Ngarköngang

Resource ID	PL2
Place Type	Hermitage
Coordinates	29°54'33"N 91°14'35"E
Links

Name Variants

sngar dkong sgang mgon po'i sgrub phug

History

Notes

W1KG26279: སྔར་དཀོན་སྒང་མགོན་པོའི་སྒྲུབ་ཕུག་ནི་དེང་འཕན་པོ་ལྷུན་གྲུབ་རྫོང་དགའ་ཆོས་གྲོང་བརྡལ་སྔར་དཀོན་སྒང་གྲོང་ཚོའི་ཕུར་གནས་ཤིང་། དེ་ནི་མཁས་གྲུབ་ཁྱུང་པོ་རྣལ་འབྱོར་འཕགས་བལ་དུ་ཕེབས་ཟིན་རྗེས་དང་། འཕན་ཡུལ་འཆད་ཁ་དགོན་ཕྱག་མ་བཏབ་ཙམ་སྟེ་སྤྱི་ལོ1115ལོའི་ཡས་མས་སུ་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པའི་སྒྲུབ་པ་ལ་ཞུགས་ཏེ་མགོན་པོ་གང་དེས་ཞལ་གཟིགས་གནང་མྱོང་སའི་གནས་ཁྱད་པར་ཅན་ཞིག་ཡིན། ཡུལ་དེར་སྔར་དཀོན་ཞེས་ཐོགས་དགོས་དོན་ནི། ཁུལ་དེའི་དམངས་ཁྲོད་དུ་ཐོག་མར་མཁས་གྲུབ་ཁྱུང་པོ་རྣལ་འབྱོར་ལུང་པ་འདིའི་ཤར་ངོས་སུ་བཞུགས་མྱོང་བའི་ས་དེར་རྩམ་པ་གསེར་ལས་ཀྱང་དཀོན་པས་ས་མིང་ལའང་གསེར་དཀོན་ཞེས་དང་། དེ་རྗེས་སྔར་དཀོན་གྲོང་ཚོའི་ཕུ་ཡི་སྒྲུབ་ཕུག་དེར་ཕེབས་པས་རྩམ་པ་སྔར་ལས་ཀྱང་དཀོན་པར་གྱུར། དེས་ན་མཁས་གྲུབ་ཁྱུང་པོས་བྲག་ཕུག་མདུན་གྱི་བྲག་རྡོག་གཅིག་གི་སྟེང་དུ་སྔར་དཀོན་སྔར་ལས་དཀོན་པར་ཤོག །གསེར་དཀོན་གསེར་ལས་དཀོན་པར་ཤོག །རྩམ་པའི་རས་ཕད་ཁེངས་པར་ཤོག་ཅེས་རྩ་མ་རས་བརྡབས་ནས་མཁས་གྲུབ་ཁྱུང་པོ་རང་ཉིད་གནམ་དུ་འཕུར། སྒྲུབ་ཕུག་མདུན་དུ་ཁུལ་དེའི་ཁ་རྒྱུན་དུ་རས་ཀྱིམ་（སྐྱེ་）བརྡེབས་ས་ཞེས་གྲགས་པའི་བྲག་རྡོ་དཀར་པོ་ཞིག་ཀྱང་དངོས་སུ་མཇལ་རྒྱུ་འདུག

།དེ་ཡང་དཔལ་ནག་པོ་ཆེན་པོའི་རྒྱུད་ལེའུ་བརྒྱད་པར་ཨེ་མ་འཁོར་འདུས་ངོ་མཚར་ཅན། །མ་འོངས་དམ་ཅན་སྒྲུབ་བྱས་ན། །དམ་ཚིག་ལ་གནས་སྡོམ་པ་བཟུང་། །གཏོར་མ་དག་ལ་བརྩོན་པར་བྱ་ཞེས་དང་། ཡང་མགོན་པོའི་བསྙེན་སྒྲུབ་ལས་གསུམ་ཐམས་ཅད་གཏོར་མ་ལ་རགས་པས། ཐུགས་དམ་གཏོར་མས་བསྐོང་། ཕྲིན་ལས་གཏོར་མ་ཕུལ་ནས་འཆོས་དགོས་པ་ཡིན་པས་ཞེས་གསུངས་པ་བཞིན་མགོན་པོར་རྟག་གཏོར་དང་འཕྲལ་གཏོར། གློ་བུར་ལས་བཅོལ་གྱི་གཏོར་མ་སོགས་ཀྱི་གཏོར་མའི་རིགས་རྣམས་ཕུལ་རྒྱུ་གལ་འགངས་ཆེ་ཡང་། ཤིན་ཏུ་ཡ་མཚན་པ་ཞིག་ལ་མཁས་གྲུབ་ཁྱུང་པོའི་རྣམ་ཐར་དུ་འཕན་ཡུལ་འཇོག་པོའི་རི་ལ་སྒྲུབ་པ་བྱེད་པའི་དུས་རྒྱགས་ཕྱེ་མ་བྱུང་ནས་ཞེས་པ་ལྟར་མཁས་གྲུབ་ཁྱུང་པོར་རང་ཉིད་མཆོད་རྒྱུའི་རྒྱགས་ཕྱེ་མེད་པ་དང་། ཐ་ན་མགོན་པོར་ཕུལ་རྒྱུའི་རྒྱུན་གཏོར་གཏོང་བའི་རྒྱུ་ཡང་ཆད་ནས་དགོང་མོ་ཞིག་བྲག་ཕུག་གི་སྒོར་ཕེབས་ཏེ་ཀྵེ་ཏྲ་པཱ་ལ་དང༌། ཛི་ན་མི་ཏྲ། ཊཀྐི་རཱ་ཛ། བདུད་མགོན་ཀྵ་ཤད་སོགས་མགོན་པོའི་འཁོར་རྣམ་བཞིའི་མཚན་འབོད་ནས་ང་ལ་རྒྱགས་ནམ་ཡང་མེད་དེ། མགོན་པའི་རྒྱུན་གཏོར་ཆད་ནས་མི་འདུག་གོ་བྱས་ནས་འོ་འདོད་ཆེན་པོ་འབོད་ཅེས་གཏོར་རྫས་གཙོ་བོ་རྩམ་པ་ཡིན་པ་དེའང་ཆད་པའི་གསུངས་ཚུལ་དེ། གོང་དུ་བཀོད་པའི་རྩམ་པ་གསེར་ལས་དཀོན་པའི་དམངས་ཁྲོད་ཀྱི་ཤོད་རྒྱུན་དེ་དང་ཡོངས་སུ་མཚུངས་པས་དེ་ནི་ལོ་རྒྱུས་ཀྱི་དོན་དངོས་ཤིག་ཡིན་པ་གོར་མ་ཆག
།མཁས་གྲུབ་བེའུ་བུམ་དུ་དབེན་ཞིང་འདུ་འཛི་བྲལ་བ་དང་། ནག་ཕྱོགས་ལ་འགའ་བའི་མི་མ་ཡིན་གདུག་པ་ཅན་གནས་པའི་ས་མ་ཡིན་པ་དང་། གྲིབ་ཅན་དང་དམ་ཚིག་ཉམས་པའི་གནས་མ་ཡིན་ཞིང་། རང་གི་ཡིད་དང་མཐུན་པའི་སྤྱིལ་བུའམ། དུར་ཁྲོད་ལ་སོགས་པ་མཁའ་འགྲོ་འདུ་བའི་གནས་སོ་ཞེས་མགོན་པོ་འདི་ཉིད་ཉམས་སུ་ལེན་པའི་གནས་ཁྱད་པར་ཅན་རྣམས་དང་མཐུན་པར་གསེར་དཀོན་གྱི་སྒྲུབ་ཁང་དེ་ནི་ཁུ་སིམ་ལྷིང་འཇགས་ཀྱི་རི་ཁུག །དགེ་སྦྱོར་ཡོན་ཏན་ཐམས་ཅད་ངང་གིས་འཕེལ་བའི་ས། བྲག་རི་གཡང་གཟར་གྱི་ལྡེབས་སུ་ཆགས་ཤིང་ཕྱོགས་བཞི་གང་ནས་བལྟས་ཀྱང་སྒྲུབ་ཁང་གི་སྒོ་མཐོང་བར་དཀའ་བ་ཞིག་ཏུ་གནས་འདུག །སྒྲུབ་ཁང་དེའི་ནང་གི་རྒྱ་ཁྱོན་ལ་ཧ་ལམ་སྨི་གྲུ་བཞི་མ་ཉེ་ཤུར་ཉེ་བ་དང་མཐོ་ཤོས་ལ་སྨི་ལྔ་ཙམ་འདུག །དེའི་བྱང་ངོས་སུ་རྡོ་ལས་བརྩིགས་པའི་བཞུགས་ཁྲི་གཅིག་དང་། བཞུགས་ཁྲི་དེའི་ཁ་སྤྲོད་དུ་ཕ་བོང་དཀར་པོ་ཞིག །དེ་མིན་བཞུགས་ཁྲིའི་ནུབ་ངོས་ཀྱི་འགྲམ་དུ་ཆུ་མིག་གཅིག་ཀྱང་མཇལ་རྒྱུ་འདུགམི་ལ་ལས་སྔར་དཀོན་ཕུར་སྒྲུབ་ཕུག་བརྒྱ་དང་བརྒྱད་མཇལ་རྒྱུ་ཡོད་པར་བརྗོད་ཀྱང་། མཁས་གྲུབ་ཁྱུང་པོའི་བྲག་ཕུག་འདི་དང་ཐག་ཅུང་ཉེ་བའི་སར་ཤུག་པ་སྒྲུབ་ཁང་ཞེས་ཉེ་འཁོར་དུ་ཤུག་སྡོང་གཉིས་ཡོད་པའི་སྒྲུབ་ཕུག་གཅིག་སྟེ་ཡོངས་གྲགས་སུ་གཉིས་ལས་མཇལ་རྒྱུ་མི་འདུག །སྒྲུབ་ཕུག་དེ་ནི་ཇོ་ནང་ཏཱ་ར་ནཱ་ཐས་འཇོག་པོ་ཤུག་བྲག་ཏུ་འབོད་པ་དེ་ཡིན་ཞིང་། འདིའི་ནང་དུའང་མཁས་གྲུབ་ཁྱུང་པོ་བཞུགས་མྱོང་བར་གསུངས། ལོ་ལྟར་བོད་ཟླ་ལྔ་པའི་ཚེས་བཅུ་ཉིན་ལུང་པ་དེའི་མི་རྣམས་མཁས་གྲུབ་ཁྱུང་པོའི་མགོན་པོའི་སྒྲུབ་ཁང་གི་ཉེ་འཁོར་དུ་ཚེས་བཅུའི་ལྷ་གསོལ་བསང་གཏོང་དང་བཅས་དབྱར་སྐྱིད་གཏོང་སྲོལ་ཡང་འདུག །དེའི་དུས་སྒྲུབ་ཁང་དེར་མི་བཅུ་ཙམ་ཉལ་ནས་སྡོད་ཐུབ་ཀྱི་ཡོད།
ཡ་མཚན་པ་ཞིག་ལ་སྒྲུབ་ཁང་དེའི་སྒོ་ནི། ཤངས་ཀྱི་སྲིན་མོར་ཡོད་པའི་མཁས་གྲུབ་ཁྱུང་པོ་ཟང་ཐལ་ལ་ཕེབས་ཤུལ་གྱི་བྲག་རི་དེ་དག་དང་འདྲ་བར། མཁས་གྲུབ་ཁྱུང་པོ་རྣལ་འབྱོར་གྱི་སྐུ་སྟོད་དང་དབུ་གཡོན་དུ་ཅུང་ཙམ་བཀྱོག་པའི་དབྱིབས་དང་འདྲ་ལ། མགོན་པོ་ཕྱག་དྲུག་དཀྲིག་དཀྲིག་ཞབས་ཕུད་པའི་སྐུ་ལུས་ཀྱི་བཞུགས་སྟངས་དང་ཡང་ཤིན་ཏུ་འདྲ་བར་སྣང་།

Loading map...

{"minzoom":false,"maxzoom":false,"mappingservice":"leaflet","width":"auto","height":"350px","centre":false,"title":"","label":"","icon":"","visitedicon":"","lines":[],"polygons":[],"circles":[],"rectangles":[],"wmsoverlay":false,"copycoords":false,"static":false,"zoom":10,"defzoom":14,"layers":["OpenStreetMap"],"overlaylayers":[],"resizable":false,"enablefullscreen":false,"scrollwheelzoom":true,"markercluster":false,"clustermaxzoom":20,"clusterzoomonclick":true,"clustermaxradius":80,"clusterspiderfy":true,"geojson":"","locations":[{"text":"\u003Cb\u003E\u003Cdiv class=\"mw-parser-output\"\u003E\u003C/div\u003E\u003C/b\u003E\u003Chr /\u003E\u003Cdiv class=\"mw-parser-output\"\u003E\u003C/div\u003E","title":"","link":"","lat":29.909166666667,"lon":91.243055555556,"icon":""}],"imageoverlays":null}