Rgyud sde lnga'i dbang gi zin bris

Resource ID	KN5
Title	rgyud sde lnga'i dbang gi zin bris
Topics	Initiation
Sub-Topics	Five Tantra Classes
Author	Khyungpo Neljor
Link	BDRC W8LS36545 (p.150)
Notes	Though this text is not signed by Khyungpo Neljor, it is recorded in the Catalog of Gyurmé Dechen.

༄༅། །རྒྱུད་སྡེ་ལྔའི་དབང་གི་ཟིན་བྲིས།།

ན་མོ་གུ་རུ་བྷྱ།
རྒྱུད་སྡེ་ལྔའི་བྱིན་བརླབས་ལ། སྔོན་འགྲོ་དངོས་གཞི་རྗེས་གསུམ་ལས།
དང་པོ་མཎྜལ་ལྟེ་བ་མཐིང་། ཤར་སྔོ། ལྷོ་སེར། ནུབ་དམར། བྱང་ལྗང་། འཁྱམས་ཕྱོགས་མདོག་བྲི། མེ་ཏོག་དགོད། མཆོད་གཏོར་བཤམས་ལ། སློབ་དཔོན་གྱིས་རྒྱུད་སྡེ་ལྔའི་མངོན་རྟོགས་བསྒོམ། བཟླས་པ་ཚར་བ་དང་། མཎྜལ་གསང་སྦྱངས་བྱས་ལ། དབུས་སུ་གསང་འདུས། ཤར་དུ་དགྱེས་རྡོར། ལྷོ་ཏུ་བདེ་མཆོག །ནུབ་དུ་མ་ཧཱ་མ་ཡ། བྱང་དུ་འཇིགས་བྱེད་རྣམས་ཆོ་ག་གསུམ་ལས་བསྐྱེད། ཡེ་ཤེས་པ་བཞུག་དབང་བསྐུར། རིགས་བདག་གིས་རྒྱས་གདབ་པའི་བར་སྒྲུབ་ཐབས་བཞིན་བྱས་ལ། མདུན་བསྐྱེད་ཀྱིས་ཟླས་པའང་ཅུང་ཞིག་བྱ། དེ་ནས་ཕྱི་ནང་གིས་མཆོད། གཏོར་མ་དང་བསྟོད་པ་ལ་སོགས་པ་རིམས་བཞིན་བྱའོ།
།མཆོད་པ་དང་གཏོར་མ་རྣམས་ཚར་བ་དང་། སློབ་དཔོན་རང་བདག་འཇུག་བླང་། དེ་ནས་སློབ་མ་ལ་སྤྱི་དང་མཐུན་པར་སྔོན་འགྲོའི་ཆོས་བཤད། དེ་ནས་སྐྱབས་འགྲོ་ནས་ཡེ་ཤེས་དབབ་པའི་བར་སྔོན་འགྲོའི་ཆོ་ག་རྣམས་རྫོགས་པར་བྱའོ།
།དངོས་གཞི་ལ། དབང་བཞི་ལས། དང་པོ་བུམ་དབང་ནི། གསང་འདུས་ལ་སོགས་པ་ལྷ་ལྔའི་སྤྱི་བོ་ནས་འོད་ཟེར་ཕྱོགས་བཅུར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཆོད་དེ་དག་གིས་སྐུའི་ཆ་ཐམས་ཅད་འོད་ཟེར་དཀར་པོའི་རྣམ་པར་སྡུས་ལྷ་ལྔ་ལ་ཐིམ། དེ་ནས་མཆོད་ནས་བདག་ལ་བུམ་པའི་དབང་བསྐུར་དུ་གསོལ་ཞེས་གསོལ་བ་གདབ་པས། ལྷ་ལྔའི་སྤྱི་བོ་ནས་འོད་ཟེར་དཀར་པོ་འཕྲོས་བདག་གིས་སྤྱི་བོར་ཐིམ། སྨིན་འཚམས་ཡན་ཆོད་འོད་ཀྱིས་གང་། བུམ་དབང་ཐོབ། ལུས་ཀྱིས་སྡིག་སྒྲིབ་དང་། གཏི་མུག་དག །སྐུའི་བྱིན་བརླབས་ཞུགས་པར་བསམ་མོ།
།གསང་དབང་ནི་ལྷ་ལྔའི་མགྲིན་པ་ནས་འོད་འཕྲོས་མཆོད། གསུང་གིས་འོད་ཟེར་སྡུས་ནས་ཐིམ་པ་དང་། བདག་མཆོད་ལ། གསང་དབང་བསྐུར་དུ་གསོལ། གསུང་གིས་བྱིན་རླབས་བཞུག་དུ་གསོལ། ཞེས་བརྗོད་ནས། མགྲིན་པ་ནས་འོད་དམར་པོ་འཕྲོས། རང་གིས་མགྲིན་པར་ཕོག་མགྲིན་པ་འོད་ཀྱིས་ཁེངས། གསང་དབང་ཐོབ། དག་གིས་སྡིག་སྒྲིབ་དང་འདགོས་དག་གསུང་གིས་བྱིན་བརླབས་ཞུགས་པར་བསམ་མོ།
།ཤེས་རབ་ཡེ་ཤེས་ཀྱིས་དབང་ནི། ལྷ་ལྔའི་ཐུགས་ཁ་ནས་འོད་འཕྲོས་མཆོད་ཐུགས་ཀྱིས་འོད་ཟེར་ཐམས་ཅད་བསྡུས་ནས་ཐིམ་པ་དང་། ཤེས་རབ་ཡེ་ཤེས་ཀྱིས་དབང་ཐོབ། ཡིད་ཀྱིས་སྡིག་སྒྲིབ་དང་ཞེ་སྡང་དག །ཐུགས་ཀྱི་བྱིན་རླབས་ཞུགས་པར་བསམ། ཕྱག་རྒྱ་ཆེན་པོའི་དབང་ནི། ལྷ་ལྔའི་༼ཕྱག་ལེན་པ་ལ་ལྟེ་གསང་གཉིས་ནས་ཀྱི་འོད་ཟེར་སྤྲོ་བསྡུ་ཐུངས་ངོས་དུ་བྱས་ནས་དབང་གཅིག་དུ་བསྒྱུར་རོ་ཕྱག་ཆེན་དུ་་་་་་ཀྱི་དབང་་་་་སུ་་་་་་་་་་་་་་་་་་ལ་འབྲའོ།༽ལྟེ་བ་ནས། འོད་འཕྲོས་མཆོད། ཡོན་ཏན་གྱིས་འོད་ཟེར་བསྡུས་ལྟེ་བར་ཐིམ། ཕྱག་རྒྱ་ཆེན་པོའི་དབང་བསྐུར་དུ་གསོལ། ཡོན་ཏན་གྱིས་བྱིན་བརླབས་བཞུག་དུ་གསོལ། ཞེས་གསོལ་བ་གཏབ་པས། ལྟེ་བ་ནས་འོད་ཟེར་སེར་པོ་འཕྲོས། རང་གིས་ལྟེ་བར་ཐིམ་འོད་ཀྱིས་གང་བས་ཕྱག་རྒྱ་ཆེན་པོའི་དབང་ཐོབ། ང་རྒྱལ་དང་སེར་སྣ་དག་ནས། ཡོན་ཏན་གྱིས་བྱིན་བརླབས་ཞུགས་པར་བསམ་མོ།
།ངོ་བོ་ཉིད་ཀྱིས་དབང་ནི། ལྷ་ལྔའི་གསང་གནས་ནས། འོད་འཕྲོས་མཆོད་འཕྲིན་ལས་ཀྱིས་འོད་ཟེར་བསྡུས། བདག་ལ་ངོ་བོ་ཉིད་ཀྱིས་དབང་སྐུར་དུ་གསོལ། འཕྲིན་ལས་ཀྱིས་བྱིན་བརླབས་བཞུག་དུ་གསོལ། ཅེས་གསོལ་བ་གཏབ་པས། ལྷ་ལྔའི་གསང་གནས་ནས་འོད་ལྗང་ཁུ་འཕྲོས། རང་གིས་གསང་གནས་སུ་ཐིམ། འོད་ཀྱིས་གང་ངོ་བོ་ཉིད་ཀྱིས་དབང་ཐོབ། ཕྱག་དོག་དག་འཕྲིན་ལས་ཀྱིས་བྱིན་བརླབས་ཞུགས་པར་བསམ་མོ།
།རྗེས་ཅི་དང་མཐུན་ནོ། རྒྱུད་སྡེ་ལྔའི་དབང་གིས་ཟིན་བྲིས་སོ།

ན་མོ་གུ་རུ།
ཁྱད་པར་གྱིས་ཀྱང་གསང་འདུས་སྐུའི་ལྷ་བུམ་དབང་མ་ཧཱ་མ་ཡ། གསུང་གིས་ལྷ་གསང་དབང་སྒེས་མཛད། ཐུགས་ཀྱིས་ལྷ་ཤེས་རབ་ཡེ་ཤེས། བདེ་མཆོག་ཡོན་ཏན་གྱིས་ལྷ་ཡོན་ཏན་གྱིས་བྱིན་བརླབས། འཇིགས་བྱེད་འཕྲིན་ལས་ཀྱིས་ལྷ་བྱིན་བརླབས། བདེ་མཆོག་དང་འཇིགས་བྱེད་གཉིས་ཕྱག་རྒྱ་ཆེན་པོའོ། གཤེགས་སུ་གསོལ་ནས་རྡུལ་མཚོན་སློབ་མའི་སྤྱི་བོར་སྡུའོ། །འདིས་འགྲོ་བ་ལ་ཕན་པར་ཤག་གོ །དགེའོ།། སློབ་དཔོན་མཚུངས་མེད་ཀྱིས་ཕྱག་་་་་་་་་་།