Bka' brgyud kyi gsol 'debs

Resource ID	SLv8p473
Title	bka' brgyud kyi gsol 'debs
Topics	Lineage prayer
Link	BDRC W3CN766 (p. 473)

To input
༄༅། །བཀའ་བརྒྱུད་ཀྱི་གསོལ་འདེབས་ཡོད།།

ཆོས་སྐུ་ཀུན་ཁྱབ་ནམ་མཁའི་ཀློང་དཀྱིལ་དུ། །གཟུགས་སྐུ་རྟ་བདུན་རྒྱལ་པོའི་དཀྱིལ་འཁོར་རྒྱུས། །འཕྲིན་ལས་འོད་སྟོང་རྒྱ་ཆེན་རྒྱུན་ཆད་མེད། །འགྲོ་ཀུན་སྨིན་གྲོལ་ཐར་པའི་ལམ་སྟོན་པའི། །སངས་རྒྱས་རྡོ་རྗེ་འཆང་ལ་གསོལ་བ་འདེབས། །ཕ་དྲིན་ཅན་རྩ་བའི་བླ་མ་ལ༴ །དྲིན་ཅན་པའི་ཆོས་་་་་་ལ༴ །འོག་མ་ཀུན་ལ་འདྲེའོ།
།རྡོ་རྗེ་འཆང་གི་དངོས་སུ་བྱིན་བརླབ་ནས། །སྨན་གྱི་ནགས་ཁྲོད་སྤྲུལ་པའི་དཀྱིལ་འཁོར་དུ། །རབ་མཛེས་ལྷ་ལུས་གར་དགུའི་ཉམས་ཀྱིས་རོལ། །གདམ་པའི་དངོས་གྲུབ་ཆལ་མ་ཆིལ་མར་གནང་། །ཡེ་ཤེས་མཁའ་འགྲོའི་ཞབས་ལ༴
།རྒྱ་གར་གྲུབ་ཆེན་བརྒྱ་དང་ལྔ་བཅུ་འི། །བྱིན་བརླབ་གདམ་ངག་བདུད་རྩིའི་བཅུད་བསྡུས་པ། །འཛམ་བུའི་གླིང་དུ་ཆོས་ཀྱི་སྒྲོན་མེ་སྦར། །སྤྲུལ་པའི་སྐྱེས་ཆེན་ས་བཅུ་ཟིལ་གྱིས་མནན། །གྲུབ་ཆེན་ཁྱུང་པོའི་ཞབས་ལ༴
།སྐལ་སྤྱོད་མཐར་ཕྱིན་རྩེ་གཅིག་བསྒྲུབ་པའི་མཐུས། །མངོན་ཤེས་རྫུ་འཕྲུལ་འོད་གསལ་རྒྱུན་ཆད་མེད། །ཞིང་ཁམས་ལྷ་ཚོགས་མཁའ་ལྟར་མཉམ་པར་གཟིགས། །སྲིད་ཞིའི་མཉམ་ཉིད་རྟོགས་པའི་རྣལ་འབྱོར་པ། །རིན་ཆེན་རྨོག་ལྕོག་པ་ལ༴
།སྤྱན་རས་གཟིགས་གི་དངོས་སུ་རྗེས་བཟུང་ཡང་། །མི་གནས་མྱ་ངན་འདས་པའི་ལམ་བསྒྲུབ་པས། །འཁོར་འདས་སྒྱུ་མ་རྨི་ལམ་ལྟ་བུར་གྲོལ། །བླ་མའི་དགོངས་པ་རྫོགས་པའི་གནང་བ་ཐོབ། །དབོན་སྟོན་སྐྱེར་སྒང་པ་ལ༴
།ཤེས་བྱའི་གནས་ལ་མཁས་པའི་མཐར་སོན་ཞིང་། །རྒྱལ་བའི་ཞིང་དུ་ཡི་དམ་ལྷ་ཚོགས་དང་། །མཁའ་འགྲོ་ཆོས་སྐྱོང་སྤྲིན་དཔུང་བཞིན་དུ་གཟིགས། །སྦས་པའི་རྣལ་འབྱོར་འབྲེལ་ཚད་དོན་དང་ལྡན། །སངས་རྒྱས་གཉེན་སྟོན་ཞབས༴
།མཁའ་འགྲོས་ལུང་བསྟན་ཟབ་ལམ་ཚིག་རྒྱུད་རྣམས། །བཀའ་རྒྱ་བཀྲོལ་ནས་དར་རྒྱས་ཉིན་མོར་མཛད། །འོད་གསལ་མཐའ་དབུས་མེད་པའི་མཉམ་རྗེས་འདྲེས། །རྫུ་འཕྲུལ་ནུས་པས་སྣང་སྲིད་བྲན་དུ་བཀོལ། །སངས་རྒྱས་སྟོན་པའི་ཞབས་ལ༴
།ཐབས་ལམ་མེ་དཔུང་འགྲིག་པའི་ཀློང་དཀྱིལ་དུ། །སྒྱུ་མའི་གཞན་མེད་རྨི་ལམ་རི་མོས་བཀྲ། །འོད་གསལ་སྒྲོན་མེ་འཕོ་བདེའི་གླུ་གར་སྒྱུར། །ལོངས་སྐུའི་ལྷ་ཚོགས་འབྲལ་མེད་ལས་མཆོད་པའི། །རྩང་སྟོན་ཆེན་པོའི་ཞབས་ལ༴
།མཁས་བཙུན་བསྒྲུབ་པའི་རྒྱ་བརྩོན་མཐོན་པོའི་རྩེར། །ཏིང་འཛིན་འབུམ་ཕྲག་མང་པོའི་སྒོ་ཕྱེ་ནས། །ཟབ་ཡང་་་་་་་་་་་འོད་གསལ་དངོས་སུ་གཟིགས། །མཁའ་འགྲོ་ཆོས་སྐྱོང་བྲན་བཞིན་འཕྲིན་ལས་བསྒྲུབ། །མཁས་བཙུན་ཆེན་པོའི་ཞབས༴
།བྱམས་པའི་ཐུགས་རྗེས་འགྲོ་ལ་གཟིགས་་་་་དཔལ། །འབད་རྩོལ་མེད་པར་རྟོགས་པའི་མཚོ་རྡོལ་ནས། །འོད་གསལ་ཉི་མའི་དཀྱིལ་འཁོར་བཞིན་དུ་རྒྱས། །སངས་རྒྱས་བྱང་སེམས་སྐར་ཆོགས་ལྟ་བུར་གཟིགས། །འཇིགས་ཆེན་བྱམ་པའི་ཞབས༴
།བློ་གྲོས་མཁྱེན་པའི་དཔལ་འབྱོར་བཟང་པོ་ཡི། །བསྐྱེད་རྫོགས་དབང་འཇམ་ཀུན་གྱིས་མཐར་སོན་ཤིང་། །ཆོས་དབྱིངས་ཁྱས་བ་་་ལ་ནམ་མཁའི་ཁྱོན་ལྟར་གསལ། །ལྷར་བཅས་འགྲོ་བ་སྨིན་གྲོལ་ལམ་ལ་བཀོད། །འཇག་ཆེན་བློ་བཟང་ཞབས༴
To input