Difference between revisions of "Mgon po rgyan can gyi sgrub skor yum can yang zer"
Line 10: | Line 10: | ||
|BDRC link=[https://www.tbrc.org/#library_work_ViewByOutline-O01DG1049095364%7CW23922 BDRC W23922]<br/>[https://www.tbrc.org/#!rid=W4CZ58783 BDRC W4CZ58783 (p. 5)] | |BDRC link=[https://www.tbrc.org/#library_work_ViewByOutline-O01DG1049095364%7CW23922 BDRC W23922]<br/>[https://www.tbrc.org/#!rid=W4CZ58783 BDRC W4CZ58783 (p. 5)] | ||
}} | }} | ||
− | <span class="main_text">༈ མགོན་པོ་རྒྱན་ཅན་གྱི་སྒྲུབ་སྐོར་བཞུགས་སོ།། ༼ཡུམ་ཅན་ཡང་ཟེར།༽ <br />༈ ༼ས༽ <br />རྒྱ་གར་སྐད་དུ། | + | <span class="main_text">༈ མགོན་པོ་རྒྱན་ཅན་གྱི་སྒྲུབ་སྐོར་བཞུགས་སོ།། ༼ཡུམ་ཅན་ཡང་ཟེར།༽ <br />༈ ༼ས༽ <br />རྒྱ་གར་སྐད་དུ། ཤྲཱི་མ་ཧཱ་ཀཱ་ལ་སཱ་དྷ་ན་ནཱ་མ། <br />བོད་སྐད་དུ། དཔལ་ནག་པོ་ཆེན་པོའི་སྒྲུབ་ཐབས་ཞེས་བྱ་བ། <br />དཔལ་ནག་པོ་ཆེན་པོ་ལ་ཕྱག་འཚལ་ལོ། <br />།དབང་ཐོབ་དམ་ཚིག་ལྡན་པ་ཡི། །ཡིད་དང་མཐུན་པའི་གནས་དག་ཏུ། །མཐུན་པའི་རྐྱེན་རྣམས་ཚོགས་བྱས་ནས། །བདེ་བའི་སྟན་ལ་འདུག་ནས་ནི། །སྐྱབས་འགྲོ་སེམས་བསྐྱེད་ཚད་མེད་བསྒོམ། །སྭ་བྷཱ་ཝ་ཡི་སྟོང་པར་བསྒོམས། །ཨེ་ལས་ཆོས་འབྱུང་ནག་པོ་ནི། །ཡངས་པའི་ནང་དུ་པད་ཉི་དང་། །བི་ནཱ་ཡ་ཀའི་གདན་སྟེངས་སུ། །ཧཱུྃ་དང་ཨ་ལས་རྡོ་རྗེ་དང་། །གྲི་གུག་ནག་པོའི་ལྟེ་བ་ལ། །ཧཱུྃ་དང་ཨཱཿཡིས་མཚན་པ་ཡིས། །འོད་ཟེར་འཕྲོ་འདུས་དོན་གཉིས་བྱས། །ཡོངས་སུ་གྱུར་པས་ནག་པོ་ནི། །དུས་མཐའི་སྤྲིན་མཚུངས་ཞལ་གཅིག་པ། །ཕྱག་དྲུག་དང་པོ་གཉིས་ཀྱི་ནི། །གྲི་ཐོད་བཟུངས་ནས་ཡུམ་ལ་འཁྱུད། །ཌཱ་མ་རུ་དང་རྩེ་གསུམ་དང་། །བར་པ་གཉིས་ན་བསྣམས་པའོ། །ཐ་མ་ཐོད་ཕྲེང་ཞགས་པ་འཛིན། །སྤྱན་གསུམ་དམར་ལ་མཆེ་བ་གཙིགས། །སྨིན་མ་སྨ་ར་དབུ་སྐྲ་ནི། །ཁམ་ནག་གྱེན་དུ་འཁྱིལ་བ་ལ། །ཐོད་སྐམ་ལྔ་ཡི་དབུ་ལ་བརྒྱན། །ཐོད་རློན་ལྔ་བཅུའི་དོ་ཤལ་ཅན། །དཔྲལ་བ་སིནྡྷུ་ར་ཡིས་བྱུགས། །མི་བསྐྱོད་པ་ཡིས་དབུ་ལ་བརྒྱན། །དཀར་ཁྲ་སྦྲུལ་གྱི་དབུ་སྐྲ་བཅིངས། །སྙན་ལ་དམར་ཁྲ་མགུལ་ལ་སེར། །ཕྱག་དང་ག་ཤ་དག་ལ་ལྗང་། །ནག་ཁྲས་སྐ་རགས་ཞབས་གཉིས་བརྒྱན། །དྲིལ་བུ་གཡེར་ཁས་ཞབས་གཉིས་མཛེས། །དུར་ཁྲོད་ཆས་ལྡན་སྟག་ལྤགས་ཅན། མེ་དཔུང་དབུས་ན་དོར་སྟབས་བཞུགས། །ཤིང་ལས་བྱོན་ནས་གཏོར་མ་ལེན་པར་བསམ། །ཡུམ་མཆོག་རྡོ་རྗེ་གཅིག་ཤོས་སྐུ་མདོག་ནག། ཕྱག་གཉིས་གྲི་ཐོད་ཡབ་ལ་སྟོབས། ཕྱག་རྒྱ་ལྔ་ལྡན་བརྐྱང་བསྐུམ་མཛེས། །མདུན་དུ་ཛ་ལས་ཛ་ལི་མ། །ནག་མོ་གྲི་གུག་ཐོད་པ་འཛིན། །གཡས་སུ་ཀྵེ་ལས་ཀྵེ་ཏྲ་མ། །དུད་ཁ་ཅང་ཏེའུ་སྡིགས་མཛུབ་མཛད། །རྒྱབ་ཀྱི་ཕྱོགས་སུ་མ་ལས་ནི། །བྱུང་བའི་མ་ཧཱ་ཀ་ལ་ནི། །དམར་ནག་གྲི་གུག་ཐོད་པ་འཛིན། །ཐམས་ཅད་ཁྲོ་མོའི་ཆས་ཀྱི་བརྒྱན། །ཡེ་ཤེས་མེ་དཔུང་དབུས་ན་བཞུགས། །གཡོན་ནས་ཏྲ་ལས་བྱུང་བ་ཡིས། །ཊཀྐི་རཱ་ཛ་སེར་མོ་ནི། །རྩེ་གསུམ་དང་ནི་སྡིགས་མཛུབ་མཛད། །དམ་ཅན་རྒྱ་མཚོས་བསྐོར་བར་དམིགས། །དེ་རྣམས་ཀུན་གྱི་གནས་གསུམ་དུ། །ཡི་གེ་གསུམ་དངོས་ཧཱུྃ་གི་ནི། །འོད་ཀྱིས་ཡེ་ཤེས་སྤྱན་དྲངས་ལ། །ཛཿཧཱུྃ་བཾ་ཧོཿདགུག་གཞུག་ཅིང་། །མཉེས་པར་བཞུགས་པའི་ས་བོན་ལས། །འོད་འཕྲོས་དབང་གིས་ལྷ་ཚོགས་བསྐུལ། མཆོད་བསྟོད་གསོལ་བཏབ་དབང་བསྐུར་བས། །རང་རང་རིགས་བདག་དབུ་ལ་བྱོན། །ཡབ་ཡུམ་ཐུགས་ཀར་ཉི་སྟེང་ན། །ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣན་བི་ནཱ་ཡ་ཀ་ཧཱུྃ་ཧཱུྃ་ཕཊ་ཕཊ། ཅེས་པ་དང་། ཡུམ་ལ། ཨོཾ་སྭཱ་ཧཱ། ཞེས་པ་དང་། འཕྲིན་ལས་མགལ་མེའི་འཁོར་ལོ་བཞིན་དུ་བསམ། །ཞག་བདུན་རྒྱུན་ཆད་མེད་པར་བཟླས། །དངོས་སམ་རྨི་ལམ་ཞལ་སྟོན་པ། །འདི་ལ་ཐེ་ཚོམ་མ་བྱེད་ཅིག །ཐུན་མཚམས་མཆོད་པ་བཞི་རྫོགས་དང་། །སྤོས་སྦྱོར་བཞི་ལྡན་གཏོར་མས་མཆོད། །བསྟོད་དང་བསྐུལ་བ་དེ་ཉིད་དོ། །ཧཱུྃ་ཆོས་སྐུ་སྐྱེ་བ་མེད་པ་ལ། །བདུད་འདུལ་ཆེན་པོར་སྐུ་སྤྲུལ་ནས། །ནག་པོ་ཆེན་པོར་ཁྲོས་པའི་སྐུ། །མཐུ་རྩལ་ཅན་ལ་ཕྱག་འཚལ་བསྟོད། །ཛ་ལས་སྐྱེས་པའི་ཁྲོ་མོ་ནི། །མདོག་ནག་ཤིན་ཏུ་འཇིགས་པའི་གཟུགས། །གཡས་པ་གྲི་གུག་ཐོད་ཁྲག་གཡོན། །བགེགས་འདུལ་མ་ལ་ཕྱག་འཚལ་བསྟོད། །ཀྵེ་ལས་སྐྱེས་པའི་ཁྲོ་མོ་ནི། །ཀྵེ་ཏྲ་པ་ལ་དུ་བའི་མདོག། ཌཱ་མ་རུ་དང་སྡིགས་མཛུབ་ཅན། །བགེགས་འདུལ་མ་ལ་ཕྱག་འཚལ་ལོ།། །།ཊ་ལས་སྐྱེས་པའི་ཁྲོ་མོ་ནི། །ཌཀྐི་རཱ་ཛ་གསེར་གྱི་མདོག །གཡས་པ་རྩེ་གསུམ་སྡིགས་མཛུབ་གཡོན། །བགེགས་འཇོམས་མ་ལ་ཕྱག་འཚལ་ལོ། །མ་ལས་སྐྱེས་པའི་ཁྲོ་མོ་ནི། །སྐུ་མདོག་དམར་ན་འཇིགས་པའི་གཟུགས། །གཡས་པ་གྲི་གུག་གཡོན་པ་ན། །ཐོད་ཁྲག་འཛིན་ལ་ཕྱག་འཚལ་ལོ། །ཨ་ལས་སྐྱེས་པའི་བཅོམ་ལྡན་འདས། །སྐུ་མདོག་ནག་མོ་གྲི་གུག་འཛིན། །གཡས་བསྐུམ་གཡོན་བརྐྱང་ཡབ་ལ་འཁྲིལ། །རྡོ་རྗེ་གཅིག་ཤོས་ལ་ཕྱག་འཚལ། ནག་པོ་ཆེན་པོ་འཁོར་བཅས་རྣམས། །འདིར་གཤེགས་བརྒྱན་གྱི་གཏོར་མ་འདི་བཞེས་ཤིག །ཤ་ཁྲག་དམར་གྱི་གཏོར་མ་འདི་བཞེས་ཤིག །ཛམ་བུ་དྭི་པའི་ཞལ་ཟས་འདི་བཞེས་ཤིག །ཛ་གད་དཔའ་བོའི་སྨན་ཕུད་འདི་བཞེས་ཤིག །མཆོད་གཏོར་འདི་བཞེས་འཕྲིན་ལས་གཉན་པོ་མཛོད། །སྔར་བཅོལ་ལས་ཀྱི་གཏང་རགས་གཉན་པོར་ཕུལ། །ད་བཅོལ་ལས་ཀྱི་འཕྲིན་ལས་གཉན་པོར་བཞེས། །འཁོར་རྣམས་བསྲུང་ཞིང་རྐྱེན་རྣམས་བཟློག་པ་དང་། །སྡང་བའི་དགྲ་དང་གནོད་པའི་བགེགས་ལ་སོགས། །བདུད་དང་བར་དུ་གཅོད་པ་རྣམ་མང་པོ། །ཐམས་ཅད་རྡུལ་ཕྲན་བཞིན་དུ་བརླག་པར་མཛོད། །བསྟན་པ་རྒྱས་པའི་ལས་འདི་ཁྱེད་ཀྱི་སྒྲུབས། །རྣལ་འབྱོར་བཅོལ་བའི་ལས་རྣམས་འགྲུབ་པར་མཛོད། <br />།ཡི་གེ་བརྒྱ་པ་བཟླས་ནས་ནི། །ལྷག་ཆད་ཁ་བསྐང་བཤགས་པ་བྱ། །དགེ་བ་བསྔོ་ཞིང་སྨོན་ལམ་གདབ། །འདི་ནི་མགོན་པོའི་སྲོག་ཡིན་པས། །དམ་ཉམས་དག་ལ་བྱིན་པ་ན། །རང་སྲོག་བྲལ་བ་ཐེ་ཚོམ་མེད། །གསང་ནས་བསྒྲུབ་ན་ཞག་བདུན་གྱིས། །འཁོར་དང་བཅས་པའི་ཞལ་མཐོང་འགྱུར། །གཞན་ལ་སྤེལ་ན་འགྲིབ་པར་ངེས། །དེ་བས་ཤིན་ཏུ་གསང་བར་བྱ། དཔལ་མགོན་པོའི་གསང་སྒྲུབ་ཐུན་མོང་མ་ཡིན་པ་འདི། །བླ་མ་རཱ་ཧུ་ལས་རྡོ་རྗེ་འཆང་ལས་དངོས་སུ་གསན་ནས་ཞལ་དངོས་སུ་གཟིགས་ཤིང་གྲུབ་པ་བརྙེས་པ་ལ། བདག་[[Khyungpo Neljor|ཁྱུང་པོ་རྣལ་འབྱོར་པ]]ས་གསེར་ཕྱེ་འཕོངས་མེད་ཕུལ་ནས་ཞུས་པ་འདི་དམ་ཚིག་དང་མི་ལྡན་པ་ལ་སྟེར་དུ་མི་རུང་ངོ་། །ཨྀཐི།།</span> |
Revision as of 08:37, 11 June 2019
Resource ID | SCv11p129 |
---|---|
Title | mgon po rgyan can gyi sgrub skor yum can yang zer |
Alt. title | śrī mahākāla sādhana dpal nag po chen po'i sgrub thabs |
Topics | Chadrupa |
Sub-Topics | Chadrupa rgyan can |
Author | Khyungpo Neljor |
Associated Person | Rahula |
Link | BDRC W23922 BDRC W4CZ58783 (p. 5) |
༈ མགོན་པོ་རྒྱན་ཅན་གྱི་སྒྲུབ་སྐོར་བཞུགས་སོ།། ༼ཡུམ་ཅན་ཡང་ཟེར།༽
༈ ༼ས༽
རྒྱ་གར་སྐད་དུ། ཤྲཱི་མ་ཧཱ་ཀཱ་ལ་སཱ་དྷ་ན་ནཱ་མ།
བོད་སྐད་དུ། དཔལ་ནག་པོ་ཆེན་པོའི་སྒྲུབ་ཐབས་ཞེས་བྱ་བ།
དཔལ་ནག་པོ་ཆེན་པོ་ལ་ཕྱག་འཚལ་ལོ།
།དབང་ཐོབ་དམ་ཚིག་ལྡན་པ་ཡི། །ཡིད་དང་མཐུན་པའི་གནས་དག་ཏུ། །མཐུན་པའི་རྐྱེན་རྣམས་ཚོགས་བྱས་ནས། །བདེ་བའི་སྟན་ལ་འདུག་ནས་ནི། །སྐྱབས་འགྲོ་སེམས་བསྐྱེད་ཚད་མེད་བསྒོམ། །སྭ་བྷཱ་ཝ་ཡི་སྟོང་པར་བསྒོམས། །ཨེ་ལས་ཆོས་འབྱུང་ནག་པོ་ནི། །ཡངས་པའི་ནང་དུ་པད་ཉི་དང་། །བི་ནཱ་ཡ་ཀའི་གདན་སྟེངས་སུ། །ཧཱུྃ་དང་ཨ་ལས་རྡོ་རྗེ་དང་། །གྲི་གུག་ནག་པོའི་ལྟེ་བ་ལ། །ཧཱུྃ་དང་ཨཱཿཡིས་མཚན་པ་ཡིས། །འོད་ཟེར་འཕྲོ་འདུས་དོན་གཉིས་བྱས། །ཡོངས་སུ་གྱུར་པས་ནག་པོ་ནི། །དུས་མཐའི་སྤྲིན་མཚུངས་ཞལ་གཅིག་པ། །ཕྱག་དྲུག་དང་པོ་གཉིས་ཀྱི་ནི། །གྲི་ཐོད་བཟུངས་ནས་ཡུམ་ལ་འཁྱུད། །ཌཱ་མ་རུ་དང་རྩེ་གསུམ་དང་། །བར་པ་གཉིས་ན་བསྣམས་པའོ། །ཐ་མ་ཐོད་ཕྲེང་ཞགས་པ་འཛིན། །སྤྱན་གསུམ་དམར་ལ་མཆེ་བ་གཙིགས། །སྨིན་མ་སྨ་ར་དབུ་སྐྲ་ནི། །ཁམ་ནག་གྱེན་དུ་འཁྱིལ་བ་ལ། །ཐོད་སྐམ་ལྔ་ཡི་དབུ་ལ་བརྒྱན། །ཐོད་རློན་ལྔ་བཅུའི་དོ་ཤལ་ཅན། །དཔྲལ་བ་སིནྡྷུ་ར་ཡིས་བྱུགས། །མི་བསྐྱོད་པ་ཡིས་དབུ་ལ་བརྒྱན། །དཀར་ཁྲ་སྦྲུལ་གྱི་དབུ་སྐྲ་བཅིངས། །སྙན་ལ་དམར་ཁྲ་མགུལ་ལ་སེར། །ཕྱག་དང་ག་ཤ་དག་ལ་ལྗང་། །ནག་ཁྲས་སྐ་རགས་ཞབས་གཉིས་བརྒྱན། །དྲིལ་བུ་གཡེར་ཁས་ཞབས་གཉིས་མཛེས། །དུར་ཁྲོད་ཆས་ལྡན་སྟག་ལྤགས་ཅན། མེ་དཔུང་དབུས་ན་དོར་སྟབས་བཞུགས། །ཤིང་ལས་བྱོན་ནས་གཏོར་མ་ལེན་པར་བསམ། །ཡུམ་མཆོག་རྡོ་རྗེ་གཅིག་ཤོས་སྐུ་མདོག་ནག། ཕྱག་གཉིས་གྲི་ཐོད་ཡབ་ལ་སྟོབས། ཕྱག་རྒྱ་ལྔ་ལྡན་བརྐྱང་བསྐུམ་མཛེས། །མདུན་དུ་ཛ་ལས་ཛ་ལི་མ། །ནག་མོ་གྲི་གུག་ཐོད་པ་འཛིན། །གཡས་སུ་ཀྵེ་ལས་ཀྵེ་ཏྲ་མ། །དུད་ཁ་ཅང་ཏེའུ་སྡིགས་མཛུབ་མཛད། །རྒྱབ་ཀྱི་ཕྱོགས་སུ་མ་ལས་ནི། །བྱུང་བའི་མ་ཧཱ་ཀ་ལ་ནི། །དམར་ནག་གྲི་གུག་ཐོད་པ་འཛིན། །ཐམས་ཅད་ཁྲོ་མོའི་ཆས་ཀྱི་བརྒྱན། །ཡེ་ཤེས་མེ་དཔུང་དབུས་ན་བཞུགས། །གཡོན་ནས་ཏྲ་ལས་བྱུང་བ་ཡིས། །ཊཀྐི་རཱ་ཛ་སེར་མོ་ནི། །རྩེ་གསུམ་དང་ནི་སྡིགས་མཛུབ་མཛད། །དམ་ཅན་རྒྱ་མཚོས་བསྐོར་བར་དམིགས། །དེ་རྣམས་ཀུན་གྱི་གནས་གསུམ་དུ། །ཡི་གེ་གསུམ་དངོས་ཧཱུྃ་གི་ནི། །འོད་ཀྱིས་ཡེ་ཤེས་སྤྱན་དྲངས་ལ། །ཛཿཧཱུྃ་བཾ་ཧོཿདགུག་གཞུག་ཅིང་། །མཉེས་པར་བཞུགས་པའི་ས་བོན་ལས། །འོད་འཕྲོས་དབང་གིས་ལྷ་ཚོགས་བསྐུལ། མཆོད་བསྟོད་གསོལ་བཏབ་དབང་བསྐུར་བས། །རང་རང་རིགས་བདག་དབུ་ལ་བྱོན། །ཡབ་ཡུམ་ཐུགས་ཀར་ཉི་སྟེང་ན། །ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣན་བི་ནཱ་ཡ་ཀ་ཧཱུྃ་ཧཱུྃ་ཕཊ་ཕཊ། ཅེས་པ་དང་། ཡུམ་ལ། ཨོཾ་སྭཱ་ཧཱ། ཞེས་པ་དང་། འཕྲིན་ལས་མགལ་མེའི་འཁོར་ལོ་བཞིན་དུ་བསམ། །ཞག་བདུན་རྒྱུན་ཆད་མེད་པར་བཟླས། །དངོས་སམ་རྨི་ལམ་ཞལ་སྟོན་པ། །འདི་ལ་ཐེ་ཚོམ་མ་བྱེད་ཅིག །ཐུན་མཚམས་མཆོད་པ་བཞི་རྫོགས་དང་། །སྤོས་སྦྱོར་བཞི་ལྡན་གཏོར་མས་མཆོད། །བསྟོད་དང་བསྐུལ་བ་དེ་ཉིད་དོ། །ཧཱུྃ་ཆོས་སྐུ་སྐྱེ་བ་མེད་པ་ལ། །བདུད་འདུལ་ཆེན་པོར་སྐུ་སྤྲུལ་ནས། །ནག་པོ་ཆེན་པོར་ཁྲོས་པའི་སྐུ། །མཐུ་རྩལ་ཅན་ལ་ཕྱག་འཚལ་བསྟོད། །ཛ་ལས་སྐྱེས་པའི་ཁྲོ་མོ་ནི། །མདོག་ནག་ཤིན་ཏུ་འཇིགས་པའི་གཟུགས། །གཡས་པ་གྲི་གུག་ཐོད་ཁྲག་གཡོན། །བགེགས་འདུལ་མ་ལ་ཕྱག་འཚལ་བསྟོད། །ཀྵེ་ལས་སྐྱེས་པའི་ཁྲོ་མོ་ནི། །ཀྵེ་ཏྲ་པ་ལ་དུ་བའི་མདོག། ཌཱ་མ་རུ་དང་སྡིགས་མཛུབ་ཅན། །བགེགས་འདུལ་མ་ལ་ཕྱག་འཚལ་ལོ།། །།ཊ་ལས་སྐྱེས་པའི་ཁྲོ་མོ་ནི། །ཌཀྐི་རཱ་ཛ་གསེར་གྱི་མདོག །གཡས་པ་རྩེ་གསུམ་སྡིགས་མཛུབ་གཡོན། །བགེགས་འཇོམས་མ་ལ་ཕྱག་འཚལ་ལོ། །མ་ལས་སྐྱེས་པའི་ཁྲོ་མོ་ནི། །སྐུ་མདོག་དམར་ན་འཇིགས་པའི་གཟུགས། །གཡས་པ་གྲི་གུག་གཡོན་པ་ན། །ཐོད་ཁྲག་འཛིན་ལ་ཕྱག་འཚལ་ལོ། །ཨ་ལས་སྐྱེས་པའི་བཅོམ་ལྡན་འདས། །སྐུ་མདོག་ནག་མོ་གྲི་གུག་འཛིན། །གཡས་བསྐུམ་གཡོན་བརྐྱང་ཡབ་ལ་འཁྲིལ། །རྡོ་རྗེ་གཅིག་ཤོས་ལ་ཕྱག་འཚལ། ནག་པོ་ཆེན་པོ་འཁོར་བཅས་རྣམས། །འདིར་གཤེགས་བརྒྱན་གྱི་གཏོར་མ་འདི་བཞེས་ཤིག །ཤ་ཁྲག་དམར་གྱི་གཏོར་མ་འདི་བཞེས་ཤིག །ཛམ་བུ་དྭི་པའི་ཞལ་ཟས་འདི་བཞེས་ཤིག །ཛ་གད་དཔའ་བོའི་སྨན་ཕུད་འདི་བཞེས་ཤིག །མཆོད་གཏོར་འདི་བཞེས་འཕྲིན་ལས་གཉན་པོ་མཛོད། །སྔར་བཅོལ་ལས་ཀྱི་གཏང་རགས་གཉན་པོར་ཕུལ། །ད་བཅོལ་ལས་ཀྱི་འཕྲིན་ལས་གཉན་པོར་བཞེས། །འཁོར་རྣམས་བསྲུང་ཞིང་རྐྱེན་རྣམས་བཟློག་པ་དང་། །སྡང་བའི་དགྲ་དང་གནོད་པའི་བགེགས་ལ་སོགས། །བདུད་དང་བར་དུ་གཅོད་པ་རྣམ་མང་པོ། །ཐམས་ཅད་རྡུལ་ཕྲན་བཞིན་དུ་བརླག་པར་མཛོད། །བསྟན་པ་རྒྱས་པའི་ལས་འདི་ཁྱེད་ཀྱི་སྒྲུབས། །རྣལ་འབྱོར་བཅོལ་བའི་ལས་རྣམས་འགྲུབ་པར་མཛོད།
།ཡི་གེ་བརྒྱ་པ་བཟླས་ནས་ནི། །ལྷག་ཆད་ཁ་བསྐང་བཤགས་པ་བྱ། །དགེ་བ་བསྔོ་ཞིང་སྨོན་ལམ་གདབ། །འདི་ནི་མགོན་པོའི་སྲོག་ཡིན་པས། །དམ་ཉམས་དག་ལ་བྱིན་པ་ན། །རང་སྲོག་བྲལ་བ་ཐེ་ཚོམ་མེད། །གསང་ནས་བསྒྲུབ་ན་ཞག་བདུན་གྱིས། །འཁོར་དང་བཅས་པའི་ཞལ་མཐོང་འགྱུར། །གཞན་ལ་སྤེལ་ན་འགྲིབ་པར་ངེས། །དེ་བས་ཤིན་ཏུ་གསང་བར་བྱ། དཔལ་མགོན་པོའི་གསང་སྒྲུབ་ཐུན་མོང་མ་ཡིན་པ་འདི། །བླ་མ་རཱ་ཧུ་ལས་རྡོ་རྗེ་འཆང་ལས་དངོས་སུ་གསན་ནས་ཞལ་དངོས་སུ་གཟིགས་ཤིང་གྲུབ་པ་བརྙེས་པ་ལ། བདག་ཁྱུང་པོ་རྣལ་འབྱོར་པས་གསེར་ཕྱེ་འཕོངས་མེད་ཕུལ་ནས་ཞུས་པ་འདི་དམ་ཚིག་དང་མི་ལྡན་པ་ལ་སྟེར་དུ་མི་རུང་ངོ་། །ཨྀཐི།།