Difference between revisions of "Skyer sgang pa'i rnam thar"
| Line 5: | Line 5: | ||
|Subject=Biography | |Subject=Biography | ||
|Associated Person=Öntön Kyergangpa | |Associated Person=Öntön Kyergangpa | ||
| − | |BDRC link=[https://www.tbrc.org/#library_work_ViewByOutline-O01DG1049094926%7CW23922 BDRC W23922]<br/>[https://www.tbrc.org/#library_work_ViewByOutline-O3CN17353CN1895%7CW3CN766 BDRC W3CN766] | + | |BDRC link=[https://www.tbrc.org/#library_work_ViewByOutline-O01DG1049094926%7CW23922 BDRC W23922]<br/>[https://www.tbrc.org/#library_work_ViewByOutline-O3CN17353CN1895%7CW3CN766 BDRC W3CN766]<br/>[https://www.tbrc.org/#library_work_ViewByOutline-O1GS662581GS66266%7CW20441 BDRC W20441] |
}} | }} | ||
<span class="main_text">༄༅། །བླ་མ་སྐྱེར་སྒང་པའི་རྣམ་པར་ཐར་པ་བཞུགས་སོ།།<br /><br />།བླ་མ་མཉམ་མེད་རིན་ཆེན་དང་། །རྟོགས་ལྡན་ཞང་སྒོམ་ཞབས་ལ་འདུད། །ཚད་མེད་འགྲོ་སྐྱོབ་སྙིང་རྗེའི་སྐུ། །སྤྱན་རས་གཟིགས་ཀྱིས་བྱིན་གྱིས་རློབས། <br />།དང་པོ་དད་པས་ཆོས་སྒོར་ཞུགས། །བར་དུ་ཐུགས་རྗེ་ཆེན་པོ་བསྒྲུབས། །དེ་རྗེས་བླ་མ་སངས་རྒྱས་བསྟེན། །ད་ལྟ་འབྲས་བུ་མངོན་གྱུར་ཏོ། <br />།དེ་ཡང་བདག་གི་ཕ་ཡུལ་ནང་གོང་རྣམ་པ། རུས་འབའ་ཡིན་ནོ། །དེ་ཡང་དང་པོ་ལོ་བཅུ་གཉིས་ནས་གཤིན་རྗེ་གཤེད་ལ་བསྙེན་པ་བསྐྱལ། བཅུ་བདུན་དུ་སྐྱེར་སྒང་དུ་ཁུ་བོ་འབའ་ཐམས་ཅད་མཁྱེན་པ་ལ་རབ་ཏུ་བྱུང་ནས་བྱམས་པའི་ཆོས་ལྔ། སྤྱོད་འཇུག་བསླབ་བཏུས་བསྟན་རིམ་རྣམས་ཉན། དེ་ནས་འབའ་ཚད་མ་བ་ལྷ་སར་ཆོས་འཁོར་ལ་གདན་དྲངས་པའི་ཕྱག་ཕྱིར་ཕྱིན་པས། གྲྭ་པ་གཅིག་གིས་སྟོན་མོ་བྱས་པའི་རྣམ་བཞག་ལ། དར་ཡུག་སེར་པོ་གསུམ། ཟངས་གཅིག་ཕྱེ་མར་མང་ཞིག་ཕུལ་ནས། བྲག་ལྷའི་མདུན་དུ་དྲོ་ཐོན་ནས་ཉེ་འདོན་ལ་ཕྱིན་པས། ཀླུ་ཕུག་གི་ཁང་ཆུང་གཅིག་ལས་དཀར་བཏང་བ་གཅིག་འདུག་པས། དེ་མཐོང་བ་ཙམ་གྱིས་བློ་སྣ་འགྱུར་བ་བྱུང་ནས་ཁང་ཆུང་ཡ་གིན་སུ་ཡོད་པ་ཡིན་བྱས་པས། ལྷ་ས་སྡེ་བཞིའི་ཉེ་འདོན་པ་ན་རེ། འཕགས་པ་ལྕེ་སྒོམ་པ་བྱ་བའི་ཐུགས་རྗེ་ཆེན་པོའི་གྲུབ་ཐོབ་གཅིག་ཡོད་པ་ཡིན་ཟེར་བས། དེ་ནས་མོས་པར་བྱུང་སྟེ། དར་དང་། ཟངས་དང་། ཕྱེ་མར་ཁྱེར་ནས་ཕྱིན་ཏེ། བླ་མས་ཐུགས་རྗེ་ཆེན་པོ་ཞལ་གཟིགས་པ་ལགས་སམ་ཞུས་པས། ཐུགས་རྗེ་ཆེན་པོ་ཡིན་ནམ་མིན་ཆ་མེད། གྲིབ་ཀྱི་ཐད་ཀ་འདི་ན་ཚུར་སྐྱ་ཤར་ཤར་བ་ཞིག་གཏན་དུ་མཐོང་གིན་འདུག་པ་ཡིན་གསུངས། འོ་ན་ཐུགས་རྗེ་ཆེན་པོ་ཞུ་དགོས་བྱས་པས། ཐོག་མར་རིག་གཏད་ཀྱི་དབང་བྱ་དགོས་གསུངས་ནས། མར་ཁལ་གཉིས་ལ་མར་མེ་བྱས། གཉིས་ལ་བཙའ་རུའི་སྟོན་མོ་བྱས་ཏེ། དར་ཡུག་གསུམ་དང་། ཟངས་ཕུལ་ནས་སྒྲུབ་ཐབས་ཚར་གསུམ་ཞུས་ནས། བླ་མས་ལོ་དུ་ལ་ཞལ་གཟིགས་བྱས་པས། ངས་སྟོན་ཀ་བསོད་སྙོམས་རེ་བྱས། དེ་ནས་མཚམས་བཅད་ནས་བསྒྲུབས་པས་ལོ་བརྒྱད་ལོན་ཙ་ན་ནང་གཅིག་ཚ་བ་ཐོན་ནས་ཉི་མ་ལ་འགྲོ་སྙམ་ཙ་ན། ང་སྡོད་པའི་བྲག་ཁུང་ན་གུ་དི་རི་རི་འདུག་ནས་སུ་ཡིན་སྙམ་ནས་བལྟས་པས། ངའི་སྡོད་ས་དེ་ན་གཙོ་འཁོར་གསུམ་མ་ཎི་དི་རི་རི་ཟློ་ཤིང་འདུག་ནས། ཡན་ལག་བདུན་པ་ཚར་གཅིག་ཕུལ། དེ་ནས་གཏན་དུ་ཞལ་མཐོང་བ་ཡིན་གསུངས་སོ། །དེ་ནས་སྐྱེར་སྒང་དུ་ཕྱིན་ནས། ད་ཡང་ན་གཡག་གུ་ཤི་བ་དང་། ཡང་ན་བྱང་ཚ་ལོན་པ་གཅིག་ལ་གཏང་དགོས། མི་ལུས་ཐང་གཅིག་ཐོབ་པ་འདི་ལ་ཡང་ན་ཤི་བ་ཞིག་དང་། ཡང་ན་ཐུགས་རྗེ་ཆེན་པོ་ཞལ་མཐོང་བ་ཞིག་ལ་གཏད་དགོས། དོན་མེད་ཞིག་ལ་མི་ཚེ་སྟོང་ཟད་བྱས་པས་མི་ཡོང་བས་བསྒྲུབ་དགོས་སྙམ་སྟེ། མཚམས་བྱེད་ཁ་མ་ལ་ཁམས་པའི་གྲྭ་པ་རྣམས་ཀྱིས་རྟ་བཏགས། བེར་བཀོན། དར་བརྐྱང་ནས་ཁྱོད་གཞོན་དུས་སུ་ཐོས་བསམ་མ་བྱས་ན། འབའ་ཚད་མ་བ་རབས་ཆད་པས་བཀའ་བཞི་མཁས་པ་ཅིག་བྱེད་དགོས་ཟེར་བ་ལ་མ་ཉན་པས། གྲྭ་བ་རྣམས་གྲོས་བྱས་ཏེ། དབོན་པོ་མཚམས་བྱེད་པ་ལ་ཕྱེ་དང་ཆུ་ཤིང་གཅིག་ཀྱང་མ་སྐྱེལ་བར་ཕར་འགྲོ་ཚུར་འགྲོ་ཐམས་ཅད་ཀྱིས་རྡོ་རྒྱོབ་ཅིག །དེ་ལྟར་བྱས་པས་ཁོ་སུན་ནས་སློབ་གཉེར་ལ་ཚུད་དུ་འོང་ངོ་ཟེར་ནས་ཁྲིམས་བྱས་སོ། །དེ་ནས་ངས་མཚམས་དམ་པོ་བྱས་ནས་ཐུགས་རྗེ་ཆེན་པོ་བསྒྲུབས་པས། གྲྭ་བ་ཕར་འགྲོ་ཚུར་འགྲོ་ཐམས་ཅད་ཀྱིས་སྒོ་ལ་རྡོ་བརྒྱབ་ཅིང་། བཀའ་བཞིའི་དབུས་ནས་མར་བྱང་ཤང་ཤད་མི་བྱེད་པར། སྔགས་ཀྱིས་འཁོས་ཀའམ་ཁྱོད་ལ་མ་ཎི་པདྨེ་ཧཱུྃ་ང་གཅིག་གི་འོང་གིས་ཟེར་ནས་རྒྱགས་གཅིག་ཀྱང་མ་བསྐྱལ་ལོ། །དེ་ནས་ཞག་རེ་ལ་སྐྱོ་ཚ་ཕོར་རེ་རེས་མྱོང་། རེས་མ་མྱོང་། དེ་ཡང་མ་མྱོང་བར་ཐལ་པ་དང་བསྲེས་ཏེ་བཏུང་བས། གཉིད་གཏི་མུག་ཡིན་གཏི་མུག་ཉོན་མོངས་པ་ཡིན། དེ་སྔ་ཡང་ཉོན་མོངས་པ་འདི་ཀས་འཁོར་བར་བསྐྱུར་བ་ཡིན་སྙམ་ནས་གཉིད་གཅིག་ཀྱང་མེད་པར་མ་ཎི་བཟླས་པས། རླུང་ལངས་ནས་མགོ་འགས་པ་བཞིན་དུ་བྱུང་བ་ལ་སྐེ་རག་གིས་མགོ་བསྡམས་ནས་བཟླས་པ་དྲག་པོ་བྱས་པས་རྟགས་ཅི་ཡང་མ་བྱུང་ནས་སྦྱིན་སྲེག་ཆེན་པོ་བྱས་པས་སྡིག་པ་ཟད་པའི་རྟགས་རྣམས་རྫོགས་པར་བྱུང་ཡང་ཞལ་མ་མཐོང་ནས། ལོ་ཕྱེད་དང་བཞི་སོང་བའི་ཉིན་ཕྱེད་ནས་ཡི་མུག་ནས་བྲག་འོག་ཞིག་ཏུ་སྐྱོ་བསངས་ལ་ཕྱིན་ནས། ནམ་མཁའ་ལ་འཇའ་འོད་ཀྲུག་ཀྲུག་འདུག་ནས། ངས་ལོ་ཕྱེད་དང་བཞིར་ཞག་རེ་ལ་སྐྱོ་ཚ་ཕོར་རེ་ཡང་མ་མྱོང་བར་བཟླས་པ་དྲག་པོ་བྱས་པས་རླུང་ལངས་འདུག་རྦབ་ཏུ་འཆོར་སྙམ་ནས་བྲག་ཕུག་ཏུ་གཅར་བྱས་པ་དང་། མདུན་གྱི་ནམ་མཁར་འཇའ་ཚོན་གྱི་དཀྱིལ་ན། ཇོ་བོ་ཐུགས་རྗེ་ཆེན་པོ་གཙོ་འཁོར་གསུམ་འཛུམ་ཡེ་རེ་བཞུགས་ཤིང་གདའ་ནས། ཇོ་བོ་ཐུགས་རྗེ་རེ་ཆུང་། ངས་ལོ་ཕྱེད་དང་བཞི་ལ་ཞག་རེ་ལ་སྐྱོ་ཚ་ཕོར་རེ་ལས་མ་མྱོང་བ་ལ། དེ་ལས་ཞལ་སྔ་བར་མི་སྟོན་པར་ཞུས་བས། ཇོ་བོའི་ཞལ་ནས་བུ་ཁྱོད་ཀྱིས་སྒྲུབ་པ་བྱས་ནས་ཞག་གསུམ་ནས་ང་དང་འདུ་འབྲལ་གཅིག་ཀྱང་མེད་པར་ཡོད་པ་ཡིན་ཏེ་ཁྱོད་རང་གིས་ལས་ངན་མ་དག་པ་དང་། མཐོང་ན་དགའ་བའི་རེ་བས་བཀག་པ་ཡིན་གསུངས་ནས་དེའི་དུས་སུ། <br />ཚད་མེད་ཡོངས་སུ་དག་པ་སྙིང་རྗེ་ཆེན་པོའི་སྐུ། །ཆོས་ཉིད་རྣམ་དག་གངས་རི་བལྟམས་བ་འདྲ། །སྐྱོན་བྲལ་རིན་ཆེན་པདྨ་བརྩེགས་པའི་གདན། །གདུང་པ་ཀུན་སེལ་ཟླ་བ་རྒྱས་པའི་སྟེང་། །རྡོ་རྗེ་སྐྱིལ་ཀྲུང་བཅས་ནས་བདུད་བཞི་མནན། །ཚད་མེད་འབྲས་བུ་ལོངས་སྤྱོད་རྫོགས་པའི་སྐུ། <br />།ལ་སོགས་པའི་གཙོ་འཁོར་གསུམ་གྱི་བསྟོད་པ་བྱས་པའོ། །དེ་ནས་སྔར་བསྙེན་པ་བསྐྱལ་བའི་གཤིན་རྗེ་གཤེད་དམར་པོ་དེ་ཞབས་གཡས་ཀྱིས་ཐག་མའི་རི་ལ་སླེབ་པ། གཡོན་པས་སྐྱེར་སྒང་གི་རི་ལ་མནན་པ། ཕྱག་གཡས་འཁོར་ལོ། གཡོན་སྡིགས་མཛུབ་ཐུགས་ཀར་མཛད་པ་དབུ་སྐྲ་ནམ་མཁའི་ཁམས་ཁྱབ་པ་གཅིག་ཞལ་གཟིགས་སོ། །དེ་ནས་ཁུ་བོའི་ཞལ་ནས་ཤོག་དང་གསུངས་ནས་ཕྱིན་པ་དང་། ཁྱོད་ཀྱིས་ཐུགས་རྗེ་ཆེན་པོ་དང་། གཤིན་རྗེ་གཤེད་གཉིས་ཞལ་མཐོང་འདུག་པས། ད་ཁམས་པ་རྣམས་ལ་ཉན་རྒྱུ་མེད། ཐོས་པ་བྱེད་པ་བས་སྒྲུབ་པ་བྱེད་པ་ཁེ་ཆེ་བས། ད་ལྟ་ལ་སྟོད་ན་ཚ་རི་སྒོམ་པ་བྱ་བ་བླ་མ་རས་ཆུང་པའི་གདམས་ངག་ལ་མཁས་པའི་གྲུབ་ཐོབ་ཅིག་འདུག་ཟེར་བས། ད་ཁྱོད་རང་དེ་རུ་སོང་དང་གསུངས་ནས་དར་ཡུག་དྲུག་དང་གསེར་ཞོ་གང་གནང་ནས་གཙང་དུ་ཕྱིན་པས། ཉི་མ་ཕྱེད་ཙམ་ནས་ལ་ཁ་ཞིག་ཏུ་སླེབ་ནས་ངལ་བསོས་པས། ཉི་མ་དྲོན་པོ་ཞིག་ལ་སེར་ཕྲན་ཞིག་བབས་པས། ཉི་མ་ཚ་ལ་སེར་བ་དྲག་པ་གཉིས་སྟབས་སྟབས་སུ་འཚོགས་བ་འདི་མཚར་སྙམ་པ་བྱུང་བ་དང་། ག་རེ་འདི་ཐམས་ཅད་རང་གི་སེམས་སུ་འདུག །སེམས་སྐྱེ་མེད་ཆོས་ཀྱི་སྐུ་རུ་འདུག་སྙམ་ནས། རང་སེམས་སྐྱེ་མེད་དུ་ལྷན་ཅིག་རྟོགས་པ་བྱུང་བས། ཕྱིས་ནས་ཀྱང་རྟོགས་པའི་ངོ་བོ་ལ་བོགས་འདོན་རྒྱུ་མ་བྱུང་ངོ་། <br />།དེ་ནས་ལ་སྟོད་དུ་བླ་མའི་བཞུགས་ས་བྲག་ཞིག་ལ་ཆུ་འགྲམ་དུ་ཕྱིན་པ་དང་། ཉེ་གནས་ཆུ་ལན་པ་དང་འཕྲད་པས། ང་ལ་ཕྱག་འཚལ་འདུག་པས་ཁྱོད་ང་ལ་ཕྱག་འཚལ་བ་སུ་དང་ནོར་བྱས་པས། ཁོ་ན་རེ། ད་ནང་བླ་མའི་ཞལ་ནས་དེ་རིང་དབུས་ནས་གྲུབ་ཐོབ་གཅིག་ང་ལ་འཕྲད་དུ་འོང་བ་ཡོད་པས་དེ་ཐོངས་ཅིག་གསུངས་པ་ཡིན། ད་ཁྱེད་དུ་འོང་བར་འདུག །གཞན་སུ་ལའང་མཇལ་ཀྱིན་མེད་པས་ད་གཤེགས་ཟེར་ནས་བྲག་ལམ་ཞིག་ལ་ཕྱིན་ནས། བླ་མ་ལ་དར་ཁ་གང་ཕུལ་ནས། ང་ལ་རྒྱགས་ཙམ་མེད་པས་བླ་མ་རས་ཆུང་བའི་གདམས་ངག་རྣམས་མྱུར་དུ་ཚར་བ་ཞིག་ཞུ་དགོས་བྱས་པས། ཁྱོད་ཀྱི་གསེར་དང་དར་ཡུག་ཟད་ཙམ་ན་ཚར་བར་བྱ་ཡི་གསུངས། ངས་བླ་མ་ལ་རྫུན་དེ་ཀ་ལས་ཟེར་མ་མྱོང་། དེ་ནས་གསེར་དང་དར་བཙོང་ནས། བདེ་མཆོག་ལྷ་བཅུ་གསུམ་དང་ཕག་མོ་ལྷ་བཅུ་གསུམ་ལ་སོགས་པའི་དབང་ཞུས་ནས་ལོ་གཉིས་ལ་གདམས་པ་རྣམས་ཚར་བར་གནང་ངོ་། །དེ་ནས་འོ་ཡུག་ན་བླ་མ་སྤེན་ཕུག་པ་ཆེན་པོ་བྱ་བ། ཇོ་བོ་རྗེའི་གསང་སྔགས་ཐམས་ཅད་ཀྱི་བཀའ་བབས་པ་ཞིག་ཡོད་ཟེར་ནས། བླ་མ་སྤེན་ཕུག་པ་ཆེན་པོ་དང་མཇལ་ནས་བདེ་མཆོག་ལ་སོགས་པའི་དབང་མང་དུ་ཞུས། ལོ་ལྔའི་བར་དུ་ཇོ་བོའི་གདམས་ངག་ཚར་བར་གནང་ནས། ཇོ་བོའི་ཌཱ་མ་རུ་གཅིག་དང་ཐུགས་དམ་རྣམས་གནང་ངོ་། །དེ་ནས་ཤངས་ཀྱི་ལྷ་ཕུ་ན་བླ་མ་རྨོག་ལྕོག་པ་བྱ་བ། སྒྱུ་ལུས་རྨི་ལམ་འབྱོངས་པས། འོད་གསལ་མངོན་དུ་གྱུར་པའི་བླ་མ་གྲུབ་ཐོབ་ཆེན་པོ་གཅིག་བཞུགས་ཟེར་བ་ཐོས་ནས། བླ་མ་དང་མཇལ་དུ་ཕྱིན་པས། ལམ་ཁར་ཕྱུག་པོ་གཅིག་གིས་གསང་ལམ་གྱི་ན་བཟའ་གཅིག་བསྐུར། དེའི་དགོང་མོ་ལ་རྩར་ཉལ་བས་མི་ནག་པོ་རས་ཀྱི་ཨང་རག་གྱོན་པ་ཞིག་བྱུང་ནས། ནང་པར་འགྲོ་བའི་ཡའུ་བཙལ་ནས་དགྲ་མི་ཡོང་བར་ཡོད་ཅིང་། ངས་ཁྱོད་ཀྱི་བྲན་བཞིན་ཉན་གྱིས་སུ་ཐོད་ཐོད་ལ་མ་བྱིན་ཅིག་ཟེར་ནས་མི་སྣང་བར་སོང་ངོ་། །དེ་ནས་ལ་ལ་ཟླ་བོ་མང་དུ་བྱུང་། སྐུང་ལུང་དུ་བླ་མ་དང་མཇལ་དུ་ཕྱིན་པས་བླ་མའི་ཞལ་ནས། མདང་མི་ནག་པོ་གཅིག་བསུར་མ་བྱུང་ངམ་གསུངས། བྱུང་ལགས་བྱས་པས། དེ་མགོན་པོ་ཡིན་ཁྱོད་ཀྱི་བྲན་བཞིན་འོང་བར་འདུག་གོ་གསུངས་སོ། །དེ་ནས་མཚོན་ཆ་ཅན་གྱི་དབང་བསྐུར་མཛད་ནས་སྔོན་འགྲོ་དང་ཐབས་ལམ་གྱི་ཁྲིད་ཚར་བ་དང་། བླ་མའི་ཞལ་ནས། ཡེ་ཤེས་ཀྱི་མཁའ་འགྲོ་མ་ནི་གུ་མའི་ཆོས་དྲུག་ཆིག་བརྒྱུད་ཡིན་པས་འདི་ལྷག་མ་མ་ལུས་པ་ཞིག་ཁྱོད་ལ་སྟེར་དགོས། འདི་ལ་སྤྱིའི་དབང་བསྐུར་གཅིག་དང་སྒོ་སྒོའི་དབང་བསྐུར་རེ་ཡོད་པས། མིས་མ་ཚོར་བ་བྱེད་དགོས་གསུངས་ནས། དང་པོ་ཐབས་ལམ་གྱི་དབང་བསྐུར་ནས་མེ་རྒོད་གཏུམ་མོའི་ཁྲིད་རྐྱང་པས་ཞག་བདུན་ནས་རས་ཐུབ་པར་བྱུང་བ་དང་། ད་སྤྱིའི་དབང་བསྐུར་བྱེད་དགོས་གསུངས་ནས། ནམ་ཕྱེད་ནས་དབང་བསྐུར་བའི་དུས་སུ་བདེ་མཆོག་དང་། ཌཱ་ཀི་མ་ནི་གུ་མའི་ཞལ་མཐོང་། ཡང་སང་དགོང་སྒྱུ་ལུས་ཀྱི་དབང་བསྐུར་རྐྱང་པས་སྒྱུ་མའི་ཉམས་བཟང་པོ་བྱུང་ནས། སྣང་བའི་བདེན་འཛིན་ཐམས་ཅད་ཞིག་ནས་སོང་ངོ་། །དེ་ནས་ཟླ་བ་བཅུ་གཉིས་ནས་རྨི་ལམ་གྱི་དབང་བསྐུར་ནས། རྨི་ལམ་བཟུང་བས། ཟིན་པ་དང་སྦྱོང་སྤེལ་ཤེས་པ་དུས་གཅིག་ལ་བྱུང་བས། བླ་མའི་ཞལ་ནས། དབང་པོ་རབ་ཏུ་གྱུར་པ་ལ། །ཟིན་དང་སྦྱོང་སྤེལ་མཉམ་དུ་འོང་། །བྱ་བ་ཡིན་གསུངས་ནས་ང་ལ་བསྟོད་ར་མང་པོ་མཛད་དོ། །དེ་ནས་རྨི་ལམ་གྱི་སྟོབས་ཆེན་པོ་བྱུང་བ་དང་། བླ་མའི་ཞལ་ནས། ངའི་ཉེ་གནས་དེ་ཚོང་དུས་སུ་ཇ་འདོན་དུ་སོང་པ་ཡིན་ཏེ་ད་རུང་མ་བྱུང་། ཁོ་ལ་དགྲ་བྱུང་བ་ཡིན་ནམ་དོ་ནུབ་རྨི་ལམ་ཟུངས་ལ་ལྟོས་ཤིག་གསུངས་པས། ནམ་ཕྱེད་ཚུན་ཆད་གསོལ་བ་བཏབ་ནས་ཐོ་རངས་རྨི་ལམ་བཟུང་ནས་ཕྱིན་པས། ཁོ་ཚོང་དུས་ནས་ཉི་མ་གཅིག་འོངས་བའི་ས་ན། ཇ་སིག་མགོ་ཆགས་གཅིག་ལ་སྔས་གཏད་ནས་འདུག །ཇ་སིག་ནང་ན་རེ་བས་གཏུམས་པ་གཅིག་འདུག་ནས། ནང་པར་བླ་མའི་སྤྱན་སྔར་ཕྱིན་ནས་ཉེ་གནས་ཀྱིས་ཇ་ལོན་ནས་ཇ་སིག་ནང་ན་རེ་བས་གཏུམས་པ་གཅིག་ཀྱང་གདའ་ཞུས་པས། བླ་མའི་ཞལ་ནས་རེ་བས་གཏུམས་པ་དེ་ཏིག་ཅུག་གཅིག་རེ་བས་གཏུམས་ནས་འདུག་པས། ད་རུང་བོང་བུ་འ་མོ་ཀ་རྒན་པར་འདུག་པས་སྒོམས་ཤིག་གསུངས་སོ། །དེ་ནས་ཟླ་བ་བདུན་གྱི་མཚམས་བྱས་ནས་རྨི་ལམ་གྱི་འདུན་པ་རྩེ་གཅིག་ཏུ་བཏང་བས། ཉིན་པར་སྒྱུ་མའི་རྟོགས་པ་རང་ཤར་དུ་བྱུང་། མཚན་མོ་རྨི་ལམ་བཟུང་ནས་ཨོ་རྒྱན་དུ་ཕྱིན་ཏེ། སློབ་དཔོན་ལྭ་བ་པ་ལ་ཚིག་བསྡུས་ཞུས། ཌཱ་ཀི་མ་སེང་གེའི་གདོང་ཅན་ལ་དེ་ཉིད་གསུམ་གྱི་རྫོགས་རིམ་དང་རྩ་བ་བཅུ་པའི་གདམས་ངག་ཞུས། ཡང་རྨི་ལམ་བཟུང་ནས་རྒྱ་གར་ལྷོ་ཕྱོགས་སུ་སློབ་དཔོན་ཕྱོགས་ཀྱི་གོ་ཆ་ལ་ཕྱི་ནང་གསང་གསུམ་གྱི་རྟེན་འབྲེལ་ཞུས། ཡང་པོ་ཊ་ལར་ཕྱིན་པས་སྒྲོལ་མ་གཙོ་འཁོར་གསུམ་ཞལ་མཐོང་། སྒྲོལ་མའི་ཞལ་ནས། <br />སྒྱུ་ལུས་བདེན་མེད་གནད་ཡིན་ཨ་འཐས་ཤིག །རྨི་ལམ་འདུན་པའི་གནད་ཡིན་ལམ་དུ་ཁྱེར། །འོད་གསལ་མོས་གུས་གནད་ཡིན་གསོལ་བ་ཐོབ། །གཞན་དོན་སྙིང་རྗེའི་གནད་ཡིན་ཕྱོགས་འཛིན་སྤོངས། <br />།ལ་སོགས་པའི་ཆོས་མང་པོ་གསུངས་སོ། <br />།དེ་ནས་བླ་མ་ལྷ་རྗེའི་མཆོད་པའི་དུས་སུ་ལྷ་བཞིའི་མདུན་བསྐྱེད་དང་བདག་བསྐྱེད་གཉིས་ཀྱི་དབང་གནང་ནས། ཞག་ཉི་ཤུ་རྩ་གཅིག་བསྒྲུབས་པས་སྤྱི་བོའི་སྟེང་ན་ཉིན་མཚན་མེད་པར་བཞུགས་པ་ཞལ་མཐོང་བས། བླ་མའི་ཞལ་ནས་ད་ཡི་དམ་ནི་རྒྱུན་ཆད་མེད་པར་མཐོང་ནས་འདུག །རྨི་ལམ་གྱི་སྟོབས་ནི་ཆེན་པོ་བྱུང་འདུག་པས། ད་མཚོན་ཆ་ཅན་གྱི་གྲྭ་བ་སོ་མ་རྣམས་ཀྱི་ཆོས་སྒོ་འབྱེད་པ་བྱེད་དགོས། ཁྱོད་ང་ལ་མོས་པ་འདུག་གསུངས་སོ། །དེ་ནས་དབྱར་གཅིག་ཆོས་སྒོ་ཕྱེས། ཐུགས་རྗེ་ཆེན་པོའི་སྒྲུབ་ཐབས་བཤད་པས་དགེ་སྦྱོར་གྱི་སྟོབས་ཀྱང་ཆུང་དུ་སོང་། འདུ་འཛི་ཆེས་པས་སོ་ཡང་མ་བསོད་པར་བྱུང་ནས། ཆོས་སྒོ་འབྱེད་པ་དེ་བཤོལ་ནས་མཚམས་དམ་པོ་བཅད་ནས་བསྒོམ་ཀྱང་། དགེ་སྦྱོར་དེ་ཡུན་རིང་པོ་སོར་ཚུད་དུ་མ་གཏུབ་པས། ད་དག་པའི་ས་གསུམ་ལ་མ་སླེབ་བར་མི་ཟས་དང་། གཞན་དོན་ཀྱང་བྱེད་མི་གཏུབ་པར་འདུག་སྙམ་པ་བྱུང་བ་དང་། ཐུགས་རྗེ་ཆེན་པོ་བྱོན་ནས། <br />འདུ་འཛི་གཡེང་བ་བདུད་ཀྱི་བར་ཆད་ཡིན། །ཆགས་སྡང་སྣ་ཚོགས་གྲོགས་སུ་མ་འཆར་བར། །རྐྱེན་ངན་དབེན་པའི་དགོན་པ་རྟག་ཏུ་བསྟེན། །ཚེ་ལ་ལོང་མེད་འཆི་བ་བསམ་པར་རིགས། <br />།ཞེས་གསུངས་སོ། །དེ་ནས་དགེ་སྦྱོར་སོར་ཆུད་པ་དང་། ཚེས་བཅོ་ལྔའི་ཉི་མ་ཤར་མ་ཐག་ལ། དགྱེས་རྡོར་མཚོན་ཆ་ཅན་ལྷ་བཅུ་གསུམ་གྱི་དཀྱིལ་འཁོར་སྐུ་རི་བོ་ཙམ་ཡོད་པ་ཞལ་མཐོང་། དེ་ནས་ཉི་ཤུ་གཉིས་ལ་རྨི་ལམ་བཟུང་ནས་དཔལ་འབྲས་སྤུངས་སུ་ཕྱིན་པས་རྒྱུད་སྡེ་ལྔའི་ལྷ་ཚོགས་རྣམས་ཀྱི་ཞལ་མཐོང་ནས་ཐམས་ཅད་གསུང་གཅིག་ཏུ་འདི་སྐད་གསུངས་སོ། <br />།དབང་བཞི་མ་རྫོགས་སྨིན་པར་ག་ལ་ནུས། །དབྱེར་མེད་བསྐྱེད་རིམ་མ་སྒོམ་གྲོལ་མི་སྲིད། །ཐོབ་འདོད་རེ་བས་འབྲས་བུ་མི་འབྱིན་པས། །རང་གྲོལ་རང་ཤར་སྐུ་གསུམ་དབྱེར་མེད་པས། <br />།ཞེས་ལན་གསུམ་གསུངས་པས། ཅིར་སྣང་ཐམས་ཅད་བསྐྱེད་རྫོགས་དབྱེར་མེད་དུ་རྟོགས་སོ། །དེ་ནས་མཚམས་བཀྲོལ་བ་དང་། ནུབ་གཅིག་རྨི་ལམ་ན། ཡི་གེ་ཨ་གཅིག་གིས་གསུས་པ་ཕར་ཐལ་ཚུར་ཐལ་དུ་ཕུག་པ་དང་། ཟུག་རྔུ་ཆེན་པོ་བྱུང་། ཡང་ལྕི་བ་དང་རི་ལ་འབུ་དབང་མེད་དུ་ཟ་དགོས་པ་གཅིག་རྨི་བ་དང་། ནང་པར་བླ་མའི་གསུངས་མ་ཆོག་པར་ཕྱུག་པོ་གཅིག་གི་བསྙེན་བསྐུར་ལ་ཕྱིན་པ་དང་། དེའི་དགོང་མོ་ལུས་པོ་ཐམས་ཅད་གཤག་གཏུབ་བྱས་པ་བཞིན་ན་ནས། སྨན་དང་རིམ་གྲོ་གང་གིས་ཀྱང་མ་ཕན་པར་ཤི་ལ་ཐུག་པ་དང་། ཐོ་རངས་སྒྲོལ་མ་དཀར་མོ་བྱོན་ནས། ཁྱོད་ཀྱི་ན་བ་འདི་སྐུ་གླུད་ཟོས་པས་ལེན་པ་ཡིན། དེ་གཞན་གྱིས་ཀྱང་མི་ཕན་པས་བྲུལ་གཏོར་ཐོངས་ཤིག །དེས་དམྱལ་བའི་ལས་ཞི་དེ་ལས་གྲོལ་བར་འགྱུར་རོ། །གསུངས་ནས་བྲུལ་གཏོར་བཏང་བས་ནད་དྲག་པོ་སོས་སོ། །དེ་ནས་བྲུལ་གཏོར་ཁོ་ན་ལ་མོས་ཤིང་ཡིད་ཆེས་པར་བྱུང་ངོ་། །དེ་ནས་བླ་མ་ལ་རྒྱུད་སྡེ་ལྔའི་དབང་ཞུས་ནས་དགྱེས་རྡོར་དང་། དགྲ་ནག་དང་། འཇིགས་བྱེད་དང་། རྒྱུད་སྡེ་ལྔའི་སྒྲུབ་ཐབས་དང་། གདམས་པ་རྣམས་མ་ལུས་པར་ཞུས་ནས། ད་ནི་ཤེས་བྱའི་སྒྲིབ་པ་མ་དག་བར་དུ་སྒྲུབ་པ་ཞིག་བྱ་དགོས་སྙམ་ཙ་ན། ཉིན་གཅིག་རྟ་པ་སུམ་བརྒྱ་ཙམ་བྱུང་ནས། ཁུ་བོ་འབའ་ཚད་མ་བ་གྲོང་པས་གདན་ས་ལ་འགྲོ་དགོས་ཟེར་ནས་བྱུང་བས། ང་མི་འགྲོ། ཁྱོད་རང་རྣམས་གདན་ས་གཞན་ལ་འཆོས། ད་ང་མ་ཤིའི་རིང་ལ་སྒྲུབ་པ་ཞིག་བྱེད་པ་ཡིན་བྱས་པས། བླ་མས་དམ་ཚིག་ལ་བསྒྲེས་ནས། ཁུ་བོའི་གདན་ས་གྱིས། དགེ་སྦྱོར་འཕེལ་བར་འོང་གིས། ཡེ་ཤེས་མགོན་པོ་ཕྱག་དྲུག་པ་བྲན་བཞིན་དུ་ཉན་པའི་བཀའ་བསྒོ་གནང་། བུ་འདི་རུ་མ་འདུག་དབུས་སུ་སོང་། མགོན་པོ་འདི་བྲན་བཞིན་དུ་ཉན་པར་འདུག་ཅིག་གསུངས་ནས། དེའི་དུས་སུ་སྐྱེར་སྒང་དུ་འོངས་ནས། སྐུ་འབུམ་གཅིག་བཞེངས་ནས་གདན་ས་བྱས། ད་དགོན་པ་འདི་ལ་ལྕགས་རི་གཅིག་བྱ་དགོས་སྙམ་པ་དང་། གར་དགོས་སུ་ས་སྤུངས་ནས་བྱུང་བ་དང་། རྨང་གཏིང་བས་ཡུལ་བས་དགག །དེ་ལ་མ་དགའ་བ་ཞིག་བྱུང་སྟེ། བླ་མའི་ཞལ་ནས་ཆོས་སྐྱོང་འདི་བྲན་བཞིན་དུ་ཉན་པར་འདུག་ཅིག་གསུངས་པ་ཡིན་ཏེ། ད་ལྕགས་རི་ཡང་དོན་མེད་པར་ཁོང་ཚོས་བཅག་ནས་མེད་དོ་ཟེར་བ་གཅིག་ཁ་ནས་ཤོར། དེའི་དགོང་མོ་ལྕགས་རི་བཅོག་པའི་མི་ཚང་མང་ཚད་ཅིག་ཤི་ནས་ནང་པར་བབས་བྱས། ང་ཡང་འགྱོད་ནས་བདུན་ཚིགས་བྱས་སོ། །དེ་ནས་ད་ནི་འདུ་འཛི་ལ་གཡེངས་ནས་འགྲོ་བར་འདུག་སྙམ་ནས་ཁུ་བོའི་ཟླ་མཆོད་མ་གཏོགས་པ་མཚམས་དམ་པོ་བྱས་ཏེ། གཉིད་ཙམ་མ་ལོག་པར་དགོངས་མོ་ས་རུབ་ནས་ནམ་མ་ལངས་བར་ལ་སྐུ་འབུམ་ལ་བསྐོར་བ་བྱས། ཉིན་པར་ཉལ་ས་ལས་མ་གཡོས་པར་དགེ་སྦྱོར་གཅིག་པོ་བྱས་པས་རྨི་ལམ་དང་འོད་གསལ་གྱི་སྟོབས་ཆེན་པོ་བྱུང་ནས། ནུབ་གཅིག་རྨི་ལམ་བཟུང་ནས་མཆོད་རྟེན་དཔལ་ཡོན་ཅན་ལྟར་ཕྱིན་པས་རིན་པོ་ཆེ་སྣ་ཚོགས་ལས་གྲུབ་པའི་ཞལ་ཡས་ཁང་ན། ཤེལ་གྱི་མཆོད་རྟེན་སངས་རྒྱས་ཀྱི་རིང་བསྲེལ་མ་ག་ཏའི་བྲེའི་ཁལ་གཅིག་བྲེ་བདུན་བཞུགས་པ་འོད་ཟེར་སྣ་ལྔ་ཕྱོགས་བཅུར་འཕྲོ་བ་འོད་ཟེར་གྱི་སྣ་ལ་མཆོད་པའི་ལྷ་མོ་དཔག་ཏུ་མེད་པ་བྱུང་ནས་མཆོད་པ་འབུལ་བ། གཞལ་ཡས་ཁང་གི་ནང་ཐམས་ཅད་རྒྱུད་སྡེ་ལྔའི་ལྷ་ཚོགས་མང་པོ་རིམ་པ་བཞིན་དུ་བཞུགས་པ། དེའི་ཕྱི་རིམ་ལ་ལྷ་དང་ཀླུ་དང་གནོད་སྦྱིན་དང་དྲི་ཟའི་ཚོགས་ཀྱིས་མཆོད་པ་འབུལ་བ་འདི་ལྟ་བུ་ཞིག་འདུག་ནས། ངས་ཀྱང་སྐད་ཅིག་ལ་ཕྱི་ནང་གསང་གསུམ་གྱི་མཆོད་པ་དཔག་ཏུ་མེད་པ་སྤྲུལ་ནས་ཕུལ་བ་དང་། ཌཱ་ཀིའི་ཚོགས་ཐམས་ཅད་མགྲིན་གཅིག་ཏུ་རིགས་ཀྱི་བུ་དེ་ལྟ་བུའི་མཆོད་པ་ནི་ཨེ་མ་ཧོ་ལན་གསུམ་གསུངས་པ་དང་། གསང་སྔགས་ཀྱི་ལྷ་ཚོགས་རྣམས་ཀྱི་ཐུགས་ཀ་ནས་འོད་ཟེར་བྱུང་ནས་རིགས་ཀྱི་བུ་ཚུར་ཤོག་དབང་བསྐུར་བར་བྱའོ་གསུངས་ནས། དབང་བཞི་རྫོགས་སུ་བསྐུར་བ་དང་། ལྷ་དབང་བསྐུར་བ་དང་། བདག་དང་མཆོད་པའི་ཚོགས་ཐམས་ཅད་ཀྱང་སྐྱེ་འགགས་དང་བྲལ་བའི་ཟུང་འཇུག་ཕྱག་རྒྱ་ཆེན་པོ་རྟོགས་ནས། <br />རིན་ཆེན་བརྩེགས་པའི་གཞལ་ཡས་ཁང་། །རྟེན་ཡོངས་སུ་དག་པའི་མཆོད་རྟེན་ལ། །རྒྱལ་བ་བདུན་གྱི་རིང་བསྲེལ་བཞུགས། །ཡིད་ཀྱིས་སྤྲུལ་པའི་མཆོད་པ་འབུལ། །དེ་ཡང་དམིགས་མེད་སྒྱུ་མའི་ཉམས། །ཟུང་འཇུག་ཕྱག་རྒྱ་ཆེན་པོར་རྟོགས། <br />།ཞེས་བྱ་བ་ལ་སོགས་པའི་མགུར་དེ་བླངས་སོ། །ཡང་རྨི་ལམ་བཟུང་ནས་པོ་ཏ་ལར་ཕྱིན་པས། རིན་པོ་ཆེ་ལས་གྲུབ་པའི་མཆོད་རྟེན་ལྟ་བུའི་སྟེང་ན། ཐུགས་རྗེ་ཆེན་པོ་གཙོ་འཁོར་གསུམ་པོ་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ་འོད་ཀྱི་རང་བཞིན་ཅན་ཏུ་བཞུགས་ནས་འདུག །ཁྲི་འཕང་རྣམས་ལ་ཐུགས་རྗེ་ཆེན་པོ་ཁ་སར་པཱ་ཎི་བྱིས་པ་ལོ་བརྒྱད་ལོན་པའི་ན་ཚོད་ལྟར་བཞུགས་ནས། ཆོས་ཀྱི་ཞུ་བ་པོའི་ཚུལ་མཛད་དེ། <br />ལྷ་ཀླུ་གནོད་སྦྱིན་དྲི་ཟ་རྣམས། །སྐྱོན་བྲལ་ཐུགས་རྗེ་ཆེན་པོའི་སྐུ། །ཐེག་ཆེན་ཆོས་རྣམས་སྟོན་པར་འགྱུར། །གང་མོས་དོན་རྣམས་དྲི་བར་བྱོས། <br />།ཞེས་གསུངས་པ་དང་། རི་རབ་ཀྱི་འོག་ནས་པདྨའི་སྡོང་པོ་ལ་ལྷ་དང་ཀླུ་དང་གནོད་སྦྱིན་དང་དྲི་ཟའི་ཚོགས་ལག་ན་མཆོད་པ་དཔག་ཏུ་མེད་པ་ཐོགས་ནས་འཁོད་དེ་རང་རང་གི་སྐད་ཀྱིས་ཁ་སར་པཱ་ཎི་ལ་ཞུས། ཁ་སར་པཱ་ཎིས་གཙོ་འཁོར་གསུམ་ལ་ཞུས་པ་དང་། ཐུགས་རྗེ་ཆེན་པོས་རང་རང་གི་སྐད་དུ་སྐྱེ་གནས་སྦྱོང་བ་དང་། གསང་སྒྲུབ་གསུངས་སོ། །དེ་ནས་གཙོ་འཁོར་གསུམ་པོ་བཅུ་གཅིག་ཞལ་དུ་གྱུར་ནས། དེའི་གནས་གསུམ་ནས་འོད་ཟེར་གསུམ་བྱུང་ནས་བདག་གི་གནས་གསུམ་དུ་ཕོག་པས། བདག་ཀྱང་ཐུགས་རྗེ་ཆེན་པོའི་སྐུར་གྱུར་པ་དང་། བཅུ་གཅིག་ཞལ་གྱིས་དུག་སྦྱོང་བའི་གདམས་ངག་དང་། གཟུངས་རིང་གི་བཟླ་ཐབས་དེ་གསུངས་ནས། པོ་ཏ་ལའི་གཟུངས་ཟུངས་ཤིག །དེ་མཐོང་ཚད་ངན་སོང་ལས་ཐར་ཐུགས་རྗེ་ཆེན་པོ་ཐོབ་པར་འགྱུར་རོ་གསུངས་སོ། <br />།ཡང་མདོ་བོ་ན་བླ་མ་ལྷོ་པས་བདེ་མཆོག་གི་དབང་བསྐུར་བྱེད་ཅིང་ཡོད་ཟེར་ནས་རྨི་ལམ་བཟུང་ནས་ལྟར་ཕྱིན་པས། བླ་མ་ལྷོ་བ་དེ་ཧེ་རུ་ཀ་ཞལ་གཅིག་ཕྱག་བཅུ་གཉིས་པར་གྱུར་ནས་བུམ་པ་བཟུང་ནས་སློབ་མ་རྣམས་ལ་བདེ་མཆོག་དངོས་ཀྱི་དབང་བསྐུར་ནས་འདུག་པ་ལ། ད་ལྟ་བོད་ན་བདེ་མཆོག་དངོས་ཀྱི་དབང་བསྐུར་བ་ལྷོ་པ་ལས་མི་འདུག་གསུངས་སོ། །ཡང་དུང་རུང་སྒང་པས་དབང་བསྐུར་བྱེད་ཀྱིན་ཡོད་ཟེར་ནས། དངོས་བཞིའི་སྲོད་ལ་རྨི་ལམ་བཟུང་ནས་བལྟས་པས། གཞི་དེའི་ཀླུ་སྲིན་མོ་གཅིག་གིས་གཏོར་མ་ཟོས་ནས་རང་བྱུང་གི་ཁྲག་སྙིང་ཁར་བྱུགས་པས་སློབ་མ་ཐམས་ཅད་འཐབས་པས་རྨས་མ་མང་པོ་བྱུང་ནས། ནང་པར་དུང་རུང་སྒང་པ་ནམ་ལངས་མ་ཐག་ངའི་གམ་དུ་བྱུང་བ་ལ། དགེ་བཤེས་དབང་བསྐུར་ཉེས་སམ་བྱས་པས་མདང་འཐབ་མོ་མང་དུ་བྱུང་ཟེར་བས། གཏོར་མ་མི་ཐུབ་པར་དབང་བསྐུར་བྱེད་པ་ག་ན་འོང་། ཁྱེད་རང་གི་གཞི་དེའི་ཀླུ་སྲིན་མོ་དེས་བར་ཆད་བྱེད་ཀྱིན་འདུག་པ་ཡིན། ད་ངས་རྟེན་འབྲེལ་བྱས་ལ་ཚེ་སྲིངས་ཤིག་བྱས་ནས་མར་མེ་སྦར་བ་གཅིག་ཁོ་ལ་གཏད་ནས་འདི་ཁྱེར་ལ་དགོན་པར་ཤད་ཀྱིས་སོང་ལ་བཤགས་པ་གྱིས་ཤིག་བྱས་ཙ་ན། ལམ་ཁར་ཇ་འཐུང་ཞིང་བསྡད་པས་ལམ་ཁར་མར་མེ་ཟད་ནས། ཁོ་ཡར་སླེབ་མ་ཐག་བཤགས་པ་བྱ་ལོང་མེད་པར་ཁྲག་སྐྱུགས་ནས་ཤི་འདུག་པས། དབང་བསྐུར་དུས་བགེགས་སྐྲོད་པ་དང་། ཆོས་སྐྱོང་ལ་བཀའ་བསྒོ་བ་གལ་ཆེ་བར་འདུག་གོ། དེ་ནས་དགོང་གཅིག་འབུམ་པ་ལ་བསྐོར་བ་བྱེད་ཅིང་ཡོད་པའི་དུས་སུ་ནམ་མཁའ་ལ་འོད་ཆེན་པོ་ཞིག་བྱུང་ནས་བལྟས་པས། དྲང་སྲོང་རཱ་ཧུ་ལ་མགོ་དགུ་པ་ལག་ན་མདའ་གཞུ་ཐོགས་པ། མགོ་ལུས་ཐམས་ཅད་མིག་གིས་གང་བ། ཁ་ནས་གློག་འཁྱུག་པ། སྐུ་མདོག་དུད་ཁ་ཡོད་པ་ལྷ་མ་སྲིན་སྡེ་བརྒྱད་ཀྱིས་བསྐོར་བ། ནམ་མཁའ་ཁེངས་པ་ཤིན་ཏུ་འཇིགས་པ་ཆེ་བ་ཞིག་མཐོང་ནས། ཇོ་བོ་དཀོན་མཆོག་གསུམ་པོས། སེམས་ཅན་ཐམས་ཅད་དྲང་སྲོང་གི་འཇིག་པ་ལས་བསྐྱབ་ཏུ་གསོལ་བྱས་པས། རཱ་ཧུ་ལའི་གཡོན་དུ་ལྷ་མོ་དཀར་མོ་ཞིག་བྱོན་ནས། <br />བུ་ཁྱོད་རང་གི་སེམས་ལ་ལྟོས། །འཇིགས་པས་རང་སེམས་བདུད་དུ་བབས། །ལུས་ཀྱི་གཅེས་འཛིན་གཏིང་ནས་སྤོངས། །སྣང་སྟོང་སྒྱུ་མ་གཟུགས་བརྙན་ལ། །ཅི་ཕྱིར་འཇིགས་དང་སྐྲག་པར་བྱེད། །གཞན་ཕན་གསོལ་བ་འདེབས་པ་དེ། །ལེགས་པར་བསྟན་གྱིས་གུས་པས་ཉོན། <br />།ཙནྡན་གོ་ཤིར་ཤའི་སྣག་ཚ་ལ། དེ་བཞིན་གཤེགས་པ་ཀླུ་དབང་གི་རྒྱལ་པོ་ལ་ཕྱག་འཚལ་ལོ་ལ་སོགས་པ་དེ་བཞིན་གཤེགས་པ་བཞིའི་མཚན་བྲིས་ལ་ལུས་ལ་ཐོགས་ཤིག །དྲང་སྲོང་གི་འཇིགས་པ་ལས་སྐྱོབ་པར་འགྱུར་རོ་གསུངས་ནས་མི་སྣང་བར་གྱུར་ཏོ། །དེ་ནས་ཟླ་བ་གཅིག་ནས་ཏི་སེ་ནས་རི་པ་སུམ་བརྒྱ་བྱུང་ནས། ཆོས་རྗེ་གྲོང་ཟེར་ནས་འོང་པ་ཡིན་ཏེ། ལ་ལ་ན་རེ་མ་གྲོང་ངམ་ཡང་ཟེར། དོ་ནུབ་རྨི་ལམ་བཟུང་ནས་གཟིགས་པར་ཞུ་ཟེར་བས། ད་ལྟ་རང་བླ་ཡེ་ན་འབུལ་བ་ལེན་ཆོས་བཤད་ཅིང་འདུག་པ་ཡིན་ཏེ་བྱས་པས། ཁོང་རྣམས་ལྐོག་ཤུབ་བྱེད་ཅིང་། གྲུབ་ཐོབ་ཡིན་ཉན་ཡོད་རྟོགས་ལྡན་དུ་མི་འདུག་སྔགས་འདི་ཙམ་འདྲེན་ཅིང་འདུག །ད་རེས་ཁོང་གི་མངོན་ཤེས་ཐོག་ཏུ་ཕེབས་ན་རང་རེ་ཐམས་ཅད་ཐུགས་རྗེ་ཆེན་པོ་ཞུ་དགོས་ཟེར་ཅིང་འདུག །དེ་ནས་ངས། རྩ་གང་ཡིན། མདུད་པ་གང་ཡིན། གྲོལ་བ་གང་ཡིན། གྲོལ་བའི་དགོས་པ་གང་ཡིན། ཙནྡན་གོ་ཤིར་ཤ་གཅིག་ཀྱང་བསྐུར་བ་ཞུ་བྱས་ནས། རི་པ་རྣམས་ལ་ཡི་གེ་བསྐུར་བས། བླ་མ་འབྲི་གུང་པས། གཡུ་ཁང་དུ་དབུ་ཆེ་རྣམས་བསགས་ནས་ཡིག་ལེན་ཇི་སྐད་བསྐུར་བྱས་པས་མ་མཐུན་ཏེ། བླ་མ་རང་གིས་རྩ་ཉོན་མོངས་པ་མདུད་པ་དུག་གསུམ་གྱི་རྟོགས་པ། གྲོལ་བ་ཉོན་མོངས་པ་ལས་གྲོལ་བ། དགོས་པ་དོན་གཉིས་མཐར་ཕྱིན་པའོ་བྱས་པ་དང་། ཙནྡན་དང་། ཟི་པོལ་དང་། གོས་ཆེན་མང་པོ་བསྐུར་ནས་བྱུང་ངོ་། །དེ་ནས་བླ་མ་སོག་པ་དང་། རི་པ་མང་པོས་ཐུགས་རྗེ་ཆེན་པོ་ཞུས་ནས། ཁོང་རྣམས་ཀྱི་ཚེའི་སྟོད་སྨད་ལ་ཇི་ལྟར་བྱུང་བ་དང་། མ་འོངས་པ་རྣམས་བཤད་དེ། ཐུགས་རྗེ་ཆེན་པོ་ལོ་གསུམ་བསྒྲུབ་པར་ཁས་བླངས་སོ། །དེའི་རྗེས་ལ་འགའ་དང་རྒྱའི་རྒྱལ་པོས་བཟུངས་ཆུས་ཕན་ཐོགས་པའི་འབུལ་བ་ཡིན་ཟེར་ནས། དངུལ་བྲེ་གང་དང་། དར་ཟབ་དང་། གསེར་མང་པོ་གཞུང་མགྲོན་པ་ལ་བསྐུར་ནས་བྱུང་བ་དང་། དངོས་པོ་དག་པ་ཅི་བྱུང་ཐམས་ཅད་བླ་མ་ལ་བསྔོས་ནས་བསགས་པས་གཡུ་སུམ་ཅུ། སྣམ་བུ་སྟོང་། འབྲི་གཞོན་སུམ་ཅུ་སོ་དགུ། རྟ་བཅུ་གསུམ། སྣག་ཚའི་བཀའ་འགྱུར་རོ་ཅོག་དང་། གསེར་གྱི་ཉི་ཁྲི། ཇ་སིག་དང་། བེར་ཐུལ་དང་། དཀར་ཡོལ་ལ་སོགས་པ་དངོས་པོ་ཅི་ཡོད་ཐམས་ཅད་བླ་མའི་ཕྱག་ཏུ་འབུལ་དགོས་སྙམ་ནས། འབུལ་བ་སྐྱེལ་རོགས་བཙལ་བས་སྐྱེར་སྒང་པའི་གྲྭ་པ་རྙིང་པ་རྣམས་འཚོགས་ནས། འབའ་ཐམས་ཅད་མཁྱེན་པའི་གདན་ས་ནས། གཞན་དུ་འབུལ་བ་འདི་ཙམ་སྐྱེལ་བ་མི་འཐད་པས། རང་རེས་འབུལ་བ་སྐྱེལ་རོགས་མི་བྱེད་ཟེར་ནས་གྲོས་བྱས་པས། ཤངས་པ་ན་རེ་ཁོངས་རྣམས་ཁྲིམས་བྱས་ནས་འབུལ་བ་སྐྱེལ་རོགས་མི་བྱེད་པར་འདུག་པ་ད་ཅི་འཐད་ཟེར། ངས་དཀོན་མཆོག་ལ་གསོལ་བ་བཏབ་པ་ཡིན་ཏེ། འོ་ན་ཆོས་སྐྱོང་རང་གིས་སྒྲུབ་བམ་བྱས་པ་དང་། ཉི་མ་ཕྱེད་ཡོལ་ཙམ་ན་རལ་གུ་རང་ཕྲུག་གོན་པ། སྐེ་རག་དམར་རུའི་ཐོད་བཅིངས་པ་རྟ་ནག་ཞོན་པ་གཉིས་བྱུང་ནས། ཁྱེད་ལ་འབུལ་བ་སྐྱེལ་རོགས་མེད་ན་ཟླའུ་བཟང་པོ་འདུག་ཟེར་ནས། གང་ན་འདུག་བྱས་པས་འཕན་ཡུལ་པའི་ཚོངས་པ་མང་ཚད་གཅིག་དོ་ནུབ་མོན་འདྲ་ན་འདུག །སང་དགོང་སྒང་བུའི་གནས་སུ་འོང་བར་འདུག་ཟེར་རོ། །སང་དགོང་གཞོན་ཚུལ་གནས་སུ་བཏང་ཙ་ན། རྟ་ནག་ཞོན་པའི་མི་བདུན་མཛོ་ཕོ་མང་པོ་རོལ་དུ་ཁྲིད་ནས་བྱུང་བ་དང་། ཁྱེད་རྣམས་གར་འགྲོ་བྱས་པས་ཤངས་སུ་འགྲོ་ཟེར། འོ་ན་ངེད་ཀྱི་འབུལ་བ་སྐྱེལ་རོགས་དགོས་པས། སྐྱེར་སྒང་དུ་འདེངས་བྱས་པས་ཁྱེད་རང་གྲབ་གྱིས་ཤིག་ཟེར་ནས། ནངས་པར་ནམ་ལངས་མ་ཐག་ཏུ་མི་རྟ་རྣམས་བྱུང་ནས། ངེད་ཀྱི་མཛོ་ཕོ་འདི་རྣམས་ལ་ཁལ་ཁོལ། ཁྱེད་རང་གི་རྟ་ཐམས་ཅད་ལ་ཁལ་ཁོལ་ལ། ངེད་ཀྱི་རྟ་འདི་ལ་བླ་མ་ཆིབས་ཤིག་ཟེར་ནས་རྟ་གཅིག་བཏག །དེའི་དགོངས་མོ་བན་ལུང་དགོན་པར་བསྡད་དོ། །དེ་ནས་ཁོང་རྣམས་ཤོག་གུ་ལ་ལ་ཐག་ཉེ་སྟེ་འཇིགས་པ་ཆེ་བས་ཅི་ཙུག་འཐད་བྱས་པས། ཁྱེད་ཀྱི་རྐྱེན་འདི་ལས་ལྷག་པ་ངེད་ཀྱི་སྒྲོལ་ཕོད་འདི་ན་ཡོད་དོ། །ངེད་ཀྱི་སྐྱེལ་མ་ཐུག་འོང་ཅིག་ཟེར་རོ། །དེ་ནས་ལྷ་ཕུར་དགོང་ཀ་སླེབ་ཙ་ན་ཁོང་རྣམས་ན་རེ། དོ་ནུབ་ཕྱིན་ན་སྐུང་ལུང་སླེབ་པ་འདུག་སྟེ། དོ་ནུབ་མི་ཐོངས་ལ་འབུལ་བ་ལེན་དུ་ཤོག་གྱིས། སང་གྲོ་ལ་སླེབ་པར་འོང་ཅིག །ཁར་སང་ཁྱོད་ལ་འབུལ་བ་སྐྱེལ་རོགས་མི་འདུག་བ་བསུར་འོང་པ་ཡིན། དོ་ནུབ་དུར་ཁྲོད་མུན་པ་མི་བཟད་བ་བྱ་བ་ན། སློབ་དཔོན་དྷ་ན་སཾ་ཀྲྀ་ཏ་བྱ་བས་ཚོགས་འཁོར་བྱེད་པ་ཡོད་པས་ངེད་རྣམས་དེར་འགྲོ་བ་ཡིན་ཟེར་ནས་རྡུལ་འཚུབ་ཏུ་བྱས་ཏེ་མི་སྣང་བར་གྱུར་ཏོ། །དེ་ནས་ངས་ཤངས་པ་ལ་སྐྱེར་སྒང་པ་རྣམས་ལ་མ་བཤད་ཅིག །ཁོང་དཔོན་གཡོག་འདྲེས་ཁྲིད་པར་བྱས་སོ་ཟེར་འོང་བྱས། དེ་ནས་ནང་པར་བླ་མའི་སྤྱན་སྔར་ཕྱིན་ཙ་ན། བླ་མའི་ཞལ་ནས། དབོན་སྟོན་སྐྱེར་སྒང་པ་ཆོས་ཚུལ་བཞིན་དུ་གྱིས་དང་། དཔའ་བོ་དང་ཌཱ་ཀི་བྲན་བཞིན་དུ་ཉན་པར་འདུག་གི་བྱས་པ། ཁར་སང་རི་རབ་ཀྱི་ཟོམ་ན་གནས་པའི་མགོན་པོའི་འཁོར་རྣམས་ན་རེ། དབོན་སྟོན་ལ་འབུལ་བ་སྐྱེལ་རོགས་མི་འདུག་པས་བསུར་འགྲོ་བ་ཡིན་ཟེར་ནས་བསུར་སོང་བ་ཡིན་ཏེ་མ་བྱུང་ངམ་གསུངས་པ་ལ། བསུར་བྱུང་ལགས་ཞུས་པས། མདང་སློབ་དཔོན་དྷ་ན་སཾ་ཀྲི་ཏ་དང་། དྷརྨ་ཀ་ཤི་ཀའི་ཚོགས་འཁོར་ལ་འགྲོ་ཟེར་ནས་མི་སྣང་བར་ཐལ་བྱས་སོ། །དེ་ནས་བླ་མ་ལ་འབུལ་བ་བྱས་པའི་དགོང་མོ་གཏོར་དབང་གཅིག་མཛད་ནས། ལྷ་མོ་དང་འཁོར་བཞིའི་སྒྲུབ་ཐབས་དང་། ཉི་ཁྲོས་སེར་བ་དང་། གཤིན་རྗེ་ར་སྒྲོལ་ལ་སོགས་པའི་གནད་རྣམས་མ་ལུས་པར་གནང་ངོ་། །ཡང་དབང་བསྐུར་གསུམ་མཛད་ནས་སྣང་བ་ལ་བརྟེན་ནས། བླ་མ་ལམ་དུ་ཁྱེར་བ་དང་། ཡི་དམ་ལམ་དུ་ཁྱེར་བ་དང་། སྒྱུ་མ་ལམ་དུ་ཁྱེར་བ་དང་། ལམ་ཁྱེར་གྱི་ཆོས་གསུམ་དང་། གཞན་ཡང་ཟབ་ཆོས་ལྷག་མ་ཐམས་ཅད་མ་ལུས་པར་གནང་ནས་དབུ་བསྙུང་བཞེས་སོ། །དེ་ནས་མར་འོང་བའི་སྐྱེར་སྒང་དུ་སླེབ་པའི་དགོང་མོ་ཆུ་བདག་ཝ་རུ་ཎ་བྱུང་ནས། ཤིང་སྡོང་སྐམ་པོ་གཅིག་ལ་མེ་ཏོག་ལྔ་སྐྱེས་པ་གཅིག་འབུལ་དུ་བྱུང་། འདི་ཅིའི་བརྡ་ཡིན་བྱས་པས་རབས་ཆད་པོ་གཅིག་ལ་བུ་འོང་བའི་བརྡ་ཡིན་ཟེར། སང་ཕྱུག་པོ་འབུམ་རྡོར་གདན་འདྲེན་དུ་འོང་བར་ཡོད། ང་ལ་གཏོར་མ་བཟང་པོ་ཐོངས་ཤིག །ཁོ་ལ་སྤུན་ཟླ་ལྔ་འོང་བར་འགྱུར་རོ་ཟེར་ནས་མི་སྣང་བར་ཐལ། དེ་ནས་ནང་པར་ཕྱུག་པོ་འབུམ་རྡོར་རིགས་གཏད་དང་སྣ་ལེན་པ་ལ་འབྱོན་པར་ཞུ་ཟེར་ནས་ཕྱིན་ཏེ། ཕྱེ་ཁལ་བརྒྱ་ལས་བྱས་པའི་གྲུལ་གཏོར་གཅིག་བཏང་བས། གཏོར་མའི་མདུན་དུ་ཝ་རུ་ཎ་བྱུང་། ཤིང་སྡོང་སྐམ་པོ་གཅིག་ལ་མེ་ཏོག་སྐྱེས་པ་གཅིག་ང་ལ་ཕུལ་ནས་ཕྱུག་པོ་འདིས་གཏན་དུ་ཞབས་ཏོག་བྱས་ནས་བུ་མེད་ན་ང་ངོ་ཚ་བར་འདུག་ཟེར་ནས་མི་སྣང་བར་སོང་། དེ་ནས་དགོང་གཅིག་ཝ་རུ་ཎ་བྱུང་ནས་ཁོ་རང་གི་སྒྲུབ་ཐབས་ཕུལ་ནས་ད་ང་ལ་གཏོར་མ་བྱིན་ལ། བི་ན་ཡ་ཀའི་སྟེང་ན་ཀླུའི་ཡིད་བཞིན་ནོར་བུ་ཡོད་པས་འབུལ་བ་ཡིན་ཟེར་ནས་དེར་གཏོར་མ་བསྐྱལ་ནས་ཀླུའི་དངོས་གྲུབ་བླངས་པས། དེ་ལས་འཚོ་བ་ཐམས་ཅད་རྩོལ་མེད་དུ་བྱུང་བ་དང་གཞོན་ཚུལ་ན་རེ། རྡོ་འབྱོང་དེས་ཅི་ཡང་མི་གཏུབ་སྙམ་ཙ་ན། རྡོ་དེ་ལག་དུ་བྱུང་ནས་ཟས་ནོར་ཅི་ཡང་བྱུང་ཟེར་རོ། །ཡང་སྟོན་ཟླ་ལ་དབོན་པོ་གཞོན་བརྩོན་ཆོས་བཤད་ཀྱིན་འདུག་པས། ཀྵེ་ཏྲ་པཱ་ལ་དང་། ཝ་རུ་ཎ་གཉིས་ཀྱིས་ཁོའི་ཆོས་ཁྲི་བསྒྱེལ་ཅིང་འདུག་པ་དང་། དེ་བསྒྱེལ་བ་ཅི་ཙུག་ཡིན་བྱས་པས་ཝ་རུ་ཎ་ན་རེ། ཆོས་པ་བྱ་བ་བསམ་པ་བཟང་དགོས་པ་ཡིན་ཏེ། ཁོ་ཞེ་ནག་པར་འདུག་པས་བསྒྱེལ་བ་ཡིན་ཟེར་ཅིང་འདུག་པས། གཞོན་ཚུལ་ལ་ཤངས་པའི་ཆོས་གཅིག་ཀྱང་མ་བྱིན་པ་ཡིན་ནོ། །དེས་ན་ཆོས་པ་ལ་བསམ་པ་བཟང་དགོས་པ་ཡིན་སྙམ་པ་བྱུང་ངོ་། །ཡང་ཚེས་བརྒྱད་ཀྱི་སྔ་དྲོ་སྟོན་གཞོན་བརྩོན་གྱིས་གཏོར་མ་བཤམས་པས། ཝ་རུ་ཎ་བྱུང་ནས་སྣ་ཚ་གྲིབ་བྱུང་བས་གཏོར་མ་མི་འདོད་ཟེར་ནས། གྲིབ་ཅི་ལ་བྱུང་བྱས་པས། གཞོན་བརྩོན་གྱིས་ལག་པ་མི་གཙང་བར་འདུག་ཟེར་བས། ཁྲུས་དང་གཙང་སྦྲ་གལ་ཆེ་བར་འདུག་གོ། <br />།ཡང་དགུན་ཟླ་ར་བའི་ཚེས་བདུན་ཀྱི་དགོང་མོ་རྨི་ལམ་བཟུང་ནས། ཨོ་རྒྱན་དུ་ཕྱིན་པས། སློབ་དཔོན་པདྨ་དང་མཇལ་ནས་རྟ་མགྲིན་གྱི་སྒྲུབ་ཐབས་ཟབ་པ་གཅིག་ཞུ་དགོས་བྱས་པ་དང་། སྐད་ཅིག་ལ་སློབ་དཔོན་རྟ་མགྲིན་ཞལ་གསུམ་ཕྱག་དྲུག་པ་གཅིག་ཏུ་གྱུར་ནས། རྟ་སྐད་ཐེངས་གསུམ་བཏོན་པས་མ་མོ་ཌཱ་ཀི་ཐམས་ཅད་འདུས་ནས་རྟ་མགྲིན་གྱི་དབང་བསྐུར་རོ། །པདྨ་རྒྱལ་པོའི་ཞལ་ནས། ངས་རྟ་མགྲིན་གྱི་རྒྱུད་དང་སྒྲུབ་ཐབས་བརྒྱ་རྩ་བརྒྱད་ཀྱི་ནང་ནས་མཆོག་ཏུ་གྱུར་པ། རྟ་མཆོག་རོལ་པའི་རྒྱུད་ལས་བཏུས་པའི་གསང་སྒྲུབ་གཅིག་སྙེ་མོར་སྦས་ཡོད་པ་དེ་སྔགས་པ་གཅིག་གིས་ཐོན་ནས་ཡོད་པས་དེ་ཞུས་ཤིག །རྒྱལ་པོ་དཔེ་དཀར་དཀོར་འདྲེ་དང་འགོང་པོའི་ཚོགས་ཐམས་ཅད་དང་། ལྷ་མ་སྲིན་སྡེ་བརྒྱད་ཐམས་ཅད་འཇོམས་པར་བྱེད་དོ། །གསུངས་ནས་ལུང་བསྟན་པས་སྙེ་མོར་ཕྱིན་ནས་སྔགས་པ་ལ་གསང་སྒྲུབ་ཞུས་སོ། །དེ་ནས་རྨི་ལམ་བཟུང་ནས་པདྨ་ལ་ཞུས་པས་ལེན་གསུམ་གྱི་བར་དུ་གསུངས་ནས། ད་རུང་འཁོར་ལོ་མ་བྱིན་པར་འདུག་པས་ཞུས་ཤིག་གསུངས་སོ། །ཡང་ཉི་ཁྲི་དང་། བུར་སྟོང་གཅིག་དང་། རེ་སྣམ་གཉིས་རྣམས་ཁྱེར་ནས་ཞུས་པས་འཁོར་ལོ་གནང་ངོ་། །དེའི་ཚེས་བཅོ་བརྒྱད་ལ་ལྷ་སར་ཕྱིན་པས། བོང་ང་རིར་ཐུགས་རྗེ་ཆེན་པོ་བཅུ་གཅིག་ཞལ་མཐོང་བས་ནམ་མཁའ་ཐམས་ཅད་འོད་ཀྱིས་ཁེངས་པར་བྱུང་བ་དང་། ཡང་རྩ་ཞལ་ལས་འོད་ཁ་དོག་མི་འདྲ་བ་ཉི་ཤུ་རྩ་གཅིག་བྱུང་བ་དང་། ངེད་དཔོན་གཡོག་ཉི་ཤུ་རྩ་གཅིག་ལ་ཕོག་པ་དང་དུས་དེ་ཉིད་དུ་ཏིང་ངེ་འཛིན་བཟང་པོ་རྒྱུད་ལ་སྐྱེས་སོ། །དེའི་དགོང་མོ་འཕྲུལ་སྣང་དུ་བྱ་ཡུལ་བ་འགས་རིག་གཏད་ཞུས་པའི་རྗེས་ལ། བཅུ་གཅིག་ཞལ་གྱི་བཞད་ཞལ་ནས་འོད་ཟེར་བྱུང་ནས་འཕྲུལ་སྣང་ཐམས་ཅད་འོད་ཀྱིས་ཁྱབ་པར་གྱུར་ཏོ། །དེ་ནས་བཅུ་གཅིག་ཞལ་གྱི་དབང་བསྐུར་ནས་སྒྲུབ་ཐབས་གསུངས་པ་རྣམས་དུས་དེ་ཁོ་ནར་དགེ་བཤེས་གྲགས་ཡེས་ཀྱིས་ཡི་གེར་བཀོད་དོ། །ཡང་དེའི་ཐོ་རངས་ལ་ཇོ་བོ་ཤཱཀྱ་ཐུབ་པ་ལ་ཡན་ལག་བདུན་པ་གཅིག་ཕུལ་ནས་བྱང་ཆུབ་ལྟུང་བཤགས་གཅིག་བཏོན་ཙ་ན། ལྕགས་ཀྱི་དྲྭ་སྒོའི་སྟེང་ན་སུ་ཁ་མ་སིདྡྷི་ལོ་བཅུ་དྲུག་ལོན་པ་ན་ཚོད་ཤིན་ཏུ་གཞོན་པ་སྐུ་མདོག་དཀར་བ་དབུ་སྐྲ་སིལ་མས་སྐུ་རྒྱབ་ནོན་པ། ཕྱག་གཡས་རྣམ་ཐར་སྒོ་གསུམ་མཚོན་པ། གཡོན་པས་སྡིག་མཛུབ་ཐུགས་ཀར་མཛད་དེ། རིགས་ཀྱི་བུ་ཉོན་ཅིག <br />།ནམ་མཁའ་རིག་མེད་སྟོང་པ་ལ། །རིག་བཅས་སེམས་ཀྱི་རྩ་བ་གཅུན། །རྩ་བ་གཅུན་ལ་ལྷུག་པར་ཞོག <br />།གསུངས་ནས་གསུངས་ལྷང་ལྷང་བཞུགས་པ་ཞིག་མཐོང་ངོ་། །དེ་ནས་བྲག་ལྷ་ཀླུ་ཕུག་ཏུ་འཕགས་པའི་བཞུགས་སར་རིག་གཏད་གཅིག་བྱས་ནས་ཕྱིར་ཕྱིན་པ་དང་། མཚོ་དཀྱིལ་ན་པདྨའི་སྡོང་པོ་རྒྱས་པའི་སྟེང་ན་ཐུགས་རྗེ་ཆེན་པོ་རྩ་ཕྱག་བདུན་བཅུ་པ་ཞིག་བཞུགས་ནས་ཀླུ་རྣམས་ལ་ཆོས་གསུངས་ཞིང་འདུག་པ་མཐོང་ངོ་། །དེ་ནས་བྲག་ལྷ་གནས་ཀྱི་མདུན་དུ་གཏོར་མ་བཏང་བས་ཕྱག་བཞི་པའི་གཡས་ན་སྒྲོལ་མ། གཡོན་ན་ཁྲོ་གཉེར་ཅན་བཞུགས་པ་མཐོང་ནས་དུག་གསུམ་ཞི་མཛད་ཀྱི་གསོལ་འདེབས་བྱས་པས། སྒྲོལ་མའི་ཞལ་ནས། <br />གཉིས་འཛིན་སྤངས་ན་འདོད་ཆགས་ངང་གིས་ཞི། །ཕ་མར་ཤེས་པས་ཞེ་སྡང་རང་སར་གྲོལ། །གསལ་ལ་རྟོག་མེད་གཏི་མུག་དབྱིངས་སུ་ཐིམ། །འགག་མེད་དུག་གསུམ་རང་སར་འཆིང་བྱེད་འདི། །དེར་འཛིན་མེད་པས་རང་སར་གྲོལ་བར་ངེས། །ཉོན་མོངས་རང་ཤར་རང་གྲོལ་ཉིད་དུ་ལྟོས། <br />།ཞེས་ལྷ་སོ་སོས་གསུངས་སོ། །དེ་ནས་ཡང་བྲག་ལྷའི་ཀླུ་དེས་རིག་གཏད་གཟུངས་ཆོག་ཞུས་ནས། ཞག་གསུམ་ཀླུ་ཕུག་ཏུ་བསྡད་དོ། །དེ་ནས་སྐྱེར་སྒང་དུ་ཕྱིན་ཙ་ན། ངོམ་ཤོད་བའི་དགེ་བཤེས་ཕར་ཕྱིན་དཔོན་གཡོག་གསུམ་མཇལ་དུ་བྱུང་བ་དང་། ནམ་མཁའ་ལ་ཟླ་བ་གཅིག་ཤར་བྱུང་བ་དེ་དྲང་སྲོང་གིས་བཟུངས་བྱུང་བས། ཇོ་བོ་དཀོན་མཆོག་གསུམ་པོ། དྲང་སྲོང་གིས་བཟུངས་བའི་ཟླ་བ་འདི་བཏང་དུ་གསོལ་བྱས་པས་དུམ་པ་གཅིག་བཏང་བྱུང་བས་དེ་དགེ་བཤེས་ཀྱི་ལྟས་སུ་འདུག་ནས། ཁྱོད་ལ་ཚེ་རིང་པོ་མི་ཡོང་བར་འདུག །ངས་ཨེན་ཙམ་གཅིག་བསྲིངས་ནས་ཡོད་ཀྱི། ད་དགོན་པར་རྒྱུག་ལ་ཐུགས་རྗེ་ཆེན་པོ་སྒྲུབས། ལོ་གསུམ་ནས་འདིར་ཤོག་བྱས་སོ། །དེ་ནས་དགེ་བཤེས་དེས་ཐུགས་རྗེ་ཆེན་པོའི་ཞལ་མཐོང་ནས་འཕྲད་དུ་བྱུང་སྟེ། བླ་མ་ཆེན་པོ་ད་ངའི་དོན་གྲུབ་ཟེར་ནས་འདུག་པ་དང་། ངས་དེ་ནས་ཞག་གསུམ་གྱི་དྲོ་ལ་སླེབ་པར་འདུག་ཅིང་། དེ་མ་ཐག་སྤོང་ཐག་གྱིས། དགོན་པར་གཏོད་བྱས་པ་དང་། ཁོས་སླེབ་མ་ཐག་ཏུ་སྤོང་ཐག་བྱས་པས་ཁོ་གྲོངས་ནས་འཇའ་ཚོན་དུ་སོང་ཟེར་རོ། །ཡང་ངམ་ཤོད་ནས་དགེ་བཤེས་ཆོས་རྒྱལ་བྱུང་ནས། བླ་མ་ད་ང་འདོད་ཆགས་གཏན་ནས་དག་འདུག་ཟེར་རོ། །ཕར་ཕྱིན་ལྟར་བྱས་ན་རྒྱུད་ཚོད་མཐོ་རབ་སོང་གདའ། དེར་ཙུག་ཡིན་ཀྱང་བླ་མ་ལ་ཞུར་འོང་པ་ཡིན་ཟེར། ཀླུ་སྲིན་མོས་བར་ཆད་བྱས་འདུག་པས། འདོད་ཆགས་དག་གམ་མ་དག་ལྟ་ཡིས་བྱས་ནས། རྡོ་རྗེ་དྲིལ་བུ་ཁོའི་མགོ་ཐོག་ཏུ་བཞག་ནས་བྱིན་བརླབས་བྱས་པ་དང་། ཁོ་བརྒྱལ་ནས་དྲན་མེད་དུ་སོང་བ་དང་། ཀླུ་སྲིན་མོ་ཡང་བྲོས་ནས་སོང་ངོ་། །ཁོ་ལ་འདོད་ཆགས་མེ་འབར་བ་བཞིན་དུ་སོང་བས། དེ་སྔར་གྱི་གདོན་གྱི་བར་ཆད་བྱུང་བ་མ་ཤེས་པར་འདུག །ད་འདོད་ཆགས་རང་དག་ལ་འགྲོ་བ་གཅིག་ཞུ་དགོས་ཟེར་ནས། ཀེང་རུས་ཏ་རའི་གདམས་པ་བཏབ་ནས་ཏིང་ངེ་འཛིན་བཟང་པོ་བྱུང་ངོ་། །སྐར་ཆུང་བཙས་པོས་སྣ་དྲངས་པའི་མཛེ་ཕོ་བཅུ་གསུམ་ལ་གཟུངས་ཆུ་བྱིན་པ་ཙམ་དང་། རྡོ་རྗེ་དྲིལ་བུའི་བྱིན་བརླབས་བྱས་པ་ཙམ་ལ་མཛེ་ཐོན་པ་བྱུང་ངོ་། །ཡང་ཡོལ་པའི་དཔོན་སློབ་ཞང་བཙུན་བྱ་བ་སྨྱོ་འདུལ་དུ་བྱུང་བས་ཁྱོད་ཀྱི་སྐྱེ་བ་སྔ་མ་རྒྱ་གར་དུ་སློབ་དཔོན་ཇོ་མོ་ཅན་གཅིག་ལ་བ་འཇུག་འདྲ་བ་བྱས་ནས་འབར་བས་རྒྱུ་བྱས་ནས་འདུག་པས་བཤགས་པ་གྱིས་རྐྱེན་ལོ་རོ་རྒྱལ་པོས་བྱས་འདུག་པ་ངས་ལྟ་སྟངས་ཞིག་བྱས་པས་ཁོའི་སྨྱོ་ཐུལ་ལོ། །དེས་ན་བླ་མའི་རྣམ་ཐར་གང་ལ་ཡང་ལོག་ལྟ་མི་བྱེད་པ་གལ་ཆེ་བར་འདུག་གོ། ང་ལ་མོན་པ་འདྲ་བ་གཅིག་གིས་སྨན་བླའི་ལྡེར་བཟོ་གཅིག་གི་རབ་གནས་བཅོལ་བས། ངས་སྨན་བླའི་མཐེའུ་ཆུང་མ་ལེགས་སོ་བྱས་པས། དེ་ནས་ཞག་འགའ་མཐེའུ་ཆུང་ཤིན་ཏུ་ན་བར་བྱུང་བ་དང་། རྗེ་བཙུན་མ་སྒྲོལ་མ་བྱོན་ནས། ཁྱོད་ཀྱི་སྡེར་བཟོ་མ་ལེགས་པ་བྱས་ནས་མ་འཕྱས་པར་སྨན་བླའི་མ་ལེགས་པ་བྱས་པའི་ངག་གི་ཉེས་པ་འདིར་སྨིན་པ་ཡིན་ཅིང་། སྨན་བླའི་སྡེར་བཟོའི་དྲུང་དུ་བཤགས་པ་གྱིས་ཤིག་གསུངས་ནས་བཤགས་པ་བྱས་པས་དྲག་པ་དང་། རྣམ་སྨིན་ཕྲ་ཞིང་ཕྲ་བ་ལ་འཛེམ་པ་དང་། བཤགས་པ་དེ་འཕྲལ་ལ་བྱ་བ་གལ་ཆེ་བར་འདུག །ཡང་གྲི་བོ་མགོན་པོ་ཤ་བ་རྒྱུག་འགྱེལ་གྱི་མན་ངག་འཚོང་ཞིང་འདུག་ནས། དེ་ལ་མི་གསོད་ཀྱི་ཤན་པ་གྲི་པོ་ཤ་བ་མགོན་པོ་བྱས་ནས་ཐེབས་འགའ་འབར་བས། ཁོང་གྲོང་ནས་སྤུར་སྦྱོང་བའི་དུས་སུ་རྨི་ལམ་བཟུང་ནས་བལྟར་ཕྱིན་པས། བདག་མེད་མ་ལྷ་མོ་བཅོ་ལྔ་སྤུར་ཁང་གི་ནང་ན་ཞལ་ཕྱིར་གཟིགས་ནས་འདུག་པ་དེ། ང་ཕྱིན་པ་དང་ནང་དུ་ཞལ་གཟིགས་ནས་འདུག་པ་དང་། བདག་ལ་ཞལ་བསྟན་དུ་གསོལ་བྱས་པས། ཁྱོད་ཀྱིས་སྔགས་ཀྱི་རྣལ་འབྱོར་པ་ལ་འབར་ཡོད་པས་ད་བཤགས་པ་གྱིས་གསུངས་ནས། བཤགས་པ་བྱས་པ་དང་། དགྱེས་རྡོར་ཡབ་ཡུམ་གཉིས་ཀྱིས་ཨཱ་ལི་ཀཱ་ལིའི་བཤགས་པ་བསྟན་ཏེ། བདག་མེད་མའི་ཞལ་ནས། རིགས་ཀྱི་བུ། <br />གསང་སྔགས་སྤྱོད་པའི་རྣལ་འབྱོར་གྱིས། །རྣམ་ཐར་དཔག་པར་མི་ནུས་ཤིང་། །ཐམས་ཅད་མཁྱེན་པར་མ་གྱུར་ཚེ། །གཞན་རྒྱུད་ཁོང་དུ་མི་ཆུད་པས། །མནར་མེད་སྐྱེ་བའི་ལས་ལ་སོམས། །རང་རྒྱུད་ངན་པས་དག་སྣང་སྦྱོངས། །མཐོལ་བཤག་གཉིས་དང་འབྲལ་མི་བྱེད། <br />།ཅེས་གསུངས་ནས་མི་སྣང་བར་གྱུར་ཏོ། །དེ་ནས་ཕག་མོ་གྲུ་པའི་ཞི་བྱེད་རྨི་ལམ་དེ་ཞུ་དགོས་སྙམ་ནས་གསོལ་བ་བཏབ་པས། ཕ་དམ་པ་བྱོན་ནས་དུག་གསུམ་ལམ་ཁྱེར་གྱི་གདམས་ངག་ཞུས་པས། ད་གསང་སྒྲུབ་ཀྱི་སྐབས་སུ་འགྲོ་བའི་སྐོར་ལ་ང་སྒོམས་གསོལ་བ་ཐོབ་ཅིག །ངས་ཀྱང་བྱིན་གྱིས་བརླབས་པར་བྱའོ་གསུངས་སོ། །དེ་ནས་སྐོར་རྒྱལ་ཚ་ཉལ་འདུག་པ་དང་ལངས་ནས་ཕྱིར་བྱུང་། ཡང་ཉལ་ནས་ནང་པར་བླ་མས་ནཱ་རོའི་ཡིག་ཆུང་ཞི་བྱེད་རྨི་ལམ་དེ་བྱིན་ན་དགའ་སྙམ་འདུག་པ། ནང་བར་ཁྱོད་མོས་ན་མདང་ང་ཡིད་སྨོན་བཏང་བའི་ཆོས་དེ་གཉིས་བྱ་ཡིས་བྱས་པ་དང་། ཁོ་ན་རེ། མདང་གི་དེ་མཁྱེན་པར་ཐུགས་ལ་བཏགས་ཏེ། ལར་བླ་མ་མི་མཁྱེན་དགུ་མཁྱེན། ང་མི་འགྱུ་དགུ་འགྱུ་ངོ་རེ་ཚ་ཟེར་ནས་བྱུང་ངོ་། །ཡང་བཟད་པའི་ཀླུ་ཇོ་སྲས་ཀྱིས་ཤ་མར་ཉི་ཤུ་དང་། སྣམ་བུ་བརྒྱད་ང་ལ་འབུལ་སྙམ་ནས་བྱུང་བ་དང་། གནམ་བར་དུ་ང་ལ་བསྔོས་པའི་ཤ་མར་གཞན་ལ་འབུལ་ནས་མ་ཐེང་། དེ་ལས་སྡིག་ཆེ་བ་མེད་པ་ཡིན། ང་ལ་ད་མཐོ་དམན་མེད་དེ་ཚོང་དཔོན་བཟང་སྐྱོང་གི་མདོ་ལས། <br />སྦྱིན་ནོ་ཞེས་ནི་ཁས་བླངས་ནས། །གང་གིས་གཞན་ལ་སྟེར་བྱེད་པ། །དེ་ལས་སྡིག་ཆེ་གང་ཞིག་ཡོད། །དེ་ལས་བསླུས་པ་གང་ཞིག་ཡོད།<br />།བྱ་བ་ཡིན་པ་ད་ཕྱིས་དེ་འདྲ་མ་བྱེད། དགེ་སྦྱོར་མི་བྱེད་ན་ཕྲེང་བའི་འགེལ་ཕུལ། དེ་ལྟ་བུ་མ་བྱེད་ལྷ་ལ་བརྙས་པར་འགྲོ་བ་ཡིན། ཁྱོད་སང་གནབ་ཙན་གྲོང་གསེབ་དང་གྲོང་ལྟག་ཏུ་བསྡད་ནས། ཡིག་སྣ་སྣ་ཚོགས་གསོག་པའི་འཁོར་འབྲི་ཕྱུགས་ཀྱི་འདྲེ་བརྡུང་བའི་ཟླའོ་ཨེན་རེ་ཚོལ་བ་གཅིག་འོང་བར་འདུག་བྱས་པས། ཕྱིས་ནས་འབུལ་བ་ཆེན་པོ་བསྐྱལ་ནས་གཏམ་གཏོང་མ་ནུས་སོ། །ཡང་འཕན་ཡུལ་བའི་བྱའུ་མདར། ང་ལ་རྐུན་མ་བྱེད་དུ་འོངས་ནས་ཅི་ཡང་མ་ཐོབ་པ་དང་། ང་མོས་པ་སྐད་བྱེད་ལ་ཕྱེ་གཅིག་བླངས་འགྲོ་སྙམ་པ་དང་། ཁྱེད་ཀྱི་རྐུན་མ་བྱས་ནས་ཅི་ཡང་མ་ཐོབ། ད་ང་ལ་ཁྱོད་ཕྱེ་འདོད་པ་དེ་བདེན། ཁོ་ལ་གོས་སྣམ་གསུམ་དང་ལམ་རྒྱགས་བསྐུར་བྱས་པས། ཁོ་མོས་ནས་རབ་ཏུ་བྱུང་ཏེ་ལ་བ་གཙང་སྒོམ་ཅན་དུ་བསྒོམས་པས་ཐུགས་རྗེ་ཆེན་པོ་ཞལ་མཐོང་། ཡང་གནམ་བར་གྱི་ཞང་སྒོམ་མིང་སྲིང་གཉིས་ཐུགས་རྗེ་ཆེན་པོ་ཞུར་བྱུང་བས། སྲིང་མོ་ལ་ཁྱོད་ཆོས་སྒོར་ཞུགས་ཀྱང་ཁྱིམ་ཐབ་ཡིད་ལ་སེམས་པ་ཙམ་མ་བྱེད་ཅིག །ཐུགས་རྗེ་ཆེན་པོའི་ཕྱོགས་སུ་གྱིས་ཤིག་བྱས་པས། མོ་ན་རེ། དེ་སྔའི་རྣམ་རྟོག་མཐོལ་ལོ་བཤགས། །བློ་ཆོས་སུ་འགྲོ་བར་བྱིན་གྱིས་རློབས། ཟེར་ནས་དམ་བཅའ་དྲག་པོ་བྱས་ནས་བསྒྲུབ་པས་ལོ་བདུན་ནས་ཐུགས་རྗེ་ཆེན་པོ་མཐོང་བ་གཅིག་བྱུང་ངོ་། །དེ་ལ་སོགས་པའི་མི་རྩར་བྱུང་བ་ཕལ་ཆེར་གྱི་ཚེ་རིང་ཐུང་དང་རྣམ་རྟོག་ཅི་སྐྱེས་ཐམས་ཅད་བཤད་པས། འགའ་དང་རྒྱའི་རྒྱལ་པོས་ཐོས་ནས་འབུལ་བ་མང་པོ་བསྐུར་ནས་བྱུང་བ་དང་། ཡང་དབུས་གཙང་གི་དགེ་བཤེས་དང་སྡེ་བཅད་ཕལ་ཆེར་མོས་ནས་ཆོས་ཞུ་བ་དང་། རྟེན་བསྐུར་ནས་རབ་གནས་ཞུ་བ་དང་། བར་ཆད་འོང་མི་འོང་དང་། ཚེ་རིང་ཐུང་ལ་སོགས་པ་འདྲིར་བྱུང་ཚད་ལ་བཤད་པས་ཐམས་ཅད་མོས་པར་བྱུང་། དེ་ནས་མཆེད་གྲོགས་ལྷ་སྡིང་པ་ཕྲག་དོག་སྐྱེས་ཏེ་བསྐུར་པ་བཏབ་པས། དབོན་སྟོན་འདི་བ་སོ་དར་མ་སེང་གེ་བྱ་བ་ཡིན། ཁོ་བྲམ་ཟེའི་ཐེའུ་རང་གཅིག་བསྒྲུབས་ནས་མངོན་ཤེས་རྫུན་བཤད་བྱས་པས་ཐམས་ཅད་མགོ་འཁོར་ནས། ད་ཁོ་ལ་ལོག་འཚོའི་བསོད་ནམས་ཆེ་ཚད་སྐྱེས་འདུག་ཟེར་རོ། །དེ་ཡང་སྔོན་གྱིས་ལས་ངན་ཡིན་ཏེ། ང་སྐྱེ་བ་མང་པོའི་སྔོན་རོལ་དུ་རྒྱ་གར་ཤར་ཕྱོགས་སུ་པཎྜི་ཏ་དྷརྨ་པ་ལ་བྱ་བ་གྲྭ་པ་ལྔ་བཅུ་ཙམ་གྱིས་བསྐོར། ཆོས་ཤིན་ཏུ་མཁས་པ་ཞིག་ཏུ་གྱུར་ནས། རྒྱ་གར་གྱི་ཕྱོགས་ཐམས་ཅད་ནས་ཐེག་པ་ཆེ་ཆུང་གི་ཆོས་ལ་ང་ལས་མཁས་པ་སུ་མི་འདུག་སྙམ་ནས། ཞེ་སྡང་ཕྲག་དོག་གི་ཀུན་སློང་མེད་ཀྱང་། ཆོས་འདི་ཡིན་འདི་མ་ཡིན་དང་། དག་གམ་མ་དག་གི་བཤགས་རལ་ཕྱེ་བ་ཐམས་ཅད་ངའི་སྲོལ་ལ་ཞུགས་སོ། །དེ་ལྟར་བཤགས་ཕྱེ་བ་དེའི་རྣམ་པར་སྨིན་པས། ད་གང་དུ་སྐྱེས་ཀྱང་སྐུར་པ་ཤ་སྟག་བྱུང་ངོ་། །ད་རེས་ཀྱང་ཐུགས་རྗེ་ཆེན་པོ་ལ་སོགས་ཡི་དམ་མང་པོ་ཞལ་མཐོང་། བླ་མ་ཤངས་པའི་བཀའ་དྲིན་གྱིས་སྒྱུ་ལུས་རྨི་ལམ་འབྱོངས་ནས། འོད་གསལ་དང་གསལ་སྣང་མཆེད་པའི་སྟོབས་ཀྱིས་གཞན་རྒྱུད་ཤེས་པ་བྱུང་ནས་གཞན་ལ་ཕན་པར་འདུག་ནས་བཤད་པས་སྐུར་པ་འདི་བྱུང་བ་ཡིན་ཏེ། ད་རེས་ཀྱི་འདིས་ལས་ཀྱི་ལྷག་མ་ཐམས་ཅད་སངས་དག་ནས་སྐྱེ་བ་ཕྱི་མ་ལ་ཕུན་སུམ་ཚོགས་པའི་གདུལ་བྱ་འབྱུང་བར་འགྱུར་རོ། །དེ་ཡང་ལས་ཀྱི་རྣམ་སྨིན་འདི་འཇིགས་པར་འདུག་པས། མི་དགེ་བ་ཆུང་ངུ་ལ་ཡང་འཛེམ་པ་དང་། བཤགས་པ་མྱུར་དུ་བྱེད་པ་འདི་གལ་ཆེ་བར་འདུག་གོ།<br />།དེ་ནས་བྱང་རྩེ་ལྡེང་ན་རྟོགས་ལྡན་ཞང་སྒོམ་ཆོས་སེང་བྱ་བ། བླ་མ་ཤངས་པ་ལོ་བཅུ་གཉིས་བསྟེན་པའི་རྣལ་འབྱོར་གྲུབ་ཐོབ་ཆེན་པོ་ཞིག་འདུག་ཟེར་ནས་ནམ་ཟླ་སོས་ཀ་ཞིག་མཇལ་དུ་ཕྱིན་ནས། མཁའ་སྤྱོད་མ་དཀར་དམར་དང་དགྱེས་རྡོར་བདེ་མཆོག་དང་། མགོན་པོའི་གནད་ཡིག་དང་། དམིགས་པའི་སྒྲོམ་བུ་དང་། འཕོ་བ་ལ་སོགས་པའི་ཞལ་གདམས་རྣམས་མང་དུ་ཞུས་སོ། །དེ་ནས་ཡང་འདམ་པ་ཅོག་སྟོན་ལ་དཔལ་ལྡན་སྒམ་པོ་པའི་ཆིག་བརྒྱུད་རྣམས་མངའ་བ་དང་། གྲུབ་ཐོབ་ཏུ་འདུག་པ་དེས་བླ་མ་དཔལ་གྱི་གདམས་པ་རྣམས་ཞུས་སོ། །དེ་ནས་སོས་ཀ་དེར་ཆོས་བཤད་ཅིང་ཡོད་ཙ་ན། བླ་ཡེ་ལ་ཕྱག་སྟོང་སྤྱན་སྟོང་དེ་ཡང་མཐོང་། ཡང་མཚོ་ཆེན་པོ་པདྨ་རྒྱས་པ་གཅིག་གི་དཀྱིལ་ན། པདྨའི་སྡོང་པོ་ཤིན་ཏུ་རྒྱས་པ་གཅིག་གི་སྟེང་ན་ཐུགས་རྗེ་ཆེན་པོ་རྩ་ཕྱག་ལྔ་བཅུ་པ་གཅིག་བཞུགས་ནས་འདུག་པ་ལ། པདྨའི་གསེབ་ནས་ཡར་ལ་ལྷ་དང་ཀླུ་མང་པོས་ཆོས་ཞུ་ཞིང་འདུག་པ་གཅིག་མཐོང་བ་དང་། དེའི་ཁྲོ་ཞལ་གྱི་སྤྱན་དབུས་མ་ལས་བགེགས་ཐམས་ཅད་འཇོམས་པ་ཞེས་བྱ་བའི་འོད་ཟེར་མཐིང་ག་གཅིག་བྱུང་ནས་བདག་གི་སོ་ལ་ཕོག་པས་འབུ་སྲིན་དང་། སྡིག་པ་མང་པོ་དོན་སོང་བས་སོ་རྒྱུན་དུ་ན་བ་དེ་དུས་དེར་དྲག་གོ། །དེ་ནས་ཕྱུགས་ནད་མཆེད་དུ་བྱུང་བ་ལ་ནད་ཞི་བའི་གསོལ་བ་བཏབ་པས་ཐོ་རངས་དགྲ་ནག་དང་འཇིགས་བྱེད་ཀྱི་ལྷ་ཚོགས་རྣམས་བྱོན་ནས་ནད་འདྲེ་ཐམས་ཅད་བསད་པ་དང་། རེངས་པ་དང་། བསྐྲད་པས་ནད་ཞག་གསུམ་ནས་ཆོད་དོ། །ཡང་གཤིན་རྗེ་གཤེད་ནག་པོ་དང་། འཇིགས་བྱེད་དང་རྟ་མགྲིན་གསུམ་གྱི་སྒོ་ནས་སྨྱོ་བ་བརྒྱད་ཅུ་བཏུལ་ལོ། །དེ་ནས་བསྐྱེད་རིམ་ལ་བརྟན་པ་ཐོབ་པ་དང་། སྣང་བ་བདེན་མེད་དུ་རྟོགས་པ་གཉིས་མ་བྱུང་གི་བར་དུ་གདོན་དང་སྨྱོན་པ་བཏུལ་ན་གྲིབ་དང་འདྲས་ཆེན་པོ་འོང་བར་འདུག་པས་གཏུབ་ཚད་ཀྱིས་མ་བྱེད་ཅིག །ཡང་གདུང་རྟེན་རྒྱལ་པོ་ཅན་གཅིག་ལ་རབ་གནས་བྱས་པས་རྒྱལ་པོ་དེ་འགྲོ་མ་གཏུབ་རྟེན་ལ་རྡོ་རྗེ་བསྣུན་པའི་གཏམ་རྒྱུད་གསུངས། དྲག་པོ་གཅིག་གཅུན་པས་ཆུན་པའི་རབ་གནས་ལེགས་ཀྱང་ང་ལ་འདྲས་ཨན་ཙམ་བྱེད་དུ་བྱུང་ནས་སྦྱིན་སྲེག་བྱས་ལ་རྒྱལ་པོ་གཏན་ནས་བརླག་པར་བྱ་དགོས་སྙམ་ཙ་ན། སློབ་དཔོན་པདྨ་བྱོན་ནས། གདོན་ཆེན་པོ་མ་བརྡུང་། ཀླུ་ཆེན་པོ་ལ་སྦྱིན་སྲེག་མ་བྱེད། ཆིག་བརྒྱུད་མ་སྤེལ། སྔགས་ལ་མ་གཤེ། མཆེད་གྲོགས་ལ་ཕྲག་དོག་མ་བྱེད། སེམས་ཅན་ལ་བློས་སྤང་མི་བྱ་གསུངས་སོ། །དེ་ནས་ངའི་རྟོགས་པ་ལ་བླ་མ་ཇི་ཙམ་བཞུགས་མི་ཤེས། ང་རང་ཡང་ནམ་འཆི་ཆ་མེད། དེ་སྔ་ཡང་འབུལ་བ་དྲག་པོ་ལན་གཉིས་པ་ཡིན། ད་ངས་བླ་མ་གདན་འདྲེན་དུ་བཏང་ལ་ཅི་ཡོད་འབུལ་དགོས་སྙམ་ནས་གདན་འདྲེན་དུ་བཏང་བས་བླ་མ་བྱོན་ནས། ཚེས་བཅུའི་ནུབ་མོ་མཆོད་པ་ཤོམས་ཤིག །ཉམས་རྟོགས་བསྡུར་དགོས་གསུངས་ནས། ང་རང་གི་དགེ་སྦྱོར་སྐྱེས་པ་རྣམས་ཞུས་པས། བླ་མའི་ཞལ་ནས། རྒྱ་གར་གྱི་གྲུབ་ཐོབ་རྣམས་ཀྱི་ཞལ་ནས། བླ་མ་ཤངས་པ་ཁྱེད་ཀྱི་དགེ་སྦྱོར་གྱི་སྐྱེ་ཚུལ་ལྟ་བུ་སུ་ལ་ཡང་མ་བྱུང་གསུངས་བར་འདུག་གོ། །ང་ལ་ཡང་བླ་མ་ཤངས་པའི་ཞལ་ནས། རིན་ཆེན་བརྩོན་འགྲུས་ཁྱོད་ཀྱི་དགེ་སྦྱོར་སྐྱེ་ཚུལ་འདི་ལྟ་བུ་སུ་ལ་ཡང་མ་བྱུང་གསུངས། དབོན་སྟོན་གྱི་དགེ་སྦྱོར་སྐྱེ་ཚུལ་འདི་ལྟ་བུ་དང་། ལྷ་སྐུ་དང་འོད་གསལ་གྱི་རྩལ་འདི་ལྟ་བུ་ང་ལ་ཡང་མ་བྱུང་སྟེ་ལར་ད་ལྟ་དཔོན་སློབ་གཉིས་སུ་ཚོགས་པ་ལ་འོ་སྐོལ་གཉིས་ལས་ཉམས་རྟོགས་བཟང་བར་མེད་པར་ཐག་ཆོད་པས་དགའ་བ་ཁྱད་པར་ཅན་སྒོམས་ཤིག །ད་བླ་མ་ཤངས་པའི་གདམས་ངག་འདི་ལ་ཌཱ་ཀི་དངོས་སུ་འདུ་བ་ཡིན་ཏེ། འདི་མ་འོངས་པའི་དུས་སུ་སོང་ཙ་ན། ཡང་ན་བཀའ་ཆད། ཡང་ན་ཚོང་དུས་ཀྱི་འོ་མར་འགྲོ་བར་འདུག་པས་ངས་དང་པོ་རིག་པ་དྭངས་དུས་སུ་ཇི་ལྟར་བཤད་པ་བཞིན་དུ་ཡི་གེར་བཀོད་ཅིག་གསུངས། བླ་མ་རྡོ་རྗེ་འཆང་དངོས་ཡིན་པས་བཀོད་པར་ཞུ་བྱས་པས། འོ་ན་མཆོད་པ་སྐྱར་མ་གཅིག་ཤོམས། གསེར་གྱི་མཎྜལ་དང་། སྤོས་ཀྱང་ཕུལ་ཅིག །གསོལ་བ་གདབ་པར་བྱའོ་གསུངས་ནས། གསོལ་བ་དྲག་པོ་བཏབ་པས་ཡེ་ཤེས་ཀྱི་ཌཱ་ཀི་མ་ནི་གུ་མ་བྱོན་ནས། སྤྱིར་ཆོས་དྲུག་དང་ཁྱད་པར་འབྱམས་གཅོད་གསུངས་སོ། །དེ་ནས་ནང་པར་འབུལ་བ་བྱེད་པའི་མང་བསྐོལ་བྱས་ནས་འབུལ་བ་རྣམས་སྤུངས་ནས་བླ་ཡེ་ལ་འབྱོན་པར་ཞུ་ཞུས་པས། བླ་མའི་ཞལ་ནས། ད་སྔོན་ལ་སྟེང་དུ་འདོང་ངོ་གསུངས་ནས་ཕྱིན་ཙ་ན། ད་ཕྱམ་རྩེ་ཕུད་ལ་སྦ་མཁར་ལ་ཡར་ཕྱོར་ཅིག །དབོན་སྟོན་པ་བ་ལ་མཛོ་སྐྱེས་བྱ་བ་ལན་གསུམ་གྱིས་ཤིག །ང་བ་ཡིན། དབོན་སྟོན་ཁྱོད་མཛོ་ཡིན་པས་བ་ལ་མཛོ་སྐྱེས་བྱ་བ་ཡིན་ནོ། །དུས་དེ་རིང་ལས་ཉམས་དགའ་བ་ཨེ་འོང་ན་གསུངས་སོ། །དེ་ནས་བླ་མ་བླ་ཡེ་ལ་བྱོན་ནས་འབུལ་བ་ཕྱག་ཏུ་བཞེས་པ་དང་། དེ་རིང་བཤགས་པ་གྱིས་ལ་གསོལ་བ་ཐོབ་ཅིག་གསུངས་ཙ་ན། ཕལ་ཆེར་གྱིས་བླ་མ་བདེ་མཆོག་དྲུག་ཅུ་རྩ་གཉིས་ཀྱི་དཀྱིལ་འཁོར་དུ་མཐོང་། དེ་ལྟར་འབུལ་བ་ཆེ་བ་གསུམ་བྱས་པས། འབུལ་བ་ཐེབས་རེ་ལ་དགེ་སྦྱོར་གྱི་རྟོགས་པ་མི་འདྲ་བ་རེ་རེ་བྱུང་བས། ཞིང་དག་པའི་བླ་མ་ལ་བསོད་ནམས་ཀྱི་ཚོགས་བསགས་ནས་སྨོན་ལམ་འདེབས་པ་འདི་ཁོ་ན་གལ་ཆེ་བར་འདུག་གོ་སྙམ་མོ། །དེ་ནས་ལོ་མང་པོ་མ་ལོན་པ་ལ་བླ་མ་གཤེགས་ཀྱི་དོགས་ནས་ཚེས་བཅོ་བརྒྱད་ཀྱི་ནུབ་མོ་རྨི་ལམ་བཟུང་ནས། བླ་མའི་སྤྱན་སྔར་ཕྱིན་ཙ་ན། གཟིམས་ཆུང་ན་ཌཱ་ཀི་མ་མང་པོ་དང་། མི་མ་ཡིན་མང་པོ་འདུག་པས། བླ་མའི་ཞལ་ནས་དབོན་སྟོན་བྱོན་པ་དགའ་སྟེ། ད་ང་མྱུར་དུ་འགྲོ་བས་སང་དགོང་ཤོག་གསུངས་ནས་ཕྱིན་ཙ་ན། བླ་མ་མི་བཞུགས་པར་འདུག་ནས། མང་པོ་ངུས་པས་རྗེ་བཙུན་མ་བྱོན་ནས་བདེ་བ་ཅན་དུ་འོད་དཔག་མེད་དང་མཇལ་ནས་མངོན་པར་དགའ་བའི་ཞིང་ཁམས་སུ་གཤེགས་པར་ཡོད་ཀྱི་དེར་གསོལ་བ་ཐོབ་ཅིག <br />།ནམ་མཁའ་འདི་ལ་སྐྱེ་འཆི་མེད་པར་ལྟར། །བླ་མ་ལ་ཡང་སྐྱེ་འཆི་ག་ལ་ཡོད། །མོས་གུས་སྟོབས་ཀྱིས་འབྲལ་མེད་གནས་པ་ཡིན། །མྱ་ངན་མ་བྱེད་མངོན་དགར་གསོལ་བ་ཐོབ། <br />།གསུངས་ནས་ང་རང་ཡང་མངོན་དགར་འགྲོ་དགོས་སྙམ་ཙ་ན་གཉིད་སད་དོ། །དེ་ནས་ཞག་གསུམ་སོང་ནས་གསོལ་བ་བཏབ་པ་དང་། ཤངས་ནས་བང་ཆེན་བྱུང་སྟེ་བླ་མ་གཤེགས་ཟེར་ནས་བྱུང་བས། ཁོང་རྣམས་ཀྱིས་ང་ལ་གསང་འདུག་པས་ངས་ནམ་ལངས་མ་ཐག་ཁོང་རྣམས་བསགས་ནས། ངའི་བླ་མ་གཤེགས་ནས་ཞག་གསུམ་སོང་། ད་ངའི་ཆ་རྐྱེན་ཅི་འདུག་ཐམས་ཅད་མཆོད་པ་གྱིས། ཁྱེད་རང་རྣམས་ཀྱང་ཅི་ཡོད་ཕུལ་བྱས་ནས། ཟླ་བ་གཅིག་ཏུ་བླ་མའི་མཆོད་པ་བྱས་སོ། །དེ་ནས་ཚེས་བརྒྱད་ཀྱི་སྔ་དྲོ་ཐུགས་རྗེ་ཆེན་པོ་བྱོན་ནས། མཚམས་མ་བྱེད་པར་གསང་སྒྲུབ་དང་རིག་གཏད་ཞུས་ཚད་ལ་ཐུགས་རྗེ་ཆེན་པོའི་སྒོ་ནས་ཐུགས་རྗེ་ཆེན་པོ་སྟོན་ཅིང་། སྙིགས་མའི་དུས་སུ་ཁྱེད་ཀྱིས་བསྟན་པའི་སྒྲུབ་ལུགས་འདི་དར་ཞིང་ཞལ་མཐོང་བ་མང་དུ་འབྱུང་བར་འགྱུར་རོ། །གསུངས་སོ། །དེ་ནས་ཐུགས་རྗེ་ཆེན་པོ་ཞུས་ཚད་ལ་སྟེར་བའི་གོ་ཆ་གྱོན་པ་ཡིན་ཏེ། ཆོས་ཐུན་བརྒྱད་པོ་འདི་ཡང་ཚར་བར་ཉན་ནུས་ཡོང་བར་མི་འདུག །ཡང་ན་དེའི་ཚེས་བཅུ་བཞིའི་ཉི་མ་ཕྱེད་ཡོལ་ཙམ་ན་བཅུ་གཅིག་ཞལ་བྱོན་ནས། ང་དང་ཁྱོད་ནི་དབྱེར་མེད་དེ། །སྐྱེར་སྒང་པ་ནི་པོ་ཏ་ལར། །གསུངས་པས། གཞན་དུ་དགེ་སྦྱོར་བགྱིས་པ་བས། འདི་རུ་གཉིད་ལོག་པ་དགའ་བ་ཡིན་ནོ། །ད་ངའི་སློབ་མ་སྟོད་ལུང་གི་ཤངས་སོ་བཞིས་ཐུགས་རྗེ་ཆེན་པོའི་ཞལ་མཐོང་། ཐོད་ལེ་ཀོར་ལ་སོགས་པ་བླ་མ་ལྔ་བཅུའི་ཞལ་མཐོང་འདུག་པ་དང་། ངའི་སློབ་མ་ཡང་སློབ་བརྒྱུད་འཛིན་རྣམས་ཀྱིས་ཀྱང་ཞལ་མཐོང་མཁན་མང་དུ་འོང་བར་འདུག་སྟེ། ངའི་འདི་ཞལ་མཐོང་འབའ་ཞིག་གི་བརྒྱུད་པ་ཡིན་པ་དང་། ཐུགས་རྗེ་ཆེན་པོས་མ་འོངས་པའི་དུས་སུ་ཡང་ཞལ་མཐོང་མང་པོ་འབྱུང་བར་ལུང་བསྟན་པས་ཐེ་ཚོམ་ཡིད་གཉིས་མི་དགོས་སོ། །བདག་གི་རྣམ་ཐར་བསྡུས་པ་འདི། དགེ་བཤེས་གྲགས་པ་ཡེ་ཤེས་དང་། ནག་པོ་གཞོན་ཚུལ་གཉིས་ཀྱི་དོན་དུ་ཡི་གེར་བཀོད་པ་ཡིན། དེ་ནས་བླ་མ་དགུང་ལོ་བདུན་ཅུ་བཞེས་པའི་སྟོན་ཟླ་འབྲིང་པོའི་ཚེས་བརྒྱད་ནས་སྐུ་སྐེད་ཨན་ཙམ་བསྙུང་ནས། རིམ་གྲོའམ་སྨན་དཔྱད་འདྲ་བ་བྱེད་པར་ཞུ་དགོས་བྱས་པས། སྨན་དང་རིམ་གྲོ་བྱས་ཀྱང་མ་བྱས་ཀྱང་། ཚེས་བཅོ་བརྒྱད་ལ་ནད་སངས་ནས་འགྲོ་བར་འདུག་གསུངས་ནས་ཅི་ཡང་མ་གནང་ངོ་། །དེ་ནས་ཚེས་བཅུ་གསུམ་ལ་ཚོགས་གསོག་གྱིས་གསུངས་ནས་བྱས་པས། བཅུ་བཞི་ལ་དྲག་འདུག་ཅིང་། སང་དབུ་ཆེ་རྣམས་འཚོགས་ཤིག །ངས་ཆོས་བཤད་པ་ཡིན་གསུངས་ནས། སང་སྔ་དྲོ་ནས་འཚོགས་པ་དང་། ད་འཚོགས་སམ་གསུངས་ནས། འཚོགས་ཞུས་པས་ཕ་མའི་དང་རྩིས་མཁན་གྱི་ལྟར་བྱས་ཀྱང་། ཕོ་ལོ་བཞི་བཅུ་ལས་མི་ཐུབ་པར་འདུག་པ་ཡིན་ཏེ། བླ་མ་ཤངས་པའི་བཀའ་དྲིན་གྱིས་ཕོ་ལོ་བདུན་ཅུ་དོན་གསུམ་ཐུབ། ལོ་བརྒྱ་ལྷག་ཙམ་སྡོད་སྙམ་པ་ཡིན་ཏེ། ཁྱོད་ཚོ་ལ་སྐྱོ་བ་སྐྱེ་བར་བྱུང་བས་ང་འགྲོ་བར་ཡིན། ཇོ་བཙུན་དར་ཤེ་ཁྱོད་སྙམ་ན་ལོ་རེ་ལ་འབུམ་བརྒྱ་ཚར་རེ་བྱས་སྙམ་ཏེ། ཆོས་མི་ལ་བཅོལ་བ་ཡིན། སྟོན་པ་ཀུན་ཤེ་ཁྱོད་སྙམ་ན། ཆོས་ང་ལས་མཁས་པ་མེད་སྙམ་སྟེ་སེམས་དང་ཆོས་སུ་མ་འདྲེས་པར་འདུག་པས། རྒྱལ་པོ་དཔེ་དཀར་ལ་ལྟོས། ཐང་སོ་ཇོ་བཙུན་དང་ཆོས་མགོན་གཉིས་ཟླ་བ་རེ་ལ་སྟོན་མོ་བཟང་བ་རེ་བྱས་པས་ཆོས་གྲུབ་པ་ཡིན་ནམ་སྙམ་ཏེ་ངས་བྱས་བགྲང་ལ་དྲིན་བགྲང་བའི་དགེ་བ་ཆོས་བརྒྱད་ཀྱི་སྟོན་མོ་དེ་ཁར་རྗེ་ཆེ་ན། འབྲོག་བཟང་གི་ཕྱུགས་གཅིག་ཏུ་སྐྱེ་སྲིད་ཀྱི་ད་ལྟ་ཆོས་བྱེད་དུས་སུ་ཁྱེད་ཚོས་ཆོས་མི་དྲན་པར་སང་གནང་ཤི་བ་ཐུག་གིས་གཏུགས་ཙ་ན། ཤ་བ་ཉུང་མས་བརྣངས་པ་བཞིན་དུ་ལག་དར་སྔས་སུ་བཅུག་ནས་མིད་པ་ཐུག་ཐུག་བྱས། ངོ་ནག་ཏིང་བྱེད་ཅིང་ད་རེས་མ་ཤི་ན་ཆོས་གཤའ་མ་གཅིག་བྱེད་དགོས་ཏེ་ཟེར་བའི་ངང་ནས་འཆི་བ་འོངས་ཏེ། ངས་དང་པོ་ཆོས་དྲན་དུས་སུ་དྲན། བར་དུ་བྱེད་དུས་སུ་བྱས། མཐའ་མ་དགོས་དུས་སུ་སླེབ་པ་འདི་ཡིན་ནོ། །གཞོན་ནུ་འོད་སྤོས་ཕུལ་དང་། བརྒྱུད་པའི་བླ་མ་ཐམས་ཅད་བྱོན། ཐུགས་རྗེ་ཆེན་པོ་དང་ཡི་དམ་ཐམས་ཅད་ཀྱང་བྱོན། སངས་རྒྱས་དང་བྱང་ཆུབ་སེམས་དཔའ་ནམ་མཁའ་ཁེངས་པ་བྱོན་འདུག་པ་གསོལ་བ་ཐོབ་དང་གསུངས་སོ། །དེ་ནས་སྐྱེར་སྒང་འདི་གཞུག་ཏུ་ཅི་འདྲ་གཅིག་འོངས་བྱས་པས། འདི་ན་ཀླུ་དང་སྲིན་མོ་ཐུ་པ་གཅིག་ཡོད་པ་ཡིན་ཏེ་ངས་ཐུལ་བ་ཡིན། ངའི་བྱིན་རླབས་མ་ཉམས་རིང་ལ་སྐྱེར་སྒང་འདི་པོ་ཏ་ལ་དངོས་ཡིན་པས་གཞན་དུ་རི་ཁྲོད་དུ་འདག་བཅར་བྱས་པ་བས་ངའི་ས་འདིར་གཉིད་ལོག་པ་དགའ་བ་ཡིན་ནོ། །ད་གཟོད་མཐའ་མི་ཐམས་ཅད་དབུས་སུ་འདུས་པའི་སྟོབས་ཀྱིས། འབུམ་ཐང་འདི་ཁྱི་ལུད་ཐོར་གྱིས་འབྱུང་། བུད་མེད་ཤམ་བུ་ཅན་གྱི་ཞུར་རྟ་ཕྱ་རེ་བ་གཅིག་འོང་བར་འདུག །དེ་ཙམ་ན་ངའི་བྱིན་རླབས་ཉམས་པ་ཡིན་པས། དེ་ནས་ཀླུ་དང་སྲིན་མོ་དེ་རྣམས་ལངས། བསླབ་བ་ཐུབ་བ་ཉུང་དུ་འགྲོ། རྩེ་གཅིག་ཏུ་བསྒྲུབ་པ་བྱེད་པ་ཡང་མི་ཡོང་བར་འདུག་གོ་གསུངས། ད་འདི་ནས་བླ་མ་གང་དུ་གཤེགས། གསོལ་བ་གང་དུ་གདབ། ཆོས་བརྒྱུད་སུས་འཛིན་ཞུས་པས། བླ་མའི་ཞལ་ནས། ཁྱེད་རྣམས་ང་ལ་མོས་ན། ཤར་ཕྱོགས་མངོན་པར་དགའ་བའི་ཞིང་དུ་མངོན་པར་སངས་རྒྱས་ནས་ཐེག་ཆེན་འབའ་ཞིག་གི་འཁོར་ལོ་བསྐོར་བར་འགྱུར་པས་དེར་གསོལ་བ་ཐོབ། ས་ལ་གནས་པའི་བྱང་ཆུབ་སེམས་དཔའ་འབའ་ཞིག་ཏུ་སྐྱེ་བར་འགྱུར་རོ། །ངའི་བརྒྱུད་པ་འདི། གཡོར་པོ་སྟོད་ནས་འཛིན་པ་གཅིག་འོངས་སྟེ། རྡོ་རྗེ་འཆང་གིས་ལུང་བསྟན་པ་བཞིན་དུ། མི་རབས་བདུན་བརྒྱུད་པའི་ཚེ། མཁའ་འགྲོ་མའི་ཞལ་གདམས་འདི་རྣམས་ཕྱོགས་ཀུན་ཏུ་ཁྱབ་ཅིང་གདུལ་བྱ་མང་དུ་འབྱུང་བར་འགྱུར་རོ་གསུངས་སོ། །དབོན་སྟོན་སྐྱེར་སྒང་པའི་རྣམ་ཐར་རེ་ཞིག་རྫོགས་སོ། །སརྦ་མངྒ་ལཾ། ཤུ་བྷཾ། དགེའོ།། །།</span> | <span class="main_text">༄༅། །བླ་མ་སྐྱེར་སྒང་པའི་རྣམ་པར་ཐར་པ་བཞུགས་སོ།།<br /><br />།བླ་མ་མཉམ་མེད་རིན་ཆེན་དང་། །རྟོགས་ལྡན་ཞང་སྒོམ་ཞབས་ལ་འདུད། །ཚད་མེད་འགྲོ་སྐྱོབ་སྙིང་རྗེའི་སྐུ། །སྤྱན་རས་གཟིགས་ཀྱིས་བྱིན་གྱིས་རློབས། <br />།དང་པོ་དད་པས་ཆོས་སྒོར་ཞུགས། །བར་དུ་ཐུགས་རྗེ་ཆེན་པོ་བསྒྲུབས། །དེ་རྗེས་བླ་མ་སངས་རྒྱས་བསྟེན། །ད་ལྟ་འབྲས་བུ་མངོན་གྱུར་ཏོ། <br />།དེ་ཡང་བདག་གི་ཕ་ཡུལ་ནང་གོང་རྣམ་པ། རུས་འབའ་ཡིན་ནོ། །དེ་ཡང་དང་པོ་ལོ་བཅུ་གཉིས་ནས་གཤིན་རྗེ་གཤེད་ལ་བསྙེན་པ་བསྐྱལ། བཅུ་བདུན་དུ་སྐྱེར་སྒང་དུ་ཁུ་བོ་འབའ་ཐམས་ཅད་མཁྱེན་པ་ལ་རབ་ཏུ་བྱུང་ནས་བྱམས་པའི་ཆོས་ལྔ། སྤྱོད་འཇུག་བསླབ་བཏུས་བསྟན་རིམ་རྣམས་ཉན། དེ་ནས་འབའ་ཚད་མ་བ་ལྷ་སར་ཆོས་འཁོར་ལ་གདན་དྲངས་པའི་ཕྱག་ཕྱིར་ཕྱིན་པས། གྲྭ་པ་གཅིག་གིས་སྟོན་མོ་བྱས་པའི་རྣམ་བཞག་ལ། དར་ཡུག་སེར་པོ་གསུམ། ཟངས་གཅིག་ཕྱེ་མར་མང་ཞིག་ཕུལ་ནས། བྲག་ལྷའི་མདུན་དུ་དྲོ་ཐོན་ནས་ཉེ་འདོན་ལ་ཕྱིན་པས། ཀླུ་ཕུག་གི་ཁང་ཆུང་གཅིག་ལས་དཀར་བཏང་བ་གཅིག་འདུག་པས། དེ་མཐོང་བ་ཙམ་གྱིས་བློ་སྣ་འགྱུར་བ་བྱུང་ནས་ཁང་ཆུང་ཡ་གིན་སུ་ཡོད་པ་ཡིན་བྱས་པས། ལྷ་ས་སྡེ་བཞིའི་ཉེ་འདོན་པ་ན་རེ། འཕགས་པ་ལྕེ་སྒོམ་པ་བྱ་བའི་ཐུགས་རྗེ་ཆེན་པོའི་གྲུབ་ཐོབ་གཅིག་ཡོད་པ་ཡིན་ཟེར་བས། དེ་ནས་མོས་པར་བྱུང་སྟེ། དར་དང་། ཟངས་དང་། ཕྱེ་མར་ཁྱེར་ནས་ཕྱིན་ཏེ། བླ་མས་ཐུགས་རྗེ་ཆེན་པོ་ཞལ་གཟིགས་པ་ལགས་སམ་ཞུས་པས། ཐུགས་རྗེ་ཆེན་པོ་ཡིན་ནམ་མིན་ཆ་མེད། གྲིབ་ཀྱི་ཐད་ཀ་འདི་ན་ཚུར་སྐྱ་ཤར་ཤར་བ་ཞིག་གཏན་དུ་མཐོང་གིན་འདུག་པ་ཡིན་གསུངས། འོ་ན་ཐུགས་རྗེ་ཆེན་པོ་ཞུ་དགོས་བྱས་པས། ཐོག་མར་རིག་གཏད་ཀྱི་དབང་བྱ་དགོས་གསུངས་ནས། མར་ཁལ་གཉིས་ལ་མར་མེ་བྱས། གཉིས་ལ་བཙའ་རུའི་སྟོན་མོ་བྱས་ཏེ། དར་ཡུག་གསུམ་དང་། ཟངས་ཕུལ་ནས་སྒྲུབ་ཐབས་ཚར་གསུམ་ཞུས་ནས། བླ་མས་ལོ་དུ་ལ་ཞལ་གཟིགས་བྱས་པས། ངས་སྟོན་ཀ་བསོད་སྙོམས་རེ་བྱས། དེ་ནས་མཚམས་བཅད་ནས་བསྒྲུབས་པས་ལོ་བརྒྱད་ལོན་ཙ་ན་ནང་གཅིག་ཚ་བ་ཐོན་ནས་ཉི་མ་ལ་འགྲོ་སྙམ་ཙ་ན། ང་སྡོད་པའི་བྲག་ཁུང་ན་གུ་དི་རི་རི་འདུག་ནས་སུ་ཡིན་སྙམ་ནས་བལྟས་པས། ངའི་སྡོད་ས་དེ་ན་གཙོ་འཁོར་གསུམ་མ་ཎི་དི་རི་རི་ཟློ་ཤིང་འདུག་ནས། ཡན་ལག་བདུན་པ་ཚར་གཅིག་ཕུལ། དེ་ནས་གཏན་དུ་ཞལ་མཐོང་བ་ཡིན་གསུངས་སོ། །དེ་ནས་སྐྱེར་སྒང་དུ་ཕྱིན་ནས། ད་ཡང་ན་གཡག་གུ་ཤི་བ་དང་། ཡང་ན་བྱང་ཚ་ལོན་པ་གཅིག་ལ་གཏང་དགོས། མི་ལུས་ཐང་གཅིག་ཐོབ་པ་འདི་ལ་ཡང་ན་ཤི་བ་ཞིག་དང་། ཡང་ན་ཐུགས་རྗེ་ཆེན་པོ་ཞལ་མཐོང་བ་ཞིག་ལ་གཏད་དགོས། དོན་མེད་ཞིག་ལ་མི་ཚེ་སྟོང་ཟད་བྱས་པས་མི་ཡོང་བས་བསྒྲུབ་དགོས་སྙམ་སྟེ། མཚམས་བྱེད་ཁ་མ་ལ་ཁམས་པའི་གྲྭ་པ་རྣམས་ཀྱིས་རྟ་བཏགས། བེར་བཀོན། དར་བརྐྱང་ནས་ཁྱོད་གཞོན་དུས་སུ་ཐོས་བསམ་མ་བྱས་ན། འབའ་ཚད་མ་བ་རབས་ཆད་པས་བཀའ་བཞི་མཁས་པ་ཅིག་བྱེད་དགོས་ཟེར་བ་ལ་མ་ཉན་པས། གྲྭ་བ་རྣམས་གྲོས་བྱས་ཏེ། དབོན་པོ་མཚམས་བྱེད་པ་ལ་ཕྱེ་དང་ཆུ་ཤིང་གཅིག་ཀྱང་མ་སྐྱེལ་བར་ཕར་འགྲོ་ཚུར་འགྲོ་ཐམས་ཅད་ཀྱིས་རྡོ་རྒྱོབ་ཅིག །དེ་ལྟར་བྱས་པས་ཁོ་སུན་ནས་སློབ་གཉེར་ལ་ཚུད་དུ་འོང་ངོ་ཟེར་ནས་ཁྲིམས་བྱས་སོ། །དེ་ནས་ངས་མཚམས་དམ་པོ་བྱས་ནས་ཐུགས་རྗེ་ཆེན་པོ་བསྒྲུབས་པས། གྲྭ་བ་ཕར་འགྲོ་ཚུར་འགྲོ་ཐམས་ཅད་ཀྱིས་སྒོ་ལ་རྡོ་བརྒྱབ་ཅིང་། བཀའ་བཞིའི་དབུས་ནས་མར་བྱང་ཤང་ཤད་མི་བྱེད་པར། སྔགས་ཀྱིས་འཁོས་ཀའམ་ཁྱོད་ལ་མ་ཎི་པདྨེ་ཧཱུྃ་ང་གཅིག་གི་འོང་གིས་ཟེར་ནས་རྒྱགས་གཅིག་ཀྱང་མ་བསྐྱལ་ལོ། །དེ་ནས་ཞག་རེ་ལ་སྐྱོ་ཚ་ཕོར་རེ་རེས་མྱོང་། རེས་མ་མྱོང་། དེ་ཡང་མ་མྱོང་བར་ཐལ་པ་དང་བསྲེས་ཏེ་བཏུང་བས། གཉིད་གཏི་མུག་ཡིན་གཏི་མུག་ཉོན་མོངས་པ་ཡིན། དེ་སྔ་ཡང་ཉོན་མོངས་པ་འདི་ཀས་འཁོར་བར་བསྐྱུར་བ་ཡིན་སྙམ་ནས་གཉིད་གཅིག་ཀྱང་མེད་པར་མ་ཎི་བཟླས་པས། རླུང་ལངས་ནས་མགོ་འགས་པ་བཞིན་དུ་བྱུང་བ་ལ་སྐེ་རག་གིས་མགོ་བསྡམས་ནས་བཟླས་པ་དྲག་པོ་བྱས་པས་རྟགས་ཅི་ཡང་མ་བྱུང་ནས་སྦྱིན་སྲེག་ཆེན་པོ་བྱས་པས་སྡིག་པ་ཟད་པའི་རྟགས་རྣམས་རྫོགས་པར་བྱུང་ཡང་ཞལ་མ་མཐོང་ནས། ལོ་ཕྱེད་དང་བཞི་སོང་བའི་ཉིན་ཕྱེད་ནས་ཡི་མུག་ནས་བྲག་འོག་ཞིག་ཏུ་སྐྱོ་བསངས་ལ་ཕྱིན་ནས། ནམ་མཁའ་ལ་འཇའ་འོད་ཀྲུག་ཀྲུག་འདུག་ནས། ངས་ལོ་ཕྱེད་དང་བཞིར་ཞག་རེ་ལ་སྐྱོ་ཚ་ཕོར་རེ་ཡང་མ་མྱོང་བར་བཟླས་པ་དྲག་པོ་བྱས་པས་རླུང་ལངས་འདུག་རྦབ་ཏུ་འཆོར་སྙམ་ནས་བྲག་ཕུག་ཏུ་གཅར་བྱས་པ་དང་། མདུན་གྱི་ནམ་མཁར་འཇའ་ཚོན་གྱི་དཀྱིལ་ན། ཇོ་བོ་ཐུགས་རྗེ་ཆེན་པོ་གཙོ་འཁོར་གསུམ་འཛུམ་ཡེ་རེ་བཞུགས་ཤིང་གདའ་ནས། ཇོ་བོ་ཐུགས་རྗེ་རེ་ཆུང་། ངས་ལོ་ཕྱེད་དང་བཞི་ལ་ཞག་རེ་ལ་སྐྱོ་ཚ་ཕོར་རེ་ལས་མ་མྱོང་བ་ལ། དེ་ལས་ཞལ་སྔ་བར་མི་སྟོན་པར་ཞུས་བས། ཇོ་བོའི་ཞལ་ནས་བུ་ཁྱོད་ཀྱིས་སྒྲུབ་པ་བྱས་ནས་ཞག་གསུམ་ནས་ང་དང་འདུ་འབྲལ་གཅིག་ཀྱང་མེད་པར་ཡོད་པ་ཡིན་ཏེ་ཁྱོད་རང་གིས་ལས་ངན་མ་དག་པ་དང་། མཐོང་ན་དགའ་བའི་རེ་བས་བཀག་པ་ཡིན་གསུངས་ནས་དེའི་དུས་སུ། <br />ཚད་མེད་ཡོངས་སུ་དག་པ་སྙིང་རྗེ་ཆེན་པོའི་སྐུ། །ཆོས་ཉིད་རྣམ་དག་གངས་རི་བལྟམས་བ་འདྲ། །སྐྱོན་བྲལ་རིན་ཆེན་པདྨ་བརྩེགས་པའི་གདན། །གདུང་པ་ཀུན་སེལ་ཟླ་བ་རྒྱས་པའི་སྟེང་། །རྡོ་རྗེ་སྐྱིལ་ཀྲུང་བཅས་ནས་བདུད་བཞི་མནན། །ཚད་མེད་འབྲས་བུ་ལོངས་སྤྱོད་རྫོགས་པའི་སྐུ། <br />།ལ་སོགས་པའི་གཙོ་འཁོར་གསུམ་གྱི་བསྟོད་པ་བྱས་པའོ། །དེ་ནས་སྔར་བསྙེན་པ་བསྐྱལ་བའི་གཤིན་རྗེ་གཤེད་དམར་པོ་དེ་ཞབས་གཡས་ཀྱིས་ཐག་མའི་རི་ལ་སླེབ་པ། གཡོན་པས་སྐྱེར་སྒང་གི་རི་ལ་མནན་པ། ཕྱག་གཡས་འཁོར་ལོ། གཡོན་སྡིགས་མཛུབ་ཐུགས་ཀར་མཛད་པ་དབུ་སྐྲ་ནམ་མཁའི་ཁམས་ཁྱབ་པ་གཅིག་ཞལ་གཟིགས་སོ། །དེ་ནས་ཁུ་བོའི་ཞལ་ནས་ཤོག་དང་གསུངས་ནས་ཕྱིན་པ་དང་། ཁྱོད་ཀྱིས་ཐུགས་རྗེ་ཆེན་པོ་དང་། གཤིན་རྗེ་གཤེད་གཉིས་ཞལ་མཐོང་འདུག་པས། ད་ཁམས་པ་རྣམས་ལ་ཉན་རྒྱུ་མེད། ཐོས་པ་བྱེད་པ་བས་སྒྲུབ་པ་བྱེད་པ་ཁེ་ཆེ་བས། ད་ལྟ་ལ་སྟོད་ན་ཚ་རི་སྒོམ་པ་བྱ་བ་བླ་མ་རས་ཆུང་པའི་གདམས་ངག་ལ་མཁས་པའི་གྲུབ་ཐོབ་ཅིག་འདུག་ཟེར་བས། ད་ཁྱོད་རང་དེ་རུ་སོང་དང་གསུངས་ནས་དར་ཡུག་དྲུག་དང་གསེར་ཞོ་གང་གནང་ནས་གཙང་དུ་ཕྱིན་པས། ཉི་མ་ཕྱེད་ཙམ་ནས་ལ་ཁ་ཞིག་ཏུ་སླེབ་ནས་ངལ་བསོས་པས། ཉི་མ་དྲོན་པོ་ཞིག་ལ་སེར་ཕྲན་ཞིག་བབས་པས། ཉི་མ་ཚ་ལ་སེར་བ་དྲག་པ་གཉིས་སྟབས་སྟབས་སུ་འཚོགས་བ་འདི་མཚར་སྙམ་པ་བྱུང་བ་དང་། ག་རེ་འདི་ཐམས་ཅད་རང་གི་སེམས་སུ་འདུག །སེམས་སྐྱེ་མེད་ཆོས་ཀྱི་སྐུ་རུ་འདུག་སྙམ་ནས། རང་སེམས་སྐྱེ་མེད་དུ་ལྷན་ཅིག་རྟོགས་པ་བྱུང་བས། ཕྱིས་ནས་ཀྱང་རྟོགས་པའི་ངོ་བོ་ལ་བོགས་འདོན་རྒྱུ་མ་བྱུང་ངོ་། <br />།དེ་ནས་ལ་སྟོད་དུ་བླ་མའི་བཞུགས་ས་བྲག་ཞིག་ལ་ཆུ་འགྲམ་དུ་ཕྱིན་པ་དང་། ཉེ་གནས་ཆུ་ལན་པ་དང་འཕྲད་པས། ང་ལ་ཕྱག་འཚལ་འདུག་པས་ཁྱོད་ང་ལ་ཕྱག་འཚལ་བ་སུ་དང་ནོར་བྱས་པས། ཁོ་ན་རེ། ད་ནང་བླ་མའི་ཞལ་ནས་དེ་རིང་དབུས་ནས་གྲུབ་ཐོབ་གཅིག་ང་ལ་འཕྲད་དུ་འོང་བ་ཡོད་པས་དེ་ཐོངས་ཅིག་གསུངས་པ་ཡིན། ད་ཁྱེད་དུ་འོང་བར་འདུག །གཞན་སུ་ལའང་མཇལ་ཀྱིན་མེད་པས་ད་གཤེགས་ཟེར་ནས་བྲག་ལམ་ཞིག་ལ་ཕྱིན་ནས། བླ་མ་ལ་དར་ཁ་གང་ཕུལ་ནས། ང་ལ་རྒྱགས་ཙམ་མེད་པས་བླ་མ་རས་ཆུང་བའི་གདམས་ངག་རྣམས་མྱུར་དུ་ཚར་བ་ཞིག་ཞུ་དགོས་བྱས་པས། ཁྱོད་ཀྱི་གསེར་དང་དར་ཡུག་ཟད་ཙམ་ན་ཚར་བར་བྱ་ཡི་གསུངས། ངས་བླ་མ་ལ་རྫུན་དེ་ཀ་ལས་ཟེར་མ་མྱོང་། དེ་ནས་གསེར་དང་དར་བཙོང་ནས། བདེ་མཆོག་ལྷ་བཅུ་གསུམ་དང་ཕག་མོ་ལྷ་བཅུ་གསུམ་ལ་སོགས་པའི་དབང་ཞུས་ནས་ལོ་གཉིས་ལ་གདམས་པ་རྣམས་ཚར་བར་གནང་ངོ་། །དེ་ནས་འོ་ཡུག་ན་བླ་མ་སྤེན་ཕུག་པ་ཆེན་པོ་བྱ་བ། ཇོ་བོ་རྗེའི་གསང་སྔགས་ཐམས་ཅད་ཀྱི་བཀའ་བབས་པ་ཞིག་ཡོད་ཟེར་ནས། བླ་མ་སྤེན་ཕུག་པ་ཆེན་པོ་དང་མཇལ་ནས་བདེ་མཆོག་ལ་སོགས་པའི་དབང་མང་དུ་ཞུས། ལོ་ལྔའི་བར་དུ་ཇོ་བོའི་གདམས་ངག་ཚར་བར་གནང་ནས། ཇོ་བོའི་ཌཱ་མ་རུ་གཅིག་དང་ཐུགས་དམ་རྣམས་གནང་ངོ་། །དེ་ནས་ཤངས་ཀྱི་ལྷ་ཕུ་ན་བླ་མ་རྨོག་ལྕོག་པ་བྱ་བ། སྒྱུ་ལུས་རྨི་ལམ་འབྱོངས་པས། འོད་གསལ་མངོན་དུ་གྱུར་པའི་བླ་མ་གྲུབ་ཐོབ་ཆེན་པོ་གཅིག་བཞུགས་ཟེར་བ་ཐོས་ནས། བླ་མ་དང་མཇལ་དུ་ཕྱིན་པས། ལམ་ཁར་ཕྱུག་པོ་གཅིག་གིས་གསང་ལམ་གྱི་ན་བཟའ་གཅིག་བསྐུར། དེའི་དགོང་མོ་ལ་རྩར་ཉལ་བས་མི་ནག་པོ་རས་ཀྱི་ཨང་རག་གྱོན་པ་ཞིག་བྱུང་ནས། ནང་པར་འགྲོ་བའི་ཡའུ་བཙལ་ནས་དགྲ་མི་ཡོང་བར་ཡོད་ཅིང་། ངས་ཁྱོད་ཀྱི་བྲན་བཞིན་ཉན་གྱིས་སུ་ཐོད་ཐོད་ལ་མ་བྱིན་ཅིག་ཟེར་ནས་མི་སྣང་བར་སོང་ངོ་། །དེ་ནས་ལ་ལ་ཟླ་བོ་མང་དུ་བྱུང་། སྐུང་ལུང་དུ་བླ་མ་དང་མཇལ་དུ་ཕྱིན་པས་བླ་མའི་ཞལ་ནས། མདང་མི་ནག་པོ་གཅིག་བསུར་མ་བྱུང་ངམ་གསུངས། བྱུང་ལགས་བྱས་པས། དེ་མགོན་པོ་ཡིན་ཁྱོད་ཀྱི་བྲན་བཞིན་འོང་བར་འདུག་གོ་གསུངས་སོ། །དེ་ནས་མཚོན་ཆ་ཅན་གྱི་དབང་བསྐུར་མཛད་ནས་སྔོན་འགྲོ་དང་ཐབས་ལམ་གྱི་ཁྲིད་ཚར་བ་དང་། བླ་མའི་ཞལ་ནས། ཡེ་ཤེས་ཀྱི་མཁའ་འགྲོ་མ་ནི་གུ་མའི་ཆོས་དྲུག་ཆིག་བརྒྱུད་ཡིན་པས་འདི་ལྷག་མ་མ་ལུས་པ་ཞིག་ཁྱོད་ལ་སྟེར་དགོས། འདི་ལ་སྤྱིའི་དབང་བསྐུར་གཅིག་དང་སྒོ་སྒོའི་དབང་བསྐུར་རེ་ཡོད་པས། མིས་མ་ཚོར་བ་བྱེད་དགོས་གསུངས་ནས། དང་པོ་ཐབས་ལམ་གྱི་དབང་བསྐུར་ནས་མེ་རྒོད་གཏུམ་མོའི་ཁྲིད་རྐྱང་པས་ཞག་བདུན་ནས་རས་ཐུབ་པར་བྱུང་བ་དང་། ད་སྤྱིའི་དབང་བསྐུར་བྱེད་དགོས་གསུངས་ནས། ནམ་ཕྱེད་ནས་དབང་བསྐུར་བའི་དུས་སུ་བདེ་མཆོག་དང་། ཌཱ་ཀི་མ་ནི་གུ་མའི་ཞལ་མཐོང་། ཡང་སང་དགོང་སྒྱུ་ལུས་ཀྱི་དབང་བསྐུར་རྐྱང་པས་སྒྱུ་མའི་ཉམས་བཟང་པོ་བྱུང་ནས། སྣང་བའི་བདེན་འཛིན་ཐམས་ཅད་ཞིག་ནས་སོང་ངོ་། །དེ་ནས་ཟླ་བ་བཅུ་གཉིས་ནས་རྨི་ལམ་གྱི་དབང་བསྐུར་ནས། རྨི་ལམ་བཟུང་བས། ཟིན་པ་དང་སྦྱོང་སྤེལ་ཤེས་པ་དུས་གཅིག་ལ་བྱུང་བས། བླ་མའི་ཞལ་ནས། དབང་པོ་རབ་ཏུ་གྱུར་པ་ལ། །ཟིན་དང་སྦྱོང་སྤེལ་མཉམ་དུ་འོང་། །བྱ་བ་ཡིན་གསུངས་ནས་ང་ལ་བསྟོད་ར་མང་པོ་མཛད་དོ། །དེ་ནས་རྨི་ལམ་གྱི་སྟོབས་ཆེན་པོ་བྱུང་བ་དང་། བླ་མའི་ཞལ་ནས། ངའི་ཉེ་གནས་དེ་ཚོང་དུས་སུ་ཇ་འདོན་དུ་སོང་པ་ཡིན་ཏེ་ད་རུང་མ་བྱུང་། ཁོ་ལ་དགྲ་བྱུང་བ་ཡིན་ནམ་དོ་ནུབ་རྨི་ལམ་ཟུངས་ལ་ལྟོས་ཤིག་གསུངས་པས། ནམ་ཕྱེད་ཚུན་ཆད་གསོལ་བ་བཏབ་ནས་ཐོ་རངས་རྨི་ལམ་བཟུང་ནས་ཕྱིན་པས། ཁོ་ཚོང་དུས་ནས་ཉི་མ་གཅིག་འོངས་བའི་ས་ན། ཇ་སིག་མགོ་ཆགས་གཅིག་ལ་སྔས་གཏད་ནས་འདུག །ཇ་སིག་ནང་ན་རེ་བས་གཏུམས་པ་གཅིག་འདུག་ནས། ནང་པར་བླ་མའི་སྤྱན་སྔར་ཕྱིན་ནས་ཉེ་གནས་ཀྱིས་ཇ་ལོན་ནས་ཇ་སིག་ནང་ན་རེ་བས་གཏུམས་པ་གཅིག་ཀྱང་གདའ་ཞུས་པས། བླ་མའི་ཞལ་ནས་རེ་བས་གཏུམས་པ་དེ་ཏིག་ཅུག་གཅིག་རེ་བས་གཏུམས་ནས་འདུག་པས། ད་རུང་བོང་བུ་འ་མོ་ཀ་རྒན་པར་འདུག་པས་སྒོམས་ཤིག་གསུངས་སོ། །དེ་ནས་ཟླ་བ་བདུན་གྱི་མཚམས་བྱས་ནས་རྨི་ལམ་གྱི་འདུན་པ་རྩེ་གཅིག་ཏུ་བཏང་བས། ཉིན་པར་སྒྱུ་མའི་རྟོགས་པ་རང་ཤར་དུ་བྱུང་། མཚན་མོ་རྨི་ལམ་བཟུང་ནས་ཨོ་རྒྱན་དུ་ཕྱིན་ཏེ། སློབ་དཔོན་ལྭ་བ་པ་ལ་ཚིག་བསྡུས་ཞུས། ཌཱ་ཀི་མ་སེང་གེའི་གདོང་ཅན་ལ་དེ་ཉིད་གསུམ་གྱི་རྫོགས་རིམ་དང་རྩ་བ་བཅུ་པའི་གདམས་ངག་ཞུས། ཡང་རྨི་ལམ་བཟུང་ནས་རྒྱ་གར་ལྷོ་ཕྱོགས་སུ་སློབ་དཔོན་ཕྱོགས་ཀྱི་གོ་ཆ་ལ་ཕྱི་ནང་གསང་གསུམ་གྱི་རྟེན་འབྲེལ་ཞུས། ཡང་པོ་ཊ་ལར་ཕྱིན་པས་སྒྲོལ་མ་གཙོ་འཁོར་གསུམ་ཞལ་མཐོང་། སྒྲོལ་མའི་ཞལ་ནས། <br />སྒྱུ་ལུས་བདེན་མེད་གནད་ཡིན་ཨ་འཐས་ཤིག །རྨི་ལམ་འདུན་པའི་གནད་ཡིན་ལམ་དུ་ཁྱེར། །འོད་གསལ་མོས་གུས་གནད་ཡིན་གསོལ་བ་ཐོབ། །གཞན་དོན་སྙིང་རྗེའི་གནད་ཡིན་ཕྱོགས་འཛིན་སྤོངས། <br />།ལ་སོགས་པའི་ཆོས་མང་པོ་གསུངས་སོ། <br />།དེ་ནས་བླ་མ་ལྷ་རྗེའི་མཆོད་པའི་དུས་སུ་ལྷ་བཞིའི་མདུན་བསྐྱེད་དང་བདག་བསྐྱེད་གཉིས་ཀྱི་དབང་གནང་ནས། ཞག་ཉི་ཤུ་རྩ་གཅིག་བསྒྲུབས་པས་སྤྱི་བོའི་སྟེང་ན་ཉིན་མཚན་མེད་པར་བཞུགས་པ་ཞལ་མཐོང་བས། བླ་མའི་ཞལ་ནས་ད་ཡི་དམ་ནི་རྒྱུན་ཆད་མེད་པར་མཐོང་ནས་འདུག །རྨི་ལམ་གྱི་སྟོབས་ནི་ཆེན་པོ་བྱུང་འདུག་པས། ད་མཚོན་ཆ་ཅན་གྱི་གྲྭ་བ་སོ་མ་རྣམས་ཀྱི་ཆོས་སྒོ་འབྱེད་པ་བྱེད་དགོས། ཁྱོད་ང་ལ་མོས་པ་འདུག་གསུངས་སོ། །དེ་ནས་དབྱར་གཅིག་ཆོས་སྒོ་ཕྱེས། ཐུགས་རྗེ་ཆེན་པོའི་སྒྲུབ་ཐབས་བཤད་པས་དགེ་སྦྱོར་གྱི་སྟོབས་ཀྱང་ཆུང་དུ་སོང་། འདུ་འཛི་ཆེས་པས་སོ་ཡང་མ་བསོད་པར་བྱུང་ནས། ཆོས་སྒོ་འབྱེད་པ་དེ་བཤོལ་ནས་མཚམས་དམ་པོ་བཅད་ནས་བསྒོམ་ཀྱང་། དགེ་སྦྱོར་དེ་ཡུན་རིང་པོ་སོར་ཚུད་དུ་མ་གཏུབ་པས། ད་དག་པའི་ས་གསུམ་ལ་མ་སླེབ་བར་མི་ཟས་དང་། གཞན་དོན་ཀྱང་བྱེད་མི་གཏུབ་པར་འདུག་སྙམ་པ་བྱུང་བ་དང་། ཐུགས་རྗེ་ཆེན་པོ་བྱོན་ནས། <br />འདུ་འཛི་གཡེང་བ་བདུད་ཀྱི་བར་ཆད་ཡིན། །ཆགས་སྡང་སྣ་ཚོགས་གྲོགས་སུ་མ་འཆར་བར། །རྐྱེན་ངན་དབེན་པའི་དགོན་པ་རྟག་ཏུ་བསྟེན། །ཚེ་ལ་ལོང་མེད་འཆི་བ་བསམ་པར་རིགས། <br />།ཞེས་གསུངས་སོ། །དེ་ནས་དགེ་སྦྱོར་སོར་ཆུད་པ་དང་། ཚེས་བཅོ་ལྔའི་ཉི་མ་ཤར་མ་ཐག་ལ། དགྱེས་རྡོར་མཚོན་ཆ་ཅན་ལྷ་བཅུ་གསུམ་གྱི་དཀྱིལ་འཁོར་སྐུ་རི་བོ་ཙམ་ཡོད་པ་ཞལ་མཐོང་། དེ་ནས་ཉི་ཤུ་གཉིས་ལ་རྨི་ལམ་བཟུང་ནས་དཔལ་འབྲས་སྤུངས་སུ་ཕྱིན་པས་རྒྱུད་སྡེ་ལྔའི་ལྷ་ཚོགས་རྣམས་ཀྱི་ཞལ་མཐོང་ནས་ཐམས་ཅད་གསུང་གཅིག་ཏུ་འདི་སྐད་གསུངས་སོ། <br />།དབང་བཞི་མ་རྫོགས་སྨིན་པར་ག་ལ་ནུས། །དབྱེར་མེད་བསྐྱེད་རིམ་མ་སྒོམ་གྲོལ་མི་སྲིད། །ཐོབ་འདོད་རེ་བས་འབྲས་བུ་མི་འབྱིན་པས། །རང་གྲོལ་རང་ཤར་སྐུ་གསུམ་དབྱེར་མེད་པས། <br />།ཞེས་ལན་གསུམ་གསུངས་པས། ཅིར་སྣང་ཐམས་ཅད་བསྐྱེད་རྫོགས་དབྱེར་མེད་དུ་རྟོགས་སོ། །དེ་ནས་མཚམས་བཀྲོལ་བ་དང་། ནུབ་གཅིག་རྨི་ལམ་ན། ཡི་གེ་ཨ་གཅིག་གིས་གསུས་པ་ཕར་ཐལ་ཚུར་ཐལ་དུ་ཕུག་པ་དང་། ཟུག་རྔུ་ཆེན་པོ་བྱུང་། ཡང་ལྕི་བ་དང་རི་ལ་འབུ་དབང་མེད་དུ་ཟ་དགོས་པ་གཅིག་རྨི་བ་དང་། ནང་པར་བླ་མའི་གསུངས་མ་ཆོག་པར་ཕྱུག་པོ་གཅིག་གི་བསྙེན་བསྐུར་ལ་ཕྱིན་པ་དང་། དེའི་དགོང་མོ་ལུས་པོ་ཐམས་ཅད་གཤག་གཏུབ་བྱས་པ་བཞིན་ན་ནས། སྨན་དང་རིམ་གྲོ་གང་གིས་ཀྱང་མ་ཕན་པར་ཤི་ལ་ཐུག་པ་དང་། ཐོ་རངས་སྒྲོལ་མ་དཀར་མོ་བྱོན་ནས། ཁྱོད་ཀྱི་ན་བ་འདི་སྐུ་གླུད་ཟོས་པས་ལེན་པ་ཡིན། དེ་གཞན་གྱིས་ཀྱང་མི་ཕན་པས་བྲུལ་གཏོར་ཐོངས་ཤིག །དེས་དམྱལ་བའི་ལས་ཞི་དེ་ལས་གྲོལ་བར་འགྱུར་རོ། །གསུངས་ནས་བྲུལ་གཏོར་བཏང་བས་ནད་དྲག་པོ་སོས་སོ། །དེ་ནས་བྲུལ་གཏོར་ཁོ་ན་ལ་མོས་ཤིང་ཡིད་ཆེས་པར་བྱུང་ངོ་། །དེ་ནས་བླ་མ་ལ་རྒྱུད་སྡེ་ལྔའི་དབང་ཞུས་ནས་དགྱེས་རྡོར་དང་། དགྲ་ནག་དང་། འཇིགས་བྱེད་དང་། རྒྱུད་སྡེ་ལྔའི་སྒྲུབ་ཐབས་དང་། གདམས་པ་རྣམས་མ་ལུས་པར་ཞུས་ནས། ད་ནི་ཤེས་བྱའི་སྒྲིབ་པ་མ་དག་བར་དུ་སྒྲུབ་པ་ཞིག་བྱ་དགོས་སྙམ་ཙ་ན། ཉིན་གཅིག་རྟ་པ་སུམ་བརྒྱ་ཙམ་བྱུང་ནས། ཁུ་བོ་འབའ་ཚད་མ་བ་གྲོང་པས་གདན་ས་ལ་འགྲོ་དགོས་ཟེར་ནས་བྱུང་བས། ང་མི་འགྲོ། ཁྱོད་རང་རྣམས་གདན་ས་གཞན་ལ་འཆོས། ད་ང་མ་ཤིའི་རིང་ལ་སྒྲུབ་པ་ཞིག་བྱེད་པ་ཡིན་བྱས་པས། བླ་མས་དམ་ཚིག་ལ་བསྒྲེས་ནས། ཁུ་བོའི་གདན་ས་གྱིས། དགེ་སྦྱོར་འཕེལ་བར་འོང་གིས། ཡེ་ཤེས་མགོན་པོ་ཕྱག་དྲུག་པ་བྲན་བཞིན་དུ་ཉན་པའི་བཀའ་བསྒོ་གནང་། བུ་འདི་རུ་མ་འདུག་དབུས་སུ་སོང་། མགོན་པོ་འདི་བྲན་བཞིན་དུ་ཉན་པར་འདུག་ཅིག་གསུངས་ནས། དེའི་དུས་སུ་སྐྱེར་སྒང་དུ་འོངས་ནས། སྐུ་འབུམ་གཅིག་བཞེངས་ནས་གདན་ས་བྱས། ད་དགོན་པ་འདི་ལ་ལྕགས་རི་གཅིག་བྱ་དགོས་སྙམ་པ་དང་། གར་དགོས་སུ་ས་སྤུངས་ནས་བྱུང་བ་དང་། རྨང་གཏིང་བས་ཡུལ་བས་དགག །དེ་ལ་མ་དགའ་བ་ཞིག་བྱུང་སྟེ། བླ་མའི་ཞལ་ནས་ཆོས་སྐྱོང་འདི་བྲན་བཞིན་དུ་ཉན་པར་འདུག་ཅིག་གསུངས་པ་ཡིན་ཏེ། ད་ལྕགས་རི་ཡང་དོན་མེད་པར་ཁོང་ཚོས་བཅག་ནས་མེད་དོ་ཟེར་བ་གཅིག་ཁ་ནས་ཤོར། དེའི་དགོང་མོ་ལྕགས་རི་བཅོག་པའི་མི་ཚང་མང་ཚད་ཅིག་ཤི་ནས་ནང་པར་བབས་བྱས། ང་ཡང་འགྱོད་ནས་བདུན་ཚིགས་བྱས་སོ། །དེ་ནས་ད་ནི་འདུ་འཛི་ལ་གཡེངས་ནས་འགྲོ་བར་འདུག་སྙམ་ནས་ཁུ་བོའི་ཟླ་མཆོད་མ་གཏོགས་པ་མཚམས་དམ་པོ་བྱས་ཏེ། གཉིད་ཙམ་མ་ལོག་པར་དགོངས་མོ་ས་རུབ་ནས་ནམ་མ་ལངས་བར་ལ་སྐུ་འབུམ་ལ་བསྐོར་བ་བྱས། ཉིན་པར་ཉལ་ས་ལས་མ་གཡོས་པར་དགེ་སྦྱོར་གཅིག་པོ་བྱས་པས་རྨི་ལམ་དང་འོད་གསལ་གྱི་སྟོབས་ཆེན་པོ་བྱུང་ནས། ནུབ་གཅིག་རྨི་ལམ་བཟུང་ནས་མཆོད་རྟེན་དཔལ་ཡོན་ཅན་ལྟར་ཕྱིན་པས་རིན་པོ་ཆེ་སྣ་ཚོགས་ལས་གྲུབ་པའི་ཞལ་ཡས་ཁང་ན། ཤེལ་གྱི་མཆོད་རྟེན་སངས་རྒྱས་ཀྱི་རིང་བསྲེལ་མ་ག་ཏའི་བྲེའི་ཁལ་གཅིག་བྲེ་བདུན་བཞུགས་པ་འོད་ཟེར་སྣ་ལྔ་ཕྱོགས་བཅུར་འཕྲོ་བ་འོད་ཟེར་གྱི་སྣ་ལ་མཆོད་པའི་ལྷ་མོ་དཔག་ཏུ་མེད་པ་བྱུང་ནས་མཆོད་པ་འབུལ་བ། གཞལ་ཡས་ཁང་གི་ནང་ཐམས་ཅད་རྒྱུད་སྡེ་ལྔའི་ལྷ་ཚོགས་མང་པོ་རིམ་པ་བཞིན་དུ་བཞུགས་པ། དེའི་ཕྱི་རིམ་ལ་ལྷ་དང་ཀླུ་དང་གནོད་སྦྱིན་དང་དྲི་ཟའི་ཚོགས་ཀྱིས་མཆོད་པ་འབུལ་བ་འདི་ལྟ་བུ་ཞིག་འདུག་ནས། ངས་ཀྱང་སྐད་ཅིག་ལ་ཕྱི་ནང་གསང་གསུམ་གྱི་མཆོད་པ་དཔག་ཏུ་མེད་པ་སྤྲུལ་ནས་ཕུལ་བ་དང་། ཌཱ་ཀིའི་ཚོགས་ཐམས་ཅད་མགྲིན་གཅིག་ཏུ་རིགས་ཀྱི་བུ་དེ་ལྟ་བུའི་མཆོད་པ་ནི་ཨེ་མ་ཧོ་ལན་གསུམ་གསུངས་པ་དང་། གསང་སྔགས་ཀྱི་ལྷ་ཚོགས་རྣམས་ཀྱི་ཐུགས་ཀ་ནས་འོད་ཟེར་བྱུང་ནས་རིགས་ཀྱི་བུ་ཚུར་ཤོག་དབང་བསྐུར་བར་བྱའོ་གསུངས་ནས། དབང་བཞི་རྫོགས་སུ་བསྐུར་བ་དང་། ལྷ་དབང་བསྐུར་བ་དང་། བདག་དང་མཆོད་པའི་ཚོགས་ཐམས་ཅད་ཀྱང་སྐྱེ་འགགས་དང་བྲལ་བའི་ཟུང་འཇུག་ཕྱག་རྒྱ་ཆེན་པོ་རྟོགས་ནས། <br />རིན་ཆེན་བརྩེགས་པའི་གཞལ་ཡས་ཁང་། །རྟེན་ཡོངས་སུ་དག་པའི་མཆོད་རྟེན་ལ། །རྒྱལ་བ་བདུན་གྱི་རིང་བསྲེལ་བཞུགས། །ཡིད་ཀྱིས་སྤྲུལ་པའི་མཆོད་པ་འབུལ། །དེ་ཡང་དམིགས་མེད་སྒྱུ་མའི་ཉམས། །ཟུང་འཇུག་ཕྱག་རྒྱ་ཆེན་པོར་རྟོགས། <br />།ཞེས་བྱ་བ་ལ་སོགས་པའི་མགུར་དེ་བླངས་སོ། །ཡང་རྨི་ལམ་བཟུང་ནས་པོ་ཏ་ལར་ཕྱིན་པས། རིན་པོ་ཆེ་ལས་གྲུབ་པའི་མཆོད་རྟེན་ལྟ་བུའི་སྟེང་ན། ཐུགས་རྗེ་ཆེན་པོ་གཙོ་འཁོར་གསུམ་པོ་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ་འོད་ཀྱི་རང་བཞིན་ཅན་ཏུ་བཞུགས་ནས་འདུག །ཁྲི་འཕང་རྣམས་ལ་ཐུགས་རྗེ་ཆེན་པོ་ཁ་སར་པཱ་ཎི་བྱིས་པ་ལོ་བརྒྱད་ལོན་པའི་ན་ཚོད་ལྟར་བཞུགས་ནས། ཆོས་ཀྱི་ཞུ་བ་པོའི་ཚུལ་མཛད་དེ། <br />ལྷ་ཀླུ་གནོད་སྦྱིན་དྲི་ཟ་རྣམས། །སྐྱོན་བྲལ་ཐུགས་རྗེ་ཆེན་པོའི་སྐུ། །ཐེག་ཆེན་ཆོས་རྣམས་སྟོན་པར་འགྱུར། །གང་མོས་དོན་རྣམས་དྲི་བར་བྱོས། <br />།ཞེས་གསུངས་པ་དང་། རི་རབ་ཀྱི་འོག་ནས་པདྨའི་སྡོང་པོ་ལ་ལྷ་དང་ཀླུ་དང་གནོད་སྦྱིན་དང་དྲི་ཟའི་ཚོགས་ལག་ན་མཆོད་པ་དཔག་ཏུ་མེད་པ་ཐོགས་ནས་འཁོད་དེ་རང་རང་གི་སྐད་ཀྱིས་ཁ་སར་པཱ་ཎི་ལ་ཞུས། ཁ་སར་པཱ་ཎིས་གཙོ་འཁོར་གསུམ་ལ་ཞུས་པ་དང་། ཐུགས་རྗེ་ཆེན་པོས་རང་རང་གི་སྐད་དུ་སྐྱེ་གནས་སྦྱོང་བ་དང་། གསང་སྒྲུབ་གསུངས་སོ། །དེ་ནས་གཙོ་འཁོར་གསུམ་པོ་བཅུ་གཅིག་ཞལ་དུ་གྱུར་ནས། དེའི་གནས་གསུམ་ནས་འོད་ཟེར་གསུམ་བྱུང་ནས་བདག་གི་གནས་གསུམ་དུ་ཕོག་པས། བདག་ཀྱང་ཐུགས་རྗེ་ཆེན་པོའི་སྐུར་གྱུར་པ་དང་། བཅུ་གཅིག་ཞལ་གྱིས་དུག་སྦྱོང་བའི་གདམས་ངག་དང་། གཟུངས་རིང་གི་བཟླ་ཐབས་དེ་གསུངས་ནས། པོ་ཏ་ལའི་གཟུངས་ཟུངས་ཤིག །དེ་མཐོང་ཚད་ངན་སོང་ལས་ཐར་ཐུགས་རྗེ་ཆེན་པོ་ཐོབ་པར་འགྱུར་རོ་གསུངས་སོ། <br />།ཡང་མདོ་བོ་ན་བླ་མ་ལྷོ་པས་བདེ་མཆོག་གི་དབང་བསྐུར་བྱེད་ཅིང་ཡོད་ཟེར་ནས་རྨི་ལམ་བཟུང་ནས་ལྟར་ཕྱིན་པས། བླ་མ་ལྷོ་བ་དེ་ཧེ་རུ་ཀ་ཞལ་གཅིག་ཕྱག་བཅུ་གཉིས་པར་གྱུར་ནས་བུམ་པ་བཟུང་ནས་སློབ་མ་རྣམས་ལ་བདེ་མཆོག་དངོས་ཀྱི་དབང་བསྐུར་ནས་འདུག་པ་ལ། ད་ལྟ་བོད་ན་བདེ་མཆོག་དངོས་ཀྱི་དབང་བསྐུར་བ་ལྷོ་པ་ལས་མི་འདུག་གསུངས་སོ། །ཡང་དུང་རུང་སྒང་པས་དབང་བསྐུར་བྱེད་ཀྱིན་ཡོད་ཟེར་ནས། དངོས་བཞིའི་སྲོད་ལ་རྨི་ལམ་བཟུང་ནས་བལྟས་པས། གཞི་དེའི་ཀླུ་སྲིན་མོ་གཅིག་གིས་གཏོར་མ་ཟོས་ནས་རང་བྱུང་གི་ཁྲག་སྙིང་ཁར་བྱུགས་པས་སློབ་མ་ཐམས་ཅད་འཐབས་པས་རྨས་མ་མང་པོ་བྱུང་ནས། ནང་པར་དུང་རུང་སྒང་པ་ནམ་ལངས་མ་ཐག་ངའི་གམ་དུ་བྱུང་བ་ལ། དགེ་བཤེས་དབང་བསྐུར་ཉེས་སམ་བྱས་པས་མདང་འཐབ་མོ་མང་དུ་བྱུང་ཟེར་བས། གཏོར་མ་མི་ཐུབ་པར་དབང་བསྐུར་བྱེད་པ་ག་ན་འོང་། ཁྱེད་རང་གི་གཞི་དེའི་ཀླུ་སྲིན་མོ་དེས་བར་ཆད་བྱེད་ཀྱིན་འདུག་པ་ཡིན། ད་ངས་རྟེན་འབྲེལ་བྱས་ལ་ཚེ་སྲིངས་ཤིག་བྱས་ནས་མར་མེ་སྦར་བ་གཅིག་ཁོ་ལ་གཏད་ནས་འདི་ཁྱེར་ལ་དགོན་པར་ཤད་ཀྱིས་སོང་ལ་བཤགས་པ་གྱིས་ཤིག་བྱས་ཙ་ན། ལམ་ཁར་ཇ་འཐུང་ཞིང་བསྡད་པས་ལམ་ཁར་མར་མེ་ཟད་ནས། ཁོ་ཡར་སླེབ་མ་ཐག་བཤགས་པ་བྱ་ལོང་མེད་པར་ཁྲག་སྐྱུགས་ནས་ཤི་འདུག་པས། དབང་བསྐུར་དུས་བགེགས་སྐྲོད་པ་དང་། ཆོས་སྐྱོང་ལ་བཀའ་བསྒོ་བ་གལ་ཆེ་བར་འདུག་གོ། དེ་ནས་དགོང་གཅིག་འབུམ་པ་ལ་བསྐོར་བ་བྱེད་ཅིང་ཡོད་པའི་དུས་སུ་ནམ་མཁའ་ལ་འོད་ཆེན་པོ་ཞིག་བྱུང་ནས་བལྟས་པས། དྲང་སྲོང་རཱ་ཧུ་ལ་མགོ་དགུ་པ་ལག་ན་མདའ་གཞུ་ཐོགས་པ། མགོ་ལུས་ཐམས་ཅད་མིག་གིས་གང་བ། ཁ་ནས་གློག་འཁྱུག་པ། སྐུ་མདོག་དུད་ཁ་ཡོད་པ་ལྷ་མ་སྲིན་སྡེ་བརྒྱད་ཀྱིས་བསྐོར་བ། ནམ་མཁའ་ཁེངས་པ་ཤིན་ཏུ་འཇིགས་པ་ཆེ་བ་ཞིག་མཐོང་ནས། ཇོ་བོ་དཀོན་མཆོག་གསུམ་པོས། སེམས་ཅན་ཐམས་ཅད་དྲང་སྲོང་གི་འཇིག་པ་ལས་བསྐྱབ་ཏུ་གསོལ་བྱས་པས། རཱ་ཧུ་ལའི་གཡོན་དུ་ལྷ་མོ་དཀར་མོ་ཞིག་བྱོན་ནས། <br />བུ་ཁྱོད་རང་གི་སེམས་ལ་ལྟོས། །འཇིགས་པས་རང་སེམས་བདུད་དུ་བབས། །ལུས་ཀྱི་གཅེས་འཛིན་གཏིང་ནས་སྤོངས། །སྣང་སྟོང་སྒྱུ་མ་གཟུགས་བརྙན་ལ། །ཅི་ཕྱིར་འཇིགས་དང་སྐྲག་པར་བྱེད། །གཞན་ཕན་གསོལ་བ་འདེབས་པ་དེ། །ལེགས་པར་བསྟན་གྱིས་གུས་པས་ཉོན། <br />།ཙནྡན་གོ་ཤིར་ཤའི་སྣག་ཚ་ལ། དེ་བཞིན་གཤེགས་པ་ཀླུ་དབང་གི་རྒྱལ་པོ་ལ་ཕྱག་འཚལ་ལོ་ལ་སོགས་པ་དེ་བཞིན་གཤེགས་པ་བཞིའི་མཚན་བྲིས་ལ་ལུས་ལ་ཐོགས་ཤིག །དྲང་སྲོང་གི་འཇིགས་པ་ལས་སྐྱོབ་པར་འགྱུར་རོ་གསུངས་ནས་མི་སྣང་བར་གྱུར་ཏོ། །དེ་ནས་ཟླ་བ་གཅིག་ནས་ཏི་སེ་ནས་རི་པ་སུམ་བརྒྱ་བྱུང་ནས། ཆོས་རྗེ་གྲོང་ཟེར་ནས་འོང་པ་ཡིན་ཏེ། ལ་ལ་ན་རེ་མ་གྲོང་ངམ་ཡང་ཟེར། དོ་ནུབ་རྨི་ལམ་བཟུང་ནས་གཟིགས་པར་ཞུ་ཟེར་བས། ད་ལྟ་རང་བླ་ཡེ་ན་འབུལ་བ་ལེན་ཆོས་བཤད་ཅིང་འདུག་པ་ཡིན་ཏེ་བྱས་པས། ཁོང་རྣམས་ལྐོག་ཤུབ་བྱེད་ཅིང་། གྲུབ་ཐོབ་ཡིན་ཉན་ཡོད་རྟོགས་ལྡན་དུ་མི་འདུག་སྔགས་འདི་ཙམ་འདྲེན་ཅིང་འདུག །ད་རེས་ཁོང་གི་མངོན་ཤེས་ཐོག་ཏུ་ཕེབས་ན་རང་རེ་ཐམས་ཅད་ཐུགས་རྗེ་ཆེན་པོ་ཞུ་དགོས་ཟེར་ཅིང་འདུག །དེ་ནས་ངས། རྩ་གང་ཡིན། མདུད་པ་གང་ཡིན། གྲོལ་བ་གང་ཡིན། གྲོལ་བའི་དགོས་པ་གང་ཡིན། ཙནྡན་གོ་ཤིར་ཤ་གཅིག་ཀྱང་བསྐུར་བ་ཞུ་བྱས་ནས། རི་པ་རྣམས་ལ་ཡི་གེ་བསྐུར་བས། བླ་མ་འབྲི་གུང་པས། གཡུ་ཁང་དུ་དབུ་ཆེ་རྣམས་བསགས་ནས་ཡིག་ལེན་ཇི་སྐད་བསྐུར་བྱས་པས་མ་མཐུན་ཏེ། བླ་མ་རང་གིས་རྩ་ཉོན་མོངས་པ་མདུད་པ་དུག་གསུམ་གྱི་རྟོགས་པ། གྲོལ་བ་ཉོན་མོངས་པ་ལས་གྲོལ་བ། དགོས་པ་དོན་གཉིས་མཐར་ཕྱིན་པའོ་བྱས་པ་དང་། ཙནྡན་དང་། ཟི་པོལ་དང་། གོས་ཆེན་མང་པོ་བསྐུར་ནས་བྱུང་ངོ་། །དེ་ནས་བླ་མ་སོག་པ་དང་། རི་པ་མང་པོས་ཐུགས་རྗེ་ཆེན་པོ་ཞུས་ནས། ཁོང་རྣམས་ཀྱི་ཚེའི་སྟོད་སྨད་ལ་ཇི་ལྟར་བྱུང་བ་དང་། མ་འོངས་པ་རྣམས་བཤད་དེ། ཐུགས་རྗེ་ཆེན་པོ་ལོ་གསུམ་བསྒྲུབ་པར་ཁས་བླངས་སོ། །དེའི་རྗེས་ལ་འགའ་དང་རྒྱའི་རྒྱལ་པོས་བཟུངས་ཆུས་ཕན་ཐོགས་པའི་འབུལ་བ་ཡིན་ཟེར་ནས། དངུལ་བྲེ་གང་དང་། དར་ཟབ་དང་། གསེར་མང་པོ་གཞུང་མགྲོན་པ་ལ་བསྐུར་ནས་བྱུང་བ་དང་། དངོས་པོ་དག་པ་ཅི་བྱུང་ཐམས་ཅད་བླ་མ་ལ་བསྔོས་ནས་བསགས་པས་གཡུ་སུམ་ཅུ། སྣམ་བུ་སྟོང་། འབྲི་གཞོན་སུམ་ཅུ་སོ་དགུ། རྟ་བཅུ་གསུམ། སྣག་ཚའི་བཀའ་འགྱུར་རོ་ཅོག་དང་། གསེར་གྱི་ཉི་ཁྲི། ཇ་སིག་དང་། བེར་ཐུལ་དང་། དཀར་ཡོལ་ལ་སོགས་པ་དངོས་པོ་ཅི་ཡོད་ཐམས་ཅད་བླ་མའི་ཕྱག་ཏུ་འབུལ་དགོས་སྙམ་ནས། འབུལ་བ་སྐྱེལ་རོགས་བཙལ་བས་སྐྱེར་སྒང་པའི་གྲྭ་པ་རྙིང་པ་རྣམས་འཚོགས་ནས། འབའ་ཐམས་ཅད་མཁྱེན་པའི་གདན་ས་ནས། གཞན་དུ་འབུལ་བ་འདི་ཙམ་སྐྱེལ་བ་མི་འཐད་པས། རང་རེས་འབུལ་བ་སྐྱེལ་རོགས་མི་བྱེད་ཟེར་ནས་གྲོས་བྱས་པས། ཤངས་པ་ན་རེ་ཁོངས་རྣམས་ཁྲིམས་བྱས་ནས་འབུལ་བ་སྐྱེལ་རོགས་མི་བྱེད་པར་འདུག་པ་ད་ཅི་འཐད་ཟེར། ངས་དཀོན་མཆོག་ལ་གསོལ་བ་བཏབ་པ་ཡིན་ཏེ། འོ་ན་ཆོས་སྐྱོང་རང་གིས་སྒྲུབ་བམ་བྱས་པ་དང་། ཉི་མ་ཕྱེད་ཡོལ་ཙམ་ན་རལ་གུ་རང་ཕྲུག་གོན་པ། སྐེ་རག་དམར་རུའི་ཐོད་བཅིངས་པ་རྟ་ནག་ཞོན་པ་གཉིས་བྱུང་ནས། ཁྱེད་ལ་འབུལ་བ་སྐྱེལ་རོགས་མེད་ན་ཟླའུ་བཟང་པོ་འདུག་ཟེར་ནས། གང་ན་འདུག་བྱས་པས་འཕན་ཡུལ་པའི་ཚོངས་པ་མང་ཚད་གཅིག་དོ་ནུབ་མོན་འདྲ་ན་འདུག །སང་དགོང་སྒང་བུའི་གནས་སུ་འོང་བར་འདུག་ཟེར་རོ། །སང་དགོང་གཞོན་ཚུལ་གནས་སུ་བཏང་ཙ་ན། རྟ་ནག་ཞོན་པའི་མི་བདུན་མཛོ་ཕོ་མང་པོ་རོལ་དུ་ཁྲིད་ནས་བྱུང་བ་དང་། ཁྱེད་རྣམས་གར་འགྲོ་བྱས་པས་ཤངས་སུ་འགྲོ་ཟེར། འོ་ན་ངེད་ཀྱི་འབུལ་བ་སྐྱེལ་རོགས་དགོས་པས། སྐྱེར་སྒང་དུ་འདེངས་བྱས་པས་ཁྱེད་རང་གྲབ་གྱིས་ཤིག་ཟེར་ནས། ནངས་པར་ནམ་ལངས་མ་ཐག་ཏུ་མི་རྟ་རྣམས་བྱུང་ནས། ངེད་ཀྱི་མཛོ་ཕོ་འདི་རྣམས་ལ་ཁལ་ཁོལ། ཁྱེད་རང་གི་རྟ་ཐམས་ཅད་ལ་ཁལ་ཁོལ་ལ། ངེད་ཀྱི་རྟ་འདི་ལ་བླ་མ་ཆིབས་ཤིག་ཟེར་ནས་རྟ་གཅིག་བཏག །དེའི་དགོངས་མོ་བན་ལུང་དགོན་པར་བསྡད་དོ། །དེ་ནས་ཁོང་རྣམས་ཤོག་གུ་ལ་ལ་ཐག་ཉེ་སྟེ་འཇིགས་པ་ཆེ་བས་ཅི་ཙུག་འཐད་བྱས་པས། ཁྱེད་ཀྱི་རྐྱེན་འདི་ལས་ལྷག་པ་ངེད་ཀྱི་སྒྲོལ་ཕོད་འདི་ན་ཡོད་དོ། །ངེད་ཀྱི་སྐྱེལ་མ་ཐུག་འོང་ཅིག་ཟེར་རོ། །དེ་ནས་ལྷ་ཕུར་དགོང་ཀ་སླེབ་ཙ་ན་ཁོང་རྣམས་ན་རེ། དོ་ནུབ་ཕྱིན་ན་སྐུང་ལུང་སླེབ་པ་འདུག་སྟེ། དོ་ནུབ་མི་ཐོངས་ལ་འབུལ་བ་ལེན་དུ་ཤོག་གྱིས། སང་གྲོ་ལ་སླེབ་པར་འོང་ཅིག །ཁར་སང་ཁྱོད་ལ་འབུལ་བ་སྐྱེལ་རོགས་མི་འདུག་བ་བསུར་འོང་པ་ཡིན། དོ་ནུབ་དུར་ཁྲོད་མུན་པ་མི་བཟད་བ་བྱ་བ་ན། སློབ་དཔོན་དྷ་ན་སཾ་ཀྲྀ་ཏ་བྱ་བས་ཚོགས་འཁོར་བྱེད་པ་ཡོད་པས་ངེད་རྣམས་དེར་འགྲོ་བ་ཡིན་ཟེར་ནས་རྡུལ་འཚུབ་ཏུ་བྱས་ཏེ་མི་སྣང་བར་གྱུར་ཏོ། །དེ་ནས་ངས་ཤངས་པ་ལ་སྐྱེར་སྒང་པ་རྣམས་ལ་མ་བཤད་ཅིག །ཁོང་དཔོན་གཡོག་འདྲེས་ཁྲིད་པར་བྱས་སོ་ཟེར་འོང་བྱས། དེ་ནས་ནང་པར་བླ་མའི་སྤྱན་སྔར་ཕྱིན་ཙ་ན། བླ་མའི་ཞལ་ནས། དབོན་སྟོན་སྐྱེར་སྒང་པ་ཆོས་ཚུལ་བཞིན་དུ་གྱིས་དང་། དཔའ་བོ་དང་ཌཱ་ཀི་བྲན་བཞིན་དུ་ཉན་པར་འདུག་གི་བྱས་པ། ཁར་སང་རི་རབ་ཀྱི་ཟོམ་ན་གནས་པའི་མགོན་པོའི་འཁོར་རྣམས་ན་རེ། དབོན་སྟོན་ལ་འབུལ་བ་སྐྱེལ་རོགས་མི་འདུག་པས་བསུར་འགྲོ་བ་ཡིན་ཟེར་ནས་བསུར་སོང་བ་ཡིན་ཏེ་མ་བྱུང་ངམ་གསུངས་པ་ལ། བསུར་བྱུང་ལགས་ཞུས་པས། མདང་སློབ་དཔོན་དྷ་ན་སཾ་ཀྲི་ཏ་དང་། དྷརྨ་ཀ་ཤི་ཀའི་ཚོགས་འཁོར་ལ་འགྲོ་ཟེར་ནས་མི་སྣང་བར་ཐལ་བྱས་སོ། །དེ་ནས་བླ་མ་ལ་འབུལ་བ་བྱས་པའི་དགོང་མོ་གཏོར་དབང་གཅིག་མཛད་ནས། ལྷ་མོ་དང་འཁོར་བཞིའི་སྒྲུབ་ཐབས་དང་། ཉི་ཁྲོས་སེར་བ་དང་། གཤིན་རྗེ་ར་སྒྲོལ་ལ་སོགས་པའི་གནད་རྣམས་མ་ལུས་པར་གནང་ངོ་། །ཡང་དབང་བསྐུར་གསུམ་མཛད་ནས་སྣང་བ་ལ་བརྟེན་ནས། བླ་མ་ལམ་དུ་ཁྱེར་བ་དང་། ཡི་དམ་ལམ་དུ་ཁྱེར་བ་དང་། སྒྱུ་མ་ལམ་དུ་ཁྱེར་བ་དང་། ལམ་ཁྱེར་གྱི་ཆོས་གསུམ་དང་། གཞན་ཡང་ཟབ་ཆོས་ལྷག་མ་ཐམས་ཅད་མ་ལུས་པར་གནང་ནས་དབུ་བསྙུང་བཞེས་སོ། །དེ་ནས་མར་འོང་བའི་སྐྱེར་སྒང་དུ་སླེབ་པའི་དགོང་མོ་ཆུ་བདག་ཝ་རུ་ཎ་བྱུང་ནས། ཤིང་སྡོང་སྐམ་པོ་གཅིག་ལ་མེ་ཏོག་ལྔ་སྐྱེས་པ་གཅིག་འབུལ་དུ་བྱུང་། འདི་ཅིའི་བརྡ་ཡིན་བྱས་པས་རབས་ཆད་པོ་གཅིག་ལ་བུ་འོང་བའི་བརྡ་ཡིན་ཟེར། སང་ཕྱུག་པོ་འབུམ་རྡོར་གདན་འདྲེན་དུ་འོང་བར་ཡོད། ང་ལ་གཏོར་མ་བཟང་པོ་ཐོངས་ཤིག །ཁོ་ལ་སྤུན་ཟླ་ལྔ་འོང་བར་འགྱུར་རོ་ཟེར་ནས་མི་སྣང་བར་ཐལ། དེ་ནས་ནང་པར་ཕྱུག་པོ་འབུམ་རྡོར་རིགས་གཏད་དང་སྣ་ལེན་པ་ལ་འབྱོན་པར་ཞུ་ཟེར་ནས་ཕྱིན་ཏེ། ཕྱེ་ཁལ་བརྒྱ་ལས་བྱས་པའི་གྲུལ་གཏོར་གཅིག་བཏང་བས། གཏོར་མའི་མདུན་དུ་ཝ་རུ་ཎ་བྱུང་། ཤིང་སྡོང་སྐམ་པོ་གཅིག་ལ་མེ་ཏོག་སྐྱེས་པ་གཅིག་ང་ལ་ཕུལ་ནས་ཕྱུག་པོ་འདིས་གཏན་དུ་ཞབས་ཏོག་བྱས་ནས་བུ་མེད་ན་ང་ངོ་ཚ་བར་འདུག་ཟེར་ནས་མི་སྣང་བར་སོང་། དེ་ནས་དགོང་གཅིག་ཝ་རུ་ཎ་བྱུང་ནས་ཁོ་རང་གི་སྒྲུབ་ཐབས་ཕུལ་ནས་ད་ང་ལ་གཏོར་མ་བྱིན་ལ། བི་ན་ཡ་ཀའི་སྟེང་ན་ཀླུའི་ཡིད་བཞིན་ནོར་བུ་ཡོད་པས་འབུལ་བ་ཡིན་ཟེར་ནས་དེར་གཏོར་མ་བསྐྱལ་ནས་ཀླུའི་དངོས་གྲུབ་བླངས་པས། དེ་ལས་འཚོ་བ་ཐམས་ཅད་རྩོལ་མེད་དུ་བྱུང་བ་དང་གཞོན་ཚུལ་ན་རེ། རྡོ་འབྱོང་དེས་ཅི་ཡང་མི་གཏུབ་སྙམ་ཙ་ན། རྡོ་དེ་ལག་དུ་བྱུང་ནས་ཟས་ནོར་ཅི་ཡང་བྱུང་ཟེར་རོ། །ཡང་སྟོན་ཟླ་ལ་དབོན་པོ་གཞོན་བརྩོན་ཆོས་བཤད་ཀྱིན་འདུག་པས། ཀྵེ་ཏྲ་པཱ་ལ་དང་། ཝ་རུ་ཎ་གཉིས་ཀྱིས་ཁོའི་ཆོས་ཁྲི་བསྒྱེལ་ཅིང་འདུག་པ་དང་། དེ་བསྒྱེལ་བ་ཅི་ཙུག་ཡིན་བྱས་པས་ཝ་རུ་ཎ་ན་རེ། ཆོས་པ་བྱ་བ་བསམ་པ་བཟང་དགོས་པ་ཡིན་ཏེ། ཁོ་ཞེ་ནག་པར་འདུག་པས་བསྒྱེལ་བ་ཡིན་ཟེར་ཅིང་འདུག་པས། གཞོན་ཚུལ་ལ་ཤངས་པའི་ཆོས་གཅིག་ཀྱང་མ་བྱིན་པ་ཡིན་ནོ། །དེས་ན་ཆོས་པ་ལ་བསམ་པ་བཟང་དགོས་པ་ཡིན་སྙམ་པ་བྱུང་ངོ་། །ཡང་ཚེས་བརྒྱད་ཀྱི་སྔ་དྲོ་སྟོན་གཞོན་བརྩོན་གྱིས་གཏོར་མ་བཤམས་པས། ཝ་རུ་ཎ་བྱུང་ནས་སྣ་ཚ་གྲིབ་བྱུང་བས་གཏོར་མ་མི་འདོད་ཟེར་ནས། གྲིབ་ཅི་ལ་བྱུང་བྱས་པས། གཞོན་བརྩོན་གྱིས་ལག་པ་མི་གཙང་བར་འདུག་ཟེར་བས། ཁྲུས་དང་གཙང་སྦྲ་གལ་ཆེ་བར་འདུག་གོ། <br />།ཡང་དགུན་ཟླ་ར་བའི་ཚེས་བདུན་ཀྱི་དགོང་མོ་རྨི་ལམ་བཟུང་ནས། ཨོ་རྒྱན་དུ་ཕྱིན་པས། སློབ་དཔོན་པདྨ་དང་མཇལ་ནས་རྟ་མགྲིན་གྱི་སྒྲུབ་ཐབས་ཟབ་པ་གཅིག་ཞུ་དགོས་བྱས་པ་དང་། སྐད་ཅིག་ལ་སློབ་དཔོན་རྟ་མགྲིན་ཞལ་གསུམ་ཕྱག་དྲུག་པ་གཅིག་ཏུ་གྱུར་ནས། རྟ་སྐད་ཐེངས་གསུམ་བཏོན་པས་མ་མོ་ཌཱ་ཀི་ཐམས་ཅད་འདུས་ནས་རྟ་མགྲིན་གྱི་དབང་བསྐུར་རོ། །པདྨ་རྒྱལ་པོའི་ཞལ་ནས། ངས་རྟ་མགྲིན་གྱི་རྒྱུད་དང་སྒྲུབ་ཐབས་བརྒྱ་རྩ་བརྒྱད་ཀྱི་ནང་ནས་མཆོག་ཏུ་གྱུར་པ། རྟ་མཆོག་རོལ་པའི་རྒྱུད་ལས་བཏུས་པའི་གསང་སྒྲུབ་གཅིག་སྙེ་མོར་སྦས་ཡོད་པ་དེ་སྔགས་པ་གཅིག་གིས་ཐོན་ནས་ཡོད་པས་དེ་ཞུས་ཤིག །རྒྱལ་པོ་དཔེ་དཀར་དཀོར་འདྲེ་དང་འགོང་པོའི་ཚོགས་ཐམས་ཅད་དང་། ལྷ་མ་སྲིན་སྡེ་བརྒྱད་ཐམས་ཅད་འཇོམས་པར་བྱེད་དོ། །གསུངས་ནས་ལུང་བསྟན་པས་སྙེ་མོར་ཕྱིན་ནས་སྔགས་པ་ལ་གསང་སྒྲུབ་ཞུས་སོ། །དེ་ནས་རྨི་ལམ་བཟུང་ནས་པདྨ་ལ་ཞུས་པས་ལེན་གསུམ་གྱི་བར་དུ་གསུངས་ནས། ད་རུང་འཁོར་ལོ་མ་བྱིན་པར་འདུག་པས་ཞུས་ཤིག་གསུངས་སོ། །ཡང་ཉི་ཁྲི་དང་། བུར་སྟོང་གཅིག་དང་། རེ་སྣམ་གཉིས་རྣམས་ཁྱེར་ནས་ཞུས་པས་འཁོར་ལོ་གནང་ངོ་། །དེའི་ཚེས་བཅོ་བརྒྱད་ལ་ལྷ་སར་ཕྱིན་པས། བོང་ང་རིར་ཐུགས་རྗེ་ཆེན་པོ་བཅུ་གཅིག་ཞལ་མཐོང་བས་ནམ་མཁའ་ཐམས་ཅད་འོད་ཀྱིས་ཁེངས་པར་བྱུང་བ་དང་། ཡང་རྩ་ཞལ་ལས་འོད་ཁ་དོག་མི་འདྲ་བ་ཉི་ཤུ་རྩ་གཅིག་བྱུང་བ་དང་། ངེད་དཔོན་གཡོག་ཉི་ཤུ་རྩ་གཅིག་ལ་ཕོག་པ་དང་དུས་དེ་ཉིད་དུ་ཏིང་ངེ་འཛིན་བཟང་པོ་རྒྱུད་ལ་སྐྱེས་སོ། །དེའི་དགོང་མོ་འཕྲུལ་སྣང་དུ་བྱ་ཡུལ་བ་འགས་རིག་གཏད་ཞུས་པའི་རྗེས་ལ། བཅུ་གཅིག་ཞལ་གྱི་བཞད་ཞལ་ནས་འོད་ཟེར་བྱུང་ནས་འཕྲུལ་སྣང་ཐམས་ཅད་འོད་ཀྱིས་ཁྱབ་པར་གྱུར་ཏོ། །དེ་ནས་བཅུ་གཅིག་ཞལ་གྱི་དབང་བསྐུར་ནས་སྒྲུབ་ཐབས་གསུངས་པ་རྣམས་དུས་དེ་ཁོ་ནར་དགེ་བཤེས་གྲགས་ཡེས་ཀྱིས་ཡི་གེར་བཀོད་དོ། །ཡང་དེའི་ཐོ་རངས་ལ་ཇོ་བོ་ཤཱཀྱ་ཐུབ་པ་ལ་ཡན་ལག་བདུན་པ་གཅིག་ཕུལ་ནས་བྱང་ཆུབ་ལྟུང་བཤགས་གཅིག་བཏོན་ཙ་ན། ལྕགས་ཀྱི་དྲྭ་སྒོའི་སྟེང་ན་སུ་ཁ་མ་སིདྡྷི་ལོ་བཅུ་དྲུག་ལོན་པ་ན་ཚོད་ཤིན་ཏུ་གཞོན་པ་སྐུ་མདོག་དཀར་བ་དབུ་སྐྲ་སིལ་མས་སྐུ་རྒྱབ་ནོན་པ། ཕྱག་གཡས་རྣམ་ཐར་སྒོ་གསུམ་མཚོན་པ། གཡོན་པས་སྡིག་མཛུབ་ཐུགས་ཀར་མཛད་དེ། རིགས་ཀྱི་བུ་ཉོན་ཅིག <br />།ནམ་མཁའ་རིག་མེད་སྟོང་པ་ལ། །རིག་བཅས་སེམས་ཀྱི་རྩ་བ་གཅུན། །རྩ་བ་གཅུན་ལ་ལྷུག་པར་ཞོག <br />།གསུངས་ནས་གསུངས་ལྷང་ལྷང་བཞུགས་པ་ཞིག་མཐོང་ངོ་། །དེ་ནས་བྲག་ལྷ་ཀླུ་ཕུག་ཏུ་འཕགས་པའི་བཞུགས་སར་རིག་གཏད་གཅིག་བྱས་ནས་ཕྱིར་ཕྱིན་པ་དང་། མཚོ་དཀྱིལ་ན་པདྨའི་སྡོང་པོ་རྒྱས་པའི་སྟེང་ན་ཐུགས་རྗེ་ཆེན་པོ་རྩ་ཕྱག་བདུན་བཅུ་པ་ཞིག་བཞུགས་ནས་ཀླུ་རྣམས་ལ་ཆོས་གསུངས་ཞིང་འདུག་པ་མཐོང་ངོ་། །དེ་ནས་བྲག་ལྷ་གནས་ཀྱི་མདུན་དུ་གཏོར་མ་བཏང་བས་ཕྱག་བཞི་པའི་གཡས་ན་སྒྲོལ་མ། གཡོན་ན་ཁྲོ་གཉེར་ཅན་བཞུགས་པ་མཐོང་ནས་དུག་གསུམ་ཞི་མཛད་ཀྱི་གསོལ་འདེབས་བྱས་པས། སྒྲོལ་མའི་ཞལ་ནས། <br />གཉིས་འཛིན་སྤངས་ན་འདོད་ཆགས་ངང་གིས་ཞི། །ཕ་མར་ཤེས་པས་ཞེ་སྡང་རང་སར་གྲོལ། །གསལ་ལ་རྟོག་མེད་གཏི་མུག་དབྱིངས་སུ་ཐིམ། །འགག་མེད་དུག་གསུམ་རང་སར་འཆིང་བྱེད་འདི། །དེར་འཛིན་མེད་པས་རང་སར་གྲོལ་བར་ངེས། །ཉོན་མོངས་རང་ཤར་རང་གྲོལ་ཉིད་དུ་ལྟོས། <br />།ཞེས་ལྷ་སོ་སོས་གསུངས་སོ། །དེ་ནས་ཡང་བྲག་ལྷའི་ཀླུ་དེས་རིག་གཏད་གཟུངས་ཆོག་ཞུས་ནས། ཞག་གསུམ་ཀླུ་ཕུག་ཏུ་བསྡད་དོ། །དེ་ནས་སྐྱེར་སྒང་དུ་ཕྱིན་ཙ་ན། ངོམ་ཤོད་བའི་དགེ་བཤེས་ཕར་ཕྱིན་དཔོན་གཡོག་གསུམ་མཇལ་དུ་བྱུང་བ་དང་། ནམ་མཁའ་ལ་ཟླ་བ་གཅིག་ཤར་བྱུང་བ་དེ་དྲང་སྲོང་གིས་བཟུངས་བྱུང་བས། ཇོ་བོ་དཀོན་མཆོག་གསུམ་པོ། དྲང་སྲོང་གིས་བཟུངས་བའི་ཟླ་བ་འདི་བཏང་དུ་གསོལ་བྱས་པས་དུམ་པ་གཅིག་བཏང་བྱུང་བས་དེ་དགེ་བཤེས་ཀྱི་ལྟས་སུ་འདུག་ནས། ཁྱོད་ལ་ཚེ་རིང་པོ་མི་ཡོང་བར་འདུག །ངས་ཨེན་ཙམ་གཅིག་བསྲིངས་ནས་ཡོད་ཀྱི། ད་དགོན་པར་རྒྱུག་ལ་ཐུགས་རྗེ་ཆེན་པོ་སྒྲུབས། ལོ་གསུམ་ནས་འདིར་ཤོག་བྱས་སོ། །དེ་ནས་དགེ་བཤེས་དེས་ཐུགས་རྗེ་ཆེན་པོའི་ཞལ་མཐོང་ནས་འཕྲད་དུ་བྱུང་སྟེ། བླ་མ་ཆེན་པོ་ད་ངའི་དོན་གྲུབ་ཟེར་ནས་འདུག་པ་དང་། ངས་དེ་ནས་ཞག་གསུམ་གྱི་དྲོ་ལ་སླེབ་པར་འདུག་ཅིང་། དེ་མ་ཐག་སྤོང་ཐག་གྱིས། དགོན་པར་གཏོད་བྱས་པ་དང་། ཁོས་སླེབ་མ་ཐག་ཏུ་སྤོང་ཐག་བྱས་པས་ཁོ་གྲོངས་ནས་འཇའ་ཚོན་དུ་སོང་ཟེར་རོ། །ཡང་ངམ་ཤོད་ནས་དགེ་བཤེས་ཆོས་རྒྱལ་བྱུང་ནས། བླ་མ་ད་ང་འདོད་ཆགས་གཏན་ནས་དག་འདུག་ཟེར་རོ། །ཕར་ཕྱིན་ལྟར་བྱས་ན་རྒྱུད་ཚོད་མཐོ་རབ་སོང་གདའ། དེར་ཙུག་ཡིན་ཀྱང་བླ་མ་ལ་ཞུར་འོང་པ་ཡིན་ཟེར། ཀླུ་སྲིན་མོས་བར་ཆད་བྱས་འདུག་པས། འདོད་ཆགས་དག་གམ་མ་དག་ལྟ་ཡིས་བྱས་ནས། རྡོ་རྗེ་དྲིལ་བུ་ཁོའི་མགོ་ཐོག་ཏུ་བཞག་ནས་བྱིན་བརླབས་བྱས་པ་དང་། ཁོ་བརྒྱལ་ནས་དྲན་མེད་དུ་སོང་བ་དང་། ཀླུ་སྲིན་མོ་ཡང་བྲོས་ནས་སོང་ངོ་། །ཁོ་ལ་འདོད་ཆགས་མེ་འབར་བ་བཞིན་དུ་སོང་བས། དེ་སྔར་གྱི་གདོན་གྱི་བར་ཆད་བྱུང་བ་མ་ཤེས་པར་འདུག །ད་འདོད་ཆགས་རང་དག་ལ་འགྲོ་བ་གཅིག་ཞུ་དགོས་ཟེར་ནས། ཀེང་རུས་ཏ་རའི་གདམས་པ་བཏབ་ནས་ཏིང་ངེ་འཛིན་བཟང་པོ་བྱུང་ངོ་། །སྐར་ཆུང་བཙས་པོས་སྣ་དྲངས་པའི་མཛེ་ཕོ་བཅུ་གསུམ་ལ་གཟུངས་ཆུ་བྱིན་པ་ཙམ་དང་། རྡོ་རྗེ་དྲིལ་བུའི་བྱིན་བརླབས་བྱས་པ་ཙམ་ལ་མཛེ་ཐོན་པ་བྱུང་ངོ་། །ཡང་ཡོལ་པའི་དཔོན་སློབ་ཞང་བཙུན་བྱ་བ་སྨྱོ་འདུལ་དུ་བྱུང་བས་ཁྱོད་ཀྱི་སྐྱེ་བ་སྔ་མ་རྒྱ་གར་དུ་སློབ་དཔོན་ཇོ་མོ་ཅན་གཅིག་ལ་བ་འཇུག་འདྲ་བ་བྱས་ནས་འབར་བས་རྒྱུ་བྱས་ནས་འདུག་པས་བཤགས་པ་གྱིས་རྐྱེན་ལོ་རོ་རྒྱལ་པོས་བྱས་འདུག་པ་ངས་ལྟ་སྟངས་ཞིག་བྱས་པས་ཁོའི་སྨྱོ་ཐུལ་ལོ། །དེས་ན་བླ་མའི་རྣམ་ཐར་གང་ལ་ཡང་ལོག་ལྟ་མི་བྱེད་པ་གལ་ཆེ་བར་འདུག་གོ། ང་ལ་མོན་པ་འདྲ་བ་གཅིག་གིས་སྨན་བླའི་ལྡེར་བཟོ་གཅིག་གི་རབ་གནས་བཅོལ་བས། ངས་སྨན་བླའི་མཐེའུ་ཆུང་མ་ལེགས་སོ་བྱས་པས། དེ་ནས་ཞག་འགའ་མཐེའུ་ཆུང་ཤིན་ཏུ་ན་བར་བྱུང་བ་དང་། རྗེ་བཙུན་མ་སྒྲོལ་མ་བྱོན་ནས། ཁྱོད་ཀྱི་སྡེར་བཟོ་མ་ལེགས་པ་བྱས་ནས་མ་འཕྱས་པར་སྨན་བླའི་མ་ལེགས་པ་བྱས་པའི་ངག་གི་ཉེས་པ་འདིར་སྨིན་པ་ཡིན་ཅིང་། སྨན་བླའི་སྡེར་བཟོའི་དྲུང་དུ་བཤགས་པ་གྱིས་ཤིག་གསུངས་ནས་བཤགས་པ་བྱས་པས་དྲག་པ་དང་། རྣམ་སྨིན་ཕྲ་ཞིང་ཕྲ་བ་ལ་འཛེམ་པ་དང་། བཤགས་པ་དེ་འཕྲལ་ལ་བྱ་བ་གལ་ཆེ་བར་འདུག །ཡང་གྲི་བོ་མགོན་པོ་ཤ་བ་རྒྱུག་འགྱེལ་གྱི་མན་ངག་འཚོང་ཞིང་འདུག་ནས། དེ་ལ་མི་གསོད་ཀྱི་ཤན་པ་གྲི་པོ་ཤ་བ་མགོན་པོ་བྱས་ནས་ཐེབས་འགའ་འབར་བས། ཁོང་གྲོང་ནས་སྤུར་སྦྱོང་བའི་དུས་སུ་རྨི་ལམ་བཟུང་ནས་བལྟར་ཕྱིན་པས། བདག་མེད་མ་ལྷ་མོ་བཅོ་ལྔ་སྤུར་ཁང་གི་ནང་ན་ཞལ་ཕྱིར་གཟིགས་ནས་འདུག་པ་དེ། ང་ཕྱིན་པ་དང་ནང་དུ་ཞལ་གཟིགས་ནས་འདུག་པ་དང་། བདག་ལ་ཞལ་བསྟན་དུ་གསོལ་བྱས་པས། ཁྱོད་ཀྱིས་སྔགས་ཀྱི་རྣལ་འབྱོར་པ་ལ་འབར་ཡོད་པས་ད་བཤགས་པ་གྱིས་གསུངས་ནས། བཤགས་པ་བྱས་པ་དང་། དགྱེས་རྡོར་ཡབ་ཡུམ་གཉིས་ཀྱིས་ཨཱ་ལི་ཀཱ་ལིའི་བཤགས་པ་བསྟན་ཏེ། བདག་མེད་མའི་ཞལ་ནས། རིགས་ཀྱི་བུ། <br />གསང་སྔགས་སྤྱོད་པའི་རྣལ་འབྱོར་གྱིས། །རྣམ་ཐར་དཔག་པར་མི་ནུས་ཤིང་། །ཐམས་ཅད་མཁྱེན་པར་མ་གྱུར་ཚེ། །གཞན་རྒྱུད་ཁོང་དུ་མི་ཆུད་པས། །མནར་མེད་སྐྱེ་བའི་ལས་ལ་སོམས། །རང་རྒྱུད་ངན་པས་དག་སྣང་སྦྱོངས། །མཐོལ་བཤག་གཉིས་དང་འབྲལ་མི་བྱེད། <br />།ཅེས་གསུངས་ནས་མི་སྣང་བར་གྱུར་ཏོ། །དེ་ནས་ཕག་མོ་གྲུ་པའི་ཞི་བྱེད་རྨི་ལམ་དེ་ཞུ་དགོས་སྙམ་ནས་གསོལ་བ་བཏབ་པས། ཕ་དམ་པ་བྱོན་ནས་དུག་གསུམ་ལམ་ཁྱེར་གྱི་གདམས་ངག་ཞུས་པས། ད་གསང་སྒྲུབ་ཀྱི་སྐབས་སུ་འགྲོ་བའི་སྐོར་ལ་ང་སྒོམས་གསོལ་བ་ཐོབ་ཅིག །ངས་ཀྱང་བྱིན་གྱིས་བརླབས་པར་བྱའོ་གསུངས་སོ། །དེ་ནས་སྐོར་རྒྱལ་ཚ་ཉལ་འདུག་པ་དང་ལངས་ནས་ཕྱིར་བྱུང་། ཡང་ཉལ་ནས་ནང་པར་བླ་མས་ནཱ་རོའི་ཡིག་ཆུང་ཞི་བྱེད་རྨི་ལམ་དེ་བྱིན་ན་དགའ་སྙམ་འདུག་པ། ནང་བར་ཁྱོད་མོས་ན་མདང་ང་ཡིད་སྨོན་བཏང་བའི་ཆོས་དེ་གཉིས་བྱ་ཡིས་བྱས་པ་དང་། ཁོ་ན་རེ། མདང་གི་དེ་མཁྱེན་པར་ཐུགས་ལ་བཏགས་ཏེ། ལར་བླ་མ་མི་མཁྱེན་དགུ་མཁྱེན། ང་མི་འགྱུ་དགུ་འགྱུ་ངོ་རེ་ཚ་ཟེར་ནས་བྱུང་ངོ་། །ཡང་བཟད་པའི་ཀླུ་ཇོ་སྲས་ཀྱིས་ཤ་མར་ཉི་ཤུ་དང་། སྣམ་བུ་བརྒྱད་ང་ལ་འབུལ་སྙམ་ནས་བྱུང་བ་དང་། གནམ་བར་དུ་ང་ལ་བསྔོས་པའི་ཤ་མར་གཞན་ལ་འབུལ་ནས་མ་ཐེང་། དེ་ལས་སྡིག་ཆེ་བ་མེད་པ་ཡིན། ང་ལ་ད་མཐོ་དམན་མེད་དེ་ཚོང་དཔོན་བཟང་སྐྱོང་གི་མདོ་ལས། <br />སྦྱིན་ནོ་ཞེས་ནི་ཁས་བླངས་ནས། །གང་གིས་གཞན་ལ་སྟེར་བྱེད་པ། །དེ་ལས་སྡིག་ཆེ་གང་ཞིག་ཡོད། །དེ་ལས་བསླུས་པ་གང་ཞིག་ཡོད།<br />།བྱ་བ་ཡིན་པ་ད་ཕྱིས་དེ་འདྲ་མ་བྱེད། དགེ་སྦྱོར་མི་བྱེད་ན་ཕྲེང་བའི་འགེལ་ཕུལ། དེ་ལྟ་བུ་མ་བྱེད་ལྷ་ལ་བརྙས་པར་འགྲོ་བ་ཡིན། ཁྱོད་སང་གནབ་ཙན་གྲོང་གསེབ་དང་གྲོང་ལྟག་ཏུ་བསྡད་ནས། ཡིག་སྣ་སྣ་ཚོགས་གསོག་པའི་འཁོར་འབྲི་ཕྱུགས་ཀྱི་འདྲེ་བརྡུང་བའི་ཟླའོ་ཨེན་རེ་ཚོལ་བ་གཅིག་འོང་བར་འདུག་བྱས་པས། ཕྱིས་ནས་འབུལ་བ་ཆེན་པོ་བསྐྱལ་ནས་གཏམ་གཏོང་མ་ནུས་སོ། །ཡང་འཕན་ཡུལ་བའི་བྱའུ་མདར། ང་ལ་རྐུན་མ་བྱེད་དུ་འོངས་ནས་ཅི་ཡང་མ་ཐོབ་པ་དང་། ང་མོས་པ་སྐད་བྱེད་ལ་ཕྱེ་གཅིག་བླངས་འགྲོ་སྙམ་པ་དང་། ཁྱེད་ཀྱི་རྐུན་མ་བྱས་ནས་ཅི་ཡང་མ་ཐོབ། ད་ང་ལ་ཁྱོད་ཕྱེ་འདོད་པ་དེ་བདེན། ཁོ་ལ་གོས་སྣམ་གསུམ་དང་ལམ་རྒྱགས་བསྐུར་བྱས་པས། ཁོ་མོས་ནས་རབ་ཏུ་བྱུང་ཏེ་ལ་བ་གཙང་སྒོམ་ཅན་དུ་བསྒོམས་པས་ཐུགས་རྗེ་ཆེན་པོ་ཞལ་མཐོང་། ཡང་གནམ་བར་གྱི་ཞང་སྒོམ་མིང་སྲིང་གཉིས་ཐུགས་རྗེ་ཆེན་པོ་ཞུར་བྱུང་བས། སྲིང་མོ་ལ་ཁྱོད་ཆོས་སྒོར་ཞུགས་ཀྱང་ཁྱིམ་ཐབ་ཡིད་ལ་སེམས་པ་ཙམ་མ་བྱེད་ཅིག །ཐུགས་རྗེ་ཆེན་པོའི་ཕྱོགས་སུ་གྱིས་ཤིག་བྱས་པས། མོ་ན་རེ། དེ་སྔའི་རྣམ་རྟོག་མཐོལ་ལོ་བཤགས། །བློ་ཆོས་སུ་འགྲོ་བར་བྱིན་གྱིས་རློབས། ཟེར་ནས་དམ་བཅའ་དྲག་པོ་བྱས་ནས་བསྒྲུབ་པས་ལོ་བདུན་ནས་ཐུགས་རྗེ་ཆེན་པོ་མཐོང་བ་གཅིག་བྱུང་ངོ་། །དེ་ལ་སོགས་པའི་མི་རྩར་བྱུང་བ་ཕལ་ཆེར་གྱི་ཚེ་རིང་ཐུང་དང་རྣམ་རྟོག་ཅི་སྐྱེས་ཐམས་ཅད་བཤད་པས། འགའ་དང་རྒྱའི་རྒྱལ་པོས་ཐོས་ནས་འབུལ་བ་མང་པོ་བསྐུར་ནས་བྱུང་བ་དང་། ཡང་དབུས་གཙང་གི་དགེ་བཤེས་དང་སྡེ་བཅད་ཕལ་ཆེར་མོས་ནས་ཆོས་ཞུ་བ་དང་། རྟེན་བསྐུར་ནས་རབ་གནས་ཞུ་བ་དང་། བར་ཆད་འོང་མི་འོང་དང་། ཚེ་རིང་ཐུང་ལ་སོགས་པ་འདྲིར་བྱུང་ཚད་ལ་བཤད་པས་ཐམས་ཅད་མོས་པར་བྱུང་། དེ་ནས་མཆེད་གྲོགས་ལྷ་སྡིང་པ་ཕྲག་དོག་སྐྱེས་ཏེ་བསྐུར་པ་བཏབ་པས། དབོན་སྟོན་འདི་བ་སོ་དར་མ་སེང་གེ་བྱ་བ་ཡིན། ཁོ་བྲམ་ཟེའི་ཐེའུ་རང་གཅིག་བསྒྲུབས་ནས་མངོན་ཤེས་རྫུན་བཤད་བྱས་པས་ཐམས་ཅད་མགོ་འཁོར་ནས། ད་ཁོ་ལ་ལོག་འཚོའི་བསོད་ནམས་ཆེ་ཚད་སྐྱེས་འདུག་ཟེར་རོ། །དེ་ཡང་སྔོན་གྱིས་ལས་ངན་ཡིན་ཏེ། ང་སྐྱེ་བ་མང་པོའི་སྔོན་རོལ་དུ་རྒྱ་གར་ཤར་ཕྱོགས་སུ་པཎྜི་ཏ་དྷརྨ་པ་ལ་བྱ་བ་གྲྭ་པ་ལྔ་བཅུ་ཙམ་གྱིས་བསྐོར། ཆོས་ཤིན་ཏུ་མཁས་པ་ཞིག་ཏུ་གྱུར་ནས། རྒྱ་གར་གྱི་ཕྱོགས་ཐམས་ཅད་ནས་ཐེག་པ་ཆེ་ཆུང་གི་ཆོས་ལ་ང་ལས་མཁས་པ་སུ་མི་འདུག་སྙམ་ནས། ཞེ་སྡང་ཕྲག་དོག་གི་ཀུན་སློང་མེད་ཀྱང་། ཆོས་འདི་ཡིན་འདི་མ་ཡིན་དང་། དག་གམ་མ་དག་གི་བཤགས་རལ་ཕྱེ་བ་ཐམས་ཅད་ངའི་སྲོལ་ལ་ཞུགས་སོ། །དེ་ལྟར་བཤགས་ཕྱེ་བ་དེའི་རྣམ་པར་སྨིན་པས། ད་གང་དུ་སྐྱེས་ཀྱང་སྐུར་པ་ཤ་སྟག་བྱུང་ངོ་། །ད་རེས་ཀྱང་ཐུགས་རྗེ་ཆེན་པོ་ལ་སོགས་ཡི་དམ་མང་པོ་ཞལ་མཐོང་། བླ་མ་ཤངས་པའི་བཀའ་དྲིན་གྱིས་སྒྱུ་ལུས་རྨི་ལམ་འབྱོངས་ནས། འོད་གསལ་དང་གསལ་སྣང་མཆེད་པའི་སྟོབས་ཀྱིས་གཞན་རྒྱུད་ཤེས་པ་བྱུང་ནས་གཞན་ལ་ཕན་པར་འདུག་ནས་བཤད་པས་སྐུར་པ་འདི་བྱུང་བ་ཡིན་ཏེ། ད་རེས་ཀྱི་འདིས་ལས་ཀྱི་ལྷག་མ་ཐམས་ཅད་སངས་དག་ནས་སྐྱེ་བ་ཕྱི་མ་ལ་ཕུན་སུམ་ཚོགས་པའི་གདུལ་བྱ་འབྱུང་བར་འགྱུར་རོ། །དེ་ཡང་ལས་ཀྱི་རྣམ་སྨིན་འདི་འཇིགས་པར་འདུག་པས། མི་དགེ་བ་ཆུང་ངུ་ལ་ཡང་འཛེམ་པ་དང་། བཤགས་པ་མྱུར་དུ་བྱེད་པ་འདི་གལ་ཆེ་བར་འདུག་གོ།<br />།དེ་ནས་བྱང་རྩེ་ལྡེང་ན་རྟོགས་ལྡན་ཞང་སྒོམ་ཆོས་སེང་བྱ་བ། བླ་མ་ཤངས་པ་ལོ་བཅུ་གཉིས་བསྟེན་པའི་རྣལ་འབྱོར་གྲུབ་ཐོབ་ཆེན་པོ་ཞིག་འདུག་ཟེར་ནས་ནམ་ཟླ་སོས་ཀ་ཞིག་མཇལ་དུ་ཕྱིན་ནས། མཁའ་སྤྱོད་མ་དཀར་དམར་དང་དགྱེས་རྡོར་བདེ་མཆོག་དང་། མགོན་པོའི་གནད་ཡིག་དང་། དམིགས་པའི་སྒྲོམ་བུ་དང་། འཕོ་བ་ལ་སོགས་པའི་ཞལ་གདམས་རྣམས་མང་དུ་ཞུས་སོ། །དེ་ནས་ཡང་འདམ་པ་ཅོག་སྟོན་ལ་དཔལ་ལྡན་སྒམ་པོ་པའི་ཆིག་བརྒྱུད་རྣམས་མངའ་བ་དང་། གྲུབ་ཐོབ་ཏུ་འདུག་པ་དེས་བླ་མ་དཔལ་གྱི་གདམས་པ་རྣམས་ཞུས་སོ། །དེ་ནས་སོས་ཀ་དེར་ཆོས་བཤད་ཅིང་ཡོད་ཙ་ན། བླ་ཡེ་ལ་ཕྱག་སྟོང་སྤྱན་སྟོང་དེ་ཡང་མཐོང་། ཡང་མཚོ་ཆེན་པོ་པདྨ་རྒྱས་པ་གཅིག་གི་དཀྱིལ་ན། པདྨའི་སྡོང་པོ་ཤིན་ཏུ་རྒྱས་པ་གཅིག་གི་སྟེང་ན་ཐུགས་རྗེ་ཆེན་པོ་རྩ་ཕྱག་ལྔ་བཅུ་པ་གཅིག་བཞུགས་ནས་འདུག་པ་ལ། པདྨའི་གསེབ་ནས་ཡར་ལ་ལྷ་དང་ཀླུ་མང་པོས་ཆོས་ཞུ་ཞིང་འདུག་པ་གཅིག་མཐོང་བ་དང་། དེའི་ཁྲོ་ཞལ་གྱི་སྤྱན་དབུས་མ་ལས་བགེགས་ཐམས་ཅད་འཇོམས་པ་ཞེས་བྱ་བའི་འོད་ཟེར་མཐིང་ག་གཅིག་བྱུང་ནས་བདག་གི་སོ་ལ་ཕོག་པས་འབུ་སྲིན་དང་། སྡིག་པ་མང་པོ་དོན་སོང་བས་སོ་རྒྱུན་དུ་ན་བ་དེ་དུས་དེར་དྲག་གོ། །དེ་ནས་ཕྱུགས་ནད་མཆེད་དུ་བྱུང་བ་ལ་ནད་ཞི་བའི་གསོལ་བ་བཏབ་པས་ཐོ་རངས་དགྲ་ནག་དང་འཇིགས་བྱེད་ཀྱི་ལྷ་ཚོགས་རྣམས་བྱོན་ནས་ནད་འདྲེ་ཐམས་ཅད་བསད་པ་དང་། རེངས་པ་དང་། བསྐྲད་པས་ནད་ཞག་གསུམ་ནས་ཆོད་དོ། །ཡང་གཤིན་རྗེ་གཤེད་ནག་པོ་དང་། འཇིགས་བྱེད་དང་རྟ་མགྲིན་གསུམ་གྱི་སྒོ་ནས་སྨྱོ་བ་བརྒྱད་ཅུ་བཏུལ་ལོ། །དེ་ནས་བསྐྱེད་རིམ་ལ་བརྟན་པ་ཐོབ་པ་དང་། སྣང་བ་བདེན་མེད་དུ་རྟོགས་པ་གཉིས་མ་བྱུང་གི་བར་དུ་གདོན་དང་སྨྱོན་པ་བཏུལ་ན་གྲིབ་དང་འདྲས་ཆེན་པོ་འོང་བར་འདུག་པས་གཏུབ་ཚད་ཀྱིས་མ་བྱེད་ཅིག །ཡང་གདུང་རྟེན་རྒྱལ་པོ་ཅན་གཅིག་ལ་རབ་གནས་བྱས་པས་རྒྱལ་པོ་དེ་འགྲོ་མ་གཏུབ་རྟེན་ལ་རྡོ་རྗེ་བསྣུན་པའི་གཏམ་རྒྱུད་གསུངས། དྲག་པོ་གཅིག་གཅུན་པས་ཆུན་པའི་རབ་གནས་ལེགས་ཀྱང་ང་ལ་འདྲས་ཨན་ཙམ་བྱེད་དུ་བྱུང་ནས་སྦྱིན་སྲེག་བྱས་ལ་རྒྱལ་པོ་གཏན་ནས་བརླག་པར་བྱ་དགོས་སྙམ་ཙ་ན། སློབ་དཔོན་པདྨ་བྱོན་ནས། གདོན་ཆེན་པོ་མ་བརྡུང་། ཀླུ་ཆེན་པོ་ལ་སྦྱིན་སྲེག་མ་བྱེད། ཆིག་བརྒྱུད་མ་སྤེལ། སྔགས་ལ་མ་གཤེ། མཆེད་གྲོགས་ལ་ཕྲག་དོག་མ་བྱེད། སེམས་ཅན་ལ་བློས་སྤང་མི་བྱ་གསུངས་སོ། །དེ་ནས་ངའི་རྟོགས་པ་ལ་བླ་མ་ཇི་ཙམ་བཞུགས་མི་ཤེས། ང་རང་ཡང་ནམ་འཆི་ཆ་མེད། དེ་སྔ་ཡང་འབུལ་བ་དྲག་པོ་ལན་གཉིས་པ་ཡིན། ད་ངས་བླ་མ་གདན་འདྲེན་དུ་བཏང་ལ་ཅི་ཡོད་འབུལ་དགོས་སྙམ་ནས་གདན་འདྲེན་དུ་བཏང་བས་བླ་མ་བྱོན་ནས། ཚེས་བཅུའི་ནུབ་མོ་མཆོད་པ་ཤོམས་ཤིག །ཉམས་རྟོགས་བསྡུར་དགོས་གསུངས་ནས། ང་རང་གི་དགེ་སྦྱོར་སྐྱེས་པ་རྣམས་ཞུས་པས། བླ་མའི་ཞལ་ནས། རྒྱ་གར་གྱི་གྲུབ་ཐོབ་རྣམས་ཀྱི་ཞལ་ནས། བླ་མ་ཤངས་པ་ཁྱེད་ཀྱི་དགེ་སྦྱོར་གྱི་སྐྱེ་ཚུལ་ལྟ་བུ་སུ་ལ་ཡང་མ་བྱུང་གསུངས་བར་འདུག་གོ། །ང་ལ་ཡང་བླ་མ་ཤངས་པའི་ཞལ་ནས། རིན་ཆེན་བརྩོན་འགྲུས་ཁྱོད་ཀྱི་དགེ་སྦྱོར་སྐྱེ་ཚུལ་འདི་ལྟ་བུ་སུ་ལ་ཡང་མ་བྱུང་གསུངས། དབོན་སྟོན་གྱི་དགེ་སྦྱོར་སྐྱེ་ཚུལ་འདི་ལྟ་བུ་དང་། ལྷ་སྐུ་དང་འོད་གསལ་གྱི་རྩལ་འདི་ལྟ་བུ་ང་ལ་ཡང་མ་བྱུང་སྟེ་ལར་ད་ལྟ་དཔོན་སློབ་གཉིས་སུ་ཚོགས་པ་ལ་འོ་སྐོལ་གཉིས་ལས་ཉམས་རྟོགས་བཟང་བར་མེད་པར་ཐག་ཆོད་པས་དགའ་བ་ཁྱད་པར་ཅན་སྒོམས་ཤིག །ད་བླ་མ་ཤངས་པའི་གདམས་ངག་འདི་ལ་ཌཱ་ཀི་དངོས་སུ་འདུ་བ་ཡིན་ཏེ། འདི་མ་འོངས་པའི་དུས་སུ་སོང་ཙ་ན། ཡང་ན་བཀའ་ཆད། ཡང་ན་ཚོང་དུས་ཀྱི་འོ་མར་འགྲོ་བར་འདུག་པས་ངས་དང་པོ་རིག་པ་དྭངས་དུས་སུ་ཇི་ལྟར་བཤད་པ་བཞིན་དུ་ཡི་གེར་བཀོད་ཅིག་གསུངས། བླ་མ་རྡོ་རྗེ་འཆང་དངོས་ཡིན་པས་བཀོད་པར་ཞུ་བྱས་པས། འོ་ན་མཆོད་པ་སྐྱར་མ་གཅིག་ཤོམས། གསེར་གྱི་མཎྜལ་དང་། སྤོས་ཀྱང་ཕུལ་ཅིག །གསོལ་བ་གདབ་པར་བྱའོ་གསུངས་ནས། གསོལ་བ་དྲག་པོ་བཏབ་པས་ཡེ་ཤེས་ཀྱི་ཌཱ་ཀི་མ་ནི་གུ་མ་བྱོན་ནས། སྤྱིར་ཆོས་དྲུག་དང་ཁྱད་པར་འབྱམས་གཅོད་གསུངས་སོ། །དེ་ནས་ནང་པར་འབུལ་བ་བྱེད་པའི་མང་བསྐོལ་བྱས་ནས་འབུལ་བ་རྣམས་སྤུངས་ནས་བླ་ཡེ་ལ་འབྱོན་པར་ཞུ་ཞུས་པས། བླ་མའི་ཞལ་ནས། ད་སྔོན་ལ་སྟེང་དུ་འདོང་ངོ་གསུངས་ནས་ཕྱིན་ཙ་ན། ད་ཕྱམ་རྩེ་ཕུད་ལ་སྦ་མཁར་ལ་ཡར་ཕྱོར་ཅིག །དབོན་སྟོན་པ་བ་ལ་མཛོ་སྐྱེས་བྱ་བ་ལན་གསུམ་གྱིས་ཤིག །ང་བ་ཡིན། དབོན་སྟོན་ཁྱོད་མཛོ་ཡིན་པས་བ་ལ་མཛོ་སྐྱེས་བྱ་བ་ཡིན་ནོ། །དུས་དེ་རིང་ལས་ཉམས་དགའ་བ་ཨེ་འོང་ན་གསུངས་སོ། །དེ་ནས་བླ་མ་བླ་ཡེ་ལ་བྱོན་ནས་འབུལ་བ་ཕྱག་ཏུ་བཞེས་པ་དང་། དེ་རིང་བཤགས་པ་གྱིས་ལ་གསོལ་བ་ཐོབ་ཅིག་གསུངས་ཙ་ན། ཕལ་ཆེར་གྱིས་བླ་མ་བདེ་མཆོག་དྲུག་ཅུ་རྩ་གཉིས་ཀྱི་དཀྱིལ་འཁོར་དུ་མཐོང་། དེ་ལྟར་འབུལ་བ་ཆེ་བ་གསུམ་བྱས་པས། འབུལ་བ་ཐེབས་རེ་ལ་དགེ་སྦྱོར་གྱི་རྟོགས་པ་མི་འདྲ་བ་རེ་རེ་བྱུང་བས། ཞིང་དག་པའི་བླ་མ་ལ་བསོད་ནམས་ཀྱི་ཚོགས་བསགས་ནས་སྨོན་ལམ་འདེབས་པ་འདི་ཁོ་ན་གལ་ཆེ་བར་འདུག་གོ་སྙམ་མོ། །དེ་ནས་ལོ་མང་པོ་མ་ལོན་པ་ལ་བླ་མ་གཤེགས་ཀྱི་དོགས་ནས་ཚེས་བཅོ་བརྒྱད་ཀྱི་ནུབ་མོ་རྨི་ལམ་བཟུང་ནས། བླ་མའི་སྤྱན་སྔར་ཕྱིན་ཙ་ན། གཟིམས་ཆུང་ན་ཌཱ་ཀི་མ་མང་པོ་དང་། མི་མ་ཡིན་མང་པོ་འདུག་པས། བླ་མའི་ཞལ་ནས་དབོན་སྟོན་བྱོན་པ་དགའ་སྟེ། ད་ང་མྱུར་དུ་འགྲོ་བས་སང་དགོང་ཤོག་གསུངས་ནས་ཕྱིན་ཙ་ན། བླ་མ་མི་བཞུགས་པར་འདུག་ནས། མང་པོ་ངུས་པས་རྗེ་བཙུན་མ་བྱོན་ནས་བདེ་བ་ཅན་དུ་འོད་དཔག་མེད་དང་མཇལ་ནས་མངོན་པར་དགའ་བའི་ཞིང་ཁམས་སུ་གཤེགས་པར་ཡོད་ཀྱི་དེར་གསོལ་བ་ཐོབ་ཅིག <br />།ནམ་མཁའ་འདི་ལ་སྐྱེ་འཆི་མེད་པར་ལྟར། །བླ་མ་ལ་ཡང་སྐྱེ་འཆི་ག་ལ་ཡོད། །མོས་གུས་སྟོབས་ཀྱིས་འབྲལ་མེད་གནས་པ་ཡིན། །མྱ་ངན་མ་བྱེད་མངོན་དགར་གསོལ་བ་ཐོབ། <br />།གསུངས་ནས་ང་རང་ཡང་མངོན་དགར་འགྲོ་དགོས་སྙམ་ཙ་ན་གཉིད་སད་དོ། །དེ་ནས་ཞག་གསུམ་སོང་ནས་གསོལ་བ་བཏབ་པ་དང་། ཤངས་ནས་བང་ཆེན་བྱུང་སྟེ་བླ་མ་གཤེགས་ཟེར་ནས་བྱུང་བས། ཁོང་རྣམས་ཀྱིས་ང་ལ་གསང་འདུག་པས་ངས་ནམ་ལངས་མ་ཐག་ཁོང་རྣམས་བསགས་ནས། ངའི་བླ་མ་གཤེགས་ནས་ཞག་གསུམ་སོང་། ད་ངའི་ཆ་རྐྱེན་ཅི་འདུག་ཐམས་ཅད་མཆོད་པ་གྱིས། ཁྱེད་རང་རྣམས་ཀྱང་ཅི་ཡོད་ཕུལ་བྱས་ནས། ཟླ་བ་གཅིག་ཏུ་བླ་མའི་མཆོད་པ་བྱས་སོ། །དེ་ནས་ཚེས་བརྒྱད་ཀྱི་སྔ་དྲོ་ཐུགས་རྗེ་ཆེན་པོ་བྱོན་ནས། མཚམས་མ་བྱེད་པར་གསང་སྒྲུབ་དང་རིག་གཏད་ཞུས་ཚད་ལ་ཐུགས་རྗེ་ཆེན་པོའི་སྒོ་ནས་ཐུགས་རྗེ་ཆེན་པོ་སྟོན་ཅིང་། སྙིགས་མའི་དུས་སུ་ཁྱེད་ཀྱིས་བསྟན་པའི་སྒྲུབ་ལུགས་འདི་དར་ཞིང་ཞལ་མཐོང་བ་མང་དུ་འབྱུང་བར་འགྱུར་རོ། །གསུངས་སོ། །དེ་ནས་ཐུགས་རྗེ་ཆེན་པོ་ཞུས་ཚད་ལ་སྟེར་བའི་གོ་ཆ་གྱོན་པ་ཡིན་ཏེ། ཆོས་ཐུན་བརྒྱད་པོ་འདི་ཡང་ཚར་བར་ཉན་ནུས་ཡོང་བར་མི་འདུག །ཡང་ན་དེའི་ཚེས་བཅུ་བཞིའི་ཉི་མ་ཕྱེད་ཡོལ་ཙམ་ན་བཅུ་གཅིག་ཞལ་བྱོན་ནས། ང་དང་ཁྱོད་ནི་དབྱེར་མེད་དེ། །སྐྱེར་སྒང་པ་ནི་པོ་ཏ་ལར། །གསུངས་པས། གཞན་དུ་དགེ་སྦྱོར་བགྱིས་པ་བས། འདི་རུ་གཉིད་ལོག་པ་དགའ་བ་ཡིན་ནོ། །ད་ངའི་སློབ་མ་སྟོད་ལུང་གི་ཤངས་སོ་བཞིས་ཐུགས་རྗེ་ཆེན་པོའི་ཞལ་མཐོང་། ཐོད་ལེ་ཀོར་ལ་སོགས་པ་བླ་མ་ལྔ་བཅུའི་ཞལ་མཐོང་འདུག་པ་དང་། ངའི་སློབ་མ་ཡང་སློབ་བརྒྱུད་འཛིན་རྣམས་ཀྱིས་ཀྱང་ཞལ་མཐོང་མཁན་མང་དུ་འོང་བར་འདུག་སྟེ། ངའི་འདི་ཞལ་མཐོང་འབའ་ཞིག་གི་བརྒྱུད་པ་ཡིན་པ་དང་། ཐུགས་རྗེ་ཆེན་པོས་མ་འོངས་པའི་དུས་སུ་ཡང་ཞལ་མཐོང་མང་པོ་འབྱུང་བར་ལུང་བསྟན་པས་ཐེ་ཚོམ་ཡིད་གཉིས་མི་དགོས་སོ། །བདག་གི་རྣམ་ཐར་བསྡུས་པ་འདི། དགེ་བཤེས་གྲགས་པ་ཡེ་ཤེས་དང་། ནག་པོ་གཞོན་ཚུལ་གཉིས་ཀྱི་དོན་དུ་ཡི་གེར་བཀོད་པ་ཡིན། དེ་ནས་བླ་མ་དགུང་ལོ་བདུན་ཅུ་བཞེས་པའི་སྟོན་ཟླ་འབྲིང་པོའི་ཚེས་བརྒྱད་ནས་སྐུ་སྐེད་ཨན་ཙམ་བསྙུང་ནས། རིམ་གྲོའམ་སྨན་དཔྱད་འདྲ་བ་བྱེད་པར་ཞུ་དགོས་བྱས་པས། སྨན་དང་རིམ་གྲོ་བྱས་ཀྱང་མ་བྱས་ཀྱང་། ཚེས་བཅོ་བརྒྱད་ལ་ནད་སངས་ནས་འགྲོ་བར་འདུག་གསུངས་ནས་ཅི་ཡང་མ་གནང་ངོ་། །དེ་ནས་ཚེས་བཅུ་གསུམ་ལ་ཚོགས་གསོག་གྱིས་གསུངས་ནས་བྱས་པས། བཅུ་བཞི་ལ་དྲག་འདུག་ཅིང་། སང་དབུ་ཆེ་རྣམས་འཚོགས་ཤིག །ངས་ཆོས་བཤད་པ་ཡིན་གསུངས་ནས། སང་སྔ་དྲོ་ནས་འཚོགས་པ་དང་། ད་འཚོགས་སམ་གསུངས་ནས། འཚོགས་ཞུས་པས་ཕ་མའི་དང་རྩིས་མཁན་གྱི་ལྟར་བྱས་ཀྱང་། ཕོ་ལོ་བཞི་བཅུ་ལས་མི་ཐུབ་པར་འདུག་པ་ཡིན་ཏེ། བླ་མ་ཤངས་པའི་བཀའ་དྲིན་གྱིས་ཕོ་ལོ་བདུན་ཅུ་དོན་གསུམ་ཐུབ། ལོ་བརྒྱ་ལྷག་ཙམ་སྡོད་སྙམ་པ་ཡིན་ཏེ། ཁྱོད་ཚོ་ལ་སྐྱོ་བ་སྐྱེ་བར་བྱུང་བས་ང་འགྲོ་བར་ཡིན། ཇོ་བཙུན་དར་ཤེ་ཁྱོད་སྙམ་ན་ལོ་རེ་ལ་འབུམ་བརྒྱ་ཚར་རེ་བྱས་སྙམ་ཏེ། ཆོས་མི་ལ་བཅོལ་བ་ཡིན། སྟོན་པ་ཀུན་ཤེ་ཁྱོད་སྙམ་ན། ཆོས་ང་ལས་མཁས་པ་མེད་སྙམ་སྟེ་སེམས་དང་ཆོས་སུ་མ་འདྲེས་པར་འདུག་པས། རྒྱལ་པོ་དཔེ་དཀར་ལ་ལྟོས། ཐང་སོ་ཇོ་བཙུན་དང་ཆོས་མགོན་གཉིས་ཟླ་བ་རེ་ལ་སྟོན་མོ་བཟང་བ་རེ་བྱས་པས་ཆོས་གྲུབ་པ་ཡིན་ནམ་སྙམ་ཏེ་ངས་བྱས་བགྲང་ལ་དྲིན་བགྲང་བའི་དགེ་བ་ཆོས་བརྒྱད་ཀྱི་སྟོན་མོ་དེ་ཁར་རྗེ་ཆེ་ན། འབྲོག་བཟང་གི་ཕྱུགས་གཅིག་ཏུ་སྐྱེ་སྲིད་ཀྱི་ད་ལྟ་ཆོས་བྱེད་དུས་སུ་ཁྱེད་ཚོས་ཆོས་མི་དྲན་པར་སང་གནང་ཤི་བ་ཐུག་གིས་གཏུགས་ཙ་ན། ཤ་བ་ཉུང་མས་བརྣངས་པ་བཞིན་དུ་ལག་དར་སྔས་སུ་བཅུག་ནས་མིད་པ་ཐུག་ཐུག་བྱས། ངོ་ནག་ཏིང་བྱེད་ཅིང་ད་རེས་མ་ཤི་ན་ཆོས་གཤའ་མ་གཅིག་བྱེད་དགོས་ཏེ་ཟེར་བའི་ངང་ནས་འཆི་བ་འོངས་ཏེ། ངས་དང་པོ་ཆོས་དྲན་དུས་སུ་དྲན། བར་དུ་བྱེད་དུས་སུ་བྱས། མཐའ་མ་དགོས་དུས་སུ་སླེབ་པ་འདི་ཡིན་ནོ། །གཞོན་ནུ་འོད་སྤོས་ཕུལ་དང་། བརྒྱུད་པའི་བླ་མ་ཐམས་ཅད་བྱོན། ཐུགས་རྗེ་ཆེན་པོ་དང་ཡི་དམ་ཐམས་ཅད་ཀྱང་བྱོན། སངས་རྒྱས་དང་བྱང་ཆུབ་སེམས་དཔའ་ནམ་མཁའ་ཁེངས་པ་བྱོན་འདུག་པ་གསོལ་བ་ཐོབ་དང་གསུངས་སོ། །དེ་ནས་སྐྱེར་སྒང་འདི་གཞུག་ཏུ་ཅི་འདྲ་གཅིག་འོངས་བྱས་པས། འདི་ན་ཀླུ་དང་སྲིན་མོ་ཐུ་པ་གཅིག་ཡོད་པ་ཡིན་ཏེ་ངས་ཐུལ་བ་ཡིན། ངའི་བྱིན་རླབས་མ་ཉམས་རིང་ལ་སྐྱེར་སྒང་འདི་པོ་ཏ་ལ་དངོས་ཡིན་པས་གཞན་དུ་རི་ཁྲོད་དུ་འདག་བཅར་བྱས་པ་བས་ངའི་ས་འདིར་གཉིད་ལོག་པ་དགའ་བ་ཡིན་ནོ། །ད་གཟོད་མཐའ་མི་ཐམས་ཅད་དབུས་སུ་འདུས་པའི་སྟོབས་ཀྱིས། འབུམ་ཐང་འདི་ཁྱི་ལུད་ཐོར་གྱིས་འབྱུང་། བུད་མེད་ཤམ་བུ་ཅན་གྱི་ཞུར་རྟ་ཕྱ་རེ་བ་གཅིག་འོང་བར་འདུག །དེ་ཙམ་ན་ངའི་བྱིན་རླབས་ཉམས་པ་ཡིན་པས། དེ་ནས་ཀླུ་དང་སྲིན་མོ་དེ་རྣམས་ལངས། བསླབ་བ་ཐུབ་བ་ཉུང་དུ་འགྲོ། རྩེ་གཅིག་ཏུ་བསྒྲུབ་པ་བྱེད་པ་ཡང་མི་ཡོང་བར་འདུག་གོ་གསུངས། ད་འདི་ནས་བླ་མ་གང་དུ་གཤེགས། གསོལ་བ་གང་དུ་གདབ། ཆོས་བརྒྱུད་སུས་འཛིན་ཞུས་པས། བླ་མའི་ཞལ་ནས། ཁྱེད་རྣམས་ང་ལ་མོས་ན། ཤར་ཕྱོགས་མངོན་པར་དགའ་བའི་ཞིང་དུ་མངོན་པར་སངས་རྒྱས་ནས་ཐེག་ཆེན་འབའ་ཞིག་གི་འཁོར་ལོ་བསྐོར་བར་འགྱུར་པས་དེར་གསོལ་བ་ཐོབ། ས་ལ་གནས་པའི་བྱང་ཆུབ་སེམས་དཔའ་འབའ་ཞིག་ཏུ་སྐྱེ་བར་འགྱུར་རོ། །ངའི་བརྒྱུད་པ་འདི། གཡོར་པོ་སྟོད་ནས་འཛིན་པ་གཅིག་འོངས་སྟེ། རྡོ་རྗེ་འཆང་གིས་ལུང་བསྟན་པ་བཞིན་དུ། མི་རབས་བདུན་བརྒྱུད་པའི་ཚེ། མཁའ་འགྲོ་མའི་ཞལ་གདམས་འདི་རྣམས་ཕྱོགས་ཀུན་ཏུ་ཁྱབ་ཅིང་གདུལ་བྱ་མང་དུ་འབྱུང་བར་འགྱུར་རོ་གསུངས་སོ། །དབོན་སྟོན་སྐྱེར་སྒང་པའི་རྣམ་ཐར་རེ་ཞིག་རྫོགས་སོ། །སརྦ་མངྒ་ལཾ། ཤུ་བྷཾ། དགེའོ།། །།</span> | ||
Revision as of 17:24, 27 January 2019
| Resource ID | SCv1p223 |
|---|---|
| Title | bla ma skyer sgang pa'i rnam par thar pa |
| Topics | Biography |
| Associated Person | Öntön Kyergangpa |
| Link | BDRC W23922 BDRC W3CN766 BDRC W20441 |
༄༅། །བླ་མ་སྐྱེར་སྒང་པའི་རྣམ་པར་ཐར་པ་བཞུགས་སོ།།
།བླ་མ་མཉམ་མེད་རིན་ཆེན་དང་། །རྟོགས་ལྡན་ཞང་སྒོམ་ཞབས་ལ་འདུད། །ཚད་མེད་འགྲོ་སྐྱོབ་སྙིང་རྗེའི་སྐུ། །སྤྱན་རས་གཟིགས་ཀྱིས་བྱིན་གྱིས་རློབས།
།དང་པོ་དད་པས་ཆོས་སྒོར་ཞུགས། །བར་དུ་ཐུགས་རྗེ་ཆེན་པོ་བསྒྲུབས། །དེ་རྗེས་བླ་མ་སངས་རྒྱས་བསྟེན། །ད་ལྟ་འབྲས་བུ་མངོན་གྱུར་ཏོ།
།དེ་ཡང་བདག་གི་ཕ་ཡུལ་ནང་གོང་རྣམ་པ། རུས་འབའ་ཡིན་ནོ། །དེ་ཡང་དང་པོ་ལོ་བཅུ་གཉིས་ནས་གཤིན་རྗེ་གཤེད་ལ་བསྙེན་པ་བསྐྱལ། བཅུ་བདུན་དུ་སྐྱེར་སྒང་དུ་ཁུ་བོ་འབའ་ཐམས་ཅད་མཁྱེན་པ་ལ་རབ་ཏུ་བྱུང་ནས་བྱམས་པའི་ཆོས་ལྔ། སྤྱོད་འཇུག་བསླབ་བཏུས་བསྟན་རིམ་རྣམས་ཉན། དེ་ནས་འབའ་ཚད་མ་བ་ལྷ་སར་ཆོས་འཁོར་ལ་གདན་དྲངས་པའི་ཕྱག་ཕྱིར་ཕྱིན་པས། གྲྭ་པ་གཅིག་གིས་སྟོན་མོ་བྱས་པའི་རྣམ་བཞག་ལ། དར་ཡུག་སེར་པོ་གསུམ། ཟངས་གཅིག་ཕྱེ་མར་མང་ཞིག་ཕུལ་ནས། བྲག་ལྷའི་མདུན་དུ་དྲོ་ཐོན་ནས་ཉེ་འདོན་ལ་ཕྱིན་པས། ཀླུ་ཕུག་གི་ཁང་ཆུང་གཅིག་ལས་དཀར་བཏང་བ་གཅིག་འདུག་པས། དེ་མཐོང་བ་ཙམ་གྱིས་བློ་སྣ་འགྱུར་བ་བྱུང་ནས་ཁང་ཆུང་ཡ་གིན་སུ་ཡོད་པ་ཡིན་བྱས་པས། ལྷ་ས་སྡེ་བཞིའི་ཉེ་འདོན་པ་ན་རེ། འཕགས་པ་ལྕེ་སྒོམ་པ་བྱ་བའི་ཐུགས་རྗེ་ཆེན་པོའི་གྲུབ་ཐོབ་གཅིག་ཡོད་པ་ཡིན་ཟེར་བས། དེ་ནས་མོས་པར་བྱུང་སྟེ། དར་དང་། ཟངས་དང་། ཕྱེ་མར་ཁྱེར་ནས་ཕྱིན་ཏེ། བླ་མས་ཐུགས་རྗེ་ཆེན་པོ་ཞལ་གཟིགས་པ་ལགས་སམ་ཞུས་པས། ཐུགས་རྗེ་ཆེན་པོ་ཡིན་ནམ་མིན་ཆ་མེད། གྲིབ་ཀྱི་ཐད་ཀ་འདི་ན་ཚུར་སྐྱ་ཤར་ཤར་བ་ཞིག་གཏན་དུ་མཐོང་གིན་འདུག་པ་ཡིན་གསུངས། འོ་ན་ཐུགས་རྗེ་ཆེན་པོ་ཞུ་དགོས་བྱས་པས། ཐོག་མར་རིག་གཏད་ཀྱི་དབང་བྱ་དགོས་གསུངས་ནས། མར་ཁལ་གཉིས་ལ་མར་མེ་བྱས། གཉིས་ལ་བཙའ་རུའི་སྟོན་མོ་བྱས་ཏེ། དར་ཡུག་གསུམ་དང་། ཟངས་ཕུལ་ནས་སྒྲུབ་ཐབས་ཚར་གསུམ་ཞུས་ནས། བླ་མས་ལོ་དུ་ལ་ཞལ་གཟིགས་བྱས་པས། ངས་སྟོན་ཀ་བསོད་སྙོམས་རེ་བྱས། དེ་ནས་མཚམས་བཅད་ནས་བསྒྲུབས་པས་ལོ་བརྒྱད་ལོན་ཙ་ན་ནང་གཅིག་ཚ་བ་ཐོན་ནས་ཉི་མ་ལ་འགྲོ་སྙམ་ཙ་ན། ང་སྡོད་པའི་བྲག་ཁུང་ན་གུ་དི་རི་རི་འདུག་ནས་སུ་ཡིན་སྙམ་ནས་བལྟས་པས། ངའི་སྡོད་ས་དེ་ན་གཙོ་འཁོར་གསུམ་མ་ཎི་དི་རི་རི་ཟློ་ཤིང་འདུག་ནས། ཡན་ལག་བདུན་པ་ཚར་གཅིག་ཕུལ། དེ་ནས་གཏན་དུ་ཞལ་མཐོང་བ་ཡིན་གསུངས་སོ། །དེ་ནས་སྐྱེར་སྒང་དུ་ཕྱིན་ནས། ད་ཡང་ན་གཡག་གུ་ཤི་བ་དང་། ཡང་ན་བྱང་ཚ་ལོན་པ་གཅིག་ལ་གཏང་དགོས། མི་ལུས་ཐང་གཅིག་ཐོབ་པ་འདི་ལ་ཡང་ན་ཤི་བ་ཞིག་དང་། ཡང་ན་ཐུགས་རྗེ་ཆེན་པོ་ཞལ་མཐོང་བ་ཞིག་ལ་གཏད་དགོས། དོན་མེད་ཞིག་ལ་མི་ཚེ་སྟོང་ཟད་བྱས་པས་མི་ཡོང་བས་བསྒྲུབ་དགོས་སྙམ་སྟེ། མཚམས་བྱེད་ཁ་མ་ལ་ཁམས་པའི་གྲྭ་པ་རྣམས་ཀྱིས་རྟ་བཏགས། བེར་བཀོན། དར་བརྐྱང་ནས་ཁྱོད་གཞོན་དུས་སུ་ཐོས་བསམ་མ་བྱས་ན། འབའ་ཚད་མ་བ་རབས་ཆད་པས་བཀའ་བཞི་མཁས་པ་ཅིག་བྱེད་དགོས་ཟེར་བ་ལ་མ་ཉན་པས། གྲྭ་བ་རྣམས་གྲོས་བྱས་ཏེ། དབོན་པོ་མཚམས་བྱེད་པ་ལ་ཕྱེ་དང་ཆུ་ཤིང་གཅིག་ཀྱང་མ་སྐྱེལ་བར་ཕར་འགྲོ་ཚུར་འགྲོ་ཐམས་ཅད་ཀྱིས་རྡོ་རྒྱོབ་ཅིག །དེ་ལྟར་བྱས་པས་ཁོ་སུན་ནས་སློབ་གཉེར་ལ་ཚུད་དུ་འོང་ངོ་ཟེར་ནས་ཁྲིམས་བྱས་སོ། །དེ་ནས་ངས་མཚམས་དམ་པོ་བྱས་ནས་ཐུགས་རྗེ་ཆེན་པོ་བསྒྲུབས་པས། གྲྭ་བ་ཕར་འགྲོ་ཚུར་འགྲོ་ཐམས་ཅད་ཀྱིས་སྒོ་ལ་རྡོ་བརྒྱབ་ཅིང་། བཀའ་བཞིའི་དབུས་ནས་མར་བྱང་ཤང་ཤད་མི་བྱེད་པར། སྔགས་ཀྱིས་འཁོས་ཀའམ་ཁྱོད་ལ་མ་ཎི་པདྨེ་ཧཱུྃ་ང་གཅིག་གི་འོང་གིས་ཟེར་ནས་རྒྱགས་གཅིག་ཀྱང་མ་བསྐྱལ་ལོ། །དེ་ནས་ཞག་རེ་ལ་སྐྱོ་ཚ་ཕོར་རེ་རེས་མྱོང་། རེས་མ་མྱོང་། དེ་ཡང་མ་མྱོང་བར་ཐལ་པ་དང་བསྲེས་ཏེ་བཏུང་བས། གཉིད་གཏི་མུག་ཡིན་གཏི་མུག་ཉོན་མོངས་པ་ཡིན། དེ་སྔ་ཡང་ཉོན་མོངས་པ་འདི་ཀས་འཁོར་བར་བསྐྱུར་བ་ཡིན་སྙམ་ནས་གཉིད་གཅིག་ཀྱང་མེད་པར་མ་ཎི་བཟླས་པས། རླུང་ལངས་ནས་མགོ་འགས་པ་བཞིན་དུ་བྱུང་བ་ལ་སྐེ་རག་གིས་མགོ་བསྡམས་ནས་བཟླས་པ་དྲག་པོ་བྱས་པས་རྟགས་ཅི་ཡང་མ་བྱུང་ནས་སྦྱིན་སྲེག་ཆེན་པོ་བྱས་པས་སྡིག་པ་ཟད་པའི་རྟགས་རྣམས་རྫོགས་པར་བྱུང་ཡང་ཞལ་མ་མཐོང་ནས། ལོ་ཕྱེད་དང་བཞི་སོང་བའི་ཉིན་ཕྱེད་ནས་ཡི་མུག་ནས་བྲག་འོག་ཞིག་ཏུ་སྐྱོ་བསངས་ལ་ཕྱིན་ནས། ནམ་མཁའ་ལ་འཇའ་འོད་ཀྲུག་ཀྲུག་འདུག་ནས། ངས་ལོ་ཕྱེད་དང་བཞིར་ཞག་རེ་ལ་སྐྱོ་ཚ་ཕོར་རེ་ཡང་མ་མྱོང་བར་བཟླས་པ་དྲག་པོ་བྱས་པས་རླུང་ལངས་འདུག་རྦབ་ཏུ་འཆོར་སྙམ་ནས་བྲག་ཕུག་ཏུ་གཅར་བྱས་པ་དང་། མདུན་གྱི་ནམ་མཁར་འཇའ་ཚོན་གྱི་དཀྱིལ་ན། ཇོ་བོ་ཐུགས་རྗེ་ཆེན་པོ་གཙོ་འཁོར་གསུམ་འཛུམ་ཡེ་རེ་བཞུགས་ཤིང་གདའ་ནས། ཇོ་བོ་ཐུགས་རྗེ་རེ་ཆུང་། ངས་ལོ་ཕྱེད་དང་བཞི་ལ་ཞག་རེ་ལ་སྐྱོ་ཚ་ཕོར་རེ་ལས་མ་མྱོང་བ་ལ། དེ་ལས་ཞལ་སྔ་བར་མི་སྟོན་པར་ཞུས་བས། ཇོ་བོའི་ཞལ་ནས་བུ་ཁྱོད་ཀྱིས་སྒྲུབ་པ་བྱས་ནས་ཞག་གསུམ་ནས་ང་དང་འདུ་འབྲལ་གཅིག་ཀྱང་མེད་པར་ཡོད་པ་ཡིན་ཏེ་ཁྱོད་རང་གིས་ལས་ངན་མ་དག་པ་དང་། མཐོང་ན་དགའ་བའི་རེ་བས་བཀག་པ་ཡིན་གསུངས་ནས་དེའི་དུས་སུ།
ཚད་མེད་ཡོངས་སུ་དག་པ་སྙིང་རྗེ་ཆེན་པོའི་སྐུ། །ཆོས་ཉིད་རྣམ་དག་གངས་རི་བལྟམས་བ་འདྲ། །སྐྱོན་བྲལ་རིན་ཆེན་པདྨ་བརྩེགས་པའི་གདན། །གདུང་པ་ཀུན་སེལ་ཟླ་བ་རྒྱས་པའི་སྟེང་། །རྡོ་རྗེ་སྐྱིལ་ཀྲུང་བཅས་ནས་བདུད་བཞི་མནན། །ཚད་མེད་འབྲས་བུ་ལོངས་སྤྱོད་རྫོགས་པའི་སྐུ།
།ལ་སོགས་པའི་གཙོ་འཁོར་གསུམ་གྱི་བསྟོད་པ་བྱས་པའོ། །དེ་ནས་སྔར་བསྙེན་པ་བསྐྱལ་བའི་གཤིན་རྗེ་གཤེད་དམར་པོ་དེ་ཞབས་གཡས་ཀྱིས་ཐག་མའི་རི་ལ་སླེབ་པ། གཡོན་པས་སྐྱེར་སྒང་གི་རི་ལ་མནན་པ། ཕྱག་གཡས་འཁོར་ལོ། གཡོན་སྡིགས་མཛུབ་ཐུགས་ཀར་མཛད་པ་དབུ་སྐྲ་ནམ་མཁའི་ཁམས་ཁྱབ་པ་གཅིག་ཞལ་གཟིགས་སོ། །དེ་ནས་ཁུ་བོའི་ཞལ་ནས་ཤོག་དང་གསུངས་ནས་ཕྱིན་པ་དང་། ཁྱོད་ཀྱིས་ཐུགས་རྗེ་ཆེན་པོ་དང་། གཤིན་རྗེ་གཤེད་གཉིས་ཞལ་མཐོང་འདུག་པས། ད་ཁམས་པ་རྣམས་ལ་ཉན་རྒྱུ་མེད། ཐོས་པ་བྱེད་པ་བས་སྒྲུབ་པ་བྱེད་པ་ཁེ་ཆེ་བས། ད་ལྟ་ལ་སྟོད་ན་ཚ་རི་སྒོམ་པ་བྱ་བ་བླ་མ་རས་ཆུང་པའི་གདམས་ངག་ལ་མཁས་པའི་གྲུབ་ཐོབ་ཅིག་འདུག་ཟེར་བས། ད་ཁྱོད་རང་དེ་རུ་སོང་དང་གསུངས་ནས་དར་ཡུག་དྲུག་དང་གསེར་ཞོ་གང་གནང་ནས་གཙང་དུ་ཕྱིན་པས། ཉི་མ་ཕྱེད་ཙམ་ནས་ལ་ཁ་ཞིག་ཏུ་སླེབ་ནས་ངལ་བསོས་པས། ཉི་མ་དྲོན་པོ་ཞིག་ལ་སེར་ཕྲན་ཞིག་བབས་པས། ཉི་མ་ཚ་ལ་སེར་བ་དྲག་པ་གཉིས་སྟབས་སྟབས་སུ་འཚོགས་བ་འདི་མཚར་སྙམ་པ་བྱུང་བ་དང་། ག་རེ་འདི་ཐམས་ཅད་རང་གི་སེམས་སུ་འདུག །སེམས་སྐྱེ་མེད་ཆོས་ཀྱི་སྐུ་རུ་འདུག་སྙམ་ནས། རང་སེམས་སྐྱེ་མེད་དུ་ལྷན་ཅིག་རྟོགས་པ་བྱུང་བས། ཕྱིས་ནས་ཀྱང་རྟོགས་པའི་ངོ་བོ་ལ་བོགས་འདོན་རྒྱུ་མ་བྱུང་ངོ་།
།དེ་ནས་ལ་སྟོད་དུ་བླ་མའི་བཞུགས་ས་བྲག་ཞིག་ལ་ཆུ་འགྲམ་དུ་ཕྱིན་པ་དང་། ཉེ་གནས་ཆུ་ལན་པ་དང་འཕྲད་པས། ང་ལ་ཕྱག་འཚལ་འདུག་པས་ཁྱོད་ང་ལ་ཕྱག་འཚལ་བ་སུ་དང་ནོར་བྱས་པས། ཁོ་ན་རེ། ད་ནང་བླ་མའི་ཞལ་ནས་དེ་རིང་དབུས་ནས་གྲུབ་ཐོབ་གཅིག་ང་ལ་འཕྲད་དུ་འོང་བ་ཡོད་པས་དེ་ཐོངས་ཅིག་གསུངས་པ་ཡིན། ད་ཁྱེད་དུ་འོང་བར་འདུག །གཞན་སུ་ལའང་མཇལ་ཀྱིན་མེད་པས་ད་གཤེགས་ཟེར་ནས་བྲག་ལམ་ཞིག་ལ་ཕྱིན་ནས། བླ་མ་ལ་དར་ཁ་གང་ཕུལ་ནས། ང་ལ་རྒྱགས་ཙམ་མེད་པས་བླ་མ་རས་ཆུང་བའི་གདམས་ངག་རྣམས་མྱུར་དུ་ཚར་བ་ཞིག་ཞུ་དགོས་བྱས་པས། ཁྱོད་ཀྱི་གསེར་དང་དར་ཡུག་ཟད་ཙམ་ན་ཚར་བར་བྱ་ཡི་གསུངས། ངས་བླ་མ་ལ་རྫུན་དེ་ཀ་ལས་ཟེར་མ་མྱོང་། དེ་ནས་གསེར་དང་དར་བཙོང་ནས། བདེ་མཆོག་ལྷ་བཅུ་གསུམ་དང་ཕག་མོ་ལྷ་བཅུ་གསུམ་ལ་སོགས་པའི་དབང་ཞུས་ནས་ལོ་གཉིས་ལ་གདམས་པ་རྣམས་ཚར་བར་གནང་ངོ་། །དེ་ནས་འོ་ཡུག་ན་བླ་མ་སྤེན་ཕུག་པ་ཆེན་པོ་བྱ་བ། ཇོ་བོ་རྗེའི་གསང་སྔགས་ཐམས་ཅད་ཀྱི་བཀའ་བབས་པ་ཞིག་ཡོད་ཟེར་ནས། བླ་མ་སྤེན་ཕུག་པ་ཆེན་པོ་དང་མཇལ་ནས་བདེ་མཆོག་ལ་སོགས་པའི་དབང་མང་དུ་ཞུས། ལོ་ལྔའི་བར་དུ་ཇོ་བོའི་གདམས་ངག་ཚར་བར་གནང་ནས། ཇོ་བོའི་ཌཱ་མ་རུ་གཅིག་དང་ཐུགས་དམ་རྣམས་གནང་ངོ་། །དེ་ནས་ཤངས་ཀྱི་ལྷ་ཕུ་ན་བླ་མ་རྨོག་ལྕོག་པ་བྱ་བ། སྒྱུ་ལུས་རྨི་ལམ་འབྱོངས་པས། འོད་གསལ་མངོན་དུ་གྱུར་པའི་བླ་མ་གྲུབ་ཐོབ་ཆེན་པོ་གཅིག་བཞུགས་ཟེར་བ་ཐོས་ནས། བླ་མ་དང་མཇལ་དུ་ཕྱིན་པས། ལམ་ཁར་ཕྱུག་པོ་གཅིག་གིས་གསང་ལམ་གྱི་ན་བཟའ་གཅིག་བསྐུར། དེའི་དགོང་མོ་ལ་རྩར་ཉལ་བས་མི་ནག་པོ་རས་ཀྱི་ཨང་རག་གྱོན་པ་ཞིག་བྱུང་ནས། ནང་པར་འགྲོ་བའི་ཡའུ་བཙལ་ནས་དགྲ་མི་ཡོང་བར་ཡོད་ཅིང་། ངས་ཁྱོད་ཀྱི་བྲན་བཞིན་ཉན་གྱིས་སུ་ཐོད་ཐོད་ལ་མ་བྱིན་ཅིག་ཟེར་ནས་མི་སྣང་བར་སོང་ངོ་། །དེ་ནས་ལ་ལ་ཟླ་བོ་མང་དུ་བྱུང་། སྐུང་ལུང་དུ་བླ་མ་དང་མཇལ་དུ་ཕྱིན་པས་བླ་མའི་ཞལ་ནས། མདང་མི་ནག་པོ་གཅིག་བསུར་མ་བྱུང་ངམ་གསུངས། བྱུང་ལགས་བྱས་པས། དེ་མགོན་པོ་ཡིན་ཁྱོད་ཀྱི་བྲན་བཞིན་འོང་བར་འདུག་གོ་གསུངས་སོ། །དེ་ནས་མཚོན་ཆ་ཅན་གྱི་དབང་བསྐུར་མཛད་ནས་སྔོན་འགྲོ་དང་ཐབས་ལམ་གྱི་ཁྲིད་ཚར་བ་དང་། བླ་མའི་ཞལ་ནས། ཡེ་ཤེས་ཀྱི་མཁའ་འགྲོ་མ་ནི་གུ་མའི་ཆོས་དྲུག་ཆིག་བརྒྱུད་ཡིན་པས་འདི་ལྷག་མ་མ་ལུས་པ་ཞིག་ཁྱོད་ལ་སྟེར་དགོས། འདི་ལ་སྤྱིའི་དབང་བསྐུར་གཅིག་དང་སྒོ་སྒོའི་དབང་བསྐུར་རེ་ཡོད་པས། མིས་མ་ཚོར་བ་བྱེད་དགོས་གསུངས་ནས། དང་པོ་ཐབས་ལམ་གྱི་དབང་བསྐུར་ནས་མེ་རྒོད་གཏུམ་མོའི་ཁྲིད་རྐྱང་པས་ཞག་བདུན་ནས་རས་ཐུབ་པར་བྱུང་བ་དང་། ད་སྤྱིའི་དབང་བསྐུར་བྱེད་དགོས་གསུངས་ནས། ནམ་ཕྱེད་ནས་དབང་བསྐུར་བའི་དུས་སུ་བདེ་མཆོག་དང་། ཌཱ་ཀི་མ་ནི་གུ་མའི་ཞལ་མཐོང་། ཡང་སང་དགོང་སྒྱུ་ལུས་ཀྱི་དབང་བསྐུར་རྐྱང་པས་སྒྱུ་མའི་ཉམས་བཟང་པོ་བྱུང་ནས། སྣང་བའི་བདེན་འཛིན་ཐམས་ཅད་ཞིག་ནས་སོང་ངོ་། །དེ་ནས་ཟླ་བ་བཅུ་གཉིས་ནས་རྨི་ལམ་གྱི་དབང་བསྐུར་ནས། རྨི་ལམ་བཟུང་བས། ཟིན་པ་དང་སྦྱོང་སྤེལ་ཤེས་པ་དུས་གཅིག་ལ་བྱུང་བས། བླ་མའི་ཞལ་ནས། དབང་པོ་རབ་ཏུ་གྱུར་པ་ལ། །ཟིན་དང་སྦྱོང་སྤེལ་མཉམ་དུ་འོང་། །བྱ་བ་ཡིན་གསུངས་ནས་ང་ལ་བསྟོད་ར་མང་པོ་མཛད་དོ། །དེ་ནས་རྨི་ལམ་གྱི་སྟོབས་ཆེན་པོ་བྱུང་བ་དང་། བླ་མའི་ཞལ་ནས། ངའི་ཉེ་གནས་དེ་ཚོང་དུས་སུ་ཇ་འདོན་དུ་སོང་པ་ཡིན་ཏེ་ད་རུང་མ་བྱུང་། ཁོ་ལ་དགྲ་བྱུང་བ་ཡིན་ནམ་དོ་ནུབ་རྨི་ལམ་ཟུངས་ལ་ལྟོས་ཤིག་གསུངས་པས། ནམ་ཕྱེད་ཚུན་ཆད་གསོལ་བ་བཏབ་ནས་ཐོ་རངས་རྨི་ལམ་བཟུང་ནས་ཕྱིན་པས། ཁོ་ཚོང་དུས་ནས་ཉི་མ་གཅིག་འོངས་བའི་ས་ན། ཇ་སིག་མགོ་ཆགས་གཅིག་ལ་སྔས་གཏད་ནས་འདུག །ཇ་སིག་ནང་ན་རེ་བས་གཏུམས་པ་གཅིག་འདུག་ནས། ནང་པར་བླ་མའི་སྤྱན་སྔར་ཕྱིན་ནས་ཉེ་གནས་ཀྱིས་ཇ་ལོན་ནས་ཇ་སིག་ནང་ན་རེ་བས་གཏུམས་པ་གཅིག་ཀྱང་གདའ་ཞུས་པས། བླ་མའི་ཞལ་ནས་རེ་བས་གཏུམས་པ་དེ་ཏིག་ཅུག་གཅིག་རེ་བས་གཏུམས་ནས་འདུག་པས། ད་རུང་བོང་བུ་འ་མོ་ཀ་རྒན་པར་འདུག་པས་སྒོམས་ཤིག་གསུངས་སོ། །དེ་ནས་ཟླ་བ་བདུན་གྱི་མཚམས་བྱས་ནས་རྨི་ལམ་གྱི་འདུན་པ་རྩེ་གཅིག་ཏུ་བཏང་བས། ཉིན་པར་སྒྱུ་མའི་རྟོགས་པ་རང་ཤར་དུ་བྱུང་། མཚན་མོ་རྨི་ལམ་བཟུང་ནས་ཨོ་རྒྱན་དུ་ཕྱིན་ཏེ། སློབ་དཔོན་ལྭ་བ་པ་ལ་ཚིག་བསྡུས་ཞུས། ཌཱ་ཀི་མ་སེང་གེའི་གདོང་ཅན་ལ་དེ་ཉིད་གསུམ་གྱི་རྫོགས་རིམ་དང་རྩ་བ་བཅུ་པའི་གདམས་ངག་ཞུས། ཡང་རྨི་ལམ་བཟུང་ནས་རྒྱ་གར་ལྷོ་ཕྱོགས་སུ་སློབ་དཔོན་ཕྱོགས་ཀྱི་གོ་ཆ་ལ་ཕྱི་ནང་གསང་གསུམ་གྱི་རྟེན་འབྲེལ་ཞུས། ཡང་པོ་ཊ་ལར་ཕྱིན་པས་སྒྲོལ་མ་གཙོ་འཁོར་གསུམ་ཞལ་མཐོང་། སྒྲོལ་མའི་ཞལ་ནས།
སྒྱུ་ལུས་བདེན་མེད་གནད་ཡིན་ཨ་འཐས་ཤིག །རྨི་ལམ་འདུན་པའི་གནད་ཡིན་ལམ་དུ་ཁྱེར། །འོད་གསལ་མོས་གུས་གནད་ཡིན་གསོལ་བ་ཐོབ། །གཞན་དོན་སྙིང་རྗེའི་གནད་ཡིན་ཕྱོགས་འཛིན་སྤོངས།
།ལ་སོགས་པའི་ཆོས་མང་པོ་གསུངས་སོ།
།དེ་ནས་བླ་མ་ལྷ་རྗེའི་མཆོད་པའི་དུས་སུ་ལྷ་བཞིའི་མདུན་བསྐྱེད་དང་བདག་བསྐྱེད་གཉིས་ཀྱི་དབང་གནང་ནས། ཞག་ཉི་ཤུ་རྩ་གཅིག་བསྒྲུབས་པས་སྤྱི་བོའི་སྟེང་ན་ཉིན་མཚན་མེད་པར་བཞུགས་པ་ཞལ་མཐོང་བས། བླ་མའི་ཞལ་ནས་ད་ཡི་དམ་ནི་རྒྱུན་ཆད་མེད་པར་མཐོང་ནས་འདུག །རྨི་ལམ་གྱི་སྟོབས་ནི་ཆེན་པོ་བྱུང་འདུག་པས། ད་མཚོན་ཆ་ཅན་གྱི་གྲྭ་བ་སོ་མ་རྣམས་ཀྱི་ཆོས་སྒོ་འབྱེད་པ་བྱེད་དགོས། ཁྱོད་ང་ལ་མོས་པ་འདུག་གསུངས་སོ། །དེ་ནས་དབྱར་གཅིག་ཆོས་སྒོ་ཕྱེས། ཐུགས་རྗེ་ཆེན་པོའི་སྒྲུབ་ཐབས་བཤད་པས་དགེ་སྦྱོར་གྱི་སྟོབས་ཀྱང་ཆུང་དུ་སོང་། འདུ་འཛི་ཆེས་པས་སོ་ཡང་མ་བསོད་པར་བྱུང་ནས། ཆོས་སྒོ་འབྱེད་པ་དེ་བཤོལ་ནས་མཚམས་དམ་པོ་བཅད་ནས་བསྒོམ་ཀྱང་། དགེ་སྦྱོར་དེ་ཡུན་རིང་པོ་སོར་ཚུད་དུ་མ་གཏུབ་པས། ད་དག་པའི་ས་གསུམ་ལ་མ་སླེབ་བར་མི་ཟས་དང་། གཞན་དོན་ཀྱང་བྱེད་མི་གཏུབ་པར་འདུག་སྙམ་པ་བྱུང་བ་དང་། ཐུགས་རྗེ་ཆེན་པོ་བྱོན་ནས།
འདུ་འཛི་གཡེང་བ་བདུད་ཀྱི་བར་ཆད་ཡིན། །ཆགས་སྡང་སྣ་ཚོགས་གྲོགས་སུ་མ་འཆར་བར། །རྐྱེན་ངན་དབེན་པའི་དགོན་པ་རྟག་ཏུ་བསྟེན། །ཚེ་ལ་ལོང་མེད་འཆི་བ་བསམ་པར་རིགས།
།ཞེས་གསུངས་སོ། །དེ་ནས་དགེ་སྦྱོར་སོར་ཆུད་པ་དང་། ཚེས་བཅོ་ལྔའི་ཉི་མ་ཤར་མ་ཐག་ལ། དགྱེས་རྡོར་མཚོན་ཆ་ཅན་ལྷ་བཅུ་གསུམ་གྱི་དཀྱིལ་འཁོར་སྐུ་རི་བོ་ཙམ་ཡོད་པ་ཞལ་མཐོང་། དེ་ནས་ཉི་ཤུ་གཉིས་ལ་རྨི་ལམ་བཟུང་ནས་དཔལ་འབྲས་སྤུངས་སུ་ཕྱིན་པས་རྒྱུད་སྡེ་ལྔའི་ལྷ་ཚོགས་རྣམས་ཀྱི་ཞལ་མཐོང་ནས་ཐམས་ཅད་གསུང་གཅིག་ཏུ་འདི་སྐད་གསུངས་སོ།
།དབང་བཞི་མ་རྫོགས་སྨིན་པར་ག་ལ་ནུས། །དབྱེར་མེད་བསྐྱེད་རིམ་མ་སྒོམ་གྲོལ་མི་སྲིད། །ཐོབ་འདོད་རེ་བས་འབྲས་བུ་མི་འབྱིན་པས། །རང་གྲོལ་རང་ཤར་སྐུ་གསུམ་དབྱེར་མེད་པས།
།ཞེས་ལན་གསུམ་གསུངས་པས། ཅིར་སྣང་ཐམས་ཅད་བསྐྱེད་རྫོགས་དབྱེར་མེད་དུ་རྟོགས་སོ། །དེ་ནས་མཚམས་བཀྲོལ་བ་དང་། ནུབ་གཅིག་རྨི་ལམ་ན། ཡི་གེ་ཨ་གཅིག་གིས་གསུས་པ་ཕར་ཐལ་ཚུར་ཐལ་དུ་ཕུག་པ་དང་། ཟུག་རྔུ་ཆེན་པོ་བྱུང་། ཡང་ལྕི་བ་དང་རི་ལ་འབུ་དབང་མེད་དུ་ཟ་དགོས་པ་གཅིག་རྨི་བ་དང་། ནང་པར་བླ་མའི་གསུངས་མ་ཆོག་པར་ཕྱུག་པོ་གཅིག་གི་བསྙེན་བསྐུར་ལ་ཕྱིན་པ་དང་། དེའི་དགོང་མོ་ལུས་པོ་ཐམས་ཅད་གཤག་གཏུབ་བྱས་པ་བཞིན་ན་ནས། སྨན་དང་རིམ་གྲོ་གང་གིས་ཀྱང་མ་ཕན་པར་ཤི་ལ་ཐུག་པ་དང་། ཐོ་རངས་སྒྲོལ་མ་དཀར་མོ་བྱོན་ནས། ཁྱོད་ཀྱི་ན་བ་འདི་སྐུ་གླུད་ཟོས་པས་ལེན་པ་ཡིན། དེ་གཞན་གྱིས་ཀྱང་མི་ཕན་པས་བྲུལ་གཏོར་ཐོངས་ཤིག །དེས་དམྱལ་བའི་ལས་ཞི་དེ་ལས་གྲོལ་བར་འགྱུར་རོ། །གསུངས་ནས་བྲུལ་གཏོར་བཏང་བས་ནད་དྲག་པོ་སོས་སོ། །དེ་ནས་བྲུལ་གཏོར་ཁོ་ན་ལ་མོས་ཤིང་ཡིད་ཆེས་པར་བྱུང་ངོ་། །དེ་ནས་བླ་མ་ལ་རྒྱུད་སྡེ་ལྔའི་དབང་ཞུས་ནས་དགྱེས་རྡོར་དང་། དགྲ་ནག་དང་། འཇིགས་བྱེད་དང་། རྒྱུད་སྡེ་ལྔའི་སྒྲུབ་ཐབས་དང་། གདམས་པ་རྣམས་མ་ལུས་པར་ཞུས་ནས། ད་ནི་ཤེས་བྱའི་སྒྲིབ་པ་མ་དག་བར་དུ་སྒྲུབ་པ་ཞིག་བྱ་དགོས་སྙམ་ཙ་ན། ཉིན་གཅིག་རྟ་པ་སུམ་བརྒྱ་ཙམ་བྱུང་ནས། ཁུ་བོ་འབའ་ཚད་མ་བ་གྲོང་པས་གདན་ས་ལ་འགྲོ་དགོས་ཟེར་ནས་བྱུང་བས། ང་མི་འགྲོ། ཁྱོད་རང་རྣམས་གདན་ས་གཞན་ལ་འཆོས། ད་ང་མ་ཤིའི་རིང་ལ་སྒྲུབ་པ་ཞིག་བྱེད་པ་ཡིན་བྱས་པས། བླ་མས་དམ་ཚིག་ལ་བསྒྲེས་ནས། ཁུ་བོའི་གདན་ས་གྱིས། དགེ་སྦྱོར་འཕེལ་བར་འོང་གིས། ཡེ་ཤེས་མགོན་པོ་ཕྱག་དྲུག་པ་བྲན་བཞིན་དུ་ཉན་པའི་བཀའ་བསྒོ་གནང་། བུ་འདི་རུ་མ་འདུག་དབུས་སུ་སོང་། མགོན་པོ་འདི་བྲན་བཞིན་དུ་ཉན་པར་འདུག་ཅིག་གསུངས་ནས། དེའི་དུས་སུ་སྐྱེར་སྒང་དུ་འོངས་ནས། སྐུ་འབུམ་གཅིག་བཞེངས་ནས་གདན་ས་བྱས། ད་དགོན་པ་འདི་ལ་ལྕགས་རི་གཅིག་བྱ་དགོས་སྙམ་པ་དང་། གར་དགོས་སུ་ས་སྤུངས་ནས་བྱུང་བ་དང་། རྨང་གཏིང་བས་ཡུལ་བས་དགག །དེ་ལ་མ་དགའ་བ་ཞིག་བྱུང་སྟེ། བླ་མའི་ཞལ་ནས་ཆོས་སྐྱོང་འདི་བྲན་བཞིན་དུ་ཉན་པར་འདུག་ཅིག་གསུངས་པ་ཡིན་ཏེ། ད་ལྕགས་རི་ཡང་དོན་མེད་པར་ཁོང་ཚོས་བཅག་ནས་མེད་དོ་ཟེར་བ་གཅིག་ཁ་ནས་ཤོར། དེའི་དགོང་མོ་ལྕགས་རི་བཅོག་པའི་མི་ཚང་མང་ཚད་ཅིག་ཤི་ནས་ནང་པར་བབས་བྱས། ང་ཡང་འགྱོད་ནས་བདུན་ཚིགས་བྱས་སོ། །དེ་ནས་ད་ནི་འདུ་འཛི་ལ་གཡེངས་ནས་འགྲོ་བར་འདུག་སྙམ་ནས་ཁུ་བོའི་ཟླ་མཆོད་མ་གཏོགས་པ་མཚམས་དམ་པོ་བྱས་ཏེ། གཉིད་ཙམ་མ་ལོག་པར་དགོངས་མོ་ས་རུབ་ནས་ནམ་མ་ལངས་བར་ལ་སྐུ་འབུམ་ལ་བསྐོར་བ་བྱས། ཉིན་པར་ཉལ་ས་ལས་མ་གཡོས་པར་དགེ་སྦྱོར་གཅིག་པོ་བྱས་པས་རྨི་ལམ་དང་འོད་གསལ་གྱི་སྟོབས་ཆེན་པོ་བྱུང་ནས། ནུབ་གཅིག་རྨི་ལམ་བཟུང་ནས་མཆོད་རྟེན་དཔལ་ཡོན་ཅན་ལྟར་ཕྱིན་པས་རིན་པོ་ཆེ་སྣ་ཚོགས་ལས་གྲུབ་པའི་ཞལ་ཡས་ཁང་ན། ཤེལ་གྱི་མཆོད་རྟེན་སངས་རྒྱས་ཀྱི་རིང་བསྲེལ་མ་ག་ཏའི་བྲེའི་ཁལ་གཅིག་བྲེ་བདུན་བཞུགས་པ་འོད་ཟེར་སྣ་ལྔ་ཕྱོགས་བཅུར་འཕྲོ་བ་འོད་ཟེར་གྱི་སྣ་ལ་མཆོད་པའི་ལྷ་མོ་དཔག་ཏུ་མེད་པ་བྱུང་ནས་མཆོད་པ་འབུལ་བ། གཞལ་ཡས་ཁང་གི་ནང་ཐམས་ཅད་རྒྱུད་སྡེ་ལྔའི་ལྷ་ཚོགས་མང་པོ་རིམ་པ་བཞིན་དུ་བཞུགས་པ། དེའི་ཕྱི་རིམ་ལ་ལྷ་དང་ཀླུ་དང་གནོད་སྦྱིན་དང་དྲི་ཟའི་ཚོགས་ཀྱིས་མཆོད་པ་འབུལ་བ་འདི་ལྟ་བུ་ཞིག་འདུག་ནས། ངས་ཀྱང་སྐད་ཅིག་ལ་ཕྱི་ནང་གསང་གསུམ་གྱི་མཆོད་པ་དཔག་ཏུ་མེད་པ་སྤྲུལ་ནས་ཕུལ་བ་དང་། ཌཱ་ཀིའི་ཚོགས་ཐམས་ཅད་མགྲིན་གཅིག་ཏུ་རིགས་ཀྱི་བུ་དེ་ལྟ་བུའི་མཆོད་པ་ནི་ཨེ་མ་ཧོ་ལན་གསུམ་གསུངས་པ་དང་། གསང་སྔགས་ཀྱི་ལྷ་ཚོགས་རྣམས་ཀྱི་ཐུགས་ཀ་ནས་འོད་ཟེར་བྱུང་ནས་རིགས་ཀྱི་བུ་ཚུར་ཤོག་དབང་བསྐུར་བར་བྱའོ་གསུངས་ནས། དབང་བཞི་རྫོགས་སུ་བསྐུར་བ་དང་། ལྷ་དབང་བསྐུར་བ་དང་། བདག་དང་མཆོད་པའི་ཚོགས་ཐམས་ཅད་ཀྱང་སྐྱེ་འགགས་དང་བྲལ་བའི་ཟུང་འཇུག་ཕྱག་རྒྱ་ཆེན་པོ་རྟོགས་ནས།
རིན་ཆེན་བརྩེགས་པའི་གཞལ་ཡས་ཁང་། །རྟེན་ཡོངས་སུ་དག་པའི་མཆོད་རྟེན་ལ། །རྒྱལ་བ་བདུན་གྱི་རིང་བསྲེལ་བཞུགས། །ཡིད་ཀྱིས་སྤྲུལ་པའི་མཆོད་པ་འབུལ། །དེ་ཡང་དམིགས་མེད་སྒྱུ་མའི་ཉམས། །ཟུང་འཇུག་ཕྱག་རྒྱ་ཆེན་པོར་རྟོགས།
།ཞེས་བྱ་བ་ལ་སོགས་པའི་མགུར་དེ་བླངས་སོ། །ཡང་རྨི་ལམ་བཟུང་ནས་པོ་ཏ་ལར་ཕྱིན་པས། རིན་པོ་ཆེ་ལས་གྲུབ་པའི་མཆོད་རྟེན་ལྟ་བུའི་སྟེང་ན། ཐུགས་རྗེ་ཆེན་པོ་གཙོ་འཁོར་གསུམ་པོ་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ་འོད་ཀྱི་རང་བཞིན་ཅན་ཏུ་བཞུགས་ནས་འདུག །ཁྲི་འཕང་རྣམས་ལ་ཐུགས་རྗེ་ཆེན་པོ་ཁ་སར་པཱ་ཎི་བྱིས་པ་ལོ་བརྒྱད་ལོན་པའི་ན་ཚོད་ལྟར་བཞུགས་ནས། ཆོས་ཀྱི་ཞུ་བ་པོའི་ཚུལ་མཛད་དེ།
ལྷ་ཀླུ་གནོད་སྦྱིན་དྲི་ཟ་རྣམས། །སྐྱོན་བྲལ་ཐུགས་རྗེ་ཆེན་པོའི་སྐུ། །ཐེག་ཆེན་ཆོས་རྣམས་སྟོན་པར་འགྱུར། །གང་མོས་དོན་རྣམས་དྲི་བར་བྱོས།
།ཞེས་གསུངས་པ་དང་། རི་རབ་ཀྱི་འོག་ནས་པདྨའི་སྡོང་པོ་ལ་ལྷ་དང་ཀླུ་དང་གནོད་སྦྱིན་དང་དྲི་ཟའི་ཚོགས་ལག་ན་མཆོད་པ་དཔག་ཏུ་མེད་པ་ཐོགས་ནས་འཁོད་དེ་རང་རང་གི་སྐད་ཀྱིས་ཁ་སར་པཱ་ཎི་ལ་ཞུས། ཁ་སར་པཱ་ཎིས་གཙོ་འཁོར་གསུམ་ལ་ཞུས་པ་དང་། ཐུགས་རྗེ་ཆེན་པོས་རང་རང་གི་སྐད་དུ་སྐྱེ་གནས་སྦྱོང་བ་དང་། གསང་སྒྲུབ་གསུངས་སོ། །དེ་ནས་གཙོ་འཁོར་གསུམ་པོ་བཅུ་གཅིག་ཞལ་དུ་གྱུར་ནས། དེའི་གནས་གསུམ་ནས་འོད་ཟེར་གསུམ་བྱུང་ནས་བདག་གི་གནས་གསུམ་དུ་ཕོག་པས། བདག་ཀྱང་ཐུགས་རྗེ་ཆེན་པོའི་སྐུར་གྱུར་པ་དང་། བཅུ་གཅིག་ཞལ་གྱིས་དུག་སྦྱོང་བའི་གདམས་ངག་དང་། གཟུངས་རིང་གི་བཟླ་ཐབས་དེ་གསུངས་ནས། པོ་ཏ་ལའི་གཟུངས་ཟུངས་ཤིག །དེ་མཐོང་ཚད་ངན་སོང་ལས་ཐར་ཐུགས་རྗེ་ཆེན་པོ་ཐོབ་པར་འགྱུར་རོ་གསུངས་སོ།
།ཡང་མདོ་བོ་ན་བླ་མ་ལྷོ་པས་བདེ་མཆོག་གི་དབང་བསྐུར་བྱེད་ཅིང་ཡོད་ཟེར་ནས་རྨི་ལམ་བཟུང་ནས་ལྟར་ཕྱིན་པས། བླ་མ་ལྷོ་བ་དེ་ཧེ་རུ་ཀ་ཞལ་གཅིག་ཕྱག་བཅུ་གཉིས་པར་གྱུར་ནས་བུམ་པ་བཟུང་ནས་སློབ་མ་རྣམས་ལ་བདེ་མཆོག་དངོས་ཀྱི་དབང་བསྐུར་ནས་འདུག་པ་ལ། ད་ལྟ་བོད་ན་བདེ་མཆོག་དངོས་ཀྱི་དབང་བསྐུར་བ་ལྷོ་པ་ལས་མི་འདུག་གསུངས་སོ། །ཡང་དུང་རུང་སྒང་པས་དབང་བསྐུར་བྱེད་ཀྱིན་ཡོད་ཟེར་ནས། དངོས་བཞིའི་སྲོད་ལ་རྨི་ལམ་བཟུང་ནས་བལྟས་པས། གཞི་དེའི་ཀླུ་སྲིན་མོ་གཅིག་གིས་གཏོར་མ་ཟོས་ནས་རང་བྱུང་གི་ཁྲག་སྙིང་ཁར་བྱུགས་པས་སློབ་མ་ཐམས་ཅད་འཐབས་པས་རྨས་མ་མང་པོ་བྱུང་ནས། ནང་པར་དུང་རུང་སྒང་པ་ནམ་ལངས་མ་ཐག་ངའི་གམ་དུ་བྱུང་བ་ལ། དགེ་བཤེས་དབང་བསྐུར་ཉེས་སམ་བྱས་པས་མདང་འཐབ་མོ་མང་དུ་བྱུང་ཟེར་བས། གཏོར་མ་མི་ཐུབ་པར་དབང་བསྐུར་བྱེད་པ་ག་ན་འོང་། ཁྱེད་རང་གི་གཞི་དེའི་ཀླུ་སྲིན་མོ་དེས་བར་ཆད་བྱེད་ཀྱིན་འདུག་པ་ཡིན། ད་ངས་རྟེན་འབྲེལ་བྱས་ལ་ཚེ་སྲིངས་ཤིག་བྱས་ནས་མར་མེ་སྦར་བ་གཅིག་ཁོ་ལ་གཏད་ནས་འདི་ཁྱེར་ལ་དགོན་པར་ཤད་ཀྱིས་སོང་ལ་བཤགས་པ་གྱིས་ཤིག་བྱས་ཙ་ན། ལམ་ཁར་ཇ་འཐུང་ཞིང་བསྡད་པས་ལམ་ཁར་མར་མེ་ཟད་ནས། ཁོ་ཡར་སླེབ་མ་ཐག་བཤགས་པ་བྱ་ལོང་མེད་པར་ཁྲག་སྐྱུགས་ནས་ཤི་འདུག་པས། དབང་བསྐུར་དུས་བགེགས་སྐྲོད་པ་དང་། ཆོས་སྐྱོང་ལ་བཀའ་བསྒོ་བ་གལ་ཆེ་བར་འདུག་གོ། དེ་ནས་དགོང་གཅིག་འབུམ་པ་ལ་བསྐོར་བ་བྱེད་ཅིང་ཡོད་པའི་དུས་སུ་ནམ་མཁའ་ལ་འོད་ཆེན་པོ་ཞིག་བྱུང་ནས་བལྟས་པས། དྲང་སྲོང་རཱ་ཧུ་ལ་མགོ་དགུ་པ་ལག་ན་མདའ་གཞུ་ཐོགས་པ། མགོ་ལུས་ཐམས་ཅད་མིག་གིས་གང་བ། ཁ་ནས་གློག་འཁྱུག་པ། སྐུ་མདོག་དུད་ཁ་ཡོད་པ་ལྷ་མ་སྲིན་སྡེ་བརྒྱད་ཀྱིས་བསྐོར་བ། ནམ་མཁའ་ཁེངས་པ་ཤིན་ཏུ་འཇིགས་པ་ཆེ་བ་ཞིག་མཐོང་ནས། ཇོ་བོ་དཀོན་མཆོག་གསུམ་པོས། སེམས་ཅན་ཐམས་ཅད་དྲང་སྲོང་གི་འཇིག་པ་ལས་བསྐྱབ་ཏུ་གསོལ་བྱས་པས། རཱ་ཧུ་ལའི་གཡོན་དུ་ལྷ་མོ་དཀར་མོ་ཞིག་བྱོན་ནས།
བུ་ཁྱོད་རང་གི་སེམས་ལ་ལྟོས། །འཇིགས་པས་རང་སེམས་བདུད་དུ་བབས། །ལུས་ཀྱི་གཅེས་འཛིན་གཏིང་ནས་སྤོངས། །སྣང་སྟོང་སྒྱུ་མ་གཟུགས་བརྙན་ལ། །ཅི་ཕྱིར་འཇིགས་དང་སྐྲག་པར་བྱེད། །གཞན་ཕན་གསོལ་བ་འདེབས་པ་དེ། །ལེགས་པར་བསྟན་གྱིས་གུས་པས་ཉོན།
།ཙནྡན་གོ་ཤིར་ཤའི་སྣག་ཚ་ལ། དེ་བཞིན་གཤེགས་པ་ཀླུ་དབང་གི་རྒྱལ་པོ་ལ་ཕྱག་འཚལ་ལོ་ལ་སོགས་པ་དེ་བཞིན་གཤེགས་པ་བཞིའི་མཚན་བྲིས་ལ་ལུས་ལ་ཐོགས་ཤིག །དྲང་སྲོང་གི་འཇིགས་པ་ལས་སྐྱོབ་པར་འགྱུར་རོ་གསུངས་ནས་མི་སྣང་བར་གྱུར་ཏོ། །དེ་ནས་ཟླ་བ་གཅིག་ནས་ཏི་སེ་ནས་རི་པ་སུམ་བརྒྱ་བྱུང་ནས། ཆོས་རྗེ་གྲོང་ཟེར་ནས་འོང་པ་ཡིན་ཏེ། ལ་ལ་ན་རེ་མ་གྲོང་ངམ་ཡང་ཟེར། དོ་ནུབ་རྨི་ལམ་བཟུང་ནས་གཟིགས་པར་ཞུ་ཟེར་བས། ད་ལྟ་རང་བླ་ཡེ་ན་འབུལ་བ་ལེན་ཆོས་བཤད་ཅིང་འདུག་པ་ཡིན་ཏེ་བྱས་པས། ཁོང་རྣམས་ལྐོག་ཤུབ་བྱེད་ཅིང་། གྲུབ་ཐོབ་ཡིན་ཉན་ཡོད་རྟོགས་ལྡན་དུ་མི་འདུག་སྔགས་འདི་ཙམ་འདྲེན་ཅིང་འདུག །ད་རེས་ཁོང་གི་མངོན་ཤེས་ཐོག་ཏུ་ཕེབས་ན་རང་རེ་ཐམས་ཅད་ཐུགས་རྗེ་ཆེན་པོ་ཞུ་དགོས་ཟེར་ཅིང་འདུག །དེ་ནས་ངས། རྩ་གང་ཡིན། མདུད་པ་གང་ཡིན། གྲོལ་བ་གང་ཡིན། གྲོལ་བའི་དགོས་པ་གང་ཡིན། ཙནྡན་གོ་ཤིར་ཤ་གཅིག་ཀྱང་བསྐུར་བ་ཞུ་བྱས་ནས། རི་པ་རྣམས་ལ་ཡི་གེ་བསྐུར་བས། བླ་མ་འབྲི་གུང་པས། གཡུ་ཁང་དུ་དབུ་ཆེ་རྣམས་བསགས་ནས་ཡིག་ལེན་ཇི་སྐད་བསྐུར་བྱས་པས་མ་མཐུན་ཏེ། བླ་མ་རང་གིས་རྩ་ཉོན་མོངས་པ་མདུད་པ་དུག་གསུམ་གྱི་རྟོགས་པ། གྲོལ་བ་ཉོན་མོངས་པ་ལས་གྲོལ་བ། དགོས་པ་དོན་གཉིས་མཐར་ཕྱིན་པའོ་བྱས་པ་དང་། ཙནྡན་དང་། ཟི་པོལ་དང་། གོས་ཆེན་མང་པོ་བསྐུར་ནས་བྱུང་ངོ་། །དེ་ནས་བླ་མ་སོག་པ་དང་། རི་པ་མང་པོས་ཐུགས་རྗེ་ཆེན་པོ་ཞུས་ནས། ཁོང་རྣམས་ཀྱི་ཚེའི་སྟོད་སྨད་ལ་ཇི་ལྟར་བྱུང་བ་དང་། མ་འོངས་པ་རྣམས་བཤད་དེ། ཐུགས་རྗེ་ཆེན་པོ་ལོ་གསུམ་བསྒྲུབ་པར་ཁས་བླངས་སོ། །དེའི་རྗེས་ལ་འགའ་དང་རྒྱའི་རྒྱལ་པོས་བཟུངས་ཆུས་ཕན་ཐོགས་པའི་འབུལ་བ་ཡིན་ཟེར་ནས། དངུལ་བྲེ་གང་དང་། དར་ཟབ་དང་། གསེར་མང་པོ་གཞུང་མགྲོན་པ་ལ་བསྐུར་ནས་བྱུང་བ་དང་། དངོས་པོ་དག་པ་ཅི་བྱུང་ཐམས་ཅད་བླ་མ་ལ་བསྔོས་ནས་བསགས་པས་གཡུ་སུམ་ཅུ། སྣམ་བུ་སྟོང་། འབྲི་གཞོན་སུམ་ཅུ་སོ་དགུ། རྟ་བཅུ་གསུམ། སྣག་ཚའི་བཀའ་འགྱུར་རོ་ཅོག་དང་། གསེར་གྱི་ཉི་ཁྲི། ཇ་སིག་དང་། བེར་ཐུལ་དང་། དཀར་ཡོལ་ལ་སོགས་པ་དངོས་པོ་ཅི་ཡོད་ཐམས་ཅད་བླ་མའི་ཕྱག་ཏུ་འབུལ་དགོས་སྙམ་ནས། འབུལ་བ་སྐྱེལ་རོགས་བཙལ་བས་སྐྱེར་སྒང་པའི་གྲྭ་པ་རྙིང་པ་རྣམས་འཚོགས་ནས། འབའ་ཐམས་ཅད་མཁྱེན་པའི་གདན་ས་ནས། གཞན་དུ་འབུལ་བ་འདི་ཙམ་སྐྱེལ་བ་མི་འཐད་པས། རང་རེས་འབུལ་བ་སྐྱེལ་རོགས་མི་བྱེད་ཟེར་ནས་གྲོས་བྱས་པས། ཤངས་པ་ན་རེ་ཁོངས་རྣམས་ཁྲིམས་བྱས་ནས་འབུལ་བ་སྐྱེལ་རོགས་མི་བྱེད་པར་འདུག་པ་ད་ཅི་འཐད་ཟེར། ངས་དཀོན་མཆོག་ལ་གསོལ་བ་བཏབ་པ་ཡིན་ཏེ། འོ་ན་ཆོས་སྐྱོང་རང་གིས་སྒྲུབ་བམ་བྱས་པ་དང་། ཉི་མ་ཕྱེད་ཡོལ་ཙམ་ན་རལ་གུ་རང་ཕྲུག་གོན་པ། སྐེ་རག་དམར་རུའི་ཐོད་བཅིངས་པ་རྟ་ནག་ཞོན་པ་གཉིས་བྱུང་ནས། ཁྱེད་ལ་འབུལ་བ་སྐྱེལ་རོགས་མེད་ན་ཟླའུ་བཟང་པོ་འདུག་ཟེར་ནས། གང་ན་འདུག་བྱས་པས་འཕན་ཡུལ་པའི་ཚོངས་པ་མང་ཚད་གཅིག་དོ་ནུབ་མོན་འདྲ་ན་འདུག །སང་དགོང་སྒང་བུའི་གནས་སུ་འོང་བར་འདུག་ཟེར་རོ། །སང་དགོང་གཞོན་ཚུལ་གནས་སུ་བཏང་ཙ་ན། རྟ་ནག་ཞོན་པའི་མི་བདུན་མཛོ་ཕོ་མང་པོ་རོལ་དུ་ཁྲིད་ནས་བྱུང་བ་དང་། ཁྱེད་རྣམས་གར་འགྲོ་བྱས་པས་ཤངས་སུ་འགྲོ་ཟེར། འོ་ན་ངེད་ཀྱི་འབུལ་བ་སྐྱེལ་རོགས་དགོས་པས། སྐྱེར་སྒང་དུ་འདེངས་བྱས་པས་ཁྱེད་རང་གྲབ་གྱིས་ཤིག་ཟེར་ནས། ནངས་པར་ནམ་ལངས་མ་ཐག་ཏུ་མི་རྟ་རྣམས་བྱུང་ནས། ངེད་ཀྱི་མཛོ་ཕོ་འདི་རྣམས་ལ་ཁལ་ཁོལ། ཁྱེད་རང་གི་རྟ་ཐམས་ཅད་ལ་ཁལ་ཁོལ་ལ། ངེད་ཀྱི་རྟ་འདི་ལ་བླ་མ་ཆིབས་ཤིག་ཟེར་ནས་རྟ་གཅིག་བཏག །དེའི་དགོངས་མོ་བན་ལུང་དགོན་པར་བསྡད་དོ། །དེ་ནས་ཁོང་རྣམས་ཤོག་གུ་ལ་ལ་ཐག་ཉེ་སྟེ་འཇིགས་པ་ཆེ་བས་ཅི་ཙུག་འཐད་བྱས་པས། ཁྱེད་ཀྱི་རྐྱེན་འདི་ལས་ལྷག་པ་ངེད་ཀྱི་སྒྲོལ་ཕོད་འདི་ན་ཡོད་དོ། །ངེད་ཀྱི་སྐྱེལ་མ་ཐུག་འོང་ཅིག་ཟེར་རོ། །དེ་ནས་ལྷ་ཕུར་དགོང་ཀ་སླེབ་ཙ་ན་ཁོང་རྣམས་ན་རེ། དོ་ནུབ་ཕྱིན་ན་སྐུང་ལུང་སླེབ་པ་འདུག་སྟེ། དོ་ནུབ་མི་ཐོངས་ལ་འབུལ་བ་ལེན་དུ་ཤོག་གྱིས། སང་གྲོ་ལ་སླེབ་པར་འོང་ཅིག །ཁར་སང་ཁྱོད་ལ་འབུལ་བ་སྐྱེལ་རོགས་མི་འདུག་བ་བསུར་འོང་པ་ཡིན། དོ་ནུབ་དུར་ཁྲོད་མུན་པ་མི་བཟད་བ་བྱ་བ་ན། སློབ་དཔོན་དྷ་ན་སཾ་ཀྲྀ་ཏ་བྱ་བས་ཚོགས་འཁོར་བྱེད་པ་ཡོད་པས་ངེད་རྣམས་དེར་འགྲོ་བ་ཡིན་ཟེར་ནས་རྡུལ་འཚུབ་ཏུ་བྱས་ཏེ་མི་སྣང་བར་གྱུར་ཏོ། །དེ་ནས་ངས་ཤངས་པ་ལ་སྐྱེར་སྒང་པ་རྣམས་ལ་མ་བཤད་ཅིག །ཁོང་དཔོན་གཡོག་འདྲེས་ཁྲིད་པར་བྱས་སོ་ཟེར་འོང་བྱས། དེ་ནས་ནང་པར་བླ་མའི་སྤྱན་སྔར་ཕྱིན་ཙ་ན། བླ་མའི་ཞལ་ནས། དབོན་སྟོན་སྐྱེར་སྒང་པ་ཆོས་ཚུལ་བཞིན་དུ་གྱིས་དང་། དཔའ་བོ་དང་ཌཱ་ཀི་བྲན་བཞིན་དུ་ཉན་པར་འདུག་གི་བྱས་པ། ཁར་སང་རི་རབ་ཀྱི་ཟོམ་ན་གནས་པའི་མགོན་པོའི་འཁོར་རྣམས་ན་རེ། དབོན་སྟོན་ལ་འབུལ་བ་སྐྱེལ་རོགས་མི་འདུག་པས་བསུར་འགྲོ་བ་ཡིན་ཟེར་ནས་བསུར་སོང་བ་ཡིན་ཏེ་མ་བྱུང་ངམ་གསུངས་པ་ལ། བསུར་བྱུང་ལགས་ཞུས་པས། མདང་སློབ་དཔོན་དྷ་ན་སཾ་ཀྲི་ཏ་དང་། དྷརྨ་ཀ་ཤི་ཀའི་ཚོགས་འཁོར་ལ་འགྲོ་ཟེར་ནས་མི་སྣང་བར་ཐལ་བྱས་སོ། །དེ་ནས་བླ་མ་ལ་འབུལ་བ་བྱས་པའི་དགོང་མོ་གཏོར་དབང་གཅིག་མཛད་ནས། ལྷ་མོ་དང་འཁོར་བཞིའི་སྒྲུབ་ཐབས་དང་། ཉི་ཁྲོས་སེར་བ་དང་། གཤིན་རྗེ་ར་སྒྲོལ་ལ་སོགས་པའི་གནད་རྣམས་མ་ལུས་པར་གནང་ངོ་། །ཡང་དབང་བསྐུར་གསུམ་མཛད་ནས་སྣང་བ་ལ་བརྟེན་ནས། བླ་མ་ལམ་དུ་ཁྱེར་བ་དང་། ཡི་དམ་ལམ་དུ་ཁྱེར་བ་དང་། སྒྱུ་མ་ལམ་དུ་ཁྱེར་བ་དང་། ལམ་ཁྱེར་གྱི་ཆོས་གསུམ་དང་། གཞན་ཡང་ཟབ་ཆོས་ལྷག་མ་ཐམས་ཅད་མ་ལུས་པར་གནང་ནས་དབུ་བསྙུང་བཞེས་སོ། །དེ་ནས་མར་འོང་བའི་སྐྱེར་སྒང་དུ་སླེབ་པའི་དགོང་མོ་ཆུ་བདག་ཝ་རུ་ཎ་བྱུང་ནས། ཤིང་སྡོང་སྐམ་པོ་གཅིག་ལ་མེ་ཏོག་ལྔ་སྐྱེས་པ་གཅིག་འབུལ་དུ་བྱུང་། འདི་ཅིའི་བརྡ་ཡིན་བྱས་པས་རབས་ཆད་པོ་གཅིག་ལ་བུ་འོང་བའི་བརྡ་ཡིན་ཟེར། སང་ཕྱུག་པོ་འབུམ་རྡོར་གདན་འདྲེན་དུ་འོང་བར་ཡོད། ང་ལ་གཏོར་མ་བཟང་པོ་ཐོངས་ཤིག །ཁོ་ལ་སྤུན་ཟླ་ལྔ་འོང་བར་འགྱུར་རོ་ཟེར་ནས་མི་སྣང་བར་ཐལ། དེ་ནས་ནང་པར་ཕྱུག་པོ་འབུམ་རྡོར་རིགས་གཏད་དང་སྣ་ལེན་པ་ལ་འབྱོན་པར་ཞུ་ཟེར་ནས་ཕྱིན་ཏེ། ཕྱེ་ཁལ་བརྒྱ་ལས་བྱས་པའི་གྲུལ་གཏོར་གཅིག་བཏང་བས། གཏོར་མའི་མདུན་དུ་ཝ་རུ་ཎ་བྱུང་། ཤིང་སྡོང་སྐམ་པོ་གཅིག་ལ་མེ་ཏོག་སྐྱེས་པ་གཅིག་ང་ལ་ཕུལ་ནས་ཕྱུག་པོ་འདིས་གཏན་དུ་ཞབས་ཏོག་བྱས་ནས་བུ་མེད་ན་ང་ངོ་ཚ་བར་འདུག་ཟེར་ནས་མི་སྣང་བར་སོང་། དེ་ནས་དགོང་གཅིག་ཝ་རུ་ཎ་བྱུང་ནས་ཁོ་རང་གི་སྒྲུབ་ཐབས་ཕུལ་ནས་ད་ང་ལ་གཏོར་མ་བྱིན་ལ། བི་ན་ཡ་ཀའི་སྟེང་ན་ཀླུའི་ཡིད་བཞིན་ནོར་བུ་ཡོད་པས་འབུལ་བ་ཡིན་ཟེར་ནས་དེར་གཏོར་མ་བསྐྱལ་ནས་ཀླུའི་དངོས་གྲུབ་བླངས་པས། དེ་ལས་འཚོ་བ་ཐམས་ཅད་རྩོལ་མེད་དུ་བྱུང་བ་དང་གཞོན་ཚུལ་ན་རེ། རྡོ་འབྱོང་དེས་ཅི་ཡང་མི་གཏུབ་སྙམ་ཙ་ན། རྡོ་དེ་ལག་དུ་བྱུང་ནས་ཟས་ནོར་ཅི་ཡང་བྱུང་ཟེར་རོ། །ཡང་སྟོན་ཟླ་ལ་དབོན་པོ་གཞོན་བརྩོན་ཆོས་བཤད་ཀྱིན་འདུག་པས། ཀྵེ་ཏྲ་པཱ་ལ་དང་། ཝ་རུ་ཎ་གཉིས་ཀྱིས་ཁོའི་ཆོས་ཁྲི་བསྒྱེལ་ཅིང་འདུག་པ་དང་། དེ་བསྒྱེལ་བ་ཅི་ཙུག་ཡིན་བྱས་པས་ཝ་རུ་ཎ་ན་རེ། ཆོས་པ་བྱ་བ་བསམ་པ་བཟང་དགོས་པ་ཡིན་ཏེ། ཁོ་ཞེ་ནག་པར་འདུག་པས་བསྒྱེལ་བ་ཡིན་ཟེར་ཅིང་འདུག་པས། གཞོན་ཚུལ་ལ་ཤངས་པའི་ཆོས་གཅིག་ཀྱང་མ་བྱིན་པ་ཡིན་ནོ། །དེས་ན་ཆོས་པ་ལ་བསམ་པ་བཟང་དགོས་པ་ཡིན་སྙམ་པ་བྱུང་ངོ་། །ཡང་ཚེས་བརྒྱད་ཀྱི་སྔ་དྲོ་སྟོན་གཞོན་བརྩོན་གྱིས་གཏོར་མ་བཤམས་པས། ཝ་རུ་ཎ་བྱུང་ནས་སྣ་ཚ་གྲིབ་བྱུང་བས་གཏོར་མ་མི་འདོད་ཟེར་ནས། གྲིབ་ཅི་ལ་བྱུང་བྱས་པས། གཞོན་བརྩོན་གྱིས་ལག་པ་མི་གཙང་བར་འདུག་ཟེར་བས། ཁྲུས་དང་གཙང་སྦྲ་གལ་ཆེ་བར་འདུག་གོ།
།ཡང་དགུན་ཟླ་ར་བའི་ཚེས་བདུན་ཀྱི་དགོང་མོ་རྨི་ལམ་བཟུང་ནས། ཨོ་རྒྱན་དུ་ཕྱིན་པས། སློབ་དཔོན་པདྨ་དང་མཇལ་ནས་རྟ་མགྲིན་གྱི་སྒྲུབ་ཐབས་ཟབ་པ་གཅིག་ཞུ་དགོས་བྱས་པ་དང་། སྐད་ཅིག་ལ་སློབ་དཔོན་རྟ་མགྲིན་ཞལ་གསུམ་ཕྱག་དྲུག་པ་གཅིག་ཏུ་གྱུར་ནས། རྟ་སྐད་ཐེངས་གསུམ་བཏོན་པས་མ་མོ་ཌཱ་ཀི་ཐམས་ཅད་འདུས་ནས་རྟ་མགྲིན་གྱི་དབང་བསྐུར་རོ། །པདྨ་རྒྱལ་པོའི་ཞལ་ནས། ངས་རྟ་མགྲིན་གྱི་རྒྱུད་དང་སྒྲུབ་ཐབས་བརྒྱ་རྩ་བརྒྱད་ཀྱི་ནང་ནས་མཆོག་ཏུ་གྱུར་པ། རྟ་མཆོག་རོལ་པའི་རྒྱུད་ལས་བཏུས་པའི་གསང་སྒྲུབ་གཅིག་སྙེ་མོར་སྦས་ཡོད་པ་དེ་སྔགས་པ་གཅིག་གིས་ཐོན་ནས་ཡོད་པས་དེ་ཞུས་ཤིག །རྒྱལ་པོ་དཔེ་དཀར་དཀོར་འདྲེ་དང་འགོང་པོའི་ཚོགས་ཐམས་ཅད་དང་། ལྷ་མ་སྲིན་སྡེ་བརྒྱད་ཐམས་ཅད་འཇོམས་པར་བྱེད་དོ། །གསུངས་ནས་ལུང་བསྟན་པས་སྙེ་མོར་ཕྱིན་ནས་སྔགས་པ་ལ་གསང་སྒྲུབ་ཞུས་སོ། །དེ་ནས་རྨི་ལམ་བཟུང་ནས་པདྨ་ལ་ཞུས་པས་ལེན་གསུམ་གྱི་བར་དུ་གསུངས་ནས། ད་རུང་འཁོར་ལོ་མ་བྱིན་པར་འདུག་པས་ཞུས་ཤིག་གསུངས་སོ། །ཡང་ཉི་ཁྲི་དང་། བུར་སྟོང་གཅིག་དང་། རེ་སྣམ་གཉིས་རྣམས་ཁྱེར་ནས་ཞུས་པས་འཁོར་ལོ་གནང་ངོ་། །དེའི་ཚེས་བཅོ་བརྒྱད་ལ་ལྷ་སར་ཕྱིན་པས། བོང་ང་རིར་ཐུགས་རྗེ་ཆེན་པོ་བཅུ་གཅིག་ཞལ་མཐོང་བས་ནམ་མཁའ་ཐམས་ཅད་འོད་ཀྱིས་ཁེངས་པར་བྱུང་བ་དང་། ཡང་རྩ་ཞལ་ལས་འོད་ཁ་དོག་མི་འདྲ་བ་ཉི་ཤུ་རྩ་གཅིག་བྱུང་བ་དང་། ངེད་དཔོན་གཡོག་ཉི་ཤུ་རྩ་གཅིག་ལ་ཕོག་པ་དང་དུས་དེ་ཉིད་དུ་ཏིང་ངེ་འཛིན་བཟང་པོ་རྒྱུད་ལ་སྐྱེས་སོ། །དེའི་དགོང་མོ་འཕྲུལ་སྣང་དུ་བྱ་ཡུལ་བ་འགས་རིག་གཏད་ཞུས་པའི་རྗེས་ལ། བཅུ་གཅིག་ཞལ་གྱི་བཞད་ཞལ་ནས་འོད་ཟེར་བྱུང་ནས་འཕྲུལ་སྣང་ཐམས་ཅད་འོད་ཀྱིས་ཁྱབ་པར་གྱུར་ཏོ། །དེ་ནས་བཅུ་གཅིག་ཞལ་གྱི་དབང་བསྐུར་ནས་སྒྲུབ་ཐབས་གསུངས་པ་རྣམས་དུས་དེ་ཁོ་ནར་དགེ་བཤེས་གྲགས་ཡེས་ཀྱིས་ཡི་གེར་བཀོད་དོ། །ཡང་དེའི་ཐོ་རངས་ལ་ཇོ་བོ་ཤཱཀྱ་ཐུབ་པ་ལ་ཡན་ལག་བདུན་པ་གཅིག་ཕུལ་ནས་བྱང་ཆུབ་ལྟུང་བཤགས་གཅིག་བཏོན་ཙ་ན། ལྕགས་ཀྱི་དྲྭ་སྒོའི་སྟེང་ན་སུ་ཁ་མ་སིདྡྷི་ལོ་བཅུ་དྲུག་ལོན་པ་ན་ཚོད་ཤིན་ཏུ་གཞོན་པ་སྐུ་མདོག་དཀར་བ་དབུ་སྐྲ་སིལ་མས་སྐུ་རྒྱབ་ནོན་པ། ཕྱག་གཡས་རྣམ་ཐར་སྒོ་གསུམ་མཚོན་པ། གཡོན་པས་སྡིག་མཛུབ་ཐུགས་ཀར་མཛད་དེ། རིགས་ཀྱི་བུ་ཉོན་ཅིག
།ནམ་མཁའ་རིག་མེད་སྟོང་པ་ལ། །རིག་བཅས་སེམས་ཀྱི་རྩ་བ་གཅུན། །རྩ་བ་གཅུན་ལ་ལྷུག་པར་ཞོག
།གསུངས་ནས་གསུངས་ལྷང་ལྷང་བཞུགས་པ་ཞིག་མཐོང་ངོ་། །དེ་ནས་བྲག་ལྷ་ཀླུ་ཕུག་ཏུ་འཕགས་པའི་བཞུགས་སར་རིག་གཏད་གཅིག་བྱས་ནས་ཕྱིར་ཕྱིན་པ་དང་། མཚོ་དཀྱིལ་ན་པདྨའི་སྡོང་པོ་རྒྱས་པའི་སྟེང་ན་ཐུགས་རྗེ་ཆེན་པོ་རྩ་ཕྱག་བདུན་བཅུ་པ་ཞིག་བཞུགས་ནས་ཀླུ་རྣམས་ལ་ཆོས་གསུངས་ཞིང་འདུག་པ་མཐོང་ངོ་། །དེ་ནས་བྲག་ལྷ་གནས་ཀྱི་མདུན་དུ་གཏོར་མ་བཏང་བས་ཕྱག་བཞི་པའི་གཡས་ན་སྒྲོལ་མ། གཡོན་ན་ཁྲོ་གཉེར་ཅན་བཞུགས་པ་མཐོང་ནས་དུག་གསུམ་ཞི་མཛད་ཀྱི་གསོལ་འདེབས་བྱས་པས། སྒྲོལ་མའི་ཞལ་ནས།
གཉིས་འཛིན་སྤངས་ན་འདོད་ཆགས་ངང་གིས་ཞི། །ཕ་མར་ཤེས་པས་ཞེ་སྡང་རང་སར་གྲོལ། །གསལ་ལ་རྟོག་མེད་གཏི་མུག་དབྱིངས་སུ་ཐིམ། །འགག་མེད་དུག་གསུམ་རང་སར་འཆིང་བྱེད་འདི། །དེར་འཛིན་མེད་པས་རང་སར་གྲོལ་བར་ངེས། །ཉོན་མོངས་རང་ཤར་རང་གྲོལ་ཉིད་དུ་ལྟོས།
།ཞེས་ལྷ་སོ་སོས་གསུངས་སོ། །དེ་ནས་ཡང་བྲག་ལྷའི་ཀླུ་དེས་རིག་གཏད་གཟུངས་ཆོག་ཞུས་ནས། ཞག་གསུམ་ཀླུ་ཕུག་ཏུ་བསྡད་དོ། །དེ་ནས་སྐྱེར་སྒང་དུ་ཕྱིན་ཙ་ན། ངོམ་ཤོད་བའི་དགེ་བཤེས་ཕར་ཕྱིན་དཔོན་གཡོག་གསུམ་མཇལ་དུ་བྱུང་བ་དང་། ནམ་མཁའ་ལ་ཟླ་བ་གཅིག་ཤར་བྱུང་བ་དེ་དྲང་སྲོང་གིས་བཟུངས་བྱུང་བས། ཇོ་བོ་དཀོན་མཆོག་གསུམ་པོ། དྲང་སྲོང་གིས་བཟུངས་བའི་ཟླ་བ་འདི་བཏང་དུ་གསོལ་བྱས་པས་དུམ་པ་གཅིག་བཏང་བྱུང་བས་དེ་དགེ་བཤེས་ཀྱི་ལྟས་སུ་འདུག་ནས། ཁྱོད་ལ་ཚེ་རིང་པོ་མི་ཡོང་བར་འདུག །ངས་ཨེན་ཙམ་གཅིག་བསྲིངས་ནས་ཡོད་ཀྱི། ད་དགོན་པར་རྒྱུག་ལ་ཐུགས་རྗེ་ཆེན་པོ་སྒྲུབས། ལོ་གསུམ་ནས་འདིར་ཤོག་བྱས་སོ། །དེ་ནས་དགེ་བཤེས་དེས་ཐུགས་རྗེ་ཆེན་པོའི་ཞལ་མཐོང་ནས་འཕྲད་དུ་བྱུང་སྟེ། བླ་མ་ཆེན་པོ་ད་ངའི་དོན་གྲུབ་ཟེར་ནས་འདུག་པ་དང་། ངས་དེ་ནས་ཞག་གསུམ་གྱི་དྲོ་ལ་སླེབ་པར་འདུག་ཅིང་། དེ་མ་ཐག་སྤོང་ཐག་གྱིས། དགོན་པར་གཏོད་བྱས་པ་དང་། ཁོས་སླེབ་མ་ཐག་ཏུ་སྤོང་ཐག་བྱས་པས་ཁོ་གྲོངས་ནས་འཇའ་ཚོན་དུ་སོང་ཟེར་རོ། །ཡང་ངམ་ཤོད་ནས་དགེ་བཤེས་ཆོས་རྒྱལ་བྱུང་ནས། བླ་མ་ད་ང་འདོད་ཆགས་གཏན་ནས་དག་འདུག་ཟེར་རོ། །ཕར་ཕྱིན་ལྟར་བྱས་ན་རྒྱུད་ཚོད་མཐོ་རབ་སོང་གདའ། དེར་ཙུག་ཡིན་ཀྱང་བླ་མ་ལ་ཞུར་འོང་པ་ཡིན་ཟེར། ཀླུ་སྲིན་མོས་བར་ཆད་བྱས་འདུག་པས། འདོད་ཆགས་དག་གམ་མ་དག་ལྟ་ཡིས་བྱས་ནས། རྡོ་རྗེ་དྲིལ་བུ་ཁོའི་མགོ་ཐོག་ཏུ་བཞག་ནས་བྱིན་བརླབས་བྱས་པ་དང་། ཁོ་བརྒྱལ་ནས་དྲན་མེད་དུ་སོང་བ་དང་། ཀླུ་སྲིན་མོ་ཡང་བྲོས་ནས་སོང་ངོ་། །ཁོ་ལ་འདོད་ཆགས་མེ་འབར་བ་བཞིན་དུ་སོང་བས། དེ་སྔར་གྱི་གདོན་གྱི་བར་ཆད་བྱུང་བ་མ་ཤེས་པར་འདུག །ད་འདོད་ཆགས་རང་དག་ལ་འགྲོ་བ་གཅིག་ཞུ་དགོས་ཟེར་ནས། ཀེང་རུས་ཏ་རའི་གདམས་པ་བཏབ་ནས་ཏིང་ངེ་འཛིན་བཟང་པོ་བྱུང་ངོ་། །སྐར་ཆུང་བཙས་པོས་སྣ་དྲངས་པའི་མཛེ་ཕོ་བཅུ་གསུམ་ལ་གཟུངས་ཆུ་བྱིན་པ་ཙམ་དང་། རྡོ་རྗེ་དྲིལ་བུའི་བྱིན་བརླབས་བྱས་པ་ཙམ་ལ་མཛེ་ཐོན་པ་བྱུང་ངོ་། །ཡང་ཡོལ་པའི་དཔོན་སློབ་ཞང་བཙུན་བྱ་བ་སྨྱོ་འདུལ་དུ་བྱུང་བས་ཁྱོད་ཀྱི་སྐྱེ་བ་སྔ་མ་རྒྱ་གར་དུ་སློབ་དཔོན་ཇོ་མོ་ཅན་གཅིག་ལ་བ་འཇུག་འདྲ་བ་བྱས་ནས་འབར་བས་རྒྱུ་བྱས་ནས་འདུག་པས་བཤགས་པ་གྱིས་རྐྱེན་ལོ་རོ་རྒྱལ་པོས་བྱས་འདུག་པ་ངས་ལྟ་སྟངས་ཞིག་བྱས་པས་ཁོའི་སྨྱོ་ཐུལ་ལོ། །དེས་ན་བླ་མའི་རྣམ་ཐར་གང་ལ་ཡང་ལོག་ལྟ་མི་བྱེད་པ་གལ་ཆེ་བར་འདུག་གོ། ང་ལ་མོན་པ་འདྲ་བ་གཅིག་གིས་སྨན་བླའི་ལྡེར་བཟོ་གཅིག་གི་རབ་གནས་བཅོལ་བས། ངས་སྨན་བླའི་མཐེའུ་ཆུང་མ་ལེགས་སོ་བྱས་པས། དེ་ནས་ཞག་འགའ་མཐེའུ་ཆུང་ཤིན་ཏུ་ན་བར་བྱུང་བ་དང་། རྗེ་བཙུན་མ་སྒྲོལ་མ་བྱོན་ནས། ཁྱོད་ཀྱི་སྡེར་བཟོ་མ་ལེགས་པ་བྱས་ནས་མ་འཕྱས་པར་སྨན་བླའི་མ་ལེགས་པ་བྱས་པའི་ངག་གི་ཉེས་པ་འདིར་སྨིན་པ་ཡིན་ཅིང་། སྨན་བླའི་སྡེར་བཟོའི་དྲུང་དུ་བཤགས་པ་གྱིས་ཤིག་གསུངས་ནས་བཤགས་པ་བྱས་པས་དྲག་པ་དང་། རྣམ་སྨིན་ཕྲ་ཞིང་ཕྲ་བ་ལ་འཛེམ་པ་དང་། བཤགས་པ་དེ་འཕྲལ་ལ་བྱ་བ་གལ་ཆེ་བར་འདུག །ཡང་གྲི་བོ་མགོན་པོ་ཤ་བ་རྒྱུག་འགྱེལ་གྱི་མན་ངག་འཚོང་ཞིང་འདུག་ནས། དེ་ལ་མི་གསོད་ཀྱི་ཤན་པ་གྲི་པོ་ཤ་བ་མགོན་པོ་བྱས་ནས་ཐེབས་འགའ་འབར་བས། ཁོང་གྲོང་ནས་སྤུར་སྦྱོང་བའི་དུས་སུ་རྨི་ལམ་བཟུང་ནས་བལྟར་ཕྱིན་པས། བདག་མེད་མ་ལྷ་མོ་བཅོ་ལྔ་སྤུར་ཁང་གི་ནང་ན་ཞལ་ཕྱིར་གཟིགས་ནས་འདུག་པ་དེ། ང་ཕྱིན་པ་དང་ནང་དུ་ཞལ་གཟིགས་ནས་འདུག་པ་དང་། བདག་ལ་ཞལ་བསྟན་དུ་གསོལ་བྱས་པས། ཁྱོད་ཀྱིས་སྔགས་ཀྱི་རྣལ་འབྱོར་པ་ལ་འབར་ཡོད་པས་ད་བཤགས་པ་གྱིས་གསུངས་ནས། བཤགས་པ་བྱས་པ་དང་། དགྱེས་རྡོར་ཡབ་ཡུམ་གཉིས་ཀྱིས་ཨཱ་ལི་ཀཱ་ལིའི་བཤགས་པ་བསྟན་ཏེ། བདག་མེད་མའི་ཞལ་ནས། རིགས་ཀྱི་བུ།
གསང་སྔགས་སྤྱོད་པའི་རྣལ་འབྱོར་གྱིས། །རྣམ་ཐར་དཔག་པར་མི་ནུས་ཤིང་། །ཐམས་ཅད་མཁྱེན་པར་མ་གྱུར་ཚེ། །གཞན་རྒྱུད་ཁོང་དུ་མི་ཆུད་པས། །མནར་མེད་སྐྱེ་བའི་ལས་ལ་སོམས། །རང་རྒྱུད་ངན་པས་དག་སྣང་སྦྱོངས། །མཐོལ་བཤག་གཉིས་དང་འབྲལ་མི་བྱེད།
།ཅེས་གསུངས་ནས་མི་སྣང་བར་གྱུར་ཏོ། །དེ་ནས་ཕག་མོ་གྲུ་པའི་ཞི་བྱེད་རྨི་ལམ་དེ་ཞུ་དགོས་སྙམ་ནས་གསོལ་བ་བཏབ་པས། ཕ་དམ་པ་བྱོན་ནས་དུག་གསུམ་ལམ་ཁྱེར་གྱི་གདམས་ངག་ཞུས་པས། ད་གསང་སྒྲུབ་ཀྱི་སྐབས་སུ་འགྲོ་བའི་སྐོར་ལ་ང་སྒོམས་གསོལ་བ་ཐོབ་ཅིག །ངས་ཀྱང་བྱིན་གྱིས་བརླབས་པར་བྱའོ་གསུངས་སོ། །དེ་ནས་སྐོར་རྒྱལ་ཚ་ཉལ་འདུག་པ་དང་ལངས་ནས་ཕྱིར་བྱུང་། ཡང་ཉལ་ནས་ནང་པར་བླ་མས་ནཱ་རོའི་ཡིག་ཆུང་ཞི་བྱེད་རྨི་ལམ་དེ་བྱིན་ན་དགའ་སྙམ་འདུག་པ། ནང་བར་ཁྱོད་མོས་ན་མདང་ང་ཡིད་སྨོན་བཏང་བའི་ཆོས་དེ་གཉིས་བྱ་ཡིས་བྱས་པ་དང་། ཁོ་ན་རེ། མདང་གི་དེ་མཁྱེན་པར་ཐུགས་ལ་བཏགས་ཏེ། ལར་བླ་མ་མི་མཁྱེན་དགུ་མཁྱེན། ང་མི་འགྱུ་དགུ་འགྱུ་ངོ་རེ་ཚ་ཟེར་ནས་བྱུང་ངོ་། །ཡང་བཟད་པའི་ཀླུ་ཇོ་སྲས་ཀྱིས་ཤ་མར་ཉི་ཤུ་དང་། སྣམ་བུ་བརྒྱད་ང་ལ་འབུལ་སྙམ་ནས་བྱུང་བ་དང་། གནམ་བར་དུ་ང་ལ་བསྔོས་པའི་ཤ་མར་གཞན་ལ་འབུལ་ནས་མ་ཐེང་། དེ་ལས་སྡིག་ཆེ་བ་མེད་པ་ཡིན། ང་ལ་ད་མཐོ་དམན་མེད་དེ་ཚོང་དཔོན་བཟང་སྐྱོང་གི་མདོ་ལས།
སྦྱིན་ནོ་ཞེས་ནི་ཁས་བླངས་ནས། །གང་གིས་གཞན་ལ་སྟེར་བྱེད་པ། །དེ་ལས་སྡིག་ཆེ་གང་ཞིག་ཡོད། །དེ་ལས་བསླུས་པ་གང་ཞིག་ཡོད།
།བྱ་བ་ཡིན་པ་ད་ཕྱིས་དེ་འདྲ་མ་བྱེད། དགེ་སྦྱོར་མི་བྱེད་ན་ཕྲེང་བའི་འགེལ་ཕུལ། དེ་ལྟ་བུ་མ་བྱེད་ལྷ་ལ་བརྙས་པར་འགྲོ་བ་ཡིན། ཁྱོད་སང་གནབ་ཙན་གྲོང་གསེབ་དང་གྲོང་ལྟག་ཏུ་བསྡད་ནས། ཡིག་སྣ་སྣ་ཚོགས་གསོག་པའི་འཁོར་འབྲི་ཕྱུགས་ཀྱི་འདྲེ་བརྡུང་བའི་ཟླའོ་ཨེན་རེ་ཚོལ་བ་གཅིག་འོང་བར་འདུག་བྱས་པས། ཕྱིས་ནས་འབུལ་བ་ཆེན་པོ་བསྐྱལ་ནས་གཏམ་གཏོང་མ་ནུས་སོ། །ཡང་འཕན་ཡུལ་བའི་བྱའུ་མདར། ང་ལ་རྐུན་མ་བྱེད་དུ་འོངས་ནས་ཅི་ཡང་མ་ཐོབ་པ་དང་། ང་མོས་པ་སྐད་བྱེད་ལ་ཕྱེ་གཅིག་བླངས་འགྲོ་སྙམ་པ་དང་། ཁྱེད་ཀྱི་རྐུན་མ་བྱས་ནས་ཅི་ཡང་མ་ཐོབ། ད་ང་ལ་ཁྱོད་ཕྱེ་འདོད་པ་དེ་བདེན། ཁོ་ལ་གོས་སྣམ་གསུམ་དང་ལམ་རྒྱགས་བསྐུར་བྱས་པས། ཁོ་མོས་ནས་རབ་ཏུ་བྱུང་ཏེ་ལ་བ་གཙང་སྒོམ་ཅན་དུ་བསྒོམས་པས་ཐུགས་རྗེ་ཆེན་པོ་ཞལ་མཐོང་། ཡང་གནམ་བར་གྱི་ཞང་སྒོམ་མིང་སྲིང་གཉིས་ཐུགས་རྗེ་ཆེན་པོ་ཞུར་བྱུང་བས། སྲིང་མོ་ལ་ཁྱོད་ཆོས་སྒོར་ཞུགས་ཀྱང་ཁྱིམ་ཐབ་ཡིད་ལ་སེམས་པ་ཙམ་མ་བྱེད་ཅིག །ཐུགས་རྗེ་ཆེན་པོའི་ཕྱོགས་སུ་གྱིས་ཤིག་བྱས་པས། མོ་ན་རེ། དེ་སྔའི་རྣམ་རྟོག་མཐོལ་ལོ་བཤགས། །བློ་ཆོས་སུ་འགྲོ་བར་བྱིན་གྱིས་རློབས། ཟེར་ནས་དམ་བཅའ་དྲག་པོ་བྱས་ནས་བསྒྲུབ་པས་ལོ་བདུན་ནས་ཐུགས་རྗེ་ཆེན་པོ་མཐོང་བ་གཅིག་བྱུང་ངོ་། །དེ་ལ་སོགས་པའི་མི་རྩར་བྱུང་བ་ཕལ་ཆེར་གྱི་ཚེ་རིང་ཐུང་དང་རྣམ་རྟོག་ཅི་སྐྱེས་ཐམས་ཅད་བཤད་པས། འགའ་དང་རྒྱའི་རྒྱལ་པོས་ཐོས་ནས་འབུལ་བ་མང་པོ་བསྐུར་ནས་བྱུང་བ་དང་། ཡང་དབུས་གཙང་གི་དགེ་བཤེས་དང་སྡེ་བཅད་ཕལ་ཆེར་མོས་ནས་ཆོས་ཞུ་བ་དང་། རྟེན་བསྐུར་ནས་རབ་གནས་ཞུ་བ་དང་། བར་ཆད་འོང་མི་འོང་དང་། ཚེ་རིང་ཐུང་ལ་སོགས་པ་འདྲིར་བྱུང་ཚད་ལ་བཤད་པས་ཐམས་ཅད་མོས་པར་བྱུང་། དེ་ནས་མཆེད་གྲོགས་ལྷ་སྡིང་པ་ཕྲག་དོག་སྐྱེས་ཏེ་བསྐུར་པ་བཏབ་པས། དབོན་སྟོན་འདི་བ་སོ་དར་མ་སེང་གེ་བྱ་བ་ཡིན། ཁོ་བྲམ་ཟེའི་ཐེའུ་རང་གཅིག་བསྒྲུབས་ནས་མངོན་ཤེས་རྫུན་བཤད་བྱས་པས་ཐམས་ཅད་མགོ་འཁོར་ནས། ད་ཁོ་ལ་ལོག་འཚོའི་བསོད་ནམས་ཆེ་ཚད་སྐྱེས་འདུག་ཟེར་རོ། །དེ་ཡང་སྔོན་གྱིས་ལས་ངན་ཡིན་ཏེ། ང་སྐྱེ་བ་མང་པོའི་སྔོན་རོལ་དུ་རྒྱ་གར་ཤར་ཕྱོགས་སུ་པཎྜི་ཏ་དྷརྨ་པ་ལ་བྱ་བ་གྲྭ་པ་ལྔ་བཅུ་ཙམ་གྱིས་བསྐོར། ཆོས་ཤིན་ཏུ་མཁས་པ་ཞིག་ཏུ་གྱུར་ནས། རྒྱ་གར་གྱི་ཕྱོགས་ཐམས་ཅད་ནས་ཐེག་པ་ཆེ་ཆུང་གི་ཆོས་ལ་ང་ལས་མཁས་པ་སུ་མི་འདུག་སྙམ་ནས། ཞེ་སྡང་ཕྲག་དོག་གི་ཀུན་སློང་མེད་ཀྱང་། ཆོས་འདི་ཡིན་འདི་མ་ཡིན་དང་། དག་གམ་མ་དག་གི་བཤགས་རལ་ཕྱེ་བ་ཐམས་ཅད་ངའི་སྲོལ་ལ་ཞུགས་སོ། །དེ་ལྟར་བཤགས་ཕྱེ་བ་དེའི་རྣམ་པར་སྨིན་པས། ད་གང་དུ་སྐྱེས་ཀྱང་སྐུར་པ་ཤ་སྟག་བྱུང་ངོ་། །ད་རེས་ཀྱང་ཐུགས་རྗེ་ཆེན་པོ་ལ་སོགས་ཡི་དམ་མང་པོ་ཞལ་མཐོང་། བླ་མ་ཤངས་པའི་བཀའ་དྲིན་གྱིས་སྒྱུ་ལུས་རྨི་ལམ་འབྱོངས་ནས། འོད་གསལ་དང་གསལ་སྣང་མཆེད་པའི་སྟོབས་ཀྱིས་གཞན་རྒྱུད་ཤེས་པ་བྱུང་ནས་གཞན་ལ་ཕན་པར་འདུག་ནས་བཤད་པས་སྐུར་པ་འདི་བྱུང་བ་ཡིན་ཏེ། ད་རེས་ཀྱི་འདིས་ལས་ཀྱི་ལྷག་མ་ཐམས་ཅད་སངས་དག་ནས་སྐྱེ་བ་ཕྱི་མ་ལ་ཕུན་སུམ་ཚོགས་པའི་གདུལ་བྱ་འབྱུང་བར་འགྱུར་རོ། །དེ་ཡང་ལས་ཀྱི་རྣམ་སྨིན་འདི་འཇིགས་པར་འདུག་པས། མི་དགེ་བ་ཆུང་ངུ་ལ་ཡང་འཛེམ་པ་དང་། བཤགས་པ་མྱུར་དུ་བྱེད་པ་འདི་གལ་ཆེ་བར་འདུག་གོ།
།དེ་ནས་བྱང་རྩེ་ལྡེང་ན་རྟོགས་ལྡན་ཞང་སྒོམ་ཆོས་སེང་བྱ་བ། བླ་མ་ཤངས་པ་ལོ་བཅུ་གཉིས་བསྟེན་པའི་རྣལ་འབྱོར་གྲུབ་ཐོབ་ཆེན་པོ་ཞིག་འདུག་ཟེར་ནས་ནམ་ཟླ་སོས་ཀ་ཞིག་མཇལ་དུ་ཕྱིན་ནས། མཁའ་སྤྱོད་མ་དཀར་དམར་དང་དགྱེས་རྡོར་བདེ་མཆོག་དང་། མགོན་པོའི་གནད་ཡིག་དང་། དམིགས་པའི་སྒྲོམ་བུ་དང་། འཕོ་བ་ལ་སོགས་པའི་ཞལ་གདམས་རྣམས་མང་དུ་ཞུས་སོ། །དེ་ནས་ཡང་འདམ་པ་ཅོག་སྟོན་ལ་དཔལ་ལྡན་སྒམ་པོ་པའི་ཆིག་བརྒྱུད་རྣམས་མངའ་བ་དང་། གྲུབ་ཐོབ་ཏུ་འདུག་པ་དེས་བླ་མ་དཔལ་གྱི་གདམས་པ་རྣམས་ཞུས་སོ། །དེ་ནས་སོས་ཀ་དེར་ཆོས་བཤད་ཅིང་ཡོད་ཙ་ན། བླ་ཡེ་ལ་ཕྱག་སྟོང་སྤྱན་སྟོང་དེ་ཡང་མཐོང་། ཡང་མཚོ་ཆེན་པོ་པདྨ་རྒྱས་པ་གཅིག་གི་དཀྱིལ་ན། པདྨའི་སྡོང་པོ་ཤིན་ཏུ་རྒྱས་པ་གཅིག་གི་སྟེང་ན་ཐུགས་རྗེ་ཆེན་པོ་རྩ་ཕྱག་ལྔ་བཅུ་པ་གཅིག་བཞུགས་ནས་འདུག་པ་ལ། པདྨའི་གསེབ་ནས་ཡར་ལ་ལྷ་དང་ཀླུ་མང་པོས་ཆོས་ཞུ་ཞིང་འདུག་པ་གཅིག་མཐོང་བ་དང་། དེའི་ཁྲོ་ཞལ་གྱི་སྤྱན་དབུས་མ་ལས་བགེགས་ཐམས་ཅད་འཇོམས་པ་ཞེས་བྱ་བའི་འོད་ཟེར་མཐིང་ག་གཅིག་བྱུང་ནས་བདག་གི་སོ་ལ་ཕོག་པས་འབུ་སྲིན་དང་། སྡིག་པ་མང་པོ་དོན་སོང་བས་སོ་རྒྱུན་དུ་ན་བ་དེ་དུས་དེར་དྲག་གོ། །དེ་ནས་ཕྱུགས་ནད་མཆེད་དུ་བྱུང་བ་ལ་ནད་ཞི་བའི་གསོལ་བ་བཏབ་པས་ཐོ་རངས་དགྲ་ནག་དང་འཇིགས་བྱེད་ཀྱི་ལྷ་ཚོགས་རྣམས་བྱོན་ནས་ནད་འདྲེ་ཐམས་ཅད་བསད་པ་དང་། རེངས་པ་དང་། བསྐྲད་པས་ནད་ཞག་གསུམ་ནས་ཆོད་དོ། །ཡང་གཤིན་རྗེ་གཤེད་ནག་པོ་དང་། འཇིགས་བྱེད་དང་རྟ་མགྲིན་གསུམ་གྱི་སྒོ་ནས་སྨྱོ་བ་བརྒྱད་ཅུ་བཏུལ་ལོ། །དེ་ནས་བསྐྱེད་རིམ་ལ་བརྟན་པ་ཐོབ་པ་དང་། སྣང་བ་བདེན་མེད་དུ་རྟོགས་པ་གཉིས་མ་བྱུང་གི་བར་དུ་གདོན་དང་སྨྱོན་པ་བཏུལ་ན་གྲིབ་དང་འདྲས་ཆེན་པོ་འོང་བར་འདུག་པས་གཏུབ་ཚད་ཀྱིས་མ་བྱེད་ཅིག །ཡང་གདུང་རྟེན་རྒྱལ་པོ་ཅན་གཅིག་ལ་རབ་གནས་བྱས་པས་རྒྱལ་པོ་དེ་འགྲོ་མ་གཏུབ་རྟེན་ལ་རྡོ་རྗེ་བསྣུན་པའི་གཏམ་རྒྱུད་གསུངས། དྲག་པོ་གཅིག་གཅུན་པས་ཆུན་པའི་རབ་གནས་ལེགས་ཀྱང་ང་ལ་འདྲས་ཨན་ཙམ་བྱེད་དུ་བྱུང་ནས་སྦྱིན་སྲེག་བྱས་ལ་རྒྱལ་པོ་གཏན་ནས་བརླག་པར་བྱ་དགོས་སྙམ་ཙ་ན། སློབ་དཔོན་པདྨ་བྱོན་ནས། གདོན་ཆེན་པོ་མ་བརྡུང་། ཀླུ་ཆེན་པོ་ལ་སྦྱིན་སྲེག་མ་བྱེད། ཆིག་བརྒྱུད་མ་སྤེལ། སྔགས་ལ་མ་གཤེ། མཆེད་གྲོགས་ལ་ཕྲག་དོག་མ་བྱེད། སེམས་ཅན་ལ་བློས་སྤང་མི་བྱ་གསུངས་སོ། །དེ་ནས་ངའི་རྟོགས་པ་ལ་བླ་མ་ཇི་ཙམ་བཞུགས་མི་ཤེས། ང་རང་ཡང་ནམ་འཆི་ཆ་མེད། དེ་སྔ་ཡང་འབུལ་བ་དྲག་པོ་ལན་གཉིས་པ་ཡིན། ད་ངས་བླ་མ་གདན་འདྲེན་དུ་བཏང་ལ་ཅི་ཡོད་འབུལ་དགོས་སྙམ་ནས་གདན་འདྲེན་དུ་བཏང་བས་བླ་མ་བྱོན་ནས། ཚེས་བཅུའི་ནུབ་མོ་མཆོད་པ་ཤོམས་ཤིག །ཉམས་རྟོགས་བསྡུར་དགོས་གསུངས་ནས། ང་རང་གི་དགེ་སྦྱོར་སྐྱེས་པ་རྣམས་ཞུས་པས། བླ་མའི་ཞལ་ནས། རྒྱ་གར་གྱི་གྲུབ་ཐོབ་རྣམས་ཀྱི་ཞལ་ནས། བླ་མ་ཤངས་པ་ཁྱེད་ཀྱི་དགེ་སྦྱོར་གྱི་སྐྱེ་ཚུལ་ལྟ་བུ་སུ་ལ་ཡང་མ་བྱུང་གསུངས་བར་འདུག་གོ། །ང་ལ་ཡང་བླ་མ་ཤངས་པའི་ཞལ་ནས། རིན་ཆེན་བརྩོན་འགྲུས་ཁྱོད་ཀྱི་དགེ་སྦྱོར་སྐྱེ་ཚུལ་འདི་ལྟ་བུ་སུ་ལ་ཡང་མ་བྱུང་གསུངས། དབོན་སྟོན་གྱི་དགེ་སྦྱོར་སྐྱེ་ཚུལ་འདི་ལྟ་བུ་དང་། ལྷ་སྐུ་དང་འོད་གསལ་གྱི་རྩལ་འདི་ལྟ་བུ་ང་ལ་ཡང་མ་བྱུང་སྟེ་ལར་ད་ལྟ་དཔོན་སློབ་གཉིས་སུ་ཚོགས་པ་ལ་འོ་སྐོལ་གཉིས་ལས་ཉམས་རྟོགས་བཟང་བར་མེད་པར་ཐག་ཆོད་པས་དགའ་བ་ཁྱད་པར་ཅན་སྒོམས་ཤིག །ད་བླ་མ་ཤངས་པའི་གདམས་ངག་འདི་ལ་ཌཱ་ཀི་དངོས་སུ་འདུ་བ་ཡིན་ཏེ། འདི་མ་འོངས་པའི་དུས་སུ་སོང་ཙ་ན། ཡང་ན་བཀའ་ཆད། ཡང་ན་ཚོང་དུས་ཀྱི་འོ་མར་འགྲོ་བར་འདུག་པས་ངས་དང་པོ་རིག་པ་དྭངས་དུས་སུ་ཇི་ལྟར་བཤད་པ་བཞིན་དུ་ཡི་གེར་བཀོད་ཅིག་གསུངས། བླ་མ་རྡོ་རྗེ་འཆང་དངོས་ཡིན་པས་བཀོད་པར་ཞུ་བྱས་པས། འོ་ན་མཆོད་པ་སྐྱར་མ་གཅིག་ཤོམས། གསེར་གྱི་མཎྜལ་དང་། སྤོས་ཀྱང་ཕུལ་ཅིག །གསོལ་བ་གདབ་པར་བྱའོ་གསུངས་ནས། གསོལ་བ་དྲག་པོ་བཏབ་པས་ཡེ་ཤེས་ཀྱི་ཌཱ་ཀི་མ་ནི་གུ་མ་བྱོན་ནས། སྤྱིར་ཆོས་དྲུག་དང་ཁྱད་པར་འབྱམས་གཅོད་གསུངས་སོ། །དེ་ནས་ནང་པར་འབུལ་བ་བྱེད་པའི་མང་བསྐོལ་བྱས་ནས་འབུལ་བ་རྣམས་སྤུངས་ནས་བླ་ཡེ་ལ་འབྱོན་པར་ཞུ་ཞུས་པས། བླ་མའི་ཞལ་ནས། ད་སྔོན་ལ་སྟེང་དུ་འདོང་ངོ་གསུངས་ནས་ཕྱིན་ཙ་ན། ད་ཕྱམ་རྩེ་ཕུད་ལ་སྦ་མཁར་ལ་ཡར་ཕྱོར་ཅིག །དབོན་སྟོན་པ་བ་ལ་མཛོ་སྐྱེས་བྱ་བ་ལན་གསུམ་གྱིས་ཤིག །ང་བ་ཡིན། དབོན་སྟོན་ཁྱོད་མཛོ་ཡིན་པས་བ་ལ་མཛོ་སྐྱེས་བྱ་བ་ཡིན་ནོ། །དུས་དེ་རིང་ལས་ཉམས་དགའ་བ་ཨེ་འོང་ན་གསུངས་སོ། །དེ་ནས་བླ་མ་བླ་ཡེ་ལ་བྱོན་ནས་འབུལ་བ་ཕྱག་ཏུ་བཞེས་པ་དང་། དེ་རིང་བཤགས་པ་གྱིས་ལ་གསོལ་བ་ཐོབ་ཅིག་གསུངས་ཙ་ན། ཕལ་ཆེར་གྱིས་བླ་མ་བདེ་མཆོག་དྲུག་ཅུ་རྩ་གཉིས་ཀྱི་དཀྱིལ་འཁོར་དུ་མཐོང་། དེ་ལྟར་འབུལ་བ་ཆེ་བ་གསུམ་བྱས་པས། འབུལ་བ་ཐེབས་རེ་ལ་དགེ་སྦྱོར་གྱི་རྟོགས་པ་མི་འདྲ་བ་རེ་རེ་བྱུང་བས། ཞིང་དག་པའི་བླ་མ་ལ་བསོད་ནམས་ཀྱི་ཚོགས་བསགས་ནས་སྨོན་ལམ་འདེབས་པ་འདི་ཁོ་ན་གལ་ཆེ་བར་འདུག་གོ་སྙམ་མོ། །དེ་ནས་ལོ་མང་པོ་མ་ལོན་པ་ལ་བླ་མ་གཤེགས་ཀྱི་དོགས་ནས་ཚེས་བཅོ་བརྒྱད་ཀྱི་ནུབ་མོ་རྨི་ལམ་བཟུང་ནས། བླ་མའི་སྤྱན་སྔར་ཕྱིན་ཙ་ན། གཟིམས་ཆུང་ན་ཌཱ་ཀི་མ་མང་པོ་དང་། མི་མ་ཡིན་མང་པོ་འདུག་པས། བླ་མའི་ཞལ་ནས་དབོན་སྟོན་བྱོན་པ་དགའ་སྟེ། ད་ང་མྱུར་དུ་འགྲོ་བས་སང་དགོང་ཤོག་གསུངས་ནས་ཕྱིན་ཙ་ན། བླ་མ་མི་བཞུགས་པར་འདུག་ནས། མང་པོ་ངུས་པས་རྗེ་བཙུན་མ་བྱོན་ནས་བདེ་བ་ཅན་དུ་འོད་དཔག་མེད་དང་མཇལ་ནས་མངོན་པར་དགའ་བའི་ཞིང་ཁམས་སུ་གཤེགས་པར་ཡོད་ཀྱི་དེར་གསོལ་བ་ཐོབ་ཅིག
།ནམ་མཁའ་འདི་ལ་སྐྱེ་འཆི་མེད་པར་ལྟར། །བླ་མ་ལ་ཡང་སྐྱེ་འཆི་ག་ལ་ཡོད། །མོས་གུས་སྟོབས་ཀྱིས་འབྲལ་མེད་གནས་པ་ཡིན། །མྱ་ངན་མ་བྱེད་མངོན་དགར་གསོལ་བ་ཐོབ།
།གསུངས་ནས་ང་རང་ཡང་མངོན་དགར་འགྲོ་དགོས་སྙམ་ཙ་ན་གཉིད་སད་དོ། །དེ་ནས་ཞག་གསུམ་སོང་ནས་གསོལ་བ་བཏབ་པ་དང་། ཤངས་ནས་བང་ཆེན་བྱུང་སྟེ་བླ་མ་གཤེགས་ཟེར་ནས་བྱུང་བས། ཁོང་རྣམས་ཀྱིས་ང་ལ་གསང་འདུག་པས་ངས་ནམ་ལངས་མ་ཐག་ཁོང་རྣམས་བསགས་ནས། ངའི་བླ་མ་གཤེགས་ནས་ཞག་གསུམ་སོང་། ད་ངའི་ཆ་རྐྱེན་ཅི་འདུག་ཐམས་ཅད་མཆོད་པ་གྱིས། ཁྱེད་རང་རྣམས་ཀྱང་ཅི་ཡོད་ཕུལ་བྱས་ནས། ཟླ་བ་གཅིག་ཏུ་བླ་མའི་མཆོད་པ་བྱས་སོ། །དེ་ནས་ཚེས་བརྒྱད་ཀྱི་སྔ་དྲོ་ཐུགས་རྗེ་ཆེན་པོ་བྱོན་ནས། མཚམས་མ་བྱེད་པར་གསང་སྒྲུབ་དང་རིག་གཏད་ཞུས་ཚད་ལ་ཐུགས་རྗེ་ཆེན་པོའི་སྒོ་ནས་ཐུགས་རྗེ་ཆེན་པོ་སྟོན་ཅིང་། སྙིགས་མའི་དུས་སུ་ཁྱེད་ཀྱིས་བསྟན་པའི་སྒྲུབ་ལུགས་འདི་དར་ཞིང་ཞལ་མཐོང་བ་མང་དུ་འབྱུང་བར་འགྱུར་རོ། །གསུངས་སོ། །དེ་ནས་ཐུགས་རྗེ་ཆེན་པོ་ཞུས་ཚད་ལ་སྟེར་བའི་གོ་ཆ་གྱོན་པ་ཡིན་ཏེ། ཆོས་ཐུན་བརྒྱད་པོ་འདི་ཡང་ཚར་བར་ཉན་ནུས་ཡོང་བར་མི་འདུག །ཡང་ན་དེའི་ཚེས་བཅུ་བཞིའི་ཉི་མ་ཕྱེད་ཡོལ་ཙམ་ན་བཅུ་གཅིག་ཞལ་བྱོན་ནས། ང་དང་ཁྱོད་ནི་དབྱེར་མེད་དེ། །སྐྱེར་སྒང་པ་ནི་པོ་ཏ་ལར། །གསུངས་པས། གཞན་དུ་དགེ་སྦྱོར་བགྱིས་པ་བས། འདི་རུ་གཉིད་ལོག་པ་དགའ་བ་ཡིན་ནོ། །ད་ངའི་སློབ་མ་སྟོད་ལུང་གི་ཤངས་སོ་བཞིས་ཐུགས་རྗེ་ཆེན་པོའི་ཞལ་མཐོང་། ཐོད་ལེ་ཀོར་ལ་སོགས་པ་བླ་མ་ལྔ་བཅུའི་ཞལ་མཐོང་འདུག་པ་དང་། ངའི་སློབ་མ་ཡང་སློབ་བརྒྱུད་འཛིན་རྣམས་ཀྱིས་ཀྱང་ཞལ་མཐོང་མཁན་མང་དུ་འོང་བར་འདུག་སྟེ། ངའི་འདི་ཞལ་མཐོང་འབའ་ཞིག་གི་བརྒྱུད་པ་ཡིན་པ་དང་། ཐུགས་རྗེ་ཆེན་པོས་མ་འོངས་པའི་དུས་སུ་ཡང་ཞལ་མཐོང་མང་པོ་འབྱུང་བར་ལུང་བསྟན་པས་ཐེ་ཚོམ་ཡིད་གཉིས་མི་དགོས་སོ། །བདག་གི་རྣམ་ཐར་བསྡུས་པ་འདི། དགེ་བཤེས་གྲགས་པ་ཡེ་ཤེས་དང་། ནག་པོ་གཞོན་ཚུལ་གཉིས་ཀྱི་དོན་དུ་ཡི་གེར་བཀོད་པ་ཡིན། དེ་ནས་བླ་མ་དགུང་ལོ་བདུན་ཅུ་བཞེས་པའི་སྟོན་ཟླ་འབྲིང་པོའི་ཚེས་བརྒྱད་ནས་སྐུ་སྐེད་ཨན་ཙམ་བསྙུང་ནས། རིམ་གྲོའམ་སྨན་དཔྱད་འདྲ་བ་བྱེད་པར་ཞུ་དགོས་བྱས་པས། སྨན་དང་རིམ་གྲོ་བྱས་ཀྱང་མ་བྱས་ཀྱང་། ཚེས་བཅོ་བརྒྱད་ལ་ནད་སངས་ནས་འགྲོ་བར་འདུག་གསུངས་ནས་ཅི་ཡང་མ་གནང་ངོ་། །དེ་ནས་ཚེས་བཅུ་གསུམ་ལ་ཚོགས་གསོག་གྱིས་གསུངས་ནས་བྱས་པས། བཅུ་བཞི་ལ་དྲག་འདུག་ཅིང་། སང་དབུ་ཆེ་རྣམས་འཚོགས་ཤིག །ངས་ཆོས་བཤད་པ་ཡིན་གསུངས་ནས། སང་སྔ་དྲོ་ནས་འཚོགས་པ་དང་། ད་འཚོགས་སམ་གསུངས་ནས། འཚོགས་ཞུས་པས་ཕ་མའི་དང་རྩིས་མཁན་གྱི་ལྟར་བྱས་ཀྱང་། ཕོ་ལོ་བཞི་བཅུ་ལས་མི་ཐུབ་པར་འདུག་པ་ཡིན་ཏེ། བླ་མ་ཤངས་པའི་བཀའ་དྲིན་གྱིས་ཕོ་ལོ་བདུན་ཅུ་དོན་གསུམ་ཐུབ། ལོ་བརྒྱ་ལྷག་ཙམ་སྡོད་སྙམ་པ་ཡིན་ཏེ། ཁྱོད་ཚོ་ལ་སྐྱོ་བ་སྐྱེ་བར་བྱུང་བས་ང་འགྲོ་བར་ཡིན། ཇོ་བཙུན་དར་ཤེ་ཁྱོད་སྙམ་ན་ལོ་རེ་ལ་འབུམ་བརྒྱ་ཚར་རེ་བྱས་སྙམ་ཏེ། ཆོས་མི་ལ་བཅོལ་བ་ཡིན། སྟོན་པ་ཀུན་ཤེ་ཁྱོད་སྙམ་ན། ཆོས་ང་ལས་མཁས་པ་མེད་སྙམ་སྟེ་སེམས་དང་ཆོས་སུ་མ་འདྲེས་པར་འདུག་པས། རྒྱལ་པོ་དཔེ་དཀར་ལ་ལྟོས། ཐང་སོ་ཇོ་བཙུན་དང་ཆོས་མགོན་གཉིས་ཟླ་བ་རེ་ལ་སྟོན་མོ་བཟང་བ་རེ་བྱས་པས་ཆོས་གྲུབ་པ་ཡིན་ནམ་སྙམ་ཏེ་ངས་བྱས་བགྲང་ལ་དྲིན་བགྲང་བའི་དགེ་བ་ཆོས་བརྒྱད་ཀྱི་སྟོན་མོ་དེ་ཁར་རྗེ་ཆེ་ན། འབྲོག་བཟང་གི་ཕྱུགས་གཅིག་ཏུ་སྐྱེ་སྲིད་ཀྱི་ད་ལྟ་ཆོས་བྱེད་དུས་སུ་ཁྱེད་ཚོས་ཆོས་མི་དྲན་པར་སང་གནང་ཤི་བ་ཐུག་གིས་གཏུགས་ཙ་ན། ཤ་བ་ཉུང་མས་བརྣངས་པ་བཞིན་དུ་ལག་དར་སྔས་སུ་བཅུག་ནས་མིད་པ་ཐུག་ཐུག་བྱས། ངོ་ནག་ཏིང་བྱེད་ཅིང་ད་རེས་མ་ཤི་ན་ཆོས་གཤའ་མ་གཅིག་བྱེད་དགོས་ཏེ་ཟེར་བའི་ངང་ནས་འཆི་བ་འོངས་ཏེ། ངས་དང་པོ་ཆོས་དྲན་དུས་སུ་དྲན། བར་དུ་བྱེད་དུས་སུ་བྱས། མཐའ་མ་དགོས་དུས་སུ་སླེབ་པ་འདི་ཡིན་ནོ། །གཞོན་ནུ་འོད་སྤོས་ཕུལ་དང་། བརྒྱུད་པའི་བླ་མ་ཐམས་ཅད་བྱོན། ཐུགས་རྗེ་ཆེན་པོ་དང་ཡི་དམ་ཐམས་ཅད་ཀྱང་བྱོན། སངས་རྒྱས་དང་བྱང་ཆུབ་སེམས་དཔའ་ནམ་མཁའ་ཁེངས་པ་བྱོན་འདུག་པ་གསོལ་བ་ཐོབ་དང་གསུངས་སོ། །དེ་ནས་སྐྱེར་སྒང་འདི་གཞུག་ཏུ་ཅི་འདྲ་གཅིག་འོངས་བྱས་པས། འདི་ན་ཀླུ་དང་སྲིན་མོ་ཐུ་པ་གཅིག་ཡོད་པ་ཡིན་ཏེ་ངས་ཐུལ་བ་ཡིན། ངའི་བྱིན་རླབས་མ་ཉམས་རིང་ལ་སྐྱེར་སྒང་འདི་པོ་ཏ་ལ་དངོས་ཡིན་པས་གཞན་དུ་རི་ཁྲོད་དུ་འདག་བཅར་བྱས་པ་བས་ངའི་ས་འདིར་གཉིད་ལོག་པ་དགའ་བ་ཡིན་ནོ། །ད་གཟོད་མཐའ་མི་ཐམས་ཅད་དབུས་སུ་འདུས་པའི་སྟོབས་ཀྱིས། འབུམ་ཐང་འདི་ཁྱི་ལུད་ཐོར་གྱིས་འབྱུང་། བུད་མེད་ཤམ་བུ་ཅན་གྱི་ཞུར་རྟ་ཕྱ་རེ་བ་གཅིག་འོང་བར་འདུག །དེ་ཙམ་ན་ངའི་བྱིན་རླབས་ཉམས་པ་ཡིན་པས། དེ་ནས་ཀླུ་དང་སྲིན་མོ་དེ་རྣམས་ལངས། བསླབ་བ་ཐུབ་བ་ཉུང་དུ་འགྲོ། རྩེ་གཅིག་ཏུ་བསྒྲུབ་པ་བྱེད་པ་ཡང་མི་ཡོང་བར་འདུག་གོ་གསུངས། ད་འདི་ནས་བླ་མ་གང་དུ་གཤེགས། གསོལ་བ་གང་དུ་གདབ། ཆོས་བརྒྱུད་སུས་འཛིན་ཞུས་པས། བླ་མའི་ཞལ་ནས། ཁྱེད་རྣམས་ང་ལ་མོས་ན། ཤར་ཕྱོགས་མངོན་པར་དགའ་བའི་ཞིང་དུ་མངོན་པར་སངས་རྒྱས་ནས་ཐེག་ཆེན་འབའ་ཞིག་གི་འཁོར་ལོ་བསྐོར་བར་འགྱུར་པས་དེར་གསོལ་བ་ཐོབ། ས་ལ་གནས་པའི་བྱང་ཆུབ་སེམས་དཔའ་འབའ་ཞིག་ཏུ་སྐྱེ་བར་འགྱུར་རོ། །ངའི་བརྒྱུད་པ་འདི། གཡོར་པོ་སྟོད་ནས་འཛིན་པ་གཅིག་འོངས་སྟེ། རྡོ་རྗེ་འཆང་གིས་ལུང་བསྟན་པ་བཞིན་དུ། མི་རབས་བདུན་བརྒྱུད་པའི་ཚེ། མཁའ་འགྲོ་མའི་ཞལ་གདམས་འདི་རྣམས་ཕྱོགས་ཀུན་ཏུ་ཁྱབ་ཅིང་གདུལ་བྱ་མང་དུ་འབྱུང་བར་འགྱུར་རོ་གསུངས་སོ། །དབོན་སྟོན་སྐྱེར་སྒང་པའི་རྣམ་ཐར་རེ་ཞིག་རྫོགས་སོ། །སརྦ་མངྒ་ལཾ། ཤུ་བྷཾ། དགེའོ།། །།
This work is licensed under a Creative Commons Attribution-Non Commercial-ShareAlike 3.0 Unported License
