Ni gu chos drug gi khrid yig

Resource ID	SD1
Title	ni gu chos drug gi khrid yig
Topics	Six doctrines of Niguma
Sub-Topics	Manual
Author	Shönu Drup
Link	BDRC W8LS36545 p.71-98
Notes	incomplete

To input
༄༅། །ནི་གུ་ཆོས་དྲུག་གི་ཁྲིད་ཡིག་ཤངས་པ་བཀའ་རྒྱུད་ཀྱི་རྒྱུད་་་་་་་། མཁས་གྲུབ་ཆོས་རྗེ་གྲགས་པ། མཚན་གཞོན་ནུ་གྲུབ་ཞེས་གྲགས་པ་དེ་ཉིད་ཀྱིས་མཛད་པ་བཞུགས་སོ།།

བླ་མ་དམ་པའི་ཞབས་ལ་གུས་པས་ཕྱག་འཚལ་ལོ།
རྒྱུད་པ་གང་རིའི་ཕྲེང་ལྟར་རྣམས་མཛེས་ཤིང་། །བསྒྲུབ་རྒྱུད་ཆུ་བོའི་གཞུང་ལྟར་མ་ཆད་པ། །རྒྱུད་སྡེ་རྒྱ་མཚོའི་བཅུད་བསྡུས་མན་ངག་འདི། །འགྲོ་མགོན་ནང་་་་པའི་ཞལ་གྱི་བདུད་རྩི་ལས། །ལེགས་འོངས་བླ་མ་དམ་པའི་གསུངས་བཞིན་དུ། །སྒྲོ་བཀུར་རང་གཟོ་ཡངས་ཏེ་བྲིས་བར་བྱ།
ཡེ་ཤེས་ཀྱི་མངའ་འགྲོ་མ་ནི་གུ་མའི་ལུགས་ཀྱི་ཆོས་དྲུག་ལ་གཉིས། ཡིད་ཆེས་པ་བླ་མའི་ལོ་རྒྱུས་དང་། རྒྱུད་པ་དེ་དང་འབྲེལ་བའི་གདམ་པ་གཉིས་ཡོད་པའི་དང་པོ་ནི།
རྡོ་རྗེ་ཚིག་རྐང་ལས། གང་ཞིག་བརྗོད་བྲལ་ལྷུན་གྲུབ་འདུས་མ་བྱས། །ཁ་སྦྱོར་བདེ་ཆེན་ལོངས་སྐུ་གང་འདུལ་ཤར། །སྐུ་གསུམ་བདུན་ལྡན་རྡོ་རྗེ་འཆང་ཆེན་གྱིས། །ཐེག་ཆེན་སྐྱེ་མེད་རང་སྒྲ་འདི་སྐད་ཐོས། ཞེས་གསུངས་པས།
དེ་ལ་བརྗོད་བྲལ་ལྷུན་གྲུབ་འདུས་མ་བྱས་ནི། ཆོས་སྐུ་སྐུ་ནི་སྤྲོས་པ་མེད་པའི་ཡན་ལག །ཁ་སྦྱོར་ནི་རང་སྣང་འོད་ཀྱི་ཡུམ་དང་ཁ་སྦྱོར་གྱི་ཡན་ལག །ཟུང་དུ་འཇུག་པའི་ཡན་ལག །བདེ་བས་གང་པའི་ཡན་ལག །གསུམ་ནི་ལོངས་སྐུའི་ཡན་ལག །གང་འདུལ་ནི་སྤྲུལ་སྐུ་སྟེ། སྙིང་རྗེ་གང་པའི་ཡན་ལག །འགོག་པ་མེད་པའི་ཡན་ལག །རྒྱུན་མི་འཆད་པའི་ཡན་ལག་གསུམ་མོ།
།དེ་ལྟ་བུའི་རྡོ་རྗེ་འཆང་ལ། ནི་གུ་མས་དངོས་སུ་གསན་པར་ཤེས་པར་བྱ་ཞིང་། དེ་ལས་རྒྱུད་པའི་རྣམ་ཐར་ཞི་་་གཞན་ཤངས་པའི་རྣམ་ཐར་དུ་ཤེས་པར་བྱའོ།
།གཉིས་པ་གདམས་པ་ལ། མདོར་བསྟན་པ་དང་། རྒྱས་པར་བཤད་པ་གཉིས་ཀྱིས་དང་པོ་ནི།
རྡོ་རྗེ་ཚིག་རྐང་ལས། དབང་བཞི་སྨིན་བྱས་དད་དང་བརྩོན་འགྲུས་ལྡན། །མི་རྟག་སྐྱོ་ཤས་ཉེས་དམིགས་སྔོན་འགྲོ་བས། །ལམ་མཆོག་འདི་ལ་གང་གིས་འབད་གྱུར་ན། །ཟླ་དྲུག་ལོ་འམ་ཚེ་འདིར་སངས་རྒྱས་འགྱུར།
ཐབས་ལམ་བདེ་དྲོད་རང་འབར་། སྒྱུ་ལུས་ཆགས་སྡང་རང་གྲོལ། རྨི་ལམ་ཉིང་འཁྲུལ་རང་དག །འོད་གསལ་གཏི་མུག་རང་སངས། འཕོ་བ་མ་སྒོམ་སངས་རྒྱས། བར་དོ་རྒྱལ་བ་ལོངས་སྐུ། ཞེས་སོ།
།གཉིས་པ་རྒྱས་པར་བཤད་པ་དྲུག་གི
།དང་པོ་ཐབས་ལམ་བདེ་དྲོད་རང་འབར་ལ། སྔོན་འགྲོ་དང་། དངོས་བཞི་གཉིས་ལས།
དང་པོ་ལ་གསུམ་གྱི་དང་པོ་དག་བྱེད་ཨའི་སྟོང་ར་ནི།
རྡོ་རྗེ་ཚིག་རྐང་ལས། །བཅུད་འདུས་དག་བྱེད་སྟོང་རའི་གནད་གསུམ་དང་། ཅེས་དང་།
དག་བྱེད་ཨའི་སྟོང་ར། སྟོང་ར་ནད་གདོན་སེལ་བྱེད། རྟགས་གསུམ་སྟོང་རའི་ཁྱད་པར་རོ། །ཅེས་དང་།
ཐེམས་ཡིག་ལས། དག་བྱེད་ཨའི་སྟོང་ར་ལ། གསོལ་འདེབས་གཉིས་ལ་དམིགས་པ་གསུམ། ཅེས་གསུངས་པས།
དེ་ལ་བཅུད་བསྡུས་ནི། མདོའི་དོན་བསྡུས་པ་འབུམ། དེ་བསྡུས་པ་ཉི་ཁྲི། དེ་བསྡུས་པ་བརྒྱད་སྟོང་པ། དེ་བསྡུས་པ་་སྡུད་པ། དེ་བསྡུས་པ་ཤེར་སྙིང་། དེ་བསྡུས་པ་ཡི་གེ་གཅིག་མ་སྟེ། འདི་ལྟ་སྟེ་ཨ་ཅེས་དང་།
རྒྱུད་ལས། འདི་ལྟར་སངས་རྒྱས་བཅོམ་ལྡན་འདས། །རྫོགས་པའི་སངས་རྒྱས་ཨ་ལས་བྱུང་། །ཨ་ནི་ཡིག་འབྲུ་ཀུན་གྱི་མཆོག །ཅེས་པས། མདོ་རྒྱུད་གཉིས་ཀའི་སྙིང་པོའམ། བཅུད་བསྡུས་པ་ཡིན་གསུང་ངོ་།
དག་བྱེད་ནི། རང་རྒྱུད་དྲི་མ་ཉམས་ཆག་དག །འདི་ནི་སྟོང་རའི་མཚན་ཉིད་ཡིན། ཅེས་སོ།
།སྟོང་རའི་གནད་གསུམ་ནི། དག་བྱེད་ཨའི་སྟོང་ར་སོགས་གསུམ་མོ།
།དེ་ལ་དང་པོ་དག་བྱེད་ཨའི་སྟོང་ར་བསྒོམ་པ་ནི། དབེན་པའི་གནས་སུ་བསྟན་བདེ་བ་ལ་འདུག་སྟེ། དལ་འབྱོར་རྙེད་དཀའ། མི་རྟག་སྐྱོ་ཤས། སྐྱབས་འགྲོ་དང་སེམས་སྐྱེད་སྔོན་དུ་སོང་པས། རང་ཐ་མལ་དུ་གནས་པའི་སྤྱི་བོར་པད་ཟླའི་སྟེང་དུ། བླ་མ་སྐུ་མདོག་དཀར་པོ་རྡོ་རྗེ་འཆང་གི་རྣམ་པ་ལྟ་བུ་བསྒོམས་ལ། བླ་མ་རིན་པོ་ཆེ། བདག་གི་ནད་གདོན་ཐམས་ཅད་ཞི་བར་མཛད་དུ་གསོལ། སྡིག་སྒྲིལ་ཐམས་ཅད་དག་པར་མཛད་དུ་གསོལ། ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ་ཞེས་གསོལ་བ་བཏབ་ལ། རང་གི་མགོ་བའི་ནང་། སྨིན་ཕྲག་དུ་རྣམ་ཐར་སྒོ་གསུམ་་་་་། །སྒོ་བཞི་མཚོན་པར་བྱེད་པ། ཆོས་འབྱུང་དཀར་པོ་གྲུ་གསུམ་པ། རྩ་བ་ཕྲ་བ་ལྕེ་ཆུང་གི་སྟེང་དུ་རེགེ་ཡོད་པ། གཡེལ་ཁ་ཆེ་བ་གྱེན་དུ་བསྟན་པ། ཟུར་གཅིག་སྨིན་ཕྲག་གཅིག་དུ་ཟུག་པ། ཟུར་གཅིག་རྣ་ལྟག་གཡས་སུ་ཟུག་པ། ཟུར་གཅིག་རྣ་ལྟག་གཡོན་དུ་ཟུག་པ། ཕྱི་གསལ་ནང་གསལ་གྱི་དཀྱིལ་བསྟོད་ཙམ་གྱི་ནང་དུ། རང་གི་སེམས་སྐྱེ་བ་མེད་པ་མཚོན་པར་བྱེད་པ་ཨ་དཀར་པོ་འོད་ཀྱི་རང་བཞིན་ཅན་གཅིག་བསམས་ནས། ངག་ཏུའང་། ཨ་ཨ་ཅེས་ཅི་རིགས་པ་བརྗོད་པས། ཨ་ལས་ཡེ་ཤེས་ཀྱི་བདུད་རྩི་ཆུ་རྒྱུན་དཀར་པོ་ན་ར་ར་བྱུང་པས། ་་་
སྡིག་སྒྲིབ་ཐམས་ཅད་སོལ་ཁུ་དང་། དུད་ཁུའི་རྣམ་པར་ནག་ནུར་རུ་རུ་འཐོན་པས། ལུས་ཕྱི་གསལ་ནང་གསལ་དུ་ཁྲུ་མ་ཕུས་བཏབ་པའམ། ཤེལ་གོང་གཡའ་དང་བྲལ་བ་བཞིན་དུ་བསམ། ངག་ཏུ། ཨ་ཨ་ཞེས་བརྗོད་པར་བྱའོ།
གཉིས་པ་སྟོང་ར་ནད་གདོན་སེལ་བྱེད་ཀྱི་ཁ་སྒྱུར་ནི། ་་་ མདོར་ན་ནད་གདོན་སྡིག་སྒྲིབ་གསུམ་སེལ་བའི་དམིགས་པ་ལ་རྩེ་གཅིག་དུ་འགྲོ་འཆག་ཉལ་འདུག་ཐམས་ཅད་དུ་དམིགས་པ་ནི་སྟོང་རའི་དམིགས་པའོ།
།གསུམ་པ་རྟགས་གསུམ་སྟོང་རའི་ཁྱེད་པར་ནི། ་་་
།གཉིས་པ་དངོས་གཞི་ལ།
ཚིག་གསལ་ལས། ལུས་གནད་མེའི་སྟོང་ར། གཏུམ་མོ་ཟས་སུ་ཟ་བ། གོས་སུ་གྱོན་པ། སྟན་དུ་འདིང་བ། རླུང་ཞོན་པ། རྗེས་ལ་སྲིད་པའི་དབང་ཞུ་བ། གགས་རང་གྲོལ་ལོ། །ཞེས་པ་དེ་ལ་གསུམ། སྔོན་འགྲོ། དངོས་གཞི། རྗེས་གསུམ་ལས།
དང་པོ་ལུས་གནད་མེའི་སྟོང་ར་ནི། སེམས་སྐྱེད་སྔོན་དུ་སོང་པས་བརྐང་པ་སྣོལ། རྒལ་ཚོགས་བསྲང་། མགྲིན་པ་དགུག ལག་པས་སྤུས་འཁྱུད་བརྩུགས་ལ། བླ་མ་སྤྱི་བོར་བསྒོམ་ལ།
།ཐབས་ལམ་བདེ་དྲོད་རང་འབར་ལ། །གསོལ་འདེབས་གཉིས་ལ་དམིགས་པ་ལྔ། ཅེས་གསུངས་པས།
བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ། བདག་ལ་བདེ་དྲོད་ཀྱི་ཏིང་ངེ་འཛིན་རྒྱུད་ལ་སྐྱེ་བར་མཛད་དུ་གསོལ། བདེ་སྟོང་གི་ཏིང་ངེ་འཛིན་རྒྱུད་ལ་སྐྱེ་བར་མཛད་དུ་གསོལ། ཞེས་གསོལ་བ་གདབ། དེ་ནས་རང་གི་ལུས་རྗེ་བཙུན་མའི་རྣམ་པ་ལས་༼མེ་དམར་སྐྱས་ཁེངས་པར་བསམ་མོ།༽ནང་མེ་མ་མུར་གྱི་འོབས་ལྟ་བུ། ཁ་དོག་དམར་བ་རེག་བྱ་ཚ་བ། ཁོངས་པའི་ནང་ལྟེ་བའི་ཐད་ཁའི་ཕྱོགས་བཞིར། མེ་ངང་པའི་སྒོ་ང་ཙམ་གཞི་འབར་ལ་ཁད་པར་སྒོམ་པས། རླུང་རོ་ལན་གསུམ་བསམ་ལ། སྟེངས་རླུང་སྟེ་བར་མནན་ལ་བཟུངས། མི་ཐུབ་པ་དང་དལ་བུས་བ་་་་ང་། ཡང་བཟུངས། དེ་བཞིན་དུ་ནུས་ཚད་དུ་སྒོམ་མོ།
དགོས་གཞི་ལ་གཏུམ་མོ་ཟས་སུ་ཟ་བ། གོས་སུ་གྱོན་པ། བདན་དུ་འདིང་པ། རླུང་རྟར་ཞོན་པ་དང་བཞི་ལས།
དང་པོ་རླུང་ཟས་སུ་ཟ་བ་ལ་གཉིས་ཀྱི་དང་པོ།
གཏུམ་མོ་མེ་རྒོད་ཀྱི་དམིགས་པ་ནི། ་་་
།གཉིས་པ་རྩ་གསུམ་འཁོར་ལོ་བཞིའི་གཏུམ་མོ་ནི།
རྡོ་རྗེ་ཚིག་རྐང་ལས། །རང་ལུས་ཐབས་ལྡན་རྩ་གསུམ་འཁོར་ལོ་བཞི། །ཨ་ཧཾ་འབར་འཛག་སྐད་ཅིག་དགའ་བཞིས་བརྒྱན། །ཤེས་རབ་ཁ་ཁ་མུ་ཁའི་སྙམས་འཇུགས་གིས། །ཟག་བཅས་ཟག་མེད་དགའ་བཞིའི་རིམ་བཞིན་ནོ། །ཅེས་དང།
།དྲོད་མྱུར་གཏུམ་མོ་ཆོས་དྲུག་རིམ་པ་བཞིན། །རི་བོང་དབབ་བཟུང་ཟློགས་དགྲམ་རླུང་དང་བསྲེ། །ཟག་མེད་ཡེ་ཤེས་ཆེན་པོས་རྒྱན་པར་བྱའོ། ཞེས་གསུང་པ་ལ་གཉིས་ཀྱི། ་་་
བརྟག་གཉིས་ལས། ལྟེ་བ་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་སྲེགས་ཅིང་། །སྤྱན་ལ་སོགས་པ་ཡང་སྲེགས་སྟེ། །བསྲེགས་པས་རི་བོང་ཅན་ཧཾ་འཛག ཅེས་གསུངས་པ་དང་།
།ཆུ་བོའི་རྒྱུན་ནི་རབ་འབབ་དང་། །མར་མེའི་རྩེ་མོ་རབ་བཅིང་ལྟར། །རྟག་དུ་དེ་ཉིད་རྣལ་འབྱོར་བས། །ཉིན་དང་འཚན་དུ་མཉམ་པར་བཞག །ཅེས་གསུངས་པའི་རྒྱུད་ཀྱི་མན་ངག་རང་འཚུངས་པ་ཉིད་དོ།
དེ་ནས་མས་བརྟན་དགའ་བ་བཞི་སྒོམ་པ་ནི། ་་་་ རང་ལུས་ཐབས་ལྡན་གྱི་ཕྱག་བརྒྱ་ཞེས་ཀྱང་བྱའོ།
།གཉིས་པ་གཞན་ལུས་ཐབས་ལྡན་གྱི་ཕྱག་བརྒྱ་ནི།
།ཤེས་རབ་ཁ་ཁ་མུ་ཁའི་སྙམས་འཇུག་གིས། །ཟག་བཅས་ཟག་མེད་དགའ་བཞི་རིམས་བཞིན་ནོ། ཞེས་གསུངས་པས། ་་་
རླུང་ཁུག་པ་ཉེར་གཅིག་བཟུངས་ནས་ཕྱིན་ན། རྟ་མཆོག་དང་མཉམ་པའི་འགྲོས་འབྱུང་གསུང་ངོ་།
།གསུམ་པ་རྗེས་ལ་གཉིས་ལས།
དང་པོ་སྲིད་པའི་དབང་ཞུ་བ་ནི། ་་་ བདག་ལ་དབང་བཞི་རྫོགས་པར་སྐུར་དུ་གསོལ། ཞེས་གསོལ་བ་གདབ་པས། ་་་
།གཉིས་པ་གགས་རང་གྲོལ་ནི། ་་་
།སྨད་དུ་ཀུན་དའི་གགས་ནི། རབ་དགག་སྒྲུབ་དང་བྲལ་བའི་བློས་བསལ། འབྲིང་དབང་སྐུར་དང་། ཚོགས་འཁོར་དང་། ཐ་མ་དམིགས་པ་དང་འཁྲུལ་འཁོར་གྱི་སེལ་གསུང་ངོ་།

།གཉིས་པ་སྒྱུ་ལུས་ཆགས་སྡང་རང་གྲོལ་ལ།
རྡོ་རྗེ་ཚིག་རྐང་ལས། །སྒྱུ་ལུས་བདེན་མེད་དབང་པོ་རབ་འབྲིངས་གསུམ། །འབྲལ་མེད་མོས་གུས་རང་ལུས་ཅིར་སྣང་ཀུན། །སྣང་སྟོང་ཞེན་བྲལ་ལྷ་སྐུའི་ལམ་ཁྱེར་བྱའོ། །ཆགས་སྡངས་རང་གྲོལ་བཅུ་བཞིའི་ས་ཐོབ་འགྱུར།
དབང་པོ་རབ་བླ་མ་གྲོགས་སུ་བསྟེན་པ། འབྲིང་ཚིག་བཞན་གྱི་བར་མ་ཆོད་པར་འཁྲིད་པ། ཐ་མ་མལ་གཅིག་ཏུ་ཏིང་ངེ་འཛིན་སྐྱེས་པ། ཅེས་དང་།
ཚིག་གསལ་ལས། །དབང་པོ་རབ་བླ་མ་གྲོགས་སུ་བརྟེན་པ་སོགས་དང་།
ཐེམས་ཡིག་ལས། སྒྱུ་ལུས་དབང་པོ་རབ་འབྲིང་ལ། གསོལ་འདེབས་ལྔ་ལ་འདུན་པ་གསུམ།
ཅེས་པས་དོན་གསུམ་ལས། དང་པོ་དབང་པོ་རབ་བླ་མ་གྲོགས་སུ་བརྟེན་པ་ལ་གཉིས་ཀྱི།
དང་པོ་གསོལ་འདེབས་བླ་མའི་ལམ་ཁྱེར་ནི། དེ་ལ་སྤྱིའི་ཕྱིར་གྲོགས་ཞེ་ན། འདུ་འབྲལ་མེད་པའི་དོན་གྱི་ན་གྲོགས། གོང་ནས་གོང་དུ་འཁྲིད་པར་བྱེད་པས་ན་གྲོགས། ཡོན་ཏན་ཐམས་ཅད་སྐྱེད་པར་བྱེད་པའམ། ཚེ་གཅིག་གམ། ལོ་ཟླ་ཙམ་གྱིས་སངས་རྒྱས་ཀྱི་ས་ལ་འགོད་པས་ན་གྲོགས་ཡིན་གསུང་།
དེ་ལ་དང་པོ་སེམས་སྐྱེད་དང་ལྡན་པས། ་་་
བླ་མ་རིན་པོ་ཆེ། སེམས་ཅན་ཐམས་ཅད་ཀྱི་དོན་དུ། བདག་འཛིན་བློ་ཡི་ཐོང་པར་བྱིན་གྱི་རློབས། དགོས་མེད་རྒྱུད་ལ་སྐྱེ་བར། སྒྱུ་ལུས་འབྱོངས་པར། རྨི་ལམ་འབྱོངས་པར། འོད་གསལ་ཕྱག་ཆེན་པོ་ད་ལྟ་ཉིད་དུ་རྒྱུད་ལ་སྐྱེ་བར་མཛད་དུ་གསོལ། ཅེས་་་་་་་དུ་གསོལ་བ་གདབ། དེ་ཡང་ལྷ་སྐུ་མཚན་དཔེའི་བརྒྱན་པ། བསྐལ་པ་སྟོང་དུ་སྒོམ་པ་བས་བསོད་ནམས་ཆེ་བ་དང་། སངས་རྒྱས་སྟོང་གི་ཡོན་ཏན་འཛིན་པ་དང་། ས་བཅུ་
folio missing
དལ་གྱིས་འབབ་དང་བདུད་རྩིར་འགྱུར། ཅེས་སོ།
།ཡང་མདོ་གཞན་དང་བསྟུན་ན། སྣང་པ་མ་ངེས་པས་ཀྱང་རང་གི་སེམས་ཡིན་ཏེ། ཆུ་འགྲམ་གཅིག་དུ་འགྲོ་བ་རིགས་དྲུག་པོ་གྲལ་བྱས་ན། ལྷ་ལ་བདུད་རྩི། ལྷ་མ་ཡིན་ལ་གོ་མཚོན། མི་ལ་ཆུ། ཡི་དགས་ལ་སྣག་ཁྲག །དུད་འགྲོ་ལ་ཤ་ཁྲག །དམྱལ་བ་ལ་ཁྲོ་ཆུ་ཁོལ་མར་སྣང་སྟེ།
ལང་ཀར་གཤེགས་པ་ལས། དངོས་གཅིག་ཡིད་ནི་ཐ་དད་ཕྱིར། དོན་མ་གྲུབ་པར་འདོད་པ་ཡིན། ཅེས་དང་།
བག་ཆགས་ཀྱིས་ནི་དཀྲུགས་པའི་སེམས། །དོན་དུ་སྣང་པ་རབ་ཏུ་འབྱུང་། །དོན་ཡོད་མ་ཡིན་སེམས་ཉིད་དེ། །ཕྱི་རོལ་དོན་མཐོང་ལོག་པ་ཡིན། ཅེས་སོ།
།ཡང་ལྷའི་བུ་པད་མ་རྣམ་པར་རོལ་པས་ཞུས་པའི་མདོ་ལས། གསོལ་པ། འཕགས་པ། སྣང་པ་འདི་ཇི་ལྟར་ལྟ་བར་བགྱི། བཀའ་སྩལ་པ། ལྷའི་བུ་དག །སྣང་པ་འདི་མ་ངེས་པ། མི་བདེན་པ། བརྫུན་པ། རྨི་ལམ། སྒྱུ་མ་ལྟར་བལྟ་བར་བྱའོ།
།གསོལ་པ། སྣང་པ་མ་ངེས་པ་ནི་ཇི་ལྟར་་་་། བཀའ་སྩལ་པ། སྲིན་བྱ་དང་འུག་པའི་གཏམ་རྒྱུད་གསུངས། སྣང་པ་སྒྱུ་མ་རྨི་ལམ་དུ་ཇི་ལྟར་ལྟ་བར་བྱ་ཞུས་པས། ཡུལ་ ༨༧
1 page 88 ?
དབུས་ཀྱི་རྒྱལ་པོ་དང་། ལྷོ་ཕྱོགས་ཀྱི་རྒྱལ་པོ་ཟླ་བའི་གཏམ་རྒྱུད་གསུངས། དེ་ལྟར་ཆགས་སྡང་ལ་སོགས་པ་ཐམས་ཅད་ལ་གཉན་པོ་བརྟེན་ཅིང་བསྒོམ་པས། སྣང་པ་བདེན་མེད་སྒྱུ་མར་ཤར་ནས། གཡས་ནས་སྟོད་པ་དང་། གཡོན་ནས་དམོད་པ་ལ་ཆགས་སྡང་རང་གྲོལ་ནས། སྒྱུ་ལུས་ཆགས་སྡང་རང་གྲོལ་འབྱུང་གསུངས་སོ།
།རྗེས་སྤྱོད་ལམ་ཐམས་ཅད་དུ་ཉམས་སུ་བླངས་པས། ནུབ་མོ་རྨི་ལམ་ཟིན། དེ་སྒྱུ་མར་ཤེས། སྒྱུ་མ་སྒྱུ་འཛིན་ཙམ་་་་དང་བྲལ་ནས། འོད་གསལ་ཕྱག་རྒྱ་ཆེན་པོ་ཇི་ལྟ་བ་བཞིན་དུ་འ་་་་་མངོན་དུ་གྱུར་པ་དེ་ལ། དབང་པོ་འབྲིང་། ཚིག་གཞན་གྱིས་བར་མ་ཆོད་པར་འཁྲིད་པས། ལམ་ལྔ་ས་བཅུ་བགྲོད་པ་ཡིན་གསུང་ངོ་། །དེ་ལྟར་ཉམས་སུ་པ་ལ། ཚེ་བློས་མ་ཐོངས་ན། ཅི་བྱས་ཚེ་འདིའི་རྒྱན་དུ་འགྲོ་བས། ཚེ་འདི་བློས་ཐོངས་པའི་ཐབས། ཇོ་བོ་རྗེས། ལོ་ཚ་བ་རིན་ཆེན་བཟང་པོ། ཁ་རག་སྒོམ་པ། རྣལ་འབྱོར་ཆོས་འབྱུང་ལ་སོགས་པའི་ལོ་རྒྱུས་ཞིན་ཏུ་གསུངས་པ་ནི། སངས་རྒྱས་བསྟོན་པའི་གསུངས་ངོ་།
།དབང་པོ་རབ་འབྲིང་གཉིས་ལ་དགེ་སྦྱོར་མ་སྐྱེས་ན། ་་་
གསུམ་པ་དབང་པོ་ཐ་མ་མལ་གཅིག་ཏུ་ཏིང་ངེ་འཛིན་བསྐྱེད་པ་ནི། ་་་
ཐེམས་ཡིག་ལས། །སྒྱུ་ལུས་དབང་པོ་ཐ་མ་ལ། །གསོལ་འདེབས་གསུམ་ལ་དམིགས་པ་གསུམ། ཅེས་པས།
བདག་འཛིན་བློས་ཐོངས་པར། དགོས་མེད་རྒྱུད་ལ་སྐྱེ་བར། སྒྱུ་ལུས་རྨི་ལམ་འབྱོངས་པར་མཛད་དུ་གསོལ། ཅེས་གསོལ་བ་བཏབ་ལ།
ཚིག་གསལ་ལས། འགྲོ་དྲུག་སྒྱུ་མར་འཆར་བྱེད། ནད་གདོན་སྒྱུ་མ་ལམ་ཁྱེར། འཆར་བྱེད་ཡོན་ཏན་ཚོགས་དྲུག །ཞེན་མེད་སྒྱུ་མ་རང་ཤར་རོ། ཅེས་པས།
དོན་བཞིའི་དང་པོ་འགྲོ་དྲུག་སྒྱུ་མར་འཆར་བྱེད་ནི། རང་ཡི་དམ་དུ་བསྒོམས་པའི་ལྟེ་འོག་ཏུ་ཆོས་འབྱུང་ཕྱི་དཀར་ལ་ནང་དམར་བའི་དབུས་སུ། འགྲོ་དྲུག་གིས་སེམས་ཅན་དམྱལ་བ་ཚ་དྲངས་ལ་སོགས་པ་ཐམས་ཅད་འོད་་་དུ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་འགྲོ་དྲུག་གི་སེམས་ཅན་འདི་རྣམས། མི་བདེན་པ་ལ་བདེན་པར་བཟུང་པས། འཁོར་བ་འབའ་ཞིག་ཏུ་འཁྱམས་པ་སྙིང་རེ་རྗེ། འདི་རྣམས་ཐམས་ཅད་སྣང་ནི་སྣང་། བདེན་ནི་མི་བདེན། རྨི་ལམ་སྒྱུ་མ་ཡིན་ལང་སྙམ་དུ་དྲན་འདུན་དྲག་པོ་དང་། བླ་མའི་མོས་གུས་གཉིས་རྩེ་གཅིག་ཏུ་ཉམས་སུ་བླང་ངོ་། །དེས་སྒྱུ་མ་དང་རང་ཤར་མི་འབྱུང་མི་སྲིད་དོ།
།གཉིས་པ་ནད་གདོན་སྒྱུ་མ་ལམ་ཁྱེར་ནི། ་་་
།གསུམ་པ་འཆར་བྱེད་ཡོན་ཏན་ཚོགས་དྲུག་ནི། ་་་
།བཞི་པ་ཞེན་མེད་སྒྱུ་མ་རང་ཤར་ནི། ་་་

།གཉིས་པ་རྨི་ལམ་ལ།
རྡོ་རྗེ་ཚིག་རྐང་ལས། །གང་གིས་བསམས་པ་ཡོང་སྤངས་ནས། །རྨི་ལམ་འདུན་པའི་གནད་ལ་འབྲལ་མེད་བྱ། །ཉིང་འཁྲུལ་རང་དག་སྒྱུ་མ་ལམ་རིམ་གྱིས། །ཡོན་ཏན་ཉིན་མཚན་དུས་སུ་རང་ཤར་འབྱུང་།
རྨི་ལམ་བཟུང་པ། སྦྱངས་པ། སྤེལ་བ། སྤྲུལ་བ། བསྒྱུར་བ། ཡུལ་སྣང་ངོ། ཞེས་དང་།
ཚིག་གསལ་དུ། རྨི་ལམ་བཟུང་པ་ཅེས་སོགས་ཆོས་དྲུག་ལས།
དང་པོ་བཟུང་པ་ལ། གཉིས་ཀྱི་དང་པོ་རང་ཟིན་ནི། ་་་
ཐེམས་ཡིག་ལས། །རྨི་ལམ་འཛིན་པར་བྱེད་པ་ལ། །གསོལ་འདེབས་གསུམ་ལ་འདུན་པ་གསུམ། ཅེས་པས།
བདག་འཛིན། དགོས་མེད། སྒྱུ་ལུས། རྨི་ལམ་ཟིན་པར་མཛད་དུ་གསོལ། ཅེས་གསོལ་བ་བཏབ་ལ། ་་་
གཉིས་པ་སྤྱི་གནད་འཆུག་པ་མེད་པའི་གནད་དགུ་ལ། དུས་ཀྱི་གནད་གསུམ་ནི། ཐོ་རངས་ནམ་ལངས། ཉི་མ་རྩེ་ཤར་རོ། །ལུས་ཀྱི་གནད་གསུམ་ནི། དཀྱིལ་དཀྲུངས་ཙོག་པུ། སེང་གེའི་ཉལ་སྟབས་གསུམ་མོ། །དམིགས་པའི་གནད་གསུམ་གྱི་དང་པོ། རྟོག་མེད་ལ་འཛིན་པ་གཉིས་ཀྱི་དང་པོ་ནི། གསོལ་བ་འདེབས་གོང་ལྟར་བཏབ་ལ། ་་་
རྟོག་མེད་ལ་བཟུང་པ་གཉིས་པ་ནི། རང་བདེ་མཆོག་ཏུ་སྐྱེར་པའི་ཐུགས་ཁར་བླ་མ། དེའི་ཐུགས་ཁར་ཧཱུྃ་དཀར་པོ་གཅིག་བསམ་ནས། གསོལ་བ་བཏབ་པས། ཧཱུྃ་གིས་བླ་མ་གསལ། བླ་མས་ཡི་དམ་གསལ་བ་ལ་དམིགས་པ་རྟོག་མེད་འདུན་པ་རྩེ་གཅིག་ཏུ་གཏང་ངོ་། གཉིས་དུ་འགྲོ་ཁར། བདེ་མཆོག་བླ་མ་ལ་ཐིམས། བླ་མ་ཧཱུྃ་ལ་ཐིམས། ཧཱུྃ་འོད་དུ་ཡལ་བ་མི་རྟོག་པའི་ངང་ལ་རྨི་ལམ་བཟུང་ངོ་།
།གསུམ་པ་རྟོག་བཅས་ལམ་དུ་ཁྱེར་བ་ནི།
ཡེ་ཤེས་རྒྱ་མཚོ་ལས། འགྲོ་བ་ཀུན་གྱིས་མགྲིན་པར་སྐྱེས། ཡི་གེ་ཨ་བཅས་གནས་པ་ཉི། །ཅེས་གསུངས་པས། ་་་
་་་ གསུང་ངོ་།
རིན་ཆེན་རྨོག་ལྕོག་པའི་ཞལ་ནས། རྨི་ལམ་ཉམས་སུ་ལེན་པ་ལ་རི་དགས་རླུངས་སུ་ཕེབས་པ་འདྲ་བ་གཅིག་དགོས། བདེ་བའི་སྣ་བསྡུག་བསྔལ་གྱིས་་་་་པ་ཞི་་་་པའི་སོ་ནམ་འདྲ་བ་གཅིག་དགོས་གསུངས་སོ།
།ཡང་རྨི་ལམ་ལོ་ན་ལ་འཇུག་པ་ནི། མཁྲོ་མ་སྡེ་ལྔའི་ལུང་པར་སླེབ་པ་དང་འདྲ། དབང་པོ་བརྒྱ་བྱིན་གྱིས་ཚིག་དང་འདྲ་གསུང་ངོ་།
ཐེམས་ཡིག་ལས། །རྨི་ལམ་སྦྱངས་པའི་ཆོས་བཞི་ལ། །གསོལ་འདེབས་བཞི་ལ་བདུན་པ་བཞི། ཅེས་པས།
༼གཉིས་པ་༽སྦྱངས་པ་ལ་བཞི་ལས།
དང་པོ་ལུས་ཀྱིས་སེམས་སྦྱངས་པ་ནི། ་་་ སྒྱུ་མ་རྨི་ལམ་གྱི་དྲན་འདུན་དྲག་ཏུ་བྱའོ།
།དེ་ཁོ་ན་ལྟར་ཡང་ནས་ཡང་དུ་རྩེ་གཅིག་ཏུ་བསྒོམས། དེ་སྔོ་ཡལ་གྱིས་ལུས་སྟོང་སངས་ཀྱིས་སོང་པར་བསམ་ནས། གསལ་སྟོང་འཛིན་མེད་སྒྱུ་མ་རང་ཤར་གྱིས་ངང་ལ་བཞག་གོ
།གཉིས་པ་སེམས་ཀྱི་ལུས་སྦྱངས་པ་ནི། ་་་
།གསུམ་པ་བདག་མེད་མས་སྦྱང་བ་ནི། ་་་
།བཞི་པ་བདུན་པས་སྦྱངས་བ་ནི། བླ་མའི་རྣལ་འབྱོར་བསྒོམས་ནས། ་་་
ཐེམས་ཡིག་ལས། །རྨི་ལམ་སྤེལ་བའི་ཆོས་དྲུག་ལ། །གསོལ་འདེབས་བཞི་ལ་འདུན་པ་དྲུག །རྨི་ལམ་སྤྲུལ་པའི་ཆོས་དྲུག་ལ། །གསོལ་འདེབས་འདུན་པ་དེ་བཞིན་ནོ། །ཅེས་པས།
གསུམ་པ་སྤེལ་བ་ལ་གཉིས། ཐུག་ཕྲད་དུ་སྤེལ་བ་དང་། གང་འདུལ་དུ་སྤེལ་བའོ།
།དང་པོ་ཐུག་ཕྲད་དུ་སྤེལ་བ་ལ་གཉིས་སྟེ། སེམས་ཅན་ཕྲ་བ་དང་། རགས་པ་ལ་སྤེལ་བ་ནི། བདག་འཛིན། དགོས་མེད། སྒྱུ་ལུས་རྨི་ལམ་འབྱོངས་པར་བྱིན་གྱིས་རླབ་དུ་གསོལ། ཞེས་གསོལ་བ་བཏབ་པས། སྣང་པ་བདེན་མེད་དུ་སོང་པ་དང་། ་་་ སྤེལ་ལོ།
།གཉིས་པ་འབྱུང་བཞི་ཕྲ་རགས་ལ་ཡང་དེ་བཞིན་ནོ།
།གཉིས་པ་གང་འདུལ་དུ་སྤེལ་བ་ལ་གཉིས་ཀྱི།
དང་པོ་འཇིག་རྟེན་པའི་གང་འདུལ་ interrupted