Ngan sngags srin mo me khyer

Resource ID	SCv11p949
Title	ngan sngags srin mo me khyer
Topics	Chadrupa
Sub-Topics	srin mo
Author	Gelek Pelsang
Associated Person	Khyungpo Neljor
Link	BDRC W23922 WA00KG09215 (p.393)

༈ ངན་སྔགས་སྲིན་མོ་མེ་ཁྱེར་བཞུགས་སོ།།
༼ཇོ༽ ༈ ན་མོ་གུ་རུ།
ངན་སྔགས་སྲིན་མོ་མེ་ཁྱེར། སྡེ་བརྒྱད་རང་གཤེད་འབེབས་པ། ཐོག་སེར་བསྲུང་བ། ཁ་བསྲུང་བ། རྒྱ་གར་གྱི་སྔགས་བསྙེན་པ་མི་དགོས། བློ་ལ་ཡོད་པས་ཆོས། གཟའ་དངོས་སུ་བྱུང་ཡང་ཐུབ། བཟླས་པ་མང་ན་བཟང་། རང་གི་ལག་དང་ཞྭ། སྦ་ལྕག་ལ་མེ་འཕྲོ་འཕྲོ་འབར། ཁ་སྣ་དང་ཐུན་དང་པོ་ན་མར་ཡང་མེ་འུར་འུར་འབར། ལྷ་འདྲེ་མོ་ལ་གནོད་པ་ལ་རྒྱལ། ༼འཆི་འདྲེ་ལ་༽དང་པོར་སེམས་བསྐྱེད་དང་ཆབ་༼གཏོར་བྱ།༽ གཏོར་མ་ལ་བརྩོན་པར་བྱ། རང་ཡི་དམ་ཁྲོ་བོར་བསྒོམ། དེའི་མདུན་དུ་སྲིན་མོ་འབར་མ། ལུས་ཆེ་ལ་མདོག་ནག་པ། རལ་པས་ས་གཞི་ཁེངས་པ། ཞལ་གཅིག་ཕྱག་གཉིས་མ་གཡས་གསེར་གྱི་སྦ་ལྕག་མེ་འབར་བ། སྤྲིན་དང་ལྷ་འདྲེ་འཐོར་བ། གཡོན་ན་གསེར་གྱི་རྩངས་ཐོགས་ནས། སྡེ་བརྒྱད་ལྷ་འདྲེ་ཐམས་ཅད་བསྲེག་པ། མེའི་ཀློང་ན་བཞུགས་པ་གཅིག་བསམ། སྲིན་མོ་དཔག་ཏུ་མེད་པས་བསྐོར་བ། སྲིན་མོ་རྣམས་ལ་མེ་འབར་བར་བསམ་ལ། རིག་པ་ཧུར་སྟོན་ལ་སྔགས་བཟླས་སོ།
རཾ་རཾ་ཀྲུང་རྩེ་ཨ་ས་ལ་ཁཾ་ཙ་མ་མཱ་རཾ་རཾ་ལྟེ་མ་བྷྱོཿ རཀྨོ་ཙ་ཙ་མ་ཏི་བྷྱོཿ ཙི་ཙི་རཾ་ཤ་རཾ་ཡཾ་མ་གི་རཾ་བྷྱོཿ ར་ཛ་བྱི་ར་ཧེ་ལ་ཧེ་ཧེ། ཤུ་རཾ་ཐེ་ཁྲོལ། ས་ནེ་རཾ་མ་རཾ་རཾ་རཏྣ་མ་ཀི་ལཾ་སཾ། ཨི་ན་ཏི་སུ་རཾ་ཡཱཿཛཿཛཿ ཨ་ཀྲོ་ནི་པཱ་ལ་བིག་ཤག །རུ་བྷི་ནི་ཀཱ་ལ་ཤག །སུ་པྲ་ཏི་རྦད། ནན་བཟློག་བྱེད། བྷྱོ་ཡ་དགྲ་ཤན་ཏི་ཀྱིན་བ་ཏི་ཀྲོ་དྷ་ཡ་ཧཱུྃ་ཕཊ།
འདི་ཡི་རྫས་ནི། སྦ་ལྕག་ཚིག་གསུམ་པ་ལ། སྔགས་ཡུངས་གི་ཕུར་མ་དང་། དར་ནག་གི་ལྕེ་གཅིག་བཏགས་ལ་བྱའོ། །རྩ་མར་དགུ་ཁྲི། བྱང་བུ་དགུ །ཕུར་བུ་དགུ་བྱ། ཕུར་ཆུང་ཡི་དམ་གྱིས་སྔགས་ཤོག་བུའམ། གྲོ་ག་ལ་བྲིས་པ་བརྒྱ་མདུད་ཀྱི་མགུལ་དུ་བཏགས། ཡང་ན་ཕུར་པ་རང་ལ་བྲི། མ་ཤིང་ལ་ཁྲིཾ་སྔགས་བྲི། ངོས་གཅིག་ལ་རྒྱ་གྲམ་གསུམ་བྲིས། ཐུན་རྫས་ནི། ཡུངས་དཀར་ནག །ཀེ་ཚེ། ཐལ་ཆེན། སྐྱེར་པའི་འབྲུས། ཚྭ། མི་རུས་རྣམས་ཐུན་དང་པོའམ། ཐུན་ཁུག་ཏུ་བླུག །སེར་མཐོ་ནི་ཐང་མཚམས་སུ་འཐབ་ཚུལ་བྱའོ།
།སྲིན་མོ་མེ་འབར་བའི་བསྲུང་ཐབས་ཁྱུང་པོའི་གདམས་པ་ཤོག་དྲིལ་དྲུག་པའོ།
།མང་ཐོས་དགེ་ལེགས་དཔལ་བཟང་གིས། །མཁས་གྲུབ་གོང་མའི་མན་ངག་ལ། །ལྷད་ཞུགས་བསལ་ནས་དག་པར་བྱས། ས་མ་ཡ་གུ་ཧྱཧྱཿ །།