུམ་ཅུ་བདུན། །ཐུན་མོང་ལམ་ལྔ་ཁྱད་པར་གཉིས། །ཞར་སྤྱད་དོན་བསྡུས་ལམ་བྱེད་པ། །སྒྲུབ་པའི་རིམ་པ་ཞེས་བྱའོ། །དེ་དག་ལམ་རིམ་གཉིས་པའོ། །དེ་ཉིད་མཐོང་ལམ་ཞེས་བྱའོ། །ལྟ་བ་ངན་པས་མ་གོས་པའི། །ཡེ་ཤེས་མངོན་དུ་བྱེད་པའི་ལམ། །མཐའ་དང་བྲལ་བའི་དོན་ཉིད་ནི། །ཟུང་དུ་འཇུག་པ་སྟོན་པ་དག །དབུ་མ་ཆེན་པོ་ཉིད་དུ་འཇུག །ཞི་གནས་ལྷག་མཐོང་ཏིང་ངེ་འཛིན། །གོང་ནས་གོང་དུ་ལམ་སྦྱོང་བ། །སེམས་ཀྱི་ལམ་མཆོག་ཞེས་བྱར་བསྟན། །ང་དང་འདྲ་བར་ཁྱོད་ཀྱིས་རྟོགས། །རྒྱལ་བའི་ལུང་བསྟན་བདག་གིས་ཐོབ། །ཁྱོད་ཀྱང་འདི་ནས་སངས་རྒྱས་ཤིང་། །བདེ་བ་ཅན་དུ་འགྲོ་བར་འགྱུར། །རྩོད་ལྡན་གདུལ་དཀའི་སེམས་ཅན་ལ། །སྐྱོ་བ་མ་བྱེད་བྱང་སེམས་སྒོམས། །བདེ་མཆོག་རང་བྱོན་དཀྱིལ་འཁོར་གྱི། །ས་རུ་གདུལ་བྱ་ཁྲི་ཕྲག་འབྱུང་། །ཞེས་ལུང་བསྟན།
དེ་ནས་ཆུ་བོ་གངྒཱའི་འགྲམ་དུ་རྒྱལ་བ་མཻ་ཏྲི་པའི་སློབ་མ། ཞིང་གི་རྡོ་རྗེ། མི་མཉམ་རྡོ་རྗེ། རིན་ཆེན་རྡོ་རྗེ་སྟེ་རྡོ་རྗེ་མཆེད་གསུམ་གཤིན་རྗེ་གཤེད་བསྒྲུབས་ནས་ལས་སྦྱོར་བྱེད་པ་དང་མཇལ་ནས། གསེར་སྲང་རེ་རེ་ཕུལ་ནས་གཤིན་རྗེ་གཤེད་ཀྱི་དབང་ཞུས། གཤིན་རྗེ་གཤེད་དམར་ནག་གི་རྒྱུད་སྒྲུབ་ཐབས་དང་། ར་སྒྲོལ་ཞུས་ནས། ཟླ་བ་བདུན་དེ་ཉིད་དུ་བསྒྲུབས། དང་པོ་གཤིན་རྗེ་གཤེད་དམར་པོ་ཞལ་མཐོང་། དེ་ནས་ནག་པོའི་ལྷ་ཚོགས་ཐམས་ཅད་ཀྱི་ཞལ་མཐོང་།
དེ་ནས་དཱེ་ཝི་ཀོ་ཊིར་ཌཱ་ཀི་མ་ཀ་ན་ཀ་ཤྲི་ལ། སམ་བུ་ཊའི་རྒྱུད་སྒྲུབ་ཐབས་དང་བཅས་པ་དང་། རྫོགས་རིམ་དེ་ཁོ་ན་ཉིད་ཡང་དག་བསྡུས་པ་དང་། དཔལ་མཆོག་དྲྭ་བ་སྡོམ་པ་རྒྱ་མཚོ་དང་། ཡེ་ཤེས་རྒྱ་མཚོ་དང་། ཡེ་ཤེས་མངོན་བྱུང་དང་། དམ་ཚིག་བཀོད་པའི་རྒྱུད་རྣམས་ཞུས་སོ།
།དེ་ནས་བྲམ་ཟེ་རཏྣ་ཕ་ལ་ལ་གཤིན་རྗེ་གཤེད་ཞུས་པས། ཁྱེད་ལ་གཡུ་འབུལ་བའི་སྲུ་མོ་བཟའ་མི་གཉིས་ལ་མེད་ཚོལ་དང་། ལྟེ་བསྒྱུར་འདི་སྐྱོལ་དང་བུ་འབྱུང་ངོ་ཞེས་ལུང་བསྟན་ནས་བོད་དུ་འོང་བས། དཔལ་མོ་དཔལ་ཐང་དུ་དགྲ་བྱུང་ནས། ར་སྒྲོལ་གྱི་ལས་སྦྱོར་བྱས་པས། ཟན་གྱི་ར་འགྲོ་ཤེས་པ་བྱུང་། དེ་ལ་བསད་སྔགས་བརྒྱབ་པས་ར་ཁྲག་སྐྱུག་ནས་ཤི་བ་དང་། ཇག་པ་རྣམས་ཁྲག་སྐྱུག་ནས་ཤིའོ། །ཡང་ལན་གཅིག་ཇག་པ་བྱུང་བ་ལ། སྡིགས་འཛུབ་བསྟན་པས་རེངས་པ་དང་། བརྒྱལ་བ་དང་ཁྲག་སྐྱུག་པས་མཐུ་དང་ནུས་པའི་གྲགས་པ་ཆེན་པོ་བྱུང་ངོ་།
།དེ་ནས་ཡུལ་དུ་སྲུ་མོ་བཟའ་མི་གཉིས་ལ་མེད་ཚོལ་དང་ལྟེ་བསྒྱུར་བསླབ་པའི་ཐོ་རངས་ལྷ་མོ་དཀར་མོ་གཅིག་བྱོན་ནས། ཁྱོད་ཀྱིས་མེད་ཚོལ་འདིས་བུ་གསུམ་འབྱུང་བར་འགྱུར་རོ། །བུ་ཆེ་བ་ལ་ཤངས་པ་མགོན། འབྲིང་པོ་ལ་ཤངས་པ་དང་། ཆུང་བ་ལ་ཤངས་ཆུང་ཐོགས་ཤིག །ཁྱོད་བླ་མ་ཤངས་པར་གྲགས་པའི་དུས་སུ་བུ་སྤུན་གསུམ་པོ་འདི་རྩ་བའི་ཡོན་བདག་ཏུ་འགྱུར་རོ། །ལོ་རེ་བཞིན་དུ་ནས་སྟོང་ཚོ་གསུམ་གསུམ་དང་གསེར་གཡུ་རྟ་ཁྲབ་ལ་སོགས་པའི་ཞབས་ཏོག་བྱེད་པར་འགྱུར་རོ་གསུངས་ནས། ཁོང་གི་ལྡིང་ཁོང་གི་ལོག་ལ་བུ་སྤུན་གསུམ་གྱི་མིང་བྲིས་ནས་བཞག་པས། ལོ་གསུམ་ལ་བུ་གསུམ་བྱུང་ནས་བདག་གི་རྩ་བའི་ཡོན་བདག་ཏུ་གྱུར་ཏོ།
།དེ་ནས་སྔར་གྱི་སློབ་མས་ལོངས་སྤྱོད་ཆེན་པོ་ཕུལ་བ་རྣམས་གསེར་དུ་བསྒྱུར། གུ་ལང་གི་གསེར་ཁ་རྡོལ་བ་དང་འཕྲད་ནས་གསེར་སྲང་སྟོང་ཕྲག་ལག་ཏུ་བྱུང་། མང་ཡུལ་གྱི་གྲོང་དུ་སློབ་མས་སྐྱར་ནས་དབང་ཞུས། གསེར་སྲང་མང་པོ་ཕུལ་ལོ།
།དེ་ནས་བལ་པོར་ཕམ་མཐིང་པ་ལ་བདེ་མཆོག་རྩ་རྒྱུད་དང་གདན་བཞི་ཞུས་ནས་རྒྱ་གར་དུ་ཕྱིན་ཏེ། བླ་མ་རྡོ་རྗེ་གདན་པ་ལ་གསེར་སྲང་བརྒྱ་ཕུལ་བས། བླ་མའི་ཞལ་ནས། ནཱ་རོ་པའི་སློབ་མ་དྷ་ཆེན་པོ་ལ་ཆོས་ཞུས་ཤིག་གསུངས་ནས་ལུང་བསྟན་ཏེ། བླ་མ་དྷ་ཆེན་པོ་ཤྲཱི་ན་ལེནྡྲ་ན་བཞུགས་ཙ་ན། དེ་ཉིད་འདུས་པ་དང་། རྡོ་རྗེ་རྩེ་མོ་དང་། ངན་སོང་སྦྱོངས་རྒྱུད་ལ་སོགས་པ་དང་། གསང་བ་འདུས་པ་འཕགས་སྐོར་རྣམས་དང་། དགྱེས་རྡོར་རྣམས་དང་། གདམས་ངག་མང་དུ་ཞུས་སོ།
།ཡང་སུ་མ་ཏི་ཀི་རྟི་ཆེན་མོ་ལ། བདེ་མཆོག་རྩ་རྒྱུད་དང་། ནག་པོ་པའི་ཆོས་དྲུག་ལ་སོགས་པ་བདེ་མཆོག་མང་དུ་ཞུས།
ཤར་ལྗོན་ཤིང་ཀུ་ཤའི་ཚལ་དུ། དཔལ་དྷརྨ་ཕ་ལ་ལ་ཕྱག་རྒྱ་ཆེན་པོ་གསང་བ་གྲུབ་པ་ཞུས་སོ།
།རྗེ་(ན་ཏེ་)གྷནྡྲ་པ་ལ། ཤར་བི་ཀྲ་མ་པུ་རི་ན་བཞུགས་པ་ལ་ཡེ་ཤེས་གྲུབ་པ་དང་དབང་རིན་པོ་ཆེ་འཁོར་ལོ་དང་། སྐུ་གསུང་ཐུགས་ཀྱི་རྒྱུད་དང་། ཡེ་ཤེས་དགོངས་པ་བླ་ན་མེད་པ་ལ་སོགས་པའི་རྒྱུད་གདམས་ངག་མང་དུ་ཞུས་སོ།
།རྗེ་བཙུན་མ་རིན་ཆེན་ལྷ་མོ་ཀམ་ཀ་ཏ་ཡི་གྲོང་ཁྱེར་ན་བཞུགས་པ་ལ། ཕྱག་རྒྱ་ཆེན་པོ་སྙིང་པོའི་སྐོར་རྣམས་ཞུས།
ཀུ་ཀུ་རི་པའི་སློབ་མ་གྲུབ་ཐོབ་ཉི་མའི་སྙིང་པོ་ཛ་ལནྡྷ་རའི་དུར་ཁྲོད་དུ་བཞུགས་པ་ལ། ཀུ་ཀུ་རི་པའི་ཆོས་བདུན་དང་། རྗེ་བཙུན་མའི་སྒྲུབ་ཐབས་མང་དུ་ཞུས།
བླ་མ་མཻ་ཏྲི་པ་ལྷོ་ཕྱོགས་འོད་མའི་ཚལ་ན་བཞུགས་པ་ལ། ཕྱག་རྒྱ་ཆེན་པོ་རབ་ཏུ་མི་གནས་པ་ལ་སོགས་པའི་རྒྱུད་ལྔ་དང་། དོ་ཧ་དང་། ཕྱག་རྒྱ་ཆེན་པོ་དག་པ་ཡེ་ཤེས་དང་། སྐུ་གསུམ་ལམ་ཁྱེར་ལ་སོགས་པའི་གདམས་ངག་མང་དུ་ཞུས། ཡང་དགྱེས་རྡོར་དང་མཚན་བརྗོད་ལ་སོགས་རྒྱུད་སྒྲུབ་ཐབས་མང་དུ་ཞུས།
ཡང་མཻ་ཏྲི་པ་ཀོ་ས་ལ་བྷི་ཀྵའི་དུར་ཁྲོད་ཆེན་པོ་ན་བཞུགས་པ་ལ་གསེར་སྲང་བདུན་ཕུལ་ནས། བོད་ལོངས་སྤྱོད་ཆུང་བས་ནོར་སྒྲུབ་མྱུར་ལ་རྟགས་ཚན་ཆེ་བ་གཅིག་ཞུ་བྱས་པས།
མཻ་ཏྲི་པའི་ཞལ་ནས། ཡིད་བཞིན་གྱི་མགོན་པོ་ཞེས་ཀྱང་བྱ། ཤིང་ཕུང་ཅན་ཞེས་ཀྱང་བྱ། ཙནྡན་གྱི་མགོན་པོ་ཞེས་ཀྱང་བྱ། ཐུགས་རྗེ་ཆེན་པོ་ནག་པོ་ཞེས་ཀྱང་བྱ། ཡེ་ཤེས་ཀྱི་མགོན་པོ་ཕྱག་དྲུག་པ་ཞེས་ཀྱང་བྱ། དང་པོ་བར་དོའི་འཇིགས་པ་ལས་སྐྱོབས་པ། ལྷ་འདྲེ་མི་གསུམ་དབང་དུ་སྡུད་པ། མི་ནོར་ཟས་གསུམ་ཤུགས་ལས་འབྱུང་བ། དགྲ་ཐམས་ཅད་བརླག་པར་བྱེད་པ། བཟློག་པས་མི་ཚུགས་པ། མཆོག་ཐུན་མོང་གི་དངོས་གྲུབ་ལོ་ཟླས་འགྲུབ་པ། མཆོག་བསྒྲུབས་པས་ཐུན་མོང་ཞོར་ལ་འབྱུང་བ། ཐུན་མོང་བསྒྲུབས་པས་མཆོག་ཞོར་ལ་འབྱུང་བ་གཅིག་ཡོད་པས་དེ་སྦྱིན་གྱིས་གསུངས་སོ།
།དེ་སུ་ལ་ཞུས་བྱས་པས། སྔོན་གྱི་དུས་ན་སངས་རྒྱས་སྣང་བ་མཐའ་ཡས་ཀྱི་སྤྱན་སྔར་ཐུགས་རྗེ་ཆེན་པོས་སེམས་བསྐྱེད་དེ། འཁོར་བའི་རྒྱ་མཚོ་ཆེན་པོ་འདི་སྟོངས་པར་མ་གྱུར་གྱི་བར་དུ་བདག་འཚང་རྒྱ་བར་མ་གྱུར་ཅིག །གལ་ཏེ་སེམས་བསྐྱེད་དེ་ཉམས་པར་གྱུར་ན་མགོ་བོ་ཚལ་པ་སྟོང་དུ་འགས་པར་གྱུར་ཅིག །ཅེས་བརྗོད་ནས་དམ་བཅས་ཏེ། རི་བོ་པོ་ཏ་ལར་ཉིན་མཚན་དུས་དྲུག་ཏུ་སེམས་ཅན་རྣམས་ལ་ཡེ་ཤེས་ཀྱི་གཟིགས་པས་འཇུག་ཅིང་། གང་ལ་གང་འདུལ་གྱིས་དོན་བྱེད་པར་གྱུར་ཏོ།
།དེ་ནས་སྐལ་པ་དཔག་ཏུ་མེད་པའི་བར་དུ་སེམས་ཅན་གྱི་དོན་བྱས་པས། སེམས་ཅན་མང་པོ་ཐར་གྲོལ་བྱུང་ལས་ཆེ་སྙམ་པོ་ཏ་ལ་ནས་གཟིགས་པས། སེམས་ཅན་གྱི་ཁམས་ལ་འཕེལ་འགྲིབ་མེད་པའི་སྟེང་དུ། སྙིགས་མར་སོང་བས་ཉོན་མོངས་པ་རགས་ལ་གདུག་པ་ཆེར་སོང་འདུག་པས། ད་ནི་བདག་གིས་སེམས་ཅན་འགའ་ཙམ་ཡང་གྲོལ་བར་མི་ནུས་པར་འདུག་སྙམ་ནས་སེམས་བསྐྱེད་བཏང་བ་དང་། དབུ་ཚལ་པ་སྟོང་དུ་གས་པར་གྱུར་ཏོ།
།དེ་ནས་སངས་རྒྱས་སྣང་བ་མཐའ་ཡས་བྱོན་ནས། རིགས་ཀྱི་བུ་དེ་ལྟ་བུའི་སེམས་བསྐྱེད་ལས་གཞོལ་པ་ནི་ཤིན་ཏུ་མ་ལེགས་པས། དེའི་བཤགས་པ་ལ་སེམས་བསྐྱེད་དེ་ལས་རྒྱ་ཆེ་བ་གཅིག་སྐྱོར་ཅིག་གསུངས་ནས། དབུ་ཚལ་པ་སྟོང་དུ་གས་པ་ཞལ་བཅུ་གཅིག་ཏུ་བྱིན་གྱིས་རླབས་སོ།
།དེ་ནས་སྔར་གྱི་སེམས་བསྐྱེད་དེ་ལས་རྒྱ་ཆེ་བ་མེད་ཅིང་། དེའི་ཆ་ཙམ་ཡང་མ་ནུས་པས་དེ་ལས་རྒྱ་ཆེ་བའི་ཐབས་ནི་གང་ཡང་མེད་དོ་སྙམ་ནས་ཞག་བདུན་གྱི་བར་དུ་བརྒྱལ་བར་གྱུར་ཏོ།
།དེ་ནས་བརྒྱལ་བ་དེ་སངས་པ་དང་། ད་ནི་སྙིགས་མའི་སེམས་ཅན་ཚེ་ཐུང་ཞིང་བར་ཆད་མང་བ་རྐྱེན་དབང་འབའ་ཞིག་ཏུ་འགྲོ་བ། ལོངས་སྤྱོད་ཆུང་ཞིང་འཚོ་བ་དམན་པ། སྒྲུབ་ལོང་མེད་པར་བར་ཆད་ཀྱི་དབང་དུ་འགྲོ་བ། དམ་ཚིག་མི་བསྲུང་བས་བཟློག་པ་དང་ནང་དམེ་བྱེད་པ། ཆོས་བྱེད་ཕལ་ཆེར་བར་དོའི་འཇིགས་པ་ལས་མི་ཐར་བར་གཟིགས་ནས། ཡུན་རིང་བསྒྲུབ་མི་དགོས་པར་ཞལ་མཐོང་བ། གསོལ་བ་གཏབ་པ་ཙམ་གྱིས་འདི་ཕྱིའི་འཇིགས་པ་ཐམས་ཅད་ལས་སྐྱོབས་པ། མི་ནོར་ཟས་གསུམ་ཤུགས་ལས་འབྱུང་བ། བར་དུ་གཅོད་པའི་དགྲ་བགེགས་ཐམས་ཅད་དུས་སྐད་ཅིག་གཅིག་གིས་བརླག་པར་བྱེད་པ། མཆོག་ཐུན་མོང་ཐམས་ཅད་ལོ་ཟླ་ཙམ་གྱིས་འབྱུང་བའི་དབང་གི་རྒྱལ་པོ་ལྟ་བུའི་ཁྲོ་བོར་གྱུར་ནས་སེམས་ཅན་གྱི་དོན་བྱའོ་སྙམ་སྟེ་ཐུགས་ཀ་ནས་ཧཱུྃམཐིང་ནག་གཅིག་དོན་པ་ལས། ཡེ་ཤེས་ཀྱི་མགོན་པོ་ཕྱག་དྲུག་པ། སྐྱེ་འགྲོའི་རེ་བ་ཚུལ་བཞིན་དུ་སྐོང་བའི་ཡིད་བཞིན་གྱི་ནོར་བུ་ལྟ་བུར་གྱུར་པ་དང་། ས་ཡང་རྣམ་པ་དྲུག་ཏུ་གཡོས་སོ།
།དེ་ནས་སངས་རྒྱས་སྣང་བ་མཐའ་ཡས་ལ་སོགས་པའི་སངས་རྒྱས་དཔག་ཏུ་མེད་པས་མགྲིན་གཅིག་ཏུ་བསྡེབས་ཏེ། རིགས་ཀྱི་བུ་སེམས་ཅན་གྱི་རེ་བ་ཚུལ་བཞིན་དུ་སྐོང་བའི་སྤྱོད་པ་འདི་ལྟ་བུ་ནི་ཤིན་ཏུ་ལེགས་སོ། །སངས་རྒྱས་ཐམས་ཅད་ཀྱི་ཐུགས་ཀྱི་གསང་བ་ལས་བྱུང་བ་བཅོམ་ལྡན་འདས་གཤིན་རྗེའི་གཤེད་པོ་ཉིད་ཀྱི་ཕྲིན་ལས་ཀྱི་ནུས་མཐུ་དང་ལྡན་པར་བྱའོ། །གསང་བའི་མཁའ་འགྲོ་མ་དབང་གི་རང་བཞིན་གྱི་དབང་དང་ལྡན་པར་བྱའོ། །དེ་ཉིད་ཀྱི་ཞི་བ་དང་རྒྱས་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་ཕྲིན་ལས་སུ་དབང་བསྐུར་བའི་སྤྲུལ་པ་ལས་བྱུང་བའི། གནོད་སྦྱིན་དང་། གཤིན་རྗེ་དང་། སྲིན་པོ་དང་། བདུད་དང་མ་མོ་རྣམས་ཀྱིས་ཀྱང་ལས་སྣ་ཚོགས་སྒྲུབ་པར་འགྱུར་རོ། །དེ་ཉིད་ཚུལ་བཞིན་དུ་སྒྲུབ་པ་དང་མཆོད་པ་དང་། དྲན་པས་ཀྱང་དངོས་གྲུབ་ཐམས་ཅད་ཚུལ་བཞིན་དུ་སྟེར་བར་འགྱུར་རོ། །མ་བསྒྲུབ་པ་ཉིད་ནས་བྱིན་གྱིས་བརློབས་པ་དང་། དེ་ཉིད་ཀྱི་མངོན་སུམ་དུ་ཞལ་སྟོན་པར་འགྱུར་རོ། །ཞེས་གསུངས་སོ།
།དེ་ནས་དཔལ་ཤ་ཝ་རི་ཞེས་བྱ་བ་བྲམ་ཟེའི་རིགས་སུ་གྱུར་པ། དཔལ་འབྲས་སྤུངས་དང་ཉེ་བ་ན་གྲོང་ཁྱེར་ཆེན་པོ་སུམ་ཅུ་རྩ་གསུམ་ཡོད་པའི་དབུས་ན། ཏྲི་པ་ལ་ཞེས་བྱ་བར་རོལ་མོ་མཁས་པའི་མཆོག་ཏུ་གྱུར་ནས། སྔོན་སངས་རྒྱས་ལ་གླུ་དང་རོལ་མོས་མཉེས་པར་བྱས་པ་དེས་བསིལ་བའི་ཚལ་གྱི་འཇག་མའི་སྤྱིལ་བུ་གཅིག་ན་སྒྲུབ་པ་མཛད་ཅིང་བཞུགས་ཙ་ན། ནམ་མཁའ་ལས་ཌཱ་མ་རུ་དང་དྲིལ་བུ་གཡེར་ཁའི་སྒྲ་ཆེན་པོ་གྲགས་ནས་གཟིགས་པས། ཡེ་ཤེས་ཀྱི་མགོན་པོ་འདི་བྱོན་ནས། རིགས་ཀྱི་བུ་ང་ཡི་སྒྲུབ་ཐབས་འདི་ཟུངས་ཤིག་གསུངས་ནས། ཤ་ཝ་རི་པས་སྒྲུབ་ཐབས་ཡི་གེར་བཀོད། ཡང་རྗེ་བཙུན་མ་དང་། ཐུགས་རྗེ་ཆེན་པོ་དང་། སྒྲོལ་མ་གསུམ་ཡང་བྱོན་ནས་སྒྲུབ་ཐབས་གསུངས་ཏེ་ཡི་གེར་བཀོད། ངས་ནི་ལྷོ་ཕྱོགས་དཔལ་གྱི་རི་ལ་ཕྱག་རྒྱ་ཆེན་པོའི་རྒྱུད་དང་གདམས་ངག་རྣམས་ཞུས་པའི་དུས་སུ་ཕྱག་དྲུག་པ་འདི་གནང་ནས་ཞག་ཉི་ཤུ་རྩ་གཅིག་ལ་ཞལ་མཐོང་ངོ་། །ཁྱོད་ཀྱང་ཕྱག་དྲུག་པ་འདི་ལ་ནས་ནག་རྗེན་བཏགས་ཀྱི་གཏོར་མ་དང་། སྤོས་སྦྱོར་མ་ཆག་པ་གྱིས། ཁྱི་ནག་པོ་ལ་རྡོ་བ་མ་རྡེགས། ཡིད་ཆེས་པར་གྱིས་ལ། བླ་མ་དང་དབྱེར་མེད་དུ་ལྟོས། དེ་ལྟར་བྱས་པས་རི་ལ་སོགས་པའི་སྒྲུབ་གནས་སུ་འཚོ་བ་སྦྱོར་བར་འགྱུར་རོ། །ཞག་བཅུ་གསུམ་གྱིས་སློབ་མ་དང་བཅས་པ་ལ་ཞལ་དངོས་སུ་སྟོན་པར་བྱེད་དོ། །དངོས་གྲུབ་ཐམས་ཅད་ཚུལ་བཞིན་ཏུ་སྟེར་བར་བྱེད་དོ། །ཞེས་ལུང་བསྟན་ནས། བཀའ་བསྒོ་ལན་གསུམ་མཛད་དོ།
།དེ་ནས་གསེར་སྲང་ལྔ་བརྒྱ་ཁྱེར་ནས་རྒྱ་གར་ཤར་ནུབ་ལྷོ་བྱང་ལ་སོགས་པ་ཀུན་ཏུ་རྒྱུ་ཞིང་གྲུབ་ཐོབ་ཀྱི་བླ་མ་སངས་རྒྱས་དངོས་དང་མཇལ་བ་ལྟ་བུ་སུ་ཡོད་དྲིས་པས། པཎྜི་ཏ་དང་གྲུབ་ཐོབ་རྣམས་མཐུན་པར། ནཱ་རོ་པཎྜི་ཏའི་ལྕམ་མོ་ཡེ་ཤེས་ཀྱི་མཁའ་འགྲོ་ནི་གུ་མ་ཞེས་བྱ་བ་དག་པའི་ས་གསུམ་ལ་གནས་པ་རྡོ་རྗེ་འཆང་ཆེན་པོ་ལ་དངོས་སུ་ཆོས་ཞུ་ནུས་པ་གཅིག་ཡོད་ཟེར་བས། དེ་ད་ལྟ་གནས་གང་ན་བཞུགས་བྱས་པས་སྣང་བ་དག་ན་གར་ཡང་ཞལ་མཐོང་། སྣང་བ་མ་དག་ན་གར་ཡང་བཙལ་བས་མི་རྙེད་དེ་དག་པའི་ས་ལ་གནས་པ་དང་། འཇའ་ལུས་སུ་གྱུར་པའི་ཕྱིར་རོ། །འོན་ཀྱང་དུར་ཁྲོད་ཆེན་པོ་སོ་ས་གླིང་གི་ནགས་གསེབ་ན། ཌཱ་ཀི་མའི་ཚོགས་འཁོར་གྱིདཔོན་ལ་རེས་འགའ་འབྱོན་ཟེར་ནས། ཌཱ་ཀི་མའི་མཚན་ཐོས་པ་ཙམ་གྱིས་མཆི་མ་འཁྲུགས་ཅིང་བ་སྤུ་ལྡང་བའི་མོས་གུས་སྐྱེས་ནས་དུས་དེར་དུར་ཁྲོད་སོ་ས་གླིང་གི་ནགས་གསེབ་ནས་ཡར་ལ། ན་མོ་བྷུདྡྷའི་གསོལ་བ་འདེབས་ཀྱིན་ཕྱིན་པ་དང་། ཤིང་ཏ་ལ་བདུན་སྲིད་ཙམ་གྱི་ནམ་མཁའ་ལ་མཁའ་འགྲོ་མ་སྐུ་མདོག་སྨུག་ནག་ཏུ་ཡོད་པ། རུས་པས་བརྒྱན་པ་ཕྱག་ན་ཁ་ཊྭཱཾ་ག་དང་ཐོད་པ་བསྣམས་པ་གཅིག་དང་དུ་མ་ལ་སོགས་པའི་གཟུགས་སྣ་ཚོགས་སྟོན་ཅིང་། གར་བསྒྱུར་བ་མཐོང་ནས་འདི་ཌཱ་ཀི་མ་ནི་གུ་མ་ཡིན་པར་འདུག་སྙམས་ནས་ཕྱག་འཚལ། བསྐོར་བ་དུ་མ་བྱས་ནས། ཡང་དག་པའི་གདམས་པ་ཞུ་འཚལ་བྱས་པས། ང་ཤ་ཟའི་ཌཱ་ཀི་མ་ཡིན། ངའི་འཁོར་རྣམས་བྱུང་ན་ཟར་འོང་བས་མྱུར་བར་བྲོས་ཤིག་གསུངས་སོ།
།དེ་ནས་ཡང་ཕྱག་དང་བསྐོར་བ་བྱས་ནས་གསང་སྔགས་ཀྱི་གདམས་པ་ཞུ་འཚལ་བྱས་པས། ཐེག་པ་ཆེན་པོ་གསང་སྔགས་ཞུ་བ་ལ་གསེར་དགོས་པ་ཡིན། གསེར་ཡོད་ན་བྱ་ཡི་གསུངས་ནས། གསེར་སྲང་ལྔ་བརྒྱ་ཕུལ་བ་དང་། ནགས་གསེབ་ཏུ་གཏོར་རོ། །དེར་འདི་ངེས་པར་ཤ་ཟའི་མཁའ་འགྲོ་མ་རང་ཡིན་ནམ་གསེར་ལ་ཡང་ཕོངས་པ་མི་འདུག་སྙམ་པ་དང་། མཁའ་འགྲོ་མ་དེས་སྤྱན་ནམ་མཁའ་ལ་ཧྲིག་ཧྲིག་གཟིགས་པ་དང་། འཁོར་ཌཱ་ཀི་མ་དཔག་ཏུ་མེད་པ་ནམ་མཁའ་ལས་བྱུང་སྟེ། འགའ་ཞིག་གིས་གཞལ་ཡས་ཁང་སུམ་རིམ་སྐད་ཅིག་ལ་བཞེངས། འགའ་ཞིག་གིས་རྡུལ་ཚོན་གྱི་དཀྱིལ་འཁོར་བཞེངས། འགའ་ཞིག་གིས་ཚོགས་ཀྱི་ཡོ་བྱད་བསགས་ནས། ཚེས་བཅོ་ལྔའི་ནམ་སྲོད་ལ་སྒྱུ་ལུས་རྨི་ལམ་གྱི་དབང་བསྐུར་མཛད་ནས་དབང་ཐོན་པ་དང་བོད་ཀྱི་བན་ཆུང་ཡར་འདེངས་དང་གསུངས་ནས། དཔག་ཚད་གསུམ་ཌཱ་ཀི་མའི་རྫུ་འཕྲུལ་ལ་རྟེན་ནས་ཡུད་ཙམ་གྱིས་བགྲོད་པ་དང་། གསེར་གྱི་རི་མི་ཆེ་བ་ཙམ་གཅིག་གི་སྟེང་གི་ནམ་མཁའ་ལ་ཌཱ་ཀི་མའི་ཚོགས་ཀྱིས་བསྐོར་ནས་གར་བསྒྱུར་ཞིང་འདུག་གོ།
།རི་དེའི་ཕྱོགས་བཞི་ནས་མར་གསེར་གྱི་ཆུ་རྒྱུན་བཞི་བབ་ཅིང་འདུག་པས་གསེར་གྱི་རི་འདི་ལྟ་བུ་རྒྱ་གར་ན་ཡོད་དམ། མཁའ་འགྲོ་མས་སྤྲུལ་པ་ཡིན་ཞུས་པས།
འཁོར་བའི་རྒྱ་མཚོར་བསྐྱུར་བ་ཡི། །ཆགས་སྡང་རྟོག་པ་སྣ་ཚོགས་འདི། །རང་བཞིན་མེད་པར་རྟོགས་ཙ་ན། །ཐམས་ཅད་གསེར་གླིང་ཡིན་ནོ་བུ། །སྒྱུ་མ་ལྟ་བུའི་ཆོས་རྣམས་ལ། །སྒྱུ་མ་ལྟ་བུར་བསྒོམ་བྱས་ན། །སྒྱུ་མ་ལྟ་བུར་མངོན་སངས་རྒྱས། །མོས་གུས་སྟོབས་ལས་འབྱུང་བར་འགྱུར།
ད་ང་ཡིས་བྱིན་གྱིས་བརླབས་ཀྱི་རྨི་ལམ་ཟུངས་ཤིག་གསུངས་ནས། རྨི་ལམ་བཟུང་བས་ཟིན་ནས་ལྷ་དང་ལྷ་མ་ཡིན་གྱི་གནས་སུ་ཕྱིན་པས། ལྷ་མ་ཡིན་ཤིན་ཏུ་ཆེ་བ་ཞིག་གིས་ང་ལ་ཁྱུར་མིད་བྱས་པ་དང་། མཁའ་འགྲོ་མ་ནམ་མཁའ་ལ་བྱོན་སྟེ། བུ་གཉིད་མ་སད་པར་གྱིས་གསུངས་ནས། དུས་དེ་ཉིད་དུ་ཆོས་དྲུག་གི་ཁྲིད་ཚར་བར་མཛད་དོ། །གཉིད་ཐུན་གཅིག་ལ་ཆོས་དྲུག་གི་ཁྲིད་ཚར་བ་རྒྱ་གར་ནའང་ཁྱེད་ལས་མེད་གསུངས་སོ།
།དེ་ནས་དངོས་སུ་ཁྲིད་ཚར་གསུམ་དང་། རྡོ་རྗེའི་ཚིག་རྐང་དང་། སྒྱུ་མ་ལམ་རིམ་གསུངས། རྒྱུད་སྡེ་ལྔའི་དབང་དང་སྒྲུབ་ཐབས་དང་གདམས་པ་རྣམས་གསུངས། དགྱེས་རྡོར་སྤྲུལ་པའི་ལྷ་དགུ་དང་། མཚོན་ཆ་ཅན་ལྷ་བཅུ་གསུམ་དུ་དབང་བསྐུར། བརྟག་གཉིས་དང་གུར་གསུངས། སམྦུ་ཊི་སྒྲུབ་ཐབས་དང་བཅས་པ་དང་། མཚོན་ཆ་ཅན་གྱི་བསྐྱེད་རིམ་རྒྱས་བསྡུས་གསུམ་དང་། དེ་ཁོ་ན་ཉིད་བཞིའི་གདམས་ངག་གསུངས། ༼W1CZ2857 v2 p34: བདེ་མཆོག་དྲུག་ཅུ་རྩ་གཉིས་དང་། བཅུ་གསུམ་དང་། ལྷ་ལྔའི་དཀྱིལ་འཁོར་དུ་དབང་བསྐུར། རྒྱུད་དང་སྒྲུབ་ཐབས་མང་དུ་གསུངས། མཚོན་ཆ་ཅན་དང་དུས་འཁོར་གྱི་གདམས་ངག་དང་། དེ་ཁོ་ན་ཉིད་བཞིའི་ཞལ་གདམས་གསུངས།༽ མཁའ་སྤྱོད་དཀར་དམར་དང་། རྒྱུད་སྡེ་བཞིའི་སྒྲིབ་སེལ་དང་། བདེ་མཆོག་རིགས་ལྔའི་རྫོགས་རིམ་དང་། ཐིག་ལེའི་རྫོགས་རིམ་རྣམས་གསུངས་སོ། །རྒྱུད་རྡོ་རྗེ་མཁའ་འགྲོའི་ལས་ཚོགས་ཐམས་ཅད་གཏན་ལ་ཕབ་ནས་གསུངས། མདོར་ན་ཡེ་ཤེས་ཀྱི་ཌཱ་ཀི་མ་འདི་ཉིད་ཀྱིས། རྒྱུད་སྒྲུབ་ཐབས་གདམས་པ་དང་བཅས་པ་དཔག་ཏུ་མེད་པ་གསུངས་སོ། །དེ་ལ་མཁའ་འགྲོ་མའི་ཞལ་ནས་ཆོས་དྲུག་གི་དབང་གདམས་ངག་དང་བཅས་པ་འདི་རྗེ་བཙུན་ལྭ་བ་པ་དང་ང་གཉིས་མ་གཏོགས་རྒྱ་གར་ནའང་ཤེས་པ་མེད་པས། མི་རབས་བདུན་དུ་ཆིག་རྒྱུད་ལས་མ་སྤེལ་ཅིག །དེ་རྣམས་ཀྱི་རིམ་པས་བྱིན་གྱིས་རློབས་ཅིང་ལུང་སྟོན་པར་འགྱུར་རོ། །ཞེས་གསུངས་སོ།
།དེ་ནས་སྦས་པའི་རྣལ་འབྱོར་ལ་གསེར་སྲང་བརྒྱ་ཕུལ་ནས། བདེ་མཆོག་ལྷ་ལྔ་དང་། མཁའ་སྤྱོད་དཀར་དམར་དང་། རིམ་ལྔ་སྟན་ཐོག་གཅིག་མ་སྦྱོར་དྲུག་ལ་སོགས་པའི་གདམས་པ་མང་དུ་ཞུས་སོ།
།དེ་ནས་ཡང་གསེར་སྲང་ལྔ་བརྒྱ་ཁྱེར་ནས་རྒྱ་གར་ནུབ་ཕྱོགས་སུ་ཕྱིན་ཏེ། སངས་རྒྱས་དངོས་དང་འཇལ་བའི་བླ་མ་སུ་ཡོད་དྲིས་པས། པཎྜི་ཏ་རོལ་པའི་རྡོ་རྗེ་དང་། ཨཱརྻ་དེ་བ་དང་། ཌཱ་ཀི་མ་སུ་མ་ཏི་ལ་སོགས་པ་གྲུབ་ཐོབ་བཅུ་གསུམ་གྱི་ཞལ་ནས། ངེད་རྣམས་ཀྱི་དབང་བསྐུར་ལ་གདམས་ངག་བསྟན་ནས་དེའི་རྗེས་ལ་ལུང་སྟོན་པར་འགྱུར་རོ་གསུངས་པས། གསེར་སྲང་ལྔ་བརྒྱ་ཕུལ་ནས་དབང་དང་གདམས་པ་མང་པོ་ཞུས་སོ། །ཁོང་རྣམས་ཀྱི་ཞལ་ནས་ངེད་བཅུ་གསུམ་པོ་འདིའི་རྩ་བའི་བླ་མ་ཡིན། ཁྱད་པར་དུ་པཎྜི་ཏ་ཨཱརྻ་དེ་ཝ་ལ་བདག་མེད་མའི་ནང་ཁྲིད་བསྟན་པས་ཟླ་བ་བདུན་ལ་ས་བརྒྱད་ཀྱི་རྟོགས་པ་ལ་འགོད་པའི་ཡེ་ཤེས་ཀྱི་ཌཱ་ཀི་མ་སུ་ཁ་སིདྡྷི་ཞེས་བྱ་བ། རྡོ་རྗེ་འཆང་དང་བདག་མེད་མ་ལ་དངོས་སུ་ཆོས་གསན་པ་གཅིག་ཡོད་ཀྱི། དེས་ཁྱེད་ལ་བྱིན་གྱིས་རློབ་ཅིང་གདམས་པ་སྟོན་པར་འགྱུར་རོ་ཞེས་ལུང་བསྟན་ཏོ།
དེ་ནས་ཨཱརྻ་དེ་ཝ་ལ་ནང་ཁྲིད་ཞུས་ནས། ཌཱ་ཀི་མའི་ཡུལ་གང་ན་ཡོད། རིགས་ཅི་ཡིན། ད་ལྟ་གང་ན་བཞུགས་ཅེས་བྲིས་པས། རིགས་ཀྱི་བུ་ལེགས་པར་ཉོན་ལ་ཡིད་ལ་ཟུངས་ཤིག་བསྟན་པར་བྱའོ། དེ་ལ་ཁ་ཆེ་ཁྲི་རྟེན་ན། གྲོང་ཁྱེར་ཆེན་པོ་འབུམ་ཚོ་སུམ་ཅུ་རྩ་གཉིས་ཡོད་པའི་ནུབ་བྱང་གི་གྲོང་ཁྱེར་གཅིག་ན། བཟའ་མི་བདུན་ཡོད་པ་རྒྱགས་སུ་འབྲས་བུམ་པ་གང་ལས་མེད་པ་དང་། དུས་དེར་མུ་གེ་ཆེན་པོ་བྱུང་ནས། བུ་ཁྱོ་རྣམས་ན་རེ། རྒན་མོ་འབྲས་བུམ་པ་གང་པོ་འདི་ཚག་གིས་ཤིག །སང་གནང་ཇོ་བོ་ནམ་ཟླ་རིང་པོ་བྱུང་ཙ་ན་ཟ་དགོས་སོ། །ངེད་རྣམས་ཟས་ཚོལ་དུ་འགྲོ་ཡི་ཟེར་ནས། བུ་ཁྱོ་དང་བུ་མོ་རྣམས་ཕྱོགས་ཐམས་ཅད་དུ་ཕྱིན་པས། ཐམས་ཅད་དུ་མུ་གེ་བྱུང་བ་དང་ཐུག་ནས་བཟའ་བ་ཡེ་མ་རྙེད་དོ། །དེའི་དུས་སུ་དགེ་སློང་སྔོན་པོ་གཅིག་བྱུང་ནས། རྒན་མོ་ཇོ་བོ་ནམ་ཟླ་རིང་པོ་ཀ་ང་ཡིན། འབྲས་བུམ་པ་གང་པོ་ང་ལ་དྲོངས་ཤིག་ཟེར་བ་དང་། རྒན་མོས་འབྲས་ལ་ལ་དགེ་སློང་ལ་དྲངས། ལ་ལ་མོ་རང་གི་ཟོས་པ་དང་། བུ་ཁྱོ་རྣམས་ཀྱིས་བཟའ་བ་མ་རྙེད་པར་འོངས་བ་དང་། ཁང་པར་དུས་གཅིག་ཏུ་སླེབ་ནས། ཨ་མ་འབྲས་བུམ་པ་གང་པོ་ཁ་ཕྱེས་ལ་བྱིན་ཅིག །ཕྱོགས་གང་དུ་ཕྱིན་ཀྱང་བཟའ་བ་མ་རྙེད་པས་ཉན་པར་གྱུར་ཏོ། །ཞེས་ཟེར་བ་དང་། མས་སྨྲས་པ། ཇོ་བོ་ནམ་ཟླ་རིང་མོ་ཆོས་གོས་རྣམ་གསུམ་དང་ལྷུང་བཟེད་བསིལ་བྱེད་དང་བཅས་ནས་བྱུང་བས། དེ་ལ་མོས་ནས་འབྲས་བྱིན་ནས་མེད་དོ་བྱས་པས། ཁོང་རྣམས་ན་རེ། རྒན་མོ་འདིས་མེད་པ་ཚོལ་བ་དག་མི་འོང་སྟེ། ཡོད་པ་རྣམས་ཀྱང་བརླག་པར་བྱས་ནས་མི་ཡོང་བར་འདུག་པས། འདི་མ་བཏོན་ན་སྐྱིད་མི་འདུག་པས་ཐོན་ཅིག་ཟེར་ནས། བུ་ཁྱོས་རྒན་མོ་ཁང་པ་ནས་བཏོན་ནོ།
།དེ་ནས་རྒན་མོ་དེ་ས་གར་ཕྱིན་ན་དྲགས་དྲིས་པས། མི་རྣམས་ན་རེ། ནུབ་ཕྱོགས་ཨོ་རྒྱན་ན་ཕོ་སྐྱེས་ཐམས་ཅད་དཔའ་བོ། མོ་སྐྱེས་ཐམས་ཅད་དཔའ་མོ། རིག་པ་རང་བཞིན་གྱི་དྭངས་པ། འཚོ་བ་སྩོལ་མེད་དུ་འབྱུང་བ་སྐྱིད་པ་ཞིག་ཡོད་དོ་ཟེར་ནས་ཨོ་རྒྱན་དུ་ཕྱིན་པ་དང་། འབྲས་བཙའ་བ་དང་ཐུག་ནས་འབྲས་སློང་པས་ཁལ་གཅིག་རྙེད་དོ། །དེ་ཁྱེར་ནས་བྷེ་ཏའི་གྲོང་ཁྱེར་དུ་ཕྱིན་ནས་ཆང་ཚོང་མ་བྱས་པས་འབྲས་མང་པོ་བྱུང་ངོ་། །དེའི་དུས་སུ་ཨོ་རྒྱན་གྱི་ཕུ་ན་རྗེ་བཙུན་བིར་ཝ་པ་གསང་སྤྱོད་མཛད་ཅིང་བཞུགས་ནས་ཡོད་པ་ལས། རྣལ་འབྱོར་མ་གཅིག་གིས་ཆང་དང་ཤ་ཉོས་ནས་དམ་རྫས་བྱེད་པ་ལ། དུས་རེ་ཞིག་གི་ཚེ་ན། རྒན་མོ་ཆང་ཚོང་མ་དེ་ལ་ཆང་ཉོས་པ་དང་། རྒན་མོས་སྨྲས་པ། རྣལ་འབྱོར་མ་ཆང་རྟག་ཏུ་ཉོ་ནས་སུ་ལ་ཁྱེར་བྱས་པས། རྣལ་འབྱོར་མས་སྨྲས་པ། ནགས་ཁྲོད་ཡ་གི་ན་བླ་མ་བཟང་པོ་གཅིག་ཡོད་པས་དེ་ལ་འདྲེན་པ་ཡིན་བྱས་པ་དང་། རྒན་མོས་སྨྲས་པ། ང་ཚོགས་མ་བསགས་པས་དབུལ་ཞིང་ཕོངས་པར་གྱུར། རྒས་ནས་བུ་ཁྱོས་བཏོན་པས། ལོངས་སྤྱོད་ལ་སྙིང་པོ་མེད་པས། ད་ཆང་རིན་མི་འདོད་ཟེར་ནས། འབྲས་ཆང་ཉིན་སིང་བྱས་ཤིང་དུས་རྒྱུན་དུ་བསྐུར་རོ།
།དེ་ནས་རྗེ་བཙུན་བིར་ཝ་པའི་ཞལ་ནས། རྣལ་འབྱོར་མ་ཆང་རིན་མི་དགོས་པ་ཆང་འདི་ལྟ་བུ་ཤ་སྟག་གང་ནས་བྱུང་གསུངས་པ་ལ། དེ་སྔ་དང་མི་འདྲ་བའི་རྒན་མོ་དད་པ་ཅན་གཅིག་འདུག །ངས་བླ་མ་བཟང་པོ་གཅིག་ལ་འདྲེན་པ་ཡིན་བྱས་པས། འོ་ན་ཆང་རིན་མི་འདོད་ཟེར་ནས་གཏན་དུ་ཕུལ་བ་ཡིན་ནོ་སྨྲས་པ་དང་། བིར་ཝ་པའི་ཞལ་ནས། རྣལ་འབྱོར་མ་རྒན་མོ་དེ་ཁམས་གསུམ་འཁོར་བ་ནས་འདྲེན་དགོས་ཁྲིད་ལ་ཤོག་གསུངས་པས། རྒན་མོ་དེ་ལ་དེ་སྐད་བྱས་པ་དང་། འོ་ན་ཤིན་ཏུ་དགའ་ཟེར་ནས། འབྲས་ཆང་ཉིན་སིང་བྱས་པ་བུམ་པ་དོ་དང་། ཕག་གི་ཤ་གཅིག་ཁྱེར་ནས་བིར་ཝ་པ་ལ་ཕུལ་བ་དང་། དེའི་ནུབ་མོ་རྗེ་བཙུན་མའི་གསང་བསྒྲུབས་ཀྱི་དབང་བཞི་རྫོགས་སུ་བསྐུར་བ་དང་། དུས་དེ་ཉིད་དུ་ཡེ་ཤེས་ཀྱི་མཁའ་འགྲོ་མར་གྱུར་ཏོ། །དེ་ལ་བུ་ཁྱོས་བཏོན་ནས་ལོ་ལྔ་བཅུ་ང་དགུ། ཉོ་ཚོང་ལོ་གཅིག་བྱས་པས་དྲུག་ཅུ་ཐམ་པ། བིརྺ་པ་དང་མཇལ་ཙ་ན་དྲུག་ཅུ་རེ་གཅིག་ལོན་པ་དེ། དབང་བསྐུར་བས་ལོ་བཅུ་དྲུག་ལོན་པའི་ན་ཚོད་ལྟ་བུ་ལང་ཚོ་དར་ལ་བབས་པ། སྐུ་མདོག་དཀར་ལ་རྫུ་འཕྲུལ་གྱི་ནམ་མཁའ་ལ་བཞུགས་པ། བདག་མེད་མ་དང་དབྱེར་མེད་པའི་ཌཱ་ཀཱི་མ་སུ་ཁ་མ་སིདྡྷི་ཞེས་བྱ་བར་གྱུར་ནས། རྡོ་རྗེ་འཆང་ཆེན་པོ་ལ་དངོས་སུ་ཆོས་གསན་ནུས་པ་གཅིག་ཡོད་དོ།
།ཌཱ་ཀཱི་མ་དེ་སྣང་བ་དག་ན་གར་ཡང་ཞལ་མཐོང་ལ་སྣང་བ་མ་དག་ན་བཙལ་བས་མི་རྙེད་དོ། །རེས་འགའ་ནི་བདེ་བ་སྦྱིན་པའི་གནས་ཙནྡན་སྨན་གྱི་ནགས་ཚལ་ཞེས་བྱ་བར་ཚེས་བཅུའི་དུས་སུ་ཌཱ་ཀཱི་མ་རྣམས་ཀྱི་ཚོགས་དཔོན་མཛད་ཅིང་ཆོས་སྟོན་པ་དང་། ཡང་ན་གསུང་གི་སྒོ་ནས་ཆོས་སྟོན་པར་འགྱུར་རོ། །དེར་སོང་ལ་གསོལ་བ་ཐོབ་ཅིག །དབང་བཞི་རྫོགས་སུ་བསྐུར་ནས་གདམས་ངག་དང་རྗེས་སུ་བསྟན་པ་མཐའ་དག་སྟོན་པར་འགྱུར་རོ། །གསུང་ནས་ལུང་བསྟན་མཛད་དོ།
།དེ་ནས་གསེར་སྲང་ལྔ་བརྒྱ་པོ་དེ་ཁྱེར་ནས། བདེ་བ་སྦྱིན་པའི་ནགས་གསེབ་ནས་ཡར་ན་མོ་བྷུདྡྷ་ཡའི་གསོལ་བ་འདེབས་ཤིང་ཕྱིན་པ་ན། ཙནྡན་གྱི་ནགས་དེའི་སྟེང་གི་ནམ་མཁའ་ལ་ཌཱ་ཀི་མ་སྐུ་མདོག་དཀར་མོ་དབུ་སྐྲ་སིལ་མས་སྐུ་རྒྱབ་ནོན་པ། ཕྱག་གཉིས་སྐྱེ་མེད་མཚོན་པའི་ཕྱག་རྒྱ་མཛད་པ། ཌཱ་ཀི་མའི་ཚོགས་ཀྱིས་བསྐོར་ནས་འཇའ་འོད་འཁྱིལ་པའི་དབུས་ན་བཞུགས་པ་མཐོང་ངོ་། །དེ་མཐོང་བ་དང་ལུས་ལ་བ་སྤུ་ལྡང་ཞིང་མཆི་མ་འཁྲུགས་ལ། ས་དང་པོ་ལྟ་བུའི་དགའ་བ་སྐྱེས་ནས་ཟག་མེད་ཀྱི་བདེ་བའི་ཉམས་དང་ལྡན་པར་གྱུར་ཏོ།
།དེ་ནས་མེ་ཏོག་ཨུཏྤལ་དང་། པདྨ་དང་། ཀུ་མུད་ལ་སོགས་པ་མང་པོ་གཏོར་ནས་ཕྱག་དང་བསྐོར་བ་བརྒྱ་སྟོང་དུ་མ་བྱས་ཏེ། གདམས་ངག་ཞུ་འཚལ་བྱས་པས། ཌཱ་ཀི་མའི་ཞལ་ནས།
བིརྺ་པ་དང་བདག་མེད་མ། །རྡོ་རྗེ་འཆང་ལས་དངོས་སུ་ཐོབ། །གསང་སྔགས་མངོན་སུམ་ལམ་པ་ཡི། །སྨིན་པར་བྱེད་པའི་དབང་བཞི་དང་། །གྲོལ་བའི་བསྐྱེད་རྫོགས་སྟོན་པ་ལ། །དཀོན་པའི་རིན་ཆེན་གསེར་ཕྱེ་ཕུལ། །གུས་པའི་ཐལ་སྦྱོར་རྐྱང་ཕྱག་འཚལ། །དམའ་བའི་ཞབས་མཐིལ་གཙུག་གིས་ལོངས། །དུས་འདིར་བདག་གིས་གྲོལ་བར་བྱ། །དེ་རིང་རྙེད་པ་མཆོག་རྙེད་དོ། །རིགས་ཀྱི་བུ་ཁྱོད་ཨེ་མ་ཧོ། །རིགས་ཀྱི་བུ་ཁྱོད་ཨེ་མ་ཧོ། །རིགས་ཀྱི་བུ་ཁྱོད་ཨེ་མ་ཧོ།
།ཞེས་ལན་གསུམ་གསུངས་ནས།
གསེར་སྲང་ལྔ་བརྒྱ་ཕུལ་ལོ།
།དེ་ནས་ཡང་ཌཱ་ཀི་མའི་ཞལ་ནས།
ཁྱོད་ཀྱི་སློབ་མ་ཡང་སློབ་དང་། །ཕྱི་རབས་བརྒྱུད་འཛིན་ཐམས་ཅད་ལ། །ང་ཡིས་དངོས་སུ་བྱིན་གྱིས་བརློབས། །དག་པ་མཁའ་སྤྱོད་གནས་སུ་འགྲོ། །ཞེས་གསུངས་ནས།
དང་པོ་སྤྲུལ་པའི་དཀྱིལ་འཁོར་དུ་དབང་བཞི་རྫོགས་སུ་བསྐུར་ནས། གསང་སྒྲུབ་ལྟེ་བ་སྤྲུལ་འཁོར་གྱི་བསྐྱེད་རྫོགས་ཉམས་ལེན་གྱི་གནད་དང་བཅས་པ་ཐམས་ཅད་མ་ལུས་པར་གསུངས་སོ་དེ་ལ་ཡེ་ཤེས་ཀྱི་ཌཱ་ཀི་མ་སུ་ཁ་སིདྡྷི་འདི་དང་པོ་དྲིན་ཆེ་སྟེ། སྤྲུལ་པའི་དཀྱིལ་འཁོར་དུ་དབང་བཞི་རྫོགས་སུ་བསྐུར། བར་དུ་དྲིན་ཆེ་སྟེ་ལྷ་ཡི་བུ་མོ་དང་དབྱེར་མེད་དུ་གསང་ཡུམ་མཛད། མཐའ་མར་དྲིན་ཆེ་སྟེ་གདམས་ངག་ཐམས་ཅད་རྫོགས་པར་གནང་ནས། བདག་ཉིད་བདེ་བ་ཅན་དུ་བཅུ་བཞིའི་ས་ཐོབ་པར་ལུང་བསྟན། སློབ་མ་ཡང་སློབ་བརྒྱུད་འཛིན་དང་བཅས་པ་ཐམས་ཅད་ལ་ཐུགས་རྗེས་བཟུང་ནས། དག་པ་བདེ་སྟོང་གི་མཁའ་སྤྱོད་དུ་འགྲོ་བར་ལུང་བསྟན་པར་མཛད། །དེས་ན་བདག་གི་བརྒྱུད་འཛིན་ཐམས་ཅད་ཀྱང་ཀུན་ལས་ཁྱད་པར་འཕགས་པས་ན། བསགས་པ་ཡང་རབ་འབའ་ཞིག་འབྱུང་བར་འགྱུར་རོ།
།དེ་ནས་མཁའ་འགྲོ་མ་སུ་མ་ཏི་མ་ཧཱ་དང་། མཁའ་འགྲོ་མ་གང་ག་དྷ་ར་དང་། ཀུན་ཏུ་བཟང་མོ་རྣམས་ལ་གསེར་སྲང་བདུན་བདུན་དང་། མོས་གུས་ཀྱིས་མཉེས་པར་བྱས་ནས་མ་རྒྱུད་ཀྱི་རྫོགས་རིམ་གྱི་གདམས་པ། དབབ་བཟུང་བཟློག་འགྲེམ་གྱི་རླུང་དང་བསྲེ་པ། ཡེ་ཤེས་ཆེན་པོར་སྐྱེལ་བའི་གདམས་པ་མང་དུ་ཞུས་སོ།
།ཡང་རྡོ་རྗེ་གདན་གྱི་བྱང་ཕྱོགས་འོད་མའི་ཚལ་དུ་པཎྜི་ཏ་བདེ་བའི་རྡོ་རྗེ་ལ་གཤིན་རྗེ་དགྲ་ནག་དང་། འཇིགས་བྱེད་རྟོག་པ་བདུན་པ་དང་། གསུམ་པ་དང་། ཁྲོ་བོ་རྣམ་རྒྱལ་གྱི་རྒྱུད་དང་། ལྷ་མོ་གནམ་ཞལ་མ་དང་། བྱ་རོག་རྐང་གཉིས་དང་། ཐོད་པའི་བརྟག་ཐབས་དང་། མི་གཡོ་བའི་རྒྱུད་སྒྲུབ་ཐབས་དང་བཅས་པ་མང་དུ་ཞུས་སོ།
།ཡང་པཎྜི་ཏ་རོལ་པའི་རྡོ་རྗེ་ལ་གསེར་སྲང་བརྒྱ་ཕུལ་ནས་ལྷ་མོ་དང་མགོན་པོའི་སྒྲུབ་ཐབས་བརྒྱད་ཅུ་དང་། ཕྱི་རོལ་པ་དང་ནང་པའི་ཕྱིར་བཟློག་དང་། ཉི་ཁྲོས་ཀྱི་རྒྱུད་ལ་སོགས་པའི་སེར་བ་དང་། ཐོག་དབབ་བསྲུང་དང་སྨན་དཔྱད་སྡེ་སྐོར་བདུན་ལ་སོགས་པའི་གདམས་པ་མང་དུ་ཞུས་སོ།
།དེ་ནས་བླ་མ་ཨ་ཏ་ཡ་བཛྲ་ལ་རྡོ་རྗེ་རྣམ་འཇོམས་ཀྱི་སྤྲུལ་པའི་དཀྱིལ་འཁོར་དུ་དབང་ཞུས་ནས། རྣམ་འཇོམས་ཀྱི་རྒྱུད་དང་། ལྷ་བཅུ་གཅིག་དང་། ལྷ་ལྔ་དང་། ལྷ་གཅིག་མའི་སྒྲུབ་ཐབས་རྣམས་ཞུས་ནས། དེ་ཉིད་ཀྱི་བུམ་པ་དང་། རྡོ་རྗེ་དྲིལ་བུ་ནམ་མཁའ་ལ་བཞུགས་པ་དང་། བྲམ་ཟེའི་ཐོད་པ་མཚན་ལྡན་རྣམས་གནང་ངོ་། །བདག་ལ་ཡང་རྣམ་འཇོམས་ཀྱི་སྤྲུལ་པའི་དཀྱིལ་འཁོར་དུ་དབང་བསྐུར་ནུས་པར་ལུང་བསྟན་ཏོ།
།དེ་ནས་གཞུང་དང་གདམས་པའི་སྤྲོས་པ་ཆོད་ནས། ད་བོད་དུ་ཕྱིན་ནས་བླ་མ་རྣམས་ལ་གསེར་གྱི་ཆོས་སྐྱེས་གཅིག་བྱ་དགོས་སྙམ་ནས། རྡོ་རྗེ་གདན་དུ་མཆོད་པ་ཕུལ་ཞིང་ཚོགས་མཆོད་གཅིག་བྱས་གསོལ་བ་བཏབ་པའི་ཐོ་རངས་ཁ། བླ་མ་ཨ་ཏ་ཡ་བཛྲ་དང་། ཌཱ་ཀི་མ་སུ་ཁ་སིདྡྷི་དང་། རྗེ་བཙུན་སྒྲོལ་མ་བྱོན་ནས།
ཕྱི་རོལ་དབང་ཕྱུག་ཆེན་པོ་དང་། །བདེ་མཆོག་ཁ་སར་པཱ་ཎི་སོགས། །རང་བྱོན་གཟུགས་སུ་ཡོད་པ་ཡི། །གནས་སུ་གདུལ་བྱ་ཁྲི་ཕྲག་འབྱུང་།
།ཞེས་སོ།
།དེ་ནས་བལ་པོར་སླེབ་པ་དང་། པཎ་ཆུང་དང་། རྒྱལ་པོ་དང་། འབའ་རོ་རྣམས་ཀྱི་དབང་དང་རྒྱུད་ཞུས། མང་ཡུལ་སྤུ་རོང་སྟོད་དུ་སྔར་གྱི་སློབ་མས་སྤྱན་དྲངས་ནས་བསོད་ནམས་ཆེན་པོ་བྱུང་། བདག་བསམ་པ་བཟང་བས། ཛམྦུ་ཆུ་པོ་དང་། གུ་ལང་ལ་སོགས་པའི་གསེར་ཁ་བཅུ་གསུམ་རྡོལ་བ་དང་དུས་འཛོམས་ནས་དབང་བསྐུར་དང་སེམས་བསྐྱེད་ཐེབས་རེ་ལ་གསེར་སྲང་བརྒྱ་ཕྲག་མང་པོ་བྱུང་། ལ་སྟོད་ལྷོ་དང་ཚོང་དུས་དང་། ནང་ཁང་རྒྱུད་གསུམ་དང་། སྙེ་མོའི་བར་གྱི་གདན་འདྲེན་སར་ཕྱིན་པས། གསེར་གྱི་གླེགས་བམ་དང་། རྟ་དང་། གསེར་གཡུ་དང་། དར་ཟབ་ལ་སོགས་པའི་ལོངས་སྤྱོད་དཔག་ཏུ་མེད་པ་བྱུང་ནས།
ད་རྒྱ་གར་དུ་འགྲོ་དགོས་སྙམ་ཏེ། གསེར་སྲང་ལྔ་བརྒྱ་ཕྲག་དྲུག་དང་། གླ་བ་ལྔ་བརྒྱ་ཁྱེར་ནས་རྡོ་རྗེ་གདན་དུ་ཕྱིན་ནས། རྒྱལ་པོ་ལ་མཆོད་པ་བྱ་བར་ཞུས་བས་གནང་ནས། གསེར་སྲང་བརྒྱད་ཅུ་ལ་ཞག་བཅུའི་བར་དུ་རྡོ་རྗེ་གདན་དུ་དུས་མཆོད་ཆེན་པོ་བྱས་པས། ནམ་མཁའ་ལས་མེ་ཏོག་གི་ཆར་ཆེན་པོ་བབ་པ་དང་། འོད་དང་སྒྲ་དང་ཌཱ་ཱཀི་མས་གར་བསྒྱུར་བ་དང་། ལྷའི་བུས་མཆོད་པ་འབུལ་བ་ལ་སོགས་པའི་ངོ་མཚར་གྱི་ལྟས་སྣ་ཚོགས་བྱུང་བས་རྒྱལ་པོ་དང་། བླ་མ་རྡོ་རྗེ་གདན་པ་ལ་སོགས་པའི་པཎྜི་ཏ་དང་ཁྱིམ་བདག་ཐམས་ཅད་བོད་ཀྱི་ཛྭ་ཀི་ཆེན་པོའི། མ་ཧཱ་བོ་དྷི་པུཙྪ་མ་ཧཱ་ཕ་ལ་ཞེས་བརྗོད་ཅིང་མཉེས་པར་གྱུར་ཏོ།
།དེ་ནས་བླ་མ་རྡོ་རྗེ་གདན་པ་དང་། ཡེ་ཤེས་ཀྱི་མཁའ་འགྲོ་མ་ནི་གུ་མ་དང་། སུ་ཁ་མ་སིདྡྷི་དང་། རྡོ་རྗེ་མཆེད་གསུམ་ལ་སོགས་པ་བླ་མ་བརྒྱ་ལྔ་བཅུ་ལ་གསེར་མང་པོ་ཕུལ། ཚོགས་ཀྱི་མཆོད་པ་མང་པོ་བྱས་པས། བླ་མ་འགའ་ཞིག་གིས་གནད་ཀྱི་གདམས་པ་མང་དུ་གནང་ངོ་། །ཁ་གཅིག་གིས་ལུང་བསྟན་མང་པོ་མཛད་དོ། །བླ་མ་མཻ་ཏྲི་པ་མི་བཞུགས་ཀྱང་ཇོ་མོ་ཡེ་ཤེས་ཀྱི་མཁའ་འགྲོ་མ་གང་ག་དྷ་ར་ལ་གསེར་མང་པོ་ཕུལ་ནས་གདམས་པ་མང་པོ་ཞུས་སོ།
།དེ་ནས་བོད་དུ་འོང་ཁར་ཚེས་བཅུ་ལ་རྡོ་རྗེ་གདན་དུ་མཆོད་པ་ཕུལ། ཚོགས་འཁོར་བརྒྱ་རྩ་བྱས་ནས། ལོ་ཙཱ་བ་གླན་དར་མ་བློ་གྲོས་དང་། ཇོ་བོ་གྷ་ཡ་དྷ་ར་དང་འགྲོགས་ཏེ་ཐོ་ལིང་གི་གཙུག་ལག་ཁང་དུ་འོང་བ་དང་། རྒྱ་དཔེ་འགའི་ཡི་གེ་རུལ་འདུག་པས། སླར་རྒྱ་གར་ལ་ལོག་ནས་འགྲོ་དགོས་སྙམས་པ་ན། པཎྜི་ཏ་དི་པཾ་ཀ་ར་ཤྲཱི་ཛྙཱ་ན་བཞུགས་པ་དང་དུས་མཚུངས་ནས། ཁོང་གི་ཞལ་ནས་ངའི་རྒྱ་དཔེ་དང་མཐུན་པར་འདུག །རིན་ཆེན་བཟང་པོར་བསྒྱུར་དུ་བཅུག་པས་ཆོག་གསུངས་ཏེ། ལོ་ཙཱ་བ་རིན་ཆེན་བཟང་པོ་དང་། གླན་དར་མ་བློ་གྲོས་གཉིས་ཀྱིས་བསྒྱུར་རོ།
།དེ་ནས་ཇོ་བོ་དཱི་པཾ་ཀ་ར་ལ་སེམས་བསྐྱེད་དང་། གསང་འདུས་ཀྱི་དབང་ཞུས། གསང་འདུས་དང་། འཇིགས་བྱེད་དང་། མངོན་རྟོགས་རྒྱན་དང་། མདོ་སྡེ་རྒྱན་དང་། རྒྱུད་བླ་མ་དང་། གཞན་ཡང་གདམས་པ་མང་དུ་ཞུས་ནས་ཡུལ་དུ་འོང་བ་དང་། སྒོ་མོའི་ཇོ་བཙུན་ཁྱུང་པོ་དང་། རྡུལ་བཙུན་སྐྲང་པོ་གཉིས་ཀྱིས་ཆོས་འཁོར་གཙུགས་ནས་ཆོས་ཐོན་པ་དང་། ཁོང་གཉིས་ན་རེ། ལྷ་སར་འདོང་ཟེར་ནས་གསེར་གདུགས་གཅིག་ཡོད་པ་ཁྱེར་ནས་ཕྱིན་ཏེ་ཚེས་བཅུ་གསུམ་གྱི་དགོངས་མོར་གསེར་གདུགས་ཕུལ་ནས། མར་མེ་བཏང་མཆོད་པ་བཤམས་ནས། ངེད་གསུམ་གྱིས་གསོལ་བ་བཏབ་ནས་ནང་པར་རྨི་ལམ་བཤད་པར་ཞུས་པ་དང་། ང་ལ་ཐོ་རངས་ཁར་ཇོ་བོའི་ཞལ་ནས་འདི་སྐད་གསུངས།
ཁྱོད་ནི་སྔོན་བྱུང་བྱང་ཕྱོགས་ཀྱི། །ཉན་ཐོས་རྫུ་འཕྲུལ་ཆེན་པོ་ཡིན། །སྔོན་གྱི་ལས་འཕྲོ་སད་པ་ཡིས། །དཀའ་བ་སྤྱད་དེ་རྒྱ་གར་བསྒྲོད། །ད་ལྟ་ཆོས་ཉིད་མངོན་དུ་གྱུར། །གངས་ཅན་གདུལ་བྱ་སྨིན་བྱས་ནས། །བདེ་བ་ཅན་དུ་འགྲོ་བར་འགྱུར།
།ཞེས་ལུང་བསྟན་ཏོ།
།དེ་ནས་ཁོང་གཉིས་ལ་བྲིས་པས། ཁྱུང་པོ་ན་རེ་ངའི་རྨི་ལམ་ན་གཞུ་སྙེ་གཉིས་ཀྱི་ལ་ཁ་ནས་རྔ་གཅིག་བརྡུང་པས་གཞུ་སྙེ་གཉིས་ཀ་ངའི་མདུན་དུ་འདུས་པ་གཅིག་རྨིས་ཟེར་ཙ་ན། དེ་ཀ་བཞིན་དུ་བྱུང་སྟེ། གནས་བརྟན་མགོ་ཐོག་ལ་དྲག་པ་གཅིག་བྱུང་ངོ་། །རྡུལ་བཙུན་ན་རེ། ང་ནས་ཕུང་གཅིག་གི་སྟེང་ན་འདུག་པས་མི་ཐམས་ཅད་ང་ལ་ནས་ལེན་ཅིང་འདུག་ཟེར་བས། སྐྱེ་བོ་མགོ་ཐོག་ལ་ཕྱུག་པ་གཅིག་བྱུང་ངོ་།
།དེ་ནས་གླང་རི་ཐང་པ་ལ་བསྙེན་རྫོགས་བྱས་ནས་འཕན་ཡུལ་འཇོག་པོའི་རི་ལ་སྒྲུབ་པ་བྱེད་པའི་དུས་རྒྱགས་ཕྱེ་མ་བྱུང་ནས། བླ་མ་མཻ་ཏྲི་པའི་ཞལ་ནས་སྒྲུབ་པ་བྱེད་དུས་སུ་མགོན་པོས་རྒྱགས་སྐྱེལ་དུ་འོང་གི་གསུངས་ནས། རྒྱགས་སྐྱེལ་དུ་རེ་ཙམ་ན་མ་བྱུང་བས། མགོན་པོའི་རྒྱུན་གཏོར་ཆད་ནས། དགོང་མོ་བྲག་ཕུག་གི་སྒོར་ཕྱིན་ནས། ཀྵེ་ཏྲ་པ་ལ། ཛི་ན་མི་ཏྲ། ཊཀྐི་རཱ་ཛ། ཏྲཀྴད་ལ། ང་ལ་དེང་རྒྱགས་རྣམས་ཀྱང་མེད་དོ། །མགོན་པོའི་རྒྱུན་གཏོར་ཆད་ནས་མི་འདུག་གོ་བྱས་ནས་འོ་དོད་ཆེན་པོ་བོས་པས། ནང་པར་འབྲས་ཁུང་གི་ཚོང་དུས་ཁམས་པའི་འབུལ་སྐྱེལ་ཚན་གཅིག་བྱུང་ནས། དངུལ་བྲེ་དང་། རྟ་དང་། ཟ་འོག་དང་། ཇ་སིག་དང་། ཤ་མར་ཐུད་གསུམ་ལ་སོགས་པའི་ཟས་ནོར་ཚན་ཆེན་པོ་ཕུལ་ནས། ཟླ་ཕྱེད་ཀྱི་བར་དུ་སེམས་བསྐྱེད་དང་དབང་བསྐུར་བྱས་པས་གྲལ་ལ་མ་ཤོངས་བར་འཇོག་པོ་མདའི་ཆད་ཀར་དགོན་པ་བཏབ་པས། སློབ་མ་ཉིས་སྟོང་ཙམ་འདུས་སོ། །དེའི་དུས་སུ་ཟླ་སྨད་ལ་མཚམས་བྱས། ཟླ་སྟོད་ལ་གྲོལ་མཚམས་བྱས་ནས་གཞུང་དང་གདམས་པ་མང་པོ་བཤད་དོ། །ཡང་ལན་པ་སྤྱིལ་པོར་བསྒོམ་ཙ་ན། མཁའ་འགྲོ་མ་དཔག་ཏུ་མེད་པ་འདུས་ནས། ཁྱོད་ཀྱི་དགོན་པ་ཤངས་ན་ཡོད་ཀྱི་དེར་གདུལ་བྱ་སྐྱོངས་ཤིག་གསུངས་སོ།
།དེ་ནས་ཤངས་སུ་འགྲོ་ཙ་ན། ཐོ་རངས་གཅིག་ཁ་བ་ཆེན་པོ་བྱུང་བའི་ནམ་ལང་མ་ཐག་ལ་ཨ་ཙ་ར་གཅིག་མཇལ་ཟེར་གྱི་འདུག་ཟེར་བ་ལ། ང་མཚམས་སུ་ཡོད་པས་མི་འཕྲད་བྱས་པས་ང་རྒྱ་གར་ཐག་རིང་ནས་འོང་པས་ན་བ་ཡིན། འཕྲད་དགོས་ཟེར་བས་འཕྲད་དོ། །སྨན་པ་ལ་བསྟན་པས་ཁྲག་ཏུ་འདུག་ཟེར་ནས་གཏར་ག་བྱེད་པར་བྱས་པ་དང་། རྣལ་འབྱོར་པའི་གཏར་ཁ་དེས་མི་ཡོང་གསུངས་ནས་ནམ་མཁའ་ལ་སྐྱིལ་ཀྲུང་བཅས་ནས་བཞུགས་ཏེ་སྐུ་ལུས་ལ་ཁྲག་མང་པོ་བཏོན་ནས་ནམ་མཁའ་ལ་ཆགས་སོ། །ཡང་ས་ལ་བཞུགས་ནས་རླུང་ལོངས་གསུངས་ནས། བཀུ་མཉེ་བྱེད་དགོས་བྱས་ཏེ་རྩི་མར་བྱུགས་པས། རྣལ་འབྱོར་པའི་སྐུ་མཉེ་དེས་མི་ཡོང་གསུངས་ནས། ཡང་འུ་རུ་རུ་འདུག་པ་དང་ནམ་མཁའ་ལ་བཞུགས་ནས་བ་སྤུའི་བུ་ག་ཐམས་ཅད་ནས་ཀུནྡ་མང་པོ་བཏོན་ཏེ་ནམ་མཁའ་ལ་ཆགས་པ་དང་། དེ་རྣམས་བ་སྤུའི་བུ་གར་སིབ་ཀྱིས་བསྡུས་ནས་སྐུ་མཉེ་མཛད་དེ། ནམ་མཁའ་ལ་ཌཱ་ཀི་མ་མང་པོས་གར་སྣ་ཚོགས་བསྒྱུར་རོ།
།དེ་ནས་འདི་གྲུབ་ཐོབ་གཅིག་འདུག་སྙམ་ནས་ཕྱག་འཚལ་བསྐོར་བ་བྱས་གསེར་གྱི་མཎྜལ་ཕུལ་ནས་ཐུགས་རྗེས་གཟིགས་པར་ཞུ་འཚལ་བྱས་པས། གུ་ཎ་ཨ་ཀ་ར་དང་ནི། །རཏྣ་ཨ་ཀ་ར་ཞེས་དང་། །ཨ་བྷི་ཛུ་ཏ་ལ་དང་ནི། །བྱུ་ན་ཨ་ཀ་ར་ན་རེ། །བོད་དུ་གཤེགས་དང་རྣལ་འབྱོར་པ། །གཅིག་དང་དགོས་པ་ཆེའོ་གསུངས། །འོང་པས་ཁྱོད་དང་འཕྲད་པ་ཡིན། །ང་རྒྱ་གར་གྱི་ཉི་མ་ཤར་མ་ཐག་འོང་བས། བོད་རོང་དོག་པས་ནམ་ལང་མ་ཐག་སླེབ་པ་ཡིན་གསུངས། བླ་མའི་ཡུལ་གང་ན་ཡོད་རིགས་གང་ཡིན་མཚན་ཅི་ཡིན། ཅེས་དྲིས་པས། ལྷོ་ཕྱོགས་ཨེ་ལ་བྷེ་ཤའི་ཡུལ། །བྷི་ར་ཇོ་ཞེས་གྲོང་ཁྱེར་ཏེ། །རྡོ་རྗེ་མཁའ་འགྲོའི་ས་གཞི་དེར། །ཡབ་ནི་ཨུ་ན་ལ་དྷ་བ། །མ་ནི་པཱུ་ཅ་ནི་མི་ལས། །བདག་ཀྱང་རྒྱལ་རིགས་མཐོ་གྱུར་ཏེ། དེ་ལ་སོགས་པ་རྣམ་ཐར་ཞིབ་པར་གསུངས་སོ།
།དེ་ནས་འཕན་ཡུལ་འཆད་དཀར་ཟླ་བ་བཅུ་གཅིག་བཞུགས་ཏེ། ཐོག་མར་རྒྱུད་སྡེ་ཆེན་པོ་ལྔའི་དལ་གཅིག་ཏུ་དབང་བསྐུར། དེའི་རྗེས་ལ་རྒྱུད་སྡེ་ལྔ་སོ་སོའི་དབང་བཞི་རྫོགས་རེ་དང་། ཏིང་ངེ་འཛིན་གྱི་དབང་རེ་རེ་ཡང་བསྐུར་ནས། དེ་རྣམས་ཀྱི་སྒྲུབ་ཐབས་རེ་ཡང་གནང་ངོ་།
།དེ་ནས་རྒྱུད་བརྟག་གཉིས་དང་། སམྦུ་ཊི་དང་། བདེ་མཆོག་རྩ་རྒྱུད་དང་། རལླི་དང་། དགྱེས་རྡོར་སྒྲུབ་ཐབས་མཚོ་སྐྱེས་རྡོ་རྗེ་དང་། དེ་ཉིད་བཞི་དང་། ཕྱག་རྒྱ་བཞི་ལྡན་དང་། རྫོགས་རིམ་ལྔ་ལྡན་དང་། བདེ་མཆོག་ལུ་ཧི་པ་དང་། དཔའ་བོ་གཅིག་པ་དང་། རྗེ་བཙུན་མ་བརྒྱུད་པ་གསུམ་མ་དང་། མ་ཧཱ་མ་ཡ་ཀུ་ཀུ་རི་པའི་ཆོས་བདུན་དང་། དེ་ཉིད་འབྲེལ་ལུགས་ཆེན་མོ་དང་། ཤནྟི་པ་ཡི་དེ་ཉིད་ལྔ་ལྡན་དང་། འཇིགས་བྱེད་ཀྱི་རྟོགས་པ་བདུན་པ་དང་། དགྲ་ནག་དང་། གསང་བ་སྦས་པ་རྣམས་ཞུས་སོ། །རྫོགས་རིམ་ལ་འཁོར་ལོ་ལྔའི་རྫོགས་རིམ་དང་། རླུང་ཤིང་རྟ་ཅན་དང་། བུམ་པ་ཅན་དང་། འཁོར་ལོ་བཅིངས་གྲོལ། འཕོ་བ་ཡེ་ཤེས་སྐར་ཁུང་མ། རྫོགས་རིམ་དེ་ཉིད་གསུམ་པ་རྣམས་ཞུས། བདེ་མཆོག་རིམ་བཞི་དང་། རིམ་ལྔ་དང་། གསང་འདུས་རིམ་ལྔ་སྟན་ཐོག་གཅིག་མ་དང་། རླུང་སེམས་དབྱེར་མེད་ཞུས། ཕྱག་རྒྱ་ཆེན་པོ་དོ་ཧ་ཞུས། དག་པ་ཡེ་ཤེས་ལ་སོགས་པ་ངོ་སྤྲོད་མང་པོ་ཞུས། དབུ་མ་བདེན་གཉིས་དང་། ངན་སོང་སྦྱོངས་རྒྱུད་ལ་སོགས་པ་ཡོ་ག་མང་དུ་ཞུས། ཕྱག་ན་རྡོ་རྗེའི་རྒྱུད་འབྱུང་པོ་འདུལ་བྱེད་དང་། ཛ་ལི་མའི་སྒྲུབ་ཐབས་གསུམ་དང་། མི་གཡོ་བའི་རྒྱུད་སྒྲུབ་ཐབས་ཆེན་མོ་དང་། རྣམ་འཇོམས་དང་། བྱིན་གྱིས་བརླབས་པའི་ལྷ་བཞིའི་སྒྲུབ་ཐབས་དང་བཅས་པ་དང་། མགོན་པོ་ཕྱག་དྲུག་པའི་འཁོར་བཞིའི་སྒྲུབ་ཐབས་དང་བཅས་པ་དང་ཉི་ཁྲོས་ཀྱི་སེར་བ་ལ་སོགས་སེར་བ་བརྒྱ་རྩ་བརྒྱད་གནང་ནས་བསྟན་པ་བསྲུང་དགོས་པ་ཡིན་གསུངས་སོ།
།ཡང་ཉིན་གཅིག་བླ་མའི་ཞལ་ནས། དཔོན་སློབ་གཉིས་པོས་ཉིན་གཅིག་ལ་མཆོད་རྟེན་གཅིག་ཚར་བ་དང་རབ་གནས་ཟིན་པ་བྱེད་དགོས་གསུངས་ནས་བླ་མས་སྤྲུལ་པ་བཀྱེ་བ་དང་། ཌཱ་ཀི་མ་མང་པོས་གྲོགས་བྱས་པས། མཆོད་རྟེན་དང་རབ་གནས་དྲོ་གང་དུ་ཚར་ནས། རྡོ་རྗེ་དྲིལ་བུ་ནམ་མཁའ་ལ་བཞག་གོ།
།དེ་ནས་བླ་མའི་ཞལ་ནས། ང་བལ་པོར་སྐྱོལ་དེའི་བར་དུ་ཁྱོད་ཀྱི་སློབ་དཔོན་དུ་གྱིས། ངས་སློབ་མའི་ཚུལ་བྱ་ཡི་གསུངས་ནས། རོང་དུ་ཞང་བདེ་བ་དཔལ་ལ་རྒྱུད་སྡེ་ལྔའི་དབང་བསྐུར། འདམ་དུ་སློབ་མ་ལྔ་བཅུ་ལ་སྤྲུལ་པའི་དཀྱིལ་འཁོར་དུ་དབང་བསྐུར་གནམ་དུ་ཐང་པ་རྗེ་འབང་ལ་དབང་བསྐུར། དེ་ནས་ཤངས་དང་། འཇད་རྟ་ནག་དང་། ལ་སྟོད་ལྷོ་བྱང་དང་། མང་ཡུལ་རྣམས་སུ་གསང་འདུས་དང་། འཇིགས་བྱེད་ཀྱི་དབང་བསྐུར། མང་ཡུལ་དུ་སློབ་མ་བཅུ་གསུམ་ལ་རྣམ་འཇོམས་ཀྱི་སྤྲུལ་པའི་དཀྱིལ་འཁོར་དུ་དབང་བསྐུར་རོ།
།དེ་ནས་མང་ཡུལ་དུ་ཚོགས་འཁོར་བརྒྱ་རྩ་མཛད་ནས་ཚེས་བཅོ་ལྔའི་ཉི་མ་ཙེ་རེ་བ་དེ་ལ། བླ་མའི་ཞལ་ནས་བོད་ན་རྡོ་རྗེའི་ས་གཞི་མེད་པས་སྒྱུ་མ་བྱར་མི་གཏུབ་པས། ཁྱོད་ང་ཡི་རྫུ་འཕྲུལ་གྱི་རྟ་ལ་ཞོན་ནས་རྒྱ་གར་དུ་འདེངས་གསུངས། ཚེ་ཉི་ཟླ་དང་མཉམ་པ་སྒྲུབ། གདམས་ངག་ལྷག་མ་དང་བཅས་པ་རྣམས་ཀྱང་སྦྱིན་གྱི་གསུངས་པ་ལ། ག་རེ་ཤུལ་ན་མ་གཅིག་ཀྱང་ཡོད། རྒྱ་གར་དུ་བསླབ་པའི་ཆོས་འདི་རྣམས་ཀྱང་བོད་ལ་ཕན་མི་ཐོགས་པ་འདུག་སྙམས་པ་གཅིག་བྱུང་བ་དང་། བླ་མའི་ཞལ་ནས་དོ་ནུབ་རྡོ་རྗེ་གདན་དུ་ཚོགས་འཁོར་གྱི་དཔོན་ལ་འགྲོ་དགོས་པ་ཡོད། རྟོག་པའི་ཐུམ་བུ་ཁྱོད་མི་འགྲོ་བར་འདུག་གསུངས་ནས་ནམ་མཁའ་ལ་བྱ་བཞིན་དུ་གཤེགས་སོ།
།དེ་ནས་བླ་མ་ལ་གསོལ་བ་བཏབ་ནས་ངུས་པས། ཚུར་བྱོན་ཏེ་ནམ་མཁའ་ལ་བཞུགས་ནས་བདུད་རྩི་ཚིག་དྲུག་འདི་གསུངས་སོ།
༈ །སྡུག་བསྔལ་རྩ་བར་གྱུར་པ། །བདག་ཏུ་འཛིན་པ་ཡིན་གྱིས། །ཞེ་འདོད་ཕྱོགས་རིས་མེད་པར། །མཉམ་ཉིད་དོན་ལ་ཞོག་ཅིག །ཚེ་འདི་མི་རྟག་འགྱུར་ཞིང་། །ཕྱི་མར་མི་ཆད་སྐྱེ་བས། །ལས་འབྲས་ཚུལ་བཞིན་བསྒོམ་ལ། །དམ་ཚིག་གཙོ་བོར་སྲུངས་ཤིག །བརྟན་པ་མ་ཐོབ་བར་དུ། །འདུ་འཛི་གཡེང་བས་གནོད་པས། །རི་དྭགས་སྨས་མ་བཞིན་དུ། །གཅིག་པུར་ཉམས་སུ་ལོངས་ཤིག །ཞེ་སྡང་ཕྲག་དོག་ཆེ་བས། །ཡོན་ཏན་ཅི་སྐྱེས་ཐམས་ཅད། །བུམ་ནང་མར་མེ་བཞིན་ཏུ། །རྟག་ཏུ་སྦ་བར་གྱིས་ཤིག །གནས་ལུགས་ཟུང་འཇུག་ཡིན་གྱི། །ཅིར་སྣང་སྒྱུ་མར་བསྒོམས་ཤིག །སྣང་ལ་རང་བཞིན་མེད་པའི། །ལུས་འདི་དྲན་པས་ཟུངས་ཤིག །ཚེ་འདིར་དགོས་འདོད་འབྱུང་ཞིང་། །ཕྱི་མ་ལམ་སྣ་འདྲེན་པའི། །བླ་མ་སངས་རྒྱས་ལྟ་བུར། །རྟག་ཏུ་དྲན་པར་གྱིས་ཤིག །གསུངས་ནས་རྒྱ་གར་དུ་བཞུད་དོ།
།དེ་ནས་གཉེ་མོ་ར་མང་དུ་སྤྲུལ་པའི་དམག་གིས་གཡུལ་ངོ་བཟློག་པས་ཡུལ་མི་ཐམས་ཅད་མོས་ནས་ཆོས་ལ་བཙུད་དོ།
།དེ་ནས་འཕན་ཡུལ་འཆད་ཀ་དགོན་པ་བླ་མ་རཱ་ཧུ་ལའི་ཆོས་སྐོར་རྣམས་ཞུ་བ་ལ་སློབ་མ་མང་དུ་འདུས་ནས། ལོ་གསུམ་ཆོས་བཤད་པ་དང་། སེང་གེའི་གདོང་ཅན་ལ་སོགས་པའི་ཌཱ་ཀཱི་མང་པོ་བྱོན་ཏེ། ཤངས་ན་དགོན་པ་ཡོད་པས་དེར་གཤེགས་འཚལ་ཟེར་ནས། དཔོན་གཡོག་སུམ་སྟོང་གིས་ཤངས་སུ་བྱོན་ནས། ཞང་ཞང་གི་གནས་ཀྱིས་སྣ་དྲངས་པའི་གནས་དགོན་བརྒྱ་རྩ་བརྒྱད་ལོ་གསུམ་ལ་བཏབ་ནས། དེ་རྣམས་ཀྱི་སྤྱི་དཔོན་ཁྱུང་པོས་བྱས་ཏེ། བདག་གིས་ཆོས་ཉན་བཤད་དང་། སྒོམ་སྒྲུབ་འབའ་ཞིག་ལ་གཙོ་བོར་བྱས། དབུས་གཙང་ཁམས་གསུམ་གྱི་གྲྭ་པ་ཁྲི་ཚོ་གསུམ་འདུས་པའི་དུས་སུ་བདག་ལ་ནད་གཅིག་གིས་བཏབ་ནས། དཔོན་སློབ་བཅུ་གསུམ་གྱིས་ཞག་བཅུ་གཅིག་ལ་མགོན་པོའི་གཏོར་ཆེན་བྱས་པས། གཏོར་མ་བསྐྱལ་ཙམ་ན་ཐམས་ཅད་ཀྱིས་མགོན་པོ་སྐུ་མདོག་དཀར་པོ་གཅིག་ཞལ་མཐོང་ནས་བདག་གི་ནད་དྲག་གོ།
།དེ་ནས་གཟུང་སྟེ་མགོན་པོའི་འཁོར་ཐམས་ཅད་དང་། རྣམ་སྲས་རྟ་བདག་བརྒྱད་དང་བཅས་པ་བྲན་བཞིན་དུ་ཉན་ཅིང་ཕྲིན་ལས་སྒྲུབ་བ་བྱུང་ངོ་། །སྟོན་ཟླ་ར་བའི་ཚེས་བརྒྱད་ཀྱི་ཐོ་རངས་དགྱེས་རྡོར་སྤྲུལ་པའི་ལྷ་དགུ་དང་། མཚོན་ཆ་ཅན་ལྷ་བཅུ་གསུམ་ཞལ་མཐོང་ནས། དེ་ཉིད་བཞིའི་གདམས་པ་གསུངས། དེའི་ཚེས་བཅོ་ལྔ་ལ་འཇམ་དཔལ་བྱོན་ནས། རིན་པོ་ཆེའི་སྒྲོམ་བུ་གཅིག་ཁ་ཕྱེས་ནས་དམིགས་པའི་སྒྲོམ་བུ་གསུངས་པས། སྔར་གྱི་རྒྱ་གར་དུ་ཞུས་པ་བས་གནད་ཟབ་པར་བྱུང་ནས་ནད་གདོན་ཐམས་ཅད་དམིགས་པ་དེ་ཉིད་བཏབ་པ་ཙམ་གྱིས་སེལ་བ་བྱུང་ངོ་། །ཡང་སྟོན་ཟླ་འབྲིང་པོའི་ཚེས་གསུམ་ལ་སྒྲོལ་མ་ལྷ་བཅུ་གསུམ་དང་། རྣམ་འཇོམས་ཁྲོ་བཅུའི་བསྐོར་བ་གཅིག་ཞལ་མཇལ་ནས། དབང་བསྐུར་བྱས་པས་བུམ་པ་དང་རྡོ་རྗེ་དྲིལ་བུ་ནམ་མཁའ་ལ་འཇོག་ནུས་པ་བྱུང་ངོ་།
།དེ་ནས་ཀྲེའོ་བྱང་ཆུབ་རྒྱལ་གྱིས་འབུལ་བ་ལན་གསུམ་ཕུལ་ནས་དབང་བསྐུར་ལན་གསུམ་ཞུ་བ་བྱས་པས་ང་ཡེངས་ནས་བརྗེད་པས་ཉིན་གཅིག་གི་སྐྱོ་སངས་ལ་ཕྱིན་ཙ་ན། ཁོས་ཡང་འབུལ་བ་བྱས་དེ་རིང་ལ་ཅིས་ཀྱང་དབང་བསྐུར་མཛད་དགོས་ཟེར་བ་ལ། འདི་ཀར་བྱ་ཡི་བྱས་ནས་སྤང་གཤོང་དེ་ཉིད་དུ་སྤྲུལ་པའི་དཀྱིལ་འཁོར་དུ་དབང་བསྐུར་བས། ཁོའི་ནད་གདོན་ཐམས་ཅད་དངོས་སུ་དོན་ནས་བྱུང་ངོ་།
།དེ་ནས་གྲྭ་པ་མང་དུས་ཁྲི་ཚོ་ལྔ་འདུས་ནས་ཐམས་ཅད་ཐབས་ཀ་འབའ་ཞིག་ལ་ཡེངས་ནས་ཉན་བཤད་དང་། སྒོམ་སྒྲུབ་ཙམ་མ་བྱུང་བས་སྐྱོ་བ་སྐྱེས་ནས་རྒྱ་གར་དུ་འགྲོ་སྙམ་ཙ་ན། སྒྲོལ་མ་བྱོན་ནས། ཐེག་ཆུང་ལམ་ལ་མ་འཇུག་པར་གོ་ཆ་ཆེན་པོ་གོན་ཅིག་གསུངས་པས། ཕུག་ཆུང་གཅིག་ཏུ་གབ་ནས་ཞག་བདུན་ཏིང་ངེ་འཛིན་ཟས་སུ་ཟོས་པས། བཙུན་ཆུང་གཟིམ་གཡོག་པ་གཅིག་མལ་སར་བྱུང་གིན་ངུ་ཡི་འདུག་པས་སྙིང་རྗེ་བར་བྱུང་ནས། བཙུན་ཆུང་ཅི་ལ་ངུ་བྱས་པས་མཁན་པོ་གར་བཙལ་ཡང་མ་རྙེད་པས་ངུས་པ་ཡིན་ཟེར་རོ།
།དེ་ནས་སོས་ཀ་མེ་ཏོག་རྒྱས་པའི་དུས་སུ་ཉིན་གཅིག་གྲྭ་པ་རྣམས་ཁྲིད་ནས་སྤངས་ཁར་ཕྱིན་ནས། མི་རེའི་མདུན་དུ་སུམ་ཅུ་རྩ་གསུམ་གྱི་ལྷ་མོ་ལྟ་བས་ཆོག་མི་ཤེས་པ་མིག་ཟུར་མིག་ཏུ་བལྟ་བ། འཛུམ་ཞིང་སྒེག་པ་སྙན་པའི་གླུ་ལེན་པ་མང་པོ་བསྟན་པས། ཐམས་ཅད་དགའ་བར་གྱུར་ཏོ། །ཡང་སང་ཉིན་ཡང་ལྟད་མོ་ལ་འདོང་ངོ་བྱས་པས་གྲྭ་པ་མ་ལུས་པ་བྱུང་བ་དང་། ཡང་མི་རེའི་མདུན་དུ་གཤིན་རྗེ་མི་ཤ་རློན་པ་ཟ་བ་འཇིགས་སུ་རུང་བ། མིག་དམར་བ། ཁ་གདང་པ། མཆེ་བ་བརྩིགས་པ། མི་རུང་བའི་གད་མོ་འབྲུག་ལྟར་སྒྲོགས་པ། སོད་ཅིག་ཆོམ་ཅིག་ཟེར་བ། ལག་ན་མཚོན་ཆ་བརྡར་བ་ཤ་སྟག་ཐོགས་པ་མང་པོས་བསྐོར་འདུག་པ་དང་། དེར་འཚོགས་པ་ཐམས་ཅད་བསྔངས་སྐྲག་རེངས་བརྒྱལ་པར་གྱུར་ཏོ།
།དེ་ནས་བརྒྱལ་བ་སངས་པ་དང་། ཁོང་རྣམས་ན་རེ། འདི་ལྟ་བུའི་བར་དོའི་ལས་ཀྱི་གཤིན་རྗེ་ཡིན་སྙམ་ནས་བརྒྱལ་བ་ལགས་པས། ལྷ་མོ་དང་གཤིན་རྗེ་རྣམས་བླ་མའི་སྤྲུལ་པ་ཡིན་ནམ། འདི་ལྟ་བུའི་སྣང་བ་འབྱུང་བ་ཡིན་ཟེར་བ་ལ། བླ་མའི་ཞལ་ནས།
ཆགས་སྡང་ཡུལ་རྣམས་ཐམས་ཅད་ཀུན། །རང་གི་སེམས་ལས་བྱུང་བ་སྟེ། །རྣལ་འབྱོར་པ་ཡི་སྣང་བ་ལ། །ཤ་ཟ་ལ་སོགས་གཤིན་རྗེའི་གཟུགས། །མཚོན་ཆ་སྣ་ཚོགས་ལག་ན་ཐོགས། །ཚེ་སྲོག་དུས་འདིར་སྡུད་བྱེད་ཀྱང་། །སྒྱུར་མར་ཤེས་པས་གྲོལ་བར་འགྱུར།
།ལྷ་མོ་མཛེས་མ་རྒྱན་གྱིས་བརྒྱན། །གླུ་ལེན་སྙན་པའི་སྒྲ་སྒྲོགས་ཅིང་། །ཡིད་འོང་མང་པོས་མཐའ་སྐོར་ཡང་། །རང་སྣང་སྒྱུ་མར་ཐག་ཆོད་ན། །དེ་དག་གིས་ཀྱང་འཆིང་མི་ནུས།
།ཞེས་པ་ལ་སོགས་པའི་ཆོས་དང་། བར་དོའི་ཆོས་བསྟན་པས་ཐམས་ཅད་ཉན་བཤད་དང་། སྒོམ་སྒྲུབ་ལ་བརྩོན་པར་གྱུར་ཏོ།
།དེ་ནས་ཉིན་གཅིག་དགེ་བཤེས་རོང་པོ་དཀོན་མཆོག་རྒྱལ་གྱིས་བྲག་རིང་གི་ཐ་འོག་ཏུ་མང་བསྐོལ་བྱས། རྟ་བརྒྱ་དང་། དངུལ་བྲེ་གཅིག་དང་། དར་ཟབ་མང་པོ་ཕུལ་ནས། ཁྱུང་པོ་རྣལ་འབྱོར་ཁྱོད་དག་གིས། །རྒྱ་གར་ཡུལ་དུ་ལན་གསུམ་བྱོན། །བླ་མ་བརྒྱ་དང་ལྔ་བཅུ་བཙལ། རྩ་བའི་བླ་མ་བཞིའམ་ལྔ་ཡོད་པས་ཁྱེད་གྲུབ་ཐོབ་ཏུ་གྱུར་ནས་སྣང་བ་རང་བཞིན་མེད་པར་རྟོགས་པ་ཡིན་ཟེར་བ་ལ། བྲག་འདི་ལ་ཕར་ཐལ་ཚུར་ཐལ་འགའ་རེ་གྱིས། ནམ་མཁའ་ལ་སྐྱིལ་ཀྲུང་གིས་ལ་འདུག་ཟེར་བ་ལ་བྲག་རི་དེ་ལ་ཐལ་བྱུང་དུ་ཕྱིན། ནམ་མཁའ་ལ་སྐྱིལ་ཀྲུང་བཅས་ནས། གཅིག་དང་དུ་མར་སྣང་བ་ལ་སོགས་པའི་རྫུ་འཕྲུལ་འགའ་རེ་བསྟན་པས། རོང་པོ་དང་གྲྭ་བ་ཐམས་ཅད་ཤིན་ཏུ་དད་དེ། དེ་ལྟ་བུའི་ཡོན་ཏན་དེ་གདམས་ངག་གང་བསྒོམས་པ་ལས་བྱུང་བ་ཡིན་ཟེར་བ་ལ།
།ཆོས་རྣམས་སྒྱུ་མ་ལྟ་བུ་ལ། །སྒྱུ་མ་ལྟ་བུར་ཉམས་བླངས་པས། །སྒྱུ་མ་ལྟ་བུར་མངོན་སངས་རྒྱས། །སྣང་ཡང་བདེན་མེད་ཆོས་རྣམས་ལ། །བྱིས་པས་བདེན་པར་བཟུང་བས་འཁྲུལ། །མེད་བཞིན་སྣང་བ་ཨེ་མ་ཧོ།
།ལ་སོགས་པའི་ཆོས་བཤད་པས་དད་དེ་ཟླ་བ་བཅུ་གཅིག་ན་རོང་པོས་ཡི་དམ་ལྷའི་ཞལ་མཐོང་ནས་སྣང་བ་བདེན་མེད་དུ་རྟོགས་སོ།
།དཔྱིད་ཟླ་ར་བའི་ཚེས་གཅིག་གི་ཐོ་རངས་ཌཱ་ཀི་མ་མང་པོ་བྱུང་ནས། ཡར་གྱི་ངོ་ཚེས་བཅུ་དང་མར་གྱི་ཚེས་བཅུ། ཡར་གྱི་ཚེས་བཅུ་བཞི་དང་མར་གྱི་ཙེས་བཅུ་བཞི་ལ་ཚོགས་བརྒྱ་རྩ་བརྒྱད་ཀྱིས་ཤིག །ཁྱེད་ཀྱི་ལུས་ངག་ཡིད་གསུམ་ལྟེ་བ་གསང་གནས་དང་ལྔ། རྒྱུད་སྡེ་ལྔའི་ལྷ་ཚོགས་དང་དབྱེར་མེད་དུ་གྱུར་ཅིང་། རང་གཞན་ཐམས་ཅད་ཀྱི་མངོན་སུམ་དུ་མཐོང་ནས་རང་དང་དབྱེར་མེད་དུ་གྱུར་ཏོ།
།དེ་ནས་དཔྱིད་ཟླ་འབྲིང་པོའི་ཚེས་བདུན་གྱི་ནམ་འཇིང་ཡོལ་ཙམ་ན་ཡེ་ཤེས་ཀྱི་ཌཱ་ཀི་མ་ཀུན་ཏུ་བཟང་མོ་བྱོན་ནས།
འཚོགས་པའི་མཐར་ཐུག་ཁྲི་བཅོ་བརྒྱད། །སློབ་མའི་མཐར་ཐུག་ལྔ་དང་གཅིག །ཚེ་ཡི་མཐར་ཐུག་བརྒྱ་དང་ལྔ་བཅུ། །ཞིང་ཁམས་མཐར་ཐུག་བདེ་བ་ཅན།
།ཞེས་གསུངས་པས་སད་བྱེད་བྱས་ནས་འཚོགས་པ་ཆེ་དུས་ཁྲི་ཚོ་བཅོ་བརྒྱད་དང་། སྔ་བུ་ལྔ། ཕྱི་བུ་གཅིག་དང་། ལོ་བརྒྱ་དང་ལྔ་བཅུ་ཐུབ་པ་དང་། ཚེའི་དུས་བྱས་ནས་བདེ་བ་ཅན་དུ་འགྲོ་བ་དང་། སེམས་ཅན་གྱི་བསམ་པ་དང་བག་ལ་ཉལ་ལ་སོགས་པ་ཇི་ལྟ་བ་བཞིན་དུ་ཤེས་པ་བྱུང་ནས། སློབ་མ་རྣམས་ལ་ལན་རེ་ཙམ་བཤད་པ་དང་། ཌཱ་ཀི་མ་སུ་ཁ་སིདྡྷི་བྱོན་ནས།
སྙིགས་མའི་སེམས་ཅན་ལོག་ལྟ་ཅན། །རྒྱལ་བས་ཀྱང་ནི་མ་ཐུལ་ཞིང་། །མཁྱེན་པའི་སྤྱན་ལ་བདུད་འཛིན་པས། །ཡོན་ཏན་སྦས་པའི་རྣལ་འབྱོར་གྱིས།
།ཞེས་ལན་གསུམ་གསུངས་པས། རང་རྒྱུད་པའི་ཚུལ་བཟུང་ནས་ཡོན་ཏན་གཏུབ་ཚད་ཀྱིས་སྦས་སོ།
།དེ་ནས་འཚོགས་པ་ཆེ་དུས་ཁམས་པའི་མི་ཚང་རྣམས་འབུལ་བ་བྱེད་པ་ལ་མ་འཆམ་མོ། །དུས་གཅིག་ལ་ཆོས་ཁྲི་བརྒྱ་རྩ་བརྒྱད་རྩིགས། དེའི་སྟེང་དུ་སྐུ་ལུས་ཀྱི་བཀོད་པ་བརྒྱ་རྩ་བརྒྱད་བསྟན་ཏེ་བཞུགས། ཆོས་ཁྲིའི་རེའི་མདུན་དུ་མི་ཚང་རེའི་འབུལ་བ་འདྲེན་ནས་བྱས་སོ། །དེའི་དུས་སུ་རིན་ཆེན་རྡོ་རྗེའི་གཟིམས་གཡོག་བྱས་ནས་ཐ་མལ་རང་རྒྱུད་བཟུང་ཏེ་ལོག་ལྟ་ཨན་རེ་བྱེད་ཀྱིན་འདུག་པས་མཁྱེན་ནས། ཡི་གེ་བརྒྱ་པ་དང་དག་བྱེད་ཨའི་སྟོང་ར་ཞག་བདུན་བསྒོམས་དུ་བཅུག་ནས། གཟིམས་ཆུང་དུ་བྱུང་བ་དང་། ང་ཅི་མཐོང་བྱས་པ་དང་། བླ་མ་བེར་ཐུལ་གསོལ་བར་མཐོང་ཟེར། ད་ཅིར་མཐོང་བྱས་པས་ཕྱག་འཚལ་ནས་དགྱེས་རྡོར་མཚོན་ཆ་ཅན་ལྷ་བཅུ་གསུམ་དུ་མཐོང་ཟེར། ཡང་གནས་ལྔར་རྒྱུད་སྡེ་ལྔ་བཀོད་པས་ཀྱང་དེ་ལྟར་མཐོང་འདུག་ནས་ཕྱིར་སོང་བྱས་པས་ཕྱིར་ཕྱིན་པ་དང་། ནང་དུ་འོང་ནས་ལྟས་པ་དང་། ཡང་དགྱེས་རྡོར་དུ་མཐོང་བ་དང་བླ་མའི་ཞལ་ནས། དུས་ད་ནས་བཟུང་སྟེ་ང་ཐ་མལ་དུ་སྐད་ཅིག་ཀྱང་མ་ལྟ་ཨང་བྱས་པས། རིན་ཆེན་རྡོ་རྗེ་ན་རེ།
སྐུ་ལུས་སྤྲུལ་པའི་ལྷ་དགུ་ལ། །གནས་ལྔར་རྒྱུད་སྡེ་ལྔའི་ལྷ། །བརྒྱ་རྩ་བརྒྱད་ཀྱི་ཆོས་ཁྲི་ལ། །བལྟ་བས་མི་ངོམ་སྐུ་ལུས་རེ། །མཐའ་བྲལ་ཐེག་ཆེན་ཆོས་སྒྲ་སྒྲོགས། །སྣ་ཚོགས་སྤྲུལ་པ་ཕྱོགས་བཅུར་སྟོན། །རྒྱལ་བ་རྒྱ་མཚོའི་ཐུགས་སྤྲུལ་པའི། །བླ་མ་སངས་རྒྱས་ཁྱོད་ལ་བསྟོད། །མ་རིག་འཁྲུལ་པའི་སེམས་ཅན་རྣམས། །ཡང་དག་ལམ་ལ་གཟུང་དུ་གསོལ།
།ཞེས་ཁོས་བསྟོད་པ་བྱས་སོ།
།དེ་ནས་ལོག་ལྟ་སྐད་ཅིག་ཙམ་མ་སྐྱེས་པར། ཅི་གསུང་ཉན་པའི་ཉེ་གནས་སུ་གྱུར་ཏོ།
།དེ་ནས་ཡང་བྱམས་པའི་ཆོས་ལྔ་དང་། གསང་བ་སྤྱི་རྒྱུད་བཤད་པའི་འཚོ་བ་འདྲེན་པ་ལ། དབུས་གཙང་ཁམས་གསུམ་གྱི་གྲྭ་པ་རྣམས་མ་འཆམ་པར། དམ་སེལ་དུ་འགྲོ་བར་བྱུང་པ་དང་། རྒྱལ་ཆེན་རིགས་བཞིའི་ལྷ་ཚོགས་རྣམས་བྱུང་ནས།
ཐར་མེད་གནས་སུ་སྐྱེ་བ་དང་། །ཐར་པའི་གནས་གཅོད་བྱེད་པ་ནི། །མི་མཐུན་དག་ལས་འབྱུང་བར་འགྱུར། །དེ་ཕྱིར་དམ་ཚིག་སྨོས་ཅི་དགོས། །མཐུན་པའི་དཀའ་ཐུབ་དག་ལས་ནི། །ཚེ་གཅིག་སངས་རྒྱས་རྙེད་མི་དཀའ། །དེ་ཕྱིར་འདིར་འཚོགས་ལྷ་རྣམས་ཀྱིས། །ཆོས་གསུང་ཚེ་ན་བསྙེན་བཀུར་བྱ། །ཏ་ལ་བདུན་སྲིད་གཅིག་ཀྱང་རུང་། །མཁའ་ལ་ཆོས་ཆར་དབབ་ཏུ་གསོལ། །ཆོས་ཀྱི་དུང་ཆེན་བསྒྲོག་ཏུ་གསོལ། །ཆོས་ཀྱི་བ་དན་བསྒྲེང་དུ་གསོལ།
།ཞེས་གསོལ་བ་བཏབ་པས། ཟླ་བ་བདུན་མི་ཟས་མི་ཟ་བར་དམ་བཅས་ནས་ནམ་མཁའ་ལ་ཤིང་ཏ་ལ་གཅིག་གི་ཚད་ཙམ་དུ། ཟླ་བ་བདུན་གྱི་བར་དུ་བྱམས་པའི་ཆོས་ལྔ་དང་། གསང་བ་སྤྱི་རྒྱུད་ཚར་བར་བྱས་པས། དབུ་མའི་ལྟ་བ་ཁོང་དུ་ཆུད་པ་མང་དུ་བྱུང་བ་དང་། ལྷ་རྣམས་ཀྱིས་མགྲིན་གཅིག་ཏུ།
འདི་སྐད་ཅེས་བརྗོད་པར་གྱུར་ཏོ། །བླ་མ་རྡོ་རྗེ་གདན་པའི་ཐུགས་དགོངས་རྫོགས་པར་གྱུར་ཏོ། །ལྷ་རྣམས་ཚིམས་པར་གྱུར་ཏོ། །མི་རྣམས་གྲོལ་བར་གྱུར་ཏོ། །སངས་རྒྱས་ཀྱི་བསྟན་པ་ལ་བྱ་བ་ཆེན་པོ་བྱས་པར་གྱུར་ཏོ།
།ཨ་ལ་ལ་ཞེས་ལན་གསུམ་བརྗོད་ཅིང་། མེ་ཏོག་གི་ཆར་ཆེན་པོར་ཕབ་སྟེ་མི་སྣང་བར་གྱུར་ཏོ།
།ཡང་གནས་མཁར་གྱི་རྫོང་ལ་བསྒོམ་ཙ་ན་འཇིགས་བྱེད་ལྷ་བཅུ་གསུམ་པོ་ཐོད་པ་དང་བཅས་པ་ནམ་མཁའ་ཁེངས་པ་ཙམ་གྱི་སྐུ་ཤིན་ཏུ་ཆེ་བ་གཅིག་མཐོང་ནས། དྲག་པོ་གསུམ་འདུལ་གྱི་གདམས་ངག་གསུངས། དཔྱིད་ཟླ་ར་བའི་ཚེས་བཅུ་གསུམ་གྱི་ཐོ་རངས། སངས་རྒྱས་འོད་དཔག་མེད་བྱོན་ནས། བདེ་བ་ཅན་གྱི་ཞིང་ཁམས་ཀྱི་བཀོད་པ་རྣམས་བསྟན་ནས།
ཁྱོད་ཀྱི་སྐྱེ་བ་ཐ་མ་སྟེ། །བདེ་བ་ཅན་གྱི་ཞིང་ཁམས་སུ། །སྡེ་དང་བཅས་པའི་བདུད་བཏུལ་ནས། །མངོན་པར་བྱང་ཆུབ་འཁོར་ལོ་བསྐོར། །གང་གིས་ཁྱོད་ཀྱིས་རྗེས་སློབ་ཅིང་། །འོད་དཔག་མཚན་ཙམ་ཐོས་པས་ཀྱང་། །བདེ་བ་ཅན་གྱི་ཞིང་ཁམས་སུ། །རྫུ་འཕྲུལ་ཆེན་པོས་སྐྱེ་བར་འགྱུར། །ཁྱོད་ཀྱི་རྒྱུད་འཛིན་རྣམ་པ་གསུམ། །མངོན་དགའ་དང་ནི་བདེ་བ་ཅན། །དག་པའི་ཞིང་ནས་ཞིང་དུ་འགྲོ། །དེར་ནི་མངོན་པར་བྱང་ཆུབ་འགྱུར།
།ཞེས་པ་ལ་སོགས་པའི་ལུང་བསྟན་མང་དུ་མཛད་དོ།
།དེ་ནས་འཚོགས་པ་ཁྲི་ཚོ་བཅོ་བརྒྱད་ཚོགས་པའི་དུས་སུ། བཤད་གྲྭ་ཆེན་མོ་བ་ཕྲག་དོག་སྐྱེས་ཏེ། ཡང་ན་ཞོང་ཞོང་པའི་ཞབས་ལ་འདུད། ཡང་ན་གྲྭ་པ་ཉུང་ངུས་དུས་སུ་བླ་མ་ཀྲོང་ལ་གྲྭ་ས་མེད་པ་བྱའོ་ཞེས་བྱས་པས་གྲྭ་པ་གཞོན་པ་ཚོས་ཆོས་ཞུས་ནས་སློབ་མ་རང་བྱེད་པ་འཐད་ཟེར་བ་ལ། རྒན་པོ་གསུམ་གྲོས་འཆམ་སྟེ། གཅིག་གིས་ཆོས་ཞུས་པ་དང་ཐམས་ཅད་ཀྱིས་ཆོས་ཞུས་ནས་གྲྭ་ས་འཇིགས་འགྲོ་བས། དེ་བས་གྲྭ་པ་ཉུང་ངུས་དམག་བྱེད་པ་འཐད་ཟེར་རོ།
།དེ་ནས་བྱ་བྱུང་ནས། བླ་མ་ལ་ཉེ་གནས་རིན་ཆེན་རྡོ་རྗེས་ཁོང་ཚོས་དམག་བྱེད་པར་འདུག་པས། ཡང་ན་ཕར་ལ་དམག་རྒྱབ་ལ་གྲྭ་ས་ཆེན་པོ་མེད་པར་བྱ། ཡང་ན་བྲོས་པ་རང་འཐད་ཟེར་བ་ལ། ངས་ཆོས་བྱས་པས་གནོད་འཚེའི་དམག་མི་བྱེད། གནས་དགོན་འདི་རྣམས་ང་རང་གི་གསར་དུ་བཏབ་པས་བྲོས་དོན་མེད་བྱས་ནས་མ་ཉན་པ་དང་། སྟོན་ཀ་གྲྭ་པ་ཉུང་དུས་ཤིག་ཏུ་དམག་སྟོང་ཚོ་ལྔ་ནམ་ལང་མ་ཐག་བྱུང་བས། རིན་ཆེན་རྡོ་རྗེ་ན་རེ་ཁ་ནིང་ནས་དམག་འོང་བར་འདུག་བྱས་པས་མ་གསན། ད་དམག་གིས་སྐོར་ནས་གདའ་ཅི་ཙུག་བྱེད་ཟེར་བ་ལ། ཏིང་ངེ་འཛིན་གྱི་སྤྲུལ་པའི་དམག་གིས། དམག་སྟོང་ཚོ་ལྔ་པོ་དེ་རི་ཀླུང་མེད་པར་དེད་ནས་རྨ་དང་ཤི་བ་མེད་པར་གཡུལ་ངོ་ལས་རྒྱལ་བར་བྱས་པས། ཁོང་རྣམས་སློབ་མར་ཚུད་ནས་རྩ་བའི་བླ་མར་བཟུང་སྟེ། ཅི་ཡོད་ཐམས་ཅད་ཕུལ་ལོ། །ཡང་མུ་གེ་ཆེན་པོ་བྱུང་བའི་དུས་སུ་རྗེ་བཙུན་མ་སྒྲོལ་མ་ལ་གསོལ་བ་བཏབ་པས་ལུང་བསྟན་བྱུང་ནས་སྔ་དྲོ་ཐང་ཆེན་པོ་ལ་ནས་བཏབ་པས་ཕྱི་དྲོ་ནས་བྱུང་ནས་ཟད་མི་ཤེས་པའི་སྟོན་ཐོག་ཐོན་བྱུང་སྟེ་མུ་གེ་ལས་ཐར་བར་བྱས་སོ།
།ཡང་སྟག་ལོ་སྟོན་ཟླ་ར་བའི་ཚེས་བརྒྱད་ལ་བྱིན་གྱིས་རླབས་པའི་ལྷ་བཞིའི་སྤྲུལ་པའི་དཀྱིལ་འཁོར་དུ་སློབ་མ་བཅོ་ལྔར་དབང་བསྐུར་ནས། དུས་དེ་ནས་བཟུང་ནས་ཞལ་མཐོང་བ་མང་པོ་བྱུང་ངོ་། །དགེ་བཤེས་འགའ་པ་ཆོས་རྒྱལ་གྱིས་འབུལ་བ་ཆེན་པོ་བྱས་ནས། བྱམས་པའི་ཆོས་ལྔ་དང་། འབུམ་ཊི་ཀ་དང་། ལེ་བརྒྱད་མ་ནས་ཡི་གེ་གཅིག་མ་ཡན་ཆད་མཁས་པར་བསླབ་ནས་སྒོམ་བློ་བྱས་པ་ཡིན་ཏེ་ཕ་རོལ་ཏུ་ཕྱིན་པའི་ལྟ་བ་ཐག་མ་ཆོད། ད་བོད་ན་རྒན་པོ་རྣམས་ལ་ཞུས་མ་ཞུས་མི་འདུག་པས། བླ་མས་རྣལ་ལམ་བཟུང་ལ། ཡུམ་ཆེན་མོ་ལ་ལྟ་བ་རྣམ་དག་ཅིག་ཞུས་ནས་ང་ལ་གནང་བར་ཞུ། ང་ཚེ་ཐུང་རིགས་ཡིན་པས་ཚེ་དཔག་མེད་ལ་ཚེ་སྒྲུབ་ཅིག་ཞུ། སྙིང་རྗེ་འདི་སྐྱེ་དཀའ་བར་བྱུང་བས། ཐུགས་རྗེ་ཆེན་པོ་ལ་སྙིང་རྗེ་ཆེན་པོ་རྩོལ་མེད་དུ་སྐྱེ་བ་ཞིག་ཞུ། རྣམ་སྲས་འདི་བསྒྲུབས་ཀྱང་མ་ཁོལ་བས། ཕྱག་ན་རྡོ་རྗེ་ལ་རྒྱུད་དང་གདམས་པ་ཞུ། རྗེ་བཙུན་མ་ལོ་གསུམ་བསྒྲུབས་ཀྱང་དབང་གི་ཕྲིན་ལས་གཅིག་ཀྱང་མ་འགྲུབ་པས། ཨོ་རྒྱན་དུ་རྗེ་བཙུན་མ་ལ་སྣང་སྲིད་གཡོ་འགུལ་གྱི་གནད་གཅིག་ཀྱང་ཞུ་ཟེར་བས། བདག་གིས་རྨི་ལམ་བཟུང་ནས་འོག་མིན་དུ་ཕྱིན་ནས་ཡུམ་ཆེན་མོ་ལ་སྲས་ཕྱོགས་བཅུའི་སངས་རྒྱས་ཀྱི་འཁོར་དཔག་ཏུ་མེད་པས་བསྐོར་ནས་ཐམས་ཅད་ཀྱང་ཆོས་འཆད་ཀྱི་ཕྱག་རྒྱ་ཅན་ཤ་སྟག་བཞུགས་ཤིང་འདུག་པ་ལ་མཆོད་བའི་བྱེ་བྲག་དཔག་ཏུ་མེད་པ་ཕུལ་ནས་ཆོས་ཞུས་པས། མཐར་ཐུག་སྐྱེ་མེད་རྣམ་གསུམ་གྱི་གདམས་ངག་གནང་ངོ་། །ཡང་བདེ་བ་ཅན་དུ་ཕྱིན་ནས་མགོན་པོ་འོད་དཔག་མེད་དེ་བྱང་ཆུབ་ཀྱི་ཤིང་གི་སྟེང་ནས། སྤྱན་རས་གཟིགས་དང་། རྟ་མགྲིན་དང་། ཕྱག་རྡོར་ལ་སོགས་པ་བྱང་ཆུབ་སེམས་དཔའ་དཔག་ཏུ་མེད་པས་བསྐོར་ནས། བརྡའི་སྒོ་ནས་ཆོས་སྟོན་ཅིང་འདུག་པ་ལ། བདག་གིས་མེ་ཏོག་གི་ཆར་ཆེན་པོ་ཕབ། ལུས་ཀྱི་ལྷའི་བུ་དང་བུ་མོ་རོལ་མོ་སྣ་ཚོགས་ཐོགས་པ་དཔག་ཏུ་མེད་པ་སྤྲུལ་ནས་ཕུལ་ཏེ་འཛམ་བུའི་གླིང་པའི་སེམས་ཅན་ཚེ་ཐུང་པ་ལས་བསྐྱབ་ཏུ་གསོལ་ཞེས་ཞུས་པས་སངས་རྒྱས་ཚེ་དཔག་མེད་དང་བྱང་ཆུབ་ཀྱི་ཤིང་གཉིས་ཀ་ལས་ཆོས་ཀྱི་སྒྲ་བྱུང་སྟེ། བདུད་རྩི་བུམ་པའི་ཚེ་སྒྲུབ་གསུངས་སོ།
།དེ་ནས་ཡང་པོ་ཏ་ལར་ཕྱིན་ནས་ཐུགས་རྗེ་ཆེན་པོས་གནོད་སྦྱིན་རྣམས་ལ་བྱམས་པའི་ཆོས་གསུངས་པ་དང་མཇལ་ནས་གཙོ་འཁོར་གསུམ་པོ་ལས་འོད་ཟེར་གསུམ་བྱུང་ནས་བདག་གི་གནས་གསུམ་དུ་ཟུག་སྟེ། འོད་ཟེར་དེ་དག་ལས་ཆོས་ཀྱི་སྒྲ་འདི་དག་བྱུང་སྟེ།
ཆོས་རྣམས་རང་བཞིན་སྐྱེ་མེད་ལས། །འགགས་མེད་སྙིང་རྗེ་མ་ཤར་ན། །འགྲོ་དྲུག་སེམས་ཅན་མ་རྒན་རྣམས། །སྨིན་ཅིང་གྲོལ་བར་མི་ནུས་པས། །འགྲོ་འཆག་ཉལ་འདུག་ཐམས་ཅད་དུ། །མ་ཡི་དྲིན་དང་སྡུག་བསྔལ་རྣམས། །མ་ཡེངས་དྲན་པའི་ལྕགས་ཀྱུས་ཟུངས། །ཚད་མེད་སྙིང་རྗེ་ཆེན་པོ་སྐྱེད། །བྱམས་པའི་གངས་རི་ཆེན་པོ་ལས། །སྙིང་རྗེའི་ཆུ་རྒྱུན་བསིལ་བ་ཡིས། །ཉོན་མོངས་མེ་དཔུང་ཞི་བར་མཛོད། །ང་ནི་སྙིང་རྗེ་ཆེན་པོའི་སྐུ།
།ལ་སོགས་པའི་སྙིང་རྗེ་མཁའ་ཁྱབ་ཀྱི་ཏིང་ངེ་འཛིན་གསུངས་སོ། །ལྕང་ལོ་ཅན་དུ་ཕྱིན་ཏེ་གསང་བའི་བདག་པོས་གནོད་སྦྱིན་ཤིང་རྟའི་རྒྱུད་དང་། གནོད་སྦྱིན་སྲོག་གི་སྙིང་པོ་དང་། གནོད་སྦྱིན་ཡིད་བཞིན་ནོར་བུའི་རྒྱུད་རྣམས་གསུངས་སོ།
།ཡང་ཚེས་བཅུའི་སྲོད་ལ་མཆོད་པ་ཕུལ་ནས། ཐོ་རངས་ཨོ་རྒྱན་དུ་ཕྱིན་ནས་རྗེ་བཙུན་མ་ལྷ་ལྔའི་དཀྱིལ་འཁོར་དུ་དབང་ཞུས་པ་དང་། ཌཱ་ཀི་མ་སེང་གེའི་གདོང་པ་ཅན་ལ། ཌཱ་ཀི་མ་སྡེ་བཞིས་བསྐོར་ནས་འདི་སྐད་གསུངས།
རྡོ་རྗེ་མཁའ་འགྲོས་བར་ཆད་བསྲུང་། །རིན་ཆེན་མཁའ་འགྲོས་མི་ནོར་སྒྲུབ། །པདྨ་མཁའ་འགྲོས་བུད་མེད་སྡུད། །ཕྲིན་ལས་མཁའ་འགྲོས་ལས་ཀུན་སྒྲུབ། །འདོད་སྲེད་ཆགས་པའི་དབང་སོང་བ། །བདག་ཉིད་མཁའ་འགྲོའི་དབང་དུ་སོང་། །ཕྱི་རོལ་མི་འདུ་གང་ཡང་འབྱུང་། །ཌཱ་ཀི་རང་གི་སེམས་སུ་ཤེས། །སེམས་ཀྱི་དེ་ཉིད་ཤེས་པ་དང་། །སེམས་ཉིད་མི་རྟོག་རྡོ་རྗེ་སྟེ། །རྡོ་རྗེ་ཌཱ་ཀིའི་བར་ཆད་སྲུང་། །ཆོག་ཤེས་དགོས་མེད་རིན་ཆེན་གཏེར། །རིན་ཆེན་མཁའ་འགྲོས་དགོས་འདོད་འགྲུབ། །ཆགས་བྲལ་མི་རྟོག་པདྨ་སྟེ། །པདྨ་ཌཱ་ཀིས་མུ་དྲ་སྡུད། །སྐྱེ་འགགས་མེད་པ་ཀརྨ་སྟེ། །ལས་ཀྱི་ཌཱ་ཀིས་ཕྲིན་ལས་སྒྲུབ། །དེ་ལྟར་མ་ཤེས་རྣལ་འབྱོར་པས། །བསྐལ་པར་བསྒྲུབས་ཀྱང་འགྲུབ་མི་འགྱུར། །དེ་ཕྱིར་མཁའ་འགྲོ་རང་སེམས་སུ། །ཤེས་པ་གནད་ཀྱི་མཆོག་ཡིན་ནོ།
།ལ་སོགས་པ་འཆར་བ་རྣམ་པ་གསུམ། འདུ་བ་རྣམ་པ་གསུམ་གྱི་གདམས་ངག་རྣམས་གསུངས་སོ།
།དེ་ནས་དགེ་བཤེས་འགའ་པས་ཚོགས་མཆོད་བརྒྱ་རྩ་བརྒྱད་བྱས་ཏེ་གདམས་པ་རྣམས་བཤད་དེ་ཉམས་ལེན་བྱས་པས། མཐར་ཐུག་སྐྱེ་མེད་ཀྱི་དོན་རྟོགས་སོ། །ཚེ་དཔག་མེད་ཞལ་མཐོང་། སྙིང་རྗེ་ཕྱོགས་མེད་དུ་ཤར། རྣམ་སྲས་བྲན་བཞིན་དུ་ཉན། ཌཱ་ཀིས་ཕྲིན་ལས་ཐམས་ཅད་ཇི་ལྟ་བ་བཞིན་དུ་སྒྲུབ་པ་བྱུང་ངོ་།
།དེ་ནས་ཡང་འགའ་པ་ན་རེ། བླ་མ་ཆེན་པོ་ལགས། རྨི་ལམ་དུ་སངས་རྒྱས་ལ་ཆོས་ཞུས་པ་དང་། དངོས་སུ་ཞུས་པ་ལ་ཁྱད་ཡོད་དམ་མེད་ཟེར་བ་ལ།
སངས་རྒྱས་སྐུ་དང་ཞིང་ཁམས་དང་། །འཁོར་དང་ཆོས་ལ་སོགས་པ་རྣམས། །ཐམས་ཅད་སྒྱུ་མ་ལྟ་བུ་སྟེ། །དངོས་དང་རྨི་ལམ་ཐ་དད་མེད། །ཅེས་བྱས་པས་ཆོས་རྒྱལ་ཤིན་ཏུ་མོས་པར་གྱུར་ཏོ།
།ཡང་དབོན་ཁྱུང་པོ་ན་རེ། ཤབ་ཀྱི་འབའ་ར་ནག་པོ་འདི་དང་། གཉན་ཐང་ལྷ། ཇོ་བོ་བན་ཆེན་དང་གསུམ་པོ་འདིས། ངེད་མི་རྟ་གཉིས་ལ་གནོད་པ་བསྐྱལ་བས་རྣལ་ལམ་བཟུང་ལ་འདུལ་བར་ཞུ་ཟེར་བ་ལ། ངས་རྡོ་རྗེ་འཇིགས་བྱེད་དུ་བྱས་ནས། ཉིན་པར་ཐོག་མདའ་བཅུ་གསུམ་ཕབ། ནུབ་མོ་རྨི་ལམ་བཟུང་ནས་མ་ཧེས་བརྡུང་སྟངས་བྱེད་སྐྱིན་ཕེཾ་ཕེཾ་གྱི་འབྲུག་སྒྲ་ཆེན་པོ་སྒྲགས་པས། འབར་ར་ནག་པོ་ན་རེ། བླ་མ་ཆེན་པོ་དེ་ལྟར་མི་མཛད་པར་ཞུ། ང་ཡི་འཁོར་ཐམས་ཅད་ཐོག་གིས་བསད། མ་ཧེས་གནས་ཁང་ཐམས་ཅད་བཤིགས། ང་ཁྲག་སྐྱུགས་ནས་འཆི་བར་ཡོད་པས། དཔོན་ཁྱུང་པོའི་རྟ་ཁྱེར་བ་ལ་རྟ་བརྒྱའི་ཡུས་བྱེད་ཟེར་བ་ལ། ཁྱོད་རང་གི་སྲོག་སྔགས་ཕུལ། སེམས་ཅན་ལ་གནོད་འཚེ་མི་བྱེད་པའི་དགེ་བསྙེན་གྱིས་ཤིག །དེ་མིན་ན་དུས་འདིར་བརླག་པར་བྱའོ་བྱས་པས། འབའ་ར་ཆེན་པོས་སྲོག་སྔགས་ཕུལ་དགེ་བསྙེན་བྱས་ནས། རྟ་བརྒྱ་དང་ཕྱུག་མ་བརྒྱའི་ཡུས་བྱས་ཏེ་ཕྲིན་ལས་པར་ཚུད་དོ། །གཉན་ཐང་ལྷའི་གངས་ལ་ངས་ཐོག་མདའ་བརྒྱ་དུས་གཅིག་ལ་ཕབ་པས་གང་ཐམས་ཅད་ཉིལ། མཚོ་རྡོལ་བས་ཁོ་དྲི་ཟའི་རྒྱལ་པོ་ཟུར་ཕུད་ལྔ་པའི་གཟུགས་སུ་བྱས་ནས། ཐང་ལྷས་གདན་དྲངས་ནས་རྒྱུད་སྡེ་ཆེན་པོ་ལྔའི་དཀྱིལ་འཁོར་དུ་དབང་བསྐུར་སྲོག་སྔགས་ཕུལ་ལོ། །ཡར་ལྷ་ཤམས་པོ་དང་། མ་དྲོས་པ་ཞོང་ཞོང་དུ་བྱུང་ནས་རྣམ་འཇོམས་ཀྱི་དཀྱིལ་འཁོར་དུ་དབང་བསྐུར། སྲོག་སྔགས་ཕུལ་ནས་ལོངས་སྤྱོད་སྒྲུབ་པའི་ཡོན་བདག་ཏུ་ཁས་བླངས་སོ། །ཡང་གཤིན་རྗེ་དགྲ་ནག་གི་དཀྱིལ་འཁོར་དུ་སྤྲུལ་ནས། ཇོ་བོ་བན་ཆེན་དང་། ཀླུ་བསེན་དང་བཅས་པ་ཐམས་ཅད་བཏུལ་ནས་མན་འཆད་མ་གཏོགས་པ། སེམས་ཅན་ལ་གནོད་འཚེ་མི་བྱེད་པར་དམ་བཅས་ནས་ཁོ་རང་གི་སྒྲུབ་ཐབས་དང་མཆོད་ཐབས་ཕུལ་ལོ། །དེ་ཡང་མི་བས་ལྷ་འདྲེ་ཚོ་ལ་བཤད་ན་དེས་ཆེ་བར་འདུག་པས། མི་ལ་གནོད་པར་བྱེད་པའི་འདྲེ་ལ་མི་འདི་ལ་གནོད་པ་མ་བྱེད་པར་རྒྱུག་ཅིག །མི་འགྲོ་ན་ངས་འདུལ་ལོ་བྱས་ནས་འཕྲིན་བཏང་བ་ཙམ་གྱིས་འགྲོ་བ་བྱུང་ངོ་། །ལར་རྨི་ལམ་དུ་རྡོ་རྗེ་འཇིགས་བྱེད་དུ་བྱས་ནས་ལྷ་འདྲེ་འདུལ་བ་འདི་ཀ་སྟོབས་ཆེ་བར་བྱུང་ངོ་།
།དེ་ཡང་སྟོན་ཀ་མེ་ཏོག་རྒྱས་པའི་དུས་སུ་ཚོགས་པའི་མཐར་ཐུག་དང་། སློབ་མའི་མཐར་ཐུག་དང་། ཚེའི་མཐར་ཐུག་རྣམས་འཛོམ་པའི་དུས་སུ། སྟོན་ཟླ་འབྲིང་པོའི་ཚེས་བདུན་ལ་རྒྱ་གར་ལྷོ་ཕྱོགས་ཀྱི་བླ་མ་རྣམས་བྱོན་ནས་ཞག་བདུན་དུ་དབང་བཞི་རྫོགས་སུ་བསྐུར། ཡེ་ཤེས་སེམས་དཔའ་དངོས་སུ་བསྟིམས་ནས་ཁྱུང་པོ་རྣལ་འབྱོར་འདི་ན་གདུལ་བྱ་མི་ཆེ་བར་འདུག་པས་རྒྱ་གར་ལྷོ་ཕྱོགས་སུ་གཤེགས་འཚལ། དེ་ན་གདུལ་བྱ་དཔག་ཏུ་མེད་པ་ཡོད་དོ་གསུངས་སོ། །ཡང་ཟླ་བ་དེའི་ཚེས་བཅུ་གསུམ་ལ། རྒྱ་གར་ནུབ་ཕྱོགས་ཀྱི་བླ་མ་དང་། མགོན་པོ་ཚེ་དཔག་མེད་བྱོན་ནས། ཞག་བདུན་དུ་དབང་བསྐུར། ཡེ་ཤེས་སེམས་དཔའ་བསྟིམས་ནས། འདི་ན་གདུལ་བྱ་མི་ཆེ་བར་འདུག་པས་བདེ་བ་ཅན་དུ་གཤེགས། ད་རེས་གཤེགས་ན་ལུས་འདི་མ་སྤངས་པར་འཇའ་ལུས་སུ་སངས་རྒྱ་བར་འགྱུར་རོ་གསུངས་པ་ལ། ངས་ཆོས་རྣམས་ལ་ཕོངས་སེམས་བྱས་ནས་རྫོགས་པར་མ་བྱིན་པས། ད་སློབ་མ་རྣམས་བསགས་ནས་ཆོས་ཐམས་ཅད་རྫོགས་པར་སྟེར་དགོས་པ་ཡོད་བྱས་ནས་ཞུས་པས། སངས་རྒྱས་འོད་དཔག་མེད་དང་བླ་མ་རྣམས་ཀྱི་ཞལ་ནས་ད་རེས་བྱོན་ན་ལུས་འདིར་མ་སྤངས་པར་སངས་རྒྱ་བ་ཡིན་ཏེ། ད་རྣམ་སྨིན་གྱི་ལུས་འདི་བཞག་ནས་བདེ་བ་ཅན་དུ་སངས་རྒྱ་བར་འགྱུར་རོ། །སྐུ་ལུས་འདི་མེ་ལ་མ་སྦྱངས་ན་ཞོང་ཞོང་འདི་རྡོ་རྗེ་གདན་གཉིས་པར་འགྱུར་རོ། །ཁྱོད་ཀྱི་ཆོས་བརྒྱུད་འདི་རྣམས་ཀྱང་ཆུ་བོའི་རྒྱུན་བཞིན་ཏུ་འགྱུར་རོ། །ལན་གསུམ་གསུང་ནས་མི་སྣང་བར་གྱུར་ཏོ།
།དེ་ནས་དབུས་གཙང་ཁམས་གསུམ་གྱི་སློབ་མ་རྣམས་ལ་ཡི་གེ་རྫོང་ཏེ་སྟོན་ཟླ་ར་བ་ལ་གྲྭ་པ་གསར་རྙིང་ཐམས་ཅད་འདུས་ཏེ་ཆོས་ཀྱི་འཁོར་ལོ་ལན་གསུམ་བསྐོར་ནས་ཆོས་ཐམས་ཅད་མ་ལུས་པར་ཚར་བར་བྱས་སོ།
།དེ་ནས་བདག་ཁྱུང་པོ་རྣལ་འབྱོར་གྱིས་རྒྱ་གར་ལ་ལན་གསུམ་ཕྱིན་ནས། བླ་མ་ལྔ་བརྒྱ་དང་ལྔ་བཅུ་ལ་གསེར་དང་མོས་གུས་ཀྱིས་མཉེས་པར་བྱས་ནས། དབང་བྱིན་རླབས་དང་བཅས་པ། རྒྱུད་སྒྲུབ་ཐབས་དང་བཅས་པ། གདམས་ངག་ཁྱད་པར་ཞལ་གདམས་དང་བཅས་པ་རྣམས་ཞུས་སོ། །དེ་ལས་ཀྱང་ཁྱད་པར་གྱི་བླ་མ་བཅུ་གསུམ་དང་། རྩ་བའི་བླ་མ་རྣམ་བཞི་དང་། འགྲན་གྱི་དོ་མེད་ཡེ་ཤེས་ཀྱི་ཌཱ་ཀི་མ་ཞལ་རྣམ་པ་གཉིས་ལས་དབང་དང་བྱིན་རླབས་དང་། རྒྱུད་སྒྲུབ་ཐབས་ལས་ཚོགས་ལག་ལེན་དང་བཅས་པ། གདམས་ངག་ཆིག་བརྒྱུད་བཀའ་རྒྱ་དང་བཅས་པ་ཞུས་ནས་སློབ་མ་རྣམས་ཚིམས་པར་བྱས་པ་ཡིན་ནོ། །དེ་ལ་སྤྱིར་ང་ཡི་གདམས་ངག་འདི་གཞན་ལས་ཁྱད་པར་དུ་འཕགས་པས་མགོ་བྱིན་ན་མགོས་ཕན་ཐོགས། བར་བྱིན་ན་བར་གྱིས་ཕན་ཐོགས། གཤམ་བྱིན་ན་གཤམ་གྱིས་ཕན་ཐོགས་པ་ཡིན་ཀྱང་། ལྷག་མ་མ་བཞག་པར་རྫོགས་པར་བྱིན་པ་ཡིན་པས། ཐེ་ཚོམ་དང་ཡིད་གཉིས་མ་བྱེད་པར་བརྩོན་འགྲུས་དྲག་པོས་ཉམས་སུ་ལོངས་ཤིག །དབང་པོ་རབ་རྣམ་སྨིན། འབྲིང་བག་ཆགས། ཐ་མ་ཡང་བར་དོ་སངས་མི་རྒྱ་བ་མི་སྲིད་པ་ཡིན་ནོ། །བདག་གི་བཀའ་བབས་དང་གདམས་ངག་གི་གནད་འདི་ལྟ་བུ་རྒྱ་བོད་གང་ན་ཡང་མེད་པར་ཐག་ཆོད་པ་ཡིན་ནོ། །དེ་ལ་བླ་མ་ཡི་དམ་གྱི་ལུང་བསྟན་པའི་གནས་ཞོང་ཞོང་གི་གཙུག་ལག་ཁང་འདིར། གྲྭ་པ་དབུས་གཙང་ཁམས་གསུམ་གྱི་ས་གཞི་ལ། དྲི་མེད་ཤེས་རབ་ཀྱི་སྡོང་པོ་འཇམ་དཔལ་དང་། འཇིགས་བྱེད་ལ་མངའ་བརྙེས་པའི་རྨེའུ་སྟོན་པ་སྐྱེ། ཕན་སེམས་ཀྱི་ཡལ་ག་བྱམས་པ་ལ་ཆོས་གསན་པའི་བྱང་ཆུབ་སེམས་དཔའི་གཡོར་པོ་རྒྱ་མོ་ཆེ། ཚད་མེད་སྙིང་རྗེ་ཆེན་པོའི་ཡལ་འདབ་སྤྱན་རས་གཟིགས་དང་དབྱེར་མེད་པའི་དངུལ་སྟོན་རིན་དབང་། བྱམས་པ་ཕྱོགས་མེད་ཤར་བའི་བདེ་མཆོག་དང་། མགོན་པོའི་བདག་ཉིད་ལ་སྟོད་པ་དཀོན་མཆོག་མཁར། ལྷ་སྐུ་འོད་གསལ་དབྱེར་མེད་ཀྱི་སྙིང་པོ་མངོན་དུ་གྱུར་ཅིང་། ཌཱ་ཀི་དངོས་སུ་འདུ་བའི་རྟོགས་ལྡན་ཞང་སྒོམ་ཆོས་སེང་ངོ་། །སྒྱུ་ལུས་རྨི་ལམ་གྱི་འབྲས་བུ་སྨིན་པ་རིན་ཆེན་བརྩོན་འགྲུས། དེ་ལྟར་སྔ་བུ་ལྔ། ཕྱི་བུ་གཅིག་དང་དྲུག་པོ་འདི་བླ་མ་དང་ལྷ་ཚོགས་རྣམས་ཀྱི་ལུང་བསྟན་ཐོབ་པ། ཡི་དམ་དཔག་ཏུ་མེད་པ་ལ་ཆོས་ཞུས་པ། ཆོས་ཉིད་ཀྱི་དོན་ཇི་ལྟ་བ་བཞིན་ཐུགས་སུ་ཆུད་པ་ཡིན་པས། མཆེད་གྲོགས་དང་སློབ་མ་ཐམས་ཅད་ཀྱིས་ཕྲག་དོག་དང་ལོག་ལྟ་མ་བྱེད་པར་ང་དང་དབྱེར་མེད་དུ་བལྟ་བར་བྱའོ།
།དེ་ནས་འཚོགས་པའི་མཐར་ཐུག་ཁྲི་ཕྲག་བཅོ་བརྒྱད་པོ་ལ་ནི་ལོ་དུ་མར་ཆོས་མང་པོ་བསྟན། སློབ་མའི་མཐར་ཐུག་དྲུག་པོའི་ཆོས་ནི་མ་ལུས་པར་ཚར། ཚེའི་མཐར་ཐུག་བརྒྱ་དང་ལྔ་བཅུ་ལ་ཐུག །རྒྱ་གར་གྱི་བླ་མ་རྡོ་རྗེ་མཆེད་གསུམ་ལ་སོགས་པ་དང་། ཕྱི་རོལ་པའི་སློབ་དཔོན་འཇིགས་བྱེད་རྡོ་རྗེ་ལ་སོགས་པ་ལ་ཞུས་པའི་ངན་སྔགས་མང་པོ་ཡོད་པ་རྣམས་རྒྱལ་ཁམས་སུ་མཆེད་ན་འཇིག་རྟེན་པ་རྣམས་ཕུང་གིས་དོག་ནས་ཕལ་ཆེར་རྫ་ལ་སྦས་ཏེ།
ཚོགས་མཆོད་བརྒྱ་རྩ་དང་སྤོང་ཐག་བྱས་པའི་ཚེས་བརྒྱད་ཀྱི་སྔ་དྲོ་རྒྱལ་པོ་ཆེན་པོ་བཞི་དང་། ཀླུ་མ་དྲོས་པ་དང་། དྲི་ཟའི་རྒྱལ་པོ་ཟུར་ཕུད་ལྔ་པ་ལ་སོགས་པའི་མི་མ་ཡིན་མང་པོ་འདུས་སོ། །གསེར་དངུལ་ལ་སོགས་པའི་ལོངས་སྤྱོད་མང་པོ་ཕུལ་ནས། མྱ་ངན་འདའ་བར་མ་དགོངས་པར། །དུས་ངན་སྙིགས་མའི་སེམས་ཅན་རྣམས། །ཡང་དག་ལམ་ལ་གཞུག་ཏུ་གསོལ། །ཇི་སྲིད་བཞུགས་ཀྱི་བར་དུ་ཡང་། །ཅི་གསུངས་ལོངས་སྤྱོད་ངེད་ཀྱིས་བསྒྲུབ། །ཟེར་བ་ལ་བདག་གིས་འདི་སྐད་སྨྲས་ཏེ།
བླ་མ་ཡི་དམ་ལུང་བསྟན་པའི། །མཐར་ཐུག་གསུམ་གྱི་དུས་ལ་བབ། །ད་ནི་ཞིང་ཁམས་མཐར་ཐུག་པའི། །བདེ་བ་ཅན་གྱི་ཞིང་དུ་འགྲོ། །དག་པའི་ལོངས་སྤྱོད་དཔག་ཏུ་མེད། །འཇིག་རྟེན་གསེར་དངུལ་དགོས་པ་མེད། །ཁྱོད་རྣམས་ང་ལ་དད་གྱུར་ན། །བདེ་བ་ཅན་དུ་གསོལ་བ་ཐོབ། །ཞིང་དེར་སྐྱེ་བར་ཐེ་ཚོམ་མེད། །རྡུལ་གཅིག་སྟེང་ན་རྡུལ་སྙེད་ཞིང་། །བསམ་གྱིས་མི་ཁྱབ་རྫོགས་པར་སྣང་། །ཞིང་དག་སྟོན་པ་འཁོར་དང་ཆོས། །དཔག་ཏུ་མེད་པ་འོད་དཔག་ཞིང་། །རྣམ་པར་དག་པ་བདེ་བ་ཅན། །དེ་ཕྱིར་ཐེ་ཚོམ་མ་བྱེད་པར། །ཞིང་དེར་སྐྱེ་བའི་སྨོན་ལམ་ཐོབ།
།ཅེས་པ་ལ་སོགས་པའི་ཆོས་བཤད་ནས། ང་ནི་ངེས་པར་བདེ་བ་ཅན་དུ་འགྲོ་བར་འགྱུར་རོ་གསུང་།
དེར་ཚོགས་པའི་ལྷ་དང་ཌཱ་ཀི་དང་ལྷ་འདྲེ་ཐམས་ཅད་གདུང་བས་སྨྲེ་སྔགས་འདོན་ཅིང་། མེ་ཏོག་གི་ཆར་ཕབ་ནས་མི་སྣང་བར་གྱུར་ཏོ།
།དེ་ནས་ཚེས་བཅུ་བཞི་ལ་འཚོགས་སུ་བྱོན་ནས་དེ་རིང་ང་ཡི་ཆོས་བཤད་པའི་ཐ་མ་ཡིན་པས། ཆོས་ཀྱི་སྐབས་གོང་དུ་མ་བདེ་བ་དང་འདྲི་རྒྱུ་ཡོད་པས་དྲིས་ཤིག །ད་རེས་ནི་ཐེ་ཚོམ་གཅོད་པའི་དུས་ལ་བབ་བོ་གསུངས་སོ། །ཐམས་ཅད་ཀྱི་ཆོ་ངེས་ཆེན་པོ་བཏབ་བོ། །བླ་མ་ནམ་མཁའ་ལ་སྐུ་ལུས་ཀྱི་བཀོད་པ་མང་པོ་བསྟན་ཅིང་།
ཀྱཻ་མ་འདུས་བྱས་མི་རྟག་ཏེ། །ནམ་མཁའ་སྤྲིན་བཞིན་འདུས་ཤིང་གྱེས། །བདེན་མེད་སྒྱུ་མའི་ཆོས་རྣམས་ལ། །བདེན་པར་བཟུང་བས་བསླུས་པ་ཡིན། །ང་ཡི་ལུས་ནི་རྒྱལ་བའི་སྐུ། །སྐྱེ་འཆི་ཅན་དུ་མ་བལྟ་ཞིག །ང་ཡི་ངག་ནི་རྒྱལ་བའི་གསུང་། །བརྗོད་བྲལ་སྐྱེ་མེད་རང་སྒྲ་སྒྲོགས། །ང་ཡི་སེམས་ནི་རྒྱལ་བའི་ཐུགས། །རྟོག་བྲལ་མཁྱེན་པའི་ཡེ་ཤེས་ལྡན།
།ཞེས་གསུངས་པ་དང་། ནམ་མཁའ་ཐམས་ཅད་འཇའ་དང་རོལ་མོའི་སྒྲས་གང་ཞིང་། མེ་ཏོག་གི་ཆར་ཆེན་པོ་འབབ་པར་གྱུར་ཏོ།
།དེ་ནས་ཚོགས་ཀྱི་དཀྱིལ་འཁོར་ནས་ཡར་བྱོན་ཏེ་གཟིམ་ཁང་དུ་གདན་དུ་བཞུགས་ནས། རིན་ཆེན་བརྩོན་འགྲུས་མེ་ཏོག་བཏུས་ནས་ཤོག །དབུ་ཆེ་རྣམས་ཀྱང་ཁད་ཀྱིས་བོས་ཤིག་གསུངས་སོ།
།དེ་ནས་མེ་ཏོག་དམར་པོ་མང་པོ་བསྒྲུབས་ནས་བླ་མ་ལ་ཕུལ་བས་བླ་མའི་ཞལ་ནས་ཌཱ་ཀི་མ་ནི་གུ་མའི་ཐུགས་དམ་རྗེ་བཙུན་མ་འདི་དང་། བླ་མ་རྡོ་རྗེ་གདན་པའི་རྟེན་གཙོ་འདི་དང་། གཤིན་རྗེ་གཤེད་དང་། དགྱེས་རྡོར་གྱི་རྡོ་སྐུ་འདི་དང་། བླ་མ་ཨ་ཏ་ཡ་བཛྲ་གྱི་ཐུགས་དམ་འདི་དང་། རྡོ་རྗེ་དྲིལ་བུ་ལ་སོགས་པའི་རྟེན་འདི་རྣམས་ལ་ཕུལ་གཅིག་གསུངས་ནས། རྟེན་དེ་རྣམས་ནམ་མཁའ་ལ་བཞུགས་པ་ལ་བླ་མས་ཕྱག་མཛད། ཡང་མཆོད་པ་ཕུལ་གཅིག་གསུང་ནས། ཌཱ་ཀི་ནི་གུ་མ་དང་། སུ་ཁ་མ་སིདྡྷི་ལ་སོགས་པའི་བླ་མ་རྣམས་དང་སངས་རྒྱས་ཚེ་དཔག་མེད་ལ་སོགས་པའི་ཡི་དམ་རྣམས་བྱོན་ནས། ཡང་གསོལ་བ་ཐོབ་གཅིག་གསུངས་སོ། །ཡང་བླ་མའི་ཞལ་ནས། རིན་ཆེན་བརྩོན་འགྲུས་སྒྱུ་ལུས་རྨི་ལམ་ལ་སོགས་པའི་ཆོས་འདི་རྣམས་ཉམས་སུ་ལེན་ཙ་ན། རྨི་ལམ་མི་འཚམས་པ་དང་། ཌཱ་ཀིའི་གཟུགས་སྣ་ཚོགས་སུ་བསྒྱུར་ནས་ལྟས་དང་ཆོ་འཕྲུལ་སྣ་ཚོགས་སུ་སྟོན་དུ་འོང་བས་དེ་ལ་སྐྲག་ཙམ་མི་དགོས། ལར་དུས་དང་རྣམ་པ་ཐམས་ཅད་དུ་ང་རང་གིས་བྱིན་གྱིས་བརླབས་པ་ཡིན་གསུངས་སོ།
།དེ་ནས་དབུ་ཆེ་འདུས་པ་དང་། དགྱེས་རྡོར་བ་རྣམས་ལ་དགྱེས་རྡོར་དུ་སྒོམས་ཤིག་གསུང་ནས། བླ་མ་དགྱེས་རྡོར་མཚོན་ཆ་ཅན་དང་། སྤྲུལ་པའི་ལྷ་དགུར་བཞུགས་ཤིང་ཆོས་གསུངས། དེ་བཞིན་དུ་བདེ་མཆོག་དང་། གསང་འདུས་དང་། མ་ཧཱ་མ་ཡ་དང་། འཇིགས་བྱེད་དང་། ཐུགས་རྗེ་ཆེན་པོ་དང་། སྒྲོལ་མ་དང་། མི་གཡོ་བ་ལ་སོགས་པར་བཞུགས་ནས་ཆོས་གསུངས། བྱིན་གྱིས་རླབས་པའི་ལྷ་བཞི་དབུའི་སྟེང་དུ་བཀོད་ནས་འདི་བཞིན་ཉམས་སུ་ལོངས་ཤིག་གསུངས་སོ།
།དེ་ནས་བླ་མའི་ཞལ་ནས་ང་རྒྱ་གར་གྱི་བླ་མ་རྣམས་ཀྱིས་དབང་བཞི་རྫོགས་སུ་བསྐུར་བའི་དུས་སུ། ཡེ་ཤེས་སེམས་དཔའ་དངོས་སུ་བསྟིམ་པ་ཡིན་པས། ཡེ་ཤེས་སེམས་དཔའ་མ་གཤེགས་པར་སྤུར་སྦྱངས་དུ་མི་གཏུབ་སྟེ། ད་ལྟ་ང་བས་ལྷག་པའང་ནམ་ཡང་མེད་དེ། ང་དང་མཉམ་པ་ཡང་མེད་པས། ངའི་སྤུར་མ་སྦྱངས་བར་རིན་ཆེན་གསེར་དངུལ་དང་། ཟངས་ལྕགས་ཀྱི་གའུ་གྱིས་ལ། དེར་ང་ཡི་སྤུར་བཞུགས་ལ་མཆོད་པ་ཕུལ། དེ་ལྟར་བྱས་ན་ཞོང་ཞོང་གི་གནས་འདི་རྡོ་རྗེ་གདན་གཉིས་པ་ལྟ་བུ་ལ། ངའི་ཆོས་བརྒྱུད་འདི་ཆུ་བོའི་རྒྱུན་བཞིན་དུ་འོང་བར་འདུག་སྟེ། ཁྱེད་རྣམས་ཀྱིས་གྲོས་ཉེས་ཤིག་བྱེད་དམ་གསུངས། ད་འདི་ནས་བླ་མ་ཞིང་ཁམས་གང་དུ་གཤེགས། གསོལ་བ་གང་དུ་བཏབ་ཞུས་པས། ང་འདི་ནས་བདེ་བ་ཅན་དུ་སངས་རྒྱ་བས་དེར་གསོལ་བ་ཐོབ། ཐེ་ཚོམ་དང་ཡིད་གཉིས་མ་བྱེད་ཨང་ལན་གསུམ་གསུངས་སོ།
།དེ་ནས་འཕོ་བ་ཡེ་ཤེས་སྐར་ཁུང་མ་སྒོམ་པ་རྣམས་འདི་བཞིན་ཉམས་སུ་ལོངས་ཤིག་གསུངས་པ་ལ། དབུ་ཐོད་ལག་མཐིལ་ཙམ་ཞིག་ནམ་མཁའ་ལ་འཕར་ཏེ། སྒྲ་དང་འོད་དང་འཇའ་ཚོན་དུ་གྱུར་ནས་ནམ་མཁའ་ལ་གཤེགས་སོ།
།དེ་ནས་ཟངས་དང་གསེར་དངུལ་གྱི་གའུ་བརྡུང་ནས་དེར་སྤུར་བཞུགས་པར་བྱས་ཙམ་ན། ཁམས་པའི་གྲྭ་པ་མང་ལ་དབང་ཆེ་བས། ཁོང་རྣམས་ན་རེ། བླ་མའི་སྤུར་མི་སྦྱོངས་ན། དབུ་ཁམས་སུ་ཁྱེར་ནས་དངུལ་གྱི་གདུང་ཁང་བྱས་ནས་དེར་བཞུགས་པ་ཡིན་ཟེར་ནས། སྤུར་སྦྱངས་པས་རྒྱུད་སྡེ་ལྔའི་ལྷ་ཚོགས་དང་། ལྷ་བཞི་ལ་སོགས་པའི་སྐུ་གཟུགས། རིང་བསྲེལ་དང་། དུང་གཡས་འཁྱིལ་ལ་སོགས་པའི་རྟེན་མང་པོ་བྱོན་ནོ། །འཇའ་ཚོན་དང་མེ་ཏོག་གི་ཆར་ཆེན་པོ་ནམ་མཁའ་ཁེངས་པ་ཞག་ཉི་ཤུ་རྩ་གཅིག་གི་བར་དུ་བྱུང་ངོ་། །དེའི་རྗེས་ལ་སྐུ་འབུམ་བཞེངས་པས་མེ་ཏོག་གི་ཆར་རྒྱུན་དུ་བབས་པ་དང་། མཁའ་འགྲོ་མ་དང་ལྷ་ཀླུས་མཆོད་པ་ཕུལ་ནས། འབུམ་པའི་ཕྱོགས་བཞི་ནས་མར་མེ་བཏང་བ་ལྟ་བུའི་འོད་རྒྱུན་དུ་བྱུང་སྟེ། ལྷ་མི་ཐམས་ཅད་ཀྱིས་མཆོད་པའི་རྟེན་དུ་གྱུར་ཏོ། །དེ་ལ་རྟོགས་ལྡན་ཞང་སྒོམ་ཆོས་སེང་དང་། བླ་མ་རྨེའུ་སྟོན་པ་དང་། བླ་མ་རྨོག་ལྕོག་པ་དང་། ཉེ་གནས་རིན་ཆེན་རྡོ་རྗེ་དང་བཞི་ལ་རྣམ་ཐར་གསུངས་པ་རྣམས་ཕྱོགས་གཅིག་ཏུ་བསྡེབས་ནས་ཡི་གེར་བཀོད་པའོ།
།བླ་མའི་རྣམ་ཐར་རྒྱ་མཚོ་ལས། །ཆུ་ཐིག་ཙམ་ཞིག་བཀོད་པ་ལས། །དགེ་བ་འདི་ཡིས་སེམས་ཅན་རྣམས། །བླ་མེད་བྱང་ཆུབ་ཐོབ་པར་ཤོག
།གྲུབ་ཐོབ་ཆེན་པོ་ཁྱུང་པོ་རྣལ་འབྱོར་གྱི་རྣམ་ཐར་ཟུར་ཙམ་ཡི་གེར་བཀོད་པའོ། །མངྒ་ལཾ། དགེའོ།། །།
This work is licensed under a Creative Commons Attribution-Non Commercial-ShareAlike 3.0 Unported License
