Lam 'khyer gyi khrid

Resource ID	SCv7p561
Title	lam 'khyer gyi khrid
Topics	Integration
Sub-Topics	Instructions
Author	Künga Drölchok
Associated Person	Shönu Drup
Link	BDRC W23922

༈ ལམ་འཁྱེར་གྱི་ཁྲིད།

ལམ་ཁྱེར་གྱི་ཁྲིད་ནི།
སྐྱབས་སེམས་སྔོན་དུ་སོང་ནས། རང་གི་སྤྱི་བོར་པདྨ་ཟླའི་སྟེང་དུ་བླ་མ་བསྒོམ་སྟེ། དེའང་སྐུའི་རྣམ་པ་ཇི་ལྟ་བ། གསུང་གི་ང་རོ་ཇི་ལྟ་བ། ཐུགས་ཀྱི་མཁྱེན་དགོངས་ཇི་ལྟ་བར་གསལ་བཏབ་ནས་གདུང་ཤུགས་དྲག་པོས། ཕར་ལ་སྟིམ་ཕོད་པ་དང་། ཚུར་ལ་འཕྲོག་ནུས་པའི་བློ་སྣ་རྩེ་ཡམ་ཡམ་པས། གཟུགས་སྣང་བླ་མའི་སྐུ། སྨྲ་བརྗོད་བླ་མའི་གསུང་། དྲན་རིག་བླ་མའི་ཐུགས་སུ་ཐག་རྦད་རྦད་བཅད་ནས་མཚན་ལྡན་བླ་མ་དམ་པ་འདིས་བདག་བཟོད་དཀའི་འཁོར་བ་ལས་བདག་བསྒྲལ་བས་བཀའ་དྲིན་འཁོར་བ་མེད་སྙམ་པའི་ལུས་བ་སྤུ་གཡོ་བ། མིག་མཆི་མ་འཁྲུག་པའི་མོས་གུས་སྟོབས་སུ་སྦྱར་ཏེ། ཕྱག་འཚལ་ལོ། །ཆོས་འཁོར་བསྐོར་ཞིང་མྱ་ངན་མི་འདའ་བར་གསོལ་བ་འདེབས། དགེ་བ་བླ་མས་རྗེས་སུ་འཛིན་པའི་རྒྱུར་ཅིག་བརྗོད། དེ་བཞིན་དུ་ཅིར་སྣང་ཡི་དམ། ཅིར་སྣང་སྒྱུ་མར་བསྒོམ་སྟེ། ལམ་འཁྱེར་གོང་བཞིན་ཉམས་སུ་ལེན་པའོ། །ལམ་འཁྱེར་རྣམ་པ་ཀུན་འདུས་པའི། །དགའ་བློ་རང་གྲོལ་མཆོག་གི་ཁྲིད། །ཉུང་གསལ་ཡི་གེས་མཚོན་པ་ཡང་། །སྐལ་ལྡན་ཐར་ལམ་བསྒྱུར་བྱེད་ཡིན།
།བསམ་སྡིངས་གཞོན་ནུ་ལྷུན་གྲུབ་ཀྱི་ཁྲིད་ལས་བསྡུས་པའོ།།