Gtor chen gyi zhal gdam

Resource ID	SCv11p58
Title	gtor chen gyi zhal gdam
Topics	Chadrupa
Sub-Topics	Torma offering instructions
Link	BDRC W23922

༈ གཏོར་ཆེན་གྱི་ཞལ་གདམ་བཞུགས་སོ།།

༈ ༼ན༽ གཏོར་ཆེན་བྱེད་པར་འདོད་པས། མཎྜལ་གྲུ་གསུམ་མེ་རི་དང་བཅས་པ་ལ་མེ་ཏོག་གི་ཚུལ་དུ་འགོད། མཆོད་པ་རྣམ་པ་ལྔ་བཤམ་མོ། །དེའི་སྟེང་དུ་སྣོད་ཟངས་ལ་སོགས་པར་གཏོར་མ་དཔལ་བཤོས་དང་བཅས་པ་ཆེན་པོ་གཅིག་བྱ་སྟེ། །དེའི་དབུས་སུ་ཆང་ཕུད་མེད་ཐབས་མེད་གསུངས། དུས་གསུམ་དུ་གཏོར་ཆུང་རེ་བཏང་། དེ་ཡང་ཟངས་ཀྱི་ནང་དུ་བླུགས། ཞག་གསུམ་མམ་ལྔའམ། བདུན་ལ་སོགས་པ་སྒྲུབ་པ་བྱས་པ་དང་། སྒྲུབ་པ་ཐོན་པའི་རྗེས་སུ་ཉེ་བའི་ཐུན་ཐ་མ་ལ་གཏོར་མ་ཆེན་པོ་དེ་ཡང་བྱིན་གྱིས་བརླབས་ལ་མགོན་པོ་ལ་དབུལ། སྒྲའི་མཆོད་པ་དང་བསྟོད་པ་བྱ། གཏོར་མ་ཆེ་བ་དེ་ཡང་དགྲ་བགེགས་ཀྱི་ཕྱོགས་སུ་ཁྱེར་ལ་བཏང་། འདི་ཡི་དུས་སུ་འདི་རང་གི་སྤོས་སྦྱོར་བསྲེག །མཆོད་པ་རྣམ་པ་ལྔ་ཡང་དབུལ། འཁོར་ཕྱོགས་སྐྱོང་བཅུས་བསྐོར་ནས་ཡོད་པར་བསམ། གཏོར་མ་དབུལ། བསྙེན་པའི་དུས་སུ་གཏོར་མ་བདུད་རྩིར་བསམ། ལས་སྦྱོར་གྱི་དུས་སུ་གཏོར་མ་དགྲ་བགེགས་ཀྱི་ཤ་ཁྲག་ཏུ་བསམ་གསུངས།
འདི་བླ་མའི་ཞལ་གྱི་གདམས་པ་ཡིན་ནོ། །ཨྀཐིཿ