Gu gul gyi bsnyen pas bgegs bskrod pa

Resource ID	SCv11p845
Title	gu gul gyi bsnyen pas bgegs bskrod pa
Topics	Chadrupa
Sub-Topics	Various
Link	BDRC W23922 WA00KG09215 (p.328)

༈ ཙུ༽ གུ་གུལ་གྱི་བསྙེན་པས་བགེགས་བསྐྲོད་པ་བཞུགས་སོ།།
༈ ༼གེ༽ ཨོཾ་མ་ཧཱ་ཀཱ་ལ་ཡེ།
གུ་གུལ་གྱི་བསྙེན་པ་ལ། རང་ཉིད་ཡི་དམ་གཤིན་རྗེ་གཤེད་དང་། ཕྱག་རྡོར་སོགས་གང་ཡིན་དུ་བསྐྱེད་ལ། མདུན་དུ་གུ་གུལ་བཞག་པ་ལ། རང་གི་ཐུགས་ཀའི་ས་བོན་གྱི་འོད་ཟེར་གྱིས་ཁྲོ་བོའི་ཚོགས་དཔག་ཏུ་མེད་པ་མདུན་གྱི་ནམ་མཁར་སྤྱན་དྲངས། རང་གིས་ཐུགས་ཁ་ནས་སྤྲོས་པའི་མཆོད་པའི་ཚོགས་ཀྱི་མཆོད། ཁྲོ་བོ་རྣམས་ཀྱི་ཐུགས་ཀ་ནས་རང་གི་ནུས་པ་དང་མཐུ་སྟོབས་རྣམས་རང་རང་གི་སྔགས་དང་། ཧཱུྃ་ཡིག་དང་། མེ་འོད་ཀྱི་རྣམ་པར་བྱུང་སྟེ། གུ་གུལ་ལ་ཐིམ་པར་བསམ་ཞིང་ཡི་དམ་དང་མགོན་པོའི་སྙིང་པོ་རྩ་སྔགས། སུམྦྷ་ནི་ལ་སོགས་པ་མང་དུ་བཟླས་ཤིང་། གུ་གུལ་ལ་ཧས་བཏབ་ལ། དེ་ལྟར་བསྙེན་པ་བྱ་སྟེ་གུ་གུལ་དེས་བགེགས་བསྐྲོད་དུས་སུ་བསྲེགས་པའི་དུ་བ་ཁྲོ་བོའི་མཐུ་སྟོབས་ཀྱི་རང་བཞིན་དུ་གྱུར་པས་བགེགས་ཐམས་ཅད་མྱོས་ཤིང་༼བསྐྲག་པར་བསམ་མོ༽།