Ye shes mkha' 'gro chos drug gsal sgron

Resource ID	Sup1
Title	ye shes mkha' 'gro chos drug gsal sgron
Alt. title	ye shes kyi mkha' 'gro ma ni gu ma la gsungs pa'i thar lam gsal ba'i sgron me
Topics	Six doctrines of Niguma
Sub-Topics	Commentary
Link	BDRC W8LS37032 (p.663)
Notes	Same plan as chos drug gi 'grel pa bdud rtsi rgya mtsho

༄༅། །ཡེ་ཤེས་མཁའ་འགྲོ་ཆོས་དྲུག་གསལ་སྒྲོན་བཞུགས་སོ།།

ཨོཾ་སྭ་སྟི་སིདྷཾ། བླ་མ་དམ་པའི་ཞབས་ལ་གུས་པས་ཕྱག་འཚལ་ལོ།
།ཇི་བཞིན་གཟིགས་པའི་གཟིགས་པ ་རྣམ་དག་ཆོས་ཀུན་ངོ་བོ་མེད་གཟིགས་ཅིང་། །ཇི་སྙེད་མཁྱེན་པའི་མཁྱེན་པ་རབ་ཡངས་དངོས་ཀུན་རྨི་ལམ་སྒྱུ་མར་མཁྱེན། །ཚད་མེད་འགྲོ་བའི་འགྲོ་བ་འདྲེན་མཛད་འགྲོ་མགོན་ཆོས་རྗེ་རིན་པོ་ཆེ། །ས་གསུམ་བླ་མའི་བླ་མ་མཆོག་གི་བླ་མེད་ཞབས་ལ་ཕྱག་འཚལ་ལོ། །དེའི་གསུང་རབ་གསུང་གི་བདུད་རྩིའི་གདམས་པ་རྣམས། །འགྲོ་བའི་དུག་གསུམ་དུག་ལྟའི་ནད་ཀུན་ཞི་བྱེད་ཅིང་། །འཆི་མེད་མཆོག་གི་མཆོག་རབ་གནས་སུ་འཁྲིད་བྱེད་པ། །མཁའ་འགྲོའི་སྙན་བརྒྱུད་སྙན་ནས་བརྒྱུད་བཞིན་བྲི་བར་བྱ། །འདིར་ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་ཆེན་པོས། ཡེ་ཤེས་ཀྱི་མཁའ་འགྲོ་མ་ནི་གུ་མ་ལ་གསུངས་པའི་སྙན་བརྒྱུད་ཀྱི་གདམས་པ་འདི་ལ་ཆོས་དྲུག་སྟེ། ཐབས་ལམ་བདེ་དྲོད་རང་འབར། སྒྱུ་ལུས་ཆགས་སྡང་རང་གྲོལ། རྨི་ལམ་ཉིང་འཁྲུལ་རང་དག འོད་གསལ་གཏི་མུག་རང་སངས། འཕོ་བ་མ་བསྒོམས་སངས་རྒྱས། བར་དོ་རྒྱལ་བ་ལོངས་སྐུའོ། །དང་པོ་ཐབས་ལམ་ལ་གསུམ། སྔོན་འགྲོ། དངོས་གཞི། རྗེས་སོ། །སྔོན་འགྲོ་ལ་གསུམ་གྱི།་་་་་དྲུག་ཀར་གྱི་སྔོན་འགྲོར་ཀྱང་འགྲོ་གསུངས། དང་པོ་དག་བྱེད་ཨའི་སྟོང་ར་ནི། སེམས་བསྐྱེད་སྔོན་དུ་སོང་བས། རང་ཐ་མལ་དུ་གནས་པའི་སྤྱི་བོར། པཾ་ལས་པད་མ་ཨ་ལས་ཟླ་བའི་དཀྱིལ་འཁོར་ཀྱི་སྟེང་དུ་རྩ་བའི་བླ་མ་བསྒོམ། དེ་ལ་འོག་ནས་འབྱུང་བའི་ཚུལ་ལྟར་གཞན་ཡང་བསྟིམས་ནས། བླ་མ་རིན་པོ་ཆེ་བདག་གི་ནད་གདོན་ཞི་བར་མཛད་དུ་གསོལ། སྡིག་སྒྲིབ་དག་པར་མཛད་དུ་གསོལ། ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། ཞེས་གསོལ་བ་དྲག་དུ་བཏབ་ནས་རང་རང་གི་སྨིན་མཚམས་སུ་ཆོས་འབྱུང་གྲུ་གསུམ་་་་་་རྣམ་ཐར་སྒོ་གསུམ། ཡང་རྒྱན་དཀར་པོ་ལྟ་བུ།