Grub chen chos 'byung rin chen pa'i rnam thar

Resource ID	CR1
Title	grub chen chos 'byung rin chen pa'i rnam thar
Topics	Biography
Associated Person	Chöjung Rinchen
Link	W8LS37032 (p. 317)

༄༅། །གྲུབ་ཆེན་ཆོས་འབྱུང་རིན་ཆེན་པའི་རྣམ་ཐར་བཞུགས་་་་་།།

ན་མོ་གུ་རུ་བྷེ་ལ་ཡ།
ཁྱོད་ཀྱི་སྐུ་ལ་འཆི་འཕོ་མེད་ན་ཀྱང་ཡང་གདུལ་བྱའི་དོན་དུ་འཆི་འཕོ་སྟོན། ཁྱེད་ཀྱི་གསུང་མ་བརྗོད་འདོད་མེད་ཀྱང་སྣ་ཚོགས་ཆོས་ཀུན་བརྗོད་པར་མཛད། ཁྱེད་ཀྱི་ཐུགས་ལ་ཉེ་རིང་ཡོད་ཀྱང་མོས་པའི་བུ་ལ་ལྷག་པར་དེབ། འདུ་བྱེད་ཐམས་ཅད་བླུ་བར་གསུངས་ཀྱང་སྐྱབས་གནས་ཁྱེད་ཀྱིས་བླུ་བ་མེད། ཆོས་རྣམས་ཐམས་ཅད་རྫན་པར་གསུངས་ཀྱང་ལས་ཀྱི་འབྲས་བུ་བདེན་པོར་སྟོན། སེམས་ཅན་ཀུན་ལ་ཉེ་རིང་མེད་ཀྱང་སྐལ་པ་ཅན་ལ་ལྷག་པར་བྱམས། དེའདྲའི་དཔལ་ལྡན་བླ་མ་དེ་ལ་གུས་པས་བ་་་་་ད་རྣམ་པར་འདི། གུས་ལྡན་རྣམས་ཀྱིས་སྐུལ་བའི་ངོར་མདོར་བསྡུས་འཆད་འདི་སྤྱི་བོས་ལོང་། ཡབ་ནི་་་་་་དཔོན་གཞོན་ཡུམ་ནི་བསོད་ནམས་དཔལ། འཁྲུང་ཡུལ་ཤོུང་ཁུར་རབ་བྱུང་བཅུ་གཉིས་ལ། ཐོས་བསམ་མཐར་ཕྱིན་དཀའ་སྤྱད་སྒྲུབ་ལ་འབད། ཉམས་རྟོགས་མཚོ་གདོལ་སྤྱི་སྒྲོ་འདོགས་ཆོད། སྐྱེད་རིམས་མཐར་ཕྱིན་སྣང་སྲིད་ཆོས་སྐུར་ཤར། རྫོགས་རིམས་མཐར་ཕྱིན་སྤྲོས་མེད་དཔྱི་སུ་གྲོལ། རིམས་གཉིས་མཐར་ཕྱིན་སྒྲིབ་གྲལ་ལོངས་སྤྱོད་རྫོགས། བླ་མ་མང་རྟེན་ལུང་བསྟན་རིམ་པར་ཐོབ། བྱང་ཆུབ་སེམས་ཀྱི་ཆོས་འཁོར་རིམ་པར་སྐོར། རྣམ་ཐར་མདོར་བསྡུས་་་་་་་་་གུ་་་་་་་་ར་ཉོན། དེ་ཡང་འོ་སྐོལ་བླ་མ་སྒྲུབ་ཆེན་ཆོས་ཀྱི་རྒྱལ་པོ་དག་པའི་གདུལ་བྱ་རྣམས་ཀྱི་ངོ་བོར་མངོན་པར་རྫོགས་པར་སངས་རྒྱས་ཀྱང་། མ་དག་པའི་གདུལ་བྱ་རྣམས་ཀྱི་ངོ་བོར་ཐ་མལ་པའི་གཟུགས་སུ་བཟུང་ནས་གཞན་དོན་བྱས་པ་ནི་གྲངས་ལས་འདས་ཅིང་བསམ་གྱིས་མི་ཁྱབ་ལ། ཁྱད་པར་དུ་ཤངས་པ་དཀར་རྒྱུད་འདི་ལ་ལན་གསུམ་དུ་བྱོན་ནས་འགྲོ་བའི་དོན་མཛད་ཚུལ་ནི། ཐོག་མར་རིན་ཆེན་་་་ོག་ཆོག་པ་སྐུ་བ་བཞེས་ལ། བར་དུ་མཁས་བཙུན་རྒྱལ་འཚན་འབུམ་དུ་སྐུ་སྐྱེ་བ་བཞེས་སོ། །དེ་གཉིས་ཀྱིས་འགྲོ་བའི་དོན་མཛད་ཚུལ་དང་རྣམ་པར་ཐར་པ་ནི་ལོགས་ཞིག་དུ་གསོལ་ལོ། །སྐུ་སྐྱེ་བ་གསུམ་་་་་་སྐོལ་ཀྱི་བླ་མ་འདིར་སྣང་པས། འོ་སྐོལ་བླ་མ་སྒྲུབ་ཆེན་ཆོས་འབྱུང་རིན་ཆེན་རྣམ་པར་ཐར་པ་དགོས་འདོད་ཀུན་འབྱུང་ཞེས་བྱ་བ་འདི་བྲི་བའི་ཐོག་མར། བླ་མ་དཀོན་མཆོག་གསུམ་ལ་གུས་པས་ཕྱག་འཚལ་ལོ། །བླ་མའི་རྣམ་ཐར་རྒྱ་མཚོ་ཁྱོན་ཡངས་པས། བློ་དམན་བདག་གིས་རྟོགས་པར་མི་ནུས་ཀྱང་། ཆུ་ཐིགས་རྩམ་གཅིག་བཞན་དོན་སེམས་ཀྱིས་བརྗོད། མཁའ་འགྲོ་སོགས་ཀྱིས་བར་ཆད་མི་བཏང་འཚལ། བདེ་ལེགས་ཀུན་ཀྱི་རྩ་བ་ཡིན་པ་དང་། ཟབ་ལམ་ཀུན་ཀྱི་མཐུག་ཡིན་པའི་ཕྱིར། མཚན་ཉིད་ལྡན་པའི་བླ་མ་བརྟེན་པ་ལ། དེའི་རྣམ་ཐར་དད་པས་ཉན་པར་རིགས། ཅེས་པ་ནི་དཔལ་ལྡན་བླ་མ་དམ་པའི་རྣམ་པར་ཐར་པ་རྒྱ་མཚོ་ལྟར་ཁྱོན་ཆེ་བས། བློ་་་་ན་བདག་འདྲས་མི་རྟོགས་ཀྱང་། །བླ་མ་རང་ཉིད་ཀྱིས་བཀའ་སྩལ་པ་བཞིན་མདོར་བསྡུས་གཅིག་དད་ལྡན་རྣམས་ཀྱིས་སྐུལ་བའི་ངོར་འབྲི་བ་ལ་ཐོག་མར། དད་པ་ནི་དཀར་པོའི་ཆོས་ཐམས་ཅད་སྐྱེ་པའི་རྒྱུ་ཡིན་ལ། རྒྱུ་དད་པ་མེད་ན། འབྲས་བུ་དཀར་པོའི་ཆོས་ཐམས་ཅད་མི་སྐྱེ་ཏེ། ས་བོན་མེ་ཡིས་ཚིག་པ་ལ། མྱུ་གུ་སྔོན་པོ་མི་འབྱུང་པ་བཞིན།
མདོ་ལས། དད་པ་མེད་པའི་མི་རྣམས་ལ། །དཀར་པོའི་ཆོས་ནི་མི་སྐྱེ་སྟེ། །ས་བོན་མེ་ཡིས་ཚིག་པ་ལ། །མྱུ་གུ་སྔོན་མོ་ཇི་བཞིན་ནོ། ཅེས་གསུངས་པས།
ཐོག་མར་དད་པ་ཁོ་ན་གལ་ཆེ་ལ། ་་་་་རྣམ་པ་གསུམ་ཏེ། དད་པའི་དད་པ། ཡིད་ཆེས་པའི་དད་པ། འདོད་པའི་དད་པ་དང་གསུམ་དུ་བཤད།
དང་པོ་དད་པ་བྱ་བ་བླ་མ་ལ་སངས་རྒྱས་དངོས་སུ་བལྟ་ཞིང་། གདུང་ཤུགས་གི་མོས་གུས་མིག་ནས་ཁྱ་་་མ་འབྲུལ་ཞིང་་་་་་་་་་་་ས་པའི་དད་གུས་བྱས་པས། བླ་མ་སངས་རྒྱས་སུ་མཐོང་པའི་གུས་པའོ། །བླ་མས་གསུངས་པའི་ཆོས་རྣམས་ལ་ཡིད་ཆེས་པའི་དད་གུས་བརྟན་པོ་བརྙེད་པ་དེ་ལ། གཉིས་ཡིད་ཆེས་པའི་དད་པ་ཟེར་བ་ལགས། ་་་ To input

་་་ དཀོན་མཆོག་རིན་ཆེན་ཀྱིས་ས་ཕོ་བྱི་བའི་སྨིན་དྲུག་ཟླ་བའི་ཚེས་་་་ དྲུག་གི་ཉིན་་་་་་དུ་སྡེབས་པ་འདི་རེ་ཤིག་རྫོགས་སོ།
།འདི་གཞན་དགེ་བ་མ་ལུས་གཅིག་སྡོམས་ནས། དཔལ་ལྡན་བླ་མའི་ཐུགས་དགོངས་ཡོངས་རྫོགས་ཏེ། རྣམ་དཀར་འཕྲིན་ལས་འགྲོ་ལ་རྩོལ་བ་དང་། བདེ་བ་ཅན་དུ་དཔལ་ལྡན་བླ་མའི་དྲུང་། བདག་དང་འགྲོ་བ་མཁ་་་་་་་་་ཐམས་ཅད་ཀུ་་་་་། པད་པའི་སྟེང་དུ་རྫུས་ཏེ་སྐྱེས་གྱུར་གཅིག །དེར་སྐྱེས་ནས་ནི་སྨོན་ལམ་ཅི་བཏབ་པ། དེ་དག་སྐད་གཅིག་གཅིག་ལ་འགྲུབ་པ་དང་། སྤྲུལ་པ་མང་པོའི་འགྲོ་བའི་དོན་བྱེད་ཤོག
།དཔལ་ལྡན་བླ་མའི་ཐུགས་རྗེའི་བྱིན་བརླབ་དང་། །དཀོན་མཆོག་གསུམ་ཀྱི་བདེན་པའི་བྱིན་རླབས་དང་། །རྟེན་འབྲེལ་ཇི་ལྟར་དག་པའི་ནུས་པ་ཡིས། །སེམས་ཅན་ཡིད་ལ་ཅི་འདོད་འགྲུབ་པར་ཤོག། མཾགྷལཾ་བྷ་ཝནཏུ།