Difference between revisions of "Rgyud sde lnga'i mngon par rtogs pa"

From Shangpa Resource Center
Line 6: Line 6:
 
|SubTopics=Canonical description
 
|SubTopics=Canonical description
 
|Author=Khyungpo Neljor
 
|Author=Khyungpo Neljor
−
|BDRC link=[https://www.tbrc.org/#library_work_ViewByOutline-O01DG1049095168%7CW23922 BDRC W23922]
+
|BDRC link=[https://www.tbrc.org/#library_work_ViewByOutline-O01DG1049095168%7CW23922 BDRC W23922]<br/>[https://www.tbrc.org/#!rid=W3CN18508 BDRC W3CN18508]
 
}}
 
}}
 
<span class="main_text">༄༅། །རྒྱུད་སྡེ་ལྔའི་མངོན་པར་རྟོགས་པ་བཞུགས་སོ།། །།<br /><br />བླ་མ་དམ་པའི་ཞབས་ལ་གུས་པས་ཕྱག་འཚལ་ལོ།<br />།རྒྱལ་བ་ལོངས་སྐུ་དྲུག་པ་རྡོ་རྗེ་འཆང་། །མཚན་དང་དཔེ་བྱད་གར་གྱི་ཉམས་དགུར་ལྡན། །རིགས་ཀྱི་གཙོ་བོ་ལྔ་ལ་གུས་བཏུད་ནས། །དེ་ཉིད་ཉམས་ལེན་བཀའ་རྒྱུད་ལས་འོངས་བྲི། །དེ་ལ་རང་ལུས་རྒྱལ་བ་ལྔའི་དཀྱིལ་འཁོར་དུ་གནས་པ་ལྷག་མོས་ཀྱིས་གསལ་གདབ་ལ་ལྔ་སྟེ། གང་གིས་སྒྲུབ་པའི་གང་ཟག །གང་དུ་སྒྲུབ་པའི་གནས། །གང་དང་འགྲོགས་པའི་གྲོགས། གང་དགོས་པའི་རྫས། ཇི་ལྟར་སྒྲུབ་པའི་ཐབས་སོ།<br />དང་པོ། གཉིས་པ། གསུམ་པ། བཞི་པ། མེད་པ་རྣམས་གཞན་དུ་ཤེས་པར་བྱའོ། <br />།ལྔ་པ་ལ་བཞི་སྟེ། བསྐྱེད་རིམ། རྫོགས་རིམ། བསྐྱེད་རིམ་གྱི་རང་བཞིན་ཐུན་མཚམས་སོ།<br />།དང་པོ་ལ་དགུ་སྟེ། བསྲུང་འཁོར་བྱ་བ། བསོད་ནམས་ཀྱི་ཚོགས་བསགས་པ། ཚད་མེད་པ་བསྒོམ་པ། ཡེ་ཤེས་ཀྱི་ཚོགས་བསག་པ། དམ་ཚིག་པ་བསྐྱེད་པ། ཡེ་ཤེས་པ་གཞུག་པ། གནས་གསུམ་བྱིན་གྱིས་རླབས་པ། དབང་བསྐུར་རྒྱས་གདབ་བྱ་བ། བཟླས་པ་གསལ་བཏབ་པའོ།<br />།དང་པོ་ནི། རྟེན་དགྲམ། མཎྜལ་མེ་ཏོག་བཀོད། མཆོད་གཏོར་བཤམས། ཐོ་རངས་ནམ་གྱི་བརྒྱད་ཆ་ནས་ལངས་ཏེ། ཁྲུས་བྱས། སྟན་བདེ་བ་འདུག་ནས། སེམས་ཅན་ཐམས་ཅད་འཁོར་བའི་སྡུག་བསྔལ་གྱི་རྒྱ་མཚོ་ལས་བསྒྲལ་ནས། རྡོ་རྗེ་འཆང་གི་གོ་འཕང་ལ་འགོད་པར་བྱ་སྙམ་དུ་སེམས་བསྐྱེད་དོ།<br />།དེ་ནས། ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ་གིས་བསྔགས་ཏེ། ཡེ་ཤེས་ལྔ་དངོས་ཀྱི་ཧཱུྃ་ལས་རྡོ་རྗེ་ཧཱུྃ་གིས་མཚན་པར་གྱུར། །དེའི་འོད་ཟེར་ལྔས་སེམས་ཅན་མ་ལུས་པར་སྦྱངས་པ་སྙིང་གར་ཐིམ་ནས་ཞུ་བའི་ཐིག་ལེ་ལས། བདག་ཉིད་དགྱེས་པ་རྡོ་རྗེ་སྐུ་མདོག་སྔོན་པོ་ཞལ་གཅིག་ཕྱག་གཉིས་ཡུམ་དང་གཉིས་སུ་མེད་པའི་གཡས་རྐྱང་བས་ཚངས་པ། དབང་ཕྱུག་ཆེན་པོ། པད་ཉིའི་གདན་ལ་བཞུགས་པའོ།<br />།དེ་ནས་རྡོ་རྗེ་ཐོད་སྦྱོར་གྱི་ཕྱག་རྒྱ་བཅས་ལ། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ་ཞེས་བརྗོད་པས་ཐུགས་ཀའི་ཧཱུྃ་ལས་རཾ་གཅིག་དབུ་མ་ནས་མདུན་དུ་ཆད་པ་ལས་ཉི་མའི་དཀྱིལ་འཁོར་དཔག་ཚད་བརྒྱར་གྱུར་པའི་སྟེང་དུ་ཧཱུྃ་ལས་རྡོ་རྗེ་རྒྱ་གྲམ་ལྟེ་བ་མཐིང་ག །ཤར་གྱི་རྭ་གསུམ་དཀར། ལྷོ་སེར། ནུབ་དམར། བྱང་ལྗང་གུར་གྱུར་པའོ།<br />།དེ་ཉིད་རྒྱ་ཆེ་བས་ས་གཞི་དཔངས་མཐོ་བས་བརྩིག་པ། རྡོ་རྗེའི་རྭ་རྣམས་སྟེང་དུ་འདུས་པ་བླ་རེའོ།<br />།དེ་ནས་རྡོ་རྗེའི་སྟེང་དང་། ཕྱོགས་བཞི་ནས་ཧཱུྃ་ཁ་དོག་ལྔ་འཕྲོས་པ་ལས། རྡོ་རྗེ་རྩེ་གཅིག་པ། གཉིས་པ། གསུམ་པ། བཞི་པ། ལྔ་པ། དྲུག་པ། བདུན་པ། བརྒྱད་པ། དགུ་པ་རྣམས་ཀྱིས་བར་མཚམས་མེད་པར་གཏམས་པ་དང་། འོག་གི་ཉི་མ་ལས་མེ་འབར་བ་ལས་མེ་འབར་བ་དང་། ཕྱིའི་རྡོ་རྗེ་རྣམས་ཁྲོ་ཆུང་ལྟར་ཞུ་ནས། སྲིད་པའི་རླུང་གིས་ཀྱང་མི་ཐར་བའི་བསྲུང་འཁོར་དཔག་ཚད་བྱེ་བ་ཙམ་དུ་གྱུར་པར་བསམ་མོ།<br />།གཉིས་པ་ནི། ཧཱུྃ་གི་འོད་ཟེར་གྱིས་ལྷ་དང་བླ་མ། སངས་རྒྱས་དང་བྱང་ཆུབ་སེམས་དཔའ་གྲུབ་མཐའ་བཞིས་སྤྱན་དྲངས་ལ་བདུན་རྣམ་དག་བྱའོ།<br />།ཡང་ན་དེ་རྣམས་ལ་སྐྱབས་འགྲོ་བྱས་དཔང་པོར་བཞག་པས། ཞེ་ཐག་པ་ནས། སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བྱམས་པ། སྡུག་བསྔལ་ཐམས་ཅད་ལས་སྐྱོབ་པའི་སྙིང་རྗེ། རྡོ་རྗེ་འཆང་གི་གོ་འཕང་ལ་འགོད་པའི་བྱང་ཆུབ་ཀྱི་སེམས་བསྒོམས་པའི་སྟོབས་ཀྱིས། བཅོམ་ལྡན་ཐུགས་རྗེའི་དབང་གིས་མདུན་བྱོན་ཏེ། །དེའི་འོད་ཟེར་བདག་ལ་འཕོག་པས། ཕུང་པོ་ཁམས། སྐྱེ་མཆེད། ནད་གདོན་སྡིག་སྒྲིབ་ཐམས་ཅད་དག་ནས། མེ་ལོང་གསལ་བ་ལ་གཟུགས་བརྙན་ཤར་བ་ལྟར། རང་ཉིད་དང་མདུན་གྱི་ལྷ་དབྱེར་མེད་དུ་གྱུར་པ་ནི། བསྲུང་བ་རྣམས་ཀྱི་མཆོག་ཏུ་འགྱུར་པའོ།<br />།གསུམ་པ་ནི། ཚད་མེད་པ་བཞིའི་འོད་ཟེར་འཕྲོས་ནས། སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བྱམས་པ།<br />སྡུག་བསྔལ་ཐམས་ཅད་ལས་སྐྱོབ་པའི་སྙིང་རྗེ་དང་། བདེ་བ་ཐམས་ཅད་དང་མི་འབྲལ་བ་ལ་སྤྲོ་བའི་དགའ་བ། ཀུན་ནས་སེམས་སྙོམས་པའི་བཏང་སྙོམས་བསྒོམ་པར་བྱའོ།<br />།བཞི་པ་ལ་བཞི་ལས། སྔགས་ཀྱིས་གྲུབ་པ་ནི། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅་ཧཾ་ གིས་ཕྱིའི་བཟུང་ཡུལ་རང་བཞིན་མེད་པར་ཤེས་པའོ། <br />།ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཤུདྡྷོ྅ཧཾ། གིས་ནང་གི་འཛིན་བྱེད་རང་བཞིན་མེད་པར་ཤེས་པའོ།<br />།ལྔ་པ་ལ་གཉིས་ཏེ། བདག་བསྐྱེད་པ། གནས་ལྔར་བསྐྱེད་པའོ།<br />།དང་པོ་ནི་ཆོ་ག་གསུམ་ལས་བདག་ཉིད་དགྱེས་མཛད་རྡོ་རྗེ་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། རྡོ་རྗེ་དང་དྲིལ་བུ་འཛིན་པས་འཁྱུད་པའོ། །དེའི་ཡུམ་རྡོ་རྗེ་ཕག་མོ་མཐིང་ག་ཞལ་གཅིག་ཕྱག་གཉིས་ཐོད་པ། གཡས་གྲི་གུག་འཕྱར་བའོ། །ཡབ་ལ་སྣ་ཚོགས་རྡོ་རྗེ་དང་། ཟླ་བ་ཕྱེད་པས་བརྒྱན་པའོ། །དེ་ལྟར་ཡབ་ཡུམ་གཉིས་ཀ་ཕྱག་རྒྱ་དྲུག་དང་ལྔས་བརྒྱན་པ། མི་མགོ་སྐམ་རློན་ལྔ་བཅུ་དང་། སྟག་གི་ཤམ་ཐབས་ཅན། སྣ་ཚོགས་པད་ཉིའི་སྟེང་ན་ཞབས་གཡས་རྐྱང་བས་ཚངས་པ་མནན་པ། གཡོན་བསྐུམ་པས་དབང་ཕྱུག་ཆེན་པོ་མནན་པའོ། །དེ་ལ་ཡབ་ཡུམ་གཉིས་ཀ་མཚན་དཔེ་དང་གར་དགུ་དང་ལྡན་པ་འོད་ཀྱི་རང་བཞིན་ལ་རང་བཞིན་མེད་པ། སྐུ་ཤིན་ཏུ་ཆེ་བ་མེ་དཔུང་ཀློང་ན་བཞུགས་པའོ། །དེ་ལ་ཡེ་ཤེས་པ་གཞུག་པ་ལ་སོགས་པ་བྱའོ།<br />།གཉིས་པ་ནི་ལྷ་སྐུའི་ནང་དུ། རྩ་གསུམ་ཙཀྲ་བཞི་སྟེ། རྩ་དབུ་མ་ཡར་རྩེ་ཚངས་བུག །མར་རྩེ་གསང་གནས་སོ། །རོ་རྐྱང་གཉིས་ཡར་རྩེ་སྣ་སྒོ་མར་སྣ་ལྟེ་འོག་ཏུའོ། །སྤྱི་བོ་བདེ་བ་ཆེན་པོའི་འཁོར་ལོ་རྩ་འདབ་སུམ་ཅུ་རྩ་གཉིས་གདུགས་ཀྱི་རྩི་བ་མ་ལྟ་བུ་འཐུར་དུ་བལྟ་བ་སྔོན་པོའོ། །མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་དམར་པོ་གྱེན་ལ་བལྟ་བའོ། །སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་ཀར་བརྒྱངས་པ་ལྟ་བུ་སྔོན་པོའོ། །ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི་གྲུ་གུ་ལྟ་བུ་དམར་པོའོ། །གསང་བ་བདེ་སྐྱོང་གི་འཁོར་ལོ་རྩ་འདབ་བཅུ་དྲུག་གི་མདུན་དཀར་པོ་གྱེན་དུ་བལྟ་བའོ། །དེ་ལྟར་རྩ་གསུམ་འཁོར་ལོ་ཕྲུ་མ་བུས་པ་ལྟར་གསལ་ཞིང་དྭངས་པ་སྣང་ལ་རང་བཞིན་མེད་པའི་དབུ་མ་ཤིན་ཏུ་ཡངས་པར་བལྟའོ། །དེ་ནས་སྙིང་གའི་དབུ་མའི་ནང་དུ། ཐུགས་ཀྱི་དགྱེས་མཛད་རྡོ་རྗེ་ཞལ་གཅིག་ཕྱག་གཉིས་ཡུལ་དང་བཅས་པ། གར་དགུ་དང་མཚན་དཔེ་བརྒྱན་པའི་འོད་ཀྱིས་ནམ་མཁའ་ཁྱབ་པ་གོང་གི་བདག་བསྐྱེད་བཞིན་ནོ། །དེའི་རྩ་འདབ་བརྒྱད་དམ་ཐིག་ལེ་ལྷ་མོ་བརྒྱད་དམ་བཅུ་གཉིས་སུ་ལྷག་མོས་བྱའོ། །དགྱེས་མཛད་དེའི་སྐུའི་འོད་ཟེར་སྤྱི་བོའི་དབུ་མར་འཕྲོས་པས་ཧཱུྃ་ངུར་བའི་བསྐུལ་དབྱངས་བྱས་པས་གཙོ་བོ་མི་བསྐྱོད་རྡོ་རྗེ་སྐུ་མདོག་མཐིང་ག་ཞལ་གཅིག་ཕྱག་གཉིས་རྡོ་རྗེ་དྲིལ་བུ་འཛིན་པས་ཡུམ་རེག་བྱ་རྡོ་རྗེ་མ་ཡབ་དང་མཚུངས་པ་ལ་འཁྱུད་པ། པད་ཉིའི་གདན་ལ་ཞབས་རྡོ་རྗེའི་སྐྱིལ་ཀྲུང་གིས་བཞུགས་པའོ། །དེ་ཡང་རྒྱན་རཏྣ་དང་དར་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །དེའི་རྩ་འདབ་དུ་འཁོར་གྱི་ལྷ་སུམ་ཅུ་མོས་པ་བྱའོ། །དགྱེས་མཛད་ཀྱི་གསུང་གི་འོད་ཟེར་མགྲིན་པའི་དབུ་མར་འཕྲོས་པའི་ཧཱུྃ་ལས་མ་ཧཱ་མ་ཡ་སྐུ་མདོག་མཐིང་ག་ཞལ་གཅིག་ཕྱག་གཉིས་སྤྱན་གསུམ་པ། དབུ་སྐྲ་སེར་པོ་ཕྱག་གཉིས་མདའ་གཞུའོ། །ཡང་ན་རྡོ་རྗེ་དྲིལ་བུ་འཛིན་པས། ཡུམ་སངས་རྒྱས་མཁའ་འགྲོ་ཡབ་དང་མཚུངས་པ་ལ་འཁྱུད་པའོ། །ཞབས་གཡས་རྐྱང་གཡོན་བསྐུམ་པས་པད་ཉི་དང་རོའི་གདན་ལ་བཞེངས་པ་མེ་དཔུང་ཀློང་ན་བཞུགས་པའོ། །དེ་ལ་ཡབ་ཡུམ་གཉིས་ཀའི་ཡན་ལག་ཐམས་ཅད་ཐལ་བས་བྱུགས་པའོ། །མི་ལྤགས་དང་། ཕྱག་རྒྱ་དྲུག་དང་ལྔ་དང་། མི་མགོ་སྐམ་རློན་དོ་ཤལ་ཅན། གར་དགུ་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །ཕྱོགས་ཀྱི་རྩ་འདབ་བཞི་ལྷ་མོ་བཞིར་མོས་པ་བྱའོ། །དགྱེས་མཛད་ཀྱི་ཡོན་ཏན་གྱི་འོད་ཟེར་ལྟེ་བའི་དབུ་མར་འཕྲོས་པའི་ཧཱུྃ་དེ་ལས་བདེ་མཆོག་འཁོར་ལོ་ཞལ་གཅིག་ཕྱག་གཉིས་སྤྱན་གསུམ་པ་རལ་པའི་ཐོར་ཅོག་ཅན། རྡོ་རྗེ་དྲིལ་བུ་འཛིན་པས། ཡུམ་ཕག་མོ་སིན་དྷུ་ར་ལྟར་མཛེས་པ་གྲི་ཐོད་བསྣམས་པ་ལ་འཁྱུད་པའོ། །ཞབས་གཡས་རྐྱང་གཡོན་བསྐུམ་པས་འཇིགས་བྱེད་དུས་མཚན་དང་། པད་ཉིའི་གདན་ལ་བསྐལ་པའི་མེ་དཀྱིལ་ན་བཞུགས་པའོ། །དེ་ལ་ཡབ་ཀྱི་སྤྱི་བོར་རྡོ་རྗེ་རྒྱ་གྲམ་ཟླ་བ་ཕྱེད་དེ། །ཡབ་ཡུམ་གཉིས་ཀ་ཐོད་པ་ལྔ་དང་། ཕྱག་རྒྱ་དྲུག་དང་ལྔས་བརྒྱན་པའོ། །མི་མགོ་ལྔ་བཅུའི་དོ་ཤལ་སྟག་གི་པགས་པའི་ཤམ་ཐབས་ཅན། གར་དགུ་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །རྩ་རླུང་ཐིག་ལེ་འཁོར་ལོ་ལྔའི་ལྷར་མོས་པར་བྱའོ། །དགྱེས་མཛད་ཀྱི་ཕྲིས་ཀྱི་འོད་ཟེར་གསང་བ་བདེ་སྟོང་གི་དབུ་མར་འཕྲོས་པའི་ཧཱུྃ་ལས་རྡོ་རྗེ་འཇིག་བྱེད་མཐིང་ནག་ཞལ་གཅིག་ཕྱག་གཉིས་པ། མ་ཧེའི་གདོངས་པ་ཅན་རྭ་རྣོ་བ། དབུ་སྐྲ་སེར་པོ་ཐོད་པས་བརྒྱན་པ། སྤྱན་གསུམ་དམར་བ། མཆེ་བ་གཙིགས་པ། ལྗགས་འདྲིལ་བ། ཧ་ཧའི་གད་རྒྱངས་སྒྲོག་པ། གཡས་རྡོ་རྗེ་གྲི་གུག །གཡོན་ཐོད་ཁྲག་འཛིན་པའོ། །ཡུམ་རྡོ་རྗེ་ཕག་མོ་དམར་མོ་གྲི་ཐོད་ཅན་ལ་འཁྱུད་པའོ། །ཡབ་ཀྱི་སྐུ་ལུས་ཐུང་ཞིང་སྦོམ་པའོ། །གསུས་ཁྱིམ་ཆེ་བ། སྦྲུལ་དང་རུས་པ་མི་མགོས་བརྒྱན་པའོ། །སྟག་ལྤགས་ཀྱི་ཤམ་ཐབས་ཅན། །དུས་མཐའི་མེ་ལྟར་འཇིགས་པ་པད་ཉིའི་གདན་ལ་ཞབས་གཡས་བསྐུམ་གཡོན་རྐྱང་བས་བཞུགས་པ། མེ་དཔུང་གི་ཀློང་ན་གར་དགུ་དང་། མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པར་བལྟའོ། །དེ་རྣམས་ཆོ་ག་གསུམ་དང་ཧཱུྃ་ལས་བསྐྱེད་པར་བྱའོ།<br />།དྲུག་པ་ཐུགས་ཀའི་ཉི་མའི་སྟེང་གི་ཧཱུྃ་ལྔའི་འོད་ཟེར་ལྔས་རྒྱུད་སྡེ་ལྔའི་ཡེ་ཤེས་པ་སྤྱན་དྲངས་ལ། ཛཿཧཱུྃ་བྃ་ཧོཿས་དགུག་གཞུག་བྱའོ།<br />།བདུན་པ་ནི། གཙོ་བོ་ལྔའི་གནས་གསུམ་དུ། ཨོཾ་ཨཱཿཧཱུྃ་དང་སྐྱེ་མཆེད་དྲུག་བྱིན་གྱིས་རླབ་པར་བྱའོ།<br />།བརྒྱད་པ་ནི། ཧཱུྃ་གི་འོད་ཟེར་གྱིས་ནམ་མཁའ་རིགས་ལྔར་སྤྱན་དྲངས་ལ། ཕྱི་ནང་གསང་གསུམ་གྱིས་མཆོད་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་མཾ་གྱིས་གསོལ་བ་བཏབ་པ་དང་། ཐུགས་ཀ་ནས་རིགས་ཀྱི་ཡུམ་ལྔ་རང་གི་སྤྱི་བོར་བྱོན་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡེ་ཧཱུྃ། ཞེས་བརྗོད་ཅིང་བུམ་པས་དབང་བསྐུར་བས། ཆུ་སྤྱི་བོར་འཁྱིལ་བ་ལས་སྤྲུལ་སྐུའི་མི་བསྐྱོད་པ་ལྔས་དབུ་བརྒྱན་པར་བསམ་མོ།<br />།དགུ་པ་ནི། ཨོཾ་བཛྲ་དྷྲྀཀ་ཧཱུྃ་སྭཱ་ཧཱ། ཨོཾ་སརྦ་པརྴ་བཛྲི་ཧཱུྃ་སྭཱ་ཧཱ། གསང་འདུས་གསལ་བར་བལྟའོ།<br />།ཨོཾ་སརྦ་ཏྲཻ་ལོ་ཀྱ་ཨཀྵེ་ས་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཡང་ན། ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། དགྱེས་མཛད་དོ།<br />།ཨོཾ་བཛྲ་བཻ་རོ་ཙ་ནཱི་ཡེ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་བཻ་རོ་ཙ་ནཱི་བཛྲ་ཧཱུྃ་ཧཱུྃ་ཕཊ་སྭཱ་ཧཱ། བདེ་མཆོག་གོ<br />།ཨོཾ་ཨཱ་ཧྲཱི་ཧཱུྃ་ཕཊ་སྭཱ་ཧཱ། ཨོཾ་བུདྡྷ་ཌཱ་ཀི་ནི་ཨ་ཧྲཱི་ཧཱུྃ། སྒྱུ་མ་ཆེན་མོའོ།<br />།ཨོཾ་ཧྲཱིཿཥྚི་ཝི་ཀྲྀ་ཏ་ན་ན་ཧཱུྃ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཧཱུྃ་ཕཊ། རྡོ་རྗེ་འཇིགས་བྱེད་དོ། །དགྱེས་མཛད་བདེ་མཆོག་གི་ཡུམ་སྔགས་དེ་ཉིད་དོ།<br />།དེ་ལྟར་སྔགས་ཀྱིས་གཙོ་བོ་ཡབ་ཡུམ་ལྔ་གསལ་བར་བལྟའོ། །ལྷ་སྐུ་དེ་རྣམས་གསལ་སྟོང་བདེ་བའི་རང་བཞིན་དུ་ཡུན་རིང་དུ་གནས་པར་བྱའོ།<br /><br />།གཉིས་པ་རྫོགས་རིམ་པ་ནི། སྤྱི་བོའི་གསང་འདུས་ཡབ་ཡུམ་སྙོམས་འཇུག་བྱས་བདེ་བར་ཞུ་ནས། ཐིག་ལེ་ངང་པའི་སྒོ་ང་ཙམ་ལས་མི་ཆུང་བ་ཙམ་པ་དཀར་ལ་དྭངས་པ་འོད་དང་འོད་ཟེར་གྱི་རང་བཞིན་མིག་གིས་བལྟར་མི་བཟོད་པ་ལྟ་བུར་བསམ་པའོ། །དེས་ན་ཐིག་ལེ་དེ་བདེ་བ་གསལ་བ་མི་རྟོག་པ་རང་བཞིན་མེད་པས་དབྱེར་མེད་པའི་ཟུང་འཇུག་གོ །དེ་ལྟར་སེམས་དང་ཐིག་ལེ་དབྱེར་མེད་པ་སྟེ། མི་རྟོག་པ་མ་བཅོས་པ། ཡིད་ལ་མི་བྱེད་པ། རང་བཞིན་མེད་པ་ཞེས་བྱ་སྟེ། དེ་ནི་བརྗོད་དུ་མེད་པའོ། །དེ་ཉིད་ལ་བློ་ཡི་བྱིང་རྒོད་ཐམས་ཅད་སྤངས་ནས་རྩེ་གཅིག་ཏུ་ཉམས་སུ་བླང་བར་བྱའོ། །དེ་བཞིན་དུ་མགྲིན་པའི་དང་། ལུས་ཕྱི་ནང་དང་། སྣང་བ་ཐམས་ཅད་ལའོ། །སྙིང་གའི་དང་ལུས་ཕྱི་ནང་ལའོ། །གསང་གནས་དང་ལུས་ཕྱི་ནང་དང་སྣང་བ་ཐམས་ཅད་ལ་ཤེས་པར་བྱའོ། །དེ་ལྟར་ཐུན་གསུམ་མམ་བཞིར་ཉམས་སུ་བླངས་ནས། སྤྱི་བོ་མགྲིན་པའི་ཐིག་ལེ་སྙིང་ཀ་ལ་ཐིམ་པའམ། ཡང་ན་ལྟེ་བ་ལ་ཐིམ་ནས། ཐིག་ལེ་བདེ་གསལ་མི་རྟོག་པ་སྟོང་པ་རང་བཞིན་མེད་པ་ཡིད་ལ་མི་བྱེད་པའི་དོན་དེ་ཉིད་ལ་མཉམ་བཞག་དང་སྤྱོད་ལམ་ཐམས་ཅད་དུ་བསམ་པ་གཞན་ཐམས་ཅད་སྤངས་ནས། ཐིག་ལེ་དེ་ལ་སེམས་རྩེ་གཅིག་ཏུ་རྒྱུན་ཆད་མེད་པར་གསལ་བར་བྱའོ། །དེས་ནི་ལོ་ཟླ་ཙམ་གྱིས་ལམ་ལྔ་དང་ཕྱག་རྒྱ་བཞིའི་རྟགས་རྣམས་རྫོགས་པར་འགྱུར་རོ།<br /><br />།གསུམ་པ་བསྐྱེད་རྫོགས་ཀྱི་རིམ་པ་ལ་བཞི་སྟེ། ཕྱི་ལྟར་ཉམས་སུ་བླང་བ་དང་། ནང་ལྟར་ཉམས་སུ་བླང་བ། གསང་བ་ལྟར་ཉམས་སུ་བླང་བ། དེ་ཁོ་ན་ལྟར་ཉམས་སུ་བླང་བའོ།<br />།དང་པོ་ནི། དཔལ་ལྡན་འབྲས་སྤུངས་ཀྱི་མཆོད་རྟེན་དེ། རྒྱུ་རིན་པོ་ཆེ་བཞིའམ་ལྔ་ལས་གྲུབ་པ། ཕྱི་མཆོད་རྟེན་གྱི་དབྱིབས་སུ་ཡོད་པ། ནང་གཞལ་ཡས་ཁང་དང་། རྒྱུད་སྡེ་ལྔའི་ཚོགས་སུ་ཡོད་དེ། ཤར་སྒོ་ཕྱེ་བས་དབུས་ན་གསང་བ་འདུས་པ་དང་། ཤར་ན་དགྱེས་མཛད་རྡོ་རྗེ་སྣང་ངོ་། །ལྷོ་སྒོ་ཕྱེ་བས་བདེ་མཆོག་གོ །ནུབ་སྒོ་ཕྱེ་བས་མ་ཧཱ་མ་ཡའོ། །བྱང་སྒོ་ཕྱེ་བས་འཇིགས་བྱེད་ཀྱི་ལྷ་ཚོགས་སུ་སྣང་ངོ་། །རེ་རྣམས་ཀྱང་དགྱེས་རྡོར་གྱི་སྐུ་གསུང་ཐུགས་ཡོན་ཏན་ཕྲིས་ལྔ་ལས་འབྱུང་སྟེ། དགྱེས་མཛད་ཀྱི་སྐུའི་སྣང་བ་ལ་གསང་འདུས་སོ། །གསུང་ལས་མ་ཧཱ་མ་ཡའོ། །ཐུགས་ལས་དགྱེས་མཛད་དོ། །ཡོན་ཏན་ལ་བདེ་མཆོག་གོ །འཕྲིས་ལ་འཇིགས་བྱེད་དུ་ཤར་བའི་སྣང་བའོ། །དེས་ན་ཧེ་བཛྲ་ལྷ་གཅིག་ཏུ་བསྒོམ་པས། རྒྱུད་སྡེ་ལྔའི་ལྷ་ཚོགས་དང་རྒྱལ་བ་ཐམས་ཅད་བསྒོམ་པར་འགྲོ་སྟེ། <br />རིན་ཆེན་རྒྱ་མཚོ་ལས། རྒྱལ་བ་གཅིག་བསྒོམས་སངས་རྒྱས་ཀུན་གྱི་རང་། །སངས་རྒྱས་ཐམས་ཅད་རིགས་ལྔའི་རང་བཞིན་ནོ། །ཞེས་སོ། <br />།དེས་ན་རྒྱུད་སྡེ་ལྔ་གང་འདོད་ཀྱི་སེམས་ཀྱི་དཀྱིལ་འཁོར་དུ་སྣང་སྟེ། གསང་འདུས་དགྱེས་རྡོར་མཐོང་བར་འདོད་ན་ཤར་སྒོ་བྱེའོ། །དེ་བཞིན་དུ་གང་འདོད་སྒོ་ཕྱེ་ནས། ལྷ་དེ་སེམས་ཀྱི་དཀྱིལ་འཁོར་དུ་ཤེས་པར་བྱས་ལ། བསྒྲུབས་པས་མྱུར་དུ་མཐོང་བར་འགྱུར་རོ། །དེས་ནི་ཕྱི་ལྟར་བཤད་པའི་ཉམས་སུ་བླང་བར་བསྟན་ཏོ།<br />།གཉིས་པ་ནི། འབྲས་སྤུངས་སུ་རིན་པོ་ཆེ་བཞིའམ་ལྔ་ལས་གྲུབ་པའི་ཕྱི་མཆོད་རྟེན་དུ་སྣང་བ་ལྟར། རང་གི་ལུས་ཀྱང་འབྱུང་བ་བཞི་ལས་གྲུབ་པའི་ཕྱི་ལྟར་སྣང་བའོ། །དེ་ན་དགྱེས་མཛད་གཅིག་པུ་བསྒོམས་པས་རྒྱུད་སྡེ་ལྔ་བསྒོམས་པར་འགྲོ་སྟེ། ཧེ་བཛྲ་གྱི་སྐུ་གསུང་ཐུགས་ཡོན་ཏན་ཕྲིན་ལས་ལྔའི་འོད་ཟེར་ལྔ་གནས་ལྔར་འཕྲོས་པས་རྒྱུད་སྡེ་ལྔའི་ལྷ་ཚོགས་སུ་ཤར་ཞིང་སྣང་བའོ། །འབྲས་སྤུངས་ཀྱི་ནང་གཞལ་ཡས་ཁང་དང་རྒྱུད་སྡེ་ལྔའི་ལྷར་སྣང་བ་ལྟར། ནང་ལུས་ཀྱི་འཁོར་ལོ་ལྔ་རྒྱུད་སྡེ་ལྔའི་ལྷ་ཚོགས་སུ་ཤར་ཞིང་སྣང་བའོ། །དེས་ནི་ནང་ལྟར་ཉམས་སུ་བླང་བ་བསྟན་ཏོ།<br />།གསུམ་པ་ནི། གནས་ལྔའི་ཞུ་བདེའི་ཐིག་ལེ་དེ། བདེ་བ་གསལ་བ་མི་རྟོགས་པ། སྟོང་པ་དབྱེར་མི་ཕྱེད་པའི་ཟུང་འཇུག་གོ །དེ་ཉིད་མི་རྟོག་པ་མ་བཅོས་པ་གང་བཞིན་ནོ།<br />།བཞི་པ་ནི། སྒུ་གསུང་ཐུགས་ཡོན་ཏན་ཕྲིས་ཀྱི་འོད་ཟེར་ལྔའི་དོན། ཡེ་ཤེས་ལྔ་ལ་རྟགས་ལྷ་ལྔའི་ལྷ་ཚོགས་ལྔ་ཡིན་ཏེ། སྤྱི་བོའི་སྐུའི་འོད་ཟེར་དཀར་པོའི་དོན། མེ་ལོང་ལྟ་བུའི་ཡེ་ཤེས་ལ་གསང་འདུས། ལུས་བདེ་བར་ཤར་བ་ནི་བུམ་དབང་སྤྲུལ་སྐུའོ། །མགྲིན་པའི་གསུང་གི་འོད་ཟེར་དམར་པོའི་དོན་སོ་སོར་རྟོག་པའི་ཡེ་ཤེས་ལ་རྟགས་མ་ཧཱ་མ་ཡ་ཡབ་ཡུམ་བདེ་གསལ་དུ་ཤར་བས་དབང་གསུམ་པ་ཆོས་སྐུའོ། །ལྟེ་བའི་ཡོན་ཏན་གྱི་འོད་ཟེར་སེར་པོའི་དོན་མཉམ་ཉིད་ཡེ་ཤེས་ལ། རྟགས་རིན་འབྱུང་ལུས་ངག་ཡིད་གསུམ་ཐ་དད་དུ་འཛིན་པ་སྟེ་སྟོང་པ་བརྗོད་བྲལ་དུ་ཤར་བ་ནི་དབང་བཞི་པ་བདེ་བ་ཆེན་པོའི་སྐུའོ། །གསང་གནས་བདེ་སྐྱོང་འཕྲིན་ལས་ཀྱི་འོད་ཟེར་ལྗང་གུའི་དོན་བྱ་བ་གྲུབ་པའི་ཡེ་ཤེས་ལ། རྟགས་འཕྲིན་ལས་ལྷུན་གྱིས་གྲུབ་པའི་དོན་ཡོད་གྲུབ་པའི་བདེ་གསལ་མི་རྟོག་པ་སྟོང་པ་དབྱེར་མི་ཕྱེད་པའི་ཟུང་འཇུག་རྡོ་རྗེ་འཆང་གི་སྐུར་ཤར་བའོ། །དེ་ལྟར་སྐུ་གསུང་ཐུགས་ཡོན་ཏན་འཕྲིན་ལས་མི་ཟད་པ་རྒྱན་གྱི་འཁོར་ལོས་འཁོར་བ་མ་སྟོངས་བར་དུ་གཞན་དོན་ལྷུན་གྲུབ་རང་ཤར་དུ་འབྱུང་བར་འགྱུར་རོ། །དེས་ནི་དེ་ཁོ་ན་ཉིད་ལྟར་བཤད་པའམ་ཉམས་སུ་བླང་བ་བསྟན་ནོ།<br /><br />།བཞི་པ་ནི། ཟས་ཀྱི་རྣལ་འབྱོར་དང་། གཏོར་མ་ཞལ་ལས་ཤེས་པར་བྱའོ། །དེ་ལ་སྦྱང་གཞི་ཕུང་པོ་ལྔའམ་ལུས་ངག་ཡིད་གསུམ་ལྟེ་བ་དང་གསང་གནས་དང་ལྔའོ། །དེའི་སྦྱོང་བྱེད་འོད་ཟེར་ལྔ་དོན་ཡེ་ཤེས་ལྔའོ། །རྟགས་གནས་ལྔའི་རྒྱུད་སྡེ་ལྔའི་བསྐྱེད་རིམ་རིགས་ལྔའོ། །སྦྱང་གཞི་མ་རིག་པའམ་དུག་ལྔའོ། །སྦྱོང་བྱེད་གནས་ལྔའི་ཐིག་ལེ་ལྔ། བདེ་བ། གསལ་བ། མི་རྟོག་པ། སྟོང་པ། དབྱེར་མི་ཕྱེད་པ་ལྔའི་ཟུང་འཇུག་དང་རྫོགས་རིམས་སོ། །དེ་ལྟར་རྒྱུད་སྡེ་ལྔའི་བསྐྱེད་རྫོགས་ཀྱི་རང་བཞིན་འབྲས་བུའི་དབང་དང་བཅས་པ་འདི། བཀའ་རྒྱུད་སྡེའི་དགོངས་པ། མཁའ་འགྲོའི་སྲོག་སྙིང་། མཁས་གྲུབ་ཆེན་པོ་རྣམས་ཀྱི་ཐུགས་བཅུད། ལོ་ཟླས་སངས་མི་རྒྱ་མི་སྲིད་པའོ། །སྟན་ཐོག་གཅིག །ཐུན་གཅིག །སྐད་ཅིག་མ་གཅིག་ལ་ལམ་ལྔ། རིམ་པ་ལྔ། ཕྱག་རྒྱ་བཞི་ཉམས་སུ་ལེན་པའི་ཆིག་བརྒྱུད་འདི་ནི་བདག་[[Khyungpo Neljor|ཁྱུང་པོ་རྣལ་འབྱོར་པ]]འི་ལུགས་སོ། །ཨྀཐི།<br /><br />བླ་མ་རིན་པོ་ཆེའི་ཞལ་ནས། ངས་གསེར་འཕང་མེད་ཁྱེར་ནས། ལྷོ་བྱང་གར་ཕྱིན་ཡང་གདམས་པ་འདི་ལས་ཟབ་པ་དང་། རྟགས་མ་བྱུང་ན་རྡོ་རྗེ་འཆང་དང་ངས་བསླུས་པ་ཡིན་ནོ། འདི་རྟགས་མི་འབྱུང་མི་སྲིད། ལོ་གསུམ་ན་དག་པ་བདེ་སྟོང་གི་མཁའ་སྤྱོད་དུ་མི་འགྲོ་མི་སྲིད་དོ། །ལོ་ཟླས་སངས་རྒྱས་མི་ཐོབ་མི་སྲིད་དོ། །ཡང་ལོ་གཉིས་བསྒོམས་པས་དག་པ་མཁའ་སྤྱོད་དུ་འགྲོ་བའི་རྟགས་རྫོགས་པར་འབྱུང་བ་ཡིན་ཏེ། ཞུད་མ་བསྲུངས་པས་འགྱངས་འདུག་པས། ད་ཁྱོད་ཞུད་བསྲུངས་ལ་བསྒོམས་ཤིག་གསུངས་ངོ་། །བླ་མ་འདར་ཁར་རིན་པོ་ཆེ་བརྩོན་འགྲུས་ཞུད་བསྲུངས་ལ་སྒོམས་ཤིག །ལོ་གསུམ་ལ་མི་འགྲུབ་མི་སྲིད་གསུངས་སོ། །རྒྱུད་སྡེའི་མངོན་པར་རྟོགས་པ་བསྡུས་པ། མཁས་གྲུབ་ཆེན་པོ་རྣམས་ཀྱི་ཐུགས་བཅུད། ཀུན་ལས་ཁྱད་པར་དུ་འཕགས་པ་འདི་ཡོངས་སུ་རྫོགས་སོ། <br />།མ་འགྱུར་སེམས་ཅན་ཐམས་ཅད་ཀྱིས་རྒྱལ་བ་སྐུ་ལྔའི་གོ་འཕང་ཐོབ་པར་གྱུར་ཅིག། །།</span>
 
<span class="main_text">༄༅། །རྒྱུད་སྡེ་ལྔའི་མངོན་པར་རྟོགས་པ་བཞུགས་སོ།། །།<br /><br />བླ་མ་དམ་པའི་ཞབས་ལ་གུས་པས་ཕྱག་འཚལ་ལོ།<br />།རྒྱལ་བ་ལོངས་སྐུ་དྲུག་པ་རྡོ་རྗེ་འཆང་། །མཚན་དང་དཔེ་བྱད་གར་གྱི་ཉམས་དགུར་ལྡན། །རིགས་ཀྱི་གཙོ་བོ་ལྔ་ལ་གུས་བཏུད་ནས། །དེ་ཉིད་ཉམས་ལེན་བཀའ་རྒྱུད་ལས་འོངས་བྲི། །དེ་ལ་རང་ལུས་རྒྱལ་བ་ལྔའི་དཀྱིལ་འཁོར་དུ་གནས་པ་ལྷག་མོས་ཀྱིས་གསལ་གདབ་ལ་ལྔ་སྟེ། གང་གིས་སྒྲུབ་པའི་གང་ཟག །གང་དུ་སྒྲུབ་པའི་གནས། །གང་དང་འགྲོགས་པའི་གྲོགས། གང་དགོས་པའི་རྫས། ཇི་ལྟར་སྒྲུབ་པའི་ཐབས་སོ།<br />དང་པོ། གཉིས་པ། གསུམ་པ། བཞི་པ། མེད་པ་རྣམས་གཞན་དུ་ཤེས་པར་བྱའོ། <br />།ལྔ་པ་ལ་བཞི་སྟེ། བསྐྱེད་རིམ། རྫོགས་རིམ། བསྐྱེད་རིམ་གྱི་རང་བཞིན་ཐུན་མཚམས་སོ།<br />།དང་པོ་ལ་དགུ་སྟེ། བསྲུང་འཁོར་བྱ་བ། བསོད་ནམས་ཀྱི་ཚོགས་བསགས་པ། ཚད་མེད་པ་བསྒོམ་པ། ཡེ་ཤེས་ཀྱི་ཚོགས་བསག་པ། དམ་ཚིག་པ་བསྐྱེད་པ། ཡེ་ཤེས་པ་གཞུག་པ། གནས་གསུམ་བྱིན་གྱིས་རླབས་པ། དབང་བསྐུར་རྒྱས་གདབ་བྱ་བ། བཟླས་པ་གསལ་བཏབ་པའོ།<br />།དང་པོ་ནི། རྟེན་དགྲམ། མཎྜལ་མེ་ཏོག་བཀོད། མཆོད་གཏོར་བཤམས། ཐོ་རངས་ནམ་གྱི་བརྒྱད་ཆ་ནས་ལངས་ཏེ། ཁྲུས་བྱས། སྟན་བདེ་བ་འདུག་ནས། སེམས་ཅན་ཐམས་ཅད་འཁོར་བའི་སྡུག་བསྔལ་གྱི་རྒྱ་མཚོ་ལས་བསྒྲལ་ནས། རྡོ་རྗེ་འཆང་གི་གོ་འཕང་ལ་འགོད་པར་བྱ་སྙམ་དུ་སེམས་བསྐྱེད་དོ།<br />།དེ་ནས། ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ་གིས་བསྔགས་ཏེ། ཡེ་ཤེས་ལྔ་དངོས་ཀྱི་ཧཱུྃ་ལས་རྡོ་རྗེ་ཧཱུྃ་གིས་མཚན་པར་གྱུར། །དེའི་འོད་ཟེར་ལྔས་སེམས་ཅན་མ་ལུས་པར་སྦྱངས་པ་སྙིང་གར་ཐིམ་ནས་ཞུ་བའི་ཐིག་ལེ་ལས། བདག་ཉིད་དགྱེས་པ་རྡོ་རྗེ་སྐུ་མདོག་སྔོན་པོ་ཞལ་གཅིག་ཕྱག་གཉིས་ཡུམ་དང་གཉིས་སུ་མེད་པའི་གཡས་རྐྱང་བས་ཚངས་པ། དབང་ཕྱུག་ཆེན་པོ། པད་ཉིའི་གདན་ལ་བཞུགས་པའོ།<br />།དེ་ནས་རྡོ་རྗེ་ཐོད་སྦྱོར་གྱི་ཕྱག་རྒྱ་བཅས་ལ། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ་ཞེས་བརྗོད་པས་ཐུགས་ཀའི་ཧཱུྃ་ལས་རཾ་གཅིག་དབུ་མ་ནས་མདུན་དུ་ཆད་པ་ལས་ཉི་མའི་དཀྱིལ་འཁོར་དཔག་ཚད་བརྒྱར་གྱུར་པའི་སྟེང་དུ་ཧཱུྃ་ལས་རྡོ་རྗེ་རྒྱ་གྲམ་ལྟེ་བ་མཐིང་ག །ཤར་གྱི་རྭ་གསུམ་དཀར། ལྷོ་སེར། ནུབ་དམར། བྱང་ལྗང་གུར་གྱུར་པའོ།<br />།དེ་ཉིད་རྒྱ་ཆེ་བས་ས་གཞི་དཔངས་མཐོ་བས་བརྩིག་པ། རྡོ་རྗེའི་རྭ་རྣམས་སྟེང་དུ་འདུས་པ་བླ་རེའོ།<br />།དེ་ནས་རྡོ་རྗེའི་སྟེང་དང་། ཕྱོགས་བཞི་ནས་ཧཱུྃ་ཁ་དོག་ལྔ་འཕྲོས་པ་ལས། རྡོ་རྗེ་རྩེ་གཅིག་པ། གཉིས་པ། གསུམ་པ། བཞི་པ། ལྔ་པ། དྲུག་པ། བདུན་པ། བརྒྱད་པ། དགུ་པ་རྣམས་ཀྱིས་བར་མཚམས་མེད་པར་གཏམས་པ་དང་། འོག་གི་ཉི་མ་ལས་མེ་འབར་བ་ལས་མེ་འབར་བ་དང་། ཕྱིའི་རྡོ་རྗེ་རྣམས་ཁྲོ་ཆུང་ལྟར་ཞུ་ནས། སྲིད་པའི་རླུང་གིས་ཀྱང་མི་ཐར་བའི་བསྲུང་འཁོར་དཔག་ཚད་བྱེ་བ་ཙམ་དུ་གྱུར་པར་བསམ་མོ།<br />།གཉིས་པ་ནི། ཧཱུྃ་གི་འོད་ཟེར་གྱིས་ལྷ་དང་བླ་མ། སངས་རྒྱས་དང་བྱང་ཆུབ་སེམས་དཔའ་གྲུབ་མཐའ་བཞིས་སྤྱན་དྲངས་ལ་བདུན་རྣམ་དག་བྱའོ།<br />།ཡང་ན་དེ་རྣམས་ལ་སྐྱབས་འགྲོ་བྱས་དཔང་པོར་བཞག་པས། ཞེ་ཐག་པ་ནས། སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བྱམས་པ། སྡུག་བསྔལ་ཐམས་ཅད་ལས་སྐྱོབ་པའི་སྙིང་རྗེ། རྡོ་རྗེ་འཆང་གི་གོ་འཕང་ལ་འགོད་པའི་བྱང་ཆུབ་ཀྱི་སེམས་བསྒོམས་པའི་སྟོབས་ཀྱིས། བཅོམ་ལྡན་ཐུགས་རྗེའི་དབང་གིས་མདུན་བྱོན་ཏེ། །དེའི་འོད་ཟེར་བདག་ལ་འཕོག་པས། ཕུང་པོ་ཁམས། སྐྱེ་མཆེད། ནད་གདོན་སྡིག་སྒྲིབ་ཐམས་ཅད་དག་ནས། མེ་ལོང་གསལ་བ་ལ་གཟུགས་བརྙན་ཤར་བ་ལྟར། རང་ཉིད་དང་མདུན་གྱི་ལྷ་དབྱེར་མེད་དུ་གྱུར་པ་ནི། བསྲུང་བ་རྣམས་ཀྱི་མཆོག་ཏུ་འགྱུར་པའོ།<br />།གསུམ་པ་ནི། ཚད་མེད་པ་བཞིའི་འོད་ཟེར་འཕྲོས་ནས། སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བྱམས་པ།<br />སྡུག་བསྔལ་ཐམས་ཅད་ལས་སྐྱོབ་པའི་སྙིང་རྗེ་དང་། བདེ་བ་ཐམས་ཅད་དང་མི་འབྲལ་བ་ལ་སྤྲོ་བའི་དགའ་བ། ཀུན་ནས་སེམས་སྙོམས་པའི་བཏང་སྙོམས་བསྒོམ་པར་བྱའོ།<br />།བཞི་པ་ལ་བཞི་ལས། སྔགས་ཀྱིས་གྲུབ་པ་ནི། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅་ཧཾ་ གིས་ཕྱིའི་བཟུང་ཡུལ་རང་བཞིན་མེད་པར་ཤེས་པའོ། <br />།ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཤུདྡྷོ྅ཧཾ། གིས་ནང་གི་འཛིན་བྱེད་རང་བཞིན་མེད་པར་ཤེས་པའོ།<br />།ལྔ་པ་ལ་གཉིས་ཏེ། བདག་བསྐྱེད་པ། གནས་ལྔར་བསྐྱེད་པའོ།<br />།དང་པོ་ནི་ཆོ་ག་གསུམ་ལས་བདག་ཉིད་དགྱེས་མཛད་རྡོ་རྗེ་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། རྡོ་རྗེ་དང་དྲིལ་བུ་འཛིན་པས་འཁྱུད་པའོ། །དེའི་ཡུམ་རྡོ་རྗེ་ཕག་མོ་མཐིང་ག་ཞལ་གཅིག་ཕྱག་གཉིས་ཐོད་པ། གཡས་གྲི་གུག་འཕྱར་བའོ། །ཡབ་ལ་སྣ་ཚོགས་རྡོ་རྗེ་དང་། ཟླ་བ་ཕྱེད་པས་བརྒྱན་པའོ། །དེ་ལྟར་ཡབ་ཡུམ་གཉིས་ཀ་ཕྱག་རྒྱ་དྲུག་དང་ལྔས་བརྒྱན་པ། མི་མགོ་སྐམ་རློན་ལྔ་བཅུ་དང་། སྟག་གི་ཤམ་ཐབས་ཅན། སྣ་ཚོགས་པད་ཉིའི་སྟེང་ན་ཞབས་གཡས་རྐྱང་བས་ཚངས་པ་མནན་པ། གཡོན་བསྐུམ་པས་དབང་ཕྱུག་ཆེན་པོ་མནན་པའོ། །དེ་ལ་ཡབ་ཡུམ་གཉིས་ཀ་མཚན་དཔེ་དང་གར་དགུ་དང་ལྡན་པ་འོད་ཀྱི་རང་བཞིན་ལ་རང་བཞིན་མེད་པ། སྐུ་ཤིན་ཏུ་ཆེ་བ་མེ་དཔུང་ཀློང་ན་བཞུགས་པའོ། །དེ་ལ་ཡེ་ཤེས་པ་གཞུག་པ་ལ་སོགས་པ་བྱའོ།<br />།གཉིས་པ་ནི་ལྷ་སྐུའི་ནང་དུ། རྩ་གསུམ་ཙཀྲ་བཞི་སྟེ། རྩ་དབུ་མ་ཡར་རྩེ་ཚངས་བུག །མར་རྩེ་གསང་གནས་སོ། །རོ་རྐྱང་གཉིས་ཡར་རྩེ་སྣ་སྒོ་མར་སྣ་ལྟེ་འོག་ཏུའོ། །སྤྱི་བོ་བདེ་བ་ཆེན་པོའི་འཁོར་ལོ་རྩ་འདབ་སུམ་ཅུ་རྩ་གཉིས་གདུགས་ཀྱི་རྩི་བ་མ་ལྟ་བུ་འཐུར་དུ་བལྟ་བ་སྔོན་པོའོ། །མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་དམར་པོ་གྱེན་ལ་བལྟ་བའོ། །སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་ཀར་བརྒྱངས་པ་ལྟ་བུ་སྔོན་པོའོ། །ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི་གྲུ་གུ་ལྟ་བུ་དམར་པོའོ། །གསང་བ་བདེ་སྐྱོང་གི་འཁོར་ལོ་རྩ་འདབ་བཅུ་དྲུག་གི་མདུན་དཀར་པོ་གྱེན་དུ་བལྟ་བའོ། །དེ་ལྟར་རྩ་གསུམ་འཁོར་ལོ་ཕྲུ་མ་བུས་པ་ལྟར་གསལ་ཞིང་དྭངས་པ་སྣང་ལ་རང་བཞིན་མེད་པའི་དབུ་མ་ཤིན་ཏུ་ཡངས་པར་བལྟའོ། །དེ་ནས་སྙིང་གའི་དབུ་མའི་ནང་དུ། ཐུགས་ཀྱི་དགྱེས་མཛད་རྡོ་རྗེ་ཞལ་གཅིག་ཕྱག་གཉིས་ཡུལ་དང་བཅས་པ། གར་དགུ་དང་མཚན་དཔེ་བརྒྱན་པའི་འོད་ཀྱིས་ནམ་མཁའ་ཁྱབ་པ་གོང་གི་བདག་བསྐྱེད་བཞིན་ནོ། །དེའི་རྩ་འདབ་བརྒྱད་དམ་ཐིག་ལེ་ལྷ་མོ་བརྒྱད་དམ་བཅུ་གཉིས་སུ་ལྷག་མོས་བྱའོ། །དགྱེས་མཛད་དེའི་སྐུའི་འོད་ཟེར་སྤྱི་བོའི་དབུ་མར་འཕྲོས་པས་ཧཱུྃ་ངུར་བའི་བསྐུལ་དབྱངས་བྱས་པས་གཙོ་བོ་མི་བསྐྱོད་རྡོ་རྗེ་སྐུ་མདོག་མཐིང་ག་ཞལ་གཅིག་ཕྱག་གཉིས་རྡོ་རྗེ་དྲིལ་བུ་འཛིན་པས་ཡུམ་རེག་བྱ་རྡོ་རྗེ་མ་ཡབ་དང་མཚུངས་པ་ལ་འཁྱུད་པ། པད་ཉིའི་གདན་ལ་ཞབས་རྡོ་རྗེའི་སྐྱིལ་ཀྲུང་གིས་བཞུགས་པའོ། །དེ་ཡང་རྒྱན་རཏྣ་དང་དར་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །དེའི་རྩ་འདབ་དུ་འཁོར་གྱི་ལྷ་སུམ་ཅུ་མོས་པ་བྱའོ། །དགྱེས་མཛད་ཀྱི་གསུང་གི་འོད་ཟེར་མགྲིན་པའི་དབུ་མར་འཕྲོས་པའི་ཧཱུྃ་ལས་མ་ཧཱ་མ་ཡ་སྐུ་མདོག་མཐིང་ག་ཞལ་གཅིག་ཕྱག་གཉིས་སྤྱན་གསུམ་པ། དབུ་སྐྲ་སེར་པོ་ཕྱག་གཉིས་མདའ་གཞུའོ། །ཡང་ན་རྡོ་རྗེ་དྲིལ་བུ་འཛིན་པས། ཡུམ་སངས་རྒྱས་མཁའ་འགྲོ་ཡབ་དང་མཚུངས་པ་ལ་འཁྱུད་པའོ། །ཞབས་གཡས་རྐྱང་གཡོན་བསྐུམ་པས་པད་ཉི་དང་རོའི་གདན་ལ་བཞེངས་པ་མེ་དཔུང་ཀློང་ན་བཞུགས་པའོ། །དེ་ལ་ཡབ་ཡུམ་གཉིས་ཀའི་ཡན་ལག་ཐམས་ཅད་ཐལ་བས་བྱུགས་པའོ། །མི་ལྤགས་དང་། ཕྱག་རྒྱ་དྲུག་དང་ལྔ་དང་། མི་མགོ་སྐམ་རློན་དོ་ཤལ་ཅན། གར་དགུ་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །ཕྱོགས་ཀྱི་རྩ་འདབ་བཞི་ལྷ་མོ་བཞིར་མོས་པ་བྱའོ། །དགྱེས་མཛད་ཀྱི་ཡོན་ཏན་གྱི་འོད་ཟེར་ལྟེ་བའི་དབུ་མར་འཕྲོས་པའི་ཧཱུྃ་དེ་ལས་བདེ་མཆོག་འཁོར་ལོ་ཞལ་གཅིག་ཕྱག་གཉིས་སྤྱན་གསུམ་པ་རལ་པའི་ཐོར་ཅོག་ཅན། རྡོ་རྗེ་དྲིལ་བུ་འཛིན་པས། ཡུམ་ཕག་མོ་སིན་དྷུ་ར་ལྟར་མཛེས་པ་གྲི་ཐོད་བསྣམས་པ་ལ་འཁྱུད་པའོ། །ཞབས་གཡས་རྐྱང་གཡོན་བསྐུམ་པས་འཇིགས་བྱེད་དུས་མཚན་དང་། པད་ཉིའི་གདན་ལ་བསྐལ་པའི་མེ་དཀྱིལ་ན་བཞུགས་པའོ། །དེ་ལ་ཡབ་ཀྱི་སྤྱི་བོར་རྡོ་རྗེ་རྒྱ་གྲམ་ཟླ་བ་ཕྱེད་དེ། །ཡབ་ཡུམ་གཉིས་ཀ་ཐོད་པ་ལྔ་དང་། ཕྱག་རྒྱ་དྲུག་དང་ལྔས་བརྒྱན་པའོ། །མི་མགོ་ལྔ་བཅུའི་དོ་ཤལ་སྟག་གི་པགས་པའི་ཤམ་ཐབས་ཅན། གར་དགུ་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །རྩ་རླུང་ཐིག་ལེ་འཁོར་ལོ་ལྔའི་ལྷར་མོས་པར་བྱའོ། །དགྱེས་མཛད་ཀྱི་ཕྲིས་ཀྱི་འོད་ཟེར་གསང་བ་བདེ་སྟོང་གི་དབུ་མར་འཕྲོས་པའི་ཧཱུྃ་ལས་རྡོ་རྗེ་འཇིག་བྱེད་མཐིང་ནག་ཞལ་གཅིག་ཕྱག་གཉིས་པ། མ་ཧེའི་གདོངས་པ་ཅན་རྭ་རྣོ་བ། དབུ་སྐྲ་སེར་པོ་ཐོད་པས་བརྒྱན་པ། སྤྱན་གསུམ་དམར་བ། མཆེ་བ་གཙིགས་པ། ལྗགས་འདྲིལ་བ། ཧ་ཧའི་གད་རྒྱངས་སྒྲོག་པ། གཡས་རྡོ་རྗེ་གྲི་གུག །གཡོན་ཐོད་ཁྲག་འཛིན་པའོ། །ཡུམ་རྡོ་རྗེ་ཕག་མོ་དམར་མོ་གྲི་ཐོད་ཅན་ལ་འཁྱུད་པའོ། །ཡབ་ཀྱི་སྐུ་ལུས་ཐུང་ཞིང་སྦོམ་པའོ། །གསུས་ཁྱིམ་ཆེ་བ། སྦྲུལ་དང་རུས་པ་མི་མགོས་བརྒྱན་པའོ། །སྟག་ལྤགས་ཀྱི་ཤམ་ཐབས་ཅན། །དུས་མཐའི་མེ་ལྟར་འཇིགས་པ་པད་ཉིའི་གདན་ལ་ཞབས་གཡས་བསྐུམ་གཡོན་རྐྱང་བས་བཞུགས་པ། མེ་དཔུང་གི་ཀློང་ན་གར་དགུ་དང་། མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པར་བལྟའོ། །དེ་རྣམས་ཆོ་ག་གསུམ་དང་ཧཱུྃ་ལས་བསྐྱེད་པར་བྱའོ།<br />།དྲུག་པ་ཐུགས་ཀའི་ཉི་མའི་སྟེང་གི་ཧཱུྃ་ལྔའི་འོད་ཟེར་ལྔས་རྒྱུད་སྡེ་ལྔའི་ཡེ་ཤེས་པ་སྤྱན་དྲངས་ལ། ཛཿཧཱུྃ་བྃ་ཧོཿས་དགུག་གཞུག་བྱའོ།<br />།བདུན་པ་ནི། གཙོ་བོ་ལྔའི་གནས་གསུམ་དུ། ཨོཾ་ཨཱཿཧཱུྃ་དང་སྐྱེ་མཆེད་དྲུག་བྱིན་གྱིས་རླབ་པར་བྱའོ།<br />།བརྒྱད་པ་ནི། ཧཱུྃ་གི་འོད་ཟེར་གྱིས་ནམ་མཁའ་རིགས་ལྔར་སྤྱན་དྲངས་ལ། ཕྱི་ནང་གསང་གསུམ་གྱིས་མཆོད་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་མཾ་གྱིས་གསོལ་བ་བཏབ་པ་དང་། ཐུགས་ཀ་ནས་རིགས་ཀྱི་ཡུམ་ལྔ་རང་གི་སྤྱི་བོར་བྱོན་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡེ་ཧཱུྃ། ཞེས་བརྗོད་ཅིང་བུམ་པས་དབང་བསྐུར་བས། ཆུ་སྤྱི་བོར་འཁྱིལ་བ་ལས་སྤྲུལ་སྐུའི་མི་བསྐྱོད་པ་ལྔས་དབུ་བརྒྱན་པར་བསམ་མོ།<br />།དགུ་པ་ནི། ཨོཾ་བཛྲ་དྷྲྀཀ་ཧཱུྃ་སྭཱ་ཧཱ། ཨོཾ་སརྦ་པརྴ་བཛྲི་ཧཱུྃ་སྭཱ་ཧཱ། གསང་འདུས་གསལ་བར་བལྟའོ།<br />།ཨོཾ་སརྦ་ཏྲཻ་ལོ་ཀྱ་ཨཀྵེ་ས་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཡང་ན། ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། དགྱེས་མཛད་དོ།<br />།ཨོཾ་བཛྲ་བཻ་རོ་ཙ་ནཱི་ཡེ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་བཻ་རོ་ཙ་ནཱི་བཛྲ་ཧཱུྃ་ཧཱུྃ་ཕཊ་སྭཱ་ཧཱ། བདེ་མཆོག་གོ<br />།ཨོཾ་ཨཱ་ཧྲཱི་ཧཱུྃ་ཕཊ་སྭཱ་ཧཱ། ཨོཾ་བུདྡྷ་ཌཱ་ཀི་ནི་ཨ་ཧྲཱི་ཧཱུྃ། སྒྱུ་མ་ཆེན་མོའོ།<br />།ཨོཾ་ཧྲཱིཿཥྚི་ཝི་ཀྲྀ་ཏ་ན་ན་ཧཱུྃ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཧཱུྃ་ཕཊ། རྡོ་རྗེ་འཇིགས་བྱེད་དོ། །དགྱེས་མཛད་བདེ་མཆོག་གི་ཡུམ་སྔགས་དེ་ཉིད་དོ།<br />།དེ་ལྟར་སྔགས་ཀྱིས་གཙོ་བོ་ཡབ་ཡུམ་ལྔ་གསལ་བར་བལྟའོ། །ལྷ་སྐུ་དེ་རྣམས་གསལ་སྟོང་བདེ་བའི་རང་བཞིན་དུ་ཡུན་རིང་དུ་གནས་པར་བྱའོ།<br /><br />།གཉིས་པ་རྫོགས་རིམ་པ་ནི། སྤྱི་བོའི་གསང་འདུས་ཡབ་ཡུམ་སྙོམས་འཇུག་བྱས་བདེ་བར་ཞུ་ནས། ཐིག་ལེ་ངང་པའི་སྒོ་ང་ཙམ་ལས་མི་ཆུང་བ་ཙམ་པ་དཀར་ལ་དྭངས་པ་འོད་དང་འོད་ཟེར་གྱི་རང་བཞིན་མིག་གིས་བལྟར་མི་བཟོད་པ་ལྟ་བུར་བསམ་པའོ། །དེས་ན་ཐིག་ལེ་དེ་བདེ་བ་གསལ་བ་མི་རྟོག་པ་རང་བཞིན་མེད་པས་དབྱེར་མེད་པའི་ཟུང་འཇུག་གོ །དེ་ལྟར་སེམས་དང་ཐིག་ལེ་དབྱེར་མེད་པ་སྟེ། མི་རྟོག་པ་མ་བཅོས་པ། ཡིད་ལ་མི་བྱེད་པ། རང་བཞིན་མེད་པ་ཞེས་བྱ་སྟེ། དེ་ནི་བརྗོད་དུ་མེད་པའོ། །དེ་ཉིད་ལ་བློ་ཡི་བྱིང་རྒོད་ཐམས་ཅད་སྤངས་ནས་རྩེ་གཅིག་ཏུ་ཉམས་སུ་བླང་བར་བྱའོ། །དེ་བཞིན་དུ་མགྲིན་པའི་དང་། ལུས་ཕྱི་ནང་དང་། སྣང་བ་ཐམས་ཅད་ལའོ། །སྙིང་གའི་དང་ལུས་ཕྱི་ནང་ལའོ། །གསང་གནས་དང་ལུས་ཕྱི་ནང་དང་སྣང་བ་ཐམས་ཅད་ལ་ཤེས་པར་བྱའོ། །དེ་ལྟར་ཐུན་གསུམ་མམ་བཞིར་ཉམས་སུ་བླངས་ནས། སྤྱི་བོ་མགྲིན་པའི་ཐིག་ལེ་སྙིང་ཀ་ལ་ཐིམ་པའམ། ཡང་ན་ལྟེ་བ་ལ་ཐིམ་ནས། ཐིག་ལེ་བདེ་གསལ་མི་རྟོག་པ་སྟོང་པ་རང་བཞིན་མེད་པ་ཡིད་ལ་མི་བྱེད་པའི་དོན་དེ་ཉིད་ལ་མཉམ་བཞག་དང་སྤྱོད་ལམ་ཐམས་ཅད་དུ་བསམ་པ་གཞན་ཐམས་ཅད་སྤངས་ནས། ཐིག་ལེ་དེ་ལ་སེམས་རྩེ་གཅིག་ཏུ་རྒྱུན་ཆད་མེད་པར་གསལ་བར་བྱའོ། །དེས་ནི་ལོ་ཟླ་ཙམ་གྱིས་ལམ་ལྔ་དང་ཕྱག་རྒྱ་བཞིའི་རྟགས་རྣམས་རྫོགས་པར་འགྱུར་རོ།<br /><br />།གསུམ་པ་བསྐྱེད་རྫོགས་ཀྱི་རིམ་པ་ལ་བཞི་སྟེ། ཕྱི་ལྟར་ཉམས་སུ་བླང་བ་དང་། ནང་ལྟར་ཉམས་སུ་བླང་བ། གསང་བ་ལྟར་ཉམས་སུ་བླང་བ། དེ་ཁོ་ན་ལྟར་ཉམས་སུ་བླང་བའོ།<br />།དང་པོ་ནི། དཔལ་ལྡན་འབྲས་སྤུངས་ཀྱི་མཆོད་རྟེན་དེ། རྒྱུ་རིན་པོ་ཆེ་བཞིའམ་ལྔ་ལས་གྲུབ་པ། ཕྱི་མཆོད་རྟེན་གྱི་དབྱིབས་སུ་ཡོད་པ། ནང་གཞལ་ཡས་ཁང་དང་། རྒྱུད་སྡེ་ལྔའི་ཚོགས་སུ་ཡོད་དེ། ཤར་སྒོ་ཕྱེ་བས་དབུས་ན་གསང་བ་འདུས་པ་དང་། ཤར་ན་དགྱེས་མཛད་རྡོ་རྗེ་སྣང་ངོ་། །ལྷོ་སྒོ་ཕྱེ་བས་བདེ་མཆོག་གོ །ནུབ་སྒོ་ཕྱེ་བས་མ་ཧཱ་མ་ཡའོ། །བྱང་སྒོ་ཕྱེ་བས་འཇིགས་བྱེད་ཀྱི་ལྷ་ཚོགས་སུ་སྣང་ངོ་། །རེ་རྣམས་ཀྱང་དགྱེས་རྡོར་གྱི་སྐུ་གསུང་ཐུགས་ཡོན་ཏན་ཕྲིས་ལྔ་ལས་འབྱུང་སྟེ། དགྱེས་མཛད་ཀྱི་སྐུའི་སྣང་བ་ལ་གསང་འདུས་སོ། །གསུང་ལས་མ་ཧཱ་མ་ཡའོ། །ཐུགས་ལས་དགྱེས་མཛད་དོ། །ཡོན་ཏན་ལ་བདེ་མཆོག་གོ །འཕྲིས་ལ་འཇིགས་བྱེད་དུ་ཤར་བའི་སྣང་བའོ། །དེས་ན་ཧེ་བཛྲ་ལྷ་གཅིག་ཏུ་བསྒོམ་པས། རྒྱུད་སྡེ་ལྔའི་ལྷ་ཚོགས་དང་རྒྱལ་བ་ཐམས་ཅད་བསྒོམ་པར་འགྲོ་སྟེ། <br />རིན་ཆེན་རྒྱ་མཚོ་ལས། རྒྱལ་བ་གཅིག་བསྒོམས་སངས་རྒྱས་ཀུན་གྱི་རང་། །སངས་རྒྱས་ཐམས་ཅད་རིགས་ལྔའི་རང་བཞིན་ནོ། །ཞེས་སོ། <br />།དེས་ན་རྒྱུད་སྡེ་ལྔ་གང་འདོད་ཀྱི་སེམས་ཀྱི་དཀྱིལ་འཁོར་དུ་སྣང་སྟེ། གསང་འདུས་དགྱེས་རྡོར་མཐོང་བར་འདོད་ན་ཤར་སྒོ་བྱེའོ། །དེ་བཞིན་དུ་གང་འདོད་སྒོ་ཕྱེ་ནས། ལྷ་དེ་སེམས་ཀྱི་དཀྱིལ་འཁོར་དུ་ཤེས་པར་བྱས་ལ། བསྒྲུབས་པས་མྱུར་དུ་མཐོང་བར་འགྱུར་རོ། །དེས་ནི་ཕྱི་ལྟར་བཤད་པའི་ཉམས་སུ་བླང་བར་བསྟན་ཏོ།<br />།གཉིས་པ་ནི། འབྲས་སྤུངས་སུ་རིན་པོ་ཆེ་བཞིའམ་ལྔ་ལས་གྲུབ་པའི་ཕྱི་མཆོད་རྟེན་དུ་སྣང་བ་ལྟར། རང་གི་ལུས་ཀྱང་འབྱུང་བ་བཞི་ལས་གྲུབ་པའི་ཕྱི་ལྟར་སྣང་བའོ། །དེ་ན་དགྱེས་མཛད་གཅིག་པུ་བསྒོམས་པས་རྒྱུད་སྡེ་ལྔ་བསྒོམས་པར་འགྲོ་སྟེ། ཧེ་བཛྲ་གྱི་སྐུ་གསུང་ཐུགས་ཡོན་ཏན་ཕྲིན་ལས་ལྔའི་འོད་ཟེར་ལྔ་གནས་ལྔར་འཕྲོས་པས་རྒྱུད་སྡེ་ལྔའི་ལྷ་ཚོགས་སུ་ཤར་ཞིང་སྣང་བའོ། །འབྲས་སྤུངས་ཀྱི་ནང་གཞལ་ཡས་ཁང་དང་རྒྱུད་སྡེ་ལྔའི་ལྷར་སྣང་བ་ལྟར། ནང་ལུས་ཀྱི་འཁོར་ལོ་ལྔ་རྒྱུད་སྡེ་ལྔའི་ལྷ་ཚོགས་སུ་ཤར་ཞིང་སྣང་བའོ། །དེས་ནི་ནང་ལྟར་ཉམས་སུ་བླང་བ་བསྟན་ཏོ།<br />།གསུམ་པ་ནི། གནས་ལྔའི་ཞུ་བདེའི་ཐིག་ལེ་དེ། བདེ་བ་གསལ་བ་མི་རྟོགས་པ། སྟོང་པ་དབྱེར་མི་ཕྱེད་པའི་ཟུང་འཇུག་གོ །དེ་ཉིད་མི་རྟོག་པ་མ་བཅོས་པ་གང་བཞིན་ནོ།<br />།བཞི་པ་ནི། སྒུ་གསུང་ཐུགས་ཡོན་ཏན་ཕྲིས་ཀྱི་འོད་ཟེར་ལྔའི་དོན། ཡེ་ཤེས་ལྔ་ལ་རྟགས་ལྷ་ལྔའི་ལྷ་ཚོགས་ལྔ་ཡིན་ཏེ། སྤྱི་བོའི་སྐུའི་འོད་ཟེར་དཀར་པོའི་དོན། མེ་ལོང་ལྟ་བུའི་ཡེ་ཤེས་ལ་གསང་འདུས། ལུས་བདེ་བར་ཤར་བ་ནི་བུམ་དབང་སྤྲུལ་སྐུའོ། །མགྲིན་པའི་གསུང་གི་འོད་ཟེར་དམར་པོའི་དོན་སོ་སོར་རྟོག་པའི་ཡེ་ཤེས་ལ་རྟགས་མ་ཧཱ་མ་ཡ་ཡབ་ཡུམ་བདེ་གསལ་དུ་ཤར་བས་དབང་གསུམ་པ་ཆོས་སྐུའོ། །ལྟེ་བའི་ཡོན་ཏན་གྱི་འོད་ཟེར་སེར་པོའི་དོན་མཉམ་ཉིད་ཡེ་ཤེས་ལ། རྟགས་རིན་འབྱུང་ལུས་ངག་ཡིད་གསུམ་ཐ་དད་དུ་འཛིན་པ་སྟེ་སྟོང་པ་བརྗོད་བྲལ་དུ་ཤར་བ་ནི་དབང་བཞི་པ་བདེ་བ་ཆེན་པོའི་སྐུའོ། །གསང་གནས་བདེ་སྐྱོང་འཕྲིན་ལས་ཀྱི་འོད་ཟེར་ལྗང་གུའི་དོན་བྱ་བ་གྲུབ་པའི་ཡེ་ཤེས་ལ། རྟགས་འཕྲིན་ལས་ལྷུན་གྱིས་གྲུབ་པའི་དོན་ཡོད་གྲུབ་པའི་བདེ་གསལ་མི་རྟོག་པ་སྟོང་པ་དབྱེར་མི་ཕྱེད་པའི་ཟུང་འཇུག་རྡོ་རྗེ་འཆང་གི་སྐུར་ཤར་བའོ། །དེ་ལྟར་སྐུ་གསུང་ཐུགས་ཡོན་ཏན་འཕྲིན་ལས་མི་ཟད་པ་རྒྱན་གྱི་འཁོར་ལོས་འཁོར་བ་མ་སྟོངས་བར་དུ་གཞན་དོན་ལྷུན་གྲུབ་རང་ཤར་དུ་འབྱུང་བར་འགྱུར་རོ། །དེས་ནི་དེ་ཁོ་ན་ཉིད་ལྟར་བཤད་པའམ་ཉམས་སུ་བླང་བ་བསྟན་ནོ།<br /><br />།བཞི་པ་ནི། ཟས་ཀྱི་རྣལ་འབྱོར་དང་། གཏོར་མ་ཞལ་ལས་ཤེས་པར་བྱའོ། །དེ་ལ་སྦྱང་གཞི་ཕུང་པོ་ལྔའམ་ལུས་ངག་ཡིད་གསུམ་ལྟེ་བ་དང་གསང་གནས་དང་ལྔའོ། །དེའི་སྦྱོང་བྱེད་འོད་ཟེར་ལྔ་དོན་ཡེ་ཤེས་ལྔའོ། །རྟགས་གནས་ལྔའི་རྒྱུད་སྡེ་ལྔའི་བསྐྱེད་རིམ་རིགས་ལྔའོ། །སྦྱང་གཞི་མ་རིག་པའམ་དུག་ལྔའོ། །སྦྱོང་བྱེད་གནས་ལྔའི་ཐིག་ལེ་ལྔ། བདེ་བ། གསལ་བ། མི་རྟོག་པ། སྟོང་པ། དབྱེར་མི་ཕྱེད་པ་ལྔའི་ཟུང་འཇུག་དང་རྫོགས་རིམས་སོ། །དེ་ལྟར་རྒྱུད་སྡེ་ལྔའི་བསྐྱེད་རྫོགས་ཀྱི་རང་བཞིན་འབྲས་བུའི་དབང་དང་བཅས་པ་འདི། བཀའ་རྒྱུད་སྡེའི་དགོངས་པ། མཁའ་འགྲོའི་སྲོག་སྙིང་། མཁས་གྲུབ་ཆེན་པོ་རྣམས་ཀྱི་ཐུགས་བཅུད། ལོ་ཟླས་སངས་མི་རྒྱ་མི་སྲིད་པའོ། །སྟན་ཐོག་གཅིག །ཐུན་གཅིག །སྐད་ཅིག་མ་གཅིག་ལ་ལམ་ལྔ། རིམ་པ་ལྔ། ཕྱག་རྒྱ་བཞི་ཉམས་སུ་ལེན་པའི་ཆིག་བརྒྱུད་འདི་ནི་བདག་[[Khyungpo Neljor|ཁྱུང་པོ་རྣལ་འབྱོར་པ]]འི་ལུགས་སོ། །ཨྀཐི།<br /><br />བླ་མ་རིན་པོ་ཆེའི་ཞལ་ནས། ངས་གསེར་འཕང་མེད་ཁྱེར་ནས། ལྷོ་བྱང་གར་ཕྱིན་ཡང་གདམས་པ་འདི་ལས་ཟབ་པ་དང་། རྟགས་མ་བྱུང་ན་རྡོ་རྗེ་འཆང་དང་ངས་བསླུས་པ་ཡིན་ནོ། འདི་རྟགས་མི་འབྱུང་མི་སྲིད། ལོ་གསུམ་ན་དག་པ་བདེ་སྟོང་གི་མཁའ་སྤྱོད་དུ་མི་འགྲོ་མི་སྲིད་དོ། །ལོ་ཟླས་སངས་རྒྱས་མི་ཐོབ་མི་སྲིད་དོ། །ཡང་ལོ་གཉིས་བསྒོམས་པས་དག་པ་མཁའ་སྤྱོད་དུ་འགྲོ་བའི་རྟགས་རྫོགས་པར་འབྱུང་བ་ཡིན་ཏེ། ཞུད་མ་བསྲུངས་པས་འགྱངས་འདུག་པས། ད་ཁྱོད་ཞུད་བསྲུངས་ལ་བསྒོམས་ཤིག་གསུངས་ངོ་། །བླ་མ་འདར་ཁར་རིན་པོ་ཆེ་བརྩོན་འགྲུས་ཞུད་བསྲུངས་ལ་སྒོམས་ཤིག །ལོ་གསུམ་ལ་མི་འགྲུབ་མི་སྲིད་གསུངས་སོ། །རྒྱུད་སྡེའི་མངོན་པར་རྟོགས་པ་བསྡུས་པ། མཁས་གྲུབ་ཆེན་པོ་རྣམས་ཀྱི་ཐུགས་བཅུད། ཀུན་ལས་ཁྱད་པར་དུ་འཕགས་པ་འདི་ཡོངས་སུ་རྫོགས་སོ། <br />།མ་འགྱུར་སེམས་ཅན་ཐམས་ཅད་ཀྱིས་རྒྱལ་བ་སྐུ་ལྔའི་གོ་འཕང་ཐོབ་པར་གྱུར་ཅིག། །།</span>

Revision as of 16:28, 24 June 2019








Resource ID SCv8p209
Title rgyud sde lnga'i mngon par rtogs pa
Topics Five Tantra Classes
Sub-Topics Canonical description
Author Khyungpo Neljor
Link BDRC W23922
BDRC W3CN18508

༄༅། །རྒྱུད་སྡེ་ལྔའི་མངོན་པར་རྟོགས་པ་བཞུགས་སོ།། །།

བླ་མ་དམ་པའི་ཞབས་ལ་གུས་པས་ཕྱག་འཚལ་ལོ།
།རྒྱལ་བ་ལོངས་སྐུ་དྲུག་པ་རྡོ་རྗེ་འཆང་། །མཚན་དང་དཔེ་བྱད་གར་གྱི་ཉམས་དགུར་ལྡན། །རིགས་ཀྱི་གཙོ་བོ་ལྔ་ལ་གུས་བཏུད་ནས། །དེ་ཉིད་ཉམས་ལེན་བཀའ་རྒྱུད་ལས་འོངས་བྲི། །དེ་ལ་རང་ལུས་རྒྱལ་བ་ལྔའི་དཀྱིལ་འཁོར་དུ་གནས་པ་ལྷག་མོས་ཀྱིས་གསལ་གདབ་ལ་ལྔ་སྟེ། གང་གིས་སྒྲུབ་པའི་གང་ཟག །གང་དུ་སྒྲུབ་པའི་གནས། །གང་དང་འགྲོགས་པའི་གྲོགས། གང་དགོས་པའི་རྫས། ཇི་ལྟར་སྒྲུབ་པའི་ཐབས་སོ།
དང་པོ། གཉིས་པ། གསུམ་པ། བཞི་པ། མེད་པ་རྣམས་གཞན་དུ་ཤེས་པར་བྱའོ།
།ལྔ་པ་ལ་བཞི་སྟེ། བསྐྱེད་རིམ། རྫོགས་རིམ། བསྐྱེད་རིམ་གྱི་རང་བཞིན་ཐུན་མཚམས་སོ།
།དང་པོ་ལ་དགུ་སྟེ། བསྲུང་འཁོར་བྱ་བ། བསོད་ནམས་ཀྱི་ཚོགས་བསགས་པ། ཚད་མེད་པ་བསྒོམ་པ། ཡེ་ཤེས་ཀྱི་ཚོགས་བསག་པ། དམ་ཚིག་པ་བསྐྱེད་པ། ཡེ་ཤེས་པ་གཞུག་པ། གནས་གསུམ་བྱིན་གྱིས་རླབས་པ། དབང་བསྐུར་རྒྱས་གདབ་བྱ་བ། བཟླས་པ་གསལ་བཏབ་པའོ།
།དང་པོ་ནི། རྟེན་དགྲམ། མཎྜལ་མེ་ཏོག་བཀོད། མཆོད་གཏོར་བཤམས། ཐོ་རངས་ནམ་གྱི་བརྒྱད་ཆ་ནས་ལངས་ཏེ། ཁྲུས་བྱས། སྟན་བདེ་བ་འདུག་ནས། སེམས་ཅན་ཐམས་ཅད་འཁོར་བའི་སྡུག་བསྔལ་གྱི་རྒྱ་མཚོ་ལས་བསྒྲལ་ནས། རྡོ་རྗེ་འཆང་གི་གོ་འཕང་ལ་འགོད་པར་བྱ་སྙམ་དུ་སེམས་བསྐྱེད་དོ།
།དེ་ནས། ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ་གིས་བསྔགས་ཏེ། ཡེ་ཤེས་ལྔ་དངོས་ཀྱི་ཧཱུྃ་ལས་རྡོ་རྗེ་ཧཱུྃ་གིས་མཚན་པར་གྱུར། །དེའི་འོད་ཟེར་ལྔས་སེམས་ཅན་མ་ལུས་པར་སྦྱངས་པ་སྙིང་གར་ཐིམ་ནས་ཞུ་བའི་ཐིག་ལེ་ལས། བདག་ཉིད་དགྱེས་པ་རྡོ་རྗེ་སྐུ་མདོག་སྔོན་པོ་ཞལ་གཅིག་ཕྱག་གཉིས་ཡུམ་དང་གཉིས་སུ་མེད་པའི་གཡས་རྐྱང་བས་ཚངས་པ། དབང་ཕྱུག་ཆེན་པོ། པད་ཉིའི་གདན་ལ་བཞུགས་པའོ།
།དེ་ནས་རྡོ་རྗེ་ཐོད་སྦྱོར་གྱི་ཕྱག་རྒྱ་བཅས་ལ། ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ་ཞེས་བརྗོད་པས་ཐུགས་ཀའི་ཧཱུྃ་ལས་རཾ་གཅིག་དབུ་མ་ནས་མདུན་དུ་ཆད་པ་ལས་ཉི་མའི་དཀྱིལ་འཁོར་དཔག་ཚད་བརྒྱར་གྱུར་པའི་སྟེང་དུ་ཧཱུྃ་ལས་རྡོ་རྗེ་རྒྱ་གྲམ་ལྟེ་བ་མཐིང་ག །ཤར་གྱི་རྭ་གསུམ་དཀར། ལྷོ་སེར། ནུབ་དམར། བྱང་ལྗང་གུར་གྱུར་པའོ།
།དེ་ཉིད་རྒྱ་ཆེ་བས་ས་གཞི་དཔངས་མཐོ་བས་བརྩིག་པ། རྡོ་རྗེའི་རྭ་རྣམས་སྟེང་དུ་འདུས་པ་བླ་རེའོ།
།དེ་ནས་རྡོ་རྗེའི་སྟེང་དང་། ཕྱོགས་བཞི་ནས་ཧཱུྃ་ཁ་དོག་ལྔ་འཕྲོས་པ་ལས། རྡོ་རྗེ་རྩེ་གཅིག་པ། གཉིས་པ། གསུམ་པ། བཞི་པ། ལྔ་པ། དྲུག་པ། བདུན་པ། བརྒྱད་པ། དགུ་པ་རྣམས་ཀྱིས་བར་མཚམས་མེད་པར་གཏམས་པ་དང་། འོག་གི་ཉི་མ་ལས་མེ་འབར་བ་ལས་མེ་འབར་བ་དང་། ཕྱིའི་རྡོ་རྗེ་རྣམས་ཁྲོ་ཆུང་ལྟར་ཞུ་ནས། སྲིད་པའི་རླུང་གིས་ཀྱང་མི་ཐར་བའི་བསྲུང་འཁོར་དཔག་ཚད་བྱེ་བ་ཙམ་དུ་གྱུར་པར་བསམ་མོ།
།གཉིས་པ་ནི། ཧཱུྃ་གི་འོད་ཟེར་གྱིས་ལྷ་དང་བླ་མ། སངས་རྒྱས་དང་བྱང་ཆུབ་སེམས་དཔའ་གྲུབ་མཐའ་བཞིས་སྤྱན་དྲངས་ལ་བདུན་རྣམ་དག་བྱའོ།
།ཡང་ན་དེ་རྣམས་ལ་སྐྱབས་འགྲོ་བྱས་དཔང་པོར་བཞག་པས། ཞེ་ཐག་པ་ནས། སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བྱམས་པ། སྡུག་བསྔལ་ཐམས་ཅད་ལས་སྐྱོབ་པའི་སྙིང་རྗེ། རྡོ་རྗེ་འཆང་གི་གོ་འཕང་ལ་འགོད་པའི་བྱང་ཆུབ་ཀྱི་སེམས་བསྒོམས་པའི་སྟོབས་ཀྱིས། བཅོམ་ལྡན་ཐུགས་རྗེའི་དབང་གིས་མདུན་བྱོན་ཏེ། །དེའི་འོད་ཟེར་བདག་ལ་འཕོག་པས། ཕུང་པོ་ཁམས། སྐྱེ་མཆེད། ནད་གདོན་སྡིག་སྒྲིབ་ཐམས་ཅད་དག་ནས། མེ་ལོང་གསལ་བ་ལ་གཟུགས་བརྙན་ཤར་བ་ལྟར། རང་ཉིད་དང་མདུན་གྱི་ལྷ་དབྱེར་མེད་དུ་གྱུར་པ་ནི། བསྲུང་བ་རྣམས་ཀྱི་མཆོག་ཏུ་འགྱུར་པའོ།
།གསུམ་པ་ནི། ཚད་མེད་པ་བཞིའི་འོད་ཟེར་འཕྲོས་ནས། སེམས་ཅན་ཐམས་ཅད་བདེ་བ་དང་ལྡན་པར་འདོད་པའི་བྱམས་པ།
སྡུག་བསྔལ་ཐམས་ཅད་ལས་སྐྱོབ་པའི་སྙིང་རྗེ་དང་། བདེ་བ་ཐམས་ཅད་དང་མི་འབྲལ་བ་ལ་སྤྲོ་བའི་དགའ་བ། ཀུན་ནས་སེམས་སྙོམས་པའི་བཏང་སྙོམས་བསྒོམ་པར་བྱའོ།
།བཞི་པ་ལ་བཞི་ལས། སྔགས་ཀྱིས་གྲུབ་པ་ནི། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅་ཧཾ་ གིས་ཕྱིའི་བཟུང་ཡུལ་རང་བཞིན་མེད་པར་ཤེས་པའོ།
།ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཤུདྡྷོ྅ཧཾ། གིས་ནང་གི་འཛིན་བྱེད་རང་བཞིན་མེད་པར་ཤེས་པའོ།
།ལྔ་པ་ལ་གཉིས་ཏེ། བདག་བསྐྱེད་པ། གནས་ལྔར་བསྐྱེད་པའོ།
།དང་པོ་ནི་ཆོ་ག་གསུམ་ལས་བདག་ཉིད་དགྱེས་མཛད་རྡོ་རྗེ་སྐུ་མདོག་སྔོན་པོ་ཞལ་གཅིག་ཕྱག་གཉིས་པ། རྡོ་རྗེ་དང་དྲིལ་བུ་འཛིན་པས་འཁྱུད་པའོ། །དེའི་ཡུམ་རྡོ་རྗེ་ཕག་མོ་མཐིང་ག་ཞལ་གཅིག་ཕྱག་གཉིས་ཐོད་པ། གཡས་གྲི་གུག་འཕྱར་བའོ། །ཡབ་ལ་སྣ་ཚོགས་རྡོ་རྗེ་དང་། ཟླ་བ་ཕྱེད་པས་བརྒྱན་པའོ། །དེ་ལྟར་ཡབ་ཡུམ་གཉིས་ཀ་ཕྱག་རྒྱ་དྲུག་དང་ལྔས་བརྒྱན་པ། མི་མགོ་སྐམ་རློན་ལྔ་བཅུ་དང་། སྟག་གི་ཤམ་ཐབས་ཅན། སྣ་ཚོགས་པད་ཉིའི་སྟེང་ན་ཞབས་གཡས་རྐྱང་བས་ཚངས་པ་མནན་པ། གཡོན་བསྐུམ་པས་དབང་ཕྱུག་ཆེན་པོ་མནན་པའོ། །དེ་ལ་ཡབ་ཡུམ་གཉིས་ཀ་མཚན་དཔེ་དང་གར་དགུ་དང་ལྡན་པ་འོད་ཀྱི་རང་བཞིན་ལ་རང་བཞིན་མེད་པ། སྐུ་ཤིན་ཏུ་ཆེ་བ་མེ་དཔུང་ཀློང་ན་བཞུགས་པའོ། །དེ་ལ་ཡེ་ཤེས་པ་གཞུག་པ་ལ་སོགས་པ་བྱའོ།
།གཉིས་པ་ནི་ལྷ་སྐུའི་ནང་དུ། རྩ་གསུམ་ཙཀྲ་བཞི་སྟེ། རྩ་དབུ་མ་ཡར་རྩེ་ཚངས་བུག །མར་རྩེ་གསང་གནས་སོ། །རོ་རྐྱང་གཉིས་ཡར་རྩེ་སྣ་སྒོ་མར་སྣ་ལྟེ་འོག་ཏུའོ། །སྤྱི་བོ་བདེ་བ་ཆེན་པོའི་འཁོར་ལོ་རྩ་འདབ་སུམ་ཅུ་རྩ་གཉིས་གདུགས་ཀྱི་རྩི་བ་མ་ལྟ་བུ་འཐུར་དུ་བལྟ་བ་སྔོན་པོའོ། །མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་དམར་པོ་གྱེན་ལ་བལྟ་བའོ། །སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་ཀར་བརྒྱངས་པ་ལྟ་བུ་སྔོན་པོའོ། །ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི་གྲུ་གུ་ལྟ་བུ་དམར་པོའོ། །གསང་བ་བདེ་སྐྱོང་གི་འཁོར་ལོ་རྩ་འདབ་བཅུ་དྲུག་གི་མདུན་དཀར་པོ་གྱེན་དུ་བལྟ་བའོ། །དེ་ལྟར་རྩ་གསུམ་འཁོར་ལོ་ཕྲུ་མ་བུས་པ་ལྟར་གསལ་ཞིང་དྭངས་པ་སྣང་ལ་རང་བཞིན་མེད་པའི་དབུ་མ་ཤིན་ཏུ་ཡངས་པར་བལྟའོ། །དེ་ནས་སྙིང་གའི་དབུ་མའི་ནང་དུ། ཐུགས་ཀྱི་དགྱེས་མཛད་རྡོ་རྗེ་ཞལ་གཅིག་ཕྱག་གཉིས་ཡུལ་དང་བཅས་པ། གར་དགུ་དང་མཚན་དཔེ་བརྒྱན་པའི་འོད་ཀྱིས་ནམ་མཁའ་ཁྱབ་པ་གོང་གི་བདག་བསྐྱེད་བཞིན་ནོ། །དེའི་རྩ་འདབ་བརྒྱད་དམ་ཐིག་ལེ་ལྷ་མོ་བརྒྱད་དམ་བཅུ་གཉིས་སུ་ལྷག་མོས་བྱའོ། །དགྱེས་མཛད་དེའི་སྐུའི་འོད་ཟེར་སྤྱི་བོའི་དབུ་མར་འཕྲོས་པས་ཧཱུྃ་ངུར་བའི་བསྐུལ་དབྱངས་བྱས་པས་གཙོ་བོ་མི་བསྐྱོད་རྡོ་རྗེ་སྐུ་མདོག་མཐིང་ག་ཞལ་གཅིག་ཕྱག་གཉིས་རྡོ་རྗེ་དྲིལ་བུ་འཛིན་པས་ཡུམ་རེག་བྱ་རྡོ་རྗེ་མ་ཡབ་དང་མཚུངས་པ་ལ་འཁྱུད་པ། པད་ཉིའི་གདན་ལ་ཞབས་རྡོ་རྗེའི་སྐྱིལ་ཀྲུང་གིས་བཞུགས་པའོ། །དེ་ཡང་རྒྱན་རཏྣ་དང་དར་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །དེའི་རྩ་འདབ་དུ་འཁོར་གྱི་ལྷ་སུམ་ཅུ་མོས་པ་བྱའོ། །དགྱེས་མཛད་ཀྱི་གསུང་གི་འོད་ཟེར་མགྲིན་པའི་དབུ་མར་འཕྲོས་པའི་ཧཱུྃ་ལས་མ་ཧཱ་མ་ཡ་སྐུ་མདོག་མཐིང་ག་ཞལ་གཅིག་ཕྱག་གཉིས་སྤྱན་གསུམ་པ། དབུ་སྐྲ་སེར་པོ་ཕྱག་གཉིས་མདའ་གཞུའོ། །ཡང་ན་རྡོ་རྗེ་དྲིལ་བུ་འཛིན་པས། ཡུམ་སངས་རྒྱས་མཁའ་འགྲོ་ཡབ་དང་མཚུངས་པ་ལ་འཁྱུད་པའོ། །ཞབས་གཡས་རྐྱང་གཡོན་བསྐུམ་པས་པད་ཉི་དང་རོའི་གདན་ལ་བཞེངས་པ་མེ་དཔུང་ཀློང་ན་བཞུགས་པའོ། །དེ་ལ་ཡབ་ཡུམ་གཉིས་ཀའི་ཡན་ལག་ཐམས་ཅད་ཐལ་བས་བྱུགས་པའོ། །མི་ལྤགས་དང་། ཕྱག་རྒྱ་དྲུག་དང་ལྔ་དང་། མི་མགོ་སྐམ་རློན་དོ་ཤལ་ཅན། གར་དགུ་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །ཕྱོགས་ཀྱི་རྩ་འདབ་བཞི་ལྷ་མོ་བཞིར་མོས་པ་བྱའོ། །དགྱེས་མཛད་ཀྱི་ཡོན་ཏན་གྱི་འོད་ཟེར་ལྟེ་བའི་དབུ་མར་འཕྲོས་པའི་ཧཱུྃ་དེ་ལས་བདེ་མཆོག་འཁོར་ལོ་ཞལ་གཅིག་ཕྱག་གཉིས་སྤྱན་གསུམ་པ་རལ་པའི་ཐོར་ཅོག་ཅན། རྡོ་རྗེ་དྲིལ་བུ་འཛིན་པས། ཡུམ་ཕག་མོ་སིན་དྷུ་ར་ལྟར་མཛེས་པ་གྲི་ཐོད་བསྣམས་པ་ལ་འཁྱུད་པའོ། །ཞབས་གཡས་རྐྱང་གཡོན་བསྐུམ་པས་འཇིགས་བྱེད་དུས་མཚན་དང་། པད་ཉིའི་གདན་ལ་བསྐལ་པའི་མེ་དཀྱིལ་ན་བཞུགས་པའོ། །དེ་ལ་ཡབ་ཀྱི་སྤྱི་བོར་རྡོ་རྗེ་རྒྱ་གྲམ་ཟླ་བ་ཕྱེད་དེ། །ཡབ་ཡུམ་གཉིས་ཀ་ཐོད་པ་ལྔ་དང་། ཕྱག་རྒྱ་དྲུག་དང་ལྔས་བརྒྱན་པའོ། །མི་མགོ་ལྔ་བཅུའི་དོ་ཤལ་སྟག་གི་པགས་པའི་ཤམ་ཐབས་ཅན། གར་དགུ་དང་མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པའོ། །རྩ་རླུང་ཐིག་ལེ་འཁོར་ལོ་ལྔའི་ལྷར་མོས་པར་བྱའོ། །དགྱེས་མཛད་ཀྱི་ཕྲིས་ཀྱི་འོད་ཟེར་གསང་བ་བདེ་སྟོང་གི་དབུ་མར་འཕྲོས་པའི་ཧཱུྃ་ལས་རྡོ་རྗེ་འཇིག་བྱེད་མཐིང་ནག་ཞལ་གཅིག་ཕྱག་གཉིས་པ། མ་ཧེའི་གདོངས་པ་ཅན་རྭ་རྣོ་བ། དབུ་སྐྲ་སེར་པོ་ཐོད་པས་བརྒྱན་པ། སྤྱན་གསུམ་དམར་བ། མཆེ་བ་གཙིགས་པ། ལྗགས་འདྲིལ་བ། ཧ་ཧའི་གད་རྒྱངས་སྒྲོག་པ། གཡས་རྡོ་རྗེ་གྲི་གུག །གཡོན་ཐོད་ཁྲག་འཛིན་པའོ། །ཡུམ་རྡོ་རྗེ་ཕག་མོ་དམར་མོ་གྲི་ཐོད་ཅན་ལ་འཁྱུད་པའོ། །ཡབ་ཀྱི་སྐུ་ལུས་ཐུང་ཞིང་སྦོམ་པའོ། །གསུས་ཁྱིམ་ཆེ་བ། སྦྲུལ་དང་རུས་པ་མི་མགོས་བརྒྱན་པའོ། །སྟག་ལྤགས་ཀྱི་ཤམ་ཐབས་ཅན། །དུས་མཐའི་མེ་ལྟར་འཇིགས་པ་པད་ཉིའི་གདན་ལ་ཞབས་གཡས་བསྐུམ་གཡོན་རྐྱང་བས་བཞུགས་པ། མེ་དཔུང་གི་ཀློང་ན་གར་དགུ་དང་། མཚན་དཔེས་བརྒྱན་པའི་འོད་ཀྱིས་ནམ་མཁའ་ཁྱབ་པར་བལྟའོ། །དེ་རྣམས་ཆོ་ག་གསུམ་དང་ཧཱུྃ་ལས་བསྐྱེད་པར་བྱའོ།
།དྲུག་པ་ཐུགས་ཀའི་ཉི་མའི་སྟེང་གི་ཧཱུྃ་ལྔའི་འོད་ཟེར་ལྔས་རྒྱུད་སྡེ་ལྔའི་ཡེ་ཤེས་པ་སྤྱན་དྲངས་ལ། ཛཿཧཱུྃ་བྃ་ཧོཿས་དགུག་གཞུག་བྱའོ།
།བདུན་པ་ནི། གཙོ་བོ་ལྔའི་གནས་གསུམ་དུ། ཨོཾ་ཨཱཿཧཱུྃ་དང་སྐྱེ་མཆེད་དྲུག་བྱིན་གྱིས་རླབ་པར་བྱའོ།
།བརྒྱད་པ་ནི། ཧཱུྃ་གི་འོད་ཟེར་གྱིས་ནམ་མཁའ་རིགས་ལྔར་སྤྱན་དྲངས་ལ། ཕྱི་ནང་གསང་གསུམ་གྱིས་མཆོད་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་མཾ་གྱིས་གསོལ་བ་བཏབ་པ་དང་། ཐུགས་ཀ་ནས་རིགས་ཀྱི་ཡུམ་ལྔ་རང་གི་སྤྱི་བོར་བྱོན་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡེ་ཧཱུྃ། ཞེས་བརྗོད་ཅིང་བུམ་པས་དབང་བསྐུར་བས། ཆུ་སྤྱི་བོར་འཁྱིལ་བ་ལས་སྤྲུལ་སྐུའི་མི་བསྐྱོད་པ་ལྔས་དབུ་བརྒྱན་པར་བསམ་མོ།
།དགུ་པ་ནི། ཨོཾ་བཛྲ་དྷྲྀཀ་ཧཱུྃ་སྭཱ་ཧཱ། ཨོཾ་སརྦ་པརྴ་བཛྲི་ཧཱུྃ་སྭཱ་ཧཱ། གསང་འདུས་གསལ་བར་བལྟའོ།
།ཨོཾ་སརྦ་ཏྲཻ་ལོ་ཀྱ་ཨཀྵེ་ས་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཡང་ན། ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། དགྱེས་མཛད་དོ།
།ཨོཾ་བཛྲ་བཻ་རོ་ཙ་ནཱི་ཡེ་ཕཊ་སྭཱ་ཧཱ། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་བཻ་རོ་ཙ་ནཱི་བཛྲ་ཧཱུྃ་ཧཱུྃ་ཕཊ་སྭཱ་ཧཱ། བདེ་མཆོག་གོ
།ཨོཾ་ཨཱ་ཧྲཱི་ཧཱུྃ་ཕཊ་སྭཱ་ཧཱ། ཨོཾ་བུདྡྷ་ཌཱ་ཀི་ནི་ཨ་ཧྲཱི་ཧཱུྃ། སྒྱུ་མ་ཆེན་མོའོ།
།ཨོཾ་ཧྲཱིཿཥྚི་ཝི་ཀྲྀ་ཏ་ན་ན་ཧཱུྃ་ཕཊ། ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཧཱུྃ་ཕཊ། རྡོ་རྗེ་འཇིགས་བྱེད་དོ། །དགྱེས་མཛད་བདེ་མཆོག་གི་ཡུམ་སྔགས་དེ་ཉིད་དོ།
།དེ་ལྟར་སྔགས་ཀྱིས་གཙོ་བོ་ཡབ་ཡུམ་ལྔ་གསལ་བར་བལྟའོ། །ལྷ་སྐུ་དེ་རྣམས་གསལ་སྟོང་བདེ་བའི་རང་བཞིན་དུ་ཡུན་རིང་དུ་གནས་པར་བྱའོ།

།གཉིས་པ་རྫོགས་རིམ་པ་ནི། སྤྱི་བོའི་གསང་འདུས་ཡབ་ཡུམ་སྙོམས་འཇུག་བྱས་བདེ་བར་ཞུ་ནས། ཐིག་ལེ་ངང་པའི་སྒོ་ང་ཙམ་ལས་མི་ཆུང་བ་ཙམ་པ་དཀར་ལ་དྭངས་པ་འོད་དང་འོད་ཟེར་གྱི་རང་བཞིན་མིག་གིས་བལྟར་མི་བཟོད་པ་ལྟ་བུར་བསམ་པའོ། །དེས་ན་ཐིག་ལེ་དེ་བདེ་བ་གསལ་བ་མི་རྟོག་པ་རང་བཞིན་མེད་པས་དབྱེར་མེད་པའི་ཟུང་འཇུག་གོ །དེ་ལྟར་སེམས་དང་ཐིག་ལེ་དབྱེར་མེད་པ་སྟེ། མི་རྟོག་པ་མ་བཅོས་པ། ཡིད་ལ་མི་བྱེད་པ། རང་བཞིན་མེད་པ་ཞེས་བྱ་སྟེ། དེ་ནི་བརྗོད་དུ་མེད་པའོ། །དེ་ཉིད་ལ་བློ་ཡི་བྱིང་རྒོད་ཐམས་ཅད་སྤངས་ནས་རྩེ་གཅིག་ཏུ་ཉམས་སུ་བླང་བར་བྱའོ། །དེ་བཞིན་དུ་མགྲིན་པའི་དང་། ལུས་ཕྱི་ནང་དང་། སྣང་བ་ཐམས་ཅད་ལའོ། །སྙིང་གའི་དང་ལུས་ཕྱི་ནང་ལའོ། །གསང་གནས་དང་ལུས་ཕྱི་ནང་དང་སྣང་བ་ཐམས་ཅད་ལ་ཤེས་པར་བྱའོ། །དེ་ལྟར་ཐུན་གསུམ་མམ་བཞིར་ཉམས་སུ་བླངས་ནས། སྤྱི་བོ་མགྲིན་པའི་ཐིག་ལེ་སྙིང་ཀ་ལ་ཐིམ་པའམ། ཡང་ན་ལྟེ་བ་ལ་ཐིམ་ནས། ཐིག་ལེ་བདེ་གསལ་མི་རྟོག་པ་སྟོང་པ་རང་བཞིན་མེད་པ་ཡིད་ལ་མི་བྱེད་པའི་དོན་དེ་ཉིད་ལ་མཉམ་བཞག་དང་སྤྱོད་ལམ་ཐམས་ཅད་དུ་བསམ་པ་གཞན་ཐམས་ཅད་སྤངས་ནས། ཐིག་ལེ་དེ་ལ་སེམས་རྩེ་གཅིག་ཏུ་རྒྱུན་ཆད་མེད་པར་གསལ་བར་བྱའོ། །དེས་ནི་ལོ་ཟླ་ཙམ་གྱིས་ལམ་ལྔ་དང་ཕྱག་རྒྱ་བཞིའི་རྟགས་རྣམས་རྫོགས་པར་འགྱུར་རོ།

།གསུམ་པ་བསྐྱེད་རྫོགས་ཀྱི་རིམ་པ་ལ་བཞི་སྟེ། ཕྱི་ལྟར་ཉམས་སུ་བླང་བ་དང་། ནང་ལྟར་ཉམས་སུ་བླང་བ། གསང་བ་ལྟར་ཉམས་སུ་བླང་བ། དེ་ཁོ་ན་ལྟར་ཉམས་སུ་བླང་བའོ།
།དང་པོ་ནི། དཔལ་ལྡན་འབྲས་སྤུངས་ཀྱི་མཆོད་རྟེན་དེ། རྒྱུ་རིན་པོ་ཆེ་བཞིའམ་ལྔ་ལས་གྲུབ་པ། ཕྱི་མཆོད་རྟེན་གྱི་དབྱིབས་སུ་ཡོད་པ། ནང་གཞལ་ཡས་ཁང་དང་། རྒྱུད་སྡེ་ལྔའི་ཚོགས་སུ་ཡོད་དེ། ཤར་སྒོ་ཕྱེ་བས་དབུས་ན་གསང་བ་འདུས་པ་དང་། ཤར་ན་དགྱེས་མཛད་རྡོ་རྗེ་སྣང་ངོ་། །ལྷོ་སྒོ་ཕྱེ་བས་བདེ་མཆོག་གོ །ནུབ་སྒོ་ཕྱེ་བས་མ་ཧཱ་མ་ཡའོ། །བྱང་སྒོ་ཕྱེ་བས་འཇིགས་བྱེད་ཀྱི་ལྷ་ཚོགས་སུ་སྣང་ངོ་། །རེ་རྣམས་ཀྱང་དགྱེས་རྡོར་གྱི་སྐུ་གསུང་ཐུགས་ཡོན་ཏན་ཕྲིས་ལྔ་ལས་འབྱུང་སྟེ། དགྱེས་མཛད་ཀྱི་སྐུའི་སྣང་བ་ལ་གསང་འདུས་སོ། །གསུང་ལས་མ་ཧཱ་མ་ཡའོ། །ཐུགས་ལས་དགྱེས་མཛད་དོ། །ཡོན་ཏན་ལ་བདེ་མཆོག་གོ །འཕྲིས་ལ་འཇིགས་བྱེད་དུ་ཤར་བའི་སྣང་བའོ། །དེས་ན་ཧེ་བཛྲ་ལྷ་གཅིག་ཏུ་བསྒོམ་པས། རྒྱུད་སྡེ་ལྔའི་ལྷ་ཚོགས་དང་རྒྱལ་བ་ཐམས་ཅད་བསྒོམ་པར་འགྲོ་སྟེ།
རིན་ཆེན་རྒྱ་མཚོ་ལས། རྒྱལ་བ་གཅིག་བསྒོམས་སངས་རྒྱས་ཀུན་གྱི་རང་། །སངས་རྒྱས་ཐམས་ཅད་རིགས་ལྔའི་རང་བཞིན་ནོ། །ཞེས་སོ།
།དེས་ན་རྒྱུད་སྡེ་ལྔ་གང་འདོད་ཀྱི་སེམས་ཀྱི་དཀྱིལ་འཁོར་དུ་སྣང་སྟེ། གསང་འདུས་དགྱེས་རྡོར་མཐོང་བར་འདོད་ན་ཤར་སྒོ་བྱེའོ། །དེ་བཞིན་དུ་གང་འདོད་སྒོ་ཕྱེ་ནས། ལྷ་དེ་སེམས་ཀྱི་དཀྱིལ་འཁོར་དུ་ཤེས་པར་བྱས་ལ། བསྒྲུབས་པས་མྱུར་དུ་མཐོང་བར་འགྱུར་རོ། །དེས་ནི་ཕྱི་ལྟར་བཤད་པའི་ཉམས་སུ་བླང་བར་བསྟན་ཏོ།
།གཉིས་པ་ནི། འབྲས་སྤུངས་སུ་རིན་པོ་ཆེ་བཞིའམ་ལྔ་ལས་གྲུབ་པའི་ཕྱི་མཆོད་རྟེན་དུ་སྣང་བ་ལྟར། རང་གི་ལུས་ཀྱང་འབྱུང་བ་བཞི་ལས་གྲུབ་པའི་ཕྱི་ལྟར་སྣང་བའོ། །དེ་ན་དགྱེས་མཛད་གཅིག་པུ་བསྒོམས་པས་རྒྱུད་སྡེ་ལྔ་བསྒོམས་པར་འགྲོ་སྟེ། ཧེ་བཛྲ་གྱི་སྐུ་གསུང་ཐུགས་ཡོན་ཏན་ཕྲིན་ལས་ལྔའི་འོད་ཟེར་ལྔ་གནས་ལྔར་འཕྲོས་པས་རྒྱུད་སྡེ་ལྔའི་ལྷ་ཚོགས་སུ་ཤར་ཞིང་སྣང་བའོ། །འབྲས་སྤུངས་ཀྱི་ནང་གཞལ་ཡས་ཁང་དང་རྒྱུད་སྡེ་ལྔའི་ལྷར་སྣང་བ་ལྟར། ནང་ལུས་ཀྱི་འཁོར་ལོ་ལྔ་རྒྱུད་སྡེ་ལྔའི་ལྷ་ཚོགས་སུ་ཤར་ཞིང་སྣང་བའོ། །དེས་ནི་ནང་ལྟར་ཉམས་སུ་བླང་བ་བསྟན་ཏོ།
།གསུམ་པ་ནི། གནས་ལྔའི་ཞུ་བདེའི་ཐིག་ལེ་དེ། བདེ་བ་གསལ་བ་མི་རྟོགས་པ། སྟོང་པ་དབྱེར་མི་ཕྱེད་པའི་ཟུང་འཇུག་གོ །དེ་ཉིད་མི་རྟོག་པ་མ་བཅོས་པ་གང་བཞིན་ནོ།
།བཞི་པ་ནི། སྒུ་གསུང་ཐུགས་ཡོན་ཏན་ཕྲིས་ཀྱི་འོད་ཟེར་ལྔའི་དོན། ཡེ་ཤེས་ལྔ་ལ་རྟགས་ལྷ་ལྔའི་ལྷ་ཚོགས་ལྔ་ཡིན་ཏེ། སྤྱི་བོའི་སྐུའི་འོད་ཟེར་དཀར་པོའི་དོན། མེ་ལོང་ལྟ་བུའི་ཡེ་ཤེས་ལ་གསང་འདུས། ལུས་བདེ་བར་ཤར་བ་ནི་བུམ་དབང་སྤྲུལ་སྐུའོ། །མགྲིན་པའི་གསུང་གི་འོད་ཟེར་དམར་པོའི་དོན་སོ་སོར་རྟོག་པའི་ཡེ་ཤེས་ལ་རྟགས་མ་ཧཱ་མ་ཡ་ཡབ་ཡུམ་བདེ་གསལ་དུ་ཤར་བས་དབང་གསུམ་པ་ཆོས་སྐུའོ། །ལྟེ་བའི་ཡོན་ཏན་གྱི་འོད་ཟེར་སེར་པོའི་དོན་མཉམ་ཉིད་ཡེ་ཤེས་ལ། རྟགས་རིན་འབྱུང་ལུས་ངག་ཡིད་གསུམ་ཐ་དད་དུ་འཛིན་པ་སྟེ་སྟོང་པ་བརྗོད་བྲལ་དུ་ཤར་བ་ནི་དབང་བཞི་པ་བདེ་བ་ཆེན་པོའི་སྐུའོ། །གསང་གནས་བདེ་སྐྱོང་འཕྲིན་ལས་ཀྱི་འོད་ཟེར་ལྗང་གུའི་དོན་བྱ་བ་གྲུབ་པའི་ཡེ་ཤེས་ལ། རྟགས་འཕྲིན་ལས་ལྷུན་གྱིས་གྲུབ་པའི་དོན་ཡོད་གྲུབ་པའི་བདེ་གསལ་མི་རྟོག་པ་སྟོང་པ་དབྱེར་མི་ཕྱེད་པའི་ཟུང་འཇུག་རྡོ་རྗེ་འཆང་གི་སྐུར་ཤར་བའོ། །དེ་ལྟར་སྐུ་གསུང་ཐུགས་ཡོན་ཏན་འཕྲིན་ལས་མི་ཟད་པ་རྒྱན་གྱི་འཁོར་ལོས་འཁོར་བ་མ་སྟོངས་བར་དུ་གཞན་དོན་ལྷུན་གྲུབ་རང་ཤར་དུ་འབྱུང་བར་འགྱུར་རོ། །དེས་ནི་དེ་ཁོ་ན་ཉིད་ལྟར་བཤད་པའམ་ཉམས་སུ་བླང་བ་བསྟན་ནོ།

།བཞི་པ་ནི། ཟས་ཀྱི་རྣལ་འབྱོར་དང་། གཏོར་མ་ཞལ་ལས་ཤེས་པར་བྱའོ། །དེ་ལ་སྦྱང་གཞི་ཕུང་པོ་ལྔའམ་ལུས་ངག་ཡིད་གསུམ་ལྟེ་བ་དང་གསང་གནས་དང་ལྔའོ། །དེའི་སྦྱོང་བྱེད་འོད་ཟེར་ལྔ་དོན་ཡེ་ཤེས་ལྔའོ། །རྟགས་གནས་ལྔའི་རྒྱུད་སྡེ་ལྔའི་བསྐྱེད་རིམ་རིགས་ལྔའོ། །སྦྱང་གཞི་མ་རིག་པའམ་དུག་ལྔའོ། །སྦྱོང་བྱེད་གནས་ལྔའི་ཐིག་ལེ་ལྔ། བདེ་བ། གསལ་བ། མི་རྟོག་པ། སྟོང་པ། དབྱེར་མི་ཕྱེད་པ་ལྔའི་ཟུང་འཇུག་དང་རྫོགས་རིམས་སོ། །དེ་ལྟར་རྒྱུད་སྡེ་ལྔའི་བསྐྱེད་རྫོགས་ཀྱི་རང་བཞིན་འབྲས་བུའི་དབང་དང་བཅས་པ་འདི། བཀའ་རྒྱུད་སྡེའི་དགོངས་པ། མཁའ་འགྲོའི་སྲོག་སྙིང་། མཁས་གྲུབ་ཆེན་པོ་རྣམས་ཀྱི་ཐུགས་བཅུད། ལོ་ཟླས་སངས་མི་རྒྱ་མི་སྲིད་པའོ། །སྟན་ཐོག་གཅིག །ཐུན་གཅིག །སྐད་ཅིག་མ་གཅིག་ལ་ལམ་ལྔ། རིམ་པ་ལྔ། ཕྱག་རྒྱ་བཞི་ཉམས་སུ་ལེན་པའི་ཆིག་བརྒྱུད་འདི་ནི་བདག་ཁྱུང་པོ་རྣལ་འབྱོར་པའི་ལུགས་སོ། །ཨྀཐི།

བླ་མ་རིན་པོ་ཆེའི་ཞལ་ནས། ངས་གསེར་འཕང་མེད་ཁྱེར་ནས། ལྷོ་བྱང་གར་ཕྱིན་ཡང་གདམས་པ་འདི་ལས་ཟབ་པ་དང་། རྟགས་མ་བྱུང་ན་རྡོ་རྗེ་འཆང་དང་ངས་བསླུས་པ་ཡིན་ནོ། འདི་རྟགས་མི་འབྱུང་མི་སྲིད། ལོ་གསུམ་ན་དག་པ་བདེ་སྟོང་གི་མཁའ་སྤྱོད་དུ་མི་འགྲོ་མི་སྲིད་དོ། །ལོ་ཟླས་སངས་རྒྱས་མི་ཐོབ་མི་སྲིད་དོ། །ཡང་ལོ་གཉིས་བསྒོམས་པས་དག་པ་མཁའ་སྤྱོད་དུ་འགྲོ་བའི་རྟགས་རྫོགས་པར་འབྱུང་བ་ཡིན་ཏེ། ཞུད་མ་བསྲུངས་པས་འགྱངས་འདུག་པས། ད་ཁྱོད་ཞུད་བསྲུངས་ལ་བསྒོམས་ཤིག་གསུངས་ངོ་། །བླ་མ་འདར་ཁར་རིན་པོ་ཆེ་བརྩོན་འགྲུས་ཞུད་བསྲུངས་ལ་སྒོམས་ཤིག །ལོ་གསུམ་ལ་མི་འགྲུབ་མི་སྲིད་གསུངས་སོ། །རྒྱུད་སྡེའི་མངོན་པར་རྟོགས་པ་བསྡུས་པ། མཁས་གྲུབ་ཆེན་པོ་རྣམས་ཀྱི་ཐུགས་བཅུད། ཀུན་ལས་ཁྱད་པར་དུ་འཕགས་པ་འདི་ཡོངས་སུ་རྫོགས་སོ།
།མ་འགྱུར་སེམས་ཅན་ཐམས་ཅད་ཀྱིས་རྒྱལ་བ་སྐུ་ལྔའི་གོ་འཕང་ཐོབ་པར་གྱུར་ཅིག། །།

Retrieved from "https://www.shanpafoundation-resourcecenter.net/index.php?title=Rgyud_sde_lnga%27i_mngon_par_rtogs_pa&oldid=9031"
  • Powered by MediaWiki
  • Powered by Semantic MediaWiki