Rtsa mdud 'grol ba

Resource ID	SCv8p740
Title	rtsa mdud 'grol ba
Topics	Yantra
Sub-Topics	Various
Author	Niguma
Link	BDRC W23922

ན་མོ་གུ་རུ།
ཡེ་ཤེས་དཱ་ཀི་ནཻ་གུ་མས། །ཞལ་གདམས་འདི་ལ་གསུམ་ཡིན་ཏེ། རྩ་མདུད་འགྲོལ་དང་དྲང་པ་དང་། རྩ་ནི་དབུ་མར་གཞུག་པའོ།
།དང་པོ་རྩ་མདུད་འགྲོལ་བ་ནི། །དབེན་གནས་འབོལ་བའི་སྟན་སྟེང་སུ། །ལུ་གནད་རྣམས་སྣང་ཆོས་བདུན་བཅའ།
།དམིགས་པ་རྩ་གསུམ་གསལ་གདབ་ལ། །མཐའ་མའི་རྩ་གཉིས་རིང་བ་ཡི། །རྩ་སྣ་དབུ་མར་ཚུད་བསམ་ལ། །རང་གི་རོ་སྟོད་གཡས་གཡོན་ནི། །དྲག་པོ་བདུན་བདུན་གཅུ་བར་བྱ། །དེ་ཡིས་རྩ་མདུད་གྲོལ་བར་བྱེད།
།གཉིས་པ་རྩ་རྣམས་དྲང་བ་ནི། །རང་ཉིད་ཀོག་གི་ལངས་བྱས་ལ། །རླུང་གི་འཁོར་ལོ་ཐུར་དུ་བཤིག །མེའི་འཁོར་ལོ་གྱེན་དུ་བཤིག །སྒལ་ཚིག་དྲང་པོར་ཐར་གྱིས་བསྲང་། །གྱེན་དུ་འཕང་ཞིང་འོག་ཏུ་ནི། །རྟིང་པ་ས་ལ་བརྡབ་པར་བྱ། །དེ་ལྟ་བུ་ནི་ལན་བདུན་བྱ། །དེས་ནི་རྩ་རྣམས་དྲང་བ་ཡིན།
།གསུམ་པ་དབུ་མར་དྲང་བ་ནི། །ལག་པ་གཉིས་ནི་བརླ་ན་མར། །ཁུ་ཚུར་བཅངས་ལ་ཤད་ཀྱིས་བརྐྱངས། །གྱེར་འཕར་འོག་ཏུ་རྟིང་པ་བརྟབ། །དེ་ལྟ་བུ་ནི་ལན་བདུན་ནོ།
ཐིག་ལེ་ལུས་ལ་དགྲམ་པ་ནི། །ཉ་བཞི་ལག་མཐིལ་བཤད་པ་ཡིན། །ལུས་གནད་རྣམས་ཆོས་བདུན་ལ། །སེམས་ཉིད་སྤྲོས་དང་བྲལ་བར་བཞག །ལྷོད་ཀྱིས་གློད་པ་ཤིན་ཏུ་གཅེས། །ཕྱག་རྒྱ་ཆེན་པོ་སྐྱེ་བ་ཡིན། །ཐིག་ལེ་པྱི་རུ་ཤོར་དོགས་ན། །རྣམ་སྣང་ཆོས་བདུན་ལུས་གནད་ལ། །དམིགས་པ་ནོར་བུའི་རྩེ་མོ་རུ། །ཐིག་ལེ་དཀར་པོ་བསམ་པ་སྟེ། །དེ་ནི་ནོར་བུའི་ནང་ཞུགས་ནས། །དབུ་མར་རྒྱངས་ཀྱི་སོང་བ་ཡིས། །ཚངས་པའི་བུ་གར་ཐོན་པ་དང་། །ཕྱག་རྒྱ་ཆེན་པོའི་ངང་ལ་བཞག །ཐིག་ལེའི་ཁ་ནས་འབུས་པ་དང་། །གློ་བུར་འདོད་ཆགས་སྐྱེ་བ་དང་། །འདྲེ་མོ་གནོད་པར་བྱེད་པ་དང་། །དེ་སྒོམས་པས་ནི་སེལ་བར་བྱེད། །ལུས་སྦྱོང་དེ་རྣམས་གང་བྱེད་ཀྱང་། །སྤྱི་བོར་བླ་མ་བསྒོམས་པ་ལ། །གསོལ་བ་དྲག་ཏུ་གདབ་པར་བྱ། །རླུང་བཟུང་པ་ནི་ཤིན་ཏུ་གཅེས། །དེ་རྣམས་ཕྱི་ཡི་གནད་ཡིན་གསུང་།། ཨྀཐིཿ