Bzlog pa stobs chen byugs bzlogs

Resource ID	SCv11p813
Title	bzlog pa stobs chen byugs bzlogs
Topics	Chadrupa
Sub-Topics	Reversal
Link	BDRC W23922 WA00KG09215 (p.309)

༈ ཕོ༽ བཟློག་པ་སྟོབས་ཆེན་ཤུགས་བཟློགས་བཞུགས་སོ།།
༈ ༼ཡུ༽ གཉིས་པ་བཟློག་པ་སྟོབས་ཆེན་ཤུགས་འཕྲོག་གི་གདམས་པ་ནི།
རང་ཉིད་མྱུར་མཛད་ཡེ་ཤེས་ཀྱི་མགོན་པོ་ཞལ་གསུམ་ཕྱག་དྲུག་པར་གསལ་བར་གྱུར་པ་ལས་རྩ་ཞལ་ནས་ཧཱུྃ་གི་སྒྲ་འབྲུག་སྒྲ་ལྟར་སྒྲགས་པས་འཁོར་ལོ་གཡོན་དུ་འཁོར་བ་ལ་ཕྱི་རྡོ་རྗེའི་ར་བ། རྡོ་རྗེ་རྩེ་གཅིག་ཏུ་གནས་པའི་ནང་ཐམས་ཅད་བར་མཚམས་མེད་པ་དུམ་བུ་གཅིག་ཏུ་གྱུར་པ། བླ་རེའི་རྡོ་རྗེའི་རྭ་རྣམས་ཐུར་དུ་བསྟན་པ། བར་མཚམས་ཀྱི་སྣེ་མོར་གྲི་གུག་གི་འཕྲེང་བས་འཁོར་ཡུག་ཏུ་གནས་པ་ལ་གྲི་གུག་གི་རྩེ་མོ་གཡས་སུ་བཀུག་པ། དེ་ནས་རྩ་བའི་འཁོར་དང་། ཕྱོགས་སྐྱོང་རྣམས་ཀྱི་བྱད་མ་ལྷ་བསྲུང་དང་བཅས་པ་རྣམས་བཀུག་ནས། ལྷ་བསྲུང་རང་གི་སྙིང་གི་དཀྱིལ་དུ་ཐིམ་བྱད་མ་འཁོར་ལོའི་རྩིབས་ལ་སྐྱོན། དེ་ནས་གོང་གི་འཁོར་ལོ་དེ་གཡོན་དུ་རྟག་ཏུ་འཁོར་བས། རྩེ་མོ་རེག་པ་ཙམ་གྱིས་རྩིབ་བར་དུ་ནྲི་ལྗང་ཁུ་ལས་གྱུར་པའི་མ་རིག་པའི་བདག་འཛིན་གཅོད་པར་བསམ་ལ། རྣམ་ཤེས་པདྨ་ཅན་དུ་འཕངས། ཤ་ཁྲག་རུས་པ་དང་བཅས་པ་དམར་ཐོར་ཐོར་བར་བསམ་ལ། རང་དང་ཕྱོགས་སྐྱོང་བཅུ། མགོན་པོ་རྣམས་ཀྱི་ཞལ་ནས་སྔགས་ཀྱི་སྒྲ་འབྲུག་སྒྲ་ལྟར་སྒྲོག་པར་བསམ་ལ།
ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣན་བི་ནཱ་ཡ་ཀ། བྱད་མ་མཱ་ར་མཱ་ར། བྱད་མ་གྲྀཧྣ་གྲྀཧྣ། བྱད་མ་བྷནྡྷ་བྷནྡྷ། བྱད་མ་ད་ཧ་ད་ཧ། བྱད་མ་པ་ཙ་པ་ཙ། བྱད་མ་དྷི་ན་མེ་ཀེ་ན་མཱ་ར་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱ།
ཅེས་ཅི་རིགས་སུ་བཟླས། ལག་པ་ཐལ་མོ་སྦྱར་ལ་ངག་ཏུ།
ན་མོ་སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། གསང་སྔགས་ཀྱི་རྒྱལ་པོ་ཁྲོ་བོ་རྣམས་ཀྱི་བདེན་པ་དང་། ༼གཟུངས་སྔགས་ཀྱི་རྒྱལ་མོ་ཁྲོ་མོ་རྣམས་ཀྱི་བདེན་པ་དང་།༽ སྙིང་པོ་དང་། ཕྱག་རྒྱ་དང་། ཏིང་ངེ་འཛིན་དང་། དཔལ་རྡོ་རྗེ་མགོན་པོ་འཁོར་དང་བཅས་པ་རྣམས་ཀྱིས་བྱིན་གྱིས་བརླབས་པའི་རྣལ་འབྱོར་པ་བདག་ཅག་འཁོར་དང་བཅས་པ་ལ། སྡང་བ་དང་སྡང་བའི་སེམས་དང་ལྡན་པ། དྲག་ཤུལ་དང་དྲག་ཤུལ་གྱི་སེམས་དང་ལྡན་པ། སྦྱོར་བ་ཕྱིན་ཅི་ལོག་བྱེད་པའི་གཟུགས་ཅན་མིའི་གནོད་པ། གཟུགས་མེད་ལྷ་འདྲེའི་གནོད་པ། རྦད་འདྲེ་རྦོད་གཏོང་བྱེད་པ་དེ་དག་ཐམས་ཅད་ཀྱི་ལུས་བཅིང་བར་གྱུར་ཅིག །ངག་བཅིང་བར་གྱུར་ཅིག །ཡིད་བཅིང་བར་གྱུར་ཅིག །མཐུ་བརླག་པར་གྱུར་ཅིག །སྟོབས་བརླག་པར་གྱུར་ཅིག །ཁོ་རང་གི་བྱས་པའི་འབྲས་བུ་ཁོ་རང་ལ་སྨིན་པར་གྱུར་ཅིག །ཁོ་རང་གི་བསྲུང་མ་ཁོ་རང་གི་བདུད་དུ་བབས་པར་གྱུར་ཅིག
།ཅེས་ཐལ་མོ་གདབ་བོ། །བྱད་མ་རྦོད་གཏོང་དང་བཅས་པ་རྡུལ་ཕྲན་བཞིན་དུ་བརླག་པར་བསམ་མོ། །ངག་ཏུ།
ཁྲོ་བོ་འབར་བའི་ཚོགས་རྣམས་ཀྱི། །དགྲ་བགེགས་འདི་རྣམས་ཐམས་ཅད་ཀྱི། །ལུས་ངག་ཐལ་བར་རྡུལ་དུ་རློག །རྣམ་ཤེས་ཆོས་ཀྱི་དབྱིངས་སུ་སྒྲོལ།
འདི་ཡི་སྐབས་སུ་ཐུན་གཏོར་ཅི་རིགས་སུ་བཤམས་ལ། བྱིན་གྱིས་བརླབས་ནས་གསང་བའི་ལས་དྲུག་གི་མན་ངག་བྱེད་ལ། གོང་གི་དགྲ་བགེགས་ཀྱི་ཤ་ཁྲག་ཏུ་བསམ་ལ། གཞུང་གི་གཏོར་སྔགས་ཀྱིས་ཕུལ་ལ། དེ་ནས་གཏོར་མ་དེ་ལག་པ་གཡས་པས་བཟུང་། ཅེས་གཏོར་རྫོངས་བརྗོད་པའི་བར་དུ་བྱ། བྱད་མ་ཨ་མོ་ཀ་མཱ་ར་ཡ་ཧཱུྃ་ཕཊ། ཅེས་གཏོར་མ་མཚོན་ཆར་བསམ་ལ། ཁོའི་སྙིང་གི་དབུས་སུ་སྲོག་གི་རྟེན་ཏིལ་༼མར་གྱི་༽མར་མེ་ལྟ་བུ་དེ་ལ་རྒྱབ་པས། ནག་ཐུམ་གྱི་བཏང་བར་བསམ། གཏོར་ཆུང་དེ་སྲེག་གོ །དེ་དང་དུས་མཉམ་དུ་༼བཀའ་༽བསྟོད་བརྒྱད་ཀྱི་ཤ་ཁྲག་ལྷག་མ་མ་ལུས་པར་གསོལ་བར་བསམ། རྣམ་ཤེས་པདྨ་ཅན་དུ་འཕངས། འདིའི་རླུང་འཁོར་གྱི་མན་ངག་བླ་མའི་ཞལ་ཤེས། རླུང་གི་ལས་ནི་འཁོར་ལོ་དཔེ་ཆུང་བྲིས་རབ་གནས་དག་པར་བྱའོ། །རང་གི་སྟེང་དུ་འཁོར་ལོ་བསྐོར་རོ།།