Me tog mkha' spyod dkar mo'i sgrub thabs

Resource ID	SCv6p203
Title	me tog mkha' spyod dkar mo'i sgrub thabs
Alt. title	vajrayoginī sādhanaṃ rdo rje rnal 'byor ma'i sgrub thabs
Topics	Kechari
Sub-Topics	Vajra verses
Author	Atisha
Link	BDRC W23922 BDRC W23922 BDRC W23605 BDRC W4CZ58783 (p.371) BDRC W3CN18508 (p.615) BDRC W8LS16295 (p.22) BDRC W8LS32723

༈ མེ་ཏོག་མཁའ་སྤྱོད་དཀར་མོའི་སྒྲུབ་ཐབས་བཞུགས་སོ།

།རྒྱ་གར་སྐད་དུ། བཛྲ་ཡོ་གི་ནཱི་སཱ་དྷ་ནཾ། ༼བཛྲ་ཧྲཱི་ཡོ་གི་ནཱི།༽
བོད་སྐད་དུ། རྡོ་རྗེ་རྣལ་འབྱོར་མའི་སྒྲུབ་ཐབས།
རྡོ་རྗེ་རྣལ་འབྱོར་མ་ལ་ཕྱག་འཚལ་ལོ།
།༼ངལ་བས་༽དོན་མེད་༼པའི་སྒོ་གསུམ་གྱི་སྤྱོད་པས་༽བདག་ལ་གནོད་པའི་༼འཇིག་རྟེན་གྱི་༽བྱ་བ་ཀུན་སྤངས་ནས།
།༼སེམས་བསྐྱེད་སྔོན་སོང་ནས༽མཁའ་དབྱིངས་དག་ནས་ཧྲཱིཿཡིག་༼ལས་འོད་༽འཕྲོ་འདུ་ལས། །༼མཁའ་སྤྱོད་མ་༽གར་གྱི་ཉམས་༼དགུ་དང་༽ལྡན་༼ཕྱག་གཡས་༽རྡོ་རྗེ་གྲི་གུག་༼གཡོན་ཐོད་པ་༽བསྣམས། །ཟླ་བའི་མདོག་འདྲ་འོད་ཟེར་སྣ་ཚོགས་འཕྲོས། །སྐུ་གསུང་ཐུགས་ཀྱི་སྙིང་པོ་མཆོད་བྱས་ན། །སྒྲིབ་ཚོགས་དག་ནས་མཁའ་དབྱིངས་དག་ཏུ་འགྲོ།
།མཁའ་སྤྱོད་དཀར་མོའི་སྒྲུབ་ཐབས་པཎྜི་ཏ་དཱི་པཾ་ཀཱ་ར་ཤྲཱི་ཛྙཱ་ནས་༼མར་མེ་མཛད་ཡེ་ཤེས་དཔལ་༽མཛད་པ་ཛོགས་སོ།། །།
མཁའ་སྤྱོད་དཀར་མོའི་དབང་།།

ན་མོ་གུ་རུ།
དབང་སྐུར་བ་འདོད་པས། མཎྜལ་པད་མ་འདབ་བརྒྱད་ཀྱི་དབུས་སུ། ཆོས་འབྱུང་དཀར་པོ་རྐྱང་པ། དེའི་སྟེང་དུ་གཏོར་མ་མཁའ་སྤྱོད་མར་བསྐྱེད་ལ།
སྐྱབས་སུ་འགྲོ་བ་ནས་ལམ་ཡན་ལག་ལྔ་ལ་སོགས་པའི་བར་དུ་ཅི་རིགས་པར་བྱ། དེ་ནས་ལུས་དང་ལོངས་སྤྱོད་ཐམས་ཅད་ལྟོས་པ་མེད་པར་ཕུལ་ནས། དབང་བཞི་རྫོགས་སུ་སྐུར་དུ་གསོལ་ཞེས་གསོལ་བ་གདབ།
མཁའ་སྤྱོད་མའི་སྐུ་གསུང་ཐུགས་ལས་འོད་ཟེར་དཀར་དམར་འཐིང་གསུམ་འཕྲོས། སངས་རྒྱས་བྱང་ཆུབ་སེམས་དཔའ་ཐམས་ཅད་མཆོད། སྐུ་གསུང་ཐུགས་ཀྱི་ཡོན་ཏན་ཐམས་ཅད་འོད་ཟེར་དཀར་དམར་འཐིང་གསུམ་དུ་མཁའ་སྤྱོད་མའི་སྤྱི་བོར་ཐིམ་པས། མཁའ་སྤྱོད་མའི་སྨིན་མཚམས་ནས་འོད་ཟེར་དཀར་པོ་བྱོན་རང་གི་སྨིན་འཚམས་སུ་ཕོག ལུས་ཀྱི་བསགས་པའི་སྡིག་སྒྲིབ་དག །བུམ་པའི་དབང་ཐོབ་པར་བསམ།
དེ་བཞིན་དུ་དམར་པོ་མགྲིན་པར། ངག་གི་དག །གསང་དབང་ཐོབ།
འཐིང་ཁ་སྙིང་ཁར་ཕོག་པས་ཡིད་ཀྱི་སྡིག་སྒྲིབ་དག་ཤེས་རབ་ཡེ་ཤེས་ཀྱི་དབང་ཐོབ་པར་བསམ་མོ།
།དེ་ནས་སེམས་མ་བཅོས་པ་ཕྱག་རྒྱ་ཆེན་པོར་བཞག་གོ དེས་ལུས་ངག་ཡིད་གསུམ་ཐ་དད་དུ་འཛིན་པ་དག་ནས་དབང་བཞི་པ་ཐོབ་པའོ།
།དེ་ནས་གཏོར་མ་སློབ་མའི་སྤྱི་བོར་བཞག་པ་དང་། རྗེ་བཙུན་མ་རྒྱུད་ལ་སྟིམ་གྱིས་ཐིམ་པར་བསམ་མོ།
།དེ་ནས་ཚོགས་ལ་རོལ། འཇུག་དགེ་རྩ་བྱང་ཆུབ་དུ་བསྔོའོ། ཨིཐི།།