Bla ma zhong zhong pa'i rlung phyag rgya bcings grol

Resource ID	SCv7p666
Title	bla ma zhong zhong pa'i rlung phyag rgya bcings grol
Topics	Various
Author	Khyungpo Neljor
Link	BDRC W23922 BDRC W4CZ58783 (p. 4)

༄༅། །བླ་མ་ཞོང་ཞོང་པའི་རླུང་ཕྱག་རྒྱ་བཅིངས་གྲོལ་ནི།

།འཁོར་ལོ་བཅིང་གྲོལ་བཅིང་པའི་གདམས་པ་ནི།
།དམིགས་པ་སྤྲུལ་པའི་འཁོར་ལོ་ལུས་ལ་ཁ་བཅིང་། །ལུས་ཀྱི་འཁྲུལ་འཁོར་གྱིས་ལུས་བསྒྲི་མ། ལྟོ་བ་སྒལ་ཚིགས་ལ་བཅར། །སྟེང་འོག་གི་རླུང་བཟུང་། དམིགས་པ་རླུང་དྷུ་ཏཱི་ན་ཡར་དྲང་། །ཤེས་པ་སྨིན་ཕྲག་དུ་མི་རྟོག་པ་ལ་གཏད་ལ་བཞག །དེ་ལ་ཡོན་ཏན་དྲུག་འབྱུང་སྟེ། ལུས་བདེ་བ་དང་། །སེམས་མི་རྟོག་པ་དང་། །ལུས་ཡངས་བ་དང་། །འགྲོ་བ་མགྱོགས་པ་དང་། །ལུས་གྲིམས་པ་དང་། །ལུས་ལ་ཟག་པ་ཆེ་ཆུང་མི་འབྱུང་བ་ལ་སོགས་པ་ཡོན་ཏན་མང་དུ་འབྱུང་གསུང་ངོ་།
།འཁོར་ལོ་གྲོལ་བའི་གདམས་པ་ནི། དཔེར་ན་གདུགས་ལྟ་བུ་སྟེ། དེ་ཡང་ཨ་ཝ་དྷུ་ཏཱི་གདུགས་ཀྱི་ཡུ་བ་ལྟ་བུ། བདེ་ཆེན་ནི་རྩིབ་མ་ལྟ་བུ། ཧཾ་ནི་ཏོག་ལྟ་བུ་སྟེ། འཁོར་ལོ་བཅིངས་པའི་གདམས་པས་སྤྲུལ་པའི་འཁོར་ལོ་བཅིངས། འདོད་ཆགས་ཆུང་དུ་སོང་ནས། ཧཾ་གི་གཟེར་དུ་སོང་ནས། དེ་བཏེག་པས་འཁོར་ལོ་གོང་མ་གཉིས་གྲོལ་ནས་འགྲོ། དེར་ཧཾ་ལས་བདེ་བ་བབས་ནས་འཁོར་ལོ་ཁེངས་ནས་བདེ་སྟོང་གི་ཉམས་ལྟ་བུ་བྱུང་ཡང་། རླུང་བཅིངས་པས་མི་འཆོར་གསུང་ངོ་། ཨྀཐི།
།གསང་སྔགས་ཐབས་ཀྱི་ལམ་མཆོག་གིས། །རྣལ་འབྱོར་ལུས་རྒྱ་གྲོལ་བྱེད་ཅིང་། །བདེ་སྟོང་ཉམས་མྱོང་མཆོག་འཆང་པ། །བླ་མའི་བྱིན་རླབས་ཡིན་པར་གོ

།འདི་རྣམས་ཀྱི་རྒྱུད་པ་ནི། རྡོ་རྗེ་འཆང་། ནཻ་གུ་མ་ནས་སྟོན་པ་ཡན། དེ་ནས་Rinchen Lodröསྤྲུལ་སྐུ་རིན་བློ། བླ་མ་མགྲན་པ། བླ་མ་ཀུན་དགའ་གྲགས། ཆོས་རྗེ་བློ་བཟང་པ། སྒྲུབ་ཆེན་སངས་དར། མཉམ་མེད་སངས་རྒྱས། མཁས་གྲུབ་ནམ་རྒྱལ། དེས་བདག་བྱམས་པ་རིན་ཆེན་བཟང་པོ། ཡང་མཉམ་མེད་སངས་རྒྱས། ཤཱཀྱ་རིན་ཆེན། སྤྲུལ་སྐུ་ངག་དབང་། དེས་བདག་ལའོ།།