Sgyu ma lam rim sa bcad

Resource ID	SLv8p557
Title	sgyu ma lam rim gyi sa bcad
Alt. title	sgyu ma lam rim gyi bsdus don sa bcad
Topics	Lamrim
Author	Khyungpo Neljor
Link	BDRC W3CN766 BDRC W3CN18508 (v1p.496) BDRC W8LS32723 (alt. version) BDRC W22103 (v57p.374)

༄༅། །སྒྱུ་མ་ལམ་གྱི་རིམ་པའི་ས་གཅད་བཞུགས་སོ།།

བླ་མ་དམ་པའི་ཞབས་ལ་གུས་པས་ཕྱག་འཚལ་ལོ།
།རྒྱལ་བ་ལོངས་སྐུ་རྡོ་རྗེ་འཆང་ཆེན་པོས། དངོས་སུ་ལུང་བསྟན་ཐོབ་པའི་ཡེ་ཤེས་ཀྱི་ཌཱ་ཀི་མ་ནཻ་གུ་མས་མཛད་པའི་སྒྱུ་མ་ལམ་གྱི་རིམ་པ་འདི་ལ་གསུམ་སྟེ། ཀླད་དོན། གཞུང་དོན། འཇུག་གི་དོན་ཏོ།
།དང་པོ་ལ་གཉིས་ཏེ། བར་ཆད་ལས་གྲོལ་བའི་༼གདོད་ནས་༽ཕྱག་དང་། མཐར་ཕྱིན་པའི་དམ་བཅའ་༼རྒྱལ་བ་༽འོ།
།གཞུང་ལ་གསུམ་ཏེ། ཇི་ལྟར་གནས་པའི་གཞི་ཟུང་འཇུག་གཏན་ལ་དབབ་པ། ཐབས་ཀྱི་རང་བཞིན་ལམ་ཟུང་འཇུག་ཉམས་སུ་བླང་། འབྲས་བུ་ཟུང་འཇུག་མངོན་གྱུར་དུ་༼དེ་ལྟར་ས་རྣམས་༽ཤར་རོ།
།དང་པོ་ལ་གཉིས་ཏེ། ཀུན་གཞི་༼སྒྱུ་མ་༽དང་། ༼གང་ཞིག་༽དབང་བཞིའོ།
།གཉིས་པ་ལ་གཉིས་ཏེ། ལམ་དང་། སའོ།
།དང་པོ་ལ་གཉིས་ཏེ། ལམ་མདོར་༼ཆོས་རྣམས་༽བསྟན་པ་དང་། རྒྱས་པར་བཤད་པའོ།
།གཉིས་པ་ལ་གསུམ་སྟེ་༼དེ་ཡང་༽ ལམ་གྱི་ངོ་བོ༼བླ་ན་༽། ངེས་ཚིག །དབྱེ་བའོ།
།དེ་ལ་ལྔ་སྟེ། ཚོགས་ལམ། སྦྱོར་ལམ། མཐོང་ལམ། སྒོམ་ལམ། མཐར་ཕྱིན་པའི་ལམ་མོ།
།དང་པོ་ལ་གསུམ་སྟེ། ངོ་བོ༼སྡིག་པ་༽། ངེས་ཚིག༼ཆོས་ཉིད་༽ དབྱེ་བ༼ཞི་གནས་༽འོ།
།དེ་ལ་གཉིས་ཏེ། ༼དེ་ལ་༽མདོར་བསྟན་པ། རྒྱས་པར་བཤད་པའོ།
།དེ་ལ་བདུན་དེ། ཚོགས་ལམ་ཆུང་ངུ་༼བག་མེད་༽། འབྲིང་པོ༼མི་དགེ༽། ཆེན་པོ༼འཁོར་བ༽། ཐར་པ་༼ཆུང་ངུ་ཐར་པའི༽ཆ་མཐུན། ༼ཚོགས་ལམ་༽རྟོགས། སྤང་༼དེ་ཕྱིར་༽བྱ། ༼གང་གི་༽ས་མཚམས་སོ།
།གཉིས་པ་སྦྱོར་ལམ་ལ་བཅུ། ངོ་བོ། ངེས་ཚིག༼མཐོང་ལམ༽། དབྱེ་བ༼སྦྱོར་བ་༽། མཚན་ཉིད༼རྨི་ལམ༽། ༼དྲོད་༽དྲོད་དང་རྩེ་མོའི་ཏིང་ངེ་འཛིན། དེའི་རྟགས། ༼བཟོད་པ་༽བཟོད་པ་དང་ཆོས་མཆོག་གི་ཏིང་ངེ་འཛིན། དེའི་རྟགས། སྤང་བྱ༼སྤང་བྱ་༽། ས་མཚམས་༼གྲོ་ངན་༽སོ། དྲུག་པ་ལ་གཉིས་ཏེ། ༼དྲོད་ཀྱི་རྟགས་༽དྲོད་དང་། ༼རྩེ་མོའི་༽རྩེ་མོའི་རྟགས་སོ། །བརྒྱད་པ་ལ་གཉིས་ཏེ། བཟོད་པའི་རྟགས་༼རྟགས་༽དང་། ཆོས་མཆོག་༼ཆོས་མཆོག་༽གི་རྟགས་སོ།
།གསུམ་པ་མཐོང་ལམ་ལ་དགུ་སྟེ། ངོ་བོ༼མཐོང་ལམ་༽། ངེས་ཚིག༼ཆོས་མཆོག༽། དབྱེ་བ༼དུཿཁ༽། མཚན་ཉིད༼དུཿཁ༽། ཏིང་ངེ་འཛིན༼བྱང་ཆུབ༽། སྤང་བྱ༼མཐོང་སྤངས་༽། སྤོང་ཚུལ༼སྒོམ་སྤང་༽། ༼སྒྱུ་མའི་༽རྟགས། ས་མཚམས་༼ཆོས་མཆོག་༽སོ།
།གཞི་པ་སྒོམ་ལམ་ལ་བདུན་ཏེ། ངོ་བོ༼སྒོམ་ལམ༽། ངེས་ཚིག༼མཐོང་ལམ༽ །དབྱེ་བ༼དབྱེད་ན༽། ཏིང་ངེ་འཛིན༼པ་ནི༽། སྤང་བྱ༼སྒོམ་སྤངས༽། རྟགས༼མཐུ་དང་༽། ས་མཚམས་༼མཐོང་ལམ་༽སོ།
ལྔ་པ་མཐར་ཕྱིན་པའི་ལམ་ལ་བརྒྱད་དེ། ངོ་བོ༼སྒྲིབ་པ༽། ངེས་ཚིག༼བླ་ན་མེད་༽ །དབྱེ་བ༼སྒོམ་ལམ༽། སྤང་བྱ༼ས་བཅུ༽། ཏིང་ངེ་འཛིན༼རྡོ་རྗེ༽། སྤོང་ཚུལ༼མུན་ཁུང་༽། འབྲས་བུ༼ལུས་མ་བྱས༽། ས་མཚམས་༼ས་བཅུ༽སོ།
།གཉིས་པ་ས་བཅུ་ལ་བཅུ་གཉིས་ཏེ། ངོ་བོ༼དེ་ནས༽། ངེས་ཚིག༼ཡོན་ཏན༽ །དབྱེ་བ༼དབྱེ་བ༽། སྔ་ལྟས༼སྔ་ལྟས༽། ༼དེ་ཡང་༽མཚན་ཉིད། ས་གང་གིས་༼ས་བཅུ་༽གང་ནོན་པ། ཏིང་ངེ་འཛིན༼ཏིང་ངེ་འཛིན༽། སྤང་བྱ༼སྤང་བྱ༽། རྨོངས་པའི་༼རྨོངས་པ་ཉི་ཤུའི་༽སྒྲིབ་པ། སའི༼རང་ཤར༽རྟོགས་པ། རྟགས༼གསལ་སྣང་༽། སངས་རྒྱས་ཚུལ་ལོ། དེ་ལ་གཉིས་ཏེ། ཕར་ཕྱིན༼སྲིད་པ༽། གསང་སྔགས་༼ནང་ལྟར་༽སོ།
།གསུམ་པ་འཇུག་གི་དོན་ལ་གཉིས་ཏེ། ལུང་བསྟན་༼སྒྱུ་མའི་༽ཐོབ་པ་དང་། ༼དགེ་བ༽། དགེ་བ་བསྔོ་བའོ།
།སྒྱུ་མ་ལམ་གྱིས་རིམ་པའི་ས་བཅད། ཁྱུང་པོ་རྣལ་འབྱོར་པས་ཡི་གེར་བཀོད་པའོ།

།ཤ་ལྔའི་དང་། ལྷའི་དང་། ཤེས་རབ་ཀྱི་དང་། ཆོས་ཀྱི་དང་། སངས་རྒྱས་ཀྱི་སྤྱན་༼ཇི་ལྟ་ཇི་སྙེད་༽ཏེ་ལྔའོ།
།སྒྱུ་འཕྲུལ་དང་། ལྷའི་རྣ་བ་དང་། གཞན་གྱི་སེམས་ཤེས་པ་དང་། སྔོན་གྱི་གནས་རྗེས་སུ་དྲན་པ་དང་། མངོན་པར་འདོད་ལས་བྱུང་བའི་ལྷའི་མིག་དང་། ཟག་པ་ཟད་པ་ཤེས་པའི་མངོན་པར་ཤེས་པ་སྟེ་དྲུག་གོ
།ཆོས་དང་། དོན་དང་། ངེས་པའི་ཚིག་དང་། སྤོབ་པ་སོ་སོར་ཡང་དག་པར་རིག་པ་སྟེ་བཞིའོ།
།གཟུགས་ཀྱི་ཁམས་ཀྱི་བསམ་གཏན་བཞི་དང་། གཟུགས་མེད་པར་འཇུག་པ་བཞི་དང་། འགོག་པའི་སྙོམས་པར་འཇུག་པ་སྟེ་དགུའོ།
།ཚེ་དང་། སེམས་དང་། ཡོ་བྱད་དང་། ལས་དང་། སྐྱེ་བ་དང་། མོས་པ་དང་། སྨོན་ལམ་དང་། སྒྱུ་འཕྲུལ་དང་། ཡེ་ཤེས་དང་། ཆོས་ལ་དབང་པ་སྟེ། དབང་བཅུའོ།
།ས་སོགས་འབྱུང་བ་བཞི་དང་། སྔོ་སོགས་ཁ་དོག་བཞི་དང་། ནམ་མཁའ་རྣམ་པར་ངེས་པ་ཟད་པར་བཅུའོ།
།གཟུགས་ཅན་མ་ཡིན་པའི་ཤེས་བྱ། ཕྱི་རོལ་གྱི་གཟུགས་རྣམས་ལ་བལྟ་བ་ཞེས་བྱ་བ་གཉིས་དང་། སྡུག་པའི་རྣམས་པར་ཐར་པ་ལུས་ཀྱི་མངོན་ལུས་དུ་བྱས་ཏེ་རྫོགས་པར་བྱས་ནས་གནས་པ་ཞེས་བྱ་བ་དང་། གཟུགས་མེད་སྐྱེ་མཆེད་བཞི་དང་། འདུ་ཤེས་དང་ཚོར་བ་འགོག་པ་ཞེས་བྱ་བ་སྟེ་རྣམ་པར་ཐར་པ་བརྒྱད་དོ།
།སེམས་བསྐྱེད་དང་པོ་གསུམ་ཚོགས་ལམ་དུ། དེའི་འོག་ཏུ་གཅིག །སྦྱོར་ལམ་ལ་དེའི་འོག་ཏུ་བཅུ། རབ་ཏུ་དགའ་བ་ལ་སོགས་པ་ས་བཅུ་ལ། དེའི་འོག་ཏུ་ལྔ་ནི་ཁྱེད་པར་གྱི་ལམ་ལ། དེའི་འོག་ཏུ་གསུམ་སྦྱོར་ལམ་དང་། དངོས་༼རྡོ་རྗེ་ལྟ་བུ་༽དང་འཇུག་༼༽གི་སྒོ་ནས་སངས་རྒྱས་ཀྱི་སས་བསྡུས་པའོ།
མངྒ་ལཾ། ཤུ་བྷཾ། ཛ་ཡནྟུ།