Difference between revisions of "Nag po chen po'i sgrub thabs"
| Line 10: | Line 10: | ||
|BDRC link=[https://www.tbrc.org/#library_work_ViewByOutline-O01DG1049095369%7CW23922 BDRC W23922] | |BDRC link=[https://www.tbrc.org/#library_work_ViewByOutline-O01DG1049095369%7CW23922 BDRC W23922] | ||
}} | }} | ||
| − | <span class="main_text">༼ཀི༽ རྒྱ་གར་སྐད་དུ། | + | <span class="main_text">༼ཀི༽ རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ས་དྷ་ན་མ། བོད་སྐད་དུ། དཔལ་ནག་པོ་ཆེན་པོའི་སྒྲུབ་པའི་ཐབས་ཞེས་བྱ་བ། <br />དཔལ་དབང་གི་རྒྱལ་པོ་ལ་ཕྱག་འཚལ་ལོ། <br />།དབང་ཐོབ་དམ་ཚིག་ལྡན་པ་ཡིས། །ཡིད་དང་མཐུན་པའི་དབེན་གནས་སུ། །མཐུན་པའི་རྐྱེན་རྣམས་ཚོགས་པ་དང་། །བདེ་བའི་སྟན་ལ་སྐྱབས་འགྲོ་དང་། །སེམས་བསྐྱེད་ཚད་མེད་བཞི་བསྒོམས་ནས། །སྭ་བྷཱ་ཝ་ཡིས་སྟོང་པར་སྦྱངས། །ཨེ་ལས་ཆོས་འབྱུང་མཐིང་ཁའི་ནང་། །དམར་པོ་པདྨ་ཉི་མ་དང་། །བགེགས་ཀྱི་རྒྱལ་པོའི་གདན་ལ་ནི། །རྡོ་རྗེ་ཧཱུྃ་དང་གྲི་གུག་ཨཱཿ །དེ་ལས་འོད་འཕྲོས་དོན་གཉིས་བྱས། །ཚུར་འདུས་ཡོངས་སུ་གྱུར་པ་ལས། །དབང་གི་རྒྱལ་པོ་སྐུ་མདོག་དམར། །ཞལ་གཅིག་སྤྱན་གསུམ་དང་པོ་གཉིས། །གྲི་ཐོད་བཟུང་ནས་ཡུམ་ལ་འཁྱུད། །བར་གཉིས་ཅང་ཏེའུ་རྩེ་གསུམ་འཛིན། །འོག་གཉིས་ལྕགས་ཀྱུ་ཞགས་པ་འཛིན། །དབུ་སྐྲ་སྨ་ར་སྨིན་མ་སེར། །ཐོད་སྐམ་ལྔ་ཡི་དབུ་རྒྱན་དང་། །རློན་པ་ལྔ་བཅུའི་དོ་ཤལ་ཅན། །པང་དུ་གསང་ཡུམ་མཁའ་འགྲོ་མ། །ཆགས་པའི་ཉམས་ཅན་སྐུ་མདོག་དམར། །ཕྱག་གཉིས་གྲི་ཐོད་ཡབ་ལ་སྟོབ། །ཕྱག་རྒྱ་ལྔ་ལྡན་ཡབ་ལ་འཁྲིལ། །ཡབ་ལ་སྦྲུལ་རིགས་ལྔ་ཡི་རྒྱན། །འོད་དཔག་མེད་ཀྱི་ཅོད་པན་འཆང་། །མདུན་དུ་མ་ཧཱ་ཀཱ་ལ་དམར། །གྲི་གུག་དང་ནི་ཐོད་པ་འཛིན། །གཡས་སུ་ཀྵེ་ཏྲ་པ་ལ་ནི། །དུད་ཁ་ཅང་ཏེའུ་སྡིགས་མཛུབ་ཅན། །རྒྱབ་ཏུ་ཛི་ན་མི་ཏྲ་ནི། །ནག་པོ་གྲི་གུག་ཐོད་པ་འཛིན། །གཡོན་དུ་ཊཀྐི་རཱ་ཛ་སེར། །རྩེ་གསུམ་དང་ནི་སྡིགས་མཛུབ་འགྱིང་། །ཐམས་ཅད་ཁྲོ་བོའི་ཆས་ཀྱིས་བརྒྱན། །དམ་ཅན་རྒྱ་མཚོའི་ཚོགས་ཀྱིས་བསྐོར། །ཡེ་ཤེས་མེ་དཔུང་ལྷུམས་ན་བཞུགས། །ཀུན་གྱི་གནས་གསུམ་ཨོཾ་ཨཱཿཧཱུྃ། །འོད་ཀྱིས་ཡེ་ཤེས་སྤྱན་དྲངས་ནས། །ཛཿཧཱུྃ་བཾ་ཧོས་དགུག་གཞུག་བཅིང་། །མཉེས་པར་བཞུགས་པའི་ས་བོན་ལས། །འོད་འཕྲོས་དབང་གི་ལྷ་ཚོགས་བསྐུལ། །མཆོད་ནས་གསོལ་བཏབ་དབང་བསྐུར་བ། །རང་རིགས་བདག་པོས་དབུ་ལ་བརྒྱན། །ཡབ་ཡུམ་ཐུགས་ཀར་ཉི་མར་ཧཱུྃ། <br />།ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣན་བི་ནཱ་ཡ་ཀ་ཧཱུྃ་ཧཱུྃ་ཕཊ་དྷཱུ་མ་གུ་ཡེ་སྭཱ་ཧཱ། <br />འོད་ཟེར་དམར་པོས་སྣོད་བཅུད་ཁྱབ། །འགྲོ་བའི་ནད་གདོན་སྡིག་སྒྲིབ་སྦྱངས། །བརྟན་གཡོ་ཐམས་ཅད་དབང་དུ་བསྡུས། །བདག་ཉིད་ལྷར་གསལ་དྲུང་དུ་ལྷགས། །དད་ཅིང་གུས་པས་འདུད་པར་བསམ། །དེ་ལྟར་རྩེ་གཅིག་ཏིང་འཛིན་གྱིས། །ཞག་བདུན་རྒྱུན་ཆད་མེད་པར་བཟླས། །དངོས་སུ་ཞལ་སྟོན་རྨི་ལམ་དུ། །ལྟས་དང་མཚན་མ་ཅི་རིགས་འབྱུང་། །ཐུན་མཚམས་མཆོད་པ་བཞི་རྫོགས་དང་། །སྤོས་སྦྱོར་གཏོར་མ་བཞི་ལྡན་དབུས། <br />།མགོན་པོའི་ནང་སྒྲུབ་[[Khyungpo Neljor|ཁྱུང་པོ་རྣལ་འབྱོར་]]གྱིས་ཞུས་སོ། །ཨྀཐིཿ <br /></span> |
Revision as of 18:44, 4 March 2020
| Resource ID | SCv11p153 |
|---|---|
| Title | dpal nag po chen po'i sgrub pa'i thabs |
| Alt. title | śrī mahākāla sadhanama |
| Topics | Chadrupa |
| Sub-Topics | Sadhana |
| Author | Khyungpo Neljor |
| Associated Person | Maitripa |
| Link | BDRC W23922 |
༼ཀི༽ རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ས་དྷ་ན་མ། བོད་སྐད་དུ། དཔལ་ནག་པོ་ཆེན་པོའི་སྒྲུབ་པའི་ཐབས་ཞེས་བྱ་བ།
དཔལ་དབང་གི་རྒྱལ་པོ་ལ་ཕྱག་འཚལ་ལོ།
།དབང་ཐོབ་དམ་ཚིག་ལྡན་པ་ཡིས། །ཡིད་དང་མཐུན་པའི་དབེན་གནས་སུ། །མཐུན་པའི་རྐྱེན་རྣམས་ཚོགས་པ་དང་། །བདེ་བའི་སྟན་ལ་སྐྱབས་འགྲོ་དང་། །སེམས་བསྐྱེད་ཚད་མེད་བཞི་བསྒོམས་ནས། །སྭ་བྷཱ་ཝ་ཡིས་སྟོང་པར་སྦྱངས། །ཨེ་ལས་ཆོས་འབྱུང་མཐིང་ཁའི་ནང་། །དམར་པོ་པདྨ་ཉི་མ་དང་། །བགེགས་ཀྱི་རྒྱལ་པོའི་གདན་ལ་ནི། །རྡོ་རྗེ་ཧཱུྃ་དང་གྲི་གུག་ཨཱཿ །དེ་ལས་འོད་འཕྲོས་དོན་གཉིས་བྱས། །ཚུར་འདུས་ཡོངས་སུ་གྱུར་པ་ལས། །དབང་གི་རྒྱལ་པོ་སྐུ་མདོག་དམར། །ཞལ་གཅིག་སྤྱན་གསུམ་དང་པོ་གཉིས། །གྲི་ཐོད་བཟུང་ནས་ཡུམ་ལ་འཁྱུད། །བར་གཉིས་ཅང་ཏེའུ་རྩེ་གསུམ་འཛིན། །འོག་གཉིས་ལྕགས་ཀྱུ་ཞགས་པ་འཛིན། །དབུ་སྐྲ་སྨ་ར་སྨིན་མ་སེར། །ཐོད་སྐམ་ལྔ་ཡི་དབུ་རྒྱན་དང་། །རློན་པ་ལྔ་བཅུའི་དོ་ཤལ་ཅན། །པང་དུ་གསང་ཡུམ་མཁའ་འགྲོ་མ། །ཆགས་པའི་ཉམས་ཅན་སྐུ་མདོག་དམར། །ཕྱག་གཉིས་གྲི་ཐོད་ཡབ་ལ་སྟོབ། །ཕྱག་རྒྱ་ལྔ་ལྡན་ཡབ་ལ་འཁྲིལ། །ཡབ་ལ་སྦྲུལ་རིགས་ལྔ་ཡི་རྒྱན། །འོད་དཔག་མེད་ཀྱི་ཅོད་པན་འཆང་། །མདུན་དུ་མ་ཧཱ་ཀཱ་ལ་དམར། །གྲི་གུག་དང་ནི་ཐོད་པ་འཛིན། །གཡས་སུ་ཀྵེ་ཏྲ་པ་ལ་ནི། །དུད་ཁ་ཅང་ཏེའུ་སྡིགས་མཛུབ་ཅན། །རྒྱབ་ཏུ་ཛི་ན་མི་ཏྲ་ནི། །ནག་པོ་གྲི་གུག་ཐོད་པ་འཛིན། །གཡོན་དུ་ཊཀྐི་རཱ་ཛ་སེར། །རྩེ་གསུམ་དང་ནི་སྡིགས་མཛུབ་འགྱིང་། །ཐམས་ཅད་ཁྲོ་བོའི་ཆས་ཀྱིས་བརྒྱན། །དམ་ཅན་རྒྱ་མཚོའི་ཚོགས་ཀྱིས་བསྐོར། །ཡེ་ཤེས་མེ་དཔུང་ལྷུམས་ན་བཞུགས། །ཀུན་གྱི་གནས་གསུམ་ཨོཾ་ཨཱཿཧཱུྃ། །འོད་ཀྱིས་ཡེ་ཤེས་སྤྱན་དྲངས་ནས། །ཛཿཧཱུྃ་བཾ་ཧོས་དགུག་གཞུག་བཅིང་། །མཉེས་པར་བཞུགས་པའི་ས་བོན་ལས། །འོད་འཕྲོས་དབང་གི་ལྷ་ཚོགས་བསྐུལ། །མཆོད་ནས་གསོལ་བཏབ་དབང་བསྐུར་བ། །རང་རིགས་བདག་པོས་དབུ་ལ་བརྒྱན། །ཡབ་ཡུམ་ཐུགས་ཀར་ཉི་མར་ཧཱུྃ།
།ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣན་བི་ནཱ་ཡ་ཀ་ཧཱུྃ་ཧཱུྃ་ཕཊ་དྷཱུ་མ་གུ་ཡེ་སྭཱ་ཧཱ།
འོད་ཟེར་དམར་པོས་སྣོད་བཅུད་ཁྱབ། །འགྲོ་བའི་ནད་གདོན་སྡིག་སྒྲིབ་སྦྱངས། །བརྟན་གཡོ་ཐམས་ཅད་དབང་དུ་བསྡུས། །བདག་ཉིད་ལྷར་གསལ་དྲུང་དུ་ལྷགས། །དད་ཅིང་གུས་པས་འདུད་པར་བསམ། །དེ་ལྟར་རྩེ་གཅིག་ཏིང་འཛིན་གྱིས། །ཞག་བདུན་རྒྱུན་ཆད་མེད་པར་བཟླས། །དངོས་སུ་ཞལ་སྟོན་རྨི་ལམ་དུ། །ལྟས་དང་མཚན་མ་ཅི་རིགས་འབྱུང་། །ཐུན་མཚམས་མཆོད་པ་བཞི་རྫོགས་དང་། །སྤོས་སྦྱོར་གཏོར་མ་བཞི་ལྡན་དབུས།
།མགོན་པོའི་ནང་སྒྲུབ་ཁྱུང་པོ་རྣལ་འབྱོར་གྱིས་ཞུས་སོ། །ཨྀཐིཿ
This work is licensed under a Creative Commons Attribution-Non Commercial-ShareAlike 3.0 Unported License
