Shangs chos brgyud ba gsum 'dus kyi gsol 'debs

Resource ID	SCv7p143
Title	shangs chos brgyud ba gsum 'dus kyi gsol 'debs
Topics	Lineage prayer
Author	Ngawang Sönam Gyeltsen
Link	BDRC W23922

༈ ཤངས་ཆོས་བརྒྱུད་བ་གསུམ་འདུས་ཀྱི་གསོལ་འདེབས་བཞུགས་སོ།

།སྐུ་གསུམ་ཡན་ལག་བདུན་ལྡན་རྡོ་རྗེ་འཆང་། །ཡེ་ཤེས་མཁའ་འགྲོའི་དབང་མོ་ནི་གུ་མ། །མཁས་གྲུབ་ཁྱུང་པོ་རིན་ཆེན་བརྩོན་འགྲུས་དང་། །སྐྱེར་པ་སྒང་པ་རྣམས་ལ་གསོལ་བ་འདེབས།
།གཉན་སྟོན་སྦས་པ་འགྲོ་མགོན་སྟོན་པའི་ཞབས། །གཙང་མ་ཤངས་སྟོན་མུས་ཆེན་རྒྱལ་མཚན་དཔལ། །རྡོ་རྗེ་གཞོན་ནུ་ནམ་མཁའི་རྣལ་འབྱོར་དང་། །སྦྱིན་པ་བཟང་པོ་རྣམས་ལ་གསོལ་བ་འདེབས།
།གྲུབ་པའི་འཁོར་ལོས་བསྒྱུར་བ་ཐང་སྟོང་པ། །བློ་གྲོས་རྒྱལ་མཚན་དཔལ་ལྡན་དར་པོ་དང་། །རྗེ་བ་ཙུན་རྩེ་མོ་འཇམ་མགོན་གྲོལ་མཆོག་ཞབས། །འགྱུར་མེད་བདེ་ཆེན་རྣམས་ལ་གསོལ་བ་འདེབས།
།ཡང་ན། སངས་རྒྱས་སྟོན་པ་༼འགྲོ་མགོན་སྟོན་པ་ནས།༽ མཆོག་མཆོག་གཞོན་ནུ་གྲུབ། །བྱང་ཆུབ་ཤེས་རབ་རཱ་ག་གྲགས་པ་དང་། །གྲུབ་པའི་ས་བརྙེས་མཁས་བཙུན་གྲོ་ས་པ། །སྤྱང་ལུང་ཆོས་རྗེ་རྣམས་ལ་གསོལ་བ་འདེབས།
།ཤཱ་ཀྱའི་མཚན་མཆོག་ལྡན་པའི་པཎྜི་ཏ། །གཞོན་ནུའི་མཚན་ཅན་འཆི་མེད་གྲུབ་པའི་དབང་། །འཇམ་མགོན་གྲུབ་པའི་དཔའ་བོ་གྲོལ་མཆོག་ཞབས། །འགྱུར་མེད་བདེ་ཆེན་རྣམས་ལ་གསོལ་བ་འདེབས།
།ཡང་ན། རྒྱལ་མཚན་འབུམ་པ་འཇག་ཆེན་བྱམས་པ་དཔལ། །འཇམ་དབྱངས་བློ་གྲོས་ཀུན་དགའ་ཆོས་རྒྱལ་མཚན། །ཚུལ་ཁྲིམས་རྒྱལ་མཚན་མཁྱེན་རབ་ཆོས་རྗེ་དང་། །རྡོ་རིང་ཀུན་སྤངས་རྣམས་ལ་གསོལ་བ་འདེབས།
།ཚར་ཆེན་རྡོ་རྗེ་ང་དབང་བློ་གསལ་རྗེ། །འཇམ་དབྱངས་མཁྱེན་བརྩེ་དབང་ཕྱུག་རབ་བརྟན་ཞབས། །སྙན་བརྒྱུད་འཛིན་པ་ངག་དབང་ཆོས་ཀྱི་གྲགས༼འགྱུར་མེད་བདེ་ཆེན་ལས་ཀྱང་གསན།༽། །ངག་དབང་བསོད་ནམས་རྣམས་ལ་གསོལ་བ་འདེབས།
།ཡི་དམ་རྒྱུད་སྡེ་ལྔ་ཡི་ལྷ་ཚོཀས་དང་། །མྱུར་མཛད་ཡེ་ཤེས་མགོན་པོ་ཕྱག་དྲུག་པ། །ཡུལ་ཆེན་ཉེར་བཞིའི་དཔའ་བོ་མཁའ་འགྲོ་དང་། །རྡོ་རྗེའི་མཆེད་ལྕམ་ཚོགས་ལ་གསོལ་བ་འདེབས། །ལམ་གྱི་རྩ་བ་ཆོས་དྲུག་ཉམས་རྟོགས་ལྡན། །སྡོང་པོ་གནས་ལུགས་ཕྱག་ཆེན་མངོན་གྱུར་ཞིང་། །ལམ་ཁྱེར་ཡལ་ག་འབྲས་བུ་འཆི་མེད་སོགས། །ཡོན་ཏན་མ་ལུས་འགྲུབ་པར་བྱིན་གྱིས་རློབས། །ལམ་མཆོག་འདི་ལ་འབད་ནས་བསྒོམས་པའི་མཐུས། །གདོད་ནས་དག་པའི་ལྷན་སྐྱེས་བདེ་བ་ཆེ། །མངོན་གྱུར་རང་དབང་བརྟན་པ་ཐོབ་གྱུར་ནས། །ས་ལམ་མ་ལུས་མྱུར་དུ་སྒྲུབ་པར་ཤོག །སྡུག་བསྔལ་བཟོད་མེད་འཁོར་བའི་འཁྲུལ་པ་ལས། །མྱུར་དུ་གྲོལ་ནས་མ་གྱུར་འགྲོ་བ་ཀུན། །བྱང་ཆུབ་ལམ་ལ་ངེས་པར་འགོད་ནུས་པའི། །རྡོ་རྗེ་འཆང་དབང་ཐོབ་པར་བྱིན་གྱིས་རློབས། །ཅེས་པ་འདི་ནི་བྱ་བྲལ་བ་ངག་དབང་བསོད་ནམས་ཀྱིས་རྒྱུན་གྱི་ཁ་འདོན་དྲན་གསོས་བགྱིས་པའོ།
།ས་རྦ་མངྒ་ལཾ།། །།