Sbas don gyi zhal shes

Resource ID	Kinnaur26
Title	sbas don gyi zhal shes
Topics	Illusory body, Chandali
Sub-Topics	Instructions
Associated Person	Tsangma Shangtön
Link	BDRC W4CZ58783 (p.337)
Notes	Linked to sgyu lus sbas don gyi zin bris shangs ston gyis mdzad pa

༄༅། །སྦས་དོན་གྱི་ཞལ་ཤེས་བཞུགས་སོ།།

ན་མོ་གུ་རུ།
།མེ་དམིགས་ཀྱི་སྐབས་སུ། ཨ་ཞུ་བའི་དམིགས་མི་བྱེད། ཨ་ལ་མེ་འབར་ལ་ཁད་པ་ལ་མ་འབར་བ་ལ་དམིགས་པ་བཏད། དེ་ནས་སོར་བཞི་འབར་བ་དང་ལྟེ་བ་ཡན་གཞུང་བཞིན་བྱ།
།དགའ་བཞི་ངོས་འཛིན་ཞལ་ལས་ཤེས་ཅེས་པ་ནི། འཁོར་ལོ་བཞིའི་རིམས་པ་དང་སྟུན་ནས། དགའ་བ་མཆོག་དགའ་དགའ་བྲལ་ལྷན་ཅིག་སྐྱེས་པའི་དགའ་བ་རྣམས་ངོས་འཛིན་པ་ཡིན།
།སྐབས་འདིར་གནད་བླ་མའི་ཞལ་ལས་དྲིས་ཅེས་པ་ནི། ཡུམ་རྡོ་རྗེ་རྣལ་འབྱོར་མ་ལ་དམིགས་པ་བཏད་ལ། འཁོར་ལོ་བཞི་ལ་རིམས་གྱིས་དམིགས་པས་དབབ། བདེ་བ་སྐྱེས་བྱུང་གནས། དགའ་བའི་ངོས་འཛིན་ཅིང་ཡེ་ཤེས་ཀྱི་ངོ་བོ་ལ་ལྟ། འཛིན་པ་ལ་གནད་བཞི་མ་འཆུགས་པ་གལ་ཆེ། འདྲེན་པ་ལ་བཅུ་གཉིས་པའི་བདུན་པ། སུམ་བཅུ་པའི་བརྒྱད་པ་དང་དགུ་པ། བསྒྲམ་པ་ལ་མཉམ་བཞག་པ་ནོན། ལུས་པོ་སྤྲུག་ཅིང་སྡེབས་པའོ། །ཁྱེད་པར་དུ། རི་བོང་དབབ་བཟུང་རང་གི་གཞུང་ལྟར་བྱེད། འོག་གི་ཐེམས་རྣམས་འདིའི་སྐབས་སུ་སྟོན།
།མིའི་བུ་མོའི་སྐབས་སུ། དབབ་བཟུང་བཟློག་བསྒྲམ་རྣམས་གོང་དང་འདྲ། ཡང་གོང་ལྟར་བཞན་ཐམས་ཅད་འདྲ་བ་ལ། དབབ་པའི་སྐབས་སུ་སོར་མོའི་ཕྱག་རྒྱས་བྱེད།
།འཕུལ་འཐེན་ཞལ་ལས་དྲིས་ཅེས་པ་ནི། འཐུར་དུ་འཕུལ་ཞིང་གྱེན་དུ་འཐེན་པ་མང་དུ་བྱེད།
།ལྷའི་འདུག་སྟངས་ཀྱི་སྐབས་སུ། ཡབ་ཡུམ་ལྷར་གསལ་བའི་ངང་ནས། ༼ ༽ དགའ་བའི་ཡེ་ཤེས་ངོས་འཛིན་ཅིང་གནས་ལུགས་ཀྱི་ངོ་བོ་ལ་བལྟ།
།འཛིན་པའི་སྐབས་སུ མདུན་རླུང་འཕུལ་ཞིང་རྒྱབ་རླུང་འཐེན་པ་གནད་ཡིན། བཞན་འདྲེན་བསྒྲམ་ལ་སོགས་པ་གོང་དང་འདྲ།
།དངས་མ་བཟུང་བ་ནི། རང་གི་དངས་མ་མི་ཉམས་པར་འཛིན་པ་ཡིན།
ཕྱག་རྒྱའི་དངས་མ་དྲང་བ་ནི། གོང་གི་ཨ་དང་ཐིག་ལེའི་དམིགས་པ་ལྟར་འདྲེན།
ཐིག་ལེ་དངས་སྙིགས་དབྱེ་བ་ནི། དངས་མ་དངུལ་ཆུའི་མདོག་ལྟ་བུ་དྲངས་ཤིང་། རྩིགས་མ་འཐུར་དུ་འབོད་པ་གནད་ཡིན།
འདིའི་སྐབས་སུ་རི་བོང་དབབ་བཟུང་གི་འཁྲུལ་འཁོར་བཅུ་གཉིས་དང་། ཞལ་ཤེས་ཀྱིས་འཁྲུལ་འཁོར་ལ། རུས་སྦལ་འགྲོས་དང་འཐུར་བཏད་དང་། ཁ་བཅིངས་དང་ནི་་་་་སྤྲུགས་དང་། ཟླ་བའི་གནད་ཐེམས་བྱ་བ་བཅེས། ཡང་ཞལ་ཤེས་ཀྱི་འཁྲུལ་འཁོར་གཅིག །ལུས་རྩོག་སུ་ལག་པ་གཉིས་སྒྱིད་པ་གཉིས་ཀྱི་འོག་ནས་སྦྲེལ། རླུང་ཕྱིར་འབུད་པ་དང་སྟོང་འདྲེན། ནང་དུ་རྔུབ་པ་དང་འཐུར་ལ་མནོན་པ་རེ་མོས་སུ་ཐེངས་གསུམ་བྱ། འཛིན་འདྲེན་བསྒྲམ་གསུམ་ཀར་གྱི་འཁྲུལ་འཁོར་དུ་འགྲོའོ། །དགེའོ།།

།རུས་སྦལ་འགྲོས་དང་། རུས་སྦལ་འགྲོས་ཞེས་པ་ནི། རྐང་པ་དཀྱིལ་ཀྲུངས་བཅས། ལག་པ་སྣོལ་ལ་བར་ལྷུ་བ་ནས་བཟུང་། མགོ་བཀུག་ཕར་འཕུལ་དུས་རླུང་ཁད་ཀྱིས་བཏང་། ཚུར་བསྡུད་པ་དང་སྟུན་རླུང་དྲངས། མདུན་རླུང་མནན། རྒྱབ་རླུང་དྲངས། དམིགས་པ་ཧཾ་ལ་བཏད། བླ་མའི་ཞལ་ཤེས་དང་ཕྱག་ལེན་ལྟོས། ཨཱིཐཱི།

།མཐུར་བཏད་ནི། འཐུར་བཏད་ནི་རྐང་མཐིལ་སྤྲད་ལ། ལག་པ་གཉིས་འོག་ནས་མཁྱུད་ལ་སོར་མོ་སྣོལ་ལ་རྐང་པའི་མགོ་སྡམ། ཕར་འཕུལ་དུས་རླུང་མནན། ཚུར་འཐེན་དུས་མགྲིན་པ་སྲང་། རླུང་ཁ་སྦྱར་འཐེན། དམིགས་པ་ཧཾ་ལས་བཏད། ཕྱག་ལེན་ལྟོས། ཨཱིཐཱི།