Rtsibs brgyad 'khor lo

Resource ID	SCv8p752
Title	rtsibs brgyad 'khor lo
Alt. title	rgyud gsum dril ba'i man ngag rdo rje'i khrul
Topics	Various
Sub-Topics	Various by Niguma
Author	Niguma
Link	BDRC W23922 BDRC W23922 BDRC W3CN18508 (v2p.480) BUDA MW2PD20238 (p.444)

༄༅། །རྩིབས་བརྒྱད་འཁོར་ལོ་ནི།། ༼རྒྱུད་གསུམ་དྲིལ་བའི་མན་ངག་རྡོ་རྗེའི་ཁྲུལ་བཞུགས།༽

ན་མོ་གུ་རུ།
སེམས་བསྐྱེད་སྔོན་དུ་སོང་བས། རང་གི་སྤྱི་བོར་འཁོར་ལོ་སྔོན་པོ་རྩིབས་བརྒྱད་པ་གཅིག་བསྒོམ།
དེའི་ལྟེ་བ་ལ། ཨོཾ་ཧྲཱི་ཧ་ཧ་ཧཱུྃ་ཧཱུྃ་ཕཏ་ཀྱི་སྔགས་ཀྱི་གཡོན་དུ་བསྐོར་བ་ལ་དམིགས་པ་ཅུང་ཞིག་གཏད་པས། དེ་ལས་འོད་ཟེར་སྔོན་པོ་འཕྲོས་པས་ལུས་ཀྱི་སྡིག་སྒྲིབ་དག་པར་བསྒོམ།
མགྲིན་པར་འཁོར་ལོ་རྩིབས་བཞི་པ་སྔོ་སྐྱ་གཅིག་གིས་ལྟེ་བ་ལ། ཨོཾ་ཨཱཿཧྲཱིཿཧཱུྃ་ཕཏ་སྭཱ་ཧཱ། ཞེས་པའི་སྔགས་ཀྱིས་གཡས་སུ་བསྐོར་བ་ལ་སེམས་གཏད་པས། དེ་ལས་འོད་ཟེར་འཕྲོས་པས་ངག་གིས་བསགས་པའི་སྒྲིབ་པ་དག་པར་བསྒོམ།
སྙིང་ཁར་འཁོར་ལོ་རྩིབ་བརྒྱད་པ་གཅིག་གིས་ལྟེ་བ་ལ། ཨོཾ་དེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཏ་སྭཱ་ཧཱ། ཞེས་པའི་སྔགས་ཀྱིས་གཡས་སུ་འཁོར་བ་ལ་དམིགས་པ་གཏད་པས་འོད་ཟེར་སྔོན་པོ་གཅིག་འཕྲོས། རོ་སྟོད་ཐམས་ཅད་འོད་ཀྱིས་ཁྱབ་པས་སེམས་ཀྱིས་བསགས་པའི་སྡིག་སྒྲིབ་བག་ཆགས་དང་བཅས་པ་ཐམས་ཅད་དག་ནས། ལུས་ཤེལ་གོང་དག་པའི་རྣམ་པ་ལྟ་བུ། ཕྱི་ནང་ཐམས་ཅད་གསལ་སིང་ངེ་སོང་བར་བསམས། དེ་ནས་སྙིང་གའི་ཡིག་འབྲུ་དང་བཅས་པ་དེའུབ་ཡར་འདུས། མགྲིན་པའི་འཁོར་ལོ་ཡིག་འབྲུ་དང་བཅས་པ་ལ་ཐིམ། མགྲིན་པའི་འཁོར་ལོ་སྤྱི་བོར་ཐིམ་པ་དང་། ལུས་སྟོང་སངས་སོང་བར་བསྒོམ།
དེ་ནས་འོག་རླུང་དྲངས་ཏེ། ལྟེ་བ་སྒལ་པ་ལ་སྦྱར་ཏེ་རླུང་མནན། མིག་ཧྲིག་སྟོན་ཤེས་པ་རྟེན་མི་བཅའ་བར། ཕྱག་རྒྱ་ཆེན་པོའི་ངང་ལ་བཞག་གོ།
བདེ་མཆོག །དགྱེས་རྡོར། མ་ཧཱ་མ་ཡ། རྒྱུད་གསུམ་དྲིལ་བའི་མན་ངག་འདི། ཐོ་རངས་ཀྱི་ཆ་ལ་མ་ཆག་པར་བསྒོམས་པས། དགེ་སྦྱོར་ལ་བོགས་ཆེན་པོ་འོང་ངོ་།
ཚུལ་ཁྲིམས་འཆལ་པ་དང་། དམ་ཚིག་ཉམས་པའི་གྲིབ་ཀྱིས་མི་ཚུགས། རྡོ་རྗེའི་ཁྲུས་སུ་འགྱུར་རོ།
ནད་གདོན་གྱིས་མི་ཚུགས། ཡོན་ཏན་དཔག་ཏུ་མེད་དོ།
མཁའ་འགྲོ་མ་ནཻ་གུ་མའི་ཞལ་གདམས་རྫོགས་སོ། ཨྀཐིཿ

MW2PD20238 p.446: ༼རྒྱུད་པ་ནི། རིན་ཆེན་བདུན། ཤངས་སྟོན། རྒྱལ་མཚན་འབུམ། བྱམས་པ་དཔལ། ཆོས་གྲགས་པ། སངས་རྒྱས་དཔལ། དུས་འཁོར་བ་འཕགས་པ་རིན་ཆེན། དེས་བདག་རིན་ཆེན།༽