Tho phur la brten pa'i ser bsrung

Resource ID	SCv11p850
Title	tho phur la brten pa'i ser bsrung
Topics	Chadrupa
Sub-Topics	Various
Link	BDRC W23922 BDRC W3CN18508 (v3p.18) WA00KG09215 (p.331)

༈ ཐོ་ཕུར་ལ་བརྟེན་པའི་སེར་བསྲུང་བཞུགས་སོ།
༈ སེར་བ་བསྲུང་བར་འདོད་ན། ཡུངས་ཀར་ལ་རྩ་སྔགས་མང་དུ་བཟླས་ནས་ཚེར་མ་ཅན་གྱི་ཤིང་སྐྱེར་པ་སོགས་ལ་ཕུར་བུ་སོར་བཞི་པའམ་བརྒྱད་པ་བྱས་པའི་མགུལ་དུ་ཡུངས་ཀར་གྱི་ཐུམ་བུ་བཅིངས་ནས། མཐོ་བརྩིགས་པ་རེ་རེའི་ནང་དུ་ཕུར་བུ་རེ་དང་། འཛིན་གཏོར་དུམ་བུ་རེ་གདན་གཅིག་ཏུ་བཞག །ཐོ་རེའི་འགྲམ་དུ་ཕུར་བུ་མགོན་པོར་བསྐྱེད་པ་དེ་ལ་གཏོར་མ་རེ་བཏང་ནས་འཕྲིན་ལས་བཅོལ། རང་གི་ནང་དུ་སླེབ་ཕྱིན་ཆད། སྔ་དྲོ་ཐོ་རང་དང་། མཚན་མོ་དང་པོ་ལ་ནུབ་རེ་བཞིན་ཐོ་ཕུར་བུ་གསལ་བཏབ་ནས། ཐོ་ཕུར་རེ་རེ་བཞིན་དུ་མེ་དཔུང་འབར་བའི་དཀྱིལ་ན་བཞུགས་པའི་མགོན་པོ་སྐུ་ཆེ་ལ་ཡན་ལག་རགས་པ། དྲག་པོའི་སྔགས་ཀྱིས་སྒྲ་སྒྲོགས་ཅིང་། བསྲུང་བའི་ལས་མཛད་པར་བསྒོམ་སྟེ། སྔགས་ཅུང་རེ་བཟླས་པ་མ་ཆག་པར་བྱས་ཏེ། དེ་ལྟར་ན་ཕྱིས་གདོང་ལོག་སོགས་མི་དགོས་གསུངས་སོ། །ཨྀཐིཿ