Gsang sngags 'khor lo lnga ldan

Resource ID	SCv8p706
Title	gsang sngags 'khor lo lnga ldan
Topics	Various
Sub-Topics	Various
Author	Sangyé Tönpa
Link	BDRC W23922 BDRC W3CN18508

༄༅། །གསང་སྔགས་འཁོར་ལོ་ལྔ་ལྡན་བཞུགས།།

དེ་ཡང་གསང་སྔགས་ཀྱི་སྙིང་པོ་འཁོར་ལོ་ལྔ་ལྡན་གནད་ལྔ་དང་མ་བྲལ་བར་བྱ་སྟེ། ལུས་ལྷའི་འཁོར་ལོ། སྤྱི་བོ་བླ་མའི། ངག་བཟླས་པའི། སེམས་ཆོས་ཉིད་ཀྱི། བཀའ་སྲུང་ཆོས་སྐྱོང་དོན་གྱི། བསོད་ནམས་ཚོགས་གཏོར་གྱི་འཁོར་ལོའོ།
དེའི་གནད་ལྔ་ནི། བླ་མའི་གནད་མོས་གུས། ཡི་དམ་གྱི་གནད་གསལ་བ། བཟླས་པའི་གནད་སྨྲ་བཅད། ཆོས་ཉིད་ཀྱི་གནད་རང་ཤར། ཆོས་སྐྱོང་གི་གནད་ཡིད་ཆེས། གཏོར་ཚོགས་ཀྱི་གནད་གཙང་བའོ།
དེ་ལྟར་འཁོར་ལོ་ལྔ་དང་མ་བྲལ་བར་བྱས་ན་ལོ་ཟླ་ཙམ་གྱི་ཀྱང་། རིག་པ་གསལ་སྟོར་བདེ་ཆེན་མཉམ་རྗེས་མེད་པར་བྱུང་ནས། དུས་འདི་ཉིད་དུ་རྣམ་སྨིན་གྱི་ལུས་དག་སྟེ། ཚེ་འདིར་དག་པ་བདེ་སྟོང་གི་མཁའ་སྤྱོད་ཀྱི་གནས་སུ་སངས་རྒྱས་པར་འགྱུར་རོ།
དེ་ན་གསང་སྔགས་མངོན་སུམ་ལམ་པ་ཞེས་བྱའོ།
དེ་ལྟར་པཱུ་ཛ་བཞི་རྫོགས་ཕུལ་ནས། དབང་བཞི་རྫོགས་པ་དང་། མཁའ་སྤྱོད་འཆི་མེད་དུ་བཅས་པ་འདི། ཐུན་བཞིར་མ་ཆག་པར་ཉམས་སུ་བླང་ན། འདི་འམ། བར་དོར་རྒྱལ་བ་ལོངས་སྤྱོད་རྫོགས་པའི་སྐུར་སངས་མི་རྒྱ་མི་སྲིད་ཅེས། རྩ་བའི་བླ་མ་བཞི་དང་། གྲུབ་ཐོབ་བརྒྱུད་པའི་བླ་མ་བཞིས་དབུ་སྙུང་ཡང་ཡང་བཞེས་སོ།
།གྲུབ་ཐོབ་བརྒྱུད་པའི་ཆིག་བརྒྱུད་ཀྱི་ཐུན་བཞིའི་ཐུགས་དམ་གྱི་ཉམས་ལེན་རང་གི་དོན་དུ་བཱིརྱ་སིང་ཧས་བཀོད་པ་རྫོགས་སོ།། ཨྀཐིཿ །།