Rjes su yi rang ba'i phyi'i dbang bka'

Resource ID	SCv9p443
Title	rjes su yi rang ba'i phyi'i dbang bka'
Alt. title	rjes su yi rang ba'i dbang
Topics	rjes su yi rang, Initiation
Author	Sangyé Tönpa
Associated Person	A Sengé

ན་མོ་གུ་རུ།
རྗེས་སུ་ཡི་རང་བའི་དབང་ལ་གསུམ་སྟེ། སྔོན་འགྲོ་དངོས་གཞི་རྗེས་སོ།
།དང་པོ་ནི། གནས་ཁང་ཕྱག་དར་བྱ། གཏོར་མ་གསུམ་བཤམས། སློབ་མ་རྣམས་གྲལ་ལ་འཁོད། བགེགས་གཏོར་བཏང་། གཏོར་མ་དང་པོ་བླ་མ་ཡི་དམ། གཉིས་པ་ཆོས་སྐྱོང་། གསུམ་པ་གཞི་བདག་ལའོ།
།གཉིས་པ་ནི། སློབ་མ་ལ་སྐྱབས་འགྲོ་སྨོན་འཇུག་ཏུ་སེམས་བསྐྱེད། ལམ་ཡན་ལག་ལྔས་སྡིག་པ་བཤགས། སློབ་མ་རྣམས་རིགས་གསུམ་མགོན་པོ་གང་མོས་བསྒོམ་དུ་གཞུག །མདུན་གྱི་ནམ་མཁའ་ལ། བླ་མ་བརྒྱུད་པ་དང་། སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པ་བསམ་ལ། སྤོས་ཕུལ། རྗེས་སུ་ཡི་རང་ཚར་གཅིག་བསྒོམ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་སྨིན་མཚམས་ནས་བྱུང་བའི་ཆུ་རྒྱུན་དཀར་པོ་བྱུང་སློབ་མའི་ལུས་ལ་ཐིམ། ལུས་ཀྱི་སྒྲིབ་པ་དག་པར་བསམ་མོ། །ཡང་བརྒྱུད་པའི་བླ་མ་དང་། སངས་རྒྱས་དང་བྱང་ཆུབ་སེམས་དཔའི་གསུང་ལས་དམར་པོ་བྱུང་། སློབ་མའི་མགྲིན་པར་ཐིམ། ངག་གིས་སྡིག་པ་དག་པར་བསམ། ཡང་ཐུགས་ཀ་ནས་མཐིང་ག་བྱུང་། སློབ་མའི་སྙིང་ྒར་ཐིམ། ཡིད་ཀྱི་སྡིག་པ་དག་པར་བསམ། དེ་ནས་བླ་མ་བརྒྱུད་པ་དང་། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་སློབ་མ་ལ་ཐིམ་པས། ཐུགས་རྗེ་ཆེན་པོར་གྱུར་པར་བསྒོམ།
གསུམ་པ་ནི་པུ་ཙ་ལ་ལོངས་སྤྱོད། གཏོར་མ་བཏང་། དགེ་བ་བསྔོ་བའོ།
།རྗེས་སུ་ཡི་རང་བའི་ཕྱིའི་དབང་བཀའ་སངས་རྒྱས་སྟོན་པའི་གསུང་བཞིན། ཨ་ཡི་སེང་གེས་བཀོད་པའོ།